&nbsp;<a href="https://kyzylorda-news.kz/">Kyzylorda-news.kz</a> &nbsp;Сенбі күні «SevenBro» коворкинг орталығында «BORT(D)A» жаңа бизнес клубының ашылу сатанаты өтті. Меркелік шарада Қызылорда облысы кәсіпкерлер палатасының директоры Пірмұхаммед Сыздық алғы сөз сөйлеп, жаңа бизнес ортасына сәттілік тіледі. Сонымен қатар, лента қию рәсіміне Палата директорының орынбасары Дәурен Сейтжанов, Палата аясындағы «Іскер әйелдер кеңесінің» төрайымы Наталья Мишукова қатысты. Бұл туралы Қызылорда облысы кәсіпкерлер палатасының баспасөз қызметі хабарлады.&nbsp;Айта кетейік, Жуырда Қызылорда облысы кәсіпкерлер палатасының ұйымдастыруымен өңір кәсіпкерлеріне Астана қаласынан арнайы шақыртылған бизнес тренер Арман Ақбердиев «Электронды сауда негіздері және маркетплейстер» тақырыбында оқыту өткізген. Екі күн қатарынан тренингке белсене қатысқан бизнес өкілдері өздеріне пайдалы кейстер алып қана қоймай, барлығы топтасып «Бизнес клуб» құруды шешті. Қызылорда облысы кәсіпкерлер палатасы идеяны қолдап, көп ұзатпай жас кәсіпкерлерден құрылған жаңа Бизнес Орта-Бизнес Орда «BORT(D)A» клубы құрылды. Клуб жетекшісі болып бірауыздан жас кәсіпкер Мұрат Аманқұлов тағайындалды.Лента қию рәсімінен соң спикер, клубтың белсенді мүшесі Гүлзира Шалбаева өзінің бизнеске келу жолы мен ондағы кездескен кедергілер жөнінде айтып берді. Гүлзира ханым осы клубтың ашылуын алғашқылардың бірі болып қолдаған және өзінің спонсорлық көмегін де ұсынған жан. Әрі қарай, кәсіпкер, клуб мүшесі Бауржан Төлетай қаржылық сауаттылықтың кейстерімен бөлісті. Сондай-ақ көршілес Ресей елінде өз бизнесін дөңгелетіп отырған жерлесіміз бизнес-психолог, коуч Дарья Пушкарская видео байланыс арқылы кадр мәселелері, қызметкерлерді жұмысқа алу мен олардың жұмысын ұйымдастыру аясында пайдалы ақпараттар айтты.Жалпы қазіргі таңда клуб мүшелігінде 30-ға жуық кәсіпкер бар, дегенмен қосыламын деушілерге әрқашан есік ашық. Клуб мақсаты жас, әрі креативті бизнес орта өкілдерінің бір-бірімен тәжірибе алмасып, ақыл-кеңестеріне жүгінуіне ықпал жасау. Сонымен бірге өңіріміздің дамуы үшін ортақ идеялар мен жаңашылдықтарды бірлесе отырып атқару мүмкіндігін арттыру болып табылады. Әсіресе, кәсібін жаңадан бастап келе жатқандар үшін бұл ортаның пайдасы мол болмақ.&nbsp;

Қызылордада жаңа бизнес клуб ашылды

<a href="https://kyzylorda-news.kz/">Kyzylorda-news.kz</a>&nbsp; &nbsp;Айдынды өлкенің айбынына айналған Арал теңізінің тағдырына алаңдаулы жұрттың қолға алған қай ісі де қайырлы. Теңізді өлкенің негізгі күнкөрісінің бірі балық шаруашылығы болғандықтан бұл кәсіптен шетқақпай қалған жан жоқ десек, мұндағы жұрт теңіз тағдырына алаңдайды деуге негіз жоқ емес. Балық аулайтын балықшылардың заңды учаскелік аймақта тіркелгені өз алдына, бұл жұмысты тіршілік көзіне айналдырып, балық аулу ісінде табысты еңбек етіп жатқандары да жоқ емес. Бүгінде бұл салада «Қуаныш» ЖШС-нің жұмысы нәтижелі жүзеге асып келеді. Теңіз маржанын тереңнен сүзіп, оны өңдеуде табысты жұмыс атқаруда.Енді айдынды Аралдың кешегі Тәуелсіздік жылдарынан бері қарайғы уақыт аралығындағы тұтас тарихы мен арғы-бергі жағдайын аз-кем тақырыпқа тұздық етсек.1989 жылы Арал теңізі Берг бұғазынан екіге бөлінді. Берг бұғазының солтүстік жағы Кіші Арал теңізі, ал оңтүстік жағы – Үлкен Арал теңізі. Арал теңізін толықтай сақтау мүмкін болмағандықтан, оның екі бөлікке бөлінгендігін пайдалынып, Сырдария өзенінен келген суды тиімді пайдалану мақсатында Кіші Арал теңізін сақтап қалу жұмыстары қолға алынды. Бұл бағыттағы алғашқы жұмыстар еліміз Тәуелсіздік алған кезеңдерден басталған-ды. Яғни, 1992 жылдың шілде-тамыз айларында Берг бұғазында құмнан тұрғызылған Көкарал тоспасы. Бірақ 1993 жылдың көктемінде дария суы өте мол келіп, сәуір айында тоспаны бұзып кеткен. Бұдан кейін де қолға алынған жұмыстар нәтижесіз болды. Араға біршама уақыт салып, халықаралық және мемлекеттік деңгейдегі «Сырдария өзенінің арнасын реттеу және Солтүстік Арал теңізін сақтау» (САРАТС) жобасы жасалды. Мақсаты айқын жобаны ҚР Үкіметінің қолдауымен Дүниежүзілік Банк қаржыландырды. Осы жұмыстардың аясында нендей нәтижелерге қол жеткізілгені барлығыңызға аян болар. Берг бұғазында су реттегіші бар Көкарал бөгеті, дарияның теңізге құяр сағасынан 25 шақырым жоғарырақта Ақлақ тоспасын салу және қазіргі қолданыстағы Қазалы, Қызылорда және Шардара плотиналарына күрделі жөндеу жүргізу жоспарланды. Көкарал бөгеті аяқталған соң 2006 жылдың сәуір айының ортасында Кіші теңіз деңгейі жоғарыда айтқан Балтық жүйесі бойынша 39,0 метрден 42,0 метрге дейін жетті. Теңіз суының көлемі 27,07 текше метр, айдынның аумағы 3288,0 текше метр, теңіз жағалауының ұзындығы 435 км болды. Осылайша ертеңге сенім артқан жағалау жұртының үміті қайта жанды.Қазіргі таңда аудан бойынша жылдық қуаттылығы бірнеше мың тоннаны құрайтын 9 балық өңдеу зауыты жұмыс істейді. Солдың ішінде «Қуаныш» ЖШС-нің шоқтығы биік. Ауданға қарасты Қаратерең ауылдық округінде орналасқан кәсіпорынның тарихы 1998 жылдан басталады. Кіші Арал теңізінің номері 4 учаскесінен балық аулаумен айналысатын кәсіпорында тұрақты 30 адам,маусымдық кезеңде 50 адамға дейін жұмыс жасайды. Кәсіпорынның арнайы балық қабылдау және өңдеу орталығы жұмыс жасайды. Белгіленген лимит бойынша 372 тонна балық ауланады. Өңделген балық сұраныс бойынша Қазақстан қалаларына және ТМД елдеріне жіберіледі.Қаратерең ауылы тұрғындары жұмыспен қамтылып, жергілікті бюджетке уақытылы салығы төленіп отыр. Бүгінде тағдырлы теңіздің бір бөлігінен напақа теріп, оны өңдеп елге ұсынуда өзіндік орны бар өндіріс ошағының аудан жұртшылығы үшін орны әсте бөлек дер едік. Сырды жағалай қоныстанған атажұрт заманында теңізден нәпақа терді десек. Бұл ата кәсіп әлі де өз желісін үзген жоқ. Ел дамуында өзіндік ерекшелігі бар осындай кәсіпорынның алдағы бағыты айқын. Оны теңізбен тілдескен, теңізде күн кешкен қауым жақсы біледі.Алтынбек Бисенов

