<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-Министрі Әлихан Смайыловтың төрағалығымен өткен Үкімет отырысында оқу жылының аяқталуы және балалардың жазғы демалысын тиімді ұйымдастыру, қатты тұрмыстық қалдықтарды жинақтау мәселелері талқыланды.Күн тәртібінен тыс Үкімет басшысы Абай облысының Бородулиха ауданында болған өртті ауыздықтау мәселесі бойынша баяндаманы тыңдап, өңір әкімдеріне қауіпсіздікті үнемі назарда ұстауды тапсырды.Үкімет отырысында оқушыларды толыққанды әрі қауіпсіз демалыспен қамтамасыз ету, мәдени-спорттық іс-шаралар ұйымдастырудың мән-жайы талқыланды. Ведомство басшылары атқарылған жұмыстар мен алдағы жоспарларды баяндады.Күн тәртібіндегі екінші мәселе бойынша өңірлерде санкцияланбаған қатты тұрмыстық қалдықтар полигондарына жүргізілген мониторинг нәтижелері таныстырылып, қалдықтарды өңдеу бағдарламасын бекіту қажеттігі айтылды.Жиыннан соң облыс әкімінің міндетін атқарушы Серік Қожаниязов облыстық білім басқармасына 2022-2023 оқу жылының аяқталуын Оқу-ағарту министрлігі бекіткен алгоритмге сәйкес ұйымдастыруды тапсырды. Каникул кезінде балаларды сауықтырудың, бос уақытын өткізудің және еңбекпен қамтудың арнайы жоспары әзірленуі тиіс. Бұл шараларды Премьер-Министр бекіткен өкімге сәйкес үйлестіру жүктелді.Мұнан бөлек, балалардың сауықтыру демалысын ұйымдастыру бойынша өткізілетін мемлекеттік сатып алу конкурстарына қойылатын талаптар күшейтілуі керек. Конкурстардың заң аясында өткізілуін қадағалау, бірінші кезекте ата-ана қамқорлығынсыз қалған, тұрмысы төмен, жетім және көпбалалы отбасылардың, мүгедектігі бар, даму мүмкіндіктері шектеулі балаларды, сондай-ақ жалпы білім беретін мектептердің үздік оқушыларын қамту міндеттелді.Күн тәртібіндегі екінші мәселе бойынша жауапты тұлғаларға қатты тұрмыстық қалдықтарды өңдеу бағдарламасының жобасын әзірлеу, жаңа полигондар салу, бұрынғыларды рекультивациялау бойынша іс-шараларды қарастыру тапсырылды.<figure class="image"><img src="https://knadmin.beoblood.kz/uploads/349174231_765779061848037_3551442899998908980_n_aecb98b2a1.jpg" alt="349174231_765779061848037_3551442899998908980_n.jpg"></figure>&nbsp;<figure class="image"><img src="https://knadmin.beoblood.kz/uploads/349314146_573908124872816_6001451170292825845_n_1_cef8f931c2.jpg" alt="349314146_573908124872816_6001451170292825845_n (1).jpg"></figure>

