<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім министрлігі бүгін, 2025 жылғы 9 маусымда қазақстандық талапкерлерге маңызды ақпаратпен жүгінді, деп хабарлайды <a href="https://kaz.zakon.kz/kogam-tynysy/6062862-azastandy-talapkerlerge-mayzdy-kntzbe-synyldy.html">Zakon.kz.</a>Нақтырақ айтқанда, оларға 2025-2026 оқу жылына түсу күнтізбесі ұсынылды.<ul><li style="text-align:justify;">Ұлттық бірыңғай тестілеу 16 мамыр-7 шілде аралығында өтеді;</li><li style="text-align:justify;">ЖОО-ға құжаттарды қабылдау 20 маусым-25 тамыз;</li><li style="text-align:justify;">"Педагогикалық ғылымдар" және "Денсаулық сақтау" мамандықтарына түсушілер үшін арнайы емтихандар 20 маусым-20 тамыз аралығында (конкурсқа қатысу үшін 20 шілдеге дейін өткізіледі);</li><li style="text-align:justify;">Шығармашылық емтихандарға қатысу үшін өтініштер 20 маусым-10 тамыз (конкурсқа қатысу үшін 7 шілдеге дейін) аралығында қабылданады;</li><li style="text-align:justify;">Шығармашылық емтихандар 7 шілде-15 тамыз (конкурсқа қатысу үшін 20 шілдеге дейін) аралығында өтеді;</li><li style="text-align:justify;">Білім беру гранттары конкурсына қатысуға өтініштер 13 шілде-20 шілде аралығында қабылданады;</li><li style="text-align:justify;">Грант иегерлерінің тізімі 10 тамызға дейін жарияланады.</li></ul><blockquote>"Қосымша ақпаратты ЖОО ресми парақшалары мен сайттарынан ала аласыздар",- деп мәлімдеді министрлік.</blockquote>Фото: Нұрболат Нұржаубай

Қазақстандық талапкерлерге маңызды күнтізбе ұсынылды

<a href="https://kyzylorda-news.kz/">Kyzylorda-news.kz</a> &nbsp;Қорқыт Ата атындағы Қызылорда университеті ҚР жоғары оқу орындары сұранысының тәуелсіз рейтингі–2025 версиясы бойынша ҚР ҮЗДІК-20 ЖОО қатарында.2025 жылғы 2 мамырда Аккредиттеу және рейтингтің тәуелсіз агенттігі (АРТА) өткізетін ҚР жоғары оқу орындары сұранысының тәуелсіз рейтингі – 2025 қорытындысы жарияланды. 2025 жылы бағаланған білім беру бағдарламаларының саны 1650-ге жетті. Рейтинг Қазақстанның үздік жоғары оқу орындары қатарына кірген ҚР ҮЗДІК-20 ЖОО анықтады. Рейтингке көпсалалы, техникалық, гуманитарлық-экономикалық, медициналық және педагогикалық бағыттағы жоғары оқу орындары, сондай-ақ өнер жоғары оқу орындары қатысты. Рейтинг қорытындысы бойынша Қорқыт Ата атындағы Қызылорда университеті 63700 баллмен 7-орынға ие болды.&nbsp;Университеттің 29 білім беру бағдарламасы үздік үштік қатарында:БАКАЛАВРИАТ 1.&nbsp; 6B01404 - Бастапқы әскери дайындық мұғалімдерін даярлау &nbsp;- 3 орын 2.&nbsp; 6B01407 - Музыкалық білім – 2 орын 3.&nbsp; 6B02128 - Дәстүрлі музыка өнері &nbsp;- 1 орын 4.&nbsp; 6B02130 - Хореография &nbsp;- 3 орын 5.&nbsp; 6В02234 - Археология және этнология – 3 орын 6.&nbsp; 6В07261 - Мұнай газ ісі &nbsp;- 2 орын 7.&nbsp; 6B11401 - Әлеуметтік жұмыс – 2 орын 8.&nbsp; 6В07263 - Геология және пайдалы қазба кен орындарын барлау – 3 орын 9.&nbsp; 6В07365 - Құрылыс – 2 орын 10.&nbsp; 6В08171 – Агрономия - 3 орын 11.&nbsp; 6В08674 - Су ресурстары және суды пайдалану – 2 орын 12.&nbsp; 6В11279 - Өміртіршілігінің қауіпсіздігі және қоршаған ортаны қорғау – 3 орын 13.&nbsp; 6В07366 - Құрылыс материалдарын,бұйымдарын және конструкцияларын өндіру – 3 орын 14.&nbsp; 6В07367 - Инженерлік жүйелер мен желілер – 3 орынМАГИСТРАТУРА 1.&nbsp; 7M01104 - Педагогика және психология – 3 орын 2.&nbsp; 7М01303 - Бастауышта оқыту педагогикасы мен әдістемесі – 3 орын 3.&nbsp; 7М01510 - Математика – 3 орын 4.&nbsp; 7М01515 – Химия – 3 орын 5.&nbsp; 7М01619 - Тарих – 3 орын 6.&nbsp; 7М07365 – Құрылыс – 2 орын 7.&nbsp; 7M08674 - Су ресурстары және суды пайдалану – 2 орынДОКТОРАНТУРА 1.&nbsp; 8D01303 - Бастауыш оқыту педагогикасы мен әдістемесі - 2 орын 2.&nbsp; 8D01510 - Математика педагогтерін даярлау &nbsp;- 3 орын&nbsp; 3.&nbsp; 8D01515– Химия &nbsp;- 2 орын 4.&nbsp; 8D01517 - Биология &nbsp;- 2 орын 5.&nbsp; 8D04139 - Мемлекеттік және жергілікті басқару – 1 орын 6.&nbsp; 8D07365 - Құрылыс – 2 орын 7.&nbsp; 8D07366 - Құрылыс материалдарын, бұйымдарын және конструкцияларын өндіру – 3 орын 8.&nbsp; 8D08675 - Жерді мелиорациялау, баптау және қорғау – 2 орын.

