<a href="https://kyzylorda-news.kz/">Kyzylorda-news.kz</a>&nbsp; Қатерлі ісіктің соңғы сатысында пациенттердің өмір сүру ұзақтығы артты. Осы және онкологиялық ауруды қалай уақытылы анықтауға болатыны жөнінде Қызылорда облыстық онкология орталығының бөлім меңгерушісі Майя Ақбаровамен сұхбаттастық.– Майя Әлімжанқызы, қатерлі ісіктің соңғы сатысында науқас жазылмайды деген пікір қалыптасқан. Дәрігерлердің қазіргі болжамы қандай?– Шынына келсек, қатерлі ісіктің қай кезеңінде болмасын, оның ішінде ІІІ және IV сатыларында да аурумен күресу керек. Облыстық онкология орталығында әлемдік стандартқа сәйкес келетін диагностика мен емнің барлық түрін жүргіземіз. Ем барысында ауруы асқынған пациенттердің өмір жасын арттыруға көмектесетін қымбат таргентті, иммунды препараттар қолданылады. Олар адамның сау тінін зақымдамай, ісікке тікелей әсер етеді.&nbsp; Біздің мақсат – пациенттердің өмір сүру ұзақтығын арттыру. Мысалы, бауыр, сүйек, өкпесінде метастаз анықталған науқастар бар. Олардың да өмір сүру ұзақтығы 5 жыл және одан жоғары деңгейге жетуде. Онкологияда 5 жыл шартты саналады. Осы уақыт аралығында аурудың қайталануы жиі кездеседі. Аталған мерзімнен кейін аурудың өршуі азаяды. Бүгінгі күні онкоорталықта 5 703 адам есепте тұр, оның 2 853-і немесе 50%-тен астамы бес жылдан аса өмір сүруде.– Онкологиялық аурудың қандай түрлері облыста кең таралған?– Бірінші орында сүт безінің, одан кейін өкпенің, үшінші орында асқазанның қатерлі ісігі тұр. Ауруды көп жағдайда скринингтік бағдарлама арқылы анықтау мүмкін болып отыр.&nbsp; Емханаларда аталған зерттеулер, тексерудің түріне қарай, тегін медициналық көмектің кепілді көлемі және міндетті әлеуметтік медициналық сақтандыру аясында жүргізіледі. Скринингтен өту үшін МӘМС жүйесінде пациенттің сақтандырылған мәртебесі болуы керек.&nbsp; Скриннгтен белгілі бір жастағы адамдар өтеді. Мысалы, жатыр мойыны ісігі скринингінен 30-70 жас аралығындағылар 4 жылда бір рет өтіп тұрады. Сонымен қатар, сүт безі мен колоректальды қатерлі ісіктерді, &nbsp;артериалды қан қысымы, жүректің ишемиялық ауруы, қант диабеті, глаукоманы ерте сатысында анықтау мақсатында жүргізілетін скрингтік тексерулер бар. Толық мәліметті учаскелік дәрігерден алуға болады.&nbsp; Тұрғындарды скринингтік тексеруден жүрексінбей, уақытылы өтіп тұруға шақырамын. Скрининг ауруды ерте сатысында анықтауға бағытталған.– Онкологиялық көмек әрдайым тегін медициналық көмектің кепілді көлемі аясында көрсетіліп келді. МӘМС-тің қолданысқа енуімен қандай өзгерістер болды?– Иә, тегін медициналық көмектің кепілді көлемі базалық медициналық көмекті қамтамасыз етеді. Сақтандыру мәртебесіне қарамастан, пациент әркез шұғыл тегін медициналық көмекке қол жеткізе алады. МӘМС – жоспарлы көрсетілетін, кеңейтілген медициналық қызмет көлемін қамтиды. Мысалы, скрининг қорытындысына қарай онколог, гастроэнтеролог, проктолог мамандарының кенестері қарастырылған. Барлық тексеру және тар бейінді мамандар консультациясы МӘМС аясында жүргізіледі. Сақтандырылған азаматтар үшін гормон анализі, ПЦР диагностикасы, ісік маркері, сонымен қатар КТ, МРТ және тағы басқа диагностикалық тексерулер қолжетімді екенін атап айтқым келеді. Сондай-ақ, МӘМС жүйесінде пациенттер жоғары технологияларды пайдалана отырып, қымбат қызмет түрлерін тұтына алады.&nbsp; Одан бөлек, біздің пациенттер үйден де қызмет ала алады. Терапевт, онкологтың бақылауымен олар емханаларда тегін берілетін қымбат дәрілерді үйде қабылдайды. «Өз үйім- өлең төсегім» дегендей, өз үйінде, отбасының қамқорлығында біз оң динамиканы байқап отырмыз. Пациенттер тезірек жазылып, беті бері қараған жағдайлар көп.– Сіздің тілегіңіз?– Оңай беріле салуға болмайды. Бәрі жақсы болатынына сену керек. Қатерлі ісік үкім емес. Ауырғанда емшіге барудың қажеті жоқ, халықтық медицина көмектеспейді, олай уақыт жоғалтпаңыз. Медицина алға жылжып келеді, сауығуға мүмкіндік бар. Аурудың І және ІІ сатысында анықталған науқастардың емі сәтті өтуде және олар аурудың қайталануынсыз ондаған жылдар өмір сүреді. Қатерлі ісіктің алдын алудың бірден-бір жолы – салауатты өмір салты, дұрыс күн тәртібі, дұрыс тамақтану, күйзеліске берілмеу, позитивті көңіл-күй.– Сұхбатыңыз үшін алғыс білдіремін, өзіңізге және пациенттеріңізге денсаулық тілеймін!&nbsp;

