Kyzylorda-news.kz. Қызылорда облысы әкімдігінің қолдауымен “Жақсылық жаса” акциясы аясында өңірге тағы да 54 дана оттегі концентраторы жеткізілді.
Айта кетейік, “Жақсылық жаса” акциясы аясында шілде айында 9 аппарат келіп, Қызылорда қаласындағы ауруханаларға таратылған болатын. Бұл жолы аппараттар Байқоңыр қаласы мен аудандардағы ауруханаларға жеткізіледі.
Арал ауданына – 10 дана;
Қазалы ауданына – 5 дана;
Қармақшы ауданына – 2 дана;
Жалағаш ауданына- 6 дана;
Сырдария ауданына – 5 дана;
Шиелі ауданына – 5 дана;
Жаңақорған ауданына – 13 дана;
Байқоңыр қаласына – 8 дана.
«Жақсылық жаса» акцияның негізгі мақсаты – көмек көрсеткісі келетін азаматтарды жұмылдырып медицина мекемелеріне, науқастанып жатқан адамдарға, мұқтаж жандарға қолдау білдіру, қайырымдылық жасау, игі шараларға бастама болу.
Аймақтағы ауруханаларға таратылатын 54 дана оттегі концентраторын алуға «BIGrоup» компаниясы, «DAULETTEN қайырымдылық қоры» және«Айдың нұры қоры» қолдау білдірген.

Қызылорда облысындағы ауруханаларға 54 оттегі концентраторы жеткізілді

Kyzylorda-news.kz. ДДСҰ-ның бас директоры&nbsp;Тедрос Аданом Гебрейесус коронавирус жұқтырған аналарға сәбилерін емізуді жалғастыруға кеңес берді.
<blockquote>
 “Себебі, ана сүтінің пайдасы жұқтыру қаупінен гөрі маңызды”, – деді&nbsp;Гебрейесус.
</blockquote>
COVID-19 балаларда ересектерге қарағанда жеңіл өтеді. Мұның себебі әлі белгісіз. Кейбір медицина мамандары мұны баланың иммундық жүйесі вирусқа реакция көрсетпей қалыпты қабылдайтынымен түсіндіреді.
Ересектерде иммунитет бұрын-соңды кездеспеген вирусқа тым қатты реакция тудырады, бұл науқас жағдайының нашарлауына әкеледі.
Брифингте коронавирус қарсы вакцинаға тым қатты үміт артпауымыз керектігі айтылды. ДДСҰ вакцина жағдайды жақсартатын бірден-бір тәсіл еместігін және қалыпты өмірге оралу үшін әлі ұзақ жол бар екендігін айтты.
ДДСҰ президенті&nbsp;Тедрос Аданом Гебрейесус пен ұйымның төтенше жағдай бағдарламасының атқарушы директоры Майк Райан барлық елдер денсаулық сақтау талаптарын, соның ішінде барлығына арналған медициналық маскаларды, әлеуметтік қашықтықты, қолды жиі жууды және тестілеуді ұстану керектігін ескертті.
<blockquote>
 “Үкімет пен адамдарға “мұны толықтай жаса” деп айтуға болады. Медициналық маскалар әлемнің барлық елдері үшін міндетті болып қалуы керек”, – деді&nbsp;Гебрейесус.
</blockquote>
Ол қазір бірқатар вакциналар 3 фазада бір уақытта клиникалық сынақтардан өтіп жатқанын айтты.
<blockquote>
 “Олардан тиімді вакциналар шығады деп үміттенеміз. Бірақ әзірге жағдайды жақсартатын вакцина немесе дәрі жоқ”, – деді ДДСҰ төрағасы.
</blockquote>
Майк Райан вирустың таралу қаупі жоғары Бразилия мен Үндістан сияқты елдер күресуге дайын болу керектігін айтты.
<blockquote>
 “Бұл әлі ұзақ жол және вирусты жеңу үшін жігер қажет”, – деді Райан.
</blockquote>
Айта кетейік,&nbsp;3 тамыздағы жағдай бойынша әлемде коронавирус жұқтырғандардың саны 18 миллионнан асты. Джонс Хопкинс университетінің сайты мәліметіне сәйкес, шамамен 690 мың науқас қайтыс болған. 10,7 миллион адам аурудан айыққан. Соңғы 24 сағат ішінде әлемде 228,7 мың жаңа жағдай тіркелген.
Ал, елімізде коронавирус жұқтырғандардың саны 93 мыңнан асты. Өткен тәулікте 1158 адам коронавирус індетін жұқтырғаны белгілі болды. Оның ішінде, 555 адам клиникалық белгілері жоқ тасымалдаушы.
<a href="https://massaget.kz/layfstayl/Zdorove/62888/">Massaget.kz</a>

