<a href="https://kyzylorda-news.kz/">Kyzylorda-news.kz</a> Мемлекет және қоғам қайраткері, Социалистік Еңбек ері Исатай Әбдікәрімовтің туғанына 101 жыл толуына орай, қаламыздың орталығында, колледж алдында орналасқан И.Әбдікәрімов&nbsp;ескерткішіне тағзым жасалып, гүл шоқтарын қою рәсімі өтті.Исатай Әбдікәрімов&nbsp; – ұзақ жылдар, бәлкім барлық өмірін өзі туып өскен Қызылорда өңірінінде әр түрлі басшы қызметте өткізген, аяулы азамат.&nbsp;Қасиетті Қаратау қойнауында туып, Ұлы Отан соғысының отты жолдарынан өткен Исатай Әбдікәрімов майданнан кейін ел тұрмысын түзеуге атсалысты. Өткен ғасырдың елуінші жылдарынан бастап Шиелі, Қармақшы, Жалағаш аудандық партия комитеттерінде қызмет етіп шаруашылықтың сан саласында жүріп шыңдалды. 1962 жылдың соңында Жалағаш пен Қармақшы аудандары қосылып, оны Исатай Әбдікәрімов басқарды. Мұнан соң облыстық партия комитетін, кейін Қазақ КСР жоғарғы Кеңесі Төралқасының Төрағасы болып тағайындалды. Қай қызметте болмасын қоғам қайраткері жемісті еңбек етті.Жүрегі таза, жақсылық үшін жаратылған текті жандар – шамға ұқсайды. Өйткені шамның жарығы айналасындағыларға тегіс жарық шашады. Сондай-ақ жақсы адамдар – жеміс ағаш сияқты. Басқалар оның тәтті жемісіне таласып, ырзығын пайдаланады. Исатай Әбдікәрімов осылай айналасын жан шуағымен жылытқан, аты аймақ тарихына алтын әріптермен жазылған кемеңгер тұлға еді.&nbsp;Парасат пайым биік, тау тұлғаның жарқын бейнесі, оның адамгершілікке толы бекзат болмысы ешқашанда ұмытылмайды, елімен бірге мәңгі жасай береді. Қысқа ғана ғұмырында жамандық пен жауыздықтан жиреніп, жақсылықпен, адамгершіліктің жолымен жүріп өмір кешті. Халқы сенді, сыйлады.Жетпіс жылдан астам уақытқа созылған Кеңес дәуірінде Қызылорда облысын 20-ға тарта басшы басқарған. Солардың ішінде облыс тізгінін ұзақ ұстап, ел алдында сіңірген еңбегі үшін облыс жұртшылығының ерекше сүйіспеншілігіне ие болған тұлғалардың бірегейі – Исатай Әбдікәрімов еді.&nbsp;Исатай Әбдікәрімов Мәскеуге дейін беделін салып Жамбыл гидромелиоративтік құрылыс институтының Қызылорда филиалын, бұрынғы күріш тәжірибе станциясының базасындағы Жақаев атындағы Қазақтың Күріш ғылыми зерттеу институтын ашқызды.Ел экономикасының қалыптасуына, халық­тың мәдени-рухани өміріне өлшеу­сіз еңбек сіңіріп, артында із қалдырған тұлғаға Қызылорда қаласында кеңестік дәуірден мамандар ұстаханасы атанған &nbsp;оқу орындарының бірі – аграрлық-техникалық колледжіне Исатай Әбдікәрімов есімі берілсе, Социалистік Еңбек Ері, белгілі қоғам қайраткері Исатай Әбдікәрімовтің 90 жылдығына орай 2014 жылы 7 маусымда туған жері Жаңакорған ауданы Қожакент ауылындағы орта мектепке оның есімі беріліп, кеудемүсіні ашылды.Игілікті іс-шарада сөз алған колледж директоры Абдикаримов Б.Ж.: «Ұлтқа, елге деген адал еңбегінің арқасында БАБАМЫЗ құрмет пен даңқтың сәулелі биігіне көтеріліп, ел жүрегінен мәңгі тұрақ тапты. Біз қашанда келер ұрпақ алдыңда Исатай Әбдікәрімовтің есімін әрқашан мақтанышпен айтамыз» - деді.Іс-шара барысында колледж ардагерлер кеңесінің төрағасы К.Б.Бекманов И.Әбдікәрімов – қазақ халқы мен Сыр елі тарихындағы текті тұлға, артына өшпес із қалдырған ел азаматы екенін атап өтті. Шара барысында И.Әбдікәрімов атындағы Қызылорда аграрлық техникалық жоғары колледжіннің студенттері Құдайберген Тұрсынбай, Әлиәкім Нұрбек «Жақсының аты өлмейді» дегендей өз шығармашылығынан арнау өлеңдерін оқыды.&nbsp;Гүл шоқтарын қою рәсімінен кейін колледждің мұражайында Исатай Әбдікәрімовке арналған бұрышпен колледж студенттері танысып, Исатай Әбдікәрімовті еске алуға арналған колледжішілік студенттер арасында дәстүрлі ХI баскетбол турнирі өткізілді.&nbsp;Қорлан САРЫ Фото: aqmeshit-zhastary.kz

