<a href="https://kyzylorda-news.kz/">Kyzylorda-news.kz.</a> 6 желтоқсанда магистратураға білім гранттарын тағайындау конкурсына қатысу үшін құжаттар қабылдау басталады. Ол 12 желтоқсанға дейін жалғасады, деп хабарлайды Stan.kz.Барлығы 8 мыңнан астам адам магистратураға түсу үшін емтихан тапсырды. Олардың 40%-ға жуығы шекті балл жинады. Орташа көрсеткіш – 69 балл. Ең жоғары балл – 127.Кешенді тестілеу өткізу барысында 80 қатысушының нәтижесі жойылды. Оның ішінде 32 оқуға түсуші смартфон, шпаргалка және басқа да тыйым салынған заттарды алып өтуге тырысқаны үшін тест тапсыру мүмкіндігінен айырылды. Кешенді тестілеу кезінде ережелерді бұзғаны үшін аудиториядан 48 адам шығарылып, олардың нәтижелері жойылды.Магистратурада оқуға арналған білім беру гранттары кешенді тестілеу нәтижелері бойынша конкурстық негізде беріледі.Грант конкурсына құжаттарды қабылдау 6-12 желтоқсан аралығында жоо-лардың қабылдау комиссиялары, оның ішінде онлайн виртуалды комиссиялар арқылы жүзеге асырылады. Яғни, болашақ магистранттар құжаттарды дәстүрлі және онлайн форматта тапсыра алады.Конкурсқа қатысу үшін келесі құжаттарды тапсыру қажет: жеке куәліктің көшірмесі, жоғары білімі туралы құжат (диплом және қосымшасы); КТ сертификаты және бар болған жағдайда шет тілін меңгергендігін растайтын халықаралық сертификаттар. 075/у нысанындағы медициналық анықтаманы жоғары оқу орнына түскенде тапсыруға болады.<blockquote>"Құжаттарды тапсыру кезінде оқуға түсуші білім беру бағдарламаларының бір тобын және үш жоғары оқу орнын көрсетеді. Магистратураға білім беру грантын тағайындау конкурсы 15-25 желтоқсан аралығында өтеді. Магистратураға түсушілер 4 мыңға жуық мемлекеттік білім грантына үміткер бола алады", – деді Ұлттық тестілеу орталығының директоры Руслан Емелбаев.</blockquote>Грант иегерлерінің тізімі Ұлттық тестілеу орталығының сайтында және әлеуметтік желілерінде жарияланады. &nbsp;

