<a href="https://kyzylorda-news.kz/">Kyzylorda-news.kz.</a> «2023-2025 жылдарға арналған республикалық бюджет туралы» Заңға сәйкес 2023 жылы ең төменгі жалақы мөлшері 70 мың теңгені құрады. Алдағы жылы МӘМС үшін аударымдар мен жарналардың сомасы қандай? Бұл сұраққа Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Жұмыс берушілер қызметкерлері үшін - жалақының 3% мөлшерінде. 10 ЕТЖ артық емес немесе 21 000 теңге.Қызметкерлер, оның шінде АҚС шарты бойынша жұмыс істейтіндер - табысының 2%. 10 ЕТЖ артық емес немесе 14 000 теңге.Жеке кәсіпкерлер (ЖК). ЕТЖ-ның 1,4 еселенген мөлшерінің 5%-ы немесе 4 900 теңге.Өзін-өзі жұмыспен қамтыған азаматтар немесе бжт төлеушілер. Республикалық және облыстық маңызы бар қалалардың тұрғындары үшін БЖТ көлемі 1 АЕК құрайды, яғни 3 450 теңге. Қалған елді мекендердің тұрғындары үшін БЖТ көлемі 0,5 АЕК құрайды, яғни 1 725 теңге.Дербес төлеушілер үшін жарна сомасы да 2023 жылы өзгерді және 3 500 теңгені (1 МЗП-дан 5%) құрады.Мемлекет 15 жеңілдік санатына кіретін азаматтар үшін төлем жасайды. 2023 жылғы 1 қаңтардан бастап азаматтардың жеңілдікті санатындағы 1 адамға жарна мөлшері Мемлекет жарналарын есептеу объектісінің 1,8% құрайды. Бұл мемлекеттік статистика саласындағы уәкілетті орган айқындайтын ағымдағы қаржы жылының 2 жылының алдындағы орташа айлық жалақы.Сіз жарналарды төлеу екінші деңгейдегі банктер және олардың интернет-сервистері, Kaspi.kz, Halyk Bank мобильді қосымшалары, «Қазпошта» АҚ бөлімшелері, төлем терминалдары (Qiwi, Kassa24 және т.б.).Егер сізде қосымша сұрақтар туындаса, емхананың анықтама қызметіне немесе ыңғайлы байланыс арнасы арқылы әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. &nbsp;<figure class="image"><img src="https://knadmin.beoblood.kz/uploads/3_6daccc2864.jpg" alt="3.jpg"></figure>&nbsp;<figure class="image"><img src="https://knadmin.beoblood.kz/uploads/2_8ee157552d.jpg" alt="2.jpg"></figure>

2023 жылы МӘМС үшін кімдер қанша төлейді?

<a href="https://kyzylorda-news.kz/">Kyzylorda-news.kz.</a>&nbsp; Қазақстанда респираторлық вирусты инфекциялар және тұмаумен сырқаттанудың өсуі тіркеліп отыр, сондай-ақ күніне 300-ге дейін адамның коронавирус инфекциясын жұқтыруы тіркелді. Сондықтан республиканың бас санитар дәрігері Айжан Есмағамбетова инфекция жұқтырмас үшін қоғамдық орындарда бетперде киюді ұсынды.Жалпы республика бойынша эпидемиологиялық жағдай тұрақты.Бұл ретте, 12 өңірде – Астана, Алматы қалалары, Ақмола, Ақтөбе, Шығыс Қазақстан, Абай, Батыс Қазақстан, Қарағанды, Ұлытау, Қостанай, Қызылорда және Маңғыстау облыстарында – R көрсеткіші 1-ден жоғары, бұл инфекция таралуының өршуінің белгісі болып табылады.Өткен аптада алдыңғы аптамен салыстырғанда инфекция жұқтыру 3%-ке өсті, деді ол.Өткен жылдың сәйкес кезеңімен салыстырғанда респираторлық инфекция жұқтыру 20%-ке артқан.<a href="https://sputnik.kz/">Sputnik Қазақстан&nbsp;</a>

Бас санитар дәрігер қазақстандықтарға қоғамдық орындарда бетперде киюге кеңес берді

