<a href="https://kyzylorda-news.kz/">Kyzylorda-news.kz.</a> Жосалы кенті әкімі аппаратының мәжіліс залында Қамақшы аудандық білім бөлімінің басшысы Гүлзира Абдазиева БАҚ өкілдеріне сала бойынша І тоқсанның қорытындысымен таныстырып, брифинг өткізді.Бүгінде аудандық білім бөліміне қарасты 47 мектепке дейінгі білім беру, 30 жалпы орта білім беретін мектеп, қосымша білім беретін оқушылар үйі, әуез мектебі және кешкі мектеп&nbsp;жұмыс істейді. Оның ішінде 47 мектепке дейінгі білім беру ұйымы болса, оның 25-і мемлекеттік, 17-сі жекеменшік, 1-еуі шағын орталық. Аудан бойынша 2-6 жас аралығындағы 3484 бала 84,4 пайызды құраса, 3-6 аралығында 2965 бала 100 пайыз мектепке дейінгі біліммен қамтылған. Мемлекеттік мектепке дейінгі ұйымдарда барлығы 398 педагог қызмет атқарады.&nbsp; &nbsp;Биыл оқу&nbsp;жылын 15087 оқушы аяқтағалы отыр. Олардың 1458-і 9 сыныпты аяқтап негізгі мектепті бітіргендігі туралы аттестат алса, 686 оқушы орта мектепті бітіру туралы аттестат алады. 1-4 сыныптардағы 5991 оқушы келесі сыныпқа көшірілсе, 5-8,10 сыныптардағы 6952 оқушы қазақ тілінен емтихан тапсыру арқылы келесі сыныпқа көшіріледі. Аудандағы 2221 педагогтың жоғары білімдісі 2113, арнаулы кәсіптік орта білімдісі 108.Оқулықтар мен оқу әдістемелік құрал сатып алуға 148559,0 мың &nbsp;тенге қаржы бөлінді. Оқулықтар бойынша 1-11 сыныптарға барлық білім беру ұйымдарынан келіп түскен сұраныстарына сәйкес, 100 пайыз оқулықпен қамтамасыз етіліп отыр.&nbsp; &nbsp; &nbsp; Оқу үдерісін сапалы ұйымдастыруды қамтамасыз етуде жылма-жыл жаңа модификациялы пән кабинеттерімен толықтырылуда. &nbsp;№284 мамандандырылған мектеп-лицей интернаты материалдық жабдықтармен қамтамасыз етіліп, стандарт талаптарына сай спортзал салу жұмыстары басталды. &nbsp;Аудандағы 435 ерекше білім беруді қажет ететін балалар үшін инклюзивті ортаны қалыптастыру бағытында оңтайлы жағдайлар жасалынған. Жалпы &nbsp;инклюзивті біліммен, қажетті мамандармен қамтылған мектептер үлесі&nbsp;93,0 пайызды құрайды.&nbsp; &nbsp;Білім беру ұйымдарының қауіпсіздігін қамтамасыз ету мәселесі басты назарда болуы тиіс. Білім және ғылым министрінің бұйрығымен бекітілген білім беру объектілерін қорғауды ұйымдастыру жөніндегі нұсқаулық бойынша&nbsp;білім беру ұйымының&nbsp;23 білім беру ұйымында бейнебақылау камерасы полиция бөлімдеріне қосылған.&nbsp;Қалған 4 білім беру ұйымында да жаңа талапқа сәйкестендіру бойынша облыстан қаржы сұралып бейнебақылау камераларымен қамтамасыз ету жұмыстары жүргізілуде. Турникет 100 пайыз орнатылған. Дабыл түймесі жалпы &nbsp;23 білім беру ұйымдарында орнатылған.Әлеуметтік осал отбасыларынан шыққан барлық бастауыш сынып оқушыларын тегін ыстық тамақпен қамтамасыз етуге байланысты 1- 4 сыныпта оқитын 4472 оқушы және әлеуметтік көмек қажет ететін отбасыларынан шыққан 3652 баланы қосқанда &nbsp;барлығы 8124 оқушы мемлекет тарапынан қаржыландырылып бір мезгіл ыстық тамақпен қамтылып отыр. 6 мектепте оқушылардың мектептен үйге және үйден мектепке тегін тасымалы ұйымдастырылған.Жалпы аудан бойынша оқушылар үйіндегі 29 үйірмеге 1130, өнер мектебіндегі 18 үйірмеге 383, мәдениет үйінің жанындағы үйірмелерге 1100, мүмкіндігі шектеулі балаларға арналған секцияларға 24, №15 мамандырылған балалар-жасөспірімдер спорт мектебіндегі 32 секцияға 1104, №16 балалар-жасөспірімдер спорт мектебінің 21 спорттық секциясына 780, аудандық ФОК спорт клубындағы 17 секцияға 208, «Орда» әскери-патриоттық клубындағы 34 нұсқаушыға 2800 оқушы спорттық үйірмелерге тартылған. Байқоңыр қаласындағы мектептер Ресей мемлекетінің қала әкімшілігіне &nbsp;қарасты әртүрлі спорттық секциялар мен үйірмелерге барлығы 2262 оқушы қатысады.Аудан ұстаздарының ішінде облыстық, республикалық деңгейде марапат биігінен көрініп жүрген ұстаз қатары артуда. Республикалық деңгейде №80 мектеп-гимназиясының география пәнінің мұғалімі Серік Ниязов жыл сайын өткізілетін&nbsp;"Үздік педагог" конкурсының республикалық кезеңінде&nbsp;"Үздік педагог" атанса, бастауыш сынып мұғалімдері арасында «Алтын тұғыр» олимпиадасының &nbsp;республикалық кезеңінде №269 орта мектебінің мұғалімі Жадыра Сапақ ІІІ орын, №111 орта мектеп мұғалімі Шұғыла Шайменалиева І орынды иеленіп, Дубайға жолдама алды. Алматыда өткен «Педагогикалық идеялар фестивалінің» республикалық кезеңінде №279 мектеп-лицейінің педагог-психологі Эльмира Медеуова ІІІ орынды иеленді.&nbsp;Еліміздегі «Білім берудегі өзгерістердің 1000 көшбасшысы» бағдарламасы аясында Қызылорда облысынан 11 педагог іріктеуден өтіп сертификат алса, ауданымыздан да 2 педагог (№121 – 1, оқушылар үйі – 1) республикалық кадрлық резервке &nbsp;енді. &nbsp;Аудан бойынша педагогтер арасында іс-тәжірибе алмасу арқылы құзыреттерін арттыру мақсатында І тоқсанда 10 облыстық және &nbsp;12 аудандық семинар &nbsp;ұйымдастырылып, жоғары деңгейде бағаланды.Биыл 685 бала мектеп бітіреді деп күтілуде. Ұлттық бірыңғай тестілеуге дайындық жұмыстары жүргізілуде. Қаңтардағы &nbsp;ҰБТ-ға 637 (92,9%) түлек қатысса, наурыздағы ҰБТ-ге 611(89,2%) бітіруші қатысып, білімдерін саралады.Жалпы білім беретін пәндік олимпиада қорытындысымен&nbsp;облыста №277 мектеп-лицей &nbsp;«Ең үздік аудан мектебі» номинациясын жеңіп алса, 22 оқушы арнайы жүлдемен 9 оқушы алғыс хаттармен марапатталды. Ал республикалық кезеңнен 2&nbsp;оқушы (№85) ІІІ орын иеленді. Жалпы пәндік олимпиададан басқа түрліше облыстық, республикалық пәндік сайыстарда, «Жарқын болашақ», «Бастау», «Ауыл олимпиадаларында» үш айдың қорытындысымен 24 оқушы жеңімпаз атанды.«Төрт тоқсан – төрт өнер» жобасында «Жаңа күн – Жаңа Қазақстан» облыстық ақындар айтысынан №85 мектеп оқушысы ІІ орын, N277 мектеп-лицейінің оқушылары республикалық пікірсайыс турнирінде ағылшын лигасы бойынша жүлделі ІІ орын жеңіп алып, 150 мың теңге сертификатын иемденді. Облыстық «Көк тудың желбіргені» тақырыбындағы дебат ойынынан №250 мектеп-лицейдің орыс, қазақ лигалары ІІІ орынға ие болды.&nbsp;«Қозғалыстың жас инспекторлары жасақтарының облыстық байқауына №277 мектеп-лицейінің «Сергек» жасағы І орын иеленді. Тик-Ток әлеуметтік желісіне жүктелген "Бес асық" үйірмесінің мүшесі №107 орта мектептің 6 сынып оқушысы Мәриям Жаңабайдың бес асық ойнаған видеосы 34 миллион қаралым жинап, көрермен қызығушылығын тудырды.Аудандағы барлық білім беру ұйымдарында Абайдың "Толық адам" рухани құндылығы, «Оқуға құштар мектеп», «Дебат қозғалысы», «Балалар және театр», «Мектеп парламенті», «Жылыжай» жобалары жүзеге асырылып, іс-шаралар өткізілуде.2023-2024 оқу жылында ауданнан 685&nbsp;оқушы жалпы білім беретін &nbsp;орта мектепті бітіреді. Осы түлектердің 94,7%-ы, яғни 649 бітіруші ұлттық бірыңғай тестілеуге қатысады деп күтілуде. Олардың 54 мектеп бітірушісі "Алтын белгіге", ал 67 бітіруші «Үздік аттестатқа» үміткер болып ұсынылуда. Мектеп бітірушілеріміз мемлекеттік грантты жоғары деңгейде иеленеді деген сенімдеміз.

