<a href="https://kyzylorda-news.kz/">Kyzylorda-news.kz.</a> 15 қарашаға дейін жыл сайынғы емханаға тіркеу науқаны өтеді. &nbsp;2024 жылдан бастап медициналық көмек алу үшін өзге емханаға ауысуға мүмкіндік беріледі. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов осы науқанға қатысты жиі қойылатын сауалдарға жауап берді.Емханаға не үшін тіркелу керек?Тегін медициналық көмектің кепілдік берілген көлемі және МӘМС аясында медициналық көмек алу үшін емханаға тіркелу керек. Белгілі бір медициналық мекемеге тіркелген соң, денсаулығыңызға қатысты қандай да бір шағым болса емдеуді тағайындау немесе одан әрі тексерілуге жолдама алу үшін &nbsp;өзіңіздің учаскелік дәрігеріңізге бара аласыз.&nbsp; Пациент медициналық көмек алу үшін алдымен учаскелік дәрігерге (терапевт/ жалпы тәжірибе дәрігері/ педиатр) барады. Ол қабылдауға келген адамның денсаулық жағдайын бағалап, анамнез жинап, алдын-ала диагноз қояды. Кейбір жағдайларда емдеуді тағайындап, бейінді маманға жолдама береді.&nbsp; Қайда тіркелуге болады?&nbsp;Азаматтар алғашқы медициналық-санитарлық көмек көрсететін клиникаларға тіркеле алады. Оған қалалық емханалар, дәрігерлік амбулаториялар, фельдшерлік-акушерлік пункттер, отбасылық денсаулық орталықтары кіреді. Бұл медициналық ұйым алғашқы медициналық-санитарлық көмек көрсету үшін Әлеуметтік медициналық сақтандыру қорымен шарт жасасады.&nbsp; Жеке тұлғалар тұрақты немесе уақытша тұратын жері бойынша өз еркімен бір клиниканы таңдай алады. &nbsp;Жекеменшік клиникаға тіркелуге бола ма?&nbsp;Иә, жыл сайынғы науқан кезінде мемлекеттік қана емес, жекеменшік клиникаларға да тіркелуге болады. Әлеуметтік медициналық сақтандыру қоры медициналық ұйымдардың меншік нысанына қарамастан алғашқы медициналық-санитарлық көмек қызметтерін көрсетуге шарт жасасады. 2024 жылға арналған тіркеу науқанына алғашқы медициналық-санитарлық көмек көрсететін Қызылорда облысының 26 ұйым қатысады, оның 14 – і жеке меншік.Менің рұқсатымсыз мені басқа емханаға тіркей ала ма?&nbsp;Денсаулық сақтау басқармалары азаматтар үшін қадамдық қолжетімділік қағидатын ескере отырып, халыққа қызмет көрсету аумағын медициналық ұйымдар бойынша қайта бөле алады. Осы ретте емхана қызметкерлері тіркелген адамдарға телефон арқылы (базада нөмірі көрсетілген жағдайда) жазбаша немесе басқа тәсілмен хабарлау керек. Комиссияның шешімімен келіспесе, басқа алғашқы медициналық-санитарлық көмек көрсететін ұйымға тіркеуге өтініш бере алады. Егер өтініш бермесеңіз де, емханаңыздың ауысқанын байқасаңыз, алдымен денсаулық сақтау басқармасына хабарласуыңыз керек. Егер бұл аймақтық комиссияның шешімі болмаса, ресми шағым бере аласыз.Егер жаңа емхананың жұмысы көңілімнен шықпаса ше? &nbsp;Пациент 2024 жылдың 1 қаңтарынан бастап жаңа емханада қызмет ала бастайды. &nbsp;Егер медициналық көмек алу барысында бір нәрсе көңіліңізден шықпаса, еркін таңдау құқығын пайдалана аласыз. Яғни, жылына бір рет тіркеу науқанынан тыс кезде емхананы ауыстыруға болады. Емхананы қаншалықты жиі ауыстыруға болады?Пациент келесі жағдайларда емханасын ауыстыра алады: &nbsp; 1) тұрғылықты жерін ауыстырған кезде; 2) бір әкімшілік-аумақтық бірлік шегінде емхананы еркін таңдау кезінде;&nbsp; 3) 15 қыркүйек пен 15 қараша аралығындағы тіркеу науқаны кезінде; 4) өңірлік комиссияның ұйғарымымен емханаға тіркегеніне келіспеген жағдайда; 5) емхана алғашқы медициналық-санитарлық көмек көрсетуден бас тартқан жағдайда, сонымен бірге емхананы қайта ұйымдастыруға, таратуға байланысты; 6) егер емхана Қормен шарт жасаспаса /шартты бұзған жағдайда/ медициналық қызметтер көлемін алмаса; 7) қызмет көрсету аумағында жаңа клиникалар пайда болған кезде.Медициналық көмек алу кезінде қосымша сұрақтар немесе мәселе туындаған жағдайда өз клиникасындағы Пациенттерді қолдау және ішкі сараптама қызметіне жүгіну қажет. Егер жағдайды сол жерде шешу мүмкін болмаса, Әлеуметтік медициналық сақтандыру қорының келесі байланыс арналарының біріне өтініш қалдыра алады:• Qoldau 24/7 мобильді қосымшасы • fms.kz ресми сайты • Telegram-дағы @SaqtandyrýBot • 1414 байланыс орталығыСондай-ақ Damumed, Halyk, BCC.KZ, Kaspi.kz мобильді қосымшалары МӘМС жүйесіндегі мәртебені тексеруге мүмкіндік береді. Сондай-ақ, электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесі аясында көрсетілетін медициналық қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі мәртебені тексеруге және жүргізілген төлемдер туралы ақпарат алуға болады.&nbsp;

