<a href="https://kyzylorda-news.kz/">Kyzylorda-news.kz</a> &nbsp;Медицина саласында жасанды интеллекттің (ЖИ) қолданылуы қарқынды дамып келеді. ЖИ технологиялары ауруларды ерте анықтау, дәл диагноз қою, емдеу әдістерін таңдау және пациенттердің күтімін жақсарту бағытында үлкен жетістіктерге қол жеткізуде. Бұл мақалада медициналық ЖИ-дің қазіргі жетістіктері мен мүмкіндіктерін талқылағанды жөн көрдік.<h2 style="text-align:justify;">Медицина жетістігі</h2>Жасанды интеллектке дейін облыстағы медицинаға тоқталсақ. Бүгінде облыстағы 150-ден астам медицина ұйымдарында 3000-ға жуық дәрігер, 11&nbsp;мыңнан астам&nbsp; орта буынды маман қызмет етеді. 2018 жылдан бүгінге дейін 155 резидентке, 162 жалпы тәжірибелік дәрігерді даярлауға облыс әкімінің арнайы гранты&nbsp; бөлінiп, өткен жылы 590 дәрігер, 738 орта буынды медицина қызметкерлері біліктіліктерін арттырды. Биыл мамандардың біліктілігін еліміздің алдыңғы қатарлы медицина орталықтарымен қатар озық тәжірибелі шет елдерде арттыру көзделіп отыр. Осы жылдың сәуір айында&nbsp; 10 реаниматолог, 5 кардиолог маман Түркияның Стамбул қаласындағы «Мемориал» клиникасында білімдерін жетілдіріп қайтты.&nbsp;Сондай-ақ, қан орталығының құрылысы ашылуға дайын. Оған республикалық бюджеттен 2 млрд 900 млн теңге бөлінген. Жылына 5000-нан10000 адамға дейін қызмет көрсетуге мүмкіндігі бар орталық соңғы үлгідегі заманауи құралдармен жабдықталған.Мемлекет басшысының бастамасымен қолға алынған «Ауылды қденсаулық сақтауды жаңғырту» ұлттық жобасы аясында өңірімізде жалпы құны 11млрдтеңгені құрайтын 27&nbsp;нысан салу көзделген болатын. &nbsp;Өткен жылы Ұлттық жоба аясында елді мекендерде 15&nbsp;жаңа дәрігерлік амбулатория,1медициналық бекет пайдалануға берілді. &nbsp;Қалған 11 нысан және Арал, Қазалы, Шиелі, Жаңақорған ауданаралық көпбейінді ауруханалары жанынан қосымша құрылыс салынып, халық игілігіне берілмек.Жақын күндері Ұлттық жоба аясында 2 млрд 300 млн теңгеге Шиелі ауданында 30 төсектік инфекциялық бөлімше құрылысы басталады. Одан бөлек жергілікті бюджет есебінен 922,0 млн. теңгеге Жаңақорған ауданы, Төменарық дәрігерлік амбулаториясымен қоса, 15 төсекке арналған ауылдық аурухана құрылысы аяқталып, жыл соңына дейін пайдалануға беріледі.Өткен жылы 3млрд 800млн теңге қаржыға 9&nbsp;медициналық нысанға күрделі жөндеу жүргізіліп,5 нысанның жылу жүйесі газға ауыстырылды. &nbsp;Биылғы жылы 4 млрд қаржыға 8 медициналық нысанға күрделі жөндеу жүргізіліп, 5 нысанның жылу жүйесі газға ауыстырылады. 2023 жылы денсаулық сақтау ұйымдарын материалдық техникалық жабдықтармен қамтамасыз ету үшін 5,1 млрд теңге қаржы қаралды. Оның ішінде 4,4 млрд теңгеге 560 дана медициналық&nbsp; құрал-жабдықтар сатып алынып, медицина ұйымдарының жабдықталу деңгейі 84&nbsp;пайыздан 87,10 пайызға дейін көтерілді (Республикалық көрсеткіш 85,6 пайызды құрайды).Өткен жылы медицина ұйымдарына құны 512,5млн теңгеге жаңа 25 санитарлық автокөлік табысталды. Биылғы жылы өңірдегі барлық елді мекендердегі денсаулық сақтау ұйымдарына 200 санитарлық автокөліктер алынды.<h2 style="text-align:justify;">Мүмкіндіктер</h2>Диагностика. ЖИ алгоритмдері медициналық бейнелерді талдау арқылы диагноз қою кезінде жоғары дәлдікке ие болуда. Мысалы, тері ісік ауруын анықтауға арналған ЖИ жүйелері дерматологтардан да жақсы нәтиже көрсетуде. Радиология саласында ЖИ өкпе, кеуде, ми және басқа да ағзалардың МРТ, КТ және рентген суреттерін талдау арқылы ісіктер мен басқа да патологияларды анықтауда көмектеседі.Пациенттерді басқару.&nbsp;ЖИ пациенттердің мәліметтерін талдау арқылы емдеу жолдарын оңтайландыруға және пациенттердің жағдайын бақылауға мүмкіндік береді. Электрондық медициналық жазбаларды (EMR) қолдану арқылы ЖИ пациенттердің ауру тарихын, лабораториялық нәтижелерін және дәрі-дәрмектерін талдап, жеке емдеу жоспарларын құруға көмектеседі.Дәрі-дәрмек дайындау.&nbsp;ЖИ дәрі-дәрмектерді зерттеу және әзірлеу процесін жеделдетуде маңызды рөл атқарады. Алгоритмдер үлкен деректер жиынтығын талдап, потенциалды дәрілерді анықтау, олардың тиімділігін болжау және клиникалық сынақтарды жоспарлауда қолданылады. Бұл жаңа дәрідәрмектерді нарыққа шығару уақытын қысқартады.Қашықтықтан мониторинг және телемедицина.&nbsp;ЖИға негізделген құрылғылар пациенттердің физиологиялық көрсеткіштерін үздіксіз бақылауға мүмкіндік береді. Бұл қант диабеті, жүрек-қан тамырлары аурулары және басқа да созылмалы аурулары бар пациенттер үшін өте маңызды. Телемедицина арқылы дәрігерлер қашықтықтан кеңес беріп, ЖИ арқылы диагноздарды нақтылау мүмкіндігіне ие болуда.<h2 style="text-align:justify;">Алдағы мүмкіндіктер</h2>Жеке медицина.&nbsp;ЖИ көмегімен генетикалық деректерді талдау арқылы әр пациентке жеке емдеу жоспарын құру мүмкіндігі артады. Бұл пациенттердің жеке ерекшеліктерін ескеріп, емдеу тиімділігін жақсартуға және жанама әсерлерін азайтуға мүмкіндік береді.Роботты хирургия.&nbsp;ЖИ басқаратын хирургиялық роботтар жоғары дәлдікпен және аз инвазивтілікпен операция жасауға мүмкіндік береді. Бұл хирургияның сапасын арттырып, операциядан кейінгі қалпына келу уақытын қысқартуға ықпал етеді.Мобильді денсаулық сақтау қолданбалары.&nbsp;ЖИ-ға негізделген мобильді қосымшалар денсаулық сақтау саласында кеңінен қолданылады. Бұл қосымшалар пациенттердің күнделікті денсаулығын бақылап, аурулардың алдын алуға көмектеседі.Деректер қауіпсіздігі және этика.&nbsp;ЖИ қолдану кезінде деректер қауіпсіздігі мен этикалық мәселелерге назар аудару маңызды. Пациенттердің жеке мәліметтерінің қорғалуын қамтамасыз ету және ЖИ шешімдерінің әділдігі мен ашықтығын сақтау қажеттілігі артады. Медицинадағы жасанды интеллект қазір үлкен жетістіктерге жетіп, болашақта медициналық қызметтердің сапасын арттыруға, диагноз қою және емдеу процестерін оңтайландыруға ықпал еткен. Алайда ЖИ қолдану барысында этикалық және деректер қауіпсіздігі мәселелерін шешу маңызды болып қала береді. Жасанды интеллекттің дамуы медицина саласында жаңа мүмкіндіктер ашып, денсаулық сақтау жүйесін жаңа деңгейге көтереді деп жоспарлануда.&nbsp;Нұржан НҰҒЫМАДИЛЛА Фото: inpearls.ru