COVID-19 жұқтырған аналар баланы емізуді тоқтатпауы керек &#8211; ДДСҰ төрағасы

Kyzylorda-news.kz. Қызылордада пандемия кезінде «Қазпошта» тұрғындардың қауіпсіздігі үшін үйге жеткізіп беру қызметін ұйымдастырып, 12280 зейнеткерге қызмет көрсетті. Бұл туралы Өңірлік коммуникациялар қызметінің ақпарат алаңында өткен брифингте «Қазпочта» АҚ Қызылорда облыстық филиалының директоры Аида Әбибуллаева баяндады.
<blockquote>
 “Зейнеткерге зейнетақысын тікелей үйге жеткізіп беру үшін арнайы құрылған байланыс орталығы арқылы өтінімдер қабылданып, жеткізу қызметін атқарушы 4 мобильді топ жасақталды. Шұғыл желі телефондары арқылы 33 588 шот ашылды. Төтенше жағдай режимі басталғаннан бері 47 мың азаматқа 42500 теңге төленді, 57,8 млн.теңге сомасына 34 850 бірыңғай жиынтық төлем қабылданды. Мұнан өзге, қала маңындағы елді-мекен тұрғындарына мобильді қызмет көрсету ұйымдастырылды”,-деді Аида Ибрагимқызы.
</blockquote>
Қазіргі таңда барлық қызметтерді Post.kz порталы арқылы орындауға болады. Яғни бірыңғай жиынтық төлеу, мемлекеттік көмек алу үшін виртуалды карта ашу және басқа да қаржылық, пошта қызметтері көрсетіледі.
Брифингте филиал директоры «Қазақстан азаматының әлеуметтік картасы» жобасы іске қосылғанын айтты. Қазіргі таңда, облыста 28000 әлеуметтік карта ашылса, оның 16000-ға жуығы зейнеткерге, 6000-ы бала күтіміне байланысты жәрдемақы, 6000-ы оқушыларға ашылды. Жоба аясында барлық әлеуметтік төлемдерді алушылар, мектеп оқушылары, студенттер әмбебап көп функционалды төлем карточкасын пайдалана алады.
<img src="https://kyzylorda-news.kz/wp-content/uploads/2020/08/fb_img_1596820993275.jpg" alt="" />

Қызылордада 12 мыңнан астам адамның зейнетақысы үйіне жеткізілді

Kyzylorda-news.kz. Қазақстанға жеткізілген гуманитарлық жүктер ел өңірлеріне 1 тәуліктің ішінде жіберіледі. Бұл туралы «СК-Фармация» ЖШС-ның басқарма төрағасы Ерхат Есқалиев айтты, деп хабарлайды <a href="https://www.inform.kz/kz/gumanitarlyk-zhukterdi-onirlerge-1-kunnin-ishinde-zhiberemiz-sk-farmaciya-basshysy_a3680910">ҚазАқпарат</a>.
<blockquote>
 «Гуманитарлық жүктерге қатысты алдын ала ақпараттандыру енгіздік. Бүгінгі күні сертификаттау құжаттарын ғана сұраймыз және оны онлайн аламыз. Ұшақ келіп қонған кезде жүкті рәсімдеуге және бөлуге қажетті құжаттар толық қолымызда болады. Біз бұл жүкті тежемей бір күннің ішінде жолай кетіп бара жатқан көліктермен өңірлерге жібереміз. Қазіргі уақытта кешеуілдеу жоқ. Осы режимде гуманитарлық жүктерді ешқандай проблемасыз жіберуге тырысамыз. Бұл бізде басымдық болып отыр», – деді Ерхат Есқалиев Орталық коммуникациялар қызметіндегі баспасөз мәслихатында.
</blockquote>
Ал ҚР Денсаулық сақтау вице-министрі Людмила Бюрабекова гуманитарлық жүктерді рәсімдеуге арналған құжаттар тізімі өзгермегендігін айтады. Дегенмен, гуманитарлық жүкті тасымалдауға бір реттік рұқсат беру процедурасы жеңілдетілген.
<blockquote>
 «СК-Фармация» бірден гуманитарлық жүктерді таратады. Тіпті кей жағдайларда жүк қоймамызға да түспей жатады. Әуежайдан бірден жөнелтіледі. Қазіргі уақытта рұқсат беру құжаттары барынша жылдам беріледі», – деді вице-министр.
</blockquote>