<a href="https://kyzylorda-news.kz/">Kyzylorda-news.kz.</a> Псориаз — теріде қатты, қабыршақты қызыл немесе ақшыл дақтар арқылы көрінетін, жиі кездесетін аутоиммундық ауру. Әдетте дақтар тізеде, бас терісінде, шынтақта және арқада болады. Физикалық аспектілерден басқа, псориаз адамдардың әл-ауқаты мен өмір сапасына әсер етуі мүмкін.&nbsp;Псориаз жұқпалы ма? Оны жұқпалы деп ойлайтын адамдар бар. Дегенмен, ол қате түсінік. Бұл — аутоиммунды ауру. Яғни, иммунды жүйе қалыпты жұмыс істемейді дегенді білдіреді. Ауруды бірге тамақ ішкеннен, байланысқаннан немесе сауна, бассейнде жұқтырып алу мүмкін емес.Псориаз — жай ғана терінің құрғау емес. Адам терісінің құрылысы жылдам өзгереді. Әдетте әрбір 28 күн сайын жаңарып отырады. Дегенмен псориаз кезінде бұл процесс жылдам жүреді. Жаңаруға небәрі 4-5 күн керек. Бұл уақыт аралығында тері жарсушалары толық жетілі үлгермейді. Сол себепті олар қабыршаққа айналады. Қан-тамырлар да теріге жақындай түседі, сол себепті қанталау немесе ауырсыну сезімі болады.&nbsp;Псориаз емделмейді Қазіргі уақытта псориазды емдейтін дәрі жоқ. Дегенмен дерматологтар псиориазды бақылауда ұстап, оны емдеудің бірнеше жолын ұсынып жатады. Әдетте олар толықтай емдемесе де, белгілерін жояды. Бір уақыттағы тері қозуын баяулатады.&nbsp;Псориазды емдеу үшін диетаны дұрыстау керек Әзірге мамандар бұны растайтын дәлел таппады. Көп адамдар псориаздың шығуын тағам түрімен байланыстырады. Алайда псориаздың шығуына әсер ететін факторлар өте көп әрі белгілері де түрлене береді. Сол себепті оны тек тағаммен байланыстыруға болмайды.&nbsp;<a href="https://massaget.kz/layfstayl/Zdorove/76081/">Massaget.kz</a>

Псориаз ауруы жұқпалы ма?  

<a href="https://kyzylorda-news.kz/">Kyzylorda-news.kz.</a> Қызылорда қаласындағы ақыл-есінде ауытқуы бар азаматтарды оңалту орталығынан шу шықты. Мекемеде ем алып жатқан науқастардың туыстары қызметкерлердің дөрекілігіне шағымданып отыр. Тіпті психикалық дертке шалдыққан жандарды мамандар ұрып, соққыға жығатын көрінеді, деп хабарлайды <a href="https://stan.kz/deneleri-kogerip-zhuredi-naukastin-biri-kaship-ketken-k-375143/">Stan.kz</a>.Жүйке жүйесі ауруына шалдыққан жандарды оңалтуға арналған орталық Талсуат елді-мекенінде орналасқан. Мекеме Қызылорда облыстық жұмыспен қамту және әлеуметтік бағдарламалар басқармасының теңгерімінде. Әдетте мұнда ем ұзақ уақытқа созылады. Науқастар арнайы жолдама арқылы жатқызылып, мамандардың бақылауымен кешенді ем қабылдайды. Туыстарының айтуынша, орталыққа жатқаннан науқастардың жағдайы жақсара қоймайды екен.<blockquote>«Менің інім он жылдан бері психикалық дерті бойынша есепке алынған. Ұдайы дәрі қабылдап жүреді. Жыл сайын Талсуаттағы оңалту орталығына жатады. Бірақ артынан барған кезде үйге қайтқысы келетінін айтып, қызметкерлерге шағымданады. Өткен жылдары денесінің көгерген тұстары болды. Қызметкерлерінен сұрасақ, өзі құлап қалғанын айтады. Беріп отырған тағамдары да құнарсыз. Бұл жағдай қашанға дейін жалғасатыны белгісіз», - дейді Қызылорда қаласының Майра есімді тұрғыны.&nbsp;</blockquote>Расымен, оңалту орталығына қатысты шағым әлеуметтік желілерде де көбейген. 12 желтоқсан күні мекемеден психикалық дертке шалдыққан науқас қашып кеткен болатын. Азаматтың мәйіті теміржол бойынан табылған еді. Төтенше жағдайдан кейін орталықтың директоры мен бірқатар мамандары қызметінен босатылды. Бүгінгі күні қылмыстық іс тергеліп жатыр. Оқыс жағдай мамандардың Жаңа жылдық сыйақыдан қағылуына да әсер етті. Ал жоғарыда көрсетілген фотоларға қатысты тиісті мекеме жауап берді. Жауапты басқарма науқастар дене жарақаттарын өз-өздері салатынын айтады.<blockquote>«Орталықтың жұмысына бақылау үнемі жүргізіліп отырады. Қызмет алушылардың психикалық мінез-құлығының жиі өзгеруі өздеріне немесе айналасындағыларға қол жұмсауына әкеледі. Қызметкерлерге әл бермей кететін жағдайлар да орын алады. Тиісінше дер кезінде журналға тіркеліп, мамандармен дәрігерлік және психологиялық көмек көрсету жұмыстар жүргізіледі. Әлеуметтік желідегі ақпараттағы сурет қызмет алушының психикалық мінез-құлқы өзгеруіне байланысты алған жарақаттардың ескі суреті. Мониторинг жүргізу кезінде бұндай жағдай орын алмаған. Орталықта &nbsp;12 желтоқсанында орын алған оқиғаға байланысты орталық директоры және 5 жауапты қызметкерлер жұмыстан босатылды», - деп мәлімдеді Қызылорда облыстық жұмыспен қамту және әлеуметтік бағдарламалар басқармасының өкілді.&nbsp;</blockquote><figure class="image"><img src="https://knadmin.beoblood.kz/uploads/full_1671700209748780624698ad40e793c232ec18ac38_webp_16fc0ad460.webp" alt="full_1671700209748780624698ad40e793c232ec18ac38_webp.webp"></figure>