Қармақшыда білім жайы талқыланды

<a href="https://kyzylorda-news.kz/">Kyzylorda-news.kz.</a> Биыл Қызылорда қаласында 11 сыныпты 3273 білім алушы бітірмек. Олардың 206-сы Алтын белгіден үміткер. Осы үміткерлер Қазақстан Республикасы Оқу-ағарту министрі Ғани Бейсембаевпен өткен кездесуге бейнебайланыс арқылы қатысты.Жүздесу барысында осы жылғы үміткерлер де, былтырғы Алтын белгі иегерлері де сөз сөйледі. Министр бітіруші түлектерді жаңалықтармен таныстырып, жастарға алдағы сындардан сүрінбей өтуге сәттілік тіледі.Кездесуде Ә.Мүсілімов атындағы №101 мектеп-лицейдің Алтын белгіге үміткер оқушысы Зиядин Әйгерім министрмен байланысқа шықты.Құрметті Ғани Бектайұлы!Мектеп бітіруші түлектер!Өзіміздің қимас бір мекенімізге айналған, балдәурен шақтың балауса қызығын бірге өткізген мектеп анамыздан түлеп ұшқалы тұрмыз. Арада өткен 11 жыл легі біздің өрісімізді кеңейтті, бойымызды қатайтты. Бойымызға жақсылық пен ізгіліктің дәнін сепкен ұстаздарымыздан тәлім-тәрбие алып, үлкен өмірге жолдама алғалы тұрған осынау шақта кімкімнің де көңілі алабұртып тұратыны айтпаса да түсінікті. Біздің осы жарқын сәтімізде республикадағы барша үздік түлектердің басын қосып, өмірлік іс-тәжірибесімен бөлісуге, бағыт-бағдар беруге мүмкіндік жасаған Оқу-ағарту министрі Ғани Бектайұлына ерекше алғысымызды айтқымыз келеді. Және де қасиетті Сыр елі топырағынан нәр алып, білімнің қайнар бұлағына, ғылымның жарқын шырағына айналған мектеп бітіруші «Алтын белгіге» үміткер достарыма сәттілік тілеймін! Биылғы оқу жылында Қызылорда облысы бойынша мектеп бітіруші түлектердің саны – 8 285 болса, оның 589 бітіруші түлегі «Алтын белгіге» үміткер. Соның бірі мен – Зиядин Әйгерім Әли Мүсілімов атындағы №101 мектеп-лицейінің «Алтын белгіге» үміткер түлегімін. Болашақ таңдаған мамандығым – халықаралық қатынастар және дипломатия. Біз, жас түлектер - Жаңа Қазақстанның негізгі қозғаушы күшіміз. Біз барлық жаңашылдықтың көшбасында болуға ұмтыламыз, бәсекеге қабілетті тұлға ретінде қалыптасуға бар күшімізді, біліміміз жұмсаймыз деп сеніммен айта аламын.Дарынды шәкірт - білікті ұстаздан. Сіздер біздің бойымызға руханият пен ізгіліктің, адамгершілік пен адам болмысындағы ең асыл қасиет – ішкі мәдениеттің шамшырағын жақтыңыздар! Сіздерге әрқашан басымыздыиеміз!Барша түлектердің қадамдарына сәтті сапар, өмірлеріне құтты қадам тілеймін! – деді жас түлек!

Алтын белгіден үміткер қызылордалық бітірушілер министрмен кездесуге қатысты

<a href="https://kyzylorda-news.kz/">Kyzylorda-news.kz.</a> 4 маусым – Қазақстан Республикасының мемлекеттік рәміздері күніне орай Қызылорда облысының архивтері және қалалық білім бөлімінің ұйымдастыруымен Б.Момынбаев атындағы №278 ІТ-мектеп-лицейінде 8 сынып оқушылары арасында «Өркениет көшіндегі Ұлы дала мұрагерлері» атты қалалық дебат турнирі өткізілді.Шараның мақсаты – жастардың зияткерлік және шығармашылық қабілеттерін дамыту, көшбасшылық қасиеттерін жетілдіру, бәсекеге қабілеттілігін арттыру.Турнирге Қызылорда облыстық «Ақиқат» саяси пікірсайыс клубының мүшелері төрелік етті.Қалалық турнирде пікірсайысшылар түрлі тақырыпты жан-жақты талдап, өзара жеңімпаздарды анықтады. Төрешілердің шешімімен ұтымды пікір білдіріп, мәселенің өзектілігін жеткізген сөз бәйгесінде І орын Б.Момынбаев атындағы №278 ІТ-мектеп-лицейінің «Байұзақ ұландары» фракциясы, ІІ орын Абай атындағы үш тілде оқытатын дарынды балаларға арналған мамандандырылған сыныптары бар мектебінің «Либерти» фракциясы, ІІІ орын Т.Есетов атындағы №264 мектеп-лицейінің «Есетов жастары» фракциясы иеленді.Сонымен қатар Абай атындағы үш тілде оқытатын дарынды балаларға арналған мамандандырылған сыныптары бар мектебінің «Либерти» фракциясының спикері Т.Үсенгелді «Үздік спикер», Ә.Тыныбаев атындағы №11 мектеп-лицейінің «Тыныбаев жастары» фракциясының спикері Г.Жаңабай «Үздік сарапшы», «Ақиқат» саяси-пікірсайыс клубының мүшесі М.Кенжебекова «Үздік төреші» номинацияларымен марапатталып, І.Қабылов атындағы №12 ІТ-мектеп-лицейі «Ақиқат» фракциясының спикерлері А.Жалғас, Ғ.Ғалымжанқызы, Ә.Мүсілім атындағы №101 мектеп-лицейі «Алаш қыздары» фракциясының спикерлері А.Ануарбек, И.Нұртайқызы, Ә.Тыныбаев атындағы №11 мектеп-лицейі «Тыныбаев жастары» фракциясының спикерлері А.Серік, Г.Жаңабайға алғыс хаттар табысталды.Шара соңында архив қоры құжаттарынан дайындалған «Тарихы терең Сыр елі» тақырыбындағы көрме таныстырылды.Ұшқыр ойлы жастарды айтулы жеңістерімен құттықтай отырып, пікірсайысқа дайындаған ұстаздары мен жетекшілеріне алғыс білдіреміз!

Қызылорда қаласында пікірсайыс турнирі өтті

<a href="https://kyzylorda-news.kz/">Kyzylorda-news.kz</a> &nbsp; «AMANAT» партиясы Қызылорда қалалық филиалында ақын, Қазақстан Жазушылар және Журналистер одағының мүшесі, Қазақстан Жазушылар одағының облыстағы өкілі, Халықаралық «Алаш» әдеби сыйлығының иегері, ҚР Журналистер Академиясының «Алтын жұлдыз» иегері Қаршыға Есімсейітованың «Шешім» атты кітабының тұсаукесер рәсімі өтті.Жиынға Қорқыт ата атындағы Қызылорда университетінің профессоры Баймырза Қожамберлиев, эколог-жазушы Сайлаубай Жұбатыров, ардагер ұстаз Ділдахан Торғаева, жазушы Несібелі Рахмет, «Ұстаз мәртебесі» газетінің бас редакторы Нұрлан Көбегенұлы, облыстық «Сыр бойы» газетінің аға тілшісі Ғазиза Әбілда сынды бір шоғыр қаламгерлер қатысты.Кешті «AMANAT» партиясы облыстық филиалы атқарушы хатшысының орынбасары Алтынбек Жарылқасынов жүргізіп, кітап авторының өңір руханиятының өркендеуінде өзіндік үлесі бар екенін атап өтті.Жиынға қатысушылар қаламгердің шығармашылығы, қоғамдағы азаматтық белсенділігі туралы әңгімелеп, облыстық телевизия саласында өткерген журналистік қызметінде айшықты қолтаңбасын қалдырғанын айтты. Кеш қонақтары жаңа туындының тұсауын кесіп, қалам иесіне шығармашылық табыс тіледі. Өз кезегінде кітап авторы қуанышын бөліскен қаламдастарына алғысын білдірді.Іс-шара аясында ақынның өмірі мен шығармашылығын насихаттауға арналған «Өлеңмен өрілген өмір» атты көшпелі кітап көрмесі ұйымдастырылып, оқырмандарға таныстырылды. &nbsp;