Гуманитарлық жүктер өңірлерге 1 күннің ішінде жіберіледі

Kyzylorda-news.kz. Денсаулық сақтау министрлігі коронавирустың екінші толқынына арналған болжамды әзірлеп жатыр, деп хабарлайды Sputnik Қазақстан.
Вице-министр Людмила Бюрабекованың айтуынша, шілде айында алдын ала есептеу жүргізіліп, коронавирустың таралуына қатысты болжам әзірленген болатын. Оған сәйкес, ауруханаларда қосымша төсек орындарды жасақтау жоспарланған. Жансақтау бөлімдерін кеңейту шаралары да қарастырылған.
Бастапқы болжамда коронавирусқа шалдыққан науқастар ғана есепке алынды. Ал 1 тамыздан бастап Қазақстанда коронавирус пен пневмонияның статистикасы біріктірілді. Осыған байланысты болжамды қайта қарау туралы шешім қабылданып отыр.
<blockquote>
 “Демек, бізге бәрін қайта есептеп шығу керек. Қазір әлем бойынша коранавирустың екінші толқыны туралы айтып жатыр. Күзде болады деп отырмыз. Сол кезде вирустық инфекциялар, тұмау сынды маусымдық аурулар да көбейеді. Осының бәрін болжамда көрсету керек. Жақын арада біз осы құжатты жариялаймыз”, – деді Бюрабекова орталық коммуникациялар қызметінде өткен онлайн брифингте.
</blockquote>

Денсаулық вице-министрі коронавирустың екінші толқыны туралы айтты

Kyzylorda-news.kz. Қазіргі уақытта жүргізілетін салықтық тексерулер саны айтарлықтай қысқарды. Ағымдағы жылдың 6 айында ғана облыс бойынша салықтық тексерулер саны 42 немесе 11,4% төмендеді.
Салықтық және кедендік әкімшілендіру, уәкілетті органдардың және әртүрлі көздерден алынған мәліметтермен жұмыс істеуге шоғырланған. Нәтижесінде биылғы жылдың 6 айында мемлекеттік бюджетке 5,7 млрд теңге, оның ішінде облыстың жергілікті бюджетіне 1,0 млрд теңге және республикалық бюджетке 4,7 млрд теңге сомасында қосымша резервтер анықталып, бюджетке өндірілді.
Ел экономикасында пандемиямен байланысты қалыптасқан дағдарыстық құбылыстарға, салықтық жеңілдіктер беруден болатын шығындарға және мұнай бағасының әлемдік құлдырауына қарамастан, мемлекеттік кіріс органдары облыс бюджетін толықтыруда резервтерді іздестіру бойынша жұмыстар жүргізуде.

