&nbsp;<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық орталықтандырылған кітапханалар жүйесінде қарасты № 8 кітапхананың ұйымдастыруымен «Адал адам» мәдени-тәрбие орталығы «Әлем ВООК» жобасы аясында ақын Қарасақал Ерімбеттің туғанына – 180 жыл толуына орай №143, №268 мектеп-лицей оқушылары қатысуымен «Нұсқалы сөздің кестесі» атты танымдық сағаты өткізілді.&nbsp;Шараға тәлімгерлер Рахманқұлова Набат пен «Дәстүрлі ән-жыр» домбыра үйірме жетекшісі Маханбетжанов Мейірімжан қатысып, оқырмандарға Қарасақал Ерімбеттің өмірі мен ақындық өнер жолдары туралы айтты.Шараның мақсаты – шығыстық дидактика-философиялық мазмұндағы әдеби дәстүрді дамытып, ислам дінінің гуманистік- ағартушылық идеяларын қазақ поэзиясының поэтикалық өзегімен тұтастыра жырлаған, қазақтық дәстүрлі айтыс өнеріне өзіндік ерекшелігімен үлес қосқан, даналық мұхитына терең бойлаған Шайыр есімін ардақтауға, өмірі мен ақын шығармаларын таныстыра отырып, жас ұрпақты мейірімділікке, адалдыққа тәрбиелеу.Шара барысында жас оқырмандар Қарасақал Ерімбеттің « Нақыл сөз», « Әй, балам, саған насихат», «Мұратқа ешкім қолдан жеткен емес» атты өсиетті өлеңдерін оқып, «Дәстүрлі ән-жыр» домбыра үйірме оқушылары Қарасақал Ерімбеттің «Сыр сүлейлері» атты термесін орындады.

Қызылордада оқушыларға «Әлем ВООК» жобасы аясында танымдық сабақ өткізілді

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда қалалық орталықтандырылған кітапханалар жүйесінде қарасты А.С.Пушкин атындағы орталық кітапхананың ұйымдастыруымен Қазақстан Республикасының және Ресей Федерациясының ұшқыш-ғарышкері, Қазақстан Республикасының Халық қаһарманы және Ресей Федерациясының Батыры, авиация генерал-лейтенанты, техника ғылымының докторы, «Экология» Қазақстан халық академиясының академигі Талғат Амангелдіұлы Мұсабаевтың - 75 жылдық мерейтойына орай, «Ғарышты бағындырған қыран» атты танымдық сағат кітапхана оқырмандарының қатысуымен өтті.&nbsp;Қазақтың маңдайына біткен батыр ғарышкер Талғат Мұсабаев – қазақтың 2-ші, ал әлемнің 309-шы ғарышқа үш рет ұшқан ғарышкері. 1994 жылғы маусымның 1-інен қарашаның 4-іне дейін «Союз-ТМ» ғарыш кемесінің борт-инженері ретінде ғарышта болып, 2 рет ашық ғарыш кеңістігіне шықты. Осы айтулы мерейтойға арнайы кітап көрмесі ұйымдастырылып, кітапханашы Кенжебаева Мақпал ұшқыш-ғарышкердің өмірі мен қызметінің негізгі кезеңдері туралы және де Талғат Амангелдіұлының жасаған ерліктері туралы материалдарға ерекше тоқталып өтті.Шара барысында «Сейхун» колледжінің бастауыш білім беру педагогикасының әдістеме бөлімінің пән мұғалімі Шырманбаева Ақбота жастарымызға қазақтан шыққан ұшқыштар Т.Әубәкіров, Т.Мұсабаев, А.Айымбетов жайлы ақпараттар айтып, ғарыш әлемі туралы қызықты мәліметтерімен бөлісті. Шараның мақсаты – ғарыш әлемі жайлы және 12 сәуір – ғарышкерлер күні туралы түсінік беру. Жастарымызға Байқоңыр ғарыш аймағы мен ғарыш саласы туралы, егеменді еліміздің тұңғыш ғарышкерлерінің қайталанбас ер тұлғасы мен қаһармандық ерлігін құрметтеуге тәрбиелеу.

Қызылордада кітапханашылар «Ғарышты бағындырған қыран» атты танымдық сағат өтті  

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін «Қараөзек ауылдық клубы» МКҚК-ның және №39 Қызылөзек орта мектебінің ұйымдастыруымен қазақ әдебитетіне өзгеше өрнек, ғажайып сыр-сипат алып келген көрнекті жазушы Бердібек Соқпақбаевтың 100 жылдығына арналған «Балалар әдебиетінің классигі» атты әдеби-танымдық шарасы өткізілді.Шарада Бердібек Соқпақбаевтың шығармашылығына арналған арнайы кітап көрмесі ұйымдастырылып, оқушыларға тақырыптық дәріс оқылды.Балалар әдебиетін алып бәйтерек десек, оған нәр беріп, құнарландырып тұратын жазушылардыі бірегейі Бердікбек Соқпақбаев деуге негіз бар. «Балалық шаққа саяхат», «Менің атым Қожа», «Өлгендер қайтып келмейді» шығармалары – жазушының шоқтығы биік туындылары саналады. Бұл шығармаларда жазушы өзі өмір сүрген заманның шынайы келбетін суреттейді. «Балалық шаққа саяхат» повесінде жазушы анасының ұзақ ауырып қайтыс болғанын, сәби інісі Тұрдыбектің тоқтаусыз жылап қалғанын жазған. Жұпыны үй ішінде бір үзім нанға зәру күн кешкен қиын тағдыры бейнелеген.Оқушыларға мұндай шара өткізудің берері мол. Олардың кітап оқуға деген қызығушылығын арттыру, танымының толысуына үлкен рухани азық болмақ.

