<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы мұғалімдердің кәсіби мерекесі елімізде ерекше аталып өтетінін жеткізіп, ұстаздар қауымына зор құрмет көрсетілетінін айтты.<blockquote>– Міржақып Дулатұлы «Халыққа ең пайдалы адам – мұғалім» деген. Мұғалім – әр азамат үшін өте қадірлі тұлға. Басқа сөзбен айтқанда, мұғалім – әрбір балаға өмір жолын көрсетеді. Ұстаз – тәлім-тәрбие мен білімнің қайнар көзі. Кез келген қоғамның кемелдігі, өркениеттілігі ұстазға деген қатынасымен өлшенеді. Ұстазын ұлықтаған елдің ұрпағы саналы, болашағы жарқын болары хақ. Себебі әр мұғалімнің еңбегі – ерен, еліміздің дамуына қосқан үлесі – орасан. Сондықтан бүгін мен білім беру саласында еңбек етіп жүрген барша азаматқа шынайы ризашылығымды білдіремін, – деді Қасым-Жомарт Тоқаев.</blockquote>Мемлекет басшысы озық ойлы ұлт болу үшін ең алдымен, білім-ғылымның дамуына баса мән беруіміз керек деп санайды.– Соңғы бес жылда елімізде осы бағытта көп жұмыс істелді. Білім саласына бөлінетін қаржы үш есе артты. 1200 жаңа мектеп ашылды. «Келешек мектептері» ұлттық жобасы жүзеге асырылып жатыр. Осы жоба бойынша заман талабына сай 150 білім ошағы салынды. Сондай-ақ осындай 67 мектептің құрылысы жүріп жатыр. Балалардың сапалы білім алуына қажетті барлық жағдай жасалуда. Бұл деректі халық білуі керек, себебі мемлекет жас ұрпақтың біліміне және ұстаздардың жағдайына баса назар аударып жатыр. Біз педагогтердің мәртебесін көтеріп, әлеуметтік жағдайын жақсарту үшін нақты шараларды қолға алдық. Арнайы заң қабылдадық. Бүгінде ұстаздардың жалақысы 2 есе өсті, – деді Президент.<a href="http://t.me/aqorda_resmi">t.me/aqorda_resmi</a>

Президент алдағы Ұстаздар күнімен құттықтады

<a href="https://kyzylorda-news.kz/">Kyzylorda-news.kz</a>&nbsp; Қыркүйектің соңғы күнінде Kyzylorda Hub алаңында ерекше атмосфера орнады: мұнда дәстүрлі Pizza Pitch шарасы өтті. Жас кәсіпкерлер, студенттер мен IT-ға қызығушы жастар бас қосып, сегіз бірдей жаңа жобаны көпшілік пен сарапшылар назарына ұсынды. Шараға шамамен елуге жуық көрермен қатысып, кеш бойы қызу пікірталас пен достық рух сезілді.Pizza Pitch – жастарға өз идеяларын бейресми әрі еркін ортада таныстыруға мүмкіндік беретін шара. Бір жағынан, бұл кәсіби дағдыларды шыңдау алаңы болса, екінші жағынан – жаңа таныстықтар орнатып, болашақ серіктестер табуға тамаша мүмкіндік. Бұл жолғы жиын да дәл сондай бағытта өрбіді.<img src="https://knadmin.beoblood.kz/uploads/Pizza_Pitch_37dd60dc03.jpg" alt="Pizza Pitch.jpg">Жобалар түрлі салаларды қамтыды. Бөлебай Бекболат пен Нуғуман Нұрдәулет стартап командаларына арналған бірыңғай экожүйе – Team Pass жобасын таныстырып, командалық жұмысты жеңілдетудің жаңа жолдарын көрсетті. Күнтуған Ұлан Telegram негізінде жұмыс пен жұмысшыны жылдам табуға көмектесетін Job Baraholka bot шешімін ұсынды. Мурзатай Тамирис күнделікті ас мәзірін әртараптандыруға бағытталған Mystery Meal Maker қосымшасын көрсетіп, пайдалы кеңестер мен рецепттерді бір жерге топтастырған. Ал Әміров Нұрсайыдтың Test Arena жобасы жасанды интеллект көмегімен оқу процесін ойын түрінде ұйымдастырып, тест тапсыруды қолжетімді етуге бағытталды.Білім беру саласын қолдаған тағы бір жоба – Жәріш Жанболаттың YqylasEdu платформасы. Бұл жүйе шет тілдерін үйренуді, университет курстарын шағын форматта меңгеруді жеңілдетеді. Құқық саласында Молдабек Ерасыл әзірлеген LawLay қосымшасы заңгерлерге кәсіби процестерін жылдам әрі тиімді атқаруға жәрдемдеседі. Ал Қанат Ернұр мен Әбдіқадыр Ильяс ұсынған IAI API Platform – Қазақстандағы алғашқы локальды жасанды интеллект платформасы. Оның басты мақсаты – студенттер мен әзірлеушілерге озық үлгідегі ЖИ модельдеріне қолжетімділік беру. Шара соңында Серікбаев Дархан құрылыс материалдарын өндірушілер мен сатып алушыларды біріктіретін Bmarket маркетплейсін таныстырды.<img src="https://knadmin.beoblood.kz/uploads/zhas_startapshylar_zha_a_ideyalarymen_b_listi_ee042199b6.jpg" alt="жас стартапшылар жаңа идеяларымен бөлісті.jpg">Кеш бойы қазылар алқасы жас кәсіпкерлердің ұсыныстарын мұқият тыңдап, пайдалы кеңестерін айтты. Қазылар құрамында маркетинг маманы Әбдіраззақ Асхат, кәсіпкер әрі қаржыгер Нуржан Оналбаев, бэкенд-әзірлеуші Нұрхан Кенжебеков, IT-саласының маманы Оразбахов Айбек және продакт-маркетинг менеджері Амина Султанбекова болды. Олар стартапшыларға жобаларын жетілдіру жолдарын ұсынып, болашақта қандай қадамдар жасау керегіне назар аудартты.Шара бейресми әрі еркін форматта өткендіктен, жас стартапшылар тек өз жобаларын таныстырып қана қоймай, пицца үстінде еркін әңгімелесіп, жаңа таныстар тапты. Кеш соңында қатысушылардың барлығына арнайы сертификаттар табысталды.Pizza Pitch Қызылордада жастарды қолдаудың маңызды бастамасына айналып келеді. Бұл шара тек жаңа идеялар алаңы ғана емес, болашақ кәсіпкерлер үшін үлкен тәжірибе мектебі екенін тағы бір мәрте дәлелдеді.&nbsp;Салтанат СЕЙТЖАН,&nbsp;Kyzylorda&nbsp;Hub бизнес-инкубаторының менеджері

