<a href="https://kyzylorda-news.kz/">Kyzylorda-news.kz</a> Ерекше қажеттіліктері бар адамдарды әлеуметтік қолдау және олардың өмір сүру сапасын арттыру – облыстық Еңбек, әлеуметтік қорғау және көші-қон комитеті облыс бойынша департаментінің басты бағыттарының бірі. Мүгедектігі бар адамдар бір мезгілде бөлме және серуендеуге арналған кресло-арбаның бір түрімен қамтамасыз етіледі. Бұл туралы департамент басшысының орынбасары Тілеукүл Мырзахметова айтты.<blockquote>– Мүгедектігі бар адамдарды арнаулы жүріп-тұру құралдарымен қамтамасыз ету «Азаматтарға арналған үкімет» мемлекеттік корпорация бөлімшелері, қалалық, аудандық жұмыспен қамтуды үйлестіру және әлеуметтік бағдарламалар бөлімдері арқылы өтініш беру негізінде жүзеге асырылады. Қазіргі уақытта мүгедектігі бар адамдарға арнаулы жүріп-тұру құралдарының, яғни кресло-арбалардың 8 түрі ұсынылады. &nbsp; &nbsp;Протездік-ортопедиялық, техникалық көмекші құралдарды, арнаулы жүріп-тұру құралдарын алған күннен бастап оларды ауыстыру мерзімдеріне сәйкес, бөлмеде жүріп-тұруға арналған кресло-арбалар 7 жыл, серуендеуге арналған кресло-арбалар 4 жыл, әмбебап кресло- арбалар 5 жыл, сырғытқы арбалар 5 жылдан ерте емес мерзімде ауыстырылады, – деді Тілеукүл Тәңірбергенқызы.</blockquote>Фото: azattyq-ruhy.kz

Тілеукүл Мырзахметова: Мүмкіндігі шектеулі жандар қажетті құралдармен қамтамасыз етіледі

<a href="https://kyzylorda-news.kz/">Kyzylorda-news.kz</a> Қызылорда облысында 75%-ға жуық күйік жарақатымен қатты күйіктен зардап шеккен, аса ауыр жағдайдағы екі бала шұғыл түрде Алматы қаласының Балалар және шұғыл медициналық көмек орталығына жеткізілген болатын. Бүгін&nbsp;ҚР Денсаулық сақтау министрі Ақмарал Әлназарова өзінің Facebook әлеуметтік парақшасында балалардың үйіне шығарылғанын жеткізді.<blockquote>– &nbsp;Қызылорда облысында газ жарылған кезде зардап шеккен екі жасөспірім бүгін Алматы қаласындағы Балалар шұғыл медициналық көмек көрсету орталығынан үйлеріне шығарылды. Олар 42 күн бойына біліктілігі жоғары дәрігерлердің бақылауымен үздіксіз ем алды, қазір олардың өміріне қауіп төніп тұрған жоқ. Денесін қатты күйік шалған науқастарға терісін ауыстыруға дейін ота жасалды, әзірге бәрі қиындықсыз өтуде, трансплантаттар толық бітісіп кетті. Тағы екі жасөспірім толық емделіп кетуі үшін стационарда қалдырылды. Дәрігерлер олардың жағдайын орташа ауыр деп бағалады. Олар да кезең кезеңімен аутодермопластикадан өтуі керек. Стационарға өте ауыр жағдайда жеткізілген балалардың өмірін сақтап қалу біздің балалар дәрігерлерінің жоғары деңгейдегі кәсібилігі мен жанкешті еңбегінің арқасында мүмкін болды, – деді А.Әлназарова.</blockquote>

