<a href="https://kyzylorda-news.kz/ru">Kyzylorda-news.kz</a> Сырдария ауданына қарасты Сәкен Сейфуллин ауылындағы №137 орта мектеп 1930 жылдан бері білімнің қарашаңырағы саналады. 94 жылдан бері ауыл балаларына білім беріп келе жатқан мектеп алғаш рет «1 Май» атындағы мектеп болып ашылған. Қараөзектің Қаратөбе деген жерде Жөлекен мешітінде бастауыш мектеп болып негізі қаланғаны мектеп тарихының бастауы болатын. Бастауыш мектептің ең алғашқы ұстазы Ыбырай Әбдірахманов шәкірттерге дәріс берген.Арада екі жыл өткен соң 1932 жылы Байсары деген жерде жаңадан «Ақ школ» деген мектеп үйі салынған. Олай аталуының себебін ауыл тұрғындары &nbsp;мектеп үйінің алғаш рет әктелгендігімен түсіндіреді. Сол жылдың қысында балалар сабақ оқуды бастағанмен, елде жаппай ашаршылық орын алуына орай ұзамай жабылып қалады.1933-1934 оқу жылында &nbsp;ауыл балаларының басын қайта қосып, мұғалім Орынбай Орынбаев Досым деген кісінің екі бөлмелі үйінде төрт сыныпты біріктіріп, дәріс береді.&nbsp;Балаларға мектепте күніге бір мезгіл тарыдан жасалған тамақ берілген. Парта болмаған соң, балалар жерде отырып оқыған.1934-1935 жылдары «1 Май» серіктестігі Есқұлы ағашының түбінен серіктестік қоймасына жапсырып, екі бөлмелі мектеп үйін салып береді.&nbsp;Махантай&nbsp;Сейтпенбетов ұстаздық&nbsp;етіп, мектепте төрт сынып&nbsp;оқиды. Сол жылы «Құндызды» серіктестігі Бисары түбінен «1 Май» каналының бергі бетіндегі төбенің басынан екі бөлмелі мектеп, бір бөлмелі клуб үйін салады. Жаңа мектепте Қалабай Ділдебаев төрт сыныпқа екі ауысымда оқытады. Мектеп үйіне Жұмағұл Қойсықов әйелі Жамалмен екеуі отын тасып, от жағып, тазалық жұмыстарын атқарды.1935-1936 оқу жылында бұл мектепте білім алатын &nbsp;балалар саны артқан. Ұстаздық қызметті Түркістан қаласындағы педучилищенің 2 жылдық курсын бітірген Іскендір Аханов атқарған. Одан басқа үш мұғалім жұмыс істеген.1937-1938 жылдары «1 Май» мектебі жаңадан ескі формадағы кесектен салынған 4 бөлмелі үйде орталау мектеп болып ашылып, онда толық 7 сыныпта балалар сабақ оқыған. Ол мектепке&nbsp;Төлеп&nbsp;Жәлекеев деген азамат бірінші рет директор болып бекітілсе, 1942-1943 жылдары сол орталау мектепті&nbsp;Әуезхан&nbsp;Қодаров басқарды.1949-1952 жылдары орталау мектеп қайтадан бастауыш мектеп болып, оған Әнес Қуандықов жетекшілік етеді.Қазіргі С.Сейфуллин ауылында орналасқан «1 Май» мектебінің ескі мектеп ғимараты 1953-1954 жылдары колхозшылардың күшімен салынған екен. 1958-1960 жылдары бастауыш мектеп бала санының артуына байланысты қайтадан орталау мектеп болып, оған Оқас Дәрібаев, осы мектепте 1960-1963 жылдары Смағұл Тұрғанбаев, 1963-1965 жылдары Шәймен Сапарбаев, &nbsp;1965-1974 жылдары &nbsp;Мансұр Есназаров директорлық қызмет атқарды.«1 Май» мектебінің 1972 жылға дейін &nbsp;8 сыныптық негізгі мектеп ретінде білім беріп келсе, 1974 жылдан бастап №137 «1 Май» орта мектебінің осы күндегі 460 орындық жаңа ғимараты салынып, пайдалануға берілді. Жаңа мектептің директорлығын Тәждек Есенов 1974-1992 жылдары үздіксіз атқарады. Мектеп тарихында басшылық жасағандар&nbsp; 1992-1997 жылдары Балтабай Бержаппаров, 1997-2002 жылдары Серік Есназар, 2002-2009 жылдары Гүлбар Әбілева, 2009-2013 жылдары Мұрат Төлегенов Мұрат абыроймен атқарса, 2013 жылдан күні бүгінге дейін Бағдат Есназар Бағдат басқарып келді.№137 орта мектебінің аудандағы айшықты білім ордасына айналуына мектеп әкімшілігінің &nbsp;басшылығында ондаған жыл қызмет еткен және еңбек етіп келе жатқан Тоқшылық Әлиев, Жақан Нұрышов, Молот Жүнісов, Бекен Шаденов, Қарсақбай Ибрагимов, Оспан Мұстаяпов, Жұмабек Асанов, &nbsp;Рыскүл Ділдебаева, Рая Мұстаяпова, Сәуле Омарова, Абылай Нұрышов, Ақберген Мамытов, Қайрат Есекеев, Мұратбек Қарсақбаев,&nbsp;Шекергүл &nbsp;Картаеваның еңбегі ерекше.Сонымен қатар бүкіл өмірін мектепке арнап, ұстаздықты өмірінің ұстынына айналдырған аяулы ұстаздар да баршылық. Олардың есімдері №137 орта мектеп шежіресінде алтын әріппен жазылған.Әр білім ордасы түлектерімен тұғырлы.&nbsp;Осы жылдар аралығында егемен еліміздің өркендеуіне атсалысып келе жатқан мектебіміздің жүздеген шәкірттері Қазақстанның түпкір-түпкірінде еселі еңбек етуде.1972 жылға дейін «1 Май» атындағы 8 жылдық негізгі мектепті бітірген&nbsp;Әбу Бекішов, Мақсұт Әбілдаев,&nbsp;Феруза Қыдырбаева,&nbsp;Күләй&nbsp;Жотаева,&nbsp;Есенгелді&nbsp;Әбдікәрімов&nbsp;ауылдың мақтаныштары.№137 мектебі 1975 жылдан бастап &nbsp;орта мектеп болғаннан кейін де ондаған үздік шәкірттерімен мақтана алады. Олардың қатарында білім саласында еселі еңбек етіп, еліміздің дамуына атсалысып жүрген көптеген азаматтар бар.2015 жылы жергілікті бюджеттің есебінен мектеп жанына жаңадан акт залы салынып берілуі материалдық базаның нығаюымен қатар оқу-тәрбие үдерісінің де биік сатыға көтерілуіне өзіндік үлесін қосты.Педагогикалық ұжымдағы мұғалімдер заман үдерісіне сай жаңартылған оқу мазмұны негізінде шәкірттерге саналы тәрбие мен сапалы білім беруде аянбай еңбек етуде. Жыл сайын мектеп түлектері 100 пайыз жоғары және арнаулы оқу орындарына түсіп отыр.Сан түлекке тұғыр болған №137 орта мектебі 2020 жылы 90 жылдығын атап өтті. Сол жылы мектеп түлектерінің демеушілігімен мектеп мұражайы ашылды. Мектеп тарихы «Сәкен ауылы – ұлағаттың ұясы» атты кітапқа енді.Тарихы бай киелі білім ордасының ұстаздар қауымы заман үдерісіне сай қызмет етіп, жас ұрпаққа тәлім-тәрбие беруде алдыңғы қатардан көрініп келеді.

