<a href="https://kyzylorda-news.kz/">Kyzylorda-news.kz.</a> Карантиндік шектеулердің әсері өңірдегі эпидемиологиялық ахуалдың жақсаруына, вирус динамикасының тұрақтануына алып келді.
Індет өршіген кезден бергі жағдаймен салыстырғанда вирус жұқтырғандар саны азайып, сауығып шыққандар қатары көбейді. Бүгінгі күні инфекциялық стационарда 51 адам ем алуда. Аудандардағы ауруханалар ішінен ашылған провизорлық стационарлар жабылуда. Мәселен, кеше Жаңақорған ауданының ауруханасынан соңғы науқас айығып шығып, үйіне оралды. Емдеу мекемелері жоспарлы қабылдауға қайта кірісуде.
Індетті өршітпеу мақсатында өңірде 6 компьютерлік томография жұмыс істеп тұр. Дегенмен, әлі де 2 аппаратқа қажеттілік бар. Дегенмен,рентген аппаратын алу бір ай ішінде 2 есеге өсті. Бұрын 22 аппарат болса, қазір 52 аппаратқа дейін жетіп отыр. Өкпені жасанды желдету аппараттары да қажеттілікке қарай алынған. Шілде айында аппарат саны 64 болса, жаңадан 53 ИВЛ аппараты алынды. Тұрақты қолдау шараларының нәтижесінде аймақта барлығы 431 оттегі концентраторы, 896 оттегі баллондары бар. Ал өңірде 10 ПТР аппараттары халыққа қызмет жасап, тәулігіне 1500 сынама анализдер алуға мүмкіндік берді.
Вирусты болдырмауда дәрі-дәрімектің қорын жасақтау маңызды. Облыста барлық медицина мекемелері дәрілік заттармен және қорғаныш құралдарымен қамтамасыз етілді. Бүгінгі күні қажеттілік есепке алынып, емдеу мекемелерінде 2 айға жетерлік қор қалыптасты. Ал, дәріханаларда 1 айға жетерлік қоры жасақталды.
Өңірде жедел-жәрдем шақыртулары да азайды. Маусым айындағы шақырту санымен салыстырғанда бүгінде науқастардың қоңыраулары екі есеге төмендеген. Бұрын 2120 шақыру түссе, қазір шақырту 1001-ді құрап отыр. Демек, жүктеме төмендеді. Шектеу шараларының оң әсерінен стационарға жеткізілген адамдар саны 8 есеге қысқарды. Маусымдық көрсеткіш 450 болса, шілдеде 57-ге төмендеді. Жеке азаматтардың қауіпсіздікті сақтап, оқшауланып, қажетті ем-шараларын алуына ақпараттық түсіндірме жұмыстарының оң әсері тиді. Өңірде 24 сағат call орталығы жұмыс жүргізіп, 161 мобильді топ құрылды. Біліктікті дәрігерлердің қатысуымен «Дәрігер сағаты» бағдарламасы ашылып, тікелей эфирде халыққа қажетті ақпарат ұсынылды. БАҚ пен әлеуметтік желіде 37887 материал, 220 брифинг өткен.
Соңғы апталық ахуалдың жақсаруына сәйкес медицина мамандары тұрғындардың карантиндік талаптарды сақтап, оқшаулану қағидасымен жүру қажеттігін сұрайды. Тек шектеулердің нәтижесінде ғана айыққандар саны көбейіп, вирус індетін түбегейлі жою мүмкіндігі болады.

Қызылордада карантиндік шектеулердің әсерінен  вирус динамикасы тұрақталып келеді