МӘМС: Емхананы қаншалықты жиі ауыстыруға болады?

<a href="https://kyzylorda-news.kz/ru">Kyzylorda-news.kz.</a> Бүгін партия алаңында облыстық денсаулық сақтау басқармасының басшысы Искаков Олжас Ермекұлы қоғамдық қабылдау өткізді.Қабылдауда келушілер жедел-жәрдем қызметі, дәрі-дәрмектер тізбегі мен портал арқылы ем алу шаралары бойына өтініштері мен өз ұсыныстарын білдірді.Сабалақ саяжайына жауапты жедел-жәрдем көлігінің санын арттыру ұсынысы қаралып, алдағы уақытта оң шешілетіні жеткізілді. Ем-дом шаралары бойынша қолданыстағы заң нормалары мен нормативтік-құқықтық актілер бойынша түсіндірме жұмыстары жүргізіліп, кеңестер берілді.<blockquote>««AMANAT» партиясының Сайлауалды бағдарламасында денсаулық сақтаудың қол жетімділігі мен сапасы басым бағыттардың бірі ретінде белгіленген. Партия әрбір азамат тұрғылықты жері мен материалдық жағдайына қарамастан, қажетті кәсіби медициналық көмекті дер кезінде алуы керек деп есептейді және осы бағытта жүйелі жұмыстар жүргізуде. Атап айтсам, биылғы жылдан бастап денсаулық саласы бойынша ауқымды құрылыс жұмыстары жүргізіліп жатыр. Осы жылы 16, келер жылы 11 дәрігерлік амбулатория пайдалануға беріледі. Қызылорда қаласында емханасы бар, көпбейінді аурухана, қан орталығы құрылыстары басталды және Сексеуіл кентінде аурухана құрылысы жүргізілуде. Сонымен бірге, перинаталдық орталық және Арал ауданының ауруханасына жұқпалы аурулар бөлімшесінің құрылыстарының құжаттары әзірленуде. Жедел жәрдем мәселесі де алдағы уақытта шешімін табады»,- деді бас дәрігер Олжас Искаков</blockquote>Қабылдау барысында тұрғындар тарыпанан көтерілген мәселелер басқарма басшысы мен партиялық бақылауға алынды.

