Фото: nur.kzЕлімізге белгілі нейрохирург, медицина саласындағы үздік маман Мыңжылқы Бердіқожаев "1001 түн" бағдарламасында операция кезінде сүре тыңдайтынын айтып берді, деп хабарлайды <a href="https://el.kz/operatsiya-kezinde-baqara-suresin-qosyp-qoyamyn-tanymal-neyrohirurg-zhylyna-500-den-asa-ota-zhasagan_102941/">El.kz&nbsp;ақпарат агенттігі.</a><blockquote>Соңғы бір жылдай уақыт болды. Операция кезінде «Бақара» сүресін қосып қоямын. барлық бригада тыңдайды. Науқас егер жергілікті анастезиямен болса, науқас та тыңдайды. Ол өте мықты сүре деп ойлаймын. Кейбір дәрігерлер музыка тыңдайды. Өз басым музыка тыңдап көрдім, кейбір жағдайларда алаңдатады. Күнде бір сүре алаңдата қоймайды, арасында таныс сөздер де бар. Ол да бір күрделі операциялар кезіндегі амалдардың бірі, - дейді дәрігер.</blockquote>&nbsp;Президент іс басқармасы медициналық oрталығының хирургия жөніндегі директорының орынбасары Мыңжылқы Бердіқожаев бұған дейін 12 сағат бойы тік тұрып ота жасағанын айтқан еді.<blockquote>Биыл 500-ден аса операция жасадым. Алматы қаласында 300-ден аса, Астанада 100-ден аса операция жасадым. Сонымен қатар, аймақтарға шығып, көршілер Өзбекстанға да ай сайын барып 70 рет операция жасадым. Күніне 14-17 операция жасаған кездер де болды, - дейді хирург.</blockquote>

"Операция кезінде "Бақара" сүресін қосып қоямын". Қызылордалық нейрохирург жылына 500-ден аса ота жасаған

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың қатысуымен Қармақшы ауданының Дүр Оңғар ауылында жаңа амбулатория пайдалануға берілді. Іс-шараға ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев та қатысты.Аймақ басшысы ауыл тұрғындарын жаңа нысанның ашылуымен құттықтап, отандық медицинадағы жаңашылдықтардың өңірдің денсаулық сақтау саласында қолданылуы, ауруханалардың материалдық-техникалық базасын жаңарту жайлы айтты.<blockquote>«Мемлекет басшысы Қасым-Жомарт Кемелұлының бастамасымен қолға алынған «Ауылдық денсаулық сақтауды жаңғырту» ұлттық жобасы аясында салынуы жоспарланған 27 нысанның 15-нің құрылысы былтыр аяқталды. Жаңа жыл қарсаңында Ақжар және Тұрмағамбет ауылдарында дәрігерлік амбулаториялар өз қызметін бастаса, бүгін Дүр Оңғар ауылындағы амбулатория халық игілігіне табысталуда.Биыл облыста 21 медицина нысанының құрылысы жүргізіледі. Ұлттық жобамен Арал, Қазалы, Шиелі, Жаңақорған аудандарындағы көпбейінді орталық ауруханалар жанынан қосымша ғимараттар құрылысы басталады. Ауылдарда 9 дәрігерлік амбулатория және 2 фельдшерлік-акушерлік бекет, жергілікті бюджеттен Арал ауданында «Қамқорлық» оңалту орталығы, Жаңақорған ауданы Төменарық ауылында ауылдық аурухана салынады. Қазір 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда. Бұл жұмыстарға 3 млрд 700 млн теңге қаралды. Облыстық психикалық денсаулық, өкпе аурулары орталықтарына күрделі жөндеу жүргізілуде. Келесі жылы облыстық жұқпалы аурулар ауруханасын жөндеуге кірісеміз», – деді Нұрлыбек Машбекұлы.</blockquote>Құрылысты салған «Бақ-Береке 2030» ЖШС ғимараттың келушілерге жайлы болуына баса мән берген. Онда тіркеу орны, қабылдау, дәріхана, оқшаулау, физиотерапиялық емдеу, егу бөлмелері, лаборатория, архив, күндізгі емдеу стационары, жалпы тәжірибелік дәрігердің кабинеті бар. Мүмкіндігі шектеулі жандар үшін қолайлы жағдай жасалған.Іс-шарада Мәжіліс депутаты Мұрат Әбенов ауыл тұрғындарын құттықтаса, Жаңажол ауылдық ардагерлер кеңесінің төрағасы Бақытбек Тауекелов бата берді. Сондай-ақ, мердігер мекеме өкілдері мен ауыл азаматтарының еңбегі еленіп, марапатталды.Айта кетейік, жуырда көпбейінді облыстық аурухана жанынан 70 төсектік перинаталдық орталық халық игілігіне берілмек. Қызылорда қаласында 200 төсек-орынға арналған заманауи перинаталдық орталық құрылысы басталады. Жоба құны – 30 млрд теңге. Мамыр айында Қан орталығы табысталады.«Қазақстан халқына» қоғамдық қоры аймақты құны 1 млрд. 100 млн теңге тұратын онкологиялық скрининг жүргізуге арналған жылжымалы медициналық кешенмен қамтамасыз етті. Мұндай кешен республика бойынша 3 облыста ғана бар. Медициналық кешен компьютерлік томограф, цифрлық рентген, ультрадыбыстық аппаратпен жабдықталған. Бүгінде Арал, Қазалы аудандары және Байқоңыр қаласы тұрғындарын арнайы тексеруден өткізді, жақын күндері Қармақшы ауданының халқына қызмет көрсетеді.<img src="https://knadmin.beoblood.kz/uploads/417363696_672272178427363_1641701450579457911_n_027296b49c.jpg" alt="417363696_672272178427363_1641701450579457911_n.jpg">&nbsp;<figure class="image"><img src="https://knadmin.beoblood.kz/uploads/417375511_672272298427351_2043434320352033768_n_91bb4e1f9c.jpg" alt="417375511_672272298427351_2043434320352033768_n.jpg"></figure>&nbsp;<figure class="image"><img src="https://knadmin.beoblood.kz/uploads/417379173_672271758427405_8388487155870634566_n_d42128dc11.jpg" alt="417379173_672271758427405_8388487155870634566_n.jpg"></figure>