Ел дамуында «Қуаныш» ЖШС-ның үлесі ерекше

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы Қасым-Жомарт Кемелұлы Тоқаев еліміздің әрбір өңірін дамыту үшін инвестиция тартуды тапсырды. Аймақ басшысы Нұрлыбек Машбекұлы Нәлібаев бұл бағытта нақты нәтиже көрсетуге байланысты жаппай кәсіпкерлікті дамытып, инвестиция тарту – экономикамызды нығайтатын басты бағыт екенін аудан әкімдеріне тапсырған болатын. Осы ретте ауданда кәсіпкерлік саласын дамытуға барынша жағдай жасау – ең басты міндет.Сырдария ауданында 2024 жылдың 1 маусымына 2821 шағын және орта кәсіпкерлік субъектілері тіркелді. Оның ішінде жұмыс жасап тұрған кәсіпкерлік субъектілерінің саны 2733 болып, тіркелгендерге үлесі 96,9 пайызды құрады.– 2023 жылдың қорытындысымен шағын және орта бизнесте жұмыспен қамтылғандар саны 4774 адамды құрады. &nbsp;Оның ішінде заңды тұлғаларда 980 адам, жеке кәсіпкерлікте 1654 адам, шаруа қожалықтарда 2140 адам. Сонымен қатар 2023 жылы шағын және орта кәсіпкерлік субъектілерімен 23,8 млрд.теңгенің өнімі шығарылды.Жалпы 2024 жыл басынан бері Сырдария ауданында мемлекеттік және өңірлік бағдарламалар аясында құны 1,3 млрд. теңгені құрайтын 106 жобаға қаржылай қолдау көрсетілді, – дейді аудандық кәсіпкерлік және өнеркәсіп бөлімінің басшысы Алмат Сәдуақасов.Бағдарламаларға келетін болсақ, ауданда «Микробизнес-Қызылорда» бағдарламасы аясында құны 28,0 млн. теңгенің 7 жобасы қаржыландырылды.«Бизнестің жол картасы-2025» бағдарламасы бойынша құны 793,8 млн.теңгенің 16 жобасы екінші деңгейлі банкттер тарапынан қаржыландырылды.«Ұлттық жоба» щеңберінде жаңа&nbsp;бизнес &nbsp;идеяларды іске асыру мақсатында 1&nbsp;476 800 теңгеден 40 адамға 59,0 млн.теңге көлемінде мемлекеттік қайтарымсыз грант берілді.Аграрлық несие корпорациясы арқылы «Іскер» бағдарламалары бойынша 198,5 млн.теңгенің 25 жобасы және «Кең дала» бағдарламасы бойынша 18,0 млн.теңгенің 3 жобасы іске асты.«ҚазАгроҚаржы» АҚ-ның Қызылорда филиалы арқылы құны 251,6 млн. теңгеге 15 ауылшаруашылық техникалары мен құрал-жабдықтары алынды.фото: egemen.kz

Сырдарияда жыл басынан бері 106 жоба қаржылай қолдау тапты

<a href="https://kyzylorda-news.kz/">Kyzylorda-news.kz</a>&nbsp; &nbsp; Мал шаруашылығын дамыту ата кәсіпті ақсатпау ғана емес, нарықтық қоғамда таза табиғи өнімді тұтынып, кәсіптің зерттелген, нәтижелі түрі болуымен маңыздылығын арттырды. Шаруашылықтың бұл түрін қолға алып, тұрмысын тіктегендер Қазалы ауданында да көптеп кездеседі.Қазіргі таңда округ орталығына жақын орналасқан Қазалы қаласында мал азығына қолданылатын өнім жемдік азықпен жергілікті түлік түрлерін қамтамасыз ететін берекелі бизнестің бұйдасын ұстап отырған Сахитжан Игіліктің игі бастамасы көпті сүйсінтіп келеді.Құрама жем – арнайы рецепт бойынша жасалған азықтың майдаланған дайын қоспасы. Ол дән, қатқыл азықтар, өсімдік және шөп ұны, техникалық, химиялық және микробиологиялық өнімдер арқылы әзірленеді. Қазалылық құрама жем құрамында малға қажет барлық қоректік заттар қамтылған.Өнеркәсіптің аталмыш түрі жергілікті агроөндірістік кешеннің маңызды бөлігі. Бүгінде дүниежүзінің барлық елдерінде жемнің құны жыл санап асқақтап барады. Оларды өндіруге қажетті ресурстар азайып барады. Сонымен қатар, құрама жемнің көптеген құрамдас бөліктері тапшылығы, кейбіреулері өзге мақсаттарға пайдаланылуы себеп болып отыр. Дәстүрлі энергетикалық ресурстардың қымбаттауы мен азаюы мал азығының жаңа түрін дамытудың қажеттілігін тудырып отыр.«Бұған дейін бизнес дегеннің не екенін білмейтін едік. Жұмыссыз жүрген ұлым бір күні құрама жем өндіру арқылы сұранысқа ие кәсіп түрін шығара алатынымыз туралы ойын айтты. Алғаш «қалай болды екен?» деп уайымдағанымызбен, арада аз уақыт өткенде сәті туып, істі бастауға мүмкіндік туды», – дейді алғашқы әсерлері туралы Сайран Оразымбетова. Ұлының ұтымды ұсынысын қолдаған ана жолдарын іздеп, кәсіп ашуға бел буады. Осы жылдың ақпан айында ізденісін арттырған Қазалы қаласының тұрғыны Сайран Оразымбетова жеке кәсіпкер атанады.Өз ойларын Қазалы қаласы әкімдігіне барып жеткізеді. Бұл жердегілер отбасылық кәсіпті қолдап, бизнес жоспар түзу, қорғау жолдарын нұсқайды. «Ізденген жетер мұратқа» дегендей, дұрыс бағыт бойынша «Ауыл аманаты» бағдарламасы бойынша 2,5 пайызбен несиеге қол жеткізеді. «Жас келсе, іске» дегендей, ауданда жоқ өндіріс түрін қолға алған бастамашы бизнес иелеріне барлығы қолдау білдіреді.Тәуекел етпеген мұратына жетпейтінін кейіпкеріміздің әрекеті ұқтырғандай болды. «Біздің тірлігіміз, шын мәнінде, тәуекелге бас тігумен бірдей еді. Кетірген қаражат, ысрап еткен уақыт өзін өтемесе, қалай болады» деген ой жоқ, қажеттілікті қамтамасыз ете алатын болғаным көкейге қуаныш ұялатады. Аллаға шүкір, жайлап жұмыс ауқымы кеңейіп келеді», – дейді Сахитжан Игілік.Бүгінде ол өндіріске қажетті шикізатты қайдан алуы керек, қалай пайдалануы керек, оны әзірлеуде қандай үдеріс барын жақсы меңгерген. Ықыластылар болса, үйретуге де әзір. Шетелдік құрылғылар істен шыға қалса, оны жөндеп, қалпына келтіруге де машықтанған. Қиын да, қызықты жұмыс өз ырғағымен жүрсе, мақсатқа тез жетуге болатынымен бөлісті.Базарда құрама жемнің бір келіге шаққандағы құны – 350 теңгені құраса, Сахитжан шығаратын жаңа жем – 250 теңгеден сатылады. Әзірге алып сатарлар, көршілес аудандар тұрғындары, айналадағы алыс-жақын ағайындар мен таныстар тапсырыс беріп отыр. Жақын уақытта жем сататын жаңа орын ашу идеясы да ойында бар.«Біз үй жануарларын құнарлы азықпен азықтандыра отырып, дәстүрлі азықты алмастыратын, зиянды қалдықтарды азайтуға атсалысамыз. Құнарлы құрама жем малдың қоректік минералдық және биологиялық белсенді заттарға деген қажеттілігін өтейтін өнім. Дән, кебек, күнжара, пішен, сабан, балық ұны, немесе сұлы, сұлы ұны сияқты жеке азықтар бидай кебегі сияқты біртекті қоспалар малдың қоректік заттарға деген қажеттілігін толық өтей алмайды», – дейді жаңа жемшөп жасаушы.