Министр жарылыс кезінде зардап шеккен қызылордалық жасөспірімдердің жағдайымен бөлісті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының прокуратурасы 7 мыңнан астам тұрғын өзіне тиесілі тегін дәрі-дәрмекті алмағанын анықтады.&nbsp;Бұл туралы&nbsp;<a href="https://stan.kz/kizilorda-oblisinda-7-minnan-astam-tyrginga-ozine-tiesi-406094/">Stan.kz&nbsp;</a>ақпарат агенттігі хабарлайды.Тегін медициналық көмек&nbsp;аясында облыстың тұрғындар дәрі-дәрмекпен қамтамасыз етілмеген.Сондай-ақ емханаларда балалардың жасы ескерілмей, кәмелетке толмағандарға мыңнан астам дәрі-дәрмек негізсіз жазылған.<blockquote>"Дәрігердің нұсқауынсыз 170 адам инсулиндік дәрі-дәрмек алған. 68 дәрі-дәрмекті сақтау талаптары бұзылып,&nbsp;нәтижесінде екі науқасқа жарамдылық мерзімі өтіп кеткен дәрі-дәрмек тағайындалған. Сондай-ақ облыстағы 14 медициналық ұйымда 19 қызметкер заңсыз фармацевтикалық қызметті жүзеге асырған", –&nbsp;делінген хабарламада.</blockquote>Осы бойынша уәкілетті органдарға прокурорлық қадағалау актілері енгізіліп, 93 тұлға жауапкершілікке тартылғаны атап өтілді.Фото: Pixabay.com

Қызылорда облысында 7 мыңнан астам тұрғынға өзіне тиесілі тегін дәрілер берілмеген

<a href="https://kyzylorda-news.kz/">Kyzylorda-news.kz</a>&nbsp; &nbsp;Маңғыстау облысы Бесшоқы ауылында уланған оқушылардың саны 300-ге жетті.&nbsp;Бұл туралы&nbsp;<a href="https://stan.kz/mangistauda-ulangan-okushilardin-sani-300-ge-zhetti-405955/">Stan.kz</a>&nbsp;ақпарат агенттігі хабарлайды.Қазір 222 бала үйде ем алып жатыр, 67 бала ауруханада, оның екеуі жансақтау бөлімінде жатыр.1-4-сынып оқушыларының мектап асханасынан&nbsp;не жегені&nbsp;анықталып жатыр.Шенеуніктердің мәлімдеуінше, мектепте мәзір күнделікті жаңарып отырады. Мектепке тамақ беретін компания әзірге белгісіз. Зерттеу нәтижесі үш-бес күнде дайын болады.Облыс әкімі жағдайды жеке бақылауына алды.Еске салайық,&nbsp;Маңғыстау облысында Бесшоқы ауылындағы №8 мектепте оқушылар&nbsp;жаппай тамақтан уланып қалғаны туралы&nbsp;хабарлаған едік.&nbsp;Деректерге сүйенсек,&nbsp;мектеп асханасына барған 1-4-сынып оқушылары зардап шекті.&nbsp;Фото: Freepik.com

Маңғыстауда уланған оқушылардың саны 300-ге жетті

<h2>Маңғыстау облысында уланып қалған оқушылардың саны 140-тан асты. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;</h2>Фото:&nbsp;Shutterstock.com/Zdan IvanЖаппай улану дерегі Бесшоқы ауылында тіркелген. Соңғы деректерге сәйкес медициналық көмекке 141 бала жүгініпті. Оның ішінде 82 оқушы емханада ем қабылдап жатса, 43 бала үйде дәрігердің бақылауында, 16 бала ауруханаға жатқызылған.&nbsp;Облыстық денсаулық сақтау басқармасы қажетті дәрі-дәрмек пен төсек-орын жабдықтары бар екенін жеткізді. Жедел жәрдем қызметі көмек көрсету үшін толық құрамда жұмыс істейді екен.&nbsp;Еске салайық,&nbsp;Маңғыстау облысында Бесшоқы ауылындағы №8 мектепте оқушылар <a href="https://stan.kz/zhuregi-aynip-kizui-392-graduska-deyin-koterildi-mangis-405935/">жаппай тамақтан уланып қалғаны туралы</a> хабарлаған едік.&nbsp;Деректерге сүйенсек,&nbsp;мектеп асханасына барған 1-4 сынып оқушылары зардап шекті.