Майя Ақбарова: Аурумен күресте берілмеу керек

&nbsp;<a href="https://kyzylorda-news.kz/">Kyzylorda-news.kz</a>&nbsp; «Е-Saqtandyry» АЖ қысқа мерзімде әзірленіп іске қосылды және Қордың негізгі қызметін цифрландыру процесінің ажырамас бөлігі болып табылады.Жаңа ақпараттық жүйемен не өзгерді?Қордың медициналық көмекке ақы төлеудің жаңа жүйесі медициналық ұйымдармен шарттық қатынастарын жүргізу процестерін оңтайландыру және медициналық көмекті үздіксіз қаржыландыруды қамтамасыз ету мақсатында құрылған. Бұрын Қордың жеке төлем жүйесі болмаған, тек медициналық көмекті тұтынуды есепке алу жүйесі болған. Бұл медициналық көмекті қаржыландырудың кешігуіне әкелді. «Saqtandyry» АЖ енгізу медициналық ұйымдарға шарттарды басқару процесін жеңілдетеді. Егер бұрын медициналық ұйымдар әртүрлі ақпараттық жүйелерде шарттар мен төлем құжаттарын (МӘМС және ТМККК бойынша бөлек) қалыптастырған болса, қазір «е-Saqtandyry» жаңа жүйесін енгізудің нәтижесінде, бұл процесс бір ақпараттық жүйеде бір шартқа дейін жеңілдетілді.Іске асырудың алғышарттары2024 жылғы 1 қаңтарда Қор төлем құралдарынсыз қалып, Қордың негізгі міндеттерін уақтылы орындау үшін үздіксіз жұмыс істемеу қаупі туындады. Сондықтан 2024 жылдың басынан бастап Қор штаттық ақпараттық технология мамандарының күшімен «Saqtandyry» ақпараттық жүйесінде төлем функционалын әзірлеуге кірісті. Осы жылдың наурыз айында ақпараттық жүйелердегі пысықтауларға байланысты ҚР Денсаулық сақтау министрлігі мен Қордың басшылығы аванс мөлшерін стандартты 30%-дан 70%-ға дейін, ал жаңа медициналық қызмет көрсетушілер үшін – 30%-ға дейін ұлғайту жөнінде бұрын-соңды болмаған шаралар қабылдады (бұрын жаңа ұйымдар үшін аванс төленбеген, аванс төлеу мүмкіндігін жасау үшін заңнамаға тиісті өзгерістер енгізілді). Сондай-ақ, «е-Saqtandyry» ақпараттық жүйесінде өте қысқа мерзімде медициналық ұйымдармен шарттар жасасу бойынша функционалы пайдалануға берілді. «Saqtandyry» ақпараттық жүйесінің төлем модулі 2024 жылғы 17 мамырда іске қосылды және бүгінгі күні денсаулық сақтау субъектілеріне көрсетілген медициналық көмек үшін ағымдағы жылдың мамыр айы кезеңінде төлем жүргізілуде.Қазір медициналық көмек қалай төленеді?Қор 2024 жылғы 20 тамыздағы жағдай бойынша жыл басынан бері медициналық ұйымдарға аванспен қоса есептегенде 1,4 трлн теңгеге жуық қаржы төледі. Қазіргі уақытта 2024 жылғы мамыр айыны кезеңі үшін нақты көрсетілген медициналық қызметтерге төлем жүргізілуде. 20 тамыздағы жағдай бойынша 1936 медициналық ұйымға қаңтар-маусым айларында көрсетілген қызметтер үшін 539,1 млрд теңге төленді. Медициналық ұйымдарды қаржыландыру көлемі жыл басынан бері амбулаториялық дәрі-дәрмекпен қамтамасыз етуді қоса алғанда, 1 трлн 455 млрд теңгені құраған. Яғни, бұл жылдық қаржыландыру көлемінің жартысынан көбі. ТМККК қаражатының уақтылы түсіп отыруы жағдайында Қор нақты көрсетілген медициналық қызметтер үшін төлем мерзімін ұзартуды жоспарлап отыр.&nbsp;

