<a href="https://kyzylorda-news.kz/">Kyzylorda-news.kz.</a> 2024 жылы Арал ауданының тұрғындарына МРТ қызметтері қолжетімді болады. Уақтылы диагностика жасаудың арқасында аурулардың ерте сатысында анықталуы айтарлықтай өсті. Ауылда аурухана жағдайында консультациялық-диагностикалық қызметтер қалай көрсетіледі? Осы тақырыпқа Арал көпсалалы орталық аудандық ауруханасына тілшілердің баспасөз туры арналды.2022 жылдың қаңтар айынан бастап аудандық ауруханада компьютерлік томограф алғашқы науқастарды қабылдай бастады. Бұрын КТ тексеруден өту үшін ауыл тұрғындары облыс орталығына баруға мәжбүр болған. Жол жақын емес, 446 шақырым, көлікпен шамамен 6 сағат жүру.Бүгінгі таңда аудандық ауруханада КТ тексеруден 4 мыңға жуық адам өтті. Арал қаласының тұрғыны Злиха Шакиева шұғыл түрде түсті. 55 жастағы әйелдің миына тексеру жүргізілді.<blockquote>«Басым айналады, жүрегім айнып тұр. Артериялық гипертензия бойынша диспансерлік есепте тұрмын, қан қысым 180-ге дейін көтеріледі. Жұмыс істеймін, МӘМС-те мәртебім «сақтандырылған», компьютерлік томографиядан тегін өттім. Ауыр сырқаттар жоқ деп үміттенемін», - дейді Злиха Шакиева.</blockquote>Ауруханада КТ тәулік бойы жұмыс істейді. МӘМС жүйесінде сақтандырылмаған шұғыл пациенттер де диагностикалық қызметтерді алады, деп атап өтті аудандық аурухана мамандары. Уақтылы тексерудің арқасында мидағы, өкпедегі, сүйектердегі ісік ерте &nbsp;кезеңде анықталды.<blockquote>«Мысалы, науқаста ми қан айналымының жедел бұзылуы бар. Бұл ишемиялық немесе геморрагиялық инсульт екенін анықтау маңызды. Инсульт кезіндегі компьютерлік томография қан кетуді (геморрагиялық инсульт) инфаркттан ажыратуға және дер кезінде дұрыс емдеуді бастауға мүмкіндік береді, бұл зақымдануды шектеуге және асқынулардың дамуын болдырмауға мүмкіндік береді», - деп атап өтті Арал көпсалалы орталық аудандық ауруханасы бас дәрігерінің орынбасары Гүлмира Кемалова.</blockquote>Аурухананың тағы бір жаңа жабдығы - автоматты иммунохемилюминисцентті анализатор. Осы аппараттың көмегімен жүргізілген қанның иммунохимиялық талдауы жүректің, эндокриндік және басқа да әртүрлі ауруларын диагностикалаудың жоғары дәлдігін қамтамасыз етеді.<blockquote>«Бұл жабдықта онкомаркерлерге, гормондарға, жұқпалы ауруларға және т.б. қан талдауын жүргіземіз. Егер бұрын талдаулар жеке клиникаларға жіберілсе және нәтижелер 3-5 күннен кейін ғана түссе, енді 1 күн ішінде осы анализатор арқылы ауруларды анықтаймыз», - деді зертхана меңгерушісі Нұрбек Сұлтанов.</blockquote>2023 жылы ТМККК және МӘМС шеңберінде Арал көпсалалы орталық аудандық ауруханасына Әлеуметтік медициналық сақтандыру қорынан 6,5 млрд. теңгеден астам қаражат бөлінді.<figure class="image"><img src="https://knadmin.beoblood.kz/uploads/6_d20cc691af.jpg" alt="6.jpg"></figure>&nbsp;<figure class="image"><img src="https://knadmin.beoblood.kz/uploads/4_77c2eae856.jpg" alt="4.jpg"></figure>&nbsp;&nbsp;

Арал аудандық ауруханасында қатерлі ісіктер ерте кезеңде анықталады

<a href="https://kyzylorda-news.kz/">Kyzylorda-news.kz.</a> Қызылорда облысында үшем дүниеге келді.Қызылордалық 30 жастағы тұрғын Алтынай Байназарова перинаталдық орталықта үшемді дүниеге әкелді. Жүктіліктің 34-аптасында өмiрге келген нәрестелердің салмағы - 1 390, 2 090, 2 180 грамм. Олардың үшеуі де қыз бала. Ата-әжелері үшемге Әмина, Медина, Ясина деп ат қойды. Нәрестелер 1 ай бойы перинаталдық орталықтың нәрестелер жансақтау, нәрестелер патологиясы бөлімшесінде ем қабылдады. Қазіргі кезде анасымен бірге үйіне шығарылды.<blockquote>«Дәрігерлерге зор алғысымды білдіремін. Орталықта ана мен бала үшін қолайлы жағдай жасалған. Перзентхана заманауи жабдықтармен қамтамасыз етiлген» деді Алтынай Байназарова.&nbsp;</blockquote>

