<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Жаңақорған ауданының прокуратурасымен қадағалау аймағында еңбек заңнамасының жай-күйіне талдау жүргізілді.&nbsp;</h4><blockquote><h4 style="margin-left:0px;text-align:justify;">«Нәтижесімен Жаңақорған аудандық көп бейінді орталық ауруханасымен 331 қызметкерге тиесілі 21,5 млн. теңге көтермелеу қаражатын (медициналық-санитариялық алғашқы көмек тарифіне қосымша компонент) 2023 жылдың қазан, қараша, желтоқсан айларына төленбей, конституциялық құқықтарының бұзылуына жол берілгендігі анықталды», - делінген Жаңақорған ауданы прокуратурасының хабарламасында.</h4></blockquote><h4 style="margin-left:0px;text-align:justify;">Аудан прокуратурасымен қабылданған шаралармен 331 медицина қызметкеріне тиесілі көтермелеу ақша қаражаты төленіп, бұзылған құқықтары қорғалды.</h4>Фото: Нұрболат Нұржаубай

Прокуратура:  Жаңақорғандағы аурухана 331 қызметкерге қосымша қаржысын бермеген

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық перинаталдық орталығы жүкіт әйелдерге серіктес таңдауда кеңес берді. Орталықтың ақпаратына сүйінсек нақты шешім қабылдау үшін өзіңізге және күйеуіңізге бірнеше сұрақтар қойып, оларды талқылап, бір шешімге келуіңіз керек.&nbsp;Сіздің күйеуіңіз бұған дайын ба? Оның шын ниеті ме, әлде ол Сізді ренжіткісі келмегендіктен бармақшы ма? Ер адамдардың көпшілігі босану кезінде қатысуға дайын емес және оған түсіністікпен қарау керек.Сіз күйеуіңіздің босануға қатысуына дайынсыз ба? Серіктестік босануда маңызды нәрсе-жақын адамның қолдауын сезіну. Күйеуіңіздің босану процесіне қатысуы өзіңізге сенімді болуға, тыныштандыруға, жігерлендіруге көмектеседі. Ең бастысы, Сіз күйеуіңізден ұялмайсыз және оның қасыңызда болғанын қалайсыз. Егер Сіз ұялсаңыз, сенімді болмасаңыз, онда оның қасыңызда болуы Сіздің жағдайыңызды нашарлатуы мүмкін, Сіз «Мен қалай көрінемін», «Түрім қандай боп тұр» деген оймен босануға күш-жігеріңізді сала алмайсыз.Күйеуіңіз бұл процестегі өз рөлін жіті түсінеді ме және ол шынымен қалай көмектесе алатынын біледі ме? Ол бұл көмекті көрсете ала ма?Ол қаннан қорықпай ма? Сүйікті әйелінің жағдайын жеткілікті түрде қабылдай ала ма?&nbsp;Күйеуіңіздің эмоционалдылығы мен ашуланшақтығы босану процесіне кедергі болмай ма? Ол үшін бұл стресстік жағдайда агрессиялы болмай ма?Серіктестік босану – бұл керемет! Дайындыққа барынша жауаптылықпен қарау керек.&nbsp;Фото: roddom.msk.ru

Күйеуің дайын ба? Мамандар жүкті әйелдерге серіктес таңдауда кеңес берді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Жаңа денсаулық министрі Ақмарал Әлназарова Сенат кулуарында журналистердің сұрағына жауап беріп, бір жылға жетпей қазақстандықтардың неліктен МӘМС-ке көңілі толмайтынын анықтап, мәселені шешеміз мәлімдеді. Бұл туралы <a href="https://altyn-orda.kz/k">Altyn-orda.kz&nbsp;</a> ақпарат агенттігі хабарлайды.&nbsp;</h4>Әлназарованың сөзінше, МӘМС-тен бас тартуға болмайды. Бұл —&nbsp;министрліктің өзгермейтін көзқарасы.Тұрғындардың жүйеге сұрағы көп екенін түсінемін. Жүйені қайта іске қосуымыз керек. Мемлекет басшысының тапсырмасымен осы істі қолға алдық. Біз қазір медициналық ұйымға ақшаны жіберу жұмысын жеңілдетуіміз керек. Себебі медициналық қызметкерлерге де, ұйымдарға да белгілі бір туындайды, ол, әлбетте, медициналық қызметті көрсету сапасына әсер етеді”, –&nbsp;деді министр.&nbsp;Министр қызметіне енді ғана кіріскен Ақмарал Әлназарова бірінші кезекте тұрғындардың неліктен МӘМС жүйесіне көңілі толмайтынын анықтап, түсінуге, олардың шағымын азайтамыз деп уәде берді. Оған көп уақыт та керек емес дейді. Министрдің сөзінше, бәрін талдауға кететін уақыт бір жылға жетпейді.&nbsp;

