Kyzylorda-news.kz. Жаңа оқу жылының басында облыс орталығындағы үш ауысымдағы 6 мектептің 4-не 1850 орынға арналған қосымша ғимарат пайдалануға берілді. Бұған қоса, Бәйтерек мөлтек ауданынан пайдалануға берілген 600 орындық жаңа мектеп 2 мектептің сыйымдылық жүктемесін төмендетуге мүмкіндік берді.Осы жөнінде Өңірлік коммуникациялар қызметінің баспасөз алаңында облыстық білім басқармасының басшысы Асқарбек Есжанов айтты.<blockquote>&nbsp;Өткен аптада Шиелі ауданы, Байсын ауылында 250 орындық мектеп ғимараты ел игілігіне табысталды. Жыл соңына дейін Қазалы ауданы, Әйтеке би кентіндегі 250 орындық және Жаңақорған кентіндегі 300 орындық жаңа мектеп пайдалануға беріледі. Бұдан бөлек, «Білім беру инфрақұрылымын қолдау қоры» есебінен 8 мектептің құрылысын салуға тиісті ұсыныстар берілді. Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орындық 21 мектеп салынады, - деді Асқарбек Темірбекұлы.</blockquote>

«Жайлы мектеп»: Аймақта 12 300 орындық 21 мектеп салынады

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Сырдарияның сол жағалауынан бой көтерген жаңа шағын ауданға қоныстанушылар күн санап артып келеді. Бүгін осындағы «Orda school» мектебі жанынан салынған үшінші оқу ғимараты балалар игілігіне пайдалануға берілді.Облыс әкімі Нұрлыбек Нәлібаев білім ордасының ұстаздары мен оқушыларын жайлы да жаңа ғимараттың ашылуымен құттықтады.<blockquote>«Алаш қайраткері, ақын Мағжан Жұмабаев «Қазақтың тағдыры, келешекте ел болуы да мектебінің қандай негізде құрылуына барып тіреледі. Мектебімізді таза, берік һәм өз жанымызға үйлесетін негізде құра білсек, келешегіміз үшін тынбай-ақ серттесуге болады» деген сөзі баланы оқыту үшін ең бірінші жайлы да заманауи мектептің керегін еске салады. Жерлесіміз, мемлекет және қоғам қайраткері Мұрат Бақтиярұлының бастамасымен 2017 жылы мемлекеттік-жекеменшік әріптестік аясында салынған «Orda school» бастауыш мектебі өңірдегі іргелі білім ошақтарының қатарына енді. Бұл салаға инвестиция салған кәсіпкерлер аз емес. Қазірдің өзінде облыстағы 30 жеке мектепте 12 мыңға жуық оқушы білім алуда. Балаларымыздың болашағы жарқын болсын. Санасы сергек, ойы ұшқыр, бәсекеге қабілетті шәкірттеріміз көбейсін!» – деді аймақ басшысы.</blockquote>Рәсімде облыс әкімі мектеп ұжымына ҚР Парламенті Сенатының төрағасы Мәулен Әшімбаевтің құттықтау хатын табыстады.Іс-шарада Мұрат Бақтиярұлы жерлестерін құттықтап, Білім беру ісінің үздігі Серікбай Қошқаров жиналғандарға ақ батасын берді.Облыс әкімі мектеп ғимаратын аралап көріп, конференц зал, робототехника кабинеті, кітапхана, асхана, спорт залдың жұмысымен танысты.Айта кетейік, алғаш ашылған жылы «Orda school» мектебінде 180 бала білім алса, бүгінгі күні оқушы саны 2100-ге жетті. Мұнда 214 педагог оқушыларға білім беруде. Жаңа ғимаратта оқу кабинеттері, шығармашылық бөлмелер талапқа сай жасақталған. Балалардың жан-жақты дамуы мен демалуына барлық жағдай қарастырылған.Биыл Қызылорда облысында 2 жаңа мектеп пайдалануға берілсе, жыл соңына дейін Қазалы ауданы Әйтеке би кентіндегі 250 орындық, Жаңақорған ауданы Май бекетіндегі 300 орындық оқу ордасының ашылуы жоспарлануда. Өткен аптада Шиелі ауданы Байсын ауылындағы 250 орындық мектептің жаңа ғимараты табысталды. Бұдан бөлек, Қызылорда қаласындағы 4 мектепке 1850 орындық қосымша ғимараттар салынды.Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орынға лайықталған 21 мектеп салынуда. 10 мектептің құрылысы басталды, оның 5-еуі облыс орталығында. «Білімді қолдау қоры» есебінен 7,9 млрд. теңгеге дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүргізілуде.Биыл «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы салынады. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге музыкалық колледждің жаңа ғимаратының құрылысы басталмақ.<img src="https://knadmin.beoblood.kz/uploads/403900803_647571810897400_5104818265688555572_n_27dee0c8d8.jpg" alt="403900803_647571810897400_5104818265688555572_n.jpg"><img src="https://knadmin.beoblood.kz/uploads/403857971_647571724230742_2709856665533769715_n_f0c928a261.jpg" alt="403857971_647571724230742_2709856665533769715_n.jpg"><img src="https://knadmin.beoblood.kz/uploads/405075237_647572050897376_722058130210768347_n_c3d2cf0107.jpg" alt="405075237_647572050897376_722058130210768347_n.jpg"><img src="https://knadmin.beoblood.kz/uploads/403735804_647572010897380_2687956099797204678_n_f55006cac8.jpg" alt="403735804_647572010897380_2687956099797204678_n.jpg"><img src="https://knadmin.beoblood.kz/uploads/403900643_647572217564026_4507562661617980326_n_73d2cc4aeb.jpg" alt="403900643_647572217564026_4507562661617980326_n.jpg"><img src="https://knadmin.beoblood.kz/uploads/403832782_647572180897363_3507355601697092676_n_8438867152.jpg" alt="403832782_647572180897363_3507355601697092676_n.jpg">