Pizza Pitch: жас стартапшылар жаңа идеяларымен бөлісті

<a href="https://kyzylorda-news.kz/">Kyzylorda-news.kz</a> Жұлдыз Сүлейменова Қазақстан Республикасының Оқу-ағарту министрі болып тағайындалды. Бұл туралы Ақорданың баспасөз қызметі <a href="https://kaz.inform.kz/news/oku-agartu-ministr-tagayindaldi-157310/">хабарлады.</a>—&nbsp;Мемлекет басшысының Жарлығымен Жұлдыз Досбергенқызы Сүлейменова Қазақстан Республикасының Оқу-ағарту министрі болып тағайындалды,&nbsp;— делінген хабарламада.Жұлдыз Сүлейменованың еңбек жолыАлматы Экономика және статистика академиясының Ақтөбе институты оқытушысы, Жастармен іс жөніндегі комитетінің төрайымы, Ақтөбе қ. (2004&nbsp;— 2006) «Нұр Отан» ХДП Ақтөбе облыстық филиалының консультанты, «Жас Отан» Жастар қанаты республикалық кеңесі төрағасының орынбасары (2006) Ы. Алтынсарин атындағы № 159 көпсалалы гимназияның тарих және құқық пәні мұғалімі, Алматы қ. (2007&nbsp;— 2008) әл-Фараби атындағы Қазақ ұлттық университетінің Тәрбие жұмысы және тілдерді дамыту департаментінің жетекші маманы, проректордың орынбасары, Жастар әкімшілігінің төрағасы, Алматы қ. (2008&nbsp;— 2011) Халықаралық Бизнес Академиясының студенттермен жұмыс жөніндегі деканы, Алматы қ. (2011) Қазақ мемлекеттік қыздар педагогикалық университетінің ғылыми хатшысы, Алматы қ. (2011&nbsp;— 2012) Нұр-Сұлтан қаласы Назарбаев Зияткерлік мектептерін дамыту департаментінің аға менеджері, директордың орынбасары, директоры (2012&nbsp;— 2019) Алматы қ. физика-математика бағытындағы Назарбаев Зияткерлік мектебінің директоры (2019&nbsp;— 2021) VII сайланған Қазақстан Республикасы Парламенті Мәжілісінің депутаты, Әлеуметтік&nbsp;— мәдени даму комитетінің мүшесі, Астана қ. (2021&nbsp;— 2023)VIII сайланған Қазақстан Республикасы Парламенті Мәжілісінің депутаты, Әлеуметтік-мәдени даму комитетінің мүшесі (2023 бастап)Айта кетелік Ғани Бейсембаев Қазақстан Республикасының Оқу-ағарту министрі лауазымынан босатылған еді.Фото: Мәжіліс

