<a href="https://kyzylorda-news.kz/">Kyzylorda-news.kz.</a> Ертең Білім күніне орай аймақтағы барлық оқу орындарында қауіпсіздікті қамтамасыз ету үшін 594 полиция қызметкері және 139 қызметтік автокөлік жұмылдырылады. Бұл туралы Өңірлік коммуникациялар қызметінде өткен брифингте Қызылорда облыстық полиция департаменті бастығының бірінші орынбасары Шамшидин Амитов баяндады.&nbsp;Бала – өмірдің жалғасы. Мектеп жасындағы балалардың қауіпсіздігі мәселесінің маңызы зор. Жаңа оқу жылының басталуына сәйкес оқушылар қауіпсіздігі басты назарға алынды. Бүгінгі таңда полиция департаменті жергілікті атқарушы органдармен бірлесіп балалардың қауіпсіздігі үшін тиісті шаралар атқарылуда.&nbsp;<blockquote>«Жаңа оқу жылының басталуына орай полиция қызметі күшейтілген кестеге көшіріліп жұмыс істеуде. 1 қыркүйек – «Білім күнінде» барлық оқу орындарында қауіпсіздікті қамтамасыз етуге 594 қызметкер және 139 қызметтік автокөлік жұмылдырылатын болады. Оқу жылының алғашқы күндерінен бастап, мектеп алдындағы жол өткелдерінде, балалар травматизмінің алдын алу мақсатында таңертеңгі, түскі және кешкі уақытында ювеналды және патрульдік полиция инспекторлары күнделікті қызмет атқаратын болады. Сонымен қатар, Республика көлемінде өтіп жатқан «Назар аударыңыз балалар!» шарасы аясында, облыста орналасқан 295 мектептің аумағында жол белгілеріне тексеріс жұмыстары жүргізілді. Аталмыш шара барысында жол белгілерінің 100 данасы қайта қалпына келтіріліп, жаңадан 75-і орнатылды. Мектеп алдындағы 91 жаяу жүргінші өткелінің таңбалары жаңартылды. Сондай-ақ, оқушылармен жол жүрісі ережелерін сақтауға және тасымалдау кезінде оларды ұстау құрылғыларын пайдалануды насихаттауға бағытталған аудио, бейнероликтер қоғамдық орындарда, автобустарда, кинотеатрларда көрсетіледі. Жаяу жүргіншілердің кінәсінен болатын жол-көлік оқиғаларының негізгі себептері – жүріс бөлігін белгіленбеген жерден өтуі, бағдаршамның тыйым салу сигналына өтуі, кенеттен жақын келе жатқан көліктің алдына шығу болып табылады. Осы орайда, барша ата-аналар мен балаларды жол жүру ережесін қатаң сақтауға шақырамыз»,- деді полиция полковнигі Шамшидин Егенбердіұлы.</blockquote>

Шамшидин Амитов: Ертең оқу орындарында 594 полиция қызметкері қауіпсіздікті қамтамасыз етеді

<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектептің &nbsp;ұстаздары Шотландияның &nbsp;Глазго қаласында өткен Білім берудегі европалық зерттеу (ЕСЕR) халықаралық конференциясына қатысып, білім беру үдерісіндегі өзекті мәселелер бойынша өз зерттеулерін таныстырды.&nbsp;Ағылшын тілі мұғалімі Зәуре Ермаханова &nbsp;«Мұғалімдердің екі есе қажеттілігі бар оқушылармен жұмыс жасаудағы тәжірибесі және түсінігі» тақырыбында баяндама жасады. Бұл жұмыста педагог отандық мектептердегі инклюзиялық білім беруде оқушылардың арнайы қажеттілігін қанағаттандыра отырып, олардың дарындылығын дамыту бағытын жан-жақты қарастырған.&nbsp;Ал физика мұғалімдері Айнұр Құрақбаева мен Гүлназ Диханбаева оқыту үдерісінде онлайн платформалардың көмегі арқылы оқушыларға тиімді кері байланыс беруді ұйымдастыру жолдарын &nbsp;ұсынды. Авторлардың айтуынша, қазіргі таңда оқушының бойында өз бетімен білім алу, бәсекеге қабілетті болу, алғырлық сияқты қабілеттерін дамыту педагог мамандардың алдына қойған мақсаттарының біріне айналуы тиіс.&nbsp;80 мемлекеттен 3500-ден астам зерттеушінің &nbsp;басын қосқан педагогикалық алаңда ағылшын тілі пәнінің мұғалімі Жанат Төреханова да оқушылардың ЭССЕ жазу барысында аргументтеу дағдысын дамыту туралы еңбегін таныстырып, &nbsp;әдістемелік қоржынын тың идеялармен толықтырып қайтты.