Қызылордада жаңа жеке мектеп ашылды 

<a href="https://kyzylorda-news.kz/">Kyzylorda-news.kz.</a> Дүниежүзілік балалар күні қарсаңында елімізде республикалық акция басталған болатын. Мақсат – балалардың құқықтарын қорғай отырып, тиісті деңгейдегі қажетті шараларды қабылдау.Онкүндік науқанда облыстық білім басқармасының іс-шара жоспарына сәйкес білім беру ұйымдарында кездесулер, байқаулар, спорттық жарыстар, қайырымдылық шаралар ұйымдастырылуда.Ал кеше «Атамекен» отбасы үлгісіндегі балалар ауылында «Балалық шақты бірге қорғайық» тақырыбында құқық қорғау органдары, медициналық мекемелер, жұмыспен қамту орталықтары өкілдерінің қатысуымен кездесу өтті.Іс-шараға басқарма басшысы Асқарбек Темірбекұлы арнайы барып, балалармен бірге мерекелік кештің куәсі болды.Қонақтар әр отбасының тыныс-тіршілігімен танысып, «Тілек кітабына» ізгі лебіздерін жазып, қолтаңбаларын қалдырды. Сондай-ақ балалардың қолөнер бұйымдарынан жәрмеңке, сурет көрмесі ұйымдастырылды. Мерекемен құттықтаған қонақтар балаларға сыйлықтар үлестіріп, концерттік бағдарламаны тамашалады.<blockquote>«Отбасы үлгісіндегі «Атамекен» балалар ауылы жетім және ата-ананың қамқорлығынсыз қалған балаларға сапалы біліммен қатар саналы тәрбие беруге бағытталған мекеме. Балалар ауылында түрлі ұлт өкілдерінің балалары тәрбиеленуде, олар орыс тілімен қатар қазақ тілін де жетік меңгерген. Балалар ауылы өз жұмысын 2015 жылы 1 маусымда бастаған болатын. Қазіргі таңда «Атамекен» отбасы үлгісіндегі балалар ауылында 3 жастан 18 жас аралығындағы 47 бала тәрбиеленуде. Балаларға тәрбие беріп, олардың өмірде өз жолдарын табуға, нық қадаммен үлкен жетістіктерге жетуге бағыттауда өз үлесімізді қосамыз деген тілекпен қызмет жасап келеміз», - дейді «Атамекен» отбасы үлгісіндегі балалар ауылының директоры Лиза Скакова.</blockquote><figure class="image"><img src="https://knadmin.beoblood.kz/uploads/403052162_122109830168107916_38470823821057209_n_bc6be9795d.jpg" alt="403052162_122109830168107916_38470823821057209_n.jpg"></figure>&nbsp;<figure class="image"><img src="https://knadmin.beoblood.kz/uploads/403206936_122109830318107916_2680709670479350254_n_cd03060511.jpg" alt="403206936_122109830318107916_2680709670479350254_n.jpg"></figure>&nbsp;<figure class="image"><img src="https://knadmin.beoblood.kz/uploads/403048729_122109830390107916_7685325651608013884_n_ada258aa94.jpg" alt="403048729_122109830390107916_7685325651608013884_n.jpg"></figure>&nbsp;<figure class="image"><img src="https://knadmin.beoblood.kz/uploads/402983243_122109830438107916_2476068910325295334_n_c6b21a2df2.jpg" alt="402983243_122109830438107916_2476068910325295334_n.jpg"></figure>