Денсаулық сақтау басқармасының басшысы тұрғындарды қабылдады

<a href="https://www.rbc.ru/life">ФОТО</a><a href="https://kyzylorda-news.kz/ru">Kyzylorda-news.kz.</a>&nbsp; Қызылша ауруы жоғары контагиозды ауа-тамшылары арқылы жұғатын жұқпалы ауру. Иммунитеті төмен, қызылшаға қарсы егілмеген немесе екпенің толық курсын алмаған азаматтар ауруға сезімтал болып келеді.Қы­зыл­орда облысының санитарлық-эпидемио­логиялық бақылау департаментінің дерегінше қызылша мен қызамық – бір-біріне өте ұқсас жұқпалы аурулар. Екеуінің қоздырғышы – вирус, ауа арқылы таралады, екеуіне тән белгі –денеде бөртпелердің шығуы. Сондай-ақ дене қызуы көтеріліп, жөтел пайда болып, көз жасаурап, мұрын бітеледі. Бұл жағдай 2-3 күнге дейін созылып, одан соң денеде бөртпелер пайда болады. Алғашында бет аймағында, құлақ артында шығып, содан соң денесіне тарайды. Ауру көзі болып ауру белгілері анық сипатталған және жасырын түрде өтетін науқастар болып табылады. Туа біткен қызамық ауруына шалдыққан нәресте де өте қауіпті болып саналады, себебі ол 1,5 жасқа дейін вирусты қоршаған ортаға бөледі.<blockquote>«Әр жұқпалы ауру өз асқынуларымен қауіпті, сол сияқты қызылша ауруында ортаңғы құлақтың, өкпенің, кеңірдектің, бронхтың, ми қабаттарының қабынуына әкеліп соқтырса, қызамық ауруы, әсіресе жүкті әйелдер үшін қаупті. Жүкті әйелдер вирусты жұқтырғаннан кейін қан арқылы нәрестеге жұқтырады, нәтижесінде әйелдерде түсік тастау, өлі бала туу сияқты асқынулар болуы мүмкін. Жатырішілік көру, есту, жүрек, бауыр, сүйек ағзаларының зақымдануы салдарынан бала соқыр, саңырау, жүрегінің және ақыл есінің кемістігімен туылады.Ең тиімді әрі сенімді алдын алу жолы – вакцинация. Қызамық пен қызылша ауруларына қарсы егулер баланың 12-15 айлығында және 6 жасында жүргізіледі. Егуден кейінгі иммунитет күші 2-3 аптадан соң пайда болып, 20 жылға дейін сақталады. &nbsp;Ауыр ағымда өтетін, тіпті өлім каупі бар аурудан сақтанудың бірден-бір жолы – вакцинация. Балаңыздың денсаулығы Сіздің қолыңызда. Өз балаңыздың уақытылы екпемен қамтылуына және еліміздің сау азаматы болып өсуіне ат салысыныз.», - дейді СЭБ департаментінің мамандары.</blockquote>&nbsp;

Қызылшадан қорғанудың жалғыз жолы – вакцинация 

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда қаласындағы №3 емхананың бас дәрігері Жанат Қожарипова емханада қандай медициналық көмекті тегін алуға болатынын айтып берді.Егер пациенттің мәртебесі «сақтандырылмаған» болса, онда медициналық көмек тегін медициналық көмектің кепілдік берілген көлемі (бұдан әрі – ТМККК) шеңберінде ғана қолжетімді болады. Бұл жедел медициналық көмек, бастапқы медициналық-санитарлық көмек, мамандандырылған медициналық көмек: амбулаториялық жағдайда, стационарды алмастыратын жағдайда және стационарлық жағдайда. Яғни, емханалар дәрігерді үйге шақыру, балалар мен жүкті әйелдерді патронаждау, 4 санаттағы жедел жәрдем шақыру, жалпы практика дәрігерінің (ЖПД), педиатрдың немесе терапевттің бақылауы және т. б. қызметтерді тегін көрсетеді. Барлық қалған медициналық көмекті міндетті әлеуметтік медициналық сақтандыру (бұдан әрі – МӘМС) шеңберінде ғана алуға болады.<blockquote>«МӘМС пакетіне ТМККК-да бар қызметтен тыс медициналық қызметтер кіреді. Атап айтқанда, бұл жоспарлы медициналық көмек: стационарлық, стационарды алмастыратын, қымбат тұратын консультациялық-диагностикалық қызметтердің барлық түрлері, соның ішінде КТ, МРТ, оңалту және қалпына келтіру емі. Сондықтан бұл қызметтерге қол жеткізу үшін жүйеде болу маңызды», - деп атап өтті Жанат Қожарипова.</blockquote>Бас дәрігер түсіндіргендей, кепілдендірілген медициналық көмек ҚР-ның азаматтарына, оралмандарға, Қазақстанда тұрақты тұратын, тұруға ықтиярхаты бар шетелдіктерге қолжетімді. Елімізде уақытша тұратын шетелдіктер ТМККК шеңберінде медициналық көмек ала алмайды, тек ақылы алады.МӘМС жүйесінің қазақстандық моделі әлеуметтік бағдарланған болып табылады. Халықтың 15 жеңілдетілген санаты үшін мемлекет жарна төлейді (https://fms.kz/kz/o-medstrakhovanii/infografika/65219/). Бұдан басқа, «МӘМС туралы» Заңға сәйкес әскери қызметшілер, арнаулы мемлекеттік органдарының, құқық қорғау органдарының қызметкерлері Қорға жарналар төлеуден босатылады.Егер сіздің қосымша сұрақтарыңыз болса, өз емханаңыздағы «Пациенттерді қолдау қызметіне» жүгіне аласыз. Сондай ақ, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, Qoldau 24/7 мобильді қосымшасы, Telegram-дағы @SaqtandyrýBot, 1414 Бірыңғай байланыс орталығы.Азаматтар мәртебесін келесі қосымшалар арқылы тексере алады: • Qoldau 24/7 &nbsp; мобильді қосымшасы&nbsp; • fms.kz &nbsp;ресми сайты • Telegram-дағы @SaqtandyrýBot &nbsp; • 1414 байланыс орталығы&nbsp; • Damumed мобильді қосымшасы. • Екінші деңгейдегі банктердің мобильді қосымшалары – Kaspi.kz, Halyk, Bcc.kz.Сондай-ақ, Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp; &nbsp;