Маңғыстауда уланған оқушылардың саны 140-тан асты

<a href="https://kyzylorda-news.kz/">Kyzylorda-news.kz</a>&nbsp; Ең жақсы емдеу – аурудың алдын алу. Медициналық тексеруден өту арқылы ауру қаупінің алдын алуға болады. Бұл әсіресе жас ұрпақ үшін өте маңызды. Балалар туғаннан бастап кәмелетке толғанға дейін жыл сайын профилактикалық тексеруден өтеді.Қызылорда тұрғыны Мөлдір Дәндібаева 6 баланың анасы, «Күміс алқа» алқасының иегері. Оқу жылы қарсаңында кенже ұлы Санжармен бірге емханаға келді. Бірінші сынып оқушысы мектепке қабылдану үшін профилактикалық тексеруден өтуі керек. Сонымен қатар, көп балалы ана диспансерлік есепке тұру үшін скринингтен және медициналық тексеруден өтті.<blockquote>«Кенже ұлыммен келдім, ол медициналық тексеруден өтті, хирургтың кеңесін алдық. Емхана бізге әрдайым көмек көрсетеді. Балаларға сүт, дәрі-дәрмектерді тегін алдым. Қазір жоғары қан қысымына байланысты тәуліктік қан қысымы және ЭКГ мониторингін Холтер арқылы өтіп жатырмын. Одан бөлек күндізгі стационарда емделуге дайындалып жатырмын. Мұның бәрі медициналық сақтандыру аясында тегін», – дейді Мөлдір Дәндібаева.</blockquote>Халықтың нысаналы топтарының профилактикалық медициналық тексерулері - бұл ауруларды ерте сатысында, қауіп факторларын анықтауға, халықтың денсаулығын қалыптастыруға және нығайтуға бағытталған скринингтік тексерулер.&nbsp; Медициналық тексерулер МӘМС жүйесінен қаржыландырылады, сондықтан «сақтандырылған» мәртебесі болуы қажет. Бұл ретте мемлекет 15 жеңілдікті санатқа жататын азаматтар үшін жарналарды төлейді.<blockquote>«18 жасқа дейінгі балалар жеңілдік санатына жатады. Сондықтан МӘМС пакетіндегі медициналық көмек балаларға толық көлемде қолжетімді. Хирург ретінде денсаулық сақтау саласын дамыту үшін МӘМС жүйесінің маңыздылығын атап өткім келеді. Медициналық сақтандыру - бұл болашаққа арналған инвестиция, ең құнды – денсаулыққа. Қаржыландырусыз өсу де жоқ. Сондықтан медициналық сақтандыру - бұл одан әрі дамуға ынталандыру», - деп атап өтті «Q-MED» емханасының хирургі Айдос Жидебаев.</blockquote>2024 жылдың басынан бері Қызылорда облысында 351 291 профилактикалық тексеру жүргізілді. Осы мақсаттарға Әлеуметтік медициналық сақтандыру қорының филиалы 1 млрд 307,85 мың теңге бөлді. 2024 жылы медициналық тексеруге 4 млрд 286 мың теңге қарастырылған. МӘМС жүйесі туралы толық ақпаратпен Әлеуметтік медициналық сақтандыру қорының msqory.kz ресми сайтында таныса аласыз.&nbsp;&nbsp;