«Атамекен» отбасы үлгісіндегі балалар ауылында 47 тәрбиеленуші бар

<a href="https://kyzylorda-news.kz/">Kyzylorda-news.kz.</a> Қызылорда облысы ПД Есірткі қылмысына қарсы іс-қимыл басқармасы жалпы білім беретін, арнаулы орта оқу орындары арасында нашақорлық проблемасына қатысты әлеуметтік зерттеулер жүргізуге байқау ұйымдастырды.Байқаудың негізгі міндеті облыс халқының нашақорлық проблемасына қатынасын анықтау болды. Байқауға 24 оқу орны қатысты. Олардың әрқайсысы нашақорлық пен есірткі бизнесіне қатысты сауалнама жүргізді.&nbsp;Байқау комиссияның шешіміне сәйкес Жалағаш ауданының №№123,201 мектеп – лицейлері, Шиелі ауданының №№49,127 орта мектептері, Қызылорда қаласының №271 орта мектебі, Арал ауданының №№262,73 мектеп-гимназиясы мен орта мектебі және Қармақшы ауданының №№183,85 орта мектептері жеңімпаз деп танылды.<figure class="image"><img src="https://knadmin.beoblood.kz/uploads/DVD_3_6b1b859a80.jpg" alt="ДВД3.jpg"></figure>

Әлеуметтік зерттеулер байқауының жеңімпаздары жарияланды

<a href="https://kyzylorda-news.kz/">Kyzylorda-news.kz.</a>&nbsp; Ауылдық жерлерде тірек мектептердің әлеуетін дамыту аясында Қызылорда қаласындағы Назарбаев Зияткерлік мектебінің ұстаздары Арал, Жаңақорған және Қармақшы педагогтеріне әдістемелік көмек көрсетуде.Бұған дейін NIS педагогтері Ж.Әбдірашов атындағы №62 мектеп-лицейнің, Т.Көмекбаев атындағы №250 мектеп-лицейінің және №286 мектептің білім беру үдерісіне, оқыту сапасына талдау жүргізіп, мықты және әлсіз тұстарын анықтады. Педагогтер арасында кездесетін қиындықтар бойынша ақпарат жинап, соның негізінде оқыту курстарының жобасын әзірледі.Алғашында Зияткерлік мектеп мұғалімдері ауылдық мектептерге барып практикумдар, семинар-тренингтер, кездесулер мен консультациялық алаңдар өткізді. Оның ішінде критериалды бағалау және бөлім бойынша жиынтық бағалау жұмыстарын жүргізуді, оқытуда сараланған әдіс-тәсілдерді тиімді қолдануды іс-жүзінде көрсетті. Педагог-кураторлар оқушылармен жүргізілетін тәрбиелік жобаларды таныстырып, ата-аналармен байланысты нығайтуға бағытталған әдістерді ұсынды. Сондай-ақ, мектептерде жаңадан ашылған информатика, STEM кабинеттеріндегі және жаратылыстану-математикалық бағыттағы пәндер бойынша заманауи зертханалардағы құрал-жабдықтарды пайдалануды үйретті.Сапар барысында 2024-2025 оқу жылында Назарбаев Зияткерлік мектептерінің 7-сыныптарына оқушыларды конкурстық іріктеуді өткізу тәртібі туралы үміткерлер мен ата-аналарына таныстырылды.<figure class="image"><img src="https://knadmin.beoblood.kz/uploads/402648069_3502703136726262_5485207061659884474_n_b81f80790a.jpg" alt="402648069_3502703136726262_5485207061659884474_n.jpg"></figure>&nbsp;<figure class="image"><img src="https://knadmin.beoblood.kz/uploads/402664068_3502702543392988_7964486341619664154_n_2f0401d254.jpg" alt="402664068_3502702543392988_7964486341619664154_n.jpg"></figure>&nbsp;<figure class="image"><img src="https://knadmin.beoblood.kz/uploads/402653292_3502702536726322_3320325119197449599_n_1fa034bf02.jpg" alt="402653292_3502702536726322_3320325119197449599_n.jpg"></figure>&nbsp;<figure class="image"><img src="https://knadmin.beoblood.kz/uploads/402653924_3502702903392952_2444915387592499554_n_462fcef7fe.jpg" alt="402653924_3502702903392952_2444915387592499554_n.jpg"></figure>

