<a href="https://kyzylorda-news.kz/">Kyzylorda-news.kz</a> &nbsp;Сырдария аудандық ауруханасында «12 мамыр – Халықаралық медбикелер күні» аясында салтанатты іс-шара өткізілген болатын. Аталған іс-шараға «AMANAT» партиясының аудандық филиалының атқарушы хатшысы Еркебұлан Жақып, Сырдария аудандық ауруханасының бас дәрігері Жалғасбек Үсенов, сала мамандары қатысты.Еңбегімен халық алғысына бөленген медбикелердің құрметіне арналған іс-шараны ашқан Сырдария аудандық ауруханасының бас дәрігері Жалғасбек Үсенов әріптестерін мерекемен құттықтады.<blockquote>– Бүгін керемет іс-шарада бас қосып отырмыз. Тынымсыз еңбегімен көпке танылған медбикелердің кәсіби мерекесімен шын жүректен құттықтаймын! Біз сала мамандарын қашанда мақтан етеміз. Аудандандық ауруханаға қарасты емдеу мекемелерінде медбикелердің алатын орны ерекше. Науқасқа ем-шара жасап, жұмысқа тиянақтылық танататын Сіздерге құрметіміз ерекше. Әрқашан аудан медицинасының абыройын асқақтата береңіздер, – деді бас дәрігер.</blockquote>Өз кезегінде «AMANAT» партиясының аудандық филиалының атқарушы хатшысы Еркебұлан Жақып сала мамандарына ақжарма тілегін жеткізді.<blockquote>– Мамыр айынан алғашқы күндерінен бастау мерекелер желісі «12 мамыр – Халықаралық медбикелер күнімен» жалғасын тауып отыр. Әрине, сала мамандарының жұмысы көзге көрінбейтін, асқан қиыншылықпен келетін күрделі мамандық саналады. Осындайда біз Сіздердің қызметтеріңізді жоғары бағалаймыз. Әрбір отбасында қуаныш, береке орнап, жұмыста табысты бола беріңіздер, – деді Еркебұлан Жақып.</blockquote>Бұл ретте, салтанатты іс-шарада талай жыл қажыр-қайратымен даралана білген, жұмыста абырой биігінен көрінген «Жалпы тәжірибелік» бөлімшесінің тіркеу мейіргері Маралкүл Қожақты, Аманкелді ауылдық дәрігерлік амбулотриясының мейіргері Лаура Әлімбетованы, «Перзентхана» бөлімшесінің кіші буын қызметкері Ақылай Шәденованы, Шаған ауылдық амбулотриясының кіші буын қызметкері Жұмабике Шандыбаеваны зейнеткерлік демалысқа шығарып салу рәсімі өтті. Табан аудармастан аудан медицинасында еңбек еткен сала мамандарына ерекше құрмет көрсетіліп, сый-сияпат ұсынылды.Медицина мамандары Қызылорда облыстық денсаулық сақтау басқармасы басшысы Олжас Искаковтың, аудан әкімі Берік Сәрменбаевтың, «SЕNIM» денсаулық сақтау жүйесі жұмыскерінің салалық кәсіподағының, «AMANAT» партиясының аудандық филиалының, Халықаралық «Қазақ тілі қоғамы» қоғамдық бірлестігінің аудандық филиалының, Қызылорда облысы бойынша мейіргер ісі мамандарының ассоциасы қоғамдық бірлестігінің, кәсіподақ ұйымының «Алғыс хаттарына» ие болды. Сонымен қатар облыстық денсаулық сақтау басқармасы тарапынан ұйымдастырылған жарыста үздіктер қатарынан көрінген сала мамандарына ерекше ілтипат жасалды.Айта кетейік, салтанатты іс-шара кезінде аудандық мәдениет үйінің өнерпаздары өнер көрсетті.