Жаңа денсаулық сақтау министрі МӘМС жүйесін реттеуге уәде берді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Денсаулық сақтау саласындағы өзекті мәселенің бірі – МӘМС. Елімізде 2 миллионнан астам адам жүйеден тыс қалып отыр. Даудың басты тақырыбына айналған жүйе тоқтай ма? Премьер-министрдің орынбасары Тамара Дүйсенова жауап берді. Бұл туралы Stan.kz ақпарат агенттігі хабарлайды.&nbsp;</h4>Оның сөзінше, МӘМС тоқтамайды, бірақ жетіле түседі. Ол МӘМС әлемдік тәжірибеде қолданылып жүрген тиімді жүйе екенін айтты.<blockquote>"МӘМС-ке қатыспаған адамдар кепілдендірілген медициналық көмекті алып жатыр. Ал жалпы МӘМС-тің өзі бойынша біз жұмысты бастадық. МӘМС жүйесі жұмыс істейтін шетелдерде азаматтарды іздеп шақырып, көмек сұрайды. Бізде азаматтар емханаларды өздері іздеп жүреді. Осындай проблемалар бар", – деді ол.</blockquote>Cондай-ақ вице-премьер МӘМС жүйесінің дұрыс жұмыс істемеуіне себеп болып отырған бірнеше проблеманы атады.<blockquote>"Мемлекет басшысы кепілдендірілген сақтандыру пакеттерінен бір пакет жасау керек екенін айтты. Оны қазір бастаймыз. Екіншіден, тарифті көтеру мәселесін де қарастырамыз. Үшінші мәселе азаматтардың қатысуы жөнінде. Қазір қатысуға мүмкіндігі бар, еңбек табысы бар азаматтарды тарту бойынша жергілікті жерлерде жұмыстар басталды. Мүмкіндігі жоқ азаматтарды жергілікті атқарушы органдармен бірге қарастырамыз.</blockquote>Естеріңізде болса, мемлекет басшысы "дәрігерлер мен медициналық қызметкерлерді қағазбастылықтан босатыңдар" деп айтқан. Бұрын әрбір мекеме 6 келісімшарт жасайтын еді, биылдан бастап оны бір мекеме бір келісімшарт жасайтындай еттік", – деді ол.Бұған дейін үкіметтің кеңейтілген отырысында Қасым-Жомарт Тоқаев міндетті әлеуметтік медициналық сақтандыру жүйесінің іске қосылғанына бес жыл болса да әлі күнге дейін өзгеріс жоқ екенін айтқан еді.&nbsp;Фото: Нұрболат Нұржаубай

МӘМС жүйесін не күтіп тұр – Премьер-министрдің орынбасары жауап берді

<a href="https://kyzylorda-news.kz/">Kyzylorda-news.kz.</a> Премьер-Министрдің орынбасары Үкіметтің кеңейтілген отырысынан кейінгі брифингте міндетті әлеуметтік медициналық сақтандыру жүйесінің жойылу мүмкіндігіне қатысты сауалға жауап берді.<blockquote>«Медициналық сақтандыру жүйесі әлемдегі клиент үшін ақша ұстанымының жүзеге асырылуын қамтамасыз ететін жалғыз жүйе саналады. Егер дұрыс жолға қойса, онда әрбір емхана мен аурухана адамдардың өздеріне келіп, сапалы көмек алуына мүдделі болар еді. Иә, бізде проблема бар. Адамдар сапалы көмек алуы үшін бұл жүйені өзгертуіміз қажет», - деді Үкімет басшысының орынбасары.</blockquote>Фото: Нұрболат Нұржаубай