Қызылордада үшем дүниеге келді

<a href="https://kyzylorda-news.kz/">Kyzylorda-news.kz.</a>&nbsp; Бүгін Мәжілістегі Үкімет сағатында ҚР Денсаулық сақтау министрі Ажар Ғиният МӘМС жүйесіне қандай өзгерістер енгізу керектігін айтты, деп хабарлайды <a href="https://kaz.inform.kz/">ҚазАқпарат</a>.<blockquote>«Қазіргі кезде қаржы жүйесі актуарлық есептеулерге сәйкес өсіп келе жатқан шығыстарды еңсере алмағандықтан қор өз міндеттемелерін болашақта толық орындай алмайды деп болжап отыр. Жүйенің ұзақмерзімді қаржылық орнықтылығын қамтамасыз ету үшін келесі қажет шарттарды ескеру қажет. Біріншіден, 2025 жылдан бастап әр азамат міндетті салықтық декларациясын тапсырады. Сол арқылы сақтандырылмаған азаматтардың табысы белгілі болады және шамамен 700 мың адамды МӘМС жүйесіне енгізу ескерілген», - деді А. Ғиният.</blockquote>Оның айтуынша, сонымен қатар табысы төмен әрі ауылда тұратын шамамен 1,5 млн адам бюджеттік қаражат арқылы сақтандырылады.2026 жылға қарай бұл халықтың кемінде 95 пайызын қамтуға мүмкіндік береді.Мұнымен қоса, мемлекет пен жұмыс берушілердің жарналарының мөлшерлемелерін кезең-кезеңімен көтеру қарастырылған.<blockquote>«Бұдан басқа, сақтандырылмаған адамдарға денсаулық және осы салаға қатысты мемлекеттік қызметтерді алу кезінде шектеу енгізу ұсынылады. Мәселен, көлік жүргізу, қару-жарақ сақтау және басқа да бағыттарда осындай шектеулерді қарастырған жөн деп санаймыз», - деді министр.</blockquote>Оның сөзіне қарағанда, МӘМС жүйесіне қатысты бюджеттік қаржыландыруды кезең-кезеңімен ұлғайту пысықталып отыр.&nbsp;Осы шарттарды орындаған кезде қордың орнықтылығы сақталады.&nbsp;

МӘМС төлемейтіндерге көлік жүргізуге тыйым салынуы мүмкін

<a href="https://kyzylorda-news.kz/">Kyzylorda-news.kz.</a>&nbsp; Қазақстанда қызылша ауруы өршіп жатыр. Қызылша жұқтырғандардың көпшілігі - балалар. Сондай-ақ олардың 70%-ы екпе алмаған балалар екен. Балалардағы қызылша ауруының белгілері қандай және оның алдын алу үшін не істеу керек?&nbsp;Қызылша – жоғары дене температурасымен, катаральды белгілермен және бөртпемен жүретін жіті вирустық ауру. Ол асқынса, кішкентай науқастардың денсаулығы мен өміріне қауіп төндіретін ауыр жағдайларға әкелуі мүмкін. Қызылша вирусы адамнан адамға ауа-тамшылы жолмен жұғады. Ол мұрын, көз және тамақ шырыштысына түсіп, содан соң жұқпа қанға еніп, бүкіл ағза бойымен таралады.&nbsp;Қызылшаның белгілері басқа аурулардың белгілеріне ұқсас болуы мүмкін. Алайда оның өзіне тән де белгісі бар. Балалар дәрігері Кабделова Замира қызылша ауруының белгілері жайлы айтып берді.<blockquote>"Қызылша - құрамында РНҚ-сы (рибонуклеин қышқылы) бар қызылша вирусымен тудырылатын, ауа-тамшылы жолмен таралатын жоғары контагиозды жедел вирустық жұқпалы ауру. Қызылша дене температурасының 38-39°C-қа көтерілуімен, интоксикация, дақты-папулезді бөртпелердің сатылы шығуы, энантема, жарықтан қорқу, жоғары тыныс алу жолдарының зақымдалуымен сипатталады.&nbsp;Бізде қызылшаны ажырататын ең басты белгісі - ауыз қуысы сілекейлі қабығындағы Филатов Коплик дақтары. Егер біз ауыз қуысынан сол дақтарды байқасақ, бірден қызылша диагнозын қоямыз", - деді дәрігер.</blockquote>Қызылшамен ауырған жағдайда оның арнайы емі жоқ. Тек симптоматикалық ем жүргізіледі. &nbsp;Ал қызылша жұқтырудың алдын алу үшін оған қарсы вакцинаны уақытылы салдыру керек."Қызылшадан қорғанудың жалғыз тиімді жолы - "Ұлттық екпе күнтізбесіне" енгізілген вакцинация алу. Ол ауа-тамшылы жолмен жұғатын болғандықтан, контагиоздығы өте жоғары. Елімізде қызылшаға қарсы екпе балаға "Ұлттық екпе күнтізбесі" бойынша 1 жасында және ревакцинация 6 жасында салынады. Қызылшаға қарсы екпе комбинирленген құрамында эпидемиялық паротитке және қызамыққа қарсы салынады. Егер қызылшамен байланыс болған жағдайда қарым-қатынаста болғандарға 72 сағат ішінде вакцина салынуы тиіс.&nbsp;<blockquote>Қазіргі таңда вакцинадан бас тартатындар өте көп. Оларға қызылшамен ауырған жағдайда қандай асқынуы, салдары болатыны туралы түсіндіру шараларын жүргіземіз. Кей жағдайда үйлеріне барып, қызылша жайлы түсіндірме-брошюралар таратамыз. Бірақ, өкінішке қарай вакцина алмайтындар саны вакцина алатындарға қарағанда көп болып тұр", - деді Кабделова Замира.</blockquote>Педиатр маман қызылшаны асқындырып алса, қандай ауруларға әкелуі мүмкін екенін айтты.<blockquote>"ҚҚП екпесін алмаған, қызылшамен ауырып шыққан балалар 7 жыл ішінде склероздаушы панэнцефалитке шалдығуы мүмкін, яғни ол бірден көрініс бермейді. Қызылша сондай-ақ мынадай асқынуларымен қауіпті: миокардит, энцефалит, пневмония, соқырлық және есту қабілетінің жоғалуы. Ауыр жағдайларда тіпті, мүгедектікке және өлімге әкелуі мүмкін", - деп ескертті дәрігер.</blockquote>&nbsp;Ақпарат дереккөзі: <a href="https://massaget.kz/layfstayl/91890/">Massaget.kz&nbsp;</a>