Қармақшы ауданында жаңа амбулатория ашылды

Фото: unicef.org<a href="https://kyzylorda-news.kz/">Kyzylorda-news.kz.</a>&nbsp; Дүниежүзілік денсаулық сақтау ұйымының (ДДҰ) басшысы Тедрос Гебрейесус әлемде COVID-19 ауруының қайтадан өршуіне байланысты бетперде режимі мен вакцина салуды жалғастыру керегін айтты, деп хабарлайды "РБК" сайты.Оның айтуынша, екі аптадан бері коронавирус пен тұмаудың таралуы айтарлықтай өскен және бұл үрдіс жалғасады деп күтіледі.ДДСҰ басшысы COVID-19-ды емдеу аурудың күрделі өтуі мен өлімге әкелудің алдын-алатынын еске салып, тестілеуден өтуге және медициналық көмекке жүгінуге шақырды. Сол себепті маска тағып, қашықтықты сақтау маңызды екенін атап өтті. Короновирус пен тұмауға қарсы вакцинаны салдыруға кеңес берді.Гебрейесус билік өкілдері сенімді сараптамалық сынақтардың, емдеу мен вакциналардың қол жетімді болуын қамтамасыз етуін, сондай-ақ аурудың өсуін бақылап, халыққа дұрыс ақпарат жеткізуге шақырды.Айта кетейік, 2023 жылдың желтоқсан айында ДДҰ әлемде COVID-19 ауруы 28 күнде 52%-ға өскенін хабарлады. Жалпы 850 мыңнан астам адам коронавируспен ауырған. Ең көп жаңа жағдайлар Ресейде тіркелген. Оның жалпы саны 279,4 мың науқас. ДДҰ мәліметтері бойынша, елде сырқаттанушылық 130% - ға өскен.2023 жылдың 20 желтоқсанынан бастап Санкт-Петербургте жаппай жаңа жылдық, спорттық және мәдени іс-шараларды өткізу кезінде мекеме қызметкерлері үшін маска кию режимі енгізілді. Бұған дейін Мәскеудің Роспотребнадзор басқармасы ел астанысының тұрғындарын инфекцияның алдын алу үшін қоғамдық орындарда бетперде киюге шақырған.

COVID-19 қайта күшейді: ДДСҰ вакцина алып, маска кию режиміне көшуге кеңес берді

Kyzylorda-news.kz. Қызылорда облыстық перинаталдық орталығында 2023 жылдың 8 желтоқсан күні үшемдер дүниеге келді. Ұл бала мен екі қыз бала жүктіліктің 33-ші аптасында өмір есігін ашты.Үшемді дүниеге әкелген 28 жастағы Қызылорда қаласының тұрғыны Әбсаттар Ақбота Берікқызы Қалалық санитарлық-эпидемиологиялық бақылау бөлімінде бас маман болып жұмыс істейді. Бұл оның екінші жүктілігі, үшемдерге дейін Ақботаның 2 жасар Жантөре атты ұлы бар.Нәрестелер туылған кезде салмағы 1830 грамм, 1670 грамм, 1200 грамм болды. Нәрестелер бірнеше минут айырмашылығымен дүниеге келді. Шақалақтар 1 айға жуық Облыстық перинаталдық орталығы дәрігерлердің жіті бақылауында болып, тұрақты ем қабылдады. Қазіргі таңда сәбилердің және анасының жағдайлары жақсы. Нәрестелердің есімін Қазбековтер әулетінің үлкендері, яғни ата-әжесі Әлинұр, Адина, Медина деп қойды. Анасының айтуынша кішкентай қызы Медина жейдемен туылды.Абсаттар Ақбота өзінің жүктілігі туралы 6-шы аптада білгенін айтты. Дәрігерлер алғашқы тексеруде егіздер болуы мүмкін екенін болжады, бірақ 8-ші аптада үшем екенін растады.<blockquote>"Бұл мен үшін күтпеген жаңалық болды. Қуаныш сезімі мен қорқыныш сезімі бойымда болғанын жасырмаймын, жүктілік қалай өтеді екен, балалардың дамуы, жетілуі қалай болады екен деп уайымдадым.", - деді Абсаттар Ақбота.</blockquote>Ол сондай-ақ үшемді жоспарлаған әйелдерге мынадай кеңес берді: "Үшемге жүкті болғысы келетін әйелдерге жұғысты болсын. Ол үшін әйел адам өзіне қарап, күтініп жүруі керек және айналасындағылардан көмек сұрауға ұялмау керек, себебі 1 баланы дүниеге алып келудің өзі қиын, ал үшемге аяғы ауыр болатын болса денсаулыққа 3 есе жүк түседі."Айта кетейік, Облыстық перинаталдық орталығында 2023 жылы 11133 нәресте дүниеге келді. Оның ішінде 151 егіз және 3 үшем болды.<img src="https://knadmin.beoblood.kz/uploads/FB_IMG_1704531743494_8a5b6ad382.jpg" alt="FB_IMG_1704531743494.jpg"><img src="https://knadmin.beoblood.kz/uploads/FB_IMG_1704531737458_0a687ce532.jpg" alt="FB_IMG_1704531737458.jpg">

