<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылордалық ұстаз Мұхтар Талғатұлының мектеп оқушылары мен мұғалімдерге арнап жасаған математикалық сайты көпшілік арасында үлкен сұранысқа ие болып отыр. Қазіргі күні математикалық сайттың жаһандық желі беттерінде танымалдығы артып келеді.&nbsp;</h4><h4 style="margin-left:0px;text-align:justify;">Ол &nbsp;Қызылорда қаласындағы Назарбаев зияткерлік мектебінің оқытушысы. Оқушылар мен мұғалімдерге арналған қазақша математикалық сайт осымен 7-ші жыл жұмысын үздіксіз жалғастырып келеді. Қазіргі таңда тұрақты 23 мыңнан астам белсенді қолданушысы бар. Осылайша қолданушылар контент мазмұны мен қолжетімділігіне жоғары баға беріп отыр.</h4><h4 style="margin-left:0px;text-align:justify;">Ұстазға сайт құру идеясы бірнеше жыл бұрын пайда болған. Жаһандық желі беттерінен қазақ тіліндегі материалдардың жетіспеушілігін байқаған ол сол арқылы математикадан барлық ресурсты, оның ішінде электронды оқулықтар, дидактикалық материалдар мен тесттер, сонымен қатар есептер жинағын бір сайтқа жинақтауды қолға алады.&nbsp;</h4><h4 style="margin-left:0px;text-align:justify;">Кейіннен әріптестерінің кеңесі бойынша онлайн-платформаны түрлі ресурстар және құралдармен толықтырады. Сайтта әдістемелік нұсқаулықтан басқа, қорытынды емтиханға дайындалуға арналған әртүрлі тест тапсырмалары бар. Сондай-ақ пән бойынша білімді тексеруге арналған олимпиадалық бөлім де ашылған.&nbsp;</h4><blockquote><h4 style="margin-left:0px;text-align:justify;">– Сайттың ең қымбат бөлігі – оның түпкі идеясы, концепциясы. Оны жасай алатын адамдар көп болуы мүмкін, бірақ түпкі идеясын мен жалғыз отырып жасай алмас едім. Яғни, әріптестерімнің қосқан идеяларының арқасында толыққанды контентке айналып отыр.</h4><h4 style="margin-left:0px;text-align:justify;">Бастапқыда оқушылармен команда құру арқылы кішігірім жобалар жасаудан басталса, қазіргі таңда республика бойынша математика пән мұғалімдері арасында команда құрып, әртүрлі жобаларды іске асырудамыз. Соның ішінде сайт дизайнын жасау, теориялық бөлімдер мен тесттер түрлері және құрылымы, сол сияқты есептер шешімдері сияқты командалық жобалар бар. Мектеп оқушыларын жобаға тарту әлі де сәтті жалғасын табуда.&nbsp; Мен үнемі қолданушылардың пікірімен санаса отырып, қай жобаға сұраныс көптігіне анализ жасап отырамын. Сайтта қазіргі таңда мұғалімдерге арналған бөлімдері, оның ішінде Оқушыларды топқа бөлу, Оқушыны таңдау, Кроссворд құрастыру, Филлворд жасау сияқты басқа да құралдар бөліміне сұраныс көп. Бұл құралдарға бейненұсқаулық жасап, әлеуметтік желілерде 200 000-нан астам қаралым жинап жүрген мұғалім-блогерлерге алғысымды білдіргім келеді. Соның арқасында сайттың аудиториясы кеңейіп, басқа пән мұғалімдері үшін де танымалдылыққа ие болды, −дейді ұстаз.&nbsp;</h4></blockquote><h4 style="margin-left:0px;text-align:justify;">Айта кету керек, барлық ресурстарды тегін көрсетуді мақсат еткен сайта ешқандай жарнама элементтері орналастырылмаған және барлық ресурсты тегін жүктеп немесе баспадан шығарып алуға болады.&nbsp;</h4><blockquote><h4 style="margin-left:0px;text-align:justify;">– Алғашқыда, семинарларда сайттың мүмкіндіктері тақырыбында шеберлік сағаттарын өтіп жүрдім. Кейін 2020 жылы авторлық жобамды республикалық Педагогикалық идеялар фестивалінде таныстырдым. Мұнда сарапшылар сайтты жоғары деңгейде бағалады, бұл сайыстан маған бас жүлде табысталды. &nbsp;Сонымен қатар, 2019 жылғы қорытынды аттестаттаудың нәтижесі бойынша менің шәкірттерім математика пәні бойынша жоғары балл жинап, 20 зияткерлік мектеп арасында алғашқы ондықтан көрінді. Ал білім беру жүйесін дамытуға қосқан үлесім мен педагогикалық қызметтегі шығармашылық жетістіктерім үшін Білім және Ғылым министрінің Алғыс хатымен марапатталдым, −дейді.</h4></blockquote><h4 style="margin-left:0px;text-align:justify;">Қазақтілді қоғам қалыптастыру жолында ебек етіп жатқан ұстаздың ұстанымы − қолданушыларға барлық ресурсты қазақ тілінде тауып беру. Сол себепті әріптестерін шығармашылықпен айналысуға және қазақ тілді ресурстар қорын толықтыруға атсалысуға шақырады. Ұстанымы мықты ұстазға өз кзегімізде тек сәттілік тіледік.</h4><h4 style="margin-left:0px;text-align:justify;">Мейрамгүл ДАУЫЛБАЙҚЫЗЫ</h4>

Мұхтар Бегайдаров: Математикалық сайттың мұғалім мен оқушыға берер пайдасы көп

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда қаласы әкімі Серік Қожаниязовтың төрағалығымен білім саласындағы өзекті мәселелер талқыланған мәжіліс өтті. Оған қала әкімінің салаға жауапты орынбасарлары, құқық қорғау, құзырлы органдардың басшылары, қалалық білім бөлімінің толық құрамы мен мектеп директорлары қатысты.&nbsp;Жыл өткен сайын білім саласына мемлекет қазынасынан қыруар қаражат бөлінуде. Ұстаздардың жалақысы өсіп, білім беру ұйымдары қажетті жабдықтармен жарақтандырылуда. Облыс әкімінің қолдауымен қала көлемінде үш ауысымды мектептер жойылып, санға емес, сапаға мән берілуде. Оқушылардың білімі мен тәрбиесі және мұғалімдердің мәртебесін көтеруге бағытталған талапты жұмыстар жүргізілуде.&nbsp; 2023-2024 оқу жылының ІV тоқсаны басталмас бұрын жазғы каникулда балалардың қауіпсіздігіне арналған кешенді шаралар даярланды. Жоспарға сәйкес, күнделікті рейдтер ұйымдастырылып, қадағалау жұмыстары күшейтілді. Дегенмен, мектеп оқушылары арасында топтық төбелес, суға кету, сонымен қатар ұстаздардың қатысуымен келеңсіз оқиғалар орын алуда. Бұл білім саласын кері тартқан жағдайлар екені белгілі. Атап айтқанда, ұстаздар арасында адам өлімінің, азғындатушылық әрекет пен заңсыз есірткі айналымына қатысты деген күдіктің туындауы мұғалім мәртебесіне елеулі нұқсан келтірді.Осы жағдайларды болдырмау бағытында қалалық білім бөлімінің басшысы Жанат Сәдуақасова атқарылып жатқан жұмыстардың барысын баяндады.&nbsp;Қала әкімі Серік Салауатұлы білім саласындағы жұмысты босаңсытуға болмайтынын, жаз мезгілінде жасөспірімдердің қауіпсіздігін арттырып, мектеп оқушылары мен педагогтар арасында профилактикалық шараларды күшейтуді тапсырды.&nbsp;Ал, жасөспірімдер арасында құқық бұзушылық, топтық төбелестер, қылмыс жасау фактілерінің өршуі бойынша қалалық полиция басқармасының бастығы Айдар Қасанов мәлімдеді.&nbsp;Шаһар басшысы әлі де қоғамдық тәртіпті күшейту қажеттігін алға тартып, қылмыстың ашылуына емес, оны болдырмауға, барлық патрульдік, учаскелік, ювеналды полиция инспекторларын қаланың аулалары мен шет аймақтарында адресті жұмыс жүргізуі керек деді.&nbsp; Қазір қала көлемінде суға шомылуға тыйым салынған 21 учаске бар. Олардың бәрінде ескерту тақтайшалары қойылған. Десе де, оны балалар елемей, шомылып келеді. Соның зардабынан 2 жеткіншек жақында суға кетті. Осы жағдайларды ескерткен шаһар басшысы қалалық төтенше жағдайлар басқармасы бастығының міндетін атқарушы Ернұр Райымбековтен су айдындарындағы ккезекшіліктің жайын сұрады.&nbsp;Бұған қала әкімі Серік Салауатұлы басқарма тарапынан әлі де болса халық арасында насихаттық жұмыстарды кеңінен жүргізе отырып, мүдделі органдармен бірге кезекшілікті күшейтуді міндеттеді.Өз кезегінде қалалық мәслихат төрағасы Ибадулла Құттықожаев: - Бүгінгі таңда қоғамның алдында тұрған басты міндеттердің бірі – балалар арасындағы құқық бұзушылықты болдырмау, кәмелетке толмағандар арасындағы қылмыстың өсуіне жол бермеу. Қазір оқушылар демалысқа шықты. Бұл жерде ата-аналардың жауапкершілігін арттыру қажет. Өз ортасынан оқшау қалған балалармен жеке жұмыс жүргізіп, оқыс оқиғаларды тыюға болады,- деді.Қала әкімі Серік Қожаниязов бүгінгі мәжілістің маңызын тарқата келе, жауапты қызметкерлерге келеңсіз жағдайлар жер-жерде белең алмауы үшін күшейтілген рейд жұмыстарын ұйымдастыруды, белгіленбеген орындарға суға түспеу бағытында жұмысты үйлестіруді жүктеді.

