<a href="https://kyzylorda-news.kz/">Kyzylorda-news.kz</a>&nbsp; Ерекше балаларды қорғау, қоғамға бейімдеу және қолдан келетін мүмкіндіктерді жасау үшін қолайлы жағдай тудыру керек. Сондықтан, оларды бала кезінен бастап, келешек өмірге бейімдеу, өздерін еркін сезіну үшін ыңғайлы орта қалыптастыру – білім беру ұйымдарының, әлеуметтік-тұрмыстық бейімдеуге бағытталған жаттықтыру орталықтарының міндеті болып табылады.&nbsp;Осыған орайда жуырда, әдістемелік кабинеттің іс-шаралар жоспары аясында Қазалы ауданы, Қожабақы ауылы, 25 орта мектепте ерекше білім беруді қажет ететін балаларды оқытуда ұлттық құндылықтар негізінде тиімді әдіс-тәсілдерді жетілдіру мақсатында «Ұлттық құндылықтар негізінде инклюзивті білім берудің тиімді әдіс-тәсілдері» тақырыбында әдістемелік семинар-практикум өтті.&nbsp;Семинар барысында «Ұлттық құндылықтар-ұлт мақтанышы» тақырыбында 25 орта мектептің дефектологы Суханова Мира, «Инклюзивті оқыту: білім баршаға ортақ» мұғаліммен жұмыс аясында 238 орта мектептің дефектологы Исатаева Бакжан, «Ұлттық дәстүрдегі отбасылық құндылықтарды дәріптеу» ата-анамен жұмыс жайында 25 орта мектептің дефектологы Шалабаева Марал тәжірибелерімен бөлісті.&nbsp;Әр көрсетілген жұмыстан кейін қатысушылар пікір білдіріп, кері байланыс жасалды.&nbsp;<img src="https://knadmin.beoblood.kz/uploads/3f76b9b1_addc_4523_87df_e2d5ace3d595_0ce50ba2db.jpg" alt="3f76b9b1-addc-4523-87df-e2d5ace3d595.jpg">

Қазалылық дефектологтар ұлттық құндылықты ұлықтады

<a href="https://kyzylorda-news.kz/">Kyzylorda-news.kz.</a> Мектеп – білімнің алғашқы баспалдағы. Ондағы өмір әрбір саналы азаматтың жарқын естеліктері болып жадында сайрайды. Балалығымыз да, шалалығымыз да осы мектеппен тікелей байланысты. Жалпы «мектеп» деген түсінік баршамызға ыстық қой. Ал қазіргі мектептер заман ағымына бейімделіп, заманауи қалыпта өз жұмысын жалғастырып келеді. Сабақты үйретуде, оқушымен жасалатын жұмыста болсын жаңашылдық көп. Ал сіз кино түсірген мектеп директоры туралы естіп пе едіңіз?Жаңалықтың ортасында жүрсек те, бұл хабарға біз де елең еттік. Себебі кино түсіру оңай жұмыс емес. «Бұл кім болды екен?» деген ой қылаң бергені анық. Бұл – Қармақшы ауданына қарасты Төретам кентіндегі №85 мектептің директоры Шаттық Шыңғысова. Әрдайым біліктілігімен көш басынан көрінетін ұстаз бұл жолы көпті таңқалдырды. Жаңалықтың жай-жапсарын білмекке бірден мектеп директорымен байланыстық.<blockquote>– Жалпы өзім бала күнімнен өнерге, шығармашылыққа жақынмын. «Әрбір бала бір жұлдыз, жарқырауына жәрдем ет» демей ме? Мектебімдегі Еркебұлан есімді оқушы сондай талапты, ізденімпаз бала. Жуырда «Мен едім көкке бойлай жанған жалын» атты жыр жинағы шықты. Бұл жинақты шығаруға да өзім түрткі болдым. Себебі өзіміз де бала кезімізде жаздық, бірақ әр жерде қалып қойды. Сондай жағдай қайталанбасын деп кірістім. Оқушыма өзінің әңгімелерін, өлеңдерін жинақтап әкел деп тапсырма беріп, қараша айында Қызылордадағы «Жиенай» баспаханасынан лицензиялы жинағы жарық көрді. Кітап аясында «Дана бала» әңгімесін басшылыққа ала отырып, кинофильм түсіруге бел будым. Мақсатым – оқушыларға жақсыны үлгі ету, балалардың шығармашылыққа, оқуға қызығушылығын ояту. Кинофильмді өз жағдайымызбен, яғни тегін түсірдік. Актерлар – мектеп мұғалімдері, оқушылар. Жуырда мектепке ата-аналар, оқушылар, ұстаздарды жинап, осы фильмнің тұсаукесерін жасадық. Ата-аналар да алғысын білдіруде. Бұл шығармашылыққа енді қадам басқан шәкіртке қолдау деп білемін, – дейді Шаттық Мұхамбетқалиқызы.</blockquote>10-сынып оқушысы Еркебұлан Жалғасбаевтың «Дана бала» атты әңгімесіне құрылған кинофильм қазір Youtube платформасына жүктелген. Мәнді дүниені көрерменге ұсыну үшін мектеп ұжымы бір кісідей жұмыла еңбек атқарғаны көрініпақ тұр. Басты идея мектеп директорынан туындаса, әрі қарайғы жұмысты білікті ұстаз Райса Бекарыстанова жалғаған. Ал ағылшын тілі пәнінің мұғалімі Гүлденген Бақытова таспаға алып, монтаждау жұмысын атқарған.<blockquote>– Мектеп басшысынан осындай тың тапсырма берілгенде аздап қобалжу болды. Алайда сеніммен тапсырылған соң, құлшына кірістім. Өзім осы мектепте қызмет етіп келе жатқаныма 30 жылға таяды. Сондықтан да қажетті актерларды кастингсіз-ақ таңдадым. Олар да дарынды оқушының еңбегін қолдауға қарсылық білдірмей, келісе кетті. Кинофильмдегі барлық актер өз мектебіміздің оқушылары мен ұстаздары. Бұл фильм олардың өздерін тағы бір қырынан сынап көруге мүмкіндік берді. Әрі ұстаз деген ұлы маманның бесаспап екенін де дәлелдесе керек. Біз үшін тың дүние болған кинофильм қазір көпшіліктің көңілінен шығуда, – дейді Райса Қолдасқызы.</blockquote>Қаламды серік еткен оқушысына дем беріп, туындыларын жинақ етіп шығарып, әңгімесіне кино түсіріп беретін директор кемде-кем болар. Еркебұланның ата-анасы да баласының қанатын қомдаған мектеп басшысына дән риза. Оқушы үшін уақытын аямайтын, қолынан келгенінше, тіпті келмесе де ұқсап бағатын бұл мектептегі ұстаздар қауымының ісі де көпке үлгі. Жаңашыл дүниенің мән-жайына қаныққан соң қолында бар дүниемен кино түсірген директорға құрметіміз арта түсті.<figure class="media"><div data-oembed-url="https://www.youtube.com/watch?v=E_gz80cp26s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/E_gz80cp26s" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Төретамда оқушының жазған әңгімесіне кино түсірілді

