<a href="https://kyzylorda-news.kz/">Kyzylorda-news.kz</a> Бүгін де Сырдария ауданы серпінді даму үстінде. Әрбір ауылда ілкімді істер қолға алынып, жүйелі жұмыстар жүргізілуде. Мемлекеттік бағдарлама шеңберінде бірқатар жобалар қолға алынып ауыл тіршілігіне жан кіре бастаған. Оның ішінде Сәкен Сейфуллин ауылында қыруар жұмыс атқарылуда. Оның&nbsp;ішінде, &nbsp;Сәкен Сейфуллин Сәкен Сейфуллин ауылында қыруар жұмыс атқарылуда.&nbsp;Ауылдық округі бойынша 308 отбасында 1644 халық тұрады . Оның 171-і зейнеткер, 49-ы мүгедек, 21-і «Алтын алқа» және 32-сі «Күміс алқа» иелері.Өткен жылдың 12 айында жеке тұлғалардан жер учаскелеріне &nbsp;байланысты &nbsp;барлығы &nbsp;14 өтініш &nbsp;келіп түсіп, оның 11 өтініші &nbsp;заң талаптарына сәйкес қанағаттандырылып және 3 өтініш өз өтінішіне сәйкес кері қайтарылған болатын. Ауылдық округі &nbsp;әкімі аппаратында &nbsp;46 шешім және 119 өкім шығарылды. Ал жеке тұлғалар бойынша барлығы 12 өтініш тіркелген болатын.Ауыл шаруашылығы саласына келер болсақ, ауылдық округ бойынша ауыл тұрғындарының есебінде ,шаруа қожалықтарындағы малды қоса алғанда 1592 бас ірі қара, 817 бас уақ мал, 733 бас жылқы, 89 бас түйе және 497 бас құс тіркелді. Сонымен қатар, ауылдық округ бойынша ЖШС-і мен жеке қожалықтар барлығы 2105 га күріш егілді. Жеке тұрғындар 5 га қауын-қарбыз, 15 га картоп және 5 га көкөніс егіп, өнімін алды.Білім саласы бойынша ауылда 460 орындық № 137 орта мектебінде оқушыларға білім беретін мұғалім саны – 58. Оның ішінде жоғары білімді – 57, арнаулы орта білімді-1. Ұлттық біліктілік санаттары бойынша педагог-зерттеуші – 14, педагог-сарапшы – 18, педагог-модератор – 17 жұмыс жасайды. Өткен оқу жылында №137 орта мектебі бойынша 11 сыныпты 23 оқушы бітірді. ҰБТ сынағына 22 оқушы қатысса, оның 19-ы мемлекеттік білім гратының конкурсына қатысты. &nbsp;ҰБТ сынағы бойынша орташа балл 74,2 құрап, нәтижесінде 19 оқушы мемлекеттік білім грантын иеленді. Білім грантын ұтып алғандардың 9-ы педагогика саласына, 9-ы техникалық мамандықтар бағытына оқуға түссе, 1-і ауылшаруашылығы мамандығы бойынша студент атанды.Ал 90 орындық «Ақ көгершін» бөбекжай балабақшасында 85 бала тәрбиеленуде. «Ақ көгершін» бөбекжай балабақшасы 22 штаттық кестемен жұмыс жасауда. Жалпы қызметкерлер саны – &nbsp;27, оның ішінде педагог кадрлар саны – 11, техникалық қызметкерлер саны – 16 &nbsp;жұмыс жасайды.Денсаулық саласы бойынша ауылдық дәрігерлік амбулаторияда барлығы 6 адам жұмыс жасайды. Өткен жылы 6578 адам белсенді түрде қаралып ем алса, профилактикалық байқаудан өткен ересектер саны – 1670 адам, балалар саны 543. &nbsp;Ауыл бойынша өткен жылы туылған бала саны – 38. Үйге шақырушылар саны – 1603 адам. Диспансерлік есепте тұратын науқастар саны – 231 оларға тиісті медициналық көмектер көрсетіліп келеді.Мәдениет саласына келер болсақ ауылдық клубта барлығы 7 қызметкер жұмыс жасайды. 2023 жылы клуб ұжымының ұйымдастыруымен барлығы 33 мәдени шаралар өткізілді. Клуб үйінде &nbsp;«Ән», «Жас қалам», «Қолөнер», «Көркемсөз» үйірмелері жұмыс жасайды. &nbsp;Үйірмеге қатысушылар саны – &nbsp;65. Барлық байқаулар саны – 31. Үйірме мүшелері республикалық, облыстық, аудандық байқауларға қатысып, жүлделі орындарға ие болды. Өткен жылдың ақылы қызмет көлемі 700,0 мың теңге болып жоспарланып, аталған жоспар 12,15 пайызға орындалды.Ауылдық модельді кітапханада оқырман саны 765 болса, берілген кітап саны – 15534 дана, келушілер саны – &nbsp;9121 және де жаңа түскен әдебиеттер саны – 124 кітапты құрайды. &nbsp;Кітапханада өткізілген мәдени-шаралардың саны – 63.Жұмыспен қамту және әлеуметтік қорғау бойынша ауылдық округ бойынша өткен жылы 711 экономикалық белсенді халық тіркелген. Бос жұмыс орнына орналасқандар саны-10, ақылы қоғамдық жұмысқа тартылғандар –&nbsp;32. Ал, күміс жаспен 1 адам жұмысқа орналасты, алғашқы жұмыс орны – &nbsp;1, жастар практикасында – &nbsp;3 адам жұмыс жасайды. Жұмыссыздар саны-33, &nbsp;жұмыссыздық деңгейі жыл аяғында 5,2 пайызды құрады.Елді мекен көшелеріне күрделі жөндеуге 2135,2 мың теңгеге ЖСҚ &nbsp;жасалды. Елді мекендегі Мұрат Арықұлы көшесін жарықтандыруға &nbsp;1000,1 мың теңге бөлініп, &nbsp;толығымен жарықтандырылды. Шортанбай би көшесінің қалған бөлігін &nbsp;жарықтандыруға 1680,0 мың теңге бөлініп, жарықтандырылды. Сонымен қоса өткен жылы ауыз су мұнарасы ауыстырылған болатын. Одан бөлек елді мекенді газдандыру жұмыстары жүргізілуде.Жыл басынан бері атаулы әлеуметтік көмек 2 отбасына тағайындалып, тиісті қаражаттарын алды. Елді мекендегі аз қамтамасыз етілген, асыраушысынан айырылған, көп балалы, мүмкіндігі шектеулі отбасыларына азық-түліктей және заттай қайырымдылық көмектер көрсетілді. Атаулы мерекелік шараларға орай «С.Сейфуллин-Жер» ЖШС-і, «Құндызды-Жер» ЖШС-і, «Жандос» шаруа қожалықтары тарапынан көмектер көрсетіліп, аталған шаруашылықтар қайырымдылық көмектер көрсетумен қатар мектеп, балабақша, клуб мекемелерінің іс-шараларына, балалардың жазғы демалысына тұрақты түрде демеушілік жасап келеді. Жеке кәсіпкер «Жел-Кент-Вент» ЖШС-і төрағасы М.Әбілдаев аймағымыздан тыс жерде тұрып жатқандығына қарамастан елді мекендегі мемлекеттік мекемелермен кәсіпорындарға, тұрмысы төмен отбасыларға &nbsp;демеушілік көмектер көрсетуде.Кәсіпкерлік саласы бойынша ауылдық округі бойынша 70 кәсіпкерлік субъектілері тіркелген. Қазіргі уақытта жұмыс істеп тұрғаны – 70, оның ішінде: жеке кәсіпкерлер – 63, шаруа қожалықтары – 5 және жауапкершілігі шектеулі серіктестігі – 2.Ауылдық округі бойынша 1 адам «Қызылорда өңірлік инвестициялық» орталығы арқылы 5,0 млн теңге несие алып жұмысын жасауда. Жоба жетекшісі Райхан Маликова мал басын көбейту үшін. Ақерке Рақымжанова жылқы мал басын көбейту АҚҚ «Іскер» бағдарламасы 4,100 &nbsp;теңге. «Ауыл аманаты» бойынша 2,5 пайызбен несие алуға тіркелгендер 19 адам &nbsp;142 200 000 &nbsp;теңге көлемінде."Бастау бизнес" курсына оқуға тіркеліп, 6 адам мемлекеттік қайтарымсыз грант алып, жұмыс жасауда.Фото: aikyn.kz&nbsp;<img src="https://knadmin.beoblood.kz/uploads/5b54d4d4_de5c_4f26_839b_09f4b3e88ba6_35bd165348.jpg" alt="5b54d4d4-de5c-4f26-839b-09f4b3e88ba6.jpg">