6 желтоқсанда магистратураға құжат қабылдау басталады

Kyzylorda-news.kz. Қорқыт ата атындағы Қызылорда университеті 85 жылдық мерейтойы аясында биология ғылымының докторы, профессор, Қазақстанның еңбек сіңірген қайраткері, екі мәрте мемлекеттік сыйлықтың иегері Саданов Амангелді Құрбанұлы атындағы микробиологиялық ғылыми-зерттеу орталығы ашылды.&nbsp;Салтанатты шарада Басқарма Төрағасы – ректор Бейбіткүл Кәрімова ғалымның ғылым мен білім саласына қосқан еңбегіне тоқталды.<blockquote>«Аманкелді Құрбанұлы өзі білім алған қара шаңырақ Қорқыт Ата атындағы Қызылорда университетінің өркендеп дамуына зор үлес қосып келеді. Оның ішінде бірлескен ғылыми жобаларды жүзеге асыру, ғылыми кадрлар даярлау, университетіміздің оқытушы-профессорларын тағлымдамадан өткізу, сондай-ақ «Микробиологиялық ғылыми-зерттеу орталығын» жабдықтап, өскелең ұрпақтың сапалы білім алуы үшін қажырлы еңбек етуде», – деді Бейбіткүл Сәрсемханқызы.</blockquote>Аманкелді Құрбанұлы – Қоқыт ата атындығы Қызылода университетінің түлегі. Инститтутты бірген соң Ленин атындағы Бүкілодақтық ауыл шаруашылығы ғылымдары академиясының Шығыс бөліміне қарасты В.Р. Вильямс атындағы Қазақ егіншілік ғылыми-зерттеу институтының аспирантурасын, М.В. Ломоносов атындағы Мәскеу мемлекеттік университетінің топырақ биологиясы кафедрасының докторантурасын бітірген. Тынымсыз еңбектің нәтижесінде ғалым 1984 жылы ғылым кандидатты, &nbsp;1995 жылы ғылым докторы атағын иеленді.&nbsp;Ғалым жаңа ғылыми бағыттардың бірі топырақ биотехнологиясы мен топырақ микробиологиясын зерттейтін ғалымдарды біріктірді. Сонымен қатар, биологиялық және медициналық препараттар шығаратын «Өнеркәсіптік микробиология» зауытын ашты. Одан шығарылған препараттар халық денсаулығын жақсартуда қолданылып келді. Бұдан бөлек, ауыл шаруашылығы, қоршаған ортаны қорғау, &nbsp;ветеринария салаларына арналған 8 жаңа отандық биопрепарат технологиясы әзірленіп, өндіріске ұсынылды. Зауыттан жылына &nbsp;80-90 тонна әртүрлі биопрепараттар шығарылып, сатылымға жіберіліп отыр.<blockquote>«Профессор Қорқыт ата университетінің ғалымдарымен ғылым саласында жаңашыл бастамаларымен бөлісіп, үлкен ғылыми жобаларды бірге жүзеге асырып келеді. Осындай толағай еңбектерінің жемісінде «Саданов мектебі» қалыптасты. Біз ғылымдағы осындай тұлғалы ұстаздарымызды мақтаныш етеміз», - деді биология ғылымдарының докторы, профессор Салтанат Ибадуллаева.</blockquote>Аманкелді Садановтың ғылыми-зерттеу нәтижелері бойынша 1036 ғылыми еңбегі жарық көрген. Оның ішінде 620 ғылыми мақала, 24 монография, жоғары оқу орындарына арналған 39 әдістемелік құралы мен оқулығы даярланып, 155 авторлық куәлік пен патент, тауар белгілері алынды.&nbsp;Ғалымның жетекшілігімен 40 ғылым кандидаты және 17 ғылым докторы дайындалып, бүгінде ұстаздың шәкірттері алыс-жақын шетелдерде, еліміздің түкпір-түкпірінде қызмет етуде.&nbsp;Аманкелді Құрбанұлының қажырлы еңбегіне мемлекет тарапынан да жоғары баға берілді. Атап айтсақ, Ғылым мен техника саласы бойынша екі мәрте &nbsp;Қазақстан Республикасының Мемлекеттік сыйлығының лауреаты, «Қазақстанның еңбек сіңірген қайраткері», «Құрмет» және «Парасат» ордендерінің иегері, «Білім беру ісінің үздігі» төсбелгісінің иегері атанған.Айта кетейік, микробиологиялық ғылыми-зерттеу орталығының &nbsp;тұсаукесер салтанатында лента қию рәсімі Бейбіткүл Сәрсемханқызы мен Аманкелді Құрбанұлына берілді.Салтанатты жиынға зиялы қауым өкілдері, ардагер ұстаздар, профессор-оқытушылар мен білім алушылар, ғалымның шәкірттері мен замандастары қатысты.<img src="https://knadmin.beoblood.kz/uploads/IMG_20221202_WA_0021_858f223386.jpg" alt="IMG-20221202-WA0021.jpg">&nbsp; &nbsp;&nbsp;