Исатай Әбдікәрімовтың ескерткішіне тағзым жасалды

<a href="https://kyzylorda-news.kz/">Kyzylorda-news.kz.</a> &nbsp; Байқоңыр өңіріндегі, соның ішінде Төретам кентіндегі іргелі білім ордаларының бірі – Т.Жүргенов атындағы №80 мектеп-гимназиясы. Аты айтып тұрғандай, жай мектеп емес. Қарапайым мектептерге қарағанда беделі бар осы киелі білім ордасының қабырғасы сонау 1930 жылдардың соңына таяу қаланған. Бұл мектеп төретамдықтар үшін ыстық. Өйткені, осы өңірде алғаш салынған мектеп болған соң, бүкіл ауыл баласы осы мектептен сауат ашқан. Тамыры тереңге жайылған білім ұясынан көптеген шәкірт түлеп ұшты. Мектепті көптеген білікті де, білімді басшылар басқарды. Осы мектепті біршама уақыт басқарған Райхан Әлиева апайды төретамдықтардың көпшілігі жақсы біледі.«Ұстаздық еткен жалықпас, үйретуден балаға» демекші, алдынан талай шәкіртті үкілеп ұшырған ұлағатты ұстаз Райхан Шаухарқызының осы білім ордасы үшін сіңірген еңбегі ерен. Бүгінде бейнетінің зейнетін көріп отырған ұлағатты ұстазымыз қоғамдық жұмыстарға белсене араласып жүрген апайымызбен әңгімелесудің сәті түсіп еді.Балалық шақ – әр адамның ұмытылмас бал күндері. Ол кімді де болмасын сағынтпай, аңсатпай қоймайды. Балалық тәтті қылықтарың, айналаңның елжіреп, мейірім төгуі, бәрі де санаңда берік орнап, жаныңа жылу ұялататыны анық. Балалық шағы қасиетті Қармақшы өңірінде өткен Райхан апай&nbsp;1967 жылы Ш.Уәлиханов атындағы №26 мектептің 1-сыныбына оқуға қабылданады. Алғашқы ұстазы Әсия Шоқпарова апай болатын. Оқуын 2-сыныптан бастап жанұясының қоныс аударуына байланысты қазіргі Төребай би ауылындағы №199 мектепте жалғастырады. Мектеп 8 жылдық болғандықтан 8 сыныпты 1975 жылы бітіріп, сол жылы Қызылорда қаласындағы М.Мәметова атындағы қазақ қыздар педагогикалық училищесінің мектеп бөліміне оқуға түседі.<blockquote>– Ұстаз болу – менің бала күнімдегі арманым болатын. Сол арманның жетегімен ұстаздық мамандықты таңдадым. Өмірдегі көп мамандықтың ішінен ұстаздықты таңдағаныма мақтанамын. Ұстаз атана білу, оны қадір тұту, қастерлеу, арыңдай таза ұстау – әр мұғалімнің борышы. Мұғалімге тән ең бірінші қасиет – баланы құрметтеу. Оның адамшылық ар-ожданын, намысын, тұлғасын жасына қарамай сыйлау, құрмет тұту. Бұл мұғалімнің терең дүниетанымы мен үлкен жүрегінен келіп шығады. Мектептегі ұстаз – баланың екінші ата-анасы, болашаққа айқын жол сілтер ақылшысы, – дейді сөз арасында зейнеткер ұстаз.</blockquote><figure class="image"><img src="https://knadmin.beoblood.kz/uploads/7b93b98e_d464_426d_b6c5_f69fed7c206b_1_406ed788ea.jpg" alt="7b93b98e-d464-426d-b6c5-f69fed7c206b (1).jpg"><figcaption>Райхан Әлиева</figcaption></figure>Ол алғашқы еңбек жолын 1979 жылы өзі білім алған №199 мектептен бастайды. Өзі туған ауылда, өзіне білім берген ұстаздарының ортасында ұстаздық қызметін 17 жыл бастауыш сынып мұғалімі болып абыроймен атқарады. 1996 жылы жанұя жағдайына байланысты Төретам кентіне қоныс аударып, №80 мектепте әуелі мұғалім, екі жылдан кейін оқу ісінің меңгерушісі болады. Бұл қызметті абыроймен 15 жыл атқарып, 2013 жылдан бастап мектеп директоры қызметін 2019 жылға дейін адал &nbsp;атқарып, зейнеткерлікке шығады.«Отбасы – адамның алтын діңгегі» демекші, отбасы болашақ ұрпақ бойына адамзаттық құндылықтарды және ұлттың рухани байлықтарын сіңіретін тәрбие ошағы.Райхан Шаухарқызы 1981 жылы ауылдасы Нұрғабыл Есқалиевпен отау құрып, үлкен шаңыраққа, үлкен әулетке келін болу бақыты бұйырады. Марқұм жолдасы жоғары білімді ауыл шаруашылығы саласының маманы болатын. Ауылда ең алғаш рет құрылған «Жас толқын» комсомол жастар бригадасын басқарып, ауылдың экономикасын көтеруге елеулі үлес қосқан азамат болды. Ол «Халықтар достығы» орденінің иегері, Бүкілодақтық Халықтар шаруашылығы жетістіктер көрмесінің қола, күміс медальдарының иегері болды.Отбасында 5 бала, яғни 3 ұл, 2 қыз өсіріп, тәрбиелеген үлгілі отбасының отанасы Райхан Шаухарқызының бүгінде балаларының бәрі үйлі-баранды, әрқайсысы сан салада жоғары қызмет етіп жүрген жайы бар. Немерелерінің алды мектепті «Алтын белгімен» бітіріп, жоғары оқу орнында білім алуда.<blockquote>– Отбасы құндылығы – ең алдымен оның әрбір мүшесі екенін ескерсек, оларды құрметтеу, қадірлеу арқылы үлкенге қамқор, кішіге ізет дегенді үйретеміз, яғни адамгершілік қасиетті қалыптастырамыз. Ата-ана – отбасының алтын діңгегі, бастапқы дәнекері. Бала әкеден ақыл, анадан мейірім алады. Отбасы адам баласының түп қазығы, алтын ұясы. Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туыстарына деген сүйіспеншіліктен басталады. Сол себепті біз отбасымызды Отанның кішкентай бөлшегі ретінде қарастырамыз, – дейді ұстаз сөз арасында.</blockquote>Ұстаздық еткен 40 жылда көптеген жетістікке жетіп, сан алуан марапатқа ие болған ұлағатты ұстаз, соның ішіндегі ең маңыздысы – &nbsp;«шәкірт жүрегінен орын таба алуым» деп біледі. Яғни, ұстаз үшін ұстаздық қызметтегі жетістігі – өз бойындағы бар білімі мен тәжірибесін шәкірттерге дарыту, соларды биіктерге жетелеу деп санайды.Иә, қазіргі таңда құрметті демалыста болса да, әр нәрсе өз уақытында болғаны қызық және зейнетке шығудың өзі үлкен абырой, зор бақыт деп есептейтін ұлағатты ұстаз үшін немерелерінің ортасында бір сәт демалғанның өзі қызық. Десе де қоғам өмірінен тыс қалуға да болмайды, араласу қажет. Апай қазіргі таңда Төретам кенті бастауыш ардагерлер кеңесімен бірлесе отырып қоғамдық жұмыстарды атқаруда. Алдағы уақытта өмірден алған іс-тәжірибесі мен ақыл-кеңестерін кейінгі ұрпаққа орынды жерде бере білуді өз міндеті санайды.<blockquote>– Өскелең ұрпағымызды ұлттық бағытта тәрбиелеу, ұлдарымыздың бойында Отансүйгіштік, адамгершілік сезімді дарытып, қыздарымызға инабатты қасиеттерді еге білуіміз қажет. «Ел боламын десең, бесігіңді түзе» деген дана халқымыз. Атасы мен әжесінің құшағында емес, ғаламтордың шырмауында өскен кейінгі жас буынға ұлттық сананы қалыптастыру және халқымыздың ғасырлар бойы жинақталған рухани құндылықтары негізінде тәлім беру бүгінгі күннің талабы. Егер біз тәуелсіздігіміз тұғырлы, егемендігіміз баянды болсын десек, жастар тәрбиесіне ерекше көңіл бөлуіміз қажет, – дейді ардақты жан әңгіме соңында.</blockquote>Фото: freepik.com