Сәкен Сейфуллин ауылында өз кәсібін бастағандар артуда

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясының қалалық филиалының жанындағы партиялық бақылау комиссиясының мүшелері «Ауыл аманаты» жобасы аясында ашылған кәсіпкерлік жұмыстарын саралады.Солардың бірі – «Ерниязова» жеке кәсіпкерлігі. Жоба аясында 8,6 млн. теңге қаражат алған кәсіпкер жартылай фабрикатталған өнім шығаруда.Бүгінде қаладағы «Балқаймақ, Дәстүр» сынды ірі дүкендерге өз өнімдерін ұсынуда.<blockquote>Алғашқыда Сабалақ саяжайында өз цехіміздің жұмысын бастадық. Бірақ, тұтынушыларға қатынау қолайсыз болғандықтан қала орталығынан ғимарат нысанын жалдадық. Соның арқысында, өз өнімдеріміз де тез өтуде. Бүгінде 3 адамды жұмыспен қамтып отырмыз. «Ауыл аманаты» секілді жобалардың көбейіп, халыққа жақсы жағдай жасалғанын қалаймыз. Жоба аясында 6 ай несие каникулы да бар. Ендігі кезекті несиемді де төлеуді бастаймын. Бүгінде 28-ден аса өнім шығарып отырмыз,-деді &nbsp;Гүлзира Ерниязова.</blockquote>Айта кетейік, «Ауыл аманаты» жобасы аясында өткен жылы 253,1 млн. теңгеге 27 жоба несиелендірілген болатын. Оның ішінде, өңдеу өнеркәсіп саласында 14 жобаға 112, 859 млн. теңге, мал шаруашылығында 7 жобаға 74,4 млн. теңге, егін шаруашылығында 5 жобаға 55,2 млн. теңге және қызмет көрсету саласында 1 жобаға 8,6 теңге бағытталды. Жалпы қаржыландырылған 27 жобаның 25 толық іске асырылды.<figure class="image"><img src="https://knadmin.beoblood.kz/uploads/00499929_b13e_43a9_9d78_c261da819c50_88f47a7549.jpg" alt="00499929-b13e-43a9-9d78-c261da819c50.jpg"></figure><img src="https://knadmin.beoblood.kz/uploads/281b21fb_f8d6_44c8_a6b0_5e4d4d22628a_389722cc23.jpg" alt="281b21fb-f8d6-44c8-a6b0-5e4d4d22628a.jpg">

«Ауыл аманаты» жобасының халыққа берері мол

<a href="https://kyzylorda-news.kz/">Kyzylorda-news.kz</a> &nbsp;Аспаздық –&nbsp;өнер. Тағам түрлерін дайындайтын шеберлер бүгінде сұранысқа ие мамандар. Әсіресе, қазіргі уақыт жеткізбейтін заманда той-томалақ жасайтындар көбіне кәсіби аспаздардың қызметіне жүгінеді. Бұл бір жағынан уақыт үнемдеу болса, екінші жағынан жауапты жұмысты кәсіби шеберге сеніп тапсыруды жөн көреді.Өз ісінің мамандарын бұрын қоғамдық тамақтану орындары мен мейрамханалардан көретін болсақ, бүгінде бұл кәсіптің өрісі кеңейіп, өз бетінше ізденіп, арнайы оқуын оқып аспаз атанатындардың қатары қалың. Ауданда да мықты аспаздар баршылық. Олардың алды 20 жылдық тәжірибесі бар шеберлер болса, соңы сол шеберлердің ізінен ерген енді кәсіп бастаушылар.Біздің кейіпкеріміз Гүлжанат Бақтиярова мамандығы заңгер болғанымен, қызметті бюджеттік мекемеде атқарады. Ол аспаздықты қосымша табыс көзіне айналдырғанына 8 жылдай уақыт болды. Алғашқыда түрлі салат түрлерін әзірлеуге ден қойған аспаз, уақыт өте аспаздық өнерін дамытып, дастархан мәзіріне қажетті барлық тағам түрлерін дайындауға машықтанады.<blockquote>– Қазір қол қуысырып, бір айлыққа қарап отыратын уақыт емес. Мектепте оқитын үш балам бар. Олар да өсіп келеді. Балаларымның қажетін қамтамасыз ету үшін қосымша жұмыс істеймін. 2016 жылдан бері жаныма жақын аспаздықты үйреніп, кәсіби шеберлердің жанында жүріп, қосымша табыс табудың көзін таптым десем болады. Аспаздық өнерді құрбым Мөлдір Сәрсенбаевадан үйрендім. Той-томалақ жасайтындар құрбымның қолынан шыққан ас мәзірін ұнатады. Мөлдірдің тобымен бірге болып, көмекші ретінде қолғабыс еттім. Кейін өзім де қызығушылық танытып, салаттан бастап, барлық дастархан мәзірін жасауды меңгердім. Негізінен бала кезімнен асүйге жақын болдым. Дастархандағы әрбір заттың өз орнында, үйлесімді болуына қатты мән беретінмін. Қазір қызметімізге тапсырыс беретіндер дән риза. Тәтті кондитер өнімдерінен басқасының барлығын дайындаймыз, – дейді аспаз Гүлжанат Серікбайқызы.</blockquote>Тұрғындарға аспаздық қызметімен танылып үлгірген Гүлжанаттың тұрақты тұтынушылары да бар. Тіпті көрші аудандардан да тапсырыс келіп түскенде таңға дейін ұйықтамайтын кездер де болады екен. Барлық ас мәзірін уақытылы, әрі балғын түрінде әзірлеп беретін аспазды он саусағынан өнер тамған деуге толық негіз бар.Әрдайым сапаға мән беретін аспаз тапсырысты өз үйінде емес, тапсырыс берушінің ошағында жасауды жөн көреді. Бұл ұстаным бір жағынан жасалған еңбектің қаншалықты қиын екенін көрсетсе, екіншіден, ас иесінің аспазға деген құрметі де арта түсетіні анық. Ал адал еңбектің ақысы қай кезде де келісіммен белгіленеді. Бұл ретте аспаз тапсырыс берушінің жағдайына қарағанды жөн көреді.<blockquote>– Нақты бағаны кесіп айтпаймыз. Еңбектің қайтарымы шынайы ризалықпен айтылған алғыс. Ал төленетін ақыға қай кезде де келісуге болады. Осы күнге дейін еңбегімізге қол жетпейтін баға қойған емеспіз. Қарапайым адамның қалтасы көтеретіндей етіп, табыс табамыз, – дейді шебер.</blockquote>Қарбаласқа толы тірлікте қонақ шақыратындар дайын өнімді қоюдан гөрі, қолдан жасалған дәмді тағамға тапсырыс бергенді қалайды. Осындайда өз ісінің шеберлерін іздейтін тұрғындар Гүлжанаттың бір рет қызметін көргеннен кейін міндетті түрде қайта іздеп келіп, тұрақты тұтынушысына айналып жатады.<blockquote>– Заман дамыған сайын қонақ күтудің де өзіндік дәстүрі қалыптасты. Қазір ас мәзірін мықты аспаздарға сеніп тапсыруды үйрендік. Бұл келген мейманымызға деген құрметіміз болса, екінші жағынан әдемі ыдыс-аяғымен көздің жауын алатын керемет дастархан жою бәсекеге айналған секілді. Гүлжанаттың қызметін үнемі пайдаланып келемін. Оның дайындаған ас түрлері өте көп. Ыстық тамақтары сіңімді, әрі дәмді болады. Мүмкін ас әзірлеуінің өзіндік сыры бар шығар, өзім тұрақты тұтынушысына айналдым, – дейді кент тұрғыны Жадыра Сахыпова.</blockquote>Гүлжанаттың алдына қойған мақсаты бар. Ол өзінің шағын ғана асханасын ашып, кәсібін одан әрі дамытқысы келеді. Жалғызбасты ана мемлекеттен қайтарымсыз несие алудың жолын іздегенімен, бюджеттік мекемедегі қызметі үшін ондай жеңілдіктер қарастырылмаған.Қосымша кәсіп көзін тапқан, тынымсыз еңбектің арқасында балаларын асырап отырған келіншек ізденімпаздығы мен еңбексүйгіштігінің арқасында еңбектеніп, сүйікті ісінен табыс тауып отырғаны шын мәнінде көпке үлгі.Бибісара ЖАНӘЛІ

