<a href="https://kyzylorda-news.kz/">Kyzylorda-news.kz &nbsp;</a> «Ұлттық мереке - Республика күнінде» аймағымызда 1 тәулікте барлығы 48 бала дүниеге келдi.Нәрестелердiң 28-i ұл бала болса, 20-сы қыз бала.

Ұлттық мереке күні 48 сәби дүниеге келді

<a href="https://kyzylorda-news.kz/">Kyzylorda-news.kz</a> Денсаулық сақтау экс-министрі Елжан Біртанов <a href="https://www.youtube.com/watch?v=2Gnt4DEkKkQ">Qazaq Airan</a>-ға берген сұхбатында жақында елде жаңа вирус тарайтынына қатысты пікір білдірді, – деп хабарлайды <a href="https://massaget.kz/">Massaget.kz</a> тілшісі.Сұхбат барысында жүргізуші экс-министрге кейінгі кездері қоғамда қарашада вирустың жаңа түрі өршитініне қатысты тараған ақпараттың қаншалық шындыққа жанасатынын сұрады. Сыбыста фармкомпаниялар бір жақпамайды жаппай сатып алып жатқаны, коронавирус кезінде бірінші кезекте өкпеге зиян тисе, бұл жолы денеге жара шығатыны айтылады.Экс-министр бұл туралы бірінші рет естіп тұрғанын атап өтті.<blockquote>«Шынымды айтайын, бұл туралы бірінші рет естіп тұрмын. Сіз халықтың, мамандардың арасында тараған ақпарат дейсіз, бірақ мұндай сыбыс болса, мен білетін едім. Маған бұл туралы ешкім айтқан жоқ. Жалпы бұған сену қиын. Өйткені ол жақпамайдың вирусқа қарсы әсері жоқ. Адамның денесіне, терісіне жара шықса, иә, көмектеседі. Ал эпидемияға қарсы мүмкіндігін ойласақ, екіталай. Мұндай ескерту де жоқ. Мен, әрине, эпидемиология саласының маманы емеспін, бірақ мұндай хабар әлі естімедім, – деп жауап берді ол.</blockquote>Айта кетейік, Денсаулық сақтау министрлігі Дүниежүзілік денсаулық сақтау ұйымының жаңа қауіпті инфекция – Марбург вирусының өршуі туралы ескертуіне байланысты эпидемиологиялық жағдайды бақылауды күшейтіп жатқаны хабарланған болатын.Марбург вирусы жуылмаған банан арқылы жұғуы мүмкін<figure class="media"><div data-oembed-url="https://youtu.be/2Gnt4DEkKkQ"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/2Gnt4DEkKkQ" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Коллаж: depositphoto.com, Tengrinews.kz/

«Денеге жара шығады». Экс-министр Елжан Біртанов жаңа вирусқа қатысты сыбысқа пікір білдірді

<a href="https://kyzylorda-news.kz/">Kyzylorda-news.kz</a> Өңірде денсаулық сақтау жүйесін қаржыландыру жыл сайын артып келеді. Қаржыландыру көлемі соңғы 5 жылда, міндетті әлеуметтік медициналық сақтандыру жүйесінің арқасында, үш есеге жуық өсті. Бұл туралы Қызылорда облыстық мәслихатының Экономика, әлеуметтік және құқықтық мәселелер жөніндегі комиссиясының кеңейтілген отырысында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Жақсылық Абдусаметов мәлімдеді.Комиссия отырысы барысында Балжан Шәменованың төрағалығымен бірқатар өзекті мәселелер қаралды. Оның бірі - Әлеуметтік медициналық сақтандыру қорының облыс бойынша филиалы жұмысының қорытындылары.Филиал директоры Жақсылық Абдусаметов атап өткендей, егер 2019 жылы саланы қаржыландыруға 45,9 млрд теңге жумсалса, 2024 жылы - 120,3 млрд теңге қарастырылды. Өсім 2,6 есе. МӘМС жүйесін енгізу арқылы салаға 35-40% қосымша қаржы келіп жатқанына арнайы тоқталды.<blockquote>«5 жыл бұрын бір отаның құны орта есеппен 353,4 мың теңге болса, биыл 6 млн. теңгеден асты. Өсім 17,6 есе. Мысалы, бұл бас және мойын тамырларының эндоваскулярлық (жаппай) эмболизациясы немесе окклюзиясы, интракраниальды артерияға стенттерді тері арқылы имплантациялау сияқты оталар. Автоматты кардиовертер/дефибрилляторды, бивентрикулярлық дефибрилляторды имплантациясы, бауыр трансплантациясы бойынша оталардың құны 9 млн. теңгеден астам», - деді спикер.</blockquote>Жақсылық Әбілқасымұлы Денсаулық сақтау министрлігінің бірқатар нормативтік құқықтық актілеріне енгізілген өзгерістер мен толықтырулар, Қор филиалының ақпараттық-түсіндіру жұмыстары туралы айтты. Осы орайда, халықты МӘМС жүйесіне толық тартудың маңыздылығына тоқтала отырып, бірлесе жұмыс жасауға шақырды.Баяндамашының айтуынша, облыста 129 890 (15,4%) адам МӘМС жүйесінде сақтандырылмаған.Сонымен қатар, депутаттар тарапынан қойылған сұрақтарға жауап берілді.Отырыс соңында күн тәртібіндегі мәселелер бойынша депутаттардың ұсыныстары ескеріліп, шешім жобасы тұрақты комиссиялардың бірлескен отырысының қарауына ұсынылды.