Сұранысқа ие табиғи өнім 

&nbsp; &nbsp;Сырдария ауданына қарасты &nbsp;Аманкелді ауылдық округі бойынша 532 отбасында 2742 халық тұрады.&nbsp;Ауылда мектеп-лицей, балабақша, аурухана, ауылдық мәдениет үйі, кітапхана, қазпошта бөлімшесі, вет.станция, ауылдық өнер мектебі және өрт сөндіру бекеті халыққа қызмет көрсетіп келеді.Берекесі тасыған ауылда 8 тыл ардагері, 25 «Алтын алқа» және 62 «Күміс алқа» иегерлері бар.Елді мекеннің экономикалық дамуының негізгі саласынің бірі – ауыл шаруашылығы болып табылады.&nbsp;Ауылдық округі бойынша 3313 ірі қара мал, 2121 жылқы, 3756 қой, 830 ешкі және 1465 құс тіркелген. Бір ветеринарлық пункте 4 маман қызмет көрсетеді.Елдімекенде жыл басынан бері мал басын көбейту мақсатында «Аграрлық несие корпорациясы» микро қаржы ұйымынан 3 тұрғын жылқы басы мен түйе басын көбейту мақсатында 5 млн теңге несие алса, ал Ерлан Омаров&nbsp;мүйізді ірі қара малын көбейту мақсатында «Қызылорда Өңірлік инвестиция орталығы» микро қаржы ұйымынан 4 млн теңге несие алған.&nbsp; &nbsp;Өткен жылғы қожалықтар мен жеке секторларда орналастырған ауыл шаруашылығы дақылдарының егіс көлемі бойынша картоп 15, қауын 8, қарбыз 6, асқабақ 5, жуа 1, қызанақ 2, қияр 1, жаңа жоңышқа 30, ескі жоңышқа 38, күріш 150, жүгері 10 гектар жерді құрайды. Сонымен қатар тұрғындар елді мекеннің сырт аймақтарындағы тың жерлерге ұжымдасып, әкімшілік тарапынан берілген су насос құралын пайдаланып, Желқазған, Аяқкөл, Қосапан, Шағырлы өңіріне егін еккен болатын.Білім саласы бойынша мектеп-лицейде 535 оқушы білім алуда. Барлық педагог саны –&nbsp;74. Оның ішінде педагог-зерттеуші-14, &nbsp;педагог-сарапшы –&nbsp;22, педагог-модератор-15. № 8 «Айгүл» балабақшасы 1980 жылы типтік жобада салынған. Қазіргі таңда 6 топта 125 бала тәрбиеленуде.Бала тәрбиесімен жоғары білімді – &nbsp;16 педагог, 8 модератор, 1 зерттеуші жұмыс жасайды. «Үлгілі оқыту» бағдарламасын жүзеге асыру барысында бес саламен жұмыс жасап келеді.Денсаулық саласына келер болсақ, ауылдық дәрігерлік амбулаторияда барлығы 29 адам жұмыспен қамтылып отыр.&nbsp;Өткен жылы &nbsp;9757 адам белсенді түрде қаралып ем алса, профилактикалық байқаудан өткен ересектер саны - 150 адам, балалар саны - 240. &nbsp;Ағымдағы жылы туылған бала саны - 24.Қайтыс болғандар саны-11. Үйге шақырушылар саны - 350 адам. Диспансерлік есепте тұратын науқастарға &nbsp;тиісті медициналық көмектер көрсетілді.Мұнан бөлек, &nbsp;Аманкелді ауылдық мәдениет үйінде 7,5 штаттық бірлік бойынша барлығы 8 жұмысшы-қызметкер бар. Ауылдық мәдениет үйі жанында 7 үйірмеге 74 көркем өнерпаз тартылған. Атап айтқанда, ән, би, домбыра, сурет, көркемсөз үйірмелері мен «Жадыра» халықтық&nbsp;әжелер &nbsp;ансамблі, «Аналар» ансаблі, «ДО-СИ» вокальды-аспапты&nbsp;ансамблі &nbsp;бар.Ауылда 2014 жылдан бастап Аманкелді ауылдық&nbsp;Өнер мектебі жұмыс жасап келеді. Қазіргі уақытта би, домбыра, баян, қобыз, дәстүрлі ән, фортепиано және вокал сыныптарында барлығы 120 оқушы оқиды, 14 мұғалім қызмет атқарады. Өнер мектебі оқушылары топтық би, дәстүрлі ән, домбыра, қобыз, баян, фортепиано аспаптары бойынша аудандық, облыстық, республикалық байқауларда өнер көрсетіп &nbsp;жеңімпаз&nbsp;атанып келеді.Өрт сөндіру бекетінде 4 қызметкер жұмыс атқарады. Ауылдық округі бойынша 1263 экономикалық белсенді халық бар. Жыл басынан бері 24 адам тұрақты жұмысқа орналасып, 48 адам ақылы қоғамдық жұмысқа тартылып, 8 адам жастар тәжірибесімен жұмыс жасауда. Жыл басынан бері атаулы әлеуметтік көмекке 19 отбасы құжат тапсырып, 16 отбасы алды. &nbsp;Жұмыссыздық деңгейі осы кезеңде 5,7 пайызды құрады.&nbsp; Кәсіпкерлік саласы бойынша кәсіпкерлікті дамыту бағытында елді мекенде бірқатар жобалар іске асты. Жыл басынан бастап жаңадан тіркелген кәсіпкерлер саны –&nbsp;36. Ауылдық округ бойынша жалпы тіркелген кәсіпкерлер саны –&nbsp;183. «Жұмыспен қамту жол картасы» бағдарламасы бойынша «Қызылорда Өңірлік инвестиция орталығы» микро қаржы ұйымы арқылы құны 7 млн 8 мың теңгенің 2 жобасы қаржыландырылды. 15 млн теңгенің 1 жобасы дәріхана жобасы бойынша &nbsp;комиисия оң шешімін алып, қаржыландырылу күтілуде. «Аграрлық несие корпорациясы» микро қаржы ұйымы арқылы жастардың кәсіпкерлік бастамаларын қолдау бағыты бойынша 4 жоба ұсынылып.&nbsp;Оның ішінде құны 15,0 млн теңгенің 3 жобасы қаржыландырылып. 1 жоба комиисия оң шешімін алып, қаржыландырылу&nbsp;күтілуде.&nbsp;Еңбек нәтижелі жұмыспен қамту бағдарламасының грант тетігі &nbsp;арқылы құны 5 млн 520 мың теңгеге 4 жоба мақұлданып қаржыландырылды. «Бастау Бизнес» жобасы бойынша мемлекеттік қайтарымсыз грант &nbsp;мүйізді ірі қара мал басын көбейту мақсатында&nbsp;4 тұрғын&nbsp;1 380 000 теңге қайтарымсыз грант алған болатын. Демеушілік бойынша &nbsp;"АКЗ ЛТД" ЖШС және ауылдың шағын жеке кәсіпкерлері &nbsp;тұрмысы төмен отбасыларға азық-түлікпен қамтамасыз етіп, өз көмектерін көрсетуде.Есепті кезеңде ауылда қоғамдық-саяси ахуал тұрақты болды.