«Өзі құлап қалды дейді»: Қызылордада ақыл-есі кем азаматтарды оңалту орталығына қатысты шағым көбейді

<a href="https://kyzylorda-news.kz/">Kyzylorda-news.kz.</a> Парламент мәжілісі медицина қызметкерлерінің кәсіптік жауапкершілігін сақтандыруды және кәсіби міндеттерін тиісінше орындамағаны үшін жазаларды ізгілендіруді көздейтін заң жобасын бірінші оқылымда мақұлдады, деп хабарлайды <a href="https://sputnik.kz/20221221/darigerdin-qateliginen-zardap-shekken-patsientterge-otemaqy-30501722.html">Sputnik Қазақстан</a>.Пациенттерге өтемақыДенсаулық сақтау министрі Ажар Ғинияттың айтуынша, заң жобасында медицина қызметкерлерінің кәсіптік жауапкершілігін сақтандыру жүйесін кезең-кезеңімен енгізу тетігі мен жолдары қаралған. Министрлік заң жобасын әзірлеу барысында әлем елдерінің тәжірибесін зерделеген.Халықаралық тәжірибеде медицина қызметкерлерін қорғау үшін қорлар мен қауымдастықтар құру арқылы, сондай-ақ жеке нарықтар арқылы кәсіптік жауапкершілікті міндетті сақтандыру жүйесі қолданылады. Кәсіптік жауапкершілікті сақтандыру міндеті медицина қызметкерлеріне немесе денсаулық сақтау ұйымдарына жүктелген.<blockquote>"Осы айтылған халықаралық тәжірибе негізінде медицина қызметкерлерінің кәсіптік жауапкершілігін сақтандырудың оңтайлы тетігі ретінде АҚШ, Германия, Жапония және Түркия модельдері бойынша сақтандырудың бейімделген нарықтық моделі (қолданыстағы сақтандыру компаниялары арқылы, дауларды сотқа дейінгі реттеу арқылы) ұсынылып отыр. Қазір барлық медициналық ұйымда пациенттерді қолдау қызметін ашып жатырмыз", - деді Ғиният мәжіліс отырысында.</blockquote>Осы модельге сәйкес пациенттерді қолдау қызметі, арнайы комиссия сарапшылар мен мүдделі тараптарды тартып және медиация элементтерін қолданып, шағымды қарайды. Бұл кезеңде мәселе медициналық ұйымның өзінде реттелуі мүмкін.<blockquote>"Пациент қызметтің немесе комиссияның шешімімен келіспеген жағдайда шағым сараптамалық қорытынды беру үшін денсаулық сақтау министірлігі медициналық және фармацевтикалық бақылау комитетінде қаралады. Дәлелденген жағдайда шағым бойынша материалдар, оның ішінде сот-медициналық сараптаманың қорытындысы медициналық ұйым сақтандырылған сақтандыру компаниясына беріледі", - деді Ғиният.</blockquote>Пациентке келтірілген зиян үшін өтемақы төлеуді сақтандыру компаниясы жүргізеді. Төлемнен бас тартқан және қанағаттанбаған жағдайда пациент сотқа жүгінуге құқылы. Сақтандыру жарнасының мөлшері қауіп дәрежесіне қарай бекітілген актуарлық есептеулердің негізінде медицина қызметкерінің жауапкершілік дәрежесі ескеріле отырып айқындалады. Денсаулық сақтау министрлігі 2023 жылдан бастап сақтандыруды жұмыс берушінің есебінен жүзеге асыруды ұсынып отыр. Ал 2025 жылдан бастап сақтандыру сыйлықақысы медициналық ұйым мен медицина қызметкерлері арасында бөлінеді, бұл ынтымақты кәсіптік жауапкершілікке әкеледі.<blockquote>"Осы айтылғандар негізінде министрлік жұмыс істеп тұрған сақтандыру компаниялары арқылы ұжымдық шарт жасай отырып, жұмыс беруші, яғни медициналық ұйымның қаржылық жауапкершілігінің шекті көлемінде медицина қызметкерлерінің кәсіптік жауапкершілігін сақтандыруды ұсынады", - деді министр.</blockquote>Медицина қызметкерлерін қорғауСондай-ақ заң жобасы аясында медицина немесе фармацевтика қызметкерлерінің кәсіби міндеттерін тиісінше орындамағаны үшін қылмыстық құқықбұзушылықтарды ізгілендіру және Қылмыстық кодекстің 317-бабының санкциялық шараларын төмендету бойынша нормалар ұсынылған.Ғинияттың мәліметінше, 2018-2020 жылдары жеке және заңды тұлғалардан 14 123 өтініш келіп түсті, оның ішінде Қылмыстық кодекстің 317-бабы бойынша медицина қызметкерлеріне қатысты кәсіби міндеттерін тиісінше орындамағаны үшін жыл сайын 300-ге жуық іс, көбіне өліммен аяқталу қаупі бар хирургиялық бейіндегі мамандардың үстінен іс қозғалады (акушер-гинекологтар-14 адам, хирургтар-14, травматологтар – 8, анестезиологтар-6).<blockquote>"Заң жобасында айыппұл мөлшерін және денсаулығына орташа және ауыр абайсызда зиян келтіргені үшін қамауға алу мерзімін төмендету, пациенттің денсаулығына ауыр зиян келтіргенде немесе қайтыс болғанда "бас бостандығынан айыруды" жаза мерзімдерін қайта қарай отырып "бас бостандығын шектеуге" ауыстыру ұсынылады", - деді Ғиният.</blockquote>Ақхалаттыларға арналған марапатСондай-ақ, заң жобасы медицина қызметкерлерінің мәртебесін көтеруге және оларды әлеуметтік қолдауға, оларға құрметті атақ беруге бағытталған.1000 АЕК мөлшерінде біржолғы төлемақы бере отырып, медицина қызметкерінің аса үздік жетістіктері мен айрықша еңбегі үшін "Қазақстанның еңбек сіңірген дәрігері" құрметті атағын;Жеңімпаздарға 500 АЕК мөлшерінде біржолғы ынталандыру төлемақысын бере отырып, "Мамандық үздігі" республикалық конкурсын тағайындау көзделген.Мәжіліс депутаттары кейбір заңнамалық актілерге денсаулық сақтау мәселелері бойынша өзгерістер мен толықтырулар енгізу туралы заң жобасын бірінші оқылымда мақұлдады.