 МӘМС: Емханада қандай медициналық қызметтер тегін көрсетіледі?

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Сыр өңірінде облыстық онкология орталығына «Қазақстан халқына» қоғамдық қоры арқылы алынған жылжымалы медициналық кешенді табыстау рәсімі өтті.Облыс әкімі Нұрлыбек Нәлібаев мұндай медициналық кешен республика бойынша 3 өңірде ғана іске қосылғанын атап өтіп, «Қазақстан халқына» қорына алғыс білдірді.<blockquote>«Біз былтырдан бері «Қазақстан халқына» қоғамдық қорымен әріптестік байланыстамыз. Қор екі жылда аймақтың денсаулық сақтау саласына 2 млрд. теңге қаржы бағыттады. Бұл қаржыға облыстық балалар ауруханасы базасында «Қамқорлық» оңалту орталығы ашылып, аса қымбат дәрі-дәрмектер алынды. Бүгін қор онкология орталығын республика бойынша 3 ғана облыста бар, 1,1 млрд. теңгенің скрининг жүргізуге арналған жылжымалы медициналық кешенімен қамтамасыз етуде. Жылжымалы кешен табысталатын 3 өңірдің бірі ретінде Қызылорда облысын таңдаған «Қазақстан халқына» қорына Сыр жұртшылығы атынан шынайы ризашылығымызды білдіріп, алғысымызды айтамыз! Кешен Арал мен Жаңақорған аралығындағы халықтың денсаулығындағы кінәратты ерте анықтаудың мүмкіндігін ұлғайта түспек», – деді аймақ басшысы.</blockquote>Іс-шарада «Қазақстан халқына» қоғамдық қоры директорының орынбасары Ләззат Шыңғысбаева облыстық онкология орталығының бас дәрігеріне жылжымалы медициналық кешеннің кілтін табыстады. Бұл өз кезегінде, шалғай елді мекендердегі тұрғындардың жоғары мамандандырылған медициналық көмекке қолжетімділігін арттыруға, орташа өмір сүру жасын ұзартуға мүмкіндік береді. Айта кетейік, 2 көліктен тұратын жылжымалы медициналық кешен томосинтез функциясы бар сандық маммографиялық жабдықпен, сарапшылық деңгейдегі ультрадыбыстық жүйемен және жоғары дәлдікпен зерттейтін компьютерлік томографпен жабдықталған. Екі құрал да Жапонияда жасалған. Мұндай кластағы және конфигурациядағы медициналық жабдық Қазақстанда алғаш рет қолданысқа берілуде.Қазақстан Республикасы бойынша пилоттық өңірлер ретінде таңдалған Алматы, Қызылорда және Ақтөбе облыстарында «QH Денсаулық жолы» жобасының іске асырылуы онкологиялық ауруға шалдыққандарды ерте сатыда анықтауға мүмкіндік береді. Халықты онкологиялық скринингпен қамту бойынша қазіргі жоспар 60%-ды құрайды. Жобаны енгізу арқылы пилоттық өңірлер бойынша тексерумен қамтуды 70%-ға дейін ұлғайту көзделуде.<figure class="image"><img src="https://knadmin.beoblood.kz/uploads/398961727_639462651708316_6806426225892017003_n_9ca16f762a.jpg" alt="398961727_639462651708316_6806426225892017003_n.jpg"></figure>&nbsp;<figure class="image"><img src="https://knadmin.beoblood.kz/uploads/398964273_639462711708310_3049985913826395462_n_07e9ac7e3b.jpg" alt="398964273_639462711708310_3049985913826395462_n.jpg"></figure>&nbsp;<figure class="image"><img src="https://knadmin.beoblood.kz/uploads/398936357_639462691708312_6409647155725188822_n_db500f524a.jpg" alt="398936357_639462691708312_6409647155725188822_n.jpg"></figure>&nbsp;<figure class="image"><img src="https://knadmin.beoblood.kz/uploads/398951522_639462731708308_8982709538191810160_n_121964d200.jpg" alt="398951522_639462731708308_8982709538191810160_n.jpg"></figure>