Кәсіпкерлік көкжиегі кеңейген ауыл

<a href="https://kyzylorda-news.kz/">Kyzylorda-news.kz</a>&nbsp; &nbsp;Премьер-Министрдің кеңесшісі Ералы Тоғжанов күні кеше Сыр өңіріне жұмыс сапарымен келді. Іссапар барысында Ералы Лұқпанұлы облыс әкімінің орынбасары Қайрат Ырзақұлұлымен бірге «Ауыл аманаты» бағдарламасымен кәсібін бастаған тұрғындардың жұмысымен танысты.Ең алдымен, Ералы Тоғжанов Жаңақорған ауданына барып, жиһаз жасайтын цехтың жұмысымен танысты. Жеңілдетілген пайызбен несие алған кәсіпкер бүгінде ас үй гарнитурларын, шкафтар мен басқа да жиһаз түрлерін өндіруде.Одан әрі, өндірістік қуаты айына 50 дана пластикалық терезелер мен есіктер жасайтын цехының жұмысын қарап, кәсіпкерлермен кездесіп, олардың ұсыныс-пікірлерін тыңдады.Премьер-Министрдің кеңесшісі «Ауыл аманаты» бағдарламасымен 4 млн. теңге жеңілдетілген несие алып, жылыжай кешенінің жұмыс барысымен танысты. Бұл кәсіпорын бүгінде қызанақ пен қияр егуді қолға алған. Кешен толық тамшылатып суару жүйесімен жабдықталған.Сонымен қатар, Шиелі ауданындағы құс өсіруші Құрманбаева Гүлзада ауыл шаруашылығы кооперативін ашып, 27,8 млн теңгеге жеңілдетілген қарыз алған. Бүгінгі таңда 3 құс үйі орнатылып, онда 4500 дана тауық бар. Сонымен қатар, ауданды тауық етімен тиімді бағада қамтамасыз етіп отыр. Ол «Ауыл аманаты» жобасы ауыл шаруашылығы өндірісін дамытуға және нарықты сапалы жергілікті өніммен қамтамасыз етуге серпін беретініне сенімді.Бұдан бөлек, Ералы Тоғжанов тәулігіне өндірістік қуаты 2000 дана шлакоблок шығаратын цехтың жұмысын көрді. Қазіргі таңда аудан орталығында тиімді бағада нарыққа шығарылуда.Премьер-министрдің кеңесшісі өңірдегі жұмыстарды оң бағалап, жобаны жалғастыруды, үздік тәжірибелерді батыл енгізуді тапсырды.

ҚР Премьер-Министрінің кеңесшісі Ералы Тоғжанов Сыр өңіріне іссапармен келді

<a href="https://kyzylorda-news.kz/">Kyzylorda-news.kz</a>&nbsp; Сырдария аудандық кәсіпкерлік және өнеркәсіп бөлімінің басшысы Алмат Сәдуақасов өңірімізде бизнес-климатты жақсарту, кәсіпкерлердің заңды мүдделерін қорғау, бизнес ортада әкімшілік кедергілерді және сыбайлас жемқорлық қауіптерін жою мақсатында атқарылған іс-шаралар барысын хабарлады.<blockquote>– Бұл бағытта және өңірлік бизнестің қарқынды даму үдерісіне мемлекеттік және өңірлік бағдарламаларының ықпалы сөзсіз, – деді бөлім басшысы.</blockquote>&nbsp; Қазіргі таңда жеңілдікпен несиелендіру құралдары едәуір нығайтылып, қаржыландыру тетіктері барынша жеңілдетілді.2024 &nbsp;жылдың &nbsp;1 маусымына&nbsp;Сырдария &nbsp;ауданы бойынша 2730 кәсіпкерлік субъектілері &nbsp;тіркеліп, жұмыс &nbsp;жасап &nbsp;тұрған ШОБ&nbsp;субъектілерінің &nbsp;саны 2645 құрады. Жұмыс &nbsp;жасап тұрған &nbsp;кәсіпкерлік&nbsp;субъектілерінің &nbsp;саны &nbsp;тіркелгендердің &nbsp;96,9 пайызын құрауда. &nbsp; &nbsp;Жалпы 2024 жылдың 5 айында Сырдария ауданында мемлекеттік және өңірлік бағдарламалар аясында құны 1172,0 млн. теңгені құрайтын 63 жобаға қаржылай қолдау көрсетілді.Атап айтқанда, «Бірыңғай кешенді бағдарламасы» аясында несиелендіру бойынша құны 675,9 млн.теңгенің 13 жобасы екінші деңгейлі банкттер тарапынан қаржыландырылды. «Микробизнес-Қызылорда» бағдарламасы бойынша құны 28,0 млн. теңгенің 7 жобасы кеңестің оң шешімін алып, қаржыландырылды. Аграрлық несие корпорациясы арқылы «Іскер» бағдарламалары бойынша 198,5 млн.теңгенің 25 жобасы және «Кең дала» бағдарламасы бойынша 18,0 млн.теңгенің 3 жобасы қаржыландырылды.«ҚазАгроҚаржы» АҚ-ның Қызылорда филиалы арқылы аудандағы құны 251,6 млн. теңгеге 15 ауылшаруашылық техникалары мен құрал-жабдықтары алынды.Одан әрі бөлім басшысы 2024 жылға арналған сыбайлас жемқорлыққа қарсы күрес іс-шараларының жоспарының орындалуын айтты.<blockquote>– 2024 жылдың 8 қаңтарда бекітілген іс-шаралар жоспары 8-тармақтан тұрады. Іс-шаралар жоспарына сәйкес аудандық «Тіршілік тынысы» газетінің 2024 жылдың 13 сәуірдегі №29 (9249) шығарылымында «Сыбайлас жемқорлыққа төзбеушілік – қоғам қажеттілігі» авторлық мақала жарияланды. Ағымдағы жылдың маусым айында «Аманат» партиясының ғимаратында «Ашық есік»&nbsp;қоғамдық қабылдау акциясы өткізіліп,аудан тұрғындарына несие, грант мәселесі бойынша түсіндірме жұмыстары жүргізілді.</blockquote>Сонымен қатар, жыл басынан бері бөлімде 24 жеке қабылдау өткізілді. Оның ішінде 13-і несие алу, 2-і көрмеге қатысуға, 8-і қайтарымсыз грантқа қатысуға және 1-і әлеуметтік кәсіпкердің мәртебесін алу мәселесі бойынша жүгінді. Нәтижесінде осы жеке қабылдауға келген азаматтың 5-і қаржылай қолдауға ие болды.2024 жылы «Сыбайлас жемқорлыққа қарсы күрес туралы» Заңына түсіндірме жүргізу мақсатында бөлім қызметкерлері арасында ай сайын құқықтық оқыту жұмыстары өткізіліп, бөлімнің Facebook парақшаларына тұрақты жариялануда.2024 жылдың 01-29 ақпаны аралығында сыбайлас жемқорлық тәуекелдерін ішкі талдау нәтижелері бойынша анықталған сыбайлас жемқорлық құқық бұзушылықтар жасауға ықпал ететін себептер мен жағдайларды жою жөніндегі іс-шаралар жоспарына сәйкес 3 (үш) ұсыным жасақталды.1. Мекеменің Ережесіне өзгерістер енгізу арқылы Бөлімнің құзыреттілігіне кірмейтін функцияларды алып тастау туралы ұсынымға сәйкес тиісті жұмыстар жүргізіліп, нәтижесінде ағымдағы жылдың 8-сәуірде Ереже қайта бекітілді. (Ережеден сараптаманы, туризм салаларын алып астау);2. 2024 жылдың 10 сәуірінде ҚР мемлекеттік қызмет істері агенттігінің Қызылорда облысы бойынша департаменті басшысына ҚР Президентінің 2015 жылғы 29 желтоқсандағы №152 Жарлығының&nbsp;82-тармағына өзгерістер енгізу жөнінде. (Мемлекеттік қызметші тәртіптік жаза қолданылған күннен бастап кем дегенде үш ай ішінде күшінде болуы)3. Облыстық кәсіпкерлік және өнеркәсіп &nbsp;басқармасының басшысына «Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылай қолдау қағидаларын, нысандарын бекіту туралы» бірлескен бұйрығына өзгерістер мен толықтырулардың енгізілуіне ықпал етулері туралы &nbsp;ұсыныс хатр жолданды.Әлеуметтік кәсіпкерлік тізіліміне еңгізілген кәсіпкерлік субъектілері мен "Бір ауыл – бір өнім" бағдарламасының финалистерімен қатар, шағын кәсіпкерлік субъектілерінің, оның ішінде әлеуметтік осал топтарына жатқызылатын санатын қоса алғанда грант іріктеуіне қатысу мүмкіндігін қосу арқылы талаптарына өзгерістер мен толықтырулардың енгізілуі;2024 жылдың 30 мамыр күні "Халық заңгері" республикалық акциясы аясында Тереңөзек кентінің мәдениет үйінде қоғамдық қабылдауға қатысып, аудан кәсіпкерлері мен тұрғындары тарапынан жеңілдетілген несие, қайтарымсыз гранттар және нысандарды заңдастыру туралы сауалдар қойылып, 8 азаматқа түсіндірме жұмыстары жүргізілді, – деді Алмат Сәдуақасов.Бөлімде жеке және заңды тұлғалардың арызы мен шағым хаттарына арналған пошта жәшіктерімен сенім телефонына жауапты маман бекітілген.Сондай-ақ, мекеменің кіреберіс алдына және сауда орындарында «Пара беру бостандықтан айырады және бұлыңғыр болашақ» және «Антикор онлайн режимінің» QR код &nbsp;парақшалары ілінген.Фото: egemen.kz