Өңірдегі медицина мен AI

<a href="https://kyzylorda-news.kz/">Kyzylorda-news.kz</a> Қоғамдағы сұранысқа ие мамандықтардың көшін бастап тұрған ақ халатты абзал жандар. Күндіз-түні тынбай еңбек етіп, халықтың алғысына бөленіп жүрген бұл жандар туралы айтарымыз көп-ақ. Неге десеңіз, адам өмірін ұзартуға септігін тигізіп, ажалдан арашалаушы дәрігер мамандығын халқымыз ежелден қастерлеп, құрметтегендігі баршамызға ақиқат.&nbsp;&nbsp; Бүгінгі таңда қазақстандықтардың денсаулығын жақсарту – еліміздің мемлекеттік саясатының басым бағыттарының бірі болып саналып, медицина мамандығын таңдаймын деген жандар үшін де барынша жеңілдіктер қарастырылуда. Елімізде денсаулық саласын дамыту, тұрғындарға заман талабына сай, қолжетімді және сапалы медициналық қызмет көрсету жолында бар мүміндіктер жасалуда. Бұл білікті дәрігерлердің де арқасында демекпіз. Бүгінгі біз сөз еткелі отырған кейіпкеріміз де өз саласының майталманы атанып, көптің алғысына ие болып жүрген жан.&nbsp; Мақаламыздың арқауы ақ халатты абзал жан – Алмира Дауылбаева. Ол ІІІ Интернационал ауылында 40 жылдан бері акушер болып еңбек етеді. Саналы ғұмырын ана мен баланың амандығына арнаған ол қиын кезеңдерде де мамандығына адалдық таныта білді. Бұлай дейтініміз, тәуелсіздіктің алғашқы қысылтаяң жылдарында ауылдағы дәрігерлік қызметті ақсатпай алып шыққан майталман ақ халаттылардың бірі. &nbsp;&nbsp; Ол ІІІ Интернационал ауылының тумасы. Осындағы №108 мектепті бітіріп, Қызылорда қаласындағы медициналық училищенің Акушер бөлміне оқуға түседі. 1982 жылы қолына диплом алған жас маман аудандық аурухананың жолдамасымен Ақжар ауылына жұмысқа орналасады. 2 жылдан соң ІІІ Интернационал ауылдық ауруханасына маман тапшылығына байланысты ауысқан. Содан бері 40 жыл тапжылмай халыққа адал қызмет көрсетіп келеді.&nbsp;&nbsp; Бұл мамандықты алып жүру үшін сабыр мен шыдам, білім мен білікті қажет ететіні айтпаса да түсінікті. Білікті маман басты жетістік мақтау, мадақтау, алғыс хаттары емес көптің көңілінен шығып, тұрғындардың жылы лебізін есту екенін алға тартады.&nbsp;&nbsp; Уақыт көшіне қарай медицина дамыған сайын дәрігерлерге артылатын салмақта арта түсуде. Тәжірибе жүзінде жүктелген міндетті орынды орындап жүрген ел анасы Алмира Дауылбаева отбасында жолдасымен 3 перзент өсіріп отыр. Жарты ғасырға жуық медицина саласында адам жанының арашашысы болып келе жатқан ақ халатты абзал жан өзінің адал еңбегі арқасында халықтың ыстық ілтипатына бөленіп отырған кейіпкеріміз зейнеттік демалысқа аяқ басқалы отыр. Бір ғана салада, бір мекемеде 40 жылдан астам ғұмырын арнаған ақ халаттының мамандығына адалдығы көпке үлгі боларлық. Еңбегінің зейнетін көрер шағы берекелі болсын дейміз. &nbsp;