Қызылордада микробиологиялық ғылыми-зерттеу орталығы ашылды

Kyzylorda-news.kz. Қорқыт ата атындағы Қызылорда университетінің 85 жылдық мерейтойы аясында ҚР Білім беру ісінің құрметті қызметкері, профессор, педагогика ғылымдарының кандидаты Күлбарам Сәдуақасқызы атындағы химиялық білім беру ғылыми-әдістемелік орталығы ашылды.Салтанатты шарада Басқарма Төрағасы-ректор Бейбіткүл Кәрімова ғалымның еліміздің білім мен ғылым саласына қосқан еңбегін атап, Күлбарам Сәдуақасқызының қызы Лаззат Жарқеткенованы университеттің стратегиялық дамуына қосқан үлесі үшін «Қорқыт Ата атындағы Алтын медальмен» марапаттады.&nbsp;Күлбарам Сәдуақасқызы 1960 жылы Н.В.Гоголь атындағы Қызылорда педагогикалық институтының &nbsp;Жаратылыстану факультетінде «Химия және биология» мамандығы бойынша білім алды. Алғашқы еңбек жолын 1965 жылы химия және биология &nbsp;пәні мұғалімі қызметінен бастады. Ғалым 1997 жылдан бастап Қорқыт Ата атындағы Қызылорда университетінің «Химияны оқыту әдістемесі», «Химия және экология», «Биология, география және химия» кафедраларында аға оқытушы, доцент, профессор қызметтерін атқарған.<blockquote>«Бүгін ел болып, тарихи оқиғаның куәсі болып отырмыз. Білімнің қара шаңырағында соңғы демі қалғанша еңбек етті. Ол кісіні еске алғанда артында қалған ізін дәріптейміз. Орталықтың ашылуы - ғалымның еңбегі көрсетілген құрмет, болашақ ұрпаққа жасалынған зор еңбек», – деді ҚР Парламент мәжілісінің депутаты Ғалым Әміреев.</blockquote>2006 жылы Астана қаласындағы Еуразия педагогикалық институтының &nbsp;диссертациялық кеңесінде «Оқыту процесінде нәтижеге бағыттап оқыту жағдайында оқушыларды өзіндік бақылауға бейімдеу» педагогика ғылымдарының кандидаты ғылыми дәрежесін алу үшін кандидаттық диссертациясын қорғады. Күлбарам Сәдуақасқызына 2018 жылы Қорқыт ата атындағы Қызылорда мемлекеттік университетінің Құрметті профессоры атағы берілді.&nbsp;Профессордың 110 мақаласы, халықаралық және республикалық конференциялардан 41 &nbsp;материалы мен тезисі, &nbsp;2 патенті, білім алушылар мен мұғалімдерге арналған 21 оқу-әдістемелік құралы, авторлық құқық берілген 2 &nbsp;электрондық &nbsp;оқулығы және 3 монографиясы жарық көрді.&nbsp; Күлбарам Сәдуақасқызы Халықаралық «Д.И.Менделеев» медалі, «Қазақстан Республикасы білім беру ісінің үздігі», «ҚР Білім беру ісінің құрметті қызметкері» төсбелгілерімен, &nbsp;ҚР Білім және ғылым министрлігінің «Құрмет грамотасымен» марапатталды. Сонымен қатар, ғалым 2 мәрте ҚР Білім және ғылым министрлігінің «Жоғары оқу орнының үздік оқытушысы» атты жоо оқытушыларына тағайындалатын мемлекеттік грант иегері атанды.&nbsp;Айта кетейік, тұсаукесер салтанатында лента қию рәсімі – Бейбіткүл Сәрсемханқызы мен Қазыбай Құдайбергенұлына берілді. Жиынға зиялы қауым өкілдері, ардагер ұстаздар, профессор-оқытушылар мен білім алушылар қатысты.&nbsp; &nbsp; &nbsp;<img src="https://knadmin.beoblood.kz/uploads/IMG_20221202_WA_0017_94874739ea.jpg" alt="IMG-20221202-WA0017.jpg">

Күлбарам Сәдуақасқызы атындағы химиялық білім беру ғылыми-әдістемелік орталығы ашылды

<a href="https://kyzylorda-news.kz/">Kyzylorda-news.kz.</a> Дамуымыз жедел, келешегіміз кемел болуы үшін білімді ұрпақ болуы шарт. Ол үшін бар ғұмырын жауапкершілігі мықты салаға арнаған білікті ұстаздарымызға артылар жүк ауыр болмақ. Бұл бағытта ұстаздардың біліктілігін арттырып, білімін жетілдіруі, білім беру жүйесінің озық тәжірибелерін жетік меңгеруі аса маңызды.Жаңа инновациялық технологияларды қолдана отырып, мұғалімдердің білімі мен дағдыларын жетілдіру мақсатында 30 қараша күні Жалағаш ауданындағы Алдаберген Бисенов атындағы №38 орта мектебінде «Қазақ тілі мен әдебиеті сабағында жаңартылған білім беру мазмұны шеңберінде оқушылардың оқу жетістігін критериалды бағалау» тақырыбында аудандық семинар болып өтті.Семинардың мақсаты – білім беру мазмұнын жаңарту жағдайында мұғалімдердің кәсіби құзыреттілігін дамыту, оқыту мен оқу үдерісінде қалыптастырушы мақсатты бағалау критерилері мен дискрипторларды қолдану арқылы өзара тәжірибе алмасу.Бағалаудың тиімді түрлерін көрсету барысында тәжірибе бөлісуге арналған семинарға аудандық білім бөлімнің әдіскері Лиза Қанатбаева мен аудан мектептерінің қазақ тілі мен әдебиеті пәні ұстаздары қатысты.Ең әуелі қонақтарға мектеп мұражайы таныстырылды. Сонан соң домбыра үйірмесінің жұмысы көрсетілді. «Жасыл мектеп» жобасы аясында ашылған бұрышпен және қазақ тілі мен әдебиеті бірлестігі мұғалімдерінің жасаған әдістемелік көрмесі таныстырылды.Топ-топқа бөлінген ұстаздар коучингтер мен ашық сабақтарға қатысты. Әрбір сабақтарда қолданылған жаңа инновациялық технологиялардың тиімділігі жайында ойларымен бөлісіп, кәсіби шеберліктерін арттырды.&nbsp; &nbsp;<img src="https://knadmin.beoblood.kz/uploads/8_4663ed97be.jpg" alt="8.jpg"><img src="https://knadmin.beoblood.kz/uploads/6_faec4352b3.jpg" alt="6.jpg">