Балалардағы қызылша ауруының белгілері қандай?

<a href="https://kyzylorda-news.kz/">Kyzylorda-news.kz.</a>&nbsp; Короновирустың жаңа "Эрис" штамы Қазақстанға да жетті. Бұл туралы денсаулық сақтау министрі Ажар Ғиният айтқан болатын. "Эрис" штамының ерекшелігі мен негізгі белгілері қандай?Бұл "омикронның" кезекті ұрпағы. Оның алғашқы үлгілерін ғалымдар 2023 жылдың ақпан айында анықтады, ал қазіргі таңда ол әлемнің 50-ден аса елінде тіркелді, оның ішінде Қазақстан да бар. Короновирустың бұл штамы әсіресе Үндістан мен Ұлыбританияда белсенді.Ол өте жылдам жұғады. "Эристің" белгілері вирустық респираторлық жұқпалардікіне ұқсайды. Оған мыналар жатады:Жалпы әлсіздік; Тамақтың ауыруы; Мұрынның бітелуі; Түшкіру; Құрғақ жөтел; Кеуде тұсының қысып ауыруы; Бас ауыруы; Бұлшықеттердің ауыруы; Қалтырау. Ал COVID-19-ға тән демікпе, иіс сезбеу және қалтырау белгілері қазір бұрынғыдан сирек кездеседі.Ал дәрігер Йоханнес Уйстің айтуынша, "Эристің" тұмаудан бірнеше ерекшелігі бар.Біріншіден, аурудың қалай дамитынына мән беру керек. ЖРВИ немесе тұмау әдетте бірден білінеді. Мысалы, қазір өзіңізді жақсы сезініп тұрсыз, ал кешке мұрныңыздан су ағып, жөтел басталып, температураңыз көтеріледі. Ал ковидпен жағдай басқаша: ауру бірден емес, баяу дамиды.Екіншіден, ауыру ұзақтығын ескеру қажет. Әдетте, тұмаудың белгілері бір аптаға ғана созылады. Коронавирус ең аз дегенде екі апта мазалайды. Кей адамдар 1-2 айлап ауыруы мүмкін.Ақпарат дереккөзі: <a href="https://massaget.kz/">massaget.kz</a>

"Эрис" штамы Қазақстанда да анықталды: оның негізгі белгілері қандай? 

