Вице-министр аймақтағы бизнес-инкубатордың жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты А.С.Пушкин атындағы орталық кітапханада «Діні қуатты елдің, іргетасы берік» атты имандылық сағаты өткізілді.&nbsp;Іс-шараның мақсаты: оқырмандардың ислам діні мен имандылық туралы түсініктерін кеңейту, діни тәрбие берумен қатар бір, олардың ойлау қабілеттерін шыңдау, жастарды тазалыққа, адалдыққа, қайырымдылық пен мейірімділікке, ізгілікке, адамгершілік және ұлтжандылыққа тәрбиелеу. Жастарға діннің қоғам мен адам өміріндегі алар ерекше орны туралы айтылып, жастар өздерінің дін туралы жалпы түсініктерін ортаға салды. Дін адам мен адамды, қоғамды біріктіруші күш десек қателеспейміз.&nbsp;Қандай қоғам болса да дін мәнін жоғалтқан жоқ. Имандылық сағатында кітапханашы Төлендиева Данагүл жастарымыздың адамзаттық болмыстағы, әсіресе, дін саласы сияқты нәзік саладағы құнды бағдарларын білу өте маңызды және де діни тәрбиені отбасыдан беру, балаларды кішкентай кезінен қазақ руханиятының имани-мәдени және ділдік негіздерінің бірі жыр-дастандар мен мақал-мәтелдерді оқыту арқылы иман жүзді, инабатты, өз Отанына адал ұрпақ өсетіні туралы айтып өтіп, жастарды елжандылыққа шақырды.

Қызылордада жастарға имандылық сабағы өткізілді

<a href="https://kyzylorda-news.kz/">Kyzylorda-news.kz.</a>&nbsp; Бүгінде әрбір ата-ана баласын заманға сай жан-жақты, өнерлі етіп өсіргісі келеді. Сол себепті, кішкене күнінен түрлі қосымша үйірмеге қатыстырады. Оған қатысу арқылы бала белгілі бір өнерді үйреніп, білімді меңгеріп қана қоймай, қоғаммен араласады. Қатарластары арасында өзіне деген сенімділігі артады. Айта берсек, үйірменің балаға берері көп-ақ. Жас жеткіншектің интеллектуалды дамып, кәсіби бағдарлануына да, мектептен тыс білім беру жүйесінің тигізер үлесі ерекше.Қазір үйірме атаулының сан түрі бар. Әлбетте, сұраныс болғаннан кейін ұсыныс та, көбейіп келеді. Жеткіншектің бос уақытын ұтымды пайдалану, бойда ашылмай жатқан сан қырлы талантты ұштап, өрбітуге мүмкіндік беретін тәрбие жолы десек қателеспейміз. Уақытты тиімді өткізу, әсіресе, бала тәрбиесінде өте маңызды. Баланың уақытын қалай басқарған жөн? Оны қандай үйірмеге берген дұрыс?Қазалы ауданында жас ұрпақтың білімін жетілдіріп, өнердің түр-түрі мен спортқа баулитын үйірмелер жетерлік. Соның қатарында – Ғани Мұратбаев атындағы №17 мектепте қосымша білім беру жүйесі жұмыс істейді. Талапқа сай, 2023-2024 оқу жылында жалпы, 38 үйірме іске қосылған. Оның – 12-сі ұлттық құндылықтар бағытында, қалғаны пәндік үйірмелер. &nbsp;Домбырашылар және театр үйірмелері де бар.<blockquote>– Мектеп бойынша барлық үйірмелерге – 386 оқушы қатысты. Ұлттық құндылықтар бағытындағы үйірмелерде оқушыларды ұлттық ойындардың ереже, тәртібімен таныстыру және үйрету, салт-дәстүрлердің сақталуы және қолданылуы, ұлттық асхана өнімдерінің қолданыстағы түрлерімен таныстыру, жасалу жолдарын үйрету, қазақтың қара байырғы есептерінің шығарылу жолдарын үйрету, емдік өсімдіктердің шипалық қасиеттерін насихаттау, тұрмыстағы химия, қазақ дүниетанымындағы физика, ғибратты әңгімелерден үлгі, мысалдарды үйретеді, – дейді Ғани Мұратбаев атындағы №17 мектептің қосымша білім беру маманы Айнұр Маңғұтова.</blockquote>“Art дизайн”, Бояулар сыры” үйірмелерінің оқушылары: А.Ілиясова, А.Кеңесбай, Н.Кеңесбай, А.Аралбаева қалалық, аудандық, облыстық, республикалық байқаулардың жеңімпаздары. “Қазақ фармакологиясы”, “Химия тұрмыста”, “Қазақ дүниетанымындағы физика” үйірмесі оқушылары: А.Кеңес, А.Бақытжанқызы, А.Шахардың А.Бисенбайдың зерттеу жұмыстары аудандық байқауларда жүлдегерлер атанды.Ата-аналар балалардың логикалық және зияткерлік ойлау қабілеті дамығанын қалайды. Сондай ақ, темірдей тәртіпке үйренсе дейді. Бұл тұрғыда осындай үйірмелер таптырмас құрал. Сондықтан, ұл қыздарының зияткерлік ойын үйірмелеріне жаппай беріп жатыр.<blockquote>– «Тәрбиесіз берген білім, адамзаттың қас жауы дейді», – ұлы ғұлама Әл- Фараби. Ал, рухани мәдениеттілік адамзаттың асыл бастауы. Сондықтан, тәрбие бұл эстетика, жалпы өнерді түсіну үлкен бақыт. Сондай-ақ, балаларға тегін түрде оқытылып жатқаны жақсы мүмкіндік.</blockquote>Әрбір ата-ана баласының жарқын болашағын армандайтыны рас. Жалпыға бірдей білім беру шаңырақтарының өскелең ұрпақ тәрбиелеуде орны мызғымас екені даусыз. Табысқа жетіп, биіктерді бағындырған кез келген тұлғаның негізі балалық шақта жатыр, – дейді Ғани Мұратбаев атындағы №17 мектептің қосымша білім беру маманы Айнұр Маңғұтова.“Ұлттық ойындар” үйірмесінің оқушылары ұмыт болып бара жатқан ойындарды жаңғыртып, садақ атып, шалма тастау, көгендеу ойындарын ойнауды үйренді. Пәндік үйірмелерде оқушылар пәннен бөлек, қосымша мағлұматтар алды.Біріншіден, секциялар мен үйірмелер – бұл тек оқыту ғана емес, қарым-қатынас құралы. Әлеуметтену, ұжымда жұмыс істей білу, басқаларды бағалай білу, жеңу және жоғалту мүмкіндігі. Үйде мұның бәрін алу мүмкін емес.Екіншіден, егер сіз химик болсаңыз, онда баланың химиясын еш қиындықсыз үйрете аласыз ба? Мұғалім өз пәнін жақсы біліп қана қоймайды. Одан да маңыздысы, сол тақырыпты балаға оның жасы мен ерекшеліктерін ескере отырып жеткізе алады.Үшіншіден, бала сізді мұғалім ретінде қабылдай алмайды. Ұстаздық тәртіп, объективті бағалау және ата-ананың рөліне сәйкес келмейтін көптеген аспектілерді қамтиды.Баланы үйірмеге берудің артықшылықтары көп. Әсіресе, қазіргі уақытта тапжылмай отырып, ұялы телефонға телмірген балаларға пайдасы зор.