Өмірін ұстаздыққа арнаған жан

<a href="https://kyzylorda-news.kz/">Kyzylorda-news.kz</a> Бүгін ғалым, ұлттық археология мектебінің негізін қалаушы Әлкей Марғұланның туғанына 120 жыл толуына орай «Марғұлан мұрасы – ұлттық руханиятымыздың қазынасы» атты тарихи кеш ұйымдастырылды.&nbsp;Мақсаты – оқырмандарды ғұмырын ғылым жолына арнаған тұлғаның өмір жолы мен шығармашылығымен таныстыру, жастардың ғылымға қызығушылығын арттыру, мәдени құндылықтарды қалыптастыру.&nbsp;Кешке халықаралық Жазушылар, ҚР Журналистер одақтарының мүшесі, өлкетанушы Ж.Әубәкір, Қызылорда облыстық тарихи-мәдени мұраны қорғау орталығының археологы М.Ештаев, Қорқыт Ата атындағы Қызылорда университетнің «Тарих және археология білім беру бағдарламасының аға оқытушысы А.Әзірбекова және Қызылорда жоғары көпсалалы колледжінің оқытушылары мен студенттері қатысты.Белгілі әдебиеттанушы, өнертанушы, шығыстанушы, Ұлттық археология мектебінің негізін қалаушы Әлкей Марғұлан бар ғұмырын ғылым жолына арнаған тұлға.&nbsp;Әлкей Марғұлан Алаш даласында аумалы-төкпелі заман орнап, қазақ ғылымына тұсау салынған кезеңде, 1904 жылы 11 мамырда Павлодар облысындағы Баянауыл өлкесінде дүниеге келген. Болашақ археологтың ата-анасы да осал адамдар болмаған. Олар білімді, Шығыс мәдениетімен таныс адамдар болған. Соның арқасында ата-анасы бала Әлкейдің өсуіне, оқып-білім алуына, рухани дамуына жәрдем берді.Алғашқы тарихи жазбаларды зерттеп, зерделеген Әлкей мұрағаттар мен кітапханалардың бай қорынан молынан сусындатады. Алыстағы Ленинградта жүргенде-ақ ұлы даланың құпияға толы қойнауы оны өзіне тарта берді. Ленинград мұражайларының әсері өз алдына бөлек әңгіме. Ал Эрмитажға барған сайын Әлкей демін ішке тартып, ежелгі қыпшақтардың материалдық мәдениетінен хабар беретін жәдігерлерге ұзақ қарайтын. &nbsp;Мұндай да халық дастандары мен әндері есіне түсетін.&nbsp; Ал Ленинградта оқыған жылдары Әлкей әдебиетке ерекше ден қояды. Атап айтқанда, орыстың және шетелдің ең&nbsp;озық әдеби шығармаларын аударып, қазақ оқырмандарына ұсынды.&nbsp;Ұлтының тарихына терең үңілгісі келген Әлкей Марғұлан 3 жыл қамауда болды. Оның біраз уақытын жүйке аурулары ауруханасында өткізді. Мұндайда оған жынданып кетпеудің жалғыз жолы – әдемі естеріктер болатын. Әлкей Баянауылды, &nbsp;әке-шешесін еске алды.&nbsp;Ол 40 жасында аса күрделі тақырып Едіге, Қозы Көрпеш, Қобыланды батыр жырлары негізінде қазақтардың аңыз-әфсанары мен фольклорынан докторлық &nbsp;диссертация қорғады. Осылайша, ол ауыз әдебиеті арқылы тараған осынау аса көрнекті шығармалардың жүздеген жылдар бұрынғы Алтын Орда, Қараханидтер дәуірімен тарихи байланысын аша білді.&nbsp;Оңтүстік Қазақстан өңірінен, Сырдария, Талас және Шу өзендерінің сағасынан ежелгі қалалық мәдениеттің іздерін тапқан да Әлкей Марғұлан болатын. Ол Отырар, Тараз, Сайрам, Сығанақ, Сарайшық қалаларында археологиялық қазба жұмыстарын жүргізді. Қазба жұмыстарымен ғана айналысып қоймай, қазақтың жыр-дастандары мен аңыз-әфсаналарын жинады. Бұл зерттеулерінің нәтижесі 1950 жылы жарыққа шыққан «Ежелгі Қазақстандағы қалалар тарихы мен сәулет өнері» деп аталатын монографияда көрініс тапты. Ғылыми еңбекте алғаш рет ірі қалалық өркениет ошақтары жан-жақты суреттеліп, оларға қатысты терең талдау жасалды. Сонымен бірге, ғалым мұндай өркениет ошақтары Қазақстанның Солтүсігі мен Шығысында да болуы мүмкін деген болжам жасады. Осылай, Әлкей Марғұлан өзіне дейінгі зерттеушілердің қазақ даласында ешқандай өркениет болмаған деген жаңсақ пікірін жоққа шығарды.&nbsp;Ол аса мейірімді жұмсақ адам болған. Тек ғылым мәселесіне келгенде тым қатал еді. Ол негізінен үш бағытта жұмыс істеді. Экспедиция, экспедициядан жинаған материалдармен жұмыс және тарихи деректер. Мұрағат материалдарымен жұмыс істейтін. Сондай-ақ, эпостық жырлармен айналысты. Беғазы мәдениетіне де көп уақытын арнады. Шоқан Уәлихановты да, сәулет өнерін зерттеді. Бір тақырыптан бір тақырыпқа ауысып, содан рахат алатын.&nbsp;Қазақстанның археология және этнография мектебінің негізін қалаушы Әлкей Марғұлан үлкен энциклопедист ғалым болатын. Ол ғылыми саладағы идеологиялық сарпыншақтарды жойып, тарихи шындықтың бетін ашты. Әлкей Марғұлан қазақстандық ғылымның көптеген саласындағы алғашқы қарлығашы еді. Ол археология, мәдениет және қолданбалы өнер тарихы, сәулет өнер, этнография, қазақ тіл ғылымы саласында бірқатар іргелі еңбектер жазды. Әрқайсысы атан түйе жүк боларлық ауқымды мәселелерді қатар алып зерттеген ғалымның мұрасы әлі талай ұрпаққа қызмет етері сөзсіз.&nbsp;Әлкей Марғұлан қасақана бұрмаланып келген тарихи шындықтың бетпердесін ашты.&nbsp;Ғалымның еңбектерінде бұрынғы қазақтардың арғы бабаларының яғни, көшпелі қазақтардың жері адамзат өркениетінің ежелгі орталығы ретінде сипатталды. Қазақ даласының сұлулығы мен ежелгі қалалардың кереметіне Марғұлан әрдайым бас иіп, үлкен ілтипатпен қарады. Әлкей Марғұлан тарихи шындықтың бетін ашып, сара жол салған ғалым.&nbsp;Кеш қонақтары Әлкей Марғұланның өмірі мен шығармашылығы, зерттеулері, ғылыми еңбектері, ұлттық археологияға қосқан үлесі туралы баяндады. Оқырмандар назарына «Ұлттық археологияның сардары» атты кітап көрмесі ұсынылды.&nbsp;Қорлан САРЫ Фото: aqmeshit-zhastary.kz

Білім алушылар көрнекті ғалымға арналған жиынға қатысты

<a href="https://kyzylorda-news.kz/">Kyzylorda-news.kz.</a> Алматы қаласында өткен «Central Asia Biology Olympiad» олимпиадасының қорытындысы бойынша Қызылорда қаласындағы Назарбаев Зияткерлік мектебінің оқушысы Айғаным Ернатқызы (жетекшісі Райхан Тәжі) І орын иеленді.&nbsp;Аталған білім додасына Қазақстан, Қырғызстан, Өзбекстан мектептерінің 200-ден астам жас биологтары қатысты.&nbsp;Дарынды өрендер биология генетикадан биоинформатикаға дейінгі биологияның түрлі тақырыптары бойынша күрделі тапсырмалар орындады. Айғаным теориялық білім мен логикалық ойлау қабілетімен ерекшеленіп, ең жоғары ұпай санымен жеңіске жетті.<blockquote>– Бұл сайыста шетелден келген қатысушыларда болды. Олардың барлығы өте мықты, білімді жастар. Менде өз білімімді көрсетіп, осындай жетістікке жеттім. Ең алдымен жетекшім Райхан апайыма рахметімді айтамын. Дайындық барысында бар білгенін үйретіп, әркез жанымнан табыла білді. Бұл менің ғана емес апайымның да жетістігі, – деді Айғаным Ернатқызы.</blockquote>Айғаным бұған дейін де түрлі сайыс, байқауларға қатысып, өз білімімен, терең ойлау қабілетімен көзге түскен дарынды оқушы. Ол мектептен алған білімі мен логикалық ойлау қабілетінің тереңдігі білім берген ұстаздарының сенімінің арқасы деп біледі.&nbsp;<blockquote>– Олимпиада барысында өте күрделі тапсырмалар орындадық. Әрбір қатысушы өзінің білген-түйгенін ортаға салып, дарынды екендіктерін көрсетті. Менде қарап қалмадым. Осы уақытқа дейін күні-түні дайындалған еңбегім ақталды. Сол еңбегімнің нәтижесін көргеніме қатты қуаныштымын, – деді ол.</blockquote>Иә, Сыр елінің жастары әркез биік шыңдарды бағындыра білетін талантты, дарындылар қатарында. Қандай сайыс түрлері болса да әрдайым алдыңғы қатарда жүреді. Кейіпкеріміз Айғаным да сол талантты, дарынды жастардың бірі де бірегейі. Алдағы уақытта кейіпкерімізге мұнан да жоғары шыңдарды бағындырып, жетістіктері көбейе берсін демекпіз.&nbsp;