Қызылордада үшем дүниеге келді

<a href="https://kyzylorda-news.kz/">Kyzylorda-news.kz.</a>&nbsp; МӘМС жарналары мен аударымдары бойынша ставкалар өзгеріссіз қалады. Бірақ базалық есептік көрсеткіштің – ең төменгі жалақының (ЕТЖ) – жаңа мөлшерлерінің бекітілуіне байланысты төлем сомалары өзгереді. Сонымен, келесі жылы МӘМС-ке қанша төлейміз? Әлеуметтік медициналық сақтандыру қорының болжау басқармасының басшысы Ақтолқын Сұлтанова төлеушілердің барлық санаттары бойынша түсініктеме берді.ЖҰМЫС БЕРУШІЛЕР – 3%Жұмыс берушілер қызметкер үшін жалақының 3% мөлшерінде аударымдар жүргізеді, бұл ретте салық салынатын ай сайынғы табыс 10 ЕТЖ (2024 жылы 850 000 теңге) аспауға тиіс, яғни жұмыс берушінің аударымдарының ең жоғары төленетін сомасы айына 25 500 теңгені құрайды. Бұл қаражат қызметкердің жалақысынан ұсталмайды, оларды жұмыс беруші кәсіпорын есебінен төлейді.ҚЫЗМЕТКЕРЛЕР – 2%Азаматтық-құқықтық сипаттағы шарты негізінде қызмет көрсететін жалдамалы жұмыскерлер мен жұмыскерлер МӘМС-ке ай сайынғы табысының 2% мөлшерінде жарна төлейді. Салық салу объектісі барлық жұмыс орындарынан айына 10 ЕТЖ (2024 жылы 850 000 теңге) аспауы тиіс, яғни қызметкердің жалақысына қарай, төлейтін ең жоғары жарнасы 17 000 теңге болуы мүмкін.&nbsp; Егер екі жерде жұмыс жасасаңыз, жарналарды қалай есептеу керек? Ақтолқын Сұлтанова атап өткендей, жарналарды төлеу кезінде шекті табыс барлық жұмыс орындарына қарай ескеріледі. Мысалы, қызметкердің жалақысы 600 000 теңгені құрайды. Сонымен қатар, АҚС шарты бойынша қызмет көрсетіп, 350 000 теңге жалақы алады. Жалпы табыс 950 000 теңгені құрайды, яғни 10 ЕТЖ-дан асады. Бұл жағдайда қызметкердің бір жұмыс орнынан жарналар толық мөлшерде ұсталуы керек. Мысалы: 600 000 * 2% = 12 000 теңге. Ал екінші жұмыс орнында ең жоғары төлемнен қалған бөлігі ғана ұсталады: 17 000 теңге (ең жоғары төленетін жарна) – 12 000 теңге (бірінші жұмыс орнынан төленген жарна) = 5 000 теңге (екінші жұмыс орнынан жарна). Екінші жұмыс беруші жарна мөлшерін дұрыс есептеуі үшін қызметкер оған аударылған жарналар туралы бірінші жұмыс орнынан анықтама беруі керек. Анықтаманы тапсырмаған жағдайда екінші жұмыс орнынан жарналар толық мөлшерде ұсталады, яғни артық төленген сома қалыптасады», – деп түсіндірді қор өкілі.БІРЫҢҒАЙ ТӨЛЕМ ТӨЛЕУШІЛЕР-21,5%.Жалақыдан ұсталатын бірыңғай төлем – бұл бірқатар салық төлемдерін есептеудің стандартты әдісіне балама. Жалақыдан ұсталатын мындай бес төлемді біріктіреді:&nbsp; - міндетті зейнетақы жарналары;&nbsp; - әлеуметтік аударымдар; - МӘМС жарналары;&nbsp; - МӘМС-ға аударымдар; - жеке табыс салығы. Бірыңғай төлемді жеңілдетілген декларация және ауыл шаруашылығы өнімдерін өндірушілерге арналған арнайы салық режимі бойынша жұмыс істейтін жеке кәсіпкер мен шағын және орта бизнестің заңды тұлғасы пайдалануға рұқсат береді. 