Сала мамандары құрмет төрінде

<a href="https://kyzylorda-news.kz/">Kyzylorda-news.kz</a> 12 мамыр бүкіл әлемде мейірбикелер күні атап өтіледі. Бұл мереке тарихтағы алғашқы қайырымдылық мейірбикелер ұйымын құрған әйгілі ағылшын медбикесі Флоренс Найтингейлдің туған күнінде атап өтіледі. Медицина саласының ең үлкен әскері болған мейірбикелердің мерейлі мерекесінде облыстық жұқпалы аурулар ауруханасының аға мейірбикесі Орынкүл Күзибаева мен облыстық периниталдық орталығының акушері Алуаш Әбілдаева мерекенің маңызын тілге тиек етіп, БАҚ өкілдерінің сұрақтарына жауап берді.“Медицина - жауапкершілігі мол сала. Мен еңбек жолымды перзентханалар бөлімінде бастадым. Қаламыздағы медициналық колледждегі ұстаздарымның маған берген білімі, өміріме азық болды. Еңбек өтілім - 30 жыл. Осы уақыт аралығында саладағы еңбегіміз ескеріліп, ҚР Денсаулық сақтау министрінің Алғыс хатымен марапатталдым, еселі еңбегіміз жоғары бағаланды. Мейірбикелердің қызметінен хабар беретін “Шаттық ұясы” атты кітапқа есімім енді. Бүгінде босану бөлімінің акушері болып қызмет жасаймын. Бұл қызметте мен мейірімділік деген қасиетті темірқазық көремін. Сәбиін бауырына басып, нұрланып қараған анаға қызмет жасау мен үшін де үлкен мәртебе,”- деді Алуаш Әбілдаева.“Бүгінгі мерекемен барша мейірбикелерді құттықтаймын. Біздер үшін маңызы зор мереке. Мен Оңтүстік Қазақстан облысы, Сарыағаш қаласының тумасымын. 20 жыл мейірбике қызметін атқардым. Қазіргі таңда Қазақ ұлттық медицина университетінің екінші курс студентімін. Медицина саласы үлкен ізденісті талап етеді. Саланы толық меңгеру үшін білімімді жетілдіріп жатырмын. Өзімнің әпкем мейірбике болып қызмет жасаған. Сол әпкеме еліктеп, мен де осы саланың өз адамы болғым келді. Бүгінде жұқпалы аурулар ауруханасында жұмыс істеймін. Мейірбикелердің жұмысы уақыт талғамайды. Ауырған жанға алғашқы көмек ұсынатын сала мамандары шынымен де құрметке лайық. Оны көзбен көріп жүргеннен кейін, айтуым орынды,” - деді Орынкүл Күзибаева.Фото: Қызылорда облысының Өңірлік коммуникациялар қызметі