Kyzylorda-news.kz. Бүгін Арал ауданаралық ауруханасына «Аралтұз» АҚ мен «Аралсода» ЖШС-нің демеушілігімен алынған медициналық құрал-жабдықтар табысталды.
Арал ауданының әкімі Мұхтар Оразбаев ауруханаға қажетті заттарды алуға ауқымды қаржы бөліп, демеушілік жасағаны үшін компания басшыларына аудан халқының атынан алғысын жеткізді. Сонымен қатар, аудан басшысы халықтың саулығы үшін қызмет етіп жүрген ақ халатты жандардың жұмыстарына табыс тіледі.
Аралтұз АҚ мен «Аралсода» ЖШС бюджетінен бөлінген 50 миллион теңге көлеміндегі ақшалай қаражатқа ауданның провизорлық стационарларының қажеттіліктері анықталып, керекті медициналық құралдар мен материалдар алынды. Қайырымдылық көмек аясында 23 оттегі концентраты, 200 медициналық төсек пен 400 төсек орын жабдығы, 200 медициналық қорғаныс құралы мен маска жиынтықтары табыс етілді. Көмек көрсетудің келесі кезеңінде, яғни, қыркүйек айында 2 жедел жәрдем машинасы, 100-ден астам газ баллон, сәулелендіргіш, медициналық функционалды төсек ауруханаға берілетін болады.
Айта кетейік, ауруханаға берілген төсек жабдықтарының барлығы «Арал қаласы бойынша мүмкіндігі шектеулі мүгедектерді қолдау мен қорғау бірлестігінің» төрайымы Индира Жұмашеваның тігін шеберханасында тігілген.
<blockquote>
 «Біз бәріміз де Қазақстанда тұрып, жұмыс істеп жатырмыз. Бұл біздің үйіміз. Осында менің жақындарым, менің балаларым өмір сүреді.Әлеуметік жауапты компанияның басшысы ретінде мен де ұжым да қалыс қала алмаймыз. Арал ауданында шұғыл медициналық қажеттіліктердің бар болғанын түсіне отырып ,аудандық аурухана үшін медициналық жабдықтарды сатып алуға шешім қабылдадық. Компания тобы Арал тұрғындарына барынша көп қолдау мен көмек көрсетуге тырысуда», – дейді «Аралтұз» АҚ Президенті Айдынбек Тауасаров.
</blockquote>
<img src="https://kyzylorda-news.kz/wp-content/uploads/2020/08/fb_img_1597138310023.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597138313449.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597138303890.jpg" alt="" />

Арал ауданаралық ауруханасына медициналық құрал-жабдықтар табысталды

<a href="https://kyzylorda-news.kz/date/2020/08/11/">Kyzylorda-news.kz.</a> Қызылорда облысының денсаулық сақтау басқармасының басшысы Пазилов Сабит Бексеитұлы Арал ауданына жұмыс сапарымен барды.
Алдымен Арал ауданаралық ауруханасының жұмысымен танысқан басқарма басшысы аурухананың қазіргі ахуалымен, оның ішінде провизорлық, инфекциялық стационар жұмыстарына қанықты.
210 төсек орынға арналған Арал ауданаралық ауруханасында 1440 қызметкер жұмыс жасайды. 
Сондай-ақ, 100 провизорлық төсек орын, 20 инфекциялық төсек орын ұйымдастырылған.
Қазіргі таңда провизорлық стационарда 18 науқас ем алып жатса, инфекциялық стационарда ем алып жатқан науқас жоқ.
Эпидемиологиялық ахуал басталғалы бері провизорлық стационарда 225 науқас емделіп шықса, инфекциялық стационарда аудан бойынша 52 науқас емделіп шықты. 
Ауруханада 9 ИВЛ аппараты, 33 кислородты концентраторы бар. Аурухана 2017 жылы жаңа типтік ғимаратқа көшкен.
Одан соң, басқарма басшысы Сабит Бексеитұлы Сексеуіл ауылдық ауруханасына да барды. 25 төсек орынға арналған Сексеуіл ауылдық ауруханасында 15 емдеу бөлімі, 10 балалар бөлімі бар. Одан бөлек 20 провизорлық орын ашылған.
40 қызметкер жұмыс жасайтын ауруханада айына 70 науқаска дейін жоспарлы және шұғыл емделіп шығады. 
Эпидемиологиялық ахуал басталғалы бері провизорлық стационарда 60 науқас ем алып шықты. Ауылдық ауруханада 4 оттегі концентраторы бар.
Бүгінде Арал ауданында ахуал тұрақты. Кезекті жұмыс сапарымен жол тартқан басқарма басшысы ауданның ахуалды артта қалдырғаны, яғни коронавирус жұқтырып емделіп жатқан науқастың жоқтығы қуантарлық оң жайт екенін атап өтіп, дей тұрғанмен босаңсымай, алдағы уақытта індетпен күресте аянбай еңбек етуді тапсырды.