2024 жылы бірыңғай төлем мөлшерлемесі еңбекақы төлеу қорының 21,5% құрайды. Бірыңғай төлемді ай сайын есепті айдан кейінгі айдың 25-күнінен кешіктірмей Мемлекеттік корпорацияның шотына бір төлеммен жүргізіледі.ЖЕКЕ КӘСІПКЕРЛЕР - 5 950 ТЕҢГЕЖеке кәсіпкерлер 1,4 еселенген ЕТЖ-дан 5% төлейді. 2024 жылы: (1,4 * 85 000) * 5% = 5 950 теңге. Егер жеке кәсіпкер есептілікті «нөлмен» тапсырса, бірақ өз қызметін ресми түрде тоқтатпаса, онда ол Салық кодексі талап еткендей жарналарды төлеуді жалғастыруы керек екенін есте ұстаған жөн. Әйтпесе, қарыз пайда болады.ӨЗІН-ӨЗІ ЖҰМЫСПЕН ҚАМТЫҒАН АЗАМАТТАР (БЖТ ТӨЛЕУШІЛЕР)Бірыңғай жиынтық төлем кәсіпкерлік қызметті ЖК ретінде тіркеусіз жүзеге асыратын бейресми жұмыспен қамтылған азаматтар үшін уақытша &nbsp; &nbsp; &nbsp; 5 жылға (2019 жылғы 1 қаңтардан 2024 жылғы 1 қаңтарға дейін) енгізілді. Тиісінше, келесі жылы БЖТ болмайды. Сондықтан өзін-өзі жұмыспен қамтығандар мәртебені екі жолмен ала алады: - жеке кәсіпкер ретінде тіркелу және жарналарды ЖК ретінде төлеу; - жарналарды дербес төлеуші ретінде төлеу.ДЕРБЕС ТӨЛЕУШІЛЕР – 4 250 ТЕҢГЕ.Дербес төлеушілер үшін жарналардың мөлшері мына формула бойынша есептеледі: 5% * 1 ЕТЖ = 4 250 теңге. Ақтолқын Сұлтанова сақтандырылмаған азаматтар МӘМС жүйесінің қатысушысы болудың ыңғайлы және тиімді тәсілін пайдаланып, жарналарды алдағы 12 айға дербес төлеуші ретінде төлей алатынын еске салды. Бұл жағдайда әр ай үшін төлемді жеке-жеке төлеген жөн. Бұл жағдайда өткен айлардағы қарыздар болса, жойылады.МЕМЛЕКЕТ ЖАРНАЛАРЫ – 5 853 ТЕҢГЕҚазақстандағы МӘМС жүйесі әлеуметтік бағдарланғандықтан, мемлекет 15 жеңілдік санатына кіретін азаматтар үшін жарналарды төлеуді жалғастыруда. 2024 жылы мемлекеттің бір азаматқа төленетін жарнасы айына 5852,63 теңгені құрайды (мемлекеттің жарналарын есептеу объектісінің 1,9%, яғни мемлекеттік статистика саласындағы уәкілетті орган айқындайтын ағымдағы қаржы жылының алдындағы екі жылға дейінгі орташа айлық жалақы). ӨЗІН-ӨЗІ ЖҰМЫСПЕН ҚАМТЫҒАНДАР, ЖЕКЕ КӘСІПКЕРЛЕР, ДЕРБЕС ТӨЛЕУШІЛЕР ЖАРНАЛАРДЫ ҚАЛАЙ ТӨЛЕЙДІ Төлемді екінші деңгейдегі банктің кез келген бөлімшесі, «Қазпошта» АҚ, Kaspi.kz, HalykBank мобильді қосымшалары арқылы, сонымен бірге Касса 24 және Qiwi әмиян &nbsp;өзіне-өзі қызмет көрсету терминалдары арқылы аударуға болады.&nbsp; Маңызды: • төлеушінің ЖСН және ТАӘ дұрыс көрсету; • төлем жасап, 2-3 жұмыс күннен кейін МӘМС жүйесіндегі мәртебені тексеру, мәртебе берілмесе – төлемдегі деректерді жаңадан тексеру.&nbsp; • жеке кәсіпкерлер назарына: салық органдарына есептілікті дайындау және тапсыру; • өз қызметкерлерін төлем жасалғаны туралы хабарлау.Сақтандыру мәртебесін келесі жолдармен тексеруге болады: • Qoldau 24/7 мобильді қосымшасы • &nbsp; fms.kz ресми сайты • Telegram-дағы @SaqtandyrýBot https://t.me/SaqtandyryBot • &nbsp; 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы&nbsp; • Kaspi.kz мобильді қосымшасы • egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік &nbsp; қызметі арқылы.&nbsp;

2024 жылы МӘМС үшін қанша төлейміз? 