Медициналық тексерулер МӘМС аясында қолжетімді 

<a href="https://kyzylorda-news.kz/">Kyzylorda-news.kz</a> &nbsp;Жыл басынан бері вирустың 79 жағдайы тіркелген. Нақты айтқанда, қаңтар-мамыр аралығында аймақта 76 адамнан COVID-19 жұқтыру дерегі анықталса, мамыр айынан бастап тамызға дейін коронавируске шалдығудың бірде-бір дерегі тіркелген жоқ.Секвенирлеу нәтижесінде Қазақстанда соңғы кезде тіркеліп жатқан короновирус инфекциясының омикрон штамының түрлі нұсқалары екендігі анықталды және ағымы көп жағдайда жеңіл түрде өтіп жатқандығы байқалады,- дейді мамандар. &nbsp;Облыстық денсаулық сақтау басқармасының басшысы Олжас Искаков пен Облыстық санитарлық-эпидемиологиялық бақылау департаменті басшысының орынбасары Әлия Әбдіқайымова Өңірлік коммуникациялар қызметінің ақпарат алаңында вирустың алдын алу шаралары бойынша тың деректерімен бөлісті.<blockquote>– &nbsp;Қазіргі уақыт тұмаудың белең алатын уақыты десек болады. Күннің күрт суып кетуі, қайта жылуы ең басты фактор. Сондықтан Денсаулық сақтау ұйымдарының барлығы дайын. Тиісті қорғаныш құралдары, маскалар, аппараттар барлығы дерлік бар. Біз пандемияны басымыздан өткерген халықпыз. Барлық тиісті жұмыстарымыз дайындалған. Құрметті тұрғындар! Егер осындай тұмаудың белгілері бар болатын болса, үй жағдайының жедел-жәрдем қызметін шақырып, болмаса емхана дәрігерін шақырып көрінгендеріңіз дұрыс. Мүмкіндік болса, халық көп шоғырланған жерлерге бармауларыңызды сұраймыз. Себебі вирустың жұғу процессі күрделеніп кетуі ықтимал,- деді Олжас Ермекұлы.</blockquote>&nbsp;Дүниежүзілік денсаулық сақтау ұйымы халықты тұмаудан қорғаудың жалғыз және тиімді әдісі ретінде тұмауға қарсы вакцинациялауды ұсынады.&nbsp;<blockquote>– Осы мақсатта тұмаудың эпидахуалын тұрақтандыру және ауру деңгейін төмендету бағытында жыл сайын жергілікті бюджеттен тұмауға қарсы вакцина сатып алынады. Биыл 85004 доза вакцина алынатын болады. Тұмауға қарсы иммундауға Ресей елінде өндірілген «Гриппол плюс» вакцинасы қолданылады. Бұл тұмаудың штамдарына қарсы тиімді қорғаныс қалыптастырады. Қазақстан Республикасы Үкіметінің 2020 жылғы 24 қыркүйектегі №612 қаулысымен бекітілген медициналық көмектің кепілдік берілген көлемі шеңберінде міндетті профилактикалық екпелерді жүргізу қағидаларына сәйкес жыл сайын тұмауға қарсы вакцинациялау тиісті контингенттерге тұрғылықты мекен-жайы бойынша емханаларда тегін жүргізіледі. Тұмау өзінің асқынуларымен қауіпті. Сондықтан респираторлық аурулардың бірінші белгілері пайда болған кезде өзін-өзі емдеумен айналыспай, тез арада аймақтық дәрігерлерді үйге шақыртып, дер кезінде ем алу қажет,- деді Әлия Мүтәліпқызы.</blockquote>

Облыста эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz</a>&nbsp; Жаңақорған ауданында «Қамқорлық» балаларды оңалту орталығы ашылды. Мұнда орталық жүйке жүйесі мен тірек-қимыл аппаратында ақауы бар балалар емделеді.11 жастағы егіздер Ерзат пен Нұрзатта сирек кездесетін генетикалық ауру – Дюшен бұлшықет дистрофиясы анықталған. Ауру бұлшықет әлсіздігімен сипатталады, бұл жыл сайын бұлшықет тонусын әлсіретеді және өте тез дамып, науқастың толық қозғалмауына әкеледі.<blockquote>«Балаларым 2-3 сыныптарда оқып жүргенде шауып жүрген. Қазір олардың өз бетінше қозғалуы қиындап барады. Бұл диагнозды шетелдік мамандар анықтады. Емге Алматыға баратынбыз. Енді осы орталықтың ашылуымен тұрғылықты жерімізде ем алып жатырмыз. Барлық медициналық оңалту қызметтері бізде тегін. Қазірдің өзінде ұлдарымда оң нәтиже бар», – дейді егіздердің анасы Ақбота Оспанова.</blockquote>Оңалту орталығы Шиелі және Жаңақорған аудандарынан балаларды қабылдайды. Мұнда церебралдық паралич, тірек-қимыл аппаратының, орталық жүйке жүйесінің бұзылуы сияқты әртүрлі дертке шалдыққан 28 бала емделеді. Оңалту орталығы қажетті мамандармен қамтылып, заманауи құрал-жабдықтармен жабдықталған.<blockquote>«Мақсат – туа біткен ақаулары бар балаларды кешенді оңалту және хирургиялық араласудан кейін қалпына келтіру. Орталықта тәулік бойы және күндізгі стационарлар бар. Жылына 600-ге дейін бала қабылдауды жоспарлап отырмыз. МӘМС жүйесі аясында 18 жасқа дейінгі балалар медициналық оңалту қызметтерін тегін алады», - деді дәрігер-реабилитолог, бөлім меңгерушісі Мөлдір Есқабылова.</blockquote>Ағымдағы жылдың басынан Жаңақорған аудандық көп бейінді орталық ауруханасына Әлеуметтік медициналық сақтандыру қорынан медициналық оңалтуға 174,2 миллион теңгеден астам қаражат бөлінді.<img src="https://knadmin.beoblood.kz/uploads/zhanakorgan_kamkorlyk_011df55d3a.jpg" alt="жанакорган камкорлык.jpg"><img src="https://knadmin.beoblood.kz/uploads/kamkorlyk_4_528c6655cb.jpg" alt="камкорлык 4.jpg">