Аспаздықты қосымша табыс көзіне айналдырған

Фото: egemen.kz<a href="https://kyzylorda-news.kz/">Kyzylorda-news.kz</a> Осы біз уақытты босқа өткізіп жүрген жоқпыз ба? Дайынға жүгіреміз деп қаражат үнемдеуден алыстап кетпедік пе? Қайбір істің алдымен берекесін тілейтін үлкеннен кейінгі буын қандай өнеге алып жүр? Ал жастарымыз берекені қалай түсінеді? Ол жайындағы әңгімені Жосалы кентінің тұрғыны Анафия Ниязбаев пен Марияш Шахантайқызының отбасында өрбітеміз.Кейіпкеріміз Марияш Алипова қарапайым жан. Арнаулы педагогикалық білімі бар әпкеміз Диірментөбеде мектепте мұғалім, балабақшада тәрбиеші болып еңбек еткен. Бірнеше жыл бұрын отбасымен Жосалы кентіне көшіп келеді. Малдың жайы мен күтіміне қолайлы болған соң отағасы «Мөлтек» ықшам ауданынан үй көтеріп, бүгінде осында тұрып жатқан жайы бар.Әңгіме басында жанұяның берекесі туралы сөз қозғаған едік. «Ер азамат Отанның қорғаны болса, әйел – отбасының ұйытқысы әрі берекесін келтіруші» дейді бесаспап ана. Атап айтарлығы М.Шахантайқызы қоныс ауыстырғалы бері жұмыс іздеп, шарқ ұрмапты. Ауылда тұрған кезінде жұмыспен бірге күніне екі мезгіл сегіз сиыр сауып, қосымша нәпақасын тапқан. Оның тазалығы мен адал еңбегін бағалағандар «Марияштың фирмасы» деп әзіл-шыны аралас ат қойған-ды. Өнім демекші, оның қолынан шыққан құрт-ірімшік пен айран-қатық, сары майға деген сұраныс қай кезде де жоғары. Екі сиырды үлгіртіп, тұрақты тапсырыс берушінің өтінішін қанағаттандыруға барын салады. Ол үшін заттың көлемі емес, сапасы басты назарда. Қайбір өнімін де баптай білетін шебердің алдымен тазалықты сүйетінін ауылдастары жарыса айтады.<blockquote>– Бейнеттенсең, қарасаң малдың берері көп. Соның арқасында азын-аулақ нәпақа тауып отырмын. Қанағат етемін. Жақсы көретін іспен айналысу – адамға рахат сыйлайды. Күнделікті үй шаруасынан бөлек екі сиырымды айналдырамын. Ірімшік, құрт жасаймын. Айран, қатық, сары май аламын. Еңбектенбесең оны маған кім береді. Бала-шағамызбен еркін ішіп-жейміз, ауысқанын сатамын. Отағасы малдың жем-шөбімен қамтамасыз етеді, – дейді ол.</blockquote>Көпшіліктен еститініміз, ағарған да­йындауда әркімнің өз тәсілі болады. Біз де ерінбей дастарқанымызды ұлттық мәзірмен толтыруға үлесін қосып жүрген жаннан өз әдісін сұрадық.<blockquote>– Оның ешбір құпиясы жоқ. Піскен сүтті ұйытып, сағатқа қарап отырамын. Бес жарым сағатта сүт ұйып, қатыққа айналады. Одан ұзақ ұстасаң быршып, қатығың ашып кетеді. Мұндай қатықты сүйсініп ішу мүмкін емес. Әрі қарай қатықты күбіге құйып, айран етеміз. Бабына келген соң айран бетінен сары майды қалқып алып, жеті, сегіз мәрте салқын сумен жуамыз. Аздап тұз салып, тағы да бір мәрте тұзын кетіріп жуамыз. Тазарған майды сорпа кесеге салып, мұздатқышта қоямыз. Артық айтқаным емес, менің өнімдерімді бір алған адам кейін де үзбей тапсырыс беріп тұрады. Кейде оларға жеткізе алмайтын кезім болады. Сол себептен мал басын келешекте көбейтетін шығармыз, – дейді отанасы.</blockquote>Марияштың айтуынша, құрттың түсі ақ болуы тиіс. Айран іріп, майы дұрыс алынса – құрт аппақ болмақ.<blockquote>– Дүкендерді әдейі аралап көре­мін. Сонда сары құрттарды кездестіремін. Түсінің олай болатыны – айранның дұрыс ірімеуі мен майының таза алынбауынан. Сондай-ақ айранды отқа қойғанда ештеңеге алаңдамай, қазанның қасында қарап тұру қажет. Сәл ғана қателік құрттың технологиясын бұзады. Ірімшік қайнатқанда да солай. Іріген айранды қалтаға құйған соң бірден сығып, құрт жасауға кірісемін. Тұзды аз қосамын. Өйткені қазір адамдар тұзды аз қолданады. Тұз мөлшерінің көп болуы денсаулыққа зиян. Онсыз да өңірде тұздың әсерінен болатын жүрек-қан тамыры ауры өршіп тұр, – дейді М.Шахантайқызы.</blockquote>Кейде дүкен, базарда «кішкене бөбектің» көлемінен де кішкене келетін құртты 60 теңгеге сатып тұрғанын байқаймыз. «Апыр-ай, неге сонша қымбат» деген ой келеді сондайда. Екінің бірінің келілеп алуға шамасы келмейтінін білетін дүкен иесі осындай қадамға барды ма дейсіз? Бір жағынан сатып алып, сатқан бағаның шығандап тұратынына көнеміз де. Үндеместен керегімізді алып, жөнімізге кете барамыз. «Бұл ұят дүние» дейді Марияш Алипова. Мұндайда ең дұрысы – өзің мал ұстап, тірлігіңді үлгірту. Себебі әр азаматтың тапқан табысын ысырап етпей, ұқсата білу – әйелдің жұмысы. Биязы мінезі һәм берекелі қолымен айналасын алғыспен қоршаған ананың қазіргі тіршілігі осылай жайнап тұр.

