<a href="https://www.ferra.ru/news/techlife/paracetamol-sdelal-lyudei-riskovannee-10-09-2020.htm">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қазір Қазақстанның кез келген дәріханасынан "парацетамолды" оңай табуға болады. Басқа дәрі-дәрмектер сияқты бұл дәрінің де ағзаға жанама әсері бар. Дәрігер Дебора Лидің айтуынша, парацетамолды қабылдайтын кейбір адамдардың ішек жұмысында өзгеріс болуы мүмкін, - деп хабарлайды Massaget.kz.Диарея және іш қатуМаман мәліметінше, танымал дәрінің жанама әсері болып саналатын диарея мен іш қату препаратты қолданушылардың 1-10 пайызында кездеседі.&nbsp;<blockquote>"Сонымен қатар, пайдаланушылар іштің ауруы, жүрек айнуы, құсу және асқазанның бүруіне шағымданады", - деді дәрігер.</blockquote>Бір қуантарлығы, рұқсат етілген доза сақталған жағдайда, парацетамол жанама әсерді сирек тудырады. Білмеген болсаңыз, стандартты порция 24 сағат ішінде 500 мг парацетамолдың 1 немесе 2 таблеткасын ішуге болады.Дәрігер аурудың бетін тезірек қайтару үшін бірнеше таблетканы бірден ішу өте қауіпті, деп ескертті.<blockquote>"Бірнеше артық таблетка тіпті өлімге әкелуі мүмкін", - дейді Дебора Ли.</blockquote>Егер сіз дәріні тым көп қабылдасаңыз, сізде бауыр жеткіліксіздігі пайда болуы мүмкін, ал бұл дәретханада сезілетін мәселеге алып келеді.Балшық түсті нәжісДәрігер парацетамолдың артық дозасы теріні және көздің ағын сарғайтуы мүмкін екенін түсіндірді. Оған қоса, ол түсі балшыққа ұқсайтын ашық, сұр не ақ болып көрінетін нәжіске де әсер етеді. Дәрігер мұндай белгілер әдетте парацетамолдың дозасы артық қабылданғаннан кейін бірнеше күн ішінде пайда болатынын айтты.Қара түсті нәжісЕкінші, парацетамолға қатысты тағы бір мәселе - мелена.<blockquote>"Мелена - сирек болса да, парацетамолды үнемі қолданатындарда байқалатын қара, шайырлы нәжіс.&nbsp;Нәжіске асқазан-ішек жолдарының жоғарғы бөлігінде (әдетте өңеш немесе асқазанда) пайда болатын қан араласады, қызыл қан ішек арқылы өткенде өзіне тән қара түске өзгеретіндіктен, нәжіс қара болып көрінеді", - деді маман.</blockquote>Дәрігер егер танымал ауырсынуды басатын дәрі қабылдаған кезде ішектің жұмысындағы өзгерістерді байқасаңыз, оны қабылдауды тоқтатуыңыз керек, деп кеңес берді.<blockquote>"Егер нәжістің түсі қара болса немесе қызыл қанды көрсеңіз, бұл туралы дереу дәрігерге хабарлаңыз. Себебі мелена шұғыл медициналық көмекті қажет етеді", - деп ұсынды ол.</blockquote>Айта кетейік, бұған дейін дәретханада байқалатын өлімге әкелуі мүмкін қатерлі ісіктің 3 белгісі туралы хабарланған еді.&nbsp;&nbsp;&nbsp;