Жаңақорған ауданында «Қамқорлық» балаларды оңалту орталығы ашылды

<a href="https://kyzylorda-news.kz/">Kyzylorda-news.kz</a> &nbsp;Пайдаланылмаған ақшаны қайтаруға бола ма, неге МӘМС жүйесі жинақтаушы емес, жеке клиникада МӘМС есебінен қалай емделуге болады? Халықтың осы және басқа да жиі кездесетін сұрақтарына Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов жауап берді.1. Мен «жұмыс істемейтін жүкті әйелдер» жеңілдік санатына кіремін, бірақ тіркелген жеке кәсібім бар. Жеңілдік санатына кіретіндер жарна төлеуден босатылады деп естідім. Жеке кәсібім үшін жүргізілген төлемдерді қайтарып ала аламын ба?«Міндетті әлеуметтік медициналық сақтандыру туралы» Заңға сәйкес, жұмыс істемейтін тұлғалар үшін МӘМС жарналарын мемлекет төлейді. Егер жүкті әйел еш жерде жұмыс істемесе, жеңілдік санатына кіретін еді. Алайда, ЖК ретінде тіркелгендіктен (оның қызметі ресми тоқтатылмаған болса), барлық тиісті төлемдерді (зейнетақы, әлеуметтік, кіріс салығы) жүргізіп отырғандықтан, жұмыс істейтіндер қатарына кіреді. Яғни жеңілдік санатынан шығып қалады. Сақтандырылған мәртебесін сақтау үшін жеке кәсібі үшін МӘМС жарналарын төлеу қажет. Сондықтан, жеке кәсібі үшін жүргізілген төлемдерді қайтарып ала алмайды.2. Егер МӘМС есебінен медициналық қызметтерді алмасам, пайдаланбаған ақшаны қайтарып ала аламын ба?МӘМС-ке енгізген төлемдерді қайтаруға немесе оларды басқа адамға беруге болмайды, себебі жүйе қаражатты дербес бөлуді қарастырмайды. Барлық жарналар мен аударымдар Ұлттық банктегі шотта жинақталады және ол жерден барлық сақтандырылған тұтынушылардың медициналық қызметтерін төлеуге бағытталады.3. Мен жұмыс істемейтін болсам мәртебені қалай аламын?Сізде екі таңдау бар. Біріншісі – дербес төлеуші ретінде жарна төлеуіңізге болады. Екіншісі – жұмыспен қамту орталығына хабарласып, жұмыссыз ретінде тіркеле аласыз. Бұл жағдайда сіз жеңілдік санатына кіресіз және сіз үшін жарналарды мемлекет төлейді.4. Жеке клиникада МӘМС бойынша тексерілуден өтуге бола ма?Медициналық көрсеткіштер болған жағдайда Қормен шартқа отырған жеке клиникаларда консультациялық-диагностикалық қызметтерді алуға болады. Ол үшін өз емханаңыздан жолдама қажет. Медициналық қызмет көрсетушілердің тізімімен Қор сайтына кіріп, «МӘМС-гид», ары қарай «Пациенттер үшін», содан кейін «Клиниканы таңдау» батырмасын басу арқылы танысуға болады (https://fms.kz/osms-guide/patient/vybrat-kliniku/).5. МӘМС үшін қате төленген жарналарды қалай қайтаруға болады?Қате рәсімделген (мысалы, басқа кезең көрсетілген) төлемдерді қайтару үшін «Азаматтарға арналған үкімет» Мемлекеттік корпорация» КЕАҚ-та белгіленген нысан бойынша өтініш жазу қажет және төлемді растайтын құжаттарды қоса ұсыну қажет (нысан fms.kz сайтында «ОСМС-гид» бөлімінде жарияланған). Өтінішті https://eotinish.kz/ электронды платформасы арқылы беруге болады. 6. Мен студентпін, МӘМС-ке төлем жасауым қажет пе?Күндізгі оқу бөлімінің студенттері МӘМС-ке жарна төлемейді, себебі жеңілдік санатына кіреді. Сондай-ақ жұмыс берушілер күндізгі оқу бөлімінде оқитын студенттер үшін МӘМС-ке аударымдар жасаудан босатылған.7. Мұғалімнің шаруа қожалығы болса, МӘМС-ке төлемді қалай жүргізеді?Салық заңнамасына сәйкес шаруа қожалығы қандай да бір басқа нысанда рәсімделмеген болса, ол ЖК ретінде қарастырылады. Егер ЖК қызметін тоқтатпаған болса, ол өзі үшін 1,4 ЕТЖ-ның 5 % төлейді.Осы ретте негізгі жұмысында да жарналар төлеп, мұғалім қызметкері үшін аударымдар жасауы керек. Яғни барлық кіріс көздерінен төлем жүргізіледі.8. Мен мерзімдік қызметімді өтеп жатқан сарбазбын, жарна төлемеймін, бірақ сақтандырылғанмын. Менің сақтандырылған мәртебем қанша уақытқа сақталады?Сіз мерзімдік қызметіңізді атқарып жатқан уақытта жарна төлеуден босатыласыз. Әскердегі қызметіңіз аяқталған соң сізге сақтандырылған мәртебесін сақтау үшін МӘМС-ке тұрақты түрде жарна төлеу қажет.Сақтандыру мәртебесін келесі жолдармен тексеруге болады:• Qoldau 24/7 мобильді қосымшасы • fms.kz ресми сайты • Telegram-дағы @SaqtandyrýBot • 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы • Kaspi.kz мобильді қосымшасы • Еgov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы. &nbsp;