Қор өзінің медициналық көмекке ақы төлеу жүйесін іске қосты

<a href="https://kyzylorda-news.kz/">Kyzylorda-news.kz</a>&nbsp; «Aray city mall», «Ажар», «Жібек жолы» сауда орталықтарында «Денсаулық аралы» акциясы өтті. Ұйымдастырушы – Әлеуметтік медициналық сақтандыру қорының Қызылорда облысы бойынша филиалы.Шара барысында №1 және №3 қалалық емхана мамандары қауіп факторлары мен ауруларды бастапқы кезеңде анықтау мақсатында тұрғындарға консультациялық-диагностикалық қызмет көрсетті. Дәрігерлер қан қысымын, бойын, салмағын, қандағы қант пен холестерин деңгейін өлшеп, кеңес берді.Әлеуметтік медициналық сақтандыру қоры филиалының мамандары сұрақтарға жауап беріп, сақтандыру мәртебесін қалай алуға болатынын, медициналық сақтандырудың қандай артықшылықтары бар екенін түсіндірді. Сондай-ақ тұрғындарға МӘМС жүйесі туралы ақпараттық буклеттер таратылды.Профилактикалық тексерулерді қаржыландыру Әлеуметтік медициналық сақтандыру қорының қаражаты есебінен жүзеге асырылатыны, сондықтан скринингтерден өту үшін МӘМС жүйесінде «сақтандырылған» мәртебесінің болуы қажет екендігі атап өтілді.<img src="https://knadmin.beoblood.kz/uploads/Zhibek_zholy_3_4f7656c454.jpg" alt="Жибек жолы 3.jpg"><img src="https://knadmin.beoblood.kz/uploads/Zhibek_zholy_4_12908d27c8.jpg" alt="Жибек жолы 4.jpg"><img src="https://knadmin.beoblood.kz/uploads/Araj_siti_1_ac0951f601.jpg" alt="Арай сити 1.jpg">

Қызылорда қаласындағы сауда орталықтарында денсаулық акциясы өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда облысы әкімі аппаратының «Жедел әрекет ету орталығы» мекемесі мен Қызылорда облысы бойынша «Әлеуметтік медициналық сақтандыру қоры» КЕАҚ филиалы арасында оператордың жауабын күту режимінде тұрған «Komek 109» абоненттер үшін МӘМС жүйесі туралы аудиороликтерді тегін тарату туралы меморандумға қол қойылды.Меморандумға қол қою кезінде тараптар облыс тұрғындарын МӘМС жүйесі туралы хабардар етуде жан-жақты қолдау туралы уағдаласты. Бұл ынтымақтастық ақпараттық жұмысты қамтуды едәуір кеңейтеді және азаматтардың көпшілігін МӘМС туралы маңызды ақпаратқа қол жеткізуіне қамтамасыз етеді. Енді оператордың жауабын күту режимінде тұрған абоненттер МӘМС жүйесі туралы пайдалы ақпараты бар 20 секундтық аудиороликтерді тыңдай алады.«109 бірыңғай байланыс орталығы» тәулік бойы, 24/7 жұмыс істейді және қала мен облысты абаттандыру мен тіршілікті қамтамасыз ете отырып, облыстың атқарушы органдарымен және коммуналдық қызметтермен өзара әрекет етеді. &nbsp;