Сырдария: Мектеп жас ұрпаққа тәлім-тәрбие беруде алдыңғы қатардан көрініп келеді

<a href="https://kyzylorda-news.kz/">Kyzylorda-news.kz</a> &nbsp;Геймдев немесе ойын әзірлеу индустриясы кейінгі жылдары ерекше дамып, сұранысы артқан бағыттардың біріне айналып үлгірді. Қазір gamedev&nbsp;тек&nbsp;ойын-сауық&nbsp;ғана&nbsp;емес,&nbsp;креативті&nbsp;өнер,&nbsp;технологиялық&nbsp;инновация&nbsp;және&nbsp;іскерлік&nbsp;сала&nbsp;ретінде&nbsp;де&nbsp;қарастырылады.Бұл&nbsp;туралы&nbsp;азды-көпті&nbsp;мәлімет&nbsp;білу&nbsp;үшін GameLab&nbsp;ойын&nbsp;әзірлеу&nbsp;зертханасының&nbsp;маманы, UMAI Gaming қыздар тобының мүшесі Назым Жұмабаевамен сұхбаттастық. Жерлесіміз&nbsp;қаладағы №15&nbsp;мектеп-лицейдің&nbsp;түлегі,&nbsp;Қазақстан-Британ техникалық университетінде ақпараттық технологиялар факультетін тәмамдаған. ІТ салада білімін шыңдау мақсатында ҚБТУ университетінде магистратурада оқып жатыр.− Бүгінде GameLab ойын әзірлеу зертханасында кіші ғылыми маман ретінде жұмыс істейсіз. Жұмыс процесі туралы толық айтып берсеңіз.<blockquote>− Иә, қазір мен GameLab құрамында кіші ғылыми қызметкермін. Жұмысым ойын және геймификацияны зерттеумен байланысты. Зертханада ойын жасаумен байланысты түрлі іс-шаралар, лекция, хакатон ұйымдастырамыз. Ал менторинг бағдарламамызда зертхана маманы ретінде студенттерге ойын жобаларын әзірлеуге көмектесемін.Осы жылы өзімнің алғашқы ғылыми мақаламды жаздым. Сол мақала аясында геймификацияның оқу процесіне қалай әсер ететінін зерттедік. Сондай-ақ түрлі оқу бағдарламаларын жасаймыз. Мәселен соңғы оқу бағдарламаларының бірі − ЮНИСЕФ Балалар Қорымен бірге әзірленген «сандық қоғамдық игіліктер жасау» бойынша онлайн курс, ойын және квесттен тұратын DPG Lab бағдарламасы. Осы жобада мен квестке жауапты болдым.</blockquote>− ІТ саласына қалай және қашан келдіңіз? Неге Gamedev?<blockquote>− Менің оқиғам қызық көрінуі мүмкін. IT саласына университетке түскеннен кейін қызыға бастадым. Студенттік кезеңнің екі жылында бағдарламалау, математика секілді жалпы пәндерді оқыдық.Кейін 3-курста таңдау пәндері басталды. Осылайша өзіме ұнайтын әрі қызықты салаларды қарастыра бастадым. Таңдауым компьютерлік графика және ойын әзірлеумен байланысты пәндерге түсті.Дәл сол кезде университет жанынан GameLab ойын әзірлеу зертханасы ашылды. Олар ойын жасау бойынша жазғы мектеп ұйымдастырды. Әрине, мен бұл мүмкіндікті пайдаланып, жазғы мектепке қатыстым. Sperasoft, Garena, Wargaming компанияларынан, Абертей университетінен ойын саласындағы эксперттерден дәріс алдым, ойын ойлап табу, концептілеу және әзірлеу туралы воркшоптардан қалмадым. Осылайша жазғы мектептің арқасында геймдевпен жақын танысып, осы салада білікті маман ретінде қалыптасқым келетінін түсіндім.</blockquote>− Алғашқы тәжірибе туралы сөз қозғасақ. Ал Ең сәтті жүзеге асқан жобаңыз қандай?<blockquote>− 1-курста бағдарламалау пәнінде Python тілін меңгердік. Пән аясында ойын жасауға тапсырма берілді. Сол кезде барлығына таныс «змейканы» әзірледім. Алғашқы тәжірибемді осылайша тапсырма барысында жасадым.Қазір UMAI Gaming-пен бірге түркі мифологиясы туралы қазақ стиліндегі «Із» ойынын әзірлеудеміз. Қазір Steam халықаралық платформасында ойынның жеке парақшасы бар. Платформадан оны ағылшынша «Iz» деп табуға болады. Осы жылдың соңында ойынның бірінші бөлімін шығарамыз деп жоспарлап отырмыз. Бұл жоба қазақстандық және халықаралық іс-шараларда таныстырылды. Осы ойын арқылы қазақ мәдениетін әлемге танытсақ дейміз.Ойын оқиғасы 15 ғасырдағы қазақ далаларында орын алады. Баян есімді батыр қыз туралы. Ол зұлымның қақпанына түскен сіңлісін құтқаруы керек. Баян өз жолында қазақ/түркі миф, аңыз, ертегілеріндегі түрлі кейіпкерлерімен әрекеттеседі. Біреуі дос, біреуі қас болады. Дұшпандардан шаңқобыз аспабының көмегімен күреседі. Себебі ертеде шаңқобыз зұлымдарды қорқытады деп сенген. Осындай сюжет арқылы біз ойыншыны қазақ мифологиясы, мәдениетімен таныстырамыз.</blockquote>− Жас мамандарға немесе бұл салаға енді қадам басып жатқандарға қандай кеңес бересіз?<blockquote>− Теориямен қатар практиканы қатар алып жүру қажет. Яғни, барлығына атсалысып көре білу және көріне білу керек. Ал нақты ойын жасағыңыз келсе, көбірек ойын ойнаңыз. Бұл әзіл емес. Осы жерге орыс тіліндегі «насмотренность» деген сөз күшті келеді. Көбірек білсеңіз, кейбір сәттерде өзіңізге әлдеқайда оңай болады.</blockquote>− Ойын әзірлеуші ең алдымен нені білуі қажет?<blockquote>− Өнімді әзірлеп, оны шығару үшін көп нәрсе керек. Код жазу, сюжет ойлап табу, сурет салу, музыка жасау, дизайн істеу, ойынды сата білу, анализ жасау, келісе білу. Тізбектеп айта берсек, өте көп. Өз бетіңізше жасайтын болсаңыз, осынын бәрін білу керек. Ал топта жасайтын болсаңыз, сіз тек бірнеше нақты бөлімдерге ғана жауапты боласыз, бірақ оған қоса топта жұмыс істеу қабілетіңіз болу қажет.</blockquote>− Сіздің ойыңызша Қазақстандағы ойындардың болашағы қандай?<blockquote>− Қазақстандық геймдев даму жолының басында десек болады. Облыстарда әртүрлі геймдев орталықтары мен зертханалар ашылып, университеттерде ойын жасау бойынша жаңадан пәндер қосылуда. Жыл сайын геймджемдер, ойын жасау бойынша хакатондар ұйымдастырылуда. Ең қуантарлығы, адамдардың қызығушылығы артуда. Мысалы, GameLab-та 8 студенттік топ өз ойындарын жасап жүр.</blockquote>− Сұхбатыңызға рақмет!&nbsp;Әлия ТӘЖІБАЙФото: кейіпкерден