Фото: gemotest.ru<a href="https://kyzylorda-news.kz/">Kyzylorda-news.kz.</a> Қызылорда облысында 4 қаңтардағы жағдай бойынша жыл басынан бері қызылша ауруына күдікті 80 науқас тіркелді. Қазіргі таңда зертханалық талдау жүргізілуде. Басым көпшілігі балалар арасында анықталуда.<blockquote>Аймақта 6 қарашадан бастап қызылшаға қарсы қосымша жаппай иммундау басталды. Вакцинацияны 6 айдан бастап 11 айға дейінгі балалар, 2, 3, 4 жастағы балалар алады. Сондай-ақ вакцинация мәртебесі белгісіз адамдар үшін толықтыра вакцинациялау жүргізіледі. Бүгінде 53945 адам қызылшаға қарсы екпе алды, - делінген Қызылорда облысының санитариялық-эпидемиологиялық бақылау департаментінің хабарламасында.</blockquote>Қызылшаны емдеуге арнайы дәрі-дәрмек жоқ, сондықтан екпе ғана сізді және балаңызды осы инфекциядан қорғай алатынын еске саламыз.

Қызылша: Қызылордадағы ахуал қандай?

Kyzylorda-news.kz. Облыс әкімі Нұрлыбек Нәлібаев Жаңа жыл қарсаңында медицина мекемелеріне жаңа санитарлық автокөліктердің кілтін салтанатты түрде табыстап, Сыр медицинасының ілгерілеуіне жан-жақты қолдау көрсетілетінін айтты.<blockquote>«Мемлекет басшысы қоғамның тұрақты дамуы жолындағы ұлт саулығының маңызына ерекше мән беріп келеді. Медициналық қызметтің қолжетімділігін, денсаулық сақтау саласы инфрақұрылымын одан әрі жетілдіру үшін облыста да кешенді шаралар қабылдануда. Биыл медицина мамандарына, ардагерлеріне құрмет көрсетіліп, жыл жағымды жаңалықтарымен ерекшеленді. Республикаға белгілі дәрігер хирург Абдулла Шүленбаев Қызылорда облысының Құрметті азаматы атағын алса, дәрігер нейрохирург Шынжырбай Оразмаханұлы «Құрмет» орденімен наградталды. Төрт дәрігер республикалық «Үздік маман» конкурсының жеңімпазы атанып, 2 дәрігер Астанадағы Медицина қызметкерлері күніне орай өткен мерекелік шарада «Алтын шипагер» марапатын иеленді. Денсаулық сақтау саласының ардагері Ернияз Омарұлына ескерткіш-бюст орнатылды. Бұл - өңірде жасалған жұмыстардың бір бөлігі ғана», - деді Нұрлыбек Машбекұлы.</blockquote>Салтанатты іс-шарада облыстағы денсаулық сақтау ұйымдарына 512,5 млн. теңгеге алынған &nbsp;25 жаңа санитарлық автокөлік және құны 43,1 млн. теңге тұратын мүгедектігі бар балаларды тасымалдау үшін арнайы жабдықталған автобус табысталды.Айта кетейік, 2022 жылы 45 жедел жәрдем көлігі алынып, облыстық медициналық жедел жәрдем стансасы 100% &nbsp;қамтамасыз етілді. Келер жылы да денсаулық сақтау ұйымдарын санитарлық автокөліктермен қамтамасыз ету жұмыстары жалғасатын болады.Іс-шарада Денсаулық сақтау саласының үздігі, Қызылорда қаласының құрметті азаматы Сағындық Шәмшиев әріптестерін құттықтап, ізгі тілегін арнады. Рәсімде бірқатар үздік қызметкер марапатталды.Қызылорда облысында Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан құрылысын салу жоспарланған. Жуырда аймақтың 7 ауданында 15 дәрігерлік амбулатория пайдалануға берілді. Қалған нысандардың &nbsp;құрылысы келер жылы жүргізілмек.<img src="https://knadmin.beoblood.kz/uploads/FB_IMG_1703925033634_3561a9dfdd.jpg" alt="FB_IMG_1703925033634.jpg"><img src="https://knadmin.beoblood.kz/uploads/FB_IMG_1703925036006_5af808a5cc.jpg" alt="FB_IMG_1703925036006.jpg"><img src="https://knadmin.beoblood.kz/uploads/FB_IMG_1703925026299_6b75335b7b.jpg" alt="FB_IMG_1703925026299.jpg"><img src="https://knadmin.beoblood.kz/uploads/FB_IMG_1703925022013_772b06b189.jpg" alt="FB_IMG_1703925022013.jpg">