МӘМС жойыла ма – вице-премьер жауабы

<a href="https://kyzylorda-news.kz/">Kyzylorda-news.kz.</a> &nbsp;Президент Қасым-Жомарт Тоқаев Үкіметтің кеңейтілген отырысында ұлттық жобалардың дер кезінде жүзеге асырылмауын құр сылтау деп бағалады.&nbsp;<blockquote>«Ауылда денсаулық сақтауды жаңғырту» ұлттық жобасы бойынша 655 нысан салу жоспарланған еді. Іс жүзінде оның тек 85-і ашылған. Мұның бәрі жұмыстың тиімсіз жүргізіліп жатқанын көрсетеді. Жобалық-сметалық құжаттар тым баяу әзірленді, құрылыс ұзаққа созылды немесе нысандардың құны қымбаттап кетті деген себептер айтылып жүр. Мұның қай-қайсысы да – құр сылтау. Басқа себебі жоқ деп ойлаймын. Қажет болса, министр де, әкім де кез келген мәселені шұғыл шеше алады. Демек, сондай ниет болмай тұр деген сөз», - деп сынға алды Президент.</blockquote>Сондай-ақ «Жайлы мектеп» ұлттық жобасымен жаңа форматтағы 369 мектеп салу жоспарланған. Мұнда техникалық құжаттар дер кезінде әзірленбеген, жер де уақытылы бөлінбеген.«Оған қоса, отандық өндірушілердің көбі жаңа мектептердің құрылысына қатыса алмайтынын айтып, шағымданып жүр. Үкіметке, әкімдерге және «Самұрық-Қазына» қорына ұлттық жобаларды жүзеге асыруға кедергі болып жатқан барлық мәселені дереу шешуді тапсырамын», - деді Қасым-Жомарт Тоқаев.&nbsp;Дереккөз: Казинформ

Ауылдарда жоспарланған 655 медициналық нысанның 85-і ғана салынған

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қайғылы оқиға 6 ақпанда Шымкент қаласындағы "Низамхан" жекеменшік мектебінде болған, деп хабарлайды <a href="http://inbusiness.kz/">inbusiness.kz</a>.</h4>Оқушы қыз 8-сыныпта оқыған. Ол бірінші сабақта ол өзін нашар сезінген.Директордың айтуынша, мектепке жедел жәрдем қызметі келген. Алдын ала болжам бойынша, 6 ақпанға қараған түні оқушы көп дәрі ішкен. Жансақтау бөліміне жеткізгенмен, құтқарып қалу мүмкін болмады. Түске қарай қайтыс болғаны белгілі болды.<blockquote>"Баланың жағдайы нашарлады. Жедел жәрдем шақырдық. Не болғанын білмедік. Ол түнде 40 шақты жүрек дәрісін ішіп, мектепке келген деді. Қазір тергеу жүргізіліп жатыр. Қыз бала тұйық болмаған, сыныптастарымен араласты. Олар бүкіл сынып болып 79-мектептен ауысып келді. Қудалау болған емес", – дейді "Низамхан" жекеменшік мектебінің директоры Юлия Сергеевна.</blockquote>Фото: Нұрболат Нұржаубай