ЕСЕR -2023: Сырбойылық ұстаздардың зерттеулері әлемдік алаңда таныстырылды

<a href="https://kyzylorda-news.kz/">Kyzylorda-news.kz.</a> Білім күні қарсаңында Қызылорда қаласындағы екі іргелі мектептің жанынан салынған қосымша ғимараттар пайдалануға берілді.Салтанатты ашылу рәсіміне облыс әкімі Нұрлыбек Нәлібаев қатысып, жиналған жұртшылықты Конституция және Білім күнімен құттықтады.<blockquote>«Ұлт ұстазы Ахмет Байтұрсынұлының «Құралсыз iс iстелмейдi һəм құрал қандай болса, iстеген iс те сондай болмақшы. Iстiң толық жақсы болуына мектеп &nbsp;сайлы һəм жақсы болуы шарт» деген сөзі баланы оқытуға, ең бірінші жайлы да заманауи мектептің керегін еске салады. Бүгін біз осындай жайлы да жаңа ғимараттың ашылуының куәсі боламыз. Бала санының жыл санап артуына байланысты бірнеше білім ошағы қосымша құрылысты қажет етті. Өздеріңіз білетіндей, орталықта жаңа мектеп салу үшін жер телімі табылмайды. Қала сыртына салынған мектепке қатынау ата-анаға да, балаға да айтарлықтай қиындық туғызады. Қосымша ғимарат салудың тағы бір тиімді тұсы – бюджет қаржысы үнемделеді, жаңа мектепке қарағанда арзанға түседі. Ең маңыздысы балалар өздері үйренген, үйіне жақын мектебіне қатынайды. Сондықтан бәріне бірдей оңтайлы шешімге, яғни үш ауысыммен оқитын мектептер ауласына қосымша ғимарат салуға тоқталдық», – &nbsp;деді аймақ басшысы.</blockquote>№101 мектеп-лицей ауласында салынған 375 орындық ғимаратта бастауыш сыныптар оқитын болады. Ал Абай атындағы үш тілде оқытатын дарынды балаларға арналған мамандандырылған сыныптары бар мектепке 550 орындық қосымша ғимарат салынды. Жаңа ғимараттарда оқу кабинеттері, шығармашылық бөлмелер талапқа сай жасақталған. Оқушыларға ыңғайлы болу үшін оқу құралдарын сақтауға, балалардың шығармашылық дамуы мен демалуына толық жағдай қарастырылған.Бейнебақылау, дыбыстық хабарлау және басқа да күшейтілген қауіпсіздік жабдықтары орнатылған. Облыс орталығындағы 4 мектептің (№№2,3,101,264) 1 850 балаға арналған қосымша ғимараттары жаңа оқу жылында балаларды қабылдайды.Айта кетейік, Сыр өңірінде заманауи жаңа білім ошақтары бой көтеріп, жас ұрпақтың сапалы білім, саналы тәрбие алуына баса мән берілген. Аймақта &nbsp;3-6 жастағы балаларды мектепке дейінгі тәрбиемен қамту үлесі &nbsp;100 пайызға, ал 2-6 жастағылардың қамтылуы 88,9 пайызға жетті. Мемлекет пен жекешеменшік әріптестіктің ынтымақтастық аясы кеңейіп келеді. Бүгінде облыстағы 613 балабақшаның 453-і немесе 73%-ы жеке сектордың үлесінде.Мемлекет басшысының бастамасымен қолға алынған «Жайлы мектеп» ұлттық жобасы шеңберінде құны 86,2 млрд.теңге болатын 21 заманауи мектеп салынбақ. Жаңа білім ордаларына 12 мыңнан аса оқушы барады. Биыл 10 мектептің іргетасы қаланады. &nbsp;Қаланың сол жағалауында «ҚазГерМұнай» компаниясының қаржылай қолдауымен 350 орындық заманауи Оқушылар сарайы салынады. Бұл қосымша білім беру ордасында озық ойлы, өнерге құштар, спортқа бейім дарынды балалар тәрбиеленеді.&nbsp;<img src="https://knadmin.beoblood.kz/uploads/369739994_602061185448463_3199870603202053135_n_b972854c24.jpg" alt="369739994_602061185448463_3199870603202053135_n.jpg"><img src="https://knadmin.beoblood.kz/uploads/369721634_602061218781793_4961128233330551728_n_7f9aef1abf.jpg" alt="369721634_602061218781793_4961128233330551728_n.jpg"><img src="https://knadmin.beoblood.kz/uploads/369721709_602061775448404_3008180181426105475_n_af27f6f3c8.jpg" alt="369721709_602061775448404_3008180181426105475_n.jpg">