Қызылордалық маман: студенттерге ойын жобаларын әзірлеуге көмектесемін

<a href="https://kyzylorda-news.kz/">Kyzylorda-news.kz</a>&nbsp; &nbsp; Ертегі әлеміндегі Мезозой эрасының тіршілік әлемі – алып динозаврлар тұқымдасы біздің өңірде де мекендеген десек, бірі сенсе бірі сенбес. Қармақшы ауданы, Жосалы кентінің солтүстік шығысында 1957 жылы КСРО Ғылым академиясы Бозтөбе түзілімдеріне жүргізілген экспедиция барысында динозаврдың тұмсықсыз бас сүйегінің қаңқасы табылған. Бас сүйекті палеонтолог Анатолий Рождественский зерттеп, сараптамалар нәтижесінде динозаврдың болжам жасын (93,9–89,8 млн жыл) анықтады. Аталған бас сүйек қаңқасы Арал маңында табылғандықтан, палеонтолог-ғалым А.К.Рожденственский динозаврдың осы бір тұқымдасын Аралозавр деп атады.Аралозавр – қазіргі Қазақстан жерінде өмір сүрген динозавр туысының гадрозавр тұқымдасына жататын үйрек тұмсықты динозавр. Шамамен Бор кезеңінде өмір сүрген динозаврдың атауы «Арал аймағының кесірткесі» деген мағынаны білдіреді. Аралозаврдың болжамды ұзындығы 8-9 метр, биіктігі 2 метр шамасында болған. Салмағы шамамен 5 тоннаны құрайды.Ол иілген доға тәріздес тұмысығымен ерекшеленеді. Аралозаврдың бұл доғалы тұмсығы басқа гадрозавридтерге, соның ішінде жақын туысы – грипозаврларға қарағанда жақсы дамыған. Тағы бір ерекшелігі – бас сүйегінің артқы жағы кең, жақ бұлшықеттері үлкен болып келеді. Табылған бас сүйек қаңқасында 1000-ға жуық кішкентай тістерінің болуы байқалған. Тістер өсімдіктерді шайнау үшін пайдаланылды. Бұл шөпқоректі динозаврларда жиі кездеседі, яғни өңірімізде жыртқыш емес, зиянсыз шөпқоректі бауырымен жорғалаушылардың алып түрі болғандығы нақтыланған. Аралозаврдың көздерінің алдында кішкентай үрленген шарларға ұқсас дөңгелектер болған. Ғалымдардың айтуы бойынша, олар осы қос шарды үрлеу арқылы зор дауысын шығарған. Олар оны шар тәрізді үрлеп, жыртқыштарды үркітуге немесе серіктестерді шақыруға пайдаланған болса керек. Бұтақтарды, жапырақтарды және гүлді өсімдіктерді тіссіз тұмсықтарымен кесіп, артқы азу тістерімен шайнаған. Аралозаврлар ұя салуға қолайлы жерлерде балапандарына қамқорлық жасап, қорғау үшін табынмен (үйірмен) бірге жүрген. Артқы аяғы алдыңғы аяққа қарағанда жуан, ұзынырақ және күштірек болған. Ал алдыңғы екі аяғы әлсіз, қысқа, тек талдан қорегін алуға пайдаланған бола керек.Сыр өңірінде мекендеген алып бауырымен жорғалаушылар қатарында динозаврдың тағы бір түрі – Арыстанозавр да бар. Атауы Сыр топырағындағы Арыстан-баба құдығымен тікелей байланысты. 1972 жылы Бозтөбе түзілімдерінен табылған алып кесірткенің тістері мен жамбас сүйегі Арыстанозаврға тән екені анықталды. Кейін ол Кератопсияға тиесілі болуы мүмкін деген болжам жасалды. Нәтижесінде көп жыл бойы жалғасқан түрлік сәйкестігі бар пікірталас ғалымдар арасында тартысты болжам жасауға себеп болды. 2004 жылы соңғы құрал-жабдықтар көмегімен нүктесі қойылып, гадрозаврларға жататыны нақтыланды. Болжамды биіктігі – 5-6 м, ұзындығы – 15 м, салмағы – 56 тонна болатын шөпқоректі деген анықтама берілген.Гадрозаврлар, яғни үйрек тұмсықты динозаврлар қатарына жататын Сыр бойында «Батырозавр» да мекен еткен. Батырозавр – Бор дәуірінде жойылып кеткен тағы бір алып шөпқоректі динозаврлар тұқымдасы. Жалпы атауы түрік тілінен аударғанда «жауынгер батыр» сөзінің қосылуы арқылы жасалған. Бұл атау белгілі кеңестік палеонтолог және және азиялық гадрозавроидтарды зерттеген Анатолий Константинович Рождественскийдің құрметіне берілген. Азия территориясында гадрозавр тұқымдастарын жете зерттеген палеонтолог-ғалым А.К.Рождественскийдің орасан еңбегі бағаланып, өз ісінің батыры санаған ғалымдар аталмыш динозаврға «Батырозавр» атауын берген. Шамалық ұзындығы – 5-6 м. Зерттеу барысында үлкен бармақ, төменгі жақ, жартылай ми корпусы, 60 шақты тіс, екі сүйегі табылған. 2012 жылы бельгиялық палеонтолог Паскаль Годфруа және оның әріптестері топтық ғылыми зерттеу анықтамасын жасаған.Мезозой эрасының бор кезеңінің екінші жартысында жер шарының тіршілік әлемі және физгеографиялық жағдайы күрт өзгерістерге ұшырап, ірі жануарлардың жаппай қырылуы басталды.&nbsp;Оның себебі әлі толық ашылған жоқ.Сыр топырағында алғаш 1957 жылы табылған аралозаврдың бас сүйек қаңқасы КСРО ғалымдарының Орталық Азия жерінде жүйелі зерттеу жұмыстарын жүргізуге қызығушылығын арттырды. Зерттеу жұмыстары осылай Аралозаврмен қатар, Арыстанозавр және Батырозаврларды анықтады.&nbsp;Ләззат ЖАЛҒАСБАЙҚЫЗЫФото: Pikabu Publish Bot

Бор кезеңінде өмір сүрген «Арал аймағының кесірткесі»