Қызылордалық зияткер «Central Asia Biology Olympiad»  олимпиадасының жүлдесін жеңіп алды 

<a href="https://kyzylorda-news.kz/">Kyzylorda-news.kz.</a> Қазіргі уақытта жасөспірімдердің арасындағы құқық бұзушылықтардың алдын алу өзекті мәселе. Құқық бұзушылық – бұл қоғамға зиян келтіретін және заң бойынша жазаланатын қоғамға қарсы әрекет. Жасөспірімдер арасында құқық бұзушылықтың алдын алуда құқықтық сана мен құқықтық мәдениетті қалыптастыру негізгі басымдықтардың бірі.&nbsp;Осы орайда,Сырдария ауданындағы №129 Ә.Жәмішев атындағы мектеп-лицейде 8-11 сынып оқушылар мен жасөспірімдер арасындағы құқық бұзушылықтың, аутодеструктивті мінез-құлықтың, зорлық-зомбылықтың, буллинг және кибербуллингтің алдын алу бойынша жиналыс болып өтті.Жиналысқа ауыл әкімі Талғат Құламқадіров,&nbsp;Юневалды полиция тобының инспекторы, полиция капитаны Тұрсынбек Медет,&nbsp;ауыл учаскелік полициясы Қайрат Адай. мектеп ұжымы, жалпы ата-аналар қатысты. Мектеп педагог-психологы Қ.Сарсеналиева мен әлеуметтік педагог А.Ержанова ата-ана мен бала арасындағы байланысы, қарым-қатынасы, баланы шектемеу туралы түсіндірме жұмыстарын жүргізді. Юневалды полиция тобының инспекторы, полиция капитаны Ерлан Бекмағанбетов оқушыларға кәмелетке толмаған балалардың жасаған қылмыстары, құқық бұзықшылықтары туралы айтып, осындай іс-әрекеттердің алдын алу үшін оқушыларға ескертіп, сақтандырды. Бұл жиналыстың басты мақсаты кәмелетке толмаған балалар құқық бұзушылықтың, зиянды іс-әрекеттердің алдын алу, ата-аналарға дұрыс бағыт-бағдар беру туралы болдыЖиналыс барысында бала тәрбиесі, құқық бұзушылықтың, зорлық-зомбылықтың, нашақорлықтың, суицидтың алдын алу, ата-аналардың бала тәрбиесіндегі ролі мәселелері қозғалып, кәмелетке толмағандар балалардың құқықтары мен мүдделерін қорғау бағытында ұсыныстар берілді.

Құқық бұзушылықтың алдын алу – басты міндет

<a href="https://kyzylorda-news.kz/">Kyzylorda-news.kz.</a> Уақыт зымырап өткенімен жақсы адамның артында қалған мол мұрасы мәңгі жасайды. Игі ісімен ел жадында қалған атпал азамат өмірден өтсе де ұрпақ тәрбиелеп, елеулі қызметімен танылған абзал есімдер ұмытылмайды.Жақында аудандық аграрлық-техникалық колледжде техникалық және кәсіптік білім беру ұйымдары ұстаздары арасында тоғызқұмалақтан еске алу турнирі өтті.Еске алу турнирі ҚР білім беру ісінің үздігі, ауданның Құрметті азаматы, ардагер-ұстаз Ғафур Үдербаевқа арналды. Облыстық жарыстың ашылу салтанатына аудан әкімінің орынбасары Димаш Байдушев, &nbsp;облыстық тәрбие спорт және қосымша білім беру орталығының директорының орынбасары Ерғали Алпысбаев, Сырдардия аграрлық-техникалық колледжінің директоры Дархан Қожахметов, марқұм Ғафур Зұлқарұлының жұбайы Нәзтай Тілемісова, сыныптасы Рахымбек Әкімжанов қатысты.Ардақты ұстаздың рухына тағзым ету іс-шарасында сөз сөйлеген аудан әкімінің орынбасары Димаш Серікбайұлы ардақты азаматтың өмір жолына, ел игілігі жолында атқарған қызметіне тоқталды.<blockquote>–&nbsp;Ғафур Үдербаев 1948 жылы Тереңөзекте дүниеге келіп, 1966 жылы орта мектепті бітірісімен Алматы халық шаруашылығы институтына түсіп, оны 1972 жылы экономист мамандығы бойынша бітірген. Еңбек жолын мамандығы бойынша аудан орталығындағы ірі мекемелерден бастаған. Аудандық жоспарлау комиссиясының аға экономисі, автотранспорт кәсіпорнында бөлім бастығы болды. Қызмет жолында алдымен коммуналдық кәсіпорындар комбинатының, содан кейін жолаушылар тасымалдау автоколоннасының бастығы қызметін атқарды. Өзінің негізгі жұмысымен қоса қоғамдық жұмыстарға қатысып, білікті экономист ретінде аудан бойынша экономикалық талдауларға, аудандық партия комитетінің бюро мәжілісіне мәселе дайындауға қатысты. Білікті маман әр тапсырмаға жауапкершілікпен қарады.</blockquote>Ғафур Үдербаев 1985 жылы қыркүйек айында халық депутаттары Тереңөзек поселкелік Кеңесі атқару комитетінің төрағасы болып сайланды. Ардақты азамат аудан орталығының қат-қабат тірлігіне жігермен кірісіп, әлеуметтік мекемелердің жылуы, суы, көшенің тазалығы, көркейту, көгалдандыру, қыстақ тұрғындарының тұрмыс жағдайы, жол жөндеу тағы басқа жұмыстармен нақты айналысып, оң нәтижелерге қол жеткізді. 1987 жылы мамыр айында халық депутаттары аудандық Кеңесі төрағасының орынбасары, аудандық жоспарлау комиссиясының төрағасы қызметіне ауысты. Ғафур Зұлхарұлы барлық көрсеткіштерді жоспарлау, орындалуын бақылау, экономика, қаржы, банк саласына жауапты болды.&nbsp;1999-2011 жылдар аралығында кәсіптік-техникалық училищені басқарды. Осы жылдарда аудан орталығындағы кәсіби маман дайындайтын жалғыз оқу орнының деңгейі мен дәрежесін көтерді, – деді Д.Байдушев.Ұлттық ойын тоғызқұмалақтан ұйымдастырылған еске алу турнирінде&nbsp;облыстық тәрбие-спорт және қосымша білім беру орталығы директорының орынбасары Алпысбай Сражадинұлы, сыныптас досы Рахымбек Әкімжанов, Ғафур Зұлхарұлымен бірге 40 жыл қызмет атқарған "Құрмет" орденінің иегері, Сырдария ауданының Құрметті азаматы Балшекер Өтегенова ардақты азамат туралы жылы естеліктерін айтты.Турнирге 9 командадан құралған 30 ұстаз қатысып, нәтижесінде жүлделі бірінші орынды Сырдария аграрлы-техникалық колледжінің командасы иеленді. Екінші және үшінші орынды Жаңақорған аграрлы-техникалық колледж және&nbsp;Исатай Әбдікәрімов атындағы Қызылорда аграрлы-техникалық жоғары колледжі алды. Жеңімпаздарға, үздік ойыншылар мен төрешілерге марқұм Ғафур Үдербаевтың отбасы атынан қаржылай сыйлық пен марапат ұсынылды.<blockquote>– Ел ағасы атанған өмірлік қосағым Ғафур Үдербаев өмірден өтсе де оның көзі тірісінде аудан үшін атқарған қызметі ел жадында. Бүгін өзі қызмет еткен колледжде еске алу турнирі өтті. Айтылған естеліктер азаматымның қажырлы еңбегіне берілген баға деп білемін. Ұйымдастырушыларға, келіп қатысқан командаларға алғысымды білдіремін, – деді Нәзтай Тілемісова.</blockquote>Бибісара ЖАНӘЛІ