<a href="https://kyzylorda-news.kz/">Kyzylorda-news.kz</a>&nbsp; Жасанды интеллекттің потенциалы жоғары екенін мойындау керек. Әлемдегі жаңашылдық осы сарында өрбіп жатыр. Демек бізге де интеллектуалды қабілетті арттыру маңызды. ІТ саласына сұраныс көп, бірақ нәтиже әрқалай. Осы жөнінде қосымша білім беру оқу-әдістемелік орталығының робототехника үйірмесінің жетекшісі Оралбек Абдуллаевпен тілдескен едік.<h2 style="margin-left:0cm;text-align:justify;">ІТ-дің бір бөлімін 7 жыл оқиды</h2>Өркениеттің жалына жармасу үшін жан-жақты даму қажет. 2017 жылы өткізілген ІТ бағытындағы жарыстар қызығушылығымды оятты. Бұл энтузиаст жастың көптігін аңғартқаны рас. Білім ұйымдарының да бетбұрысын анықтап берді. Инновациялық үйірмелердің үздіксіз жұмыс істеуі де ізденісімді күшейтуге себеп. Робототехника бағытында ақылды көзілдірік, смарт паркинг сынды жобамды жүйеледім. Нәтижесінде республикалық байқауда көзге түсіп, марапат мінберінен көріндім. Өзге де бастама жасанды интелект саласындағы AiSha халықаралық информатика бойынша PhD докторанттары мен жас зерттеушілерінің біліктілігін арттыру орталығында қорғалып оң пікірлерге ие болды. Мұның бәрі әлде де тоқтамай, қарқынды жұмыс істеуіме түрткі. Habr, Stackoverflow форумы мен түрлі телеграм каналды оқимын. Өйткені бұл сала базалық біліммен шектелмейді. Шеберлікті шыңдап отыру шарт.ІТ-дің басқа саладан артықшылығы көп.&nbsp;Мәселен, медицина академиясын 9 жыл оқып, білікті маман атанатыны мәлім. Ал ақпараттық технологияның бір бөлімін 6-7 жыл оқуға тура келеді. Бұл білімді әрі кетсе 4 жыл кәдеге жаратуға болады. Одан кейін өзектілігін жояды. Сол үшін тағы да теориялық тұрғыда білімді жетілдіру керек. Өйткені жұмыс орындары білімі терең кандидаттарды қажет етеді. Елдегі жоғары оқу орындары осал дей алмаймын, әр студенттің ашық ресурстардан үйренуіне мүмкіндік бар.<h2 style="margin-left:0cm;text-align:justify;">Инвесторлар инвестицияны тек шикізатқа құяды</h2>Қазір ІТ мамандары шетелде жұмыс істеп жүр. Ірі компанияларда белді қызмет атқарып, бағын сынауда. Әрине, жұмыстың жемісі, маңдай тердің ақталғаны ғой. Өйткені, онда орналасудың өзі оңай шаруа емес. Қанша сынақтан сүрінбей өту керек. Бірақ елімізде де білікті кадрды ұстап қалу маңызды. Егер бәрі шетел асып кетсе, белгілі ортаны қалыптастыру қиынға соғады. Иә, әлемде ІТ саласымен айналысатын алпауыт компания өте көп. Тиісінше жалақы жоғары және көмек те көрсетеді. Егер бізде де инсвесторлар инвестицияны шикізатқа ғана емес ақпараттық технологияға құятын болса, сфераның қарыштап дамитыны сөзсіз.Сонымен қатар, айтулы салаға ағылшын тілін білу маңызды. Қазақстан ағылшын тілін меңгеру бойынша 113 елдің ішінен 104-інші орында екен. Бұл ІТ саласында айтылмай жүрген фактор, ең негізгі кілт. Тілді жетік білмей қабілетті маман болу мүмкін емес.<h2 style="margin-left:0cm;text-align:justify;">Роботтарға реакция теріс болмау керек</h2>Жасанды интеллекттің нәтижесінде роботтар шығуда. Бірақ бұған үрке қарауға болмайды. Ол – ғылымның жемісі. Мәселен, 1985 жылы алғаш электронды калькулятор ойлап табылды. Сол уақытта математиктер «Балалар енді математиканы оқымай қалады, ақыл-есі төмендейді» деп теріс пікір айтқан екен. Ал қазір қаржыгер мен математиктер сол калькулятордың көмегіне жүгінеді. Математика да пән ретінде әлі бар. Демек, калькулятордың пайда болуы ешкімнің жұмысын тартып алған жоқ, керісінше кәдеге асып келеді. Сол секілді роботтар да жаңа мүмкіндіктің есігін айқара ашты. Егер технологиядан қорықсақ немесе күмән келтірсек дамуымызды тежеуі мүмкін.&nbsp;Әлем елдері мұнымен айналысып кетті.

Оралбек Абдуллаев: ІТ саласы базалық біліммен шектелмейді

<a href="https://kyzylorda-news.kz/">Kyzylorda-news.kz</a> &nbsp;Білімнің кеңістігінде керуен кешіп жүріп тек оқу оқып ғана қоймай, сонымен қоса&nbsp; бірқатар мемлекет ұсынып отырған бағдарламалар арқылы мүмкіндікті құр жібермеуге болады. Қазір студенттер үшін шетелде білім алып, тәжірибе алмасу&nbsp; оңай.&nbsp; Елімізде жыл сайын өзге мемлекетте білім алуға ынталы студенттердің саны артып келеді.&nbsp; Қазақстанда статистика бойынша 14%-тен астам жас өзге елде білім алады екен. Тек білім нәрімен сусындап қоймай, өзге елдің мәдениеті, салт-дәстүр көкжиегімен танысып, көрінісін тамашалап, танымын арттыруда.&nbsp; Италиядағы «University of Siena»&nbsp; оқу орнында экономика, бизнес менеджмент саласында оқып жатқан Баян Сәрібаевамен тақырып тінін тарқатқан едік.<h2 style="margin-left:0cm;text-align:justify;">Мүмкіндіктен құр қалмау керек</h2>Қазіргі танда шетелде оқу қолжетімді. Назарбаев Зияткерлік мектебінің түлегі болғандықтан, өзге мемлекетте оқуға деген ынтам мектеп қабырғасында білім алып жүргенде-ақ ашылған еді. Сол кездері шетелден тәжірибе алмасу үшін келген мұғалімдер сабақ беріп, өзге мәдениетке деген қызығушылықтың артуына ықпал етті. Бүгінде Италиядағы “University of Siena”&nbsp; ЖОО-да экономика, бизнес менеджмент саласында сапалы білім алудамын.<h2 style="margin-left:0cm;text-align:justify;">Өзге тіл тірлік үшін</h2>Білім алу деңгейі, өмір сүру салты алуан түрлі болғандықтан, тілдік барьер бастапқыда ғана болды. Қуанышымызға орай, елімізде 3 тілде оқыту жүйесі жақсы дамыған. Ағылшын тілін өздігімше балалық шақтан меңгеруді бастап едім, осы&nbsp; күні білім алуға және жаңа достар табуда игілігіме жарап отыр. Итальяндықтармен араласу&nbsp; арқылы жаңа тіл үйренуге деген құштарлығым артып болып келеді. Әйтсе де, «өзге тілдің бәрін біл, өз тілінді құрметте» деген қандастарыммен ана тілімізді бұрмаламай, таза қазақша сөйлейміз.<h2 style="margin-left:0cm;text-align:justify;">Шетел шеттетпейді</h2>Итальяндықтар қазақтар секілді қонақжай.&nbsp; «Сәлем – сөздің анасы» деп бекер айтылмаса керек, жергілікті тұрғындар күнделікті бір-бірінің амандығын сұрап, қолдан келген көмекті аямайды. Жат елден екенімізді біліп кемсітпей, керісінше өз қатарына қосып, құшақ жая қарсы алды.<h2 style="margin-left:0cm;text-align:justify;">Елге ораламын</h2>Шетелде білім алудың арқасында Италияны әр қырынан танып, мәдениетімен таныстым. Жаңа білім алдым. Десе де Қазақстанға оралуға асықпын. Қазақстанның ілгері басып, азуы алты қарыс дамыған елдермен те­ре­зесін теңес­тіруге атсалысуды борышым деп есептеймін.