Балалардың жазғы демалысын ұйымдастыру мәселелері пысықталды

<a href="https://kyzylorda-news.kz/">Kyzylorda-news.kz.</a> Отбасында тәрбие негізі қалыптасса, мектепте тәрбие мен білім бала бойына бірдей егіледі. Елдің ел болып, қоғамның қоғам болып дамуында да тәрбие мен білімнің атқаратын рөлі орасан. Сөзімізді жандандыру үшін Жосалы кентіндегі үлгілі мектептердің бірі, өткен жылғы білім саласының қорытынды есебінде «Ізденімпаз мектеп» атанған Ү.Томанов атындағы №183 орта мектептің қазіргі тыныс-тіршілігі мен табыстарына тоқталып өтсек.Алдымен аз-кем тарихына көз жүгіртейік. Мектеп бастапқыда 1953 жылы Калинин атындағы жеті жылдық мектеп болып құрылған. Директоры Әбдуәли Жаназаровтың басшылығымен 29 оқушы білім ұясының қабырғасынан түлеп ұшқан. Мұнан соң сегіз жылдық орта білім беретін мектеп ретінде жұмысын жалғастырып, оған Бертай Ташенов басшылық жасаған. Ал 1969-1971 жылдары аралығында Кәрімбек Төреалиев директорлық еткен. Сол жылы мектепті 135 оқушы бітіріп шығып, үлкен өмірге қанат жаяды. 1981 жылы облыстық халық депутаттары кеңесінің шешімімен тәрбие ошағына Үсен Көлдейұлы Томановтың есімі беріледі. Ол – Кеңес одағының билік органдарын құру, азамат соғысы, сауатсыздықпен, ашаршылықпен күрес, ұжымдастыру науқандарының бел ортасында жүріп, өлкеде кеңес өкіметін орнату мен нығайтуға белсене қатысқан тұлға болды.Енді орта мектептің бүгінгі жай-күйіне зер салар болсақ, тарихы тереңнен тамыр алатын тәрбие ордасына 2020 жылдан бастап Гүлнара Әшірова басшылық етіп келеді.<blockquote>«Мектепте жалпы саны 61 мұғалім жас ұрпаққа білім нәрін себуде. Сапалық құрамға келсек, 11 педагог-зерттеуші, 16 педагог-сарапшы, 15 педагог-модератор, 19 педагог-ұстаз балаларға жан-жақты білім беруде. Мақсатымыз – зерделі де дарынды, талантты да адамгершілігі мол азаматтар қалыптастыру. Тәрбие мен білімнің бір орында тұрып қалуына болмайды. Ол әркез алға жылжып, дамып, жетіліп отыруы тиіс. Бұл бағытта мұғалімдер жылдан-жылға біліктіліктерін арттырып, арнайы курстардан өтіп отырады. Ұстаздар үшін білім деңгейін көтеріп, сертификатқа ие болу – білім үдерісінде маңызды саналатын іс. Оқу жылында осы мақсатта 25 мұғалім арнайы курстан өтіп, біліктіліктерін дәлелдеп шықты. Сол ұстаз қауымның білімін жетілдіріп, жаңа жүйеге бейімделгені оң өзгерістер әкеліп, жақсы нәтижесін беруде.Айта кеткен жөн, 2018 жылы 25 мамырда Жосалы кентіндегі Тәуелсіздік ықшам ауданынан мектептің жаңа ғимараты пайдалануға беріліп, оқушыларымыз заманауи білім ордасында кең де жарық кабинеттерде білім алуды жалғастырды. Заман талабына сай салынған ғимаратта 100 орындық оқушылар асханасы, 90 орындық мәжіліс және спорт зал бар. 22 сынып кабинетінде, оның ішінде, информатика, АКТ, лингофон кабинеттері баланың тәрбие және білім сапасына қызмет етуде», – дейді Гүлнара Исақызы.</blockquote>Ескерерлігі, мектептегі жас шәкірттердің білім сапасы көрсеткіштерінің жыл санап артып келетіндігі. Мектеп ұжымы 2016-2017 оқу жылында Ұлттық бірыңғай тестілеу сынағынан 101,38 орташа баллмен аудан бойынша І орынды иеленсе, 19 түлектің 15-і мемлекеттік білім грантын жеңіп алған. Өткен жылғы қорытындыда 11 сыныпты 21 оқушы аяқтап, оның 14-і тестке қатысып, 2 оқушы «Алтын белгі» төсбелгісін кеудесіне таққан. Мектептің педагогикалық құрамының жеткен табыстары біршама. Мысалы, 2006 жылы «Білім ұясы» ІІ республикалық конкурсының қатысушысы ретінде «Үздік мектеп» номинациясын жеңіп алса, 2009-да аудандық «Үздік педагогикалық ұжым» байқауында бас жүлдені бағындырған. 2014 жылы «Балалар және жаз» республикалық байқауының жеңімпазы атанса, осы жетістік үшін ұжым Қазақстан Республикасы Білім және ғылым қызметкерлері кәсіподағы комитетінің дипломымен марапатталып, мерейлері өсті. 2016 жылы Қазақстан Республикасы Тәуелсіздігінің 25 жылдығына орай ұйымдастырылған «Ең үздік қазақ тілді мекеме» байқауында жеңімпаз атанса, 2016-2017 оқу жылында «Үздік білім ордасы – 2017» номинациясын қанжығалады.Бұл мектеп ұстаздарының бағындырған биік белестері деп есептесек, сол білікті мұғалімдерден білім алған мектеп шәкірттерінің де айтарлықтай оқу нәтижелері көзге түсуде. Мектеп оқушылары облыстық, республикалық байқауларға тұрақты қатысып, бірқатар жетістіктерге жетіп отыр. Облыстық эссе, жазба ақындар мүшәйралары мен түрлі байқауларында жас шәкірттер Диас Төлегенов, Назым Асылжан, Әзиза Кеңшілік жүлделі болса, оларды сөздің киесі мен қасиетіне баулыған ұлағатты ұстаз Шынар Райымбаеваның бала тәрбиесіндегі еңбегін айта кету керек. Сонымен қатар, химия, биология пәні бойынша олимпиада көрсеткіштерінде Дана Шаухатбекова, Әлхамидулла Сүлеймен де жүлделі орыннан көрініп, мектеп намысын қорғап шыққан білімгерлер. Осындай олимпиада жүлдегерлерін баптаған сала майталманы Манат Көбекова, Жадыра Сатылғанованың да өлшеусіз еңбектерін айта кету ләзім. Мұнан бөлек, Қызылордада өткен «INNO. FEST» Qyzylorda инновациялық идеялар фестивалі» байқауында мектептің 10-11 сынып оқушылары Диас Төлегенов, Дулат Бисенбай, Нұрлығаным Жүнісова, Нұрила Бектай, Дильназ Әзілхановалар жоба қорғап, жоғары нәтиже көрсеткен. Қорытындысында Диас баламыз Қызылорда Технология және қызмет институты құрылтайшысының грантын жеңіп алған. Жас жеткіншектердің білімін шыңдап, талабын ұштауда пән мұғалімдері Айгерім Тұрғанбек пен Ләззат Бакманованың зор ізденістерін атамай кету мүмкін емес.Мектеп – тәрбие мен білім берумен қоса, басқа да сан саланың іргетасы қаланатын қасиетті орын. Мұнда өнер, мәдениет, спортқа бейімі бар балалардың қабілеті оянып, оның дамуына апаратын даңғыл жол әрдайым ашық. Осы бағыттар бойынша да жетістіктерге жетіп жүрген шәкірттер саны көптеп саналады. Атап айтқанда, спорт саласы бойынша әпкелі-сіңлілі егіздер Сымбат, Қымбат Мырзашқыздары облыстық, республикалық жарыстарда жеңіл атлетикадан жүлделі орындарды иеленіп жүрсе, Мағжан Ібіраш, Парасат Қосжанов, Ерасыл Түркешов, Әсем Ғаниева, Мирас Базарбаев, Дамир Шағалаев, Асылжан Сейдалыұлы, Мардан Ермахановтай жеткіншектер көптеген сайыстарда мектеп қоржынына жүлде салып жүрген спортшылар. Соңғы екі оқу жылында Ұлттық бірыңғай тестілеу сынағында, 2020-2021 оқу жылында Данияр Шаухатбеков, Айгерім Әлиасқар, Дінмұхаммед Смағұл, ал өткен оқу жылында Ерасыл Каналбек «Алтын белгі» иеленді. Үздік оқушылардың қатарын көбейтіп, оларға білім беруде пән мұғалімдері Маруся Хасенова, Манат Көбекова, Гүлмира Жақпанова, Гүлнар Сырымбетова секілді ұстаздардың орны бөлек. Ауданымызда орта отыз мектеп болатын болса, соның ішінде былтырғы жылы тестілеу нәтижесімен 183-тіктер 85,1 процент көрсеткішпен алғашқы ондықтың құрамына кірді.Мектептің тәрбие мен білім процесімен бірге, қатар жүріп отыратын қоғамдық жұмысы да бір төбе. Ұжымға ақыл-кеңесін беріп, өмірлік тәжірибелерімен бөлісуде ардагер-ұстаздардың белсенділігі жоғары. Олардың қатарында Бәтима Байдүйсенова, Меруерт Омарова, Ғалияш Байменова, Патыма Құндақбаева, Нағимаш Ибраева, Зүбайра Мешітбаева, Райхан Балабаева, Рәзия Ерлепесова, Әлібек Шегенов, Арзанкүл Абдуллаева, Шыназкүл Шаймаханова, Смағұл Қауысов, Забира Суюбердиева, Ажар Нақшораева, Бақыт Қалекенова, Қанымкүл Әбдікерімова, Зейнеш Дүйсенбаева, Орынкүл Бодашова, Феруза Сайдалиева, Ажар Қайырбекова, Мәдина Дастанова, Қалдыгүл Өтеулиева, Алтынша Кенжеева, Жұмагүл Әлиева, Ұлбосын Меңдібаева, тағы басқа да ардагер-ұстаздардың есімдерін құрметпен атай аламыз.Қай білім шаңырағының да біліктілік, білімділік деңгейі ізденімпаз, жан-жақты дамыған ұстаздар қатарына бек байланысты келеді. Осы тұрғыда аудандық, облыстық, республикалық білім сайыстары мен пәндік олимпиадаларында жүлде салып, биіктерді еңсеріп жүрген сала мамандары бұл мектепте де көптеп кездеседі. Ағираш Сабырбаева, Бақытбек Баймұратов, Ақбөпе Асқарова, Жадыра Байжанова, Жанат Дайрабаева, Гүлжайна Ерекешова, Жадыра Таширова, Қайырхан Тұрымтаев, Гүлжайна Сұңғатова, Гүлшат Наукебаева, Айнұр Қайруллаева, Әзимаш Жұмағалиева, Жұлдыз Жалғасбаева, Мөлдір Ешжанова, Айнұр Мадиярова, Қуаныш Садақбаев, Гүлнар Бүркітбаева және басқасы ауданымыздың тәрбие мен білім саласына ізденімпаздықпен өнегелі өрнектерін салып жүрген ұстаздар.Орта мектептен түлеп ұшып, републикаға танылған түлектер тіпті де көп-ақ. Олардың бірқатарын ел басқару ісінде көрсек, кейбірін өнерде, спортта, басқа да салалардан кездестіреміз. Сондай танымал азаматтың қатарында ақын, философ, аудармашы, зерттеуші-ғалым, саясаттанушы Әуезхан Қодардың, «Өрлеу» біліктілікті арттыру ұлттық орталығы» АҚ филиалының Қызылорда облысы бойынша педагогикалық қызметкерлердің біліктілігін арттыру институтының директоры Бауыржан Елеусіновтің, қоғам қайраткері, аудандық, облыстық деңгейде басшылық қызметтер атқарған Ырзақұл Сәденовтің есімдерін ерекше атауға болады.<blockquote>«Мектебіміздің педагогикалық ұжымы өткен жылдың қорытындысында аудан мектептері арасында «Ізденімпаз мектеп» номинациясын иеленді. Бұған өте қуаныштымыз. Бұл бір жағынан басшылық тарапынан біздің еңбегіміздің бағаланғаны болса, екінші жағынан марапат алдағы уақытта да ұжымның белсенді де ізденіспен еңбек етуіне септігі мол. Әрі қарай да осы жұмыстарымызды жетілдіріп, мемлекетіміздің болашақ кілті саналатын – балалар мен жас жеткіншектердің тәрбиесі мен білімі жолында аянбай тер төге беретін боламыз», – дейді мектеп басшысы Гүлнара Исақызы жарқын көңілде.</blockquote>Осылайша, №183 орта мектептің ұстаздары былтырғы жылды ізденімпаз мектеп қатарында аяқтап, оң нәтижелерін көрсетті. Бірақ, білім бір күн немесе бір жылмен тұрып қалатын дүние емес. Ол үнемі, әркез, әрдайым ілгерілеуді, өрлеуді қажет ететін сала. Сол үшін де еліміздің келешегі сапарында ерінбей қызмет етіп, заман көшінен озық түсетін, тәрбиелі де білімді азаматтар өсіріп шығаруда талмай еңбек ете береміз дейді ұстаздар қауымы.