12 мамыр - мейірбикелер күні

<a href="https://kyzylorda-news.kz/">Kyzylorda-news.kz</a> &nbsp;«Q-MED» емханасының байланыс орталығына күн сайын тұрғындардан 60-қа жуық қоңырау түседі. Бұл медициналық қызметтердің сапасы бойынша кері байланыс арналарына жүктемені азайтады. Бұл туралы Әлеуметтік сақтандыру қорының Қызылорда облысы бойынша филиалының басшылығымен кездесу барысында емхана мамандары хабарлады.Медициналық орталық бастапқы медициналық-санитарлық көмек көрсетеді. Клиникада зертханалық қызметтен, диагностикадан, дәрігерлердің кеңес алу, дәрі-дәрмекпен қамтамасыз етуден басқа жедел медициналық көмек қарастырылған. Қазіргі таңда 4 учаскелік аймақ облыс орталығының 7 мыңнан астам тұрғынына қызмет көрсетеді. Учаскелік аймақтың санын 15 мың адамды қамтитын 9-ға дейін кеңейту жоспарлануда.<blockquote>«Біз сапалы медициналық қызмет көрсетуге және жеделдікке бағытталғанбыз. Пациенттерді қолдау және ішкі аудит қызметі, 8 705 176 70 24 телефон нөмірі бойынша байланыс орталығы бар. Пациенттерге арналған WhatsApp чатымызда тұрғындардың өтініштерін қарастырамыз. 2023 жылы оқшауланған жағдайлар болса, осы жылдың басынан бері пациенттерден бірде-бір шағым түскен жоқ», - деп атап өтті емхананың құрылтайшысы Раушан Базарбай.</blockquote>Әлеуметтік медициналық сақтандыру қоры филиалының мәліметінше, емхананы қаржыландыру айтарлықтай артқан.<blockquote>«2023 жылы Қор «Q-med» емханасына 159 миллион теңгеден астам қаржы бөлді. Биылдың өзінде шамамен 300-ге жуық миллион теңге қарастырылған. Қаржыландыру 47% - ға өсті», - дейді ӘМСҚ облыстық филиалының директоры Бақыт Исмаханбетов.</blockquote><figure class="image"><img src="https://knadmin.beoblood.kz/uploads/kyu_med_3_168739c9b8.jpg" alt="кю мед 3.jpg"></figure>&nbsp;<figure class="image"><img src="https://knadmin.beoblood.kz/uploads/kyu_med_5_e3301a10e5.jpg" alt="кю мед 5.jpg"></figure> &nbsp;

Раушан Базарбай: Мақсатымыз бір – медициналық қызметтердің сапасын арттыру

<a href="https://kyzylorda-news.kz/">Kyzylorda-news.kz</a> &nbsp; Сырдария аудандық ауруханасының жекелеген бөлімшелеріне емделуге әрбір тұрғын Алтын Ізетқызының жатқа білетіні жасырын емес. Себебі, биязы қалпынан таймайтын сала ардагері 31 жыл бойы «Физиотерапия» бөлімінде емделушімен тығыз байланыста болды. Елдің алғысын арқалап, жүктелген міндетті мінсіз атқара білді.Негізінен, Изетова Алтынкүл осыдан 69 жыл бұрын Қазалы ауданына қарасты Каукей елді мекенінде көп балалы шаруаның отбасында дүниеге келген. Сала ардагері 1975-1977 жылдары Қызылорда қаласындағы медициналық колледждің медбике дайындау тобында оқып, мәртебелі мамандық иегері атанады. Дәрігер отбасынан шыққан ардақты ананың медицинадағы еңбек жолы «Терапия» бөлімшесінен басталады. 1977 жылы Хазит Бегімқұловқа тұрмысқа шығып, дүниеге 4 перзент әкеледі.<blockquote>– Сүргелеңге толы, ауыртпалыққа толы медицина саласында еңбек ете білген әрбір маманға зор жауапкершілік артылады. Негізінен, медицина саласын таңдап, өлшеусіз еңбек еткеніме дән ризамын. «Физиотерапия» бөлімінде жүріп, дәрігер тағайындаған ем-шараны жасадық. Әрбір физиотерапияның науқасқа қолданатын уақыты болады. Сондықтан біз науқасқа ем дарыту үшін барымызды салдық, – дейді сала арадегері.</blockquote>&nbsp;