Алмира Дауылбаева: Тұрғындардың жылы лебізін естуден артық сый жоқ

<a href="https://kyzylorda-news.kz/">Kyzylorda-news.kz</a>Аудандық аурухананың хирургия бөлімі басқа бөлімдерге қарағанда қызмет көрсету жағынан өзгешелеу. Мұнда түрлі жарақаттар, отадан өткен науқастар ем қабылдайды. Былай айтқанда, бөлімге түскен науқасқа жедел шешім қабылданып, шұғыл көмек көрсетіледі. Себебі ондай сәтте әрбір минут, секунд санаулы.6 маусым. Кешкі сағат 20:15 шамасында жедел түрде бөлімге науқас жеткізіледі. Жағдайы күрт төмен түсіп, денсаулығы әлсіреген. Бөлім меңгерушісі Шакрат Бердібаев хал үстінде жатқан науқасқа жан-жақты тексертулер жасап, шұғыл отаға алады. Хирургияда 30 жылдық тәжірибесі бар маман алдымен диагнозын қойып, әбден құр сүлдері келген Шымкент қаласының тұрғынына ем-шарасын жасайды. Жалпы жағдай қалай болды, оны хирургтың өз аузынан естісек. &nbsp; &nbsp; &nbsp; &nbsp;<blockquote>– 66 жастағы азамат Олег Шипицинге үлкен ота жасалды. Ол 4 сағатқа жуық уақытқа созылды. Бізге келген бойда ем-шарасы жасалып, дәрілер құйылды. Отаға жарау үшін осылай науқастың қан қысымын, басқа да резустарын жан-жақты көтеріп алуымыз керек. Әйтпесе отаға ала алмаймыз. Денсаулығын жаратып алған соң, бір сағаттың көлемінде бірден отаға кірістік. Дұрыс ем қону үшін, нақты диагнозы қойылуы тиіс. Ол кісінің дене температурасы 35-ке түсіп, аяқ-қолы мұздап келді. Өзінің айтуынша, 6 күннен бері егістікте жұмыс істеп, тек ауырсынуды басатын дәрі-дәрмек ішіп, жүре берген екен. Шымкент қаласында емханаға барғанда ол жақта өт жолында тас бар деп диагноз қойып, үйіне қайтарған. Біздің бөлімге жеткізілгенде есін жоғалтып алып тұрды. Сонда да болса, қолымыздан келген көмегімізді аямай, аман алып қалуға білігімізді салдық. Басынан-ақ ішкі құрылысында ақау бар екенін білгенбіз. Ішін ашқанда 2 литрдей ірің алдық. Тексеру нәтижесінде ішектің 4-5 жерінен жара болып, ол жарылып, сыртына шығып, іріңдеген. 4 сағат тікемізден тік тұрып ота жасадық. Әлдеқалай болып кетер ме екен деген де қорқынышымыздың болғанын жасырмаймын. Қазір жағдайы күннен-күнге жақсарып келеді, – дейді бөлім меңгерушісі Шакрат &nbsp;Ақбергенұлы.</blockquote>Хирург отаның сәтті шығуына әріптестерінің де еңбегі зор екенін айтады. Оған өзі бас болып ота жасаса, хирург Сәкен Жақсыбаев ота жасаушы хирургтың көмекшісі әрі ассистенті болса, реанимотолог Әділбек Маликов анестезиолог қызметін көрсеткен. Ал анестезиолог медбикесі Жанар Ахметбекова, операциялық медбикелер Гүлжан Елпанова, Айнұр Битенова, кезекші медбикелер Ләйла Балатаева, Задия Смағұлова және аяжан Ләззат Асқаровалар да отаның ойдағыдай өтуіне маман ретінде атсалысқан. &nbsp;Аудан дәрігерлерінің біліктілігінің арқасында ажал аузынан аман қалған Шымкент қаласының тұрғыны Олег Геннадиевич "Дельта юг" авиакомпаниясының авиатехнигі болып қызмет атқарады. Бұл жаққа шаруашылықтарды зиянкестерден залалсыздандыру мақсатында келген. Хирургия бөліміне арнайы барып науқаспен жолыққан болатынбыз. &nbsp;<blockquote>– Қармақшыға келмей тұрып, үйде ішім бүріп ауырып, қатты қиналдым. Жедел жәрдеммен Шымкенттегі аурухананың біріне түскен болатынмын. Онда маған дәрігерлер денсаулығымда ешқандай &nbsp;кінәраттың жоғын, тек өт жолында тас болуына байланысты осылай ауырып тұрғанымды айтып, мені компьютерлік томографияға (МРТ) түсуге облыстық клиникаға жолдады. Онда да ауруымды таппай, кері қайтарды. Мамандар айтқасын бәрі дұрыс болар деген үмітпен осылай қарай ұшып келдім. Мұнда келген бойда-ақ денсаулығым сыр берді. Жанымды шүберекке түйгендей болдым. &nbsp;Осында келгеннен кейін ғана менің диагнозымды дұрыс бір ғана дәрігер тапты. Ол – хирургия бөлімінің меңгерушісі Шакрат Бердібаев. Ол менің өмірімді құтқарды. Ажалдан арашалады. Өз ісінің шебері екен. Әрине түсінемін. Адамдардың еміне шипа беру – антына сай жұмыс болар. Дегенмен де оның осы еңбегі ескеруге өте лайық. &nbsp;ҚР Денсаулық министрлігі немесе денсаулық сақтау саласының басшылығы дәрігерді&nbsp;марапаттаса екен деген тілегім бар. Егер маған дер кезінде осындай көмек жасалмағанда қазір менің қайда боларымды бір құдай біледі. &nbsp;Жас баладай мәпелеп қарап жатыр. Қаншама адамның сауығып кетуіне септігін тигізіп жүр. Мен ота үстелінде өмір мен өлімнің арасында жаттым. Ана дүниеден алып келді десем артық емес. Осындай хирург дәрігерлер көп болсын.Өзім еңбек ететін компания мен оның командованиесінің атынан аудандық аурухананың бас дәрігері Бақытжан Сағилатұлына, хирургия бөлімінің барша қызметкерлеріне алғысымды айтып, кәсіби төл мерекелерімен шын жүректен құттықтағым келеді, – дейді шымкенттік ұшқыш риясыз көңілде.</blockquote>Науқастың бүгінде жағдайы бірқалыпты. Дәрігерлердің емін алып жатыр. Отбасы, командирлері де хабарласып, мереке қарсаңында ажалға араша болған барша медицина қызметкерлеріне алғыстарын жаудыруда.&nbsp;