<a href="https://kyzylorda-news.kz/ru">Kyzylorda-news.kz</a>&nbsp; Мектептегі 11 жылдық білімнің тәмамдалғанын қолыңа аттестат алғанда ұғынасың. Биыл 3,8 млн-нан астам оқушы оқу жылын аяқтады. 186 мың түлек 11 сыныпты тәмамдаса, оның 7,8 мыңы алтын белгі иегері. Қызылорда қаласы бойынша 2023-2024 оқу жылында білім бөліміне қарасты мектептерде 2878, жеке мектепте 395, жалпы қала бойынша 3273 оқушы 11 сыныпты бітірді. Оның ішінде алтын белгіге үміткер жеке мектепті қоса есептегенде 206 үміткер болса, үздік аттестатқа үмітті 347 оқушы.Сондай-ақ Қызылорда қаласындағы Назарбаев Зияткерлік мектебінде түлектерге аттестат табыстау салтанатты шарасы өтті. Биылғы оқу жылында мектеп қабырғасынан 113 түлек үлкен өмірге қанат қақты. Оның 3-і «Алтын белгі», 16-ы ерекше аттестат иегері атанды.Мектеп директоры Жаңбыржан Бекболатов жас зияткерлерге алдағы білім жолында сәттілік тілеп, мықты маман атанатындарына сенім білдірді.Аттестат табыстау рәсімі маусым айының 12-14 күндері деп белгіленген еді. Бұл куәлікті маңызды деп жатамыз, дегенмен аттестаттың мектептен кейінгі өмірге әсері бар ма? Қызыл және көк болып екіге бөлінетін аттестаттың айырмашылықтарын және ерекшеліктерін білесіз бе?&nbsp;Жалпы аттестаттың басты мақсаты – 9 және 11 жылғы білімнің нәтижесін көрсету. Оқуға түсер алдында қажет маңызды куәлік. Көк аттестат – он бір жыл бойы алған білімнің дәрежесі әртүрлі болғанда, яғни «3», «4», «5» секілді баға алып жүрген оқушы иемденетін құжаттың түсі.Қызыл аттестат – 10-11-сынып аралығында шыққан қорытынды бағалар 5 болса, не болмаса «Алтын белгі» иегері атанатын болса берілетін құжат. Бұл аттестат оқуға түсер кезінде өзі рөлін атқарады. Сізбен бәсекелес болып, тең түсіп тұрған оқушыдан ілгері болуға көмектеседі. Алайда кейін одан келер пайда аз.<blockquote>– 9-сыныпты тәмамдадым. Аттестат алу рәсімі өтті. Іші толы 5, яғни қызыл түсті. Оны алу үшін барлық сабағымды жақсы оқып, үздік нәтиже көрсетуге тырыстым. Оқуды 11-сыныпқа дейін жалғастырғым келеді, әзірге болашақ мамандығымды ойластырып жүрмін. Ол кезде де алатын аттестаттың түсі қызыл болады деп сенемін, себебі оқуға түсерде маған берер пайдасы мол, – дейді 9-сынып оқушысы Сезім Әскербек.</blockquote>Емтиханнан көз ашпай, онсызда қысым мен стресс үстіндегі оқушы аттестаттың ішіндегі баға мен сыртындағы түсіне алаңдауы керек пе? Осы ойды жоққа шығарып, аттестаттың алып бара жатқан пәрмені жоқ деп есептейтін де оқушы аз емес, соның бірі біздің келесі оқырманымыз.<blockquote>– Менің ойымша, қызыл аттестаттың оқуға түскенге дейін де, одан кейін де пайда- сы жоқ. Қазір түлектер үшін ҰБТ-дан алған ұпай маңызды, ал аттестат кейбірмізге ғана көмектесері анық.Аттестатты алу үшін алдымен мемлекеттік емтихан тапсырдық. Бірақ аттестатқа түсетін баға оған ғана қарап қалмайды. Тоқсан бойы алған бағаларыңның арасында «3», «4» болса көк аттестат аламыз.Шынымды айтсам, 11-ші сынып басталғалы назарымыздың бәрі болашақ мамандық пен оқуға түсу жолдарында болды. Емтиханнан көз ашпай, күні-түні қосымша курсқа қатысып, білімімізді шыңдап та, сынап та көрдік. Ал аттестат бағасы мүлде алаңдатпады. Әрине, сабаққа мұқият болдық, аттестатым 4-5 деген бағаға толы. Бірақ, байқағаным, қызылды көздегендер аз болды. Себебі ол фокус қоятын дүние емес еді. Яғни тек оқуға түсерде аз балл алып қалсақ қана көмегін тигізер деген үміт болды. Қазір ҰБТ-ны да, мемлекеттік емтиханды да сәтті тапсырған соң, 11 жылдық білімнің ақталғанын сезіндік.&nbsp;Иықтан ауыр жүк түскендей, студенттік өмірге дайындалудамыз, – дейді биылғы түлек Динар Ғабиденұлы.</blockquote>Аталған аттестаттардан бөлек, «Алтын белгі» медалі бар. Оны алу үшін де жас түлектер аз тер төкпейді. Бірақ кейінгі жылдары бұл белгіні иемденгендердің біліміне сенімсіздік туындауда. ҰБТ-дан алған 70 ұпаймен «алтын белгі» иесі болып жүргендер баршылық екен. Ал мынадай нәтижемен бұл белгінің иесі болу білім беру саласының қызметіне сызат түскенін білдіре ме?«Алтын белгіні» алатын оқушы міндетті түрде мектеп жылдарында озық ойымен, ақыл-парасатымен, білімділігімен көзге көрінуі тиіс. Білім беру мекемесіндегі мұғалім тек кейінгі жылдары ғана «үздік болуға қызыққанның» кеудесіне белгіні таға салмауы тиіс. Оқушыны әу бастан осыған дайындап, «алтын белгіге» лайықты етуге тырысу керек.<blockquote>– 11 жыл бойы оқу ордасында үздік болғаным үшін лицей мұғалімдері «алтын белгіге» ұсынды. Белгіні қорғау үшін 5 пәннен емтихан тапсырдым. Тест қазақ тілі, орыс тілі, Қазақстан тарихы, алгебра және биология пәнінен құралды. Алгебра және қазақ тілі пәнінен емтихан жұмысын комиссия мүшелері тексерді. Барлық пәннен үздік нәтиже көрсетіп, алтын белгіге қол жеткіздім деп ойлаймын. Тек емтиханнан жақсы баға алып қоймай, белгіге лайық екеніме ҰБТ-дан алған ұпайым дәлел бола алады. Үздіксіз дайындалып, тынымсыз еңбектің арқасында 118 ұпайды еншіледім, – дейді биылғы «Алтын белгі» иесі Бибарыс Кәдірбай.</blockquote>Иә, атап өткен қызыл мен көк аттестаттың, «алтын белгінің» рөлі әрбір оқушы үшін маңызды. Бұл – шәкіртті үздік болуға машықтап қана қоймай, жоғары нәтиже көрсетуге ынталандыратын сый. Оқуға түскеннен кейін аса маңызы болмаса да, оқушыға аз да болса үміт сыйлайтынын есте сақтаған абзал.«Бір құмалақ бір қарын майды шірітеді» демекші, білімдінің мықтысы, озық ойлысы ғана алатын қызыл аттестат пен «алтын белгіні» оңай олжалауға болмайды. Бұл салғырттық еліміздің білім саласына, болашақ мамандардың сапасыздығына әкеліп соғатынын есте сақтайық.&nbsp;Нұршат НЫШАНОВАФото:ru.sputnik.kz

Бибарыс Кәдірбай: Үздіксіз дайындалып, тынымсыз еңбектің арқасында 118 ұпайды еншіледім 