Қазақ тілі пәні мұғалімдері арасында семинар өтті

<a href="https://kyzylorda-news.kz/">Kyzylorda-news.kz.</a>&nbsp; Шиелі ауданында жеке және мемлекеттік балабақшалар өкілдерінің қатысуымен жиын өтті.&nbsp;Жиынға аудан әкімінің орынбасары Ерсұлтан Апетов, аудандық білім бөлімі басшысының міндетін атқарушы Қанат Әмзе және 75 жеке және 18 мемлекеттік балабақша өкілдері қатысты.&nbsp;Жиынды өткізудегі негізгі мақсат – Қазақстан Республикасы Оқу-ағарту министрінің 2022 жылғы 27 тамыздағы №381 бұйрығына сәйкес, мектепке дейінгі тәрбие мен оқытуға мемлекеттік білім беру тапсырысын орналастыру тәртібі бойынша орын алған өзгерістерді түсіндіру. Атап айтар болсақ, бұйрықта мектепке дейінгі тәрбие ұйымдарында төтенше жағдайлар туындаған кезде хабарлау жүйесінің болуы, санитариялық қағидаларға сәйкес тәрбиеленушілерге медициналық қызмет көрсету және алғашқы медициналық көмек көрсету үшін жағдайлар жасау секілді бірнеше талаптар көрсетілген.&nbsp;Тиісінше, жоғарыда аталған талаптарды орындап, қажетті құжаттарды ұсынған балабақшалар ғана өз жұмысын одан әрі жүргізуге мүмкіндік алады. Заңға қайшы келетін мектепке дейінгі білім ұйымдары өз істерін тоқтатуы қажет.Бұйрықтың толық мәтінімен мына <a href="https://adilet.zan.kz/kaz/docs/V2200029323">сілтеме</a> арқылы таныса аласыздар.<figure class="image"><img src="https://knadmin.beoblood.kz/uploads/317568470_1453216051875516_6358663544675446280_n_0591b86035.jpg" alt="317568470_1453216051875516_6358663544675446280_n.jpg"></figure><figure class="image"><img src="https://knadmin.beoblood.kz/uploads/316674646_1453216261875495_4819785053802534565_n_48c9f2a89f.jpg" alt="316674646_1453216261875495_4819785053802534565_n.jpg"></figure>

Шиелі ауданында балабақша өкілдерінің қатысуымен жиын өтті

<a href="https://kyzylorda-news.kz/">Kyzylorda-news.kz.</a> 28-30 қараша аралығында Қорқыт&nbsp;ата атындағы Қызылорда университетін институционалдық аккредиттеу шеңберінде Аккредиттеу және рейтинг тәуелсіз агенттігі (АРТА) сарапшыларының сыртқы сапары өтті. Комиссия құрамына Қазақстан Республикасы мен Түркия Республикасы жоғары оқу орындарының өкілдері, жұмыс берушілер мен студенттер өкілдері кірді.Сапар барысында сарапшылар тобы университеттің материалдық-техникалық инфрақұрылымымен: оқу ғимараттарымен, кітапханамен, мамандандырылған кабинеттермен, зертханалармен, цехтармен, спорт базасымен, жатақханалармен, тәжірибе базаларымен танысты.Әкімшілік басқару аппаратымен,&nbsp;жоғарғы оқу орны құрылымдық бөлімшелерінің басшыларымен, профессорлық-оқытушылық құраммен, білім алушылармен, университет түлектерімен, жұмыс берушілермен кездесулер өткізілді.Сарапшылар кафедраларды аралап, профессор-оқытушылар құрамының сабақтарына қатысты.Сыртқы сараптау комиссиясының&nbsp;жоғарғы оқу орнының басшылығымен қорытынды кездесуінде комиссия төрағасы университет қызметін жетілдіру бойынша ұсыныстар айтты.<figure class="image"><img src="https://knadmin.beoblood.kz/uploads/news01_12_1_8cae2fb025.jpg" alt="news01.12-1.jpg"></figure>