Арал ауданында эпидахуал тұрақты

<a href="https://kyzylorda-news.kz/date/2020/08/11/">Kyzylorda-news.kz.</a> Премьер-министр Асқар Мамин карантинді жеңілдету жоспарын әзірлеуге тапсырма берді.
Үкімет басшысының айтуынша, бүгінде індеттен жазылып шыққандардың саны 73,6 процентті құрап отыр. Ауруханалардың жүктемесі 61 процентке, ал жедел жәрдемді шақыру көрсеткіші 62 процентке төмендеді.
<blockquote>
 “Осы нәтижелер қабылданып жатқан шаралардың тиімділігін көрсетеді. Қалыптасып отырған эпидемиологиялық жағдайды ескере отырып, денсаулық сақтау министрлігіне карантин шараларын кезең-кезеңімен алып тастау жоспарын мемлекеттік комиссияның қарауына бейсенбі күні енгізуді тапсырамын”, – деді Мамин үкіметтің онлайн отырысында.
</blockquote>

Үкімет басшысы карантинді жеңілдетуді тапсырды

<a href="https://kyzylorda-news.kz/date/2020/08/11/">Kyzylorda-news.kz.</a> Қазақстанда жыл сайын вирустық инфекциялар мен тұмауға 1 миллионға жуық адам шалдығады. Күзде оған коронавирус та қосылуы мүмкін. Бұл туралы денсаулық сақтау министрлігінің ресми өкілі Бағдат Қожахмет мәлімдеді.
<blockquote>
 “Биыл күзде коронавирус күшейеді деген болжам бар. Сол кезде жіті респираторлық вирустық инфекциялар мен тұмаудың маусымы басталады. Соның аясында коронавирустың жаңа толқыны болады деген болжам бар”, – деді Қожахмет орталық коммуникациялар қызметінде өткен онлайн брифингте.
</blockquote>
Оның айтуынша, соңғы 5-7 жылдың ішінде Қазақстанда қазан мен наурыз аралығында ЖРВИ мен тұмауға шалдыққандардың жалпы саны 600 мыңнан бастап 1 миллион адамға дейін барған.
Оның сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар.
Министрліктің ресми өкілі дәрі-дәрмектің қорына да тоқталды. Оның сөзіне қарағанда, “СК-Фармация” ЖШС жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленеді.
Ал&nbsp; амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмыстары аяқталуға жақын. Ол препараттар 1 миллион пациентке жетеді. Тегін дәрілердің ішінде “Парацетамол”, “Ибупрофен”, “Ривароксабан”, “Апиксабан” мен “Дабигатран” деген препараттар бар. Бұның барлығы емхана арқылы таратылады.
<a href="https://sputniknews.kz/society/20200810/14676965/tumau-COVID-densaulyq.html">Sputniknews</a>

Коронавирус пен тұмау: денсаулық министрлігі күзде не болатынын болжады

<a href="https://kyzylorda-news.kz/">Kyzylorda-news.kz.</a> Қан құю арқылы коронавирус індетінен айықтыруға болады. Облыстық қан орталығы мамандары COVID-19 инфекциясымен ауырған науқастардан иммунды плазма дайындауды бастады.
Осы кеселдің орташа немесе ауыр түрімен ауырғандардың кейбірінде ауруға қарсы иммунитет пайда болатын көрінеді. Орталық мамандары осыған дейін кеселді жеңген 25 адамнан сынама алып, оның 17-де дертке қарсы антидене бар екендігін анықтаған.
Германиядан әкелінген 100 сынама тест 1 сағат ішінде адамда COVID-19-ға қарсы иммунитет бар жоғын анықтап береді. 
Облыстық қан орталығы мамандары осы уақытқа дейін короновирустың ауыр түрімен науқастанып жатқан 5 адамға иммунды плазманы құйып көрген. Нәтижесінде олардың бәрі ауруына айыққан. Бұл антиденелер COVID-19 ауруымен ауырып шыққан тұрғынның бойында 3 айға дейін вирусқа қарсы күреседі.
Аймақ тұрғындары осы инфекцияға қарсы иммунитеті бар немесе жоқтығын білгісі келсе, облыстық қан орталығында ақылы түрде тексерілуге болады. Егер иммунитеті бар болса қалауы бойынша иммунды плазма тапсырып, оны ақылы түрде облыстық қан орталығының плазма банкісінде сақтап қоя алады. Келешекте жоғарыдағы індетпен туысы науқастанса немесе өзі қайталап ауырған жағдайда өз плазмасын өзіне пайдалануға жарамды. Плазма бұл жерде 3 жылға дейін сақталады.
Облыстық қан орталығының мамандары соңғы уақытта донорлардың екі есеге азайып кеткенін айтады. Иммунды плазма дайындау мақсатында COVID-19 ауруымен ауырып шыққан тұрғындарға қан тапсырып, өзгеге өмір сыйлауға шақырады.