Үйірменің үйретері көп

Шакизада Имандосова: Балаларға жағдай жасаған балабақша

<a href="https://kyzylorda-news.kz/">Kyzylorda-news.kz</a> Қызылода қаласындағы&nbsp;С.Толыбеков атындағы №3 ІТ мектеп-лицейдің оқушысы Сейілхан Оралхан ҰБТ-дан 134 балл жинады. Ол осылайша ұстаздардың еңбегін ақтады.&nbsp; Ұстаздарының айтуынша, Сейілхан Оралхан ұлттық бірыңғай тестілеуге ерекше дайындалған. Көп уақытын дайындыққа, ізденіске жұмсаған оқушының үздік нәтижеге жететініне тағы да көз жеткіздік.&nbsp; Мектеп ұжымы ұстаздардың, ата-анасының еңбегі мен сенімін ақтап, ҰБТ қорытындысы бойынша жоғары көрсеткіш 134 БАЛЛ жинаған 11 "Г" сынып оқушысы Сейілхан Оралханды құттықтады.<blockquote>– "Жарайсың, Оралхан! Мектебіңнің абыройын асқақтатып, ұстаздарыңның мерейін үстем еткеніңе зор алғысымызды білдіреміз. Таңдау пәні информатика-математика болған шәкіртіміздің жоғары балл иегері болуы-мектеп мерейі, ата-ана сенімінің ақталуы және түлегіміздің толағай еңбегі деп білеміз. Үлкен өмірге қаққан қанатың талмасын, Оралхан! Жолың ақ, болашағың жарқын болсын! Білімің әрқашан жеңіске жолықтырсын!", – деп мектеп ұжымы жылы лебізін білдірді.</blockquote>Қызылорда қаласы бойынша ең жоғары балл алған оқушы достарыңа сәттілік тіледі. "ҰБТ тапсырушыларға айтарым, ең бастысы, &nbsp;қорықпау керек, ҰБТ өмірдің соңы емес! Бұл жай ғана сенің өміріңдегі кішкене ғана баспалдақтың бірі", – дейді Сейілхан Оралхан.

Қызылордалық түлек ҰБТ-дан 134 балл жинады

<a href="https://kyzylorda-news.kz/">Kyzylorda-news.kz</a> Жас бүлдіршіндердің білім көкжиегіне қанат қағуы балабақшадан басталады. Балабақшадағы &nbsp;үздіксіз тәрбие мен сапалы білім балғындарды ерте жетілдіреді, ой-өрісін дамытады, айналасын танып, өмірге бейімделетіні анық. Балабақша – бақытты балалардың ордасы десекте болады. Оқу жылы аяқталған соң жас түлектер мектеппен қоштасып жаңа өмірге қадам басса, жас бүлдіршіндер балабақшамен қоштасып мектепке аяқ басады.&nbsp;№2&nbsp;«Балдәурен» бөбекжай балабақшасының «Қарлығаш» тобында «Арман қуып барамыз – болашаққа жол саламыз» атты ертеңгілік кеш өтті. Ертеңгілікке балабақша меңгерушісі Аханай Шоханова мен ата-аналар қатысып, балалардың өнерлерін тамашалады.Салтанатты іс-шараны Аханай Сапар­хожа­қызы сөз сөйлеп, ашып берді.<blockquote>– Құрметті тәрбиешілер, ата-аналар бүгінгі мерекелеріңіз құтты болсын. «Балдәурен» бөбек­жай балабақшасы 1973 жылдан бері жұмыс жасап келе жатыр. Тарихы терең балабақшада қаншама жан еңбек етіп келеді, қаншама тәрбиеленуші мектепке қанат қақты. Балапандар әрқашан көз қуаныштарыңыз болып жүре берсін. Балабақшаны бітіріп жатқан бүлдіршіндер тарыдай болып кіріп, таудай болып шығып жатыр. Алдағы уақытта мектепті жақсы оқып, «Алтын белгі» иегері болуына тілектеспін. Жеткіншектеріміз егемен еліміздің ертеңгі бола­шағы, – деді балабақша мең­геру­шісі.</blockquote>Тәрбиеші Мархавад Жап­пасбаева мен Әсел Төлегенова жетекшілік ететін «Қарлығаш» балақайлары мерекелік кешті «Жұлдыз» биімен бастады. Соны­мен бірге барлық қызметкерлерге арнап тақпақ айтты. Өнерлі өрендер «Біз мектепке барамыз», «Тәрбиенің бастауы», «Балабақша арайлым» әндерін қосыла шырқап, қоштасу биін биледі. Мұнан бөлек жігіттер жағы «Асық» биін, флешмоб билесе, қыздар жағы «Қазақ қыздары» биін билеп, өз өнерлерін көрсетті. Мерекелік іс-шарада ата-аналар да «Кім шапшаң» ойынын ойнап, ұйымшылдықтарын көрсете білді. Кеш соңында «Балабақшамен қоштасу» әні мен биі биленді.Өз кезегінде ата-ананың да, балғындардың да көңілінен шыға білген, байқауға дайындаған тәрбиешілер мен білікті мамандарды балабақша меңгерушісі Аханай Шоханова марапаттады. Ата-аналар да сөз алып, өз риза­шылықтарын білдіріп, перзент­терінің қуанышымен құттықтап, ізгі тілектерін жет­кізді. Балақайларға балабақша атынан арнайы «Алғыс хат» табысталып, ата-аналар сыйлық бер­ді. Ертеңгілік кештің қызық­ты өткенін ата-ана мен балалардың қуанышты жүз­дері­нен байқауға болады.<blockquote>– «Балдәурен» балабақ­ша­сының ұжымына рақмет айтамыз. Келген кезде баламызды жылы шыраймен қабылдап алады. Әрқашан жұмыс­тарыңыздың жемісін көріп, еңбектеріңіз елене берсін. Біздің балаларымызды тәрбиелеп, мектепке шыға­рып салғандарыңызға мың алғыс. Бала­қайлардың жолдары ашық болсын. Биік белестерден көрініп, балабақшаның атын жақсы жағынан көрсетсін, – дейді ата-ана Құндызай Разақова.</blockquote>Айта кетейік, «Қарлығаш» ересектер тобында 18 бала бітіріп, алтын ұя мектепке қанат қаққалы тұр.

