<a href="https://kyzylorda-news.kz/">Kyzylorda-news.kz</a> Аймақтың кәсіпкерлік саласын дамыту мақсатында құрылған «Қызылорда» Өңірлік инвестициялық орталығы арқылы 10 жылда 15,5 млрд теңгеге 2779 жоба қаржыландырылған. Нәтижесінде 3140 жаңа жұмыс орны ашылып, кәсіпкерлер бюджетке 2 млрд теңгеге жуық салық төлеген. Бұл жайлы Өңірлік орталық директорының орынбасары Досжан Анасбаев айтты.<blockquote>«Жобаларды қарастыру барысында Орталық ауылдық елді мекендерге басымдық берді. Мәселен, он жылда Өңірлік орталық арқылы қаржыландырылған 2779 жобаның 2595-і аудандар, ондағы елді мекендер, сондай-ақ Қызылорда қаласына қарасты ауыл азаматтарының кәсіпкерлік бастамасы», - дейді Орталық директорының орынбасары.</blockquote>Кәсіпкерлік мақсаттағы мемлекеттік қолдау тетіктерін алу барысында ауылдық елді мекен тұрғындары қиналатын кей мәселелер бар. Мысалы, несие алу үшін қойылатын кепіл мүлік. Бұл жағына келгенде Өңірлік орталық мәселені жан-жақты қарастырып, оңтайлы шешілуіне аса мән береді. Кепілге жылжымайтын мүліктен сабан үйге дейін, сондай-ақ жер телімдерін де алады.Былтыр Өңірлік орталық 1,4 млрд теңгеге 129 жобаны қаржыландырды.<blockquote>«Біз қазір жобаларды қаржыландыруда басымдықты өндірістік салаға беріп жатырмыз. Бұл жағынан аймақ басшысы Нұрлыбек Машбекұлы жергілікті тауарөндірушілердің қатарын арттыру жөнінде нақты тапсырма берді. Өндіріспен айналысудың тиімді екенін жыл өткен сайын кәсіпкерлер де жақсы түсініп келеді. Былтырғы қаржыландырған 129 жобаның 53-і өндірістік, 42-сі қызмет көрсету саласынан болса, 25-і агроөнеркәсіптік кешен саласындағы жобаларды қамтиды», - деді Досжан Анасбаев.</blockquote>Осы орайда, шалғай аудан, ауыл тұрғындары жобаларын ұсынуда облыс орталығына келіп, уақыт жоғалтпаса да болады. Жобаларын өздері тұратын қала, ауданның кәсіпкерлік бөлімдеріне тапсырады. Ал аталған бөлім мамандары жобаларды жинақтап, «Қызылорда» Өңірлік инвестициялық орталығына ұсынады.Биыл Өңірлік орталықта өңдеу өнеркәсібін дамытуға 1,3 млрд теңге қаржы қаралып отыр. Кәсіпкерлік мақсаттағы несие 6 пайызбен, 5 жылға дейін беріледі. Бүгінгі күнге дейін қалалық, аудандық әкімшіліктерден 55 өтінім түсті. Бұл өтінімдер несие комитетінде қаралып, 20 жоба қаржыландырылды.Сондай-ақ, Қызылорда қаласының сол жағалауында мемлекеттік бағдарлама аясында ашылып жатқан шағын өндірістік аймақта кәсібін жүргізуге ниетті бизнес иелеріне де Орталық арқылы қолдау көрсету көзделуде. Аталған орталыққа орналасатын кәсіпкерлер құрал-жабдық үшін Өңірлік орталықтан 3 пайызбен несие ала алады.<blockquote>«Қазір Қызылорданың қарқынды дамып жатқанын өздеріңіз де көріп отырсыздар. Оның ішінде сол жағалау қажетті инфрақұрылыммен қамтамасыз етілуде. Соның бірі – мемлекеттің қолдауымен шағын өндірістік аймақты дамытуға жақсы жағдай жасалуда. Шағын өндірістік аймақта орналасқан кәсіпкерлер өнімдерін жанындағы коммуналдық базарға шығарып, тұтынушыларға ұсына алады», - дейді Өңірлік орталық басшысының орынбасары Досжан Анасбаев.</blockquote>Өңірлік орталықтан кәсіпкерлік мақсатта несие алуға ниетті азаматтар қосымша сұрақтар туындаған жағдайда тұрғылықты жеріндегі қала/аудандық кәсіпкерлік бөліміне немесе «Қызылорда» Өңірлік инвестициялық орталығына хабарласа алады. Өңірлік орталықтың байланыс телефоны: 8 /7242/ 40-03-60, 40-02-37.