Оқушы қыз 40-қа жуық дәрі ішіп, жансақтау бөлімінде көз жұмды

<a href="https://kyzylorda-news.kz/">Kyzylorda-news.kz.</a>&nbsp; Өңірімізде медицина саласы қарқынды дамып келеді. Бұрын жасалуы мүмкін болмаған небір күрделі операциялардың арқасында дәрігерлер талай науқастың өмірін сақтап қалып жүр. Салада жаңа технологияны игеріп,біліммен сусындап, тынымсыз қызмет атқарып келе жатқан білікті дәрігерлер де баршылық.Мәселен, сондай ақ халатты абзал жанның бірі - Қызылорда облыстық балалар ауруханасының Лор дәрігері Дадашев Данияр Мухиддинұлы. Даниярдың қабылдауына күніне ондаған адам келеді. Әрқайсысының сан түрлі сұрағы бар. Оның шешімін тауып, шипасын дарыту оңай емес екені белгілі. Уақыт тапшылығына орай, Данияр дәрігердің бізбен бетпе-бет сұхбаттасуға қолы бос болмады. Сол себепті онлайн байланыс арқылы сұрақтарымызға жауап алдық. -Данияр Мухиддинұлы сіздің өсіп-өнген, туған жеріңіз туралы айтып өтсеңіз. -Мен 1994 жылы 30 желтоқсанда рухани астанамыз Түркістан облысында дүниеге келдім. Тарихқа тұнған киелі жерде өсіп-өндім. Н. Некрасов атындағы №9 мектеп-гимназиясының орыс сыныбында білім алып, Ақтөбе қаласындағы Марат Оспанов &nbsp;атындағы Батыс Қазақстан медицина университетіне оқуға түстім. Бакалаврды 5 жыл оқып, 2 жыл интернатура-хирургияда оқыдым. 3 жыл оторалинология-резиндентурасынан өттім.<img src="https://knadmin.beoblood.kz/uploads/81b3a707_bcc5_4ccb_a826_a6c437e988b5_3e6e096cd5.jpg" alt="81b3a707-bcc5-4ccb-a826-a6c437e988b5.jpg"> -Осы салада неше жыл жұмыс істедіңіз? -Индернатурада жүріп, 1 жыл жедел-жәрдем станциясында жұмыс істедім. &nbsp;Одан кейін Ақтөбе қаласындағы балалар ауруханасында Лор дәрігері болдым. Ал қазір Қызылорда облыстық балалар ауруханасында Лор дәрігерімін. Жалпы медициналық еңбек өтілім – 6 жылға жуық. -Әулетіңіздің &nbsp;бұл саладағы еңбек өтілі неше жылды құрайды? -Бұл саладағы әулетіміздің еңбек өтілі – 60 жылға жуықтап қалды. Әулетімізде барлығы десем артық болсам, дәрігерлік жолды таңдадық. Мәселен, Ташкентте көкем мен тәтем бар. Көкем Ташкент медициналық академиясының профессоры, кардиоревматолог. Академияның кардиоревматология бөлімінің меңгерушісі. Тәтем эндокринолог. Өзімнің анам - &nbsp;Түркістан жоғары медициналық колледжінде жұмыс істейді, ағам –балалар неврологы, жеңгем – акушер-гинеколог, інім – анестизиолог-реаниматолог, келінім - стамотолог, келіншегім- терапевт. -Тамаша!Отбасыңызда білімді, жинақталған тәжірибені, шеберлік құпияларды ұрпақтан-ұрпаққа беру ғана емес, сонымен қатар балалардың ата-аналардың ізімен жүруге шешім қабылдайтындай ерекше атмосфера бар деңіз. -Рақмет, дұрыс айтасыз.<img src="https://knadmin.beoblood.kz/uploads/3ca26ae1_9fb1_440f_80fb_b1dc24120b43_3041b55321.jpg" alt="3ca26ae1-9fb1-440f-80fb-b1dc24120b43.jpg"> -Күнделікті жұмыс барысының қыр-сырын ашып айтсаңыз. Дәрігер болу ауыр ма? Осы мамандыққа өз қалауыңызбен келдіңіз бе? -Әрине, дәрігер болу оңай емес. Бұл үлкен жауапкершілік. Бізде бос уақыт деген болмайды. Ауыр жағдайдағы, жалпы пациенттер кез-келген кезде, күн демей, түн демей дайын отырамыз. Қаладан тысқары шықпаймыз. Яғни, 24/7 жұмыстамыз. Бұл салаға келмес бұрын мен өзімді дамытудың бірнеше кезеңдерінен өттім. Лор боламын деп бірден шешкен жоқпын. Жалпы тамақ, мұрын аурулары адамның жанына батады әрі үлкен зардап әкеледі. Көбінесе басқа органдардың аурулары, жүйелік Лор патологиялары арқылы көрінеді. Егер адам баласына өмір сапасын жақсартуға тез көмектесу мүмкіндігі болса, сіз мұны жасай алсаңыз, бұл үлкен бақыт, қуаныш. Ал, күнделікті шаршау, қиын операциялар, басқа да ауыртпалықтар адамға қуаныш сыйлағанда ұмыт болады. Біздің басты байлығымыз – ел алғысына бөлену. -Өмірлік ұстанымыңыз қандай? -Менің ойымша, біз әрқашан жақсы іс жасауға дайын болуымыз керек. Ең бастысы адамның бойында адамгершілік пен адалдық болуы тиіс. Сонда ғана бұл өмірде жақсылық, қуаныш көбейеді. -Бірлік, береке, ынтымақтың негізі неде деп ойлайсыз? -Халық даналығы «Бірлік – әл-ауқаттың кепілі» дейді. Сондықтан тек игі және жауапты істер жасау әрбірімізге маңызды. Ең бастысы адами құндылықты жоғалтпайық. &nbsp;Ынтымақта, татулықта өмір сүрейік. Сол кезде алынбайтын қамал болмайды деп ойлаймын. P.S. Осы әулеттің жеті медицина қызметкері еліміздің денсаулық саласына 60 жылдай өз үлесін қосып келеді. Адамның өмір сүруі үшін таза ауаның болғаны маңызды. Ал оны жұту үшін тыныс алу жолдары дұрыс жұмыс істеуі керек. Осыдан-ақ Даниярдай дәрігерлердің мойнына артылатын жүк пен жауапкершіліктің салмағын бағамдауға болатындай. Қастерлі мамандықтың қадірін ұғынған абзал жандар көп болсын! &nbsp; Сұхбаттасқан: Әсел Абзалқызы, «Қоғамдық келісім» КММ баспасөз хатшысы,