Ұшқышты ажал аузынан алып қалған қармақшылық дәрігер

<a href="https://kyzylorda-news.kz/">Kyzylorda-news.kz</a> Денсаулығың болмаса, осы кезге дейін қызықтырғанның бәрі жай дүние болып қалатыны рас. Мұндайда кәсіби білімі жоғары, жанашыр дәрігердің көмегіне ғана сенім артасың. Үміт пен күдік қатар тұрған сәтте медицина өкілінің өз ісіне ұқыптылығы мен сенімділігі немесе жүрдім-бардым еңбек ететіні де көзге айқын байқалып тұрады.Ал іскерлігімен ел алғысын иеленген жанның бірі – Бауыржан Аширов. Ол – Оңтүстік Қазақстан медицина академиясы «Хирургия 1» кафедрасының ассистенті, медицина ғылымдарының магистрі, PhD докторанты, флебология және лазерлік медицина клиникасының хирург-флебологы.Дәрігерге деген пациенттердің сенімі мен ризашылығын байқағаннан кейін, хирургты біз де елге кеңінен таныстыруды жөн санадық.Хирургия – жаңа технология мен күрделі әдістәсілдерді ұштастырған медицинаның басты бөлігі. Бұл салада кәсіби білімді, жылдам шешім қабылдай алатын, уақытпен есептеспейтін, өмірін осы жолға арнаған медицина маманы еңбек ете алады. Мұны хирургтың бір күндік жұмысына назар аударып-ақ бағамдауға болады.Бүгінде Бауыржан Отарбайұлы батылдық пен жауапкершілік сынды дәрігерге керек негізгі қасиеттерімен қатар, үздіксіз білім алу, тәжірибе жинақтауының нәтижесінде жылына 500-ден астам хирургиялық ота жасайды.Отаның оңайы болмайтыны рас. Өйткені бұл залда пациенттің денсаулығы хирургпен тікелей байланысты. «Хирургтің ақылы ұшқыр, көзі өткір, қолдары батыл, жүрегі жалынды болуы керек» деген қанатты сөз осындай жауапты сәтте айтылса керек. Бауыржан Отарбайұлы Семей мемлекеттік инстиутында білім алып, еңбек жолын 1994 жылы Х.А.Яссауи атындағы ХҚТУ хирургиялық аурулар кафедрасының аға дәрігер лаборанты болудан бастады. Содан бері түрлі қызмет сатысында шыңдалған хирург практика барысында өзінің шеберлігін дәлелдеп қана қоймай, өзінен кейінгілерге ұстаздық етті. Ғылыми зерттеулер жасап, еңбектері халықаралық басылымдарда жарияланды. Осылайша ғалымның ізденісі мен тағылымды тәжірибесінің игілігін ел көруде.ҚР БҒМ Білім және ғылым саласындағы және шетелдік халықаралық конференция материалдарындағы ғылыми еңбек тізімі 97 мақала болса, оның ішінде 3-еуі Web of Scinece немесе Scopus халықаралық деректер базасында жарық көрген. Бұл – ғылым саласындағы үлкен ізденістің нәтижесі. Жақсының есімі елге тез тарайтыны рас. Бүгінде арнайылап Бауыржан Ашировты іздеп баратын пациенттер аз емес.<blockquote>– Менің жасым – 76-да. Екі аяғымнан жүре алмай қиналып, көптен бері мазам болмады. Дәрігерлердің айтуымен түрлі жақпа май жағып, дәрі іштім. Одан ешқандай көмек болмады. Содан балаларым әлеуметтік желіден «Нұрғазы» клиникасы туралы біліп, дәрігер Бауыржан Ашировпен сөйлесті. Медбикелер тізімге бекітіп қояды екен. «Кел» деген уақытында бардық. Аяғымды көріп, УЗИ-ға түсіріп, дәрігерлік кеңесін берді. «Ота жасау керек» деп, келесі күні бірден ота жасады. Қолының жеңілдігі болар, мүлде ауырсынған жоқпын. Риза болғаным соншалық, алғысымды айтып, газетке бергенді жөн көрдім. Хируруг Бауыржан Отарбайұлы қолы жеңіл, жүзі жылы, мейірімді жігіт екен. Биыл ғана «Алтын қолды» дәрігер медалімен марапатталыпты. Маған қараған Сәлима, Лилия, Арайлым есімді мейірбикелер де өз ісіне жауапты, инабатты. Осы кісілерге аналық жүрегіммен алғыс білдіргім келеді. Алланың нұры жаусын, кәсіптеріне береке берсін, отбастарына аманшылық тілеймін, – деді қызылордалық зейнеткер О.Нұртаева.</blockquote>Бұл – көпті көрген ананың ақ тілегі. Жұртшылықпен тіл табысу, оның ішінде адамның өміріне жауапты болу жеңіл емес. Сындарлы сәтте сүрінбей, Жаратқан берген қабілеті мен кәсіби білімін ұштастырған, талайдың өмірін ажалдан арашалаған хирургты медицинаның алтын діңгегі десек артық айтқандық емес.&nbsp;Aйдана НҰРТАЙҚЫЗЫФото:aqmeshit-zhastary.kz

Ел алғысын иеленген хирург

