<a href="https://kyzylorda-news.kz/">Kyzylorda-news.kz.</a> Бүгін Шиелі ауданының Жаңатұрмыс ауылдық округіндегі Байсын ауылында 250 орындық мектеп ел игілігіне табысталды.Облыс әкімі Нұрлыбек Нәлібаев ашылу рәсіміне қатысып, ауыл тұрғындарын құттықтады.<blockquote>«Алаштың көрнекті қайраткері Міржақып Дулатов: «Ұрпағы білімді халықтың болашағы бұлыңғыр болмайды» деген. Мемлекет білім саласына үлкен қамқорлық көрсетуде. Біздің өңірімізде де ауқымды жобалар қолға алынып, жүйелі жұмыстар атқарылуда. Биыл облыста 5 жаңа мектеп пайдалануға берілсе, 4 мектепке 1 850 орындық қосымша ғимарат салынды. Бүгін Байсын ауылында 250 орындық мектеп ашылуда. Баршаңызды жаңа білім ордасының пайдалануға берілуімен шын жүректен құттықтаймын. Аудан, ауыл өсіп-өркендесе, тұрғындардың тұрмыс жағдайы көтеріліп, балалардың білім-ғылымға деген ынтасы артары сөзсіз.Мемлекет басшысы Қасым-Жомарт Кемелұлы жастарды оқуға, ғылым-білімді, жаңа машықтарды игеруге, технологияны күнделікті өмірде шебер де тиімді пайдалануға шақыруда. Алты Алаштың айбыны Абылай ханның ұлы дала мұрагерлеріне «Білекке сенген заманда ешкімге есе бермедік, білімге сенер заманда қапы қалып жүрмелік» деген аманатын баршамыз жақсы білеміз. Білім мен ғылым заманында алар асуларыңыз бен бағындырар шыңдарыңыз биік болсын»,– деді аймақ басшысы.</blockquote>Іс-шарада еңбек ардагерлері мен түрлі саланың дамуына үлес қосып жүрген азаматтар, мердігер мекеменің қызметкерлері облыс әкімінің Алғыс хатымен марапатталды.Аудандық әйелдер кеңесінің төрайымы Найла Палымбет жерлестерін құттықтап, игі тілегін арнады.Айта кетейік, облыс мектептерінде жас ұрпаққа рухани-патриоттық тәрбие беру жолға қойылған. Күн сайын барлық білім ошақтарында бір мезетте, яғни сағат 7.50-де еліміздің Әнұраны орындалады.Биылғы облыс бюджетінің 60 пайыздан астамы әлеуметтік салаға бағытталған. Соның ішінде, білім саласына 278 млрд теңге бөлінді. Президент қолдауымен «Жайлы мектеп» ұлттық жобасы аясында құны 98 млрд теңге болатын 21 мектеп салынады, оның біреуі Шиелі ауданында бой көтермек. «Білімді қолдау қоры» есебінен Қызылорда қаласында физика-математика бағытындағы 300 орындық жатақханасы бар мектеп-интернат құрылысы қарқынды жүргізілуде. Сонымен қатар, облыс орталығында демеушілер есебінен 2,3 млрд теңгеге 350 орындық заманауи үлгідегі Оқушылар сарайының, Сырдария өзенінің сол жағалауында құны 4,8 млрд теңге болатын жаңа музыкалық колледждің құрылысы басталмақ.<img src="https://knadmin.beoblood.kz/uploads/401776553_644024161252165_941364283728060805_n_3f4fb1ea72.jpg" alt="401776553_644024161252165_941364283728060805_n.jpg"><img src="https://knadmin.beoblood.kz/uploads/403751016_644023987918849_2964291078826682025_n_4db12c43a7.jpg" alt="403751016_644023987918849_2964291078826682025_n.jpg"><img src="https://knadmin.beoblood.kz/uploads/402660998_644024221252159_8235126808075502124_n_606de83856.jpg" alt="402660998_644024221252159_8235126808075502124_n.jpg"><img src="https://knadmin.beoblood.kz/uploads/403783423_644024447918803_4604533561192087418_n_0ebbcc5f6f.jpg" alt="403783423_644024447918803_4604533561192087418_n.jpg"><img src="https://knadmin.beoblood.kz/uploads/402653996_644024014585513_4118313550351178324_n_2656830255.jpg" alt="402653996_644024014585513_4118313550351178324_n.jpg"><img src="https://knadmin.beoblood.kz/uploads/402650985_644024561252125_1011413253868261016_n_e6b834d6e7.jpg" alt="402650985_644024561252125_1011413253868261016_n.jpg"><img src="https://knadmin.beoblood.kz/uploads/402659045_644024164585498_5497028628545466621_n_f6ff884303.jpg" alt="402659045_644024164585498_5497028628545466621_n.jpg">