АРТА сыртқы сараптау комиссиясының Қорқыт ата атындағы университетке сапары аяқталды

<a href="https://kyzylorda-news.kz/">Kyzylorda-news.kz.</a> «Назарбаев Зияткерлік мектептері» дербес білім беру ұйымы 2023-2024 оқу жылында Назарбаев Зияткерлік мектептерінің 7-сыныптарында білім алу үшін «Өркен» білім грантын тағайындау конкурсын өткізуде.&nbsp;Байқауға жалпы білім беретін мектептердің 6-сынып оқушылары қатыса алады. Ол үшін үміткерлер 10 қаңтарға дейін келесі құжаттарды қабылдау комиссиясына өткізулері тиіс:- Конкурсқа қатысу үшін өтініш;- Сауалнама;- Үміткердің туу туралы куәлігінің көшірмесі, үміткердің ЖСН-і, бар болған жағдайда жеке бас құжатының көшірмесі, заңды өкілдің ЖСН-і көрсетілген жеке куәлігінің көшірмесі;- Үміткердің 6-сыныптың I жарты жылдығындағы үлгерімі мен тәртібі туралы табелінің көшірмесі. Талап етілген құжаттар оқитын мектеп басшысының қолымен расталып, тиісті білім беру ұйымының мөрімен бекітілуі керек.&nbsp;- Үміткердің графикалық файл түріндегі 1 МБ (мегабайт) кем емес көлемі 3х4 см. цифрлі фотосуреті немесе үміткердің фототүсірілімі құжат тапсыру кезінде қабылдау комиссиясында жасалынады.Көрсетілген барлық құжаттар пластикалық тезтікпеге жинақталып, қабылдау комиссиясына ұсынылады.Құжат қабылдау комиссиясы Қызылорда облысы бойынша Қызылорда қаласы Сұлтан Бейбарыс, 6 мекен-жайы бойынша дүйсенбі-жұма аралығында сағат 9.00-ден 18.00-ге дейін, ал сенбі күні 9.00-ден 13.00-ге дейін жұмыс жасайды. Үзіліс уақыты: 12.00-13.00.&nbsp;Айта кету керек, келушілер ағымын реттеу үшін арнайы онлайн брондау қызметі іске қосылған. Бұл жүйе мектепке келу күні мен уақытын алдын ала белгілеуге мүмкіндік береді.&nbsp;Онлайн брондау нұсқаулығы:- Зияткерлік мектептің веб-сайтын ашу <a href="https://kzl.nis.edu.kz/">https://kzl.nis.edu.kz/</a>- «Қабылдау комиссиясына арнайы кезекті брондау» қосымшасын ашу;- Ашылған терезе арқылы күнтізбеде құжат тапсыру үшін мектепке келу күні мен уақытын таңдау;- Өзіңіздің байланыс деректеріңізді көрсету;- Брондауды растау;Барлық бөлімдер толтырылып, бронь жасалғаннан кейін Сіз көрсеткен электрондық поштаға брондаудың расталғаны туралы хабарлама келеді.&nbsp;Қабылдау комиссиясына құжаттарын қаңтардың 10-на дейін толық өткізген үміткерлерге кешенді тестілеуге қатысу рұқсатнамасы беріледі. Кешенді тестілеу 2023 жылдың 2 және 3 наурызда өтеді. Бірінші күні үміткерлердің жаратылыстану-математикалық бағыттағы, яғни математика, сандық сипаттамалар мен жаратылыстану пәндерді игеру қабілеті бағаланса, екінші күні - қазақ, орыс және ағылшын тілдерінен тест тапсырмаларын орындайды.&nbsp;Тестілеу нәтижелері кешенді тестілеудің екінші күнінен 40 күнтізбелік күн өткеннен кейін www.nis.edu.kz сайтында жарияланады. Соңғы шешім «Өркен» білім беру грантын тағайындау жөніндегі Республикалық комиссиямен қабылданады.Құрметті жас өркен! Терең академиялық білім алып, кең ауқымды дағдыларды бойыңызға сіңіріп, үш немесе одан да көп тілді меңгеріп, еліміздің және әлемнің жетекші университеттеріне оқуға түсуді мақсат етсеңіз, біздің мектепке келіңіз! Байланыс телефондары: 8 (7242) 40 23 75, 40 23 77<figure class="image"><img src="https://knadmin.beoblood.kz/uploads/317624307_3258003244529587_7916067782261055901_n_221713a8a9.jpg" alt="317624307_3258003244529587_7916067782261055901_n.jpg"></figure><figure class="image"><img src="https://knadmin.beoblood.kz/uploads/317472194_3258003231196255_3449469968018589228_n_625625b1e6.jpg" alt="317472194_3258003231196255_3449469968018589228_n.jpg"></figure><figure class="image"><img src="https://knadmin.beoblood.kz/uploads/317761734_3258003264529585_7299425772006412543_n_bd805e74fa.jpg" alt="317761734_3258003264529585_7299425772006412543_n.jpg"></figure>