«Шешім» кітабы оқырманға жол тартты

<a href="https://kyzylorda-news.kz/">Kyzylorda-news.kz.</a> &nbsp;«Қай елдің мәдениеті дамыса, сол елдің еңсесі де биік болады» демекші, еліміздің мәдени-рухани өркендеуіне өз үлесін қосып жүрген мәдениет саласының майталман мамандары жетерлік. Жауапкершілігі мол салада қажырлы еңбек етіп, өскелең ұрпаққа жеткізу жолында игілікті іс атқарып жүрген мамандардың еңбегі ұшан теңіз. Сондай жанның бірі мәдениет саласының білікті маманы, Сырдария ауданынан шалғайда орналасқан Қоғалыкөл ауылдық клуб үйінің әдіскері – Гүлшара Сарбасова.Ауыл мәдениетінің дамуына, өсіп-өркендеуіне өз үлесін қосып жүрген майталман маман 1968 жылы Жалағаш ауданының Мәдениет ауылында дүниеге келіп, №32 орта мектепте білім алады. Бала кезінен өнерге жақын болған жан мектеп бітірген соң Тараз қаласындағы мәдени-ағарту училищесіне оқуға түсіп, «мәдени-ағарту қызметкері» мамандығы бойынша тәмәмдайды. Әркез ізденіс үстінде жүретін маман Шымкент қаласындағы М.Әуезов атындағы мемлекеттік университеттің «Мәдени-тынығу» қызметі мамандығы бойынша білімін жетілдірді.<blockquote>– Ауылдағы клуб үйінде өтетін іс-шараларға барғанымда сонда жұмыс жасайтын өнер адамдарына қызығатынмын. Бұл да менің мәдениет саласында қызмет етуіме, мамандық таңдағанда қателеспеуіме өз септігін тигізді десем болады. Оқу бітірген соң Жалағаш аудандық мәдениет бөлімінде 1989-1992 жылы аралығында автоклуб меңгерушісі болып алғашқы қызметімді бастадым. Сонан соң, 1993-1995 жылдары Сырдария ауданынан шалғайда орналасқан Қоғалыкөл ауылында балабақшада тәрбиеші болдым. 2014 жылдан бері ауылдық клуб үйінде әдіскер қызметінде жұмыс атқарып келемін, – дейді еңбегімен еленген Гүлшара Сарбасова.</blockquote>Бүгінде «Көркем сөз» үйірмесі жетекшісінің қызметін қатар жасап келе жатқан әдіскердің ауыл мәдениетіне қосқан үлесі, жеткен жетістігі баршылық. Атап айтқанда, «Үздік әдіскер» облыстық байқауының аудандық іріктеуіне қатысып, «Алғыс хатпен», «Қазақстан үміті» Республикалық шығармашылық бірлестігінің «Алғыс хатпен», «Үздік сценарий-2019» облыстық байқауында «Алғыс хатпен», Қазақстан республикасының Тәуел­сіздігінің 30 жылдығына арналған «Егемендік – айбыным» атты аудандық сценарий жазу байқауында үздік өнер көрсеткені үшін ІІ дәрежелі «Дип­ломмен» мара­патталды. Сонымен қатар ауыл балаларының шығармашылығын шыңдау барысында халықаралық «Абай – дана, Абай – дара қазақта» атты жасөспірімдер мен балалар шығармашылық байқауына да өнерлі өрендерді қатыстырған. Мұнан бөлек «Бақытты елдің ұрпағы» қоғамдық қорының ұйымдастыруымен өткізілген республикалық «Дала сазы» байқауына шәкірт дайындап, жас дарындардың шеберлігін шыңдауға үлес қосқан. Тәжірибелі маманнан тәлім алған ауыл балалары республикалық, облыстық, аудандық дең­гейдегі байқауларда өнер көрсетіп, жүлделі орындарға ие болып жүр. Кәсіби маманның әрбір атқарған ісіне, мәдениет саласына қосқан үлесіне, нәтижеге бағытталған жұмысына, жас жеткіншектердің талантын шыңдауға қосқан үлесіне ауыл халқының айтар алғысы шексіз.Ауылдық клубтың әдіскері Гүлшара Сарбасова – жұмысында білікті маман болса, отбасында аяулы жар, ардақты ана. Жолдасы Марат Омаров егіс даласында 35 жылдан бері күріш егіп, мол өнім алып жүрген ауыл дың белді диқаны. Жұбайымен 4 бала тәрбиелеген абзал жан бүгінде 3 немеренің әжесі. Ауылдың бетке ұстар отбасылырының бірі «Дана ене, дара келін» атты байқаудың жеңімпазы атанғанын да айта кеткеніміз жөн.

Ауыл мәдениетіне өз үлесін қосқан әдіскер

<a href="https://kyzylorda-news.kz/">Kyzylorda-news.kz.</a> «Ұстаз жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын алғыр да аңғарымпаз ақыл иесі, мейлінше шешен, өнер-білімге құштар, аса қанағатшыл жаны асқақ және ар-намысын ардақтайтын, жақындарына да, жат адамдарына да әділ, жұрттың бәріне жақсылық пен ізгілік көрсетіп қорқыныш пен жасқану дегенді білмейтін батыл, ержүрек болуы керек» деген екен ұстаз жайында әлемге әйгілі ойшыл Әл-Фараби.&nbsp; Жас ұрпаққа тәрбие мен білім беруде қазіргі заманның жаңарған білімінің мұғалімге қояр талабы да артар жүгі де зор. Сырдария ауданы, Қоғалыкөл ауылының №44 орта мектебінің математика пәні мұғалімі Гүлнар Әмзеева – ең қымбат саналы ғұмырын шәкірт тәрбиелеуге арнап келе жатқан ардақты ұстаздың бірі.40 жылға жуық ұстаздық қызметін үлкен абыроймен атқарып жүрген ұлағатты ұстаз 1963 жылы Ақмола облысында дүниеге келген. Бала күнінен мұғалім болуды армандаған Гүлнар Қадырқызы қазіргі Жақыпбек Маханбетов ауылының №143 орта мектебінде білім алған. Білімге жаны құштар кейіпкеріміз мектепті аяқтап, 1980 жылы Н.В.Гоголь атындағы Қызылорда мемлекеттік педагогикалық институтының математика бөліміне оқуға түсіп, бала кездегі арманына жақындай түседі. Жоғарғы оқу орнын бітіріп, институттың жолдамасымен алғашқы еңбек жолын Қоғалыкөл ауылындағы №44 орта мектепте математика пәні мұғалімі болып бастады.Гүлнар Әмзеева – тәжірибелі де білімді, мектеп тарихында өзіндік қолтаңбасын қалдырған кәсіби ұстаздардың бірі. Адамгершілік қасиетті бәрінен жоғары қоятын педагог өз ісіне үлкен жауапкершілікпен, тиянақтылықпен қарайды.Абырой биігіндегі ұстаз бүгінде қызметімен қатар отбасын қатар алып жүрген сүйікті жар, аяулы ана, қамқор әже. Жұбайы Зияд Мотишовпен 1988 жылы шаңырақ көтеріп, 2 ұл, 1 қыз тәрбиелеп өсіріп, оқытып, құтты орындарына қондырып, ата-аналық парызын өтеп, сыйластығы жарасқан отбасының ұйытқысы болып отыр. 6 немеренің қызығын көріп отырған ерлі-зайыпты өмірі мен қызметін бір арнаға тоғыстырып, осы салада бірге қажырлы еңбек етіп келеді.&nbsp;Ардақты ұстаздың білім мен тәрбие берудегі тынымсыз еңбегі бағаланып, құрмет төрінен көрініп келеді. Атап айтқанда, 2018 жылы Сырдария ауданының әлеуметтік-экономикасының дамуына елеулі үлес қосқаны үшін ауданның 90 жылдық мерекелік медалімен марапатталды. 2021 жылы Қорқыт ата атындағы Қызылорда университетінің төсбелгісі, одан бөлек облыстық кәсіподақ комитетінің Құрмет Грамотасы, 2022 жылы ҚР Оқу-ағарту министрінің құттықтау хатымен марапатталған. Бұл Гүлнар Әмзееваның ұстаздық жолында жеткен жетістіктерінің тек бір бөлігі ғана десек болады. Білікті педагогтың шәкірттері де ұстаздың елеулі еңбегін ақтап, «Алтын белгі», «Үздік аттестат» иегері атанып, түрлі байқауларда бақ сынап, жетістіктерге жетіп жүр. 2022-2023 оқу жылында шәкірттері Ақбота Тоқтарбай, Мерей Жалғас «Алтын белгі», ал Нұрай Бауыржанқызы, Ақниет Ғабитқызы, Айым Сансызбайқызы, Айша Тоқтарбай «Үздік аттестат» иеленді. 2023-2024 оқу жылында 9-сынып оқушысы Еңлік Абайқызы халықаралық «Кенгуру – математика» конкурсында І орын иеленіп, мектептің мәртебесін көтерген болатын. 2023-2024 оқу жылында 11 сынып оқушысы Айым Исламбек «Алтын түлек» олимпиадасында облыстық кезеңінде І орын, республикалық кезеңінде ІІІ орын иеленді. 10 сынып оқушысы Гүлім Аймағанбетова «Ауыл олимпиадасының» аудандық кезе­ңінде І орын, облыстық кезеңінде ІІІ орын иеленді. Тәжірибелі ұстаздың шәкірттері қазіргі таңда Қазақстанның түкпір-түкпірінде түрлі салада қызмет етіп, еліміздің дамуы мен өсіп-өркендеуіне сүбелі үлес қосып жүр.Ұстаздың қызметі сырттай қарапайым көрінгенімен, тарихтағы ең ұлы істердің бірі. Шәкірттеріне тәлім-тәрбие мен білім нәрін сусындатып, игілікті істің жаршысы болып жүрген ұстаздарымыздың еңбегі өлшеусіз. Қарапайым ауыл мектебінде қажырлы еңбек етіп жүрген Гүлнардай ұлағатты ұстаздарымыздан үйренеріміз көп. Шәкірт жүрегіне жол тапқан аяулы ұстаздар қай кезде де құрметке лайық.

