<a href="https://kyzylorda-news.kz/">Kyzylorda-news.kz.</a> Елу бес жылдық тарихы бар «Шұғыла» бөбекжай-балабақшасы алғашында орыс тілінде тәлім-тәрбие беретін 140 орындық, екі қабаттық типтік жобамен салынған «Солнышко» бөбекжай-балабақша болып ашылған. Сол уақытта екі кіші, төрт жоғары топта 140 бала тәрбиеленді. Оқу-тәрбие процесі орыс тілінде жүрді.1989 жылы балабақшадағы оқу-тәрбие процесі қазақ тілінде жүретін балабақша болуына байланысты №4 «Солнышко» балалар комбинаты №4 «Шұғыла» балабақшасы болып өзгертілді. 1997-1998 оқу жылы аралығындағы оңтайландыру саясаты кезінде балабақша жабылды. Балабақша 1998-1999 оқу жылынан бастап қайта ашылды.Қазіргі таңда кәсіпорын «Қызылорда облысының білім басқармасының «Қазалы ауданы бойынша білім бөлімінің №4 «Шұғыла» бөбекжай-балабақшасы» коммуналдық мемлекеттік қазыналық кәсіпорны болып қайта аталды. Балабақшадағы алты топта 140 бала тәрбиеленуде. Бұнда ересек «Балауса», «Айгөлек», ортаңғы «Ақбота», «Ертөстік» кіші «Құлыншақ» және «Қызғалдақ» топтары бар. Педагогтар саны 25. Жоғары білімдісі 22, арнаулы орта білімдісі 3-еу. Бір басшы-менеджер, бір Педагог-зерттеуші, бес. педагог-сарапшы, 6 педагог-модератор, II-ші санат -3, санаты жоқ -9 маман қызмет етеді.<blockquote>«Балабақша үздіксіз білім беру арқасында еліміздің ертеңі өсіп келе жатқан жас ұрпақтың білімін тереңдетті. Білімді, жан-жақты қабілетті ұрпақ – ұлтымыздың баға жетпес қазынасын тәрбиелеп шығарды. Әрбір топ жеке ойын, жатын бөлмелермен, жұмсақ және қатты жиһаздармен, дүние – мүліктермен қамтамасыз етілген. Топтарда бала өмірін ұйымдастыруды қамтамасыз ететін пәндік дамытушы орталықтар ұйымдастырылған. Балабақшада санитарлық – гигиеналық талаптар сақталған. Тазарту, жуу залалсыздандыруға қажетті құралдармен қамтамасыз етілген. Баланың жас ерекшелігіне сай түрлі көрнекілік құралдармен жабықталған. Сондай-ақ ізденуге арналған түрлі материалдар, эксперименттеу, коллекция жинақтау жұмыстарына арналған заттармен, көрнекті, дидактикалық материалдармен, ойыншықтармен қамтамасыз етілген. Әдістемелік тұрғыдан жинақталған педагогтардың кәсіби шеберлігін арттыруға бағытталған электронды көрнекі-әдістемелік құралдар, мультимедиялық құрал-жабдықтар, қажетті техникалық құралдар, музыка орталығы, компьютер, ноутбук, планшет, принтер, сканер бар», – дейді балабақша меңгерушісі Айгүл Ерішова.</blockquote>Тәрбиеленушілердің сұраныстарын ескере отырып, ойыншықтар мен дамытушы ойын түрлері, спорттық жаңа жабдықтар пайдалануға берілген. Әр топ көгілдір экранды телевизорлармен жабдықталған. Блім сапасын дамытуда, балалардың ой-өрісін арттыруда «Монтоссори» «Воскобович дамыту ойыншықтары» алынып, пайдаланылып келеді. «Электрондық қазақ үй» «Сиқырлы қалам», «Дана» желілес дыбысты кітаптар, «Ақылды қоян», «Развлечение и изучение» электронды оқулықтары да тәрбиеленушілердің жан-жақты дамуына септігін тигізуде.Балабақшаның спорт залы батут, балаларға арналған матрас, кегли, массажный дорожка, балаларға арналған гпнтель, кольцеброс, скакалка, гимнастикалық палкалар, обруч, доптар және түрлі заманауи спорттық құрал жабдықтармен жабдықталған. Ән-әуез залында домбра, жетіген, басқа да ұлттық аспаптар және қазіргі заманауи дыбыс күшейткіш, синтезатор, микрофондар, усилитель 3/1, ноутбук, түсті музыка құрылғылары бар.Балалардың жеке дара қабілеттері бойынша шығармашылық әлеуетін, танымдық, эстетикалық қабілеттерін дамытуға арналған «Логика» танымдық ойындар, «Балдаурен» аспаптар ансаблі, «Жетіген» ән, «Сымбат» би үйірмесі, «Қуыршақ» театры, «Сиқырлы қалам» дәстүрден тыс сурет салу, «Алтын асық» ұлттық ойын, «Тілашар» ,«Шебер қолдар» атты шығармашылық үйірмелер жұмыс жасайды. Балаларға арналған халық ертегілері, ақын-жазушыларының ертегі-аңыздары, танымдық және электронды кітаптар бар. Тәрбиешілер өз тобының жас ерекшелігіне арналған әдістемелік құралдармен, бағдарламалармен, міндетті білім беру стандартымен және балаларға арналған ертегі кітаптармен қамтамасыз етілген.Бір байқағанымыз бұнда ата-аналар мен балабақша қызметкерлері арасындағы байланыс жақсы жолға қойылған. Ата-аналармен бірлесе түрлі кездесу кештері, пікір –сайыс, дөңгелек үстел, тренинг, конференция өткізіліп тұрады. Топтық жиналыстарда ата-аналарға тәрбиешілер, психолог, әдіскер, логопед, медбике түрлі кеңестер беріп, ой бөлісіп отырды.Балабақшада арнайы құрал-жабдықтармен жасақталған логопед кабинеті бар. Онда 11 ерекше білім беру қажеттіліктері бар балалар оқытылуда. Арнайы логопед маман жұмыс жасайды. Қауіпсіздікті сақтауда қатаң қолға алынған. Бұл ретте 22 бейнебақылау құралы жұмыс істеп тұр. Балабақша педагогтары үнемі ізденіс үстінде жүреді. Олар өз білімдерін жетілдіріп, түрлі біліктілік арттыру курстарына қатысты. Нәтижесі де жоқ емес. 2022-2023 оқу жылына арналған оқу-тәрбие жұмыстары жоспар бойынша жоғары деңгейде жүргізіліп, педагогтар мен тәрбиеленушілер біршама жетістікке жеткен.Республикалық «Alma Production» шығармашылық орталығының «Шабыт Тарландары» халықаралық шығармашылық байқауының «Аспапта ойнау» номинациясы бойынша балабақша бүлдіршіндерінен құралған «Балдәурен» ансамблі бас жүлде иеленіп арнайы дипломмен кубокпен марапатталды. Балғындарды өнерге баулыған жетекшілері Гүлмира Кушжанова мен Ертуған Ізтілеуов «Алғыс хат» иеленді. Аталған байқауда «Аспапта ойнау» номинациясы бойынша тәрбиеленуші Аңсар Жанғалидың өнері бас жүлдеге лайық деп бағаланды. «Қазақстан – бақытты балалар мекені» I Халықаралық шығармашылық фестиваль конкурсының «Аспапта орындаушылық өнері–Қасықтар ансамблі» номинациясы бойынша бүлдіршіндерден құралған топ тағы да топ жарды. Бас жүлдені қанжығаға байлап, арнайы дипломмен кубок алды. Жетекшілері Гүлмира Кушжанова мен Даметкен Сұлтанова «Құрмет грамотасымен» марапатталды. Өнерлі өрендер Әмина Нұрсұлтан, Дильназ Әли және бір топ бүлдіршіндер «Диплом» иеленді.Роза Бағланова 100 жылдық мерейтойына орай «Қазағымның бұлбұлы» атты республикалық балалар мен ересектер байқауында балабақша педагогтері Гулмира Кушжанова, Жеңіскүл Қожахметова, Нұргүл Ешимова, Алтын Орыналиева, Даметкен Сұлтанова, Майра Алимбетова, Гүлбану Жазықбай, Нұргүл Мыңбаева «Диплом» иеленді. Бүлдіршіндер Дильназ Әли, Нұрсауле Байғани, Айша Болат, Аяла Абдулла және бір топ бүлдіршіндер «Диплом» марапатталды. Қазақстан Республикасы «Жеті өнер» шығармашылық орталығының ұйымдастырумен өткізілген «Ұстазға мың алғыс» республикалық шығармашылық конкурсынан Нұргүл Мыңбаева «Құрмет грамотасын» алды.«FLTYN DFUYS» балалар шығармашылық орталығы өткізген I Республикалық «FLTYN DFUYS» балалар өнер шығармашылық байқауының «Алғыс» хатымен Нұргүл Мыңбаева марапатталды. Қазалы ауданы әкімдігі Ғани Мұратбаевтың туылғанына 120 жыл толуына орай өткізілген марафонында Жолмағанбет Рахметов атындағы жүлделі бірінші орынмен Элмира Медетбай «Диплом» иеленді. Қазалы аудандық білім қызметкерлері кәсіподақ комитеті атынан «Қашықтықтан оқыту форматындағы «Үздік бейне сабақ» облыстық байқауының аудандық кезеңіне қатысып, «Шығармашыл педагог» номинациясымен Айман Сексембаева марапатталды. Халықаралық «Ғұмырдария» өнер байқауына белсене қатысып, егемен еліміздің ертеңін ойлайтын, зерделі де зейінді, қабілетті де қайырымды, өнерлі шәкірт тәрбиелегені үшін №4 «Шұғыла» бөбекжай-балабақшасы ұжымы Алғыс хатқа лайықты деп танылды.Осы байқаудың «Аспапта ойнау» номинациясы бойынша Гүлмира Кушжанова, Арықбаева Баян жетекшілік еткен балабақша бүлдіршіндерінен құралған «Балдәурен» ұрмалы аспаптар ансамблі «Бас жүлде» иеленіп, арнайы дипломмен, кубокпен марапатталды. Өнерлі өрендер Анель Ким, Жанерке Ғабидулла, Әли-Имран Мақсат және бір топ бүлдіршіндер «Диплом» иеленді.Балалардың бойына тәрбие мен білімді тел сіңіру жолында тер төгіп келе жатқан балабақша ұжымы заман ағымынан әсте қалған емес. Жаңашылдыққа жаны құмар балабақша басшысы мен тәрбиешілер балғындардың әр сәтін әсерлі өткізуіне күш салып келеді. Білімнің баспалдағына айналған киелі орында әрбір тәрбиеленушіге елдің ертеңі, келешектің иесі деп қарайды. Осы ұстанымды үнемі есте ұстайтын ұжым педагогикалық үрдісті ұйымдастыруда жаңашыл әдіс-тәсілдерді, тың идеяларды жүзеге асырады.Балабақша ұжымы жаңа педагогикалық технологияларды меңгере отырып, оқыту мен тәрбиелеуде инновациялық ойын технологиясының элементтерін пайдалана отырып, жан - жақты, білімді, құзыретті тұлға тәрбиелеуді басты мақсат еткен.