Кәсіпкерлер екі миллиард теңгеге жуық салық төлеген

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Roca Group директорлар кеңесінің төрағасы Сантьяго де Гомар Рокамен кездесіп, Қызылорда облысында сантехникалық зауыт салу жобасын жүзеге асыру, инвестициялық ынтымақтастықты одан әрі нығайту перспективаларын талқылады. Кездесуге облыс әкімі Нұрлыбек Нәлібаев та қатысты.Үкімет басшысы өнеркәсіптік өндірісті локализациялау экономиканы құрылымдық нығайтудағы басым міндет екенін атап өтті. Осыған байланысты Қазақстан қолайлы инвестициялық ахуал қалыптастыру бойынша белсенді жұмыс жүргізуде.<blockquote>«Қазақстан Президенті Қасым-Жомарт Тоқаевтың экономикалық тұрақтылықты қамтамасыз етудегі басым бағыты аясында отандық өндірісті қолдауға және сыртқы жеткізілімдерге тәуелділікті азайтуға бағытталған импортты алмастыру саясаты белсенді дамып келеді.Қазақстан мен Испания – стратегиялық серіктестер. Сондықтан біз компанияны сенімді серіктес ретінде көреміз және индустриялық даму үшін жоғары технологиялық өндіріс тартуды құптаймыз. Үкімет жобаның сәтті жүзеге асуы үшін қажетті көмек көрсетеді», – деп атап өтті Олжас Бектенов.</blockquote>Жылына 500 мың бұйымға дейін санитарлық-техникалық өнімдер шығаратын жоғары технологиялық зауыт Қызылорда қаласындағы «Өндіріс» индустриялық аймағында орналасады. Осы мақсат үшін жер телімі белгіленді. Кәсіпорын өнімдері ішкі нарыққа және Орталық Азия елдеріне экспортқа шығаруға бағытталған. Жоба құны 70 миллион еуро, 300 жаңа жұмыс орны ашылады. Өндіріске қажетті негізгі бес компоненттің үшеуі Қызылорда облысының өзінен қамтамасыз етіледі.Roca Group директорлар кеңесінің төрағасы Сантьяго де Гомар Рока компания Қазақстанды өңірдегі бизнесті дамытудың стратегиялық алаңы ретінде қарастыратынын атап өтті. Бүгінде Roca Group саладағы әлемдік көшбасшылардың бірі саналады. Компанияның 78 зауыты, 20 мыңнан астам қызметкері бар.<blockquote>«Қазақстан – Орталық Азиядағы жұмыс ауқымын кеңейту үшін қисынды таңдау. Біз елді бүкіл аймақ үшін тиімді жұмыс істей алатын өнеркәсіптік және логистикалық хаб ретінде қарастырамыз. Мұнда өндірісті дамытуға қолайлы жағдай жасалған және Қызылорда облысындағы жоба жергілікті экономиканың дамуына үлес қосып, халықаралық стратегиямыздың маңызды бөлігіне айналатынына сенімдіміз», – деді Сантьяго де Гомар Рока.</blockquote>Кездесуде ҚР Өнеркәсіп және құрылыс министрлігі, Қызылорда облысының әкімдігі және Roca Group инвестициялық жобаны жүзеге асыру қағидаттары туралы негіздемелік келісімге қол қойды. Бұл құжат – тараптардың санитарлық-техникалық бұйымдар өндіретін зауыт жобасын бірлесіп жүзеге асыруға ниетті екенінің ресми дәлелі.Roca Group компаниясымен ынтымақтастық былтырғы желтоқсан айында Қызылорда облысының әкімі Нұрлыбек Нәлібаевтың Испанияға жұмыс сапары барысында басталған болатын. Содан бері инвестормен бірлесіп, бірқатар нәтижелі жұмыс жүргізілді.<blockquote>«Мемлекет басшымыздың инвестиция тарту жөніндегі тапсырмасын орындау аясында біз шетелдік инвесторлармен жүйелі жұмыс жүргізіп келеміз. Roca Group – санитарлық-техникалық бұйымдар өндіру саласындағы әлемдік көшбасшылардың бірі. Бүгін Қызылорда облысы үшін маңызды қадам жасалды, біз компаниямен өндірісті іске қосу жөніндегі негіздемелік келісімге қол қойдық. Аталған зауыт Орталық Азиядағы ірі жобалардың бірі болмақ. Ол ішкі нарықты отандық құрылыс материалдарымен қамтамасыз етуге мүмкіндік береді. Біздің басты мақсатымыз – инвесторға қолайлы жағдай жасап, жобаны сапалы әрі уақытылы іске асыру», – деді Н.Нәлібаев.</blockquote>Бұл бастама өңірдің инвестициялық тартымдылығын арттырумен қатар, жаңа өндірістер құру арқылы тұрғындарды тұрақты жұмыспен қамтуға да мүмкіндік береді.Фото: Қызылорда облысы әкімінің баспасөз қызметі