Шәкірт жүрегіне жол тапқан аяулы ұстаз

<a href="https://kyzylorda-news.kz/">Kyzylorda-news.kz</a> Білім саласындағы үздік IT жобаларды анықтайтын «EdTech Hackathon Kyzylorda» облыстық IT жобалар хакатоны мәреге жетті.Биыл алтыншы мәрте ұйымдастырылған хакатонға Қызылорда облысы «Ақпараттық технологиялар» КММ, Қорқыт ата атындағы Қызылорда университеті Kyzylorda Hub бизнес-инкубаторы ұйытқы болды.&nbsp;17 мамырда өткен «EdTech Hackathon Kyzylorda» облыстық байқауына білім саласындағы IT жобалар қабылданды. Мақсаты – стартап жобаларды, цифрлы шешімдер мен талантты мамандарды іздеу, ақпараттық технологиялар, инновациялық және стартап жобаларды дамыту. Үздік жобаларға 500&nbsp;000 теңге көлеміндегі қаржы бөлінді. Сондай-ақ, Қорқыт ата атындағы Қызылорда университетінің білім гранты табысталды. Хакатонда 16-35 жас аралығындағы жастар бақ сынады. Топпен қатысу мүмкіндігі де қарастырылған. Инноваторлар додасына 130 адам қатысып, қазылар алқасына 33 жоба таныстырылды.&nbsp;1-орын иеленген «FloraHub» жобасының авторы Нұрдәулет Дүзеновке 250&nbsp;000 теңгенің сертификаты табысталды. Ал 2-орын иегері Қалдан Аян тест құру жүйесіне бағытталған жобасына 150&nbsp;000 теңге қаржы жеңді. Сондай-ақ, Дүйсенбек Ернұр, Ғанибек Мария, Аманбай Жансая «EMS – Education Management System» жобасымен 3-орын иеленіп, 100&nbsp;000 теңге көлемінде қаржыға ие болды.. Мектеп оқушысы Ержанқызы Жансая «Easier together» жобасымен Қорқыт ата атындағы Қызылорда университетінің білім грантын иеленді.Айта кетейік, Қызылорда қаласындағы №264 мектептің 11 сынып оқушысы Жансая Ержанқызының ұсынған «Еasier together» жобасы − &nbsp;сабақ беруге арналған онлайн платформа. Жансаяның ақпараттық технологиялар саласындағы бұл жобасы еріктілер мен білімге құштар аз қамтылған отбасыларды бір алаңға біріктіреді. Репетитор мен оқушыны қосатын онлайн платформаның ұстаздары Назарбаев зияткерлік мектебі, Республикалық физика математика мектебі, Білім инновация мектебінің үздік оқушылары мен жоғары оқу орындарының білім алушылары.<blockquote>– Бүгінде біз 5 оқу ағынын жүргіздік. 13 мемлекеттің оқушыларын 3 тілде STEM бағытында оқыттық. Атап айтсам, Қазақстан, Ресей, Украина, Түркия, Германия, Оңтүстік Корея, Қырғызстан, Өзбекстан, Қарақалпақстан, Латвия, Тәжікстан, Испания және Белорусь мемлекеті. Ал біздің қызметті пайдаланған оқушылар саны 2500-ге жуық, – деді Жансая Ержанқызы.</blockquote>Онлайн білім беру командасындағы еріктілер айырбастау негізінде жұмыс істейді.<blockquote>– Волонтерлер оқушыларға сабақ береді, ал біз олардың ерікті екенін растайтын сертификат табыстаймыз, ресми сайтта көрсетеміз. Сондай-ақ, шетелдік жоғары оқу орындарына түсуге дайындық және халықаралық емтихандарды тапсыру бойынша құнды ресурстар жиналған жабық телеграм арнасына кіруге мүмкіндік береміз. Шетелдегі университеттер үшін студенттерінің еріктілер тобында болғаны өте маңызды, – дейді жоба авторы.</blockquote>Бағдарламаға кез келген бала тіркеле алады. Ең бастысы – қолжетімділік. Жансаяның айтуынша, егер Қазақстанда орташа есеппен айына бір пәнді репетитормен оқу 28 000 теңге болса, онлайн платформада 3000 теңге. Оқуға қабылдау үшін оқушыларға қойылатын арнайы критерийлер жоқ. Бағдарламаға қатысушылар 5 пән бойынша білімін жетілдіре алады. Нақтырақ айтсақ, биология, математика, бағдарламалау, физика және химия бағыты.<blockquote>– Шетелдік еріктілер және студенттермен байланысуда ешқандай мәселе жоқ, себебі әлеуметтік желі немесе Zoom арқылы хабарласамыз.Сайтты өзім жасадым. Себебі IT саласы бойынша түрлі курстардан өттім. Сондықтан қиындықтар болған жоқ. Менің қолдаушым – ата-анам. Веб-сайтты алғаш құрған сәтте отбасым қатты қуанып, бұл жоба қоғамға оң әсер етіп, пайдалы болса, соңына дейін жалғастыруымды қалады.Алдағы уақытта жобаға қосымша бағдарлама жасау бойынша жұмыстар жүргіземіз. Сонымен қатар, аудиториямызды кеңейткіміз келеді, – деді Қорқыт ата атындағы Қызылорда университетінің білім грантын иеленген жеңімпаз</blockquote>Платформалар миллиондаған пайдаланушы мен кәсіпкердің жұмысын жеңілдететін цифрлық инфрақұрылымның ажырамас бөлігіне айналды.&nbsp;Бұл бағытта да біздің жастардың жаңалығы көп екенін байқадық.Хакатонда 16-35 жас аралығындағы жастар бақ сынады. Топпен қатысу мүмкіндігі де қарастырылған. Жыл сайын қатысушылар саны да өсіп жатыр. Мәселен, &nbsp;2022 жылы республика күні қарсаңында өткен додаға 270 жас қатысып, 100-ге жуық жоба таныстырса, былтыр 350 жас өтінім қалдырып, 120-ға жуық жоба қорғалған.Ұйымдастырушылардың айтуынша, биылғы сайыстың рөлі зор. Себебі осы жылдың өзінде хакатон 4 мәрте ұйымдастырылады. Сәйкесінше кезекті әр&nbsp; байқаудың өз бағыты болмақ.Сондай-ақ, былтыр&nbsp;11 қараша күні Қызылорда облысының&nbsp; Жастар Ресурстық орталығында&nbsp; Цифрландыру және ақпараттық технологиялар қызметкерлерінің&nbsp; күніне&nbsp; орай «SMART CITY KYZYLORDA HACKATHON 2023» облыстық IT жобалар хакатоны өткен. Еді. Қызылорда облысы&nbsp; әкімінің қолдауымен өткен байқаудың ұйымдастырушылары – Қызылорда облысы әкімі аппаратының&nbsp; «Ақпараттық технологиялар орталығы» КММ және Қорқыт ата атындағы Қызылорда университетінің кәсіпкерлік орталығы.IT жобалар хакатонында «Әзірлеу» (Development), «Модельдеу»,&nbsp; «Медиа және Білім» бағыттары қамтылды. «Әзірлеу» бағыты (Development) – сайт, мобильді қосымша, бот және ойындар әзірлеу бағытындағы жобаларды қамтиды. Мұнда «Smart city Kyzylorda» концепциясы аясында тұрғындардың ақылды қалада тұруын оңтайландыратын жобалар бағаланды. Екінші бағыт – «Моделдеу». Яғни, 3D моделдеу, робототехника, жасанды интеллект, ақылды заттар және BIM технологиялар аясындағы жобалар қабылданды. Адамдардың өмірлік процесін жеңілдетуге, қолданысқа арналған жаңашыл заттар мен қызметтерге бағытталған жобалар бағаланды. Ал «Медиа және білім беру» бағытында LMS, онлайн оқыту, анимация мен кинематография тақырыптарындағы жобалар сараланды. Басты талап – білім контентін өндіру және оны цифрлы ресурстар арқылы жариялау.IT жобалар хакатонының модераторлары Нұрлан Құлмырзаев, Жанарыс Тубекбаев қатысушыларды ережелермен таныстырғаннан кейін, бағыт бойынша топтастыру жұмысы жүрді. Назарға алатын жағдай, әр бағытқа бөлек қазылар алқасы сайланды.Жеңімпаздарына 900 000 теңге және Қорқыт ата атындағы Қызылорда университетінің 3 білім бөлінген. Әр бағыт бойынша 1-орын иеленген Раушан Тұрғанбай, Жұлдызай Мұңайтбасова, Альмира Махамбетәлі, Төрехан Төлеген, Ернар Әбдіжалелұлына 150 000 теңгенің сертификаты табысталды. Сондай-ақ, 2-орын иегерлері Ерсұлтан Жанболатұлы, Инабат Аймағамбетова, Өмірзақ Әділ мен Шыңғыс Абдуллаев 100 000 теңгені құрайтын қаржылай жүлделерді иеленді. Ал әр бағыттан 50 000 теңгені Аягөз Кулахметова, Бекасыл Алдиар, Азамат Ибрагимов иеленді. Ынталандыру мақсатында&nbsp; 6 командаға Kyzylorda Hub бизнес-инкубаторынан&nbsp; арнайы сыйлықтары берілді.&nbsp; Мектеп оқушылары Шөментай Асылтас, Талап Әли, Зарина Азенова Қорқыт ата атындағы Қызылорда университетінің арнайы білім грантын иеленді.<blockquote>- IT жобалар хакатонына «Fed up» жобасын ұсынып,&nbsp;Қорқыт ата атындағы Қызылорда университетінің&nbsp;білім грантын жеңіп алдым. Бүгінде IT cаласы қарқынды дамуда, яғни бәсекелестік өте жоғары. Ал Қазақстандағы робототехника саласы бойынша бәсекелестік әлі де аз. Осы мәселені шешу жолында «Fed up» жобасын қолға алдым. Байқаудың ұйымдастырушыларына алғысым шексіз. «Smat city Kyzylorda Hackathon 2023» облыстық IT жобалар&nbsp;хакатоны – жас стартаперлердің дамытуына мүмкіндік беретін алаң,- деген еді Талап Әли.</blockquote>«Smart city Kyzylorda» концепциясы аясында өткен IT жобалар хакатонының ұйымдастырушыларының бірі – Kyzylorda Hub бизнес-инкубаторы. Орталық Сыр өңіріндегі IT-стартаптарды қолдау және инновациялық жобаларды дамыту мақсатында халықаралық «Astana Hub» технопаркінің қолдауымен Қорқыт Ата атындағы Қызылорда университеті және өңірлік IT парк базасында ашылды. Бизнес-инкубатор аймақта инновациялық жобалар әзірлеумен, IT-саладағы кадрларды оқыту, даярлау және жергілікті IT-қауымдастық&nbsp; құрумен айналысады.&nbsp;Ә.Жанәбіл