<a href="https://kyzylorda-news.kz/">Kyzylorda-news.kz.</a> Ауылдық елді мекендерде міндетті әлеуметтік медициналық сақтандыру жүйесінен тыс қалып отырған азаматтардың басым бөлігі маусымдық қызметкерлер. Жалағаш ауданының тұрғындарымен кездесуде МӘМС жүйесінде өзектендіру жолдары талқыланды.Аудан тұрғындарымен кездесуде Әлеуметтік медициналық сақтандыру қоры филиалының, облыстық денсаулық сақтау басқармасының мамандары медициналық сақтандыру жүйесінің негізгі қағидаттарын түсіндірді.Қордың облыстық филиалының директоры Бақыт Исмаханбетовтың айтуынша, Жалағаш ауданында МӘМС жүйесінде 5 мыңнан астам адам сақтандырылмаған. Бұл негізінен жұмысшылар, сондай-ақ 12 ай бойы төлемдері жоқ жұмысшылар («МӘМС туралы» Заңның 3-тармағының 5-бабы).<blockquote>«Кент, ауылдық округ әкімдері, салық органының қызметкерлері түсіндіру жұмыстарын күшейтіп, МӘМС жүйесіне тұрақты төлемдердің орындалуын мұқият қадағалалауы қажет. Сақтандырылмаған азаматтардың арасында көшіп кеткендерді, қайтыс болғандарды және т. б. анықтау керек», - деп атап өтті Бақыт Исмаханбетов.</blockquote>Сонымен қатар, ауыл тұрғындары сақтандыру мәртебесін жоғалтпау үшін маусымдық жұмысшыларға табысы жоқ кезеңде жеңілдіктер енгізу туралы ұсыныс берді. Сондай-ақ, жұмыспен қамту орталықтарында МӘМС-ке дербес төлеушілер ретінде төлеген жұмыссыз азаматтарды тіркеуге алмайтыны туралы да мәселе көтерілді.Барлық сұрақтар назарға алынды. Мұндай кездесулерді облыстың басқа аудандарында да өткізу жоспарлануда.

МӘМС: Жалағашта 5 мыңнан астам адам сақтандырылмаған

<a href="https://kyzylorda-news.kz/">Kyzylorda-news.kz.</a> БЖТ бастапқыда уақытша төлем ретінде 5 айға – 2019 жылдың 1 қаңтарынан 2024 жылдың 1 қаңтарына дейін енгізілді. Келесі жылдан бастап бұл төлем түрі болмайды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.2024 жылы сақтандырылған мәртебесін жоғалтпау үшін, азаматтар жеке кәсіпкер ретінде тіркеліп, 1,4 ең төменгі жалақы мөлшерінің 5% төлей алады немесе жарналарды өз бетінше төлей алады - 1 ЕТЖ-дан 5%.<blockquote>«Бірыңғай жиынтық төлемнің негізгі мақсаты – өзін-өзі жұмыспен қамтыған азаматтарды міндетті әлеуметтік медициналық сақтандыру, әлеуметтік сақтандыру және зейнетақымен қамсыздандыру жүйелеріне тарту. Сондықтан бұл төлемдері төмен жеңілдік кезеңі болды. Қазір жеке тұлғалардың табысын декларациялау кезең-кезеңімен енгізілу үстінде. Бұрын кәсібін тіркемеген азаматтар кәсіпкер ретінде тіркелуі керек», - деп түсіндірді Бақыт Исмаханбетов.</blockquote>&nbsp;

 МӘМС: Келесі жылы бірыңғай жинақ төлем болмайды

<a href="https://massaget.kz/layfstayl/Zdorove/49130/">ФОТО</a><a href="https://kyzylorda-news.kz/">Kyzylorda-news.kz.</a> Бүгін – Дүниежүзілік жүрек күні. Әлемде жыл сайын 18 миллионнан аса адам жүрек-қан тамыр ауруларынан көз жұмады. Мұндай статистиканы Кардиология және ішкі аурулар ғылыми-зерттеу институтының кардиологы Ботагөз Қыстауова келтірді.Кардиология және ішкі аурулар ғылыми-зерттеу институтының консультациялық-диагностикалық орталығының кардиологы, жоғары санатты дәрігер, медицина ғылымдарының кандидаты Ботагөз Қыстауованың айтуынша, биыл дүниежүзілік жүрек күнінің ұраны «Жүрек – өмір сүруге арналған».Бұл күнді өткізудің мақсаты – қоғамның назарын денсаулықты сақтау мәселелеріне аудару, жүрек-қан тамырлары ауруларының алдын алудың маңыздылығын атап өту.<blockquote>«Жыл сайын әлемде 18 миллионнан астам адам жүрек-қан тамырлары ауруларынан қайтыс болады. Ағзалардың, организм жүйелерінің жағдайы және адамның өмір сүру ұзақтығы жүректің және бүкіл жүрек-қантамырлары жүйесінің дұрыс жұмыс істеуіне байланысты. Жүрек-қан тамырлары ауруларының алдын алу денсаулық пен ұзақ өмір сүруді қамтамасыз етуде шешуші рөл атқарады», - дейді дәрігер.</blockquote>Кардиологтың айтуынша, жүрек ауруымен қазір балалар мен жастар да жиі ауыратын болған.<blockquote>«Диспансерлік аурулардың электрондық регистрі» ақпараттық жүесінің мәліметтеріне жүгінсек, елімізде қан айналымы жүйесінің аурулары бойынша – 1 760 744 пациент диспансерлік есепке алынған, оның 5914-і бала. Ал, артериальдық гипертонияға 1 628 155 адам шалдыққан. Оның 817 -і бала»,- дейді ол.</blockquote>Маманның сөзінше, адамдардың жүрек ауруына шалдығуына бірнеше фактор әсер етеді. Ең біріншісі – өмір салтының өзгеруі. Сосын физикалық қозғалыстың азаюы, зиянды тамақтану, қант пен тұзды шектен тыс қолдану көп әсер етеді.<blockquote>«Сондықтан, май, тұз және қантты шектейтін теңдестірілген рационды ұстану керек. Көкөніс, жеміс-жидек және құрамында магний бар тағамдарды көбірек тұтынған абзал. Тұрақты жаттығулар жүрек пен қан тамырларын нығайтады. Қалыпты салмақты сақтаған жөн. Темекі шегуден және алкогольді ішімдік ішуден бас тарту керек – темекі шегу және шамадан тыс ішімдік ішу жүрек пен қан тамырлары ауруларының қаупін арттырады»,- дейді дәрігер.ҚазАқпарат</blockquote>