Қызылордада жаңа оқу ғимараттары ел игілігіне табысталды

<a href="https://kyzylorda-news.kz/">Kyzylorda-news.kz.</a> «Назарбаев Зияткерлік мектептері» дербес білім беру ұйымы Педагогикалық шеберлік орталығында жас мұғалімдердің «Жас ұстаз: табысқа апарар жол»⠀ІІ республикалық форумы аяқталды.Жас ұстаздардың біліктілігін көтеруге арналған шараға Қызылорда облысынан аудандық және қаланың шет аймақтарында &nbsp;орналасқан 9 ауыл педагогі қатысты.Биылғы «Жас ұстаз – 2023» бағдарламасының басты ерекшелігі – сұранысқа ие алаңда ауылда еңбек етіп жүрген табысты 180 жас ұстаздар бас қосты. Олардың барлығы ауылдық білім берудің әлеуетін дамыту аясындағы жобаға қатысып жатқан тірек мектептерде жұмыс істейді.<blockquote>«Жаңа оқу жылы басталмас бұрын жас мұғалімдердің республикалық форумын өткізудің өзектілігі сонда, олардың әрқайсысы өзінің жеке даму траекториясын білім берудегі әлемдік трендтермен салыстырады. Ауыл мектебінде жұмыс істеу – нағыз миссия екенін бәріміз түсінеміз, ал «Жас ұстаз» кәсіби дамудың жаңа кезеңін ашады», – деп делегаттарға қош келдің айтты Білім беру жөніндегі жаһандық комиссияның Азия хабының комиссары Күләш Шәмшидинова.</blockquote>Әр форумда «Галстуксіз кездесуге» оқу-ағарту министрінің келуі әдемі дәстүрге айналып барады.Оқу-ағарту министрі Ғани Бейсембаевтың экспромттары қанатты сөздерге айналып, форум делегаттары өздеріне &nbsp;түртіп алды.<blockquote>«Менің өмірдегі барлық жетістіктерім оқушылардың арқасында ғана мүмкін болды. «Назарбаев Зияткерлік мектептері» ДББҰ Басқарма төрағасы Әнуар Жанғозин жақсы бір мақалды еске салды: «Егер ынта бар болса, ғаламда қиын іс жоқ». «Сондықтан біздің жас әріптестеріміздің ынта-жігері неғұрлым жоғары болса, соғұрлым оң нәтижеге қол жеткізе алады деп ойлаймын», - дейді.</blockquote>Жүзуден халықаралық дәрежедегі спорт шебері, жасөспірімдердің Бірінші Азия паралимпиада ойындарының жүлдегері &nbsp;Азамат Оразбек, ғалым-зерттеуші, «Mbionics» компаниясының негізін қалаушы, бірегей экзоскелеттің авторы Мәулен Бектұрғанов, «бокстан халықаралық дәрежедегі спорт шебері, халықаралық жарыстардың жеңімпазы әрі жүлдегері, балаларға арналған бокс секциясының жетекшісі Мұхит Амантаевпен кездесуден шабыттанған ұстаздар қаншама рет қол соққанын есептеу қиын! Олардың әрқайсысын өз замандастарына шабыт пен жігер &nbsp;бере алатын абсолютті мотивациялық көшбасшы деп атауға болады.Форумда қазіргі кәсіби басымдықтарға арналған тақырыптық алаңдар жұмыс істеді: тиімді жоспарлау, функционалдық сауаттылықты қалыптастыру, эмоционалды интеллекті дамыту, мұғалім жұмысындағы зерттеулер, оқытудағы саралаулар, бағалау. &nbsp;«Армандағы мектеп – киіз үй болғанда, бұрышқа ешкім тұрмайды» – мұндай қорытындыға форум делегаттары болашақ мектептің ең батыл және шығармашылық үлгілеріне арналған педагогикалық квест барысында келді. Олар Ыбырай Алтынсарин атындағы «Қара шаңырақ», Саммерхилл және Монтессорр, Вальдорф, «Дальтон-план» мектептерін ғана емес, өздерінің манифесттерін де ұсынды.<blockquote>«Бұл шараның басты мақсаты – ауыл мектебіндегі жас ұстаздардың беделін көтеру. Біз өз облысымыздағы, ауылымыздағы әріптестерімізбен тәжірибе бөлісіп, түрлі әдіс-тәсілдерді меңгердік. Ауыл мектебін таңдаудағы басты мақсатым – өзім түлеп ұшқан алтын ұя мектебімнің беделін көтеру. Сондай-ақ ауыл мектептеріндегі оқушылардың ғылымға деген қызығушылығын арттыру, мәртебесін көтеру», – дейді Сырдария ауданы, Амангелді ауылы №42 мектеп-лицейі мұғалімі &nbsp;Піржан Төлеген облысы.</blockquote>«Мұғалім жұмысындағы зерттеулер» тақырыбы болса, ұлттық құндылығымыз – киіз үйдің ассоциациясымен керемет ұштасқан болатын: форум қатысушылары соның моделінде зерттеу сабағының жоспарын құрастырды. Шұғыла Қалиханова мен Күнсая Утешева өткізген шеберлік сабақта жас ұстаздар зерттеу жұмысын дайындау процесімен танысты. Алаңның тағы бір өзекті тақырыбы – «Өз эмоциямызды басқарып үйренейік». Қызжібек Абдраманова мен Сәуле Журунтаева өзіннің және өзгенің эмоциясын оқу, оларды басқару және олардың себебін түсіну жөнінде айтты. Дауыс тембрі, ым-ишара тілі, дене мүсіні, арома-имидж – бұл ұстаздың имиджін қалыптастырып қана қоймай, сабақ атмосферасын құратыны сөзсіз.«Функционалдық сауаттылықты арттыру» тақырып алаңының тренерлері Қаламқас Абдикаримова мен Талғат Мукутовтардың пікірінше, педагогтың басты мақсаты – білімді тіпті тәжірибеде емес, өмірде қолдануы. Қазіргі таңда функционалдық сауаттылық анықтамасына дағды мен тәжірибе, талдау және түсіну, стандартты емес өмірлік жағдайлар мен сыни тұрғыдан ойлау ұғымдары кіреді.Табыс синергиясын құру үшін мұғалім педагогикалық, мазмұндық және технологиялық білімді өз тәжірибесіне қалай кіріктіре алады? Педагогикалық шеберлік орталығының тренерлері Ринат Рамазанов пен Бауыржан Ділманов TPACK Journey шеберлік сыныбында форум делегаттары үшін өзекті сұраққа жауап берді.Форум финалының леп белгісін «Сәттілікке ие бол» бірегей лотереясы қойды. Бірегейлігі сол, барлық жеңімпаздарға Педагогикалық шеберлік орталығынан вебинарларға сертификаттар мен еліміздің барлық мұғалімдері армандайтын Lesson box қорапшасы табыс етілді. Бүгінде барлық форум делегаттары олардың әрқайсысының жолы &nbsp;болғанына сенімді, өйткені нағыз сәттілік – Жас ұстазға қатысу!<blockquote>«Бірінші «Жас ұстаз: табысқа апарар жол» форумы жас әріптестеріміз әр мектептің стратегиялық ресурсы екенін дәлелдеді. Олар қазіргі таңдағы білім беруге жаңа идеялар мен жаңа шешімдерді енгізеді, балаға қолайлы атмосфера мен цифрлық білім беру ортасын қалыптастырады. Сонымен қатар форум табысқа жету жолында ең креативті және табысты мұғалімдерді біріктіреді. Бүгін біз барлық өңірдегі ауылдық мектептердің атынан қатысатын екінші форумның қатысушылары да жаңа буынның кәсібилігіне сенім ұялататынына қуаныштымыз», – деп атап өтті Педагогикалық шеберлік орталығының директоры Жанбота Кабдыкаримова.</blockquote>«Жас ұстаз: табысқа апарар жол» – тағы да өзінің символдық атауын ақтады. Екінші республикалық форум елімізде жас мұғалімдердің біліктілігін арттырудың жаңа шығармашылық алаңы құрылғанын растады.&nbsp;<img src="https://knadmin.beoblood.kz/uploads/Whats_App_Image_2023_08_31_at_09_45_41_2_d95267518b.jpeg" alt="WhatsApp Image 2023-08-31 at 09.45.41 (2).jpeg"><img src="https://knadmin.beoblood.kz/uploads/Whats_App_Image_2023_08_31_at_09_45_41_20eaafa975.jpeg" alt="WhatsApp Image 2023-08-31 at 09.45.41.jpeg"><img src="https://knadmin.beoblood.kz/uploads/Whats_App_Image_2023_08_31_at_09_45_41_3_a718f2f734.jpeg" alt="WhatsApp Image 2023-08-31 at 09.45.41 (3).jpeg">