«EdTech Hackathon Kyzylorda» жеңіпаздары анықталды

<a href="https://kyzylorda-news.kz/">Kyzylorda-news.kz</a> Қызылорда қалалық «Qosyl» жастар орталығының ұйымдастыруымен Қызылжарма ауылдық округінде С. Әлжіков атындағы №144 орта мектебінің оқушылары арасында «QOSYL QUIZ» интеллектуалдық сайысы өткізілді. Интеллектуалды ойынға 10 сынып оқушыларынан құралған 5 адамнан 5 команда қатысты. &nbsp;Жасөпірімдер арасында логикалық және кретивті ойлауға бейімдейтін сайыстың мақсаты мемлекеттік тілді дәріптеу. &nbsp;Қатысушыларға ұйымдастырушылар тарапынан арнайы алғыс, марапаттар табысталды.Сонымен қатар, «Армандар орындалады» жастар алаңы жалғасуда. &nbsp;Қызылорда жоғары көпсалалы колледжінің студенттерімен «Армандар орындалады» тақырыбында жастар мамандарының қатысуымен кездесу өткізілді. Кездесуге Қызылорда қалалық прокуратурасының бөлім аға прокуроры А. Сұлтанмұратова, Қазақстан КВН Одағы “РЖҚБ” Қызылорда облыстық Жайдарман филиалының директоры Р. Тәкісбай, Қалалық жастар орталығының кеңесшісі, Қызылорда Жайдарман филиалының әкімгері Г. Серік қатысты. Кездесу барысында жастарға қылмыстық істерден алыс болу, бос уақытты тиімді өткізе білу туралы ақпараттар айтылды. Айта кетейік, қалалық прокуратура бастамасымен және «Qosyl» қалалық жастар ресурстық орталығының ұйымдастыруымен ақпараттық түсіндірме жұмыстары жүргізілуде. &nbsp;«Orda» жоғары колледжінің білім алушы студенттеріне «Жақсыдан үйрен, жаманнан жирен» тақырыбында медиа саласының өкілдері, жастар мамандарының қатысуымен кездесу өтті. Кездесуге Қызылорда қалалық прокуратурасының бөлім басшысы Ә. Ергеш, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюссері Д. Ақайдаров және өңірдегі спортшы жастар қатысты. Жиын барысында жастарға жетістікке жету, сәтсіздіктен сабақ ала отырып, табысқа жету жолдары жөнінде ақпараттар айтылды. Сонымен қатар, белсенді азаматтар өздерінің жетістікке жету жолдарымен бөлісіп, білім алушылармен пікір алмасты. Құқық бұзу, топтық төбелес, зорлық-зомбылық, басқа да қылмыстық істерің алдын алу жөнінде ақпараттар да айтылды. М. Ықсанов атындағы Қызылорда политехникалық колледжінің білім алушы студенттеріне де кездесу өтті. Келесі ақпарттық жұмыс Қызылорда медициналық жоғары колледжінің білім алушы студенттеріне ұйымдастырылды. Кездесуге Қызылорда қалалық прокуратурасының бөлім прокуроры А. Оңдасын, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюсері Д. Ақайдаров, Қызылорда облыстық «Жастар ресурстық орталығы» шығармашылық бөлімінің басшысы, блогер Т. Амануллаева, Қызылорда медициналық жоғары колледжінің мейіргер ісі негіздері пәні оқытушысы, колледж түлегі Қ. Махмут қатысты. Қызылорда «Болашақ» университеті және жоғары колледжінің білім алушы студенттерімен жастарға құқықтық сананы және құқық мәдениетті қалыптастырумен қатар жетістікке қол жеткізудің жолдары, дұрыс мақсат қоя білу, сәтсіздіктен сабақ алып, табысқа жету жолдары &nbsp;жайлы талқыланды. Жастар алаңының қонақтары: Қызылорда қалалық прокурорының орынбасары Г. Утеев, Қалалық «Жастар ресурстық орталығының» директоры М. Жорабек, Қызылорда облыстық «Жастар ресурстық орталығы шығармашылық бөлімінің басшысы, инста блогер Т. Амануллаева. «Армандар орындалады» жастар алаңының кезекті жиыны И. Әбдікәрімов атындағы Қызылорда аграрлық техникалық жоғары колледжінің білім алушы студенттеріне арналды. Кездесуге Қызылорда қалалық прокуратурасының бөлім аға прокуроры Ж. Медешов, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюссері Д. Ақайдаров, Қызылорда облыстық «Жастар ресурстық орталығы» шығармашылық бөлімінің басшысы, блогер Т. Амануллаева қатысты.Бүгінде «Qosyl» қалалық жастар орталығы күміс сапаға лайықты жүйелі жұмыстарды жүргізуде. Мәселен, 2022 жылы орталықтың ұйымдастыруымен 143 іс-шаралар өткізіліп, оған 10 000 жас қамтылған. Жастардың сұранысына орай жабдықталған орталықтың қызметін 11 071 жас пайдаланды. Яғни, орталықта WI-FI, коворкинг орталығы, спорттық секциялар, креатив фото-видео студиясы, би залы және жастар ұйымдары кабинеті тегін қызмет көрсетуде. Cол жылы орталықпен ұйымдастырылған ауқымды шаралардың бірі, қала әкімінің "Самғау" жастар сыйлығы арқылы кәсіптік техникалық бағыттарда қызмет ететін саланың көшбасшылары анықталды. Сонымен қатар, Қазақстандағы мобилографияның негізін қалаушылардың бірі Қыран Талапбектің қатысуымен Қызылорда облысында алғаш рет «Мобилография» фестивалі ұйымдастырылды. Шара нәтижесінде қаладағы жас мобилографтардың ортасы қалыптасты. Сонымен қатар, жазғы маусымда «Арбат» бойында әр аптаның бейсенбі күні – «PING-PONG», жұма күні – «Караоке Battle», сенбі күні – «Кино TIME» жобалары өткізілді. Осы және өзге де қала жастарына қатысты күнделікті ақпараттар мен жаңалықтар «qosylbot» телеграм-бот және «qosyl.mrc» инстаграм парақшасында жариялануда. Ал "Жұмыс бар" деген арнайы парақша арқылы бос жұмыс орындары туралы ақпараттар орналастырылуда. «Qosyl» жастар орталығының тұрақты жобаларына айналған «Qosyl kenes» жобасы арқылы жастарға үздіксіз кеңес берілуде, ал «Qosyl acoustic» жобасы аясында шығармашыл жастардың ән кеші әр ай сайын өткізіліп келеді.Жастар мүмкіндігі аясында жұмыс істейтін орталықтың бірі &nbsp;облыстық жастар ресурстық орталығы. Жастар алаңы 2019 жылы Сырдарияның жаңа аумағы дарияның сол жағалауында орналасқан. Ресурстық орталықта IT-park, антикафе, интернет, кітапхана, жаттығу залы қарастырылған және тәулік бойы жұмыс істейді. Бүгінде орталықтың ұйымдастыруымен көшпелі тренинг өтуде. Қоғамдық Даму Басқармасының Syr Jastary орталығының тапсырысымен Арал ауданындағы жастар мен жас отбасыларға бағытталған семинар тренинг өтті.Шараның мақсаты отбасылық құндылықтарды нығайту, отбасын біріктіру және психологиялық сау қоғамды дамыту маңыздылығы туралы түсіндірме жұмыстары жүргізілді. Психологиялық тренинг Қазалы ауданында жалғасты.&nbsp;Ә.Жанәбілқызы Фото: klike.net