Қорқыт Ата университеті Қазақстан Республикасының ТОП-20 университетінің қатарына енді

<a href="https://kyzylorda-news.kz/">Kyzylorda-news.kz</a> 5 маусым күні Ж.Нұрманов атындағы №198 орта мектебінде Қызылорда облыстық “Славяне” этномәдени орталығының ұйымдастыруымен мазмұнды іс-шара өтті. 6 маусым – ақын Александр Сергеевич Пушкиннің туған күнімен қатар, Халықаралық орыс тілі күні ретінде де кеңінен аталып өтуде.Шараның алғы сөзін “Славяне” орталығының төрағасы Галина Щербакова бастап, барлық қатысушыларды айтулы мерекемен құттықтап, орталықтың жұмысына, сондай-ақ Қазақстан халқы Ассамблеясының 30 жылдығы аясында жүзеге асырылған игі істерге тоқталды.Оқушылар үшін арнайы А.С.Пушкиннің ертегілерінен бейнероликтер мен мультфильмдер көрсетіліп, бүлдіршіндердің таным көкжиегін кеңейтетін қызықты әрі тәрбиелік маңызы зор дүниелер ұсынылды.Кеш мазмұны ұлы ақынның шығармашылығындағы неміс мәдениетінің ықпалына арналды. Қатысушылар Пушкин өміріндегі неміс текті тұлғалар жайында тың тарихи деректермен танысты. Сонымен қатар, оқушылар мен кітапхана оқырмандары ақынның өлеңдерін орыс және неміс тілдерінде мәнерлеп оқып, көркем шығармаларынан үзінділер ұсындыШара соңында жазғы лагерді сәтті аяқтаған және әлеуметтік қолдауға мұқтаж отбасылардан шыққан балаларға тәтті балмұздақтар таратылды.<img src="https://knadmin.beoblood.kz/uploads/assambl_190f4ff41e.jpg" alt="ассамбл.jpg">