Қызылөзекте «Балалар әдебиетінің классигі» атты әдеби-танымдық шарасы өтті

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімінің ұйымдастыруымен Ә.Мүсілімов атындағы №101 мектеп-лицей базасында «Қазақ тілі мен әдебиеті пәнінің үздік мұғалімі – 2024» байқауының қалалық кезеңі өтті.&nbsp; Қала көлемінде отыздан астам қазақ тілі мен әдебиеті пәні мұғалімдері бақ сынаған байқауға қалалық білім бөлімінің әдіскері Нұржан Әсілханұлы қатысты. Байқаудың мақсаты – оқыту мен оқу үдерісінде жоғары жетістіктерге қол жеткізген, өзінің инновациялық идеяларын ұсына алатын талантты, шығармашыл үздік қазақ тілі мен әдебиеті пәні мұғалімдерін анықтап, кәсіби шеберлігін шыңдау. Байқауда пән мұғалімдері екі кезең бойынша сынға түсті. Бірінші кезеңде «Бір сабақ - бір әлем» тақырыбында қатысушылар ашық сабақ өткізсе, екінші кезеңде «Сөз шебері» ұсынылған тақырыптардың бірін таңдап сөз сөйлеу, шешеңдік өнерін ортаға салу болып табылады.&nbsp; Екі күнге созылған байқаудың қорытындысымен А.Байтұрсынов атындағы №211 орта мектептің қазақ тілі мен әдебиеті пәнінің мұғалімі Тұрсынбай Ақгүл жүлделі бірінші орынға лайық деп танылды. Байқаудың қалалық кезеңінен өткен жеңімпаз ұстаз облыстық кезеңге жолдама алды.