Дәрігер парацетамолдың қаупі туралы ескертті  

Kyzylorda-news.kz. Нашақорлыққа және есірткі бизнесіне қарсы күрестің 2023-2025 жылдарға арналған Кешенді жоспарын іске асыру мақсатында Қызылорда облысы ПД ЕҚҚІҚБ, Қызылорда облысының білім басқармасымен бірлесіп, "Есірткісіз әлем ғажайып...» тақырыбында &nbsp;граффити &nbsp;байқауын ұйымдастырды.Байқауға жалпы білім беретін оқу орындарының оқушылары қатысты. Байқаудың негізгі міндеті - қандай да бір арнайы қаражатсыз жастар мен жасөспірімдерді позитив іздеуге бағыттау және кәмелетке толмағандар арасындағы нашақорлық проблемаларын түсіндіру, осындай тәрізді іс-шараларға белсенді тарту мен қатысушылардың ақпаратты қолжетімді ұсыну жолымен жеке пікірлерін баяндау мүмкіндігін анықтау болды.Байқаудың бірінші кезеңі аймақтарда өтті, екінші облыстық кезеңге 12-18 жас аралығындағы 48 жұп сайыскер қатысты, олар өздерінің граффитиінде нашақорлық проблемасына көзқарасын білдірді.Қатысушылар граффити суреттерін қабырғаға емес, импровизацияланған материалдарға: қағазға, матаға, кенепке, баннерлерге және тіпті картонға салды. Қатысушыларды орындау техникасы, жұмыстың сапасы мен тазалығы, сурет салу идеясы, суретті жалпы қабылдау бойынша бағалады. Сайыстық комиссияның шешіміне сәйкес 24 сайыскер жұп ынталық үшін алғыс хат иеленсе, 24 жұп жеңімпаз деп танылып, олар сыйлық пен дипломдар алады. "Үздік граффити" номинациясына және 1 орын иегеріболып бірнеше жұп аталды, олар: Сансызбаева Самал мен Абдилхамит Сафиянұр - Шиелі ауданы №49 орта мектеп, Бейбутова Дана мен Бесемби Адэля - Қызылорда қаласы N211 орта мектеп, Серік Асылжан, Бектасқызы Жансая мен &nbsp;Нұрлыбек Дамир, Нұрлыбек Аяулым - Жалағаш ауданы №№201 мектеп-лицей мен N246 орта мектеп, Көбеген Нұрай, Жиенеев Дәулет - Арал ауданы N73 орта мектеп, Мұхан Ақгүл мен Орақов Абай - Қармақшы ауданы №279 мектеп-лицей өқушылары.

"Есірткісіз әлем ғажайып...» тақырыбында  граффити  байқауы өтті

<a href="https://kyzylorda-news.kz/">Kyzylorda-news.kz.</a> «Байқоңыр» кешенінде қызылша ауруына байланысты эпидемиологиялық жағдай нашарлады. Бұл туралы Байқоңыр қаласы әкімшілігінің баспасөз қызметі хабарлады.<blockquote>«Қазақстанда жыл басынан бері тіркелген қызылша ауруының саны 7 мыңнан асты. Қазақстан Республикасында қызылша бойынша қалыптасқан эпидемиологиялық жағдай (жақын маңдағы кенттерді қоса алғанда) «Байқоңыр» кешенінде де нашарлаған. Қаланың ведомствоаралық санитарлық-эпидемияға қарсы комиссиясының мүшелері қызылшаға қарсы вакцинация жұмыстарын күшейту туралы шешім қабылдады», - делінген хабарламада.</blockquote>Ғарыш айлағы мен аттас қаланы қамтитын Байқоңыр кешені Ресейге 20 жылға жалға берілді. «Байқоңыр» кешенін жалға алу кезеңінде елді мекен федералды маңызы бар қалаға сәйкес мәртебеге ие, объектілердің, кәсіпорындар мен ұйымдардың, сондай-ақ азаматтардың қауіпсіз жұмыс істеуінің ерекше режимі бар.