Қармақшыдағы ізденімпаз мектеп

<a href="https://kyzylorda-news.kz/">Kyzylorda-news.kz.</a>&nbsp; 25 мамырдан кейін сабаққа себепсіз келмеген оқушының ата-анасы ғана емес, мектеп директорлары да жауапқа тартылатын болады.Бұл жөнінде оқу-ағарту министрлігі оқу жылының аяқталуына қатысты шұғыл жиында айтты.<blockquote>"Кәмелетке толмаған баланың тәрбиесі мен біліміне қатысты міндеттемелерді орындамау екі тараптың жауапкершілікке тартылуын көздейді", - деп мәлімдеді ведомстодағылар.</blockquote>Жиын барысында оқулықтарды оқу жылы аяқталмай жинап алған мектеп басшылары 15-тен 30 АЕК көлемінде айыппұл арқалайтыны айтылды.Естеріңізге сала кетейік, биыл оқу жылы 1 маусымда аяқталады.

Кітаптарды оқу жылы аяқталмай жинап алған мектеп басшыларына айыппұл салынады

<a href="https://kyzylorda-news.kz/">Kyzylorda-news.kz.</a> Сырдария ауданының мектептерінде «Мектеп театры» жобасы өткен жылы «Балалар жылына» орай басталғаны белгілі.&nbsp;Талантты оқушылардың басын біріктіретін бұл жобаның да мақсаты ауқымды. Мектеп оқушыларының шығармашылығын дамыту, өнерге баулу, балаларды елжандылыққа, адамгершілікке тәрбиелеу мақсатында іске асқан жоба балалардың жан-жақты дамуына жағдай жасайды. Үйірме мүшелері сахнада өздерін еркін ұстауға, кейіпкер бейнесін ашуға, қойылым мазмұнын түсініп, сахналауға үйренеді.Жақында аудандық білім бөлімінің әдістемелік кабинетінің ұйымдастыруымен осы жоба аясында "Театр – &nbsp;рухани тәрбие құралы" тақырыбында Айдарлы ауылындағы №139 орта мектепте облыстық семинар өтті.Адамды эстетикалық ізгілікке тәрбиелейтін құралдың бірі – театр. Мектептегі тәрбие бағытын толықтыру мақсатында қолға алынған "Мектеп татры" жобасымен әрбір білім шаңырағында үйірмел жұмыс жасайды. Семинарға &nbsp;Қызылорда қаласындағы Н.Бекежанов атындағы қазақ музыкалық академиялық драма театрының әртістері С.Төлепов, А.Артықбаева, &nbsp;Н.Сыздықбаев, М.Мәметова атындағы педагогикалық жоғары колледжінің «Ассорти» студенттер театры актрисасы Ж.Тулегенова, А.Мамзада, облыстық оқу орталығының бөлім меңгерушісі Г.Ақмырзаева, аудандық білім бөлімінің әдіскерлері Қ.Қалжанова, С.Сақтағанова, Арал, Қазалы, Қармақшы, Жалағаш, Шиелі, Жаңақорған аудандарынан келген өкілдер және &nbsp;аудандағы 17 мектептің жоба жетекшілері қатысты.&nbsp;Семинарда Б.Мұқайдың «Раушан гүлі» драмасынан қойылым, қуыршақ театры В.Сутееваның «Саңырауқұлақ саясында» ертегісі, &nbsp; «Бейбіт күн жасасын әлемде!» тақырыбында көлеңке театры, «Ғажайып мекен» ертегісінен қойылымдар көрсетті. Семинарға қатысушылармен мотивациялық кездесу ұйымдастырылды. Облыстық оқу орталығының бөлім меңгерушісі &nbsp;Гүлайым Ермекбайқызы, аудандық білім бөлімінің әдіскерлері Қаракөз Қаршығақызы семинарды қорытындылап, мектеп басшылығына, мектеп ұжымына алғыстарын білдіріп, семинардың жоғары деңгейде ұйымдастырылғанын атап өтті.&nbsp;<blockquote>&nbsp;Айдарлы ауылында бұрыннан театрдың негізі қаланған. Мұнда халық театры өзінің көрермендерінің көзайымына айналған. Ал, ауыл мектебіндегі шағын театр ұжымы да жыл бойына мектеп сахнасына көптеген қойылымдар әзірлеп келеді. Жалпы баланың сөйлеу мәнерін жақсарту, көпшілік алдында өзін ұстай білу, жан-жақты дамуына ықпал жасауға мектеп тетарының берері көп. Бүгінгі семинарда облыстан келген меймандар театр жұмысына жоғары баға берді. Балалар кәнігі әртістер секілді өз образдарын ашып, көрерменнің жүрегіне жол тапты, – дейді аудандық білім бөлімінің әдіскері Қаракөз Қалжанова.&nbsp;</blockquote>Семинар соңында үйірме мүшелеріне марапаттар табысталып, көрермендер жақсы әсер, керемет көңіл-күймен тарқасты. &nbsp;