Облыс әкімдігімен өзара ынтымақтастық туралы меморандумға қол қойылды

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp; Қазақстанда бас санитар&nbsp;дәрігердің міндетін атқарушы Нұрқан Сәдуақасов ауруханалардағы медицина қызметкерлеріне маска кию режимін қайтару туралы қаулы&nbsp;шығарды.&nbsp;Бұл туралы&nbsp;Stan.kz&nbsp;ақпарат агенттігі хабарлайды.Құжатқа сәйкес, денсаулық сақтау басқармаларының басшылары 1 қыркүйектен бастап медициналық ұйымдарды тұмауға қарсы екпеге дайындау&nbsp;керек. Медицина қызметкерлеріне мынадай міндеттер жүктелді:Белгіленген мерзімде вакцинациялауға құқығы бар адамдардың тізімін жасау; Вакцинаны сақтау және тасымалдау нормаларын ұстану; Егу кабинеттері мен бригадаларын екпеге дайындау және асқынған кезде шұғыл көмек көрсету.Сондай-ақ 15 қыркүйектен бастап тұмауға қарсы екпе&nbsp;басталған соң дәрігерлер&nbsp;маска киіп жүруге міндетті. &nbsp;Олар мекемелерде&nbsp;эпидемиялық маусым (тұмау, ЖРВИ және COVID-19) кезінде&nbsp;науқастарын қабылдауға дайын болу керек.Сонымен қатар&nbsp;ЖРВИ және тұмау белгілері бар науқастарды сұрыптау қағидатын сақтауды ескере отырып, тұмаумен, ЖРВИ-мен және COVID-19-бен науқастар саны артқан жағдайда&nbsp;медициналық ұйымдарда қосымша инфекциялық төсек-орнын ашу жоспарын бекіту ұсынылып отыр.Медицина қызметкерлері тұмаумен, ЖРВИ-мен және COVID-19-бен ауыратын науқастарға медициналық көмек көрсетіп,&nbsp;медициналық мекемелерде эпидемияға қарсы режимді сақтау үшін&nbsp;міндетті түрде оқу-жаттығудан өтуге&nbsp;тиіс. Ауруханаларда дезинфекциялау режимі күшейтіледі.<blockquote>“Білім беру ұйымдарының басшылары студенттер мен қызметкерлердің сабаққа қатысуына күнделікті мониторинг жүргізіп, сабаққа келмеу себептерін анықтап, медициналық ұйымдарды хабардар етуге міндетті. Аурулардың алдын алу үшін білім беру ұйымдарында ЖРВИ, тұмау және COVID-19 белгілерін анықтау үшін "таңертеңгілік сүзгілеу" ұйымдастырылады. Сонымен қатар&nbsp;білім бөліміне ауру балаларды дер кезінде шеттетіп,&nbsp;ата-аналары келгенше оларды оқшаулау&nbsp;тапсырылды”, –&nbsp;делінген құжатта.</blockquote>Фото: Pixabay.com