Байқоңыр кешенінде қызылша жұқтырғандар көбейді

<a href="https://kyzylorda-news.kz/">Kyzylorda-news.kz.</a> 15 қыркүйекте алғашқы медициналық-санитарлық көмек ұйымдарына еркін тіркелу бойынша жыл сайынғы науқан басталды. Ағымдағы жылдың 15 қарашасына дейін сақтандырылған азаматтар Әлеуметтік медициналық сақтандыру қорының жеткізушілері ішінен емхананы таңдай алады. Шетел азаматтарына қалай тіркелуге болады? Осы және басқа да сұрақтармен біз Қордың Қызылорда облысы бойынша филиалының директоры Бақыт Исмаханбетовке жүгіндік.Спикердің ақпараты бойынша, еңбек заңнамасы және Халық денсаулығы мен денсаулық сақтау жүйесі туралы кодекске енгізілген өзгерістерге байланысты емханаларға тіркелу ережелері мен иммигранттарға медициналық көмек көрсету ережелері өзгерді. Бұйрықтарға енгізілген өзгерістер тек ЕАЭО-ға мүше елдердің (РФ, Беларусь, Қырғызстан, Армения) бірінің азаматтығы бар, ҚР-да уақытша тұратын шетелдіктерге – еңбек мигранттарына және олардың отбасы мүшелеріне (балалары мен жұбайларына) қатысты. Жаңа қағидаларға сәйкес, бұл шетелдіктер емханаға ерікті медициналық шарт (ЕМС) немесе алғашқы медициналық-санитариялық және шұғыл стационарлық көмекке жүктелген медициналық сақтандыру шарты (ЖМС) негізінде тіркеледі. Кейін шарт жасасқан мерзімі өткен жағдайда медициналық ұйымнан автоматты түрде шығарылады.Қор филиалының директоры түсіндіргендей, емханаға тіркелу үшін оның басшысының атына қазақ немесе орыс тілінде еркін түрде өтініш жазу қажет. Өтінішпен бірге жеке басын куәландыратын құжатты (немесе шетелдік паспортты), ЕМС немесе ЖМС шартын тапсырады. Олардың заңды өкілі өтініш берсе, отбасы мүшелерінің келісімі қоса берілуі керек. &nbsp;Өтініш беруші медициналық ұйымға өзі жүгіне алады немесе оны сақтандыру компаниясы жасайды. Тіркелуге болатын емханалардың тізімі шарттың қосымшасында (ЕМС немесе ЖМС) көрсетілуі тиіс.Айта кету керек, әлеуметтік медициналық сақтандыру қорымен шартқа отырған алғашқы медициналық-санитариялық көмек көрсететін медициналық ұйымдарға тіркелуге болады.ЕАЭО шартында шетелдіктердің денсаулық сақтау саласындағы құқығы ғана емес, міндеттері де жазылған. Олардың қатарына ауруларды ерте анықтау үшін профилактикалық скринингтерден уақтылы өту, әйелдерді жүктілік бойынша уақтылы есепке қою (12 аптаға дейін), созылмалы және әлеуметтік маңызы бар ауруларды динамикалық байқау және т.б. кіреді. Сондай-ақ, Қазақстанда уақытша тұратын шетелдіктер айналасындағыларға қауіп төндіретін аурулар кезінде көрсетілетін медициналық көмекті қоспағанда, республикада тұрақты тұратындарға ғана көрсетілетін тегін медициналық көмектің кепілдік берілген көлемі (ТМККК) шеңберінде медициналық көмек ала алмайды.ҚР азаматтары, қандастар және ҚР аумағында тұрақты тұратын шетелдіктер үшін емханаға тіркелу тәртібі өзгеріссіз қалады.&nbsp;<figure class="image"><img src="https://knadmin.beoblood.kz/uploads/Prikreplenie_inostranczev_kaz_948ccdcdc5.jpg" alt="Прикрепление иностранцев каз .jpg"></figure>

Шетел азаматтары емханаға қалай тіркеле алады?