Сырдария ауданында мемлекеттік бағдарлама аясында 63 жоба қолдау тапты

<a href="https://kyzylorda-news.kz/">Kyzylorda-news.kz</a> «Ауылына қарап, азаматын таны» деген түсінік кейінгі жылдары сәл өзгерді. Қазір ұғым «Кәсіпкеріңді көрсет, келешегіңді көрейін» дегенге ойысқандай. Қазалы ауданынан шалғайда жатқан Бозкөл елді мекені ертеден төрт түлігін түлетіп, бау-бақшасын жайқалтып, еңбекпен еленген жер. Ауылдың ажарын кіргізіп, берекесін арттырып отырған да сол атакәсіп.Бозкөл ауылдық округ әкімі Ақылбек Бөлебайдан ау-жайды сұрағынымызда, ауылдың абыройының артуына атсалысқан Аман сынды азаматтар барын айтты. нақтысын сұрап білдік. Қатарластарының көбі өмірден әлі өз орындарын алып үлгермесе де, біздің кейіпкеріміз құрбы-құрдастарының арасынан дараланып, ел сайлаған азаматқа айналып үлгерген.Сол топырақтың тумасы мектеп бітірген соң, өзгелер сынды бақытты басқа жақтан іздемей, туған жерінен тер төгіп, өрістетуді ұстаным етеді.<blockquote>«Әрекет түбі – берекет. Жұмыс жоқ, ақша жоқ. Мемлекеттік жүйе дұрыс емес деп, үйде жатып, қам жасамай жататын толқындастарыма таң қаламын. Жұмыс істеген, іздеген адам қайдан да табады. Қимылдаған құр қалмайды. Әр адамның өзін лайық бір іске бейімі болады. Соны дамытып, ізденісін арттырса, алынбайтын қамал болмайды», – дейді Аман Дәулетбаев.</blockquote>2016 жылы Дәулетбаевтар отбасы төрт түлік өсіру мақсатында 500 гектар жайылымдық-шабындық жер алып, «Тайкеткен» шаруа қожалығын құрады. Отбасылық істің бұйдасын ұстағандар сол уақыттан бері мал басын арттырып келеді. Төрт түлікті түлету тұрғындардың әл-ауқатын арттыру мәселесін түбегейлі шешпесе де, тіршілікті түгендеп, тұрмысты жандандыруға мүмкіндік береді<blockquote>«Бір істі бастауға бір іс түрткі болады. Мал баға жүріп, оларды күтіп-баптаудағы басқа қажеттілік жем-шөбін дайындау мәселесі алдымызда тұрды. Осы бағытқа көңіл бөлдік. Бұдан бөлек, отбасымыздың үрдісіне айаналған бақша егуді де, доғарған жоқпыз. Қазір табиғи таза өнімді тұтыну жайы басты мәселе болып жатыр ғой. Бұл тұста жергілікті, төл өнімді тұтынып отырған біздің тауарымызды сұраушылар қашан да болды», – дейді.</blockquote>Ұсыныс бар жерде сұраныс бар. Қажеттікті қанағаттандырамыз деп жүрген кәсіпкер 2001 жылы оңтайлы ұсынысқа ұшырасады. Аудан көлемінде жергілікті табиғи құрылыс материалын шетелдерге экспорттаумен айналысатын «Азия камыш» жауапкершілігі шектеулі серіктестігінің басшысы Венера Тайлақбаева Аман Қайруллаұлына бірігіп, жұмыс істеуге шақырады. Жастайынан жерден несібін терген жігіт ұзақ ойланбай, келісім береді. Сол күннен бастап, Аман бастаған ауылдағы бригада жігіттері тыңнан түрен салып, қамыс шабумен айналысады.<blockquote>«Пішен ору, қамыс шабу ауыл баласы үшін таңсық көрініс емес. Бірақ, халықаралық талапқа сай болу үшін оны дайындаудың өз қиындығы бар. Қамыс, әдетте қыста шабылады. Біздің жақтың ауа райының салқындығын өзіңіз білесіз. Қақаған қыстың мезгілінде техникаларды жұмыс қалпына келтіру аз күшті қажет етпейді. Шетелдік шабу құрылғысының қыр-сырына қанығып, оның бұзылған ақауын анықтау, дер кезінде қалыпқа келтіруде асқан қырағылық керек. Жауапты жұмысты өз орайына қарай уақытымен, межесімен орындасаң, ауылдан ұзамай-ақ, діттеген нәтижеге жете аласың», – дейді ол.</blockquote>Аманға артылар жүк тек, қамысты дайындау, барысын бақылау ғана емес, тұрақты – 2, маусымдық кездегі – 10 адамға дейінгі бригада ісін ұйымдастыру, ұйыстыру, жұмылдыруды талап етеді.Маусымына 5-6 камаз қамысты шекарадан асырып, тапсырыс берушілер талабынан көрініп жүрген жігіттер туралы Венера Тайлақбаева былай дейді:<blockquote>– Бозкөлде біздің еңбекқор бригадамыз бар. Оларды басшылық жасап отырған Аман Дәулетбаев жауапкершілігі зор, өз ісінің нағыз маманы. Қандай іс тапсырсаң да, меже мен үдеден шығуға бар мүмкіндігін салады. Сөзіне ісі сай мұндай жастар қатары көбейсе, барлық салада да жетістікке жетуге болады, – деген пікірімен бөлісіп. Ауылдастары жолдасы жұмыс болған жігітті үлгі етіп, жерлестеріне әрдайым көмек қолын созуға дайын тұратынын айтты.</blockquote>Алдағы жоспары туралы сұрағанымызда кәсіпкер:<blockquote>– Болашаққа жоспар көп. Осы берекелі кәсіптің көлемін ұлғайтып, елді қолжетімді, жергілікті өніммен қамтамасыз етіп, жаңа жұмыс көзін ашу, отандық мал шаруашылығының дамуына, ет өнімдері санының артуына үлес қосумен бірге, импорттық көрсеткішті азайтып, экспортқа шығаруға қор дайындау, – дейді бізбен қоштасарда. Өзіміз әңгімелескен аз уақытта жігерлі жанның жүрген жолын көріп, ерінбегенге еңбек басын иетінін ұғындық.</blockquote>Фото. sn.kzАлтын ҚОСБАРМАҚОВА