<a href="https://kyzylorda-news.kz/">Kyzylorda-news.kz</a>&nbsp; &nbsp; Елімізде&nbsp;дәл&nbsp;қазір&nbsp;негізгі&nbsp;ҰБТ&nbsp;жүріп&nbsp;жатыр.&nbsp;Әзірге&nbsp;тестілеудің&nbsp;барлық 140&nbsp;сұрағына&nbsp;толық&nbsp;жауап&nbsp;берген&nbsp;талапкер&nbsp;кездеспеді.Бүгінде облыс&nbsp;бойынша&nbsp;ең&nbsp;жоғарғы 136&nbsp;балды&nbsp;жинаған&nbsp;екі&nbsp;үміткер&nbsp;бар.&nbsp;Олар –&nbsp;Қармақшы&nbsp;ауданындағы №121 мектептің түлегі Мақсат Қуанышбек пен Жаңақорған ауданындағы №54 мектептің түлегі Аружан Шазат.Үздіктер&nbsp;болашақта&nbsp;кімболғысы&nbsp;келеді,&nbsp;білім&nbsp;бәсекесіне&nbsp;қалай&nbsp;дайындалды?&nbsp;Олардың&nbsp;кеңесі&nbsp;келесі&nbsp;жылғы&nbsp;үміткерлерге&nbsp;де&nbsp;пайдалы&nbsp;болар.&nbsp;Сондықтан&nbsp;талантты&nbsp;талапкерлердің&nbsp;өзімен&nbsp;тілдестік.<h2 style="text-align:justify;">Үздіксіз&nbsp;дайындықтың&nbsp;нәтижесі</h2>Жоғарғы&nbsp;нәтижеге&nbsp;қолжеткізген&nbsp;Мақсат&nbsp;дайындықты&nbsp;былтырғы&nbsp;жазда&nbsp;бастапты.<blockquote>– Информатика математика пәндерін таңдап, бағдарламашы болуға ниет еттім. Ақпараттық технологиялардың өзі бірнеше салаға бөлінеді, бірақ оның ішінде қай бағытта оқитынымды әлі нақтыламадым. Алматы қаласындағы Қазақстан-Британ техникалық университеті немесе Сүлеймен Демирел атындағы университетке түсуді көздеп отырмын.Өткен жылдың тамыз айынан бастап тыңғылықты түрде жеке дайындықты бастап кеттім. «Juz40» онлайн білім беру орталығының курстарын алып, жоспарлы түрде тынбай білімімді жетілдірдім.Ең алғаш 11-сыныпта тест тапсырғанда 70 балл алғаным бар. Кейін курсқа қатысып, дайындалған соң бақылау тесттеріндегі көрсеткішім бірте-бірте жақсара түсті. Алғашқыда 100 балл жинаған қатарластарымды көргенде, «бұған жету мүмкін емес-ау» деп ойлайтынмын. Дегенмен қаңтар мен наурыздағы ҰБТ-да 125 балл жинадым. Маған осыған дейінгі бақылау тесттері күрделі де, «нағыз ҰБТ» оңай секілді көрінді, – деді ол.</blockquote>Мақсаттың айтуынша курсты алу бөлек те, тұрақты дайындалу басқа. Себебі көптеген ата-ана балаларын қатарынан қалдырмай, ақылы сабақтарды алып бергенімен, оқушы ден қойып оқымаса, жақсы нәтижеге жету оңай емес.<h2 style="text-align:justify;">Болашақ мұғалім</h2>Ал педагог болуды мақсат еткен Аружан Абай атындағы Қазақ Ұлттық университетінде оқысам дейді. Ол ҰБТ-да қазақ тілі – қазақ әдебиеті пәндерін таңдаған.<blockquote>– Үздік болудың ешқандай сыры жоқ. Тек үзбей дайындалу керек. Жапон халқында «біреу жасағанды мен де жасай алам, ал істей алмаса, оны істеген алғашқы адам мен болам» деген сөз бар ғой. Менің де ұстанымым – осы. Бір адамның қолынан келсе, демек менің де қолымнан келеді деген сөз. Сондықтан өзіңді басқалармен салыстыра бергенше, алға қарай талпынған дұрыс.Дайындық барысында «Juz40» онлайн білім беру орталығының курсына қатыстым. Екінші ҰБТ-ға әлі де дайындық үстіндемін.Ал тарих секілді пәндер бойынша тек мектеп оқулықтарын қайталадым. Осыған дейінгі қаңтар мен наурыздағы ҰБТ-да 130-дан жоғары балл жинаған едім, – деді ол.</blockquote>P.S.&nbsp;2024 жылғы ҰБТ-ға 186 мыңға жуық талапкерден екі мүмкіндікті есепке алғанда 342 мыңға жуық өтініш қабылданды. Бұл жайында Ұлттық тестілеу орталығынан хабарланды.Оның ішінде тест тапсырушылардың 75%-ы – қазақ тілінде, 25% -ы – орыс тілінде, 229 адам – ағылшын тілінде ҰБТ-ға қатысуға өтініш білдірді.Грантқа үміткерлерге ҰБТ-ны тапсыруға екі мүмкіндік беріледі.Бұл ретте әр талапкер тестілеуді екі рет тапсырып, ең жақсы нәтижемен грант конкурсына қатыса алады.Айта кету керек, негізгі ҰБТ нәтижесі бойынша талапкерлерден грантқа құжат қабылдау 13 шілдеде басталады.&nbsp;Айдана ЖҰМАДИНОВАФото:imghub.ru

Аружан Шазат: Үздік болудың ешқандай сыры жоқ

<a href="https://kyzylorda-news.kz/">Kyzylorda-news.kz</a> Сырдария ауданының орталығы Тереңөзектен шалғайда жатқан Іңкәрдария ауылындағы №191 орта мектебі 1964 жылы құрылған. Міне, осынау жылдар ішінде ауыл мектебін көптеген мектеп түлектері бітіріп, еліміздің түкпір-түкпірінде қызмет атқаруда. Оның ішінде профессорлар, ғылым кандидаттары, мұғалімдер, дәрігерлер, журналистер, экономистер және де ауылшаруашылығында &nbsp;жұмыс істейтін мамандар да бар.Ауылдағы білім ошағы 1990 жылы 624 орындық қос қабатты ғимарат болып қайта салынғанда ел-жұрттың қуанышында шек болмады. Жаңа типті оқу орнының талабы мен сұранысына сай білім ордасында оқу-тәрбие үрдісін ізгілендіру жолында игі&nbsp;жұмыстар атқарылып келеді.<blockquote>– Мектеп – ғылым ғимараты.&nbsp;Сондықтан мектптегі тәртіп мүлтіксіз орындалуы тиіс. Мектептегі басты принциптердің бірі – балаларды оқуға қызықтыра отырып білім беру. Мектеп те мешіт секілді қасиетті орын.&nbsp;2023-2024 оқу жылын 185 оқушы аяқтады. 50 оқушы оқу озаты, 48 оқушы оқу екпіндісі болды. Бұл оқушылардың білім сапасының 67 пайызын көрсетті. Мектепте 16 кабинет жұмыс жасайды. 42 компьютер бар, 2 компьютер интернет желісіне қосылған. Оқушыларға 38 мұғалім дәріс береді. Оның 35-і жоғары білімді, 3-і арнаулы орта білімді. бірқатар пәндер электронды оқулықтармен оқытылады.</blockquote>Жыл сайынғы оқушылардың білімдерін сарапқа салатын Ұлттық бірыңғай тестілеу&nbsp;Қазақстан Республикасында&nbsp;қолданылатын мектеп бітірушілердің білімін сынау жүйесі. ҰБТ-ның нәтижесі жалпы және орта білім ұйымдары бойынша мемлекеттік аттестацияның қорытындысы ретінде есептеледі.&nbsp;Жыл сайын ҰБТ- ге қатысқан оқушылар барлығы да грант иегерлері атанып жүр.Биылғы оқу жылында орта мектепті 8 оқушы аяқтады. Осы оқу жылдарында 11 сынып оқушылары Әйгерім Дайрабайқызы «Алтын белгі», Әсемай Бекет «Үздік аттестат» иеленсе, негізгі мектепті бітіруші Шұғыла Әбдіразақ, Жайна Кәдірқызы, Айтолқын Темірбай, Аяулым Іңкәрбекқызы «Үздік аттестат» иегерлері атанды.&nbsp;Республикалық «Дарын», «Зерде» ғылыми жобалар сайыстарына оқушыларымыз белсене атсалысып келеді. Биылғы оқу жылында 10 оқушымыз қатысып, оның үшеуі аудандық кезеңде жүлделі орындармен марапатталды. Оқушыларды іскерлікке, еңбекке, төзімділікке үйрету мақсатында қолөнер, шахмат, волейбол, футбол, ән-хор, домбыра уйірмелері жұмыс жасайды, – дейді мектеп директорының міндетін атқарушы Елена Сейдахметова.Елена Сейдахметованың айтуынша қазіргі жаңа технологияға байланысты жаңартылған білім мазмұны бойынша 33 педагог, яғни 84,6% білімдерін жетілдірген. Деңгейлік курстан барлығы 6 педагог білім жетілдірсе, олардың 2-і І (ілгері) деңгей, 4-і ІІІ (базалық) деңгей бойынша бітірді. Тілдік курстан 1 педагог өткен. Химия және биология пәнінің мұғалімі Әйгерім Жәлімбетова В2, С1 деңгейі бойынша аяқтаған. Қысқа мерзімді түрлі тақырыптардағы жаңа технологияларға байланысты, критериалды бағалау, инклюзивті білім беру, жекелеген пәндер бойынша да кезекпен жылда 20-25 педагог білім жетілдіріп отырады.&nbsp;Мектепте 4 жас маман бар. 2-еуі жоғары, 2-еуі арнаулы орта білімді.2023-2024 оқу жылы бойынша «Жаңа жыл – жаңа қадам, жаңа бағыт» акциясы өтіп, әлеуметтік қолдауды қажет ететін көмекке мұқтаж және мектеп оқушыларына жаңа жылдық сыйлық беру мақсатында "Ақжарма және К" ЖШС төрағасы Қ.Нұрсейітов, "Думан" сауда үйінің директоры Мейрамбек Қонақбаев, «Ақжарма 1» ЖШС төрағасы Марат Бисенов, «Биали спорт» компаниясының директоры А.Шаукенбаев, ауыл кәсіпкерлері С.Несіпбаева, А.Сәрсенбаева оқу құралдарымен қамтамасыз еткен.<blockquote>– Мектептің 4 оқушысы үйден оқытылады. Оларға мектеп мұғалімдері үйлеріне барып білім берді. «Қарақасқа» елді мекенінен, №42 бекеттен 10 оқушы тасымалданды.</blockquote>Мектеп жанынан 2009 жылы «Еркетай» шағын орталығы ашылған болатын. Онда 2 топта 40 бала тәрбиеленуде. Ел ертеңі – жас ұрпақты саналы тәрбие, сапалы білім берген мектеп ұжымы тағы бір оқу жылын табысты аяқтап, жаңа оқу жылына дайындықты бастап кетті, – дейді Елена Сейдахметова.