Қызылорда облысында санитарлық-техникалық бұйымдар өндіретін жаңа зауыт салынады

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Roca Group директорлар кеңесінің төрағасы Сантьяго де Гомар Рокамен кездесу өткізді. Онда Қызылорда облысында сантехникалық зауыт салу жобасын жүзеге асыру мәселелері мен инвестициялық ынтымақтастықты одан әрі нығайту перспективалары талқыланды.Жоба қуаты жылына 500 мың бұйымға дейін санитарлық-техникалық өнімдер шығаратын жоғары технологиялық зауыт салуды көздейді.&nbsp;Өндіріс Қызылорда облысындағы «Өндіріс» индустриялық аймағында орналасады, осы мақсаттар үшін жер телімі белгіленді. Кәсіпорын өнімдері ішкі нарыққа және Орталық Азия елдеріне экспортқа шығаруға бағытталған. Жалпы инвестиция көлемі €70 млн деп бағаланады. Жоба 300-ге жуық жаңа жұмыс орнын ашуға мүмкіндік береді.Roca Group директорлар кеңесінің төрағасы Сантьяго де Гомар Рока компания Қазақстанды өңірдегі бизнесті дамытудың стратегиялық алаңы ретінде қарастыратынын атап өтті. Бүгінгі таңда Roca Group саладағы әлемдік көшбасшылардың бірі саналады. Компанияның 78 зауыты, 20 мыңнан астам қызметкері бар.<blockquote>«Қазақстан – Орталық Азиядағы қатысуымызды кеңейту үшін қисынды таңдау. Біз елді бүкіл аймақ үшін тиімді жұмыс істей алатын өнеркәсіптік және логистикалық хаб ретінде қарастырамыз. Елде өндірісті дамытуға қолайлы жағдай жасалған және Қызылорда облысындағы жоба жергілікті экономиканың дамуына үлес қоса отырып, халықаралық стратегиямыздың маңызды бөлігіне айналатынына сенімдіміз», – деді Сантьяго де Гомар Рока.</blockquote>Премьер-министр Олжас Бектенов өнеркәсіптік өндірісті локализациялау Үкіметтің экономиканы құрылымдық нығайту жөніндегі басым міндеті екенін атап өтті. Осыған байланысты Қазақстан жақсы инвестициялық ахуал қалыптастыру бойынша белсенді жұмыстар жүргізуде.&nbsp;«Қазақстан Президенті Қасым-Жомарт Тоқаевтың экономикалық тұрақтылықты қамтамасыз етудегі басым бағыты аясында отандық өндірісті қолдауға және сыртқы жеткізілімдерге тәуелділікті азайтуға бағытталған импортты алмастыру саясаты белсенді дамып келеді.&nbsp;<blockquote>Қазақстан мен Испания – стратегиялық серіктестер. Сондықтан біз компанияны сенімді серіктес ретінде көреміз және терең индустриялық даму үшін жоғары технологиялық өндіріс тартуды құптаймыз. Үкімет жобаның сәтті жүзеге асуы үшін қажетті көмек көрсетеді», – деп атап өтті Олжас Бектенов.</blockquote>Кездесу соңында тараптар ҚР Өнеркәсіп және құрылыс министрлігі, Қызылорда облысының әкімдігі және Roca Group арасындағы инвестициялық жобаны жүзеге асыру қағидаттары туралы негіздемелік келісімге қол қойды.<img src="https://knadmin.beoblood.kz/uploads/Olzhas_Bektenov_1_311c54926f.jpg" alt="Олжас Бектенов 1.jpg"><img src="https://knadmin.beoblood.kz/uploads/Olzhas_Bektenov_2_fd479a44ab.jpg" alt="Олжас Бектенов 2.jpg"><a href="https://l.facebook.com/l.php?u=https%3A%2F%2Ft.me%2FKZgovernment%2F17229%3Ffbclid%3DIwZXh0bgNhZW0CMTAAYnJpZBExQ0VueDRSWWN4eFFhWGdJagEeeNKvTvDJkt6HCAZrKQDHQH7x1ysI6mxlff-X08g-0q_0suRVZtaNHl89fUM_aem_NIqFhb52NqM4yBvwRVWwkA&amp;h=AT0kw7JwvYlchB0aVTHKofx7pGUgbWSei-koYmpGJlZ7oFWma_u3D65QGlQothv9lunXxmFmWGpI4GFQhV-CD9xsEoUHQ8H3S3__h1OVNqG_POd_7kruSXYkv-X1swVy5uWbjeTSaWxM1aEU&amp;__tn__=-UK-R&amp;c%5b0%5d=AT33B6wQCLihlg-w22sQXoLMHE0H5KLKGjXjrzdxwWlOAmxPsU_i9Eka6VhR4uXuLIEEpfSIcth_hzXGxgbENNab6MYoUFTzfVRy_OJTcR0uXYBGMEAhfxiKGBoGItF1thFkFLZ-vMhHA4v7sXtAskngRJQVeBij6RyX4X6_WNrv9rnbBwYb9ErLExNhLWlmb6JEbiQdiiAbifI3KO17lRVb7oQen5gvQc4wnvkf7sUa8sQRFMfqGKShs6E">https://t.me/KZgovernment/17229</a>

Олжас Бектенов Roca Group компаниясының басшысы Сантьяго де Гомар Рокамен Қызылорда облысындағы зауыт құрылысын талқылады