Тірек мектеп: Ауыл мұғалімдеріне әдістемелік көмек көрсетілуде

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің Басқарма төрағасы-Ректор Бейбіткүл Кәрімова Инженерлі-технологиялық институтының студенттерімен кездесті.Жыл сайын дәстүрлі түрде ұйымдастырылатын жиында 1,2-курс студенттері академиялық білім беру, ғылыми-зерттеу, халықаралық қатынас туралы кеңінен ақпарат алып, атқарылған жұмыстармен танысты.Жиын барысында ректор Бейбіткүл Кәрімова университеттің биылғы жетістіктері мен жаңалықтарына тоқталды.<blockquote>«Университет базасында Жасанды интеллект және информатика жоғары мектебі ашылды. Өздеріңіз білетіндей ашылу салтанатына, ҚР Ғылым және жоғары білім министрі Саясат Нұрбек, Қызылорда облысының әкімі Нұрлыбек Нәлібаев, LUPIC халықаралық ынтымақтастық бойынша жетекші университет жобасының өкілдері қатысты. Сонымен қатар, оқу орны QS Asia University Rankings – 2024 рейтингінде ТОП 601-650 үздік университеттер қатарында. Ал, академиялық ұтқырлық бағдарламасы бойынша 2023-2024 оқу жылының бірінші семестрінде 44 студент Хубей (ҚХР), Каннам (Оңтүстік Корея), Лодзь (Польша), Сельчук (Түркия), Ташкент (Өзбекстан) жоғары оқу орындарында білім алуда», – деді Бейбіткүл Сәрсемханқызы.</blockquote>Сондай-ақ, университеттің Жастар ісі жөніндегі комитет төрағасы Нұртілеу Жорабек білім алушыларға студенттік ұйымдар, спорттық секциялар туралы толығырақ ақпарат берді.Кездесу соңында, ректор студенттердің сұрақтары мен ұсыныстарын талқылап, көтерілген мәселелердің шешілуі бақылауда болатынын айтты.<figure class="image"><img src="https://knadmin.beoblood.kz/uploads/404472413_873223794547154_7948367332446928236_n_e27c9d2a2f.jpg" alt="404472413_873223794547154_7948367332446928236_n.jpg"></figure>&nbsp;<figure class="image"><img src="https://knadmin.beoblood.kz/uploads/404501392_873173434552190_6264676453910951802_n_6cd6874bee.jpg" alt="404501392_873173434552190_6264676453910951802_n.jpg"></figure>&nbsp;<figure class="image"><img src="https://knadmin.beoblood.kz/uploads/404533045_873173604552173_4275893659394292424_n_5783907890.jpg" alt="404533045_873173604552173_4275893659394292424_n.jpg"></figure>