Ардагер-ұстазды еске алу турнирі өтті 

<a href="https://kyzylorda-news.kz/">Kyzylorda-news.kz</a> &nbsp;Бүгін облыстық білім басқармасының басшысы Асқарбек Есжанов, Арал ауданының әкімі, филология ғылымдарының кандидаты Аманжол Оңғарбаев пен Қызылорда ашық университетінің ректорының міндетін атқарушы Абайбек Жүнісов, университет ғалымдары мен профессор-оқытушылары, білім алушылар және БАҚ өкілдерінің қатысуымен Қызылорда ашық университетінің Арал қаласындағы қашықтықтан білім беру орталығын ашу жөніндегі меморандумға қол қойды.Қызылорда ашық университеті 25 жыл тарих бедерінде алған асулары мен бағындырған белестері қоғамда лайықты орынға ие болған, бүгінде бакалавриаттың 23 білім беру бағдарламасы бойынша білім беру қызметін жүргізіп келеді.Университет ғалымдары ғылыми және ғылыми-техникалық жобаларды гранттық қаржыландыру конкурсына қатысып, бірнеше жоба бойынша гранттық қаржыландыруды жеңіп алды. Сонымен қатар жергілікті атқарушы органдар ұйымдастырған конкурстарда университет ғалымдары өз жобаларымен қатысып, бірнеше мәрте жеңімпаз атанған.2022 жылы маусым айында университет Қазақстан Республикасында танылған аккредиттеу органдарының тізіліміне енген Қазақстанның Заманауи Элиталық Білім Ассоциациясы (KAZSEE) арқылы халықаралық институционалдық және білім беру бағдарламаларының мамандандырылған аккредиттеуінен өтіп, 5 жыл мерзімге институционалдық және білім беру бағдарламаларының мамандандырылған аккредиттеуінен өткендігі туралы сертификаттар берілген.2024 жылғы 23 наурызда Қызылорда ашық университеті Азия Ашық университеттер қауымдастығына (Аsian association of open universities - AAOU) қауымдастырылған мүшесі болып қабылданған. Қауымдастықтың 23 толық мүшесі, 18 қауымдастырылған мүшесі бар. Қызылорда ашық университеті бұл қауымдастықтағы алғашқы және жалғыз қазақстандық жоғары оқу орны ретінде 1987 жылы құрылған Азиялық ашық университеттер қауымдастығы негізінен ашық және қашықтықтан білім беруге арналған жоғары оқу орындарының ұйымы қатарында екені белгілі.Қызылорда ашық университетінің Арал қаласындағы қашықтықтан білім беру орталығын ашудағы басты мақсат университеттің атауы айтып тұрғандай ашық, қолжетімді білім беру мүмкіндіктерін кеңейту және білім беруді басқару, оқыту және зерттеу тұрғысынан оқу орынның сапасын жақсарту, қашықтықтан оқыту жүйелері мен кәсіби стандарттар арқылы білім беруге ықпал жасау, ашық және қашықтықтан білім беру мүмкіндіктерін кеңейту болып табылады.Фото: Нұрболат Нұржаубай