<a href="https://kyzylorda-news.kz/">Kyzylorda-news.kz.</a> Бүгін «Қазақстан Халық партиясы» Қызылорда облыстық филиалының ұйымдастыруымен партия мүшелері облыстық онкологиялық орталықтың жұмысымен танысты.&nbsp;Партиялық бақылауды облыстық мәслихат депутаты, «ҚХП» &nbsp;Қызылорда облыстық филиал төрағасы Қайрат Ерназаров, партияның белсенді мүшесі Талғат Телеубаев жүргізді. Сондай-ақ облыстық денсаулық сақтау басқармасының қоғамдық денсаулық бөлімінің басшысы Раушан Бақтыберлина, облыстық онкология орталығының басшысы Нұржамал Мырзагалиева, қалалық №3,6 емхананың бас дәрігерлері қатысты.&nbsp;Қазіргі кезде Қазақстан Халық партиясы елдегі онкологиялық дерттің статистиканың өсуіне Үкімет назарын аудартып отыр. Қазақстан Халық партиясының сайланған Мәжіліс депутаты Ислам Сұңқар аталған мәселені мінберде депутаттық сауал жолдап, онкологиялық аурулардың алдын алу мен емдеуді күшейтуді ұсынды.&nbsp;Осыған орай «ҚХП» Қызылорда облыстық филиалы өңірдегі онкологиялық орталықтың жұмысымен танысып, науқастарға қандай көмек көрсетіліп жатқанын, дәрі-дәрмектің жеткіліктілігін қадағалады.&nbsp;Қызылорда облысында өткен жылы онкологиялық ауру бойынша 4700 адам тіркелсе, биылғы жылдың 9 айында 5332 науқас деспансерлік есепке тұрған. Бұл көрсеткіштен аурушаңдықтың 11,1 пайызға өскені байқалады.&nbsp;Мамандардың айтуынша, қазір аймақта сүт безі қатерлі ісігі алдыңғы &nbsp;орында тұр. Одан кейін өкпе, асқазан, жатыр мойны қатерлі ісіктері де кең етек жайып отыр. Партиялық бақылау нәтижесінде өңірде онколог дәрігерлердің жетіспейтіні анықталды. Сондай-ақ онкологиялық ауруды ерте анықтау үшін тұрғындардың тұрақты түрде скринингтен өту мәселесі ақсаңдап тұрғаны айтылды. Оған басты себеп – халықтың МӘМС жүйесін уақытылы төлемеуі. &nbsp;Осыған орай қызылордалық дәрігерлер қатерлі ісікті ерте анықтайтын скринингтен өтуді әлеуметтік медициналық сақтандыру жүйесінен кепілдендірілген тегін медициналық көмек пакетіне ауыстыруды сұрайды.&nbsp;Мамандардың айтуынша, сонда ғана онкологиялық ауруды ерте жастан анықтап, алдын алуға үлкен мүмкіндік туады.&nbsp;<img src="https://knadmin.beoblood.kz/uploads/Whats_App_Image_2023_10_18_at_17_14_42_b54e7e206e.jpeg" alt="WhatsApp Image 2023-10-18 at 17.14.42.jpeg"><img src="https://knadmin.beoblood.kz/uploads/Whats_App_Image_2023_10_18_at_17_14_43_1_19f767085b.jpeg" alt="WhatsApp Image 2023-10-18 at 17.14.43 (1).jpeg">

Қызылордада онкологиялық аурушаңдық 11,1 пайызға өскен

<a href="https://kyzylorda-news.kz/">Kyzylorda-news.kz.</a>&nbsp; Онкологияның бұл түрі әйелдермен қатар, ерлерде де болады. Бірақ, әйелдерде ең көп кездесетін дерттің бірі. Өкінішке қарай, Қазақстанда сүт безі қатерлі ісігі өкпе және колоректальды обырдан оқ бойы озып тұр, деп хабарлады Қызылорда қаласындағы № 3 емхананың онколог-дәрігері Айгүл Әділова.Маман түсіндіргендей, әдетте, бұл дерт сүт безі тінінде киста немесе түйін түрінде пайда болады. Бұл жасушалар лимфа жүйесі немесе қан тамырлары арқылы қоршаған тіндер мен мүшелерге таралуы мүмкін. Ауруды асқындырып алған жағдайда емдеу қиынға соғады.Маммография және самопальпация секілді медициналық тексерулер сүт безі обырын ерте анықтап, сәтті емдеу мүмкіндігін арттырады.&nbsp; 40 пен 70 жас аралығындағы сақтандырылған әйелдер тіркелген емханасында 2 жылда 1 рет сүт безі обырын ерте анықтау үшін скринингтік тексеруден өте алады. Оған келесі тексеру түрлері кіреді: сүт бездеріне ультрадыбыстық зерттеу, мақсатты маммография (1 проекция), маммография (4 сурет).&nbsp;Қажет болған жағдайда дәрігер қосымша тексеруге жолдама береді: пункциялық/ стереотактикалық бақылаудағы аспирациялық биопсия, трепанобиопсия, күрделілігі 3 санаттағы операциялық-биопсиялық материалдың 1 блок-препаратын гистологиялық зерттеу.&nbsp; Нәтижесі бойынша келесі дәрігерлерге жолдама беріледі: акушер-гинеколог, рентгенолог (рентгенограмманы 2-ші мәрте қарау), онколог немесе онколог-хирург, маммолог.Жыл сайын қазан айында ұйымдастырылатын айлық аясында еліміздің медициналық орталықтарында ашық есік күні өтеді. Онда тегін тексеруден өтіп, маммолог-дәрігерлерден кеңес алуға болады.Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз. Сондай-ақ, ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1414 байланыс орталығы, Telegram-да SaqtandyryBot және Qoldau 24/7 мобильді қосымшасы. &nbsp;<figure class="image"><img src="https://knadmin.beoblood.kz/uploads/3_Rozovyj_oktyabr_kaz_5983fbff3f.jpg" alt="3 Розовый октябрь каз.jpg"></figure>&nbsp;<figure class="image"><img src="https://knadmin.beoblood.kz/uploads/2_Rozovyj_oktyabr_kaz_6a83a3fb9d.jpg" alt="2 Розовый октябрь каз.jpg"></figure>