Академиялық ұтқырлық бағдарламасы бойынша 44 студент  білім алуда

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласы бойынша білім бөлімі мен қалалық кәсіподақ комитетінің ұйымдастыруымен Ж.Махамбетов атындағы №43 орта мектеп базасында қала мектептерінің тәрбие орынбасарлары арасында Ұлттық пікірсайыс турнирі өтті. Шараға қалалық кәсіподақ комитетінің төрағасы Орынша Міржақыпқызы қатысып, жылы лебізін білдіріп, сәттілік тіледі.Бәсі басым қалалық турнирге 30-дан аса тәрбие орынбасалары қатысты. Басты тақырып «Ұлттық тәрбие – ұлт болашағы». &nbsp;Мұғалімдер өзекті тақырыптарды ортаға салып, өзара мықтыны анықтады. Нәтижесінде №7 және №235 мектептен «Алаш айбыны» фракциясы жүлделі ІІІ орын, №10 мектептің «Тәлім» фракциясы ІІ орын алды. Барлық қарсыластарын жеңіп, өзінің шеберлігін танытқан №4 және №285 мектептен «Ұшқыр жебе» фракциясы І орын алып, облыстық кезеңге жолдама алды.&nbsp;«Үздік спикер» номинациясымен №178 мектептің тәрбие орынбасары Ерлік Оспанов, «Үздік оратор» №23 мектептің тәрбие орынбасары Тимур Шакизада, «Үздік талпыныс» №172 мектептің тәрбие орынбасары Мүсірәлі Баяхметұлы, «Үздік ойыншы» №233 мектептің тәрбие орынбасары Светлана Қалыбекова марапатталды.&nbsp;Сонымен қатар, №212 мектеп-гимназиясының мұғалімі Фариза Жамет «Үздік төреші» атанса, пікірсайысқа қатысушы фракциялар алғыс хатпен марапатталды.<img src="https://knadmin.beoblood.kz/uploads/404468688_1461340371260733_6773810643387661505_n_ea6e8ec6f4.jpg" alt="404468688_1461340371260733_6773810643387661505_n.jpg"><img src="https://knadmin.beoblood.kz/uploads/404514056_1461340227927414_221249387889000548_n_2da0d890bf.jpg" alt="404514056_1461340227927414_221249387889000548_n.jpg"><img src="https://knadmin.beoblood.kz/uploads/404440562_1461339914594112_7498784798734859548_n_d3ce53f3ba.jpg" alt="404440562_1461339914594112_7498784798734859548_n.jpg"><img src="https://knadmin.beoblood.kz/uploads/404467167_1461339957927441_127977413418290849_n_0f26bfe013.jpg" alt="404467167_1461339957927441_127977413418290849_n.jpg"><img src="https://knadmin.beoblood.kz/uploads/404468096_1461340467927390_7983004377835944690_n_38f37166b0.jpg" alt="404468096_1461340467927390_7983004377835944690_n.jpg">

«Ұлттық тәрбие – ұлт болашағы» тәрбие орынбасарлар арасында пікірсайыс турнирі өтті

ФОТО: Орталық коммуникациялар қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Елімізде ауыл мектептерінің оқушыларына арналған жалпы білім беретін пәндер бойынша Бірінші республикалық олимпиада басталды, деп хабарлайды ҚР Оқу-ағарту министрлігі.Ведомство басшысы Ғани Бейсембаев Олимпиаданың салтанатты ашылу рәсіміне қатысты. Министр Ақмола облысындағы №1 Қоянды жалпы орта білім беретін мектебінің оқушыларымен кездесті. Еліміздің бас ұстазы қатысушылар алдында сөз сөйлеп, алдағы зияткерлік сайыста сәттілік тіледі.<blockquote>«Пәндік олимпиадалар – бұл сіздердің алғашқы ғылыми ізденістерге жол ашатын, ғылымның әр түрлі саласында өз дарындарыңызды айқындауға мүмкіндік беретін ауқымды сайыс түрі. Бүгін сіздермен бірге еліміздің шалғай аймақтарындағы 90 мыңға жуық оқушы мектеп қабырғасында алған барлық білімдері мен дағдыларын көрсете алады. Пәндік олимпиадалардың жеңімпаздарына мемлекет тарапынан үлкен қолдау көрсетілуде. Биылғы жылы 23 оқушымыз ең беделді халықаралық олимпиадаларда жүлделі орындарға ие болды. Келесі жылы солардың қатарында сіздер де болатындарыңызға кәміл сенемін», – деді министр.</blockquote>Ауыл мектептеріне арналған Республикалық олимпиадаға 9-11 сынып оқушылары қатысып жатыр. Бұл бастама қала мен ауыл мектептері арасындағы алшақтықты қысқартуға және шалғай елді мекендердегі дарынды балаларды қолдауға бағытталған. Мақсаты — ауылдық жерлердегі мектеп оқушыларының дарыны мен қабілетін анықтау және қолдау білдіру, сондай-ақ, олардың зияткерлік дамуы мен кәсіби бағдар алуына жағдай жасау.Олимпиада жаратылыстану–математикалық және қоғамдық-гуманитарлық бағыттарды қамтитын 13 пән бойынша өткізіледі. Бастапқы кезеңге қатысу үшін оқушылар аuyl.daryn.kz сайтында тіркелуден өтті. Нәтижесінде 90 мыңнан астам оқушы қатысуға ниет білдірді. ІІ іріктеу кезеңі желтоқсан айында өткізіледі. Тапсырмалар дәстүрлі олимпиадалық тапсырмалар түрінде онлайн-платформада беріледі. III республикалық кезеңнің барлық қатысушылары республикалық сырттай мектепке қабылданады.Қорытындысында қатысушылардың жалпы санының 45%-нан құралатын жеңімпаздар мен жүлдегерлер анықталады. Олар Оқу-ағарту министрлігінің дипломдарымен марапатталады. I дәрежелі диплом иегерлері 2024 жылдың ақпан айында өткізілетін оқу-жаттығу жиындарына шақырылып, жалпы білім беретін пәндер бойынша республикалық олимпиаданың қорытынды кезеңіне қатысады.