<a href="https://kyzylorda-news.kz/">Kyzylorda-news.kz</a> Ұлттық статистика бюросының алдын ала деректеріне сәйкес, 2025 жылдың қаңтар-мамыр айларында Қазақстанның жалпы ішкі өнімі былтырғы осы кезеңмен салыстырғанда 6%-ға өскен.Мұндай нәтижеге өнеркәсіп пен құрылыс салаларынан бастап сауда, көлік және байланысқа дейінгі негізгі салалардағы өсім қарқынының жеделдеуі ықпал етті.Өнеркәсіп өндірісі 6,4%-ға артты. Елдің 17 өңірінде өсім байқалды: ең жоғары өсім +22,9% көрсеткішімен кен өндіру, тыңайтқыштар, портландцемент пен қант өндірісінің белсенді дамуының нәтижесінде Жамбыл облысында тіркелді. Түркістан және Жетісу облыстарында өндіріс 14,8%-ға, Алматы қаласында 14,1%-ға өсті. Шымкент қаласында өсім 18,9%-ға жетті.Ауыл шаруашылығындағы өсім 4,0%-ды құрады (қаңтар-сәуір айларындағы 3,9%-бен салыстырғанда). Ең айқын өсім Атырау облысында (+10,4%), Солтүстік Қазақстан облысында (+7,5%) және Ақмола облысында (+6,5%) тіркелді, бұл негізінен мал мен құс сойымының артуы есебінен болды. Түркістан облысында өсім 6,3%-ды, Абай облысында – 3,6%-ды, ал Қостанай облысында – 4,8%-ды құрады.Құрылыс саласы қарқынды дамып келеді, 15,4%-ға өсті. Он сегіз өңірде өсім тіркелді, ал Маңғыстау облысында мектептер, тұщытқыш зауыт, мұнай және су құбырларын қайта жаңарту, аудандық аурухана және автожолдарды жөндеу сияқты ауқымды жобалардың арқасында жұмыс көлемі екі есеге артты. Қызылорда облысында өсім 64,5%-ды, Қостанайда – 57,8%-ды, Астанада – 51,8%-ды, Түркістан облысында – 46,6%-ды құрады. Тұрғын үй құрылысы да қарқын алып келеді: бес айдың ішінде 6 млн шаршы метрден астам тұрғын үй пайдалануға берілді, бұл былтырмен салыстырғанда 5,7%-ға көп. Ең белсенді құрылыс Түркістан облысында (+25,5%), Шымкент қаласында (+23,4%) және Алматы облысында (+20,4%) байқалды.Негізгі капиталға салынған инвестиция 18,2%-ға артты. Бұл өсім көлік, өндірістік және әлеуметтік инфрақұрылымға, сондай-ақ жабдықтар мен жаңа өнеркәсіптік нысандарға бағытталған қаржы салымдарының есебінен қамтамасыз етілді.Сауда айналымы 7,8%-ға артты (қаңтар-сәуір айының қорытындысындағы 7,0%-бен салыстырғанда). Ішкі сауда құрылымында көтерме сауданың үлесі шамамен 68%-ды құрайды. Ағымдағы жылдың қаңтар-мамыр айларында көтерме сауда 8,3%-ға, бөлшек сауда 6,5%-ға өсті.Өсім қарқыны бойынша Түркістан облысы (+66,2%), Ақмола облысы (+48,9%) және Шымкент қаласы (+23,1%) алдыңғы қатарда.Байланыс және телекоммуникация саласы 2,8%-ға өсті. Бұл Интернет желісі қызметтері есебінен (+13,9%).Көлік саласы 23,1%-дық өсім көрсетті — бұл көбінесе жүк теміржол көлігінің (+17%) және құбыр арқылы тасымалдаудың өсуіне байланысты (+13,8%). Ең жоғары өсім Жетісу облысында (+39,1%), Абай облысында (+17,7%) және Ақтөбе облысында (+11,3%) тіркелді.Үкімет елдің тұрақты әлеуметтік-экономикалық дамуын қамтамасыз ету жөніндегі Президенттің тапсырмаларының орындалуын жеке бақылауда ұстауды жалғастырып келеді.<img src="https://knadmin.beoblood.kz/uploads/2025_zhyldy_a_tar_mamyr_araly_ynda_aza_stanny_Zh_I_6_a_sti_3b1431d962.webp" alt="2025 жылдың қаңтар-мамыр аралығында Қазақстанның ЖІӨ 6%-ға өсті.webp">Фото: pixabay.com

Қызылорда құрылыс саласы бойынша көш бастап тұр

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданының тұрғыны Наурызбай Айымбетов ауылда тұрғанымен қарап жатпай, өз кәсібін бастаған. Ол «AMANAT» партиясының «Ауыл аманаты» жобасы арқылы 3 944 000 теңге көлемінде жеңілдетілген несие алып, жылыжай тұрғызған. Бүгінде бұл жерден қияр мен қызанақ өнімдері алынып, ауыл тұрғындарына қолжетімді бағада сатылып келеді.<blockquote>«Жылыжай – бір күндік тірлік емес. Күнделікті күтім, уақтылы бап, тұрақты еңбек қажет. Қазір өзіміз күтіп-баптап отырмыз. Отбасымызбен бірге істейміз. Бастысы – халық разы, өнімге сұраныс бар, – дейді кәсіп иесі.</blockquote>Жылыжайдың жалпы көлемі ауыл тұрмысына бейімделген. Жылы мезгілде өнім молырақ алынса, қыста да қажетті жағдай жасалған. Қазіргі таңда қияр мен қызанақтың көлемі өсіп келеді және қосымша шабдалы, анар, жержаңғақ секілді пайдалы өнімдердіде өсіреді. Алдағы уақытта өнімдерін кеңейтуді жоспарлап отыр.Бұл кәсіп – тек отбасының табыс көзі емес, ауыл ішіндегі азық-түлікке деген сұранысты да азайтып отыр. Сырттан тасымалданатын өнімге қарағанда, жергілікті әрі жаңа үзілген көкөніске сұраныс жоғары. Осы арқылы ауылдың азық-түлік қауіпсіздігіне де үлес қосылып отыр.«Ауыл аманаты» жобасының да көздеген негізгі мақсаты аулдағы ағайынның тұрмыс жағдайын арттыруға бағытталған еді. Демек, жоба өз нәтижесін беруде деп толық айтуға болады.Ауылда отырып-ақ, кәсібін дөңгелетіп, қоғамға пайдасын тигізіп отырған Наурызбай Айымбетовтың игі бастамасы ауыл тұрғындарына жаңа мүмкіндік беріп, жастардың еңбекке деген көзқарасын өзгертуге сеп болары сөзсіз.Атап өту керек, «Ауыл Аманаты» жобасы аясында өткен жылы облысқа 2,5 млрд. теңге қаражат бөлініп, өңдеу, кооперативтерді дамыту және азық – түлік қауіпсіздігін қамтамасыз ету мақсатында егін және мал шаруашылығы өнімдерін өндіруге берілген болатын.Фото: облыстық ауыл шаруашылығы басқармасы