Қызылқұмдағы білім шаңырағы

<a href="https://kyzylorda-news.kz/">Kyzylorda-news.kz</a>&nbsp; &nbsp; Тіл тазалығын сақтау – мәдениетке ұмтылған әрбір саналы адамның әрекеті. Қоғам дамып, алға озған сайын тіл де жанды құбылыс ретінде бірде дамып, бірде құлдырап отырады. Мемлекеттік тілдің мәртебесін арттыру, сондай-ақ, оның қолданыс аясын кеңейту үшін ең маңызды қадамдар мен өзекті мәселелер қозғалып келеді. Соның бір көрінісі ретінде көрнекі ақпараттар мен жарнама мәселесін қарастырған дұрыс.Сауатты жарнама – біріншіден, ауданның немесе ауылдың мәдени деңгейін көрсетсе, екіншіден мемлекеттік тілге деген құрметтің дәлелі. Осы мақсатта Қазалы қаласында кездескен қате жазылған жарнама мәтіндері туралы біршама ақпараттарды топтастырдым.Мәтін дегеніміз не? Мәтін арқылы кез келген адам өзіне қажет ақпаратты алады және сол жердегі мәліметтің дұрыстығына сенімді болады. Кітаптағы тақырыптық мәтіннен бастап, көшедегі маңдайшалардағы ақпараттың барлығы мәтін саналатындықтан, жазу кезінде грамматикалық және стильдік нормалардың сақталуына баса назар аударған дұрыс. Әрине, жарнама мәтіндері арнайы дизайнерлік орталықтарда әзірленеді. Сондықтан қызмет көрсетіп отырған жауапты тұлға ретінде жарнама агенттіктерінің қызметкерлері тілді қолдануда мемлекеттік тілде, сол жағына немесе жоғарғы жағына, орыс тілінде оң жағында немесе төменгі жағында орналасады, бірдей өлшемдегі әріптермен жазылады. Қажеттігіне қарай көрнекі ақпараттың мәтіндері қосымша басқа да тілдерге аударылуы мүмкін сияқты мәселелерді назарда ұстағаны дұрыс.&nbsp;Бұл ретте, арнайы бөлімдердегі мамандармен кеңесіп отырған артық етпейді. Көрнекі ақпараттар тіліндегі түрлі қателер, сауатсыз аудармалар қоғамдық санаға қаншалықты әсер етеді? Ең алдымен қоғамның басты құндылығы болып саналатын адамдар заңнама туралы толық хабардар болуы тиіс.2021 жылы 29 желтоқсан күні Қазақстан Республикасы 1997 жылғы 11 шілдедегі №151 «Қазақстан Республикасындағы тіл туралы» Заңының «Деректемелер мен көрнекi ақпарат тiлi» 21-бабына өзгерістер енгізілгені өздеріңізге белгілі. Ол қандай өзгерістер? Олар:<ul><li style="text-align:justify;">деректемелер мен көрнекі ақпараттың мәтіндері орфография нормалары және мәтіннің теңтүпнұсқалы аудармасы сақтала отырып жазылуы тиіс;</li><li style="text-align:justify;">мемлекеттік ұйымдардың бланкілері мемлекеттік тілде және орыс тілінде, қажет болған кезде басқа тілдерде де жазылады;</li><li style="text-align:justify;">мемлекеттік емес ұйымдардың бланкілері мемлекеттік тілде, қажет болған кезде орыс тілінде және (немесе) басқа тілдерде де жазылады;</li><li style="text-align:justify;">мемлекеттік ұйымдардың маңдайшалары мемлекеттік тілде және орыс тілінде, қажет болған кезде басқа тілдерде де орналастырылады.</li><li style="text-align:justify;">мемлекеттік емес ұйымдардың маңдайшалары мемлекеттік тілде, қажет болған кезде орыс тілінде және (немесе) басқа тілдерде де орналастырылады;</li><li style="text-align:justify;">Қазақстан Республикасында қорғалатын, мемлекеттік емес ұйымдардың маңдайшаларында пайдаланылатын тауар белгілері өзгермеген түрінде жазылады.</li></ul>Егер Қазақстан Республикасы ратификациялаған халықаралық шарттарда өзгеше көзделмесе, жол белгілеріндегі жазбалар мемлекеттік тілде жазылады.Егер Қазақстан Республикасының заңнамалық актілерінде өзгеше көзделмесе, хабарландырулар, жарнама, прейскуранттар, баға көрсеткiштерi, ас мәзірлері, нұсқағыштар және басқа да көрнекi ақпарат мемлекеттік тілде, қажет болған кезде орыс тілінде және (немесе) басқа тiлдерде де орналастырылады.Алтыншы бөліктегі «Көрнекі», «көрнекі» деген сөздер тиісінше «Деректемелер мен көрнекі», «деректемелер мен көрнекі» деген сөздермен ауыстырылған. Осы мақсатта Қазалы ауданы аумағында «AMANAT» партиясы жанынан құрылған «Таза тіл» тобы жұмыс істейді. Бұл топтың мүшелері: Халықаралық «Қазақ тілі» қоғамы қоғамдық ұйымы, Қызылорда облыстық тілдерді оқыту орталығының аудандағы өкілдері, аудандық кәсіпкерлік, өнеркәсіп және туризм бөлімі, «Жастар ресурстық орталығы» КММ, Мәдениет және спорт бөлімдері ортақ іске бірлесе атсалысып, жұмыла жұмыс атқаруда.Осы жұмыстардың нәтижесінде жоғарыда берілген жарнама мәтіндеріне түзетулер енгізіп, заңды тұрғыда нақтыланды.Сондай-ақ аудандағы қоғамдық тамақтану орындарына жүргізілген рейд жұмыстарының нәтижесінде, ас мәзіріндегі кемшіліктер анықталды. Облысымыздың жетістігі ретінде 2023 жылы ғалымдардың жетекшілігімен жарық көрген «Тағам атауларының сөздігі» атты еңбекті айта кеткенді жөн санадым. Қызылорда облысының қоғамдық даму басқармасының жобасы аясында атқарылған ілкімді істердің қатарынан көрінген еңбектің тұтынушылар үшін маңызы зор. Еліміздегі алғаш рет қоғамдық тамақтану орындарында ас мәзірін мемлекеттік тілде ұсынудың базасы жасалып және Алаштың анасы – Сыр бойында басталды. 2052 тағам атауы топтастырылған сөздік арқылы тамақтану орындары ас мәзірін қазақшалау ісіне көшті.Кеңес Одағының батыры Бауыржан Момышұлы айтқандай «Тіл тазалығы үшін күрес – ешқашан толастамайтын мәңгілік күрес». Сондықтан тіліміздің тазалығы үшін күресімізді ешқашан толастатпай, өз жұмысымызды абыроймен атқара берейік.Түйіндеп айтқанда, «Қазақ тілінің мемлекеттік тіл ретіндегі рөлі күшейіп, ұлтаралық қатынас тіліне айналатын кезеңі келеді деп есептеймін. Бірақ мұндай дәрежеге жету үшін бәріміз даңғаза жасамай, жұмыла жұмыс жүргізуіміз керек» деген Қазақстан Республикасының Президенті Қасым-Жомарт Тоқаевтың тапсырмасын іске асыру – біздің абыройлы міндетіміз.&nbsp;Жансая ПІРІМФото:zhanatas-abylaihan.mektebi.kz