Шиелі ауданында жаңа мектеп ашылды 

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінің &nbsp;25 студенті Қазақстан Республикасы Президентінің стипендиясына ие болды. &nbsp;Президенттік стипендия оқу &nbsp;үлгерімі «өте жақсы» және оқу орнының қоғамдық жұмыстарында белсенділігімен ерекшеленген білім алушыларға тағайындалып отыр. Сондай-ақ, күндізгі оқу нысаны бойынша 3-курстан бастап мемлекеттік білім беру тапсырысы аясында және ақылы негізде тек «өте жақсы» (А, А-) оқитын студенттерге беріледі.«Жерге орналастыру» мамандығының 4-курс студенті Ақбота Әміртайбиыл да Президенттік стипендия иеленді. Ол – үздік оқумен қатар қоғамдық жұмыстарға белсенді араласып, көптеген байқау жеңімпазы атанған.<blockquote>«Университетте білім алумен қатар, ғылыми зерттеулермен айналысып, осы сала бойынша бірқатар жетістіктерге қол жеткіздім. Институттың белсенді тобының мүшесі ретінде қоғамдық жұмыстарға атсалысып, ұйымдастырушылық қабілетім шыңдалды.«Bilim-órkenieti» ұлттық инновациялық ғылыми-зерттеу орталығының ұйымдастыруымен 2021-2022 жылғы еліміздің жас түлектерін қолдау мақсатында ұйымдастырылған «ТМД-ның үздік түлегі – 2022» байқауына қатысып, ІІ дәрежелі дипломмен, марапатталып, мақалам кітап жинаққа енді. Биылдан бастап стипендия көлемінің артқанына қуаныштымын, бұл – жастарға үлкен мүмкіндік», – деді Ақбота Саматқызы.</blockquote>Президенттік стипендия иеленген жастардың барлығы үздік әрі жан-жақты. Олардың қатарында«Қазақ тілі мен әдебиеті»мамандығының 3-курс студентіАқниет Мәулен де бар.<blockquote>«Ақылы негізде білім алсам да, Президенттік стипендияға үміткер болуыма сабақ үлгерімімнің жоғары болуы әсер етті. Оқу орнында сабақпен қатар, түрлі қоғамдық, шығармашылық шараларда ұйымдастырушылық қызметтермен айналысамын. Сондай-ақ, университеттің «Жауқазын» жастар театрының жетекшісімін. Қазіргі таңда, театрдың дамуына үлес қосып, жаңа қойылымға дайындалудамыз», – деді Ақниет Қайратқызы.</blockquote>Стипендия білім алушылардың мынадай санаттарына тағайындалады:1) республикалық және халықаралық олимпиадалардың, шығармашылық конкурстардың, спорттық жарыстардың, фестивальдардың жеңімпаздары немесе жаңалық авторлары; 2) ғылыми еңбек жинақтарында, республикалық және халықаралық ғылыми журналдарда жарияланымдары бар білім алушылар; 3) табыстары дипломдармен, грамоталармен, сертификаттармен, куәліктермен расталған ғылыми-зерттеу жұмыстарымен белсенді айналысатындар; 4) білім беру ұйымының қоғамдық, мәдени және спорттық өміріне белсене араласатындар.