Дара қасиетімен ерекшеленген асыл ана 

<a href="https://kyzylorda-news.kz/">Kyzylorda-news.kz</a> &nbsp;Сырдария аудандық ауруханасы қашанда сала ардагерлерін құрмет төріне шығаруға дағдыланған. Жақында арнайы ардагерлерге куәлік табысталып, ереше ілтипат көрсетілді. Мамандықтың қыр-сырын игеріп, зейнеттік демалысқа шыққанша қажырлы еңбек еткен ұжымда ардагерлер қатары жеткілікті. Соның бірі – Жанат Досмағанбетова.Жалпы, Жанат Өзбекбайқызы Сырдария аудандық ауруханасында 42 жыл еңбек еткен. «Перзентхана» бөлімшесінде ана мен баланың денсаулығына жіті назар аударып, жас буынға ақыл-кеңесін аямады. Біліктілігіне ешбір шүбә келтіртпес сала ардагері көптеген марапат төрінен көрінді.<blockquote>– Жолдасым Мұхтар – ішкі істер органдарының ардагері. Құқық қорғау саласында абыройлы қызмет етті. Өзім жаңа босанған кішкентай нәрестені бақылауда ұстап, барынша денсаулығының дұрыс болуына көңіл бөлдім. Жауапкершілігі мол қызметте жүргенімде мыңдаған сәбидің дүниеге келу сәтіне куә болдым. Балаларым темір жол саласында қызмет етсе, бір келінім дәрігер, екіншісі бала күтімімен үйде отыр. Ал қызымыз Лаура Ақтау қаласында тұрады. Ол терапевт-дәрігер, қосымша жеке дәріхана бизнесін қолға алған. Шүкір, балалар есейіп, өз алдына отау болғанына қуаныштымыз. Қазіргі уақытта үйдегі шаруаның барлығына немерелерім жарап тұр, – дейді көп кәсіпті дөңгелеткен Жанат Досмағанбетова.</blockquote>Ардақты ана бүгінде жеке кәсіппен айналысып, мал шаруашылығымен қатар құс өсіруді, омарталықты қолға алған.

42 жыл еткен еңбектің жемісін көрген ардагер 

<a href="https://kyzylorda-news.kz/">Kyzylorda-news.kz</a> &nbsp; – «Алло, сәлеметсіз бе? Тегін дәрі-дәрмек келеді мекен? Балам ауырып қалды. Учаскелік дәрігерді үйге жібересіз бе? Бүгін қабылдау нешеге дейін айтып жібересіз бе? Дәрігерге жазылайын деп едім» деген сауалмен күнделікті көше тұрғындары үздіксіз медбике Мира Елекееваға хабарласады. Барлық қоңырауға байыппен жауап беретін сала маманы дәрігер мен тұрғынның арасындағы алтын көпірге айналған.Расында, аймақтық медбикенің жұмысының қауырт екенін жақсы білеміз. Барлық жұмысты жан-жақты үйлестіре білетін жан Сырдария ауданына қарасты Іңкәрдария ауылында дүниеге келген. Осыдан 35 жыл бұрын қолына дипломын алған сала маманы алғаш туған ауылындағы емдеу мекемесінде қызмет еткен. Содан кейін 2002-2004 жылдары «Туберкулезге қарсы диспансерлік» ауруханасында ұтымды жұмысымен танылған. Соңғы 18 жылда аймақтық медбикенің еткен қызметін жоғары бағалаған аурухана ұжымы оны жоғарғы марапаттарға ұсынған. Әрине, қажырлы еңбекке берілген лайықты баға ел есінде қалары сөзсіз. Ұдайы емделушімен байланысын үзбейтін сала маманының жұмысына сәттілік тілейміз.Негізінен, Құдай қосқан қосағымен Мира Берікболқызы 4 перзентті тәрбиелеп өсірді.