Ширек ғасыр белесіндегі балабақша

Білім саласындағы игі өзгерістер болашақ үшін маңызды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы № 13 балалар кітапханасында «Жазғы кітап» жобасы бойынша «Денсаулық - зор байлық» атты таным сағаты өтті. Рухани іс-шара Тасбөгет кентіндегі Ә.Тыныбаев атындағы №11 мектеп &nbsp;мектеп-лицейінің оқушыларының қатысуымен өткізілді.&nbsp;Шара барысында «Денсаулық - зор байлық» атты кітап көрмесі қойылып, &nbsp;оқырмандарға кітап оқу насихатталды. Оқушылар «Ұлан» және «Қыран» атауымен екі топқа бөлінді. Кітапхананың белсенді оқырмандары Аббасова Мадина, Жұмаққызы Кәусар, Қуанышбай Рамазан, Олжасқызы Айсұлу, Мырзабек Нұртуған, Дүйсенов Азамат, Бердібеков Қайсар денсаулық - зор байлық тақырыбында бірнеше мақал - мәтелдер айтып, қойылған сұрақтарға ұтымды жауап беру арқылы шараның қызықты өтуіне үлес қосты. Бір- бірімен белсене, жарыса қатысқан оқырмандарға кітапхана тарапынан сыйлықтар берілді.&nbsp;Сонымен қатар, рухани шарада № 4 қалалық емхананың дәрігерлері Балтабай Байбота Мұратқызы, Кенжеғұлова Айзат Қайратқызы, Төребекқызы Әнель «Денсаулық - зор байлық» деген сөздің астарында үлкен мағына жатыр деп, адам баласы үшін денсаулықтан асқан байлық жоқ екенін айта келе, әрқашанда таза жүруді, уақытылы тамақ ішіп, денсаулығымызды күту керектігін балаларға түсіндірді. Кітапхана оқырмандары қойған сұрақтарға дәрігерлер түсінікті тілде жеткізе білді.&nbsp;Мұндай шараны өткізудегі басты мақсат - кітапхана оқырмандарына адам денсаулығының қымбаттылығын, өмір сүру үшін қажетті бағалы байлық денсаулық екендігін түсіндіру.

Қызылордалық өрендер кітапханада танымдық сабақ өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің оқушылары «Туған елге тағзым» өлкетану-зерттеу экпедициясына аттанды.&nbsp;Дәстүрлі оқушылар экспедициясына қатысу 2022-2023 оқу жылында академиялық, қоғамдық және әлеуметтік бағытта жоғары нәтижелермен ерекшеленген «Алаш» Шаңырағының білім алушыларына бұйырды. &nbsp;Кеше экспедициялық топ Ақ орданың астанасы болған, ортағасырлық қалалардың бірі – Сауран қалашығына барды. Оқушылар қайта қалпына келтірілген көне үйлерді, мешітті көзбен көріп, жергілілікті халықтың тұрмыс-тіршілігі туралы ақпарат алды. Сонымен қатар Қызылорда облысы Жаңақорған аудандық тарихи-өлкетану музейінде болып, зерттеу жұмыстарына бағыт бағдар алды. &nbsp;&nbsp;Содан соң, аудандағы «Ыстық нан» наубайханасы мен «Кәусәр» сусын шығаратын зауытына соғып, өндіріспен танысты.&nbsp; Айта кетейік, «Туған елге тағзым» экспедициясы аясында жас өрендер Сыр өңірінің көне тарихқа толы насандарды аралап, ғылыми-зерттеу жобалары аясында эксперименттік жұмыстар жүргізетін болады. Сонымен қатар ондаған мұражайлардың құнды экспонаттарымен танысып, білім көкжиегін кеңейтеді. &nbsp;Аймақтағы ірі өндіріс орындарына барып, кәсіби бағыт-бағдар алады.Оқушылар көне Сығанақ қалашығын зерттеді«Туған елге тағзым» өлкетану-зерттеу экспедициясының үшінші күнінде оқушылар Ұлы Жібек жолы бойында орналасқан ежелгі Сығанақ қалашығында болып, зерттеу жұмыстарын жүргізді.&nbsp;Жас зияткерлер Қыпшақ хандығы мен Ақ Орданың астанасы болған ортағасырлық көне қаланың сақталған ғимаратын көзбен көріп, сол заманда қоныстанған тайпалар туралы ақпарат алды. Құм жұтқан тарихи орында жүргізілген қазба жұмыстары нәтижесінде табылған заттар мен бұйымдар Сығанақтың ірі сауда орындарының бірі болғанын байқатады. Экскурсия барысында оқушылар керамикалық тұрмыстық заттар мен бөлшектерін тауып, қызықты деректер жинақтады.&nbsp;Сондай-ақ, Шиелі аудандық тарихи-өлкетану мұражайы мен Нартай Бекежанов атындағы мемориалдық өнер мұражайында болып, өңірдің әлеуметтік-экономикалық дамуы мен өзекті мәселелері туралы ақапарат алды.<img src="https://knadmin.beoblood.kz/uploads/354076686_3399926220337288_8404797746319176175_n_42127b4374.jpg" alt="354076686_3399926220337288_8404797746319176175_n.jpg">