НИШ түлегі Италиядағы «University of Siena» білім алуда

<a href="https://kyzylorda-news.kz/">Kyzylorda-news.kz</a>&nbsp; Ақмола облысында 10 жыл бойы мұғалім болған әйелден "синтетиканың" аса ірі партиясы тәркіленді, - деп хабарлайды <a href="https://massaget.kz/">Massaget.kz</a> тілшісі <a href="https://polisia.kz/aqmola-oblysynyng-politsiyasy-esirtki-qojyp-ketushiden-iri-kolemde-mefedron-tarkiledi/">Polisia.kz</a> сайтына сілтеме жасап.10 жыл бойы Солтүстік Қазақстан облысының ауылдық мектептерінің бірінде мұғалім болып жұмыс істегенәйел бірнеше жыл бұрын жұмыстан шығып, есірткі заттарын қолдана бастаған.Есірткіні жасырын салушыны полиция қызметкерлері Степногорск қаласында ұстады. Жеке тінту барысында жедел қызметкерлер тыйым салынған затпен 14 байламды тауып, тәркіледі.Әрі қарай, 37 жастағы әйел полицейлерге "жұмыс күні" кезінде есірткіні жасырын салған орындарды көрсетті. Көрсетілген мекенжайлар бойынша қызметкерлер тағы екі үлкен бомба деп аталатын және 4 доза бойынша оралған орам тапты. Жедел-іздестіру және тергеу іс-шаралары аясында полицейлер жалға алынған пәтерді тексерді, онда есірткіні жасырын қойып кетуші Степногорск қаласында бірнеше күн болды. Мұнда жедел уәкілдер тыйым салынған затпен тағы 105 орамды, сондай-ақ есірткіні доза бойынша өлшеп-орауға арналған құрылғыларды тапты.Сараптамада тәркіленген зат салмағы 62,5 грамм болатын мефедрон синтетикалық есірткісі екені расталды, бұл өте үлкен мөлшерге жатады. Ұсталған адамның айтуынша, ол 2023 жылдың соңында Telegram қосымшасынан жұмыс тапқан. Жеңіл табыс туралы уәде әйелді қызықтырды және ол келісті. Кураторының нұсқауы бойынша ол Степногорск қаласына есірткіні жасырын қойып кету үшін келген, бірақ ол полицияға ұсталды. Қазіргі уақытта есірткіні өткізу фактілері бойынша сотқа дейінгі тергеу жүргізіліп жатыр, күдікті қамауға алынды.Фото: polisia.kz

Мектеп мұғалімінен ірі көлемде есірткі тәркіленді

<a href="https://kyzylorda-news.kz/">Kyzylorda-news.kz</a>&nbsp; &nbsp;Ұстaз eңбeгi – ұлы eңбeк. Eгeр әр aдaмның жүрeгiндe iзгiлiк тaмшысы мeн бойындa қaрым-қaбiлeтi болсa, ол соны aшa бiлгeн мұғaлiмнiң eңбeгi. Сол нұрды жeткiншeктiң бойынa дaрыту үшiн мұғaлiм қaншaмa тeр төктi дeсeңiзшi. Дүниeдe aдaмды тәрбиeлeп, aзaмaт aтaндырғaннaн aртық aбырой мeн құрмeт жоқ шығaр, сiрә?!&nbsp;Оқушының қaндaй дa бiр жeткeн жeтiстiгi болсa, ол eң әуeлi ұстaзымeн бiрлeсiп жaсaғaн жұмысының aрқaсы. Ұстaз болу кeз кeлгeннiң қолынaн кeлe бeрмeйдi. Шәкiрт тәрбиeлeу, оны биiккe жeтeлу, қaнaттaндыру, жaны мeн тәнiн, болмысы мeн бaрын бeру тeк ұстaздың қолынaн кeлeтiн қaсиeт. Әрбiр көзi aшық aдaм сaуaтын aшу үшiн eң бiрiншi ұстaзғa жүгiнeдi. Ұстaздaрдың eңбeгiн ұлы eтeтiн өздeрi eмeс, шәкiртi. Бiлiм нәрiмeн сусындaтып, үйрeтудeн тaлмaғaн ұстaздың сaн жылдaр бойғы eңбeгiнiң жeмiсi – aяулы әрi бiлiмдi шәкiрт. Бәйгeдeн озa шaуып, мыңнaн тұлпaр, жүздeн жүйрiк кeлгeн шәкiрт үшiн ұстaздың қуaнышы сiз бeн бiзгe eлeстeтугe кeлмeйтiн сeзiм.&nbsp;Осындaй ұстaздaрдың бiрeгeйлeрi – Қaзaлы aудaны, Мaйдaкөл aуылындaғы 98 ортa мeктeптiң&nbsp; көркeм eңбeк пәнiнiң мұғaлiмi Aлмaс Пaйызов, бaстaуыш пәнiнiң мұғaлiмi Бaқыткүл Әбдiрeeвa, физикa пәнiнiң мұғaлiмi Розa Рaшовa мaқтaуғa тұрaрлық жандaр.&nbsp;Ұстaздық жолындa шәкiрттeрiн бiлiм нәрiмeн сусындaтып қaнa қоймaй, әр бaлaның биiктeн көрiнуiнe eрeкшe дeн қойғaн ұстaзымыз көркeм eңбeк пәнiнiң мұғaлiмi – Aлмaс Пaйызов. Оқушысының бiлiм көкжиeгiнeн көрiнуi жолындa бойындaғы бaр күш-жiгeрiн сaрпығaн ұстaз eңбeгi өлшeусiз ғой. Шын мәнiндe, Aлмaс aғaй eңбeк eтугe, eр болуғa, aдaм болуғa үйрeттi. Шәкiрттeрiн әртүрлi кәсiп сaлaсынa бaулыды. Сaбaқты өмiрлiк философиямeн сaбaқтaстырa бiлeтiн. Сол aрқылы бiздi өмiрдiң мәнiн зeрттeугe үйрeткeнi рaс. Әринe, ұстaз жүгi – aуыр жүк. Ұстaздaрдың әсeрлi үнмeн, aсықпaй мәнeрлeп сөйлeгeн сөзiнeн әрбiр оқушығa дeгeн қaмқорлықтың, дaнa ойдың ыстық лeбi eсiп тұрaтын. Иә, aдaмның жaн дүниeсiн түсiнiп, рeнжiтпeй, қaтeлiгiн сeздiрe бiлу – бұл нaғыз шeбeрлiк eмeс пe? Мeктeбiмiздe 25 жыл ұстaздық eңбeк eткeн Aлмaс aғaйдың тәлiм-тәрбиeсi – болaшaқ ұрпaққa үлгi-өнeгe.&nbsp;«Ұстaздық eткeн жaлықпaс, үйрeтудeн бaлaғa» дeп Aбaй aтaмыз aйтқaндaй, ұстaз eңбeгiнiң қыр-сыры мол, қиын дa жaуaпты, шығaрмaшылық eңбeк eкeндiгiн уaқыт өткeн сaйын мойындaйсың. Ұлaғaтты ой иeлeрi дe, aрмaн оты жүрeгiндe aлaулaғaн жeткiншeктeр дe, пaрaсaтты қоғaм қaйрaткeрлeрi дe бiр aдaмғa қaрыздaр. Ол – Ұстaз! Ұстaз дa диқaн сияқты. Әр aдaмның жaнынa бiлiм дәнiн сeбeдi. Әр шәкiртiн aялaп өсiрiп, өмiр aтты шeксiз ғaлaмғa топшысын қaтaйтып ұшырaды. Дәлiрeк aйтсaқ, aдaмды өмiр сүрe бiлугe тәрбиeлeйдi. Сол үшiн бойындaғы aсыл қaсиeттeрiн шәкiрттeрiнe сiңiрiп, тeр төгeдi.&nbsp; &nbsp;Eгeр ұстaз eңбeгi өлшeусiз болып сaнaлсa, ол eңбeктiң aлғaшқы қомaқты үлeсi бaстaуыш сынып ұстaзының iздeнiс тaнытуындa жaтыр. Тұңғыш бaлaлaрғa әрiп үйрeткeн Бaқыткүл Әбдiрeeвaның eңбeгi ұшaн-тeңiз. Бaстaуыш сыныптa сaбaқ бeргeн ұстaз оқушылaрды&nbsp;бiлiм нeгiзiнiң сырынa бaғыт aлдырaды, өз әлeмiндe ойлaнуғa үйрeтiп, тaным бaспaлдaғын қaлыптaстырaды. Айнaлa ортa, қоғaммeн қaрым-қaтынaстaрын iзгiлiккe бaғыттaп, жaзу, сөйлeу мәдeниeтiнiң aлғaшқы сырлaрын aшып, өзiндiк шығaрмaшылық әлeмiнe бaулиды. Болaшaқ жeкe тұлғaның қaлыптaсуынa, дaмуынa жaғдaй жaсaйды. Бүгiнгi шыбықтың eртeңгi қоғaмы мeн Отaнынa сeптiгiн тигiзeр мәуeлi бәйтeрeк болaрын қaзiрдeн ойлaйды, жaн-жaқты жол aшaды. Осы үшiн бaлa тәрбиeсi ғылымының соңғы тәсiлдeрiн iздeнiп, тaлaй кeштeрi мeн түндeрiн ұйқысыз өткiздi.&nbsp;Eндeшe, өз iсiнe бeрiлгeн, жaңaлықты жaтсынбaй қaбылдaйтын, шәкiртiнiң жaнынa нұр құйып, өмiргe өзi дe бaқытты болып, өзгeлeрдi дe бaқытқa жeткiзсeм дeгeн 35 жыл пeдaгогикa сaлaсындa ұстaздық eткeн&nbsp; Бaқыткүл aпaйымыздың&nbsp; eңбeгi осындaй.&nbsp;Ұстaз – бiлiмгe, ғылым мeн әдeбиeткe жeтeлeйтiн бiрдeн бiр тұлғa. Ұрпaқ тәрбиeсiндe мұғaлiмнiң тaлaнты, бiлiктiлiгi жәнe жaуaпкeршiлiгi, aдaми қaсиeттeрi өтe мaңызды рөл ойнaйды. Өйткeнi, ол – шәкiрт үшiн aйнa сияқты. Ұстaзы жaқсының шәкiртi үздiк. Бұл – aйнымaс aксиомa. Мeктeбiмiздe 37 жылын физикa мeн мaтeмaтикaны үйрeтiп, шәкiрттeрiнe бiлiм нәрiн төккeн ұстaзымыз – Розa Рaшовa. Бaлa бiлiмдi өз бeтiншe кiтaптaн оқып тa үйрeнe aлaды, aл бiрaқ тәрбиeнi өз бeтiншe aлa aлмaйды, өнeгe мeн үлгi, құрмeт сияқты iзгi қaсиeттeр – aтa-aнaдaн қaн aрқылы дaрысa, ұстaздaн тәлiм aрқылы келеді.&nbsp;Ұстaздың бiлiм сaлaсын жaндaндыруғa қосқaн өлшeусiз eңбeгi мeмлeкeт тaрaпынaн лaйықты бaғaлaнды дeгeн ойдaмын. Aлғaн мaқтaу, мaрaпaт, aлғыс хaттaрын тiзeтiн болсaқ, өз aлдынa бiр төбe. Бiрaқ, aдaмның aдaмшылығы мaрaпaт қaғaзымeн ғaнa өлшeнбeк eмeс, aдaмды одaн дa биiк eтiп, қосымшa көрiк бeрiп тұрaтын – aдaми қaсиeттeрi, игiлiктi iстeрi болмaқ. Жүзiнeн шуaқ, сөздeрiнeн жылылық төгiлiп тұрғaн ұлaғaтты мaмaндық иeлeрi өнeгeлi өмiрi мeн eсeлi eңбeгiнiң aрқaсындa aйнaлaсынa қaдiрлi болaры сөзсiз. Кaвкaз хaлқындa «Тaуғa жaқындaғaн сaйын оның биiктiгiн түсiнeсiң» - дeгeн мәтeл бaр. Осы кeрeмeт сөз бiздiң aрдaгeр ұстaздaрымызғa қaтысты aйтылғaндaй. Олар тaу сeкiлдi өмiрiнe үңiлгeн пeндeгe биiктeй түсeтiндeй. Оны сiз бeн бiз жaқсы бiлeмiз. Қaстeрлeймiз, құрмeт тұтaмыз жәнe мaқтaн eтeмiз. Сiздeрдiң ұзaқ жылдaр бойы үздiксiз eткeн зор eңбeктeрiңiз-сaнaлы ұрпaқ тәрбиeсiндe aлaр орны eрeкшe, кeйiнгi жaс буынғa үлгi-өнeгe болды. Жaқсының жaқсылығын дәрiптeу, aдaмның eл үшiн eткeн игiлiктi iстeрi мeн мұрaсын кeйiнгi ұрпaққa үлгi-өнeгe eту- eжeлгi eл дәстүрi.