Жергілікті тұрғынның тілін тапқан медбике

<a href="https://kyzylorda-news.kz/">Kyzylorda-news.kz</a>&nbsp; Облыс әкiмiнiң қолдауымен, Қазақстан Республикасының Стамбул қаласындағы бас консулы Аманқұл Нуриддиннiң үйлестіруімен осы жылдың 15-27 сәуірі аралығында сырбойылық 10 реаниматолог, 5 кардиолог дәрігер "Memorial Sisli hastanesi" клиникасында 2 апталық тағылымдамадан өтті. Бұл туралы Қызылорда облысы әкімінің баспасөз қызметі хабарлады.&nbsp;Аталған клиника пациенттерге көрсететін медициналық қызметінің ауқымы және сапасы жөнінен Стамбулдағы ең озық мекемелердің бірі деп есептеледі. Деректерге қарағанда, әлемнің 90-нан астам елінің азаматтары осы клиникада емделеді екен. Қызылордалық дәрігерлер бiлiктiлiк арттыру курсын аяқтап, сертификат алды. Мамандар жинаған тәжірибесін тұрғындарға медициналық қызмет көрсету барысында қолданбақ.Айта кетейік, өңірде денсаулық сақтау саласының инфрақұрылымын нығайтуда, маман тапшылығы мәселесін шешуде ауқымды жұмыстар атқарылуда. Алыс-жақын шетелдерде біліктілігін арттырған дәрігерлер инновациялық емдеу тәсілдерін облыс медицинасына енгізуде. Алдағы уақытта жетекші клиника дәрігерлерінің шеберлік кластарын ұйымдастыру арқылы да мамандар шеберлігін шыңдау жоспарда бар.Фото: Қызылорда облысы әкімінің баспасөз қызметі

Қызылордалық дәрігерлер Түркияда тағылымдамадан өтті

<a href="https://kyzylorda-news.kz/">Kyzylorda-news.kz</a> &nbsp;12 мамыр – халықаралық мейірбикелер күні. Мейірбике – адам жанына араша түсіп, денсаулық түзеу ісінде дәрігерлерден кем қызмет қылмайтын жауапты мамандық иелері. Қызылорда қаласындағы денсаулық сақтау саласында ұзақ жыл еңбек етіп, бүгінде ел алғысын арқалаған жанның бірі – Күлмарам Күншығарова. Ол 42 жыл мейірбике болып еңбек етіп, дертіне шипа іздеген тұрғындардың жанына сөзімен де ісімен де дауа бола білген маман. Кейіпкеріміз Күлмарам Жалғасқызы 1964 жылы Қызылорда қаласында дүниеге келген. Мейірбике болу оның өзінің жан қалауы, жүрек таңдауы болды. Бүгінде өз саласын меңгерген білікті маман. Атқарып жүрген жұмысына үлкен жауапкершілікпен қарайтын ол науқастың денсаулығын арттыруға сүбелі үлес қосқан, құрметке бөленген жан десек артық айтқандық емес. Білікті, жан-жақты, қашан да айналасындағылардың көңілін тауып, жылы шырайлы мейірбике алдына келген науқастан көмегін еш аяған емес. Мұны әріптестері де, науқастарда жиі айтады. Күлмарам Жалғасқызы 1982 жылы Қызылорда медицина колледжін мейірбике ісі мамандығы бойынша бітіріп шыққан. Ол алғашқы еңбек жолын 1982 жылы облыстық туберкулезге қарсы күрес диспансерінің өкпеден тыс туберкулез бөлімшесінің мейіргері болып бастаған. 1987-1990 жыл аралығында осы бөлімшенің аға мейіргері қызметін атқарған. Ал 2008-2010 жыл аралығында № 1 өкпе терапия бөлімшесінде аға мейіргер жұмысын атқарған. Ол өз ісінің маманы, жұмыс орнында науқастарға гипс салу, орап-таңу жолдарын аса пысықтықпен меңгерген тәжірибесі мол мейіргер. Ата-анасының жолын қуып медицина саласын таңдаған оның осы салада үздіксіз жұмыс атқарғанына 42 жыл болған. Бүгінде облыстық фтизиопульмонология орталығының №-2 бөлімшесінің мейіргері Күлмарам Күншығарова мамандыққа деген адалдығы мен адамгершілігінің арқасында ел алғысына арқалаған мейірбике.А.Әлім