Айдарлыда облыстық семинар өтті

<a href="https://kyzylorda-news.kz/">Kyzylorda-news.kz.</a> Айтбай Хангелдин атындағы №179 орта мектебінде «Жұлдызды Ұстаз – 2023» атты салтанатты қорытынды шара өтті. Салтанатты жиында 2022-2023 оқу жылының қорытындысы негізінде оқушылары додадан оза шапқан ұстаздар марапат төрінен көрінді.Шара барысында №179 орта мектептің кәсіподақ ұйымының ұйымдастыруымен өткізілген шарада биылғы оқу жылында толымды табысқа жетіп жүрген ұстаздар қауымының еңбектері еленді. Салтанатты жиында мектеп директоры Асқар Әнуарбекұлы биылғы оқу жылында жеткен жетістіктерге арнайы тоқталып, мектеп намысын қорғап жүрген ұстаздарға алғысын білдірді.Биылғы 2022-2023 оқу жылында №179 орта мектеп шәкірттері қалалық олимпиадалар мен ғылыми жоба байқауларында, оқушыларға арналған түрлі байқаулармен спорттық сайыстарда және «Ұлттық Лига» сайыстарында топ жарып жүлделі орындарға ие болды. Мектеп шәкірттері білім нәрімен сусындатып жүрген ұстаздар да кәсіби байқауларда алдыңғы қатардан көрініп, жүлделі орындардың иегері атанды. Жыл бойы атқарылған жұмыс нәтижесі мектеп абыройын асқақтатқаны анық.Жетістіктерге орай мектептің акт залында ұстаздарға құрмет көрсетіліп, «Жұлдызды Ұстаз – 2023» лентасы тағылып, сыйлықтар табысталды. Сонымен қатар мектеп жанындағы «Нұрбөбек» шағын орталығы ұжымына және мектептің кіші қызметкерлеріне арнайы сый-сияпат табысталды.

Мектеп ұстаздары марапат төрінде

<a href="https://kyzylorda-news.kz/">Kyzylorda-news.kz.</a> Қызылорда қаласындағы Әли Мүсілімов атындағы №101 мектеп-лицейінде төтенше жағдайда әрекет ету бойынша оқу-жаттығу өтті.Жаттығу Қазақстан Республикасының ҚР Премьер-Министрі Әлихан Смайыловтың тапсырмасы аясында ұйымдастырылды.Оқу-жаттығу барысында №101 мектеп-лицей директоры Айгүл Алтынбекқызы мен директордың тәрбие ісі жөніндегі орынбасары Ардақ Дүйсенбекұлы, «Алғашқы әскери дайындық» пәнінің оқытушы-ұйымдастырушысы Ерлібек Теңізбайұлы оқу-жаттығулардың мақсаты туралы таныстырды. Соның ішінде білім алушыларға террористік қауіпсіздік, сондай-ақ жол қауіпсіздігі, судағы қауіпсіздік, жеке қауіпсіздік туралы ақпарат берілді.&nbsp;Дайындықта «Мектеп объектісінде терроризмге қарсы қорғауды ұйымдастыру жөніндегі нұсқаулық» аясында бекітілген алгоритмдер тәжірибе жүзінде пысықталды. Төтенше жағдайдың алдын алу және одан қорғану шаралары бойынша түсіндірме жұмыстары жүргізілді. Сондай-ақ, мектеп ұжымына терроризмге қарсы қорғауды ұйымдастыру жөніндегі алгоритмдер нұсқамасы беріліп, тиісті деңгейде орындалуы қадағаланды.&nbsp;Одан бөлек оқушыларға нұсқау беріліп, қызметкерлер мен білім алушыларды жедел эвакуациялау ұйымдастырылды. Мамандар техникалық құралдардың яғни, дабыл түймесі және бейнекамералардың жұмыс істеуі тексерілді.Техникалық құралдардың тұрақты жұмыс істелуін, қауіп төнген жағдайда оқушылар, мұғалімдер мен қызметкерлердің қауіпсіздікті сақтап, жедел әрекет етуіне бағдарлауды мақсат еткен шаралар жүргізілді.