Оқушылар «Туған елге тағзым» өлкетану-зерттеу экпедициясына аттанды

<a href="https://kyzylorda-news.kz/">Kyzylorda-news.kz.</a> Әрбір елдің келешегі мектебіне байланысты. Ұстаз – жас ұрпақтың рухани сәулеткері, мектептің жүрегі, оқушылардың бойына жақсы қасиеттерді дарытып, рухани адамгершілікке толы тәрбиеге бағыт-бағдар беруде ұстаздардың еңбегі ерен.&nbsp;Осы орайда кемеңгер жазушы М.Әуезов «Ұстаздық – ұлы іс» деп айтқандай, бұған лайық болу үлкен абырой. Мұғалім – мамандық болса, ұстаздық қасиет, табиғат дарытқан құдірет. Сондықтан да ол әрдайым қадірлі тұлға ретінде ерекшеленеді. Бойыңа қуат, жүрегіңе жігер беріп өрге жетелейтін де, жаныңа азық, өміріңе өзек боп төрге сүйрейтін де осы кәсіп иелері. Бүкіл ұстаздар қауымын әр баланың жан-дүниесін танып білуші, әрі оны жеке тұлға етіп қалыптастырушы, ел болашағының мүсіншісі деуге болады. Осындай қызығы мен қиыншылығы мол мамандық иесі Қазалы ауданындағы Ж.Жабаев атындағы №234 орта мектептің педагог-зерттеуші санатындағы бастауыш сынып мұғалімі Фарида Қожахметованың еткен еңбегі зор.«Ұстазы жақсының – ұстамы жақсы» деген. Фарида Қожахметова ұлы істің игі жолында аянбай қызмет жасап келеді. Мерейлі кәсіпті көңіл қалауымен таңдап, бүгінде оқушыларды білім нәрімен сусындауда. Әріптестерінің айтуынша, абыройлы мұғалімнің жан дүниесі мейірімге толы, тұла бойы тұнып тұрған талант иесі. Бала болмысына өзгеріс енгізуші, бағыт-бағдар беруші, ата-ананың сенімді көмекшісі ретінде бағаланады.Жалпы XXI ғасырдың нағыз ұстазы өз кәсібінің майталманы болуға ұмтылып, рухани күш-жігері мен парасат-қуатын аямай білімді шәкірт қалыптастыруға жұмсайды. Шынайы ұстаз өз шәкірттерінің жүрегінде білімге деген сарқылмас ынта-ықыласты оятады. Осы мақсаттағы жан-жақты іздену мен еселі еңбегінің арқасында Фарида Қожахметованың оқушылары да заманауи көштен қалмай түрлі аудандық, облыстық, республикалық сайыстардан жүлделі орындардан көрініп жүр. Арнайы марапаттарға ие болып, мектеп абыройын асқақтатып келеді.<blockquote>«Мектеп атты қасиетті де, киелі шаңырақ құтты мекеннен адамзат баласының барлығы тәлім-тәрбие алып, өсіп өнеді. Балалардың күлімдеген көздерін, кіршіксіз пәк жүздерін көргенде кеудеме қуаныш сезімі ұялап, жүрегіме нұр құйылғандай болады. Әрбір ашық сабақ өткізген сайын күні бүгінге дейін өзімді жаңа ғана ұстаз болып келіп, жаңадан сабақ өткізіп тұрғандай сезінемін. Өйткені әрбір сабақ – үлкен жауапкершілік, үлкен абырой. Сол себепті де әрбір адам алған асуларын ұстаз еңбегінің жемісі, нәтижесі деп түсінулері керек деп ойлаймын. &nbsp;Қазіргідей шалттықты талап етер мобильді заманда соны технологияларды қолданып, жаңаша еңбек ету – менің ұстанымым. Еңбегімнің бағасын ата-ана, жұртшылық береді. Солардың алғаусыз алғысы мен баланың «Апай, әдемі болып кетіпсіз!» деген сөздері шаршамай алға ұмтылуға септеседі. Өскелең ұрпаққа білім бере отырып, ел ертеңін қолға алар ізбасарларды тәрбиелеу мақсатында барлық күш-мүмкіндікті қолданудамын», – дейді Фарида Қожахметова.</blockquote>Қай заманда болсын, ұстаздарға құрмет жоғары болған. Бүгіннен немесе кешеден ғана ұлы мамандық иелеріне құрмет көрсетіліп келе жатқан жоқ, ықылым заманнан бері ұстаздықтың шоқтығы биік тұр. Ұстазға құрмет көрсету – білімге құрмет көрсету. Білімді құрметтемеген, ұстазын қадір тұтпаған шәкірттің ғылымда нәтижеге қол жеткізе алмайтындығы, қол жеткізсе де, тиісінше кәдеге асыра алмайтындығы қасиетті Құранда да жазылған. Тарихта ақыл-парасаты мол тұлғалардың көпшілігі ұстазына ерекше құрметпен қарап, әрдайым бір ізетпен еске алғаны мәлім. Айталық, Ескендір Зұлқарнайын – Аристотельді, Абылай хан – Төле биді, Шәкәрім – Абайды, Жамбыл – Сүйінбайды өзіне ақылшы әрі ұстаз тұтқан. «Ұстазы жақсының ұстамы жақсы» дегендей, олар өздерінің өмірде бағындырған зор асуларына ұстаздарының сіңірген еңбегі көп екенін жақсы түсінген. Мәселен, Ескендір Зұлқарнайын өз ұстазын «Мен ұстазыма әкемнен кем қарыздар емеспін. Әкемнен өмірді алсам, Аристотельден сол өмірге керектінің бәрін алдым» деп еске алатын болған екен. Сонымен қатар, Әл-Фараби бабамыз «Бір әріп үйреткен ұстазға қырық жыл қызмет қылсаң да артық емес» деп оныншы ғасырда ақ бәрін айтып тастапты. Оған «Мектептің жүрегі - мұғалім» деген Ыбырай ұстаздың айтқанын қосыңыз. Мағжан Жұмабаев: «Алты алаштың баласы бас қосса, төр - мұғалімдікі. Әрбір елдің келешегі мектебіне байланысты» дейді. «Темір канцлер» атанған Отто фон Бисмарк «Мектеп салуға ақша аяған мемлекет - түрме салуға мәжбүр болады» депті. Білімнің нәрі мен ғылымның шыңына жетелейтін, адамгершілік пен патриотизмге баулитын, өнер мен тәрбиені санаға құятын мұғалімдердің еңбегін барлық халықтың мойындайтыны анық.Италия мемлекеті кемінде 12 жыл мұғалім болған азаматтарын «мемлекет пен ұрпақ үшін еңбек етті, психикасына салмақ түсіруге болмайды» деген желеумен өте жауапты шаруалардан босатқан көрінеді. Пенсильвания университетінің ғалымдары 1972 жылы мектеп ұстаздарының еңбегін жоғары күйзеліске алып келетін өрт сөндіруші, ұшақты сынақтан өткізуші сынды манандықтар қатарына қосу керек екенін мәлімдеген. Жапонияның императоры Сёва өзінен кейінгі ең үлкен жалақыны ұстаздарға тағайындаған. Сондықтан да қай заманда да қоғам ұстаз мәртебесіне селқос қарамаған. Өйткені, ұстаз ұлды ғана емес, тұтастай ұлтты тәрбиелеуші.Бүгінгі ұрпақ – бақытты ұрпақ. Себебі технологияның дамыған кезеңінде өмір сүріп жатқан жастарға алаңсыз білім алуға жан-жақты жағдай жасалған. Елдегі білім мекемелерін көбейту және олардың материалдық базасын заманауи қондырғылармен жабдықтау арқылы білім сапасын дамытуға барлық жағдай жасалуда. Осының барлығы кәсіби шеберлікті нығайтуға, мұғалімнің әлеуметтік мәртебесін жоғарылатуға ықпал етеді. Жақсы ұстазға екі ғана нәрсе керек, оның бірі – терең білім болса, екіншісі – үлкен жүрек. Балаға деген шексіз махаббаттың иесі болған ұстаз ғана өз еңбегінің жемісін көре алары сөзсіз. Осындайда Джек Лондонның: «Мұғалімдер қолынан өзге жұмыс келмегені үшін ұстаздық етуге келген жоқ. Керісінше қолынан кез келген жұмыс келетін адамдарды тәрбиелеп шығаруды мақсат еткен» деген сөз орамы көпті ұғындырады.Болашағы баянды, келешегі кемел мемлекеттің осындай жүректеріне махаббат ұялаған, сүйіспеншілігімен баурап алатын рухани бай жандардың өмірі үлгі-өнегеге толы болашақ ұрпаққа тәлім беруші ұлағатты ұстаздар қатары көбейсе, нұр үстіне нұр.