Оқушылар арасында «QOSYL QUIZ»  инттелектуалды сайыс өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебі 2013 жылы NIS желісінде ашылған химия-биология бағытындағы заманауи орда.Білім алаңындағы оқушылар түрлі бағыттағы байқауларда топ жаруда. Мәселен, Алматы қаласында өткен «Central Asia Biology Olympiad» олимпиадасының қорытындысы бойынша Қызылорда қаласындағы Назарбаев Зияткерлік мектебінің оқушысы Айғаным Ернатқызы І орын иеленді.&nbsp;Жетекшісі Райхан Тәжі.Атылмыш додада Қазақстан, Қырғызстан, Өзбекстан мектептерінің 200-ден астам жас биологтары қатысқан. Дарынды өрендер биология генетикадан биоинформатикаға дейінгі биологияның түрлі тақырыптары бойынша күрделі тапсырмалар орындады. Айғаным теориялық білім мен логикалық ойлау қабілетімен ерекшеленіп, ең жоғары ұпай санымен жеңіске жетті.<h2 style="text-align:justify;">«Үздік жас биолог»</h2>«Биолог анықтамалығы» республикалық ғылыми-танымдық педагогикалық журналының ұйымдастыруымен өткізілген «Жас биолог-2023» байқауының қорытындысы бойынша Қызылорда қаласындағы Назарбаев Зияткерлік мектебінің оқушылары «Ең үздік топ» номинациясын иеленді. Ал топ жетекшісі биология пәнінің мұғалімі Несібелі Башенова басылымның ақылдастар алқасының мүшесі атанды.&nbsp; Үздік топ құрамында Нұрмұхаммед Марат, Аянат Андас, Әлия Төлепберген, Асылжан Жомартқызы, Іңкәр Бақытбек бар. Бір жыл бойы дарынды өрендер «Биолог» анықтамалығының ұсынған тапсырмаларын белсенді орындап, жоғары академиялық білімдерімен және танымдық қабілеттерімен жеңіске жетті.<h2 style="text-align:justify;">«ARASHI MMA»</h2>Қызылорда облысындағы «Baiterek» жеке мектеп-интернатының 9 сынып оқушысы Жидебай Бекнұр жасөспірімдер арасында өткен «ARASHI MMA» бойынша Қызылорда облысының чемпионатында жүлделі орын иеленді.«Атамұра» респуликалық ғылыми-әдістемелік орталығының ұйымдастыруымен «Бояулар құпиясы» байқауына қатысып&nbsp; Берікбай Азима 1-орын&nbsp; Жұманова Инабат 2-орын иеленді. Жетекшісі: Малдыбаева Жазира.<h2 style="text-align:justify;">Өнер байқауы</h2>Астана қаласында өткен VII халықаралық «SHASHU» фестиваль-байқауының республикалық кезеңінде Қызылорда қаласындағы Назарбаев Зияткерлік мектебінің оқушылары 4 жүлделі орындарға ие болды.&nbsp; «Аспапта ойнау» жанры бойынша 11-сынып оқушысы Алихан Талғатов Дәулеткерейдің «Түрікмен» күйін орындап, ІІ орынды иеленсе, Нұрислам Төлеген Махамбеттің «Жұмыр, Қылыш» күйімен жеңіске жетті.&nbsp; «Дәстүрлі ән» орындаушылары арасында Сырсұңқар Базарбайұлы Молдабайдың әнін шебер орындап, Бас жүлдені иеленді. Және Түркия елінде өтетін халықаралық байқауға жолдама ұтып алды.&nbsp; Ал «Хореография» бөлімінде кәсіби би ансамбльдерімен сынға түскен «Самға» би тобы «Жастық шаттығы» музыкалық композицияны сомдап, күмістен медаль тақты.<h2 style="text-align:justify;">Халықаралық Scopus базасын</h2>Қызылорда қаласындағы Назарбаев Зияткерлік мектебінің 11-сынып оқушысы Алдияр Аппаздың «Изовалериан қышқылының моноглицеридтер синтезін микротолқынды белсендіру және оның микробқа қарсы белсенділігі» тақырыбында жүргізілген зерттеу нәтижелері әлемдегі ең ауқымды Scopus дерекқор жүйесіне енетін «Bulgarian Chemical Communications» болгариялық журналда жарияланды.&nbsp;Бұл жұмысты Алдияр әкесі – химия ғылымдарының кандидаты, профессор Нұрбол Аппазов, мектептегі ұстазы Марат Сыздықбаев және басқа да университет оқытушыларымен бірігіп дайындаған. Жұмысшы топ құрамында ол химиялық заттардың микротолқындық сәулелендіру арқылы синтездеу жолын қарастырып, алынған өнімді физика-химиялық талдау әдістері көмегімен зерттеді және оның ауру қоздырғыш бактериялар мен зең саңырауқұлақтарына қарсы белсенділігін анықтады. Алынған антибактериалды препараттың әлемдік медицинаға тигізер пайдасы туралы мақалада жан-жақты көрсетті.&nbsp;Айта кетейік, Scopus – бұл жаратылыстану- ғылыми және медициналық бағыттағы ғылыми еңбектер жинағына бай мұрағат. Бүгінге оның құрамында әлемдік деңгейдегі 22 000 басылымдар бар және 2004 жылдан бері бұл жүйеде 40 миллоннан астам ғылыми мақалалар жарық көрді.&nbsp;<blockquote>– Қазіргі заман талабына сай ғылыми зерттеу нәтижелерін осындай басылымдарда жариялау сұралады, тек осындай мақаласы бар ғалымдар ғылыми дәреже алуға диссертациясын қорғай алады немесе ғылыми атақтар (қауымдастырылған профессор, профессор) ала алады. Бұл оқушы үшін үлкен жетістік, – дейді ғалым Нұрбол Аппазов.</blockquote><h2 style="text-align:justify;">Облыстық семинар өтті</h2>С.Толыбеков атындағы ІТ мектеп-лицей базасында «Өрлеу» АҚ біліктілікті арттыру ұлттық орталығы Қызылорда филиалының бірлескен «Бастауыш мектепте құндылыққа бағдарланған тәсілді жүзеге асыруға бағытталған сандық білім беру ресурстары» тақырыбындағы облыстық семинары өтті.Семинардың мақсаты: Бастауыш сыныптарда ІТ құзыреттіліктерді дамыту арқылы білім алушылардың бойында қазақи сана мен құндылықтарды қалыптастыру тәжірибесімен бөлісу.«Өрлеу» АҚ біліктілікті арттыру ұлттық орталығы Қызылорда филиалының әдіскері Нақыпбаева Жанар Болатбековна бастап келген курсанттарды қарсы алғаннан кейін 1-бөлім бойынша ашық сабақтар өткізді. Ашық сабақты бастауыш сынып мұғалімдері Омарова Гүлжанар Тұрарқызы 3 «Ә» сыныбына қазақ тілі пәнінен «Сөз таптары» тақырыбында, Ахметжан Надира Еркінқызы 1 «Ә» сыныбына дүниетану сабағынан «Ежелгі адамдардың өмірі қалай өзгерді?» тақырыбында, Тажгуразова Ляззат Бекбулатовна 3 «Г» сыныбына математика сабағынан «Век. Праздник единства народа Казахстана» тақырыбында, Қалмаханова Әсел Берденовна 4 «Г» сыныбында математика сабағынан «Симметричные фигуры» тақырыбында ашық сабақтар өткізді.Семинардың 2-бөлімінде Шағырбаева Сұлушаш Дүйсенбекқызы «Бастауыш білім беруде жасанды интеллектіні қолдау» келген мұғалімдерге оқу сағатын, Рыспенбетова Бақыт Аманбайқызы 4 «Ә» сыныбына «Отбасы – адамзат бесігін тербеткен ұя» тақырыбында отбасылық тренинг жүргізсе, Балтабаева Ләззат Бақытбекқызы мен Ахметова Ақерке Умиртаевна «Ұлттық нақыш – ұлт ажары» ЭтноАРТ терапия, мектебіміздің тренері Сарыбаева Гүлжауһар Тоғанасқызы «Шаңырақ» тренинг жүргізді.​Семинар соңында келген қонақтардан кері байланыс жүргізе отырып, Нақыпбаева Жанар Болатқызы сөз алып, бүгінгі семинарымызды жоғарғы деңгейде деп бағалап, жұмыс жүргізген барлық мұғалімдерді алғыс хатпен, ұйымдастырушы директордың бастауыш ісі жөніндегі орынбасары Тажитаева С.Б. «Құрмет грамотасымен» марапаттады. Семинарымызды 4- сынып оқушысы Шама Хадия «Ұстазым» әнімен аяқтады.&nbsp;Ә.ЖанәбілқызыФото: Нұрболат Нұржаубай