Санитарлық дәрігер қаулысы: Қазақстанда кімдерге маска тағу міндеттелді

<a href="https://kyzylorda-news.kz/">Kyzylorda-news.kz</a>&nbsp; Денсаулық сақтау вице-министрі Ержан Нұрлыбаев ведомство тұрғындардың стоматологиялық қызметтерге ақы төлеу үшін зейнетақы жинақтарын пайдалану мүмкіндігін сақтап қалуға мүмкіндік беретін жаңа механизм әзірлегенін мәлімдеді. Бұл туралы <a href="https://stan.kz/zeynetaki-akshasina-tis-emdeuge-shekteu-koyila-ma-densa-404902/">Stan.kz </a>ақпарат агенттігі хабарлайды.Ержан Нұрлыбаевтың айтуынша, жаңа механизмдер "стоматологиялық қызметтерді алу процедурасының ашықтығын" қамтамасыз етеді.<blockquote>"Соңғы уақытта стоматологиялық қызмет үшін зейнетақы жинақтарын алу мәселесі белсенді түрде талқыланып жатыр. Денсаулық сақтау министрлігі бұл норманың жұмысын тоқтатпағанын бірден түсіндіргім келеді. Имплантация және протездеу сияқты стоматологиялық қызметтерді төлеу үшін зейнетақы жинақтарын пайдалану мүмкіндігін сақтап қалу қарастырылады. Бұрын бұл мәселе Ашық құқықтық ережелер порталында талқыланып, халықтың ұсыныстары мен ескертулері ескерілгеннен кейін оның құрамына жұмыс тобы кірген. Ұлттық стоматологтар комитетінің өкілдері рентген сәулелері сияқты аспаптық диагностикалық әдістерді қамтитын механизмді жасады", – деді вице-министр.</blockquote>Министрлік ұсынып отырған зейнетақы жинақтарын пайдалану тетігі бірнеше кезеңді қамтитынын айтты.<blockquote>"Жобаға тексеру және емдеу жоспарын ұсыну, стоматологиялық емхана мен уәкілетті операциялық банк арасында келісім жасау, қызмет көрсету және электронды денсаулық паспортына деректерді енгізеді. Емдеуге дейін және одан кейін рентгенді міндетті түрде қамтамасыз ету ашықтықты арттырады және ықтимал теріс пайдалануды болдырмайды және азаматтардың қаражатына қатысты алаяқтық әрекеттердің алдын алады", –&nbsp;деп түсіндірді Ержан Нұрлыбаев.</blockquote>Оның айтуынша, стоматологиялық қызметке зейнетақы қаражатын пайдаланудың бұрынғы ережелері қолданылып жатыр.Қазақстанда зейнетақы жинақтарын алу ережелері өзгеретіні туралы бұған дейін жазған едік. Тіс емдегені үшін зейнетақы төлемдерін алуға уақытша тыйым салуды енгізу талқыланды. Бұл ретте денсаулық сақтау министрлігі біржолғы зейнетақы төлемдерін өз баласын емдеуге жұмсауға рұқсат беруді ұсынды.Еске салайық, бұған дейін қазақстандықтар стоматологтар арқылы зейнетақының артық мөлшерін шешіп алғанын жазған едік.&nbsp;Банк ішкі тергеу жүргізілген бірқатар күдікті схемаларды белгілеп, кінәлілерді анықтау және оларды жауапқа тарту үшін құқық қорғау органдарына жүгінді.&nbsp;Отбасы банкі арқылы БЖТ көмегімен емделуге 435,1 миллиард теңге пайдаланылған. Оның 98%-ы стоматологиялық қызметтерге-тістерді протездеу және имплантациялауға алынған.Фото:&nbsp;Рexels.com

Зейнетақы ақшасына тіс емдеуге шектеу қойыла ма: Денсаулық сақтау министрлігі жаңа механизм әзірледі

<a href="https://kyzylorda-news.kz/">Kyzylorda-news.kz</a> &nbsp;Партияның облыстық филиалының Атқарушы хатшы Ләйлә Төрешова «AMANAT» партиясы жанындағы Білім беру мен денсаулық сақтау мәселелері жөніндегі республикалық кеңестің отырысына қатысты.Кеше «AMANAT» партиясы жанындағы Білім беру мен денсаулық сақтау мәселелері жөніндегі республикалық кеңестің отырысы өтіп, онда өңірлердегі жаңа оқу жылына дайындық жұмыстары пысықталды.Нақты айтқанда партияның 2023-2027 жылдарға арналған «Халықпен бірге!» Сайлауалды бағдарламасын жүзеге асыру аясында алдағы оқу жылына жаңа оқушы орындарын құру және білім беру сапасын жақсарту жөніндегі шаралар кеңінен қаралды.Отырысқа Параламент депутаттары, жауапты органдар өкілдері, сонымен бірге «Zoom» конференциясы арқылы өңірлердегі жауапты сала басшылары қатысты.Облыста ағымдағы оқу жылы 1 сыныпқа 17 450 бала барады деп жоспарлануда. 1 – сыныпқа қабылданатын балалардан бүгінгі күні 15 848 өтініш қабылданған.Өткен жылы облыс орталығындағы 4 мектептің орын тапшылығы мәселесі қосымша ғимарат салу арқылы шешімін тапты. Сонымен қатар, 1 170 орынды құрайтын 4 мектеп , биыл жыл басында 550 орындық 2 мектеп ел игілігіне берілді.«Жайлы мектеп» ұлттық жобасымен «AMANAT» партиясының Сайлауалды бағдарламасы аясында өңірде 6900 орынды құрайтын 10 мектептің құрылыс жүруде. Жақын күндері алғашқысы пайдалануға беріледі деп жоспарланып отыр. Бұл жұмыстар нәтижесінде аймақта апатты және орын тапшылығы бар мектептер мәлелесі толық шешілетін болады.Оқушыларды оқулықтармен қамту үшін 1,8 млрд.тг. қаржы да қаралған.&nbsp;