Ел мерейін асырған мейірбике

<a href="https://kyzylorda-news.kz/">Kyzylorda-news.kz</a> Сырдария аудандық ауруханасының мамандары созылмалы жүрек жетіспеушілігі дертіне байланысты ашық есік күнін өткізген болатын. Өз кезегінде тәжірибелі маман, кардиолог-дәрігер Алтынай Өмірбаева науқастарды қабылдады. Ақ халатты дәрігер аталған дерттің пайда болу белгілеріне тоқталды.<blockquote>– Жүрек жетіспеушілігіне әкелетін сырқаттар мен себептер өте көп. Жүрек жетіспеушілігі &nbsp;деп ағзалар мен тіндердің дұрыс жұмыс атқаруына қажет заттармен қамтамасыз ету &nbsp;үшін негізделген қан айналым аппаратының өзінің жұмысын атқара алмауын айтады. Созылмалы жүрек жетіспеушілігі бұл өзіндік бөлек нозология емес, ол көбінесе әртүрлі аурулардың асқынуы ретінде пайда болады. Сырқаттың клиникалық көрінісіне жаттығуларға төзімділіктің төмендеуі, Шаршау, жаттығудан кейін қалпына келу уақытының артуы, тобықтардың ісінуі, ентігу, жатқан кезде тыныс алудың қиындауы, түнгі тұншығу эпизодтары, ауа жетпеу сезімі жатқызылады. Негізгі дерттің міндетті тексеру диагностикасына Pro BNP анализі, ЭКГ, жхокардиография, жүректің УДЗ-і рентген түсірілімі қарастырылады, – деді дәрігер.</blockquote>Тәулік бойы аудан тұрғындарына жан-жақты кеңес беріліп, кейбір науқастардың сырқаты бар екені анықталды.&nbsp;Фото: Нұрболат Нұржаубай

Аудандық ауруханада ашық есік күні өткізілді

<a href="https://kyzylorda-news.kz/">Kyzylorda-news.kz</a>&nbsp; &nbsp;Мамандықтың ішіндегі ерекше мейірімдісі, әрі мәртебелісі – медбике екені айқын. Мәртебелі қызметте жүріп, өзіндік ұстанымынан&nbsp;таймайтын Ләззат Сырмаханова ақ халатты абзал жан ретінде емделушінің зор ризашылығына бөленген.Әрине қоғамға қажет мамандық иесі атануда медбикенің бойында адалдық пен асқан жауапкершілік болуы тиіс. Осындайда тәжірибелі маманың әрбір ісінен тек тиянақтылықты аңғаруға болады. &nbsp;Негізінен,&nbsp;сала маманы 1975 жылы Шаған ауылында дүниеге келген. Елді мекендегі мектепті бітірген ауыл қызы Қызылорда қаласында медицина мамандарын дайындайтын іргелі оқу орнында білімін жетілдіреді. Жалпы, жас маман ретінде қолына дипломын алған оның алғашқы еңбек жолы өзінің туған ауылындағы ауруханадан басталады.Өз кезегінде тәжірибелі медбике Сырдария аудандық ауруханасының «Балалар» бөлімшесінде, &nbsp;«Турберкулезге қарсы күрес ауруханасында еңбек етеді. Ол – бір жылдары аға аяжан болып, &nbsp;«Балалар» бөлімшесін жұмысына жауапкершілік танытса, бүгінде «Жұқпалы аурулар» бөлімшесінде сол үдеден көрініп, еңбегімен даралануда.Айта кетейік, кішіпейілділікпен науқас жанның сырқатын емдеуге үлес қосатын Ләззат Сырмаханова – 4 перзенттің анасы. &nbsp;&nbsp;