Оқу-ағарту министрі тағайындалды 

<a href="https://kyzylorda-news.kz/">Kyzylorda-news.kz</a> &nbsp;Сыр өңірінде «Жүйелі қайырымдылық: тұрақтылық, серіктестік, мұра» тақырыбында IV Ұлттық қайырымдылық конференциясы өтті. Конференция жұмысына еліміздің барлық өңірлерінен 500-ден астам делегат — мұғалімдер мен білім беру ұйымдарының өкілдері қатысты.«Қазақстан халқына» қоғамдық қоры әлеуметтік саладағы өзекті мәселелерді шешуге бағытталған жобаларды жүзеге асырып келеді. Соның ішінде білім беру саласына ерекше көңіл бөлінген. Сол жобалардың бірі – «Ауылдық тірек мектептердің әлеуетін арттыру». Бүгінде ел бойынша 180 ауыл мектебі өздерінің материалдық-техникалық базасын жақсартуға және оқытудың тың әдістерін меңгеруге мүмкіндік алды. Аталған жобаны жүзеге асыруда аймақтағы NIS қордың серіктесі ретінде 8 ауылдық мектепке әдістемелік көмек көрсетіп келеді.Жобаны жүзеге асыру аясында педагогтарға түрлі оқыту курстары, тренингтер мен шеберлік сабақтары ұйымдастырылып, ұстаздардың кәсіби құзыреттілігін арттыруға және оқу-тәрбие үдерісін жақсартуға ықпал етуде.Мәселен, Жалағаш ауданының Әл-Фараби атындағы №201 мектеп-лицейі өткен жылы жобаға қосылған болатын. Бір жылдың ішінде оң нәтижелер байқалды:<blockquote>«Біз айқын өзгерістерді көріп отырмыз. Мұғалімдер кәсіби тұрғыда дамуға жаңа мүмкіндіктер алды, бұл тікелей оқушылардың нәтижелеріне әсер етті. Өткен жылы оқушылардың білім сапасы 57 пайызға артты», — деп атап өтті №201 мектеп-лицейі директорының орынбасары Айқын Жақсылықова.</blockquote><img src="https://knadmin.beoblood.kz/uploads/nish_f80e88cc62.jpg" alt="ниш.jpg">

Ұлттық қайырымдылық: Қызылордадағы NIS-тің білім беру саласына қосқан үлесі

<a href="https://kyzylorda-news.kz/">Kyzylorda-news.kz</a> &nbsp;Қазақстан Халық партиясының Қызылорда облыстық филиалы «Педагог мәртебесі – сапалы білімнің негізі» атты партиялық жобасы аясында ашық диалог алаңын өткізді.Диалог алаңының басты мақсаты – ұстаздармен еркін пікір алмасып, білім беру саласындағы өзекті мәселелерді талқылау, педагог мәртебесін арттыру және олардың құқықтарын қорғауға бағытталған нақты ұсыныстар әзірлеу болды.Жиынға қала мектептерінің мұғалімдері мен колледж ұстаздары қатысты. Кездесуде олар күнделікті жұмыс барысында туындайтын түйткілді мәселелерін ашық айтты.Көтерілген негізгі мәселелер:1.Мұғалімдердің түнгі рейд жұмыстарына қатысуы. Ұстаздар бұл мәселе олардың қауіпсіздігіне қатер төндіретінін айтты. Президент Тамыз конференциясында мұғалім жұмыстан тыс уақытта баланың қауіпсіздігіне жауап бермейді, бұл – ата-ананың міндеті екенін атап өткен болатын. Дегенмен, кейбір аймақтарда ұстаздарды рейд жұмыстарына тарту жалғасып отыр.2.Сенбілікке шығу. Педагог мәртебесі туралы заң қабылданғанына қарамастан, мұғалімдерді сенбілікке шығару фактілері әлі де кездеседі. Бұл ұстаздардың негізгі қызметінен тыс жұмыстарға жегілмеуі керектігін тағы бір рет көрсетті.3.Инклюзивті білім берудің қиындығы. Мұғалімдер ерекше қажеттіліктері бар балаларды жалпы білім беретін мектептерде оқыту барысында түрлі қиындықтарға тап болып отырғанын айтты. Әсіресе колледждерде білім алатын ерекше жастар үшін 95 минуттық ұзақ сабақтар ауыр тиеді. Олар тез шаршап қалады, оқу процесіне бейімделуі күрделі және мұндай жағдайда арнайы әдіс-тәсілдер қолдануды қажет етеді.Ашық диалог барысында айтылған ұсыныстар мен пікірлер педагог мәртебесін арттыруға, ұстаздардың құқықтарын қорғауға және білім саласындағы саясатты жетілдіруге негіз болмақ.

Педагог мәртебесіне арналған ашық диалог өтті

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінің Басқарма төрағасы-Ректоры Бейбіткүл Каримова Жүсіп Баласағын атындағы Қырғыз ұлттық университетінің ректоры Догдурбек Чонтоевпен кездесіп, қос дипломды магистрлік бағдарламаны іске асыру мәселелерін талқылады.2025-2026 оқу жылынан бастап "Педагогика және психология" бағыты бойынша қос диплом бағдарламасы басталды. Бұл бағдарламаның бірегейлігі-студенттер "Педагогика және психология" бағдарламасы бойынша Қорқыт ата университетінен және Жүсіп Баласағын атындағы ҚҰУ "Психология" бағдарламасы бойынша қос дипломға қол жеткізеді.Сонымен қатар, Ж.Баласағын атындағы ҚҰУ Ыстықкөлде 2025 жылдың жазында Ұлы Отан соғысындағы Жеңістің 80 жылдығына арналған бірлескен жазғы мектеп ұйымдастырды. Аталған шараға Ресей, Қазақстан және Қырғызстанның ЖОО студенттері қатысты. Ректор Бейбіткүл Каримова өткен семестрде Қорқыт ата университетінде білім алған қырғыз студенттерімен кездесіп, пікір алмасты.Сондай-ақ, "Манас" Қырғыз-Түрік университетіне сапары аясында университеттің құрылғанына 30 жыл толуына арналған мерейтойлық іс-шараларға қатысқан Басқарма төрағасы – Ректор екі университет арасындағы академиялық ұтқырлық пен ғылыми серіктестікті жоғары бағалады. Қазіргі таңда Қорқыт ата университетінің студенттері "Орхун" бағдарламасы аясында "Манас" университетінде білім алуда.Айта кетейік, Ж.Баласағын атындағы ҚҰУ алғаш рет QS WUR 2025 әлемдік рейтингісіне енсе (1201–1400 орын), "Манас" Қырғыз-Түрік университеті осы рейтингте 951–1000 орын позициясымын орын алып отыр.