Аймақтың денсаулық сақтау саласын қаржыландыру өсуде

<a href="https://kyzylorda-news.kz/">Kyzylorda-news.kz</a> Медициналық көмек көрсетуге үміткер медициналық ұйымдардың базасын жаңарту сатып алу науқаны басталғанға дейін жүргізіледі. Жыл сайын 1 қазаннан 31 қазанға дейін Қордың базасына жеткізуші ретінде енген денсаулық сақтау субъектілері веб-портал арқылы базадағы ақпараттарды жаңарту үшін өтінім береді.Биыл Қор мамандары алғаш рет медициналық ұйымдардың деректер базасын жаңарту аясында медициналық ұйымдарды тексеруге кірісті. Алғашқы кезеңде облыс орталықтарында орналасқан медициналық нысандар тексеріледі.Қор сарапшылары жұмыс барысында медициналық қызмет жеткізушілерінің өндірістік базаларын тексереді, олардың ішінде:- медициналық және фармацевтикалық қызметті жүзеге асыруға арналған лицензиялар;- халықтың санитарлық-эпидемиологиялық әл-ауқатын қамтамасыз ету саласындағы рұқсат құжаттары;- ионды сәулелену шығаратын құралдар мен құрылғылармен жұмыс істеуге лицензиялар (қажет болған жағдайда);- есірткі құралдары, психотроптық заттар мен прекурсорларды айналымға енгізу саласындағы қызметті жүзеге асыруға лицензиялар (қажет болған жағдайда);- медициналық қызмет түрлері бойынша лицензияға қосымшалар, сондай-ақ қажетті инфрақұрылымның (қарау кабинеті, екпе кабинеті және т.б.) болуы;- қызмет көрсету үшін қажетті жабдықтардың болуы, стационардағы төсектердің санының денсаулық сақтау басқармасының бұйрығына және санитарлық-эпидемиологиялық қызмет қорытындысына сәйкестігі;- дәріханалар мен есірткі заттарын сақтау бөлмелері нормативтік құқықтық акт талаптарына сәйкес болуы.Медициналық көмек көрсету түрлері немесе шарттары бойынша базалық деректерді қосу немесе жаңарту үшін өтініш берген медициналық ұйымдарды тексеру нәтижесінде Қор деректерді жаңартады, ал сәйкессіздіктер анықталған жағдайда, жеткізушіге бұзушылықтарды көрсететін қорытынды жібереді.Медициналық ұйымдар өз кезегінде бұзушылықтарды жоюға құқылы және деректер базасын жаңарту үшін өтінішті қайтадан береді. Анықталған бұзушылықтар бойынша материалдар медициналық қызмет көрсету саласындағы мемлекеттік органға әкімшілік шаралар қабылдау үшін жіберіледі.