Қызылордада Пушкин шығармашылығына арналған жиын өтті

<a href="https://kyzylorda-news.kz/">Kyzylorda-news.kz</a> А.С.Пушкин атындағы кітапханада Халықаралық орыс тілі күніне орай «А.С.Пушкиннің өміріндегі неміс ойшылдары» атты әдеби-танымдық кеш өтті. Іс-шара Славяне және Неміс этномәдени орталықтарымен бірлесіп ұйымдастырылды және Қазақстан халқы Ассамблеясының 30 жылдығына арналған мерекелік онкүндік аясында өткізілді.Бағдарлама А.С.Пушкиннің портретіне гүл шоқтарын қоюмен басталды. Кештің ашылуында Славяне орталығының төрағасы Галина Щербакова сөз сөйлеп, Пушкиннің орыс әдеби тілінің қалыптасуына қосқан өлшеусіз үлесі мен орыс тілінің қазіргі әлемдегі орны туралы баяндады.Шара барысында Неміс этномәдени бірлестігінің төрағасы Ирина Шек құттықтау сөз сөйлеп, мәдени әртүрлілік пен халық достығын дәріптейтін мұндай жобалардың маңыздылығына ерекше тоқталды.Кеш мазмұны ұлы ақынның шығармашылығындағы неміс мәдениетінің ықпалына арналды. Қатысушылар Пушкин өміріндегі неміс текті тұлғалар жайында тың тарихи деректермен танысты. Сонымен қатар, оқушылар мен кітапхана оқырмандары ақынның өлеңдерін орыс және неміс тілдерінде мәнерлеп оқып, көркем шығармаларынан үзінділер ұсынды. Музыкалық бөлімде скрипкада классикалық туындылар шырқалып, “Сударушки” вокалдық тобының орындауындағы әсем ән кеш қонақтарына ерекше әсер қалдырды.Кеш соңында «Қоғамдық келісім» КММ директорының орынбасары Руслан Құрманов сөз алып, көпэтносты қоғамдағы мәдениетаралық үнқатысу мен рухани сабақтастықты нығайтудың маңыздылығына тоқталды. Ол кешке қатысқан барлық этномәдени бірлестіктерге ризашылығын білдіріп, Пушкиннің шығармашылығы түрлі этностар арасындағы рухани байланысқа дәнекер бола алатынын атап өтті.Сондай-ақ, кеш барысында әр этномәдени бірлестіктің төрағалары мен белсенді мүшелері А.С.Пушкиннің өлеңдерін оқып, ақын мұрасына деген құрметтерін білдірді.<img src="https://knadmin.beoblood.kz/uploads/assam_82cfe818dd.jpg" alt="ассам.jpg">

 Кітапханада әдеби-танымдық кеш өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Korkyt ata Endowment» корпоративтік қоры мен Жаратылыстану институтының «Биология, география және химия» білім беру бағдарламасының бірлесуімен техника ғылымдарының кандидаты, профессор Анипа Тапалованың атаулы стипендиясын тағайындау бойынша алғашқы конкурс өткізілді.Жиынды Әлеуметтік және тәрбие жұмыстары жөніндегі проректор Жандос Базартай және Жаратылыстану институтының директоры Нұрлыбек Ахатаев ашты.Конкурстың мақсаты — университетіміздің білім мен ғылымға ынталы, жоғары академиялық көрсеткіштерге ие, белсенді және жауапкершілігі жоғары студенттерін қолдау және ынталандыру. Бұл мүмкіндік «Химия» және «Химия-Биология» білім беру бағдарламасының студенттеріне арналды.Комиссия құрамына «Korkyt ata Endowment» қорының қамқоршылық кеңесінің мүшелері мен профессор-оқытушылар кірді.Сарапшылардың шешімімен Ұлбала Әріпжанова, Шахназ Уалиханова, Жандос Әбдіхамит атаулы стипендияның иегерлері атанды.Фото: Қорқыт ата атындағы ҚУ