Сақтандыру қорындағы пайдаланылмаған ақшаны қайтаруға бола ма?

<a href="https://kyzylorda-news.kz/">Kyzylorda-news.kz</a> «Еңбек» бағдарламасы бойынша уақытша жұмыс істейтін жұмысшыларға жұмыс беруші МӘМС-ке жарна төлей ме деген сұраққа қор қызметкерлері жауап берді.&nbsp;«МӘМС туралы» Заңның 26-бабына сәйкес азаматтардың 15 жеңілдік санатына жұмыссыз ретінде тіркелген адамдар кіреді. Бірақ егер Сіз жұмысқа тұрып, қызметкер болсаңыз, онда Заңның 14-бабына сәйкес жұмыс беруші Сіз үшін ай сайын МӘМС-ке аударымдар мен жарналарды төлеуге міндетті.2024 жылы жұмыс берушілердің жұмыскерлер үшін аударымдары 3%-ды құрайды, аударымдардың ең жоғары сомасы 25 500 теңгеден аспауы тиіс. Бұл 10 айлық есептік көрсеткішінің 3%-ы болып саналады.Азаматтық-құқықтық сипаттағы шарт бойынша жұмыс істейтін қызметкерлер мен жеке тұлғалардың жарналары 2024 жылы табыстарының 2%-ын құрайды. Жарнаның ең жоғары сомасы 17 000 теңгені құрайды. Бұл 10 айлық есептік көрсеткішінің 2%-ы болып саналады.Фото: &nbsp;infoportal

МӘМС: Уақытша жұмыс істеген қызметкерге жарна аударыла ма?