Қор жеткізушілердің медициналық көмекті көрсету құқығын тексереді

<a href="https://kyzylorda-news.kz/">Kyzylorda-news.kz</a> Денсаулық сақтау министрлігі жасөспірімдердің репродуктивтік денсаулығын сақтау және фертилдік жастағы әйелдердің денсаулығын нығайту мақсатында 8 іс-шарадан тұратын «Аналар саулығы» бағдарламасын әзірледі, деп хабарлайды&nbsp;<a href="https://egemen.kz/">Egemen.kz</a>&nbsp;ведомствоның баспасөз қызметіне сілтеме жасап.Министрліктің хабарлауынша, учаскелік дәрігерлер оның денсаулығының индексін анықтау үшін фертилдік жастағы әрбір әйелді тексереді. Сондай-ақ жүктілікті жоспарлайтын әйелдер, жас қыздар мен жасөспірімдер ерекше бақылауда болады.Қауіпсіз жүктілікті қамтамасыз ету үшін сауықтыру шаралары жүктілік басталғанға дейін гравидаралды даярлық түрінде жүргізіледі. Гравидаралды даярлық - денсаулық жағдайын бағалауға және ерлі-зайыптыларды бала көтеруге, кейіннен жүктілікке және сау баланың тууына даярлауға бағытталған диагностикалық, профилактикалық және емдеу іс-шараларының кешені.<blockquote>«Еліміздің әрбір әйелі жас кезінен бастап уақтылы және сапалы медициналық көмек алуы маңызды. Еліміздің әрбір әйелін емханаға барып, жүктілікті жоспарлау алдында тексеруден өтуге шақырамыз. Бүгінгі таңда біздің елде 10 миллионнан астам әйел тұрады, оның 4,7 миллионы - фертилдік жастағы әйел. Олар отбасыларда орталық рөл атқарады. Әйелдер денсаулығын сақтау және нығайту - біздің тұрақты әлеуметтік-демографиялық дамуымыздың негізі», делінген хабарламада.</blockquote>Фото: aikyn.kz

Елімізде «Аналар саулығы» бағдарламасы іске қосылады

<a href="https://kyzylorda-news.kz/">Kyzylorda-news.kz</a> Сыр дәрігерлерi шетелде кадрлар даярлау, қайта даярлау және біліктілік арттыру бағдарламасы бойынша Мәскеу қаласында бiлiм жетілдірiп келді. Аймағымыздан барған 8 дәрігер хирургия, эндоскопия, неврология, кардиохирургия, анестезиология-реаниматология, неонаталды хирургия және балалар ортопедиясы бойынша бiлiктiлiк арттырды.Мамандар Ресейдің жетекші клиникалық академиялық базалары мен №24 қалалық клиникалық ауруханасы, Ресей ми және нейротехнология федералды орталығы, Е.Н.Мешалкин атындағы ҒМЗО, Ресей балалар клиникалық ауруханасы, Н.И.Пирогов атындағы РҰМЗУ филиалы, Ф.Филатов атындағы балалар қалалық клиникалық ауруханасы, Жедел балалар хирургиясы және травматология ҒЗИ мамандарымен тәжірибе алмасты.Қараша айының 4-інен бастап өңір дәрігерлерінің екінші легі Беларусь Респуликасына оқуға жіберіледі.<img src="https://knadmin.beoblood.kz/uploads/d_riger_09ccbb5480.jpg" alt="дәрігер.jpg">

 Сыр дәрігерлерi Мәскеуде бiлiктiлiк арттырды

<a href="https://kyzylorda-news.kz/">Kyzylorda-news.kz</a> Италия парламенті ел тұрғындарына&nbsp;шетелде суррогат ана қызметін қолдануға тыйым салу туралы заңды мақұлдады.&nbsp;Бұл туралы&nbsp;<a href="https://www.bbc.com/russian/articles/cn9dwqv39pwo">BBС</a> хабарлайды.Шетелде суррогат ана қызметін пайдалануға тыйым салу туралы бастаманы Италияның премьер-министрі&nbsp;Георгий Мелонидің әсіре оңшыл партиясы ұсынды.Италияда суррогат ана қызметіне&nbsp;тыйым салу туралы заң 2004 жылы күшіне енген. Бұл&nbsp;заң жобасына сәйкес&nbsp;суррогат ана қызметі рұқсат етілген елдерде оны қолданғандарға&nbsp;айыппұл салынады. Ал заңға қарсы шыққандар мұның Италияда&nbsp;бала асырап алуға немесе ЭКО қолдануға рұқсаты жоқ ЛГБТ жұптарына бағытталғанын айтады.&nbsp;Жаңа заң жобасына 58 адам қарсы шықса, 84 адам керісінше, қолдаған.Сурет:Nestlebaby.ru