Ауыл педагогтері біліктілігін көтеруде

Kyzylorda-news.kz. Қызылорда облысында 319 мектеп бар болса, оның 295-і мемлекеттік, ал 24 мектеп жеке меншіктегі білім ұйымы. Осыған орай, жаңа оқу жылында аталмыш мектептерде 180 мыңнан астам оқушы білім алады. Ал 17 543 бала алғаш рет мектеп табалдырығын аттайтын болады. Бұл туралы Қызылорда облысының Өңірлік коммуникациялар қызметінде өткен баспасөз конференциясында облыс әкімінің орынбасары Мейрамбек Шермағанбет хабарлады.&nbsp;<blockquote>«Мемлекет басшысының үлкен қолдауының арқасында өңірімізде сапалы білім ұйымдарының саны едәуір артып келеді. Сондай-ақ, аймақ басшысының тікелей қолдауының арқасында биыл «Білімді қолдау қоры» есебінен Қызылордада қаласында физика-математика бағытындағы мектеп-интернатының құрылысы басталды. Бұл жобаның жалпы құны – 7,9 млрд. теңге. Сондай-ақ, қаламыздың сол жақ жағалауында «ҚазГерМұнай» компаниясының қаржылай қолдауымен 350 орындық заманауи үлгідегі Оқушылар сарайы салынады. Бұл жағымды жаңалықтар білім саласына зор серпіліс беретіні анық. Өздеріңіз білетіндей, жылдан-жылға қаладағы мектептерде бала саны көбейіп келеді. Тиісінше, мектептердегі орын тапшылығы айтарлықтай сезілуде. Бұл өзекті мәселені шешу мақсатында облыс орталығындағы 1 850 балаға арналған 4 мектептің жанынан қосымша ғимарат салынуда. Бұл нысандар жаңа оқу жылында балаларды қабылдайтын болады. Бұдан бөлек, мектептерді заманауи пәндік кабинеттермен жабдықтау, бала қауіпсіздігін қамтамасыз ету үшін соңғы үлгідегі бейнекамералар алуға жергілікті бюджеттен – 1 миллиардқа жуық қаржы бөлінді. Сонымен қатар, облыстағы білім ұйымдары оқулық және оқу-әдістемелік құралдармен 100 пайыз қамтылады», - деді облыс әкімінің орынбасары Мейрамбек Зинабдинұлы.</blockquote>Баспасөз конференциясында облыс әкімінің орынбасары балаларды әлеуметтік қолдау бағытына да ерекше тоқталып өтті.&nbsp;Оның айтуынша, биыл алғаш рет 1-4 сыныптарда оқитын 70 мыңнан астам бала тегін ыстық тамақпен қамтылған. Бұған жергілікті бюджеттен 5,5 млрд. теңге қаралды. Ал 5-11 сыныпта оқитын әлеуметтік көмекті қажет ететін 17 мыңға жуық оқушының ыстық тамағына - 3,3 млрд. теңге бөлінді. Одан бөлек, әлеуметтік жағдайы төмен 37 087 баланы бір реттік қаржылай көмекпен қамтамасыз ету үшін жергілікті бюджеттен - 1,3 млрд. теңге қаралды. Әр түрлі себептермен қаржылай көмекке ілінбей қалған оқушыларға демеушілер тарапынан көмек көрсетілуде. Бүгінде 7 421 балаға қажетті құралдармен мектеп формалары табысталды. Сондай-ақ, жаңа үлгідегі 30 автобус шалғайдан қатынайтын оқушылардың игілігіне қызмет етеді.