Екі жақты меморандумға қол қойды

<a href="https://kyzylorda-news.kz/">Kyzylorda-news.kz.</a> Білім беру – аса күрделі әлеуметтік-экономикалық механизм. Оны реформалаудың мәселелері де сан қырлы. Қазіргі кездегі білім беру саласында болып жатқан ауқымды өзгерістер әр түрлі ынталы бастамалар түрлендірулерге &nbsp;кеңінен жол ашуда, соның нәтижесінде халықтың білім деңгейі жоғары қарқынмен дамуда. Сол білім берудің ең үлкен шаңырағы мектеп екені айдан анық.Қазалы ауданына қарасты Ү.Түктібаев ауылындағы Б.Әбдіразақов атындағы №88 орта мектеп «Дәстүр мен ғұрып» бағытында жұмыс жасайды. Жалпы мәліметтер бойынша мектеп 1987 жылы құрылған. Оның сыйымдылығы – 464 &nbsp;орындыққа тақталған. Мектептің алып жатқан көлемі – 3833,4 шаршы метр, оқушы саны – 400, МАД – 36, мұғалімдер саны – 69, оның ішінде, педагог-зерттеуші – 9, педагог-сарапшы – 18, педагог-модератор – 22, &nbsp;оқу кабинеттері – 21, жұмыс реті – 2 ауысымда, медпункт – 1, асханада – 180 оқушы тегін тамақпен қамтамасыз етілген. Сонымен қатар, мультимедиялық кабинет саны – 1, робототехника кабинеті – 1, компьютер саны – 47, ноутбук – &nbsp;38, интерактивті тақта – 7, толық жабдықталған кабинеттер саны – 3 (биология, химия, физика) бар.Қазіргі білім берудің басты мақсаты – &nbsp;нақты пәндерден ерекше дарындылығы бар оқушылардың интеллектуалдық қабілетін дамыту, шығармашыл тұлғаларды қалыптастыру болып табылады. 2022-2023 оқу жылы бойынша мектеп оқушылары шығармашылық байқауларға, олимпиадаларға, спорттық ойындарға қатысып, жүлделі орындар иеленді. Осы ретте мектеп оқушылары аудан, облыс, республика көлемінде ұйымдастырылған түрлі байқауларға, олимпиадаларға қатысып, жүлдегер атанды. Оқу жылында ғылым негіздері бойынша 9-11 сыныптар аралығында өткізілген Республикалық олимпиаданың ІІ кезеңі аудандық пәндік олимпиадаға 27 оқушымыз қатысып, 12 оқушымыз жүлделі орындар мен алғыс хаттарға ие болды. Мектебіміз олимпиада қорытындысы бойынша Қазалы ауданы мектептері арасында алғашқы ондық қатарынан көрінді.Атап айтсам, 9-сынып оқушысы Гүлсая Бағдәулетова математика пәні бойынша жүлделі екінші орын /пән мұғалімі Қалыш Гүлайым/, 10-сынып оқушысы Талғатқызы Айдана Қазақстан тарихы пәні бойынша жүлделі екінші орын /пән мұғалімі Махамбетжанқызы Бегіманасұлу/, 10-сынып оқушысы Әбілмансұр Бақытжан математика пәні бойынша жүлделі үшінші орын /пән мұғалімі Баймбетова Айгүл/, 9-сынып оқушысы Гүлімшат Жаңабекқызы Қазақстан тарихы пәні бойынша жүлделі үшінші орын /пән мұғалімі Бегіманасұлу Махамбетжанқызы/, 11-сынып оқушысы Назым Ағымова Қазақстан тарихы пәні бойынша жүлделі үшінші орын /пән мұғалімі Кужабекова Гуливира/ марапатқа қол жеткізді.Сонымен бірге, 9-сынып оқушысы Әселия Әбубәкірова биология пәні бойынша жүлделі үшінші орын /пән мұғалімі Тлеумбетова Гүлназия/, 11-сынып оқушысы Төремұратова Айерке биология пәні бойынша жүлделі үшінші орын /пән мұғалімі Тлеумбетова Гүлназия/, 10-сынып оқушысы Инятулла Дінислам география пәні бойынша жүлделі үшінші орын /пән мұғалімі Сейітәли Берік/, 10 сынып оқушысы Алпысбайұлы Ерасыл информатика пәні бойынша жүлделі үшінші орын /пән мұғалімі Ахмет Серік/ және 9-сынып оқушысы Көркем Ізатова қазақ тілі мен әдебиеті пәні бойынша /пән мұғалімі Мұханов Айжарық/, 10-сынып оқушысы Қасым Аманжолов орыс тілі мен әдебиеті пәні бойынша /пән мұғалімі Дініслам Гүлнар/, 10-сынып оқушысы Нұргүл Рахманберді құқық пәні бойынша /пән мұғалімі Күнайым Келмағамбетова / «Алғыс хат» иеленді.Сонымен қатар, биылғы оқу жылында түрлі тақырыптарда өткізілген аудандық ғылыми жобалар байқауында үш оқушымыз екінші орынмен, үш оқушымыз үшінші орынмен, екі оқушымыз «Алғыс хатпен» марапатталды. Жалпы, білім беру ұйымдарының 7-11 сынып оқушылары арасында өткізілетін «Жарқын болашақ» атты республикалық олимпиаданың Қазалы аудандық кезеңінде Жаңабекқызы Гүлімшат «Сөз шеберлері» бағамы бойынша үшінші орын, Бағдәулетова Гүлсая «Жас қаламгер» және Ертөстік Назгүл «Әнші - бұлбұлдар» бағамдары бойынша «Алғыс хат» жүлдегерлері болды. 2 – 4 сыныптар аралығында өткізілген «Бастау» республикалық математикалық турнирінің аудандық кезеңінде 2-сынып оқушысы Еркеназ Ғабдуллақызы екінші орын иеленді. 12 мамыр күні «Құрмет белгісі» орденінің иегері, Қазақ ССР халық ағарту ісінің озық қызметкері, ұлағатты ұстаз Әзілхан Жақсылықовты еске алу мақсатында өткізілген аймақтық олимпиадада және 18 мамыр күні ҚР білім беру ісінің үздігі, Ы.Алтынсарин атындағы төсбелгісінің иегері Қалнияз Ерболат Бекаралұлын еске алу мақсатында өткізілетін аудандық пәндік олимпиадаға қатысқан мектептің 8-сынып оқушысы – Назым Аманжолова физика пәнінен бірінші орын иегері атанды. «1 маусым – Халықаралық балаларды қорғау» күніне 5 – 8 сыныптар аралығында өткізілетін аймақтық «Әдеби коктейль» байқауында 8-сынып оқушысы – Шакизада Ерасыл «Монолог» оқу бағамы бойынша екінші орын жеңімпазы болды. «Бейбарыс сұлтан – ұлы дала елінің баһадүрі» тақырыбындағы аудандық апталықтың ғылыми жобалар сайысында 10-сынып оқушысы Талғатқызы Гүлбану жүлделі екінші орынмен марапатталды. Қазақтың көрнекті қаламгер ақыны Мағжан Жұмабаевтың – 130 жылдығына орай, ұйымдастырылған аудандық шарада 7-сынып оқушысы – Құрышбекқызы Диана екінші орын және «NURBOOK» баспа бірлестігі ұйымдастырған республикалық «Мен жастарға сенемін» атты байқауда 7 мектепалды даярлық тобының тәрбиеленушілері жүлделі бірінші және екінші орындар иегерлері болды. Аудандық «Робототехника» үйірмелерінің арасында өткізілген «Robo-ORDA» фестивалінде &nbsp;8-сынып оқушысы – Инятулла Расул үшінші орын, &nbsp;6-сынып оқушылары – Кендебеков Жұмабек пен Жанділдаев Дамир &nbsp;«Алғыс хат» иегерлері болды. Аудан мектептері арасында роботтарды құрастыру және бағдарламалау, инженерлік ғылымдар, бағдарламалау, басқа да, инновациялық білім беру технологиялары саласындағы дарынды оқушыларды анықтау және қолдау мақсатында ұйымдастырылған «Robotek Grand Tourrament» республикалық турнирінің аудандық кезеңінде 6-сынып оқушылары – Кендебеков Жұмабек екінші орын, Рахманберді Ержан үшінші орын, &nbsp; Жанділдаев Дамир &nbsp;«Алғыс хат» иеленді. Аудандық мектеп оқушылары арасында өткізілген «Ұлттық мектеп лигасы» спорттық сайысында мектебімізден қатысқан командалар шахматтан екінші орын, үстел теннисінен үшінші орын иеленді. Аудандық Жасұлан бірыңғай балалар мен жасөспірімдер арасында өткізілген «Жайдарлы – жасұлан» &nbsp;көңілді тапқырлар сайысында мектебіміздің оқушылар арасынан құрылған командасы жүлделі үшінші орынды жеңіп алды. Бастауыш сынып оқушыларына арналған Халықаралық «Кенгуру – математика барлығы үшін» интеллектуалдық конкурсында үш оқушымыз бірінші орынмен, бес оқушымыз екінші орынмен, тоғыз оқушымыз үшінші орынмен марапатталды. Математика пәнінен 5-10 сыныптар аралығында өткізілген республикалық «Ақбота» зияткерлік олимпиадасында &nbsp;тоғыз оқушымыз бірінші орын, 11 оқушымыз екінші орын, бес оқушымз үшінші орын жүлдегерлері болды. Мектепалды даярлық топтарының тәрбиеленушілеріне арналған Халықаралық «Тілашар» пони байқауының қорытындысы бойынша жеті бала бірінші орын, төрт бала екінші орын иегерлері атанды. Республикалық «Алау» әскери спорттық ойындарының аудандық кезеңінде Нұрқожаұлы Бақтияр бірінші орын, аудандық «Айбын-2023» қыз балалар арасындағы сайыста Талғатқызы Гүлбану үшінші орын жеңіп алды.Сондай-ақ, аудандық «Ұранды елдің ұрпағы қайсар» әскери қолданбалы спорт түрлерінен өткізілген сайыста Түлкібай Бақтияр «Алғыс хат» иеленді. Сонымен бірге, 5-сынып оқушысы Ертөстікова Сезім аймақтық «Музыка әлемі» ән байқауында бірінші орын иеленіп, аудандық сайысқа жолдама алды. Бұл мектеп мұғалімдерінің еселі еңбегінің, табанды ізденістерінің нәтижесі екендігі анық. Сондықтан, алдағы оқу жылында да, бұл жетістіктер еселене береді.Тұңғыш рет ұйымдастырылған «Ауыл олимпиадасына» мектебімізден 12 оқушы қатысып, облыстық кезеңінен информатика пәнінен 11-сынып оқушысы – Алпысбайұлы Ерасыл және 9-сынып оқушысы – Әсетұлы Нұрбол &nbsp;екінші орын, қазақ тілі пәнінен 11- Махамбетияр Еркеназ, математика пәнінен Аманжолова Назым Алғыс хатпен марапатталды.Пәндік олимпиаданың аудандық кезеңінен ағылшын пәнінен 8-сынып оқушысы Балықбай Аяжан екінші орын, география пәнінен 6-сынып оқушысы Әлібай Ақниет үшінші орынмен, биология пәнінен 7-сынып оқушысы Жақсыкелді Кәусар үшінші орынмен, физика пәнінен 7-сынып оқушысы Шаттық Інжу үшінші орынмен, қазақ тілі пәнінен 5-сынып оқушысы Серікқызы Бибінұр үшінші орынмен, математика пәнінен 5-сынып оқушысы Сапаева Нұрсәуле үшінші орынмен марапатталды. Лингвистикалық олимпиадаға қазақ тілі пәнінен 11-сынып оқушысы – Махамбетияр Еркеназ үшінші орынмен, орыс тілі пәнінен 11-сынып оқушысы Аманжол Қасым үшінші орынмен марапатталды. «Бастау» олимпиадасынан 4-сынып оқушысы Дәулетқызы Әдемі үшінші орынмен марапатталды.&nbsp;Сәкен оқуларынан 10-сынып оқушысы Өтеген Әсел бірінші орынмен, 8-сынып оқушысы Құрышбекқызы Диана үшінші орынмен марапатталды. «Алтын сақа» олимпиадасынан 3-сынып оқушысы Бағдәулетова Назым екінші орынмен, Ермекбай Айзере үшінші орынмен, 5-сынып оқушысы Жетесұлы Бексұлтан Алғыс хатпен марапатталды. «Жаңа Қазақстан – ядросыз қарусыз мемлекет» сурет байқауынан 5-сынып оқушысы – Жеңісбекқызы Айбалғын бірінші орынмен марапатталды. «Жарқын болашақ» олимпиадасынан 10-сынып оқушысы – Жаңабекқызы Гүлімшат екінші орынмен, Поезбаева Жанерке екінші орынмен, 8-сынып оқушысы Ағымова Эльназ екінші орынмен марапатталды. Спорттық сайыс гір көтеруден 11-сынып оқушысы Шоқанов Нұрдәулет бірінші орынмен марапатталды. «Отбасы құндылықтары» видеоролигі сайысынан 8-сынып оқушысы Құрышбекқызы Диана екінші орынмен марапатталды.<img src="https://knadmin.beoblood.kz/uploads/6ddd8211_8416_493f_b421_ad176e59300f_05be98be5a.jpg" alt="6ddd8211-8416-493f-b421-ad176e59300f.jpg">