«Қазақ тілі мен әдебиеті пәнінің үздік мұғалімі – 2024» қалалық байқауы өтті

<a href="https://kyzylorda-news.kz/">Kyzylorda-news.kz</a> &nbsp;Қазалы ауданындағы №21 «Алпамыс» бөбекжай-балабақшасы халыққа 10 жылға жуық үздіксіз сапалы қызмет көрсетіп келеді. Балабақшаның материалдық-техникалық базасы заман талабына сай жабдықталып, педагог мамандар заманауи технологиялар бойынша білім жетілдіру курстарынан ұдайы өтіп тұрады. Соның нәтижесінде, мұндағы қызметкерлер ұлт болашағы – бүлдіршіндерді заман талабына сай тәрбиелеуде елеулі үлес қосып келеді.Балабақша – 12 топ бойынша баланы қабылдау бөлмесі, ойын бөлмесі, жатын бөлмесі, ыдыс-аяққа арналған бөлме және қол жууға арналған бөлме; меңгеруші кабинеті, әдіскер кабинеті, логопед, дефектолог кабинеті, есепші кабинеті, педагог-психолог кабинеті, шаруашылық меңгерушісі кабинеті, музыка залы, денешынықтыру залы, медициналық кабинет және оқшаулау бөлмесімен қамтамасыз етілген. Сондай-ақ, асхана (ас дайындау бөлмесі, азық-түлік сақтау бөлмесі, азық-түлік және ет өнімдерін сақтайтын тоңазытқыш және мұздатқыш бөлмесі), кір жуатын бөлме (кір жуу машиналары орналасқан бөлме, кір үтіктейтін бөлме, төсек жаймаларын жинайтын бөлме), балабақшаны жылытатын кіші бу қазандығы орналасқан бөлмелерді қамтиды.Қазіргі таңда, бөбекжай-балабақшада 12 топ жұмыс жасап, 280 бала тәрбиеленуде. Балабақшада 69 қызметкер, оның ішінде – 35 педагог кадр және 34 техникалық қызметкерлер жұмыс жасайды.Балаларды тәрбиелеу, білім беру процесін бағдарламаға сәйкес жүйелі ұйымдастыратын тәрбиешілердің барлығы «Мектепке дейінгі оқыту мен тәрбиелеу» біліктілігі бойынша жоғары білімді педагогтер.Сонымен қатар, бүлдіршіндерге патриоттық, эстетикалық, адамгершілік тәрбие беру, өз ой-пікірін білдіре алатын, салауатты өмір салтына сай, болашақтың тірегі болатын дені сау, жан-жақты азамат етіп тәрбиелеуде балабақшада дене шынықтыру нұсқаушысы, педагог ұйымдастырушы, педагог-психолог, логопед, дефектолог мамандары, музыка жетекшісі, би жетекшісі жұмыс жасайды.Балабақшада «Нәтижеге бағытталған білім беру және педагог шығармашылығы» тақырыбында облыстық семинар, «Тәй-тәй технологиясының әдістемелік ерекшеліктері» атты облыстық оқыту семинары өтті. Шараға «Тәй-тәй» Нидерланды Халықаралық Ассоциациясының мүшесі, педагогика ғылымдарының докторы Д.К.Айджанова, облыстық оқу орталығы директорының орынбасары Г.Б.Дихамбаева қатысты.Осыдан алты жыл бұрын «Мектепке дейінгі ұйымда инновациялық технологияларды пайдалану негізінде білім сапасын арттыру жолдары» тақырыбында аудандық семинар, 2021 жылы Қызылорда облысы оқу орталығы (әдістемелік кабинет) ұйымдастыруымен «Мектеп жасына дейінгі балаларды дамытуда заманауи технологияларды қолдану» тақырыбында онлайн шығармашылық шеберханасы жоғары деңгейде өтті.Былтыр Қазалы аудандық білім бөлімінің жоспарына сәйкес, «Мектепке дейінгі ұйымда тәрбиелеу мен оқыту үшін баланы жас ерекшеліктеріне сәйкес біліктері мен дағдыларын әрекет түрлерінде ойын арқылы қалыптастыру» тақырыбында өткізілген семинарға жүзге жуық мектепке дейінгі ұйым педагогтері қатысып, жоғары көрсеткішке ие болды.Аталған семинарда балабақшаның жобасы аясында «IT балабақша заман талабы» тақырыбындағы Жобаның алғашқы қадамы жасалды. Мектепке дейінгі білім беруде ақпараттық технологияларды кеңінен пайдалану, цифрлық білім беру ресурстарын пайдаланудың сапасын арттыру мақсатында ашылған «Қызықты STEAM» кабинетінде тәрбиеленушілердің робототехникамен ойындары қатысушылардың назарына ұсынылды.Балабақша осы уақыт аралығында жоғары жетістіктерге қол жеткізді.Атап айтқанда, 2015 жыл – Қазалы аудандық «Қазақ тілі» қоғамының ұйымдастыруымен өткізілген «Ұлылықты үйлестірген Ұлы тіл» атты облыстық шығармашылық семинарға қатысушылар 22 қыркүйек ҚР Тілдер күні мерекесіне орай ұйымдастырылған «Ақерке» тобы бүлдіршіндерімен өткізілген «Жырым сенсің ана тілім» атты облыстық іс-шараға жоғары баға берді.Осы жылы Қазалы аудандық «VI Ботақан» балалар байқауы, Диплом мен бірінші орын; Қазалы аудандық «Қазақ тілі» қоғамының ұйымдастыруымен өткен «Бала бақыты – ана тілінде» атты байқау «Бас жүлде» А.Жолмырзаева; Қазалы аудандық «Үздік мектепке дейінгі ұйым» бірінші орын; облыстық «Үздік мектепке дейінгі ұйым» екінші орын; Қазалы аудандық білім бөлімінің жыл қорытындысымен «Үздік балабақша» бағамы; ҚР Тәуелсіздігінің 25 жылдығы қарсаңында өткізілген «Үздік тәрбиеші – 2016» Қазалы аудандық байқауы А.Жолмырзаева Бас жүлде иеленді; «Үздік флипчарт сабақ 2017» облыстық байқауының Қазалы аудандық кезеңінде балабақшаның ағылшын тілі маманы А.Рысмамбетова «Бас жүлде» иеленді.«Үздік флипчарт сабақ» облыстық байқауында «Үздік флипчарт сабақ» бағамымен және Дипломмен марапатталды; «Үздік балабақша тәрбиешісі – 2017» Г.Уразымбетова бас жүлде; Қазақстан Республикасы Тәуелсіздігінің 27 жылдығына орай «Тіл жанашыры» бағамымен марапатталды. Облыстық білім басқармасы, облыстық кәсіподақ комитеті ұйымдастыруымен «Жыл таңдауы – 2018» мерекелік шарасында «Білімнің бесігін тербеткен» номинациясымен марапатталды. «Talantty jastar» республикалық өнер және білім байқауына &nbsp;қатысып, хореография бөлімі бойынша Бас жүлде жеңімпазы атанған «Өрнек – 1» би тобы марапатталды. «Talantty jastar» республикалық өнер және білім байқауына қатысып, хореография бөлімі бойынша лауреат атанған «Өрнек – 2 » би тобы бірінші орын иеленді.«Бейбітшілік әлемі» Халықаралық Бірлестігінің 10 жылдығы құрметіне арналған «Мәңгі ел – Қазақстаным!» оқушылар мен жасөспірімдер фестивалінде «Би» жанрында көрсеткен айрықша өнер, дарынды қабілеті және рухани өркендеу жолындағы еңбек үшін. Хореограф А.Утеген жетекшілігімен «Би» жанр бойынша М.Жанәбіл. Музыка жетекшісі М.Шапихова жетекшілігімен «Вокал» жанр бойынша Ж.Көптілеу Тәрбиеші Р.Алғазиева жетекшілігімен «Вокал» жанр бойынша Н.Сатыбай, Педагог ұйымдастырушы М.Танирбергенова &nbsp;жетекшілігімен «Көркем сөз»жанр бойынша Бас жүлде иемденіп, Диплом және медальмен марапатталды. Сонымен бірге, «Dubai World of Peace 2019 Халықаралық Өнер фестиваліне және Ғылыми конференциясына жолдама алды. 2019 жылды «Жастар жылы» деп жариялануына орай және «Болашаққа бағдар: рухани жаңғыру», «Ұлы даланың жеті қыры» бағдарламалық мақалаларды жүзеге асыру мақсатында өткізілген отырған Республикалық «Жас Дарын Art Kazakhstan» «Өрнек» би тобы бірінші орын иеленіп, Дипломмен марапатталды. Білім және ғылым қызметкерлері кәсіподағы Қазалы аудандық комитетінің төрағасы Ә.Раман Қазалы аудандық «Қазақ тілі» қоғамының төрағасы А.Тамашевтің ұйымдастыруымен «Жастар жылының шамшырағы – жас маман» атты тәрбиешілер арасында өткізілген аудандық байқауда жүлделі бірінші орын иеленді. Сонымен қатар, 2020 жыл – Мектепке дейінгі білім беру ұйымдарының арасында өткізілген «Мектепке дейінгі ұйымның жазғы сауықтыру-шынықтыру кезеңінің үздік іс-шара жоспары» облыстық сырттай байқауында үшінші орын иеленіп, дипломмен марапатталды. 2020 жылы Жастардың белсенділігін арттыру жолында жанашырлық танытып, жыл бойы қолдау көрсеткені үшін «Үздік жастар ұйымы» номинациясымен марапатталды.Білікті басшы, қабілетті ұйымдастырушы балабақша меңгерушісі Жанат Қуанышқызы ұжымның ауызбіршілігі мен жоғары деңгейде кәсіби жетістіктерге жетуіне өз үлесін қосып келеді.