Республикалық пәндік олимпиадаға 90 мыңға жуық ауыл оқушысы қатысуда

<a href="https://kyzylorda-news.kz/">Kyzylorda-news.kz.</a> Қызылорда қаласында мектеп оқушылары арасында дәстүрлі түрде өтетін «Ұлттық мектеп лигасы» басталды.Бұл лиганың мақсаты – жасөспірімдер арасында бұқаралық спортты дамыту, салауатты өмір салтын насихаттау. Лига жарыстары барысында жасөспірімдер арасында командалық рух қалыптастыру.«Ұлттық мектеп лигасы» жас ерекшеліктеріне қарай 5-6, 7-8 және 9-11 сыныптар спорттың 11 түрі бойынша бақ сынайтын болады.9-11 сынып оқушылары волейбол волейбол (қыздар) және тоғызқұмалақ, бес асық спорт түрлерінен сайысқа түсті.Волейболға 48 мектептен 576 оқушы қатысса, бес асық жарысына 12 мектептен 36 қыз балалалар қатысты.Жеңімпаз болған мектеп командасы облыстық кезеңге жолдама алатын болады.

Қызылордада «Ұлттық мектеп лигасы» басталды

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданының орталығындағы 250 мектеп-лицейінде ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиаданың алғашқы кезеңі басталды.Шалғайдағы ауыл оқушыларға арналған республикалық олимпиаданың алғашқы кезеңінің ашылуына аудан әкімінің орынбасары Ерқосаев Жұлдызхан Байназарұлы қатысып, білім бәсекесінде бағын сынаушы қатысушыларға сәттілік тіледі.Ауылдық елдімекендердегі мектеп оқушыларының дарыны мен қабілетін анықтау және оларға қолдау білдіру, неғұрлым академиялық қабілетті оқушыларды табу, олардың зияткерлік дамуы мен кәсіби бағдарлануына жағдай жасау мақсатында ұйымдастырылған олимпиадаға аудандық білім бөліміне қарасты 24 білім беру ұйымынан 655 оқушы тіркелді. Олимпиада 2023 жылдың 22 және 29 қараша аралығында «бір парта - бір қатысушы-бір камера» қағидасын сақтай отырып, 11 пән бойынша өткізіледі.Олимпиада өтетін сыныптарда бейнебақылау жүйесі орнатылып, олимпиаданың өткізілуі барысы Youtube каналында тікелей эфирде жүргізіледі.<img src="https://knadmin.beoblood.kz/uploads/403630327_2473553932815498_3096213342466238913_n_897e1ed2fa.jpg" alt="403630327_2473553932815498_3096213342466238913_n.jpg"><img src="https://knadmin.beoblood.kz/uploads/403618378_2473554046148820_1884332411325040705_n_1024bf8b59.jpg" alt="403618378_2473554046148820_1884332411325040705_n.jpg">