Сүт безі обыры туралы жан-жақты ақпарат беретін жыл сайынғы айлық басталды 

<a href="https://kyzylorda-news.kz/">Kyzylorda-news.kz.</a> Бүгінде ауа райының құбылмалы болғандығына байланысты тұрғындар арасында ЖРВИ вирусы кең таралуда. Жалпы жыл басынан бері облыс көлемінде жедел респираторлы вирусты инфекциясының 33 456 жағдайы тіркелген. Ауруға шалдыққандардың 65,6 пайызы 14 жасқа дейінгі балалар. Осыған байланысты бүгін Өңірлік коммуникациялар қызметінің ақпарат алаңында денсаулық сақтау саласының жауапты мамандары облыс тұрғындарын барынша сақ болуға шақырып, иммундық жүйені күшейтуге кеңес берді.<blockquote>Қазіргі таңда ЖРВИ-дың аурушандық көрсеткіші өткен жылмен салыстырғанда жоғарылағаны байқалады. Әсіресе, балалар арасында тұмаудың бірнеше түрі кең таралуда. Тұмау және жедел респираторлы вирусты инфекцияның алдын алу мақсатында арнайы кешенді іс-шаралар жоспары бекітілді. Одан бөлек, күнделікті мониторинг жұмыстары да жүргізілуде. Жалпы облыс бойынша ЖРВИ жəне тұмаумен ауыратын науқастарды емдеуге барлығы – 315 төсек-орын дайындалды және қажетті дәрі-дәрмек қоры әзірленді. Өздеріңіз білетіндей, күзгі мезгілде тұмау вирусы өршіп, аурушандық көрсеткіші көбейеді. Сондықтан тұрғындар көпшілік баратын орындарда сақтық ережелерін ұстанып, тұмауға қарсы дәрумендер қабылдаған жөн. Сондай-ақ, ЖРВИ-ға қарсы вакцинация қабылдағаны абзал. Осы екпе арқылы адам ағзасы вируспен күресіп, одан жеңіл өтуге ықпал етеді, - деді облыстық денсаулық сақтау басқармасы басшысының орынбасары Мая Мирзанова.</blockquote>Тұмау вирусы көптеген елдерде эпидемиялық сипатта таралатын жаһандық инфекция ретінде танылған. Оның эпидемиологиялық маусымы күз, қыс және көктем мезгілдеріне сәйкес келеді.&nbsp;<blockquote>ДДСҰ халықты тұмаудан қорғанудың тиімді әдісі ретінде оған қарсы вакцинациялауды ұсынады. Осы мақсатта биыл аймаққа Ресей елінде өндірілген «Гриппол плюс» вакцинасының 84 430 дозасы әкелінді. Бүгінде 34 969 адам тұмауға қарсы екпе қабылдап, қорғаныш қабілеттерін күшейтті. Қазіргі таңда ең жиі кездесетін тұмаудың асқынған түрі – пневмония. Басқа да жиі кездесетін асқынулар - бронхит, синусит, отит, миозит, миокардит сынды түрлері. Бұл ауру 2 жасқа дейінгі балаларда, созылмалы ауруы бар науқастарда, қарттар арасында ауыр түрде өтеді. Сондықтан респираторлық аурулардың бірінші белгілері пайда болғаннан аймақтық дәрігерлерді шақыртып, дер кезінде ем алу қажет, - деді облыстық санитариялық-эпидемиологиялық бақылау департаменті басшысының орынбасары Әлия Әбдіқайымова.</blockquote>Қазіргі таңда ЖРВИ-мен қатар қызылша ауруына шалдыққандар көбейіп барады. Оның ішінде бұл вирус 1-5 жас аралығындағы балалар арасында жиі кездеседі. Сондықтан қызылшаға қарсы екпе алу өте маңызды.&nbsp;<blockquote>Аталған ауру ауа арқылы таралатын болғандықтан жұқтыру қаупі өте жоғары. Әсіресе жүкті әйелдер мен қарт кісілерде қызылша ауруы ауыр жағдайда өтеді. Қазіргі таңда облыс бойынша 162 науқас стационарлық ем қабылдауда, ал ауыр жағдайдағы 5 науқас дәрігерлердің бақылауында. Осы ретте тұрғындардан барынша сақтануға және дер кезінде қызылшаға қарсы екпе алуға шақырамыз, - деді облыстық жұқпалы аурулар ауруханасының бас дәрігері Айна Мұхамбетова.</blockquote>