Әлемде жыл сайын 18 миллион адам жүрек-қан тамырлары ауруларынан көз жұмады

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында МӘМС жүйесінде сақтандырылмаған азаматтар саны артты. Әлеуметтік медициналық сақтандыру қорының облыстық филиалы мен денсаулық сақтау басқармасының мамандары аудан тұрғындарымен кездесулері барысында әлеуметтік медициналық сақтандырудың мүмкіндіктері талқыланды.<blockquote>«Көшпелі жиындар Тереңөзек ауылында, Ақжарма, Нағи Ілиясов ауылдық округтерінде өтті. Ауданда 35 мыңға жуық адам тұрады, оның 5051-і (14,6%) міндетті әлеуметтік медициналық сақтандыру жүйесінде сақтандырылмаған. Тамыз айында тағы 82 адам жүйеден тыс қалды. Бұл өңірде ауыл тұрғындарын медициналық сақтандыруға тарту бойынша жұмыстың талапқа сай жүргізілмегенін көрсетеді.Әкімдіктермен, мемлекеттік кірістер, жұмыспен қамтуды үйлестіру және әлеуметтік бағдарламалар департаменттерімен бірлесе отырып, ақпараттық жүйелердің интеграция жасау және оларға азаматтардың жеңілдікті санаттарын уақтылы енгізуді қадағалау қажет. МӘМС жүйесінде сақтандырылмаған заңды тұлғаларға берешекті мәжбүрлеп өндіріп алу шараларын қолдану қажет», - деп атап өтті Бақыт Исмаханбетов.</blockquote>Кездесуде ауыл тұрғындары бірқатар сұрақтармен жүгінді. Егер МӘМС-да сақтандырылған отбасы мүшелерінің бірі медициналық көмекке жүгінбесе, оның қаражатымен пайдалануға бола ма? МӘМС жүйесінде әрбір адам өзі үшін жеке төлейтіні және бүл жүйе жинақтаушы емес екені атап өтілді. Қағидалардың бірі - дені сау адам науқас үшін төлейді, яғни МӘМС жүйесіндегі сақтандырылғандардың арасында жеңілдікті санаттағы азаматтар (балалар, жүкті әйелдер, зейнеткерлер, мүгедектер және т.б.) бар.Тағы бір сұрақ: МӘМС есебінен гормондарға сынама тапсыруға бола ма? Иә, МӘМС жүйесінде сақтандырылған пациенттерге кеңейтілген жоспарлы медициналық қызметтер қолжетімді, бұл талдаулар мен тексерулерге қалта шығындарын айтарлықтай азайтуға мүмкіндік береді. Егер медициналық көрсеткіштер мен тиісті тар буынды маманның қорытындысы болса, жолдама алуға құқығыңыз бар. Тізімде ең көп таралған 20 гормон бар, оларды тексеру МӘМС арқылы қамтылады.Сөз соңында Бақыт Исмаханбетов сақтандыру мәртебесін Қордың fms.kz ресми сайтында, Egov.kz электронды үкімет порталында, сондай-ақ Qoldau 24/7 мобильді қосымшасында, Telegram желісіндегі @SaqtandyrýBot арқылы тексеруге болатынын еске салды.&nbsp;Қызылорда облысында емуханаларға тіркелген 822 521 халықтың 695 127-сі (84,5%) сақтандырылған, ал қалған 127 394-і МӘМС жүйесінен тыс қалған. Сақтандырылмаған азаматтардың үлесі өңірде тіркелген тұрғындардың жалпы санының 15,5% құрады.<figure class="image"><img src="https://knadmin.beoblood.kz/uploads/OSMS_5e825d1c0b.jpeg" alt="ОСМС.jpeg"></figure>&nbsp;