Қызылордада биыл бірінші сыныпқа 17 мыңнан астам бала барады

Kyzylorda-news.kz. Білімді ұрпақ – жарқын болашақ кепілі. Бүгінгі таңда Сыр елінде білім саласына басым көңіл бөлінуде. Президенттің қолдауымен биыл білім саласына бөлінген қаржы өткен жылмен салыстырғанда 20 пайызға артқан. Аймақ бойынша апатты мектептердің жайы толығымен шешіледі. Мектеп маусымына дайындық барысын Өңірлік коммуникациялар қызметінің ақпарат алаңында өткен баспасөз конференциясында облыс әкімінің орынбасары Мейрамбек Шермағанбет толықтай мәлімдеді.&nbsp;<blockquote>«Мемлекет басшысының тапсырмасымен өңірімізде «Жайлы мектеп» ұлттық жобасы сәтті жүзеге асуда. Бағдарлама барысында облыста 21 заманауи мектеп бой көтермек. Он мектептің құрылысы биыл басталса, қалған 11 мектептің құрылысы келер жылы басталады. Аталмыш мектепте 12 мыңнан аса оқушы білім алатын болады. Апатты деп танылған 6 мектептің 4-і «Жайлы мектеп» жобасы арқылы іске асса, 1-і жеке инвестор есебінен жүргізіледі. Білім ұясы жыл соңына дейін қолданысқа беріледі. Келесі апатты мектеп Білім беру инфрақұрылымын қолдау қоры көмегімен шешімін тапты. Ауылдық елді мекендердегі балаларда назардан тыс қалған емес. Шалғайдағы елді мекендердің оқушыларына 1400 орындық 4 мектептің құрылысы салынып, жыл соңына дейін пайдалануға беретін боламыз. Жалпы облыс бойынша 3-6 жастағы балаларды мектепке дейінгі тәрбиемен қамту үлесі 100 пайызды құраса, ал 2-6 жастағылар 89 пайызға жетті. Бұл көрсеткіш облыста мемлекет пен жекешелік әріптестіктің ынтымақтастық аясы кеңейіп келе жатқанының айқын көрінісі», - деді облыс әкімінің орынбасары Мейрамбек Зинабдинұлы.</blockquote>

Мейрамбек Шермағанбет: Мектепке дейінгі тәрбиемен қамту үлесі 100 пайызды құрады

<a href="https://kyzylorda-news.kz/">Kyzylorda-news.kz.</a> 2023 жылдың соңына дейін 6 700 оқушы орнын пайдалануға беру жоспарланып отыр. Оның ішінде 3 700 орын 1 қыркүйекте ашылады. Бұл туралы облыстық білім басқармасының баспасөз қызметі хабарлайды.<blockquote>«Мемлекет басшысының тапсырмаларын жүзеге асыру аясында инфрақұрылымды дамыту бойынша жұмыстар жүргізілуде. Үш ауысымды, апатты мектептер мәселесін шешу үшін 3000 орындық 5 жаңа мектеп пен 4 мектепке қосымша құрылыс ғимараты салынып, биыл пайдалануға беру жоспарлануда», - деді облыстық білім басқармасының баспасөз хатшысы Бекбол Қаратайұлы. &nbsp;</blockquote>Сонымен қатар, алдағы екі жылда «Жайлы мектеп» жобасы аясында 12 300 орындық 21 мектеп пайдалануға беріледі.