Ұстaздың тәлім тәрбиесі – болашақ ұрпаққа үлгі 

&nbsp;<a href="https://kyzylorda-news.kz/">Kyzylorda-news.kz</a>&nbsp; Балабақша – мектеп жасына дейін балаларды тәрбиелейтін мекеме. Білім беру балабақша табалдырығынан басталады десек ешқашан артық айтқандық емес. Барлық білімнің бастауы – балабақшада. Мектепке дейінгі мекемелерде тәрбие мен білім саласында заманауи педагогикалық технологиялар қаншалықты маңызды болса, мектеп жасына дейінгі балаларды оқыту мен тәрбиелеуде де педагогикалық технологиялар ұғымы кеңінен қолданылатын ұғымның біріне айналды. Ендеше, мектепке дейінгі білім беру саласының басты міндеттерінің бірі – өскелең ұрпақты оқыту мен тәрбие беру үрдісіне заманауи әдістерін енгізу. Әрине, бұл үшін мектепке дейінгі білім беру мекемелерінде балалардың жеке басының қалыптасуы мен дамуына педагогтардың заманауи инновациялық технологияларды қолдана білу сауаттылығына да байланысты.Қазалы ауданы, Қазалы қаласындағы&nbsp; 1 «Ақерке» балабақшасы 23 желтоқсан 2009 жылы пайдалануға берілген. Балабақша 90 орындық, 2 қабатты, жаңа типті жобада салынған. Қазіргі таңда, балабақшада 5 топта 90 бала. Бұл 1 жас пен 5 жастағы балалар санын қамтиды. Оның ішінде, ерте жас – 1 жас 1 топ, кіші жас – 2 -3 жас аралығы 1 топ, ортаңғы топ – 3 – 4 жас аралығы 2 топ, 4 – 5 жас аралығы 1 топ жұмыс жасайды. Сонымен қатар топтарда 2 тәрбиеші кезекпен жұмыс жасайды. Балабақша бойынша қазіргі таңда 15 педагог бар. Оның 11 – і тәрбиеші болса, 1 – әдіскер, 1 Психолог, 1 – логопед, 1 – Ән жетекшісі, 1 – дене тәрбие жетекшісі жұмыс жасауда.&nbsp;Балабақша қазіргі заман талабына сай салынған. Әр топта балалардың жатын, ойын, киім шешетін, жуанатан, әжетхана, спорттық зал, үйірме бөлмелері жаңа талаппен салынған. Балалардың ойын бөлмелерінің жылулары еден асты арқылы беріледі. Еден арқылы берілген жылу балаларға тиімді әрі емін-еркін ойнауларына өте қолайлы.&nbsp;Қазақстан Республикасы Мемлекеттік жалпыға міндетті білім беру стандартын басшылыққа ала отырып «Мектепке дейінгі тәрбие мен оқыту» жүйесін жүзеге асырады. Мектепке дейінгі тәрбие мен оқыту үздіксіз білім беру жүйесінің алғашқы деңгейі ретінде қазіргі тұрақты өзгеріп тұрған әлемде табысты бейімделуге қабілетті бала тұлғасының қалыптасуы мен дамуы үшін жағдай жасайды.&nbsp;Атқарылып жатқан жұмыстар балабақшаның жылдық жоспарына сәйкес өткізіледі. Балалардың өмірі мен денсаулығын қорғау, сауықтыру іс-шаралары, балалардың дене шынықтыруға дайындығы мен физикалық дамуы, мәдени-тазалық дағдылығына тәрбиелеу, ұлттық құндылығымызды балалардың бойына сіңіру. Түрлі іс-шаралар, сайыстар, мерекелік кештерге арналған ертеңгіліктер, ата-аналармен бірігіп ұйымдастырылған спорттық жарыстар өткізілді.&nbsp;17 маусым 2022 жылы 1 «Ақерке» бөбекжай балабақшасының мамандарының іс – тәжірибиесі бойынша «Ерте жастан бастап, балалардың командада жұмыс істей білу дағдыларын дамыту» тақырыбында облыстық әдістемелік вебинары өткізілді. Вебинарға аудандар мен&nbsp;Қызылорда қаласының сексенге жуық маман қатысты. Вебинардың бағдарламасына сәйкес «Алақай, жайдарлы жаз келді», «Джунглидегі қызықты ойындар», «Томпақпен бірге квестпен ойындары», «Не қайда? Қашан?» интеллектуалдық ойын, «Мультистудия» үйірмесі,» «Зерде» зияткерлік-танымдық сайыс, балабақша логопеді «Орманға саяхат», психолог&nbsp;ата-аналармен «Бала біздің болашағымыз» атты тренинг жүргізді.&nbsp;Шара барысында көрсетілген жұмыстардың барлығы ойын түрінде ұйымдастырылды. Шараға қатысқан мектепке дейінгі ұйым мамандарының жылы лебіздері мен ұсыныс-пікірлері тыңдалып шараны Гүлнар Батырбекқызы қорытындылап, жұмыс көрсеткен мамандарға оқу орталығының сертификатын табыстады.&nbsp;Оқу жылының басында ата – аналар жиналысында мектепке дейінгі ұйымның стандандарт нұсқаулық, бағдарлама бойынша көптеген өзгерістер айтылған болатын. Ондағы өзгеріс сіздерге түсінікті болуы үшін атап өтетін болсам қазіргі балалабқшаларда ұлттық құндылықты, қазақы салт дәстүрімізді дәріптеп, қазақы бұрыштар жасалынды және кітап бұрышы қойылып, көптеген ертегі кітаптармен жыр дастандар балаларға күнделікті оқылып берілуде. Қазіргі таңда, балалар күнделікті ойын арқылы дағдыларын қалыптастыруда. Осы бірінші жарты жылдықты атап өтетін болсақ, «Балдәурен» тобының тәрбиеленушілері Ертай Аяна, Сұлтанғалиев Сырым және Бейсенбаева Айғаным 25 қазан Республика күніне орай Республикалық сурет байқауынан бірінші орын дипломымен марапатталды. Сонымен қатар, осы балапандарға жетекшілік еткен «Балдәурен» тобының тәрбиешісі Шманова Айгерім «Үздік педагог» дипломы марапатын алды. «Балапан» тобының тәрбиеленушісі Жамиғат Қайсар сурет байқауы бойынша республикалық байқаудан екінші дәрежелі дипломмен марапатталып, жетекшісі Жусупова Гулжазира «Алғыс хатпен» марапатталды. Жақсылық Ибрахим мен Бақтиярқызы Фатима «Тәуелсіздік биік болсын тұғырың!» атты республикалық патриоттық байқауында Ибрахим бірінші дәрежелі дипломмен, Фатима екінші дәрежелі дипломмен марапатталып, жетекшілік еткен Ильясова Гүльзат «Құрмет граматомасымен» марапатталды. Базарбай Қайыржан «Тәуелсіздік биік болсын тұғырың!» атты республикалық патриоттық байқауында бірінші дәрежелі құрмет грамотасымен марапатталды. Жетекшісі Төлегенова Айсауле «Құрмет грамотасымен» марапатталды. Республикалық «Жас дарын» дарынды балалар орталығы сурет байқауынан бірінші орын дипломымен марапатталды.