Қызылордада бала тәрбиесіне қатысты жиын өтті

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Әлем бойынша тек 17% адам сүйікті ісімен айналысады. Елестетіңізші, қанша адам энергиясы мен уақытын басқа бағытқа жұмсауда. Мұның барлығы қате таңдалған мамандықтың салдары екені мәлім. Ал ең үлкен бақыт − сүйікті ісіңмен айналысу емес пе еді?! Осы орайда қызылордалық жастөспірімдердің кәсіби біліктілігін дамыту үшін «EQ academy» орталығы жұмыс істейді.</h4>«Өскенде кім болғың келеді?». Бұл − балаларға жиі қойылатын сұрақтар тізімінде көш бастап тұрған сауалдың бірі. Мектеп қабырғасында бейқам білім алып жүрген оқушы көзді ашыпжұмғанша түлекке айналады. Осылай ұлттық біріңғай тестілеу мен мамандық таңдау сатысына келеді. Өзін-өзі толық танымаған, дағдылары мен қабілетін қолдана алмайтын, балалық өмірімен қоштасқысы келмейтін жасөспірімге бағыт-бағдар беріп, тіпті асыра сілтейтіндер де баршылық. «Сүйікті мамандығыма грантқа түсе алмаймын, оңай пән таңдап, басқасын оқи беремін» деушілердің көбейетіні хақ.&nbsp;«Жар мен мамандық таңдауда қателеспе» деген сайын ажырасатын отбасы да, жұмысқа құлқы жоқ маман да көбеюде.&nbsp;Жауапкершілікті талап ететін бұл таңдауда бала қиналмау үшін шетелде кәсіптік бағдар беру арнайы пән ретінде қарастырылған. Мәселен, Францияда атаулы бағыт 1 сыныптан бастап оқытылады екен. Қазақстанда жағдай, әрине, басқа. Бірақ оқушының дамуына көмек беретін орталықтар бар. Осы орайда Қызылордада жұмыс істейтін «EQ academy» орталығымен танысуды жөн көрдік.&nbsp;EQ академиясы − 14 пен 17 жас аралығындағы жасөспірімдерге өмірлік таңдауын нақтылап, эмоциясымен жұмыс істеу арқылы дағдыларына сәйкес дамуына бағыт беретін әрі коучингтік тәсілді пайдаланатын орталық. Бұл академия қызылордалық нарыққа 2021 жылы келген. Жыл сайын аралық және қорытынды есеп беру кешін ұйымдастырады. 2023-2024 оқу жылындағы жаңалықтары мен жетістіктеріне куә болу үшін қорытынды кештің арнайы қонағы болдық.<blockquote>− Өздеріңіз білетіндей, жасөспірімдер ҰБТ кезінде сыртқы күштің қысымына тап болып қиналады. Мамандық таңдаудың өзі 2 психологиялық аспектіге тіреледі.&nbsp;Бұл таңдауда иә, кез келген салаға бет бұруға болады. Бірақ болашақта қызығушылығы артып, қиындықтарға төтеп бере алатын, қоғамға пайдасы тиетін маман болу үшін бала ішкі құндылығын түсініп, өзін жаксы тану керек. «Мен кіммін?», «менің қандай әлсіз, жақсы тұстарым бар?», «мен қандай салада дами аламын?» деген сауалға жауап іздеуі керек. Келесі кезекте сенімділік, бүгінгі тілмен айтқанда «самооценка» маңызды рөл атқарады. Мамандықты дұрыс таңдау үшін бала қолдаушы ортада жетілуі керек, сол кезде өзіне деген сенімділік қалыптасады, – деді «EQ academy» жобасының жетекшісі Жазира Темірбекова.&nbsp;</blockquote>Іс-шараға жасөспірімдер, ата-аналар мен БАҚ өкілдері қатысты. Бір сарынды немесе жаттанды сценариймен емес, шынайылыққа басымдық берген ұйымдастырушылар ақ қағазға жазылған қарапайым сұрақтың өзімен-ақ қонақтардың нағыз эмоцияларын шығара білді. Ән мен биді де ерекше стильде көрсетті. Мамандық таңдаудағы қателіктер, сыртқы қысым, адамның қабылдау каналы секілді құнды ақпараттар айтылды.&nbsp;Биылғы оқу жылында академияда 30 оқушы білім алған. Бұл туралы жоба жетекшілері кеш барысында хабарлады. Ұйымдастырушылардың айтуынша, мұндай ауқымды форматтағы жиын алғаш рет өтуде.<blockquote>– 3 жыл ішінде 50-ге жуық оқушымен жұмыс істедік, мұнан бөлек жеке консультацияға да келеді. Сондай-ақ 8 айлық курс пен кәсіптік білім жиынтығы бар. Жоба топтық форматта өтеді. Бұл – үлкен платформа. Себебі мақсаты бір, проблемасы бір, қызығушылығы мен сұранысы ортақ жасөспірімдер бір алаңда тоғысуда. Бүгінгі іс-шарадан күтеріміз көп. Жерлестеріміз академия туралы білсе екен, ата-аналар балаларына эмоционалдық тұрғыдан қолдау көрсетуді үйренсе екен дейміз. Осы мақсатқа жетсек, бүгінгі меже орындалды деп ойлаймын. Бұл эмоцияға толы, сезінуді қажет ететін жоба, сондықтан қолмен ұстауға келмейді. Адам өз ісіне қызығушылығы болмаса түбі күйзеліске әкеледі, – деді психолог Жазира Темірбекова.&nbsp;</blockquote>Расымен, адамның эмоциясы – алапат күш. Тасты қақ жаратын да қауқары бар. Әрине, орынды қолдана білсе.&nbsp;Эмоционалды интеллект дегеніміз – адамның өз эмоциясын қабылдап, кез келген мәселені тиімді шешуде оң эмоцияны игеріп, саналы шешім қабылдау дегенді білдіреді. Жеке тұлға ретінде қалыптасуда, өзіңді тануда бұл интеллектінің маңызы зор. EQ академиясында мамандар жасөспірімдерге кәсіби біліктілік бойынша ғана көмектеспейді, баланың эмоционалдық интеллектісін де дамытуға күш жұмсайды. Өзінің қабілеті мен дағдыларын білетін оқушы мамандық таңдауда да, өмірлік ұстанымында да қателеспесі анық.&nbsp;Осы секілді іс-шаралар ұйымдастырып, бала психологиясын терең зерттейтін орталықтың алдағы жоспары ауқымды. Мемлекеттік гранттарға қатысып, мектеп ретінде ашылуды қалайды.&nbsp;Жоғарыда көрсеткен 17%-ды жеткілікті деңгейге көтеру үшін кәсіби бағдар беру жұмыстарын қарқынды жүргізу қажет. Кәсіптік бағдар жүйесі жасөспірімдерге шалыс басып, басқа саланың жетегінде кетпеудің алдын алуға көмектеседі. Себебі, мамандық таңдау – адам өміріндегі маңызды қадам, өмір жолыңды айқындау һәм жарқын болашақтың кепілі.&nbsp;&nbsp;А.ТекебайФото: EQ academy