Италияда суррогат ана қызметін қолдануға тыйым салды

<a href="https://kyzylorda-news.kz/">Kyzylorda-news.kz</a> Кез келген адам мамандық таңдауда қателеспеуі керек. Өзінің өмірін медицина саласымен байланыстырған жандарға тіпті үлкен жауапкершілік жүктеледі.Облыстық жұқпалы аурулар ауруханасы "БОКС" бөлімшесінің меңгерушісі Гүлжаухар Сүгірбаева бұл тұрғыда қателік жасамаған. Отыз жылдан астам уақыт денсаулық сақтау саласында еңбек етіп келе жатқан жанның абыройы асқақ, білімі терең, біліктілігі жоғары.Гүлжаухар Калдыбайқызының жолдасы да медицина саласында қызмет жасайды. Облыстық көпбейінді ауруханасы "Нейрохирургия" бөлімінің меңгерушісі – Шынжырбай Оразмаханұлы. Алтын қолды дәрігердің есімі Сыр медицинасы тарихында алтын әріптермен жазылмақ. Талай науқасқа сәтті ота жасап, дертінен сауықтырып келеді. Шынжырбай Оразмаханұлын алыс және жақын шет елдерден арнайы іздеп келетін науқастар аз емес.<blockquote>"Мен күйеуіммен Ақтөбе мемлекеттік медициналық институтында бірге оқыдық, үлкен салаға бірге қадам бастық. Отау құрғанымызға биыл 31 жыл. Азаматым екеуміз бір-бірімізге тіреу болып келеміз. Атқаратын қызметіміз оңай емес, науқастар бізге өзінің өмірін сеніп тапсырады", – дейді Гүлжаухар Калдыбайқызы.</blockquote>Дәрігер бүгінде "БОКС" бөлімшесінің меңгерушісі, аса қауіпті жұқпалы ауруларға шалдыққан науқастарды емдейді. Жүктелген жауапкершіліктің салмағы аса ауыр. Гүлжаухар Калдыбайқызы төрт баланың анасы, бес немересінің сүйікті әжесі.<blockquote>"Отағасы екеуміз балаларымыздың тәрбиесіне үлкен көңіл бөлдік. Перзенттеріміз елге қызмет жасайтын азаматтар болғанын қалаймыз. Ұлым Дастан біздің жолымызды жалғап келеді. Астана медициналық университетін бітірді, бүгінде Елордадағы емдеу мекемесінде уролог - дәрігер болып еңбек етуде. Мен балаларымның болашағына үлкен үмітпен қараймын", &nbsp;– деді дәрігер.</blockquote><img src="https://knadmin.beoblood.kz/uploads/G_lzhauhar_S_girbaeva_2_71ef40d6b2.jpg" alt="Гүлжаухар Сүгірбаева 2.jpg"><img src="https://knadmin.beoblood.kz/uploads/G_lzhauhar_S_girbaeva_2b42b09896.jpg" alt="Гүлжаухар Сүгірбаева.jpg">

 Гүлжаухар Сүгірбаева: Ақ халатымызға дақ түсірмеу – басты парыз! 