Қызылордада 7000 мыңға жуық оқушы жаңа мектепте оқуын жалғастырады

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев білім саласы қызметкерлерімен кездесіп, жаңа оқу жылының бағыт-бағдарын айқындады. Кездесуге мекеме басшылары, білім саласының ардагерлері мен қызметкерлері қатысты.Аудан басшысы алдымен өткен оқу жылы аудан үшін табысты болғанына тоқталды.<blockquote>«Өткен оқу жылында білім саласының барлық деңгейлерінде жүргізілген жүйелі жұмыстың нәтижесінде алға қойған мақсат-міндеттерге қол жеткіздік. Ауданда 29 оқушы «Алтын белгі», 52 оқушы «Үздік аттестатқа» ие болды. Орта мектеп курсын 471 оқушы бітірсе, олардың 84 пайызы, яғни 396-сы ҰБТ-ге қатысып, орташа балл 83,2-ні көрсетті. Талапкерлердің 90 пайызы мемлекеттік грант иегері атанды. Облыс бойынша ауданымыз ҰБТ қорытындысы мен мемлекеттік грант көрсеткіші бойынша үздік үштікте. Жылдан-жылға республикалық, облыстық сайыстарда жүлдегер атанып, марапат төрінен көрінген ұстаздар мен шәкірттер қатары көбейді. 177 оқушы облыстық, республикалық деңгейдегі түрлі бағыттағы байқауларда жүлдегер атанса, 37 мұғалім кәсіби байқауларда жеңімпаздар тұғырынан көрінді. Балаларымыздың заманауи технологиямен жабдықталған жаңа ғимаратта білім алуына жағдай жасау мақсатында «Жайлы мектеп» жобасы аясында №210 О.Әбілпаттаев атындағы орта мектеп құрылысы 2024 жылы салынады. 3 пен 6 жастағы балалар балабақшамен 100 пайыз қамтылды. Мектептеріміздің материалдық-техникалық базасы нығайтылуда. Мұндай жетістіктер аудан ұстаздарының еңбегінің нәтижесі деп білемін. Осы ретте, мектептің жүрегі саналатын ұстаздар қауымының жемісті еңбектеріне, үнемі қолдау білдіретін сала ардагерлеріне алғыс білдіремін, – деді Берік Әбдіғаппарұлы.</blockquote>Жиында аудандық білім бөлімінің басшысы Берік Жәнібеков жаңа оқу жылына дайындық туралы хабарлама жасап, жаңашылдықтарды атап көрсетті.Жаңа оқу жылында 17 мектепте 8219 мың оқушы білім алады. Биыл бірінші сыныпқа 744 бала қабылданады. Жаңа оқу жылында бастауыш білім беруде 1-2 сыныптарда «Еңбекке баулу» және «Бейнелеу өнері» пәндері бөлініп оқытылады және 2 сыныптан «Орыс тілі» пәнін оқыту басталады. Ал «Шет тілі» пәні 1-2 сыныптарда оқытылмайды. Негізгі орта мен жалпы орта білім беру деңгейлерінде академиялық жылды аяқтаған кезде қазақ тілінен емтихан тапсырады. Оқу жылы 34 аптаны құрап, 25 мамырда аяқталады.Аудан бойынша әлеуметтік осал отбасылардан шыққан 234 баланы толық тегін тамақпен қамту жоспарлануда. Сонымен бірге, қыркүйек айынан бастап балабақшадағы 325 педагогтың жалақасына 30 пайыз үстемақы қосылады. Білім бөлімінің басшысы мектептер жаңа оқу жылына дайын екенін атады.Жиында ауданның білім саласының дамуына сүбелі үлес қосып жүрген бірқатар ұстаз "Алғыспен" марапатталды.Кездесуде білім саласынының ардагерлері Ұлмекен Жанәлиева, Күлбарам Әбілова, аудандық білім қызметкерлері кәсіподағының төрағасы Алмас Есназар сөз сөйлеп, ұстаздарға жаңа оқу жылына табыс тіледі.Аудан әкімі жастарға сапалы білім және саналы тәрбие беруде білім қызметкерлеріне қойылатын талап жоғары екенін жеткізіп, тапсырмалар жүктеді.<img src="https://knadmin.beoblood.kz/uploads/369661512_1410516046177950_2309873221770501693_n_e1555cf887.jpg" alt="369661512_1410516046177950_2309873221770501693_n.jpg">