Кәсіпкерлікке кең өріс

<a href="https://kyzylorda-news.kz/">Kyzylorda-news.kz</a> Қызылқұм ауылдық округінің әлеуметтік, ауылдың экономикалық дамуы және басқа да, мәселелері ауыл әкімі Оңталап Мүсілімнің жіті назарында. Мұнда 1207 адамнан құралған 216 отбасы негізінен мал шараушылығын жанына жақын тұтуда. Округ бойынша мал басы 1384 ірі қара, 3495 қой, 2680 ешкі, 785 жылқы және 128 түйені құрап отыр.Ветеринариялық пункт қызметкерлері тарапынан жоспарланған диагностикалық зерттеулер мен профилактикалық іс-шаралар тұрақты түрде жүргізіліп жатыр. Қазіргі кезде тұрғындар жеке мал шаруашылығынан бөлек, ауыл маңындағы су айдындарынан балық аулаумен шұғылданады.Қазалы ауданының «Кәукей» ауылы – ырыс пен берекесі келісті мекен. Округте №225 орта мектебі және № 146 негізгі мектебі, №27 "Бөбек" бөбекжай-балабақшасы, ауылдық дәрігерлік амбулатория, клуб, кітапхана, ауа райын зерттеу станциясы, почта байланыс бөлімшесі, ветеринариялық пункт, су бекеті жұмыс жасайды. Ауыл халқы кәсіпкерлікті де шыр айналдыруда. Оның ішінде, 3 шаруа қожалығы, 1 ауыл шаруашылығы кооперативі, 5 дүкен бар. Сонымен бірге, 8 жеке автобус аудан орталығына жолаушы тасымалдайды.Округ аумағында Жанқожа батыр атындағы шекара заставасы орналасқан. Кәукей ауылынан 170 шақырым жерде ұлт батыры Жанқожа бабаның қорымы бар. Бұрынғы өткен заманда осы аумақта әулие Қарабура, Бағыберген би, емші Жұбаныш Игісінұлы, сынықшы Омар секілді аты аңызға айналған адамдар өмір сүрген.Қызылқұм ауылдық округі әкімінің айтуынша, жыл басынан бері тұрмысы төмен және аз қамтылған 3 отбасыға мемлекеттік атаулы көмек тағайындалды. Ақылы қоғамдық жұмыспен 33 адам қамтамасыз етілді. Тұрақты жұмысқа 2 адам орналасса, 9 адам уақытша кәсіппен айналысуда. "Жасыл ел" бағдарламасы бойынша 18 жас мерзімдік жұмысқа қабылданды.<blockquote>– Жыл сайын мекеме-кәсіпорындар ұжымы, кәсіпкерлердің, жеке азаматтардың, сондай-ақ ауылда туып-өсіп, қазіргі кезде ауылымыздан тыс жерде өмір сүріп жатқан азаматтардың демеушілігімен қайырымдылық шаралары ұйымдастырылып жүр.</blockquote>Биыл 8 наурыз – Халықаралық әйелдер күні мерекесіне орай, 31 анаға 1985 жылғы туылған түлектердің демеушілігімен сый-сияпат көрсетілді. Сондай-ақ, 1997 жылғы туған қыз-жігіттердің демеуші болуымен ауылымыздағы 5 тыл ардагеріне сыйлықтар тарту етілді, – дейді Оңталап Мүсілім.Сонымен қатар, ауыл түлектерінің күшімен Орталық саябаққа "Ауылым – алтын бесігім" Кәукей белгісі және субұрқақ салынды. Аз қамтылған отбасыларға 1 маусым – балалар күніне орай 3 велосипед табысталды. Мектепке жол акциясы бойынша 5 балаға оқу құралдары мен мектеп формалары алып берілді.Жеке кәсіпкер Кемал Талғат ауыл тұрғыны, зейнеткер апаға азық-түлік алып берді. Демеушілердің көмегімен 3 отбасыға қыстық мал азығы түсіріліп берілді. Екі отбасыға қатты отыннан көмек берілді.Округ бойынша жолаушы тасымалдау саласында тұрғындарға 8 автобус қызмет көрсетеді. Кәукей – Әйтеке би кенті бағыты бойынша күніне 2 рет, Кәукей – Ажар бағытына аптасына 2 рет жолаушылар автобусы қатынап тұр. Сонымен қатар өткен жылдан бастап такси қызметімен айналысатын 4 кәсіпкер тұрғындарға қызмет етуде. "Кәукей-Бозкөл" автомобиль жолының жөндеу жұмыстары да реттелуде.Биыл округте 70 кәсіпкерлік субъектісі ресми тіркелді. Оның ішінде, 1 ауыл шаруашылығы кооперативі, 3 шаруа қожалығы, 3 жауапкершілігі шектеулі серіктестік, 63 жеке кәсіпкер бар.Екі жыл бұрын басталған 2021-2025 жылдарға арналған кәсіпкерлікті дамыту жөніндегі ұлттық жоба іске асырылуда. Игілікті жоба халықты жұмыспен қамтуды арттыру мақсатында шағын бизнесті дамыту, экономика салаларын әртараптандырудың драйвері – орта бизнеске сүйену, кәсіпкерлік субъектілері үшін тең жағдайлар – бәсекелестік кешенді дамытуға мұрындық болмақ. Осы ретте, ауыл тұрғындарының "Бастау Бизнес" жобасы шеңберінде оқуға қатысуын, жеке ісін ашуға, қысқа мерзім кәсіптік оқудан өтуіне, ауылда жаңа кәсіпкерлік субъектілерін құру бағытында тұрақты жұмыс атқарылады. Жалпы, 6 адам "Бастау Бизнес" жобасы шеңберінде оқуға қатысып, сертификаттарын алды.Көркейту-көгалдандыру жұмыстарына аудандық бюджеттен қомақты қаржы бөлініп отыр. Бұл қаржыға ауыл ішін көгалдандыру үшін аяқсу жіберіліп, жаңадан ағаш көшеттері егілді. Санитариялық тазалау жұмыстары жүргізілді. Сонымен қатар, ауыл ішін қоқыстан тазартуға да, бөлек ақша аударылды. Қоқыстар бей-берекетсіз шашылмас үшін арнайы қатты қалдықтарды бөлек жинайтын тағы да қосымша контейнерлер сатып алынды. Сондай-ақ, өткен жылы салынған "Орталық саябақ" ішіне ауыл түлектерінің ұйымдастыруымен субұрқақ салынды.Округте мекемелер мен жекелеген тұрғын үйлер CDMA жүйесі арқылы телефон пайдаланып отыр. Округ орталығы "Актив", "Билайн" және "Алтел/Теле2" ұялы байланыс желілерімен қамтамасыз етілген. Почта байланыс бөлімшесі газет-журнал, зейнетақы төлемдерін таратумен бірге әртүрлі төлемақылар қабылдайды. Сонымен бірге, почта салымдарын жеткізуді қамтамасыз етеді.Бүгінде №27 "Бөбек" бөбекжай-балабақшасында 50 бала тәрбиеленуде. "Қызылқұм" дәрігерлік амбулаториясында 1 дәрігер, 1 фельдшер, 7 мейіркеш тұрғындардың денсаулығына жауапты. Ажар ауылы тұрғындары үшін фельдшер бекітілген. "Жедел жәрдем" көлігімен қамтамасыз етілген. Емханада 7 төсектік күндізгі бөлім бар. Ай сайынғы балаларды егу жұмысы бекітілген кестеге сәйкес жүргізілуде. Ересектер арасында диспансерлік есепте 213 адам тұрады. Есепте тұрған науқастар босатылған тегін дәрімен қамтамасыз етіліп келеді. Бір жасқа дейінгі нәрестелер көрсеткішіне қарай тегін сүт тағаммен қамтылуда.1981 жылы салынған Ауылдық клуб үйі апаттық жағдайда тұрғандықтан 2019 жылдан бастап, ауылдық кітапханамен бірге бұрынғы ауылдық аурухананың бос тұрған ғимаратына уақытша орналасқан болатын. Аталған ғимарат тиісті талапқа сай болмағандықтан клуб үйінің қалыпты жұмыс жасауына өз қиындығын келтіріп келеді. Дегенмен, жоспардан таймай, әртүрлі іс-шара өткізілді. Мұндағы бес үйірмеге 60 оқушы қатысады.Наурыз айында жаңа клуб үйінің құрылысы басталды. Келесі жылы мамыр айында пайдалануға беріледі деп күтілуде. Құрылыс жұмыстарына ауылдағы жұмыссыз азаматтар да тартылуда. Қазіргі таңда құрылыста 4 азамат тер төгуде. Алдағы уақытта жаңа клубта мәдени-ағарту жұмыстары жандана түседі.Округ орталығы – Кәукей ауылы "Арал – Сарыбұлақ" топтық су құбырына қосылған, ауыл ішіндегі барлық үйге колонкалар тартылған. Ауылдағы әр отбасы өз үйіндегі колонка арқылы ауыз су пайдалануда. Ауыз суды тарату бекетінде 5 адам тұрақты судың тоқтаусыз берілуін қадағалайды.<blockquote>– Округ тұрғындары 1 подстанция, 6 трансформатор арқылы ауыл ішілік электр желісі арқылы тұрақты электр жарығымен қамтамасыз етілген. Алайда, электр трансформаторлары ескі, кейбір көшелерде әсіресе кешкі мезгілге қарай электр жарығы әлсіреп кетеді. Бұл жөнінде тиісті мекемелерге сұраныстар жіберіліп қойған, – дейді ауыл әкімі.</blockquote>Оңталап Мүсілім мемлекеттік бағдарламаларды жүзеге асыру, шағын кәсіпкерлікті дамыту арқылы жұмыссыздықтың деңгейін төмендету мақсатында нақты іс-шаралар қабылдауды қолға алмақ. Шағын кәсіпкерлікті дамытуға жағдай да жасау ойда бар. Кәукей ауылының 2 көшесіне орташа жөндеу жұмыстарын жүргізуді де діттеп отыр. Электр желісі трансформаторларын жаңартылса, нұр үстіне нұр болады деуде. Ауылдық округте балық шаруашылығын дамытуды жоспарлауда. Қызылқұм ауылдық округінің әкімі қамыс өңдеу шаруашылығы да, соңғы уақытта сұранысқа ие екендігін алға тартып, оны дамытуды көздеуде екен. Біздің тараптан, талапшыл ауыл әкіміне игі бастамаларға сәттілік тілеуден басқа шара жоқ.