Адамның адамшылығы – жақсы ұстаздан

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде мектеп бітіруші түлектеріне аттестат тапсыру рәсімі өтті.Жиында мектеп директоры Жаңбыржан Сәрсенұлы жас зияткерлерді қорытынды емтихан нәтижелерімен құттықтап, «Алтын белгі» мен «Үздік аттестат» иегерлеріне марапаттарын табыстады. &nbsp;Әрі қарай аттестат тапсыру рәсімін директор орынбасарлары жалғастырып, бітіруші сыныптар өздерінің риясыз көңілдерін әнмен жеткізді. &nbsp;Сонымен қатар мектеп өміріне белсене араласып, спорт пен өнер бағытында жеткен жетістіктері үшін бір топ оқушылар мектеп директорының Алғыс хатымен марапатталды. &nbsp;Білім ордасының дамуына ерекше үлес қосқан &nbsp;ата-аналар да назардан тыс қалмай, мектеп басшысының арнайы құрметіне бөленді.Биыл Сыр бойындағы NIS-тен 75 түлек түлеп ұшты. Олардың әрқайсысы болашақта қажетті ілім мен дағдыларды игергендіктерін айтады. Сонымен қатар, сыртқы жиынтық бағалау қорытындысы бойынша химия, физика, информатика пәндерін тапсырған оқушылардың 50% А* және А ең жоғары бағаларын алып, мектеп абыройын асқақтатты. &nbsp;Сонымен қатар жоғары оқу орындарына түсу көрсеткіштері қуантады. Бүгінде 10 жас өрен АҚШ, Мажарстан, Италия және еліміздің беделді жоғары оқу орындарының 100% білім грантын жеңіп алды. 42 түлек Назарбаев Университетіне құжаттарын тапсырып, нәтижелерін күтуде.<img src="https://knadmin.beoblood.kz/uploads/Whats_App_Image_2023_06_14_at_10_58_06_91b5035862.jpeg" alt="WhatsApp Image 2023-06-14 at 10.58.06.jpeg">

NIS түлектеріне аттестат табысталды

<a href="https://kyzylorda-news.kz/">Kyzylorda-news.kz.</a> Сыбайлас жемқорлық – бүгінгі күні белең алып жатқан, ауқымды мәселенің бірі. Қай қоғамда болмасын жемқорлық іс-әрекеттері болып жатады және бар. Бұл бағытта тиісті жұмысты жүргізу мақсатында Сыбайлас жемқорлыққа қарсы қызмет азаматтарды сыбайлас жемқорлықтан қорғайтын ашық, кәсіби және тиімді құқық қорғау органы болу үшін тиісті шараларды қабылдауда.&nbsp;2022 жылдың қорытындысымен жасалынған сыбайлас жемқорлық тәуекелдеріне жүргізілген ішкі талдау бойынша Т.Есетов атындағы №264 мектеп-лицей базасында қалалық білім бөлімінің басшысы Ерлан Теңізбайұлы және білім беру ұйымдарының басшыларының қатысуымен жиын өтті. Жиында қалалық білім бөлімінің заңгері Аралбек Көбегенұлы сөз алып, баяндама оқыды.&nbsp;<blockquote>«ҚР «Сыбайлас жемқорлыққа қарсы іс қимыл туралы» Заңының 8-бабы 5-тармағына сәйкес мемлекеттік органдар, ұйымдар мен квазимемлекеттік сектор субъектілері сыбайлас жемқорлық тәуекелдеріне ішкі талдауды жүзеге асырады, оның нәтижелері бойынша сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылдануы және ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің 2016 жылғы 19 қазандағы №12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидалары бойынша 2022 жылдың қорытындысымен талдау жасалынып, ол 87 білім беру ұйымдары бойынша 9 бағыттар негізінде жүргізілді», – деді Аралбек Көбегенұлы.&nbsp;</blockquote>Жиын соңында қойылған сұрақтарға жауаптар берілді. Әкімшілік құқық бұзушылық туралы кодексіне сыбайлас жемқорлық құқық бұзушылықтары бойынша енгізілген өзгерістер түсіндірілді.