ЖРВИ: Қызылордада 33 456 науқас тіркелген

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы Полиция департаментінің Есірткі қылмысына қарсы іс-қимыл басқармасы мұғалімдерге, әлеуметтік педагогтарға, ата-аналар мен мектеп полиция инспекторларына арналған «Синтетикалық есірткінің ағзаға зияны мен әсері. Синтетикалық есірткіні қолданатын адамды қалай тануға болады» тақырыбында семинар ұйымдастырды.Нашақорлықтың алдын алуда білім беру мекемелері мен отбасының тәрбие қызметінің айқын маңыздылығын ескере отырып, семинардың мақсаты жасөспірімдер арасында ғана емес, сонымен қатар балалармен, сондай-ақ олардың ата-аналарымен жұмыс істейтін білім беру жүйесінің қызметкерлері, полиция қызметкерлері арасында да ағарту және алдын алу жұмыстарын жүргізу болды.Оқу орнында дұрыс ұйымдастырылған тәрбие жұмысы рухани-адамгершілік құндылықтарды және олардың құрылымында салауатты өмір салтына құндылық бағдарларын қалыптастыруға және дамытуға мүмкіндік береді. Оқушылардың есірткіден саналы түрде бас тартуы үшін қажетті білім, көзқарастар мен дағдыларды қалыптастыруда, сондай-ақ есірткіні қолданудан туындауы мүмкін жасөспірімнің мінез-құлқындағы өзгерістерді бірінші болып байқау мүмкіндігін беретін мұғалімдер.Семинар балалар мен жасөспірімдердегі есірткіге тәуелділікті уақытылы анықтауға, сондай-ақ жасөспірімдердің есірткі заттарын тұтынуының алдын алуға және салауатты өмір салтын насихаттауға бағытталған. Іс-шараға 1000-нан астам тыңдаушы қатысты.

Синтетикалық есірткінің зияны: Полиция қызметкерлері семинар өткізді 

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының полиция департаменті Есірткі қылмысына қарсы іс-қимыл басқармасы тарапынан, арнаулы орта және жалпы білім беретін оқу орындарының оқушы, студеттері үшін «Жас ұрпаққа туындаған жаңа қауіп – синтетикалық есірткі заттар» тақырыбында семинар-тренинг ұйымдастырылды.&nbsp;Семинар-тренингтің мақсаты - нашақорлыққа байланысты проблемаларды анықтау және есірткі мен басқа да психоактивті заттарды алғашқы қолданудың алдын алу.Есірткіге тәуелділіктің алдын - алудың басты ерекшелігі-жасөспірімдерге психоактивті заттарды қолданудың әлеуметтік салдарларын түсіндіру, себебі медициналық салдары туралы жасөспірімдер біледі. Профилактикалық жұмыстың ең тиімді әдісі тренинг сабақтары болып табылады.Семинар-тренинг жастар мен жасөспірімдер аудиториясымен жұмыс істеудің негізгі әдістемелік талаптарын ескере отырып, аудиториямен «тең дәрежеде» қарым-қатынас жасалуды қолданылды.&nbsp;Кездесу барысында, балалардың нашақорлық проблемасы туралы хабардар болу деңгейін арттыру, нашақорлыққа көзқарасын өзгерту, «Есірткіге жоқ!» деп айта білу және денсаулықты сақтауға уәждемені қалыптастыру бойынша жұмыс жүргізілді. Семинар-тренингтерге 2000-нан астам оқушы, студент қатысты.