Данияр Дадашев: Әулетімізде барлығы дәрігер 

<a href="https://kyzylorda-news.kz/">Kyzylorda-news.kz.</a>&nbsp; 28 қаңтарда сүндеттелген бала қайтыс болды деп хабарлайды Kyzylorda news ақпарат агенттігі Sputnik.kz сайтына сілтеме жасап.Бала солтүстік Қазақстан облысы Аққұдық ауылының тұрғыны. Алдын ала болжам бойынша бала анафилактикалық шок алуы мүмкін<blockquote>31 қаңтарда сағат 17:00 шамасында хирургқа қаралу үшін өз бетінше жүгінген. Науқас ішінің төмен жағы ауыратынына шағымданған. Баланың жағдайы ауыр болды, медициналық көмек толық көлемде көрсетіліп, жансақтау бөліміне жатқызылды, - дейді ведомство.</blockquote>Алайда бала сол күні бір жарым сағаттан соң қайтыс болған.Фото: Нұрболат Нұржаубай

Сүндетке отырғызылған бала қайтыс болды

<a href="https://kyzylorda-news.kz/">Kyzylorda-news.kz</a> ҚР ПІБ Орталық клиникалық ауруханасында ишемиялық және геморрагиялық инсультке аса дәл диагностика жасайтын нейрорадиология саласындағы «Cerebra» жасанды интеллект қолданысқа енгізілді, - деп хабарлайды <a href="https://kaz.inform.kz/news/elordada-insultt-dal-aniktaytin-zhasandi-intellekt-koldaniska-engzld-f54ea5/">Қазақпарат.</a>Медициналық жасанды интеллект бойынша әлемдегі ең инновациялық он жобаның қатарына жататын бағдарламаны отандық мамандар жасағанын айта кетейік.Дәрігерлерге жаңа бағдарламаны «Cerebra» командасы таныстырды. Қанатқақты жобаның медициналық директоры Меруерт Сайфуллақызы жасанды интеллект арқылы 5-10 минут ішінде инсульттің бар-жоғын анықтап, мидағы өзгерістерді автоматты түрде көруге болатынын айтты. Соның арқасында неврологиялық дерттің асқынып кету қаупі айтарлықтай төмендемек. Бұл технология тез арада диагноз қойып, емдеуді мүмкіндігінше ерте бастап кетуге жол ашып отыр.<blockquote>– Бұл жоба 2018 жылы жасанды интеллект зертханасында қолға алынды. Содан бері 40-қа жуық маман жұмыс істеп, 100 мың дерек негізінде инсультті тез әрі дәл анықтауға нейрондық желілерді үйретті. Бағдарлама үнемі жаңа деректермен жаңарып отырады. Біз елорда мен Алматыдағы мамандандырылған орталықтарға ғана емес, бүкіл елдегі ауруханаларға арналған бағдарлама әзірлеуге маңыз бердік. Бүгінгі таңда Қазақстан бойынша 1000-нан астам пациент осы бағдарлама арқылы зерттеуден өтті, - дейді Меруерт Сайфуллақызы.</blockquote>Жаңа технология арқылы зерттеу кезінде түсірілген кескіндердің нәтижесі дәрігерлердің смартфонына орнатылған мобильді қосымшаға келіп түседі. Қолдануға ыңғайлы қосымша Қазақстанда ғана емес, шетелдік медицина мекемелерінде енгізіле бастаған.<blockquote>– Орталық клиникалық аурухана отандық медицинадағы бетке ұстар мекемелердің бірі саналады. Біз озық инновацияларды енгізуге қашанда әзірміз. Әлемдегі ең үздік стартап жобалардың бірі ретінде танылған қазақстандық компаниямен жұмыс істеу біз үшін үлкен мәртебе, - деді аурухана вице-президенті Жанар Құсымжанова.</blockquote>Фото: Нұрболат Нұржаубай