Сырдария ауданының 5 мыңнан астам тұрғыны МӘМС жүйесінде сақтандырылмаған

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен денсаулық сақтау саласының өзекті мәселелері талқыланған арнайы мәжілістен соң өңіріміздегі медициналық мекемелерде кадрлық өзгерістер, бас дәрігерлер арасында ауыс-түйіс жоспарлануда.Нұрлыбек Машбекұлы облыстық денсау басқармасының басшысы Олжас Искаковқа ұзақ жылдар бойы бір орында отырған бас дәрігерлердің қызметтегі тиімділігін бағалау қажеттігін ескертті.<blockquote>«Олжас Ермекұлы, сіз осы қызметке келген кезде бірінші берген тапсырмаларымның бірі бес жылдан аса бір орында отырған бас дәрігерлердің орнын ауыстыру, салаға жұмысының тамырына қан жүгірту еді. Бұл тәжірибе білім беру саласында жүргізіліп, оң нәтижесін беруде. Ал, денсаулық сақтау саласында бір мекемеге 20 жылға дейін басшылық жасағандар бар. Бұл жағдай ұжымның ішкі ахуалына, медициналық қызмет сапасының және көрсеткіштердің төмендеуіне әсер етеді. Саланың жұмысын жүйелендіру қажет. Тәжірибесі бар, білікті мамандарды жұмысын жандандыруды қажет ететін мекемелерге жіберу керек. Тұралап қалған емдеу мекемелерінің жұмысын жүйелеуге атсалыссын», – деді аймақ басшысы.</blockquote>Облыстық &nbsp;денсаулық &nbsp;сақтау &nbsp;басқармасы &nbsp;басшысының &nbsp;бұйрығымен, &nbsp;қазан айынан бастап, конкурстық &nbsp;рәсім &nbsp;аяқталғанға &nbsp;дейін:– Көпбейінді облыстық ауруханасы бас дәрігерінің міндетін атқару Жасұлан Болатбекұлы Баймахановқа;– Көпбейінді Қызылорда қалалық ауруханасы бас дәрігерінің &nbsp;міндетін атқару &nbsp;Нұриддин Егембердіұлы Амитовке;– Облыстық фтизиопульмонология орталығы бас дәрігерінің міндетін атқару &nbsp; Нұрлан Әмірге;– Облыстық жедел жәрдем стансасы бас дәрігерінің міндетін атқару Бауыржан Төлегенге;– Қызылорда &nbsp;қалалық &nbsp;№4 емханасы бас дәрігерінің міндетін атқару &nbsp; Алмат Дәденұлы Құрманғалиға;– Шиелі &nbsp;аудандық көпбейінді &nbsp;орталық &nbsp; ауруханасы &nbsp;бас дәрігерінің міндетін атқару Алмас Әбдіғаппарұлы Әбілпаттаға; – Облыстық оңалту орталығы бас дәрігерінің міндетін атқару Темірбек Садықбекұлы Үсеновке;– Облыстық паталого-анатомиялық бюросы бас дәрігерінің міндетін атқару Елдос Ерболатұлына жүктелді. &nbsp;