Қызылордалық мамандар науқастардан иммунды плазма дайындауды бастады

Kyzylorda-news.kz. ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінен орталықтандырылған сатып алу қызметі негізінде Қызылорда облысының санитарлық-эпидемиологиялық қызметіне 5 жаңа қызметтік автокөлік берілді.
Бұған дейін тозығы жеткен көліктермен ауру ошақтарына уақытылы жету мәселесі қиындық тудырған еді. Әсіресе бұл аудандарда, шалғай елді мекендерде өзекті.
Бұдан былай су жаңа ВАЗ-2121 көліктері Қызылорда қаласы, Арал, Жалағаш, Жаңақорған аудандық тауарлар мен көрсетілетін қызметтердің сапасы мен қауіпсіздігін бақылау басқармаларына үлестіріліп, қызмет көрсетуге дайын. Бұл көліктер жылдам әрі сапалы қызмет көрсетуге мүмкіндік жасайды
Жыл соңына дейін дәл осындай 5 көлік беріледі деп күтілуде.
<img src="https://kyzylorda-news.kz/wp-content/uploads/2020/08/img-20200810-wa0027.jpg" alt="" />

Қызылордалық эпидемиологтар ауру ошақтарына жаңа көліктермен баратын болды

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі коронавирусты жұқтыру өсімінің тоқтатылғанын мәлімдеді.
<blockquote>
 “Қазақстанда коронавирусты жұқтыру өсімі тоқтатылды. Ел бойынша жағдай айтарлықтай жақсарды. Атқарушы билік ахуалды қатаң бақылауда ұстап отыр. Медициналық қауымдастықтың санитарлық-эпидемиологиялық қызметі өзіне жүктелген міндетті толықтай орындап жатыр. Осылайша, еліміз ең күрделі кезеңді артта қалдырды десе болады”, – деді министрліктің ресми өкілі Бағдат Қожахмет орталық коммуникациялар қызметінде өткен онлайн брифингте.
</blockquote>
Оның айтуынша, жеткен жетістікке қуанып, босаңсуға болмайды. Ендігі міндет – індетті жұқтыру мен өлімді тоқтату.&nbsp;
<blockquote>
 “Осы ретте барша қазақстандықтарды санитарлық ережелерді орындауға шақырамыз”, – деп атап көрсетті Қожахмет.
</blockquote>
Министрлік өкілі бүгіннен бастап әрбір дүйсенбі сайын брифинг өткізетінін де жеткізді. Осылайша, денсаулық сақтау министрлігі арқылы халықтың үнін тыңдайтын мемлекетті көрсеткіміз келеді дейді.
Айта кетейік, соңғы тәуліктің ішінде республика бойынша коронавирус жұқтырған 741 адам тіркелді. 23 науқас қайтыс болды. Жалпы, осы уақытқа дейін 99 442 қазақстандық коронавирусқа шалдыққан. Осы уақытқа дейін 1 269 науқас көз жұмды.&nbsp;
Бұдан бөлек, 1 тамыздан бастап коронавирусқа ұқсас пневмониялар да есепке алынады. Бірақ&nbsp; статистика бөлек көрсетіледі. Оған сәйкес, 10 тамыздағы жағдай бойынша коронавирустық пневмонияға шалдыққан 13 280 адам тіркелген. 9 күннің ішінде 164 науқас көз жұмды. Ал соңғы бір тәуліктің ішінде 159 пациент анықталып, 12 пациент қайтыс болды.&nbsp;
<blockquote>
 “Қазіргі уақытта коронавирустық инфекциядан 25 650 адам ем қабылдауда. Олардың ішінде 105 бала бар. Стационарларда 4 713 науқас жатыр. 20 937 адам амбулаториялық жағдайда емделуде. Жалпы, науқастардың арасында 246 адамның жағдайы нашар. Соның ішінде 69 науқастың өте ауыр хәлде. 70 науқас өкпені жасанды желдету аппаратына қосылған”, – дейді министрлік мамандары.
</blockquote>
<a href="https://sputniknews.kz/society/20200810/14674136/qazaqstan-koronavirus.html">Sputnik</a>