Елімізде инсультті дәл анықтайтын жасанды интеллект қолданысқа енді

<a href="https://kyzylorda-news.kz/">Kyzylorda-news.kz.</a>&nbsp;АИТВ жұқтырған 9 жасар бала ата-анасы емделуден бас тартқаннан кейін қайтыс болды, деп хабарлайды&nbsp;<a href="https://qaz.ulysmedia.kz/">Ulysmedia.kz.</a>Алматы облысының ЖИТС-тың алдын алу және оған қарсы күрес орталығы ата-анасының емделуден бас тартуы салдарынан АИТВ жұқтырған 9 жасар баланың қайтыс болғанын хабарлады. Бала мен оның ата-анасы 2016 жылы ЖИТС орталығында тіркелді, бірақ, диагнозға қарамастан, отбасы қажетті медициналық шараларды қабылдамаған.Ата-аналар АИТВ-инфекциясын мойындаудан бас тартты, дәрігерлердің нұсқауын сақтамады және баланы динамикалық бақылауға кедергі келтірді. Тиісті органдар мен дәрігерлердің 2023 жылдың қарашасында баланы отбасынан уақытша алып кету үшін комиссия құру әрекеті ата-аналардың үзілді-кесілді бас тартуына байланысты қабылданбады.Баланың жағдайы 2024 жылдың 9 қаңтарында күрт нашарлап, реанимацияға жатқызылды. Ата-анасы баланың АИТВ дертіне шалдыққанын жасырған және оның ауруханаға жатқаны туралы ЖИТС орталығының дәрігерлеріне хабарланбады. Бала 27 қаңтарда ауыр иммун тапшылығы жағдайында сепсис пен пневмониядан қайтыс болды.Қазақстан заңнамасы АИТВ-инфекциясын мәжбүрлеп емдеуді көздемейді.Бұдан бұрын Алматының Орталық қалалық клиникалық ауруханасының пациенттері АИТВ-инфекциясын жұқтырып алғаны бойынша тергеу нәтижелері шықты.Тергеу нәтижелері бойынша инфекцияны таратқан АИТВ асқынып, ауруханаға түскен басқа науқас&nbsp;<a href="https://qaz.ulysmedia.kz/news/7636-almatydagy-vich-zhuk-tyru-okigasy-naukastar-ministr-giniiatpen-kezdeskisi-kelmegen/">болып шықты.</a>Осыған байланысты эпидемиология бойынша бас дәрігердің орынбасары, реанимация бөлімшесінің меңгерушісі, стационардың бас медбикесі және реанимация бөлімшесінің аға медбикесі жұмыстан шығарылды.Сондай-ақ, денсаулық сақтау министрлігі АИТВ жұқтырған науқастардың барлығы сәуір айында ОҚКБ-ның бірнеше бөлімшелерінде медициналық көмек алғанын хабарлады.Фото: Нұрболат Нұржаубай