<a href="https://kyzylorda-news.kz/ru">Kyzylorda-news.kz</a> «Айжан Маратқызы – деген педиатр. Балаға мұндай махаббатпен қарайтын дәрігер аз шығар». Whatsapp желісіндегі статуста дәрігер мен баланың фотосына осылай жазылыпты. Бұл – пациенттің дәрігерге деген ризашылығы екенін бірден аңғардық.Сырттай біздің де кәсіби біліктілігімен қоса шын ниетімен бала саулығы үшін күресетін педиатрға деген құрметіміз артты. Сондықтан медицина қызметкерлерінің күніне орай тұрғындардың ризашылығына бөленген қаладағы №1 емхананың балалар дәрігерімен байланысып, аз-кем сұхбат құрдық.– Қазір туабітті жүрек, жүйке жүйесінің ауруы бар балалар көбейді. Кейбір сәбилер үшін анасының құрсағына біткен сәттен бастап өмірге келгенше күрес басталады. Бұған не себеп болуы мүмкін? Әсіресе дүниеге келмеген балада даун, аутизм секілді сырқат болмаса екен деген қорқыныш басым…<blockquote>&nbsp;– Иә, әр сәбидің аман-есен, дені сау болып өмірге келуі өте маңызды. Бірақ іштегі баланың дамуына ананың психологиялық жағдайы, өзөзіне күтіммен қарауы ерекше әсер етеді. Менің ойымша, қыз баланың жасөспірім кезінен-ақ дұрыс тамақтануына, ауыр көтермеуіне, жылы жүруіне, қандай жұмыс істейтініне назар аудару қажет.Даун синдромы бұл – генетикалық ауытқу. 46 хромосомa орнынa 47 хромосомaның қaлыптaсуы себебінен Дaун синдромы пайда болады. Синдромның дамуына ата-ананың жасы әсер етіп, көбіне 35-тен асқан адамдардың балаларында кездесетін. Ал қазір жас атааналардың балаларында да синдром белгілері байқалады. Сонымен қатар бұған инфекциялық аурулар әсер етуі мүмкін.Ал аутизм – баланың дамуындағы, ми жүйесіндегі ауытқушылықтың бір түрі. Оның дамуына қазіргі уақытта телефонға тәуелділік әсер етуде. Балаларымен сөйлеспейтін, ойын тыңдамайтын, жыламай отыруы үшін қолына телефон ұстата салатын ата-аналар бар. Бірақ бұл жағдай бала психологиясының бұзылуына алып келеді. Аутизм – әлем бойынша әлі толық зерттелмеген ауру. Аутист жандар өзгерісті қаламайды, көбіне өзімен өзі қалып, ұзақ уақыт бойы бір нәрсемен айналысуы мүмкін. Олардың ерекшелігі – кейде атын атап шақырсаң елең қылмайды, көзге тіке қарамайды, түрлі жағдайларға реакция танытпайды.</blockquote>– Дәрігерлер УЗИ аппаратымен тексеру арқылы жүкті әйелге «балаңыз ауру болып өмірге келуі мүмкін» деген болжам жасайды. Кейіннен сәбидің дені сау болып өмірге келгенін естиміз. Мұндай құрылғылар қаншалықты сенімді?<blockquote>– Жүктілік кезінде жоспар бойынша әйел скринингтен өтіп тұрады. Бұл уақытта анализ тапсырудың да өз ережелері бар. Кейде анализді дұрыс тапсырмаудың салдарынан да қате ақпарат берілуі мүмкін. Ал өте сирек жағдайда УЗИ аппараты да қателеседі. Бұл кезде дәрігерлер жүктілікті үзу туралы шешімді бірден ұсынбайды. Қайта-қайта тексеріп, содан кейін ғана қорытынды жасайды.</blockquote>– Байқауымызша, балалар массажисіне сұраныс артты. Бұрын мұндай мамандардың орнын бірнеше бала өсірген аналар басып, бала күтіміне көмектесетін. Барлық бала арнайы массаж қабылдауы керек пе?<blockquote>– Массаж тек дәрігердің тағайындауымен ғана жасалады. Жалпы профилактикалық массаж әр балаға пайдалы. Сәбидің бұлшықетін, буындары мен сүйектерін нығайтады, моториканы дамытады, иммундық жүйеге оң әсер етіп, жүйкені тыныштандырады. Массаж сондай-ақ баланың сөйлеу, ойлау және қиялын дамытуына да пайдалы. Бірақ оның өзі кейде қарсы көрсетілім береді, сондықтан оны дәрігердің тағайындауымен жасаған жөн.</blockquote>– Балалар семіздігі белең алып тұр. Нутрициологтар иогурт, жарма ботқасын балаларға бермеу керек дейді. Балалардың тамақтану рационы туралы айтыңызшы… Семіздіктің қандай зияны бар?<blockquote>– Дұрыс тамақтанбау салдарынан балаларда жасырын түрдегі анемия, ағзадағы минералды заттардың төмендігі кездеседі. Соның әсерінен тамаққа деген тәбеті де өзгереді. Чипсы, кириешки секілді ащы өнімдерді, газды сусындарды ғана ішіп-жегісі келеді. Бірақ бұлай фастуфуд, жартылай фабрикалық өнімдерді тұтыну жалғаса берсе, семіздіктен бөлек созылмалы ауруларға әкеледі. Сонымен қатар, балаларда қимыл-қозғалыс аз, қадағаламасаң бір орында телефонға қарап отыра беретіні рас. Мұндайда бүлдіршіндердің көзінің көруі нашарлап, омыртқасы қисаюы мүмкін.</blockquote>– Біз көбіне дерттің шығу себебімен емес, салдарымен күресеміз. Бала ментальді және физикалық тұрғыда сау болуы үшін аналар ең алдымен нені ескеруі керек?<blockquote>Бала сау болсын десек, ең бірінші ата-ана өз денсаулықтарына мән берсе, ал аяғы ауыр әйелдер темірге, ақуызға бай табиғи өнімдерді тұтынса деймін. Сондай-ақ, үнемі жақсы көңілкүйде жүруі маңызды.</blockquote>– Сұхбат үшін рақмет!&nbsp;Әңгімелескен Айдана ЖҰМАДИНОВА Фото: emmaclinic.ru