Қырғыз университеттерімен ынтымақтастық:  Қос диплом және академиялық ұтқырлық бағдарламалары

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Басқарма Төрағасы – Ректор Бейбіткүл Каримова Үшінші жақтағы университеттердің халықаралық қауымдастығы (AIUTA) өкілдерімен кездесіп, ынтымақтастық меморандумына қол қойды.Меморандумның мақсаты – «Үшінші жақтағы университеттер» концепциясын дамыту және ілгерілету, атап айтқанда қарт адамдардың әлеуметтік және мәдени өмірге белсенді қатысуын қамтамасыз ету. Мұндай серіктестік қарттардың білім алуын қолдап, олардың қоғамдағы рөлін арттыруға бағытталған.Қорқыт ата атындағы Қызылорда университеті үшін бұл халықаралық ынтымақтастық өз тәжірибесін байытып, «Күміс университеттер» жобасын дамытуға жаңа серпін берері анық. Сонымен қатар, университет қарт адамдардың білім алу және әлеуметтік белсенділік саласындағы үздік халықаралық тәжірибелерді енгізуге мүдделі.Айта кетсек, аталмыш ынтымақтастық туралы меморандум Абай атындағы Қазақ ұлттық педагогикалық университетінде Үшінші жақтағы университеттер халықаралық қауымдастығының (AIUTA) президенті, Франциядағы Тулуза университетінің профессоры Франсуа Веллас және қауымдастықтың басқарма мүшесі, Словакияның Братислава Экономика университетінің жанындағы Үшінші жақтағы университет директоры, профессор Янка Себера Хладецканың ресми сапары аясында өтті.Сапардың басты мақсаты – халықаралық ынтымақтастықты нығайту, үшінші жаққа арналған білім беру саласында тәжірибе алмасу, Қазақстандағы «Күміс университеттердің» даму стратегияларын талқылау және қазақстандық қауымдастықты халықаралық деңгейге шығару.Фото: Қорқыт ата атындағы ҚУ