<a href="https://kyzylorda-news.kz/">Kyzylorda-news.kz</a>&nbsp; Медицина өте үлкен сала. Халық денсаулығы жолында мыңдаған адам қызмет етіп жасап, науқастардың алғысына бөленіп келеді. Бұл салада отбасымен бірге еңбек ететін жандар да аз емес. Бүгінгі біздің кейіпкеріміз – облыстық жұқпалы аурулар ауруханасының бөлім меңгерушісі Қанат Жукешев солардың бірі.Білікті маманның ауруханада қызметін бастағанына біраз уақыт болды. Осы жылдар ішінде ол өзін жауапкершілігі зор, міндетіне тиянақты қарайтын дәрігер ретінде көрсете білді. Талай науқасқа сапалы медициналық көмек көрсетіп, дертінен айығуға септігін тигізіп келеді. Баланың бабын тауып, денсаулығын жақсартуға зор еңбегін сіңіруде.Айта кету керек, Қанат Талғатұлының өмірлік жары да медицина саласының маманы. Меруерт Аққайырова облыстық перинаталды орталықта дәрігер – неанотолог болып абыройлы қызмет жасайды. Аяулы жан шала туған нәрестелерді күтіп-бастауда, тиісті ем-домын жасауға жоғары кәсіби біліктілігін көрсетуде.<blockquote>“Біз Қарағанда мемлекеттік медициналық академия табалдырығында таныстық. Аққұба, мінезі жұмсақ Меруертті бір көргеннен ұнаттым, кейін отбасын құрдық. 12 жыл бойы дәм-тұзымыз жарасып келеді. Көп балалы отбасымыз, 5 перзенттің ата-анасымыз.</blockquote>Расымен, бізді табыстырған – медицина. Бір салада еңбек еткеннен кейін бір-бірімізді өте жақсы түсінеміз. Айтатын ортақ әңгімеміз бар. Кейде бір-бірімізбен ақылдасып, кеңес сұраймыз. Мен қашанда жарымды қолдап отырамын. Мамандығымызды ерекше мақтан етеміз", – дейді Қанат Талғатұлы.Бүгінде Қанат Жукешевтің шаңырағы шаттыққа толы. Өз антына адал, міндетін зор жауапкершілікпен атқаратын жандар перзенттеріне үлгі.<img src="https://knadmin.beoblood.kz/uploads/Bizdi_tabystyr_an_mediczina_394745fc78.jpg" alt="Бізді табыстырған - медицина.jpg">

Қанат Талғатұлы: Бізді табыстырған – медицина

<a href="https://kyzylorda-news.kz/ru">Kyzylorda-news.kz</a>&nbsp;Облыс әкiмдiгiнiң ұйымдастыруымен денсаулық сақтау саласындағы халықаралық тәжірибелерді үйрену және жұмыспен ұштастыру мақсатында орта буын медицина қызметкерлері мен алыс-жақын шетелдік оқу орындарының өкілдері қатысқан ғылыми конференция өтті.Облыс әкімінің бірінші орынбасары Данияр Жаналинов конференция жұмысына сәттілік тілеп, шет елден келген қатысушыларға алғысын бiлдiрдi. Сонымен қатар іс-шараға арнайы келген Денсаулық сақтау министрлігі Ғылым және адами ресурстар департаментінің директоры Алмагүл Қауышева салада атқарылған жұмыстарға тоқталды.Халықаралық коференцияда елiмiздегi медицина колледждерінің оқытушылары мен Латвия, Түркия, Қырғызстан және Өзбекстан елдерiнен келген мамандар баяндама оқыды. Сондай-ақ, өзекті тенденцияларды талқылап, тәжірибе алмасты.Осы жылы ғасырға жуық тарихы бар Қызылорда медициналық жоғары колледжінде оқу-зертханалық, симуляциялық кабинеттер жаңғыртылып, емдік шөптер өсірілетін жылыжай ашылды. Халықаралық шара қонақтарына облыстық денсаулық сақтау басқармасының басшысы Олжас Искаков виртуалды оқу кабинеті мен студенттердің тәжірибелік сабағын өткізу мақсатында ашылған жылыжай жұмысын таныстырды. Жылыжайға Іле Алатау бөктеріне жерсіндірілген шетел және Қазақстан флорасы өсiмдiктерінiң 60-тан астам үлгісі әкелінсе, 43 түрі тұқымнан себілген.Айта кетейік, Қызылорда медициналық жоғары колледжі осы уақытқа дейін 30000-нан астам орта буын медицина мамандарын даярлаған.Денсаулық сақтау саласына, оның ішінде кадр даярлау мен біліктілік жетілдіру бағытындағы жұмыстарға жергілікті бюджеттен бөлінетін қаржы жыл сайын артып келеді. Атап айтсақ, соңғы 3 жылда медицина мамандарының білімін жетілдіруге облыстық бюджеттен 532 млн. теңгеден астам қаржы бөлініп, 1543 қызметкер білім деңгейін көтерген. Одан бөлек, облыс әкімінің грантымен резиндентурада 167 маман оқуға түскен. Аталған жұмыстар алдағы уақытта да жалғасын табатын болады.<img src="https://knadmin.beoblood.kz/uploads/b405c9fd_5ae3_4588_acb0_8c0eef878b4b_b4fe0f742d.jpg" alt="b405c9fd-5ae3-4588-acb0-8c0eef878b4b.jpg"><img src="https://knadmin.beoblood.kz/uploads/c5469615_2d35_415c_b26a_6db0a1cd33d2_71f68c75d1.jpg" alt="c5469615-2d35-415c-b26a-6db0a1cd33d2.jpg"><img src="https://knadmin.beoblood.kz/uploads/b6802ef6_d014_404d_ba4b_1418b4d01d5f_96986d872e.jpg" alt="b6802ef6-d014-404d-ba4b-1418b4d01d5f.jpg"><img src="https://knadmin.beoblood.kz/uploads/da74cf70_bf6e_4657_95ca_2b641d1c72ff_b14eb943e9.jpg" alt="da74cf70-bf6e-4657-95ca-2b641d1c72ff.jpg"><img src="https://knadmin.beoblood.kz/uploads/f2961e45_fce9_4213_b4a5_2331f0e04792_d9b24d9905.jpg" alt="f2961e45-fce9-4213-b4a5-2331f0e04792.jpg">