«Бала сау болсын десек, ата-ана өз денсаулығына мән беруі керек» – қызылордалық дәрігер Айжан Қайранбаева 

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы тырысқақ ауруынан Республика бойынша қауіптілігі бойынша &nbsp; жоғары І типті &nbsp;аумаққа жатады. Күннің ысуы, жаз маусымының басталуына байланысты тырысақ, жедел ішек ауруларының тіркелу қауіпі арта түседі. 2024 жылдың 5 айында облыста тырысқақ ауруы тіркелген жоқ. Қызылорда облысында соңғы тырысқақ ауруы 2005 жылы тіркелген. Облысымызда есепті мерзімде профилактикалық мақсатта 165 тұлға тырысқаққа тексеріліп, ауру анықталған жоқ. Бұл туралы Қызылорда облысының санитариялық-эпиедмиологиялық бақылау департаментінің бас маманы &nbsp;Гүлнар Бижанова айтып берді.Республикада биыл Үнді елінен әуе рейсімен &nbsp;Алматы қаласына келгендер арасынан тіркеліп, санэпидқызмет тарапынан дер кезінде індеттің алдын алу, &nbsp;әрі қарай таралуын болдырмаудың жедел іс-шаралары қолданылды.Әлемдегі эпидемиологиялық ахуал бойынша «ҚР Ұлттық қоғамдық денсаулық қорғау орталығының» &nbsp;эпидемиологиялық ахуал туралы ресми мәліметіне сәйкес жыл басынан бері Африканың батыс өңірлерінде тырысқаққа 881 күдікті ретінде науқас тіркеліп, оның 91-нің диагнозы расталған.&nbsp;Қызылорда облысы бойынша санитариялық-эпидемиологиялық қызметі және өзге де тиісті салалармен &nbsp;бірігіп &nbsp;жергілікті атқарушы органдармен байланыста жыл көлемінде тырысқақ ауруының алдын алу мақсатында жұмыс жоспарлы түрде жүргізілуде. Қоршаған орта ашық су көздеріне мониторинг ұйымдастыру мақсатында мамыр - қазан айлары арасында обаға қарсы күрес станцияларының және санитариялық-эпидемиологиялық сараптама орталығының &nbsp;мамандары ашық су көздері бақылау нүктелерiнен &nbsp;су сынамалары алынып, тырысқаққа &nbsp;зерттеліп үнемі бақылауда ұсталады. Бақылау нүктелерінен тырысқақ қоздырғыштары бөлінген жағдайда, &nbsp;жедел түрде індетке қарсы шаралар жүргізіледі. Ауыз су жүйелеріне гиперхлорлау жұмыстары жүргізіліп, сынама алу нүктелерінің саны көбейтіліп, алу жиілігі – үш реттік теріс нәтиже алғанға дейін – аптасына 2-3 ретке дейін алынады. Стационарға келіп түскен жедел ішек ауруларымен ауыратын науқастарды бір рет тырысқаққа бактериологиялық тексеру жүзеге асырылады. Сонымен қатар халық арасында аурудың алдын алуда санитарлық ағарту жұмыстары &nbsp;тұрақты түрде жүргізіліп отырады.&nbsp;Тырысқақ ауруы туралы мағлұматқа келсек аса қауіпті, жедел жұқпалы ауру. Тырысқақ-организмде су-тұзды және белоктық алмасудың бұзылуымен, сусыздануымен, токсикозбен, гастрэнтерит белгілерімен сипатталатын карантиндік инфекциялар тобына жатады.Тырысқақ ауруының ерекшелігі, ауа райы ыстық елдерде: Үндістан, Африка, Афганистан, Пакистан т.б. көптеген елдерде кездеседі.Тырысқақ вибрионы - ауру қоздырғышы суда, ашық су қоймаларында, тағамда бірнеше айға дейін сақталады.Тырысқақ ауруы қалай жұғады?Аурудың негізгі көзі - ауру адам немесе вибриотасымалдаушы (қоздырғышты сыртқы ортаға нәжіспен, кейде құсықпен де бөліп жүреді, бірақ өзі ауырмайды). Тырысқақтың қоздырғышы өте тез қимылдайтын, мутацияға тез түсетін, яғни өзгергіштігі өте жоғары микробтар қатарына жатады. Ауа-райының ыстық болуы ауру қоздырғыштарының көбеюіне «қолайлы» жағдай тудырады. Ауру қоздырғышы 16 ͦ &nbsp;С –тан жоғары болатын жылы, ақпайтын суларда жақсы көбейеді. Адам ағзасына ауру қоздырғышы &nbsp;ауыз арқылы енеді. Сонымен бірге науқаспен қарым-қатынаста болса, залалданған суды қолданса, ашық суларда шомылғанда, тағам өнімдері, қоздырғышпен зақымдалған ыдыс, кір қол арқылы жұғады.Тырысқақ ауруының негізгі клиникалық көріністері: тырысқақтың адамға жұққан кезден бастап клиникалық белгілерінің айқындалатын мерзімі, яғни аурудың инкубациялық жасырын кезеңі бірнеше сағаттан 6 күнге дейін созылуы мүмкін. &nbsp;Аурудың алғашқы белгілері жедел басталады, дене қызуы көтерілмеуі де мүмкін, кәдімгі тамақтан улану белгілеріне өте ұқсас, адамның жүрегі айнып, құсады. Тамаққа тәбеті нашарлап, әлсірейді. 4-5 рет кейде одан да жоғары іші өте бастайды. Қоздырғыш организмді уландыру жолымен &nbsp;асқазан-ішек жолдарының қорыту жұмысын бұзып, науқастың нәжісі иіссіз, түссіз сұйыққа айналады. Науқас көп сұйықтық жоғалтады, одан дене қызуы бірден төмендейді, денесі тырысып, буындары тартылады, жалпы әлсіздік дамиды, еріндерінің көгеруі байқалады, тынысы әлсіз және беткей дем алады. Науқастың жағдайы нашарлап, аузы құрғап, шөлдейді. &nbsp;Кейде аурудың бірінші күндерінде науқас өліп кетуі мүмкін.Басқа жедел ішек ауруларынантырысқақ аурының ерекшелігі ағымының ауырлығымен, өлімнің жоғарлығымен, қысқа мерзім ішінде кең аймақтағы тұрғындардың үлкен континентін залалдау қасиетімен ерекшеленеді.Аурудың алдын алуда тұрғындарға мамандар кеңесіТұрғындар тырысқақ ауруының алдын алу,сақтану үшін міндетті түрде төмендегі шараларды ұстануы тиіс:- жеке гигиена мен тамақты дұрыс дайындаудың ережелерін орындау;&nbsp; &nbsp; &nbsp; -қолды мұқият жуу, әсіресе, тамақ дайындар және тамақтанар алдында; &nbsp; &nbsp;-тек қайнатылған суды ішу немесе ыстық шай немесе кофе, бөтелкедегі &nbsp; ауыз су әдетте қауіпсіз саналады; &nbsp; &nbsp;-егер мұздың қауіпсіз судан жасалғанына күмәніңіз болса, сусынды сақындату үшін &nbsp;пайдаланбау; &nbsp; &nbsp; -термикалық өңдеуден мұқият өткізілген өнімдерді пайдалану (қайнатылған, пісірілген/қуырылған), жеміс-көкөністерді қайнаған сумен жуу, шикі теңіз өнімдерін пайдаланбау; -пастерленбеген сүтті ішер алдында, оны қайнату; &nbsp;- &nbsp;тағам және сусындарды арнайы дүкендерден, таза, барлық санитарлық талаптар сақталған сауда орындарынан сатып алу; &nbsp;- арнайы белгіленген орындарда ғана суға шомылу, шомылу кезінде су жұтып қоюдан сақ болу; &nbsp; &nbsp; -аурудың алғашқы белгілері, яғни диарея (іш өтуі, сусыздану) болса, әсіресе, ауыр түрі немесе жиі құсу байқалса, шұғыл арада өз бетіңізбен үй жағдайында емделмей, медициналық көмекке жүгін қажет.Жаз мезгілі-тұрғындардың демалыс маусымында шет елдерге саяхаттау мақсатында әсіресе ыстық елдерге шығуына байланысты &nbsp;тырысқақ ауруыныңелімізге әкеліну қауіпі арта түседі. Әсіресе тырысқақ ауруынан қолайсыз болып саналатын елдерге саяхаттағанда қауіпсіздік ережелерін қатаң сақтаған жөн.Аурудан толық жазылу - дер кезінде дәрігерлік көмекке қаралуыңызбен &nbsp;тікелей байланысты екенін есте сақтаңыз.

Тырысқақ ауруы қалай жұғады?

Фото: ortcom.kz<a href="https://kyzylorda-news.kz/">Kyzylorda-news.kz</a>&nbsp; Сақтандыру мәртебесін мына ресурстардың бірінің көмегімен анықтауға болады.&nbsp;Qoldau 24/7 ӘМСҚ мобильді қосымшасы.&nbsp;SaqtandyrýBot Telegram bot (https://t.me/SaqtandyrýBot).ӘМСҚ&nbsp;сайтындағы fms.kz&nbsp;плагині.&nbsp;egov.kz&nbsp;электрондық&nbsp;үкімет&nbsp;порталындағы&nbsp;мемлекеттік&nbsp;қызмет."медициналық&nbsp;қызметтерді&nbsp;тұтынушы&nbsp;ретінде&nbsp;қатысу&nbsp;туралы&nbsp;және&nbsp;міндетті&nbsp;әлеуметтік&nbsp;медициналық&nbsp;сақтандыру&nbsp;жүйесінде&nbsp;аударымдардың&nbsp;және (немесе)&nbsp;жарналардың&nbsp;аударылған&nbsp;сомалары&nbsp;туралы&nbsp;ақпарат&nbsp;беру"бөліміне&nbsp;кіру&nbsp;арқылы&nbsp;анықтай&nbsp;аласыз.Halyk Bank&nbsp;мобильді&nbsp;қосымшасы -&nbsp;мемлекеттік&nbsp;қызметтер-МӘМСKaspi Bank&nbsp;мобильді&nbsp;қосымшасы -&nbsp;мемлекеттік&nbsp;қызметтер-МӘМС&nbsp;мәртебесі &nbsp;<img src="https://knadmin.beoblood.kz/uploads/Proverka_statusa_kaz_1_ea5757e3e2.jpg" alt="Проверка статуса каз 1.jpg">

МӘМС жүйесіндегі мәртебені қалай білуге болады?