«AMANAT»:  Республикалық кеңестің отырысы өтті

<a href="https://kyzylorda-news.kz/">Kyzylorda-news.kz</a> Денсаулық сақтау министрлігі коронавирус инфекциясына мониторинг жүргізуді 2022 жылдан бері ЖРВИ және тұмау бойынша қолданыстағы эпидқадағалау жүйесіне енгізді. Бұл туралы Stan.kz ақпарат агенттігі хабарлайды.Мониторинг қазіргі таңда елде респираторлы вирустар, соның ішінде коронавирус байқалатынын көрсетті. Осы жылдың басынан бері коронавирустың 1290 жағдайы тіркелді. Алайда аурудан қаза болғандар жоқ.<blockquote>“ЖРВИ, вирусты пневмония және коронавирус жұқтырып ауруханаға түскендер жоқ. Бұл коронавирус инфекциясының дерт ағыны жеңіл түрде өтіп жатқанын көрсетеді. Сонымен секвенирлеудің соңғы деректеріне сәйкес, Қазақстанда әлемдегідей 100% жағдайда Омикрон штаммының түрлі нұсқалары айналыста жүр”, – деп мәлімдеді денсаулық сақтау министрлігі.</blockquote>Мемлекеттік бас дәрігерінің м.а. 2016 тамыздағы №7 "2024-2025 жылғы эпидемиялық маусымда тұмау, өткір респираторлы вирусты инфекция (ЖРВИ) және коронавирус инфекциясы (COVID-19) бойынша санитарлық-профилактикалық, санитарлық-эпидемияға қарсы іс-шаралар өткізу туралы" қаулыға қол қойды.Қаулыда ЖРВИ, тұмау және COVID-19 бойынша эпидемиялық маусым мерзіміне профилактикалық және эпидемияға қарсы іс-шаралар, соның ішінде:<ul><li>2024 жылдың 1 қыркүйегінен бастап тұмауға қарсы вакцинация жүргізу;</li><li>Медициналық ұйымдарда: кіреберісті "сүзгі" жұмысымен қамтамасыз ету, бетперде тағу, антисептиктердің болуы;</li><li>ЖРВИ, тұмау байқалған бір жасқа дейінгі сәбилер мен жүкті әйелдердің үйге шақыртуына бірінші кезекте қызмет көрсету қарастырылған.</li></ul>Тұмау, ЖРВИ, КВИ ауруларының алдын алу үшін ғимараттың ішін жиі-жиі желдетіп отыру, қолды таза ұстау үшін антисептикалық құралдарды пайдалану, науқас адамдармен байланысты шектеу, ауырып тұрған адамдармен байланысқан жағдайда бетперде тағу, медициналық көмекке дер кезінде жүгіну ұсынылды.

Денсаулық сақтау министрлігі коронавирус жағдайына қатысты мәлімдеме жасады

<a href="https://kyzylorda-news.kz/">Kyzylorda-news.kz</a> Басқарма төрағасының бұйрығымен Жақсылық Абдусаметов Әлеуметтік медициналық сақтандыру қордың Қызылорда облысы бойынша филиалының директоры болып тағайындалды.Жақсылық Әбілқасымұлы Ақтөбе мемлекеттік медициналық институтын «Дәрігер-педиатр» мамандығы бойынша тәмәмдаған. Еңбек жолын 1994 жылы бастады. Жалпы еңбек өтілі 30 жылдай, оның ішінде 20 жылдан астам басшылық қызметте болған.Қызылорда облысы денсаулық сақтау басқармасы басшының орынбасары, кейін басқарма басшысы қызметін атқарды.<blockquote>«Жақсылық Әбілқасымұлы, қазір Қорда және өңірлерде атқарылып жатқан жұмыстар көп. Өңірдегі мәселелерді жақсы білесіз. Өз тәжірибеңізді жұмысты сапалы деңгейге көтеруге жұмсайтыныңызға сенемін», - деді Қор басшысы Әбілқайыр Сқақов. &nbsp;</blockquote><img src="https://knadmin.beoblood.kz/uploads/IMG_20240815_183012_849_a9b763f794.jpg" alt="IMG_20240815_183012_849.jpg">