Дәрігердің қателігінен зардап шеккен пациенттерге өтемақы төленеді

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорымен шарт жасасқан барлық медициналық ұйымның тізімін <a href="https://fms.kz/kz/">fms.kz</a> ресми сайтынан таба аласыз. Бұл туралы Қызылорда облысы бойынша ӘМСҚ филиалының бас сарапшысы Айгүл Аханова хабарлады.Медициналық қызметтің жекелеген түрлері бойынша тізім «Медициналық қызметтерді сатып алу» - «КДҚ жеткізушілері» бөлімінде орналастырылған.&nbsp;- КТ және МРТ, сандық рентгенография жеткізушілері&nbsp; - ПТР-тестілеуді жеткізушілер (биоматериал емхана арқылы жіберіледі) - Стоматологиялық клиникалар (азаматтардың жекелеген санаттары үшін)Жалпы тізім «Пациент үшін» – «Клиниканы таңдау» бөлімінде орналасқан. Осы жерде тұрғылықты аймақты және қызметті таңдайсыз.Бұл: - Консультациялық-диагностикалық көмек&nbsp; - Тәуліктік немесе күндізгі стационардағы мамандандырылған медициналық көмек - Жоғары технологиялық медициналық көмек - Медициналық оңалту&nbsp; - Бағдарламалық диализ болуы мүмкін.МӘМС мүмкіндіктерін пайдаланыңыз!<figure class="image"><img src="https://knadmin.beoblood.kz/uploads/2_00000_8_4ad521d35c.jpg" alt="2_00000 (8).jpg"></figure><figure class="image"><img src="https://knadmin.beoblood.kz/uploads/3_00000_8_bd592f626f.jpg" alt="3_00000 (8).jpg"></figure><figure class="image"><img src="https://knadmin.beoblood.kz/uploads/4_00000_7_235ac50bfe.jpg" alt="4_00000 (7).jpg"></figure><figure class="image"><img src="https://knadmin.beoblood.kz/uploads/5_00000_7_4ebc48b326.jpg" alt="5_00000 (7).jpg"></figure>

МӘМС бойынша медициналық қызмет көрсететін мекемелердің тізімін қайдан көруге болады?