Қызылордалық оқушылар жеңіс төрінде

<a href="https://kyzylorda-news.kz/">Kyzylorda-news.kz.</a> &nbsp;Қазіргі Қызылорда облысы, Қазалы ауданы, «Жанқожа батыр» ауылындағы № 94 орта мектеп Жиделі колхозында 1934 &nbsp;жылы &nbsp;алғаш рет бастауыш мектеп &nbsp;болып &nbsp;ашылды.&nbsp;1937 жылы бастауыш мектеп Қазалы аудандық атқару комитетінің бұйрығымен 7 жылдық мектеп болып толықтырылды. &nbsp; Қазіргі таңда мектебімізде – 290 оқушы білім алуда. Мектепте 46 мұғалім жұмыс жасайды. Олардың 45-і жоғары білімді, 1-еуі арнаулы орта педагогикалық білімі бар. 5 мұғалім педагог-зерттеуші, 27 мұғалім педагог-сарапшы, 12 мұғалім педагог-модератор, 2 мұғалім санатсыз. Мектепте – 17 класс комплектісі мен 2 МАД тобы бар. 3-оқу тоқсанын 101 оқушы – үздік, 85 оқушы – екпінді бағамен аяқтады.&nbsp; Әр жыл сайын оқушыларымыз білім беру грантын иеленіп, облыстық, республикалық, халықаралық байқаулардың жеңімпазы атануда. Атап айтатын болсақ, 2023-2024 оқу жылында мектеп оқушыларының аудандық олимпиадасына әр пән бойынша оқушылар қатысып, 21 оқушы &nbsp;жүлдегер &nbsp;атанды. Ауыл мектептеріне арналған жалпы білім беретін пәндер бойынша 9-11 сынып оқушылары арасындағы облыстық олимпиадада 15 оқушы топ жарып, жүлделі ІІ және ІІІ орындарды қанжығасына байлады. &nbsp;Олар: 9-сынып &nbsp;оқушысы Ақнұр Оңғарбай қазақ тілі мен әдебиеті пәнінен 2-орын /жетекшісі Айгүл Мәлкеш/, 10-сынып оқушысы Гүлназым Замадинова ағылшын тілі пәнінен 2-орын/ жетекшісі Жанат Жұмағұл /, 9-сынып оқушысы Мерей Ізтұрған физика пәнінен 2-орын, 10-сынып оқушысы Аяулым Әділбек физика пәнінен 2-орын /жетекшісі Шаттық Қалиева/, 11-сынып оқушысы Жансая Ертуғанова биология пәнінен 2-орын /жетекшісі Ләззат Жандилда /, 11-сынып оқушысы Әлібек Шерхан математика пәнінен 3-орын/ жетекшісі Әлібек Жақсылықов/, 9-сынып оқушысы Нұрсұлтан Қайырлап математика пәнінен 3-орын /жетекшісі Ақбұрыш Батимова /, 9-сынып оқушысы Айжан Әділбек Қазақстан тарихы пәнінен 3-орын, 9-сынып оқушысы Қарлығаш Алтынбай құқық негіздері пәнінен 3-орын /жетекшісі Бағила Құрманәлі /, 10-сынып оқушысы Қосжан Берекет химия пәнінен 3-орын /жетекшісі Тұрсынкүл Тоқмамбет /, 9-сынып оқушысы Бақытбек Махфуза биология пәнінен 3-орын /жетекшісі Асан Тілек/, 10-сынып оқушысы Сағыныш Өмірзақ информатика пәнінен 3-орын /жетекшісі Жазира Бимырза /, 11-сынып оқушысы Диана Елдесбай ағылшын тілі пәнінен Алғыс хат /жетекшісі Жанат Жұмағұл /, 11-сынып оқушысы Мәулен Сағындық Қазақстан тарихы пәнінен Алғыс хат/ жетекшісі Асан Бақыт/, 9-сынып оқушысы Кәусар Елдесбай орыс тілі пәнінен Алғыс хат/ жетекшісі Айнұр Баймусаева/ иеленді. Бұдан басқа, Қызылорда облысы білім басқармасының «Дарын» облыстық қосымша білім беру орталығы Жаратылыстану-математика циклі пәндері бойынша ХҮІ Президенттік олимпиаданың І (өңірлік) кезеңінде көрсеткен ерекше жетістігі үшін 11-сынып оқушысы Әлібек Шерхан Алғыс хат, 10-11 сыныптарға арналған “Алтын түлек” олимпиадасының республикалық кезеңінен 1-орын иеленіп, ҚМУ грантын иеленді/ жетекшісі: Ә.Жақсылық/. Республикалық «Бояулар құпиясы» жас суретшілер байқауының облыстық кезеңіне қатысқан, ауыл мектебінің 8-сынып оқушысы Мінәжадин Мұхамеджан /жетекшісі: Рүстем Нуфтулла / ІІ орын иеленді.&nbsp;Осындай оқушыларды дайындап жүрген ұстаздарымыз да, жеңістен құр алақан емес. Биылғы оқу жылында өткен «Жыл мұғалімі – 2023» байқауына қатысқан тарих пәнінің мұғалімі Индира Әбіразақ жүлделі 2-орын иеленсе, информатика пәнінің мұғалімі Жазира Бимырза, ағылшын тілі пәнінің мұғалімі Жанат Жұмағұл, бастауыш сынып мұғалімі Гүлбану Кәрібай, алғашқы әскери даярлық пәнінің мұғалімі Алмат Аралбаев, мектеп директорының оқу-ісі жөніндегі орынбасары Әлібек Жақсылық Алғыс хат иеленді. Осы байқауда ерекше көзге түскен мектептің қосымша білім беру педагогы Бағила Құрманәлі бас жүлде иеленіп, аудандық білім бөлімінің дипломымен және бағалы сыйлығымен марапатталды.&nbsp; Мектеп басшылары арасында дебат турнирінде Адилхан Садиров Алғыс хат иеленді. Аудандық «Алтын тұғыр» олимпиадасында Меруерт Тоқтабаева Алғыс хат иеленді. Жылдың үздік әлеуметтік педагогы байқауына қатысқан мектептің әлеуметтік педагогы Әмірбек Жарылқап Алғыс хат иеленді. «Үздік дефектолог» байқауына қатысқан Гүлсая Алпысбай «Креативті маман» бағамын иеленді. Орыс тілі пәні бойынша практикалық жұмыстар байқауында Гүлмира Жали 2-орын иеленсе, математика пәні бойынша практикалық жұмыстар байқауына қатысқан математика пәнінің мұғалімі &nbsp;Айымкүл Пірімжар жүлделі 1-орын, биология пәні бойынша практикалық жұмыстар байқауынан Ләззат Жандилда – 2-орын иеленді. Бастауыш сынып мұғалімдерінің педагогикалық оқуына қатысқан бастауыш сынып мұғалімі Ақмарал Изетова 2-орын иеленген. Педагогикалық идеялар байқауына қатысқан тәлімгер Жанар Ерішова 1-орын, бастауыш сынып мұғалімі Мерует Тоқтабаева 2-орын, орыс тілі пәнінің мұғалімі Айнұр Баймусаева Алғыс хат &nbsp;иеленді.&nbsp;&nbsp;Мектепте 12 бағыт бойынша түрлі үйірмелер мен секциялар жұмыс жасайды. Соның ішінде, оқушылардың қызығушылығын арттыратын &nbsp;9 спорт секциясы болса, &nbsp;спортшылар облыстық, аудандық сайыстарға белсене қатысуда. Атап айтар болсам, ұлттық ойын секциясы бойынша облыстық ләңгі тебу сайысына қатысқан Әлимуса Қалабай /жетекшісі: Алпамыс Қожаниязов/ жүлделі І орын иеленді. Ұлттық мектеп лигасы аясында волейболдан мектептің 7-8, 9-11 сынып оқушыларынан құралған құрама командасы ауданда көш бастаушылардың қатарында жүлдегер атанып жүр/ жетекшісі: Ахмедия Тулешов /.&nbsp;Мектеп үш жылдан бері «Қазақстанның киелі жерлерінің географиясы» жобасы аясында, «Тарихи тұлғаларға қатысты тарихи орындар» тақырыбымен жұмыс жасап келе жатыр. Жоба аясында аудандық «Өлкетану» мұражайымен меморандум жасалынып, бірнеше рет оқушылардың мұражайға, Қорқыт ата кешеніне саяхаты ұйымдастырылды. Қазақстанның түкпір-түкпіріндегі тарихи мұражайларға виртуалды саяхаттар жасалды. Сонымен бірге, мектепке де, көшпелі мұражай ұйымдастырылып, білім алушыларымыз өлке тарихынан көптеген мәліметтер алды.&nbsp;Сондай-ақ, оқушының жылдар бойы алған білімінің сарапқа түсетін сәті – Ұлттық Бірыңғай Тестілеу кезі. ҰБТ-да оқушылар жылдан жылға өсу көрсеткішін көрсетіп, оқу орнына түсу білім грантын иеленуде. Атап айтсақ, 2022-2023 оқу жылында ҰБТ-да орташа көрсеткіші – 86,1 ұпай болып, 13 оқушы грант иегері болды. 3 оқушы «Алтын белгі» иегері, 1 оқушы «Үздік аттестат» иегері атанды. 5 оқушы колледждің грантына ие болып білім алуда.&nbsp;Биылғы оқу жылындағы үлкен жаңалықтың бірі – «Жайлы мектеп» жобасы аясында 300 орындық білім ордасы салынуда. 2023 жылдың қараша айының 1-жұлдызында іргетасы қаланған білім ордасының құрылысын «Асар» жауапкершілігі шектеулі серіктестігі жүргізіп жатыр. Құрылыс бастығы Б.Еспембетовтің айтуынша, «Тапсырыс беруші «Самұрық - Қазына» акционерлік қоғамы. Мектеп үйі екі қабаттан тұрады. Жайлы мектеп болғандықтан спорт кешені, ойын алаңы барлығы қарастырылған. 2024 жылы тамыз айында құрылыс аяқталады деп &nbsp;жоспарланған».<img src="https://knadmin.beoblood.kz/uploads/860b4496_fdf3_4ad5_ab69_ba1f4a3f9428_48f0034c64.jpg" alt="860b4496-fdf3-4ad5-ab69-ba1f4a3f9428.jpg"> &nbsp;