Қызылордада онкология орталығына жылжымалы медициналық кешен табысталды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Соңғы кездері елімізде әсіресе балалар арасында қызылшамен ауыру жағдайы жиілеп кеткен, деп хабарлайды BAQ.KZ.</h4>Дерттің өршуіне қатысты Денсаулық сақтау бірінші вице-министрі Тимур Сұлтанғазиев түсініктеме берді.<blockquote>Биыл қызылшамен ауырғандар саны 11 мыңнан асып түсті. Жағдай әсіресе Шымкент, Алматы қалалары мен Алматы, Жамбыл облыстарында ушығып тұр. Жалпы сырқаттанған адамдардың 83%-ы – 14 жасқа дейінгі балалар. Олардың басым бөлігі, яғни 85%-ы – екпе алмаған балалар. Сондықтан екпені нығайту бойынша жұмыс жалғасып жатыр. 6-11 айлық сәбилер мен 2-5 жас аралығындағы балаларға екпе салынады. Ал екпе алмағандардың басым көпшілігінде медициналық қарсы көрсетілімдері бар немесе әлеуметтік желілерден шындыққа жанаспайтын ақпараттар алға. Соған байланысты ата-аналар балаларына екпе салдырудан бас тартуда, - деп түсіндірді вице-министр Сенаттың жалпы отырысынан кейін кулуарда тілшілерге берген сұхбатында.</blockquote>Айтуынша, қызылша ауруының таралуы тек елімізде ғана емес, әлемде де орын алуда.<blockquote>Қызылшамен ауырудың бұлайша көбеюі Қазақстанда ғана емес, бүкіл әлемде орын алуда. Оның негізгі себептерінің бірі – коронавирус инфекциясына қарсы шаралар кезінде вакцинация жүргізудің төмендеп кетуі. Ал елдегі белгілі бір өңірлерде қызылшаның өршуі – ол аймақтарда халықтың тығыз қоныстануы және сәйкесінше, демографиялық көрсеткіштің жоғарылауымен байланысты. Сол үшін инфекция жұқтырғандар саны да көп, - деді Тимур Сұлтанғазиев.</blockquote>

Елімізде қызылша ауруы неге өршіп тұр?

<a href="https://kyzylorda-news.kz/ru">Kyzylorda-news.kz.</a> Аймақтың 129 мыңнан астам тұрғыны МӘМС жүйесінен тыс қалып отыр. Көбіне олар 12 айға төлемеген азаматтар және жұмысшылар санатындағылар болып табылады. Бұл туралы облыс әкімінің орынбасары Мейрамбек Шермағанбеттің төрағалығымен өткен МӘМС мәселелері жөніндегі өңірлік штаб отырысында Әлеуметтік медициналық сақтандыру қорының облыс филиалының директоры Бақыт Исмаханбетов мәлімдеді.Спикердің айтуынша, Қызылорда облысында 693 мыңнан астам сақтандырылған азамат бар, бұл халықтың 84,3% құрайды. Жыл соңына дейін бұл көрсеткішті межелік 87% - ға дейін жеткізу қажет.Қор филиалының директоры халықты МӘМС жүйесіне тарту бойынша бірлескен жұмысты жандандыруға шақырды.<blockquote>«Өңір халқының осы жүйеде сақтандырылмаған 15,7% - ы медициналық көмектің толық көлемін алалмайды, бұл 129 мыңнан астам адамды құрауда. Осы сақтандырылмағандардың басым бөлігінің үлесі Қызылорда қаласы (15,4 %) &nbsp;және Қармақшы ауданына қарасты Байқоңыр қаласымен Төретам, Ақай тұрғындарына (22,4%) тиесілі болып отыр, Олар негізінде 12 айда жарна төлемеген азаматтар мен жалдамалы жұмысшылар санатындағылар. Мәселен, мемлекеттік кірістер Департаментінің бақылауынан тыс қалу салдарынан а.ж. қыркүйек айына 43 503 тұлғадан сомасы 158 339,3 мың теңге МӘМС төлемдерінің уақытылы түсуі қамтамасыз етілмей қалып отыр», - деді Б.Исмаханбетов.</blockquote>Облыс әкімінің орынбасары Мейрамбек Шермағанбет тұрғындарды МӘМС жүйесімен қамту мәселесі Отбасылық цифрлық картасындағы басты мәселелердің бірі екенін атап өтті.&nbsp;<blockquote>«Тұрғындарды МӘМС жүйесімен қамту алгоритмін әзірлеу, сондай-ақ уақтылы аударымдар мен жарналарды бақылауы күшейтілу қажет. Кең ауқымды түсіндіру жұмыстары үшін азаматтарды МӘМС жүйесіне тарту бойынша ақпараттық-насихаттау тобын ұйымдастыру қажет, оның құрамына белгілі дәрігерлер мен қоғам қайраткерлері кіреді», - деді М.Шермағанбет.</blockquote>Жиынды қорытындылай келе, облыс әкімінің орынбасары қала және аудан әкімдігіне жұмыс тобын құруды және қала, аудан, кент, елді мекен ауылдық округтерінің әкімдеріне әрбір тұрғынды МӘМС жүйесіне қосылуына тікелей ұйымдастыруды, ал сала басшыларына деректерді өзектендіру бойынша жұмысты жандандыруды тапсырды.&nbsp;