Қызылордада медицина мекемелеріне жаңа 26 көлік табысталды 

<a href="https://kyzylorda-news.kz/">Kyzylorda-news.kz.</a>&nbsp; 2024 жыл қытай күнтізбесінде Айдаһардағы Ян ағашы немесе Ағаш айдаһар деп аталады. Сондықтан, Динара Құрман мәліметінше, 2024 жылы денсаулыққа қалай көңіл бөлу керегі қытай күнтізбесі бойынша негізделген екі элементке қарап болжанады.Бірінші элемент - Ян ағашы.<blockquote>"Ян ағашы жоғары эмоционалдылық, бүлікшіл, ашуланшақтық, қыңырлық, қоғамға қарсы мінез-құлықпен байланысты. Сондықтан, 2024 жылы психологиялық денсаулыққа көп көңіл бөлген жөн. Мысалы йога, медитация жасап, психолог кеңесіне жазылып, дұрыс ұйықтап, иммунитетті нығайтып, бірқалыпта ұстау үшін дәрумендер ішу керек. 2024 жылы психологиялық саулық үшін барлық нәрсеге шыдамдылық танытып, шешімін кикілжіңсіз табуға тырысу маңызды", - дейді маман.&nbsp;</blockquote>Қытай медицинасы тұрғысынан Ян ағашы адам ағзасындағы бауыр, ұйқы безі, бұлшықет пен сіңір&nbsp;сияқты мүшелермен байланысты, ал Айдаһар асқазан-ішек жолдарының жұмысына жауап беретін жер элементімен байланысты.<blockquote>"Бір қызығы, психосоматика бойынша бауыр мен ұйқы безінің аурулары адам ашуланған кезде ұстамды болуға септігін тигізеді, ал асқазанның тамақты қорыта алмауы адам өміріндегі қиын жағдаймен байланысты болуы мүмкін. Кез келген аурудың алдын алу үшін ағзаны улы заттардан тазартып, сапалы ұйықтап, физикалық белсенділікке назар аударуыңыз керек", - дейді ол.</blockquote>Ақпарат дереккөзі: <a href=" https://massaget.kz/basty-zhaalytar-438/96692/">Massaget.kz</a>&nbsp;

2024 жылы денсаулыққа қалай көңіл бөлу керек?

Kyzylorda-news.kz. Бүгін облыс әкімі Нұрлыбек Нәлібаевтың қатысуымен Қармақшы ауданында 2 дәрігерлік амбулаторияның ашылу рәсімі өтті.Алдымен Ақжар ауылындағы жаңа нысан ашылды.Аймақ басшысы &nbsp;тұрғындарды Жаңа жыл мерекесімен және жаңа нысанның пайдалануға берілуімен құттықтады.<blockquote>«Мемлекет басшысы Қасым-Жомарт Кемелұлының бастамасымен қолға алынған «Ауылдық денсаулық сақтауды жаңғырту» ұлттық жобасы аясында елді мекендерде 27 нысан салынуда. Бүгінде 15-нің құрылысы аяқталып, қызметін бастады. Бұған дейін Сырдария, Жалағаш, Шиелі, Жаңақорған аудандарында 7 және күні кеше Арал, Қазалы аудандарында 5 дәрігерлік амбулатория ел игілігіне табысталды. Міне, енді өздеріңізбен бірге Ақжар ауылындағы амбулаторияны ашамыз. Жақын күндері Дүр &nbsp;Оңғар ауылындағы дәл осындай медициналық мекеме &nbsp;жұмысына кіріседі. Бұл – Мемлекет басшысы мен Үкіметтің қолдауы, халықтың бекем бірлігі арқасында атқарылған жұмыстың жемісі», – деді Нұрлыбек Машбекұлы.</blockquote>Іс-шарада медицина саласының ардагері Асылбек Тоғызбаев алғыс айтып, жерлестерін құттықтады, ауыл ардагері &nbsp;Бірлікбек Қойбағаров бата берді. Сондай-ақ, ауыл ажарын ашқан құрылысты салған «Бақ-Береке” мекемесінің өкілдері мен ауыл азаматтары марапатталды.Айта кетейік, осы күні Ақжар ауылдық амбулаториясына «Қазақстан халқына» қорының біздің өңірге табыстаған жылжымалы медициналық кешені жетіп, тұрғындарға қызмет көрсетуді бастады. Бұған дейін кешен Арал, Қазалы аудандары және Байқоңыр қаласы тұрғындарын тексеруден өткізді. Ендігі кезекте Қармақшы ауданының халқына скринингтік тексеру жүргізеді.Дәл осындай амбулатория Қармақшы ауданының Тұрмағамбет ауылында да ашылды.&nbsp; Одан әрі аймақ басшысы ауданға қарасты Қуаңдария елді мекеніне барып, осы және Алдашбай ахун ауылдарының тұрғындарымен кездесті. &nbsp;Мұндай жүздесу Т.Көмекбаев ауылында да өтті. Шалғайдағы &nbsp;елді мекен тұрғындарына ел Президентінің, Үкіметтің қолдауымен &nbsp;жыл көлемінде атқарылған жұмыстар, алдағы жоспарлар туралы айтып, &nbsp;жұртшылықтың ұсыныс-пікірлерін тыңдады. Жаңа жыл қарсаңында ерен еңбегімен ерекшеленген азаматтарға Алғыс хаттар табыстады.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса &nbsp;9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ. Саланың материалдық-техникалық базасын жаңартуға 5 млрд. 100 млн. теңге бөлінді.<img src="https://knadmin.beoblood.kz/uploads/FB_IMG_1703761704688_e162402649.jpg" alt="FB_IMG_1703761704688.jpg">