Қазалыдағы №21 «Алпамыс» балабақшасы бүлдіршіндерді заман талабына сай тәрбиелеуде елеулі үлес қосып келеді

&nbsp;<a href="https://kyzylorda-news.kz/">Kyzylorda-news.kz</a> Қармақшы ауданы білім бөлімі бойынша әдістемелік кабинетінің жұмыс жоспарына сәйкес Жосалы кентіндегі №121 мектеп базасында жылдық үздік қолөнер шеберін анықтау мақсатында Көркем еңбек пәнінің мұғалімдері арасында аудандық «Өнерлі ұстаз – 2024ә қолөнершілер байқауы өтті. Байқауға қатысып жатқан ұстаздар өзара тәжірибе алмасты. Себебі шебер болу – кез келген жанның қолынан келе бермейтін іс.Байқауға бөлімдеріне қарай ұлдар бөлімі мен қыздар бөлімі бойынша қатысты. Ұлдар бөлімі бойынша ең жоғары ұпай санымен «Өнерлі ұстаз –2024» Ш.Уәлиханов атындағы №26 мектептің пән мұғалімі Мұхтар Науанов жеңімпаз атанды. Ал жүлделі ІІ орынға №277 мектеп-лицейдің мұғалімі Мейрам Жарылқасын мен №274 мектептің мұғалімі Закария Ысқақтар жайғасты. Ал ІІІ орынға №28 мектептің мұғалімі Қанат Қойбағаров пен № 275 мектеп мұғалімі Шынарбек Омаркулов ие болды. Қыздар бөлімі бойынша №277 мектептің мұғалімі Жанар Абдразакова жылдың үздігі атанып, қолөнер шебері деп танылды. Ал І орынға №85 мектептен Жанар Төлегенова жайғасса, жүлделі ІІ орынды №99 мектептен Лаззат Пушпакбаева еншіледі. Ал ІІІ орынмен №105 мектептен Айман Агусова марапатталды.Өнер мен өмірді сабақтастырып, өрелі білім беріп, өскелең ұрпақты өрге жүздіруге ниетті ұстаздардың бұл байқаудан алары мол. Сондықтан, дәстүрлі іс-шара &nbsp;алдағы уақытта да &nbsp;жалғасын таба бермек.&nbsp;

Қармақшыда «Өнерлі ұстаз – 2024» қолөнершілер байқауы өтті

<a href="https://kyzylorda-news.kz/">Kyzylorda-news.kz</a> &nbsp;Өңірлік жоғары оқу орнын таңдаған студенттердің кейде «Алматы мен Астанадағы университетте оқығанымда ғой» деп армандайтыны бар. Бүгінде ол түк те қиын емес. Сабақты жақсы оқысаң, Академиялық ұтқырлық бағдарламасы арқылы бір семестр басқа білім ордасында оқып келе аласың.Бірақ көбіне студенттер бұл бағдарлама туралы кеш біліп, өзге ЖОО-да оқу бұйырмай қалатыны рас. Оған да дайындық керек. Сондықтан бағдарлама туралы айтуды жөн көрдік.Академиялық ұтқырлық студенттерді немессе оқытушыны басқа оқу орнына, ғылыми мекемеге ауыстыру мақсатында жүзеге асады. Бұл бағдарламаға тек білім алушылар ғана емес, оқытушылар да қатысып, өзге оқу орнында дәріс өткізеді.Академиялық ұтқырлық ішкі және сыртқы деп екіге бөлінеді.Сыртқы академиялық ұтқырлық – студент, магистрант, PhD докторант, оқытушылардың шетелдік білім беру немесе ғылыми мекемелерде білім беру бағдарламаларын меңгеруі және жүзеге асыруы. Білім алушылар мен оқытушылардың сыртқы академиялық ұтқырлығы Қазақстан Республикасынан тыс оқу немесе қызметтік тапсырманы орындау үшін академиялық бір кезеңге шығу түрінде жүзеге асырылады.Ішкі академиялық ұтқырлық – қазақстандық университеттер мен ғылыми орталықтарда студент, магистрант, PhD докторант, оқытушылардың білім беру бағдарламаларын игеруі.Бағдарламаға бакалавриаттың 2-3 курс студенттері, күндізгі бөлімнің 1 курс магистранттары қатыса алады.&nbsp;Қатысу үшін үміткерлер жақсы академиялық көрсеткіштерге ие болып, шет тілін жоғары деңгейде меңгеруі тиіс. Сыртқы академиялық ұтқырлық арқылы шетелде оқығысы келетіндер конкурстық іріктеуге қатысу үшін университеттегі халықаралық бөлімге өтініш беруі қажет.Осы орайда бағдарлама арқылы Ілияс Жансүгіров атындағы Жетісу университетінде білім алған Аружан Нұржанқызымен пікірлестік.<blockquote>– Жетісу университетінде тәжірибе алмасу мақсатында бір семестр білім алдым. Қазіргі таңда қазақстандық университеттер жан-жақты даму үстінде. Барлық жоғары оқу орнының оқу ережесі ұқсас болуы мүмкін. Алайда әр университеттің ерекшелеп тұратын қыры бар. Сондықтан білім ордасы беріп отырған мүмкіндікті пайдаланып, Академиялық ұтқырлықпен баруды жөн көрдім. Маған мұндағы ұстаздар да, студенттер де ұнады. Бұл жақтан алған тәжірибемді болашақта ұстаз атанғанда ескеретін боламын. Студенттерге айтарым, бұл бағдарлама бойынша білім алыңыздар. Өйткені педагог ретінде бір емес, екі университеттің әдістемесін иегеріп шығуға мүмкіндік аласыздар. Қазіргі уақытта Қорқыт ата атындағы Қызылорда университетінің «Орыс тілі және әдебиеті» білім беру бағдарламасының студентімін, – деді ол.</blockquote>Сыртқы академиялық ұтқырлық арқылы Қытайдың Хубей педагогикалық университетінде төрт ай білім алған Ақерке Ағыбай да әр оқу орнының әдістемесін меңгерген артықтық етпейтінін атап өтті.<blockquote>– Тіл үйренуге келгендіктен Хубей университетінде бізге арнайы оқу жүйесін дайындаған. Сабақ процесінен бөлек қытай өнері, ұлттық спорт түрі тай чи, билері мен әндеріне арналған арнайы сабақтар да бар. Қытайда жеке емес, топтық, жұптық тапсырмаларды көп береді. Алдағы уақытта магистартураны «аспан асты елінде» жалғастырғым келеді, – деді студент.</blockquote>Бүгінде білім алудың жолы көп. Ендеше 1 курстан бастап белсенділік танытып, үздік атанып, Академиялық ұтқырлықпен оқуды мақсат етсеңіз, ұтылмайтыныңыз анық.&nbsp;&nbsp;Фото: Қазақстан Республикасы Ғылым және жоғары білім министрлігі