Қызылордадағы мамандық таңдауға көмектесетін орталықтың жұмысы қарқынды жүруде 

Биыл халық батыры Жанқожа Нұрмұхаммедұлының туғанына 250 жыл толып отыр. Даңқты баба есімін ұлықтау, ұрпақ жадында мәңгі сақтау мақсатында Қазалы ауданында түрлі іс-шаралар жоспары жасалып, атап өту қарекеті басталып кетті.Қазалы ауданындағы баба атымен аталатын ауылда «Жайлы мектеп» ұлттық жобасы аясында мектеп құрылысы бой көтеруде, 300 орындық білім ошағы биыл пайдалануға беріледі. Қазір Жанқожа батыр ауылындағы құрылыс қарқынды жүргізіліп жатыр. Білім ордасының құрылысы толық аяқталғаннан кейін «Жайлы мектеп» жаңа кабинеттермен жабдықталады деп жоспарланған.Оқушылардың сапалы білім алуына, педагогикалық қызметкерлердің біліктілігін арттыруға барлық жағдай жасалмақ. Ұлттық жобаға енгізілген мектептер құрылысының жер учаскелерін нақтылау және орналастыру «Samruk-Kazyna Construction» АҚ-ға жүктелген. Бұл ретте «Samruk-Kazyna Construction» АҚ басқарма төрағасының ұлттық жоба және өңірлік даму жөніндегі орынбасары, басқарма мүшесі Амангелді Саттаров, ұлттық жоба және өңірлік даму департаменті құрылыс бөлімінің өңірлік жоба жетекшісі Ерік Қонақбаев, ұлттық жобаны іске асыру және өңірлік даму департаменті жобалау бөлімінің топ жетекшісі Әнуарбек Хами ауданға арнайы келіп, жұмыс барысын қадағалады.Бүгінде құрылысы аяқталуға жақын нысан жайлы «Samruk-Kazyna Construction» АҚ бас мердігері «Асар» жауапкершілігі шектеулі серіктестігінің жоба жетекшісі Бақытжан Құрұмбековпен сөйлескен едік. – Құрылыс өткен жылдың тамыз айында басталған. Жоспарға сай биыл желтоқсан айында аяқтауға тиіспіз. Дегенмен барынша қызу еңбек етіп, қыркүйекте тапсырамыз деген талпынысымыз бар. Белгіленген учаскенің ауданы – 28546 гектар, ғимараттың жалпы ауданы – 6812,2 шаршы метр, екі қабатты, 300 орындық мектеп 6 блоктан құрылған. Арнайы асханасы, мәжіліс залы, лингофон кабинеттері бар. Әжетханасы ішінде орналасқан. Екі спорт залы бар. Жоғары және кіші сынып оқушылары бір-бірімен тоғыспайтын бөлек-бөлек есіктерден еніп, дербес блоктарда оқитын болады. Мәжіліс залы мен барлық арнайы кабинеттер заманауи жабдықтармен толықтырылады. Дауыс күшейткіш, проектор, интерактивті тақталар орналастырылады. Физика, математика, ағылшын тілі сынды пәндердің өзіндік кабинеттері қарастырылған. Сабақ арнайы сол пән сыныптарында өтеді. Қазір ғимараттың қабырғалары көтеріліп, қыш қалау жұмыстары аяқталған. Ішкі сылақ толық бітті. Жылу жүйесі тартылуда, электр жүйесі жүргізілді. Бірінші және екінші қабаттың терезелері салынуда, – деп жауап берді ол. «Жайлы мектеп» жобасы бойынша Әйтеке би кенті мен Қазалы қаласының аралығында салынатын 600 орындық мектептің құрылысы жақында жүзеге асады деп межеленуде.Жұмабек Табынбаев

Жайлы мектеп – жаңа  мүмкіндік

<h4 style="margin-left:0px;text-align:justify;">Фото: Түркістан облысының әкімдігі</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Кентаулық талапкер Айдос Қожанов ұлттық бірыңғай тестілеуде екі сұраққа ғана дұрыс жауап бермеді. Оның нәтиежесі – 138 ұпай. Бірақ мектеп түлегі онымен тоқтамаймын дейді. Алдағы уақытта тағы бір мүмкіндігін пайдаланып, 140 ұпай алуды көздейді. Айдос<a href="https://sputnik.kz/"> Sputnik Қазақстанға</a> тестке қалай дайындалып жүргенін айтып берді, жеке лайфхактарымен де бөлісті.</h4><h3 style="margin-left:0px;">"Қазіргі мақсат – өз рекордымды жаңарту"</h3>Айдос Қожанов 10 жыл бойы 16 Юрий Гагарин атындағы мектеп-лицейде оқыған. Ал 11-сыныпта Grant High School мектебіне ауысты."Мен ҰБТ-ға 10-шы сыныптан бастап дайындалдым. Бас кезінде физика мен математикаға басымдық бердім. Ал 11-сыныпта ұлттық бірыңғай тестілеуде тапсыратын барлық пән бойынша қызу дайындық басталып кетті. Соның арқасында қазіргі нәтижеге қол жеткізіп отырмын", - дейді талапкер.Айдостың ҰБТ-дағы көрсеткіші:Қазақстан тарихы – 19 ұпай (20 сұрақ);Математикалық сауаттылық – 10 (10 сұрақ);Оқу сауаттылығы – 10 (10 сұрақ);Математика – 49 (50 сұрақ);Физика – 50 (50 сұрақ)."Мен қай сұрақтарға дұрыс жауап бермегенімді білдім. Қазіргі мақсатым – өз рекордымды жаңарту. 1 шілде күні ҰБТ-ны тағы бір рет тапсырып, 140 ұпай алғым келіп тұр. Оған тағы дайындаламын", - дейді мектеп түлегі.Айдос Қожановтың қазіргі көрсеткіші әзірше Қазақстан бойынша ең жоғары нәтиже болып тұр.<h3 style="margin-left:0px;">Жоғары ұпай жинау үшін не істеу керек</h3>Айдос ұлттық бірыңғай тестілеуге дайындық кезінде үш негізгі қағиданы ұстанған.&nbsp;<blockquote>"Біріншіден, тұрақтылық болу керек. Күнделікті әрі тұрақты дайындық нақты мақсатқа жетуге жол ашады. Екіншіден, алдын ала жоспар, сен өз бағытыңды білуің керек. Үшіншіден, өзіңе деген сенім болуы қажет. Адам өзіне сенімді болмаса, жоғары ұпай жинай алмайды. Әрине, ҰБТ-ға кірердің алдында әрбір талапкерде іштей қобалжу болады. Бірақ өзіңе сеніп кірсең, тесті тапсыру қиын емес. Маған оңай болды", - деді талапкер Sputnik Қазақстан тілшісіне берген сұхбатында.</blockquote>&nbsp;Айдос өзінің лайфхактарын да пайдаланды. Оны интернет желісінен тауыпты.<blockquote>"Мысалы, мен Қазақстан тарихына дайындалғанда флеш карточкаларды пайдаландым. Ондайда түрлі-түсті картон қағазды қиып, кішкентай карточкалар жасайды. Бірінші бетіне сұрақты, ал екінші бетіне жауабын жазасың. Осы флеш карточкаларды күнде пайдалану керек. Сонда ақпарат есте жақсы сақталады. Сосын Қазақстан тарихынан сұрақтардың жауабын жай жаттай бермей, түсініп оқығын дұрыс", - деп атап өтті Қожанов.</blockquote>Мектеп түлегі болашақта математика пәнінен мұғалім болғысы келеді. Бірақ университетті әлі таңдаған жоқ.<h3 style="margin-left:0px;">20 жыл бұрын ҰБТ-ға қалай дайындалды</h3>2000 жылғы түлек Әсел Шакуанова ұлттық бірыңғай тестілеуден 107 ұпай алған. Ол кезде ең жоғары көрсеткіш 120 балл болды.&nbsp;<blockquote>"Мен таңдаған пән – дүниежүзі тарихы, одан соң Қазақстан тарихына қатты дайындалдым. Екеуінен де 5-ші сыныптан бастап 11-ші сыныпқа дейінгі барлық мектеп оқулығын жинап алдым да, ішіндегі маңызды даталарын, тұлғалардың есімдерін, тарихи оқиғаларды дәптерге жазып отырдым. Сосын дәптерді үйдегілерге беріп, маған сұрақ қойыңдаршы дейтінмін. Арасында құрбылармен көшеге шықсам, сол дәптерімді де бірге алып жүремін. Олар да маған сұрақ қойып жүретін. Сөйтіп, екі пәнге дайындалдым", - дейді Әсел.</blockquote>&nbsp;Мектепте ол қазақ тілі мен математиканы жақсы оқыды. Сол себепті осы пәндер бойынша дайындалмаған. 10 жылда алған біліммен ұлттық бірыңғай тестілеуге барды.Ал Аяулым Алтынбек ҰБТ-ны 2013 жылы тапсырып, 125 ұпайдың ішінен 113 балл жинады. Оның ойынша, тестке дайындалғанда жаттап алу тәсілінен барынша аулақ болу қажет.<blockquote>"Тарих пәнінен оқиғаларды жаттап емес, түсініп оқу қажет. Мәселен, тарихтан маңызды даталарды есте сақтаған жөн. Оларды өзіңе таныс, жақын даталармен – ата-анаңның туған жылы, айы, күні және тағы басқасымен байланыстырып, жаттап алуға болады", - дейді Аяулым.</blockquote>Ол 10-сыныптан бастап математикадан күніне кемінде 20 есептен шығаруды әдетке айналдырған. Айтуынша, адамның қолы мен миы жаттыққаннан кейін есептің кез келген түрі жеңіл шешіледі. Логикалық тұрғыда ойлану да өз көмегін тигізеді.