NIS-те білім алу үшін құжат қабылдау басталды

&nbsp;<a href="https://kyzylorda-news.kz/">Kyzylorda-news.kz.</a> Түркияның Анталья қаласында педагогикалық және әлеуметтік ғылымдар бойынша түркі әлемінің ІV халықаралық конгресі өтті.&nbsp;Ауқымды шараға Қорқыт ата атындағы Қызылорда университетіндегі «Педагогикалық-психологиялық білім беру және оқыту әдістемесі» кафедрасының профессоры, педагогика ғылымдарының кандидаты Рабиға Игенбаева қатысты.&nbsp; &nbsp;Конгрестің негізгі мақсаты – түркітілдес мемлекеттердің ынтымақтастығын нығайту, педагогика және әлеуметтік ғылымдар саласы бойынша озық тәжірибе жинақтау.&nbsp; &nbsp;Ғылыми конгресс жұмысына Әзірбайжан, Ресей, Ауғанстан, Қазақстан, Кырғызстан, Өзбекстан, Германия, Венгрия, Македония, Косово, Түркия Республикасынан Солтүстік Кипр, Франция және Түркия сынды барлығы 33 мемлекеттен 721 адам офлайн, 600 адам онлайн форматта қатысты.&nbsp; Аталмыш форумда Рабиға Игенбаева &nbsp;«Ислами құндылықтар мен қазақ салт-дәстүрлерінің сабақтастығы»&nbsp; тақырыбында баяндама жасады.<blockquote>«Қазақтың ұлттық құндылықтары, салт-дәстүрлері исламның асыл құндылықтарымен біте қайнасып дамығандығы баршамызға белгілі.&nbsp; Мұхаммед пайғамбар&nbsp; айтқан хадистер қазақтың санасына сіңіп, нақылына айналып, халқымыздың ұлттық санасымен, таным-түсінігімен қабысып, тұрмыс-тіршілігімен ұштасып кеткені ешкімге жаңалық емес. Жалпы исламның қалыптасу тарихына көз жүгіртсек, оның өкілдері ислам дінінің байрағы болып табылатын «көркем мінез» деген ұғым арқылы исламды дүние жүзіне таратқан. Баяндамада мұсылманның басқа адамдардың алдындағы ахлақи тәрбиесінің белгісі шыншылдығы, аманатшылдығы және әділдігі айтылып, ұят, кішіпейілділік, инабаттылық, ата-анаға құрмет көрсету, кешірімді болу, туған-туысқандармен жақсы&nbsp; қатынаста болу, тақуалық, үлкенге құрмет пен кішіге ізет көрсету, кедей, мұқтаждар мен жетім-жесірлерге қамқорлық көрсету, тірі жанның хақына нұқсан келтірмеу сынды адамның ізгі, жақсы қасиеттердің қазақтың салт-дәстүрлеріндегі көрінісі мен сабақтастығын баяндадым», – деді Рабиға Тасбергенқызы.</blockquote>&nbsp;Сондай-ақ, шарада студент-жастардың ислами құндылықтар, оның ішінде ахлақ жайлы, мұсылмандық қағидалар мен қазақтың салт-дәстүрлерінің интеграциясы жайлы білім деңгейлері анықталып, эксперимент нәтижелері көрсетілген.Конгресс нәтижесі бойынша барлық спикерлерге сертификат пен кәдесый табысталды.<figure class="image"><img src="https://knadmin.beoblood.kz/uploads/b5d5541c091607e94c23e506194469de_f3bb917c3c.jpg" alt="b5d5541c091607e94c23e506194469de.jpg"></figure>