Қызылорда облысында 693 мыңнан астам азамат сақтандырылған 

<a href="https://kyzylorda-news.kz/ru">Kyzylorda-news.kz.</a> Кейбір адамдарды күз басталса мерзімдік аллергия жиі мазалайды. Бірақ кейде аллергияны суық тиюмен шатастырып жатады. Аллергиялық иммунолог Андрей Продеус аллергия мен суықтың белгілерін қалай ажыратуға болатынын түсіндірді.Сарапшының айтуынша, күзде зең сияқты аллерген жиі кездеседі. Бұл тітіркендіргішке реакция ЖРВИ белгілеріне ұқсас болуы мүмкін.Дәрігер аллергияның негізгі белгісі ринорея, яғни мұрынның ағуы, оның бітелуі және көздің қызаруы екенін айтты.<blockquote>"Күзде жиі кездесетін вирустық және жұқпалы ауруларда дене қызуы көтеріліп, буындар ауырады және жалпы ыңғайсыздық болады", - деді аллерголог иммунолог.</blockquote>Сонымен қатар, дәрігер аллергияда дене қызуының көтерілуі сирек кездесетінін түсіндірді.Оған қоса, аллергия мен суық тию кезінде мұрыннан ағатын судың айырмашылығы бар көрінеді.<blockquote>"Аллергия кезінде мұрыннан сұйық "су" ағады. Инфекция кезінде ол көбінесе ақшыл-сарғыш немесе сарғыш-жасыл болады", - деп қосты маман.</blockquote>Ақпарат дереккөзі: <a href="https://massaget.kz/basty-zhaalytar-438/93501/">Massaget.kz&nbsp;</a>

Аллергияны суық тиюмен шатастырмаңыз

&nbsp;Kyzylorda-news.kz. Биыл 26 ​​сәуірі мен 6 желтоқсаны аралығында ҚР Президентінің жанындағы Әйелдер және отбасылық-демографиялық саясат жөніндегі Ұлттық комиссияның қолдауымен "Самрұқ-Қазына" және Денсаулық сақтау министрлігімен бірлесіп &nbsp;ауқымды әлеуметтік «Саламатты Қазақстан» медициналық пойызы әлеуметтік жобасы іске асырылуда.Еліміздің барлық өңiрлерiне тоқтаған медициналық пойыз 18 қазан мен 3 қараша аралығында Қызылорда облысының елді мекендері тұрғындарына тегін медициналық, психологиялық, құқықтық көмек көрсетті.Атап айтар болсақ, шалғайдағы станция тұрғындары негізгі медициналық мамандарынан, яғни білікті терапевт, стоматолог, офтальмолог, отоларинголог, хирург, уролог, невропатолог, гинеколог дәрігерлерiнен тегін тексеру және емдеуден өттi.Сондай-ақ, "Саламатты Қазақстан" жобасына алғаш рет биылдан бастап кәсіби және тәжірибелі медиаторлар мен заңгерлер тартылып, олар тұрғындардың әртүрлі топтарына медиация, заңгерлік және әлеуметтік тұрғыда тегін көмек көрсетуде.Дәрігерлердiң аймақ тұрғындарына медициналық қызмет көрсету шарасына облыстық денсаулық сақтау басқармасы басшысының орынбасары Мирзанова Мая Миранбайқызы да қатысып, мамандармен пiкiр алмасты.&nbsp;«Саламатты Қазақстан» медициналық пойызы заманауи диагностикалық және медициналық жабдықтармен (УЗИ, флюорография және т.б.), шағын операциялық бөлмемен, зертханамен, интернетке сымсыз қосылуға арналған байланыс құралдарымен жабдықталған.Медициналық пойыздың тағы бiр айта кетер ерекшелігі - мұндағы мамандар сақтандырылмаған тұрғындарға да тегін медициналық көмек көрсетедi.