Қызылордалық жастар шетелде білім алуда

&nbsp;<a href="https://kyzylorda-news.kz/">Kyzylorda-news.kz</a> Бүгін Сырдария аудандық мәдениет үйінің ұйымдастыруымен &nbsp;Байқаудың мақсаты салт-санамызға сай сан түрлі әсем, әрі келісті төл киім үлгілерін, ұлттық құндылықты насихаттау. Ұлттық киім – ұлттың сәні.Іс-шараға Қызылорда қаласы Қызылжарма ауылдық клубы, Қызылорда қаласы Талсуат ауылдық клубы, Қазалы, Арал, Жаңақорған, Қармақшы, Сырдария аудандарынан 1 жұптан қатысты.&nbsp;Байқауға стилист - дизайнер Дана Марлен, оқу өндірістік шебері Алтын Астраханқызы, Анаға тағзым орталығының креативті индустрия бөлім басшысы Айдана Маратқызы, Сырдария ауданы,Қалжан ахун ауылдық клубының директоры, “Сырдария” квартетінің жетекшісі Дархан Разақов қазылық жасады. Екі кезең бойынша бақ сынасып байқау нәтижесінде Қазалы ауданынан қатысқан жұп Жанболат Өмірзақ пен&nbsp;Асем Өтепбай&nbsp;бас жүлде&nbsp;жеңіп алды. Жүлделі 1 орынды Қызылорда қаласы,&nbsp;Талсуат ауылдық клубынан қатысқан Мүтәліп Айжігітұлы мен Шүкірбаева Айгерім, 2 орынды Сырдария ауданынан қатысқан Абылайхан Байділдаев пен Аяулым Бекболатова,&nbsp;3 орынды Жаңақорған ауданынан қатысқан Смат Азия мен Қалила Марғұлан және Қызылорда қаласы,&nbsp;Қызылжарма ауылынан қатысқан Алмат Бақдаулет пен Әнел Айтжанбек иеленді.&nbsp;Сонымен қатар, &nbsp;Арал ауданынан қатысқан Дәулеткерей Қуантқанов пен&nbsp;Айгерім Серікова,&nbsp;Сырдария ауданы Қоғалыкөл ауылы Ақсұңқар Пірімқұлов&nbsp;пен&nbsp;Гүлзат&nbsp;Құдайбергенова арнай Алғыс хатпен марапатталды. Байқау&nbsp;жеңімпаздары&nbsp;Диплом мен&nbsp;қаржылай сыйлықпен марапатталды.

Сырдарияда “Ұлттық киім – ұлт ажары” атты облыстық байқауы өтті

&nbsp; <a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы іс-қимыл агенттігінің ресми өкілі Данияр Бегайдаров 15 айда 14 млрд теңгеден астам шығын келтірген білім саласындағы жүйелі сыбайлас жемқорлық тәуекелдері туралы мәлімдеді, деп хабарлайды <a href="https://kaz.zakon.kz/kogam-tynysy/6040910-antikor-blm-beru-salasynda-14-mlrd-tegege-rlyty-anytady.html">Zakon.kz.</a>Оның айтуынша, білім беру саласында 2023 жылдан бастап ағымдағы жылдың бірінші тоқсанына дейін еңбекақы төлеу қорынан қаражат ұрлаумен байланысты тұрақты қылмыстық схемалар ашылған."Бухгалтерлер ұлттық білім беру базасы, мектептің бухгалтерлік есеп жүйелері және клиенттердің қазынашылық жүйесі арасындағы интеграцияның жоқтығын пайдаланды. Олар төлем құжаттарына қолмен түзетулер енгізіп, бюджет ақшасын ұрлады. Жымқырушылық жыл сайынғы бюджеттік өтінімдерді қалыптастыру кезінде де іске асқан", - деді спикер.Данияр Бигайдаровтың айтуынша, мұндай жымқыру схемасымен олар белгіленген нормадан жоғары жалақы алып жүрген. Бөгде тұлғалардың деректемелері бойынша өздерінің шоттарына бөгде адамдардың жалақыларын есептеген. Сонымен қатар, "қайтыс болған" адамдарға жалақы есептеген.Сурет: akorda.kz