Қызылордада ас мәзірін мемлекеттік тілде ұсыну бастау алды

<a href="https://kyzylorda-news.kz/">Kyzylorda-news.kz</a> &nbsp; Қызылорда Ә.Тәжібаев атындағы облыстық әмбебеап кітапхананың өнер бөлімі қорына жаңадан көптеген әдебиеттер келіп түсуде. &nbsp;Оның ішінде киім дизайны, психология мамандығының білім алушыларына, музыкалық өнер факультеттерінің оқытушылары мен студенттеріне арналған әдебиеттер оқырман назарына ұсынылады.&nbsp;Сонымен қатар кітапхана қоры Қызылорда қалалық өнер мектебінің ұстазы Дархан Жаңабаевтың «Күй ордасы» атты кітабымен толықты. Жаңа кітапта домбырашы-композиторлардың күйлері мен әндерін, ансамбль мен оркестрге арналған шығармаларын біріктіріп, нотаға түсіріп, бейне жазбасын QR код арқылы беріп отыр. Сонымен қатар Басықара Ерсайын мен Көбенғалиев Бауыржанның «Мереке» атты кітабы примамен халық аспаптар оркестріне лайықталған шығармалар. Осы репертуарлық жинақтың ішіндегі Қазақстан мен шетел композиторларының шығармаларын оркестрлер әртүрлі сахналарда орындап жүр. Сонымен қатар Сарттарова Лаззаттың «Тігін бұйымдарын конструктивті үлгілеу», У.Демеуованың «Дизайн негіздері» атты оқулықтарда ерлерге және әйелдерге арналған киімдерді құрастыру теориясы мен практикасын зерттеуге арналған матералдар ұсынылған. Мұндай әдебиеттер болашақ дизайнерлерге таптырмас көмекші құрал болып табылады.Әнші, композитор «Созақтың Шәмшісіне» айналған Әділбек Нысанбаевтың «Бабаларға тағзым» ән жинағы музыка мектебі оқушылары, жоғары оқу орындары студенттері мен әнсүйер қауымға арналған. Халқымыздың сан ғасырлық ауыз әдебиетінің жинақталған үлгілері «Атамұра» мектеп кітапханасы» сериясымен мектеп жасындағы балаларға лайықтап «Лиро-эпостық жырлар» атты кітабы өз оқырманын күтуде.

Облыстық кітапхана жаңа кітап қорымен толықты 

<a href="https://kyzylorda-news.kz/">Kyzylorda-news.kz</a> &nbsp; Қызылорда қалалық мәдениет және тілдерді дамыту бөлімімен қалалық орталықтандырылған кітапханалар жүйесінің ұйымдастыруымен «Қаламгерлер аллеясында» жаңаша форматта «Кітап-қала» атты әдеби-сазды кеш өткізілді. Аллеяда «Шежірелі – Туған өлкем» кітап көрмесінің таныстырылымы өткізілді. Шара мәдениет бөлімі әншісі Әзімхан Төлегеновтың орындауындағы «Алаш ұраны» әнімен басталып, Н. Бекежанов атындағы қазақ музыкалық - акедемиялық драма театрының әртістері қазақ зиялылары Әлихан Бөкейхан, Мағжан Жұмабай, Міржақып Дулатұлы, Ыбырай Алтынсарин, Ахмет Байтұрсынұлының образындарын сомдауымен басталды.Аймақ басшысының бастамасымен биылғы жылды «Руханият жылы» деп жариялануына орай өткізілген «Кітап - қала» атты әдеби сазды кештің алғашқы сөз кезегі қалалық Мәдениет және тілдерді дамыту бөлімінің басшысы Тажмаханов Жағыпар Айтбайұлына беріліп, кітап атты ғаламаттың ұлылығы туралы, кітап оқымай нағыз тұлға болып қалыптасудың мүмкін еместігі туралы келелі әңгіме айтып,жастарды кітап оқуға шақырды. Шоқ жұлдыздай жарқырап әдебиет көгіне өзіндік өрнегімен көтеріліп келе жатқан өлкеміздің жас ақындарына кезек беріліп, жас ақындар Айдар Сайлауов, Аружан Оралбай, Дина Бөкебай, Бексұлтан Санақұл, Нұргұл Төлеубай, Жансая Қожас, Ұлықбек Бектай жүрекжарды жырларын оқып, көрермендер сүйіспеншілігіне бөленді.Жүргізуші білімді ұрпақ тәрбиелейміз десек, баланы кішкентай шағынан кітап оқуға баулығанымыз абзал, - дей келе жастардың зияткерлік қабілеттерін арттыруға және кітап оқу мәдениеттін барынша қалыптастыруға ықпал етіп, қызмет жасап жүрген «Кітап құрттары» оқырмандар клубының өкілдеріне сөз кезегін берді. «Кітап құрттары» оқырмандар клубының өкілі әдеби сұрақтар оқып, қызықты ойын ұйымдастырды. Озық ойлы оқырмандарға кітап сыйлады. Мәдениет бөлімінің әншісі Тоғжан Өтенова, Нұрдаулет Сақтапберген, Маратұлы Нәбиден жанды дауыста гитарамен кешкі қаланы әсем әнге бөледі. Кешті Қазақстан Жазушылар одағының мүшесі, ақын Ақжол Түменбай жүргізіп, қазақы нақыштағы әдемі сөздерімен өрнектеп, оқырмандарды үйіре білді. Өз еркімен ән салып, жыр оқыған өнерлі жастар өлкеміздің руханият ордасы екенін тағы бір дәлелдегендей болды.Қала тұрғындарына зор мерекелік көңіл-күй сыйлаған кітап мерекесі еліміз аман, жұртымыз тыныш болсын, Кітап оқып, рухани бай болайық! деген ізгі тілекпен аяқталды.