Салықтық тексерулер қысқарды

<a href="https://kyzylorda-news.kz/wp-admin/post-new.php">Kyzylorda-news.kz.</a> Қазақстан COVAX Facility халықаралық бағдарламасына қосылды. Келісім бойынша коронавирусқа қарсы вакцина шыққан бойда оны еліміздегі халықтың 20 процентіне бірден жеткізіп береді. Бұл туралы&nbsp; денсаулық сақтау министрлігінің ресми өкілі Бағдат Қожахмет мәлімдеді, деп хабарлайды <a href="https://sputniknews.kz/">Sputnik Қазақстан</a>.
<blockquote>
 “Бүгінде Қазақстанда халықтың саны 18,5 миллионнан асты. Соның 20 проценті 3 миллион 600 мың адам бола ма? Демек, 3,6 миллион вакцина бізге барлық мемлекеттермен бірдей уақытта түседі. Ол вакцина келгеннен кейін бәрін халыққа сатпаймыз ғой. Оны тегін алатын бірқатар азамат бар”, – деді Қожахмет.
</blockquote>
Оның айтуынша, бүгінде вакцина тегін алатындардың нақты саны анықталды. Барлығы 2 182 000 адам. Ішінде 65 жастан асқандар, жүрек-қан тамыр ауруы, қант диабеті және өкпенің обструктивті ауруы, созылмалы ауруы бар азаматтар бар. Медицина қызметкерлеріне де вакцина тегін салынады.&nbsp;
<blockquote>
 “Вакцинаны кез келген мемлекеттен аламыз. Қытай бірінші болып шығарса, Қытайдан аламыз. Ресей бірінші шығарса, сол мемлекеттен аламыз. Жамбыл облысындағы дәрі-дәрмек шығаратын зауыт бірінші болып шығарса, содан аламыз”, – деп атап көрсетті Қожахмет.
</blockquote>
Қазақстанға келетін 3 миллионнан астам вакцинаның басым бөлігі тегін таратылса, қалғаны сатылады. Бағасы&nbsp; 4,2-8 мың теңгенің айналасында болады.
<blockquote>
 “Адамдар өз еркімен вакцина салдырамын десе, өз ақшасына сатып алады”, – деді ол.&nbsp;&nbsp;
</blockquote>
Айта кетейік, COVAX Facility бағдарламасына бірқатар халықаралық ұйымдар бастамашы болды. Олар – Иммунизация мен вакциналар жөніндегі жаһандық альянс (GAVI), Эпидемияларға дайындықты қамтамасыз ету саласындағы инновациялар үшін коалиция, (CEPI) және Дүниежүзілік денсаулық ұйымы. Сондай-ақ, вакцина өндірушілер мен халықаралық корпорациялар қолдау білдірді.&nbsp;
GAVI-мен келісім жасайтын мемлекеттер 31 тамызға дейін 15 проценттік алдын ала төлемді аударып беруі тиіс. Ал вакцина түскенде толық сома төленеді.

Коронавирусқа қарсы вакцинаның құны қанша болады?

<a href="https://kyzylorda-news.kz/">Kyzylorda-news.kz.</a> Қазақстанда 6 тамыз 23:59-дағы эпидемиологиялық жағдай бойынша 980 адам коронавирус жұқтырған, деп хабарлайды &nbsp;<a href="https://www.coronavirus2020.kz/kz/kazakstandagy-koronavirus-boyynsha-6-tamyz-23-59-dagy-epidemiologiyalyk-zhagday_a3680759">coronavirus2020.kz</a>&nbsp;сайты.
Оның ішінде 502 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы –&nbsp;186&nbsp;/ 75
Алматы қаласы –&nbsp;175&nbsp;/ 111
Шымкент қаласы –&nbsp;26&nbsp;/ 15
Ақмола облысы –&nbsp;31&nbsp;/ 19
Ақтөбе облысы –&nbsp;2&nbsp;/ 0
Алматы облысы –&nbsp;46&nbsp;/ 36
Атырау облысы –&nbsp;44&nbsp;/ 41
Шығыс Қазақстан облысы –&nbsp;92&nbsp;/ 29
Жамбыл облысы –&nbsp;40&nbsp;/ 20
Батыс Қазақстан облысы –&nbsp;58&nbsp;/ 22
Қарағанды облысы –&nbsp;85&nbsp;/ 35
Қостанай облысы –&nbsp;35&nbsp;/ 8
Қызылорда облысы –&nbsp;33&nbsp;/ 18
Маңғыстау облысы –&nbsp;33&nbsp;/ 28
Павлодар облысы –&nbsp;22&nbsp;/ 6
Солтүстік Қазақстан облысы –&nbsp;45&nbsp;/ 22
Түркістан облысы –&nbsp;27&nbsp;/ 17
Жалпы ел бойынша ауырғандар саны 96 922.