Білім беру саласында 14 млрд теңгеге ұрлық анықталды

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы мектептердің бірінде, яғни Ж.Нұрманов атындағы №198 мектепте ғимаратқа жарылғыш құрылғы салынғаны туралы полицияға хабарлама келіп түскен. Оқиға орнына шұғыл түрде жедел қызметтер келді. Ғимараттан адамдар эвакуацияланып, тексерілуде.Қызылорда облысының Полиция департаменті қылмыстық құқық бұзушылық болып табылатын терроризм актісі туралы жалған хабар бергені үшін жауапкершілік туралы ескертеді, ол үшін Қазақстан Республикасы Қылмыстық кодексінің 273-бабында (Терроризм актiсi туралы көрiнеу жалған хабарлау) жаза көзделген. Осы бап бойынша 5 жылға дейін бас бостандығынан айыру жазасы қарастырылған.Фото: Нұрболат Нұржаубай

 Қызылорда: Полиция мектепте жарылғыш құрылғы салынғаны туралы хабарлама бойынша тексеру жүргізуде

&nbsp; <a href="https://kyzylorda-news.kz/">Kyzylorda-news.kz</a> &nbsp; Бұл кітаптың орны бөлек. Атының өзі кітап қолға тигенше қызықтыра түседі. Цифрландыру әлемінің тұрғындары үшін бұл еңбектің маңызы зор. Яғни әркім де оқуға тиіс. «Cyber City хикаялары» комикс кітабының авторы София Темірболат Қорқыт Ата атындағы Қызылорда университетін «Есептеу техникасы және бағдарламалық қамтамасыз ету» мамандығы бойынша білім алған. Қазіргі кезде Қорқыт Ата атындағы Қызылорда университетінде Информатика мамандығы ғылыми-педагогикалық бағыты бойынша магистрант. Қоғамдық жұмыстарға белсенді араласады. &nbsp;IТ-park резиденті, «Jastar Ruhy» жастар қанатының мүшесі.2022 жылы «Innofest» Qyzylorda инновациялық идеялар фестивалі «Контент &amp; Медиа» секциясының І орын жеңімпазы атанып, жобамыз қаржылай қолдау тапқан еді.«Cyber City хикаялары» комикс кітабының баспадан шығуына Қызылорда облысы әкімі аппаратының цифрлық технологиялар бөлімінің басшысы Ибадулла Сәбит Ибадуллаұлы, Қорқыт Ата атындағы Қызылорда университетінің «Информатика және ақпараттық-коммуникациялық технологиялар» кафедрасының аға оқытушысы, «Қазақстан IT мамандары ассоциациясы» директоры Құлмырзаев Нұрлан Серікұлы бағыт-бағдар берді.Кітапты алдағы уақытта Smart Qyzylorda мобильді қосымшасынан, It-park сайтынан жүктеп алуға болады. Қазіргі кезде мектепте киберқауіпсіздікті оқыту мәселелеріне жеткілікті көңіл бөлінбейді. Балалар смартфондарды, планшеттер мен компьютерлерді бірінші сыныптан бастап қолдана бастайды. Дәл осы кезеңде олардың дүниетанымы қалыптасады. Сондықтан киберқауіпсіздік негіздерін, ғаламторда өзін-өзі ұстау мәдениетін, теріс мазмұндағы ақпаратты қарауға жол бермеу туралы комикс кейіпкерлерінің мысалдарына негізделген комикстерді бірінші сыныптан бастап оқыту маңызды. Қазіргі балалар күн сайын кибер-объектілермен, кибер-қауіптермен тап болуда, себебі олардың өмірінің көп бөлігі ғаламторда өтуде. Олар ғаламторды мектеп үй тапсырмасын дайындауда, көркем фильмдерді онлайн тамашалағанда, онлайн ойындарда, әлеуметтік желілерді пайдаланғанда қолданады. Сондықтан мұғалімдер, ата-аналар, балаларға киберкеңістікте сауатты мінез-құлықты үйрету керек. Комикстер белгілі бір ерекше педагогикалық әлеуетке ие. Комикс кітапшасының өзі оқушылардың зерттелетін материалға эмоционалды қосылуын білдіреді. Комикстерді қолдану жаңа тақырыпқа, сонымен қатар, оқу материалдарын бекіту сатысында да орынды болуы мүмкін. Бірінші жағдайда, комиксмен танысу белгілі бір мотиватор ретінде әрекет ете алады; екінші жағдайда - зерттелген тақырып бойынша қосымша материал бола алады.Соңғы жылдары балалардың ақпараттық қауіпсіздігінің қауіптері смартфондар мен компьютерлердің жаппай таралуына, сондай-ақ интернет-ресурстардың қол жетімділігіне байланысты өзекті бола бастады. Балаларды интернеттегі киберқауіпсіздікті үйрету кезінде мұғалім комикстерге жүгініп оқулық мәтінін көрнекі ақпаратпен суреттей алады. Зерттеу барысында шетелдік мамандардың пікірі мен зерттеулері негізге алынды. Интернетті пайдаланушылардың киберқауіпсіздіктен хабардар болуы мен білімін қамтамасыз ету үшін оқушылар ең алдымен киберкеңістікте қауіпсіз жұмыс істеуді үйренуі қажет. Бұл білім олардың киберқылмыстан қалай қорғану керектігін түсінуін қамтамасыз етеді. Бұл жоба мектептердегі киберқауіпсіздік бойынша білім берудің мәнін зерттейді және білім беру ұйымдарында бүкіл әлем бойынша киберқауіпсіздік білімін ілгерілету үшін педагогтар пайдалана алатын стратегияларды ұсынады. Зерттеуде киберқауіпсіздік бойынша білім беруді оқу орнында қалай жүзеге асыруға болатыны туралы қорытынды жасалады.Бастауыш сыныпта мұғалімнің алдында бірқатар нақты міндеттер тұр. &nbsp;Бұл оқушылардың интеллектуалдық және шығармашылық қабілеттерін дамыту, әр оқушыға жеке көзқарас, оқушылардың сыни тұрғыдан ойлауын қалыптастыру, т.б. Бастауыш мектеп жасында оқушылардың зейіні жеткілікті болуы мүмкін, бірақ бұл жас категориясы да болып жатқан нәрсеге қызығушылығын тез жоғалтуға бейім, сондықтан білім берудің бұл кезеңінде стандартты емес және қызықты оқу құралдарын пайдалану өте маңызды. Бұл міндеттерді орындау үшін мұғалім әртүрлі әдіс-тәсілдерді, көрнекілік құралдарды пайдаланады. Ақпараттық технологиялардың дамуымен мұғалім жұмысында оқу-тәрбие мәселелерін шешудің жаңа, стандартты емес құралдары пайда болып, қолданыла бастады. Осы стандартты емес ақпарат құралдарының бірі комикс болып табылады.Комикс кітабын жасамас бұрын 6 мен 14 жастағы балалар мен ата-анадан сауалнама алынды. Сауалнама нәтижесінде алынған мәліметтерді пайдалана отырып, негізгі проблемаларын комикс арқылы салынды.