<a href="https://kyzylorda-news.kz/">Kyzylorda-news.kz.</a> 15 қыркүйектен 15 қарашаға дейінгі аралықта еліміз бойынша жыл сайынғы емханаға тіркеу науқаны өтті, оның шеңберінде қазақстандықтар 2023 жылға өздеріне қызмет көрсететін емхананы ауыстыруға мүмкіндік алды. Әлеуметтік медициналық сақтандыру қоры атап өткендей, биылғы күзде бұл мүмкіндікті пайдалануға ниет білдірушілер саны өткен жылғы акциямен салыстырғанда 2,5 есеге көп болды.Өткізілген науқанның алдын ала нәтижелері бойынша емханаларға тіркелген халық саны шамамен 19,7 млн адамды құрады, оның ішінде 2023 жылға арналған тіркеу науқанының мүмкіндіктерін шамамен 277 мың адам пайдаланған.&nbsp;Бұл ретте алғаш рет МСАК ұйымдарына 24 мыңға жуық тұрғын тіркелді, ал 165,5 мың адам қазіргі қызмет көрсету емханасын басқасына ауыстыруға шешім қабылдады.2023 жылға арналған тіркеу науқанына 717 алғашқы медициналық-санитарлық көмек ұйымы қатысты, олардың 83-і – жаңа жеткізушілер, яғни науқан шеңберінде алғаш рет өздерінің тіркеу қызметтерін ұсынды.Естеріңізге сала кетейік, тіркеу науқаны жыл сайын 15 қыркүйектен 15 қарашаға дейін өткізіледі. Осы кезеңде тұрғындар келесі жылдың 1 қаңтарынан бастап өздеріне қызмет көрсететін емхананы таңдай алады. Аталмыш науқан аясында сіз емханаға бірінші рет тіркеле аласыз, өзіңізге қызмет көрсететін ұйымды өзгерте аласыз немесе өз емханаңыздағы учаскелік дәрігерді ауыстыра аласыз. Тіркелетін емхананы таңдау кезінде үйіңізге жақын емхананы таңдау ұсынылады, себебі үйдегі медициналық көмекті емхананың қызмет көрсету аумағында тұратын пациенттер ала алады.Сіз қай МСАК ұйымына тіркелгеніңізді электрондық үкіметтің веб-порталында (жеке деректерде) тексере аласыз.Егер сізде сұрақтар туындаса, оларды пациенттерге қолдау көрсету қызметіне хабарласу арқылы, өз емханаңызда қоя аласыз. Сізге жергілікті жерде көмек көрсетілмесе, Әлеуметтік медициналық сақтандыру қорына өзіңізге ыңғайлы байланыс арнасы арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырудың күйін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінен «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады. &nbsp;

Тіркеу науқаны: Емхананы ауыстырғысы келетіндер саны 2,5 есеге өсті

<a href="https://kyzylorda-news.kz/">Kyzylorda-news.kz.</a> Жаңа эпидмаусымда Қызылорда облысында жедел респираторлы вирусты инфекцияның 13032 жағдайы &nbsp;тіркелді. Бұл туралы Өңірлік коммуникациялар департаментінде өткен брифингте Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова хабарлады.&nbsp;<blockquote>«Қызылорда облысының санитариялық-эпидемиологиялық бақылау департаменті эпидмаусымның басталуына орай жіті респираторлық вирустық &nbsp;инфекциялармен және тұмаумен сырқаттану жағдайына және Қазақстандағы, сонымен бірге шетелдегі тұмау вирусының айналымына күн сайынғы мониторинг жүргізеді. Эпидмаусымда 13 мыңнан аса адам жедел респираторлы вирусты инфекцияны жұқтырғаны анықталды. Бұл 100 мың халыққа шаққандағы аурушаңдық көрсеткіші 1532,2 құрады. Ауруға шалдыққандардың 65 пайызы 14 жасқа дейінгі балалардың үлесінде болып отыр. Сонымен қатар жүкті әйелдер арасында ЖРВИ-дің 652 жағдайы есепке алынған. Науқастанғандардың ауруханаға жатқызылу көрсеткіші – 15,2 пайызын құрап отыр», - деді Әлия Әбдіқайымова.&nbsp;</blockquote>Эпидмаусымынының 40-50 апталарында облыс көлемінде жедел респираторлы вирусты инфекциясының ауыр ағымдағы 1720 науқастың сынамасы тұмау ауруына тексеріліп, нәтижесінде зертханалық жолмен нақтыланған тұмау ауруының &nbsp;282 &nbsp;жағдайы &nbsp;есепке алынды. Ауруға шалдыққандардың басым көпшілігі &nbsp;тұмау вирусының &nbsp;В түрі, қалған 19 жағдайдан &nbsp;тұмау вирусының А түрі анықталды. Тұмау ауруына шалдыққандардың 54 пайызы 14 жасқа дейінгі балалар үлесінде.&nbsp;«Тұмаудың эпидахуалын тұрақтандыру және ауру деңгейін төмендету мақсатында жыл сайын жергілікті бюджеттен тұмауға қарсы вакцина сатып алынады. &nbsp;Биыл 85000 доза вакцина қоймаға жеткізілді. Тұмауға қарсы иммундауға Ресей елінде өндірілген «Гриппол плюс» вакцинасы қолданылды. Препараттың құрамына қосылған «Полиоксидоний» иммуномодуляторының арқасында иммунофармакологиялық әсері күшее түскен. Иммундық статустың түзілуі арқасында ағзаның басқа жұқпаларға төзімділігін арттыруға мүмкіндік береді», - дейді Әлия Әбдіқайымова.<figure class="image"><img src="https://knadmin.beoblood.kz/uploads/Whats_App_Image_2022_12_15_at_17_33_56_f637a109d3.jpeg" alt="WhatsApp Image 2022-12-15 at 17.33.56.jpeg"></figure>