Қызылордалық оқушылар төтенше жағдайдағы әрекет бойынша дайындықтан өтті

<a href="https://kyzylorda-news.kz/ru">Kyzylorda-news.kz.</a> Әр адамның бойында білімге бейімділік, ғылымға қызығушылық, жаңаны танып білуге деген талпыныс, ұлы мұраттарға ұмтылыс болады. Тек құлшынысты оятып, қабілетті жетілдіріп, шыншылдықпен шыңға шығудың жолын қарастырған ләзім. Оқуды ой азығы десек, білімнің қайнар көзін де таусылмайтын кен ретінде қарастырамыз. Өйткені, адам өмір бойы ғылым жолына түсіп, жаңа білім алуын тіпті тоқтатпауы мүмкін. Асылында, адамзат ізденімпаздықтың ізгілікке жетелейтінін, білімді болумен бағы жанатынын жақсы біледі. Өйткені, алтын ұя аталған мектеп қабырғасында 11 жыл уақытын өткізсе, кейін таңдауына сай, қалауына сәйкес университет, колледжде оқуын жалғастырып, әрі қарай еркіне байланысты магистратура, докторантураға тапсырады. Білім алудан қашқақтамайтын, жаңашылдықтан жалтақтамайтын жандар түйсік-танымын түгендеп, қоғамнан, жалпы өмірден өз орнын таба алатыны ақиқат. Әсте, сауықшылдыққа ғана емес, сауатты болуға сарп еткен уақыттың текке кетпесі тағы рас. Білімді болу жетістікке жөн сілтеп, мақсатқа қол жеткізуге негізгі үлкен мүмкіндік. Сондықтан балаға ақылды айнымас серігі етіп, озық ойлы болу керектігін жиі қаперге салатынымыз да сол.Бүгінде білім саласына көп көңіл бөлініп, оқушылардың сапалы білім алуына жағдай жасалуда. Бюджеттен бөлінген есепсіз қаржы да есебін тауып, қажетті деген құрылысқа құйылып, берекелі һәм нәтижелі бастамалардың негізі болып отыр. Бала келешегіне күдікпен емес, үмітпен қарайтын ата-ана да білім саласындағы бірқатар жаңалықтарды назардан тыс қалдырмайды. Тиісінше, өскелең ұрпақтың ертеңгі ел сенімін ақтайтынын білетін мемлекет пен басқармалар кез келген түйткілді мәселенің түйінін тарқатуға бек әзір. Әсте, бір жылда атқарылған ауқымды жұмыстар соның айғағы. Осы орайда, баспасөз қалалық білім бөлімінің басшысы Ерлан Боданов білім саласында 2022 жылы атқарылған жұмыстардың қорытындысы мен алдағы міндеттер туралы баяндаған болатын.Мұғалім – мектептің жүрегі. Ұлағатты ұстаздар барда сапалы білімді сіңірген саналы оқушылар қалыптасары анық. Оқуға ынтасы зор ықтиятты шәкірттерді қанат қақтырып, білім беруден жалықпайтын мұғалімдердің біліктілігі басты орында. Осы ретте, білім бөліміне қарасты мектептерде жоғары санатты мұғалімдердің бары әрі көптігі көңіл қуантты.Мектеп бітірген түлектер ҰБТ сынағынан сүрінбес үшін дайындықты күшейтіп, күні-түні оқудан бас алмайды. 11 жыл алған білімін құрдымға жібермей, ата-ана мен ұстаздың үмітін, мектептің сенімін ақтау үшін, болашақтағы арман-мақсаттарының негізін қалау үшін тырысып бағады. Әр оқушының ұлттық бірыңғай тестілеуде ұнжырғасы түспесін деп шыр-пыр болатын мектеп ұжымы да, білім бөлімі де қажетті көмек көрсетуге, ынталандыруға әрекет етеді. Өткен оқу жылында ҰБТ қорытындысы бойынша алдыңғы қатардан көрініп, ең жоғары көрсеткіш көрсеткен де қала мектебінің оқушысы. Әлбетте, бұл қол соғып қошеметтерлік қуаныш.Талаптылар білімнің қуатты күш екенін қаперде ұстап, жан-жақты болудың кілтін тапқанда ілгерілеуде меселі қайтпай, талпынғанда аяғына тұсау ілікпейтіні белгілі. Әсте, оқумен ғана шектелмеген жас өскін әлденені зерттеп, беймәлімді білуге, ғылымға бетбұрыс жасауда да жасықтық пен жасқаншақтыққа жол берген емес. Осы ретте, баланың бетін қақпай, белін буа білген, талантты танып, дамылсыз ізденетін дарындыны қолдау мақсатында үйірмелермен қамтыды. Мәселен, робототехника, бастапқы техникалық модельдеу, авиамодельдеу, мотомодельдеу, 3D және ІТ модельдеу үйірмелеріне жазылып, өз жұмыстарын жүргізіп, республикалық және облыстық байқауларда жүлделі орындарға ие болып келеді. Әрқашан озық һәм озат болуға ұмтылған оқушылардың мұндай жетістігі де мақтануға тұрарлық.<blockquote>– Бүгінде білім бөліміне қарасты 55 мектепте 68268 бала білім алуда. Онда 7336 мұғалім дәріс береді. 2021-2022 оқу жылында 2480 оқушы бітіріп, оның ішінде 1259 мектеп бітіруші грант иегері атанды.Қазірде қалалық білім бөліміне қарасты 5 қосымша білім беру ошақтарында 5766 бала заманауи техникалық үйірмелермен қамтылып, республикалық және облыстық байқауларда жүлделі орындарға ие болып келеді. Сонымен қатар, мектеп жанындағы спорттық секциялар, үйірмелер, аула клубтары жұмысы да жүйелі жолға қойылған. Мектептер жанынан 640 спорт секциялары жұмыс жасап, оған барлығы 17325 бала, ал мектептердегі 521 үйірмеге барлығы 14372 оқушы қамтылды,- деді білім бөлімінің басшысы Ерлан Теңізбайұлы.</blockquote>Бүгінде қала мектептерінде ыстық тамақпен 34457 оқушы қамтылып отыр. Оның ішінде 28363 оқушы 9 қаңтардан бастап барлық мемлекеттік білім беру мекемелеріндегі 1-4 сынып оқушыларына әлеуметтік статусына қарамастан бір реттік ыстық тамақ берілуде.Бүгінде білім саласындағы өзекті мәселелердің бірі – ерекше білім беруге қажеттілігі бар балаларға жағдай жасау. Өйткені, әрбір бала денсаулығына немесе қандай да бір кемістігіне байланысты қоғамнан шет, ортадан бөлектеніп қала алмайды. Бәрінің бірдей білім алуға құқығы бар. Мәселенің мәнісін тауып, шешім шығаруға дайын білім бөлімі аталған санаттағы балалардың емін-еркін қажетті білім алуы үшін түрлі тәсілдерді қарастырып, қуантарлық қорытынды жасауға тырысып келеді. Зерек балалардың жағдайына зер салып, үміт отын сөндірмей, зейінін ашуға бағытталған жұмыстар жүйелі болатынына сенім мол.<blockquote>– Бүгінде барлық әлем жұртшылығының назарын аударып отырған мәселе балалардың жеке сұраныстары мен ерекшеліктеріне ортаның, отбасының қатысуымен білім беру үрдісіне толық қосуды қарастыратын инклюзивті білім беру жүйесі. Бүгінгі күні психологиялық-дәрігерлік-педагогикалық консультациялар есебі бойынша қалада ерекше қажеттілігі бар балалар саны 3715 баланы құрайды. Оның ішінде 0-6 жас аралығында 1189, 6-18 жас аралығында 1712, мүгедектігі бары 1741 бала.Білім мен ғылымды дамытудың 2020-2025 жылдарға арналған мемлекеттік бағдарламасына сәйкес, инклюзивті білім алуға жағдай жасаған мектептердің үлесін арттыру мақсатында Қызылорда қаласы бойынша жалпы білім беретін 55 мектептің ішінен 42 мектепте арнайы мамандар жұмыс жасауда. Қала бойынша 39 мектепте инклюзивті білім беруге жағдай жасалынған, бұл барлық мектептердің 71 пайызын құрайды,- деді Ерлан Боданов.</blockquote>Білімге қатысты қандай да бір бағдарламаның бастауы, жобаның жүйелілігі жаман емес. Өйткені, біразында қамығып, қапаланатын жағдайдан гөрі нақты нәтижелер басым. Содан болар, білім саласында айтып ауыз толтыратын өзгерістер мен жетістіктер жетіп артылады. Әсте, білімнің қара шаңырақтарының тапшы болмағаны игі. Білімге қатысты игілікті іс көбейсе, оқу ордаларынан таудай талапты шәкірттер қанат қағатыны сөзсіз. Қызылорда қаласында мектеп құрылысының қарқын алатыны көпті қуантып қойды. Ерлан Теңізбайұлы мектеп құрылысы жөнінде де тілге тиек етті.<blockquote>– Өткен жылы №10 Ы.Алтынсарин атындағы мектепке күрделі жөндеу жұмыстары жүргізіліп, Айнакөл ауылындағы №175 орта мектеп ішінде орналасқан автономды бу қазандығын сыртқа шығарылды. Сондай-ақ, №261 мектеп пен «Күнекей» балабақшасы ғимараты көгілдір отынға қосылды. Бұл жұмыстардың жалғасы ретінде үстіміздегі жылы 4 мектепке, яғни №15, №212, №211, 222 мектептеріне толық күрделі жөндеу жұмыстары жүргізілетін болады.Биыл Қызылорда қаласында мектеп құрылысы қарқын алмақ. «Жайлы мектеп» ұлттық жобасы аясында облыс орталығынан заманауи үлгідегі 8 мектеп салу жоспарланған. Оның бесеуінің құрылысы биылғы жылы басталады. Атап айтқанда, «СПМК-70» мөлтек ауданынан 2000 орындық және «Арай-3» мөлтек ауданы бойынша 2000 орындық, Сырдария өзенінің сол жағалауынан 900 орындық, КБИ мөлтек ауданынан 600 орындық, Қызылжарма елді мекеннен 900 орындық мектеп құрылысы басталады. Сонымен қатар, Қызылорда-Жезқазған трассасы бойындағы 600 орындық мектептің құрылысын биыл аяқтап, маусым айында пайдалануға беруді жоспарлап отырмыз,- деді ол өз сөзінде.</blockquote>Білімнің кірпіші қалана берсе, ілгерілеудің де іргетасы қалыптасады. Бүгінде бәсекеде бүгілмейтін, олимпиадада орға жығылмайтын, сайыста сүрінбейтін кіл мықтылар көп. Түрлі деңгейдегі байқауларда бағын сынаудан қорықпайтын білімпаздардың құлшынысын көргенде, көздегі жалынды ешкім сөндірмейтініне де соншалықты сенімді боласың. Ал, сапалы білім беруде сан жолды қарастырып отыратын басшылықтың жұмысы көтермелеуге лайық. Өйткені, өткен жылда атқарылған ілкімді істерге айтатын наз да, тағатын айып та жоқтың қасы. Алдағы уақытта жүргізілер жұмыстар тінін тарқатпай, жүйесін жоғалтпаса айтулы сала талай белесті бағындырмақ.