Жоғарыда айтылғандарға сәйкес мектептегі киберқауіпсіздік негіздерін оқытудың мақсаты тұжырымдалып, балаларда киберкеңістіктің құрылымы, ондағы жұмыс принциптері, Интернет пайдаланушыларына төнетін қауіптер туралы түсінік қалыптастыратын, ғаламторда, әлеуметтік желіде өздерінің жеке деректерін қорғауды қамтамасыз етуге мүмкіндік беретін ережелер қамтылған комикс кітабы жасалды.Комикс авторлық құқықпен қорғалған. Авторлық құқықпен қорғалатын объектілерге құқықтардың мемлекттік тізілімге мәліметтерді енгізу туралы авторлық құқықты растайтын куәлік 2023 жылғы «24» қаңтар № 31981 берілген.Комиксті жасау барысында:- оқушылардың жас ерекшеліктеріне, танымдық және коммуникативтік ерекшеліктеріне сәйкестігі;- оқушылардың тілдік деңгейіне сәйкестігі;- тақырыпқа сай келуі;- мәтіннің лексикалық және грамматикалық құрамы;- мәтіннің танымдық құндылығы;- мәтіннің оқушылардың мүдделеріне сай болуы ескерілді.«Cyber City хикаялары»© комикс кітабының келесі бөлімдерінде кибербуллинг жайлы ақпараттар қамтылған. Сонымен қатар, әлеуметтік желідегі қудалауға тап болмау жолдары мен кибербуллинг терминдерімен таныса алады.Кибербуллинг – бұл киберкеңестіктегі шешімін таппай жүрген ең өзекті мәселе. Жалпы, цифрландыру адам қызметінің барлық салаларын сөзсіз түрлендіруде, соның ішінде қорқыту мен қудалау ерекше дамыды. Егер бұрын қорқыту ғана болса, қазір оған қоса бізде кибербуллинг – интернетте агрессивті қудалау пайда болды. Осыған байланысты зардап шеккендерге, әсіресе осал жасөспірімдерге агрессорларға қарсы тұру қиындай түсті. Дәлірек айтсақ, жасөспірімдер ортасында кибербуллинг жиі кездеседі. Көбінесе әлеуметтік желілер кибербуллинг алаңына айналады, бірақ агрессор басқа байланыс арналарын да пайдалана алады: электрондық пошта, мессенджер, SMS, бейне платформалар. Сонымен қатар, кибербуллердің қудалау объектісіне тікелей хабарлама жіберуі мүлдем қажет емес. Ол өз парақшасында қорлайтын және ар-намысына тиетін мәлімдемелерді фотосуреттер, бейне және аудио жазбалар сияқты жариялай алады. Осы мәселе бойынша арнайы комикс бөлімдері дайындалуда. Яғни, бала кибербуллингке тап болса, содан кейінгі қандай іс-әрекет ету керектігі жазылған. Ата-анаға айту, сол жазбаларды суретке түсіріп көрсету, сол жазбаларға сөз қайтармай, өзінің буллерге айналмауына жол бермеу сияқты кеңестер бар.Кітапта жеке деректер құпиялығы туралы да сөз қозғалған. «Вирус» атты комиксте белгісіз сайттарға жеке және құпия деректерді толтыруға болмайтынын, қиын құпиясөздерді пайдалану мен қауіптерді алдын алу жолдары көрсетілген.Балаларға киберқауіпсіздік негіздерін оқытудың маңыздылығы айқындалып, алдағы жұмыс жоспары жасалды. Комикс кітабын дайындау үшін арнайы шетелдің Жапон, Корей, Еуропа елдерінің суретшілерінен үйреніп, шеберлікті шыңдадым. Комиксті салу ережелерін ескере отырып, 10 бөлімнен тұратын кітаптар сериясы әзірленді.XXI ғасырда киберкеңестікте қауіпсіздікті сақтау, құпия мәліметтердің алаяқтар мен хакерлердің қолына өтіп кетпеуі және оларға тап болмау өте қиын. Осы бағытта автор арнайы зерттеу жүргізген. Кибершабуылдар түрлері және оны жасау мақсаты өте көп. Мен балалардың кибершабуылдардан қорғау мен ата-аналардың балаларын кибершабуылдан қорғау жолдарын зерттедім. Жалпы, киберәлемінің қауіпсіз болуы ең алдымен өзімізге байланысты екенін ұмытпау қажет.Балаларға арналған «Cyber City хикаялары» &nbsp;комикстер кітабының 1 бөлімі жарқын иллюстрациялар мен кейіпкерлердің қызықты оқиғаларын ұнататын оқырмандардан жоғары баға алды және кітаптың екінші бөлімін асыға күтті. Киберқауіпсіздік жайында балаларға кеңінен ақпарат беретін екінші кітаптың тұсаукесерінде техника ғылымдарының кандидаты, PhD, Қызылорда облысы әкімі аппаратының цифрлық технологиялар бөлімінің басшысы Ибадулла Сәбит Ибадуллаұлы, экономика ғылымдарының кандидаты,&nbsp;Қорқыт Ата атындағы Қызылорда университетінің «Информатика және ақпараттық-коммуникациялық технологиялар» кафедрасының аға оқытушысы, Жасанды интеллект институты директоры, «Қазақстан IT мамандары ассоциациясы» директоры Құлмырзаев Нұрлан Серікұлы, «Информатика және ақпараттық-коммуникациялық технологиялар» Білім беру бағдарламасының жетекшісі, педагогика ғылымдарының кандидаты, қауымдастырылған профессоры Тілеубай Сарсенкул Шайкамалқызы, «Сенімен Болашақ» Республикалық қоғамдық бірлестігі Қызылорда облыстық филиалының басшысы Қаратайұлы Шәкизат, «Ұстаз мәртебесі» Республикалық қоғамдық әлеуметтік, ғылыми көпшілік газетінің Бас редакторы Нұрлан Көбегенұлына сөз алып, кітаптың уақыт талабына үн қосатынын айтты.«Cyber Qala» хикаялары – киберқауіпсіздік пен кибербуллингтен қорғау туралы көбірек білгісі келетін балаларға арналған пайдалы және қызықты кітап. Бұл – интернетте, әлеуметтік желіде көп уақыт өткізетін, кибербуллинг құрбаны немесе куәгері болуы мүмкін замануи әлемнің балаларына арналған өзекті және маңызды туынды. Комикс – «Cyber City хикаялары» &nbsp;кітабының 2 бөлімі. Кітап бірнеше оқиғалардан тұрады, ондағы басты кейіпкерлер әртүрлі жастағы мектеп оқушылары, кибермоббингтің әртүрлі жағдайына тап болып, нетикет ережелерін білу және қолдану арқылы шешу жолдарын іздейді. Комикс кітабында бірнеше киберқаһармандар бар. Бұл балалардың ақпаратты оңай түсінуіне мүмкіндік береді. Сондай-ақ куітапта киберқорқытудан, кибермоббингтен қалай аулақ болу керегі, егер ол орын алса, оған қалай әрекет ету керегі және қажет болған жағдайда кімнен көмек сұрау қажет екені туралы практикалық кеңестер мен нұсқаулар келтірілген. Кітап балаларға интернетті пайдалануға байланысты тәуекел мен жауапкершілікті түсінуге көмектеседі, сонымен қатар желіде қауіпсіз және құрметпен сөйлесу дағдыларын қалыптастырады. Кітап балаларға ғана емес, цифрлық әлемде болып жатқан жаңалықтардан хабардар болғысы келетін ата-аналарға да пайдалы.