Мәртебелі мамандық иесі

<a href="https://kyzylorda-news.kz/">Kyzylorda-news.kz</a> ҚР денсаулық сақтау министрі Ақмарал Шәріпбайқызы Сыр өңіріне жұмыс сапарымен келіп, «Достық үйінде» тұрғындармен кездесу өткізді. Онда медицина саласының жұмыс барасымен алдағы жоспары және тұрғындардың мәселесі тыңдалды.Алдымен облыс әкімінің орынбасары Данияр Жаналиев сөз сөйлеп, денсаулық сақтау мининстрі Ақмарал Әлназароваға алдағы жұмысына сәттілік тілеп, сөз кезегін берді.<blockquote>– Халыққа медициналық көмектің сапасы мен қолжетімділігін жақсарту мақсатында Министрлік халықтың ұсыныс-пікірлерiне талдау жүргізiп, ұдайы жұмыс жасап келедi.&nbsp;Мәселен, біз қолданыстағы анықтамалардың 27 түрін 2 есеге, яғни 10-12 анықтамаға дейін қысқарту жұмыстарын жүргізіп жатырмыз. Пациенттерге ыңғайлы болу үшін жоспарлы емдеуге жатқызуға арналған талдаулардың тізбесі жалпы жиынтықта 42 зерттеуге қысқартылады және олардың қолданылу мерзімі 6 айға дейін ұлғайтылады. Сондай-ақ тегін амбулаториялық дәрі-дәрмектердің тізімдері және оларды алу тетіктері қайта қаралуда, – деді Ақмарал Әлназарова.</blockquote>Бүгінгі күні&nbsp;еліміздің 7 өңірінде яғни Астана, Алматы, Шымкент, Қызылорда, Ақтөбе, Түркістан және Қарағанды облыстары бойынша жаңа пилоттық жоба іске асуда. Бұл «Бір күндік клиника» жобасы жүкті әйелдерге пренаталдық диагностиканың инновациялық әдістерін жүргізуге және патологиясы бар баланың туу қаупін уақтылы анықтауға мүмкіндік береді.Сондай-ақ Қызылорда облысының тұрғындарына медициналық көмек көрсету үшін 19,7 млрд. теңге бөлінген. Бұл өткен жылмен &nbsp;жылмен салыстырғанда 9%-ға өскен. Ал тұрғындарды дәрі-дәрмекпен қамтамасыз ету бойынша биыл 17,6 млрд.теңге бөлінген. Оның 9,6 млрд теңгесі &nbsp;стационарлық деңгейге арналса, қалған 8 млрд &nbsp;теңгесі амбулаториялық деңгейге бөлінген.&nbsp;Денсаулық сақтау минстрінің айтуынша, Қызылорда облысына медициналық техниканы сатып алуға 8,6 млрд.теңге қаражат бөлінген. Себебі осы арқылы медициналық көмектің қолжетімділігін қамтамасыз ету үшін денсаулық сақтау жүйесінің инфрақұрылымын дамыту бойынша жұмыстар жүргізілуде.&nbsp;Сонымен қатар, «Ауылдық денсаулық сақтауды жаңғырту» ұлттық жобасын іске асыру аясында өңірдегі 27 ауылға медициналық-санитариялық алғашқы көмек нысанын салу жоспарланған. Нақтырақ айтатын болсақ ауылдарға медициналық және фельдшерлік-акушерлік пункттер мен дәрігерлік амбулаториялар салынбақ.&nbsp; – Ұлттық жобада Шиелі, Қазалы, Жаңақорған және Арал аудандық ауруханаларына күрделі жөндеу жүргізу және медициналық жабдықтармен жарақтандыру арқылы жаңғыртужұмыстары көзделіп отыр. Алдағы уақытта медициналық көмектің сапасы мен қолжетімділігін жақсарту жөніндегі іс-шаралар белгілі бір уақыт пен ресурстарды талап етеді. Деседе біз медицина қызметін халыққа сапалы әрі қол жетімді болуы үшін тиісті жұмыстар атқарамыз, – дедi Ақмарал Әлназарова.&nbsp; &nbsp; Мұнан соң сөз кезегі аймақтың бас дәрігері Олжас Ысқаковқа берілді. Ол өңiрдегi медицина саласында атқарылып жатқан жұмыстарды баяндады.<blockquote>– &nbsp; Бүгінгі күні облыс халқына 25 стационарлық, 26 амбулаториялық емхана және 100 дәрігерлік амбулатория, 25 фельдшерлік- акушерлік бекет пен 97 медициналық бекет қызмет көрсетіп келеді. Жалпы облысымызда 3000-ға жуық &nbsp;дәрігер мен 12 мыңға жуық орта мамандар қызмет еуде. Республика бойынша дәрігерлермен қамтамасыз ету бойынша 7 орында болсақ, орта буын мамандарымен қамтамасыз ету бойынша бірінші орындамыз. Деседе тәжірибелі дәрігерлер &nbsp;жетіспеушілігі тек қана қалада орын алып отыр. Осы дәрігерлердің тапшылығын азайту мақсатында, мамандармен тікелей өзімен сөйлесіп, 2 жылдық немесе соңғы оқу жылы болсада соны қарастыра отырып, өзімізге шақырамыз. Одан бөлек өңірдегі қызметкерлеріміздің біліктілігін арттыру үшін 144,9 млн теңге бөлінген болатын. Олар Түркі елінде 2 апта білімін жетілдіріп, мамырдың басында 10&nbsp;раениматолог пен 5 &nbsp;кардиолог мамандарымыз келді. Деседе биыл мамандардың арнайы шетелде біліктілігін арттыруға бөлек 55 млн қаражат бөлінді,&nbsp;– деді Олжас Ысқаков.</blockquote>Сондай-ақ аймақтың бас дәрігері облыстағы медицина саласы бойынша жүргізілген құрылыс нысандарын айтып өтті.Сонан соң тұрғындар &nbsp;медициналық кеңес пен медициналық көмектің қолжетімділігі, тегін дәрі-дәрмекпен қамтамасыз ету, медициналық кадрларды даярлау туралы және тағы да басқа өзек мәселелер бойынша сұрақтарына жауап алды.Жиын соңында медицина саласының ардагері Тұрғанбай Маханұлы денсаулық сақтау министрінің жаңа қызметiне сәттiлiк тiлеп, ақ батасын бердi.Шара аяқталған соң денсаулық сақтау министрі тұрғындарды жеке мәселелері бойынша қабылдады.Н.Мұқатаева