Қазалыда дарынды балалармен танылған мектеп бар

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық жоғары колледжінде «Шетел тілі» бөлімінің апталығы аясында «Scaffolding»-Тәжірибеге бағытталған тәсілдер-кәсіби құзіретті маман даярлаудың негізі» тақырыбында Облыстық ағылшын тілі мұғалімдері Ассоциациясымен бірге облыстық ағылшын тілі оқытушылары арасында тәжірибе алмасу форматындағы әріптестік кездесу алаңы өтті.&nbsp;Іс-шараға Қызылорда облысы бойынша ағылшын тілі мұғалімдері қауымдастығы мүшелері, Қызылорда облысының Қоғамдық даму басқармасының «Қызылорда облысының тілдерді оқыту орталығы» КММ-нің аударма ісінің маманы Байдилдаева Баян Социалқызы, "Назарбаев Зияткерлік мектептері" ДББҰ, Педагогикалық шеберлік орталығының Қызылорда қаласындағы филиалының аға менеджері, тренер Оспанов Ерболат Тұрсынтайұлы, М.Мәметова атындағы Қызылорда педагогикалық жоғары колледжінің «Шетел тілі» бөлімінің оқытушылары мен студенттері қатысты.Озық педагогикалық тәжірибені ұйымдастыру, зерттеу және қорыту, үздік жетістіктерді насихаттау бағытында жұмыс жасалынған іс-шарада Оспанов Ерболат Тұрсынтайұлы табысты сабақ құпиялары, жоспарлау стратегиялары мен әдістемесін ұштастыра отырып, шеберлік сағатын өткізді, Байдилдаева Баян Социалқызы ағылшын тілінен қазақ, орыс тілдеріне аударма жасаған кезде ескеру керек мәселелер жайлы баяндады, Баймағанбетова Айткүл Сарсенбековна, Түгелбаева Айымжан Түгелбайқызы, Шералы Майгүл Жамбылбековна ағылшын тілін үйретудегі «Team teaching» «командалық оқыту» бағытындағы практикалық жұмыстарды студенттермен бірге жасап, озық тәжірибелерімен бөлісті. Ой-өрісі жаңашыл, шығармашылық деңгейде қызмет ете алатын, дүниетанымы жоғары, білімдік бәсекеге қабілетті, жан-жақты қалыптасқан кәсіби құзіретті маман тәрбиелеу мақсатында кәсіби деңгейде тәжірибе алмасу болды.Сондай-ақ, бөлімнің ШТ-Д-23 және ШТ-М-23 оқу топтарының ата-аналарымен бірлескен “Parents are the best teachers” отбасылық-эстафеталық сайыс өткізілді.&nbsp;Мақсаты - ата-ана-студент-оқытушы арасындағы қарым-қатынасты нығайту мақсатында және спорттың денсаулыққа пайдасы зор екендігін түсіндіру.Салауатты өмір салтын қалыптастыра отыра ептілікке, жылдам, шапшаңдылыққа тәрбиелеу. Сондай-ақ, пән ерекшелігіне дайындықты күшейтуге ықпал ету.&nbsp;Сайыс 4 кезеңнен тұрды:&nbsp;- Таныстыру&nbsp;- Сұрақ-жауап- Кім табады?- Кім тапқыр?Нәтижесінде 1-орынды “Happiness” ШТ-М-23 (Идирисовтер отбасы), 2-орынды “Sensible family” ШТ-Д-23 (Сейдахметовтер отбасы), 3-орынды “Synergy” ШТ-Д-23 (Алдамбергеновтер отбасы) және “Step to Victory” ШТ-М-23 (Орынбасаровтар отбасы) командалары иеленіп, жүлделі орындармен, арнайы сыйлықтармен марапатталды.&nbsp;Фото: aqmeshit-zhastary.kz