Ауыл оқушыларына арналған республикалық олимпиаданың алғашқы кезеңі басталды

Kyzylorda-news.kz. Робот құрастырушылар арасында дүниежүзілік байқау Орталық Америка құрлығындағы Панама елінде өткізілді. 100-ден астам мемлекеттен келген 1300-ге жуық қатысушының қатарында қызылордалық оқушылар да бар. Олар аймақтық, республикалық іріктеуден өтіп, ел намысын әлемдік аренада қорғады.Нәтижесінде цирлық индустрия үшін инфрақұрылым мен логистиканы жасайтын роботтармен жұмыс істеп, өнертабыстарын ұсынған Назарбаев Зияткерлік мектебінің оқушылары Максим Усольцев пен Дінмұхаммед Абдиев қола жүлдені қанжығалады. Әлемдік чемпионатта жүлдені қалай алғаны жөнінде Өңірлік коммуникациялар қызметінің баспасөз алаңында Назарбаев Зияткерлік мектебінің информатика пәнінің мұғалімі, жетекші Серік Ахметов айтты.<blockquote>&nbsp;Робототехникадан халықаралық олимпиадада (World Robot Olympiad) қола медаль бұйырды. Қазақстан атынан 13 команда қатысты, &nbsp;нәтижесінде отандық құрама 3 категориядан жүлделі орын алды. Мектебіміздің оқушыларымен бірге ІІІ және ІІ орынды Астана қаласының Роботек командасы иеленді. Оқушыларымыз алғаш рет бұл байқауға қатысып жатқан жоқ. Дегенмен, қиыр шығыстағы Оңтүстік Корея, Жапония, Сингапур елдері жақсы қарсылас болды. Сондай-ақ, командалық есеп бойынша Малайзия мемлекеті бәрінен базып озды. Ал, біз топтық есепте екінші орында болдық, - деді Серік Мөңкебайұлы.</blockquote>Әлемдік додада Қызылорда атынан барған Нұрдаулет Әділбек пен Ернұр Сәду де жақсы нәтиже көрсетіп, үздік бестіктер қатарынан көрінді. Олардың айтуынша, топтың атын «Қызылорда» деп қойып, өңіріміздің атын әлем төрінде екі рет айтқыздық деп қуаныштарын жеткізді.<blockquote>&nbsp;Біз бұл олимпиадаға 2022 жылдан бері қатысып келеміз. Осы жылы дайындықта қаңтар айынан бастадық. Жаз мезгілінде республикалық кезеңінде жеңімпаз атанып, Панамаға жолдама алған болатынбыз. Биыл сайыстың қиындығына қарамастан үздік бестіктер қатарында болдық. Еліміздің, аймағымыздың үмітін ақтадық деп сенеміз, - деді НЗМ оқушысы Нұрдаулет Әділбек.</blockquote>