МӘМС: Қызылорда облысы бойынша филиалына жаңа директор тағайындалды

&nbsp;<a href="https://kyzylorda-news.kz/">Kyzylorda-news.kz</a> &nbsp;Биыл Қазақстанда өкпе қабынуына шалдыққандардың саны айтарлықтай өскен. Денсаулық сақтау министрлігінің мәліметінше, алғашқы жартыжылдықта елімізде пневмонияның 49 мың 704 жағдайы тіркелген, деп хабарлайды <a href="https://baq.kz/elimizde-pnevmoniyaga-shaldyqqandar-sany-artty-338337/">BAQ.KZ.</a>Бұл былтырғы көрсеткішпен салыстырғанда 19,2 пайызға артық. Мамандар қалыптасқан жағдайды әлем бойынша омикрон штамының әлі де басымдық көрсетіп тұрғанымен байланыстырады.Ал көршілес Ресейде COVID-19 өршіді. Өткен аптада коронавирусқа шалдыққандардың саны 30 пайызға артты. Бір жұманың ішінде дерттен 14 адам қаза тапқан. Ресейдің 59 аймағында аталмыш ауру түрінің таралуы байқалған. 5-11 тамыз аралығында осы диагнозбен 1100 адам ауруханаға жатқызылған.Сондай-ақ Оңтүстік Корея жұрты үшін де қауіп төніп тұр. Өйткені, тамыздың соңында бұл мемлекетте коронавирустың таралуы шарықтау шегіне жетуі мүмкін. COVID-19-ға шалдыққандардың саны маусымның соңынан бастап өскен. Мәселен тамыздың бірінші аптасында 861 адам ауруханаға түсті. Ал емханаға жатқызылған 12 мың 410 науқастың жартысынан көбі 65 жастан асқан азамат екен.Фото: kaz.inform.kz

Елімізде пневмонияға шалдыққандар саны артты

<a href="https://kyzylorda-news.kz/">Kyzylorda-news.kz</a>&nbsp; Бүгінде жұқпалы аурулар бойынша аймақтағы ахуал тұрақты. Жыл басынан бері тұрғындар арасында аса қауіпті оба, тырысқақ, сібір жарасы, іш сүзегі секілді бірқатар аурулар тіркелмеген. Ал, өткен жылдың осы кезеңімен салыстырғанда 24 нозологиясы бойынша жұқпалы аурулардың аурушаңдық көрсеткіштерінің төмендеу тенденциясы орын алған. Бүгін Өңірлік коммуникациялар қызметінің ақпарат алаңында облыстық денсаулық сақтау басқармасы басшысының орынбасары Мая Мирзанова мен облыстық санитарлық-эпидемиологиялық бақылау департаменті басшысының орынбасары Әлия Әбдіқайымова эпидемиологиялық ахуалдың алдын алу шаралары туралы айтты.<blockquote>«Биылғы жылдың 6 айының қорытындысымен Қызылорда облысында бірқатар жұқпалы аурулар аурушаңдығы бойынша тұрақты эпидемиологиялық ахуал қалыптасты. Облыс тұрғындары арасында вирусты кене энцефалиті, туляремия, листериоз, лептоспироз, иерсиниоз, малярия, трихиниллез, паратиф, полиомиелит, қызамық, құрөзек, сіріспе, жіті вирусты гепатит В,Д, Е, лейшманиоз сияқты аса қауіпті аурулар аурулары тіркелмеген. Сондай-ақ, өткен жылмен салыстырғанда биыл коронавирус жұқпасы – 4 жағдайға, вирусты пневмония – 10 жағдайға, тамақтан улану жағдайлары – 3,8 есеге, сарып – 2,6 есеге және эхинкоккоз – 2,3 есеге төмендеген. Өңірде жіті ішек инфекцияларының 456 жағдайы тіркеліп, аурушандық көрсеткіші 100 мың халыққа шаққанда 53,1 пайызды құрады. Бұл көрсеткіш өткен жылмен салыстырғанда 15,3 пайызға төмендегенін көрсетеді. Сол себепті де облыстағы эпидемиологиялық ахуал «қанағаттанарлық» деп бағалануда»,- деді Мая Миранбайқызы.</blockquote>Жыл басынан бері аймақта бруцеллез ауруының 11 жағдайы тіркелді. Бұл өткен жылмен салыстырғанда 2,6 есеге төмендегенін көрсетіп отыр. Ал, Конго-Қырым геморрагиялық қызбасы бойынша өткен жылдың 6 айында 6 жағдай тіркелсе, биыл 4 жағдай есепке алынды. Облыс тұрғындары арасында қоғамдық тамақтану орындарымен байланысты жаппай топтасқан тамақтан улану жағдайлары тіркелмеген.&nbsp;<img src="https://knadmin.beoblood.kz/uploads/455211199_2066646910397477_7392751532769363139_n_2ae4ffd5ce.jpg" alt="455211199_2066646910397477_7392751532769363139_n.jpg"><blockquote>«Сонымен қатар, ҚР Денсаулық сақтауды дамытудың 2026 жылға дейінгі тұжырымдамасына сәйкес, «2023-2025 жылдарға арналған онкологиялық аурулармен күрес жөніндегі кешенді жоспар» шеңберінде адам папиллома вирусына қарсы вакциналауды енгізу көзделген. Адам папилломасы вирусы – теріні және дененің әртүрлі бөліктерінің шырышты қабықтарын зақымдайтын вирустар тобы. Бұл вирус қауіпті, себебі, ол тез таралып, нәтижесінде папилломалар пайда болады және жасушалардың қатерлі ісігінің деградациясы мен жатыр мойны обыры сияқты қатерлі ісіктің дамуына қоздырғыш болады. Ғылыми мәліметтерге сүйенсек, 10 әйел мен ер адамның 8-і 25 жасқа дейін осы вирусты жұқтырған. Сол үшін де елімізде АПВ-ге қарсы вакциналауды енгізу бойынша дайындық жұмыстары басталды. ДДСҰ 9-14 жас аралығындағы қыздарды вакциналауды ұсынып отыр. Осыған байланысты, Қазақстанда биылғы жылдың үшінші тоқсанында 11 жастағы қыздарға екпе салу жоспарланып отыр»,- деді Әлия Мүтәліпқызы.</blockquote>