Басты мақсат — сыбайлас жемқорлықтың алдын алу

<a href="https://kyzylorda-news.kz/">Kyzylorda-news.kz.</a> Баламен жұмыс істеу – ең күрделі мәселе. Бүлдіршіннің бойындағы барлық білім мен тәрбиенің іргетасы балабақшада қаланатындықтан бұл тәрбие орнындағы әрбір қызметкер қабілетті, жауапты әрі терең білімді болуы қажет. Бүгінгі біз сөз еткелі отырған балабақшада аталған мәселе оң шешімін тапқан десек болады. Яғни, бұнда жоғары білімді, тәжірибесі мол мамандар балғындарға тәлім береді.&nbsp;<blockquote>«Бала жас шыбық сияқты, оны енді ғана гүлдеп келе жатқан сәтінде қалай баптап, суғарсаңыз кейін нәтижесін өзіңіз көресіз. Біз ата-аналардың үмітін ақтауда және еліміздің ертеңгі ғалымдары мен спортшыларын, ұстаздары мен дәрігерлерін, өзге де түрлі кәсіптің тұтқасын ұстар азаматтарды тәрбиелеп шығуда жастық жігеріміз бен бойда бар білімімізді аямаймыз», – дейді «Гауһар Тас» балабақшасының қызметкерлері.</blockquote>Әйтеке би кентіндегі «Гауһар Тас-1» балабақшасы 2014 жылдың маусымның екінші жұлдызынан бастап жұмыс жасайды. Балабақша меңгерушісі Жазира Айтуған балалардың жан-жақты қорғалған үйлесімді тұлға болып қалыптасуына жағдай жасауда. Балабақша ұжымының жақсы жетістіктерге жетуі, әрбір тәрбиешінің ізденімпаздығы мен еңбегінің арқасы. Алғашқы жылдары екі топта 50 бүлдіршін болса, 2017 жылы балабақша үлкейіп, 3 топта 75 орынға көбейді. Бүгінгі таңда 70 бала тәрбиеленуде.&nbsp;Тәрбие ошағында 26 жұмысшы-қызметкер бар. Оның 12-сі педагог мамандар, 7-уі жоғары білімді, 5-уі орта арнаулы білімді қызметкер. Баламен жұмыс жасайтын жандар өз ісін жақсы білетін бірінші, екінші санатты мамандар. Балабақша ұжымның әрбір қызметкерлерінің міндеті – күнделікті тәрбиеленуші бүлдіршіндерге бақыт сыйлау.&nbsp;<blockquote>«Үйренер нәрсең – білім мен мейірімділік» деп Жүсіп Баласұғын айтқандай, балабақша ұжымы әрбір күнін ізденіспен өткізеді. Бізде мектепке дейінгі тәрбие мен оқытудың үлгілік оқу бағдарламасы бойынша оқу-тәрбие жұмыстарың қазақ тілінде жүргізеледі. Қазірге дейін балабақшамыздан 8 рет қоштасу іс-шарасын жасап, 200 бүлдіршінді мектепке аттандырдық. Мектепке барған бүлдіршіндеріміздің жетістіктері өте көп, оқуда озат. Балабақшамыздың жетістіктері де аз емес», – дейді меңгеруші Жазира Өмірбекқызы.&nbsp;</blockquote>Ұжым 2017 жылы «Бақытты отбасы» жобасы аясында «Болашағымыз – бірлікте» атты аудандық байқауда «Ең үздік сахналық киім» номинациясымен марапатталды. 2018 жылы «Бақытты балалық шақ» жобасы аясында «Көзайым» аудандық би бийқауында 3 дәрежелі диплом иеленді. 2019 жылы «Ұлы дала ұрпағы» балалар байқауында ерекше көзге түскен «Сұңқар» және «Сүңгір» би тобы марапатталды. 2020 жылы «Мәңілік ел алыптары» республикалық рухани-потриоттық байқауда балабақша бүлдіршіндері 1 дәрежелі диплом алды. Жетекшісі аға тәрбиеші Жанат Жұбанова «Үздік тәрбиеші» төсбелгісін кеудесіне тақты. 2021 жылы Абай Құнанбаевтың 175 жылдығына орай ұйымдастырылған «Дарын» республикалық жас өнерпаздар байқауында бүлдіршіндер 1 дәрежелі дипломмен марапатталды. Балалар жылы аясында өткен «Өлкенің гүл жайнаған балғындары» атты іс-шарада «Балбөбек» би тобы үздік деп танылды. Осы жылы аудан әкімі балабақша бүлдіршіндерін өнер көрсеткені үшін марапаттады. Биыл мектепке дейінгі білім беру ұйымдарының арасында ұйымдастырылған «Ойын – бала әрекетінің негізгі түрі» тақырыбындағы аудандық ашық есік күнінде жоғары іс-тәжірибесімен бөліскен, педагог-тәрбиешілер және психолог «Алғыс» хат иеленді. «Қазақсатан үміті» республикалық конкурсқа қатысып, өнерін паш еткен бүлдіршін Нұрсилла Ерболқызы бірінші дәрежелідипломмен марапатталды. Жуырда ғана 1 маусым – Халықаралық балаларды қорғау күніне орай «Балдәурен» аудандық би бауқауында «Балбөбек» тобы марапатталды.<blockquote>«Әр жылдар аралығында балабақшамыздың педагог тәрбиешілері өз білімдерін тереңдетіп, шыңдатып көптеген сертификаттар алуда. Аудандық, облыстық байқауларға, сайыстарға қатысып, жоғарғы орындарды иеленіп, «Құрмет громотасы», «Диплом» иеленді. Әріптестерім әлі талай тәрбиеленушіні тәрбиелеп ұядан ұшырады деген сенімдемін», – дейді Жазира Өмірбекқызы.&nbsp;</blockquote>Отандық білім берудің алдындағы жаңа міндеттер мен талаптарды орындау барысында, балалар бақшасына деген сұраныстың жоғарлауына байланысты, елімізде көптеген мектепке дейінгі ұйымдар ашыла бастады.Осы орайда Әйтеке би кентінде құрылтайшы Айтуған Жазира Өмірбекқызының бастауымен 2017 жылдың 1 қыркүйегінен бастап, ЖШС «Гауһар Тас-2» балабақшасы ашылды. Бұнда екі топта 50 бүлдіршін бар. Оқу-тәрбие жұмыстары мемлекеттік тілде жүргізіледі. Алты жыл ішінде 300 балапанды тәрбиелеп, балабақшадан қанат қақты.&nbsp;Балабақшада қажетті құралдармен, ойыншықтар толық жабдықталған. Оқу, ойын және ұйықтау бөлмелері, асхана, дәрігерлік кабинет бар. Ұжымды ұйытып, ауызбіршілікте ұстап отырған жас болса да іскер басшы атанған Тұрсынай Ешмағанбеттің еңбегі ерекше.&nbsp;<blockquote>«Ұжым келешек ұрпақтың тәрбиелі болып өсуіне қызмет етуде. 23 қызметкер жұмыс жасайды. Тәрбие отбасынан басталатындықтан қашанда алдыңа келіп отырған &nbsp;тәрбиеленушілердің ата-анасымен жете танысып, үнемі қарым-қатынаста болуды тәрбиешілеріме басты мақсаты ретінде айтып отырамын. Мен еңбек еткен 5 жылдың ішінде жинаған тәжірибемді жас мамандарға үйретіп, үнемі қолдау көрсетіп отырамын. Қазіргі таңда 4 тәрбиеші 1 әдіскер, 1 ән жетекшісі бар. Балабақша бақыт баспалдағы болу үшін тәрбиешінің қосар үлесі мол. Тәрбиеші мамандығының қызығы мен қиындығы қатар жүреді. Педагогтарымыз жылдан-жылға өз білімдерін шыңдап, біліктіліктерін аттыруда. Әр квартал сайын балалардың білімдерін тексеріп мониторинг өткізіп отырамыз. Жалпы стандартқа сай жұмыс толық өз деңгейінде атқарылып жатыр. Жетістіктерімізде жетерлік. Оларды атап айтатын болсақ, «Қазақ тілі» Қазалы ауданы бойынша қоғамы» қоғамдық бірлестіктің ұйымдастыруымен ұлтымыздың тұрмыс салт-дәстүрін насихаттау мақсатында өткізілген «Ана тілім – арым, салт-дәстүрім – бағым» атты байқауда бірінші дәрежелі дипломмен марапатталдық», – деді бізді жетістіктер қоржынымен таныстырған Тұрсынай Батырбекқызы.</blockquote>Бұдан бөлек «Жеті Өнер» шығармашылық орталығының ұйымдастыруымен М.Әуезовтің 155 жылдық, Р.Бағланованың 100 жылдық мерейтойларына арналған IV республикалық рухани патриоттық байқауына қатысып І дәрежелі дипломант атанған. Қызылорда облысының Білім Басқармасының 16 желтоқсан – Қазақстан Республикасының Тәуелсіздік күні мерекесіне орай балабақша меңгерушісі басқарма басшысынан «Алғыс» хат иеленді. Өткен жылы аудандық жеке балабақшалар арасында ұйымдастырылған «Өлкенің гүл жайнаған балғындары» атты мерекелік шарада ерекше өнер көрсеткені үшін тәрбиеленушілер аудан әкімінің алғыс хатымен марапатталды. 1 маусым – Халықаралық балаларды қорғау күніне орай өткізілген «Балдәурен» аудандық би байқауының аймақтық іріктеу кезеңінде «Гауһар Тас-2» би тобы жүлделі үшінші орын иеленді.«Балабақшамыздың жақсы жетістіктерге жетуі, әрбір тәрбиешінің, ұжымның өз еңбегінің нәтижесімен, жаңалығымен біліктілігі мен білімдерінің арқасы деп білемін. Тәуелсіз еліміздің бақытты балдырғандарына білім тәрбие беруде балабақша ұжымы жаста болса біршама жетістіктерге қол жеткізді. Педагогтарымыз үнемі, шығармашылық ізденіс жолында. Ата-аналар пікірінше біздің «Гауһар Тас-2» балабақшамыз «балалардың саялы мекені». Балабақша келешек, ел басқарар, жер-суына иелік етер, ел-халқын гүлдендірер, мерейін өсіріп, мәртебесін биіктетер жасампаз жандарды шыңдап өмірдің ең басты сатысын қалайтын киелі ұя. Біз осы атқа лайықты болу үшін жастық жігеріміз бен күш-қуатымызды сарп етуге әрқашан дайынбыз», – деп әңгімесін түйіндеді ЖШС «Гауһар Тас-2» балабақшасының меңгерушісі Тұрсынай Батырбекқызы.<blockquote><img src="https://knadmin.beoblood.kz/uploads/Whats_App_Image_2023_06_12_at_12_37_50_81d85e9619.jpeg" alt="WhatsApp Image 2023-06-12 at 12.37.50.jpeg"><img src="https://knadmin.beoblood.kz/uploads/Whats_App_Image_2023_06_12_at_12_38_08_591a0d040b.jpeg" alt="WhatsApp Image 2023-06-12 at 12.38.08.jpeg"></blockquote>