"Арман қуып барамыз – болашаққа жол саламыз" атты кеш өтті 

<a href="https://kyzylorda-news.kz/">Kyzylorda-news.kz</a>&nbsp;Зарипа Жаппарқызы – білім саласында 38 жыл қызмет етіп, абыройға бөленген қармақшылық ұлағатты ұстаздың бірі. Соның ішінде 22 жылы мектеп директорының тәрбие ісі жөніндегі орынбасары болса, 9 жыл Қармақшы ауданына қарасты Тұрмағамбет ауылындағы №29 орта мектепке басшылық еткен.Жиырма екі жасында мектепке имене кірген жас мұғалімді шығармашылық ізденістер, үлкен еңбектер күтіп тұр еді. Сол кездегі еңбек өтілі толысқан, білікті ұстаздарға қарап таңданыс білдіргені әліге ұмытылған жоқ. Уақыттың сырғып өткенін бүгінде өзі де байқамай қалғандай. Ұзақ жылғы талмай еткен еңбек жас мұғалімді шыңдап, шынықтырып, одан мықты басшы, ұлағатты ұстаз шығарды. Ұстаз болып қана қоймай, ұжымы мен мектеп оқушыларының анасындай дәрежеге жеткізді. Ізденген, талпынған еңбегінің арқасында көптеген жетістікке жетіп, талай шәкірттің жұлдызының жануына, жарқырауына жәрдемін тигізді.Зарипа Тасымованың ұжым мүшелері мен шәкірт жүрегіне жол таба білуінің басты сыры – оның шығармашылық ізденісінде, адалдығы мен адамгершілігінде жатыр деп айта аламыз. Ұжымда педагогтарға рухани күш-қайрат бере жүріп, солардың алдында өзінің еңбекқорлығын, ізденімпаздығын көрсете білсе, әркез жас шәкірттердің ортасынан табылып, қым-қуыт тапсырма мен шығармашылық шаруаның арасынан уақыт тауып, балаларды шабыттандыратыны – кез келген мұғалімнің қолынан келе бермейтін іс. Оның білім саласындағы еңбегі ескерусіз емес.ҚР Білім және ғылым министрлігінің «Өскелең ұрпақты тәрбиелеуге қосқан үлесі үшін» алғыс хатын алса, 2015 жылы «Жылдың үздік ұстазы» номинациясын жеңіп алды. 2017 жылы Халықаралық «Қазақ тілі» қоғамының құрмет грамотасымен марапатталса, келесі жылы білімді шәкірт тәрбиелегені үшін облыстық педагог қызметкерлердің біліктілігін арттыру институтының алғыс хатына лайық деп танылды. 2018 жылы әл-Фараби атындағы Қазақ Ұлттық университеті ректорының дарынды да ізденімпаз шәкірт тәрбиелегені үшін мадақтамасына ие болса, 2020 жылы Қазақстан Республикасы Білім және ғылым министрінің «Дарын» республикалық ғылыми-практикалық орталығының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арналған Жолдауын білім беру ұйымдарының педагогтары мен білім алушылары арасында кеңінен насихаттау мақсатында «Дарынды оқушылардың қабілетін айқындау, дамыту» жобасы аясында «Қазақстан педагогтарының 100 жаңа есімі» атты байқауға қатысып, І дәрежелі дипломмен, төсбелгімен марапатталады. Сондай-ақ «Қазақстан педагогтарының 100 жаңа есімі» атты республикалық байқаудың материалдар жинағына енді.Білікті басшы, тәжірибелі ұстаз үшін мектеп оқушыларының тәрбиесі мен білімі басты орында тұрады. Осындай орасан еңбектің жемісі іспеттес болған жетістігінің бір парасы жоғары бағасын да алып үлгірген. Атап айтқанда «Бейбітшілік әлемі» халықаралық қазақ творчестволық бірлестігі ұйымдастырған «Қазақ хандығының 550 жылдығына арналған «Таңғалдырған таңғажайып таланттар» өнер фестиваліне қатысып, дарынды шәкірттер дайындағаны үшін алғыспен, халықтар арасындағы достық пен ынтымақтастықты нығайтуда жас ұрпаққа сапалы білім, саналы тәрбие бергені үшін «Лидер образование» медалімен марапатталған. Халықаралық «Мәңгілік ел – Қазақ елі» атты ғылыми-тәжірибелік конференциясында да жасаған баяндамасы жинаққа еніп, мерейі тасыған жайы бар. Одан бөлек Қызылордада өткен «Отансүйгіштік және азаматтық тәрбие беру жағдайы мәселелері және шешу жолдары», Түркістанда өткен «Асқақ рухты – қазақ хандығы» тақырыбындағы халықаралық танымдық ғылыми-практикалық конференциясында жасаған баяндамалары лайықты бағасын алып, энциклопедиялық жинақтарға енгізілді.Бізді қызықтырғаны ұстаздың ұшан-теңіз еңбегі. Қайсыбір байқау немесе конференция, семинар болмасын Зарипа Жаппарқызының белсенділігіне тәнті болмау мүмкін емес. Мысалы Орта Азия мемлекеттерінің ғылыми-педагогикалық қауымдастығы Қазақстан Педагогтарының инновациялық идеяларын дамыту орталығы ұйымдастырған республикалық «Үздік директор» байқауында «Үздік директор» медалін иеленіп, үздік атануы – бір немесе бірнеше жылдың жемісі десек қателеспеген болар едік. Бұл – жылдар бойғы үзіксіз еңбектің қарымы, талмай ізденудің нәтижесі әрине.Зарипа Тасымованы көшбасшы басшы десек, оған ешкім шәк келтіре қоймас. Республикалық ізденіс жолы қоғамдық қоры мен Мәртебе кz білім сайтында жас ұрпаққа білім беруде іскерлік қабілеті және оқытудың инновациялық технологияны енгізудегі жетістіктері үшін Алматы қаласында «Жаңа білім көшбасында» тақырыбындағы семинар-кеңеске қатысып, республиканың үздік ұстазы А.Миразова, Ш.Беркімбаевалармен кездесуде Сыр бойы ұстаздарының атынан құттықтау жылы лебізін білдіруі де тегіннен-тегін болмаса керек-ті.Ұстаздың негізгі жұмысымен қатар, бұқаралық ақпарат құралдарында мақалалар жариялап тұратыны қармақшылықтарға таң емес. Алматы қаласындағы №140 орта мектепте «Өткенге есеп, бүгінге міндет, ертеңге жоспар» тақырыбындағы республикалық семинарда көкірегіне білген-түйгендерін сол жерде қалдырып кетпей, «Мектеп. Қоғам. Отбасы» республикалық журналында және «Президент және халық» газетінде жариялауы – оның тағы бір қырын паш еткендей.2020 жылы Халықаралық ғылым мен білімді қолдау орталығының ұйымдастыруымен өткен білім саласы қызметкерлеріне арналған «Білім үздігі – 2020» атты ІІІ республикалық байқауына «Үздік авторлық бағдарлама» номинациясы бойынша қатысып үздік нәтиже көрсеткені үшін І-дәрежелі дипломмен марапатталса, облыстық авторлық бағдарлама байқауынан ІІІ орын иегері атанды.Майталман маманның жұмыс процесінде аса мән беретін дүниесінің бірі – ғылыми-әдістемелік жұмыстары. Республикалық «Эдельвейс» іскерлік журналының №1 санында «Өз ісінің білгірі мен үздігі» тақырыбында іс-тәжірибесі таратылса, «Жас ұрпақ тәрбиесі – адамзаттың мәңгілік» тақырыбы атты іс-тәжірибесі республикалық «Игілік» журналында жарияланды. Балалар шығармашылығы республикалық журналында «Ұлттық құндылықтар» тақырыбында мектептің іс-тәжірибесі жарияланса, «Өнер – ұрпаққа үлгі, елге мұра» тақырыбында да республика көлемінде озық мектептің үлгілі істері көпке өнеге болып жатты. Сонымен бірге оқушыларды патриотизмге, рухани адамгершілікке баулу бағытындағы және Президент Жолдаулары мен рухани жаңғыру бағытындағы мақалалары республикалық, облыстық, аудандық басылым беттерінде жиі жарық көріп тұрды. Және ол бүгінде де жарық көріп келеді.Әрбір байқау – білім ошағын ізденіске талпындырса, сол мақсат Зарипа апайымыздың да қалыптасқан үрдісіне айналған. Мысалы оның басшылығымен мектеп ордасы облыста «Үздік мектеп – 2017», облыстық білім басқармасы мен кәсіподақ комитетінің ұйымдастыруымен өткен «Жыл таңдауы – 2018» байқауында жыл қорытындысымен «Білімнің бесігін тербеткен», 2019 жыл қорытындысымен «Киелі өнер ордасы – 2019» және ауданда өткізілген байқауда «Шәкірт мақтанышы» номинацияларын жеңіп алуы – директордың іскерлігі мен ұжым ұстаздарының ауызбіршілігінің арқасы демеске лажымыз жоқ.Әпкеміздің көпшілік білетін тағы бір қыры – ақындығы. Ол бос уақытында шабытпен өлең, мақала жазады. Өлең, мақалалары республикалық «Егемен Қазақстан», «Ел тілегі», облыстық «Сыр бойы», «Сыр дидары», аудандық «Қармақшы таңы», «Бәйтерек» газеттерінде үздіксіз жарияланып тұрады. Сонымен бірге «Жадыңда тұт жарық күн» атты Ұлы Жеңістің 70 жылдығына шыққан кітапта, сондай-ақ «Ана даңқы» кітабына да бірнеше мақаласы мен өлеңі жарияланған. Биыл ұлағатты жанның «Қаламнан өрген қазына» атты кітабы баспа бетін көріп, Тұрмағамбет ауылында ауыл тұрғындарының қатысуымен жинақтың ашылу салтанаты өтті. Ондағы жарық көрген мақалалар мен естеліктер, өлеңдер ауыл жұртшылығының өткен тарихын сағына еске алатын кереметтей рухани дүниесіне айналғанының куәсі болғанымыз бар.Тарихты қайта жаңғырту – келер ұрпаққа деген жанашырлықты білдіреді. Соның бірі – жәдігерлерді көздің қарашығындай сақтап, болашаққа табыс ету. Осы тұрғыда білікті басшы «Туған жерге тағзым» бағдарламасы бойынша 1990 жылы тұсауын кескен «Сыр елі – жыр елі» атты мектеп мұражайын 2015 жылы өз қаражаты есебінен қайта жөндеп, жабдықтаудан өткізді. Мұражай тек қана білім ошағының ғана емес, облыс көлемінде де маңызды екенін ескерсек, оған жанашырлық таныту – жүрегі ізгі, жаны таза, елдің ертеңін ойлайтын азамат қана жасай алған болар еді. Мұражай қазіргі кезде халыққа қызмет етуде, оқушылардың Өлкетану сабағына пайдалануына толық мүмкіндік беріп тұр. Ұстаздық ұлағатын әрбір шәкірт бойына дарытуда мектепте шығармашылықты дамытып ақындар, қаламгерлер клубының жұмысын жүйелеп отыру ұлағатты ұстаздың күнделікті дағдысы. Оған қоса ауыл әкімшілігі жанынан құрылған қоғамдық кеңестің мүшесі және ауыл қаламгерлерінің жетекшісі саналады.Адам еңбегі қашан да зейнетімен бағаланады.&nbsp;2022 жылы Зарипа апайымыз аудандық білім бөлімі басшылығының, өзі қырық жылға жуық уақыт ыстық-суығына төзіп, маңдай терін төккен аяулы мектебінің педагогикалық ұжымының зор құрмет-қошеметімен салтанатты түрде зейнеткерлік демалысына шыққан болатын.&nbsp;