Атаулы стипендия иегерлері анықталды

<a href="https://kyzylorda-news.kz/">Kyzylorda-news.kz</a> Ғылым және жоғары білім министрлігі 2025-2026 оқу жылына арналған қанша грант бөлінгенін және қай салаға басымдық беріліп, ел экономикасын көтеру үшін&nbsp;қандай мамандар сұранысқа ие екенін <a href="https://stan.kz/news-418506/">айтты</a>. Министрліктің мәліметінше, биылғы оқу жылына бөлінетін гранттар былтырғымен бірдей.&nbsp;Ғылым және жоғары білім министрлігіне қарасты Жоғары және жоғары оқу орнынан кейінгі білім комитеті төрағасының орынбасары Жанна Есинбаева сараланған гранттар мен “Серпін” бағдарламасына да тоқталды.&nbsp;2025-2026&nbsp;оқу жылына&nbsp;77 мыңнан астам&nbsp;грант бөлінген. Ведомствоның мәліметінше, мемлекеттік білім беру тапсырысы&nbsp;Еңбек министрлігі ұсынған кадрларға деген қажеттіліктің орта мерзімді болжамы негізінде жасалған.<ol><li style="text-align:justify;">Бакалавриат –&nbsp;77 мыңнан&nbsp;астам&nbsp;грант;</li><li style="text-align:justify;">Магистратура –&nbsp;10 мыңнан астам&nbsp;грант;</li><li style="text-align:justify;">Докторантураға –&nbsp;3 мыңға жуық&nbsp;грант.&nbsp;</li></ol><blockquote>“Былтыр да 78&nbsp;мыңға жуық грант бөлінген еді. Биыл мемлекеттік білім беру тапсырысы сол көлемде сақталды. Педагогика саласына 13 мыңнан астам, ақпараттық коммуникациялық технологияларға және инженерлік бағытта 20 мыңнан астам грант қарастырылған. Басқа салаларға қажеттілігіне сай бөлінді.&nbsp;Біздің экономикамызға байланысты қазір инженерлік, су&nbsp;және энергетика, жол құрылысы, көлік, әуе жолдары мен темір жол&nbsp;саласындағы мамандар қажет. Сол себепті дәл осы салаларға тиісті гранттар бөлініп отыр. Талапкерлердің арасында медициналық, педагогикалық және инженерлік бағыттарда, биотехнология, жеңіл өнеркәсіп, тау-кен істері мамандықтарына сұраныс көп. Былтырмен салыстырғанда грант көлемі сақталады”, –&nbsp;деді&nbsp;Жанна Есинбаева.</blockquote>Еңбек министрлігінің мәліметінше, 2030 жылға дейін 800 мыңнан астам жоғары білімді мамандар қажет. Оның&nbsp;ішінде:<ul><li style="text-align:justify;">60%-дан астамы –&nbsp;инженерлік білімі&nbsp;бар мамандар,</li><li style="text-align:justify;">21%-ы –&nbsp; педагогикалық білімі бар мамандар.</li></ul>Ал сараланған гранттар биыл екі дайындық бағытына беріліп отыр. Ол педагогикалық және әлеуметтік ғылымдар саласына бөлінді.<blockquote>“Былтырғыдай 300 грант қарастырылды. Яғни, былтырғы пилоттық жоба биыл жалғасады.&nbsp;Сараланған гранттың негізгі ерекшелігі –&nbsp;негізгі конкурс кезінде грант ала алмаған, бірақ Ұлттық бірыңғай тесттен жоғары балл алған талапкерлерге грантқа түсуге мүмкінді береді. Биыл сараланған грант байқауы негізгі байқаудан бөлек өткізіледі. Яғни, негізгі, жергілікті атқарушы органдардың, жұмыс берушілер тарапынан берілетін және “Қазақстан халқына” қорынан берілетін гранттар&nbsp;конкурсы аяқталған соң, сараланған гранттар байқауы өтеді. Сараланған гранттың құны –&nbsp;500 мың теңгедан басталады. Мемлекет тарапынан 500 мың теңге төленеді,&nbsp;ал қалған жартысын талапкердің өзі немесе басқа де демеушілік қаржы есебінен төлеу мүмкіндігі қарастырылған. Сараланған грантқа ешқандай құжат тапсырудың қажеті жоқ. Негізгі гранттар конкурсы шілденің 13-20 арасында өтеді, яғни бір апта бойы құжатар қабылданады. Сол тапсырылған құжат жетілікті, ол сараланған гранттар конкурсына жарамды. Конкурс базада сақталған талапкерлер арасында жүргізіледі”, –&nbsp;деді ведомство өкілі.</blockquote>Биыл “Серпін” бағдарламасына 2 мыңнан астам грант қарастырылған. Айта кетейік, стандартты грант бойынша жұмыс өтеу мерзімі 3 жыл&nbsp;болса,&nbsp;“Серпін” бағдарламасымен оқыған студенттер үшін&nbsp;2 жыл.&nbsp;<blockquote>Сондай-ақ 2025-2026 оқу жылында мемлекет&nbsp;“Инженерлік, өңдеу, құрылыс» саласына басымдық беріп,&nbsp;18 946 грант&nbsp;бөлген. Ал педагогтерді дайындауға&nbsp;13 226 грантқа&nbsp;тапсырыс берілді.</blockquote>“Ақпараттық-коммуникациялық технологиялар”&nbsp;–&nbsp;11 585;“Жаратылыстану ғылымдары, математика және статистика”&nbsp;–&nbsp;9 188;“Ауыл шаруашылығы және биоресурстар”&nbsp;–&nbsp;2 379;“Қызмет көрсету” –&nbsp;2 200;“Өнер және гуманитарлық ғылымдар” –&nbsp;1915;“Әлеуметтік ғылымдар, журналистика және ақпарат”&nbsp;–&nbsp;1485;“Бизнес, басқару және құқық”&nbsp;–&nbsp;1423;“Ветеринария” –&nbsp;1 275.Фото: Нұрболат Нұржаубай