ҰБТ-дан 138 балл алған талапкер тестке қалай дайындалғанын айтты

Қызылордада қоршаған ортаны қорғауда үздік жобалар бар 

<a href="https://kyzylorda-news.kz/">Kyzylorda-news.kz</a> Бүгін Шиелі ауданындағы «Сыр ұланы» тынығу лагерінің бірінші маусымы салтанатты түрде ашылды.&nbsp;Лагерьдің ашылуында сөз алған аудан әкімінің орынбасары Болатбек Ысмағұлов оқушыларға сәттілік тілеп, лагерьде көтеріңкі-көңіл күймен демалуларына өз тілектестігін білдірді.&nbsp;Ашылу салтанатында жиылған жұртшылық, лагерь тынығушылары аудандық оқушылар үйі өнерпаздарының өнерлерін, бүлдіршіндердің қойылымдарын тамашалап, түрлі ойындар ойнады.Жазғы тынығу лагерінде балаларға түрлі деңгейдегі шаралар ұйымдастырылып, демалыс уақытын тиімді әрі көңілді өткізуіне жағдай жасалады. Балалар үшін үйірмелер жұмыс жасап, денсаулықтары тұрақты түрде бақылауда болады.Айта кетсек, өткен айда Шиелі ауданы білім бөлімінің баспасөз кездесуінде балалардың жазғы демалысына қатысты сөз қозғалған болатын. Балалардың жазғы кезеңде бос демалыс уақытын тиімді өткізу, сауықтырылуы мақсатында 1 маусымнан бастап сауықтыру, тынығу лагерьлері өз жұмысын бастайды.Биыл мектеп жанынан 290 лагерь жұмыс жасайды. Одан бөлек, қала сыртындағы 8 лагерь 7 ауысымда қызмет көрсетеді. Сонымен қатар, аймақтан тыс жерде орналасқан лагерьлерде6 ауысымда демалыспен қамтылады. Сонымен қатар балалар «Қазақстан халқына» қоры арқылы демалады.Мектеп жанындағы жазғы тынығу лагерьлерінде киіз үймен этнолагерьлер, палаткалы лагерьлермен жасақталады.Жазғы мектеп – балалардың оқыту сапасын арттыру, білім алушылардың, соның ішінде үлгерімі төмен білім алушылардың біліміндегі олқылықтарын толықтыру мақсатында өткізіледі.Жазғы мектеп 2024 жылғы 27 мамыр мен 31 мамыр аралығында және ағымдағы жылғы 26-30 тамыз аралығында жұмыс жасайды. Жазғы мектепте сабаққа қатысу өтініштер негізінде ата-аналармен/заңды өкілдермен келісу кезінде бастауыш, негізгі және жалпы орта білім берудің негізгі пәндері бойынша 1-8, 10 сынып оқушылары үшін ұйымдастырылады.Жазғы мектепте оқу білім алушылар үшін тегін өткізіледі. Жазғы мектепті ұйымдастыру үшін қосымша қаржыландыру талап етілмейді.Облыс бойынша жазғы мектепке 297 мектептен 68 802 бала қатысады. Оның ішінде 1-4 сыныптарда 30 434, 5-8 сыныптарда 32 784, 10-сыныптарда 5 584 бала қамтылады.Айта кетсек, өткен жылы өңірде 10 лагерь жұмыс істеп, балаларды жазғы демалыспен қамтамасыз еткен болатын. Ал биыл жаңа 200 орындық лагерьдің орны белгіленді, ол Бәйгеқұм ауылындағы көл жағалауынан 6 гектар жерге салынбақ. Жоба-сметалық құжат әзірлеуге және сараптамадан өткізуге 32 млн теңге қажет.<h2 style="text-align:justify;">Балаларға демалыс лагері не үшін қажет?</h2>Ең алдымен ,біз адамның ақпаратты тез қабылдай отыра, оны есте сақтап, алайда ұмыт болуы мүмкіндігінің жоғары екенін ұғынумыз керек. Яғни, баланың миына тыныштық қажет сәт туғанда, оған 9 ай оқып келген сабақты жалғастыру туралы ойдың өзі ауыр әсер ететінін білген дұрыс. Оның орнына кітап оқып, бір уақыт әртүрлі курстарға қатысып, хобби ретінде спортпен шұғылдану жеткіншекке психологиялық тұрғыда жақсы әсер етеді.&nbsp;«Олар әлі жас, энергия, күш-қуат тасып тұрған жоқ па?» деп ойласаңыз, қателесесіз. Балалар жыл бойы білім алып, тоқтаусыз қимыл үстінде болады, яғни, тынығуға аз уақыт бөледі. Ұзақ уақыт күтетін демалыс – жаз мезгілі.&nbsp; Осы сәт таяған сайын, оқушылардың да тағаты таусылып, жазға жоспар құрады. Бірі ата-анасымен демалысқа кетсе, енді біріне ата-анасы сыйлық етіп, жазғы лагерлерге жолдама жібереді.&nbsp;Сабақ деп жүріп сергелдеңге түскен бүлдіршіндер үшін тынығу лагері – таптырмас орын.&nbsp; Қазіргі күнде Қазақстанның түкпір-түкпірінде балдырғандарға арналған сауықтыру демалыс орындары үздіксіз қызмет атқарады. Жыл сайын мыңдаған бүлдіршін уақыттарын қызықты әрі тиімді етіп өткізу үшін оқушыларға арналған лагерлер сапалы демалысты қамтамасыз етіп келеді.&nbsp; Егер бүлдіршініңіздің бой жазып, қоғаммен қарым-қатынасын дамытқыңыз келсе, балаңыздың топтық жұмысты меңгеріп, өмірге позитивті көзқараспен қарағанын қаласаңыз лагерге беріп, жазғы демалысын жақсы өткізуіне мүмкіндік жасаған&nbsp; абзал. Лагерде өздеріне жаңа жора-жолдас тауып, виртуалды өмірден тыс уақытын пайдалы дүниелерге арнайды. Демалыс орнында балаға деген ең қолайлы жағдайлар жасалған, таңғы жаттығу, 4-6 мезгілдік тамақ, күнделікті сауықтыру-сергіту іс-шаралары, бассейн, сыйлықтар мен жүлделі орындар қарастырылған.&nbsp;Әрбір бала – болашақ ел тірегі, сол себепті олардың игілігіне жасалған және жасалынатын әрбір шешім, жоспар, қадам маңыздылығын ешқашан жоғалпайды. Бақытты балалық шақты қайтадан оралту қолымыздан келмейді, бірақ бақытты шақтарды жасауға мүмкіндік бар.&nbsp;<h2 style="text-align:justify;">Қауіпсіздік – басты назарда</h2>Үйде, мектепте, қоғамдық орында бала қауіпсіздігін қамтасыз ету – ата-ана мен мемлекеттің негізгі міндеті. Өткен жылы Оқу- ағарту министрлігі «2024-2027 жылдардағы каникул кезеңінде балалардың сауықтыру демалысын, олардың бос уақытын және жұмыспен айналысуын ұйымдастыру туралы» Үкіметтің арнайы өкімінің жобасын әзірлеген еді. Бұл салада мұндай көп жылдық құжат алғаш рет қабылданбақ. Құжат балалардың тұлғалық, әлеуметтік, шығармашылық дамуына және демалыс кезеңіндегі құқық бұзушылықтардың алдын алуға бағытталған. Жоба іске асса, барлық облыс, үш мегаполис әкімдеріне және жауапты министрліктерге үлкен міндет жүктелмек.Ал жақында өткен аппараттық кеңесте «Жаз-2024» балалардың сауықтыру демалысын, бос уақытын және жұмыспен қамтылуын ұйымдастыру мәселелері талқыланды. Жиын барысында биылдан бастап балалардың жазғы демалысты ұйымдастыру міндеті білім басқармаларына жүктелетіні айтылды.<blockquote>− Балалардың қауіпсіздігін басты назарға ала отырып, жазғы демалысты өткізу мәдениетін қалыптастыру қажет. Сондықтан, әріптестер, балаларды қорғау шараларын қатаң бақылауға алып, жұмысты күшейту керек. Сіздерге тиісті әдістемелік құралдар мен алгоритмдер жолданды. Балалардың жазғы демалысын ұйымдастыруда білім басқармаларының басшыларына жеке жауапкершілік жүктеймін, − деді ҚР Оқу-ағарту министрі Ғани Бейсембаев.</blockquote>Республикада әр түрлі санаттағы мектеп жасындағы 3,1 млн бала жазғы демалысын тиімді өткізе алады. Бұл оқушылардың 88%-ын құрайды. Жалпы еліміз бойынша 2,9 млн баланың жазғы демалысын 10 743 демалыс лагерінде өткізу жоспарлануда. Нақтырақ айтсақ, 10 мың бала сауықтыру орталықтарында, қала сыртындағы орталықтарда 240 мың, ал 2,6 млн оқушы мектеп жанындағы лагерьлерде, 75 мың бала киіз үйлерге орналастырылады. Сондай-ақ, «Ұлы дала кереметі», «Jas galym», «Гастро туризм», «Бір күн қалада», «Қонақжай отбасы» жобасы іске асырылмақ.<blockquote>− Бүгінде 11 мыңнан астам лагерь жұмысын бастауға дайын. Балалар мен ата-аналар үшін қолжетімді сауықтыру бағдарламалары, орналасу шарттары мен қауіпсіздік ережелері туралы пайдалы ақпаратпен қамтылған «Балаларға базарлық» және «Қауіпсіз жаз» ақпараттық пакеті дайындалды. Сонымен қатар өңірлерде жаңадан 5 сауықтыру орталығын ашу жұмыстары жүргізілуде. Жалпы 2026 жылға дейін 50 жаңа орталық пайдалануға беріледі, − деді Тәрбие жұмысы және қосымша білім беру департаментінің директоры Меруерт Медетбекова.</blockquote><h2 style="text-align:justify;">Қызылордалық балалар қайда демалады?</h2>Аймақта 1-10 сынып аралығында оқитын 175 мыңға жуық оқушы бар. Облыстық білім басқармасы оқушылардың 98%-ын жазғы тынығу және еңбекпен қамтуды жоспарлауда. Бұл жазғы демалысты ұйымдастыруға 2 518 педагог, 38 белсенді студент пен 23 ерікті тартылады. Ал 98% бала қайта барады?<blockquote>− «QN жаздық жолдама-2024» қайырымдылық жобасы аясында 1400-ден астам бала Түркістан облысы, Біркөлік елді мекенінде орналасқан «Қуаныш» демалыс орнына, 150 мыңнан астам бала мектеп жанынан жұмыс істейтін жазғы тынығу лагерінде болады. Одан бөлек, қала сыртындағы 8 лагерьде 7 ауысымда 7 035 бала демалса, аймақтан тыс жерде орналасқан лагерьлерде 6 ауысымда 5 646 оқушы демалыспен қамтылады. Мектеп жанындағы жазғы тынығу лагерьлерінде киіз үймен этнолагерьлер, палаткалы лагерьлер ұйымдастырылады. Сонымен қатар еңбек жасақтары, туристік серуен, үйірмелер, спорттық-зияткерлік сайыстарға 131 879 оқушы қатыстырылады, − деді Өңірлік коммуникациялар қызметінің ақпарат алаңында өткен брифингте облыстық білім басқармасының басшысы Асқарбек Есжанов.</blockquote>Қалталылардың да қалтасын қақ тесетін демалыс орындарына қиялымен саяхаттайтын балалар бар, өкінішті. Су тасқынынан зардап шеккен өңірлерден келген оқушылар мен әлеуметтік осал топтар және ауылдық жерлерден келген көп балалы отбасынан шыққан балаларға басымдық беріліп, «Қазақстан халқына» қорының қолдауымен биыл 20 мың бала тегін демалуға мүмкіндік алады. Қызылорда облысындағы жетім, ата-анасының қамқорлығынсыз қалған, көпбалалы, тұрмысы төмен отбасылардан шыққан, есепте тұратын балалар да жазғы тынығумен толық қамтылмақ.&nbsp;Қорлан САРЫ Фото: Шиелі аудандық білім бөлімі