Халықаралық ынтымақтастық туралы меморандумға қол қойылды

<a href="https://kyzylorda-news.kz/">Kyzylorda-news.kz</a> Бүгінде Қызылорда облысында білім беру ұйымдарындағы балалардың қауіпсіздігін қамтамасыз ету мәселесі күн тәртібінен түспей отыр. Мектептер мен балабақшаларда қауіпсіз орта құру, кәмелетке толмағандар арасындағы құқық бұзушылықтың алдын алу, киберқауіпсіздікті күшейту бағытында кешенді шаралар жүргізілуде. Сондай-ақ ата-аналармен, педагогтермен және құқық қорғау органдарымен бірлескен жұмыстар қолға алынып, жас ұрпақтың алаңсыз білім алуына жағдай жасау басты міндет ретінде белгіленген. Бұл туралы Қызылорда облысы әкімінің орынбасары Мейрамбек Шермағанбет, облыстық Полиция департаменті бастығының орынбасары Ермахан Абдраманов және облыстық білім басқармасының басшысы Асқарбек Есжанов айтты.<blockquote>⁠-&nbsp;Бүгінгі&nbsp;күні&nbsp;білім&nbsp;беру&nbsp;саласында басты назарда тұрған мәселенің бірі - балалардың қауіпсіздігі. Балабақша мен мектептердің көптеп ашылуы, жекеменшік ұйымдар санының артуы - бір жағынан балаларды қамту деңгейін арттырса, екінші жағынан қауіпсіздік пен сапаға қатысты талаптарды күшейтуді қажет етеді. Сондықтан біз ең алдымен осы бағыттағы жұмыстарға ерекше мән беріп отырмыз. Облыста 577 мектепке дейінгі ұйым мемлекеттік тапсырыс аясында жұмыс істейді. Оның ішінде 532-сі - балабақша, 45-і - шағын орталық. Барлығы 45 мыңнан астам бүлдіршін тәрбиеленуде. Бұдан бөлек, мемлекеттік тапсырыссыз жұмыс істейтін 96 жекеменшік ұйым бар, оларда 14703 бала қамтылған. Сонымен қатар, облыстағы 39 жекеменшік мектепте бүгінде 15 мыңнан астам оқушы білім алып жатыр. Мемлекеттік мектептерде 172 мыңнан астам бала қамтылған. Бұл - біздің өңірде білім беру желісі жеткілікті екенін көрсетеді. Бірақ қай оқу орнында болмасын, бірінші кезекте оқушылардың қауіпсіздігіне, қолайлы орта қалыптастыруға ерекше мән берілуі тиіс. Қауіпсіздік мәселесі – мемлекет пен қоғамның ортақ жауапкершілігі. Мемлекеттік немесе жекеменшік ұйым болсын, басты талап - балаларға жайлы әрі қауіпсіз орта қалыптастырып, сапалы білім беру. Біздің мақсатымыз - әр бала мектепке немесе балабақшаға барған сәттен бастап өзін толық қауіпсіз сезінуі. Осы жолда біз барлық қолдауды көрсетеміз және ұрпақ тәрбиесі жолында адал қызмет етіп жүрген кәсіпкерлер мен педагогтерді әрдайым қолдауға дайынбыз,- деді Мейрамбек Зинабдинұлы.</blockquote>Жиында ең алдымен өңірдегі білім беру ұйымдарында балалардың қауіпсіздігін қамтамасыз ету мәселесіне ерекше назар аударылып, мектеп пен балабақшаларда қолайлы әрі қауіпсіз орта қалыптастырудың маңыздылығына тоқталынды. Бұл бағыттағы жұмыстардың жүйелі түрде жүргізіліп келе жатқанына да баса мән берілді<blockquote>-&nbsp;⁠Бала -&nbsp;біздің&nbsp;болашағымыз. Сол себепті оларға жайлы әрі қауіпсіз орта қалыптастыру - ең басты міндетіміз әрі азаматтық борышымыз. Бала өзін қорғалған және қауіпсіз ортада сезінсе, сенімді болып өседі, қоғамға бейімделеді. Өкінішке орай, барлығына ортақ міндет бола тұра, кейде жеке пайдасын жоғары қоятын азаматтардың кесірінен балалардың құқығы мен қауіпсіздігіне нұқсан келетін жағдайлар да кездеседі. Осыған байланысты біз бұл мәселені үнемі назарда ұстап келеміз. Алайда соңғы кездері балабақшаларда балаларды тасымалдау қызметіне қатысты бірқатар мәселелер байқалуда. Атап айтқанда, 374 жекеменшік балабақшаның 106-да тасымал ұйымдастырылып келген. Әрине, ата-аналардың көбі жұмыста болғандықтан, балаларды жеткізудің мұндай қызметіне жүгінетіні белгілі. Бірақ бұл саладағы тәртіпсіздіктің салдарынан соңғы айларда екі рет жол-көлік оқиғасы тіркеліп, қоғамда үлкен алаңдаушылық тудырды. Қолданыстағы заңнама бойынша балаларды тасымалдауға қойылатын талаптар өте қатаң. Бұл мәселе - біздің ерекше бақылауымызда. Облыстық білім басқармасы алдағы уақытта да балалардың қауіпсіздігін қамтамасыз ету бағытында тиісті органдармен бірлесіп қатаң шаралар қабылдайды. Біздің ең басты ұстанымымыз - балалардың өмірі мен денсаулығы әрқашан бірінші орында болуы тиіс,-деді Асқарбек Темірбекұлы.</blockquote>Бұдан бөлек, балабақшалардағы тасымалдау қызметінде кездесіп отырған олқылықтар да назардан тыс қалмады. Жекеменшік ұйымдардағы көліктердің талапқа сай еместігі балалардың өміріне тікелей қауіп төндіріп отырғаны көрсетіліп, бұл түйткілді шешу үшін нақты шаралар қолға алынатыны мәлім етілді.<blockquote>- Қазіргі таңда өңірімізде өзекті мәселелердің бірі - жол-көлік оқиғаларының тыйылмауы. Өкінішке қарай, жол апаттарының негізгі себебі - жүргізушілердің жолдағы жауапсыздығы. Көлік жүргізу кезінде маневр жасау ережелерін бұзу, қарама-қарсы бағытқа шығу, басып озу, сондай-ақ жаяу жүргіншілерге жол бермеу сынды өрескел заңбұзушылықтар апатқа әкеліп соғуда. Осыған байланысты жол қозғалысына қатысушылардың жауапкершілігін арттыру және құқық бұзушылықтардың алдын алу бағытындағы жұмыстар күшейтілді. Жыл басынан бері «Балабақша» бағытындағы рейдтік іс-шаралар тұрақты түрде өткізіліп келеді. Тек соңғы іс-шара барысында 265 әкімшілік құқық бұзушылық анықталып, 28 көлік айып алаңына қойылды, 23 көліктің мемлекеттік нөмірі тәркіленді. Сонымен қатар, облыс бойынша балаларды тасымалдаумен айналысатын 83 көлік құралының 61-і тексеріліп, техникалық жай-күйіне байланысты 29 әкімшілік шара қолданылды. Бірақ тек жазалау шарасымен мәселені шешу мүмкін емес. Біздің ең басты мақсатымыз - балалардың өмірі мен денсаулығын сақтау ,- деді Ермахан Әділханұлы.</blockquote>