Биыл қай салаға қанша грант бөлінді: Қазақстанда сұранысқа ие мамандықтар аталды

<a href="https://kyzylorda-news.kz/">Kyzylorda-news.kz</a> Биылғы негізгі Ұлттық бірыңғай тестілеу басталғаннан бері 116 мыңға жуық сынақ өткізілді. Бұл туралы Ғылым және жоғары білім министрлігінің баспасөз қызметі <a href="https://kaz.inform.kz/news/ubt-keznde-142-erezhe-buzushilik-aniktaldi-ministrlk-51d0a8/">хабарлады</a>.Атап айтқанда, 2025 жылғы 16 мамырда басталған негізгі ҰБТ аясында талапкерлердің 72 пайызы тестілеуді қазақ тілінде, 28 пайызы орыс тілінде тапсырса, 114 үміткер сынақты ағылшын тілінде тапсырған.Екінші аптаның қорытындысы бойынша тест тапсырушылардың 66,8 пайызы шекті балл жинаған. Бес пән бойынша орташа көрсеткіш 64 балл болды. Ең жоғары нәтиже – 140 балл Түркістан облысының талапкері Әбілхан Жәнібектің еншісінде.&nbsp;Ол бұл көрсеткішке тестілеудің алғашқы аптасында қол жеткізген.Министрлік мәліметінше, талапкерлер арасында ең көп таңдалған пәндер комбинациясы – «Математика-Физика» (19%), «Шығармашылық емтихан» (15%) және «Биология-Химия» (14%).Ерекше білім беру қажеттіліктері бар талапкерлер үшін жасалған қолайлы жағдайлардың арқасында 384 үміткер ҰБТ-ға қатысқан.ҰБТ-ны өткізудің алғашқы аптасында 142 ереже бұзушылық фактісі тіркелген. 68 талапкер тыйым салынған заттарды – смартфондар мен шпаргалкаларды – аудиторияға алып кірмек болғаны үшін тесттен шеттетілді. Тағы 74 адам тестілеу барысында ереже бұзғаны үшін аудиториядан шығарылып, олардың нәтижелері жойылған. Өзге тұлғаның орнына кіру деректері тіркелмеген.2025 жылғы ҰБТ аяқталғаннан кейін күнтізбелік жылдың 31 қазанына дейін барлық бейнежазбаға талдау жүргізіледі. Егер тестілеу кезінде ереже бұзу немесе тыйым салынған заттарды пайдалану фактілері анықталса, талапкердің нәтижелері жойылады.Айта кетейік, тест тапсырғаннан кейін 30 минут ішінде талапкерлер тест мазмұны бойынша апелляцияға өтініш бере алады. Ал техникалық себептер бойынша өтініштер тестілеу кезінде қабылданады. Апелляция қаралған соң, нәтижелері бар сертификаттар талапкерлердің жеке кабинеттеріне жүктеледі.Фото: Нұрболат Нұржаубай