«Саламатты Қазақстан» медициналық пойызы Қызылорда облысына келді

Kyzylorda-news.kz. Облыста 6 қарашадан бастап 1 жасқа толмаған балаларға қызылшаға қарсы қосымша иммундау жұмыстары &nbsp;жүргізіледі. &nbsp;Ал 2-4 жас аралығындағы балаларға екпе егу жұмыстары 5-ші желтоқсанда басталады.Бұл туралы Өңірлік коммуникациялар қызметінің ақпарат алаңында облыстық санитариялық-эпидемиологиялық бақылау департаменті басшысының орынбасары Әлия Әбдіқайымова хабарлады.<blockquote>Қызылша індетіне шалдыққандардың басым бөлігі - ауруға қарсы екпе алмаған жандар. Сондай-ақ, уақытылы вакцинацияланбаған балалар қызылшаға жиі шалдығады. Осыған сәйкес, қызылша ауруының эпидемиологиялық ахуалын тұрақтандыру үшін қажетті шаралар қолға алынды. Қазақстан Бас санитар дәрігердің қаулысына сәйкес, қызылшамен ауырған &nbsp;науқаспен байланыста болған 30 жасқа дейінгі адамдар шұғыл вакцинацияланады және медициналық бақылауға алынады. Сонымен қатар тұрақты тіркелмеген, қызылшаға қарсы егілу дерегі жоқ азаматтар келісім бойынша бір рет иммундалады. Қызылшаға қарсы егілмеген 55 жасқа дейінгі медицина қызметкерлері де екпе алады. Бұдан бөлек, халық арасында ақпараттық түсіндірме жүргізіледі, - деді Әлия Мүтәліпқызы.</blockquote>Облыстық жұқпалы аурулар ауруханасының бас дәрігері Айна Мұхамбетова қызылша ауруының белгілеріне тоқталып өтті.<blockquote>-Қызылша – кең таралған инфекциялық ауру. Көбіне қызылша балалар арасында кездеседі. Аурудың белгілері - дене қызуының көтерілуі, мұрынның, көздің және тамақтың шырышты қабығы қабынады және теріде бөртпелер пайда болады. Бұл инфекция ауа арқылы беріледі. Сондықтан аурудың алдын алып, уақытылы екпе қабылдаған жөн, - деді Айна Қарабұзауқызы.&nbsp;</blockquote>Айта кетейік, жыл басынан бері облыста қызылша ауруының 708 дерегі тіркелді. Оның 611-і 14 жасқа дейінгі балалар арасында анықталды. Ал 1 жасқа толмаған &nbsp;нәрестелер арасында 163 жағдай орын алды.&nbsp; Ескеретін жәйт, облыста былтыр қызылша ауруына шалдыққандар тіркелмеген.

1 жасқа толмаған балаларға қызылшаға қарсы екпе егіледі

<a href="https://kyzylorda-news.kz/ru">Kyzylorda-news.kz.</a> Қазан айының соңында егде жастағы әйелді Шиелі ауданы Тартоғай ауылындағы аялдамада көлік қағып кеткен. Көптеген дене жарақаттарымен, ес-түссіз күйдегі әйел ауыр жағдайда Шиелі аудандық көпбейінді орталық ауруханасына жатқызылды.Жансақтау және қарқынды терапия бөлімінің меңгерушісі Берік Болатовтың айтуынша, науқастың миы шайқалған, жамбас сүйектері мен қолдарының көптеген сынықтары бар. Науқас ауыр жағдайдан шығарылды, Гофман құрылғысы орнатылды (аяқ-қолдың мен жамбас сүйектерінің ұзын сүйектерінің сынықтарын қысу және дистракциялау &nbsp;құрылғысы).Бүгінгі таңда 63 жастағы әйелдің өміріне қауіп төніп тұрған жоқ. Шиелілік дәрігерлердің нақты әрі үйлесімді жұмысының арқасында науқастың денсаулық жағдайы жақсарып келеді. Одан әрі емделу үшін көпсалалы облыстық ауруханасына жіберілді.<blockquote>«Жыл басынан бері бөлімге 811 адам келіп түсті. Көбінесе науқастар инсульт және әртүрлі жарақаттармен түседі. Жақында облыстық аурухананың нейрохирургтарымен бірлесіп инсульт алған 67 жастағы ер адамның миына ота жасадық. Әзірге ол комада жатыр. Емнің оң динамикасы байқалуда», - дейді Берік Болатов.</blockquote>Биылғы жылдың 9 айында Шиелі аудандық ауруханасында 8,5 мың адам ем алды. Осы мақсаттарға Әлеуметтік медициналық сақтандыру қорынан шамамен 1,5 млрд. теңге бөлінді.<figure class="image"><img src="https://knadmin.beoblood.kz/uploads/3_dab722f007.jpg" alt="3.jpg"></figure>&nbsp;