«Сыр ұланы» тынығу лагері жұмысын бастады

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің делегациясы Түркияның Анталья қаласында іс-сапарда жүр.</h4>Сапардың мақсаты екі ел арасындағы ынтымақтастықты арттыру, Түркия елінің Мәдениет және спорт министрлігі мен Қорқыт ата атындағы Қызылорда университеті арасындағы "Мәдени мұра" халықаралық жобасын жандандыру.Делегация ресми кездесулерде университеттің Басқарма Төрағасы-Ректор Бейбіткүл Каримованың сәлемдемесін жеткізіп, алдағы жұмыстарды талқылады.Сапар барысында бір апта бойы Түрік елінің мәдениетімен салт-дәстүрімен танысып, ЖОО тыныс-тіршілігін көріп, тәжірибе алмасады.&nbsp;Туркия елінің “Мәдениет және спорт” министрлігі мен Қорқыт Ата атындағы Қызылорда университетінің бірлескен «Мәдени мұра» халықаралық жобасы аясында Анталья губернаторының орынбасары (Antalya Vali Yardımcısı Yalçın Segin) Ялчин Сэгин мырзамен кездесуде болдық. Кездесу барысында Yalçın Segin мырза бұл жобаны қолдайтынын білдіріп, екі ел арасындағы достықтың нығая беретіндігін айтты.Сондай-ақ жуырда Ресей Федерациясы Мәскеу мен Алтай Республикасы Барнаул, Горно-Алтай қалаларында «Новое поколение» және «Россотрудничество» ұйымдарының ұйымдастыруымен «Азия елдерінің жаңа жас көшбасшылары» атты жастарға арналған ғылыми форум өтті. Форумға 13 елден 155 үміткер, оның ішінде тәуелсіз мемлекеттер достастығы елдерінен жаңа көшбасшы жастар қатысты.Аталмыш форумға арнайы шақырылып, іріктеуден өткен Қорқыт Ата атындағы Қызылорда университеті музей меңгерушісі, экономика және басқару білім беру бағдарламасының оқытушысы Ырза Бекзат Шәкімұратқызы мен “Археология және этнография” ғылыми орталығы ғылыми қызметкері, “Тарих және археология” білім беру бағдарламасының аға оқытушысы Құрманиязов Ыслам Серікұлы қатысты.&nbsp;Жастар форумының ашылуы Мәскеу қаласында Ресей мемлекеттік кітапханасында болды. Ашылуда әр елден келген делегаттар өз елдерінің жіберген мекемелерін таныстырды. Сонымен бірге Мәскеу қаласында бірнеше іс шараларға қатысып, әрі қарай Ресей Федерациясының Алтай аймағы, Барнауыл қаласы, Алтай мемлекеттік университетіне аттанды.&nbsp;Форум жұмыстары әртүрлі ғылым саласы соның ішінде тарих, археология, музеология, география, туризм, халықаралық қатынастар бағыты бойынша болды. Алтай мемлекеттік университетінің «Түркі әлемінің Үлкен Алтайы бірлігі мен тұтастығының тарихы және қазіргі заман» атты кешенді жоба аясында университетттің ғалымдарымен кездесу өтті. Кездесуде Алтай әлемінің тарихы және көршілес Қазақстан тарихы туралы дөңгелек үстелдер ұйымдастырылды. Университет жанындағы «Үлкен Алтай» ғылыми оқу орталығы жұмысының нәтижелері тарих, этнография, археология саласындағы жетістіктер жайлы жетекші ғалымдардың көшбасшылық дәрістері тыңдалды. Форум аясында Алтай Республикасы аумағындағы музейлер және Манжерок тауына туристік турлар ұйымдастырылды. Турға қатысушы делагаттар аймақтағы әр түрлі ұлттардың диаспорасымен кездесті. Одан әрі Алтай аймағында қазақ диаспорасының мерекелік концерттері, салт дәстүрлеріне қатысты дөңгелек үстел өтті. Форум нәтижесінде шет елден келген жас ғалымдармен ғылыми байланыс орнатылып, болашақ жоспарлары талқыланды. Бір аптаға созылған шара соңында форум қатысушыларына арнайы сыйлықтар мен сертификат табыс етілді.Сондай-ақ Қорқыт ата атындағы Қызылорда университетіне ресми сапармен АҚШ-тың Бас консулы Мишель Еркин ханым келген болатын.Делегация Студенттер сарайында сирек кездесетін ғылыми кітапхана қорымен танысып, музейді көрді.Қонақтар университеттің халықаралық деңгейдегі жетістіктері мен мүмкіндіктерімен танысты.&nbsp;АҚШ пен Қазақстан университеттерінің, АҚШ-тың Қазақстандағы Елшілігінің және американдық кеңестің әріптестік бағдарламасының қолдауымен біздің университет АҚШ-тың Мичиган мемлекеттік университетімен бірлесіп ұйымдастырған "Қазақстандағы өңірлік университеттер үшін экология және қоршаған орта туралы ғылымдар бойынша негізгі оқу бағдарламаларын ілгерілету" атты жоба іске асырылды. Бұл жобаға Джордж Вашингтон университеті, Оңтүстік Дакота университеті, Нью-Йорктегі Пейс Университеті және Мейн университеті қатысты.&nbsp;Сонымен қатар екінші жыл Фулбрайт бағдарламасының стипендиаттары ағылшын тілін оқыту үшін үкіметаралық келісімдер негізінде АҚШ-тың Қазақстандағы елшілігімен Қорқыт ата университетіне келеді деп күтілуде.&nbsp;Тағы атап өтетін маңызды жайт, Қорқыт Ата атындағы Қызылорда университеті&nbsp; QS WUR жоғары оқу орындарының әлемдік рейтингінде.&nbsp;2024 жылғы 5 маусымда Quacquarelli Symonds World University Rankings (QS WUR) – 2025 ғаламдық рейтингісінің нәтижелері 21-ші рет жарияланды. Рейтингте Қорқыт Ата атындағы Қызылорда университеті 1400+ орында.Сарапшылар QS World University Rankings рейтингін жасау кезінде әлем университеттерін келесі критерийлер бойынша бағалайды: • Академиялық бедел- 30%• Дәйексөздердің орташа саны– 20%• Жұмыс берушілер арасындағы бедел– 15%• Түлектерді жұмысқа орналастыру– 5%• Оқытушылар құрамының студенттер санына арақатынасы– 10%• Шетелдік студенттердің үлесі– 5%• Шетелдік оқытушылардың үлесі– 5%• Халықаралық зерттеу желісі – 5%• Тұрақтылық – 5%Университеттер әр критерий бойынша бағаланады, содан кейін осы бағалардан университеттің рейтингтегі орнын анықтайтын жалпы балл шығарылады. Биыл әлемнің 106 елінен 5663 жоғары оқу орны қатысты, рейтингке қатысушылар саны өткен жылмен салыстырғанда 2 есеге жуық өсті (2963). Рейтингке 1503 ЖОО кірді, оның ішінде 21-і &nbsp;қазақстандық ЖОО.Сондай-ақ жуырда Президент Қасым-Жомарт Тоқаев Алматы қаласына жұмыс сапары барысында Ұлттық ғылым академиясының «Ғылым ордасында» ғылыми қауымдастықпен кездесті.Кездесуге Қорқыт ата атындағы Қызылорда университетінің Басқарма Төрағасы-Ректор, филология ғылымдарының кандидаты Бейбіткүл Каримова, «Биология, география және химия» білім беру бағдарламасының аға оқытушысы, ауыл шаруашылығы ғылымдарының кандидаты, Жылыжай меңгерушісі Самалбек Қосанов, «Инжинирингтік технологиялар» білім беру бағдарламаларының зерттеуші-профессоры Нұрбол Аппазов, «Физика-химиялық талдау әдістері» инженерлік бейіндегі зертханасының жетекшісі, PhD, қауымдастырылған профессор Нұрғали Ақылбеков, «Электр энергетикасы, техносфералық қауіпсіздік және экология» білім беру бағдарламаларының аға оқытушысы, PhD Сиханова Нұргүл Сағындыққызы қатысты.Жиында Президент өз сөзінде шикізатқа арқа сүйеп отырған ел алысқа бармайтынына назар аударып, бізге ғалымдар, инженерлер, өнертапқыштар қажет екенін айтты.&nbsp;Қорлан САРЫ Фото: Қорқыт ата атындағы ҚУ