Қармақшы ауданында кәсіпкер сүт өнімдерін өндіруде

Жылыжай жұмысын жандандырған ауыл

<a href="https://kyzylorda-news.kz/">Kyzylorda-news.kz</a> Жалпақ жұрттың жағдайын жақсартуға бағытталған бағдарлама аз емес. Соның бірі – «Ауыл аманаты». Ауыл еңбеккерлерінің өмір сүру сапасын жақсартып, табысын арттыруды көздеген бұл жоба өз тиімділігін көрсетіп, халық арасында зор сұранысқа ие болуда. Ел ішінде қолтығымыздан демесе, дем беріп жебесе, нарық айдынында судағы балықтай еркін жүзіп кетер едік деген сөз жиі айтылады. Әрине, дүние құралу үшін оң жамбасына келетін іс бастау үшін де алғашқы қаражаттың қажет екені белгілі. Бұл бағдарламаның басты мақсаты – ауыл халқының әлеуметтік-тұрмыстық жағдайын жақсарту.Ауыл тұрғындарының табысын арттыруға бағытталған «Ауыл аманаты» жобасы арқылы ауласын табыс көзіне айналдырып, кәсібін дөңгелетіп отырған жанның бірі қуаңдариялық – Ләззат Айтұрсынова. Ол осы бағдарлама шеңберінде қаз өсіру бизнесін қолға алған. Жуырда Қуаңдария ауылына барған іссапарымызда кәсіпкермен жолығып, жұмысымен танысып қайттық.<blockquote>– &nbsp; &nbsp; &nbsp; &nbsp;«Ауыл аманаты» жобасының ел үшін игілігі мол. Күйеуіммен бірге отбасылық бизнес бастаймыз деп шештік. Еш өкінбейміз. Осыған дейін жылқы бағыты бойынша да кәсіп істеп көрдік. Биыл 4 млн теңге 2,5% жеңілдетілген несие алып қазды көбейту және тауыт еті бойынша кәсібімізді бастаған болатынбыз. Оған керек-жарақ пен құстарды сатып алдық. Қазды көбейтіп, алғашқы легін сатып жібердік. Қазір 30-ға жуық балапанын алып өсіріп жатырмыз. Қосымша Ресейден «несушка» деп аталатын 560 тауық алдық. &nbsp;Күн сайын жұмыртқа алып, жергілікті тұрғындарға, көршілес елді мекендерге, Қызылордаға көтерме бағада өткізіп отырмыз. Өніміміз тез өтіп кетеді, – дейді кәсіпкер.</blockquote>«Несушка» деп аталатын бұл тауықтар (қоразсыз) арнайы жемнің көмегімен жұмыртқалайды екен. Бүгінде тұрақты түрде күніне 250 дана жұмыртқа шығарады. Құстардың қорасына кірген соң олардың тұмсықтарындағы тұрған қызыл дүниеге көзіміз түсіп, тауықтың ерекше бір түрі болар деп топшылап едік. Біздің таңданысымызды байқаған кәсіпкер де «ол тауықтың көзілдірігі ғой» деп күлді.<blockquote>– Әдепкіде тауықтар бірін-бірі шұқып біраз әбіржіп қалдық. Кейіннен Шымкент қаласынан осындай тауықтарға арналған көзілдірік болады дегенді естіп, тапсырыс беріп алғыздық. Мұның көмегімен бір-бірін көрмейді, тек тұмсығының астындағы жемді ғана көреді. Бұларға да бап керек. 3 мезгіл жем-суын тұрақты түрде беріп отырмыз. Жолдасым Каналбек кәсібіме болысып, бір жағымда қолдау көрсетіп отырады. Балаларым да қолдан келген көмегін аянып қалмайды. «Қыстың қамын жаз ойла» деген емес пе?! Қазір осы құстардың қысқы жайын ойлап сарай салып жатырмыз. Мемлекет тарапынан берілетін бұл несиенің тиімділігіне тәнті болып, алдағы уақытта кәсібімізді кеңейтуді жоспарлап отырмыз, – дейді Ләззат Айтұрсынова.</blockquote>«Қарты бар үйдің қазынасы бар» деп жатамыз. Ауданнан тілшілер келеді дегенді естіп ақ жаулықты әжеміз аула ішінде күтіп отыр екен. 90-ға келген Жұмаш Мекебаева есімді әжеміздің әліге дейін әуелете ән шырқайтын өнері бар екен. Біз де қолқа салып, бір ән айтып беруін өтіндік. «Тамағымның ауырып отырғаны-ай» деп қынжылып қалды. Бірақ көңілімізді жықпай Қасым Аманжоловтың «Өзге емес, өзім айтам өз жайымда» әнін айтып берді. Ауырғанына қарамастан дауысы сол қалпында тұр. Ауылдың қай үйіне бара қалсаңыз да құрт пен майы, ірімшігі мен ағарғаны дастарқаннан үзілмейді екен. «Нан ауыз тиіңдер» деп астан дәм ұсынды да, әжей бізді бата беріп шығарып салды. Біз де келінінің бастап жатқан кәсібінің берекелі болуын, табысының артуына тілектестік білдірдік.&nbsp;

«Ауыл аманаты»: ауыл халқының әлеуметтік-тұрмыстық жағдайын жақсартады

фото: knopka.kz <a href="https://kyzylorda-news.kz/">Kyzylorda-news.kz</a> Жаңа бизнес идеяларды жүзеге асыруға мемлекет тарапынан қолдау тетігі жыл сайын ұлғайтылып, креатив жобалар жүзеге асып келеді. Соның бірі – жаңақорған Азамат Құтыбаев шеге, тікен сым және қоршауға арналған тор секілді құрылысқа және ауыл шаруашылығына қажетті материалдар шығаруды қолға алғанын айтады.Құрылыс жұмыстарына пайдаланатын қарапайым шегенің өзі қат, сырттан тасымалданатынын көріп, осы олқылықтың орнын толтыруды көздеген жас алдымен «Бастау бизнес» жобасы бойынша оқып, кәсіпкерліктің қыр-сырын меңгерген ол қайтарымсыз грантқа қол жеткізеді. Бұл қаражатқа өндіріске қажетті құрал-жабдықтар сатып алып, алғашқы өнімдерін шығара бастады.<blockquote>"Кішкентайымнан темірге үйір болған соң,&nbsp;осы жобаны таңдадым. Бұл жобаның қазіргі таңда Қызылорда облысында баламасы жоқ. Қазақстан бойынша 4-5 өңірде ғана бар. Сондықтан зерттей келе, осы жобаны қолға алдым. Кәсіпкерлік палатасының тегін оқуының арқасында білімімді шыңдап, жобамды сәтті қорғағанымның арқасында грантқа ие болдым. Бір ғана шегемен шектелмей, қоршауға арналған тор мен тікен сымды шығару мақсат етіп отырмын. Өздеріңіз көріп отырғандай, қондырғымыз минутына 260 дана шеге шығарса, тікен сымның бір сағатта 60-70 метрін шығарады, тор сеткіні де сол уақытта 60-70 метр өнімді дайын күйінде шығарып береді, –&nbsp;дейді ол.</blockquote>Негізгі шикізат Қытай мен Ресейден келетіндіктен, қазір цех толық жұмыс істеп тұрған жоқ. Дегенмен бұңдай құрылыс материалдарына өңірде сұраныстың жоғары екенін айтады кәсіпкер.<blockquote>Жұмысымыз жүйелі жүру үшін кедергі қалың немесе орташа, қатты және жұмсақ сым.&nbsp;Оны біздің елімізде бірнеше зауыт шығарады. Біз негізінен Ресейден алдыртуға тырысамыз. Өйткені Қазақстандағы бағамен шетелдегі бағада айырмашылық үлкен. Ал сұранысқа келсек, аудан халқынан өзінен тапсырысжетіп артылады. Өйткені көлемі 70-тен 150 мм шегелер кез келген құрылысқа қажет",– дейді кәсіпкер.</blockquote>Темірден түйін түйген шебердің қолынан шыққан тұрмысқа, кеңсеге қажетті жиһаздардың кез келген түріне тапсырыс беруге болады. Шеге өндіретін цехы жұмысын жолға қоя білген Азамат Құтыбаев екі кісіні жұмыспен қамтып отыр. Олардың басты мақсаты – сапалы тауар шығару, әрі шетелге мұқтаждықты азайту. Кәсіп иесі алдағы уақытта тағы да бірнеше станок алып, өндірісін ұлғайтпақ ниетте екенін жасырмады. «Жаңақорғанның шегесі» деген мықты бренд қалыптастуды мақсат еткен жасқа біз де сәттілік тіледік.&nbsp;Мақпал МАРҚАБАЙ