Ұстаз салған сара жол

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданына қарасты Ақай ауылындағы №23 «Балдырған» бөбекжай-бақшасы 2015 жылы ашылып, жұмысын бастады. Ол типтік жобада «Балапан» бағдарламасы аясында қызметін жалғастыруда. Екі қабаттан тұратын әсем ғимарат 280 орындыққа арналған. Қазір мұнда 1,6-6 жас аралығында жас ерекшелігіне сәйкес 9 топта 172 бала тәрбиеленуде. Бөбекжай заман талабына сай құрал-жабдықпен қамтылған. Арнайы спорт, ән-әуез залдары және әдіскер, психолог, логопед, басқа да кабинеттері бар.Мекеменің басты ерекшелігі – 2021 жылдан бастап балабақшада арнайы аутизм спектрі бар балаларға Аутизм кабинеті ашылып, мамандармен қамтамасыз етіліп отыр. Онда балалардың жас ерекшелігіне қарай түрлі жиһаз орналастырылған. Білім мекемесінде бүгінде 41 педагог маман жұмыс жасаса, оның ішінде әдіскер, логопед, психолог, музыка, би, дене шынықтыру жетекшісі, ұйымдастырушы педагог, ассистент маман, сондай-ақ тәрбиешілер абыройлы еңбек етуде. Атап айтқанда, педагогтардың 32-сі жоғары білімді болса, 5-еуі арнаулы орта білімі барлар. Қалған 5 тәрбиеші де «Мектепке дейінгі тәрбиелеу және оқыту» мамандығын бітірсе, ұжымда жастарға жол көрсетіп жүрген 15 тәжірибелі педагог-модератор жұмыс істеуде. Ауызбірлігі мол тәрбие ошағына Гүлмира Орынбаева басшылық етеді.<blockquote>– Балабақшаның оқу-тәрбие жұмысындағы негізгі мақсаты – бүлдіршінді жан-жақты дамыту, денсаулығын нығайту және мектептегі оқу ісіне дайындау болып табылады. Қазақстан Республикасы Білім және ғылым министрінің 2022 жылғы 3 тамыздағы No348 бұйрығымен бекітілген стандарт бойынша мектепке дейінгі тәрбие мен оқытудың мемлекеттік жалпыға міндетті стандартына сүйене отырып жұмыстар жүргізудеміз. Бүлдіршіндердің жас ерекшелігіне қарай үйірмелер ұйымдастырылған. «Балдырған» би, шахмат, робототехника үйірмелері, одан бөлек дарынды балалармен жеке дара жұмыстар атқарылуда. Ұжымның тынымсыз еңбегінің арқасында көптеген жетістікке жетіп отырмыз. Атап өтетін болсақ, балаларымыз әр жыл сайын ауыл, аудан, облыс және республика көлемінде өтетін байқаулардан жүлделі орындар иеленіп келеді. Бөбекжай-бақшамыз ашылғалы бері жылдық жоспарға сай ұйымдастырылған іс-әрекеттер, тәрбие қызметтері, әрбір мерекеге орай ертеңгіліктер мен түрлі іс-шара жоғары деңгейде жүргізіліп және ол әлеуметтік желіде жүктеліп отырады. Сонымен қатар балабақшада облыстық, аудандық, аймақтық семинарлар да өтіп отырады. Балабақшаның материалдық-техникалық базасы жақсы жабдықталған. Бізде бала білімі мен интеллектісінің дамуына ықпал ететін интерактивті, мультимедиялық тақталар, теледидар, компьютер, ноутбук, моноблоктар бар екенін екшеп айтып кетуімізге болады. Жаңа инновациялық технологияларға сиқырлы қалам құрылғылары мен робототехника құрал-жабдықтарымен де жабдықталғанын айта кетсем, артық емес, – дейді білікті басшы.</blockquote>Бір ескерерлігі – балабақшада ROBOTICS STEM (робототехника) кабинеті жабдықталған. Күнделікті оқу қызметтеріне Флипчарт, Интеллектум ойын құралдары, Воскобович, Монтоссори, Триз, Тәй-тәй, Ойын технологиялары ұтымды пайдаланылуда. Педагог тек өз саласының терең білгірі ғана емес, бұған қоса тарихи танымдық, педагогикалық-психологиялық сауаттылығы мен саяси-экономикалық жағынан білімді және ақпараттық сауаты да болуы керек. Ол заман талабына сай білім беруде жаңалыққа жаны құмар, шығармашылықпен жұмыс істеп, оқу мен тәрбие ісін қатар алып жүретін, оқытудың қазіргі жаңа технологиясын шебер меңгерген парасат иесі болғанда ғана білігі мен білімі жоғары, жетекші тұлға ретінде ұлағатты саналады. Міне осы дағдыларды толық меңгеру үшін іс-тәжірибемен бірге әртүрлі тақырыпта білімін жетілдіріп отыруды педагогикалық ұжым естен шығармайды.«Бөбекжайда балалар 4 мезгіл тамақтанады. Ас мәзірінің құрамында ет, балық, жұмыртқа сияқты калориясы жоғары тағамдар бар. Бала денсаулығына, оның өсіп, дамуына қажетті дәрумендерге бай қызылша, сәбіз, қырыққабат секілді көкөністерден түрлі салаттар жасалып беріледі» дейді мұндағы аспаз мамандар.Жалпы балабақшаның жетістігін тізбелей кетер болсақ, 2015 жыл қорытындысымен Ақай ауылдық округі әкімінің «Жыл мекеме басшысы» номинациясына бөбекжай-бақша меңгерушісі Гүлмира Орынбаева лайық деп танылған. 2017 жылы ауыл әкімінің алғыс хатымен марапатталса, осы жылы «Ұйымдастырылған оқу қызметін жаңаша ұйымдастырудың әдістері мен тәсілдері» тақырыбындағы облыстық семинарды жоғары деңгейде ұйымдастырғаны үшін облыстық білім басқармасы облыстық оқу орталығының арнайы сертификатын иеленген. Аталған тақырыпта аудандағы әріптестерімен озық тәжірибесін бөлісіп, семинарда шығармашылық ізденіс танытқаны үшін де аудандық білім бөлімінің мадақтамасына ие болғаны – ұжымның толымды жетістігінің жемісі десек болады. Одан бөлек ІІ республикалық мектепке дейінгі тәрбие мен оқыту жүйесі педагогтарының «Бала деп соққан жүректер» атты үздік қызметкерлер Слетіне бөбекжай-бақша меңгерушісі Гүлмира Орынбайқызы қатысып, сертификат, диплом және халықаралық білім беруді дамыту академиясы атынан төсбелгі және кубокпен марапатталады.