Қармақшы ауданында 2 дәрігерлік амбулатория ашылды

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a> Кеше облыс әкімі Нұрлыбек Нәлібаевтың қатысуымен тағы 5 дәрігерлік амбулаторияның ашылу рәсімі өтті. Түске дейін аймақ басшысы Арал ауданының Бөген, Қызылжар елді мекендеріндегі жаңа нысандарды табыстау іс-шарасына қатысса, түстен кейін Қазалы ауданындағы 3 амбулатория пайдалануға берілді. Оның алғашқысы Сарыкөл ауылдық округіндегі Абай ауылында ашылды.Елімізде профилактикалық қарап-тексерулердің, скринингтердің қолжетімділігін арттыру, ауруды ерте анықтау үшін «Ауылдық денсаулық сақтауды жаңғырту» ұлттық жобасы қабылданып, ол бойынша жер-жерде медициналық нысандар салынуда. Қолданысқа берілген амбулаториялар осы ұлттық жобаның сәтті жүзеге асқанын көрсетеді.Аймақ басшысы ауыл тұрғындарын Жаңа жыл мерекесімен және жаңа нысанның ашылуымен құттықтады.<blockquote>«Сыр медицинасындағы жаңашылдықтар, бастамалар қолдау тауып келеді. Денсаулық сақтау саласының бастапқы буыны – алғашқы медициналық көмек көрсету, аурудың алдын алу. Ол үшін әрине, типтік ғимарат, мықты материалдық база керек. Мемлекет басшысы Қасым-Жомарт Кемелұлының бастамасымен қолға алынған «Ауылдық денсаулық сақтауды жаңғырту» ұлттық жобасының мақсаты – ауыл медицинасының әлеуетін арттыру. Ұлттық жоба аясында облыстың елді мекендерінде 27 нысан салынуда. Оның 15-нің құрылысы аяқталып, ел игілігіне берілуде. Бұған дейін Сырдария, Жалағаш, Шиелі, Жаңақорған аудандарында 7 және бүгін Арал ауданында 2 жаңа ғимаратты табыстадық. Қазалы ауданының Абай, Бозкөл және Кәукей ауылдарында дәрігерлік амбулаториялар қызметін бастайды. Біз ұлт саулығын нығайту бағытындағы кешенді шаралар легін жалғастыра береміз», – деді Нұрлыбек Машбекұлы.</blockquote>Іс-шарада ауылдық ардагерлер кеңесінің төрағасы Алпамыс Түрікпенәлі алғыс айтып, бата берді. Сондай-ақ, мердігер мекеме өкілдері мен ауыл азаматтары марапатқа ие болды.Дәл осындай амбулаториялар Қазалы ауданының Бозкөл, Кәукей ауылдарында да ашылды.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ. Саланың материалдық-техникалық базасын жаңартуға 5 млрд. 100 млн. теңге бөлінді.<img src="https://knadmin.beoblood.kz/uploads/414452645_665814019073179_6604953207179802380_n_29ed9396b9.jpg" alt="414452645_665814019073179_6604953207179802380_n.jpg">&nbsp;<figure class="image"><img src="https://knadmin.beoblood.kz/uploads/414465873_665813895739858_633847015640630619_n_47f432028c.jpg" alt="414465873_665813895739858_633847015640630619_n.jpg"></figure>&nbsp;<figure class="image"><img src="https://knadmin.beoblood.kz/uploads/414455443_665818595739388_4852564267515557728_n_28e0ecacb3.jpg" alt="414455443_665818595739388_4852564267515557728_n.jpg"></figure>&nbsp;<figure class="image"><img src="https://knadmin.beoblood.kz/uploads/414450221_665818449072736_6266477118774011016_n_611b32609e.jpg" alt="414450221_665818449072736_6266477118774011016_n.jpg"></figure>&nbsp;<figure class="image"><img src="https://knadmin.beoblood.kz/uploads/414460460_665818375739410_4909338905341820482_n_a26d3ba482.jpg" alt="414460460_665818375739410_4909338905341820482_n.jpg"></figure>&nbsp;<figure class="image"><img src="https://knadmin.beoblood.kz/uploads/414448063_665818665739381_8300829714471091750_n_e4d966d5b0.jpg" alt="414448063_665818665739381_8300829714471091750_n.jpg"></figure>