ҰБТ кезінде 142 ереже бұзушылық анықталды – министрлік

<a href="https://kyzylorda-news.kz/">Kyzylorda-news.kz</a>&nbsp; Қызылордада физика-математика бағытындағы «Білім-инновация» лицей-интернатының ашылу рәсімі өтті. Оған Қазақстан Республикасы Премьер-министрінің орынбасары Ермек Көшербаев, облыс әкімі Нұрлыбек Нәлібаев, Парламент Сенатының депутаттары Наурызбай Байқадамов, Руслан Рүстемов, Мәжіліс депутаттары Мұрат Әбенов, Мархабат Жайымбетов, Мұрат Ергешбаев, академик, Мемлекеттік сыйлықтың иегері, физика-математика ғылымдарының докторы, Қазақстанның Еңбек Ері Асқар Жұмаділдаев, “Білім-инновация” Халықаралық қоғамдық қорының президенті Дархан Өте арнайы қатысты.Рәсімде Премьер-министрдің орынбасары Ермек Беделбайұлы алғысөз сөйледі. Аймақ басшысы жиналған жұртшылықты жаңа білім ошағының ашылуымен құттықтады.<img src="https://knadmin.beoblood.kz/uploads/Fizmat_liczej_6_b05ee13c43.jpg" alt="Физмат лицей 6.jpg"><blockquote>“Мемлекет басшымыз Қасым-Жомарт Кемелұлы: «Сапалы білім – жетістікке жетудің жолы әрі экономиканы дамытудың басты құралы. Жеті түрлі ілім білетін ұрпақ тәрбиелеу – бүгінгі күннің негізгі міндеті», - деген болатын. Еліміздің болашағы жастарымызға сапалы білім, саналы тәрбие беруге бағытталған жүйелі жұмыстар атқарылуда. Аймағымызда соңғы үш жылда білім беру саласына бөлінген қаржы көлемі 304 млрд. 600 млн. теңгені құрап, 32 пайызға артты. Біздің ең бірінші міндетіміз - балаларымыздың білім алуына қолайлы жағдай жасап, жайлы орта қалыптастыру. 2023 жылы Қызылорда қаласындағы 4 мектепке 1 850 орындық қосымша құрылыс салу есебінен үш ауысымдық мектептер мәселесі түбегейлі шешімін тапты. Алаш қайраткері Міржақып Дулатұлы: «Ұрпағы білімді халықтың болашағы бұлыңғыр болмайды», - деп атап өткендей, жаңа білім ғимаратынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болғай.”, - деді Н.Нәлібаев.</blockquote><img src="https://knadmin.beoblood.kz/uploads/Fizmat_liczej_4_bc531fc84f.jpg" alt="Физмат лицей 4.jpg">Іс-шарада академик, Қазақстанның Еңбек Ері Асқар Серқұлұлы, Парламент Мәжілісінің депутаты Мұрат Абдуламитұлы, Мұрат Бақтиярұлы құттықтау сөз сөйледі. Физика-математика лицей- интернатының құрылысын сапалы жүргізген құрылысшылар мен білім саласы қызметкерлері облыс әкімінің Алғыс хатымен марапатталды.Айта кету керек, Президентіміздің бастамасымен қолға алынған «Жайлы мектеп» ұлттық жобасы аясында 3 мың орындық 6 мектеп ел игілігіне берілді. Тағы 4 мектеп биыл жаңа оқу жылында іске қосылады.<img src="https://knadmin.beoblood.kz/uploads/Fizmat_liczej_5_abf55dd2c8.jpg" alt="Физмат лицей 5.jpg"><img src="https://knadmin.beoblood.kz/uploads/Fizmat_liczej_2_26cdf14148.jpg" alt="Физмат лицей 2.jpg">Фото: Қызылорда облысы әкімінің баспасөз қызметі

Физика-математика бағытындағы жаңа білім ордасы ашылды

<a href="https://kyzylorda-news.kz/">Kyzylorda-news.kz</a>&nbsp; Қостанайдағы Береке шағын ауданында 980 орынға шақталған мектептің құрылыс жұмыстарына тексеру жүргізіліп, нәтижесінде кемшіліктер анықталды. Бұл туралы Қаржы министрлігінің ішкі аудит комитетіне сілтеме жасай отырып&nbsp;<a href="https://el.kz/mektep-qurylysyna-bolingen-123-mlrd-tenge-talan-tarazhga-salyngan_400025487/">El.kz</a>&nbsp;интернет порталы хабарлайды.Мердігер ұйым «Лидер-НК» ЖШС бюджеттен 1,23 млрд теңге көлемінде&nbsp;қаражат алып, іс жүзінде өзіне жүктелген міндетті тиісті түрде орындамаған. Бұған аудиторлар жұмыс актілерін нысанның жағдайымен салыстыру кезінде көз жеткізді.Аудит материалдары құқық қорғау органдарына тапсырылды.&nbsp;Аталған факті бойынша қылмыстық іс қозғалды.&nbsp;Фото: freepik.com