ВИЧ жұқтырған бала қайтыс болды

<a href="https://kyzylorda-news.kz/ru/">Kyzylorda-news.kz</a> Денсаулық сақтау министрлігі «Ашық НҚА» порталында МӘМС жүйесіне жарналар мен аударымдарды төлеу қажет болатын табыстың ең жоғары мөлшерін бес есе ұлғайтуды ұсынған заң жобасын дайындап, жариялады. Жоба талқылау үшін еркін қол жетімді.Әлеуметтік медициналық сақтандыру қорында мүмкін болатын өзгерістер бойынша толық түсініктемелер берілді.Бұл нені білдіреді?МӘМС енгізудің бастапқы кезеңінде міндетті әлеуметтік медициналық сақтандыру жүйесіне жарналар мен аударымдар жүргізілуі мүмкін қызметкердің табысы бойынша жоғарғы шек көзделген. Оның мөлшері бүгінгі күні 10 ең төменгі жалақыдан (ЕТЖ) аспайды. Яғни, жарналар тек 850 мың теңгеге дейінгі табыстан алынуы мүмкін. Жоғарыдағы кірістен жарналар жасалмайды.Не өзгереді?Әділдік қағидатын қамтамасыз ету үшін денсаулық сақтау министрлігі 2025 жылдан бастап жоғарғы шекті ЕТЖ мөлшерінен 10-нан 50 есеге дейін арттыруды ұсынды. Зейнетақы жүйесі де осы қағида бойынша жұмыс істейді, онда жоғарғы шегі ең төменгі жалақының 50 еселенген мөлшерін құрайды.Кіріс бойынша жоғарғы шекті не үшін көтеру қажет?Бүгінгі таңда МӘМС-тің қазақстандық моделінде қаражатты регрессивті бөлу қолданылады. Яғни, табыс неғұрлым аз болса, кірістің пайыздық үлесі соғұрлым жоғары. Әділ жүйеде табысы төмен адамдар табысы жоғары адамдардан артық төлемеуі керек. Сондықтан ұсынылып отырған норма – жоғарғы шекті 50 ЕТЖ дейін ұлғайту - денсаулық шығыстары үшін жауапкершілікті неғұрлым әділ бөлуді көздейді.Егер сандармен сөйлесекҚазір: Орташа жалақысы 300 мың теңгені құрайтын қызметкерлер МӘМС-ке 6 мың теңге жарна төлейді.1,5 млн теңге кіріс жағдайында, ал бұл орташа еңбекақыдан 5 есе жоғары, 10 ЕТЖ (850 мың теңге) көлемінде жоғарғы шек іске қосылады, сондықтан жарна 17 мың теңге, немесе кірістің 1,1%-ынан аспайды.3 млн теңге кірістен, ал бұл орташа еңбекақыдан 10 есе жоғары, МӘМС-ке жарна сол секілді – 17 мың теңге, немесе кірістің 0,6% мөлшерінде қалады.Өзгерістен кейін: 2024 жылға арналған ЕТЖ көлемі есепке алынып жоғарғы шек 4,2 млн теңгені құрайды. Кіріс жоғары болған сайын, жауапкершілік те жоғарылайды.Бұл шара қанша қазақстандыққа әсер етеді?Табысы 4 млн 250 мың теңгеден асатын тек 2,3 мың қызметкер үшін ғана МӘМС-ке жарналар бес есе артады. Бұл елдегі барлық жалдамалы жұмысшылардың 0,04% құрайды.Жалпы, бұл норма 850 мың теңгеден астам табысы бар жалдамалы қызметкерлердің 9%-ына әсер етеді. Жұмысшылардың 91%-ы үшін ештеңе өзгермейді.Қарапайым қазақстандықтарға мұның қандай пайдасы бар?Аударымдарды ұлғайту денсаулық сақтау шығыстарын қаржыландыру көлемін ұлғайтуға мүмкіндік береді. Бұған алдын алу, диагностика және емдеу кіреді. Медициналық қызметтер қол жетімді болады, технологияларды енгізу аурудың ерте кезеңдерінде алдын алуға немесе өмірді сақтауға мүмкіндік береді.Бүгінгі күні денсаулық сақтау жүйесі әлі де жеткілікті қаржыландырылмау мәселесіне тап болып отыр, бұл жалпы медициналық көмекті ұйымдастыруға, медициналық көмектің сапасы мен қолжетімділігіне, сондай-ақ жалпы денсаулық сақтау жүйесі мен МӘМС-тің қаржылық тұрақтылығына теріс әсер етеді.&nbsp;&nbsp;

Қазақстан және Қызылорда облысының жаңалықтары: Денсаулық

Прокуратура: Жаңақорғандағы аурухана 331 қызметкерге қосымша қаржысын бермеген