Қорқыт Ата атындағы Қызылорда университеті халықаралық ынтымақтастық артуда

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жуырда Қармақшы ауданындағы Шәмшат Төлепова атындағы мәдениет үйінде аудан әкімі Жандос Еркінбектің төрағалығымен аудандағы білім саласының өзекті мәселелері талқыға түскен "Адал ұрпақ. Саналы жасөспірім. Кемел келешек" тақырыбында кеңейтілген жиын өтті.&nbsp;</h4><h4 style="margin-left:0px;text-align:justify;">Оған аудандық мәслихаттың төрағасы Әділ Қошалақов, аудан әкімінің орынбасарлары, аудан прокуроры, аудандық полиция бөлімі бастығының міндетін атқарушы, аудандық мәслихат депутаттары, дербес бөлім басшылары, кенттер мен ауылдық округі әкімдері, үкіметтік емес ұйымдар, ата-ана, көше комитеттерінің төрағалары мен білім беру ұйымдарының басшылары, педагогтер қатысты.&nbsp;</h4><h4 style="margin-left:0px;text-align:justify;">&nbsp; Аудан әкімі қай кезде де ұрпақ тәрбиесі өзінің өзектілігін жоймайтынына тоқтала келе, іс-шараға қатысушыларды тәрбие мен білім сапасын арттыруға, балалар мен жасөспірімдердің болашағы үшін қауіпсіз қоғам қалыптасыруға және оған белсенді атсалысуға шақырды.&nbsp;</h4><blockquote><h4 style="margin-left:0px;text-align:justify;">– Бүгінгі қоғамның алдында тұрған басты міндеттің бірі – балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу. Бұл күн тәртібінен түспейтін мәселелердің біріне айналып отыр. &nbsp; Мемлекет басшысы Қасым-Жомарт Тоқаев Түркістанда өткен Ұлттық құрылтайда «Ұрпақ тәрбиесіне ықпал ететін шараларға баса мән беруіміз керек. Бұл салада кемшіліктер көп екені жасырын емес. Мектептегі тәрбие жұмысы ақсап тұр. Соңғы кезде оқушылардың бір-біріне қысым, зорлық-зомбылық, әлімжеттік көрсетуі жиі болып кетті. Кейде балалардың қатыгездігі жан түршіктіреді» деген болатын. Өкініштісі, бұндай жағдайлар соңғы уақыттарда біздің өңірімізде де орын алып отырғанын аймақ басшысы жақында ғана өткен білім саласының өзекті мәселелеріне арналған кеңейтілген мәжілісте атап өтті. Қазір жас ұрпақты азамат ретінде қалыптастыруда ата-ана мен мектептің өзара байланысы шешуші рөл атқарады. Осыған орай, бүгінгі күн тәртібіндегі негізгі мәселе де – балалар арасында құқық бұзушылық пен қылмыстың алдын алуға бағытталған жұмыстар болып отыр. Қай заманда, қай қоғамда болсын бала тәрбиесі отбасындағы негізгі құндылық болып саналған. Біз соңғы уақытта бала тәрбиесіне негізгі жауапты – ата-ана екенін ұмытып кеттік. Дегенмен, баланы ортаға бейімдеу, тәлім-тәрбие беруде мектептің рөлі үлкен, – деді Жандос Еркінбекұлы.&nbsp;</h4></blockquote><h4 style="margin-left:0px;text-align:justify;">Аудан басшысы бұл бағыттағы жұмыстардың кемшін тұстарына тоқталып, оны жандандыруды тапсырды.&nbsp; Мәжілісте аудандық білім бөлімінің басшысы Гүлзира Абдазиева &nbsp;"Кәмелет жасына толмағандар арасындағы құқық бұзушылықтың алдын алуға бағытталған профилактикалық жұмыстар жөнінде", аудандық прокуратураның прокуроры Нұржігіт Шаймахан "Білім беру ұйымдарындағы құқық бұзушылықтың профилактикасы туралы" және аудандық полиция бөлімінің жергілікті полиция қызметі бөлімшесінің бастығы Қуандық Ермаханов "Балалар мен жасөспірімдер арасындағы қылмыс пен құқық бұзушылықтың алдын алу бағытындағы шаралар туралы" баяндады. Кеңейтілген мәжілісте балалардың өмір қауіпсіздігі кеңінен талқыланды.&nbsp;</h4><h4 style="margin-left:0px;text-align:justify;">2024 оқу жылында 1-10 сынып аралығында 14399 оқушы 100 пайыз жазғы демалысы мен еңбекпен қамту жұмыстарына қамтылады деп жоспарлануда. 465 оқушы Жаңақорған ауданындағы "Облыстық олимпиадалар және қосымша білім беру орталығы" жалпыға міндетті оқу қорынан мектеп жанындағы лагерьге қамтылады деп күтілуде. 2257 оқушы еңбекпен, оның ішінде 1461-і көркейту-көгаландыру бригадаларында (9 сынып оқушылары), 796-сы еңбек бригадаларында (10 сынып оқушылары) қамтылып, оқушылар мектептің жөндеу, көркейту-көгалдандыру жұмыстарына қамту жобаланған. Мектеп жанынан құрылған тынығу лагеріне 1114 оқушы тамақпен, 4677 оқушы тамақсыз лагерьмен қамтылмақ. Мектеп жанынан киіз үй тігіліп, 14 мектепте этноауыл ұйымдастырылатын болса, спорттық лагерьге 2544 оқушы қамтылмақ. 838 оқушы дебат үйірмесіне қамтылады деп жоспарланған.</h4><h4 style="margin-left:0px;text-align:justify;">Аудан басшысы осы кезден бастап оқыс жағдайлардың алдын алу, оны болдырмау, балалардың өмір қауіпсіздігін қамтасыз етуде тиісті іс-шараларды қабылдауды қатаң тапсырды.&nbsp;</h4><h4 style="margin-left:0px;text-align:justify;">Сондай-ақ жиында түнгі кезекшіліктерді күшейту, БАҚ пен әлеуметтік желілерде бүгінгі күні өзекті болып отырған құқық бұзушылық, буллинг, лудоманияның зардабы, суицид және тағы басқа да тақырыптыарды ақпараттандыру, кәмелет жасына толмағандар арасында профилактикалық жұмыстарды тұрақты жүргізу бойынша нақты тапсырмалар берілді.&nbsp;</h4><h4 style="margin-left:0px;text-align:justify;">"Балаң өзіңе тартса – жұбан, қоғамға тартса – қуан" дегендей, бала тәрбиесімен қоса, оның білімді болғаны да өте маңызды. Қазіргідей заманауи уақытта бәсекеге қабілетті болу алдымен білім деңгейімен өлшенеді. Бұл ретте ауданымыздың білім саласында ауқымды міндеттер күтіп тұр. "Балапанды күзде санайды" демекші, оқушылардың білім сапасын сарапқа салатын Ұлттық бірыңғай тестілеу сынағы – басты көрсеткіштің бірі. Биылғы оқу жылында аудан мектептерінен 686 бітіруші түлеп ұшқалы тұрса, олардың 649-ы, яғни 94,6 пайызы ҰБТ-ға қатысады деп күтілуде. Олардың арасында 54 түлек "Алтын белгіге", 67 түлек "Үздік аттестатқа" үміткер.