COVID-19: денсаулық министрлігі жағымды жаңалықты бөлісті

<a href="https://kyzylorda-news.kz/">Kyzylorda-news.kz.</a> Жыл басынан бері Қазақстанда Кавасаки синдромына шалдыққан үш бала тіркелді. Бұл туралы денсаулық сақтау министрлігінің ресми өкілі Бағдат Қожахмет мәлім етті, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Жыл басынан бері елімізде Кавасаки синдромына шалдығудың үш жағдайы тіркелген. Нұр-Сұлтан, Алматы мен Петропавл қаласында. Балалардың жағдай әртүрлі. Мәселен, жақында мен елорданың денсаулық сақтау басқармасының басшысымен сөйлестім. Оның сөзіне қарағанда, баланың жағдайы тұрақты. Бірақ бұл – өте ауыр синдром”, – деп атап көрсетті Қожахмет.&nbsp;
</blockquote>
Министрліктің ресми өкілі жыл басынан бері коронавирусқа шалдыққан балалардың санын да жариялады.&nbsp;
<blockquote>
 “13 наурызда бізде коронавирус жұқтырған алғашқы адам тіркелді. Содан бері 2 257 бала коронавирустық инфекцияға шалдықты. Осы балалардың ішінде дәл қазір 114 бүлдіршін ауруханада ем алып жатыр”, – деп атап көрсетті Қожахмет.
</blockquote>
Коронавирус инфекциясы ересектерде тромбоэмболия тудыруы мүмкін, ал балаларда Кавасаки синдромын өршітеді. Ауру дене қызуын көтеріп, әлсіздік пен аяқ-қолда аллергия сияқты бөртпе пайда болады. Жүрек соғысы да жиілей түседі.
Бұған дейін Италия, Ұлыбритания және АҚШ-та коронавирус инфекциясы бар балаларда осындай асқынулар тіркелген болатын. Мұндай жағдайда балалардың орта және кіші артериялары зақымдалады.
Синдром белгілері: аяқтың ісінуі, көздің қызаруы, диарея, құсу.

Қауіпті синдром – балаларда анықталып жатқан дерт туралы ақпарат жарияланды

Kyzylorda-news.kz. Коронавирустық инфекцияның өсуі қашан нөлге тең болады? COVID-19 індетінің екінші толқыны қашан болады деп күтілуде? Бұл туралы Денсаулық сақтау министрі Алексей Цой Орталық коммуникациялар қызметінің алаңында айтып берді.
Денсаулық сақтау министрі елімізде жыл сайын күзгі-қысқы кезеңде ЖРВИ және тұмау ауруларының саны артатынын еске салды. Денсаулық сақтау министрлігі қазіргі COVID-19 пандемиясын ескере отырып, дайындық жұмыстарын жүргізуде. Ол үшін жыл сайын тұмауға қарсы егу жоспарланған. Сонымен қатар, республиканың бас дәрігерінің айтуынша, денсаулық сақтау жүйесінің барлық ресурстары дайындалуда.
<blockquote>
 «Жұмыс істеп тұрған және резервтегі төсек-орындар толықтай дайын. ПТР-тестілеу үшін қосымша қорлар әзірленуде. Қоймаларда және бөлшек сауда желісінде дәрілік заттар жинақталуда. Өңірлерде медициналық ұйымдар үшін жеке қорғаныс құралдарының қорлары құрылады. Коронавирусқа ұқсас пневмониямен ауырған науқастарға емханалар деңгейінде көмек көрсету үшін емдеу схемалары дайындалуда. Мұндай ауруларды емдеуге арналған препараттардың тізімі беске дейін кеңейтілді, олар пневмония мен COVID-19 түрлерін ерте кезеңде емдеу үшін практикада қолданылатын болады. Барлық өңірлер ӨЖЖ аппараттарын, оттегі концентраторларын сатып алады. Біз күзгі-қысқы кезеңде көптеген аурулар бойынша көрсеткіштердің өсуіне әзірленудеміз және бұл өсу бұрын енгізілген карантиндік шаралармен, карантиннен кезең-кезеңмен шығу шараларымен бәсеңдейді деп үміттенеміз. Егер сырқаттанушылық күрт өсетін болса, қосымша шаралар енгіземіз», – деп сендірді Денсаулық сақтау министрі.
</blockquote>

Қазақстанда індет бойынша болжам қандай?