Білім ошағының тағы бір басты мақсаты – тәуелсіз мемлекетіміздің кішкентай мүшелерін өнерлі етіп шығару. Өңіріміздегі «Бозторғай» шығармашылық байқауы мектеп жасына дейінгі балалардың шығармашылығын шыңдап, мәдениетін қалыптастыруға бағытталған кең көлемді байқау десек, өз қатарымен аталған байқауда сынға түсіп, додада жеңіске жету – бүлдіршіндердің алға қойған мұратының бірі. Үнемі «Тек қана, алға!» ұранын ұстанатын балабақша бүлдіршіндері 2016 жылдан бастап республикалық «Бозторғай» балалар шығармашылық байқауының тұрақты қатысушылары болып келеді. Осындай до- дада өнерлі балалар аймақтық, аудандық іріктеулерден бас жүлде иеленіп, облыстық деңгейдегі байқаулардан да жүлделі орыннан көрініп жүргенінен – тәрбие ұжымының біліктілігін аңғару қиын емес. ЭКСПО – 2017 халықаралық көрмесінің елімізде алғаш рет ұйымдастырылуы тіпті балабақша жасындағы балалардың да танымдық қабілетінің деңгейін байқауға, баланың жалпы дамуын бақылауға, оны одан әрі дамытуға септігін тигізгені рас. Осы мақсатты жүзеге асыруда «Мектеп жасына дейінгі балалардың зерттеушілік әрекетінің ең үздік экологиялық жобасы» көрмесінде «Ең үздік экологиялық жоба» номинациясы «Балдырғанның» бүлдіршіндеріне бұйырып, дипломмен мадақталды. Еліміздегі «Болашаққа бағдар: рухани жаңғыру» бағдарламасы аясында және Қызылорда қаласының мерейтойына орай ауылдық округ атынан үздік өнер көрсеткені үшін абырой биігінен көрінсе, Тіл мерекесіне арналған халықаралық «Қазақ тілі» қоғамдық бірлестігі Байқоңыр филиалы бойынша төрайымының қатысуымен өткізілген «Тілді сүю – тал бесіктен» атты ауқымды іс-шарада да белсенділік танытып, көптің қошеметіне бөленді. Сонымен қоса 2019 жылы облыстық мектепке дейінгі білім беру ұйымдарының арасында өткізілген фестивальде балабақшаның педагогы Айжан Алмағанбетова «Үздік флипчарт сабақ» номинациясымен марапатталады. 2019 жыл балабақша үшін тіпті де жемісті жыл болғандай. Елордада өткен халықаралық «Таңғы шұғыла» байқауына 3-5 жас аралығындағы балабақша бүлдіршіндері қатысып, би жанры мен сән үлгісінен үздіктер қатарынан танылып, Гран-при, кубок жеңіп алып, Түркия елінде өнер көрсетуге жолдама иеленді. Ұлы ақын Абай Құнанбайұлының 175 жылдық мерейтойына орай өткен «Аймақты әнмен тербетіп, ән салдырған мамандар» атты мекемеаралық байқауда бөбекжай-бақша қызметкерлері өзара ұйымшылдықпен қатысып, бас жүлде және ауылдық округ әкімінің кубок иегері атанды. Қазақы дәстүрді ұлықтап, дәріптеу – бала жастан басталса керек. Осы тұрғыда ұлттық мәдениетімізді насихаттап, дәстүрімізді дәріптеуде бөбекжай меңгерушісі Наурыз мерекесінде ұлттық көрме жәрмеңкесінде «Национальный акцент» номинациясымен Байқоңыр қаласының әкімі К.Бусыгиннің дипломына ие болса, ұжым «Дарын» республикалық ғылыми-практикалық орталығының, 1 маусым – «Балаларды қорғау» күніне арналған Қазақстан Республикасы Білім және ғылым министрлігінің алғыс хаттарын иеленген. 2020 жылы балабақша тәрбиешісі Айгүл Бәйтерекованың жетекшілігімен «Тәуелсіздік тұғырым» атты республикалық байқауға қатысқан бүлдіршіндер Рамазан Бәйденов пен Альбина Зинелабдинова І дәрежелі орынға көтерілді. Өткен жылы Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасы басшысының орынбасарынан алғыс хат алса, республикалық «Тәуелсіз Қазақстан – менің елім» атты балалар мен ересектер арасындағы байқауда «Би жанры» номинациясы бойынша «Балдырған» би тобы І орынды жеңіп алды. Және осы байқаудың «Ансамбль және оркестр» аталымы бойынша «Балдырған» ансамблі бас жүлдені қанжығасына байлады. Биыл «Заманауи дәстүрлі емес сурет салу техникасы» тәжірибесінен шебер сынып республикалық байқауының аудандық кезеңінде бас жүлдеге ие болса, облыстық сырттай кезеңінде, республикалық байқауында да І орынды бағындырып отырғандары қуантады. Жақында «Балдәурен» республикалық балалар мен жасөспірімдер сайты ұйымдастырған шығармашылық ән байқауында да І орынды жеңіп алып, сенімді ақтады. Маусымда «Жазғы сауықтыру-шынықтыру жұмыстарын ұйымдастыру ерекшеліктері» тақырыбында облыстық семинар көрсетіп, облыстық Оқу орталығының арнайы сертификатына ие болған жайлары бар.<blockquote>– Бала – біздің болашағымыз. Яғни бала қандай болса, келешегіміз де сондай болады деген сөз. Сол себепті де баланың жақсы ортада өсіп-тәрбие алуына, болашағының жарқын болуына алдымен біздер жауаптымыз. Оның бойына бүгіннен бастап себілген адамгершілік, тәрбие дәні есейгенде оған көмекке келіп, тәуелсіз еліміздің өркендеуіне септігін тигізеді. Сондықтан да тәрбиелі, білімді, зейінді бала тәрбиелеу ісі – ешқашан күн тәртібінен түспейтін мәселе. Балабақша ұжымы балалардың қабілетін жан-жақты дамытуда барлық уақытта абыроймен белсенділікте жұмыс істей беретін болады, – дейді өз ісінің шебері Гүлмира Орынбаева сөзін қорыта келе.</blockquote>