&nbsp;</h4><h4 style="margin-left:0px;text-align:justify;">Жандос Еркінбекұлы аудан орталығында оқушы балалардың топқа бөліну жағдайлары әлі де бар екенін, оған бей-жай қарауға болмайтынын, топтық төбелестер мен жасөспірімдердің құқық бұзушылық жасауларының алдын алуға, сондай-ақ алда өтетін ұлттық бірыңғай тестілеу сынағына дайындықты пысықтап, мектептердің көрсеткіштеріне жан-жақты талдау &nbsp;жасауды жүктеді.&nbsp;</h4><blockquote><h4 style="margin-left:0px;text-align:justify;">– Мемлекет басшысының, Үкіметтің қолдауымен білім саласында ауқымды жобалар жүзеге асуда. Жосалы кентіндегі №284 мектеп-интернатына спорт зал ғимаратының құрылысы жүргізілуде. Балалардың заманауи мектепте білім алуына жағдай жасау мақсатында "Жайлы мектеп" ұлттық жобасы бойынша Жосалы кенті мен ІІІ Интернационал ауылында жаңа мектеп ғимаратының құрылысы жоспарлануда. "Білімді қолдау Ұлттық қоры" арқылы Тұрмағамбет ауылында 250 орынға арналған мектеп құрылысы келесі жылы жаңадан салынатын құрылыстар тізіміне енгізілген. Мемлекет басшысы Қасым-Жомарт Кемелұлы "Әділетті Қазақстан – Адал азамат" атты Ұлттық құрылтайдың екінші отырысында жас ұрпақтың тәрбиесіне ерекше тоқталды. Өскелең ұрпақ пен жастарға – зиялы қауымның, ақсақал-абыздарымыздың сөзі өтімді. Бала тәрбиесіне тек ата-ана, мұғалім ғана емес, қоғам болып атсалысуымыз керек. Биылдан бастап аудандағы елді мекенінде мәдениет үйі жанынан жастарды отаншылдық және мемлекетшілдікке, патриоттыққа тәрбиелейтін түрлі бағыттағы үйірмелерді қамтитын "Адал адам" орталықтары құрылып, жұмыс жасауда. Мұның барлығы дерлік балаларымыздың заман ағымынан қалмай, жақсы білім алуына жасалынып жатқан жарқын қадамдар. Дегенмен, мемлекет тарапынан жасалған қомақты қолдауларға қарамастан жасөспірімдер арасындағы қылмыс пен құқық бұзушылық, өзге де келеңсіз жағдайлар орын алуда. Бұл ретте аудандық білім бөліміне мектептерде ұлттық тәрбиеге жете мән беруді және "Аналар академиясы", "Әкелер кеңесі" мен ата-аналар комитетінің жұмысын жандандыруды тапсырамын, – деді аудан басшысы.&nbsp;</h4></blockquote><h4 style="margin-left:0px;text-align:justify;">Мәжілісте аудан прокуроры Мейрамбек Маханбетжанов, аудандық полиция бөлімі бастығының міндетін атқарушы Қазбек Әліп, аудандық ардагерлер кеңесінің төрағасы Асқар Мереков, аудандық қоғамдық кеңестің төрағасы Әбдірахман Құлдүйсенов, ІІІ Интернационал ауылы ардагерлер кеңесінің төрағасы Мұхтар Сайлауов, Қуаңдария ауылдық ардагерлер кеңесінің төрағасы Ешмағамбет Дүйсебаевтар сөз сөйлеп, бала болашағына немқұрайлы қарамауға, саналы тәрбие мен сапалы біліммен қамтуда қоғам болып атсалысуға үндеді. &nbsp;</h4><h4 style="margin-left:0px;text-align:justify;">Кеңейтілген мәжіліс соңында аудан әкімі Жандос Еркінбек жауапты бөлімдер мен мекемелерге, кенттер мен ауылдық округтің әкімдеріне балалар мен жасөспірімдердің тәрбиесі мен біліміне, өмір қауіпсіздігіне, келешегіне &nbsp;жауапкершілікпен қарап, үйлесімді жұмыс жүргізуді ескертті.&nbsp; &nbsp;</h4>

Ұрпақ тәрбиесі басты назарда

Жаңақорғанда білім сапасы артып келеді

<a href="https://kyzylorda-news.kz/">Kyzylorda-news.kz</a> Білім ордасының қабырғасында нәзікжанды студент қыздарға ақыл-кеңес айтып, дұрыс бағыт-бағдар мақсатында «Ақжүніс» қыздар ұйымы жұмыс жасайды. Қыздар ұйымының төрайымы, жас та болса, көпбалалы ана атанған, «Күміс алқа» иегері Салтанат Тәжібекованың &nbsp;бастамасымен &nbsp;әрбір атаулы мерекелерде «Ақжүніс» қыздар ұйымы қазақи, рухани тағылымды &nbsp;тәрбие &nbsp;жұмыстарымен ерекшеленеді. &nbsp;Сондай әсерлі шараның бірі – Қазалы аграрлы-техникалық колледжінде болып өтті.Қос мереке қарсаңында «Ақжүніс» қыздар ұйымының жетекшісі, арнайы пән оқытушысы Салтанат Ғабиденқызының ұйымдастыруымен «Ана – мәңгі асыл бейне ардақты» атты «Алтын алқа» және «Күміс алқа» иегері атанған көпбалалы аналармен кездесу кеші өткізілді. Көпбалалы аналар «Алтын алқа» иегері Рима Піржанова, «Алтын алқа» иегері Бақытгүл Кеулімжаева, «Күміс алқа» иегері Ольга Тайгараева сынды аяулы аналарымыз салтанатты шарамыздың құрметті меймандары болды.Кездесу кешін директордың тәрбие ісі жөніндегі орынбасары Гүлазат Жаңылова ашып, көпбалалы аналарға өзінің ыстық лебізін, алғысын жеткізді.«Көп балалы отбасы – береке-бірліктің үйлескен жері. Адамзат тарихында есімі елге танылған тұлғалардың көпшілігі көпбалалы отбасында дүниеге келген» деп, өзінің сөзін жалғаған «Ақжүніс» қыздар ұйымының жетекшісі Салтанат Тәжібекова көпбалалы аналарымызға отбасындағы тәрбие, қыз бен ұл тәрбиесі туралы өзінің сұрақтарын қойды. Аналарымыз қойылған сұрақтарға жан-жақты жауап беріп, өздерінің өмірлік тәжірибелерімен де бөлісті. Отбасы құндылығы туралы келелі ойларын ортаға салды.Рухани басқосуда белсенді білім алушылар да, ардақты аналарға &nbsp;балаң көңілмен көкейлеріндегі сауалдарын жолдады. Колледждің бір топ өнерлі студенттері аналарға арналған әсерлі әндерін шырқаса, мың бұралған биші қыздарымыз әсем биімен мерекелік көңіл-күй сыйлады.Кеш соңында аналарымызға құрмет ретінде сыйлықтар табысталды.