Бала құқығы мен қауіпсіздігі - қатаң бақылауда

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінің 2-курс студенті Шұғыла Нұрғалиева Сеул ұлттық ғылым және технологиялар университетінде академиялық ұтқырлық бағдарламасы аясында білім алуда. Жаңа елде алған әсері мен бастан кешкен тәжірибесімен бөлісті.Кореяға алғаш аяқ басқан сәттен-ақ Шұғыла ерекше әсерге бөленген.<blockquote>«Бұл елдің мәдениеті, адамдары, технологиясы біздікінен әлдеқайда дамыған. Мұнда бәрі тәртіппен, жүйелі түрде жұмыс істейді. Алғашқы күннен-ақ соны сездім», – дейді ол.</blockquote>Кореядағы білім беру жүйесі біздікінен айтарлықтай өзгеше. Мұнда теория мен практика қатар жүреді. Профессорлар әр сабақты толық дайындықпен бастап, студенттерге барынша түсінікті етіп жеткізеді.<blockquote>«Сабақтың әр бөлігіне ерекше мән беріледі. Әр тақырыпты талдап қана қоймай, міндетті түрде практикалық жұмыс жасаймыз. Ең қызығы – топтық жұмыстар жиі ұйымдастырылады. Бұл студенттердің бір-бірімен араласуына, материалды жақсы меңгеруіне көп көмектеседі», – дейді Шұғыла.</blockquote>Студенттік жатақхана да Шұғылаға ұнаған. Қауіпсіздік пен тазалыққа баса назар аударылады.<blockquote>«Біздегідей белгілі бір уақытқа дейін келу шектеуі жоқ. Студенттер түнгі сағат 12-де де еркін жүре алады. Жатақхана заманауи жабдықталған, барлық жағдай қарастырылған», – деп бөлісті студент.</blockquote>Корея мәдениетінен Шұғыланы ерекше таңғалдырғаны – қоғамдағы тәртіп пен адамдардың бір-біріне деген құрметі. Көлікте, көшеде, дүкенде болсын – бәрі өз орнын сақтайды.<blockquote>«Бұл – бізге де үлгі боларлық дүние. Қоғамдағы әрбір адамның тәртіпті ұстануы жалпы өмір сапасына әсер етеді», – дейді ол.</blockquote>Шұғыла кәріс тілін базалық деңгейде біледі. Бұл да оған көп көмегін тигізіп жатыр.<blockquote>«Күнделікті өмірде, әсіресе дүкенде, автобуста немесе достармен қарым-қатынаста тіл білу маңызды. Тіл үйрену жаңа достар табуға, сабаққа белсенді қатысуға септігін тигізеді», – дейді.</blockquote>Бос уақытында студент достарымен кампусты аралап, қаланың тарихи әрі әсем жерлерін тамашалап жүр. Ал K-pop мәдениетіне қызығушылық бар болғанымен, концертке әлі барып үлгермеген. Алдағы уақытта баруды жоспарлап отыр.Кәріс тағамдары да студентті таңғалдырған.<blockquote>«Маған ең ұнағаны – Сольлёнтан, сиыр етінен жасалған дәстүрлі сорпа. Ал ең таңқалдырғаны – теңіз өнімдерінен жасалған түрлі тағамдар. Әртүрлі қоспалар мен дайындалу әдістері мүлдем бөлек екен», – дейді Шұғыла.</blockquote>Жергілікті студенттер Қазақстанға үлкен қызығушылық танытады екен. Олар көбінесе табиғатымызды, мәдениетімізді, ұлттық тағамдарымызды, тіпті дәстүрлі киімдерімізді де сұрайды.<blockquote>«Кейде тарихымызға да қызығып, сұрақ қоятындары бар. Бұл – біздің елге деген құрмет пен қызығушылықтың белгісі», – дейді ол.</blockquote>Шұғыла әзірге үлкен іс-шараларға қатысып үлгермегенімен, алдағы уақытта университеттің жобаларына араласуды жоспарлап отыр. ОлКореядан Қазақстанға қоғамдық тәртіп пен ұқыптылықты, студенттер арасындағы ынтымақтастықты және жаңа технологияларды әкелгісі келеді.<blockquote>«Алдағы айларда жаңа білім алып, жобаларға қатысуды, жаңа достар табуды күтемін. Қазақстанға Кореяда көрген топтық жобаларды басқару тәсілдері мен жаңа технологияларды қолдану тәжірибесін әкелгім келеді», – деген ойымен бөлісті.</blockquote>Академиялық ұтқырлық – тек жаңа ортада білім алу емес, сонымен бірге мәдениетаралық тәжірибе жинау, өз еліңнің атын шетелде таныту. Шұғыла Нұрғалиева – осы мүмкіндікті тиімді пайдаланып, елге жаңа көзқарас пен тәжірибе әкелуді мақсат етіп отырған студенттердің бірі.Айта кетейік, қазіргі таңда университетіміздің 6 студенті Сеул ұлттық ғылым және технологиялар университетінде білім алуда.