Бүлдіршіндерге шаттық сыйлайтын балабақша

<a href="https://kyzylorda-news.kz/">Kyzylorda-news.kz</a> &nbsp;Қорқыт Ата атындағы Қызылорда университеті мен Сеул Ұлттық Ғылым және технологиялар университетінің байланысы нығая түсті. Олай деуімізге себеп – іргелі екі оқу орны қос дилом беру бағдарламасын іске асырып, тереңдетілген сапалы білім беру жобаларын жүзеге асырмақ. Осыдан 1 жыл бұрын екі тараптық келісім нәтижесінде, 2025 жылдан бастап Қорқыт ата атындағы Қызылорда университетінің студенттері қос диплом бағдарламасы бойынша білім алмақ. Бұл мүмкіндік Ел Президенті қатысқан Қазақстан-Корей бизнес форумы барысында университеттер арасындағы келісім бойынша қол жеткізілді. Осыған орай, бүгін Қызылорда облысының Өңірлік коммуникациялар қызметінде Қорқыт ата атындағы Қызылорда университетінің Басқарма Төрағасы-Ректор Бейбіткүл Кәрімова БАҚ өкілдеріне өткізген брифинг барысында толықтай баяндап берді.<blockquote>– 2023 жылдың мамыр айында аймақ басшысы Нұрлыбек Нәлібаевтың Сеулге сапары барысында ҚР Ғылым және жоғары білім министрі Саясат Нұрбектің қатысуымен қос дипломды және бірлескен білім беру бағдарламасын құру мүмкіндігі туралы келіссөздер өткен болатын. Осы келіссөз нәтижесінде біздің университет базасында жасанды интеллект және информатика жоғары мектебі ашылды. Бұл институтта киберқауіпсіздік, бағдарламалау және бағдарламалық қамтамасыз ету, ақпараттық жүйелер және информатика бойынша бірлескен білім беру жобасы әзірленді. Осы оқу жылынан бастап студенттер аталған бағдарламалар бойынша білім алады. Сонымен қатар, осы жылдың сәуір айында ҚР Ғылым және жоғары білім министрі Саясат Нұрбектің Сеултехиегі жұмыс сапары барысында білім беру қызметтерінің спектрін кеңейту және қос диплом бағдарламасы бойынша кадрлар даярлау туралы уағдаластыққа қол жеткізілді. Корея Республикасы Президенті Юн Сок Ёльдің мемлекеттік сапары аясында Астана қаласында Инвестициялар және бизнес, ғылым және білім беру саласында бірқатар іс-шаралар өткізілді. Осы іс-шаралар шеңберінде Сеул Ұлттық Ғылым және технологиялар университеті мен Қорқыт ата атындағы Қызылорда университеті арасында «AI architect», «Data management» сияқты білім беру бағдарламалары бойынша бакалавриат деңгейінде кадрлар даярлау туралы екіжақты келісімге қол қойылды. Айта кетейін, қос диплом беру бағдарламасына сәйкес, Корея Республикасының білікті ұстаздары біздің студенттерге сабақ беріп, озық тәжірбиелерімен бөліседі,- деді ректор Бейбіткүл Сәрсемханқызы.</blockquote>Жасанды интеллект - заман талабы. Жүйе пайда болғалы адамдардың өмірі айтарлықтай жеңілдеді деуге болады. Ал бұл саланың мамандарын дайындаудағы жұмыстарды жоғарғы оқу орындары қалай шешуде?<blockquote>– Студенттерді қос диплом бағдарламасы бойынша оқуға қабылдау 2025-2026 оқу жылынан басталады. Бағдарламаны Қорқыт Ата атындағы Қызылорда университетінің Жасанды интеллект және информатика жоғары мектебіне түскен студенттер пайдалана алады. Келісім аясында студенттер Қазақстанда алғашқы төрт семестр оқиды, келесі төрт семестрді Сеул Ұлттық Ғылым және технологиялар университетінде жалғастырады. Қабылданатын студенттер ағылшын тілі пәнін еркін меңгергендігі және салаға деген қызығушылығы ескеріледі, – деді Қорқыт ата атындағы Қызылорда университетінің Жасанды интеллект институтының директоры Нұрлан Серікұлы.</blockquote>