Қазалыда: Көпбалалы  аналармен  кездесу өткізілді

<a href="https://kyzylorda-news.kz/">Kyzylorda-news.kz</a> «Адамның бір қызығы – бала деген» деп хакім Абай айтқандай, бала – өмірдің жалғасы һәм ата-ананың көз қуанышы. Тектілігі тегінен тараған қазақ ұлты баланың тәлім-тәрбиесін, қауіпсіздігін салт-дәстүрімен ұштастыра отырып, ықылым заманнан ерекше көңіл бөлген. Себебі, ұлттың болашағы, бақыты мен бағы, ертеңге деген сенімінің кепілі де – бала екенін әубастан ұққан. Сан-мың жылдар өтсе де, нық ұстанымынан тайқымаған халқымыз бала бақытының бостан болашағына байыппен бағдар жасап, баса мән беріп келеді. Жуырда еліміздің түкпір-түкпірінде балаларды қорғау күні аталып өтті. Бүлдіршіндерге бақыт сыйлаған мереке Қазалы ауданында да ерекше тойланды.1 маусым – Халықаралық балаларды қорғау күніне орай Қазалы ауданындағы Оқушылар үйінің ауласында өткен ауданның басты шарасына жиналған жұрттың қарасы қалың болды. Шарада Әйтеке би кентінің өнерлі де, озық балалары өнер көрсетіп, қолдан жасаған түрлі бұйымдардан көрме ұйымдастырылды.Кеш қонағы болған Қазалы ауданы әкімінің орынбасары Дәурен Тлеумбетов пен аудандық мәслихат төрағасы Ғазиз Әліш бастаған бірқатар азамат балалардың шығармашылығына оң бағасын беріп, болашақта елдің үмітін ақтайтын азамат болып өсулеріне тілектестігін жеткізді.Мұнан соң Дәурен Оңғарбайұлы сахна төрінен орын алып, 1 маусым – Халықаралық балаларды қорғау күнімен құттықтады.<blockquote>– Бүгінде баршамыздың алдымызда тұрған зор міндет – ұрпаққа заманауи білім беріп, салауатты өмір салтын ұстануға жағдай жасау. Сол себепті де, біздер барынша балабақшада, мектепте, мектептен тыс уақытта балалардың тиісті күтім мен қамқорлық көруіне жұмыс жасап келеміз. Бұл бағытта елімізде жеткіншектердің білім алуына, шығармашылығын шыңдауына барлық жағдай жасалған. Біздің көңіліміздің гүлі, көзіміздің нұры, болашағымыз – Сіздерсіздер! Сондықтан да, сапалы білім алып, еліміздің дәулетті, жеріміздің сәулетті болуы үшін белсенділік танытып, еліміздің одан әрі гүлденуіне өз үлестеріңізді қосуларыңыз керек, – деген аудан әкімінің орынбасары жас өскіндерге деген қамқорлық алдағы уақытта да, жалғасын таба беретіндігін жеткізді.</blockquote>Салтанатты шарада өнерпаздар бүлдіршіндер әуелете ән шырқап, мың бұрала би биледі. Бұдан бөлек, оқушылар үйінің алаңында аудан кәсіпкерлері бүлдіршіндерге көтеріңкі көңіл-күй сыйлап, тегін балмұздақ таратты.Әлем – балалармен мейірімдіАталмыш мереке қарсаңында ерекше балалар да ескерусіз қалмады. Қазалы ауданына сыйлы, әрі белді кәсіпкерлерінің бірі – Сәкен Құлпыбайұлы аудандағы балғындарға арнап, «Әлем – балалармен мейірімді» атты қайырымдылық шара өткізді.Игі шараға арнайы барған Қазалы ауданы әкімінің орынбасары Дәурен Оңғарбайұлы бүлдіршіндерді мерекемен құттықтап, мерекелік шараға ұйытқы болған кәсіпкерге аудан әкімі Мейрамбек Шермағанбеттің «Алғыс хатын» табыстап, шынайы ризашылығын жеткізді.Өз кезегінде бар баланы бақытқа бөлеген шарада ата-аналарда жылы лебізін жеткізіп, Сәкен Құлпыбайұлына және С.Бабанаев бастаған әлеуметтік қызметкерлерге ризашылықтарын білдірді.<blockquote>– Бүгін ерекше күн болды. Балаларымыз қуанып қалды. Керемет көңіл-күй сыйлаған кәсіпкерге алғысымыз шексіз. Несібесі молайып, кәсібі өркендей берсін деген тілек білдіреміз. Барлық бала дәл осылай бақытты болуға лайықты. Барша балғынды, ата-ананы балалар мерекесімен шын жүректен құттықтаймын», – дейді олар.</blockquote>Мерекелік кеште балалар ән айтып, би билеп, көңіл көтерді. Сондай-ақ, тегін таратылған балмұздақтан дәм татып, үйлестірілген ойыншықтарды алып, ерекше әсерге бөленді.Айта кетейік, мерекелік дастарханға Әйтеке би кенті, Қазалы қаласы және барлық ауылдық округтерден мүмкіндігі шектеулі балалар, үйде арнаулы әлеуметтік қызмет көрсету бөлімшесінен қызмет алушы 112 бала қатысты.Балақайларға көңіл бөліндіБүлдіршіндерге бақыт сыйлаған шаралардың бірі Р.Бағланова атындағы аудандық мәдениет орталығында, «Бар жақсылық балаларға» тақырыпта өтті. Мерекелік шараны аудандық мәдениет және тілдерді дамыту бөлімінің басшысы Болат Әбенұлы құттықтау сөз сөйлеп, ашып берді.Р.Бағланова атындағы аудандық мәдениет орталығы жанындағы «Ақжелең» би, «Ән», «Жыраулар», «Домбыра» үйірмелерінің өнерпаздары өнер көрсетіп, ата-аналарға, балаларға көтеріңкі көңіл күй сыйлады.Шара мәдениет орталығының ғимараты алдында «Асфальтқа сурет салу» бойынша балалар өз қиялдарындағы суреттерін асфальтқа салса, «Балақай» қуыршақ үйірмесі балаларға арналған ертеңгілік ұсынды. Бұдан бөлек, «Кино TIME» бағыты бойынша бүлдіршіндерге Led экраннан қазақ ертегілерінің топтамасы көрсетілді.Кеш соңында өнер көрсеткен өнерпаздарға кәсіпорын басшысының Алғыс хаты мен сыйлықтар табысталды.Р.Бағланова атындағы аудандық мәдениет орталығы жанындағы «Шабыт» еріктілер тобының ұйымдастыруымен аз қамтылған отбасы балаларына мерекелік көңіл күй сыйлау мақсатында «Агро өркен» жауапкершілігі шектеулі серіктестігі басшысы Мерей Бердібайұлы және жеке кәсіпкер Мақпал Назарқанқызының демеушілігімен сыйлықтар табыстады. Балаларға тегін тәттілер, сусындар таратылды.Жас суретшілер байқауыОсы уақытта Әйтеке би кенті орталығында «Бақытты отбасы» партиялық жобасы аясында аудандық «Amanat» партиясы филиалы мен «Жастар рухы» ЖҚ аудандық филиалының ұйымдастыруымен «Бақытты балалық шақ» атты жас суретшілер байқауы өтіп жатты.Мереке қарсаңында өткен байқаудың мақсаты – балалардың шығармашылық қырларын ашып, танымдық қызығушылықтарға ынталандыру және туындыларын көпшілікке жария ету арқылы жас суретшілердің белсенділігін арттыру болды.Сурет салуға қабілеті бар мектеп оқушылар бақ сынаған сайыста жас суретшілерге Жанқожа батырдың 250 жылдық мерейтойына байланысты тақырып берілді. Суретшілер шығармашылық қабілеттерін пайдалана отырып, бірі батырдың портретін салса, енді бірі кесенесін салды.Нәтижесінде бірінші орынды№25 мектептің 10 сынып оқушысы, қылқалам шебері Нұрдина Қуантаева жеңіп алды. Екінші орынға №249 лицейдің 8 сынып оқушысы, Дильназ Жанназар жайғасса, үшінші орынды №17 мектептің 6 сынып оқушысы Ақтоты Кеңесбай місе тұтты.Жеңімпаздар жүлделі дипломмен және арнайы сыйлықтармен марапатталды. Сондай-ақ бірқатар қатысушыларға түрлі тақырыптағы номинациялар бойынша дипломдар мен сыйлықтар табысталды.

Қазақстан және Қызылорда облысының жаңалықтары: Білім