Маман даярлау мәселесіне арналған халықаралық конференция өтті

<h4 style="margin-left:0px;"><a href="https://kyzylorda-news.kz/ru">Kyzylorda-news.kz</a>&nbsp; 2025 жылы ел бойынша барлық ірі мектептерде стоматологиялық кабинеттер біртіндеп жұмыс істей бастайды, деп хабарлайды <a href="https://baq.kz/elimizdin-mektepterinde-stomatologiyalyq-kabinetter-ashylady-dsm-342496/">BAQ.KZ.</a></h4>Бұл туралы Денсаулық сақтау министрі Ақмарал Әлназарова мен Оқу-ағарту министрлігінің басшысы Ғани Бейсембаевтың елорда мектептерінің басшыларымен бірлескен отырысында айтты.Министрлер мектеп асханасын аралап, сонымен бірге мекемелердегі тамақты қалай жақсартуға болатынын талқылады.<blockquote>Бүгінде алты облыста стоматологтар қабылдауды жүргізетін 98 кабинет бар. Одан әрі «Сау тіспен болашаққа» жобасы аясында мектеп жасындағы барлық балаларды тіс ауруларының алдын алумен қамтуды кезең-кезеңімен қамтамасыз ету жоспарлануда, – деп толықтырды ведомстводан.</blockquote>Сурет: BAQ.KZ.

Енді мектептерде стоматологиялық кабинеттер ашылады – ДСМ

<a href="https://kyzylorda-news.kz/">Kyzylorda-news.kz</a> Қызылорда облыстық Көпбейінді облыстық ауруханада бір күнде екі науқасқа бүйрек трансплантациясы жасалды.Бірінші науқас 1986ж. туған. Ол 2016 жылдан бері Гломерулонефритпен «Д» есепте тұрады. Науқас Корея мемлекетінде бірнеше рет тексеріліп, ем алған. Дегенімен бүйрек жетіспеушілігі дамып, 2023 жылдан бері диализ қабылдаған. Оған туған ағасы донор болды.Екінші трансплантация 1998 жылы туған науқасқа жасалды. 2022 жылдан бері созылмалы бүйрек жетіспеушілігімен «Д» есепте тұрады. Сол кезден бері диализ қабылдайды. Науқасқа апасы донор болып бүйрек трансплантациясы жасалды.Ота сәтті өтті. Науқастардың жағдайы орташа ауырлықта тиесілі ем қабылдап жатыр.Бұл биыл жасалған алтыншы трансплантация.Фото: облыстық аурухана

Қазақстан және Қызылорда облысының жаңалықтары: Денсаулық