«Ауыл аманаты» жобасы игілігін көріп отыр

<a href="https://kyzylorda-news.kz/">Kyzylorda-news.kz</a> Жылыжай – табыс көзі. Көкөністің күтімі күпті,бабы мықты болып өсуіне жылыжайдың атқарар рөлі орасан. Дастарханымызға дайын күйі келетін көкөністердің қандай күтіммен өсетініне көп көңіл аудара бермейміз. Дей тұрғанмен еселі еңбектің арқасында жемісті жұмыс болатынын ескеру керек.Жаңақорған ауданындағы Айымбетовтер әулеті жылыжай жұмысын жолға қойған. “Ауыл аманаты” жобасы аясында несие алып, жылыжай салып, сол жерден несібесін алуда. Кәсібін ұлғайту мақсатында 4 000 000 тг несие алып, қазіргі таңда қияр мен қызанақ өнімдерін өндіріп, сатуда. Кішкентай ауылда көптің алғысын арқалап жүрген Наурызбай Айымбетов тұрғындар тарапынан сұраныстың да жақсы екенін айтты. Түгел ауданды қамтып отыр. Бүгінде кәсіпкер бақшасында алма, алмұрт, жүзім жемістері бар. Кәсіп иесі отбасылық бизнесті өсіп келе жатқан өскелең ұрпаққа үлгі деп есептейді.Фото: Қызылорда облысының Өңірлік коммуникациялар қызметі

Жылыжай жұмысын жандандырған

<a href="https://kyzylorda-news.kz/">Kyzylorda-news.kz</a> «Байқоңыр» әлеуметтік-кәсіпкерлік корпорациясы өңірлік тұрақтандыру қорына 50 тонна жаңа піскен картоп өнімін сатып алу үшін өтінімдерді қабылдайды.Қызығушылық танытқан кәсіпкерлік субъектілеріне коммерциялық ұсынысты Қызылорда қаласы Шүкіров көшесі, 62 мекенжайында орналасқан «Байқоңыр» ӘКК» АҚ ғимаратына және office_spk@list.ru электронды поштасына 01.06.2025 жылға дейін жолдауды сұрайды.Тауар сапасы стандартқа сәйкес (ГОСТ, ЕАС сертификаты, СТ-KZ, сынақ зертхана хаттамасы) өндірілген болуы қажет.Байланыс телефоны: 87242701099, 87016721971.Фото: «Байқоңыр» әлеуметтік-кәсіпкерлік корпорациясы