Қызылордалық жас «Cyber City хикаялары» комикс атты 2-ші кітабын жарыққа шығарды

<a href="https://kyzylorda-news.kz/">Kyzylorda-news.kz</a>&nbsp; Жыл басында аймақтың бас ұстазының идеясымен бастау алған облыстық байқау өз мәресіне жетті.Өңірдегі білім беру ұйымдары басшыларының инновациялық және кәсіби тәжірибелерін анықтау, тәжірибе алмасу, білім беру жүйесіндегі өзіндік кәсіби имиджді қалыптастыру мақсатында өткен байқау қорытындысымен «Мектеп абсерваториясы» жобасы бойынша Қызылорда қаласындағы 264 мектеп-лицейінің директоры Тұмырзаев Бек ІІІ орынды, «Media studio – оқу үдерісінде» жобасымен Жаңақорған ауданының 286 мектеп директоры Нәлібаева Ляззат ІІ орынды иеленсе, «Құндылықтарға негізделген тәрбие үдерісін модельдеу» тақырыбындағы ұлттық құндылықтарды ұлықтаған жобасымен Қазалы ауданындағы 17 мектептің директоры Сматуллаева Эльмира жүлделі І орынды жеңіп алып, арнайы дипломдармен марапатталып, бағалы сыйлықтар алды.Мұнан бөлек «Ұлттық мектеп» жобасымен Жалағаш ауданындағы 123 мектеп директоры Мыханова Айнұр мен Шиелі ауданындағы 41 мектептің директоры Елжасарова Айгүл «Түлектер қауымдастығы – мектеп өмірінде» жобасымен «Үздік сабақ» көрсетсе, «Мектеп. Кәсіп. Болашақ» жобасымен Қармақшы ауданындағы 85 мектеп-лицейінің директоры Шыңғысова Шаттық пен Қызылорда қаласындағы 101 мектебінің директоры Өткелбаева Айгүл «Жасыл мектеп» жобасымен «Үздік жоба» иегерлері атанды.Байқаудың қорытынды кешіне қатысқан басқарма басшысы Асқарбек Темірбекұлы барлық 23 қатысушыға алғыс хаттар табыстады. &nbsp;

Қазақстан және Қызылорда облысының жаңалықтары: Білім