Шаруасы шалқыған шалғайдағы ауыл

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының дене тәрбиесі, спорт және туризм бөлімінің мәліметіне сүйенсек, Қазалы ауданының географиялық тұрғыдан қолайлы орналасуы аудан көлемінде туризм саласының дамуына мүмкіндік береді.Аудан &nbsp;бойынша бес республикалық дәрежедегі, 60 жергілікті санат берілген және 22 алдын-ала есепке алынған ескерткіштер бар. Қазалы ауданымыздағы республикалық дәрежедегі ескерткіш санатындағы және туристік дестинация саналатын Өркендеу ауылдық округінде орналасқан «Оғыз» мемлекетінің астанасы болған көне «Жанкент» қалашығы бар. Бұл «Жанкент» қалашығын 2005 жылдан бері, археологиялық қазба жұмыстары жүргізіліп келеді. Ағымдағы жылдың мамыр айынан бастап, Қорқыт Ата атындағы Қызылорда университетінің «Археология және этнография» ғылыми орталығының экспедициялық тобы зерттеу жұмыстарын жүргізуде.Статистикалық мәліметтер бойынша 2024 жылдың қаңтар-наурыз айлары аралығында орналастыру орындарына келген келушілер саны – 1843 адамды құрап, көрсетілген қызмет көлемі – 8,8 миллион теңге болды. Жалпы, ауданымызда статистикалық базасында тіркелген орналастыру орындарының саны – 10 бірлік, ондағы бөлмелер саны – 94 болып саналады, бір уақыттағы толтырымдылығы – 215 төсек-орынды құрайды.Қазалы ауданы бойынша статистикалық деректерге сәйкес, қаңтар-мамыр айларында туризм саласына тартылған инвестиция көлемі есептілік бойынша – 226,2 миллион теңгені құрады.Туризм саласын ілгерілету мақсатында жаңа мемлекеттік қолдау шаралары туралы 2022 жылдың 1 қаңтарынан бастап, туризм саласын ілгерілету мақсатында мемлекеттік қолдау шаралары қолданысқа енгізілген болатын. Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялау 83300 теңге болды.Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялауға «Батыс Еуропа – Батыс Қытай» автокөлік дәлізінің бойында орналасқан «Мирас» кешенінің меңгерушісі К.Кенесбаева атынан құжаттары мен өтінімін тапсырып, 2024 жылға ай сайын субсидия алуға (83 300 теңге) қолдау тапты.«Батыс Еуропа – Батыс Қытай» автокөлік дәлізі бойындағы сервистік қызмет көрсету орындары да іске қосылған. Қазалы ауданы аумағынан өтетін «Батыс Еуропа – Батыс Қытай» автокөлік дәлізінің бойынан кәсіпкерлік қызмет көрсетуге белгіленген бес учаскеде бес нысан пайдалануға берілген. Барлық нысандар заманауи форматта, стандартқа сәйкес жұмыс істеуде. Атап айтқанда, «Арзан Сити – 1» қызмет көрсету кешені. «Арзан Сити 2»қызмет көрсету кешені. «Мирас»қызмет көрсету кешені. «Sinooil» жанар-жағар май бекеті. «TS Қызылорда мұнай өнімдері» жанар-жағар май бекеті.Сонымен қатар, аудан аумағынан өтетін «Самара-Шымкент» автотрассасының бойынан «Қашқан су» учаскесінде жеке кәсіпкер Б.Ерхатовтың көпсалалы қызмет көрсету «Baqyt» кешені қызмет көрсетеді. Қашқан су учаскесінде маусымдық кезең бойынша жазғы демалыс орны (шомылу, әуесқойлық балық аулау) мен мұз айдыны кіреді.

Қазалыда: туризм саласында ілгерілеушілік бар 

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Тереңөзек кентіндегі евро қоршау материалдарын өндіретін шағын цех жұмысымен танысты.Жеке кәсіпкер Шакизат Байділдаев өткен жылдан бастап өз қаражаты есебінен шағын цех ашып, әртүрлі евро қоршау материалдарын өндіруді қолға алған.Бүгінде ол аудан халқының сұранысын қамтамасыз етуде. Жалпы, шағын цехта тәулігіне 15-20 метр түрлі қоршаулар өндіріледі.<blockquote>– Күннен-күнге технология дамыған сәтте қоғам өмірінде елеулі өзгеріс орын алып тұрады. Осыдан бірнеше жыл бұрын көпшілік ауласына сан түрлі қоршау орналастыра бастады. Қашанда заман көшіне ілескен тұрғындар ауласының сәнді болып тұруына аса мән береді. Сондықтан біз еуро қоршаулар жасауға машықтанып, жеке кәсіпті жандандыру үстіндеміз. Алғаш кәсіпті ашқан уақытта 3-4 миллион қаражат жұмсалып, керекті құрылғыларды сатып алған болатынбыз. Бетон қоршаудың нарықтағы бағасы 26 мың теңгені құрайды. Яғни, 25 метрлік аулаға ұзындығы 2, ені 2 метр болатын 300 мыңнан жоғары бағаға есептелетін қоршау орнатылады. Оның ішіне, аулаға орнату мен жеткізу қызметі кіреді, – дейді жас кәсіпкер.</blockquote>Аудан басшысы мұндай инновациялық жобаларға қолдау көрсету керектігін атап өтті. Кәсіпкерге мемлекеттік бағдарламалар арқылы кәсібін кеңейтуге мүмкіндік мол екенін жеткізді. Ш.Байділдаев биыл «Бизнестің жол картасы – 2025» бағдарламасы бойынша қайтарымсыз грант тетігіне қатысуға ниетті екенін білдірді.Фото: el.kz<img src="https://knadmin.beoblood.kz/uploads/1effbe62_961f_4f00_b350_ea871c95d964_413527a367.jpg" alt="1effbe62-961f-4f00-b350-ea871c95d964.jpg">