Қызылордалық педагогтер тәжірибе алмасты

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық жоғары колледжінде “Шетел тілі” бөлімінің апталығы аясында «MY NEW PEDAGOGICAL INNOVATION» тақырыбында ғылыми- әдістемелік жоба байқауы өтті.&nbsp;Мақсаты – ағылшын тілі мамандарының ғылыми зерттеу және зияткерлік әлеуетін қалыптастыруға ықпал ету, педагогтердің инновациялық әдістері мен шығармашылық әлеуетін қалыптастыру, білім алушыларды оқыту мен тәрбиелеуде заманауи инновациялық әдістер мен технологияларды қолдану барысында әріптестік тәжірибе алмасу;Жоба байқауының негізгі бағыттары – жасанды интеллектті оқыту әдістеріне енгізудегі озық тәжірибелер, оқыту процесіндегі модернизация - құндылыққа негізделген білім беру, құзыреттіліктерді қалыптастырудың ғылыми-әдістемелік негіздеріБайқауға қалалық жалпы білім беру ұйымдарының (мектептер) ағылшын тілі пәні мұғалімдері қатысты. Шара барысында аталған бағыттар бойынша бірқатар жобалар ұсынылып, жеңімпаздар анықталды.&nbsp;Нәтижесінде:І орын- Барлибаева Мақпал, Панфилов атындағы 5 мектеп лицейі.ІІ орын- Есмаханова Мөлдір, Т. Есетов атындағы 264 мектеп лицейі.ІІ орын- Келдібай Ақнұр, Бәйтерек мектебі.ІІІ орын- Жансай Жәния- И. Рысқұлов атындағы орта 222мектебі.ІІІ орын- Дайырхан Ақкамшат- С.Сейфуллин атындағы 4 мектеп лицейі.Басқа да қатысушылар Алғыс хаттармен марапатталды.&nbsp;Фото:aqmeshit-zhastary.kz

Ғылыми- әдістемелік жоба байқауы өтті

<a href="https://kyzylorda-news.kz/">Kyzylorda-news.kz.</a>&nbsp; М.Мәметова атындағы Қызылорда педагогикалық жоғары колледжінде ”Мектепке дейінгі тәрбие” бөлімінің оқытушысы Есмаханова Ұлжан Әлібайқызының топта сенімділік пен ашықтық атмосферасын құру, қарым-қатынас процесіне кедергі келтіретін себептерді түсінуге көмектесу және қарым-қатынастың негізгі ережелерімен және әдістерімен таныстыру мақсатында «Білім алушылармен жағымды қарым – қатынасты орнатудың тиімді жолдары» тақырыбында шеберлік сағаты өтті.Озат оқытушының тәжірибе алаңына барлық оқытушылар белсенділікпен қатысты. Шара барысында Ұлжан Әлібайқызы білім алушылардың арасындағы қарым-қатынасты нығайтуға байланысты бірнеше ойын–жаттығулары мен тренингтер өткізді. Оның ішінде “Көзімнен таны", "Құбыр" ойыны, «Жүрегіме үңілші» және «Жүйрік ой» жаттығулары оқытушылар көңілінен шықты. Шеберлік сағатын қорытындылауда оқытушылар өз әсерлерімен бөлісе отырып, пікірлерін білдірді.Сондай-ақ,&nbsp; «Оқуға құштар колледж" жобасы аясында колледж кітапханасында «Жылдың үздік оқырманы» тақырыбында оқырман бенефисі өтті.&nbsp;Бенефиске 2022 жылдың үздік оқырманы ШТ-М-20 тобының студенті Әбілбай Әділет пен 2023жылдың үздік оқырманы ҚТ-Ж-20к тобының студенті Өтепберген Нұркелді қатысып, студенттерге сұхбат-әңгіме жүргізілді.Мақсаты – білімнің кітап арқылы келетіндігін ұғындыру, студенттердің кітапқа деген қызығушылығын ояту,кітапхана оқырмандарының белсенділігін арттыру.&nbsp;Шара барысында 1 курс студенттері үздік оқырмандарға әртүрлі сұрақтар қойылып, бенефиске қызығушылық танытып, кері байланыс берді.&nbsp;Фото:aqmeshit-zhastary.kz

Білім алушылар шеберлік сағатына қатысты

<a href="https://kyzylorda-news.kz/">Kyzylorda-news.kz.</a> Қызылорда қалалық білім бөліміне қарасты&nbsp;Ә.Мүсілімов атындағы №101 мектеп-лицейінде ұзақ жылдар білім саласында еңбек еткен,&nbsp;салалық білім және ғылым қызметкерлері кәсіптік одағының Қызылорда облыстық ұйымының Қызылорда қалалық комитетін 20 жылға жуық басқарған, өнегелі еңбек жолында кәсіби қабілетімен дараланған Орынша Әлімбетованы құрметті демалысқа шығарып салу кеші өтті.&nbsp;"Қалдырған ізің мәңгілік..." тақырыбында өткен шараға Қызылорда қаласы бойынша білім бөлімінің басшысы Жанат Сәдуақасова мен сала ардагерлері және ұстаздар мен БАҚ өкілдері қатысты.&nbsp;Шарада қалалық білім бөлімінің басшысы Жанат Мылтықбайқызы құттықтау сөз сөйлеп, жылы лебіз білдірді.<blockquote>– Орынша Міржақыпқызының кәсіподақ комитетінің төрайымы ретінде білікті әрі кәсіби қабілеті жоғары маман екенін бәріміз жақсы білеміз. Мұғалімнің мәртебесін көтеру үшін алдымен әлеуметтік жағдайды жақсартуға, әлеуметтік нысандарын дамытуға, &nbsp;Еңбек кодексін қолданылып еңбек қатынастарын ұжымдық-шарттық реттеуіне, &nbsp;білім беру жүйесінде жүргізіліп жатқан реформаларды жүзеге асыруға үлесін қосуда. Біз ол кісінің еңбегін жоғары бағалаймыз. Білім саласына Орынша Міржақыпқызы секілді мамандар аса қажет. Ол кісінің еңбегіне алғыстан басқа айтарым жоқ, – деді білім бөлімінің басшысы.</blockquote>Сонымен қатар "Сыр медиа" ЖШС бас директорының міндетін атқарушы Марат Аралбаев іс-шараға арнайы қатысып, құттықтау сөз сөйледі.<blockquote>&nbsp; – Орынша Әлімбетова2006 жылдан бері«Қазақстандық салалық білім және ғылым қызметкерлері кәсіптік одағының Қызылорда облыстық ұйымының Қызылорда қалалық комитеті» филиалының төрайымы болып жұмыс істеді.Орынша Міржақыпқызы, кәсіподақтың қызметкері ғана болған жоқ, ол кісі&nbsp;ұстаздар қауымының мүддесі үшін аянбай еңбек етті. Оны бәріміз жақсы білеміз. 2011-2015 жылдары қалалық білім бөлімінің басшысы болған кезімде сізбен етене-жақын жұмыс істеп, мұғалімдер мүддесін қорғау жолындағы ерен еңбегіңіз бен кәсіби қабілетіңізге тәнті болғанмын. Білімді, білікті, адамгершілігі мол, парасат пайымы жоғары сіздей жанмен әріптес болғанымды мақтан тұтамын, – деді М.Аралбаев.</blockquote>&nbsp; &nbsp; Айта кетейік, Орынша Әлімбетова еңбек жолында&nbsp;атақ пен марапаттан да кенде болмаған. Атап айтқанда,&nbsp;ҚР Президенті Қ.Ж.Тоқаевтың «Алғыс хаты», Оқу-ағарту министрі Ғ.Бейсембаевтың «Алғысы», «ҚР тәуелсіздігіне - 20 жыл», «Қызылорда облысына -70 жыл», «Қызылорда қаласына -190 жыл» мерекелік медальдары, облыс, қала басшыларының «Алғыс хаттары» мен «Құттықтаулары» ұстаз еңбегіне берілген лайықты баға деп білеміз.<img src="https://knadmin.beoblood.kz/uploads/6_M4_A4683_1_07bf8ec389.jpg" alt="6M4A4683 (1).jpg"><img src="https://knadmin.beoblood.kz/uploads/6_M4_A4720_3b43e0584a.jpg" alt="6M4A4720.jpg">

Қазақстан және Қызылорда облысының жаңалықтары: Білім