Мектеп құрылысына бөлінген 1,23 млрд теңге талан-таражға салынған

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстан Республикасы Конституциясының 30 жылдығына арналған «Ата Заң-тәуелсіздік тірегі» атты көшпелі сараптамалық кездесу өтті.Жиында Қорқыт ата атындағы Қызылорда университетінің Ғылыми жұмыстар және халықаралық байланыстар жөніндегі проректор Майнура Бурибаева «Құқықтану» бағыты бойынша атқарылып жатқан жұмыстарға тоқталды.Іс-шараның мақсаты – ел Конституциясының қоғамдағы рөлін кеңінен насихаттау, оның тарихи және құқықтық маңызын терең түсіндіру, жастардың құқықтық мәдениетін арттыру, құқықтық сана мен азаматтық жауапкершілікті қалыптастыру.Кездесуде Қазақстан Республикасы Конституциялық Сот судьясы Айгүл Қыдырбаева «Қазақстан Республикасы Конституциясының үстемдігін қамтамасыз ету» атты баяндамасында Қазақстан Республикасы Конституциясының үстемдігін қамтамасыз ету мемлекеттің құқықтық негізін сақтау мен нығайтудың басты міндеті екендігіне тоқталды. Конституция еліміздің ең жоғары заңды құжаты болып, барлық заңдар мен нормативтік актілердің оған сәйкес болуын қамтамасыз ететінін атап өтті. Сондай-ақ, Конституцияның үстемдігі қоғамдағы құқықтық тәртіпті нығайтып, азаматтардың құқықтары мен бостандықтарын қорғауға мүмкіндік беретініне тоқталды.Сонымен қатар, «Қазақстан Республикасы Конституциялық Сотына жүгінуге жол беру мәселесі және конституциялық бақылау органы қызметінің жай-күйі» тақырыбы бойынша Қазақстан Республикасы Конституциялық Сот апаратының сарапшысы Алия Бердібаева баяндама жасап, Конституциялық Сотқа жүгінудің қолжетімділігі мен ашықтығы конституциялық құқықтардың қорғалуын қамтамасыз етуде маңызды екендігін сөз етті.Жиынға сондай-ақ, Қазақстан Республикасы Бас прокуратурасының Аға прокуроры Серік Әділкенұлы және Қызылорда облысы прокурорының бірінші орынбасары Исламбек Төлегенов пен университеттің профессор-оқытушылар құрамы қатысты.Кездесу – тек ақпарат алмасу алаңы ғана емес, қоғамның құқықтық санасын оятатын, ой саларлық маңызды диалог алаңына айналды. Ата Заңның құндылықтары мен қағидаттарын терең түсіну – әр азаматтың борышы. Осындай мазмұнды шаралар – құқықтық мәдениетті қалыптастыру жолындағы маңызды қадам.

Университет көшпелі сараптамалық кездесу өткізді

<a href="https://kyzylorda-news.kz/">Kyzylorda-news.kz</a> &nbsp;Оқу-ағарту министрлігі 2024–2025 оқу жылының қорытындысы бойынша еліміздегі ең үздік 100 мектептің тізімін жариялады. Бұл туралы <a href="https://stan.kz/kazakstandagi-en-uzdik-100-mekteptin-tizimi-zhariyaland-418594/">Stan.kz </a>ақпарат агенттігі хабарлайды.&nbsp;<a href="https://www.gov.kz/memleket/entities/control/documents/details/847511?lang=kk">Тізім</a> Қазақстандағы орта білім беру сапасына жүргізілген кешенді бағалау негізінде жасалған.Ең үздік мектептерді іріктеу оқу-ағарту министрлігіне қарасты білім саласында сапаны қамтамасыз ету комитетінің талдауы негізінде жүргізілді. Бағалау барысында тек академиялық көрсеткіштер ғана емес, сондай-ақ бірнеше әлеуметтік факторлар да ескерілген:- білім сапасын сырттай бағалау нәтижелері;- PISA және PISA for Schools халықаралық зерттеулеріне қатысуы;- білім жетістіктерін мониторингтеу деректері;- мұғалімдердің біліктілігі мен оқушылардың жетістіктері;- инклюзивті білім беру сапасы;- мектеп ішіндегі микроклимат пен тәрбие беру ортасы;- мектептердің экологиялық, ғылыми және әлеуметтік жобаларға қатысуы.<blockquote>"Бұл жай ғана рейтинг емес, бұл – мектептегі білім беру үдерісіне қатысушы барлық тараптардың: мұғалімдер мен директорлардан бастап, оқушылар мен ата-аналарға дейінгі кәсібилігін бағалау", – дейді комитет төрағасының орынбасары Майра Мелдебекова.</blockquote>Астана қаласында үздік мектептер ретінде келесі білім ордалары танылды:- Жамбыл Жабаев атындағы №4 мектеп-гимназиясы;- №73 мектеп-лицейі;- Шейх Халифа бен Заид Әл Нахаян атындағы №84 мектеп-лицейі;- Әлімхан Ермеков атындағы №38 мектеп-лицейі;- Абай Құнанбайұлы атындағы №87 мектеп-гимназиясы.Алматы қаласында:- Бауыржан Момышұлы атындағы №131 мектеп-лицейі;- №173 мектеп-лицейі;- Мұқағали Мақатаев атындағы №140 гимназия;- №16 лицей;- №15 гимназия.Шымкент қаласында үздік деп танылған мектептер тізімі төмендегідей:- Зоя Космодемьянская атындағы №23 мектеп-лицейі;- Ыбырай Алтынсарин атындағы №65 мектеп-гимназиясы;- А.С. Пушкин атындағы №1 мектеп-гимназиясы;- Н.Д. Оңдасынов атындағы №38 мектеп-гимназиясы;- Өлкетанушы ғалым О. Жолдасбеков атындағы №9 IT лицейі.Үздік мектептердің <a href="https://www.gov.kz/memleket/entities/control/documents/details/847511?lang=kk">толық тізімін</a> министрлік сайтынан көруге болады.Фото: Нұрболат Нұржаубай