<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қоры &nbsp;2024 жылғы ақпан айының &nbsp;қорытындысы бойынша медициналық қызметтерге төлем аудара бастады. Жыл басынан бері еліміздің медициналық ұйымдарына 1 трлн теңгеден астам қаржы төленді.&nbsp;10 &nbsp;маусымдағы жағдай бойынша бұған дейін алған авансты ескеріп, 1807 медициналық ұйымға 124,9 млрд теңге төленді. Қызылорда облысында 111 медициналық ұйымға 6,99 млрд теңге төленді.<blockquote>«Бұл ретте медициналық ұйымдар осы уақытқа дейін қаржыландырусыз қалған емес. Биыл жыл басында оларға әдеттегідей 30% мөлшерінде аванс жіберілді. Жалпы алғанда 1875 медициналық ұйымға 789 млрд теңге сомаға аванс берілді. Қызылорда облысында 112 медициналық ұйымға 42,26 млрд теңге сомаға аванс берілді. Кейбір жеткізушілер қажеттіліктің болмауына байланысты аванс алудан бас тартты. Жоғарыда айтылғандай, берілген аванстар ай сайын нақты көлемдерден шегеріліп отырады», - делінген МӘМС қорының Қызылорда облыстық филиалының хабарламасында.</blockquote>Жыл басынан бері қаржыландыру көлемі, оның ішінде амбулаториялық дәрі-дәрекпен қамтамасыз етуді қосқанда 1&nbsp;трлн 16,6 млрд теңгені құрады. Ақпан айындағы төлемді 2024 жылдың 14 маусымына дейін аяқтау жоспарланып отыр. &nbsp;

Қызылорда облысында 111 медициналық ұйым қаржыландырылды

<a href="https://kyzylorda-news.kz/">Kyzylorda-news.kz</a>&nbsp; Маусым айының үшінші жексенбісі медицина қызметкерлерінің күні. Бұл күн дертке дауа, жанға саулық сыйлайтын ардақты мамандық иелерінің еңбегі еленетін күн.Адам өмірін, денсаулығын сақтау үлкен жауапкершілікті іс. Мұндай мамандықты таңдап, өз ісіннің нағыз маманы болу оңай емес. Дәрігер болу бір адамның емес, барша халықтың өміріне жауапты болу десек артық болмас. Жалпы дәрігер болғысы келетін жандар көп екендігі айтпасада түсінікті, алайда екінің бірі дәрігер бола алмайды. Тек адам анатомиясын терең зерттеуге қабілеті жоғары, қорықпайтын, науқастың тағдырына немқұрайлы қарамайтын, күйзеліске төзімді, жүйкесі мықты жандар ғана осы салада жұмыс жасай алады. Солардың бірі әрі бірегейі – №3 қалалық емханасында қызмет ететін хирург, онколог, маммолог дәрігер Ысқақов Бақыт Сейдуллаұлы.Білікті дәрігер 1974 жылы Қызылорда қаласы Арал ауданы Бөген ауылында дүниеге келген екен. Бала кезден дәрігер болуды армандаған ол мектеп бітірген соң, яғни 1991 жылы Шымкент медициналық колледжіне сандфельдшер бөліміне оқуға түседі. &nbsp;Аталған оқу орнын тәмамдаған соң медицина саласында одан әрі даму мақсатында Алматыға келеді. Солай &nbsp;1995 жылы С.Д.Асфендияров атындағы ҚазГМУ-да білім алады. Одан әрі интернатура хирургия бойынша білімін жетілдіреді. Мұнан кейін Қазақ онкология және радиология ҒЗИ» орталығында онкология бойынша қайта даярлау курсынан өтеді.Бақыт Сейдуллаұлы алғашқы еңбек жолын Байқоңыр қаласындағы санитарлық эпидемиологиялық станциясынан бастайды. Жұмысын абыроймен атқарған Бахыт Ысқақов бұдан соң Қызылорда қаласындағы медицина колледжінде ұстаз болып, ағарту саласында жұмыс істейді. Алайда дәрігер болуға деген құштарлығы оның өз саласына қайта келуіне түрткі болады. Осылайша, медицина саласындағы еңбек жолын Алматы қаласындағы жедел-жәрдем №3 станциясында жалғастырады. Өзіне жүктелген жұмысты жауапкершілікпен атқарып, ел алғысына бөленген жан кейін Қызылорда қаласындағы №5 қалалық емханаға келеді. Мұнда хирург және онколог қызметін мінсіз атқарған дәрігердің еңбек жолы 2006 жылдан бастап №3 қалалық емханада жалғасуда.Бүгінде білікті әрі тәжірибелі ақ халатты абзал жан аталған емханада хирург, онколог болып істесе, одан бөлек ТОО «Intertich» емханасында хирург қызметін, сондай-ақ жедел жәрдем станциясында бөлім меңгерушісі болып жұмыс істейді.Ұзақ жылдар бойы медицина саласында абыройлы қызмет етіп келе жатқан дәрігердің бойынан жұмысына деген адалдық пен жауапкершіліктен бөлек, мейірімділік, ізгілік, жігерлілік, жанашырлық сынды асыл қасиеттерді көруге болады. Ол өзінің бар білім мен іскерлігін науқас үшін сарп ететін нағыз дәрігер атанған. Үнемі кәсіби біліктілігін арттырып, көз майын тауысып өзінің саласына сәйкес ғылыми еңбектерді тынымсыз ақтарып, теорияны тәжірибемен ұштастыра білу – Бахыт Сейдуллаұлы үшін бұлжымайтын қағида. Ол қадір-қасиеті мен ар-ожданын биік ұстайтын азамат. Бұл әрине сенім мен құрметке лайық және еңбек жолында дәрігерге қажет басты қасиет.А.Әлім