Анадолыда түркі әлемінің ІV халықаралық конгресі өтті

<a href="https://kyzylorda-news.kz/">Kyzylorda-news.kz.</a> Биыл өңіріміздегі үздік жоғары оқу орны Қорқыт ата атындағы Қызылорда университетіне 85 жыл. Мерейлі мерейтой аясы 2-3 желтоқсан күндері ауқымды іс-шаралармен жалғасып, қорытынды кешпен аяқталмақ. Бұл туралы Өңірлік коммуникациялар қызметінде өткен брифингте Қорқыт ата атындағы Қызылорда университетінің басқарма төрағасы – ректор Бейбіткүл Кәрімова хабарлады.&nbsp;<blockquote>«Жақында, яғни 3 желтоқсанда, Қорқыт ата атындағы Қызылорда университетінің құрылғанына 85 жыл толуын салтанатты түрде атап өтпекпіз. Биыл мерейтой аясында түрлі бағыттағы форумдар, кездесулер, ғылыми конференциялар және тағы да басқа іс-шаралар ұйымдастырылды. &nbsp;Қорқыт ата атындағы Қызылорда университеті Сыр өңірінде жоғары білім мен ғылымның, мәдениетінің дамуына өзінің өлшеусіз үлесін қосты. Университет ауқымды 4 бағытта жұмыс істейді. Олар – білім беру, ғылым және инновацияны нығайту, әлеуметтік-мәдени бағытты дамыту, халықаралық ынтымақтастықты кеңейту. Жоғарғы оқу орны еңбек нарығына қажетті мамандықтар бойынша білім беруді басты назарда ұстайды. Университетте 115 білім беру бағдарламасы бар. Оның ішінде бакалавриат бойынша – 66, магистратура бойынша – 36, докторантура бойынша – 13 бағдарлама арқылы мамандар даярланады. Сондай-ақ, 5 жаңа білім беру бағдарламасы әзірленді», – деді ректор Бейбіткүл Сәрсемханқызы. &nbsp;&nbsp;</blockquote>Қорқыт ата атындағы Қызылорда университетін таңдаушылардың қатары жыл сайын артып келеді. 2019-2020 оқу жылымен салыстырғанда биыл білім алушылар саны 70 пайызға артып, 9014 адамды құрады.Бүгінде білім ордасында 5 институт, 24 кафедра, 5 ғылыми орталық қызмет етеді. Профессор-оқытушылар құрамы 560 адамды құрайды. Оның ішінде 22 ғылым докторы, 176 ғылым кандидаты, 37 философия докторы (PhD) бар.3 желтоқсан күні университеттің 85 жылдығы қарсаңында өтетін салтанатты жиынға ҚР Ғылым және жоғары білім министрі Саясат Нұрбек, жоғарғы оқу орындарының басшылары, қоғам қайраткерлері мен зиялы қауым өкілдері қатысады деп жоспарлануда.&nbsp;Атап айту керек, білім ордасының мерейтойы аясында І Түлектер форумы, «Ардагерлерді ардақтайық» атты І облыстық форум, «Мамандығым – болашағым» атты І облыстық форум, «Қазіргі заманғы математика: проблемалары және қолданыстары» атты III халықаралық «Тайманов оқулары» өтті.&nbsp;<blockquote>«Мерейтойға орай «Қорқыт ата атындағы Қызылорда университеті: дамудың жаңа кезеңінде» және «Қалдырған ізің мәңгілік...» кітаптары жарық көреді. Сондай-ақ, «Университет ақпарат айдынында», «Біздің түлектер» кітаптары электронды түрде жарияланбақ. 2 желтоқсан күні ҚР Білім беру ісінің құрметті қызметкері, профессор, педагогика ғылымдарының кандидаты Күлбарам Сәдуақасқызы атындағы химиялық білім беру ғылыми-әдістемелік орталығы, &nbsp;екі мәрте Мемлекеттік сыйлықтың иегері, Қазақстанның еңбек сіңірген қайраткері, биология ғылымдарының докторы, профессор Саданов Аманкелді Құрбанұлы атындағы микробиологиялық ғылыми зерттеу орталығы ашылады», - дейді Бейбіткүл Кәрімова.&nbsp;</blockquote>3 желтоқсан күні №5 оқу ғимаратында &nbsp;«Жоғары білімге қол жетімділікті кеңейту: болашағы мен мүмкіндіктері» форсайт-сессиясы, «Өңірлік университеттер – 2032: адами капитал және ғылым» форсайт-сессиясы өтеді. Ал, сол күні Студенттер сарайында Қорқыт ата атындағы Қызылорда университетінің 85 жылдық мерейтойына орай «Ұлттық руханияттың ұлы ордасы» атты салтанатты жиын өтеді.&nbsp; &nbsp;<figure class="image"><img src="https://knadmin.beoblood.kz/uploads/317090644_1677486285980210_4841005908236248415_n_514b0007d0.jpg" alt="317090644_1677486285980210_4841005908236248415_n.jpg"></figure>