Қос диплом беру бағдарламасы жүзеге асырылды

Тамыры тереңге тартқан білім ордасы

<a href="https://kyzylorda-news.kz/">Kyzylorda-news.kz</a> &nbsp;Қызылордада&nbsp;GameDev әлеміне жол ашатын – жаңа «Level Up» білім бағдарламасы іске қосылды.&nbsp; Бұл бағдарламада бейне ойын индустриясына шолу, ойындарды дамытудағы процестер мен рөлдер, ойын дизайны негіздері, күрделі ойындар мен геймификация, ойын қозғалтқыштары, толықтырылған және виртуалды шындық құру, Midjourney және Chat GPT қолданбаларында бейне ойындар жасауға қарастырылады.Level Up − бұл STEAM (science, tech, engineering, art, math) бойынша қыздарды қолдауға арналған БҰҰ Балалар қорының (ЮНИСЕФ) Қазақстандағы өкілдігі бағдарламасы аясында GameLab KBTU оқытушылары әзірлеген бағдарлама.&nbsp;Курстың алғашқы сабағында «GameLab» ойын әзірлеу зертханасының маманы Назым Жұмабаева қатысушылармен кездесіп, ойын әзірлеу технологиясы бойынша воркшоп өтті.Семинар барысында қатысушылар ойын жасаудың негіздерімен, геймдизайн принциптерімен және қазіргі заманғы ойын индустриясының тенденцияларымен танысты. Шараның мақсаты − жастардың шығармашылық қабілеттерін дамыту, оларды ойын жасаудың технологияларымен таныстыру және келешекте осы салада өздерін сынауға мүмкіндік беру. Бұл іс-шараның маңызы зор, себебі ол бірнеше маңызды аспектілерді қамтиды. Воркшопқа қатысушылар ойын жасау процесінің әр түрлі кезеңдерімен таныса отырып, өздерінің шығармашылық әлеуетін дамыта алды. Бұл жасөспірімдер мен жастар үшін өз идеяларын жүзеге асыруға және инновациялық жобаларды құруға үлкен мүмкіндік. Сондай-ақ, ойын индустриясының мамандарының тәжірибелерімен танысып, осы саладағы мүмкіндіктер мен қиындықтар туралы көп мағлұмат алды. Бұл шара жасөспірімдерге болашақ мамандықтарын таңдау кезінде дұрыс бағыт алуға көмектеседі.&nbsp;Ойын индустриясы – жаңа технологиялардың алдыңғы қатарында тұрған сала. Семинар қатысушылары виртуалды және толықтырылған шынайылық, жасанды интеллект және деректерді өңдеу технологиялары туралы ақпарат алып, оларды іс жүзінде қалай қолдануға болатынын көрді. Геймдев бойынша семинардың маңызы тек техникалық және шығармашылық білім берумен шектелмей, жастарды кәсіби дамытуға және болашақ мамандықтарын таңдауға бағыт беруімен де ерекше болды. Мұндай шаралар оқушылар мен студенттердің кәсіби дамуына серпін беріп, олардың алдағы уақытта үлкен жетістіктерге жетуіне жол ашады.<h2 style="text-align:justify;">Gamedev – ойын жасау өнері мен ғылымы</h2>GameDev ағылшын тілінен аударғанда «games development» – «ойын дамыту» − ойын құру процесі деген мағынаны береді. Яғни әзірлеу мен жобалаудан бастап нарыққа шығаруға дейін жұмыс процесі. Геймдев (ойындарды әзірлеу) – бұл компьютерлік ойындарды құру процесі. Бұл сала ойын идеяларынан бастап, олардың техникалық іске асырылуына дейінгі барлық кезеңдерді қамтиды. Геймдев тек бағдарламалау мен графикадан тұрып қана қоймай, сонымен қатар сценарий жазу, музыка және дыбыс эффектілерін жасау, маркетинг және жобаны басқаруды да қамтиды.<h2 style="text-align:justify;">Ойын әзірлеу процесі</h2>Ойындарды әзірлеу идеядан басталады. Ойын концепциясы анықталғаннан кейін, оның жанры, мақсаты және негізгі механикалары туралы шешім қабылданады. Бұл кезеңде дизайнерлер ойынның басты ерекшеліктерін сипаттайды. Ойын дизайны кезеңінде концепция нақты ойын механикаларына, деңгейлерге, кейіпкерлерге және сюжеттік желілерге айналады. Дизайн құжаттары жасалады, оларда ойынның барлық аспектілері егжей-тегжейлі баяндалады. Бұл кезеңде ойынның алғашқы нұсқасы әзірленеді. Прототип ойынның негізгі механикаларын тексеруге және ойынды тестілеуге мүмкіндік береді. Бұл ойынның қалай жұмыс істейтінін және оның қызықты болатынын анықтауға көмектеседі. Өндіріс кезеңінде барлық компоненттер жасалады және біріктіріледі. Бағдарламашылар код жазады, суретшілер графика жасайды, музыканттар мен дыбыс дизайнерлері ойын үшін аудиожазбалар жасайды. Бұл кезеңде ойынның барлық элементтері біріктіріліп, толық нұсқасы жасалады. Тестілеу кезеңі өнімнің қателіктерін табу және жою үшін қажет. Бұл ойынның тұрақты жұмыс істеуіне және қолданушылар арасында сұранысқаа ие болу мүмкіндігін арттырады. Маркетингтік кампаниялар ойынның танымалдығын арттыруға және оны кең аудиторияға жеткізуге көмектеседі. Бұл кезеңде ойын жарнамаланып, сатылымға шығарылады.<h2 style="text-align:justify;">Ойын әзірлеудің құралдары</h2>Геймдевте қолданылатын құралдар ойынның қажеттіліктеріне және дамытушылардың таңдауларына байланысты әртүрлі болады:- Unity және Unreal Engine – бұл ең танымал ойын қозғалтқыштары, олар кәсіби және инди-ойындарды жасау үшін қолданылады.- Blender және Maya – бұл 3D моделдеу және анимациялау құралдары.- Photoshop және GIMP –графика мен текстураларды жасау үшін қолданылатын бағдарламалар.- FMOD және Wwise –дыбыс және музыка өңдеу құралдары.Геймдев – бұл өнер мен ғылымның қиылысында орналасқан кешенді және көп қырлы процесс. Ойындар жасаушылар командасының әрбір мүшесі өз саласында маманданған болуы керек және ортақ мақсатқа жету үшін бірлесе жұмыс істеуі қажет. Геймдев индустриясы жыл сайын өсіп, дамып, жаңа технологиялармен толығуда.Айта кетейік, «Level Up» білім бағдарламасы БҰҰ Балалар қорының (ЮНИСЕФ) Қазақстандағы өкілдігі мен GameLab KBTU оқытушылары әзірлеген бағдарлама аясында Қорқыт ата атындағы Қызылорда университетін кәсіпкерлік орталығының ұйымдастыруымен өтуде.&nbsp; Қорқыт ата атындағы Қызылорда университетінде 2017 жылдың мамыр айында &nbsp;«Бизнес-Старт» жастар кәсіпкерлік орталығы құрылды.Бизнес-инкубатор &nbsp;– &nbsp;өз істерін бастауды қалайтын, бірақ оған мүмкіндігі жоқ жас кәсіпкерлерді қолдау және коммерциялық тұрғыда тиімді өнім алу мен нәтижелі өндіріс құруда көмек көрсету мақсатында құрылған ұйым. Әлемдік практикада&nbsp; жеткілікті түрде кең таралған орталықтар көптеген елдерде жұмыс жасайды. Мұндай мекемелер алғаш рет 50-жылдардың соңы мен 60-жылдардың басында АҚШ мен Ұлыбританияда ашылған. Олар табысты түрде жаңа жобалар мен стартаптарды жетілдіреді.«Стартап» термині бизнес-инкубатормен ұдайы бірге жүретін термин. &nbsp;Стартап немесе старт-компания ағылшыннан аударғанда «бастау» деген мағынаны береді және қазіргі уақытта енді пайда болған немесе құрылуы жоспарларған жаңа жобаны білдіреді. Бұл термин IT саласында және ғаламтор-жобаларының саласында жиі қолданылады.Университет қабырғасында кәсіпкерлікті дәріптеу мен дамыту бағыты бойынша «Startup Bolashak. Menin armanym» жобасы, «Zhas project» бағдарламасы, «HackDay» және «Smart city Kyzylorda» хакатондары және тағы да басқа шаралар ұйымдастырылды. Сонымен қатар облыс көлеміндегі «Smart city Hackathon», «PechaKucha Night Kyzylorda», «Startup roadshow», «Enactus Kazakhstan roadshow», «Startup Talapker incubation», «Innofest» облыстық инновациялық жобалар фестивалі», «SLL&nbsp; workshop», «SocInn startup», «NoCodeDay», «Open Speech Kyzylorda» бағдарламалары мен іс-шаралары өткізілді. Қазіргі таңда бизнес-инкубатор өз жұмысын қарқынды жүргізуде.<h2 style="text-align:justify;">«Бизнес − инкубатор» студенттерге қалай көмектеседі?</h2>- Студенттік бизнес-жобалардың бастамашыларына бизнес-идеяға стратегиялық талдау жасауда көмек көрсетеді; - Бизнес-жоспарды қалай құру жөнінде кеңес беріп, оған баға береді; - Қаржы ресурстарын іздестіруге және тартуға ақпараттық түрде жәрдемдесетін болады; - Сіздің жаңа бизнесіңізге маркетингтік қолдау көрсетеді; - Қорқыт ата атындағы Қызылорда университеті студенттердің қатысуымен құрылған шағын бизнес субъектілерін қалыптастыру кезеңінде кеңсемен қамтамасыз етеді.&nbsp;А.ТекебайФото:csmls.org