Қызылордада өткен тәулікте 33 адам коронавирус жұқтырды

<a href="https://kyzylorda-news.kz/date/2020/08/06/">Kyzylorda-news.kz.</a> Танымал педиатр дәрігер Евгений Комаровскийдің айтуынша, әлеуметтік ара қашықтықты ұстау мүмкін емес жерде міндетті түрде маска тағу керек. Ол коронавирус індеті кезінде мектепте сабақ оқуға қатысты пікір білдірді, деп хабарлайды <a href="https://lenta.inform.kz/kz/evgeniy-komarovskiy-zhabyk-nysanda-mindetti-turde-maska-tagu-kerek_a3680545">ҚазАқпарат.</a>
<blockquote>
 «Балалар, әрине, мектепте оқуы керек. Әр сыныпта термометр мен гигрометр болуы тиіс. Ауа температурасы 18-20 градус, ал ылғалдылық мөлшері 60 болуы керек. Бұл Қазақстан Республикасының заңында бар. Сабақ уақыты 45 минут емес, 30 минут болуы қажет. Сыныпты жиі желдетіп тұру, мүмкіндік болса, екі ауысыммен оқу керек. Дене шынықтыру сабағы күнде және ашық аспан астында болуы тиіс», – дейді Комаровский.
</blockquote>
Дәрігердің айтуынша, бір жылдан кейін әлдеқайда жеңіл болады және коронавирус дәрігерлер үшін қалай емдеу керек екені белгілі ауру түріне айналады.
<blockquote>
 «Біз түбі осыған келеміз. Жақсы көретін адамдарыңызды бағалаңыздар. Қазақстан тұрғындарына бұл сынақтан еңсені тік ұстап өтуді тілеймін және өздеріңізге «Мен ауырып қалмас үшін немесе ауру жеңіл өтуі үшін не істедім?« деген сұрақ қойыңыздар. Сонда бәрі түсінікті болады. Үйдің шаңын сүртіп, желдетіп, таза ауада көп болыңыздар», – дейді ол.
</blockquote>
Ол қай мемлекет коронавируспен жақсы күресіп жатқаны туралы айту мүмкін емес екенін жеткізді.
<blockquote>
 «Бізде коронавирус туралы бірыңғай статистика жоқ. Алдымен бірыңғай статистиканы шығару керек. Көп жағдайда статистикаға саясат әсер етеді. Кейбір мемлекет ауырған жағдайларды көрсетеді, кейбірі көрсетпейді. Сақтандыру компаниялары қалай төлейтіні қатты ықпал етеді. Бұл фактінің де әсері бар. Статистиканың қорытындысы коронавирус жағдайы аяқталғанда ғана шығады. Мысалы, шартты түрде Швецияда 600 адам, ал Данияда 400 адам көз жұмғанын жазамыз. Осындай кезде әр мемлекеттің ерекшелігін ескеруіміз керек. Мысалы, Жаңа Зеландияда жағдай тәуір болған, бірақ шекараны ашқаннан кейін күрт нашарлап кетті. Бізге коронавируспен бірге өмір сүріп үйрену керек», – дейді дәрігер.
</blockquote>

Евгений Комаровский: Жабық нысанда міндетті түрде маска тағу керек

<a href="https://kyzylorda-news.kz/date/2020/08/06/">Kyzylorda-news.kz.</a> Қазақстанда өткен тәулікте 1840 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz/kazakstandagy-koronavirus-boyynsha-5-tamyz-23-59-dagy-epidemiologiyalyk-zhagday_a3680358">coronavirus2020.kz</a>&nbsp;сайты.
Аймақтар бойынша
Нұр-Сұлтан қаласы –&nbsp;172
Алматы қаласы –&nbsp;164
Шымкент қаласы –&nbsp;37
Ақтөбе облысы –&nbsp;365
Алматы облысы –&nbsp;449
Атырау облысы –&nbsp;33
Шығыс Қазақстан облысы –&nbsp;209
Жамбыл облысы –&nbsp;55
Батыс Қазақстан облысы –&nbsp;31
Қарағанды облысы –&nbsp;38
Қостанай облысы –&nbsp;48
Қызылорда облысы –&nbsp;5
Маңғыстау облысы –&nbsp;19
Павлодар облысы –&nbsp;163
Солтүстік Қазақстан облысы –&nbsp;37

Қазақстанда өткен тәулікте 1840 адам коронавирустан емделіп шықты

Kyzylorda-news.kz. Қызылорда облыстық қан орталығы аймақта COVID-19 инфекциясымен ауырған науқастардан иммунды плазма дайындауды бастады.
Науқастан иммунды плазманы алар алдында оған COVID-19 инфекциясына қарсы қанында антиденелердің бар немесе жоқтығы тексеріледі.
<blockquote>
 “Көбіне антиденелер COVID-19 ауруының ауыр түрімен ауырған науқастарда болады. Бүгінгі таңда осы иммунды плазма 5 науқасқа құйылды. Облыс көлемінде COVID-19 ауруынан жазылып шыққан тұрғындарды иммунды плазма тапсыруға шақырамыз. Иммунды плазма ауыр халдегі науқастардың жазылып шығуына септігін тигізеді”,- делінген хабарламада.
</blockquote>
COVID-19 ауруымен ауырып шыққан облыс тұрғындары осы инфекцияға қарсы иммунитеті бар немесе жоқтығын білгісі келсе, облыстық қан орталығында ақылы түрде тексерілуге болады.
Иммунитеті бар облыс тұрғындары қалауы бойынша иммунды плазма тапсырып, оны ақылы түрде облыстық қан орталығының плазма банкісінде сақтап қоюға мүмкіндік бар. Келешекте жоғарыдағы індетпен ауырған жағдайда өз плазмасын өзіне пайдаланады. Плазманы 3 жылға дейін сақтауға болады.
<img src="https://kyzylorda-news.kz/wp-content/uploads/2020/08/fb_img_1596686058714.jpg" alt="" />
<img src="https://kyzylorda-news.kz/wp-content/uploads/2020/08/fb_img_1596686060948.jpg" alt="" />