Өңірлік тұрақтандыру қорына 50 тонна жаңа піскен картоп өнімін қабылдайды

<a href="https://kyzylorda-news.kz/">Kyzylorda-news.kz</a> Кәсіпкерлік – табандылықты, жаңашылдықты және тәуекелге баруды қажет ететін сала. Жас кәсіпкер Мөлдір Рысбайда осы қасиеттің барлығы бар. Ол жартылай дайын өнімдерді дайындаумен айналысады. Жас кәсіпкердің жұмысымен танысу үшін жұмыс орнына арнайы барып, сұхбаттастық.<blockquote>– Кәсіпкерлік жолымның бастамасы – анам Мейрамкүл Оразаеваның еңбегімен тығыз байланысты. 2014-2015 жылдары анам үйден тұшпара жасап, жақын туыстарға сата бастады. Сапалы әрі дәмді өнімге сұраныс күннен күнге артып, үй жағдайында жасалған тағамдарды тұрғындар көптеп ала бастады. Сұраныстың көптігіне байланысты анам кәсібін кеңейтіп, алғашқы шағын цехын ашты. Мен бұл кәсіпті 2024 жылдың аяғында өз қолыма алып, қазіргі уақытта өндірістен бастап, сату, жарнама сынды жұмыстарды өз қолыма алдым, – деді жас кәсіпкер.</blockquote>&nbsp;Қиындықсыз өсу болмайды. Осындай үлкен кәсіп бастар алдында белгілі бір қиындықтар кездесері анық. Кейіпкерімізде өзінің кәсіп жолындағы кездескен қиындықтары туралы да сөз қозғады.<blockquote>– Өкінішке орай, алғашқы цехтан өрт шықты. Бұл жағдай отбасымыз үшін үлкен соққы болды. Бірақ қиындыққа мойымай, кәсібімізді қайта қалпына келтіру жолдарын қарастыра бастадық. Әрі қарай бұл кәсіпті дамыту үшін үлкен қолдау қажет болды. Осы орайда «Даму» кәсіпкерлікті дамыту қоры арқылы 10 миллион теңге көлемінде субсидиялық несие алдық. Бұл қаржы бізге жаңа, заманауи үлгідегі, санитарлық талаптарға сай үлкен цех ашуға мүмкіндік берді. Қазірдің өзінде бұл цех – Қызылорда қаласындағы сертификатталған, жартылай дайын өнімдерді шығаратын белді кәсіпорынның біріне айналды, – дейді Мөлдір.</blockquote>Айта кетерлігі, қазір кәсіпорында тұтынушыларға қажетті жартылай дайын өнімдердің барлығы бар.Мөлдірдің сөзіне сүйенсек бүгінде кәсібі халық арасында кеңінен танылып үлгерген. Өнімдері Қызылорда қаласының бірнеше дүкенінде, супермаркеттерінде сатылады. Тұтынушылардың саны артып келеді. Кейіпкеріміз өнім сапасына аса мән беретінін және басты ұстанымы екенін жеткезді. Барлық санитарлық талаптарға сай жұмыс істейді әрі өнімдердің барлығы сертификатталған. Атап айтар болсақ, мәнті, тұшпара, қайнақша, самса және тағы басқа өнімдерді дайындайды.Айтуынша, тұтынушылардың сұранысына сай кәсіпкерлік цехты кеңейтіп, өнім түрін көбейтіп, басқа өңірлерге шығу жоспары да бар.<blockquote>– Кез келген өнім өндіруші кәсіпкер бірінші кезекте тұтынушыларға қолайлы жағдай жасайды. Біздің де мақсатымыз – тұрғындардың көңілінен шығып, цех жұмысын үлкен өндіріс орнына айналдыру. Қазіргі таңда цехта 15-ке жуық адам жұмыспен қамтылған. Алдағы уақытта жұмыскерлер санын көбейтуді жоспарлап отырмыз, – деді Мөлдір Аймаханқызы.</blockquote>Көркем ТӨЛЕБАЙ,Қорқыт ата атындағыҚызылорда университетінің1-курс студенті &nbsp;<img src="https://knadmin.beoblood.kz/uploads/K_sipker_4815eea58d.jpeg" alt="Кәсіпкер.jpeg">

Дәмді кәсіп – берекелі нәсіп

<a href="https://kyzylorda-news.kz/">Kyzylorda-news.kz</a> Аралдық Сержан Каримолдаевтың кәсіппен айналысып жүргеніне 5 жылдан асты. Кәсібін балықты алып-сатумен бастаған ол бүгінде өңдеуге басымдық беруде.<blockquote>«Негізгі мамандығым заңгер. Ұзақ жыл құқық қорғау органында қызмет еттім. Саладан зейнетке шыққаннан кейін кәсіппен айналысуды жөн көрдім. Аралдың балығына сұраныс жоғары екенін ескере келе балық сатумен айналыстым», - дейді Сержан Каримолдаев.</blockquote>Кәсіпкердің ісі алға басып, сұраныс арта бастайды. Ол саланың қыр-сырын меңгере жүріп, нарыққа балықты өңдеп ұсынудың тиімдірек екенін аңғарады.<blockquote>«Былтыр кәсіпті кеңейтіп, балық өңдеуге қажет құрал-жабдық алу үшін қаржы іздей бастадым. «Қызылорда» Өңірлік инвестициялық орталығы азық-түлік өндірісіне арналған жобаларды қаржыландырып жатқанын естіп, талаптарымен таныстым, өтініш бердім. Нәтижесінде жеңілдікпен 60 млн теңге несие алдым», - деді аралдық кәсіпкер.</blockquote>Аталған қаржы кәсіпкерге жаңа мүмкіндіктер ашты. Бұл қаржыға балықты тазалайтын, турайтын, тұздайтын және вакуумдайтын, сондай-ақ консервілейтін аппараттар, түрлі тоңазытқыштар алған.<blockquote>«Мемлекеттің осылай қаржылай қолдауы жаңа деңгейге шығуға мүмкіндік беріп отыр. Бұрын тек тұздалған балық шығарып келген болсақ, енді жаңа құрал-жабдықтардың арқасында тұтынушыларға тартылған балық өнімдерін, тұздалған уылдырық пен ысталған балық шығарып жатырмыз. Сонымен бірге бұл өнімдерді өзіміз вакуумдеп ұсыну мүмкіндігіне ие болдық. Ендігі меже консервіленген балық шығару. Бұйырса, жақын күндері нарыққа шығарамыз», - деді Сержан Каримолдаев.</blockquote>Кәсіпкердің бүгінде 15 адамды тұрақты жұмыспен қамтып отыр. Алдағы уақытта 30-ға жеткізуді көздеуде. Айына 20 тоннаға дейін өнім өндіреді. Балық өнімдерінің басым бөлігі Ресейге экспортталады екен.<blockquote>«Қытайдан да сұраныс түсіп жатыр. Ол үшін шығаратын өнімді тапсырыс берушілердің талабына сай ету қажет. Қазір осы бағытта тиісті шараларды қабылдаудамыз», - дейді кәсіпкер.</blockquote>Атап өту керек, Қызылорда қаласында азық-түлік өнімдерін өндірумен айналысатын кәсіпкерлер Өңірлік инвестициялық орталық арқылы 3 пайызбен жеңілдетілген несие ала алады. Толығырақ Орталыққа 8 776 886 33 88 немесе 40-03-60, 40-02-37 байланыс нөмірі бойынша хабарласып білуге болады.<img src="https://knadmin.beoblood.kz/uploads/K_sipker_08f2222f3a.jpeg" alt="Кәсіпкер.jpeg">Фото: «Қызылорда» Өңірлік инвестициялық орталығының баспасөз қызметі