Шеге өзімізден шығады

<a href="https://kyzylorda-news.kz/">Kyzylorda-news.kz</a> &nbsp;Шағын полиграфия өндірісі ауданда қолдау тапқан креативті бизнес жобаның бірі ретінде елең еткізгендіктен ерінбей Жаңақорған ауданына қарасты Шалқия кентіне ат басын бұрдық. Шақыру хаттар мен түрлі көрнекі құралдарды бала шеңді жасап машықтанған Балжан Бакированың баспагерлік бағыттаы басқа да жобалары көңілімізден шықты.<blockquote>–Жаныма жақынкәсіпті меңгеру жолында талай баспалдақтардан өтіп, тәжірибе жинадым. Кәсіби білім алмасам да, жан-жақты зерттеп, оны практика жүзінде сынап көрдім. Әлеуметтік желі дамыған заманда баспагерлік ісі кімге керек деген достарым да болды. Меніңше, қай дәуірде болмасын баспа ісі бірге дами береді. Қазір асқа шақыру қағаздарынан бастап, буклет, брошюра, кітаптағы сұраныс басым. Сыйлықтар салуға арналған қораптардың да түр-түрі бар, — деп бастады әңгімесін.</blockquote>Шағын кәсіпкерлік жүзден аса полиграфиялық қызмет көрсетуге қауқарлы. Тұрақты тұтынушыларының көбі әлеуметтік желі арқылы тапсырыс беріп келеді. Ал, ауылдағы мектеп ұстаздары мен балабақша тәрбиешілері Балжанның дүкенінен күнделікті сабаққа қажетті көрнекі құралдарды талғамына сай жасатып алуда. Соның бірі – Арайлым Мақашқызы:<blockquote>– Бұрын сабағымызға қажет әдістемелік көрнекі құрал үшін Түркістан қаласы мен Жаңақорған кентіне сабылып,қанша уақыт жоғалтатын едік. Балжан бізді осы қиындықтан құтқарды. Ешқайда сабылмай жас шағының уайым етпей, ауылдағы баспаханаға келіп, тиімді бағада әрі өз ойымыздағыдай көрнекі құралдарды жасатып жүрміз. Полиграфиялық машинасының мүмкіндігі жаңа бағытта сабақ беру түрліше әдіс-тәсілдеріне қор қалыптастыруға жол ашты, – деді ол.</blockquote>Полиграфиялық қызмет көрсетудің қыр-сырын ұққан кәсіп иесі баспагерлік іске қажетті бояулары мен құрал жабдықтарын Алматы қаласынан тасымалдайды екен. Әрі сол қаладағы тәжірибелі баспахананың мамандарымен жиі тәжірибе алмасып жүр. Үлкен қалада университетті тәмамдағаннан жас Шалқияға оралып, бірден ірі мегаполис пен шағын кент арасындағы қарама-қайшылықты сезінді. Сондықтан осы олқылықты шағын кәсіпкерлік көзіне айналдырғанын жасырмады.<blockquote>– «Жас толқын лайықты өмір сүру мүмкіндіктері мен перспективаларын таңдай бермейтіндіктен көз алдындағыны көрмей жатады. Көбі үлкен қалаларда үзеңгі іліндіруді ойлайды. Ары қарай келешегіне ой жүгірте беррмейді. Менің жолым болды. Бастау бизнес жобасы мен бизнес тренингтері маған өзіме деген сенімділігімді арттырып, жақын болашаққа қатысты бағдарларымды анықтауға көмектесті. Мен мүмкіндіктерді олар бір қарағанда жоқ болып көрінетін жерден көруді үйрендім», –&nbsp;дейді ол.</blockquote>&nbsp;Мақпал МАРҚАБАЙ

Кәсібін баспагерлік бағытта өрбіткен бойжеткен

<a href="https://kyzylorda-news.kz/">Kyzylorda-news.kz</a> Ақ маржан атанған күріштің отаны – Сыр елі тәуелсіздік жылдарында жер қойнауындағы мұнайдың мол қорын игеріп, егемен елдің игілігіне жаратуда. Ырысты, күрішті өлкедегі игілікті істер жалғасын тауып келеді. Оның ішінде қазалылық шаруалар биыл күріш алқабын едәуір арттырып отыр.Аудандағы «Жанкент Агро» жауапкершілігі шектеулі серіктестігі жаңа зауытты іске қосты. Оның қуаты жылына – 5 000 тонна күріш өңдей алады. Жобаның жалпы құны – 501 миллион теңгені құрайды. Оның – 155,2 миллион теңгесі «Аграрлық несие корпорациясы» акционерлік қоғамы тарапынан алынса, қалған – 345,8 миллион теңге серіктестік өз есебінен қаржыландырған екен. Өндіріс орнында 10 адам тұрақты жұмыспен қамтылған. &nbsp;Қазір ақталғаш күріш өзімізден бөлек Ресей, Украина, Өзбекстан елдеріне экспортталуда.Серіктестік директоры Әнуар Абыхановтың айтуынша, «Жанкент Агро» серіктестігі 2021 жылы құрылған. Шаруашылық күріш, жоңышқа дақылдарын егумен айналысады. Биылдың өзінде – 292 гектар жерге күріш дақылын егіп, суға бастырған. Шаруашылықта – 35 адам еңбек етеді.Биыл аудан бойынша барлығы – 17 377 гектарға ауыл шаруашылығы дақылдарын орналастыру жоспарланған. Оның ішінде, дәнді дақылдар – 6 637 гектар, майлы дақылдар –65, картоп, көкөніс, бақша – 2384, мал азықтық дақылдар – 8 291 гектар болса, сыр салысы – 6 200 гектарды алып жатыр.Қазалы ауданының халқы жыл сайын ауыл шаруашылығы саласында табысты еңбек етіп жатқанын бәрі жақсы біледі. Тіпті, өнім өндіруде аймақта көш басынан көрініп жүр. Өткен жылға да өкпе жоқ. Дала дарабоздарының табанды еңбегінің арқасында былтыр Сыр салысынан мол астық алдық. Биылғы науқанға да қажырлы еңбек етуде. Көктемгі егіс сызбасын даярлау барысында әртараптандыру бағытындағы жұмыстарға да ерекше мән беріліп отыр. Бұл тұрғыда өткен жылмен салыстырғанда жаздық бидай – 81, жаңа жоңышқа – 126, ескі жоңышқа – 112 гектарға артық егілген. Ал, негізгі дақыл – күріштің көлемі – 250 гектарға азайыпты.Сонымен қатар, азық-түлік қауіпсіздігін қамтамасыз ету мақсатында картоп, көкөніс, бақша дақылдарын қосымша егу үшін – 146 гектар жерге барлығы – 281 адам бірігіп, дән себу жұмыстарын жүргізді. Нәтижесінде, 15 гектар картоп, 35 гектар көкөніс, 46 гектар бақша дақылдары егілді.Сыр өңірі – ауыл шаруашылығы саласы бойынша жыл сайын толайым табыстарға қол жеткізіп, ел қазынасының ұлғаюына айтарлықтай үлес қосуда. Аймақ күріші ішкі нарықты қамтып қана қоймай, алыс-жақын шетелдерге де экспортталып келеді.Бүгінде қазақстандықтардың шамамен тең жарымы елді мекендерде тіршілік етеді. Ал Қызылорда облысы халқының 60 пайызға жуығы – ауыл тұрғындары. Олардың басым бөлігінің күнкөрісі, әлеуметтік-экономикалық жағдайы ауыл шаруашылығы өндірісіне тікелей байланысты. Қазалы бұрыннан ауыл шаруашылығында табысты еңбек еткенін айттық. Бұйыртса, биыл да, осы дәстүр жалғасады деп үміттенеміз. Еңбекпен еңсе тіктеген елді мекен халқы қазірдің өзінде алдағы науқандарға қызу дайындық үстінде жүр.