Сырдария: Әлеуметтік осал отбасыдан шыққан 234 бала тегін тамақпен қамтылады

<a href="https://kyzylorda-news.kz/">Kyzylorda-news.kz.</a> Жалағаш ауданының білім беру қызметкерлерінің педагогикалық тамыз кеңесі өтті. Кеңесті аудан әкімінің орынбасары Арнұр Нұрмағанбетов ашып, жүргізіп отырды.Сонымен қатар, кеңеске Қызылорда облысының Білім саласында сапаны қамтамасыз ету департаментінің басшысы Даулетова Ғалия Ноғайқызы, облыстық білім басқармасының техникалық және кәсіптік білім беру бөлімінің басшысы Есенбаев Бекжан Шакизатұлы және «Өрлеу» біліктілікті арттыру ұлттық орталығының Қызылорда облысы бойынша кәсіби даму институтының Педагогикалық әдіснама және инновациялық кафедрасының меңгерушісі, педагогика ғылымдарының кандидаты Ешимова Ұлтай Зікірқызы арнайы қатысып, баяндама жасады.Жалағаш ауданы бойынша білім бөлімінің басшысы Садықов Талғат Құрақбайұлы Жалағаш ауданында білім беру саласы бойынша атқарылған жұмыстар және алдағы міндеттерге тоқталып өтті.Өздеріңізге белгілі, ҚР Оқу-ағарту министрлігі бастамасымен «Президенттік жастар кадрлық резерві» білім берудегі көшбасшыларды даярлау, іріктеу тетігін әзірлеу және бекіту бойынша пилоттық режимде жоба іске қосылып, жұмыстары басталды. Оқу-ағарту министрлігінің жанынан білім беру ұйымдарының бірінші басшыларының кадрлық резерві жасақталуда.Осы орайда, кадр резерві кезеңдерінен өтіп, қазіргі таңда тағылымдамадан өтіп жатқан үміткер Зейнолла Жарқынбаев атындағы №202 мектеп директорының орынбасары Каналхан Ермұрат Ғаниұлы өз біліктілігімен бөлісті.<blockquote>«Жаңа оқу жылына дайындық жұмыстары да жоспарға сәйкес жүргізілді. 2023-2024 оқу жылын 20 мектеп 7150 оқушымен бастағалы отыр.Биылғы жылы аудандағы №123 мектеп-лицейге қосымша 200 орындық ғимарат салуғажәне №31, №33 мектептерді күрделі жөндеуден өткізуге жоба-сметалық құжаттары әзірленіп, облыстық білім басқармасына 1 млрд. 971 млн. теңгеге бюджеттік өтінім ұсынылды.«Білімді Ұлт» сапалы білім беру Ұлттық жобасында осы міндетті толық орындау жоспарланып отыр.Өткен оқу жылында білім беру ісінде үздік нәтижелерге жеткен Т.Жүргенов атындағы №123 мектеп-лицейіне 1 млн. теңге жүлде табысталса, биылғы жылы саланың дамуына үлес қосқан3 мектепке материалдық базасын нығайтуға 4 млн. теңгеден жүлде тағайындалып отыр.Бұл бастама мектеп ұжымдарын ынталандыру мақсатында алдағы уақытта дәстүрлі түрде жалғасын табатын болады.Сондықтан, құрметті ұстаздар, нәтижелі еңбек етуде, дарынды оқушылардың білімін шыңдауда аянып қалмаңыздар дегім келеді» деді Арнұр Нұрмағанбетов.</blockquote>Білім беру қызметкерлерінің педагогикалық тамыз кеңесінде дарын оқушылар мен ұлағатты ұстаздардың білім тәжірибесінің көрмесі таныстырылды.Сондай-ақ, үздік білім қызметкерлері мен білім беру ұйымдары Қызылорда облысы әкімі орынбасарының «Алғыс хатымен», Қызылора облыстық басқарма басшысының «Құрмет грамотасымен», Қызылорда облысының білім басқармасы басшысының «Алғыс хатымен», Жалағаш ауданы әкімінің «Алғыс хатымен» және «Білім шыңы» , «Үздік инновациялық мектеп», «Үздік жаңашыл мектеп» номинацияларымен марапатталып, 3 мектепке 4 000 000 тг сыйақы берілді. Үздіктер бас қосқан жиында Әл Фараби атындағы №201 мектеп-лицейінің әуез пәнінің мұғалімі Орынбаева Айкүміс Телғарақызына Жалағаш ауданының «Құрметті азаматы» атағы табысталды.Ұстаздың еңбегі, берілген білім ешқашан өлмек емес. Терең білім адам баласына өмірлік нұсқа. Бұл кездесуде айтылған мәселелер – жай ғана сөз емес, келешегімізді кемел, елдігімізді мәңгі етуді көздейтін мемлекеттік көзқарас және азаматтық ұстаным.<img src="https://knadmin.beoblood.kz/uploads/371780935_1764880030630734_4962286112207805720_n_57cef0853d.jpg" alt="371780935_1764880030630734_4962286112207805720_n.jpg"><img src="https://knadmin.beoblood.kz/uploads/371102721_1764880347297369_7737031363939060527_n_2a3ce46494.jpg" alt="371102721_1764880347297369_7737031363939060527_n.jpg">