Семинар-тренингке 2 мыңнан аса оқушы мен студент қатысты

<a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2023 жылдың 1 қазанына дейін Қызылорда облысының тұрғындары Әлеуметтік медициналық сақтандыру қорына 60 млрд. теңге аударды, оның 36,7 млрд. теңгесі жұмыс берушілердің аударымдары болса, қалған 23,3 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.&nbsp;Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp; &nbsp;

Қызылордалықтар әлеуметтік медициналық сақтандыру қорына 60 млрд теңге аударды

Kyzylorda-news.kz. Жүзу – спорттық жаттығу ғана емес, физикалық белсенділіктің бір түрі. Бассейнге түсу демалуыңызға ықпал етіп қана қоймай, денсаулығыңызға пайдасын тигізеді. Жүйелі түрде жүзу хал-жағдайыңызға қалай әсер ететінін қарастырайық.Бұлшықеттерді қатайтадыЖүзу бүкіл денеге жақсы физикалық жүктеме түсіреді. Ол бұлшықеттерді қатайтады, төзімділікті арттырады және калория жағуға көмектеседі.Буындарға көп күш түсірмейдіСу буындарға түсетін күшті азайтады. Сондықтан буындарымен проблемасы бар адамдар үшін жүзу - жақсы таңдау.Тыныс алуды жақсартадыЖүзу дұрыс тыныс алуды қажет етеді. Бұл өкпе қызметін жақсартады.Күйзелістен арылуға көмектеседіЖүзу күйзелістің азаюына ықпал етеді. Су адамға босаңсытушы әсер береді.Жүрек-қан тамырлар жүйесін қатайтадыЖүйелі түрде жүзу жүрек-қан тамырлар жүйесінің қатаюына ықпал етеді.Төзімділікті арттырадыЖүзу төзімділікті арттырады және адамға энергия береді. Себебі ол жүрек пен өкпені жаттықтырады.Дене мүсінін жақсартадыЖүзу дене мүсінінің және дене иілгіштігінің жақсаруына ықпал етеді.Ақпарат дереккөзі: Massaget.kz

Аптасына үш рет бассейнге барыңыз

Kyzylorda-news.kz. Қызылорда облысында жыл басынан бері 22 мыңға жуық бала жедел респираторлы вирусты инфекцияға шалдықты. Олардың барлығы 14 жасқа дейінгі балалар.&nbsp;Облыста жыл басынан бері 33 456 адам жедел респираторлы вирусты инфекцияға шалдыққан.Оның ішінде 14 жасқа дейінгі балалар үлесі – 21 971.Ал тұмау ауруы 68 адамнан анықталды, соның 20-сы 14 жасқа толмаған балалар арасында тіркелді.<blockquote>«Дүниежүзілік денсаулық сақтау ұйымы халықты тұмаудан қорғаудың жалғыз және тиімді әдісі ретінде тұмауға қарсы вакцинациялауды ұсынады. Осы мақсатта тұмаудың эпидахуалын тұрақтандыру және ауру деңгейін төмендету бағытында жыл сайын жергілікті бюджеттен тұмауға қарсы вакцина сатып алынады. Биыл 84 430 доза вакцина қоймаға жеткізілді. Тұмауға қарсы иммундауға Ресей елінде өндірілген «Гриппол плюс» вакцинасы қолданылады. Биылғы жылдың қазан айындағы есеп бойынша 25074 адам тұмауға қарсы екпе алды», - делінген Қызылорда облысының санитариялық-эпидемиологиялық бақылау департаментінің хабарламасында.&nbsp;</blockquote>

Қазақстан және Қызылорда облысының жаңалықтары: Денсаулық