Аралдық кәсіпкер консервіленген балық шығаруды жоспарлауда

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласында жұмысшы мамандықтары жылы аясында «AMANAT» партиясы және Қызылорда облысы әкімдігінің қолдауымен «Болашаққа бағдар» атты бос жұмыс орындары жәрмеңкесі өтті.«Нұрсәт» теннис орталығында өткен іс-шараға партияның облыстық филиалының төрағасы Алмасбек Есмаханов, партияның облыстық, қалалық мәслихаттардағы депутаттық фракцияларының мүшелері қатысты.Жәрмеңкеде Солтүстік Қазақстан, Шығыс Қазақстан, Қостанай Абай, Ұлытау, Павлодар облыстары, жергілікті «Аksa Еnergy Qyzylorda» компаниясы, «Автобус паркі», «Қорқыт ата» әуежайы, «КазАтомпром» ұлттық компаниясының еншілес кәсіпорындары және аймақтағы ірі құрылыс компанияларының өкілдері қатысып, 8 мыңнан астам бос жұмыс орындарын ұсынды.<blockquote>«Солтүстік өңірлерге қоныс аудару жобасы аясында өңірімізден соңғы 5 жылдың ішінде 688 отбасы құрамында 2292 адамымен қоныс аударды. Жұмысқа жарамды мүшелерінің 80 пайызға жуығы тұрақты жұмысқа орналасып, жұмыс берушілермен бюджет қаржысы есебінен тұрғын үй мен біржолғы қаржылай көмекпен қамтамасыз етіліп, коммуналдық тұрғын-үй және үйді жалдау шығыстарын өтеуге қаржылай қолдау көрсетілді.Олардың қатарында жоғары оқу орнын аяқтап, тұрақты жұмысқа орналасқандар мен мемлекеттен қаржылай қолдау алып, кәсібін дөңгелетіп отырғандары да бар»,- деді жиында сөз алған облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев.</blockquote>Жалпы Сыр өңірінде бүгінгі күні жұмыссыздар саны 15858 адамды құрайды. Оның ішінде 1962 білім саласы, 1546 медицина саласы, 886 құрылыс, 1154 қызмет көрсету саласы мамандары және 2168 техникалық мамандығы бар азаматтар.Жәрмеңке барысында Солтүстік Қазақстан, Шығыс Қазақстан, Қостанай Абай, Ұлытау, Павлодар облыстарынан келген жұмыс берушілер білім саласы бойынша 1390, денсаулық саласы бойынша 578 және өзге де салалар бойынша 177 бос жұмыс орындарын ұсынылды.Іс-шара соңында екі облыс арасындағы ынтымақтастықты дамытуға үлес қосқан өңірлер өкілдеріне облыс әкімі Нұрлыбек Нәлібаевтың алғыс хаты табысталып, 3 жас маманға тұрақты жұмысқа жолдама берілді.Атап өту керек, жәрмеңкеге жұмысшы мамандықтарды даярлау бағытында кадрлар әзірлеуші колледждер мен өздерінің кәсіпкерлік бастамаларына мемлекеттік қайтарымсыз грант алған кәсіпкерлер де өз өнімдерін ұсынған болатын. Үздік тауар өндірушілер мен жұмыс берушілердің еңбегі бағаланып арнайы алғыс хаттармен марапатталды.<img src="https://knadmin.beoblood.kz/uploads/Zh_mysshy_mamandy_tary_zhyly_ayasynda_Bolasha_a_ba_dar_atty_bos_zh_mys_oryndary_zh_rme_kesi_tti_3_e6ecdc62c3.jpg" alt="Жұмысшы мамандықтары жылы аясында «Болашаққа бағдар» атты бос жұмыс орындары жәрмеңкесі өтті 3.jpg"><img src="https://knadmin.beoblood.kz/uploads/Zh_mysshy_mamandy_tary_zhyly_ayasynda_Bolasha_a_ba_dar_atty_bos_zh_mys_oryndary_zh_rme_kesi_tti_6b99c4c948.jpg" alt="Жұмысшы мамандықтары жылы аясында «Болашаққа бағдар» атты бос жұмыс орындары жәрмеңкесі өтті.jpg"><img src="https://knadmin.beoblood.kz/uploads/Zh_mysshy_mamandy_tary_zhyly_ayasynda_Bolasha_a_ba_dar_atty_bos_zh_mys_oryndary_zh_rme_kesi_tti_4_fd79739f0d.jpg" alt="Жұмысшы мамандықтары жылы аясында «Болашаққа бағдар» атты бос жұмыс орындары жәрмеңкесі өтті 4.jpg">