Жалағаш ауданындағы 3 мектепке 4 миллион теңге сыйақы берілді

<a href="https://kyzylorda-news.kz/">Kyzylorda-news.kz.</a> Алматы қаласы химия-биология бағытындағы Зияткерлік мектепте өткен «World Robot Olimpiad-2023» әлем чемпионатының ұлттық кезеңінде Сыр өңіріндегі NIS оқушылары үш жүлделі орынды иеленді.«Future Engineers» санатында сайысқа түскен 10-сынып оқушылары Нұрдәулет Әділбек пен Ернұр Сәду автономды көліктер құрастырып, оларды сынамадан өткізді. Нәтижесінде, бір командаға ғана есеп жіберіп, күмістен медаль тақты. Негізгі жоғары санатында үздік шыққан 11-сынып білім алушылары Максим Усольцев пен Дінмұхаммед Абдиев те ІІ орынмен марапатталды. Сыр елінің қос командасы да &nbsp;роботтар олимпиадасының қараша айында өтетін ақтық кезеңіне жолдама ұтып алды.10-сынып оқушылары Амина Омарова мен Жасия Болат шығармашылық сайыста «Prediction of Tsunami» атты жобаларын таныстырып, ІІІ орынды иемденді. Бұл автоматты жүйе табиғат апаты – цунами туралы алдын ала ескертіп, апаттық толқынға қарсы жасанды толқын жасап, қауіптің алдын алуға мүмкіндік береді. &nbsp;<blockquote>«Соңғы 20 жылда цунами салдарынан 250 мыңнан астам адам қайтыс болды. Жалпы экономикалық шығын 280 миллиард долларды құрады. Әсіресе, Үнді және Тынық мұхиттарының жағалауларында орналасқан елді-меккендер зардап шегуде. Қазақстанда цунами апаты мүлдем орын алмайтындықтан осы технологиямызды өзге мемлекеттерге экспорттау арқылы экономикамызды біршама жақсартуға болады», – дейді жас өнертапқыштар.</blockquote>Айта кетейік, өткен жылы да қызылордалық өрендер ұлттық құрамада Германия еліне барып, ел намысын қорғаған болатын. &nbsp; Оқушылардың жеңіс тұғырынан көрінуіне ат салысқан информатика пәнінің мұғалімдері: Серік Ахметов пен Анар Кенесары.

Қызылордалық зияткерлер Панамада ел намысын қорғайды

Kyzylorda-news.kz. Қызылорда облыстық Қазақстан халқы ассамблеясының &nbsp;бастамасымен жаңа оқу жылы қарсаңында республикалық «Мектепке жол» акциясы өтті.&nbsp;Акция аясында «Қоғамдық келісім» КММ директоры Бақытжан Камалов сөз сөйлеп, жаңа оқу жылында оқушыларға сәттілік пен денсаулық тіледі.Айта кету керек, қайырымдылық акциясына өңірлік ҚХА мүшесі, меценат Илларион Ли және жеке кәсіпкер Айдана Ерболатқызы қолдау білдіріп, өз үлестерін қосты. Қаладағы бірнеше көпбалалы, әлеуметтік аз қамтылған отбасы оқушыларына оқуға қажетті құрал-жабдықтары толықтай қамтылған сөмкелерді табыстады.&nbsp;Жыл сайын дәстүрлі түрде тамылжыған тамыздан бастап, қыркүйек айының соңына дейін жалғасатын науқанға облыстық ассамблея және этномәдени бірлестік өкілдері, волонтерлар бір кісідей жұмыла кірісіп, елдік пен кеңдіктің үлгісін көрсетіп келеді. Ата-аналардың алғысын алып, ризашылығына бөленеді.

Достық үйінде «Мектепке жол» акциясы өтті

<a href="https://kyzylorda-news.kz/">Kyzylorda-news.kz.</a> Облыста жаңа оқу жылынан бастап «Тәрбие орталығы» жұмысын бастайды. Орталықтың мақсаты – балалардың ой-танымын арттыру, спорттық қабілетін шыңдау. Бұл туралы облыс әкімі Нұрлыбек Нәлібаев «Әділетті Қазақстан: Сапалы білім, адал ұрпақ, табысты ұлт» тақырыбындағы мектепке дейінгі тәрбие мен оқыту саласы педагогтерінің республикалық тамыз конференциясының пленарлық отырысында айтты.Аймақ басшысы жас ұрпақты тәрбиелеу барысында ұлттық құндылықтар мен тұлғатану институтын қалыптастырудың маңызын атап өтті.<blockquote>«Білім берудің үздік тәжірибесін лайықты жалғастыра келе, ұлттық құндылықтар мен тұлғатану институтын қалыптастыруға тиіспіз. Бұл бүгінгі буынның біліміне жауапты ұстаздарды ғана емес, бауыр еті – баласы үшін барын беретін ата-аналарды да алаңдатуы қажет. Жаңа оқу жылынан бастап облыста «Тәрбие орталығы» өз жұмысын бастайды. &nbsp;Орталық қызметі балалардың ой-танымын арттыруға, спорттық қабілетін шыңдауға, жасөспірімдер арасындағы түрлі келеңсіздіктердің алдын алуға бағытталады. Бұл орайда облыстық білім басқармасы полиция департаменті және қала, аудан әкімдіктерімен бірлесіп, жергілікті жерде жасөспірімдердің тәрбиесі, құқық бұзушылығына қатысты нақты талдаулар жүргізіп, кешенді шаралар қабылдауы керек», – деді Нұрлыбек Машбекұлы.</blockquote>Айта кетейік, елімізде болашақ ұрпаққа жол сілтейтін педагог еңбегін лайықты бағалауға бағытталған кешенді іс-шаралар қолға алынған. Президент тапсырмасымен соңғы 4 жылда мұғалімдердің жалақысы 100 пайызға артты. Ал 1 қыркүйектен бастап балабақша тәрбиешілерінің еңбекақысы 30 пайызға ұлғаяды.&nbsp;Биыл өңірде балаларды мектепке тасымалдау мәселесі де шешімін тапты. Жаңа үлгідегі 30 автобус шалғайдан қатынайтын оқушылардың игілігіне қызмет етпек.&nbsp;

Қазақстан және Қызылорда облысының жаңалықтары: Білім