&nbsp;Бұл үлкен жетістік деп ойлаймын. Педагогтарға келетін болсақ балабақшаның психологы Тлеумбетова Фарида «Отбасы мен балабақша ынтымақтастығы» және «Психологиялық әдіс-тәсілдер аукционы» тақырыбында өз іс-тәжірибиесімен бөлісіп, Қазалы ауданының алғыс хатына ие болды. Және де тәрбиеші Жусупова Гүлжазира апайымыз тәрбиешілер арасында «Бақытты балабақша» байқауында бірінші дәрежелі диплом және «Балапан бояулар әлемі» атты байқаудан бірінші дәрежелі диплом сонымен қатар, «Шебер тәрбиеші» халықаралық байқауына қатысып бірінші дәрежелі дипломмен марапатталды. Және де 5-6 жастағы балаларда көркем жазу дағдылырын қалыптастыру және жетілдіру жолдары тақырыбында әдістемелік нұсқаулық кітапшасы шықты. «Қазақ білім» журналына «Мектепке дейінгі ұйымда қазақ тілін үйретудің маңыздылығы» атты мақаласы жарық көрді. Ахметова Анар халықаралық «шебер тәрбиеші» байқауына қатысып бірінші дәрежелі дипломмен марапатталды. Ақбердиева Жазира «Менің мамандық тәжірибием» атты эссе номинациясы бойынша республикалық екінші дәрежелі дипломмен марапатталды. Сағидолла Мөлдір Омарбекқызы Қазақстан Республикасы оқу ағарту министрлігінің «Балаларды ерте дамыту институты» мектепке дейінгі ұйымдар арасында өткізілген «Барлығына рақмет» республикалық челленджге қатысып, «Алғыс хатпен» марапатталды. Балдәурен тобының тәрбиеленушісі Жамиғат Әсел және жетекшісі Санкебаева Нұргүл Шорақызы Қазақстан Республикасының президенті Қасым-Жомарт Кемелұлы Тоқаев қолдау білдірген «iBars-kids» білім платформасы Қазақстан Республикасы «Біртұтас тәрбие бағдарламасын» іске асыру жоспарына сәйкес жас таланттар арасында «Наурыз думан» атты республикалық байқауға қатысып, бірінші дәрежелі дипломмен марапатталды.&nbsp;Балабақша ұжымы жаңа педагогикалық технологияларды меңгеруге тәжірибені кеңінен пайдалануға, Қазақстан Республикасы білім беру саласындағы даму стратегиясына бас аназар аударып келеді. Балабақшада мерекелік шаралар өз деңгейінде өткізіліп келеді. Сонымен қатар әдістемелік тұрғыдан оқыту оқыту әдістерін меңгеруге ерекше көңіл бөлуде.&nbsp;

Қазақы салт-дүстүрді дәріптеген қазалылық балабақша 

<a href="https://kyzylorda-news.kz/">Kyzylorda-news.kz</a> Шетелде білім алу әрбір түлектің арманы екені сөзсіз. Алайда мұндай жетістікке жету үшін терең ізденіспен қатар ғылымға қызығушылық әрі ЖОО-ның талап-міндеттеріне сай болу қажет. Қызылордалық Аяна Жақсыбаева – ұрымтал сәтті пайдаланып, шетелде білім алуға қол жеткізген жастың бірі. Ол Ресей Федерациясының Уфа мемлекеттік мұнай техникалық университетінде тегін оқуға мүмкіндік алған.Әрине, арман қуып шетел асқан Аянаға мүмкіндік есігі бірден ашылмады. Жүйелі ізденіс пен күн-түн оқу нәтиже беріп, мақсатқа жетуге деген табандылық ғана сәттілік әкелген екен. С.Сейфуллин атындағы №4 ІТ мектебінің ұстаздар ұжымы да талапты жастың лайықты білім алуына жағдай туғызу арқылы жеңісті күнді жақындатқан сыңайлы. Аянаның өзі ел асып, білім алу жолын былайша жеткізді:<blockquote>– Кез келген оқушының әлемді аралауға құмары артатынын білеміз.&nbsp;Мен де ғалам кереметін, өзге ұлт ерекшелігін көруге құмарым артты. Осы арман жетегімен шетелге оқу ниеті қалыптасты. Ата-анаммен ақылдаса келе Ресей Федерациясын таңдап, Башқұртстанда орналасқан Уфа мемлекеттік мұнай техникалық университетіне оқуға түсуге бел буыдым. Таңдаған мамандығым да күрделі. ІТ саласын игеруді ойладым. Осылайша, университеттің ішкі емтиханын тапсырып, ең жоғары 300 баллдың 251-ін жинадым. Шетелде оқу шындыққа айналып, ЖОО студенті атануға жол түсті, – дейді түлек.</blockquote>Аяна әрбір жастың қалаған оқу орнына түсуге қауқары жететініне сенімді. Тек ерінбей ізденіп, үздіксіз білім игерсе болғаны. Талантты жас мұндай табандылықты қажет ететін оқу жүйесін қалыптастыруға ұстаздар мен ата-ананың көмегі зор болғанын жасырмады. Жан-жақты қадағалаудың нәтижесінде көздеген мақсат артта қалды.<blockquote>– Ең басты қолдаушым – отбасым. Қос әжемнің батасы, әкемнің артқан сенімі күш сыйлап, күн-түн сабақ оқудан танбадым. Уфа мемлекеттік мұнай техникалық университетіне оқуға түсетін кезде де жүйелі ізденіп, жан-жақты дайындықтан өттім. Сол кезеңде қолдауын аямаған отбасыма алғысым шексіз.</blockquote>Сондай-ақ сынып жетекшім Гүлзия Төлепбергенова апайдың да орны ерекше. Үнемі шабыт сыйлап, көтермелеп жүрді. «Қызым, сен бәріне жетесің» деп ұстаздық лебізін үзбеді. Өзге мұғалімдер мен мектеп ұжымының көмегін де айта кеткім келеді, – дейді Аяна.Арманы шындыққа ұласқан кейпкерімізден өзге елде оқуға ниетті жастар үшін кеңес сұраған болатынбыз. Жас түлек тіл меңгеруді жетілдіріп, мақсатты жүйелі түзсе, кез келген оқу орнына түсу оңай екенін жеткізді. Оған қоса түрлі бағдарлама шеңберінде бақ сынап, біліміңді көрсетуге де мүмкіндік бар екенін баса айтты.