Денсаулық сақтау министрі Ақмарал Әлназарова қызылордалықтармен кездесті 

Медицинада зертхана саласы өзіндік күрделілігімен ерекшеленеді. Науқасқа дұрыс диагноз қойылуына себепкер атанатын сынама нәтижесін шығарғуға атсалысатын Лиза Бодыбаеваның ұжымда беделі биік. Шымкент қаласындағы медициналық училищеде фельдшер-лаборант мамандығын игерген медбикені 33 жылдық жұмыс өтілі қалыптасқан. Жоғарғы санатты медбике 1991 жылы аудандық ауруханаға фельдшер-лаборант болып қызметке орналасады. Ал 2008 жылы «Лаборатория» бөлімшесіне аға лаборант болып бекітілген тәжірибелі маманның жұмысы таңнан басталып, кешке дейін жалғасады. &nbsp;<blockquote>– Тәжірибелі басшы Сара Мұхамбетқалиқызы жетекшілік ететін бөлімшеде сан түрлі сынамалардың нәтижесін шығарамыз. Әрине, сырқатына дауа іздеген емделушінің бойындағы кінәратты анықтау барысында біздің қосатын үлесіміз жеткілікті. Жылдар бойы бір салада жүріп, әріптестер арасындағы мызғымас бірлікті, ынтымақты сақтауды, жұмыс көзін үйлестіруді &nbsp;мақсат тұттық. Әрбір адам үшін жұмыс орны екінші үйі секілді. Біз бір отбасының мүшелері сияқты ортақ тіл табысып кеткенбіз, – деді сала маманы.</blockquote>Қазіргі таңда Лиза Бодыбаева жолдасы Ерлан Косбармахов екеуі 3 қыз тәрбиелеп отыр.

Қазақстан және Қызылорда облысының жаңалықтары: Денсаулық