Фото: bundesregierung.de<a href="https://kyzylorda-news.kz/">Kyzylorda-news.kz</a> ДСМ санитарлық-эпидемиологиялық бақылау комитеті ел&nbsp;арасында тараған алып-қашпа сөзді жоққа шығарды.Мессенжерлерде инфекциялық ауруханалар Covid-19 жұқтырған пациенттерге толып кеткені жайлы хабар тарады. Комитеттің мәліметінше, бұл ақпарат шындыққа жанаспайды.2024 жылдың басынан бері елде 1 356 адам коронавирусқа шалдыққан. Өткен жылдың сәйкес кезеңімен салыстырғанда сырқаттану 8 есе төмен.<blockquote>«Бүгінгі таңда 6285 инфекциялық төсек-орынның 0,1 пайызында ғана Covid-19 жұқтырған науқастар жатыр. Өлім-жітім тіркелген жоқ. Коронавирус инфекциясы бойынша эпидемиологиялық жағдай бақылауда» делінген хабарламада.</blockquote>Ведомсто жалған ақпарат таратқандардың әрекетіне құқықтық баға беру үшін материал құқық қорғау органдарына жіберілгенін айтады.<blockquote>«Барлық азаматтарды ресми ақпарат көздеріндегі сенімді ақпаратқа сенуге шақырамыз» дейді комитеттен.</blockquote>

Коронавирус өршіп, науқастар ауруханаға сыймай жатыр — фейк

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгінде Арал ауданының денсаулық сақтау саласында біршама мәселелер өз шешімін тауып, оң өзгерістер орын алуда. Ондағы басты жаңалық, аудандық аурухананың жанынан жапсаржай және Арал қаласының Шанхай мөлтек ауданынан ауысымына 250 адамды қабылдай алатын емхана салынатын болады. Қазіргі таңда нысандардың құрылысын салуға жоба сметалық құжаттары дайындалу үстінде. Бұл туралы Өңірлік коммуникациялар қызметінің ақпарат алаңында Арал ауданының әкімі Аманжол Оңғарбаев айтты.<blockquote>– Өткен жылы Қызылжар, Бөген ауылдарында дәрігерлік амбулатория ашылса, алдағы қараша айында Сексеуіл кентіндегі 40 орындық аурухана ел игілігіне берілетін болады. Одан бөлек, Тоқабай елді мекенінде де дәрігерлік амбулаторияның құрылысы басталды. Аудандық аурухана негізінде 54 төсектік «Кардиология» және «Инсульттық» бөлімшелері ашылып, жұмыс істеуде. Бұған қоса, алдағы уақытта аурухананы МРТ және ангиограф қондырғыларымен жабдықтауды жоспарлап отырмыз. Сонымен қатар, аудандағы білім саласы да дамып келеді. Қазіргі таңда 60 мектепке дейінгі білім беру ұйымында 4 371 бала тәрбиеленуде. Кейінгі 3 жылдың ішінде жекеменшік балабақшалар желісі 12 бірлікке өсті. Жыл басынан бері барлығы 240 орындық 2 жеке балабақша пайдалануға берілсе, жыл соңына дейін Арал қаласынан 115 орындық, Ақбай ауылынан 100 орындық және Қаратерең ауылынан 75 орындық балабақшаны балалар игілігіне табыстауды көздеп отырмыз. Ел Президентінің 2025 жылға дейін 3 ауысымдық және апаттық жағдайдағы мектептерді жою жөніндегі тапсырмасына сәйкес, Арал ауданында 2023-2025 жылдар аралығында 10 мектептің құрылысын салу жоспарланған. Ең алдымен, жоба-сметалық құжаттары әзірленіп, сараптамадан өткізілген Сапақ, Жалаңаш елді мекендеріндегі 2 мектептің мәселесін шешу жұмыстары жүруде. Ақшатау мектебінің құрылысы жеке кәсіпкер есебінен шешімін тауып, құрылыс жұмыстары аяқталды,- деді Аманжол Сақыпұлы.</blockquote>Фото: Қызылорда облысының Өңірлік коммуникациялар қызметі

Қазақстан және Қызылорда облысының жаңалықтары: Денсаулық