Әлия Әбдіқайымова: Эпидмаусымда 13 мыңнан аса адам ЖРВИ жұқтырды

<a href="https://kyzylorda-news.kz/">Kyzylorda-news.kz.</a> Биылғы жылдың қараша айында Қызылорда облысы бойынша 51 адам коронавирус жұқтырған, желтоқсан айының 14 күнінде 50 жағдай есепке алынды. Бұл туралы Өңірлік коммуникациялар департаментінде өткен брифингте Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.&nbsp;Пандемия басталғаннан бері Қызылорда облысы бойынша коронавирус инфекциясының 25887 жағдайы анықталды. Оның ішінде 16974 жағдай ауру симптомдарымен болса, 8913 дерегі клиникалық белгілерінсіз тіркелді. &nbsp;Жыл басынан бері 6453 адам коронавирус індетіне шалдыққан, оның ішінде 1228 жағдай 14 жасқа дейінгі балалар арасында анықталды.&nbsp;<blockquote>«Биылғы жылдың қараша айында 51 дерек тіркелсе, желтоқсан айының кешегі күніне дейін 50 жағдай есепке алынды. Бұл алдыңғы айдың ұқсас мерзімімен салыстырғанда 31 жағдайға артқандығын көрсетеді. Соңғы уақытта тіркеліп жатқан коронавирустың басым көпшілігі клиникалық симптомдарымен анықталуда. Атап айтқанда, &nbsp;желтоқсан айында тіркелген COVID-19 &nbsp;деректерінің 93 пайызында дене қызуының көтерілуі, әлсіздік, тамақтың ауыруы, бұлшықеттердің ауырсынуы секілді ауру белгілері байқалуда», - деді Әлия Әбдіқайымова.&nbsp;</blockquote>Пандемия басталғалы бері аймақта өткен жылы айлық ең жоғары көрсеткіш тамыз айында тіркелген болатын. Бұл айда 5333 жағдай есепке алынды. Биылғы жылы аурушаңдық көрсеткіштері 2 рет көтерілді. Қаңтар айында 4293 дерек және шілде айында 1020 жағдай анықталды.&nbsp;<blockquote>«Қыркүйек, қазан айларында төмендеу тенденциясы байқалғанымен, қараша айынан бастап сырқаттанушылық көрсеткіштерінде өсім байқалады», - деді департамент басшысының орынбасары.&nbsp;</blockquote>Брифинг барысында блыс көлемінде емханаларда коронавирус инфекциясына қарсы вакцинация жалғасып жатқаны айтылды.&nbsp;<blockquote>«Бүгінгі күні вакцинаның І-ші компонентін екпе алуға тиісті контингенттің 95 пайызы, ІІ-ші компонентін 94 пайызы алған. Бүгінгі күні облыста КазВак, Синофарм және Пфайзер вакциналарының қоры бар. Айналымда әлі де коронавирус инфекциясы бар. Қазақстанда толық геномдық секвенирлеу нәтижесінде коронавирустық инфекцияның «Омикрон» штамы вирусының айналымы анықталып, оның 0,5 пайызда «Цербер» субгенетикалық желісі табылды. Жаңа «Цербер» штамының белгілері омикронның бұрынғы кіші түрлерінен айтарлықтай ерекшеленбейді. Ауру көбінесе жіті респираторлық аурудың жеңіл түрінде болады. Қызудың көтерілуі, буын ауруы, аздап мұрыннан су ағу, әлсіздік болуы мүмкін, кейбіреулерінде ішек аурулары болады. Штамм тез жұғуымен ерекшеленеді, алайда аса қауіпті емес. Науқастарды диагностикалау және емдеу басқа COVID-19 штамдарынан ерекшеленбейді», - дейді Әлия Әбдіқайымова.&nbsp;</blockquote>Айта кетейік, аталған штамм Қызылорда облысында анықталған жоқ.