Қазақстан Республикасы Президентінің стипендиясын иеленген білім алушылар тізімі:1. Арайлым Алмат – 6В04141-Есеп және аудит, білім беру бағдарламасының 4 курс студенті. &nbsp; &nbsp; 2. Нұрсауле Сейткамалова – 6В01303-Бастауыш оқытудың педагогикасы мен әдістемесі білім беру бағдарламасының 4 курс студенті. &nbsp; &nbsp; 3. Айсұлу Мақаш– 6В01511-Математика-Информатика білім беру бағдарламасының 4 курс студенті. &nbsp; &nbsp; 4. Нұрай Мұхиддин – 6В01511-Математика-Информатика білім беру бағдарламасының 4 курс студенті. &nbsp; &nbsp; 5. Аружан Русланова – 6В07368-Кадастр білім беру бағдарламасының 4 курс студенті. 6. ҒайниКошкинбаева – 6В01303-Бастауыш оқытудың педагогикасы мен әдістемесі &nbsp;білім беру бағдарламасының 4 курс студенті. &nbsp; &nbsp; 7. Гүлназ Оңғар – 6В01516-Химия-Биология білім беру бағдарламасының 4 курс студенті. &nbsp; &nbsp; 8. Ақбота Әміртай – 6В07369-Жерге орналастыру білім беру бағдарламасының 4 курс студенті. &nbsp;&nbsp; 9. Назым Балғараева – 6В01303-Бастауыш оқытудың педагогикасы мен әдістемесі &nbsp;білім беру бағдарламасының 4 курс студенті. &nbsp; &nbsp; 10. Нұрсұлтан Абибуллаұлы – 6В10276-Әлеуметтік жұмыс білім беру бағдарламасының 4 курс студенті. &nbsp; &nbsp; 11. Дина Әділ – 6В01516-Химия-Биология білім беру бағдарламасының 4 курс студенті. 12. Айжан Орынбасар – 6В04139-Мемлекеттік және жергілікті басқару білім беру бағдарламасының 4 курс студенті.&nbsp; 13. Мақпал Абдукаимова – 6В01406-Дене шынықтыру және спорт білім беру бағдарламасының 4 курс студенті. &nbsp; &nbsp; 14. Нұратай Жақсыбай – 6В11279-Өмір тіршілігінің қауіпсіздігі және қоршаған ортаны &nbsp;білім беру бағдарламасының 4 курс студенті. &nbsp; &nbsp; 15. Ұлан Жарылқасын – 6В01510-Математика білім беру бағдарламасының 4 курс студенті. &nbsp; &nbsp; 16. Жанерке Калиева–6В01515-Химия білім беру бағдарламасының 3 курс студенті.&nbsp; 17. Шапағат Кәрімбердиева – 6В01721-Қазақ тілі мен әдебиеті білім беру бағдарламасының 3 курс студенті. 18. Нұрайым Жасұланова – 6В01721-Қазақ тілі мен әдебиеті білім беру бағдарламасының 3 курс студенті. &nbsp;&nbsp; 19. Ақниет Мәулен– 6В01721-Қазақ тілі мен әдебиеті білім беру бағдарламасының 3 курс студенті. &nbsp; &nbsp; 20. Аружан Кенжебекова – 6В10276-Әлеуметтік жұмыс білім беру бағдарламасының 3 курс студенті. &nbsp; &nbsp; 21. Әсел Ахмет – 6В04139-Мемлекеттік және жергілікті басқару білім беру бағдарламасының 4 курс студенті. &nbsp;&nbsp; 22. Нұрайым Қасқырбаева – 6В01510-Математика білім беру бағдарламасының 4 курс студенті. &nbsp; 23. Ұлдана Абдықалық – 6В04139-Мемлекеттік және жергілікті басқару білім беру бағдарламасының 4 курс студенті. &nbsp; &nbsp; 24. ДаниярШаухатбеков – 6В01515-Химия білім беру бағдарламасының 3 курс студенті. &nbsp; &nbsp; 25. АружанШылмырзаева – 6В01517-Биология білім беру бағдарламасының 3 курс студенті. &nbsp; &nbsp; &nbsp;