Медициналық мекемелерде ротация жүргізілмек

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен денсаулық сақтау саласының өзекті мәселелері талқыланған арнайы мәжіліс өтті. Жиынға Қазақстан Республикасы Денсаулық сақтау министрлігі аумақтық департаменттерінің басшылары, облыстық денсаулық сақтау басқармасының қызметкерлері, медицина ұйымдарының бас дәрігерлері және сала ардагерлері қатысты.Аймақ басшысы өңірдің медицина саласындағы оң көрсеткіштерді де, кемшіліктерді де атап көрсетті.<blockquote>«Өздеріңізге белгілі, былтыр дүниежүзін дүр сілкіндірген пандемиядан кейін медицина ұйымдары қалыпты жұмыс ырғағына көшті. Жүргізіліп жатқан жүйелі жұмыстың нәтижесі, денсаулық сақтау саласындағы көрсеткіштердің оң динамикасы байқалады. Жалпы өлім-жітім көрсеткіші өткен жылмен салыстырғанда 8%-ға, ана өлімі 47,7, сәби өлімі 37,7, туберкулезден аурушаңдық көрсеткіші 7, өлім-жітім көрсеткіші 14,2%-ға төмендеген.Дегенмен, жүрек-қантамыр ауруларынан болатын өлім-жітім көрсеткіші өткен жылдың осы кезеңімен салыстырғанда 6,3%-ға, қатерлі ісіктерден болатын аурушаңдық көрсеткіші 7,6, қатерлі ісіктерден болатын өлім-жітім 14,1%-ға өскен. Әлеуметтік желілерде денсаулық сақтау саласына қатысты шағымдар шамадан тыс көп екенін атап өткім келеді. Менің жеке қабылдауыма келген азаматтар да денсаулық сақтау ұйымдары басшыларына, медицина қызметкерлеріне қатысты шағым айтады. Бұл дертіне шипа сұрап барған тұрғындардың жағдайына немқұрайлы қараудан, кейбір жағдайларда қолда бар мүмкіншіліктерді пайдаланбай, салғырттық танытудан туындауда», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/378369782_616607333993848_4664033446732254329_n_51c209eb2d.jpg" alt="378369782_616607333993848_4664033446732254329_n.jpg"></figure>Аймақ басшысы кейбір ұйымдардың өз мүмкіндігі бола тұра, медициналық қызмет түрлерін басқа бірлескен орындаушыларға (соисполнитель) негізсіз жолдағанын қатаң сынға алды. Бұл онсыз да қаржылық қиын жағдайдағы ұйымдардың кредиторлық қарызын одан сайын арттырады.Мониторинг кезінде анықталғандай, №3 қалалық емхана өзінде УЗИ дәрігері, УЗИ аппараты бола тұра зерттеулердің 20%-ын, лаборант қызметкерлері бола тұра лабораториялық қызметтің 46%-ын бірлескен орындаушыларға жолдаған.Бұдан кейін халыққа көрсетілетін медициналық көмек сапасы мен қолжетімділігі туралы қандай сөз айтуға болады?Облыс әкімі басқарма басшысына өз мүмкіншілігін пайдаланбай, жеке медицина ұйымдарына жіберу деректеріне мониторингті әрі қарай жалғастыруды, анықталған жағдайларды құзырлы органдар тексеруіне беруді тапсырды.Жалпы соңғы кезде Әлеуметтік медициналық сақтандыру қорының жұмысына көп сын айтылуда. Жыл сайын мемлекеттік тапсырыс алатын жеке ұйымдардың саны көбеюде, бұл бөлінген қаржының ұсақталуына алып келеді.Бұдан бөлек, өңірлер арасында салыстырмалы түрде алғанда Қызылорда облысында «Әлеуметтік медициналық сақтандыру қоры» КЕАҚ Қызылорда облыстық филиалы жүргізетін мониторинг нәтижесімен қысқартылатын қаражат көлемі де көп. Мәселен өткен жылмен салыстырғанда республикалық көрсеткіш 22,9 пайызға азайған болса, біздің облыста керісінше 31,8 пайызға артқан. Жеке медициналық ұйымдардың қызмет сапасы мен санитарлық талаптарға сәйкестігі санитарлық-эпидемиологиялық, медициналық және фармацевтикалық бақылау департаменттері тарапынан қадағаланбайды. Қалада тұрғын үйге арналып салынған коттедждерді жеке медицина ұйым етіп ашып алғандар көбейді. Ғимараттардың санитарлық нормаға сәйкестігіне, лицензия берудегі заңдылықтардың сақталуына қатысты да сұрақтар жетерлік.Облыстық денсаулық сақтау басқармасының басшысы Олжас Искаков 2022 жылы және 2023 жылдың 8 айында атқарған жұмыстары және алдағы міндеттері туралы баяндама жасады. ҚР Адам құқықтары жөніндегі уәкілдің Қызылорда облысы бойынша өкілі Даурен Шарипбаев денсаулық сақтау басқармасына қарасты мекемелерде анықталған кемшіліктерді айтып өтті.Жиында алғашқы медициналық-санитариялық көмек саласын жаңғырту, тегін медициналық көмектің кепілдік берілген көлемі және міндетті әлеуметтік-медициналық сақтандыру жүйесін жетілдіру мәселелері қаралды. Денсаулық сақтау мекемелеріндегі кадрлық және қаржылық мәселелер, «Ауылдық денсаулық сақтауды жаңғырту» ұлттық жобасы аясында ауруханалар мен медициналық бекеттердің құрылысын салудағы түйіткілдер де назардан тыс қалмады.Мәжіліс соңында облыстық мәслихат төрағасы Наурызбай Байқадамов, Денсаулық сақтау ісінің үздігі, сала ардагері Асылбек Тоғызбаев сөз сөйлеп, аталған мәселелер бойынша пікірін бөлісті.Жиын қорытындысымен облыс әкімі жауапты басшыларға ҚР Үкіметі анықтаған негізгі бағыттарға, мемлекеттік бағдарламалар мен ұлттық жобалардың негізгі көрсеткіштеріне қол жеткізудегі жұмысты жандандыруды, қаржыны тиімді пайдалануды, ресурстарды үнемдеуді тапсырды. Мұнан бөлек, аурудың алдын алу және салауатты өмір салтын қалыптастыруды кең көлемде насихаттау жұмыстарын үйлестіру, медицина ұйымдарында енгізілген Байқау кеңестерінің, корпоративті басқару жүйесінің жұмысын ашық, нәтижелі жүргізу және кадрлар біліктілігін үздіксіз жетілдіру, креативті, білікті жастар резервін даярлау бойынша міндет қойылды.<figure class="image"><img src="https://knadmin.beoblood.kz/uploads/378380961_616607163993865_5966404958028692104_n_a90e4e3e7a.jpg" alt="378380961_616607163993865_5966404958028692104_n.jpg"></figure>&nbsp;<figure class="image"><img src="https://knadmin.beoblood.kz/uploads/382998939_616607070660541_3022281216039193270_n_e1de56bcf6.jpg" alt="382998939_616607070660541_3022281216039193270_n.jpg"></figure>&nbsp;<figure class="image"><img src="https://knadmin.beoblood.kz/uploads/384196118_616606937327221_3191302318705339884_n_b510090a65.jpg" alt="384196118_616606937327221_3191302318705339884_n.jpg"></figure>&nbsp;&nbsp;