Қызылордалық түлек шетелге тегін оқуға қалай түсті?

<a href="https://kyzylorda-news.kz/">Kyzylorda-news.kz</a>&nbsp; &nbsp;Кеше&nbsp;аудан орталығындағы мектептердің қауіпсіздік жүйелерінің жұмысына зерделеу жұмысы жүргізілген болатын. Зерделеу жұмысы барысында білім беру объектілерінің терроризмге қарсы қорғалуын ұйымдастыру жөніндегі нұсқаулыққа (117 бұйрық) сәйкес жұмыс істеуі, бейнекамералардың жұмыс жасап тұруы, оның ішінде барлық қауіпті аумақтарды қамтуы, аудандық полиция бөлімінің орталықтандырылған жүйесіне қосылуы мен дабыл түймелерінің жұмыс істеп тұруы, күзет қызметтерінің талаптарға сай болуы және турникеттердің жұмысы қадағаланды. Өз кезегінде аудандық білім бөлімінің басшысы Берік Жәнібеков қауіпсіздік іс-шарасын пысықтады.&nbsp;Бүгінгі күні аудан бойынша барлық мектептер 100% бейнебақылау камераларымен қамтамасыз етілген. Яғни, мектептерде 500-ден астам бейнебақылау камерасы орнатылған. Қауіпсіздікті қамтамасыз ету мақсатында мектептерде хабардар ету жүйесі, дабыл түймелерімен, контингент саны 700-ден асатын мектептер турникеттермен, сонымен қатар арнайы мамандандырылған күзет қызметімен қамтамасыз етілген.&nbsp;&nbsp;&nbsp;&nbsp;&nbsp;&nbsp;&nbsp;&nbsp; –&nbsp; Бүгінде&nbsp;барлық мектепте қауіпсіз іс-шарасына көңіл бөлінген. Қазіргі уақытта мектеп директорларына бала қауіпсіздігін сақтауға байланысты тиісті тапсырмалар берілді, – деді білім бөлімінің басшысы.&nbsp;&nbsp;

Білім ошақтарындағы қауіпсіздік іс-шарпасы пысықталды 

<a href="https://kyzylorda-news.kz/">Kyzylorda-news.kz</a> Бала қиялын дамытып, танымын кеңейтудің бірден-бір тәсілі – ер­тегі оқуға баулу. Ал баланың өзі ер­тегі құрап, шығармашылық қабіле­тін ашса, ұстаз бен ата-ана үшін қуаныш екені сөзсіз. Қызылордалық Айзере Төлегенова да ерте жастан талантын танытып, додаларда топ жарған ізденімпаздың бірі.Әдебиетке құштар оқушы Қызылорда қаласындағы Байұзақ Ермекбаев атындағы №271 орта мек­тептің 4-сыныбында білім ала­ды. Жас болса да толыққанды шығарма түзіп, бірнеше ертегінің авторы болып үлгерген. Мәселен, ол бүгінге дейін «Қарлығаш пен түлкі», «Екі дос», «Малефикус», «Мысық пен тышқан» ертегілерін жазған. Барлық еңбегінде ізгілік үстемдік құрып, балаларды достыққа шақыруды мақсат тұтқан. Жаны таза шәкірттің кіршіксіз ертегілері оқырман жүрегіне жол тауып, ел ықыласына бөленуде.Тіпті оның «Малефикус» ертегісі аясында сюжетті құрастыруға ар­налған лепбук және ертегі желісі бойынша анимациялық мультфильм жарыққа шықты.&nbsp;Мұндай күрделі жұмысқа Айзеренің сыныптас дос­тары – &nbsp;Сайдахмет, Заңғар кө­мектессе, дубляжды жетекшісі Мөлдір Берікқызы жасаған екен. Шығармашылықты дамыту нәтиже беріп, ол 2-7 сынып оқушы­ларының «Зерде» респуб­ликалық зерттеу жобалары кон­курсының ал­ғашқы кезеңінде І орын иеленді.<blockquote>– Әдеби шығармаларға құштар­лығым мектептегі ұстаздарымның қолдауы арқасында пайда болды. Көп өтпей өзім де ертегі жаза бастадым. Ертегіні оқыған әрбір бала ондағы жағымды кейіпкерлерге ұқсауға әрекет жасап, жағымсыз кейіпкерлердің мінезінен сабақ алса деп ойладым. Кейін ұстазым Мөлдір Берікқызы мен ғылыми жетекшім Акерке Болатқызының қолдауымен «Ертегі терапиясы» зерттеу жобасын бастадым, – дейді Айзере.</blockquote>Шәкіртті демеу оны алға жете­лері сөзсіз. Бұл орайда Айзереге шығармашылық, ғылыми бағдар беруге талпынған ұстазы Мөлдір Жалғасованың орны ерекше. Білікті педагог оқушыны түрлі додаға дайындап жүр.<blockquote>– Ертегі мен ертегі терапиясын шатастыруға болмайды. Ертегі оқу арқылы баланың ойлау, сөй­леу қабі­леті дамып, ойы ашы­лады. Ал ертегі терапиясы – баланың жан дүниесін тану, емдеу, ойын дамыту, – дейді Мөлдір Берікқызы.</blockquote>Ертегі оқу – баланы тыныш­тандырып, позитивке бағыттаудың әдісі. Бала негативті көңіл-күйде ұйықтамауы керек. Ертегінің соңы жақсы аяқталуы керек екенін де ескеріңіз. Ертегіде жақсылық жамандықты жеңіп, бас кейіп­кер батыр атанып, бәрі өз орнына келеді. Бұл баланы өмірде бәрі жақсы болатынына, позитивті ой­лауға дағдыландырады. Ер­тегі арқылы ақыл-ой және дене енбегінің барлық түрлерінде, ба­ланы бола­шақта қо­ғамдық іс-әре­кетке даяр­лауда, оның сезімдік қабілетін дамыту қажет. Сондықтан да күнделікті сабақ бары­сында ертегіні пайдаланар болсақ, бала­ның мінез-құлқына, се­зімталдығына әсер етіп, дұрыс тәр­биелеуге үлес қосамыз. Ал баланың өзі ер­тегі шы­ғаруға әуес­тенсе, жарты жүктің жеңілдегені.&nbsp;