Аймақтағы білім саласының көрсеткіші қуантады

<a href="https://kyzylorda-news.kz/">Kyzylorda-news.kz.</a> Мәншүк Мәметова атындағы Қызылорда педагогикалық жоғары колледжінің мәжіліс залында &nbsp;облыстық ұйымның Кеңес отырысы болып өтті. Кеңес мүшелері өткен жылғы Кәсіподақ қызметінің қорытындыларын талқылап, алдағы кезеңге арналған міндеттерді айқындады.<blockquote>«2022 жыл біз үшін нәтижелі жұмыс жасалған жыл болды. Облыстық кеңес пен мүшелік ұйымдардың тәжірибелік жұмысы жоспарланған іс-шараларды орындауға, оның ішінде сала қызметкерлерінің еңбек және әлеуметтік-экономикалық мәселелерін шешуге, кәсіподақ мүшелерін жан-жақты қолдауға бағытталды. Осы ретте бірлескен табысты жұмыстарымыз үшін кәсіподақ активіне және әлеуметтік әріптестерімізге ризашылығымды білдіремін. Біздің алдымызда кәсіподақ қызметінің тиімділігін одан әрі арттыру бойынша бірқатар міндеттер тұр. Кеңес отырысының негізгі мақсаты − осы жұмыстағы басымдықтарды талқылау мен айқындау», − деген &nbsp;комитет төрағасы Гүлнар Есқалиева бірлескен жұмысты әрі қай дамытуға шақырды.</blockquote>Әрі қарай комитет төрағасы Кәсіподақ ұйымы қызметіндегі Қазақстан Республикасының «Педагог мәртебесі туралы» Заңын іске асыру жұмысыны туралы хабарлама жасады.Облыстық кәсіподақ ұйымы мен Қызылорда облыстық білім басқармасының бірлескен шешіміне сәйкес педагогтардың кәсіби әлеуетін арттыруға арналған шаралардың жүзеге асырылу &nbsp;барысы туралы облыстық білім басқармасының әдістемелік &nbsp;оқу орталығының директоры Сырым Асқаров пен Аймақтық дене тәрбиесі методикалық &nbsp;орталығы спорт және ұйымдарастыру бөлімінің басшысы Бағлан Танмамбетов толығырақ баяндады.Кәсіподақ қызметінің басым бағыттары бойынша атқарылған жұмыстар есебі тыңдалған соң Кеңес мүшелері сөз сөйлеп, пікірлерін ортаға салды. Сөз алғандар саладағы түйткілді мәселелерді қозғай отырып, ұсыныстарын жеткізді. Барлық талқыланған мәселелер бойынша кеңес мүшелері Кеңес отырысы қаулысының жобасын бірауыздан қолдады.

Білім қызметкерлері кәсіподағының кеңес отырысы өтті

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысының әкімі Нұрлыбек Нәлібаев бастаған облыс делегациясы 22 мамырда Корея Республикасының Сеул қаласына іссапармен барды. Делегация құрамында Қызылорда облысының әкімі Нұрлыбек Нәлібаев, Қазақстан Республикасының Кореядағы Төтенше және Өкілетті Елшісі Бақыт Дүйсенбаев, облыстық мәслихат төрағасы Наурызбай Байқадамов, Қорқыт ата атындағы Қызылорда университетінің ректоры Бейбіткүл Кәрімова бар.Іссапардың алғашқы күні делегация мүшелері білім және ғылым салаларында ынтымақтастық орнату үшін Шинхан университетінің президенті Канг Сонг Чонг мырзамен кездесті. Әлеуметтік ғылымдар бағыты бойынша маңдайалды ЖОО-лардың бірі – Шинхан университеті 1960 жылы құрылған.Кездесуде Канг Сонг Чонг мырза Қызылордада университет филиалын ашуға ынталы екенін білдірді. Осы ретте алдағы 20-30 жылдықта өңірдің еңбек нарығында қандай мамандықтардың сұранысқа ие болатынын екіжақты зерттей келіп, жоғары оқу орнын ашу жоспарлануда. Осы мәселелерді әрі қарай пысықтау үшін алдағы шілде айында Шинхан университеті президентінің Қызылордаға іссапарын ұйымдастыру көзделген. Еңбек нарығының болашақтағы бағыты зерттелгеннен кейін Шинхан университетінің филиалы қандай мамандықтар бойынша ашылатыны нақтыланады.Корея Республикасындағы іссапар Сеул Ұлттық ғылыми-техникалық университетінің Президенті Ли Донг Хун мырзамен кездесумен жалғасты. Жиынға ҚР Ғылым және жоғары білім министрі Саясат Нұрбек вице-министрлермен бірге онлайн қосылып, бастамаларға қолдау көрсетілетінін айтты.Президент Қасым-Жомарт Кемелұлы Тоқаевтың білім сапасын арттыру үшін әлемдегі озық жоғары оқу орындарының филиалдарын елімізде ашуды тапсырғаны белгілі. Бұл ең алдымен білікті мамандарды оқытып шығаруға, жоғары технологияларды игеруге жол ашады.Корея мен Қазақстан арасында жоғары білім саласындағы екіжақты ынтымақтастықты дамыту үшін биыл Халықаралық ынтымақтастық жөніндегі жетекші университеттік жоба әзірленді. Жоба Корея Республикасының Үкіметінде мақұлданып, Білім министрлігінен гранттық жоба ретінде 1 млрд теңгедей қаржы бөлінеді.Сондай-ақ, университет проректорлары, институт директорлары мен кафедра меңгерушілері және де түрлі салалар бойынша құрылым басшылары 16 мың студенті, 9 факультеті, 300 оқытушы-профессоры бар Сеул Кибер университетімен танысты.Университет басшылығы алдағы уақытта Сеул Кибер университетімен әріптестік байланысты нығайтып, бірлескен жобаларды атқару жөніндегі келісімге келді.<figure class="image"><img src="https://knadmin.beoblood.kz/uploads/347434824_707267324504578_8764509409672333584_n_4d98280909.jpg" alt="347434824_707267324504578_8764509409672333584_n.jpg"></figure><figure class="image"><img src="https://knadmin.beoblood.kz/uploads/348851487_246670861384561_5927337041038792129_n_7029874656.jpg" alt="348851487_246670861384561_5927337041038792129_n.jpg"></figure>&nbsp;<figure class="image"><img src="https://knadmin.beoblood.kz/uploads/348946604_639786564267374_6630152952632611898_n_7d2762a1d4.jpg" alt="348946604_639786564267374_6630152952632611898_n.jpg"></figure>&nbsp;<figure class="image"><img src="https://knadmin.beoblood.kz/uploads/349130660_1389113394966096_3160525898221007750_n_6d28b3d24f.jpg" alt="349130660_1389113394966096_3160525898221007750_n.jpg"></figure>&nbsp;<figure class="image"><img src="https://knadmin.beoblood.kz/uploads/348862103_130844856631048_1824340909723594332_n_25a8ff1f0d.jpg" alt="348862103_130844856631048_1824340909723594332_n.jpg"></figure>

Қызылордада Сеул ұлттық ғылым және технологиялар университетінің жасанды интеллект мектебі ашылады