Бейбіткүл Кәрімова: Білім ордамызда 5 институт, 24 кафедра, 5 ғылыми орталық қызмет етеді

<a href="https://kyzylorda-news.kz/">Kyzylorda-news.kz.</a> «Әр бала – жұлдыз!» ІX Халықаралық фестиваль-байқауында Қызылорда қаласындағы Зияткерлік мектеп оқушылары екі гран-при мен екі бірінші орын иеленді.&nbsp;200-ге жуық талантты жастың басын қосқан шығармашылық дода вокалдық, хореография, аспаптық, әртістік және шешендік өнер номинациялары бойынша өткізілді. Қызылордалық зияткерлер вокалдық музыка жанрында өнер көрсетіп, дәстүрлі, эстрадалық, джаз бен халықтық әуендерді шырқауда кәсіби шеберліктерін көрсете білді.&nbsp;Сайыстың Гран-при иегерлері атанған Сырсұңқар Базарбайұлы қоңыр үнді домбыраның сүйемелдеуімен Молдабайдың әнін жоғары деңгейде орындаса, Айя Сердалы Қасым Аманжоловтың «Сайра, сайра, Сандуғашым!» арнауын айтып, көрермендерді бұлбұл дауысымен тамсандырды.&nbsp;Ақтөбедегі концерттік зал сахнасында үздік өнер көрсеткен Айшани Даттатрея мен Уалихан Ибадулла да вокалдық қабілеттерімен ерекшеленіп, бірінші орынды жеңіп алды.&nbsp;<blockquote>«Бұл байқауда белгілі өнер қайраткерлері қазылық етті. Оқушыларымыздың таланттарына тәнті болып, ерекше өнер иелері деп бағалады. Шәкірттерім сахнада өздерін еркін сезініп, бар қабілеттерін ортаға салды. Алдағы уақытта жаңа асуларды бағындыруды тілеймін», – дейді жетекшісі Жарасбек Утебаев.</blockquote>&nbsp;

Сырбойылық зияткерлер өнер сайысында топ жарды

<a href="https://kyzylorda-news.kz/">Kyzylorda-news.kz.</a> Алматы қаласында өткен республикалық жас стартаперлер байқауына Қорқыт ата атындағы Қызылорда университетінен қатысқан «Enactus Korkyt» командасы жүлделі ІІ орын иеленді.&nbsp;Республикалық жастар форумына Қорқыт ата атындағы Қызылорда университетінің 20 студенті қатысты.Байқаудың ақтық мәресінде студенттер «Śeńber» жобасын ұсынып, 500 мың теңге көлемінде қаржылай қолдау тапты.«Śeńber» − шетелдік туындыларды қазақ тіліне аударып дыбыстау арқылы қазақ тілді контентті көбейтуге бағытталған жоба. Қазіргі таңда дубляж студиясында 8 диктор бар. Алдағы уақытта дикторлар санын көбейту ойда бар. Арнаулы байқаудан түскен қаражатқа жабдықтар алып, сапалы дыбыстау жұмыстарын жүргізетін боламыз», - деді кәсіпкерлік орталығының басшысы Жанарыс Түбекбаев.Форум аясында «Olzha Agro» компаниясының бастамасымен жүлде қоры 5 000 000 теңгені құрайтын «Жерге деген іңкәрлік, адамға деген қамқорлық» атты арнайы байқауының 2 кезеңіне 30 жоба жолдама алса, «BEELINE:Жарқын жақта өмір сүр» арнаулы байқауының ақтық мәресінде үздік 12 жоба қорғалды.Айта кетейік, Қорқыт Ата атындағы Қызылорда университетінде бес жылдан бері кәсіп ашуға қызығушылығы бар жастар үшін «Кәсіпкерлік орталығы» жұмыс істейді. Орталық жастардың инновациялық және IT саласының жобаларын дамытумен айналысады. &nbsp;

  Қызылордалық студенттер республикалық жас стартаперлер байқауынан жүлделі ІІ орын иеленді

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында ауа райының қолайсыздығына және желдің күштілігіне байланысты 29 қарашада 0-4-сыныптар аралығындағы оқушылар қашықтан оқиды.<blockquote>«Қызылорда қаласы бойынша ауа райының қолайсыздығы, желдің күштілігіне байланысты 29 қарашада 0-4-сынып оқушылары қашықтан оқытылатынын хабарлаймыз», – деп жазылған Қызылорда қаласының білім бөлімі таратқан хабарламада.</blockquote>

Қазақстан және Қызылорда облысының жаңалықтары: Білім