«Гауһар Тас» - балаларды болашаққа баптаған ұжым

<a href="https://kyzylorda-news.kz/">Kyzylorda-news.kz.</a> Махаббат Құдайбергенқызы Әл-Фараби атындағы Шымкент педагогикалық мәдениет институтынан «Кітапханашы-библограф» мамандығын меңгерген. Қазіргі таңда кенттегі №170 орта мектептің кітапхана меңгерушісі. Жиырма жылға жуық уақыт осы салада еңбек етіп келе жатқан маманның тәжірибесі мол.&nbsp;Шығармашылыққа жақын жанның бірнеше жылдық еңбегі ескерусіз емес. Ол мемлекеттің алға қойған бағыттарын қолдай отырып, республикалық ғылыми-танымдық «Білім айнасы» ұжымымен ынтымақтастық орнатқаны үшін Қ.Қатшабаевтың Алғыс хатын иеленге. «Мың бала» интеллектуалды білім сайтының ұйымдастыруымен өткен «Жаңартылған білім – заман талабы» атты білім саласы қызметкерлеріне арналған республикалық сайысқа «Үздік кітапханашы» номинациясы бойынша қатысып, жүлделі І орынды жеңіп алды. Аудандық білім бөлімінің басшысы Ә.Жөлекешовтың және білім қызметкерлері кәсіподақ комитетінің төрағасы Ә.Раманның «Алғыс» хатымен марапатталған. Білім беру саласының дамуына қосқан елеулі үлесі мен еліміздің болашақ иелеріне сапалы білім, өнегелі тәрбие берумен қатар қоғамдық жұмыстарға белсене араласқаны үшін облыстық кәсіподақ комитетінің төрайымы Г.Есқалиевадан «Құрмет грамотасын», Ұстаздар мерекесі қарсаңында М.Матаев атындағы №170 орта мектеп директоры Н.Имашевтан «Алғыс» қағазын берді. Кітапхана қызметінің мәртебесін жоғарылату және шығармашылық қабілеттерін шыңдау, жаңашыл идеялармен тәжірибе алмасу мақсатында аудандық «Үздік кітапханашы – 2021» байқауында жүлделі ІІІ орынмен марапатталды. Мемлекеттік мәртебесі бар ана тіліміздің қолданыс аясын кеңейту және «Қазақ тілі» қоғамының жұмысына белсене араласқаны облыстық «Қазақ тілі» қоғамының төрағасы С.Аңсаттың «Алғыс» қағазын иеленген. Білім беру жүйесіндегі көп жылғы адал еңбегі және салалық кәсіподақ қозғалысын дамытуға қосқан зор үлесі үшін А.Мұқашованың «Құрмет грамотасы» берілді.&nbsp;«Оқитын ұлт – оқуға құштар мектеп» жобасы аясында оқырман мен кітапхананың байланысын нығайту мақсатында «100 кітап» атты «Bookdating» кітапқұмар алаңы аясында «Мен таңдаған кітап» тақырыбында Readx жобасы бойынша өткен шарада мектеп директоры Н.Имашевтан «Алғыс» алды.Махаббат Құдайбергенқызы кітапханаға шәкірт тартып, оларды шығармашылыққа баулып жүрген бірден бір жан. Талапшыл кітапханашының талантты оқушылары байқаудың бәйгесін басқаға бермейтін жүйріктер. Өнерлі оқушыларының бірі – Нұрсая Хасенова ұлы ақын А.Құнанбаевтың 175 жылдығына орай өткізілген «Абай – дара, Абай – дана қазақта» атты байқауда дипломмен марапатталды. «Тәуелсіз ел жастары» қоғамдық қорының ұйымдастыруымен А.Құнанбаевтың 175 жылдығына орай «Әлем таныған Абай» жобасы аясында оқушысы Жақсыбай Қуантқан Б.Еділовтың ІІІ дәрежелі дипломын иеленді. «Үздік оқырман – 2020» жас оқырмандар байқауында 8 сынып оқушысы Гауһар Әзен бас жүлде, 9 сынып оқушысы Гүлсезім Бимырза ІІІ орынмен марапатталған. Жалпы білім беру ұйымдарының 5-9 сынып оқушылары арасында «Бірге оқиық» тақырыбындағы облыстық буктрейлер зияткерлік конкурсында оқушысы Ислам Тойымбет ІІІ орын алды. «Бала дарын» балалар мен жасөспірімдер бауқауы жобасы аясында «Тәуелсіздік тұғырым» атты республикалық байқауға қатысып, мәнерлеп оқу номинациясы бойынша І дәрежелі диплом алған оқушысы Арайлым Алпысбай да мектеп мақтанышы.&nbsp;<blockquote>«Заман талабына сай жаңашылдыққа бет бұру біздің басты қағидамыз. Әр сайысқа қатысарда тыңғылықты дайындалып, жүлделі болуды мақсат етеміз. Артқан үмітіңді ақтап, сенім үдесінен шығатын шәкірттер жетерлік. Мен олармен мақтанамын. Жыл сайын түрлі жарыстарда жеңімпаз атанамыз. Мәселен, «Жас өркен» шығармашылық дамыту орталығының ұйымдастыруымен М.Мақатаевтың 90 жылдық мерейтойы қарсаңында өткен республикалық «Мақатаев» оқуларында оқушыларым Арайлым Алпысбай диплом, «Бала дарын» балалар мен жасөспірімдер бауқауы жобасы аясында «Анашым шалқып күлсең...» атты республикалық байқауда «Анама сыйлық» номинациясы бойынша Нұрай Нұрәділ ІІ дәрежелі дипломмен марапатталды. «Көктем – ол қуаныштың ізгі лебі» атты көркем сөз байқауында Гүлсезім Бимырза мен «Ұлттық қолөнер – ұрпаққа аманат» атты ІІІ республикалық қолөнер байқауына Арайлым Алпысбай І дәрежелі диплом иеленді. Аудандық балалар кітапханасының ұйымдастыруымен Балалар жылы аясында британдық жазушы Ж.К.Роулиңнің шығармаларынан өткізілген «Үздік Портер» атты байқауында оқушысы Нұрсая Хасенова «Зерделі шәкірт» бағамымен марапатталды. «KEMEL» өнер-білім орталығының ұйымдастыруымен өткен «Тіл тірегіміз – соғып тұрған жүрегіміз» атты распубликалық байқауға Наргиза Махамбетжан ІІ дәрежелі диплом иеленді», – дейді Махаббат Дүйсенова.</blockquote>Әріптестері арасында сыйлы Махаббат Құдайбергенқызы жолдасы Мәди Сүлейменовпен үш ұл, бір қызым тәрбиелеп өсірді. Үлкен ұлы Берік Сүлейменов жоғары білімді, қазіргі таңда аудандағы «Жанқожа батыр» мешітінің бас имамы. Екінші ұлы Ғалымжан Кәдірхан жоғары білімді, аудандық Р.Бағланова атындағы мәдениет үйінде қызметте. Кенже ұлы Данияр Кәдірхан да жоғары білімді. Қазір «Қожаназар» ишан мешітінде жұмыс жасайды.Қыздары Жансая Кәдірхан Қарағанды қаласындағы Букетов атындағы университетті бітірген жоғары білімді маман. Жансая магистрант, қазір дәріханада жұмыс істейді.Келін алып, немере сүйіп отырған әже кітаптың құндылығы мен асыл дос екендігін кішкене кездерінен саналарына құйып келеді.