Қазалы: Еңбекпен еңсе тіктеген

<a href="https://kyzylorda-news.kz/">Kyzylorda-news.kz</a> &nbsp;Еңбек пен бақыт – егіз ұғым. Еңбектің көзін тапқандар ғана бақытқа қарай жақындай түседі. Айтуға оңай шығар, бұл істе екінің бірінің жолы бола бермейді. Өмірде бірі бастаған ісін аяғына жеткізбей, әрі-сәрі күй кешсе, бірі қиыннан қиыстырып, дөңгелетіп әкетуде.«Қалауын тапса, қар жанады» демекші, кісілік келбет пен кәсіпкерлік қызметті қатар алып жүргендер арамызда аз емес. Олардың бұл әрекеті ауыз толтырып мақтауға тұрарлық дүние. Себебі, мақсатына жету үшін асқан қажырлық пен темірдей табандылық талап етіледі. Ал, айтылған жолдан сүрінбей өткендер ғана түбінде татқан бейнетінің зейнетін көреді. «Тәуекел түбі – желқайық, өтесің де кетесің, қайғы түбі – тұңғиық, батасың да кетесің» демекші, батылдық пен сенімді серік етіп, кәсіп бастап, оның несібесін көріп отырған жандар қаншама.<blockquote>«Еңбектің көзін тапқан, бақыттың өзін табады» деген. Нарық қоғамында бәсекелестер қатарынан бәсі озып, өз өнеркәсібін өрістетіп отырған Қазалы ауданының жас кәсіпкері Руслан Бөлекбайды көпшілік таниды. Бүгінгі әңгіме Президент Қасым-Жомарт Тоқаевтың өзі марапаттап жатып: «Қазақтың келешегі өздеріңдей жалынды жастар қолында» деген сенімді аманаттаған азаматқа арқа сүйеп, абыройын асқақтауға атсалысқан асыл жан, ардақты әке туралы болмақ.</blockquote>Тау баласы тауға қарап өседі. Тегінде қазақтың тамырына бойлап, шежіресін тарқатуы текке қалыптаспаған түсінік. Кейінгі ғалымдар жылдар бойы генетикалық сараптама жасап, жеткен тұжырымды, халқымыз бір ғана дәстүрге сыйғызғанына таң қаласың. Психологтар айтып жүрген әр адамның бойындағы қабілетін ояту, ашу, дамытуға келгенде көбіміз кешеуілдік танытатынымыз бар. Біздің оқиға балаға қажеттілікті материалдық құндылықпен өлшейтін үлкендердің «ананын баласы» дегенді айтпас бұрын, ойлануға жетелейді.Жаңалық Бөлекбаев – теміржолшы. Өмір бойы мамандығын мақтанышына айналдырып, абыройды алыстан іздемей, қарапайымдылықпен күй кешкен жан. Қызығы, ол туралы туындыны қазақтың бәрі біледі. Өзі шыққан аудан орталығында, бір салада табаны күректей – 35 жыл талмай төр төгіп келе жатқан азаматтың әнге арқау болуына не себеп болды екен? Жауап бізді де қызықтырды.Қазалының Бекарыстан би ауылында дүниеге келген Жаңалық туған жерін түлетуге аянбай атсалысқан Қаман пен Күнжәмила Бөлекбаевтар отбасының кенжесі.Германияда әскери борышын өтеген соң, Ақтөбедегі теміржолшылар даярлайтын институтты вагон шаруашылығы мамандығы бойынша бітіреді. Жоғары білімді жас маман 1989 жылы Қазалы вагон депосына жұмысқа орналасады. Аталмыш мекемеде сол кезден бері слесарь, бригадир, цех шебері болып жұмыс істеп келеді.Жары – Нәйлә Әбдімұратқызы «Алпамыс» бөбекжай-балабақшасында әдіскер. Отбасында алтын асықтай ұл-қызды бірге тәрбиелеп отыр. Сөз басында айтқан үйдің тұңғышы Руслан – «Ақмешіт» университетінің түлегі. Еңбек жолын мемлекеттік қызметте бастаған ол облыс, ауданда жауапты істер атқарды. Қазалы агроколледжінен жол басқару мамандығын алған Жасұлан бүгінде мұнай саласында. Ақгүл Қорқыт ата атындағы Қызылорда мемлекеттік университетін, магистратурасын қызыл дипоммен тәмамдаған. Мамандығы бойынша су шаруашылығында еңбек етуде.Баларының қай-қайсысы да елгезек, көмек сұраған жанға қолындағы соңғы дүниесін қиып беруге даяр болып өскенін бағамдадық. Руслан жасаған қайырымдылық әркеттерді қазалылықтар жыр қылып айтады. Кәсіпкерден көмек сұрайтындар, тұрақты хабарласып, хал-жағдайын жеткізетіндер барын білдік. Бизнесменнен бұл туралы сұрағанымызда, қысқа ғана: «Ол біздің отбасылық ұстанымымыз. Ұяда алған тәлім-тәрбиеміз» , – деді. Ата-анасы туралы айтып беруін өтінгенімізде: «Анам – тілекшім, әкем – ең үлкен қамқоршым. Басқалардың қандай екенін білмеймін, олардың отбасында бір-біріне дауыс көтеріп ұрысқанын, не кемсітіп, төмендеткенін көрмеппін. Атам әкеме: «Ала жіпті аттама. Қолыңда бармен бөліс. Алла келер жерін кеңітеді» дегенді аманаттапты. Әкемнің өміріне арқау болған сөз біздің отбасының бұлжымас қағидасы, берік ұстанымына айналды», – деді. Төрелі сөздің төркінін кейін ұғындық. Жақсы адамдар туралы айтылғанда ойға оралатын Төреғали Төреәлі айтатын «Менің ағам» деген әдемі ән бар ғой. Сол туындыны авторы Жаңалық ағамызға арнап шығарған екен.«Сыйласу үшін екі адам, Бір тусын деген бос ұғым» деген екі адамның риясыз араластығын осынау жолға сыйдырған әннің кейіпкеріне өлмес өнер мұраны не үшін қалдырғаны туралы білгіміз келгенде, Жәке жақындық жөнінде айттып, тума талант туралы жақсы пікірімен бөлісті.«Қазақтың маңдайына біткен біртуар өнер иесі еді. Ғұмыры қысқа болды. Екеуіміз танысқан аз уақыт бізге көп дүниені ұғындырды»,– деді. Ініге аға, кішіге пана болу алмағайып заманда, расында, үлгі болар іс. Туғанына есеппен араласатындар көбейген тұста «аға» деген алғаусыз көңілге лайық болып, Дархан Оразымбетовке қамқорлық танытып, баспана салып, енші беру кез-келгеннің қолынан келе бермесі анық. Сүйсіндік, сүйіншілеп, оқырманға жеткізуге асықтық.Бізді қызықтырған бизнес те, Жаңалық әкенің ұсынысынан басталыпты. Байыптадық.<blockquote>– Аудандағы жетекші бөлімде қызмет етіп жүрген кезім. Ертемен кетеміз, кеш бата келеміз. Кейде отбасы мүшелерін көріп те үлгермейміз. Жұмыс талабы сондай. Демалыссыз, үзіліссіз, үздіксіз қозғалыс. Осындай күндердің бірінде шаршаңқы түрімді көріп, әкем жанына шақырып алып: «Мына жұмысыңды қойсаң қалай болады. Қазіргі уақыт мүмкіндіктер кезеңі ғой. Басқа салада өзіңді сынап көр», – деді. «Қалай болады екен?» деген ойда қалдым, – деп еске алады сол кезді.</blockquote>Алғашында абдыраған Русланға жергілікті өнім өндіру туралы ойды да әке салыпты.Бұрын-соңды ауданда дамымаған істі ілгерілету оңай шаруа емес. Алдымен оған деген толық түсінік, істі зерттеп-зерделеу, бәсекелестерді байыпты бақылау, білім алу, тәжірибе жинау, қажетті құрал жабдықтар мен шикізатты табу қажеттілігі туындайды.Ойға келген бастама оңай орындала қойсын ба, ізденіс үстінде жүрген жігіт 6 айдан астам уақытын, көлемді шығынын кетіреді. Баласының қабағындағы кіреукені көргенде айтқан пікірі перзентінің тауы шағылмай, биікке ұмтылуына түріткі болады.<blockquote>– Ұлым, қиындық болмаған жерде қуаныш ұяламайды. Сен бидай ексең, жерін өңдейсің, тұқымын себесің, суарасың, күтіп-баптайсың. Солай еткенде ғана өнім өсіп, бидай жеміс беріп, басын иеді. Бизнес те сондай. Бір ағам айтып еді, кәсіп – арбаның дөңгелегі сияқты. Кейде жай, кейде қатты айналады. Діттеген жерге жету үшін тек үнемі қозғалысын тоқтатпау керек. Іс бастадың ба, тастама. Махаббатыңды төк, бала-шағаңнан артық көр. Артыңда сені қолдайтын қуатты күш – отбасың бар». Тарқатудың да қажеті жоқ. Әр әке перзентінің үмітін осылай ұштаса, қиындық та, тосқауыл да еш нәрсеге кедергі келтіре алмас еді-ау.</blockquote>Кәсіпкерлікті оның ішінде, жастар кәсіпкерлігін дамытуға бағытталған жоба – «Бизнестің жол картасы – 2025» бизнесті қолдау мен дамытудың мемлекеттік бағдарламасы болып табылады. Қазіргі таңда бұл бастама жас кәсіпкерлерге біршама бағыт-бағдар беруде. Қазақстан әлемдік өркениет көшінен өз орнын алуы үшін отандық өнімдеріміз барлық жағынан талапқа сай болуы қажет. Ол үшін отандық кәсіпкерлерді барынша қолдау қажет. Жас кәсіпкер – ертеңгі аяғынан тұрған, әлеуеті күшті, халықаралық деңгейде жұмыс істейтін кәсіпкер қалыптастырушы орта. Барлық салада жас кәсіпкерлер қызметін дамытуға мән беріп, мемлекет тарапынан көрсетіліп отырған мемлекеттік қолдаудың белгілі бір үлесін мақсатты түрде олардың қызметін дамытуға және қолдауға бағыттау қажет. Себебі, жастар кәсіппен айналысу кезінде қаржылық, ақпараттық, білім, инфрақұрылым және осы секілді басқа да көптеген қиындықтарға кезігіп отырады. Бүгінгі таңда назар аударатын мәселе ауылдық өңірлерде жастардың кәсіпкерлік белсенділігін арттыру және жас кәсіпкерлерді мемлекеттік қолдау өзекті болып отыр. Оның ішінде, ең басты жайт – кәсіппен айналысу ережесінің қарапайым әрі түсінікті болуы. Яғни, қоғам тарапынан кәсіпкерлерге оң көзқарастың болуы.Нарық қалайтын өнімдерді шығару арқылы тиімді бизнес саласын құру отандық және шетелдік сату алаңында сүбелі орын еншілейтіні анық. Тіпті, қолыңыздағы ұялы телефон арқылы да жарнамалауды жолға қоюға болады. Өз ісін жақсы көру, уақыт пен қаражатты өз пайдасына жұмсай білу, жетістікте өмір сүру, биік мақсаттарды бағындыру – сәтті құрылған бизнестің жемісі.Адамды еңбекке баулып, алға қарай ынталандыру қашанда пайдалы. Жастарға кәсібінің нағыз маманы болуға және өз бастамасын жүзеге асыруға мүмкіндік пен жағдай жасасақ болғаны. Ал, табысты болу кәсіпкердің еншісінде.