Коронавирус: Қызылордада 14 күнде 50 жағдай тіркелді

<a href="https://kyzylorda-news.kz/">Kyzylorda-news.kz.</a> Мемлекет басшысының тапсырмасына сәйкес Қазақстан Республикасы Денсаулық сақтау министрлігі санитариялық-эпидемиологиялық бақылау &nbsp;қызметіндамыту мен нығайту үшін шаралар қабылдауда.Биыл республикалық бюджеттен тиісті қаражат бөлініп, өңірлердегі санитариялық-эпидемиологиялық қызмет органдары үшін 132 бірлік арнайы қызметтік автокөлік сатып алынды. Оның 9 бірлігі Қызылорда облысына берілді және әрі қарай аумақтық басқармаларға үлестіріліп, облыс орталығы, Қармақшы, Шиелі, Жаңақорған, Сырдария, Жалағаш аудандарындағы тұрақты эпидахуалды қамтамасыз ету үшін қызмет ететін болады.Көлік кілттерін облыстың Бас мемлекеттік санитариялық дәрігері Динара Жанабергенова және санитариялық-эпидемиологиялық саланың ардагері Амангелді Бисенов табыстады.Облыстың Бас мемлекеттік санитариялық дәрігері Динара Жанабергенова бұған дейін тозығы жеткен көліктермен ауру ошақтарына жету мәселесінің қиындық тудырғандығын, әсіресе, бұл аудандарда, шалғай елді мекендерде өте өзекті екендігін айтып,бұл автокөліктердің инфекциялық, паразитарлық аурулардың эпидемиологиялық ошақтарын уақтылы тексеруде таптырмайтын құрал екендігін атап өтті.Санитариялық-эпидемиологиялық қызметті нығайту және дамыту - халықтың санитариялық-эпидемиологиялық саламаттылығы саласына дегенсын-қатерлерге уақтылы және жедел ден қоюға мүмкіндік береді. &nbsp;<figure class="image"><img src="https://knadmin.beoblood.kz/uploads/77056c8d_767c_4cf4_a89e_079eb423dcf1_2f757766e2.jpg" alt="77056c8d-767c-4cf4-a89e-079eb423dcf1.jpg"></figure>

Қызылорда: Санитариялық-эпидемиологиялық бақылау қызметіне автокөліктер берілді

<a href="https://kyzylorda-news.kz/">Kyzylorda-news.kz.</a> «AMANAT» партиясының облыстық филиалы жанындағы Білім және денсаулық сақтау мәселелері бойынша қоғамдық кеңес пен депуттық фракция мүшелерінің бірлескен отырысы нәтижесінде партия бастамасымен Қызылорда қаласында барлық студенттер үшін «Облыстық бірыңғай студенттік емхана» бірлескен жобасын іске асыру тетіктері зерделеніп, «Бір терезе» қағидасына сәйкес толыққанды медициналық қызмет көрсетуге ағымдағы жүктемесі сәйкес келетін «Q-med» клиникасының базасында бірыңғай студенттік емхана жұмысын үйлестіру туралы ұсыныс көтерілген болатын.&nbsp;Осыған орай бүгін партия филиалында облыс орталығындағы жоғарғы және орта арнаулы білім беру ұйымдары өкілдеріне аталған студенттік емхананың жобасы таныстырылды.Кездесуде партия филиалының Атқарушы хатшысы Ләйлә Төрешова жобаның маңыздылығына тоқталып, емхананың студенттерге сапалы және уақытылы медициналық көмек көрсетіп қана қоймай, сонымен қатар жастарға денсаулықты нығайту бойынша ұсыныстар беруге, салауатты және белсенді өмір салтын насихаттауға мүмкіндік беретінін айтты.&nbsp;Сондай-ақ жиында облыстық білім және денсаулық сақтау басқармасының өкілдері Мемлекет басшысының тапсырмасына сәйкес ауылдық жердегі денсаулық сақтауды жаңғырту ұлттық жобасы келесі 2023 жылдан бастап жүзеге асырылатынын, ауыл тұрғындарына оның ішінде ауыл жастарына медициналық көмек көрсету сапасын жақсарту бойынша қандай шаралар қабылданып жатқаны жайында атап өтті.Өз кезегінде "Q-MED company group" ЖШС бас директоры Раушан Базарбай студент жастарға көрсетілетін медициналық көмектің түрлері, оларға жасалатын жағдайлар туралы толық мәлімет берді.Кездесу соңында білім беру ұйымдары өкілдерінің тарапынан ұсыныстар айтылып, жан-жақты түсіндірме жұмыстары жүргізілді. &nbsp;<figure class="image"><img src="https://knadmin.beoblood.kz/uploads/319179678_1153356551965822_5150945842182504038_n_699e1256ad.jpg" alt="319179678_1153356551965822_5150945842182504038_n.jpg"></figure>