Шәкірттерді шығармашылыққа шыңдаған кітапханашы

<a href="https://kyzylorda-news.kz/">Kyzylorda-news.kz.</a>&nbsp;Барша адамзат дамуының шамшырақ тұлғасы және ел мен елдіктің, білім мен біліктің ұйытқысы – ұстаз. Әлемдік деңгейде – педагог, өз ұстанымызда ұстаз ұғымының сипаты, мән-мағынасы қашанда айқын. Ол – мазмұны бірыңғай ізгіліктен ғана тұратын кәсіп, ұрпақ пен ұлтқа, адамзат пен болашаққа арналған өмір сүру салты. Тіпті дүниенің асылын іздеп тауып, соны өзгеге үйретпекке ұмтылған жан қалауы десек те болады.Иә, оқушының оң мен солын ажыратып, әр әріптің мәнін үйретіп, тәлімді тәрбие беруде ұстаздар қауымының орны ерек. Осындай ел алдындағы жауапкершілікті сезініп, талай шәкірттің сауатын ашып, талабын шыңдап, үлкен өмірге аттандырған ұстаз Сәуле Жолдиеваның ізденіс жолын бүгін біз мақалаға арқау етпекпіз.1962 жылы Кередлі ауылында қарапайым &nbsp;отбасында дүние дидарына келген Сәуле Қалиқызы ес біліп, оң солын таныған сәттен бастап, әке жолын жалғауды мақсат тұтады. Әкесі Қали Жолдиев Кеңестер Одағы оқу ісінің озық қызметкері, қазақ тілі мен әдебиетінен жарты ғасыр білім берген ұстаз, соғыс ардагері болатын. Әке жолын жалғаған Сәуле де ғұмырнамасының 40 жылын шәкірт тәрбиелеп, білім беру ісіне арнады. Қазіргі таңда Сәуле Қалиқызы №219 Ы.Алтынсарин атындағы мектептің белді де беделді ұстазы.«Ұстазы жақсының ұстамы жақсы» деген сөз бекер айтылмаса керек-ті. Ата-анадан кейінгі балаға тәлім-тәрбие беруші ұстаз. Сәуле апайдың еңбекқорлығы мен білімділігі алдында отырған әр оқушыны тек биікке жетеледі. Өзіне зор жауапкершілік жүктелгенін сезінген маман «тәрбиесіз берілген білім нәтижесіз болады» деген принциппен жұмыс істеп, шәкірттеріне сапалы білім алуымен қатар, адамдық пен адалдықтың рухын сіңіре білді.<blockquote>«Ұстаз атанып шәкірт тәрбиелеу оңай іс емес. Өзім ұстаздық қызметке келу үшін көп талпындым. Н.В.Гоголь атындағы Қызылорда педогогика-филология факултетіне барып, қатарынан конкурстан 2 жыл құладым. &nbsp;Сөйтіп жүргенде &nbsp;аудандық комсомол комитетінің бірінші хатшысы Анафа Ақпанбетова апай &nbsp;жолдамамен №45 мектепке аға пионер вожатый етіп жіберді. Сол мектеп директоры Күлжан Жаукебаева, тәрбие ісі жөніндегі орынбасары Қали Дүйсеманов ағай мені шыңдай түсті. Яғни ұстаздық жолдың алғашқы сатысына мені тәжірибелі мамандар даярлады», – дейді кейіпкеріміз.</blockquote>Дана бабаларымыз балаға білімнен бұрын тәрбие берілуі керек екенін мұнан мың жыл бұрын айтып кеткен. Отбасы тәлімі мен елдік тәрбие – білім жүйесінің әрі өзегі, әрі айнасы. Қазақстанның отаншыл ұл-қызын оқытудың мақсаты мен мазмұны жылдан-жылға айқындалып келеді. Атап айтсақ, мақсат – бәсекеге қабілетті білімді ұрпақ қалыптастыру. &nbsp;Осы үдеден табылып, сан мыңдаан шәкірттің талабын танып, қанатын қатайтқан С.Жолдиеваның жетістіктерінің өзі бір төбе.Ұстаз еңбегі бағаланып 2016 жылы республикалық «Ұлт ұстазы» төсбелгісін кеудесіне қадады. Ізденімпаз ұстаз әр жылда жаңашылдығымен көзге түсіп, түрлі байқауларда жүлделі орындардан көрінеді. Атап айтар болсақ, 2013 жылы Республикалық «Үздік педагог-зерттеуші» ғылыми әдістемелік байқауында І орын, 2014 жылы «Менің үздік презентациялық сабағым» атты республикалық сайысында І орын, 2015 және 2017 жылы республикалық «Мәртебе.kz» білім сайты мен «Ізденіс жолы» қоғамдық қорының ұйымдастыруымен республика мұғалімдері арасында өткізілген «Менің жаңа сабағым» атты байқауға қатысып бас жүлдені иемденеді.2020 жылы Республикалық қазақ тілі пәнінен ұстаздар арасындағы олимпиадада І дәрежелі диплом алып, осы жылы Абай Құнанбайұлының 175 жылдық &nbsp;мерейтойына арналған «Ұлттың ұлы мұрасы» халықаралық &nbsp;өнер және білім фестивалінде шәкірттері жоғары нәтиже көрсеткені үшін «Үздік жетекші» атанады. Сондай-ақ, 2020 жылы &nbsp;«Ең білімді ұстаз – 2020» V &nbsp;Халықаралық пән олимпиадасының бас жүлдесін алып, төс белгісімен марапатталған. Тіпті, осы күнге дейін мыңдаған шәкірттері республикалық, халықаралық олимпиадаларда алдыңғы орындардан қара көрсетіп келеді. Мұның бәрі ұстаздың жұмысының жемісі, білім білігінің көрінісі десек те болады.Биыл 60 жасты алқымдаған ұстаз заман талабына сай өзгерістердің бәріне де бейімделіп, озық технологияның да қыр-сырын жетік меңгерген. Оған жыл сайынғы өткізген сабақтарының үздік атануы дәлел. Шәкірттері сыйлайтын, тек жақсылық ойлайтын, бедел биігінен түспеген Сәуле Жолдиеваның ұстаздық жолы осындай әдемі өрнекпен өріліп келеді. Бұл ретте Президент Қ.Тоқаевтың: «Мұғалімнің еңбегі – адамзат игілігімен астасқан өлшеусіз еңбек» деп берген бағасынан артық теңеу жоқ деп білеміз.