Шиелі ауданының дәрігерлері көлік қағып кеткен әйелдің өмірін сақтап қалды

<a href="https://kyzylorda-news.kz/">Kyzylorda-news.kz.</a>&nbsp;МӘМС жүйесі енгізілгелі дәрігерлердің консультациялары, зертханалық талдаулар және аспаптық диагностиканың саны 7 есе артты, деп хабарлайды Әлеуметтік медициналық сақтандыру қоры.Биыл МӘМС аясында консультациялық-диагностикалық қызметтер көрсетуге 290 млрд теңгеге шарттар жасалды. Бұл өткен жылмен салыстырғанда 20%-ға артық. 3 жыл ішінде бұл қызметтердің көлемі 7 есе өсті. 2019 жылы, міндетті әлеуметтік медициналық сақтандыру жүйесі енгізілгенге дейін 18 млн консультациялық-диагностикалық қызмет көрсетілсе, 2022 жылдың қорытындысы бойынша ол 142 млн-ға жетті.&nbsp;<blockquote>«Пациенттер консультациялық-диагностикалық қызметтерге көп жүгінеді. Олар МӘМС бойынша бейінді дәрігерден тегін кеңес алу, талдаулар тапсыру және жолдама бойынша КТ/МРТ өтуге болатынын біледі. Азаматтардың қажеттіліктерін ескеріп, жыл сайын қызметтерге қаржы көптеп бөлінеді әрі Қормен жұмыс істеуге ниет білдірген медициналық ұйымдардың саны да артып келеді. 2023 жылдың бірінші жартыжылдығының қорытындысы бойынша МӘМС аясында &nbsp;126,7 млрд теңгеге консультациялық-диагностикалық қызмет көрсетілді. Оған зертханалық талдаулар, диагностика (УДЗ, ЭКГ, КТ/МРТ және т. б.), стоматологиялық қызметтер, жылжымалы медициналық кешендердің, жастар денсаулық орталықтарының жұмысы кіреді», – деп хабарлады Қордың баспасөз қызметі.&nbsp;</blockquote>МӘМС жүйесінің негізгі міндеті – денсаулық сақтау саласын қаржыландыру көлемін біртіндеп арттыру. Егер 2019 жылы азаматтардың медициналық қызметтерге қажеттілігіне 1,03 трлн теңге (ТМККК) бөлінсе, 2023 жылы 2,5 трлн теңгеден астам қаржы (өсім 2,5 есе) қарастырылған.&nbsp; Медициналық көмек алу кезінде қосымша сұрақтар немесе мәселе туындаған жағдайда өз клиникасындағы Пациенттерді қолдау және ішкі сараптама қызметіне жүгіну қажет. Егер жағдайды сол жерде шешу мүмкін болмаса, Әлеуметтік медициналық сақтандыру қорының келесі байланыс арналарының біріне өтініш қалдыра алады:&nbsp; • &nbsp; Qoldau 24/7 мобильді қосымшасы • &nbsp;fms.kz ресми сайты • Telegram-дағы @SaqtandyrýBot • 1414 байланыс орталығыСондай-ақ Damumed, Halyk, BCC.KZ, Kaspi.kz мобильді қосымшалары МӘМС жүйесіндегі мәртебені тексеруге мүмкіндік береді. Сондай-ақ, электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесі аясында көрсетілетін медициналық қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі мәртебені тексеруге және жүргізілген төлемдер туралы ақпарат алуға болады.<figure class="image"><img src="https://knadmin.beoblood.kz/uploads/OSMS_1_f64b163d4d.jpeg" alt="ОСМС (1).jpeg"></figure><figure class="image"><img src="https://knadmin.beoblood.kz/uploads/OSMS_2_c73d1d7e85.jpeg" alt="ОСМС (2).jpeg"></figure><figure class="image"><img src="https://knadmin.beoblood.kz/uploads/OSMS_3_534044a45b.jpeg" alt="ОСМС (3).jpeg"></figure>

Қазақстан және Қызылорда облысының жаңалықтары: Денсаулық