Қызылордада «Кітап-қала» атты әдеби-сазды кеш өтті

<a href="https://kyzylorda-news.kz/">Kyzylorda-news.kz</a>&nbsp; &nbsp; Қазалы аграрлы-техникалық колледжінде жаз мезгіліндегі қауіпсіздік ережелерін сақтау, бала тәрбиесіндегі ата-аналардың жауапкершіліктерін күшейту, құқықтық білім беруде білім саласы мамандары мен ата-аналардың рөлдерін үйлестіру мақсатында «Саналы ұрпақ – жарпқын болашақ» тақырыбында колледжішілік ата-аналар жиналысы өткізілді.Жиналысты колледж директоры Мусаев Арман Қонысбайұлы жүргізіп, күн тәртібіндегі мәселелермен таныстырды.&nbsp;Қазалы АПб-і ЖПҚб-нің ЮПт-ның аға инспекторы, полиция майоры Бегалиева Махаббат Төлепбергенқызы Қазалы ауданы бойынша жасөспірімдер арасында орын алған қылмыстар мен құқық бұзушылықтар туралы баяндама жасап, құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық – зомбылықтың алдын алу, жол қауіпсіздігін сақтау бағытында дәріс оқып, түсіндірме жұмыстарын жүргізді. Осы бағытта атқарылып жатқан жұмыстарға тоқталып, балаларды қатаң бақылауда ұстау керектігін ата-аналарға ескертті.&nbsp;Мұнан кейін директордың оқу жұмыстары жөніндегі орынбасары Шарбану Толыбайқызы мен директордың оқу-өндірістік жұмыстары жөніндегі орынбасары Арзақынов Қаршыға Меңдіқұлұлы 2023-2024 оқу жылындағы білім алушылардың мемлекеттік емтихандарының ұйымдастырылуы мен өткізілу барысына, атап айтқанда, ағымдық және қорытынды аттестаттаудан өткізу, диплом жұмыстарын қорғау туралы хабарлама жасады.Қазалы ауданы төтенше жағдай бөлімінің маманы азаматтық қорғаныс аға лейтенанты Бүркіт Сұлтанай Серікқалиұлы жаз мезгілінде су айдындарында білім алушылардың қауіпсіздігін қамтамасыз ету шараларын ұйымдастыру мақсатында төтенше жағдайлар департаментімен су айдындарындағы қауіпсіздікті қамтамасыз ету және жаз мезгіліндегі білім алушылар мен жасөспірімдер арасында келеңсіз жағдай орын алатын суға шомылу, өрт, тоқ көздерін қолдану кезіндегі қауіпсіздіктің алдын алу шаралары бойынша ата-аналарға түсіндірме жұмыстарын жүргізді.&nbsp;Тақырыпқа сәйкес бейнероликтер көрсетіліп, жадынамалар таратты.&nbsp;Колледж директорының тәрбие жұмыстары жөніндегі орынбасары Жаңылова Гүлазат Инабатқызы ата – аналарға балаларды бақылауда ұстап, жаз бойы топ кураторы, шеберлерімен және колледжбен байланыс жасап, бос уақыттарын тиімді пайдалану мақсатында «Жасыл ел» бағдарламасына қатыстыруға болатындығы туралы ескертті.&nbsp;Еске сала кетейік, Қызылорда облысында «Жасыл ел» еңбек жасағының жаңа маусымы басталған болатын. Сырбойылық жастар жаз бойы «Таза Қазақстан» эко-науқанына атсалысып, қоршаған ортаны көркейтіп, көгалдандыруға өз үлесін қосатын болады.&nbsp;Биыл жастар Президенттің эко бастамасын қолдап, «Таза Қазақстан» науқанына белсенді атсалысып жатыр. Жаздың үш айында облыс бойынша 1800-ден аса белсенді жас, жасыл елдің құрамында еңбек етіп, қала мен ауыл-аймақтың тазалығы мен гүлденуіне сүбелі үлесін қоспақ.Еңбек жасағына 16 мен 35 жас аралығындағы қыз-жігіттер ерікті түрде қабылданады. Және де жастар игі бастамаға қолдау көрсетіп қана қоймай, жасыл ел жобасы аясында еңбек ақы алатын болады.&nbsp;Қорлан САРЫФото:tilmedia.kz

«Саналы ұрпақ – жарқын болашақ» шарасы өтті

<a href="https://kyzylorda-news.kz/">Kyzylorda-news.kz</a> Жазғы демалысқа шыққан оқушылардың демалысын қызықты да көңілді өткізу мақсатында ауданға қарасты барлық білім ошағында күндізгі сауықтыру лагері жұмыс істеуде.№131 Талғат Қозыбаев атындағы орта мектепте де «Балауса» лагері оқушыларға қуаныш сыйлауда. Бірер күн бұрын мектеп жанында лагерде «Ұлттық құндылық – өшпес мұра» тақырыбында салтанатты іс-шара өткізілген болатын.Лагердегі барлық ауысымның әр күні қызықты оқиғалар мен іс-шараларға толы болды. Лагерь бағдарламасында демеуші кәсіпкерлер арқылы қаладан аниматорлар шақырылып, балмұздақтар таратылып, спорттық іс-шаралар ұйымдастырылған. Дәстүр бойынша балалар лагер ауысымының соңында ауысым кезінде басынан өткерген барлық жақсы оқиғаларды еске алды.Тәрбиелік мәні зор іс-шарада мектеп директоры Айнұр Әлиева мен аудандық білім бөлімінің әдіскері Салтанат Сақтағанова сөз сөйлеп, балаларға шығармашылық табыс және жазғы демалысын жақсы өткізуге тілектестігін білдірді.<blockquote>– Биылғы жылы мектеп жанындағы «Балауса» тынығу лагерінде 160 бала демалды. Демалыс кезінде арнайы іс-шара жоспарына сәйкес балаларды жақсы тынығуына жағдай жасалды. Түрлі сауықтыру іс-шараларымен қатар, ой-өрісін дамытатын дәрістер өткізілді. Қызықты демалыс күндер мұнымен аяқталмайды. Алдағы екі ай бойы балалар жақсы демалып, жаңа оқу жылына үлкен құлшыныспен келеді деген сенімдеміз,– деді мектеп директоры Айнұр Тоқшылыққызы.</blockquote>Мұнан бөлек ардагер-ұстаз Алтын Нұртаева тігін тігу мен құрақ құрау қалай жасалатынын айтып берсе, көркем еңбек пәнінің мұғалімі Уалихан Таңсықбаев ағаш бұйымдарының жасалу әдісі мен жолын түсіндіріп, балаларды үйренуге шақырды. Тағылымы мол іс-шараға жиналған қонақтар балалардың шығармашылық концертін тамашалады.Жалпы мектеп жанындағы лагерь бастауыш сынып оқушылары үшін 3 ауысым бойынша жұмыс жасады.<blockquote>– «Балауса» лагерінде 7 күн демалдым. Осы уақытта түрлі ұлттық спорт ойындарын ойнап, ағаштан жасалатын бұйымдармен таныстым. Тәлімгер апайлар уақытты ұялы телефонсыз да жақсы өткізуге болатынын дәлелдеді. Алдағы жазғы демалысымды спортпен шұғылданып, айналамды таза ұстап, табиғатты аялап ұстауға уақыт бөлемін, – дейді 2 сынып оқушысы Ернұр Әлібек.</blockquote>

"Балауса" лагерінде жабылу салтанаты өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебі халықаралық білім беру стандарттарына сәйкестігін растады. Осыдан бір ай бұрын Германия, Канада, Италия, Катар және еліміздің халықаралық сарапшылары мектепке келіп, білім беру бағдарламасынан бастап мектептегі қауіпсіздік ортасын қалыптастыруға дейін маңызды 9 бағыт бойынша тексеру жұмыстарын жүргізді.Оқушы, ата-ана, ұстаздар мен қамқоршылық кеңес мүшелерімен тілдесіп, оқыту үдерісі мен тәрбие жұмысына бағалау жүргізді. CIS командасы жіберген қорытынды нәтижелерінде мектептің бірнеше тиімді тұстарын атап өтті. Олар: оқушылар өздерін қауіпсіз әрі құнды екенін сезіну үшін қызметкерлер мектепте қолайлы ортаны құруда бірлесіп жұмыс жасайды, оқу мен сыныптан тыс шаралардың әралуандылығы шәкірттердің әл-ауқаты мен жаһандық азамат ретінде қалыптасуына оң септігін тигізеді, мектептегі жоғары сенім атмосферасы мен ерекше қамқорлық сезіледі.Айта кетейік, өңірдегі Зияткерлік мектеп халықаралық аккредиттеу сертификатын алғаш рет 2018 жылы алған болатын. CIS – білім беру саласындағы ең жоғары стандарттар мен соңғы жетістіктерді ілгерілету үшін құрылған әлемдегі ең танымал ұйым. Бүгінде оның құрамына 100-ден астам елден 911 мектеп пен 622 университет енген.Фото: НИШ

Қазақстан және Қызылорда облысының жаңалықтары: Білім