Қызылорда облысында эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz</a>&nbsp; Қатерлі ісік - жасына, жынысына немесе өмір салтына қарамастан кез келген адамда пайда болуы мүмкін жасырын ауру. Статистикаға сүйенсек, аурушаңдық жағдайларының басым бөлігі 60 жастан асқан адамдар арасында кездеседі. Қызылорда облысында сүт безі обыры бірінші орында. Бұл аурумен облыстық онкологиялық орталықтың 71 жастағы пациенті күресуде. Дәрігерлердің болжамдары жақсы.Шиелі ауданы Бидайкөл ауылының тұрғыны Тәжігүл Балтабаева ауруханаға кеудесіндегі үлкен ісікпен түсті. Ісікті азайту үшін науқасқа химиотерапия тағайындалды. Осыдан кейін ғана онкологиялық орталықтың дәрігерлері сүт безін алып тастау үшін ота жасады. Қазір Тәжігүл апа химиотерапия курстарын жалғастыруда.<blockquote>«Менде осы ауру бар екенін алғаш білгенде қатты қорқып кеттім. Туыстарым, дәрігерлер қолдау көрсетті. Жасыма қарамастан, отаны, химиотерапияны сәтті өттім. Тексеру, емдеу, дәрі – дәрмектер - мұның бәрі тегін. Егер өз қаражатымызбен сатып алсақ, бір зейнетақы да жетпейді. Медицина қызметкерлеріне жақсы ем үшін мың алғыс», - дейді Тәжігүл Балтабаева.</blockquote><img src="https://knadmin.beoblood.kz/uploads/onko_874f1336ee.jpg" alt="онко.jpg">Облыстық онкологиялық орталықтың диспансерлік есебінде 5 703 пациент бар. Көбінесе бастапқы, бірінші кезеңмен. Мамандардың айтуынша, ерте сатысында ісігі бар науқастардың толық емделу мүмкіндігі жоғары. Сондықтан уақтылы скринингтен өту маңызды. Тексерудің барлық түрлерінен өту үшін пациенттің МӘМС жүйесінде «сақтандырылған» мәртебесі болуы қажет.<blockquote>«Химиотерапияда қымбат тұратын таргенттік, иммундық препараттарды қолданамыз. Олар қатерлі ісіктің 3 және 4 сатысы бар науқастардың өмірін ұзартуға мүмкіндік береді. Мысалы, бауыры мен сүйегіндегі метастаздарымен сүт безі қатерлі ісігімен ауыратын науқас бар. Қазір болжам жақсы», - деп атап өтті облыстық онкологиялық орталықтың бөлімшесінің меңгерушісі Майя Ақбарова.</blockquote>Биыл облыстық онкологиялық орталыққа Әлеуметтік медициналық сақтандыру қорынан 4,7 млрд теңге бөлінді.Фото: adilet-gazeti.kz

Қазақстан және Қызылорда облысының жаңалықтары: Денсаулық