<a href="https://kyzylorda-news.kz/ru">Kyzylorda-news.kz.</a>&nbsp;Бүгінде көп жастар шет ел асып білім жолын қуғанды құп көреді. Осыдан соң өзге елдің мәдениеті, тұрмыс-тіршілігімен танысып келген олардың ойлау қабілеті де қарымды болары сөзсіз. Кез келген ортада ерекшеленіп, ойын ашық айтып, көпшілікпен тіл табысып кетуі де тез. Тіпті шет елде сапалы білім алып, білікті мамандар қатарын толықтыруы үшін барлық мүмкіндіктер қарастырылған. Қазірдің өзінде әлемнің үздік жоғары оқу орындарында білім алып жатқан қазақстандықтар қаншама?! Мұндай жастар қатары Қазалы ауданында да бар. Жуырда Түркияның Нийде қаласында орналасқан Омер Халисдемир университетінде білім алып жатқан жерлесіміз Айсәуле Қаржаубаймен сұхбаттасудың сәті түсті.– Айсәуле, өзге елде білім алу туралы ой қайдан келді? Әлде Түркияда оқу туралы ұсыныс жасағандар болды ма?– Нақты біреу жол көрсетті деп айта алмаймын. Өйткені шет ел көру менің бала күнгі арманым болатын. Алып мемлекеттерді аралап, олардың тұрмыс-тіршілігімен танысып, саяхаттауды қалайтынмын. 2020 жылы №266 мектеп-лицейді бітіргеннен кейін Түркияның Нийде қаласындағы Омер Халисдемир университетіне құжат тапсырдым. Бағыма орай осы білім ордасының студенті атану бұйырды.Шынында шет елге кетіп білім жолын қуамын деген адамға мүмкіндік өте көп. Оған елдегі бағдарламалар дәлел. Соның арқасында талай жас өзге мемлекеттерде болып, өзін шыңдап келді. Бірақ мен бағдарламамен емес, тікелей осында келдім. Ал Түркиядағы білім ошақтарына «Түркия бурслары» деген бағдарламамен де түсуге болады.– Бүгінде шет елде білім алған қазақстандықтардың көпшілігі сол жақта қызметте қалуды көздейді. Сізде мұндай ой жоқ па?– Рас. Жат елге жеткен жеткіншек әуелгіде онда үйренісе алмағанымен, кейін сіңісіп кетеді. Сосын ондағы мүмкіндіктің көп екенін, жұмыс орындарда жалақының жоғары екенін айтып тұрақтап қалады. Мүмкін ол да дұрыс шығар. Алда не күтіп тұрғанын білмейміз. Мен де нақты ештеңе айта алмаймын. Барлығы уақыттың еншісінде. Бірақ әрбір жат жердегі қазақ баласы сол жақта алған тәжірибесімен Қазақстанға келіп жұмыс жасауы қажет.– Түркияға барған бастапқы уақыттағы өзгерістерді қалай қабылдадыңыз? Тіл мәселесі қаншалықты қиындық туғызды?– Әрине ол уақыт алды. Бірақ мәдениеті мен тілімізде ұқсастық болғаны үшін аса қатты қиын болмады. Түріктер өте қонақжай халық. Мұнда «қазақпын» десеңіз, жылы қабақ танытып, өздеріне жақын тартады. Күлімсіреп, ашық әңгімелерін айтады. Бастапқыда сөйлесу, түсінісуді білгеніммен өз мамандығымдағы терминдер қиындық тудырғаны рас.Айтпақшы, мұнда шет елден келген студенттер бірден оқуды бастап кете алмайды. Ол үшін сіз арнайы 1 жыл тіл курсынан өтіп, сертификат алғаннан кейін ғана сабақты бастап кете аласыз.– Түркияны сипаттап берсеңіз? Сол жақтағы жерлестер жиі бас қосып тұрасыздар ма?– Қонақжайлылығынан қазақтан кем түспейтін түрік ұлты үйіне келген қонақты жоқ дегенде бір кесе шай ішкізбей жібермейді. Қазақтармен бірге өскен түріктер арасында нан ауыз тию салты да қалыптасқан. Алғыс айту, кешірім сұрау қарапайым түрік ұлтына тән қасиет.Жалпы мұсылман қауымның әдет-ғұрыптары бірдей болмаса да, ұқсас келеді ғой. Мысалы, түріктер де туыстық жақындықты әке жағынан есептейді. Қазақтар сияқты құда түсу салты да бар. Мұнда жаңа жыл немесе туған күн деген жоқ. Көбіне тойлана бермейді. Сосын біз білетін «Тутамас» әнін Түркияда айтуға болмайды. Білуімше, осы әннің әсерінен сәтсіз махаббатқа ұшыраған жасөспірімдер әннің сөзін қағазға жазып, өмірімен қош айтысқан. Сондықтан бұл туындыны орындауға қатаң тыйым салынған.Түркияда білім алып жатқан Қазақстандықтар аз емес. Көбіне сабақтан босай бермейміз. Дегенмен ара-тұра мерекелерде, демалыстарда бас қосып тұрамыз.– Білуімізше, архитектор мамандығын алып шығасыз. Неге бұл мамандықты таңдадыңыз? Алдағы уақытта елден осы салада жұмыс таппай қаламын деп қорықпайсыз ба?– Жаныма жақын болғаны осы мамандық. Бұл сала ешқашан өз маңыздылығын жоғалтпайды. Яғни, құрметті мамандық деп толықтай айта аламын. Архитекторлар болмаса қала жобалары көріксіз болар еді. Мұнда суретшілік өнерің болмаса барлығы қиын болады. Әртүрлі құрылыстың дизайндарын ойластырып, үздіксіз шығармашылық жұмыстарын жасап жүруің қажет. Елде осы салада еңбек етіп жатқан жандар жеткілікті. Оның үстіне, білікті маман кез келген жерден жұмыс таба алады. Мен де өз саламның үздігі болу үшін қазіргі таңда көп ізденіс үстіндемін.– Қазақстанда сәулет-құрылыс өнері қандай деңгейде? Біздің елдегі осы тұрғыда жасалған жұмыстар туралы не айтасыз…– Қазақстанның тарихи және заманауи архитектурасы өте бай. Біздегі бір ерекшелік – жаңа туындыларда заманауи архитектураны ғана қолданып қана қоймай, тарихи сәулетімен ұштастырып ерекше туынды шығаруы. Сондықтан да сәулет-құрылыс өнерінің деңгейі жоғары.Маған Нұр-Сұлтан қаласының архитектурасы қатты ұнайды. Сондай-ақ ондағы осы саладағы мамандар әр уақытта әлем назарын аудартар жаңа туындылармен таң қалдыруын жалғастыруда. Өз басым алдағы уақытта сәулет өнерін дамытуға үлкен үлесімді қосқым келеді. Көптеген елдің сәулет өнерімен танысып, ерекше туындылар жасағым келеді.– Әңгімеңізге рақмет!