Қазақстандағы ең үздік 100 мектептің тізімі жарияланды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде ұлағатты ұстаз, тарихшы ғалым, тарих ғылымдарының кандидаты, профессор Меруерт Нағыметқызы Аңсатованы еске алуға «Отан тарихының іргелі мәселелері: алаштану, тұлғатану және тарихнамалық зерттеулер» тақырыбында республикалық семинар өтті.&nbsp; &nbsp;Жиынға зиялы қауым өкілдері, профессор-оқытушылар құрамы, ұстаздың шәкірттері, әріптестері мен туған-туыстары қатысты.Конференцияда Ғылыми жұмыстар және халықаралық байланыстар жөніндегі проректор Майнура Бурибаева Меруерт Нағыметқызының ғылымдағы жолы мен қоғамға сіңірген еңбектеріне тоқталды.Меруерт Аңсатова – саналы ғұмырын білім мен ғылымға арнап, бірнеше буын тарихшы мамандарын даярлаған ұлағатты ұстаз. Ұстаздық қызметімен қатар, ғылыми-зерттеу жұмыстарын да қатар алып жүрген ол отандық тарих ғылымының дамуына елеулі үлес қосты. Ғалымның халықаралық және республикалық басылымдарда 120-дан астам ғылыми мақаласы, 20-ға жуық ғылыми-әдістемелік құралы жарық көрген. Облыс тарихшыларымен бірлесіп «Сыр өңірі тарихы» ұжымдық еңбегін дайындауға атсалысқан.Ұстаздың еңбегі елеусіз қалған жоқ. Ол «Қазақстан Республикасының білім беру ісінің үздігі», Ыбырай Алтынсарин төсбелгісінің иегері, Қазақстан Республикасы Президентінің және министрлік деңгейіндегі бірнеше Құрмет грамоталары мен Алғыс хаттарымен марапатталған. 2019 жылы Қазақстан Республикасы жоғары оқу орындары қауымдастығының шешімімен «Жоғары және жоғары оқу орнынан кейінгі білім саласының үздік педагогы» атағын иеленді. Сонымен қатар, Қазақстан педагогикалық ғылымдар академиясының корреспондент мүшесі және облыс әкімінің 2012 жылғы стипендианты, «Қорқыт ата атындағы Алтын медаль» иегері.Семинарда Қорқыт ата атындағы Қызылорда университеттің «Тарих және археология» білім беру бағдарламасының аға оқытушысы, тарих ғылымдарының кандидаты Айтжан Оразбақов, Сәкен Сейфуллин атындағы Қазақ агротехникалық зерттеу университетінің Қазақстан тарихы кафедрасының қауымдастырылған профессоры, тарих ғылымдарының кандидаты Ляззат Джумалиева, әл-Фараби атындағы Қазақ ұлттық университетінің «Археология, этнология және музеология» кафедрасының қауымдастырылған профессоры Гүлжан Мейрманова, педагогика ғылымдарының магистрі, Қызылорда облыстық тарихи-өлкетану музейінің бөлім меңгерушісі Айгерім Беккулиева, Анкара Хажы Байрам Вели университетінің профессоры, тарих ғылымдарынын докторы Гүлжанат Құрманғалиева, Қорқыт ата атындағы Қызылорда университетінің су шаруашылығы және жерге орналастыру білім беру бағдарламасының профессоры, техника ғылымдарының докторы Серікбай Қошқаров, университет ардагері тарих ғылымдарының кандидаты, профессор Минсара Караманова, «Қазақ тілі мен әдебиеті және журналистика» білім беру бағдарламасының оқытушысы, доцент, филология ғылымдарының кандидаты Алдажар Әбілов және профессордың сіңілісі Фарида Ансатова, Гуманитарлық-педагогикалық институтының директоры, тарих ғылымдарының кандидаты, доцент Сағат Тайман ғалымның өмірі мен ғылыми мұрасы жайлы кеңінен баяндады.Конференция – ұлағатты ұстаздың жарқын бейнесін ұлықтап, оның ғылым мен қоғамдағы ізі мен өнегелі жолын кейінгі ұрпаққа үлгі етуге арналған тағылымды басқосу болды.

Қазақстан және Қызылорда облысының жаңалықтары: Білім