Қызылордалық оқушылар әлемдік чемпионатта үздік үштікке кірді

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университетінде «Мұстафа Шоқайдың мемлекетшілдік мұраты: тарихи тағылым мен сабақтастық» &nbsp;халықаралық ғылыми-тәжірибелік конференция өтті. Жиынға зиялы қауым өкілдері, профессор-оқытушылар, білім алушылар қатысты.Конференцияда М.Шоқай еңбектеріндегі идеялардың түркі мемлекеттерінің интеграциялану үдерісі мен қазіргі әділетті Қазақстан мұраттарымен сабақтастығы &nbsp;ғылыми тұрғыда талданды.Жиында Қызылорда облыстық мәслихат төрағасы, тарих ғылымдарының кандидаты Наурызбай Байқадамов сан тараулы ұлттық тарихымызда саналы ғұмырын туған халқының азаттығы мен тәуелсіздігі жолына арнап, оның бақытты өмір сүруін аңсап өткен ұлт перзенттерінің бірі Мұстафа Шоқай екенін атап өтті.<blockquote>«Түркі халықтарының біріккен жағдайында ғана ұлттық тәуелсіздігіміз берік орнығатынын теориялық тұрғыда дәлелдеген М.Шоқайдың «Тұтас Түркістан» идеясы мен бүгінгі Түркі мемлекеттері ұйымы арасында сабақтастықтарды зерттеу өте маңызды. ХХ ғасырда айтылған Мұстафа Шоқайдың мәңгі өлмес &nbsp;идеялары - бүгінгі түркі мемлекеттері, оның ішінде Қазақстанның өркениетті және демократиялық ел ретінде орнығуы мен дамуының, жаңғыруы мен жаңаруының маңызды мәселелері. Ұлттық тәуелсіздік пен саяси сана, ұлттық рух пен ұлттық тіл қоғамдағы демократиялық үрдістердің салтанат құруы мен халықтың рухани жаңаруының іргетасы, елдің саяси құқықтық және әлеуметтік экономикалық тәуелсіздігін баянды етудің басты құралы, мемлекетшіліктің негізгі компоненттері болып саналады», – деді Наурызбай Сейітқалиұлы.</blockquote>Конференция барысында тарих ғылымдарының докторы, Мимар Синан көркем өнер университетінің (Түркия) профессоры Әбдіуақап Қараның «Кеңес Одағының түркі әлемі саясаты. Мұстафа Шоқай» атты кітабінің және академик М.Қ. Қойгелдінің жетекшілігімен 2022-2023 жылдары жарық көрген «Алаш ісі. 1920-1930 жж. ОГПУ жүргізген жасанды тергеу ісінің құжаттары мен материалдары» атты кітабының (1-том және 2-том) таныстырылымы жасалды.Жиында ҚР ҰҒА академигі, Абай атындағы қазақ ұлттық педагогикалық университетінің профессоры, тарих ғылымдарының докторы Мәмбет Қойгелдиев «Мұстафа Шоқай аманатының бүгінгі ұлттық жадтағы көрінісі туралы», Мимар Синан көркем өнер университетінің профессоры, тарих ғылымдарының докторы Әбдіуақап Қара «Мұстафа Шоқайдың пантүркизм, Тұран мемлекеті және түрік бірлігі туралы пайымдаулар мен тұжырымдары», Өзбекстан Республикасы Ғылым академиясының Тарих институтының бас ғылыми қызметкері, тарих ғылымдарының докторы, профессор Раджабов Қаһромон «Мустафа Шокай и жадидское движение в Туркестане», Күтахия Думлупынар университетінің доценті, PhD Веджихи Сефа Фуат Хекимоғлы «Мұстафа Шоқайдың 1930 жылдардағы Жапония, Қытай және Шығыс Түркістан туралы пікірлері», Қажыбайрам университетінің профессоры, PhD Хулия Касапоғлы Ченгел «Алаш рухы», ақын, Қазақстан Жазушылар одағы төрағасының орынбасары Қасымхан Бегманов «Наршоқы – тарихи мекен, Мұстафа Шоқай жолының бастауы немесе "Шерлі Түркістан" дастанының тууы», Қорқыт Ата атындағы Қызылорда университеті «Мұстафа Шоқай» ғылыми орталығының ғылыми жетекшісі, саяси ғылымдарының докторы, профессор Әбдіжәлел Бәкір «Мұстафа Шоқай: тәуелсіздікті ту етіп, ұлттықты ұлықтаған» тақырыбында баяндама жасады.Конференцияда Қорқыт ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева мен &nbsp;Басқарма мүшесі – Әлеуметтік және тәрбие жұмыстары жөніндегі проректор Жандос Базартай зиялы қауым өкілдеріне «Қорқыт ата Алтын медалін» табыстады.&nbsp;Конференция «Мұстафа Шоқай феномені және Түркі халықтарының &nbsp;бірлігі идеясының өміршеңдігі», «Мұстафа Шоқай мұралары – ұлт руханиятының қайнар көздері», «Мұстафа Шоқай мұралары отандық және шетелдік зерттеулерде» тақырыбындағы секциялық жұмыстармен жалғасты.Айта кету керек, 16 қарашада М.Шоқайдың туған жері Наршоқы елді мекенінде ескерткіш белгі ашылды.<figure class="image"><img src="https://knadmin.beoblood.kz/uploads/8a9cbe70_070e_4494_acfb_5018ae141e86_4de091d4a4.jpg" alt="8a9cbe70-070e-4494-acfb-5018ae141e86.jpg"></figure>&nbsp;<figure class="image"><img src="https://knadmin.beoblood.kz/uploads/400987943_1895969030798600_8612283577411361778_n_4ed3c8c36b.jpg" alt="400987943_1895969030798600_8612283577411361778_n.jpg"></figure>&nbsp;<figure class="image"><img src="https://knadmin.beoblood.kz/uploads/c658f442_947c_489b_9523_496555fc1490_3413907248.jpg" alt="c658f442-947c-489b-9523-496555fc1490.jpg"></figure>&nbsp;<figure class="image"><img src="https://knadmin.beoblood.kz/uploads/04bdd9b2_994c_49c6_ace4_d81ce4073e3a_84cebebe5e.jpg" alt="04bdd9b2-994c-49c6-ace4-d81ce4073e3a.jpg"></figure>&nbsp;<figure class="image"><img src="https://knadmin.beoblood.kz/uploads/5edab7ce_08bc_4bfd_ae47_9f41afd07082_2056d5e6a9.jpg" alt="5edab7ce-08bc-4bfd-ae47-9f41afd07082.jpg"></figure>&nbsp;<figure class="image"><img src="https://knadmin.beoblood.kz/uploads/46d84aaf_ed36_4956_b0de_7848658d61d1_c818fe9319.jpg" alt="46d84aaf-ed36-4956-b0de-7848658d61d1.jpg"></figure>

Қазақстан және Қызылорда облысының жаңалықтары: Білім