Қызылордада Level Up бағдарламасы басталды

Фото: no-comment.kz<a href="https://kyzylorda-news.kz/">Kyzylorda-news.kz</a> Жас өреннің тұлға болып қалыптасып, қоғамға белгілі бір деңгейде қызмет ете алуы, бірінші кезекте, оның таңдаған мамандығына байланысты екені рас. Осы тұрғыда жеткіншектерімізге кімдер және қандай бағыт-бағдар берген дұрыс? Бұл ретте алдымен ата-анасы, одан соң ұстаздары барынша мүдделілік танытатынын көріп жүрміз. Бірақ өмір тәжірибесі мамандық таңдауда әркімнің өз жүрек қалауы бәрінен маңызды екенін айқындауда. Сунақата ауылындағы №194 орта мектебінде өткен облыстық семинарға қатысушылар осы тақырып төңірегінде жан-жақты талқылау жасады.Кәсіби бағдар берудің тәрбиелік мәнін ата-аналармен бірге талқылауға арналған шарада мамандық таңдауға бітіруші сыныпта емес, бесінші сыныптан бастап көңіл қоюдың маңыздылығы сөз болды. Бұл туралы аудандық білім бөлімі басшысы Бекжан Шахизатұлы облыс аудандарының барлығынан дерлік келіп бас қосқан мектеп директорлары бейінді орынбасарлары алдында өз ойымен бөлісті.<blockquote>– Мемлекет басшысы Қасым – Жомарт Тоқаев халыққа арнаған Жолдауында балалардың бірінші кезекте мамандық таңдауына үлкен көңіл бөліну қажеттігін айтып келеді. 2020 жылдан бастап әр өңірдің әлеуметтік-экономикалық дамуына байланысты мамандықтар картасы жасалды. Осы схеманы дайындау барысында жүргізілген сауалнамада оқушы түлектердің 87 пайызы мамандық таңдауда қателескенін мойындаған. Шынында да, баланың білімі мен қарым-қабілетін екшеуден бұрын ата-ана таңдауы басым түсіп жатады. Мұғалімнің де әсер-ықпалы үлкен, – деген ауданның бас ұстазының пікірі құптарлық.</blockquote><blockquote>– Жаһандану жағдайында барлық сала автоматтандырылып жатыр. Адам­ның қол күшіне емес, сана мен зияткерлік әлеуетіне сүйенетін маман­дық түрлеріне сұраныс басым. Осыған орай білімгерлердің таңдауы да күр­деленіп, цифрландыру бағытына бет бұруы заңдылық. Міне, осыны болашақ көкірегіне бала жастан сіңіру міндет. Қазірде мектептерде оқушы жоғары сынып сатысына көшкен кезеңнен бастап кәсіби жұмыс жүйелі жүргізілуі керек. Жас кеуде еліктеуге бейім, бірақ оған жол-жоба көрсету ұстаздың да, ата-ананың да міндеті.</blockquote>Расында, қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет. Жас ұрпаққа білім беру жолында ақпараттық технологияны оқу үрдісінде оңтайландыру мен тиімділігін арттырудың маңызы өте зор. Яғни Қазақстанның жаңаша жаңғыру жолы – ақпараттық технологиямен қатар ұштаспақ. Бұл үдеріс кәсіби маман даярлайтын Жаңақорған аграрлы-техникалық колледжінде басты арнаға қойылған.Рас, кәсіптік білімнің көкжиегін қалауда 60 жылдық тың тәжірибесі бар колледж базасы жаңа заман талабына сай жаңарып келеді. Қоғам көші ілгері жылжыған сайын адамзаттың өмір сүруіне қолайлы, сұранысына тиімді таптырмас ма­ман­дарды қалыптастыру – маңыз­ды қадам. Бұл міндетті абыроймен атқаруда бірқатар оқытушылар шә­­кірт­­терге бағытын көрсетіп, біл­генімен бөлісуде. Ақпарат пен технологияның әлі ашылмаған жұм­бағына құмартқан мен де ең алғашқы еңбек өтілімді кәсіптік колледжден бастап, білім ордасының беделі үшін жұмыс жасаудамын. Басты мақсатым – цифрландырудың бүге-шүгесіне дейін меңгерген, интернеттің игілігін қоғамға жалпы халыққа көрсете білетін болашақ информатиктерді даярлау.Бұл бағытта колледж база­сына жаңа технологиялар алы­нып, жаңа жүйе аясында жаңа оқу бағ­дар­ламасы енгізілуде. Студент­тердің компьютерге қызығу­шы­лы­ғын арттырып, білікітілігін шыңдау мақсатында облыстық, рес­пу­бли­калық олимпиадалардан шәкірт­теріміз жүлделі орындарды иемденіп, аудан атын асқақтатуда. Яғни, кәсіби колледж – кәсіптік білімді ғана емес, заманауи мамандықтарды меңгерту жолына да еніп келеді. ЭВМ опе­раторы, техник-програмимист білік­тіліктері осының дәлелі болса керек. Қазақ ойшылдары айтқандай, «Білімдінің күні жарық, білімсіздің күні ғаріп». Расында, білімі бар адамды жарқын да жарық бола­шақ күтеді. Ал жарқын бола­шақ иесі – бүгінгі жастар. Жас­тардың біліктілігін ақпараттық технологияның көмегінсіз іске асы­ру мүмкін емес. Әлемдегі ең алпауыт елдер цифрландыру жүйе­сінің көмегі арқылы тұтас тіршілікті басқаруда. Сарқылмас байлықтарды игеріп, өз өнімін өзгеге заманауи технологияның көмегімен экспорт­тауда. Жапония, АҚШ, Корея сынды инфрақұрылымдық базасы жоға­ры елдер робототехниканың игілігін өндіріске пайдалануда.Міне, осындай нақты себептердің арқасында олар жер бетінде көш бастап тұрған жайы бар. Ал, қазақ елінің жан-жақты дамуы үшін нарықта билік жүргізуі үшін компьютерді, заманауи гаджеттерді, информациялық бизнесті меңгерген жас мамандар өте тапшы. Сондықтан, жаңғыру жолы – ақпараттық технологиямен жал­ғаспақ. Нарыққа технологияны жетік меңгерген мамандар келгенде ғана еліміздің өндірісі өркендеп, өркениет көшіне көш бастамақ. Бұл мақсат жолында жұмыла жұмыс жасау сіз бен біздің, оқытушылардың басты борышы болып қала бермек..Кейде жалақысы көп, жағдайы жақсы болады деп те баласының бейімін ескермей, болмысы үйлеспейтін ма­мандыққа телитін ата-ана ұл-қызының болашағына тек қиындық қана ту­дыратынын ұмытпауы керек, – деді ол.Бас ұстаз соңғы кезде мемлекеттік гранттың тым қолжетімділігіне тоқталды. Яғни 51 балдан жоғары балл жинай алған кез келген түлек шекті балл 140 балл жинаған баламен бірдей санатта жоғары оқу орнында білім ала алады. Дегенмен білім айырмашылығы екі есеге жуық төменде тұрған тұлғаның 4 жыл уақыты текке кеткен жоқ па деген күдігін де жасырмады.Семинарға қатысушылар алдында осы тақырыпта ой толғаған мектеп директоры Марат Торғаевтың бағыт-бағдарды өз өмірінен өрнектеп айту­ына да толық негіз бар. Тоқсан бесінші жылдары ұстаздыққа келген ол оқушыларға математика пәнінен дәріс берді. Ата-анасы математик еді. Мұны оқушы кезінде Алматыдағы Жәуті­ков атынадағы физика-математика мектебіне берген. Мектепті тәмамдап, әскер қатарына барып келген соң Сәтпаев атындағы политехникалық институтқа оқуға түскен. Бәрібір жүрек қалауымен газ-мұнай саласындағы қызметін тастап, Қорқыт атындағы уни­верситетте мұғалімдікті оқып, мек­тепке жолдама алыпты. Бірнеше жыл мектептің оқу ісі жөніндегі меңгерушісі болып қызмет атқарды. Соңғы екі жыл көлемінде бір кездері әкесі басқарған білім ұясының басшылық тізгінін қолға алды.Мектепте 454 оқушы, мектепалды даярлық сыныбында 38, барлығы 492 бала білім алуда екен.Семинарда сөз алған облыстық оқу орталығының әдіскері Жанна Сыздықова ауыл мектебінде өткізіліп отырған шараның мазмұнына тоқталып, осыған ұйытқы болған мектеп басшылығына, мектеп директорының бейіндік оқыту жөніндегі орынбасары, бұдан бұрын өзін-өзі тану пәнінен республикалық деңгейде үздік танылған Мейрамкүл Аманбаеваның атына алғыс білдірді. Ауыл мектебі мен қала мектебі ара­сындағы алшақтықты жоюда осындай ізденісті жұмыстарды ғылымиландыра түсу мәселесінің өзектілігіне тоқталып, семинар жұмысына сәттілік тіледі.Семинар жұмысы әдістемелік бағытта секциялар бойынша жалғасты. «Мамандықты дұрыс таңдау – табысты өмір кілті» тақырыбында мектеп кі­тапханасында И.Абдуллаева, А.Бахра­мованың ұйымдастыруымен түрлі ма­мандық иелерімен кездесу өтті. Олардың қатарында ұлағатты ұстаз, ауылдағы бастауыш ардагерлер ұй­ымының төрағасы Қалмахан Тәженов, мектеп түлегі, «Еңбек Қызыл Ту» және «Құрмет» ордендері иегері Әзия Қыстаубаева, мәдениет өнер саласы­ның өкілі, №242 орта мектебі ұста­зы Тұрсынбек Қалымбетов, аудандық төтенше жағдайлар бөлімі қызметкері Мұхамедәлі Мейірбекұлы, аудандық полиция қызметкері Наурызбай Палахметұлы қатысты.Білімгерлер «Мамандық таңдау жөніндегі көзқарасыныз қандай?», «Қиын не жеңіл мамандық деген бола ма?», «Мамандық таңдауда адам бойында қандай қасиеттер болу керек?» деген сауалдар төңірегінде ой-пікір алмасты.Семинар барысында өткен «ҰБТ – басты қадам» тренингі тың идея­лар және тәсілдермен қызықтырды. «Оқушы­ларға кәсіптік бағдар берудің зама­науи мүмкіндіктері және инновация­лық бағыттарының формалары мен әдістемесі» деген тақырыпта №55 орта мектеп директорының бейінді оқыту жөніндегі орынбасары Рима Шоқыбаеваның ізденісі сарапқа салынды.Әрі қарай іс-тәжірибе бойынша математика кабинетінде дәріскер И.Нұртіллаеваның «Мәтінді есептер шығару», А.Дариялованың география пәнінен «Planets» сабақтары өте тартымды өтті. Одан әрі №194 орта мектеп бейінді оқыту жөніндегі орынбасары М.Аманбаеваның «Кәсіптік бағдар берудің тәрбиелік мәні», К.Искендированың «Мамандықтар әле­мінде», мектеп директорының тәр­бие жөніндегі орынбасары А.Төрегел­диевтің «Біздің студияда» жеке автор­лық бағдарламалары ұстаздар­дың үлкен ізденісті еңбегін танытты. Бастауыш сыныптар бойынша ұстаз А.Торғаеваның «Мамандықтың барлығы жақсы», мектептің ғылыми әдістеме­лік жұмыстар жөніндегі орынбасары Г.Сәрсенбекованың «Өсімдік атаулары ұйытқы болған фразеологизмдер», ұстаз Ш.Қансейітованың «Құртқа­ның бойындағы ұлтқа үлгі боларлық құндылықтар» тақырыбында өткен сабақтары танымдық мазмұны жағынан бай, терең интеллектуалды әлеуетімен қатысушыларға үлкен әсер сыйлады. №239 орта мектеп бейінді орынбаса­ры Ж.Ибадуллаева «СТЕАМ – мектеп оқушыларын оқытудың жаңа әдістемесі және әлемдік білім берудің негізгі тренді» тақырыбында сыр тарқатты. Семинар жұмысын аудандық білім бөлімінің бас маманы Назерке Базарбаева қо­рытындылап, сертификаттар табыстады.&nbsp;Баян ҮСЕЙІНОВА

Қазақстан және Қызылорда облысының жаңалықтары: Білім