 Қазалылық кәсіпкер сабын шығаруда

<a href="https://kyzylorda-news.kz/">Kyzylorda-news.kz</a>&nbsp; Аналық аралардың өмір сүру ұзақтығы 6 ай екенін білесіз бе? Сәби 6 айлығында енді тәй-тәй басып жүруге ұмтылса, аралар бұл уақытта ұрпағын жалғастырады. Ал бірі білсе, бірі білмес, бал аралары 1 ай ғана тіршілік етіп, өледі екен. Біз мән бермейтін қоршаған әлемнің қызығы өте көп. Жыбырлаған құмырсқадан бастап барлық тіршілік иесі еңбекке жақын келеді. Оның ішінде, тақырыбымызға арқау болған ара да бар.Қыстың ызғарлы күндері артта қалып, көктем келгеннен бастап бал жинауға кірісетін, нағыз жұмыстың жәндігі ара туралы білу үшін омарташы Өмірғали ағаймен байланысқа шықтық. Қызылордалық Өмірғали Жұмаханұлы – 2 жылдық тәжірибесі бар қызылордалық омарташы. Бүгінде қала сыртынан 75 шақырымда орналасқан Шаған елді мекенінде араларды баптаумен айналысады. Арнайы форманы киіп, бал жинау көрген көзге қызықты әрі жеңіл болғанымен, оны өсіріп-баптап, көзін табу ғылым жолындағы зерттеу жұмысымен пара пар.<blockquote>− Бұл кәсіпке келгеніме 2 жылдан асты. Әрине, оңай жұмыс, оңай табыс жоқ. Барлығы тәжірибемен келеді. Жұмысқа қызығушылығың, ынтаң мен икемің болса, аралармен де достасып кетесің. Қазір 250- ге жуық ұямыз бар, − деді омарташы.</blockquote>Аралар колония немесе ұя түрінде өмір сүреді.&nbsp;Әр ұяда мыңдаған ара болады. Олар жұмысшы, аналық және трутень аралар деп бөлінеді. Олардың ең көп бөлігі − жұмысшылар. Міндеттері әртүрлі: бал жинау, ұя тазалау, тамақтандыру және ұяны қорғау. Патша ара ұядағы жалғыз аналық және оның негізгі міндеті – жұмыртқа салу. Ал жұмысы, қызметі жоқ − еркек аралар.Әңгіме барысында аралардың өмір сүру ұзақтығын айтқанда таңғалдық. 1-6 ай біреуге аз, біреуге көп уақыт емес пе? Өмірғали ағайдың айтуынша, аралар баптап, күтім жасағанды жақсы көреді. Тіпті әр ұяшықтың өзіндік ережелері бар көрінеді. Еңбек пен тәртіпке үйренгендері соншалықты әр іске жауапты ара болады екен. Естіген құлақ пен оқыған көзге күлкілі болуы мүмкін, бірақ шындығы – осы. Ұялардың тазалығына жауапты, аралардың бал жинауына, тәртіпке, ыстық күні ұяшықтың салқындауы, ал салқын мезгілде іштегі жылы температураға жауапты аралар болады. Аналық ара 6 ай өмірінде бал тасып, өзінен кейін ізбасары ретінде ұрпақ қалдырып, оны тіршілікке бейімдеп кетеді екен. Ұқыптылыққа келсек, ай сайын кене немесе басқа да жәндіктерден залалсыздандырау мақсатында аралардың үйі тазартудан өтеді, яғни улау процесі жүреді.Сондай-ақ бал жинау, 1 жылдағы аралардың қызметі туралы да сұрадық.<blockquote>− Қыс мезгілі келіп, күн райы суығанда аралар ұяшықтарына жиналады. Аязды күні сонда мекендейді. Көктем келіп, гүлдер жайқалғанда олардың да қызу жұмысы басталады. Мәселен, қазір мия, жантақ, шеңгел гүлдерінен бал тасуда. Осылай көктем-жазда молынан жұмыс істейді. Қыркүйек-қазан айларында да гүлдейтін өсімдер бар, сол кезге дейін бал жинайды. Осылайша күзде қайтадан демалысқа кетеді. Бірақ ұяшықтарында жұмыс жалғасады. Келесі маусымға дайындық жұмыстарын жүргізіп, ұяшықтарын ретке келтіреді. Жантақ, мамыр балы дегендер осы гүлдерге, кезеңдерге байланысты қойылады. Оларды жинағанда да бөлек жинаймыз. Ұяшықтардан әр 15 күн сайын бал аламыз, − дейді Өмірғали Жұмаханұлы.</blockquote>Сіз білесіз бе?• Араны баптайтын омарташы болса, ара туралы ғылым «апиология» деп аталады.• Ара қанатын секундына 200 рет қағады, ал салмағы шамамен 0,1 грам.• Африка арасы − барлық қолданыстағы ара түрлерінің ішіндегі ең қауіпті түрі.• Ара жұмыртқасының жетілуі шамамен 17 күн.Аралар тек бал жасаумен шектелмейді. Олардың ең маңызды қызметінің бірі – тозаңдандыру. Аралар гүлге қонған кезде, денесіне тозаң жабысып, басқа гүлге ұшқанда, сол тозаңды тасымалдайды. Бұл процесс өсімдіктердің жеміс беруіне ықпал етеді. Аралардың тозаңдандыру қызметі болмаса, біршама дақыл мен жеміс-жидектердің өнімділігі айтарлықтай төмендер еді. Сандарға сүйенсек, аралар әлемдегі өсімдіктердің 80%-ын тозаңдандырады.Араның өзінде де, өнімінде де шипалық қасиет бар. Тізесі ауыратындар емдік мақсатта ара іздеп келетін көрінеді. Ең қызығы адамды шаққан ара лезде мерт болады. Ал балға сұраныс жылдан жылға артуда. Омарташы Қытай, араб елдерінен алдыртатындар да бар екенін айтты.Кезінде Альберт Энштейн «адам оттегісіз үш минут, сусыз үш күн, ал арасыз төрт жыл ғана өмір сүре алады» деген екен. Бұл сөз аралардың тіршіліктегі маңызын білдірсе керек.&nbsp;Әлия ТӘЖІБАЙ Фото: tatarica.org.ru