Айсәуле Қаржаубай: Білікті маманға жұмыс қай кезде де табылады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Мұхамедғали Сужиков атындағы №6 мектепте &nbsp;«Өнер – өшпес қазына» апталығы аясында «Мамандығым – өмірлік кәсібім» тақырыбында кездесу өтті. Түрлі сала мамандары қатысқан шарада мектептің бітіруші түлектері, яғни 9 және 11 сынып оқушылары өз сұрақтарын қойып, алдағы жоспар-мақсаттарымен бөлісті.Кездесуге Қызылорда облыстық «Жастар ресурстық орталығының» психолог маманы Г.Нетбаева, «Дана» дамыту орталығының құрылтайшысы, практик-психолог Г.Бабаомарова, «Локомотив» депосының ардагер қызметкері Т.Нұрмаханов, «Мади Қажы» жауапкершілігі шектеулі серіктестігінің агрономы Д.Орынбеков және М.Мәметова атындағы Жоғары педагогикалық колледжінің тәжірибе бөлімінің басқарушысы А.Жалдыбаевалар арнайы қатысты. Шара қонақтары мектеп оқушыларына мамандық таңдаудың маңыздылығын айтып, өз қызметтерінің қыр-сырымен бөлісті.Сонымен мамандық таңдауда оң шешім қабылдаудың, өзінің бойындағы қасиетін танудың, дұрыс шешім қабылдаудың оң тұстары жайлы кеңестерін берді. Оқушылар қонақтармен сұхбаттасу барысында өздерін &nbsp;мазалаған сұрақтарына жауап алды. Психолог мамандары мамандық таңдауда нендей жайттарға көңіл бөліп, назар аудару керек екенін атап өтті. Мамандарға ситуациялық сұрақтар қойылып, оқушылармен психологиялық тест ойнатылып, қатысушы оқушылар көптеген жаңа мағлұмат алды.Кеш соңында маман иелері бітіруші түлектерге сәттілік тілеп, жақсы маман иелері болуларына тілектестік білдірді.

Қызылордадағы мектепте «Мамандығым – өмірлік кәсібім» атты кездесу өтті

<a href="https://kyzylorda-news.kz/ru">Kyzylorda-news.kz.</a> Жалағаш ауданында соңғы жылдары тың серпінмен ілгерілеген бірден-бір сала болса, ол – білім. Ұбт көрсеткіші бойынша жалағаш жақсы нәтижеге қол жеткізіп жүр. Бұл тұста ұлағатты ұстаздардың еңбегі ерен. олар шәкірт тәрбиелеуде ауқымды іс тындырды. Өйткені бүгінгі жас ұрпақ білімді болса, елдің келешегі кемел болары анық. жастардың білімді болуы жаһандық дәуірде бәсекеге қабілетті мемлекеттің негізін қалауына жол ашады.Иә, бүгінгі ғасыр, жаһандану дәуірі мемлекеттерді бір-бірінен білім, ғылым, үздіксіз даму мен бәсекеге қабілеттілік арқылы ажыратып қойды. Дамушы елдер дамыған елдің осы жолдағы озық тәжірибелерін тұтынады. Біздің ел де қазір даму үстінде. Мақсат – дамыған отыздыққа ену, Мәңгілік Ел болу. Осы тұрғыда мемлекеттік саясаттың, қолдау мен көмектің басым бөлігі білім саласына бағытталып, бәсекеге қабілетті мамандар даярлауға басымдық берілуде. Әсіресе білімді ұрпақ тәрбиелеуде жасалып жатқан жұмыстың жүйесі көңіл көншітеді. Ал аудан педагогтарының салаға серпін берудегі жүйелі жұмысы мен табандылығы саланың дамуына үлкен сеп болуда.&nbsp;Жалпы, Жалағаш ауданында 20 мектеп жұмыс жасайды. Балаларды ыстық тамақ, киім-кешекпен қамту жайы да жолға қойылған. Жалпыға міндетті оқу қоры аясында тиісті көмек түрлерін алатын арнайы санаттағы отбасылардан шыққан 3 944 бала ыстық тамақпен қамтылуда. Оның 2045-і атаулы әлеуметтік көмек алатын отбасылардың балалары болса, аз қамтылған отбасы балалары және 1899-ы – бастауыш сынып оқушылары. Қосымша білім беру ұйымдары да аудандағы білім саласының қарқын алуына, оқушылардың мектеп қабырғасындағы білімдерін одан ары жетілдіріп, өнерге, түрлі үйірмелерге баулуға да жұмыс жасап келеді. Аудандағы 1 оқушылар үйі, 1 өнер мектебі және 2 спорт мектебінде 2 300 бала қосымша білім алуда.&nbsp;Қуантарлығы, Жалағаш ауданының түлектері ұлттық бірыңғай тестілеуде жыл сайын абыройымызды арттырып, мерейімізді асырып келеді. ҰБТ қорытындысымен алдыңғы қатардан көрініп жүрген ауданымыз білімді, бәсекеге қабілетті жастарды түлетуде көпке үлгі боларлықтай. Ал биылғы оқу жылында 356 бітірушінің 333-і ҰБТ-ға қатысады. «Алтын белгі» 17 және «Үздік аттестатқа» &nbsp;42 &nbsp;бітіруші үміткер. Бітіруші түлектердің алдында үлкен білім сынағы тұр. Биылғы оқу жылында да мемлекет тарапынан 11 сынып оқушыларына ұлттық бірыңғай тестілеуге екі рет қатысуға мүм¬кіндік беріліп отыр. Ең жоғары нәтижесін оқушы конкурсқа ұсына алады.&nbsp;Айта кетейік, биылғы оқу жылы 31 мамырда аяқталады. Оқу жылын аяқтауға байланысты салтанатты шара 1 маусым Халықаралық балаларды қорғау күні аясында барлық мектепте бір уақытта өткізіледі.Аудандық білім бөлімінің мәліметінше, жазғы демалыс уақытында аудан бойынша 6 683 бала қамтылуы тиіс. Бұл жұмыстар бүгіннің өзінде қолға алыныпты. Яғни облыс көлемінде және облыстан тыс лагерлерге, Алматы, Шымкент, Жаңақорғанда, сондай-ақ Жалағаш кентіне қарасты «Ақтерек» лагеріне, туристік экскурсияларға оқушылардың 90 пайызын қамту жоспарда бар.Айта кетейік, күні кеше аймағымызда ұлттық бірыңғай тестілеу сынағы басталды. Аталған науқан Қызылорда қаласы, Қазалы, Жаңақорған аудандарындағы ұлттық бірыңғай тестілеу өткізу пунктінде 22 мамырдан 5 шілдеге дейін жалғасады. Бүгінде облыстағы 8 210 мектеп бітіруші түлектің 7421-і тестілеуге қатысуға өтініш білдірген. Ал кешегі алғашқы тестілеуде 286 түлек он бір жыл бойы алған білімдерін саралап, бағын сынады. Бұл тестілеу білім беру гранттарын тағайындау конкурсына қатысуға мүмкіндік береді. Бұл мүмкіндік балалар мен ата-аналардың сынаққа бойы үйренуі үшін берілген.Жалпы, білімі жоғары ұлт қана жаһандану талаптарына жауап береді. Ал заман талабына сай білімді ұстаз бәрінен қымбат. Мұғалімнің беделі төмен болған жерде тиісті білім де, тәрбие де болмайды. Ал мұғалім беделі ұстаздың білімімен бірге рухани-адамгершілік мәдениетіне тәуелді. Бұл тұста Жалағаш ауданындағы сала қызметкерлерінің еңбегін ерекше атап өтуге болады. Өйткені жүйелі жұмыс бар, жетістік те көп. &nbsp;

Қазақстан және Қызылорда облысының жаңалықтары: Білім