Партия алаңында «Студенттік емхана» жобасы таныстырылды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында соңғы екі ай ішінде емхананы еркін таңдау науқаны жүргізілді. Медициналық ұйымды таңдау құқығын өңірдің 10 277 тұрғыны пайдаланды. Олардың көпшілігі, яғни 8 660 адам тікелей емханада өтініш берсе, қалған 1617 адам egov.kz. порталы арқылы тіркелген. Бұл туралы Өңірлік коммуникациялар қызметінде өткен баспасөз конференциясында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бахыт Исмаханбетов хабарлады.<blockquote>«Жыл сайынғы акцияға облыс бойынша 25 емхана қатысты. Оның 14-і мемлекеттік, 11-і жекеменшік. Тіркеу науқаны - емхананы ауыстырудың жалғыз мүмкіндігі болып табылмайды. Бұл рәсімді жылына бір рет еркін таңдау құқығымен жасауға болады. Сондай-ақ егер адам тұрақты немесе уақытша тұратын жерін, жұмыс немесе оқу орнын ауыстырған жағдайда емхананы ауыстыруға құқылы. Естеріңізге сала кетейін, электрондық үкіметтің www.egov.kz веб-порталы арқылы жүгінген кезде тіркеу ЭЦҚ болған кезде жүргізіледі. Денсаулық сақтау бөлімінде «Медициналық - санитарлық алғашқы көмек көрсететін медициналық ұйымға бекіту» қызметін таңдау қажет. Емхана пациент туралы ақпаратты мемлекеттік ақпараттық жүйелерден автоматты түрде алады. Операция сәтті болған жағдайда азаматқа медициналық ұйымның ЭЦҚ қойылған электрондық құжат түрінде тіркеу туралы хабарлама беріледі», - деді Бахыт Торғайбайұлы.</blockquote>Халықтың жекелеген санаттары тікелей емханаға тіркеле алады. Ол үшін еркін нысандағы өтініш пен жеке басын куәландыратын құжатты беру қажет.&nbsp;<blockquote>«Бұл санаттарға зейнеткерлер, мүгедектер, заң бойынша бала кезінен мүгедекке тағайындалған қамқоршылар, сондай-ақ қорғаншылар немесе қамқоршылар, патронат тәрбиешілер; колонияларда (өтеу орны бойынша) жазасын өтеп жатқан сотталғандар, студенттер, мерзімді қызметтегі әскери қызметшілер, шет мемлекеттерде туған балалар, сенімхат бойынша тіркеуді ресімдейтін адамдар жатады. Айта кету керек, алғашқы медициналық - санитариялық көмек ұйымына тіркелген азаматтар 2021 жылдың 1 қаңтарынан бастап тегін медициналық көмектің кепілдік берілген көлемі шеңберінде және МӘМС жүйесінде осы ұйымда медициналық көмекті ала бастайды. Естеріңізге сала кетейік, сақтандыру мәртебесіне қарамастан, барлық азаматтар тегін медициналық көмектің кепілдік берілген көлеміне құқылы. Жоспарлы емдеуге жатқызу, бейінді мамандардың қабылдауы, қымбат тұратын тексерулерден өту және жоғары технологиялық ем алу үшін МӘМС жүйесінде сақтандырылған болуы қажет», - дейді Бахыт Исмаханбетов.&nbsp;</blockquote>Сонымен қатар, сақтандыру мәртебесін электрондық үкімет порталында, Қор сайтында, Telegram-дағы SaqtandyryBot арқылы және «Колдау 24/7» мобильді қосымшасы арқылы білуге болады.<img src="https://knadmin.beoblood.kz/uploads/320078831_1942650692763315_6780191287994863139_n_8dc64995fe.jpg" alt="320078831_1942650692763315_6780191287994863139_n.jpg">

Қазақстан және Қызылорда облысының жаңалықтары: Денсаулық