Шұғыла Нұрғалиева Сеулде студенттік өмірін қалай өткізіп жүр?

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университеті халықаралық серіктестік аясын кеңейтіп, студенттердің шетелде білім алу мүмкіндіктерін жылдан-жылға арттыруда. Академиялық ұтқырлық бағдарламасы – жастарға өз білімін тереңдетіп қана қоймай, жаңа мәдениетпен танысуға, тәжірибе алмасуға, кәсіби тұрғыда дамуға зор мүмкіндік беретін жобалардың бірі.Қазіргі таңда университет жастары Оңтүстік Корея, Бельгия, Польша, Түркия, Өзбекстан, Әзірбайжан және Қырғызстан мемлекеттеріндегі жетекші жоғары оқу орындарында білімін жалғастыруда. Бұл – білім сапасын арттырумен қатар, Қорқыт ата университетінің халықаралық деңгейдегі беделін де айқындайтын жетістік.2025–2026 оқу жылының күзгі семестрінде шетелде білім алуға аттанған студенттердің саны едәуір артты. Бұл – жастардың шетелдік университеттерге деген қызығушылығының, сонымен бірге университеттің халықаралық әріптестік байланыстарының нәтижесі.Биылғы оқу жылында Оңтүстік Кореяның білім ошақтарына баруға ерекше қызығушылық байқалды. Сеул ұлттық ғылым және технологиялар университетіне 6 студент, ал Каннам университетіне 1 студент қабылданды. Бұл оқу орындары – Оңтүстік Кореядағы инновациялық білім беру орталықтарының бірі болып табылады. Мұндағы студенттер ғылым мен технологияны меңгеріп қана қоймай, кәріс мәдениеті мен дәстүрін де жақыннан тануға мүмкіндік алады.Бельгиядағы Ховест Қолданбалы ғылымдар университетіне 4 студент білімін жалғастыруға кетті. Бұл ел – сапалы білім жүйесімен танымал, сондықтан студенттер халықаралық стандарттарға сай тәжірибе жинақтап, жаңа көзқарас қалыптастыруға мүмкіндік алады.Ал Польша – Қорқыт ата университетімен тығыз серіктестікте жұмыс істеп келе жатқан елдердің бірі. Лодзь университетімен жасалған келісім аясында жыл сайын 25 студент шетелде білім алуға жолдама алады. Ағымдағы семестрде 15 студент Польшаға аттанып, еуропалық білім кеңістігінде жаңа тәжірибеге қадам басты.Түркиядағы Анкара музыка және көркемөнер университетінде 2 студент білім алуға кетті. &nbsp;Бұл – өнер саласын таңдаған жастар үшін өзін-өзі дамытуға, жаңа шығармашылық идеяларды жүзеге асыруға таптырмас мүмкіндік.Сонымен қатар, Қырғызстанда – 2 студент, Өзбекстанда – 9 студент, Әзірбайжанда – 3 студент білімін шыңдауда. Бұл елдердегі серіктестік – аймақтық ынтымақтастықты арттырып қана қоймай, ортақ мәдени құндылықтарды тереңірек тануға жол ашады.Академиялық ұтқырлық бағдарламасының дамуы – Қорқыт ата университетінің халықаралық деңгейдегі мәртебесін айқындайды.&nbsp;Бұл бастама жастардың кәсіби бәсекеге қабілеттілігін арттырып, болашақта еңбек нарығында сұранысқа ие мамандар даярлауға ықпал етеді. Әлемнің түрлі елінде тәлім алып жүрген студенттер тек өз болашағына емес, сонымен бірге университеттің де халықаралық деңгейдегі имиджіне үлес қосуда.