Kyzylorda-news.kz. Ақтөбеде коронавируспен ауыратын балалардан Кавасаки синдромын&nbsp;анықтай бастады, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
<blockquote>
 «Ересектерде CVI тромбоэмболияны, балаларда – Кавасаки синдромын тудырады. Ауру жоғары қызба, әлсіздік, бөртпелермен көрінеді, аллергия сияқты, қолда, аяқда, кеудеде жиі кездеседі, сондай-ақ тахикардия болады. Жалпы балалар CVI-ді көп жұқтырмайды деп айтылады. Бірақ COVID-19 ауруы бар адамдардың 80 пайызы – асимптоматикалық емделушілер, оларда аурудың асқынуы болуы мүмкін, әсіресе балаларда – Кавасаки синдромы байқалуы мүмкін», – деді Ақтөбе облысының жұқпалы аурулар ауруханасының бас маманы Мейрамбек Құрманғазин.
</blockquote>
Денсаулық сақтау бөлімінің басшысы Самат Даньяровтың айтуынша, облыстық балалар ауруханасында екі балада мультисистемалы қабыну синдромы расталды. Олар 5 және 15 жаста. Оларды ауыр хәлде қабылдады, енді оларды тұрақты бөлімге ауыстырды, олардың өміріне қауіп төніп тұрған жоқ.
<blockquote>
 «Дәрігерлер педиатрия және балалар хирургиясы институтының медицина ғалымдарымен телемедицина сеанстарын өткізді, қазір емделуде. Кавасаки синдромына күдікпен бес бала ауруханаға түсті, олардың үшеуіне диагноз қойылмаған», – деді Даньяров.
</blockquote>
Дәрігерлер ата-аналарға COVID-19 асқынуының алғашқы белгілері пайда болған кезде дәрігерден кеңес алуға шақырды. Емделуді мүмкіндігінше тезірек бастау үшін пациенттерді оқшаулау керек.
Кавасаки ауруы (сонымен қатар Кавасаки синдромы деп аталады) – бұл сирек кездесетін ауру, оны алғаш рет 1967 жылы сипаттаған жапон дәрігері. Ол ең алдымен қан тамырларының қабынуымен, сонымен қатар бөртпелермен, бездердің және құрғақ еріндердің ісінуімен сипатталады және тек бес жасқа дейінгі балаларға ғана әсер етеді.

Қазақстанда балалардан Кавасаки синдромы анықталып жатыр

<blockquote>
 “Ең қауіптісі – симптомсыз науқастар. Оларда ауру белгілері болмайды, алайда олар айналасына жұқтырады. Бүгінгі күні алғашқы медициналық көмек тиімді емес. Анықтау және табылуы – 4-14%, яғни пациенттердің 85 пайызы медициналық қызмет көрсету шеңберінен тыс қалуы мүмкін.
</blockquote>
Егер олар (симптомсыз науқастар – ред.) тасымалдаушы екенін білген жағдайда, үйде өзін-өзі оқшаулау тиімдірек болады. Көпшілігі анамнезді білгені жөн. Егер олар қоғамдық орындарда, көпшілік жаппай жиналатын жерлерде, тойларда болса, онда вирусты тасымалдаушы адам болады. Бірақ мұны тек зертханалық зерттеулер арқылы анықтайды.
<blockquote>
 Коронавирус үшін бұл өте тиімді. Тасымалдау – аурудың ең қауіпті кезеңі”, – деп түсіндірді дәрігер.
</blockquote>
<a href="https://kaz.nur.kz/1868398-kazakstandyk-driger-simptomsyz-naukastar-e-kauipti.html">Nur.kz</a>

Қазақстан және Қызылорда облысының жаңалықтары: COVID-19

Қызылордада карантиндік шектеулердің әсерінен вирус динамикасы тұрақталып келеді