Қызылорда: Білікті дәрігер Бақыт

<a href="https://kyzylorda-news.kz/">Kyzylorda-news.kz</a>&nbsp; Дәрігер мамандығы қоғамдағы маңызы жоғары мамандықтардың бірі саналады. Алдына ем іздеп келген әр науқастың дертіне дауа болып, ауруынан айығуына сеп болатын дәрігерлерге құрмет қашанда жоғары. Медицина саласының білікті маманы, өз ісінің үздігі болған сонджай жанның бірі – №5 қалалық емханасының травмотолог-ортопед дәрігері Өтегенов Мирамбек Дастанұлы.Білікті дәрігер Мирамбек Дастанұлы 1967 жылы Қызылорда қаласында дүниеге келген. Жастайынан дәрігер болуыды мақсат еткен кейіпкеріміз мектеп бітірген соң 1994 жылы Қарағанды мемлекеттік медицина институтының «Емдеу ісі» мамандығы бойынша білімін жетілдіреді. Мұнан кейін 1994-1996 жылдар аралығында «травмотолог және ортопед» мамандығы бойыншы «Ординатура» дәрежесін бітірген.Ол алғашқы еңбек жолын 2000-2007 жылдары өзі білім алған Қарағанды қаласындағы көпбейінді клиникалық ауруханасында бастайды. Өзіне жүктелген жұмысты жауапкершілікпен атқарып, ел алғысына бөленген дәрігер кейін туған жерде еңбек етуді көздейді. Осылайша, 2007-2011 жылдары Қызылорда қаласындағы ТОО «Intertich» жеке клиникалық емханада дәрігер қызметін атқарады. Білікті дәрігер бұжан кейінгі еңбек&nbsp;жолын 2011-2012 жылдары ТОО «Групп Азия Сервис» мекемесінде дәрігер, 2012 жылдан бастап №5 қалалық емханасына травмотолог-ортопед дәрігері болып жалғастырады.Бүгінде білікті әрі тәжірибелі ақ халатты абзал жан емханада травмотолог -ортопед болып жұмыс жасайды.Ұзақ жылдар бойы медицина саласында абыройлы қызмет етіп келе жатқан дәрігердің бойынан жұмысына деген адалдық пен жауапкершіліктен бөлек, мейірімділік, ізгілік, жігерлілік, жанашырлық сынды асыл қасиеттерді көруге болады. Жас мамандарға білгенін үйретуден жалықпай, көпжылдық тәжірибесімен үнемі бөлісіп отыратын дәрігер отбасында аяулы жарымен бірге төрт ұл,бір қыз, 3 немере тәрбиелеп отырған ардақты әке.Кейіпкеріміз қызмет жолындағы осындай қасиеттері мен еңбегі еленіп ҚР денсаулық сақтау ісінің үздігі атанған.А.Әлім

Қызылорда: Денсаулық саласының үздігі болған дәрігер

<a href="https://kyzylorda-news.kz/">Kyzylorda-news.kz</a>&nbsp; Қызылордадағы №6 қалалық емхананың фтизиопедиатр дәрігері Сейталиева Жанат Әбсәтқызы мамандығын мақтаныш санаған, ісіне адал білікті маман. Оның өзі ісіне деген адалдығы, ақ халатты абзал жан деген атқа кір келтірмей, науқастардың сүйікті дәрігеріне айналған. Бүгінде ол емхананың мақтанышы.Кейіпкеріміз Жанат Әбсатқызы 1969 жылдың 13 мамырында Қызылорда облысы, Арал ауданында дүниеге келген. Ол 1992 жылы Ақтөбе қаласындағы мемлекеттік институтын «Педиатрия» мамандығы бойынша бітірген. 1992-1993 жылдары Қызылорда облыстық ауруханасында «Педиатрия» мамандығы бойынша интернатурадан өтеді. Осыдан соң оның медицина саласындағы кәсіби жолы басталады. Ол алғашқы еңбек жолын 1993 жылы Қызылорда қалалық №5 емханасында аймақтық педиатр, бөлім меңгерушісі қызметінен бастайды. Аиталған емханада 2003 жылға дейін абыройлы еңбек етіп, 2003-2005 жылдар аралығында Қызылорда облыстық балалар ауруханасының зертханашы дәрігері, 2005-2009 жылдар аралығында қалалық және облыстық туберкулезге қарсы диспансерлерде фтизиопедиатр, 2009-2019 жылдар аралығында қалалық туберкулезге қарсы күрес диспансерінде фтизиопедиатр дәрігер, 2019 жылдан бүгінгі күнге дейін №6 емхананың фтизиопедиатр дәрігері қызметін абыроймен атқарып келеді.Кейіпкеріміз өзінің жұмысында жоғары біліктілігі мен жауапкершілігін көрсетіп, әрқашан өз білімін жетілдіріп отырады. Бүгінде ооның медицина саласында 40 жылдық еңбек өтілі бар. Бұл оның үлкен тәжірибесі мен кәсіби шеберлігінің көрсеткіші болса керек.Жанат Сейталиева тек қана жоғары дәрежелі маман ғана емес, сонымен қатар ұжымдық және қоғамдық іс-шараларға белсенді қатысушы. Ол өз жұмысына тиянақты, жанашыр және шынайы түрде қарайды. Оның емделушілермен қарым-қатынасы, олардың денсаулығына деген жанашырлығы әріптестері мен емделушілер арасында құрметке бөлеп келеді. Ол №6 емхананың ұжымында өзін тек жақсы жағынан көрсетіп, халықтың денсаулығын жақсартуға үлкен үлес қосып келеді.А.Әлім

Қызылорда: Өз ісін сүйген дәрігер

<a href="https://kyzylorda-news.kz/">Kyzylorda-news.kz</a> &nbsp;Жастар арасында дәрігер мамандағына қызығушылық қашанда басым болып келеді. Мектеп қабырғасында жүргеннен медицина маманы болуға ұмтылатын ауыл балаларына үлгі атанған Лайла Жүкекова – Шаған елді мекенінің келені. Өзі Жалағаш ауданында 1983 жылы дүниеге келгенмен, арада бірнеше жыл өткеннен кейін Тереңөзек кентіне отбасымен бірге қоныс аударған.Жалпы, Лайла Нажматқызы аудан орталығындағы білімнің қарашаңырағы – №35 Иса Тоқтыбаев атындағы мектеп-лицейде білім алған. Сонымен қатар Ақтөбе қаласындағы М.Оспанов атындағы Батыс Қазақстан мемлекеттік университетінде дәрігер мамандығын меңгерген. Оқу бітіргеннен кейін ол – №2 қалалық емханада қызмет еткен. Кейінгі жылдары Сырдария аудандық ауруханасында, Шаған ауылындағы ауруханада «Жедел жәрдем» дәрігері, күндізгі бөлім меңгерушісі қызметтерін атқарса, бүгінде ауылдық ауруханада жалпы тәжірибелік дәрігер болып жұмыс жасайды.Сала маманының жолдасы Айбек Шарипов №37 мектеп-лицейде мұғалім болып қызмет атқарады. Сала маманы берекелі шаңырақта 4 перзентке тәлім беріп, ерінің бабын табуда.<blockquote>– Шаған ауылында 5000-ға жуық халық бар. Біз қашанда ауыл халқына медициналық көмек көрсету үшін жауапкершілік танытамыз. Әрине, әрбір адамның денсаулық жағдайын саралап, алғашқы көмек көрсетуде асқан жауапкершілік танытамыз, – дейді сала маманы.</blockquote>

Қазақстан және Қызылорда облысының жаңалықтары: Денсаулық