Қорқыт ата университетінің жастары әлемдік білім кеңістігінде

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев 8 қыркүйекте жасаған Жолдауында еліміз үшін еңбек адамының орны айрықша екенін атап өтті. Президент өткен жылы жариялаған «Жұмысшы мамандықтар жылы» бастамасына қайта оралып, оның мән-маңызын нақтылай түсті. Осы мақсатта өңірдегі оқу орындарында жасалып жатқан жұмыстар оң нәтижесін беруде. Аймақтың басты ақпарат алаңында И.Әбдікәрімов атындағы Қызылорда политехникалық жоғары колледжі директорының оқу-өндірістік жұмыстары жөніндегі орынбасары Мағрипа Айтенова мен Халықаралық "Orda" жоғары колледжі директорының кәсіптік оқыту жөніндегі орынбасары Айнұр Бекенова жұмысшы мамандар дайындау бағытындағы бірқатар жұмыстарды баяндап берді.<blockquote>– «Жұмысшы мамандықтар жылы» аясында біршама жұмыстар атқарылды. Ұлттық статистика бюросының мәлімдемесі бойынша елімізде белгілі 10 сала бойынша еңбекке қабілетті 9,6 млн адам жұмыс жасаса сол салалардың 8-не И.Әбдікәрімов атындағы Қызылорда политехникалық жоғары колледжінде мамандар даярланады. Атап айтқанда: Көлік және байланыс, Құрылыс, Ауыл шаруашылығы және орман, Тау кен саласы, Энергетика және коммуналдық қызметтер, Өндіріс және механика, Аграрлық сала. «Жұмысшы мамандықтары жылы» бастамасы жастарды осы салаларға тартуға бағытталған. Бүгінгі таңда жастар техникалық және өндірістік мамандықтарға қызығушылық танытпай, кеңсе жұмысын жиі таңдайды. Жастарды осы салаға тарту үшін оларға жұмысшы мамандықтарының маңыздылығы мен артықшылықтарын түсіндіру, сондай-ақ осы мамандықтарға бағытталған білім беру бағдарламаларын жаңарту қажет. Бұл бағытта ен алдымен колледжде кәсіптік бағдар жақсы орынға қойылған, – деді Мағрипа Махмудқызы.</blockquote>Биыл “Орда” колледжі халықаралық статусқа ие болып, алыс-жақын шет елдердегі жоғары оқу орындарымен ынтымақтастықты нығайтты.<blockquote>– Халықаралық конференциялар өткізілді, ал жуырда ғана колледж басшысы Сеул қаласында болып, жұмысшы мамандықтарын ілгерілетуге бағытталған бірқатар жобаларға қол қойып келді. Алдағы жоспарлар ауқымды. Жаңа оқу жылында колледж қабырғасында жұмысшы мамандықтарын дамытуға арналған түрлі шаралар ұйымдастырылмақ. Оның ішінде тәжірибелік сабақтарды күшейту, шетелдік серіктестермен бірлескен жобаларды жүзеге асыру және студенттердің кәсіби шеберлігін шыңдайтын байқаулар өткізу көзделіп отыр. Биылғы оқу жылында студенттерге берілетін мүмкіндіктер көбейеді. Біз тек теориямен шектелмей, өндірістік тәжірибеге ерекше мән береміз. Жұмысшы мамандықтарының беделін арттыруға бағытталған бастамаларымыз жүйелі түрде жалғаса береді, -–деді Айнұр Ерталапқызы.</blockquote>

Жұмысшы мамандықтары жылы: Қала колледждерінде жаңа бастамалар жүзеге асуда

<a href="https://kyzylorda-news.kz/">Kyzylorda-news.kz</a> Ұлттық Банктің Антифрод орталығы,н Қаржы нарығын реттеу және дамыту агенттігі, ҚР ІІМ Киберқылмыспен күрес департаменті және банктер қаржылық алаяқтыққа қарсы іс-қимыл бойынша студенттерге арналған оқыту циклін бастайды. Семинарлардың негізгі мақсаты – жас ұрпақтың бойында қаржылық алаяқтықтың ең көп таралған түрлері туралы білімді қалыптастыру, қауіпті жағдайларды тануға үйрету және нақты және цифрлық ортада қауіпсіз іс-қимыл дағдыларын дамыту, сол арқылы ақшаны, жеке деректерді жоғалту тәуекелдерінің және ауыр құқық бұзушылықтардың алдын алу.Семинарлар 11 қыркүйекте Астанада Қазақ ұлттық хореография академиясында және Esil University-де өтеді. Антифрод орталық, ҚНРДА, киберполиция мамандары алаяқтық схемалары туралы нақты мысалдар келтіре отырып, вишинг (телефон алаяқтығы), дропперлік, жалған инвестициялау, жалған дүкендер, әлеуметтік желілердегі алаяқтық, фишингтік сілтемелер/сайттар туралы айтып береді.Бас прокуратураның мәліметінше, 2024 жылы 128&nbsp;дроппер жауапқа тартылып, 59 алаяқтық топ әшкереленді. Өткен жылы 800&nbsp;талап-арыз бойынша сот арқылы 1&nbsp;млрд теңгеден астам қаражат өндірілді.Сондай-ақ, Қаржылық мониторинг агенттігінің ақпараты бойынша, 2024 жылы ақшаны жылыстату үшін пайдаланылған 6200 дроп-карта анықталды, олар бойынша жиынтық айналым – 24&nbsp;млрд теңгені құрады. Интернет-банкингке қол жеткізу үшін бөгде тұлғаларға ресімделген SIM-карталар қолданылды.<blockquote>Ағымдағы жылғы 16 қыркүйеқтен бастап Қазақстанда дропперлік схемаларға қатысқаны үшін қылмыстық жауаптылық көзделген.</blockquote>Семинарлар барысында Fingramota.kz жобасы қатысушыларға қаржылық қауіпсіздік қағидалары туралы ғана емес, қаржы өнімдерін сауатты пайдалану, жеке бюджетті жинақтау және бақылау дағдыларын қалыптастыру туралы да түсінік береді.Семинарлар Елордада басталып, ағымдағы жылдың соңына дейін еліміздің барлық университеттерінде тегін негізде өтеді.Источник: <a href="https://fingramota.kz/kk/news/post/elordany-biratar-universitetinde-arzhyly-auipsizdik-bojynsha-seminarlar-tedi">fingramota.kz</a> &nbsp;

Қазақстан және Қызылорда облысының жаңалықтары: Білім