«Малефикус» ертегісінің желісі бойынша анимациялық мультфильм жарыққа шықты

<a href="https://kyzylorda-news.kz/">Kyzylorda-news.kz</a>&nbsp; &nbsp;Тұлға ретінде дамысам, маман ретінде мүмкіндіктерге ие болсам деп шетел асқан қазақ жастары қаншама. Дегенмен Америкадағы ауылынан алыстап, қазақ еліне, оның ішінде Қызылордаға келген шетелдік кемде кем. Осы орайда Қорқыт ата атындағы Қызылорда университетінде мұғалім боп, тәжірибе алмасу үшін келген американдық Анна Кубаспен сұхбаттасқан едік.– Анна, әңгімені өзіңізді таныстырудан бастасаңыз...&nbsp;– АҚШ-тың Джорджия штатынанмын. Солтүстік Джорджия университетінде жоғары білім алдым. Оқушы кезімнен орыс тілі мен корей тілін үйреніп жүретінмін. Оқу бітірген соң мен барлық жас сияқты кім боларымды, әрі қарай не істерімді білмедім. Ойланып жүріп, өзіме, өмірлік дамуыма әсер еткен ұстаздарымның жолын қуып, білім саласына тұрақтаймын деп шештім. Мұғалім болғым келді. Осылайша түрлі мүмкіндіктерді қарап, іздене жүріп, Қазақстанға келіп жұмыс істеуге және өмір сүруге болатынын білдім. Бакалаврда оқып жүрген кезде-ақ қазақтардың тарихы жайлы азды-кем білетінмін. Қазақстанға барып жұмыс істеп, қазақ балаларына ағылшын тілі бойынша білім беремін деп шештім. Ал бос уақытымда маған жүгіру, табиғат аясында, тыныштықта жаяу жүру, тіл меңгеру ұнайды. Қазір 23 жастамын. Бос уақытымда Қорқыт ата атындағы Қызылорда университетінің студенттері үшін «speaking club» өткізіп тұрамын. Бұрын аптасына 3 күн болса, қазір 4 күнімде де ағылшын тілінде сөйлесу практикасын өткізуге арналған уақыт бар. Ұлттық мәдениет, мерекелер, ойындар тақырыбында ағылшын тілінде әңгімелесу арқылы сөйлесу деңгейін арттырудамыз. Қатып қалған формат жоқ. Кейде фильм қарап, кейде шай ішеміз. Сонымен бірге қаладағы «Кітап құрттары» клубының оқырмандары үшін де ағылшын тілінде сөйлесу деңгейін арттыруға арналған практикалық сабақ өткізіп тұрамыз.&nbsp;– Неге Қазақстанды таңдадыңыз?&nbsp;– Қазақстан мен КСРО тарихына университет қабырғасында ерекше қызығатынмын. Әрі орыс тілін қызыға үйренуім де Қазақстанға жетелеген шығар. Себебі студент кезде орыс тілі сабағынан Әсел есімді қазақстандық ұстаз сабақ беретін. Ұстазым арқылы елдің тарихына қанығып, Орталық Азия елдері туралы көп нәрсені білдік. Палауды қалай дайындайтынын және қазақ тіліндегі бірнеше сөзді жаттап алдық. Орыс тілі мен мәдениеті жайлы бір кісідей білімім бар. Енді орыс тілін басқа елдер мен олардың мәдениеті туралы білуге құрал ретінде қолданудамын. Ал орыс тілін үйренуді мектеп кезден бастаған едік. Мен оқыған мектепте ұлттық тілден бөлек екі шет тілі оқуға ұсынылды. Испан немесе орыс тілінің бірін таңдап, сол бойынша базалық білім алдық. Неге орыс тілі десеңіз, барлық сыныптасым испан тілін таңдаған кезде басқаларға ұқсамауым керек деген ниетпен соны таңдаған едім. Украиндық апайымыз арқылы орыс тілін үйренгеніме еш өкінбеймін. Менде жалғыз жүруге, шетелге баруға қорқыныш жоқ. Себебі мен Қазақстан өмір сүруге қауіпсіз елдің бірі екенін білдім. Әрі өткен жылдары Еуропаның бірнеше еліне жалғыз саяхаттап көрген едім. Сондықтан жаңа елге көшу, оның тарихын, тұрмысын тану мен үшін қызығырақ. Өткен жылдың қыркүйек айында жалғыз көшіп келдім. Бірақ мен үшін мұның барлығы қалыпты. Шынымды айтсам, Қызылорда қаласын өзім таңдаған жоқпын (күліп). Бірақ бұл қала маған ұнайды, сондай жылы, ерекше аурасы бар.&nbsp;– Қызылордалықтар туралы алғашқы әсеріңізбен бөліссеңіз...&nbsp;– Негізі Оңтүстік Қазақстанға, яғни Шымкент қаласына немесе Түркістан облысына барғым келген еді. Бірақ елдегі АҚШ елшілігі мені Қызылордаға жіберді. Көшіп келген кезімде күз айы болатын. Бұл жақтың адамдары ерекше ашық-жарқын, мейірімді, көмек көрсетуге дайын. Әрине, джорджиялықтардан айырмашылығы көп. Мен таудың қызымын. Туған жерімде таулы қыраттар жиі кездеседі. Ал мұнда келгенде кең жазық далада жүргендей әсерде болдым. Мұның барлығы мен үшін тың, қызықты дүние. Қызылордадан бөлек Астана мен Алматы қаласында да болдым. Алматыдан АҚШ-тың қалаларына ұқсастық байқалады, аурасы бөлек. Бірақ Қазақстанды толық тану үшін Астана мен Алматыны білу жеткіліксіз. Ол үшін өзге облыстары мен аудандарын толық аралау керек. Қызылордалықтардан шай ішуді үйрендім. Тіпті шіліңгір шілденің ыстығында да шай ішетінін білгенде, таңқалғаным рас. Қызылордаға келгелі мен адамдарға, жаңа идеяларға ашық бола түскендеймін. Қай елде тусаң, кез келген дүниеге сол ұлттың көзімен қарайсың. Әлемге қазақтардың көзқарасымен қарау мүмкіндігіне ие болғаныма қуаныштымын. Ал қазақ асханасынан маған қуырдақ, ет тамақ пен бауырсақ қатты ұнады. Бірақ құртты жақсы көре алмадым. Тым қатты тұздалғандықтан ұнамаған секілді.&nbsp;– Туған жерге оралу ойда бар шығар?&nbsp;– Иә, мендегі виза шілде айына дейін жарамды. Сондықтан маған шілдеге дейін Қазақстаннан шығып кету керек. Америкаға кері оралып, аспирантураға оқуға тапсырсам деген мақсатым бар. Америка мен Қазақстанның басты айырмашылығы – адамдардың өзара қарым-қатынасында. Қазақстанның, әсіресе Қызылорданың халқы бүтін бір отбасы секілді. Адамдар бір-біріне сондай жақын, қамқор. Әрине, мұны артықшылығы деуге де, кемшілігі деуге де болады. Себебі адамдардың бір біріне көмектесуі, жағдайын сұрасып, үнемі байланыста болуы ұнайды. Алайда мұның американдықтардан байқалмайтын бір кемшілігі бар: тым тығыз қарым-қатынас жасау барысында сыйластық пен жеке шекараны бұзудың аражігі ажыратылмайтындай. Яғни мұндағы адамдар сенің бос уақытыңда не істейтініңді, кіммен жүргеніңді, жеке өміріңді, бәрін білгісі келеді. Жеке шекараны сақтамау мені қорқытады. Американдықтардың ерекшелігі – 18 жасқа толған әрбір азамат ата-анасынан бөлініп, жеке өмір сүруінде. Яғни өз мәселесін өзі шешіп, қалағандай өмір сүруіне мүмкіндік бар. Бірақ оның да кемшін тұсы бар. Кейде өзімізді тым жалғыз сезінеміз...&nbsp;– Қазақ тілін үйрену қаншалықты қиын?&nbsp;– Орыс тілін үйренуге қарағанда оңайырақ дер едім. Себебі орыс тілінде бір сөздің айтылуының бірнеше нұсқасы бар, оқылуы мен айтылуында бөлек ережелер бар. Бірақ грамматикасы қиын емес. Ал қазақ тілінде нақтылық бар. Сонысымен ұнайды. Қазақ тілінде біраз сөз үйреніп қалдым.– Сұхбатыңызға рахмет!&nbsp;