Жұмысшы мамандықтары жылы аясында «Болашаққа бағдар» атты бос жұмыс орындары жәрмеңкесі өтті

<a href="https://kyzylorda-news.kz/">Kyzylorda-news.kz</a> &nbsp;2025 жылғы 1 мамырдағы жағдай бойынша жұмыспен қамтуға жәрдемдесудің белсенді шараларымен 157,8 мың адам қамтылды, 143,2 мың қазақстандық жұмысқа орналастырылды.Субсидияланатын жұмыс орындарына мансап орталықтары арқылы 106,3 мың адам жіберілді, оның ішінде: әлеуметтік жұмыс орындарында 9,6 мың адам, жастар практикасында 6,6 мың адам, қоғамдық жұмыстарда 78,3 мың адам, «Күміс жас» жобасы аясында 11,1 мың адам, «Алғашқы жұмыс орны» жобасы бойынша 680 адам, «Ұрпақтар келісімшарты» жобасы шеңберінде 33 адам жұмыспен қамтылды.Еңбек нарығындағы сұранысқа ие дағдылар бойынша онлайн оқытумен 36,6 мың жұмыссыз қамтылды, оның ішінде 34,5 мыңы оқуды аяқтады.«Бастау Бизнес» жобасы бойынша кәсіпкерлік негіздеріне оқытумен 14,1 мың адам қамтылды, оның ішінде 7,3 мың адам оқуды аяқтап, сертификаттар алды.Жұмыс берушілердің өтініші бойынша кәсіптік оқытуға 802 адам жіберілді, оның ішінде 51 адам оқуды аяқтады.Бұдан басқа, қызмет саласын таңдау мақсатында кәсіптік орталықтарда 140,7 мың адам әлеуметтік кәсіптік бағдарлаудан өтіп, кеңес беру қызметтерін алды.Азаматтарды жұмысқа орналастыру бірнеше бағыт бойынша жүзеге асырылатынын және шын мәнінде жұмысқа орналасқандығы олар үшін міндетті зейнетақы жарналарының аударылуымен расталатынын атап өткен жөн.Мәселен, 2025 жылғы 1 мамырда 143,2 мың адам жұмысқа орналастырылды, оның ішінде: халықты жұмыспен қамтуға жәрдемдесудің белсенді шаралары шеңберінде – 87,8 мың адам; Электрондық еңбек биржасында жұмыс берушілер орналастырған бос бос орындарға – 31,7 мың адам; Мемлекет басшысының «10 мың тұрғынға 100 жұмыс орны» бастамасы шеңберінде – 23,6 мың адам. орталық мемлекеттік органдар іске асыратын жобалар шеңберінде – 42 адам.Сонымен қатар, жаңа бизнес-бастамаларды іске асыру үшін 2025 жылы халықтың әлеуметтік осал санаттарына жаңа бизнес-бастамаларды іске асыру үшін 400 АЕК (1 572 800 теңге) дейінгі мөлшерде 9 мың грант беру көзделген. Грант алуға үміткерлерден өтінімдерді қабылдаудың бірінші легі 2025 жылғы 21 мамыр мен 3 маусым аралығында өтеді.Фото: freepik.com

Жыл басынан бері 158 мыңға жуық адам жұмыспен қамтуға жәрдемдесудің белсенді шараларымен қамтылды

<a href="https://kyzylorda-news.kz/">Kyzylorda-news.kz</a> Шиелі ауданында «Ауыл аманаты» жобасы аясында жаңадан ашылған кәсіпкерлік нысанның салтанатты ашылу рәсімі өтті.Шараға аудан әкімі Айтбай Жандарбеков қатысып, жоба аясында жүзеге асырылып жатқан жұмыстардың маңыздылығына тоқталды.<blockquote>«Бұл жобаның арқасында аудан тұрғындары өз кәсібін ашып, табысын арттыруда. Мемлекет басшысының тапсырмасымен жүзеге асырылып жатқан бұл бастама аудан экономикасын дамытуға үлкен серпін беруде, – деді Айтбай Жандарбеков.</blockquote><img src="https://knadmin.beoblood.kz/uploads/K_sipkerlik_ashylu_saltanaty_3_dd660e2b5c.jpg" alt="Кәсіпкерлік ашылу салтанаты 3.jpg">Мемлекет басшысы Қасым-Жомарт Кемелұлы Тоқаевтың бастамасымен қолға алынған «Ауыл аманаты» жобасы ауыл тұрғындарының табысын арттыруға, жаңа жұмыс орындарын құруға және кәсіпкерлікті дамытуға бағытталған.«Ауыл аманаты» жобасы аясында соңғы үш жылда Шиелі ауданы бойынша жалпы құны 968,1 миллион теңгені құрайтын 135 жоба қаржыландырылып, нәтижесінде ауданымызда жаңа жұмыс орындары ашылып, кәсіпкерлік саласы дамып келеді.Жаңадан ашылған кәсіпкерлік нысанның ашылуы аудан тұрғындары үшін жаңа мүмкіндіктердің бастауы болмақ.<img src="https://knadmin.beoblood.kz/uploads/K_sipkerlik_ashylu_saltanaty_2_12c1252b66.jpg" alt="Кәсіпкерлік ашылу салтанаты 2.jpg">

Қазақстан және Қызылорда облысының жаңалықтары: Кәсіпкерлік