Қызылордалық омарташы кәсібінің ерекшелігімен бөлісті

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының бизнес саласында кәсіпкер әйелдердің саны жыл сайын артып келеді. Себебі, өңірде оларға көрсетілетін көмек түрлі жобалар арқылы жүзеге асуда. Мәселен, «Әйелдер кәсіпкерлігін дамыту орталығы» жобасы аясында кәсіпкерлер палатасының кеңесшілері іскер әйелдерге кеңес беріп, олардың қажеттілігін анықтайды. Бұл бағдарлама әйелдер қауымының кәсіп көкжиегін кеңейтуіне мол мүмкіндік береді. Кеше Өңірлік коммуникациялар қызметінің ақпарат алаңына жауапты сала мамандары өңірдегі әйелдер кәсіпкерлігін дамыту бағытындағы ой-пікірлерін ортаға салды.<blockquote>– Кәсіпкерлер палатасы шағын және орта бизнес өкілдеріне және кәсіпкерлік бастамасы бар азаматтарға қаржылай емес қолдау көрсетеді. «Әйелдер кәсіпкерлігін дамыту орталығы» жобасы бойынша өткен жылы 402 азаматшаға тиісті кеңес берілді. Ал, кәсіптік оқыту аясында 107 әйел білімін жетілдірсе, 13 әйел тәлімгердің қызметін пайдаланды. Сондай-ақ, «Республикалық медициналық академия» ЖШС, ЖК «Тұмар», ЖК «Тәтті әлем», «Ас-кА» ЖШС және «Хадиджа» мектепке дейінгі мемлекеттік емес балабақшасы «Іскерлік шолудан» өтті. Бізде «Бір ауыл – бір өнім» атты жоба бар. Бұл шағын және орта бизнес субъектілеріне және жергілікті шикізат өнім өндіретін кәсіпкерлік бастамасы бар халыққа ұсынылады. Оған өңірлік көрмелер өткізу, өнімдер анықтау, өнімнің тауар белгілері мен логтиптерін әзірлеуге жәрдемдесу және аталмыш жоба қатысушыларын оқыту мен маргетингтік қолдау қызметтері кіреді. «Бір ауыл – бір өнім» жобасы бойынша өткен жылы Қызылорда қаласында жергілікті шикізаттан өндірілетін өнімдердің көрмесі ұйымдастырылып, 22 өнім өндірушісі қатысып, 3 жеңімпаз анықталды. Бүгінгі таңда «Бір ауыл – бір өнім» жобасының финалистері республикалық және қалалық көрмелерге белсенді қатысуда. Аталған жобаға қатысуға ниетті 38 адам тіркелді. Жоба шілде айында өткізіледі деп жоспарланып отыр, – деді Қызылорда облысы кәсіпкерлер палатасы директорының орынбасары Дәурен Сейтжанов.</blockquote>Бүгінде кәсіппен айналысатындар қатары артты.<blockquote>– «Әйелдер микробизнесте» жобасы микробизнестегі Қазақстанның әйелдеріне оқыту және консалтингтік қолдау арқылы кәсіпорынды дамытуға көмектеседі. Бұл бағдарлама бизнестің стратегиялық маркетинг, бизнес стратегиясы, сатуды арттыру, ақпараттық технологиялар, қаржы және оларды есепке алу , қызметкерлерді тарту және ұстап қалу секілді барлық саласын қамтиды. Аталмыш жоба арқылы әйелдер бірнеше мүмкіндікке қол жеткізе алады. «Әйелдер микробизнесте» жобасына бақы сынау үшін қатысушының қызметкерлерінің саны 15-ке жетеуі керек. Сондай-ақ, оның бизнес айналымы 100 млн теңгеден аспау керек. Нәзік жандылардың бизнес бастауы жауаптылыққа, ұқыптылыққа үндейді,- деді ЕҚДБ Қазақстандағы Оңтүстік аймақ бойынша шағын және орта бизнесті қаржыландыру және дамыту тобының тыңдаушысы Мұрат Наркулов.</blockquote>Кәсіпті ашуға, оны әрі қарай дамытуға арналған бағдарламалар жетерлік.&nbsp;<blockquote>– Осындай бағдарламалардың жиі болғаны дұрыс. Өз кәсібін бастаймын деген қыз-келіншектерге біздің тарапымыздан тиісті қолдаулар үнемі болады. Біз аймақтағы іскер әйелдермен тығыз байланыстамыз. Керек кезінде қолдау беруден де шаршамаймыз. Облыстағы кәсіпкерлер палатасының Іскер әйелдер кеңесінің төрайымы ретінде қыз-келіншектердің кәсібін жүйелеп, өрге домалатуына қол ұшымды созуға дайынмын. Өңірде кәсіпкер әйелдердің көп болғаны көңіл қуантады,- деді Қызылорда облысы бойынша кәсіпкерлер палатасының Іскер әйелдер кеңесінің төрайымы Наталья Мишукова.</blockquote>Фото: Қызылорда облысының Өңірлік коммуникациялар қызметі

Қазақстан және Қызылорда облысының жаңалықтары: Кәсіпкерлік