Сырдария: Шағын цехта евро қоршаулар өндірілуде

<a href="https://kyzylorda-news.kz/">Kyzylorda-news.kz</a> Бүгін де Сырдария ауданы серпінді даму үстінде. Әрбір ауылда ілкімді істер қолға алынып, жүйелі жұмыстар жүргізілуде. Мемлекеттік бағдарлама шеңберінде бірқатар жобалар қолға алынып ауыл тіршілігіне жан кіре бастаған. Оның ішінде Сәкен Сейфуллин ауылында қыруар жұмыс атқарылуда. Оның&nbsp;ішінде, &nbsp;Сәкен Сейфуллин Сәкен Сейфуллин ауылында қыруар жұмыс атқарылуда.&nbsp;Ауылдық округі бойынша 308 отбасында 1644 халық тұрады . Оның 171-і зейнеткер, 49-ы мүгедек, 21-і «Алтын алқа» және 32-сі «Күміс алқа» иелері.Өткен жылдың 12 айында жеке тұлғалардан жер учаскелеріне &nbsp;байланысты &nbsp;барлығы &nbsp;14 өтініш &nbsp;келіп түсіп, оның 11 өтініші &nbsp;заң талаптарына сәйкес қанағаттандырылып және 3 өтініш өз өтінішіне сәйкес кері қайтарылған болатын. Ауылдық округі &nbsp;әкімі аппаратында &nbsp;46 шешім және 119 өкім шығарылды. Ал жеке тұлғалар бойынша барлығы 12 өтініш тіркелген болатын.Ауыл шаруашылығы саласына келер болсақ, ауылдық округ бойынша ауыл тұрғындарының есебінде ,шаруа қожалықтарындағы малды қоса алғанда 1592 бас ірі қара, 817 бас уақ мал, 733 бас жылқы, 89 бас түйе және 497 бас құс тіркелді. Сонымен қатар, ауылдық округ бойынша ЖШС-і мен жеке қожалықтар барлығы 2105 га күріш егілді. Жеке тұрғындар 5 га қауын-қарбыз, 15 га картоп және 5 га көкөніс егіп, өнімін алды.Білім саласы бойынша ауылда 460 орындық № 137 орта мектебінде оқушыларға білім беретін мұғалім саны – 58. Оның ішінде жоғары білімді – 57, арнаулы орта білімді-1. Ұлттық біліктілік санаттары бойынша педагог-зерттеуші – 14, педагог-сарапшы – 18, педагог-модератор – 17 жұмыс жасайды. Өткен оқу жылында №137 орта мектебі бойынша 11 сыныпты 23 оқушы бітірді. ҰБТ сынағына 22 оқушы қатысса, оның 19-ы мемлекеттік білім гратының конкурсына қатысты. &nbsp;ҰБТ сынағы бойынша орташа балл 74,2 құрап, нәтижесінде 19 оқушы мемлекеттік білім грантын иеленді. Білім грантын ұтып алғандардың 9-ы педагогика саласына, 9-ы техникалық мамандықтар бағытына оқуға түссе, 1-і ауылшаруашылығы мамандығы бойынша студент атанды.Ал 90 орындық «Ақ көгершін» бөбекжай балабақшасында 85 бала тәрбиеленуде. «Ақ көгершін» бөбекжай балабақшасы 22 штаттық кестемен жұмыс жасауда. Жалпы қызметкерлер саны – &nbsp;27, оның ішінде педагог кадрлар саны – 11, техникалық қызметкерлер саны – 16 &nbsp;жұмыс жасайды.Денсаулық саласы бойынша ауылдық дәрігерлік амбулаторияда барлығы 6 адам жұмыс жасайды. Өткен жылы 6578 адам белсенді түрде қаралып ем алса, профилактикалық байқаудан өткен ересектер саны – 1670 адам, балалар саны 543. &nbsp;Ауыл бойынша өткен жылы туылған бала саны – 38. Үйге шақырушылар саны – 1603 адам. Диспансерлік есепте тұратын науқастар саны – 231 оларға тиісті медициналық көмектер көрсетіліп келеді.Мәдениет саласына келер болсақ ауылдық клубта барлығы 7 қызметкер жұмыс жасайды. 2023 жылы клуб ұжымының ұйымдастыруымен барлығы 33 мәдени шаралар өткізілді. Клуб үйінде &nbsp;«Ән», «Жас қалам», «Қолөнер», «Көркемсөз» үйірмелері жұмыс жасайды. &nbsp;Үйірмеге қатысушылар саны – &nbsp;65. Барлық байқаулар саны – 31. Үйірме мүшелері республикалық, облыстық, аудандық байқауларға қатысып, жүлделі орындарға ие болды. Өткен жылдың ақылы қызмет көлемі 700,0 мың теңге болып жоспарланып, аталған жоспар 12,15 пайызға орындалды.Ауылдық модельді кітапханада оқырман саны 765 болса, берілген кітап саны – 15534 дана, келушілер саны – &nbsp;9121 және де жаңа түскен әдебиеттер саны – 124 кітапты құрайды. &nbsp;Кітапханада өткізілген мәдени-шаралардың саны – 63.Жұмыспен қамту және әлеуметтік қорғау бойынша ауылдық округ бойынша өткен жылы 711 экономикалық белсенді халық тіркелген. Бос жұмыс орнына орналасқандар саны-10, ақылы қоғамдық жұмысқа тартылғандар –&nbsp;32. Ал, күміс жаспен 1 адам жұмысқа орналасты, алғашқы жұмыс орны – &nbsp;1, жастар практикасында – &nbsp;3 адам жұмыс жасайды. Жұмыссыздар саны-33, &nbsp;жұмыссыздық деңгейі жыл аяғында 5,2 пайызды құрады.Елді мекен көшелеріне күрделі жөндеуге 2135,2 мың теңгеге ЖСҚ &nbsp;жасалды. Елді мекендегі Мұрат Арықұлы көшесін жарықтандыруға &nbsp;1000,1 мың теңге бөлініп, &nbsp;толығымен жарықтандырылды. Шортанбай би көшесінің қалған бөлігін &nbsp;жарықтандыруға 1680,0 мың теңге бөлініп, жарықтандырылды. Сонымен қоса өткен жылы ауыз су мұнарасы ауыстырылған болатын. Одан бөлек елді мекенді газдандыру жұмыстары жүргізілуде.Жыл басынан бері атаулы әлеуметтік көмек 2 отбасына тағайындалып, тиісті қаражаттарын алды. Елді мекендегі аз қамтамасыз етілген, асыраушысынан айырылған, көп балалы, мүмкіндігі шектеулі отбасыларына азық-түліктей және заттай қайырымдылық көмектер көрсетілді. Атаулы мерекелік шараларға орай «С.Сейфуллин-Жер» ЖШС-і, «Құндызды-Жер» ЖШС-і, «Жандос» шаруа қожалықтары тарапынан көмектер көрсетіліп, аталған шаруашылықтар қайырымдылық көмектер көрсетумен қатар мектеп, балабақша, клуб мекемелерінің іс-шараларына, балалардың жазғы демалысына тұрақты түрде демеушілік жасап келеді. Жеке кәсіпкер «Жел-Кент-Вент» ЖШС-і төрағасы М.Әбілдаев аймағымыздан тыс жерде тұрып жатқандығына қарамастан елді мекендегі мемлекеттік мекемелермен кәсіпорындарға, тұрмысы төмен отбасыларға &nbsp;демеушілік көмектер көрсетуде.Кәсіпкерлік саласы бойынша ауылдық округі бойынша 70 кәсіпкерлік субъектілері тіркелген. Қазіргі уақытта жұмыс істеп тұрғаны – 70, оның ішінде: жеке кәсіпкерлер – 63, шаруа қожалықтары – 5 және жауапкершілігі шектеулі серіктестігі – 2.Ауылдық округі бойынша 1 адам «Қызылорда өңірлік инвестициялық» орталығы арқылы 5,0 млн теңге несие алып жұмысын жасауда. Жоба жетекшісі Райхан Маликова мал басын көбейту үшін. Ақерке Рақымжанова жылқы мал басын көбейту АҚҚ «Іскер» бағдарламасы 4,100 &nbsp;теңге. «Ауыл аманаты» бойынша 2,5 пайызбен несие алуға тіркелгендер 19 адам &nbsp;142 200 000 &nbsp;теңге көлемінде."Бастау бизнес" курсына оқуға тіркеліп, 6 адам мемлекеттік қайтарымсыз грант алып, жұмыс жасауда.Фото: aikyn.kz&nbsp;<img src="https://knadmin.beoblood.kz/uploads/5b54d4d4_de5c_4f26_839b_09f4b3e88ba6_35bd165348.jpg" alt="5b54d4d4-de5c-4f26-839b-09f4b3e88ba6.jpg">

Қазақстан және Қызылорда облысының жаңалықтары: Кәсіпкерлік