Білімді ұрпақ – білікті ұстаз бейнесі

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев Астана қаласында өткен Орталық коммуникациялар орталығында облыстың әлеуметтік-экономикалық дамуы жайында баяндама жасап, есеп берді.Сыр елінің жыл сайын әлеуеті артып, бұрынғысынан да көркейіп, көгалданып жатқандығы мәлім. Соңғы жылдары бірқатар маңызы бар істер атқарылып, жылдан-жылға күрмеуі шешілмеген түйіткілді мәселер де оң шешімін табуда. Халықтың өмір сүру сапасы жақсарып, әлеуметтік-экономикалық бағыты да дамып келеді. Бұдан бөлек, Сыр өңірінің барлық аудандарында түрлі әлеуметтік нысандар бой көтеріп, озық технологиялық үлгідегі жаңа жұмыс орындары ашылуда. Денсаулық, спорт саласында да айтарлықтай өзгерістер көп. Бұл – Қызылордалықтар үшін үлкен жетістік.Осыған байланысты елордада өткен брифингте облыс әкімі Нұрлыбек Нәлібаев өткен жылы атқарылған жұмыстар мен алдағы уақытта қолға алынатын жобалар жайлы мәлім етті. Қызылорданың барлық ауданындағы өзгерістерге тоқталып, өңірлердің даму жолындағы қолға алынған іс-шаралар жөнінде баяндады. Мәселен, Арал теңізі мәселесі – күн тәртібінде тұрған өзекті тақырыптың бірі екені айтылды. Ел дамуы үшін жасалған 8 нақты қадамның жұмыс жоспары қазіргі таңда Сыр өңірінде қарқын алған. Соның ішінде агроөнеркәсіп саласында айтарлықтай өзгерістер бар.Аймақ басшысы ауданға басымдық бердіАстана қаласында өткен Орталық коммуникациялар орталығындағы есеп беру жиынында аймақ басшысы Шиелі ауданына да айтарлықтай басымдық берді. Брифингте өңір халқының жылдан жылға дамып жатқандығы, тың өзгерістер, іске асырылып жатқан жұмыстар, аспанмен таласқан ғимараттар, құрылыс жұмыстары, көгілдір отын сынды маңызды ақпараттар айтылды. Нақтылайтын болсақ, облыс әкімі биыл Шиелі ауданында 6 елді мекен көгілдір отынға қосылатынын, сондай-ақ «Нұрлы жер» мемлекеттік тұрғын үй құрылысы бағдарламасы аясында Көкшоқы мөлтек ауданында 18 пәтерлі 4 тұрғын үй құрылыс жұмыстары аяқталып, тамыз айында 72 отбасы жаңа пәтерге қоныс аударатынын жеткізді. «Жайлы мектеп» ұлттық жобасы аясында 2024 жылы Шиелі ауданында 900 орындық мектеп құрылысының жұмыстары жүргізіліп, білім ғимаратының бой көтеретіні жайлы мәлімдеме жасалды.Иә, кез келген өңірдің дамуымен қоса тұралап қалған өткір де өзекті мәселелерінің болатыны мәлім. Әсіресе, елімізде жұмыссыздық – басты проблемалардың бірі. Сондықтан Мемлекет басшысы бұл мәселені шешу үшін көптеген жобалар әзірлеп, жұмыссыздық деңгейін қолға алған болатын. Ал Сыр өңірінде дәл қазіргі уақытта жұмыссыздық деңгейі 4,9 процентті құрап отыр. Демек, бұл – облыс көлеміндегі жұмыссыздық деңгейін әлі де азайту керектігін айқындайды. Бірақ Президенттің 10 мың адамға 100 жаңа жұмыс орнын құру тапсырмасына сәйкес, былтыр Қызылордада 12 мыңнан астам жұмыс орны құрылып, жылдық жоспар 263 процентке орындалған болатын. Соның нәтижесінде жұмыссыздық деңгейі 4,9 процентке төмендеген. Ал елордада өткен брифингте Н.Нәлбаев Шиелі ауданында ағымдағы жылы 3096 жаңа жұмыс орындарын құру жобасы жоспарланып, 4 айдың қорытындысы бойынша 1549 жаңа жұмыс орны құрылып, аталған меженің 50 процентке орындалғанын айтты.<blockquote>«Бүгінде Сыр өңірінде бірқатар ауқымды жобалар іске асырылып, өңір халқының әлеуеті артып келеді. Биылдың өзінде көптеген нысандар бой көтерді. Ал өткен жылы Қызылордаға 400 млрд теңгеден астам инвестиция тартылып, осы көрсеткіш бойынша үздіктер қатарынан көрінді. Ал биыл бұл көрсеткіш 593 млрд теңгені құрап отыр. Ауыл шаруашылығының жалпы өнімі 1,6 процентке артса, өңдеу өнеркәсібінің көлемі 1,9 есе көбейді. Пайдалануға берілген тұрғын үйлер көлемі 2,4 процентке еселенсе, сауда көлемі 2,5 есе дамыды. Инвестиция мен құрылыс жұмыстары да қарқын алды. Соның арқасында жұмыссыздық мәселесі де төмендеді. Ал Қызылордаға қарасты барлық аудандар өздігінше дамып, өндірістік салада көптеген жетістіктерге жетуде. Әсіресе, Шиелі ауданының жыл сайын бәсекеге қабілеттілігі артып келеді. Осы жылддың өзінде бұл өңірде 1500-ден астам жаңа жұмыс орны ашылды», – деді облыс әкімі Нұрлыбек Нәлібаев.</blockquote>

«Жайлы мектеп»: Шиеліде 900 орындық мектеп бой көтереді

<a href="https://kyzylorda-news.kz/">Kyzylorda-news.kz.</a> Бүгін Қазалыда аудандық прокуратураның бастамасымен кәсіпкерлердің құқықтарын қорғау мәселесіне байланысты «Ашық есік күні» өткізілді.Кездесудің негізгі мақсаты – кәсіпкерлік саласындағы мемлекеттік бағдарламалар бойынша түсіндірме жұмыстарын жүргізу және аудан көлемінде жаңадан балабақша ашу мәселелерін қарастыру.Білім бөлімінің мәжіліс залында өткен кездесуге аудан прокуроры Д.Әбіш, Қазалы ауданы бойыншы білім бөлімінің басшысы Ә.Жөлекешов,аудан әкімі аппаратының басшысы Р.Тілеп және жергілікті атқарушы органдардың басшыларымен білім бөліміне қарасты 30-ға жуық аудан көлеміндегі балабақша меңгерушілері қатысты.&nbsp;Кездесуді аудан прокуроры Д.Әбіш &nbsp;ашып, бүгінде мемлекет тарапынан бизнеске жасалып жатқан мүмкіндіктерді кәсіпкерлік саласын дамытуға арналған мемлекеттік бағдарламалардың кеңінен насихаттауды қажет екендігін атап өтті.Сондай-ақ аудан көлемінде жаңадан балабақшалар ашып, кәсіпкерлікті қолдау қажет екендігін жеткізді.Жиын барысында Төтенше жағдайлар бөлімі және аудандық санитариялық-эпидемиологиялық бақылау басқармасының өкілдері баяндама жасап, кәсіпкерлерге заң аясында түсіндірме жұмыстарын жүргізді.Кездесудің соңында аудан прокуроры &nbsp;кәсіпкерлерден туындаған сұрақтарға жауап беріп, аталған жиналыстың ауқымдылығын ескеріп, алдағы уақытта кең көлемде өткізілетіндігін ескертті.

Қазақстан және Қызылорда облысының жаңалықтары: Білім