 Үздіктер басқосқан білім ордасы

Тәуелсіз еліміздің ертеңгі болашағы білімді жастардың қолында. Заманауи жаңашыл жас педагог – кемел келешектің жарқын болуына себепші болатын тұлғаның бірі.&nbsp;Бәсекеге қабілетті ел тізгінін ұстар жас ұрпаққа тәлімді тәрбие мен сапалы білім беру және ертеңгі болашағына оң бағыт-бағдар көрсету – қашан да әрбір ұстаздың азаматтық борышы мен жауапты міндеті. Қазіргі таңда шәкірттеріне заманауи білім мен тағылымды тәрбие беріп, игілікті істің жаршысы болып жүрген жаңашыл жас ұстаздарымыздың қатары көбейіп келеді. №44 орта мектептің жас педагогы – Талшын Сырлыбаева қарапайым ауыл балаларына білім нәрін беріп, жеке тұлға болып қалыптасуына еңбек етіп жүрген білікті де білімді, ізденімпаз маманның бірі.&nbsp;Білікті маман 1996 жылдың тамыз айында Шаған ауылында дүниеге келген. Бала күнінен зерек, оқуға құштар болып өскен бүгінгі кейіпкеріміз 2013 жылы Шаған ауылының №37 орта мектебін ойдағыдай тәмәмдап, Ақтөбе қаласындағы Құдайберген Жұбанов атындағы Ақтөбе өңірлік мемлекеттік университетінің грант иегері атанған. Мектеп қабырғасында оқып жүрген кезінен-ақ белсенді, оқуда озат, білімге құштар болған ол жоғарғы оқу орнын «Әлеуметтік педагогика және өзін-өзі тану» мамандығы бойынша үздік дипломмен бітіреді. Талшын Сырлыбаева алғашқы еңбек жолын 2018 жылдың қыркүйек айында өзі туып өскен Шаған ауылының №37 мектеп-лицейінің «Әлеуметтік педагог» маманы болып бастаған. Жаңашыл педагогтың басты мақсатының бірі – шәкірттерінің шығармашылық әлеуетін көтеруге жан-жақты жұмыс істеу болып табылады. Ол түрлі жаңа әдіс-тәсілдерді қолдана отырып, оқушылардың оқу-білімге, шығармашылыққа деген қызығушылығы мен белсенділігін арттырады. Ұлағатты ұстаз отбасылық жағдайға байланысты 2021 жылдың сәуір айынан бастап Қоғалыкөл ауылының №44 орта мектебіне ауысып, «Өзін-өзі тану» маманы қызметіне орналасады. Біліктілігімен көзге түсіп, іргелі ұжымның ортасында сыйлы болып жүрген Талшын 2023 жылдың қыркүйегінен қазірге дейін әлеуметтік педагог қызметін атқарып келеді.<blockquote>&nbsp; – Талшын Жанболатқызын мектебіміздің білікті әрі өз ісіне өте үлкен жауапкершілікпен қарайтын тиянақты мамандардың бірі десем артық айтқаным емес. Ол жыл көлемінде мектептегі әлеуметтік жағдайы аз қамтылған, толық емес отбасы балаларына әлеуметтік көмек қолдау көрсетіп қана қоймай, одан бөлек «Мектепке жол» акция­сы аясында оқуға қажетті құрал-жабдықтармен, киім-кешекпен қамтамасыз етуге, оқушылардың жазғы демалысын тиімді ұйымдастыру үшін облыстық, аудандық, мектеп жанындағы лагерлерге ауыл кәсіпкерлерімен байланыса отырып, демеу­шілік жасап игі іс-шараларды атқарып келеді. Осындай білім саласындағы атқарған елеулі еңбектері еленіп облыстық, аудан­дық, мектепішілік және ауыл әкімінің алғыс хаттарымен марапатталған. Жас педагог өз тәжірибесін шыңдау мақсатын­да жыл сайын аудандық жарыс­тарға белсене қатысады. 2022 жылы Сырдария аудандық «Үздік әлеуметтік педагог-2022» байқауына қатысып, жүл­делі І орынды иеленсе, 2023 жылы да дәл осы аудандық байқауда жүлделі І орынды иеленіп, облыстық кезеңінен ІІІ орын иегері атанды. Өз ісінің білгірі атанған Талшынның алға қойған мақсаты – өскелең ұрпақты заман талабына сай тәрбиелеу, тұлғаның бойына жауапкершілікті, өз Отанына деген міндет-борышын атқаруына, оның гүлденіп, өркендеуіне атсалысуына үйрету, өз тіліне, өзіне сүйіспеншілігін қалыптастыру, үлкенді сыйлап, кішіге қамқорлық көрсету, табиғатты аялауға ықпал ету керектігін алға тартады. Еліміздің болашағы бүгінгі жас ұрпақ дейміз, ал сол жастарымыздың тәлім-тәрбиесі мен сапалы білім алуы мына біздің қолымызда. Парасат пайымы жарасқан Талшындай білікті де білімді ұстаздарымыз барда еліміздің болашағынан көп үміт күтуге болады, – дейді мектеп директорының бағдарлы оқыту жөніндегі орынбасары Айдос Оспанов.</blockquote>&nbsp; «Жас келсе – іске» деген жақсы сөз бар. Бойындағы жастық жігері мен жаңашылдығын шәкірт тәрбиесіне жұмсауды жөн санайтын кейіпкеріміздің жеткен жетістіктері де аз емес. 2024 жылы облыстық «Әлеуметтік педагогтың білім беру жүйесіндегі қызметі және әртүрлі санаттағы балалармен жұмыс» атты семинарда «Мұғалім – ата-ана – оқушы» үштігі негізінде білім алушылардың жекелеген санаттарын әлеуметтік-педагогикалық қолдау тақырыбында үздік жұмыс көрсетті. Нәтижесінде облыстық «Тәрбие, спорт, қосымша білім беру» орталығының «Алғыс хатымен» марапатталды.&nbsp;Ұстаз болу – жүректің батырлығы. Әр оқушының көңілін табу, олардың тұлға болып қалыптасуына сүбелі үлес қоса білу, сапалы білім мен тәрбие беру әркімнің қолынан келе бермейді. Ол үлкен жауапкершілікті, мейірімділікті, сабырлық пен шыдамдылықты қажет етеді. Осы тұста осындай игілікті іс атқарып, келешек ұрпақ тәрбиелеуде өз уақытын аямай, өзгенің бақытын аялап, тынымсыз қызмет етіп жүрген ұлағатты ұстаздар қауымы үлкен құрмет әбден лайық.

Ауыл мектебіндегі білікті жас маман

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты Қоғалыкөл ауылында қарашаңырақтың түтінін түтеткен әрбір отбасы тарихы тереңде жатқан көл жағасында қоныстанғаны мәлім. Ризық-несібесін жерден терген Қоғалыкөл ауылының қашанда берекесі тасыған. Есімі елге белгілі театр падишасы Сәбира Майқанова, өнердің жарқын өкілі Сұлтан Қожықов пен Серәлі Лапиннің туған жерінің қойнауында қаншама ашылмаған сыр жатыр. Өткен ғасырдан бері мәдениет саласында елеулі өзгеріс орын алып, ауылдағы өнер ордасы таланттар шеберханасына айналған.Бүгінде аудандық мәслихат депутаты Динара Ибадуллаева жетекшілік ететін ауылдық клуб үйінің ұжымы 1972 жылдан бері халыққа мәдени, рухани бағыт бойынша үздіксіз жұмыс жасап келеді. Осы аралықта сахна саңлақтары ауыл мәдениетін көтеруге зор үлес қоса білген. Мәселен, 52 жыл бұрын мәдениет ошағына ардақты азамат Балтабай Еламанов басшылық жасаса, содан кейін мәдениет саласының майталманы Күлшира Көмірбаева ел-халықтың ішінде елеулі қызметімен танылды. Сонымен қатар білікті басшы Ермекбай Әдікенов ауыл мәдениетінің күретамырына қан жүгіртеді. Ал 2016-2021 жылдары музыка маманы Ләззат Сапарбаева ілкімді істерімен көпшіліктің ыстық ықыласына бөленеді.<blockquote>– Біз үшін өткен күн – тарих. Қаншама алыптар шыққан мекенде ұлт құндылығы ешқашан жұтамайды. Шын мәнінде, әрбір басшының өзіндік қолтаңбасы қалыптасқан. Анығын айтқанда, Балтабай ағамыз 1974 жылы Алматы қаласына жерлесіміз КСРО халық әртісі Сәбира Майқанованы іздеп барған екен. Ардақты азамат жерлесінің шаңырағынан дәм татып, ауылдағы ашылған театр әртістеріне арнайы грим алып қайтқанын көпшілік жақсы біледі. Бұдан бөлек Күлшира мен Ләззат апамыздың, Ермекбай ағамыздың мәдениет үйінде жүріп өткен жолы қаз-қалпында сақталған секілді. Әрине, тәжірибелі басшылардың ақыл-кеңесін ала отырып, өнердің өрісін кеңейтіп келеміз, – деді ауылдық клуб үйінің директоры Динара Ибадуллаева.</blockquote>Негізінен, осыдан 12 жыл бұрын аудандық бюджеттен қаржы бөлініп, ауылдық клуб үйінің жаңа ғимараты пайдалануға берілді. Осы күні ұжымда 8,5 штаттық бірлік бойынша 10 қызметкер жұмыс жасайды. Өткен жылы жоспар бойынша 52 іс-шара өткізіліп, 5178 көрермен тартылды. Ал аудандық деңгейде ақын М.Жұмабаевтың 130 жылдығына «Мен жастарға сенемін» тақырыбында жазба ақындар мүшайрасы өткізілсе, композитор Ә.Бейсеуовтың 85 жылдығына орай аудандық «Әсеттің әсем әндері-ай» атты әншілер байқауы өтті. Облыстық дәрежеде Құрманғазы Сағырбайұлының 200 жылдығына арналған «Күмбірле күй домбыра» тақырыбындағы кәсіби күйшілер байқауы жоғары деңгейде ұйымдастырылған болатын.<blockquote>– Қоғалыкөл ауылдық клуб үйінің жанынан құрылған 5 үйірмеде талантты балалар қамтылды. Шындығында, «Ән», «Сурет», «Домбыра», «Ардагерлер» ансамблі, «Көркемсөз» үйірмесіндегі оқушыларымыз аудандық, облыстық, республикалық байқауда топ жарып жүр. Есепті мерзімде «Адал адам» мәдени-тәрбие орталығы тұжырымдамасы бойынша және өзгеде бағытта өткізілген іс-шара саны – 40-қа жеткен. Мәдениет ошағында әдіскер Гүлшара Сарбасова, мәдени ұйымдастырушы Райхан Шүкірәлиева қажырлы еңбек етуде. Әрине, аудан құрамына кіретін үлкен ауылдың бірі саналатын Қоғалыкөлде мәдениет саласын жандандыруға барымызды саламыз. Кәсіби мамандардың біліктілігінің арқасында ауыл мәдениетін лайықты түрде жүргізе береміз, – деді кәсіпорын басшысы.</blockquote>

Қазақстан және Қызылорда облысының жаңалықтары: Білім