Қызылордада короновируспен ауырған науқастардан иммунды плазма дайындалуда

Kyzylorda-news.kz. Шиелі ауданы бойынша пандемия кезінде аудан кәсіпкерлерінің қолдауымен ауруханаға оттегі концентраттары сыйға берілді.
Қазір індетті жеңуге әрбір адам өзіндік үлес қосып жатыр. «Бүгінгі күннің батыры» – дәрігерлер де, тәртіп сақшылары да, жомарт кәсіпкерлер мен жалынды жастар және еріктілер игі істерді қолға алып, жанға қуат, көңілге медет сыйлауда.
Атап айтар болсақ, кәсіпкер Насыр Мырзабек бастаған бірқатар шағын және орта бизнес өкілдері ауруханаға 1 дана оттегі концентраты, 2 дана оттегі баллоны, «Мұнайқұрылыс» көп салалы құрылыс фирмасы – 2 дана оттегі концентратын, жеке кәсіпкер Мәден Әлжанов 10 дана редуктор сыйға тартты. Сонымен қатар «Шұғыла» қоғамдық қоры есебінен 13 дана оттегі концентраты пайдалануға берілді.
Осындай қиын кезеңде қолдау білдірген аудан кәсіпкерлеріне ақ халатты абзал жандардың айтар алғысы шексіз.
<img src="https://kyzylorda-news.kz/wp-content/uploads/2020/08/fb_img_1596683002596.jpg" alt="" />

Қазақстан және Қызылорда облысының жаңалықтары: COVID-19

Қызылорда облысындағы ауруханаларға 54 оттегі концентраторы жеткізілді

COVID-19 жұқтырған аналар баланы емізуді тоқтатпауы керек – ДДСҰ төрағасы

Қызылордада 12 мыңнан астам адамның зейнетақысы үйіне жеткізілді

Гуманитарлық жүктер өңірлерге 1 күннің ішінде жіберіледі

Денсаулық вице-министрі коронавирустың екінші толқыны туралы айтты

Салықтық тексерулер қысқарды

Коронавирусқа қарсы вакцинаның құны қанша болады?

Қызылордада өткен тәулікте 33 адам коронавирус жұқтырды

Евгений Комаровский: Жабық нысанда міндетті түрде маска тағу керек

Қазақстанда өткен тәулікте 1840 адам коронавирустан емделіп шықты

Қызылордада короновируспен ауырған науқастардан иммунды плазма дайындалуда

Шиелі кәсіпкерлері аудандық ауруханаға сый жасады

Қазақстан және Қызылорда облысының жаңалықтары: COVID-19

Қызылорда облысындағы ауруханаларға 54 оттегі концентраторы жеткізілді

COVID-19 жұқтырған аналар баланы емізуді тоқтатпауы керек &#8211; ДДСҰ төрағасы

Қызылордада 12 мыңнан астам адамның зейнетақысы үйіне жеткізілді

Гуманитарлық жүктер өңірлерге 1 күннің ішінде жіберіледі

Денсаулық вице-министрі коронавирустың екінші толқыны туралы айтты

Салықтық тексерулер қысқарды

Коронавирусқа қарсы вакцинаның құны қанша болады?

Қызылордада өткен тәулікте 33 адам коронавирус жұқтырды

Евгений Комаровский: Жабық нысанда міндетті түрде маска тағу керек

Қазақстанда өткен тәулікте 1840 адам коронавирустан емделіп шықты

Қызылордада короновируспен ауырған науқастардан иммунды плазма дайындалуда

Шиелі кәсіпкерлері аудандық ауруханаға сый жасады

COVID-19 жұқтырған аналар баланы емізуді тоқтатпауы керек – ДДСҰ төрағасы