 Сыр өңірінде тағы 5 амбулатория ашылды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Жалағаш ауданына жұмыс сапарымен барып, Аламесек ауылдық округіндегі дәрігерлік амбулаторияның ашылу рәсіміне қатысты. Кейінгі күндері аймақтың ауылдарында бой көтерген медициналық нысандар қызметін бастауда. Жаңа амбулаториялардың ашылуы жұртшылықтың мерекелік көңіл-күйімен астасып, ауылдағы ағайынның қуанышы еселенді.Бүгінгі рәсімде тұрғындарды Жаңа жыл мерекесімен және жаңа нысанның ашылуымен құттықтаған аймақ басшысы халық денсаулығын нығайтудағы жаңашылдықтарға, бастамаларға тоқталды.<blockquote>«Мемлекет басшысы Қасым-Жомарт Кемелұлы «Ауылдық денсаулық сақтауды жаңғырту» жобасының әлеуметтік мәні зор. Біз ауыл тұрғындарын 100 пайызын сапалы алғашқы медициналық көмекпен қамтамасыз ету туралы айтып отырмыз. Бұл – мемлекет ретінде біздің міндетіміз» деп ұлттық жобаның маңызын атап өткен болатын.Қазір медициналық қызметтің қолжетімділігін, денсаулық сақтау инфрақұрылымын одан әрі жаңғырту арқылы саладағы реформалар алға жылжып келеді. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасы аясында елді мекендерде 27 нысан салынуда. Оның ішінде 15 дәрігерлік амбулатория құрылысы аяқталып, ел игілігіне берілуде. Бүгінге дейін 6 дәрігерлік амбулаторияны аштық. Ауылдардағы жаңа ғимараттар тұрғындар саулығын жақсартуға қызмет етсін!», – деді Нұрлыбек Машбекұлы.</blockquote>Рәсімде Қазақстанның еңбек сіңірген қайраткері, Ұлттық құрылтай мүшесі Қылышбай Бисенов жерлестерін құттықтап, Аламесек ауылдық ардагерлер кеңесінің төрағасы Әбдіқайыр Әйтімов бата берді. Сондай-ақ, мердігер мекеме өкілдері мен ауыл азаматтарына марапат тапсырылды.Айта кетейік, Аламесек ауылдық округінен ашылған жаңа амбулаторияның лабораториялық құрал-жабдықтарымен көршілес Жанадария және Еңбек ауылы тұрғындарына да медициналық қызмет көрсетіледі. Құрылысты салған «Асар» ЖШС ғимараттың келушілерге жайлы болуына баса мән берген. Онда тіркеу орны, қабылдау, дәріхана, оқшаулау, физотерапиялық емдеу, егу бөлмелері, лаборатория, архив, күндізгі емдеу стационары, жалпы тәжірибелік дәрігердің кабинеті бар. Мүмкіндігі шектеулі жандар үшін қолайлы жағдай жасалған.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<img src="https://knadmin.beoblood.kz/uploads/414460372_665126522475262_9128991253595662592_n_98a44d417e.jpg" alt="414460372_665126522475262_9128991253595662592_n.jpg"><img src="https://knadmin.beoblood.kz/uploads/414477300_665126432475271_2091774217345008221_n_da4b1aeb12.jpg" alt="414477300_665126432475271_2091774217345008221_n.jpg"><img src="https://knadmin.beoblood.kz/uploads/414483867_665126755808572_8926972337551330020_n_590055da28.jpg" alt="414483867_665126755808572_8926972337551330020_n.jpg">

Жалағаш: Аламесекте жаңа амбулатория ашылды

Фото: lada.kz<a href="https://kyzylorda-news.kz/">Kyzylorda-news.kz.</a> Біріккен Ұлттар Ұйымының Балалар қоры (ЮНИСЕФ) қызылшаның таралуы бойынша Қазақстанды әлемде бірінші орынға қойды, деп хабарлайды Sputnik.Денсаулық сақтау министрлігінің желтоқсан айының басындағы мәліметі бойынша Қазақстанда қызылша жұқтыру жиілігі 100 мың адамға шаққанда 88,9-дан асты, деп хабарлады портал. Қазан айының соңында бұл көрсеткіш 100 мың адамға шаққанда 69 жағдайды құрады.Қазақстанда қызылша жұқтырғандар саны 20,2 мың адамға жетті. Шығыс Қазақстан облысында алты айлық сәби қайтыс болды. Бала әлі екпе жасына жетпегендіктен вакцина алмаған. Ұлттық профилактикалық егу күнтізбесі бойынша қазақстандық балалар қызылшаға қарсы бірінші екпені 12-15 айлығында, екіншісін 6 жаста алады.<blockquote>"Биыл Қазақстанда қызылша ауруы өршіп тұр. Ауру жұқтырғандар саны 13,3 мың адамнан асқан "пандемияға дейінгі" ауыр 2019 жылмен салыстырғанда, биыл дертке шалдыққан саны айтарлықтай көп", - деп жазылған хабарламада.</blockquote>Аймақтар бойынша ауру жұқтырғандардың ең жоғары көрсеткіші оңтүстікте – Шымкент қаласында (100 мың тұрғынға шаққанда 258,9) және Жамбыл облысында (194,8) тіркелді. Ең аз көрсеткіш Солтүстік Қазақстан (100 мың адамға шаққанда 9,8) және Шығыс Қазақстан (12,8) облыстарында байқалды.Осы жылы ауырғандардың басым бөлігі балалар мен жасөспірімдер, олардың үлесі 84,4%-ды құрады.Егер пандемияға дейін 2 жасқа дейінгі балаларды қызылшаға қарсы профилактикалық екпемен қамту 99,2%-ке жетсе, 2020 жылы ол 92,9%-ке дейін төмендеді. Ревакцинациядан өтуі тиіс адамдардың жас бойынша тобында 2019 жылы қамту 97,8%-ті құраса, пандемияның екінші жылында бұл көрсеткіш 95,9%-ке дейін төмендеді. Бұл топтың 2020 жылға арналған деректері жарияланған жоқ.Екпе алмаған балалар санының көбеюі, яғни ата-аналардың екпеден бас тартуы тағы бір маңызды себеп болып тұр. Науқастардың арасында екпе алмаған балалардың үлесі 83,6%-ті құрайды.

Қазақстан және Қызылорда облысының жаңалықтары: Денсаулық