Қызылордада АҚШ-тан келген мұғалім сабақ береді

<a href="https://kyzylorda-news.kz/">Kyzylorda-news.kz</a> Жаңақорған ауданында тұңғыш рет «Жас зерттеуші » жобасын бастаған Жайылма ауылындағы №195 мектеп гимназиясы ұжымы өскелең ұрпақтардың экомәдиниетін қалыптастырып, қоршаған ортаны аялау мақсатында «Жасыл мектеп» деңгейіне көтерілді. Біз осы ауылда болып, білім ошағының тыныс тіршілігімен танысып, ауыл өміріне дем беріп жатқан жаңа жүйенің артықшылықтарын көзбен көріп қайттық.Жайылма ауылында қауын-қарбыз егетін 12 шаруақожалық иелері бар. Олардың көбі Өзбекстан елінен көшет-тұқымдарын алатын еді. Олардың бәрі өз ауылындағы мектеп-гимназиясының тәжірибе ретінде сыналып жатқан шағын жылыжайынан көп үмітті. Тұңғыш рет жүзеге асырылып жатқан жобаның тиімділігін сөз етсек, біріншіден шаруалар қолжетімді бағада көшет алады, екіншіден өскіндердің біздің аймаққа жерсінуі мәселе болмайды, үшіншіден жол шығыны болмайды. Міне, осындай артықшылыққа ие болған жобаны жергілікті халық та қуаттайды.<blockquote>– Біз осы жобаны өткен жылдың күз айларында қабылдап, жылы-жай құрылысын бастадық. Ішкі жылулығы мен ылғалдылығын бақылайтын құрылғылар мен жылыту пештерін іске қостық. Наурыз айы басталған сәттен-ақ, қызанақ, бұрыш және қарбыз ұрықтарын егуді бастадық. Қазір мұнда ұрық себілген қатарды күленкімен қымтап жатырмыз. Тәжірибе ретінде атқарылып жатқан жұмыс оң нәтиже көрсетсе, болашақта осы жұмысты жетілдірмек ойдамыз. «Жас зерттеуші» жобамызды қолдап, өскелең ұрпақтың ғылымға бет түзеуіне қолдау берген аудандық білім бөлімі басшысы Бекжан Есенбаевқа ұжым атынан алғыс айтамын, – дейді жылы-жайды таныстырған №195 мектеп гимназиясының басшысы Гүлбазар Боранбаева.</blockquote>Жылыжайдың негізгі мақсаты – оқушылардың ғылыми дағдысын қалыптастырып, зерттеу жұмысына баулу. Олар биология және химия сабағында осы жылы-жайда дән егіп, және олардың даму сатысын бақылауды назарда ұстайды екен. Әр оқушы өзі еккен өсімдікті баптап қана қоймай, күнделікті өсу-өну процесін арнайы дәптерге жазып, қадағалап отырады. Қазір 20 мыңнан астам қарбызы көшеті, азын-аулақ қызанақ-қияр көшеті көктеуге жақын. Мектептегі әрбір ұстаз бен қызметкерлер қолы бос уақытта көмек-жәрдемін беріп отырады екен. Қысқасы, ауылының атын нарықта мойындатқан диқандар бір шаңырақ астында береке тапқаны жүрекке шаттық сыйлады.&nbsp;Мектеп-гимназияда 51 мұғалім жұмыс істейді. Тарқата айтсақ, 49 жоғары білімді, 2 арнаулы орта, 8 педагог-зерттеуші, 16 педагог-сарапшы, 16педагог-модератор, 10 жас маман білім беруде. Ұжымды ауызбіршілік пен еңбекке ұйыстыра білген Гүлбазар Жарылқасынқызының негізгі мамандығы химия-биология пәнінің тәлімгері екенін білдік. Мамандығына деген махаббат оны ғылыми жұмыстарға жетелепті. Аядай ғана ауылдағы ағайынның ортақ арманына айналған жобаны жүзеге асырарда осы саланы ұзақ жылдар бойы зерттегенін ұқтық. Алдымен, гидропоника әдісімен таулы-тасты аймақта егін өндірудің қыр-сырын зерттеді. Осы жетістігін әр түрлі деңгейлі ғылыми байқауларда қорғап, ауылшаруашылығы саласындағы маңдайалды ғалымдарға дәлелдемек ойы да бар. Бұл мектеп осы бағытта Қорқыт Ата атындағы Қызылорда мемлекеттік университетітің биология, география және химия кафедрасының прфессорларымен тығыз тәжірибе алмасып, ауылшаруашылығына қызыққан жастарға семинарлар ұйымдастырып келеді. Жаратылыстану ғылымдарының магистрі Нұрқасым Ерболатовпен бірге химия-биология пәнінің мұғалімдері зерттеу жұмысын жоспарға қойған.<blockquote>– Өткен жылдары өңірімізде құрғақшылық белең алып, мал азығы тапшы болды. Бұл әдіс жыл он екі ай жасыл желек өндіруге қолайлы. Әрі топырақсыз, су ертіндісіне арнайы минералдарды қосып, өсімдіктің жылдам өнуіне ықпал ете аламыз. Өзіңіз көріп тұрған отыз ыдыста алты түрлі өсімдікті бесеу-бесеуден ектік. Бидай бір күнде бүрін жарып, бір аптада 25 сантиметр өсуде. Салат жапырағы да үш күнде өнім беруде. Ал, қара жерде қырық күннен соң құлақтанатын болгар бұрышы бір жетіден соң оң нәтиже беруде. Осыдан-ақ, гидропониканың ауылшаруашылығына әкелер пайдасы мол екені даусыз, – деді химия-биология пәнінің мұғалімі Гүлзира Жұмабекова.&nbsp;</blockquote>Бүгінде осы технологияға арналған арнайы кабинетте ауыл балалары ауылшаруашылығында ғылым мен білімнің қажеттілігіне көз жеткізуде. Солардың қатарында химия-биология пәні олимпиадасына қатысып, жүлделі орын алып жүрген 9 сынып оқушысы Айдана Өтеген жылыжай жобасын жетілдіріп, көпшілікке таныстырмақ ниетте. Ал, 8 сынып Гүлнәз Әбдімәлік гидропоника әдісімен көптің назарын аударғысы келеді.<blockquote>– Біздің мектептегі оқушылардың көбі диқаншылар отбасынан шыққандықтан осы салаға қызығушылық басым. Осыны байқаған ұстаздар ауылшаруашылығына қажетті ғылыми жобаларға бағыт-бағдар беруде. Өзім аймақтық көрмелерде гидропоника әдісімен таныстырғанымда көпшілік қызығушылық білдіріп, осы туралы көп сұрайтынын аңғардым. Осы жобаны алдағы уақытта жетілдіріп, ауылдағы егінші мен шопандарға өз көмегімді бергім келеді, – деді жас ғылам Гүлнәз Әбдімәлік.</blockquote>«Жасыл» экономиканың басты қағидаттарының бірі – табиғи ресурстарды барынша құнттап, үнемді пайдалану. Бұл ретте атаулы мектепті көп үлгі бола алады. Мектеп электр энергиясын үнемдейтін жарықдиодты шамдарды тұтынады. Соның арқасында, жылына 1121 киловатт энергия үнемделеді екен.&nbsp; Қалай десек те, «жасыл» экономиканың адамзат дамуына жаңаша серпін беріп отырғаны анық. Өткен ғасырдың соңында түсірілген фантастикалық фильмдерді қараңызшы. Қайсысын алсаңыз да, Жер-Анамыздың болашақтағы мүшкіл халі суреттелетін. Экологиялық апатқа ұшыраған ғаламшарды көруші едік. Түптің түбінде дəл осы халге жететінімізге сенетінбіз. Ал қазіргі адамдардың санасы өзгерген тəрізді. Осыдан екі жыл бұрын ағылшын экологтары жасөспірімдер арасында Жердің болашағына қатысты сауалнама жүргізген болатын. Сонда балалардың 80 пайызы болашаққа үмітпен қарайтындарын айтыпты. Адамзат Жер-Ананы апаттан құтқарудың əдісін табатынын «жасыл» технологияларды мысалға келтіре отырып, барынша дəлелдеп беріпті. ХХІ ғасырдың жастары жарқын болашаққа сенеді. Бұл – жақсылықтың нышаны.Білім саласын ауылшаруашылық саласымен ұштастырып отырған мектепте жас биологтар тәрбиеленіп жатқанына көңіліміз толды. Интернеті дамыған қоғамда баланы еңбекке қызықтыра білудің жолын тапқан ұжымның еңбегін қалай дәріптесек те жарасады.

Қазақстан және Қызылорда облысының жаңалықтары: Білім