Денсаулық сақтау саласының өзекті мәселелері қаралды

<a href="https://kyzylorda-news.kz/">Kyzylorda-news.kz.</a> «Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсететін денсаулық сақтау субъектілерінің есепке алуды жүргізу&nbsp;қағидаларын бекіту туралы» ҚР Денсаулық сақтау министрінің 2020 жылғы 6 қарашадағы №ҚР ДСМ-186/2020 бұйрығына бірқатар <a href="https://adilet.zan.kz/kaz/docs/V2300033307">өзгерістер</a> енгізілді.Мақсаты - медициналық көмектің қолжетімділігін арттыру, медициналық көмектің нарығын дамыту&nbsp;және медициналық&nbsp;қызметтердіжеткізушілерді&nbsp;бәсекелестікке ынталандыру. Бұл туралы&nbsp;аймақтың медициналық ұйымдарымен zoom-конференция барысында&nbsp;Әлеуметтік медициналық сақтандыру қорының (бұдан әрі – Қор) Қызылорда облысы бойынша филиалының директоры Бақыт Исмаханбетов&nbsp;хабарлады.Бақыт Торғайбайұлы елімізде медициналық қызметтердің сапасын арттыруға, медициналық ұйымдардың қызметін бағалауға, пациенттердің сенім деңгейін арттыруға бағытталған реформалар белсенді түрде енгізіліп жатқанын атап өтті. Денсаулық сақтау жүйесінде жаңа бағыттарды іске асыру медициналық ұйымдардың өз жұмысын жақсартуға дайындығына және бәсекеге қабілеттілігіне байланысты.Денсаулық сақтау субъектілерін есепке алуды жүргізу қағидаларындағы негізгі өзгерістер туралы Қор филиалының медициналық көмекті сатып алу және ақы төлеу бөлімінің басшысы Асқар Рахышов хабарлады.Спикердің айтуынша, денсаулық сақтау субъектісі Денсаулық сақтау субъектілерінен көрсетілетін қызметтерді сатып алу веб-порталында өтінім берген кезде әлеуметтік медициналық сақтандыру қоры үш жұмыс күні ішінде медициналық қызметке лицензиясы болған, банкроттық немесе тарату рәсіміне қатысы жоқ және Қызметті тоқтата тұруға байланысты шектеулер болмаған кезде немесе қызметтерді сатып алу шарты болған жағдайда денсаулық сақтау субъектісін өнім берушілер тізіліміне қосады.Бұдан әрі Асқар Рахышов денсаулық сақтау басқармасы бұйрыққа сәйкес жыл сайын ағымдағы жылдың 1 қазанына дейін Денсаулық сақтау субъектілерінің ТМККК шеңберінде және (немесе) МӘМС жүйесінде стационарлық және (немесе) стационарды алмастыратын жағдайларда төсек бейіндері бөлінісінде төсек қорын анықтау туралы бұйрық шығаратынын атап өтті. Осы бұйрық Қорға және «С.Қайырбекова атындағы денсаулық сақтауды дамытудың Ұлттық ғылыми орталығы» ШЖҚ РМК филиалдарына жіберіледі және Қор мен денсаулық сақтау басқармасының интернет-ресурстарына орналастырылады.Бұдан басқа, денсаулық сақтау басқармасы жыл сайын 1-15 қазан аралығында деректер базасына енгізілген денсаулық сақтау субъектілері бойынша мониторингті жүзеге асырады.Қызылорда облысында 200-ге жуық медициналық ұйым медициналық қызмет көрсетеді. Әлеуметтік медициналық сақтандыру қорының филиалымен 112 медициналық ұйым шарт жасасты, оның 81 – і (72,3%) - жеке.&nbsp;

Қазақстан және Қызылорда облысының жаңалықтары: Денсаулық