Қызылордалық 25 студент Президенттік стипендия иеленді

&nbsp;<a href="https://kyzylorda-news.kz/">Kyzylorda-news.kz.</a> Елімізде қызылшаға байланысты эпидемиологиялық жағдай күрделі. Сол себепті мектептер карантинге жабылуы мүмкін бе?ДСМ Санитариялық-эпидемиологиялық бақылау комитетінің Вакцинамен басқарылатын инфекцияларды бақылау басқармасының басшысы Нұршай Әзімбаева жауап берді, деп хабарлайды BAQ.kz.Қызылша вакцинамен басқарылатын ауру болғандықтан адамдардың басым көпшілігі вакцина алған. Сол себепті карантинге жабылмайды, деп жауап берді Әзімова ОКҚ-да.<blockquote>"2023 жылдың басынан бастап республикамызда қызылшаның 13 103 жағдайы тіркелді, оның ішінде 83% - 14 жасқа дейінгі балалар арасында, 2,9% - жасөспірімдер, 14,1% (1854) - ересектер. Қызылшаны жұқтыру жағдайлары барлық өңірде тіркелді. Шымкентте жоғары деңгей байқалды - 2 283, Алматы қаласында - 2 217 жағдай, Жамбыл - 1 605 жағдай, Алматы – 1215 жағдай және Атырау облыстары – 940 жағдай", - деді Нұршай Әзімбаева. &nbsp;</blockquote>

Мектептер карантинге жабыла ма?

<a href="https://kyzylorda-news.kz/ru">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің оқушылары Максим Усольцев пен Дінмұхаммед Абдиев робототехникадан халықаралық олимпиадада (World Robot Olympiad) қоладан медаль тақты.Әлемнің үздік робот құрастырушылар арасындағы жарыс Панама елінің астанасында өтті. 100-ден астам мемлекеттен келген 1300-ге жуық қатысушы цифрлық индустрия үшін инфрақұрылым мен логистиканы жасайтын роботтармен жұмыс істеп, өнертабыстарын ұсынды.<blockquote>«Қазақстан атынан 13 команда қатысты, нәтижесінде отандық құрама 3 категориядан жүлделі орын алды. Мектебіміздің оқушыларымен бірге ІІІ және ІІ орынды Астана қаласының Роботек командасы иеленді», — дейді сырбойылық педагог Серік Ахметов.</blockquote>Әлемдік додада Қызылордадағы NIS намысын төрт оқушы қорғады. Жерлестеріміз Нұрдаулет Әділбек пен Ернұр Сәду жақсы нәтиже көрсетіп, үздік бестіктер қатарынан көрінді.<figure class="image"><img src="https://knadmin.beoblood.kz/uploads/400746335_3495859490743960_3016792428543568866_n_cc117107d0.jpg" alt="400746335_3495859490743960_3016792428543568866_n.jpg"></figure>&nbsp;<figure class="image"><img src="https://knadmin.beoblood.kz/uploads/400864894_3495859574077285_6388524653875539035_n_004bfe7a3d.jpg" alt="400864894_3495859574077285_6388524653875539035_n.jpg"></figure>

WRO-2023: Қызылордалық зияткерлер дүниежүзілік чемпионатта ІІІ орынмен марапатталды 

<a href="https://kyzylorda-news.kz/ru">Kyzylorda-news.kz.</a> Қармақшы ауданының әкімі Жандос Еркінбекұлы аудан орталығындағы бірнеше білім ошағын аралады.Аудан басшысы әуелі Шоқан Уәлиханов атындағы №26 мектеп оқушы­лар­ының қауіпсіздігін қамтамасыз етілуімен, мектеп базасындағы интернаттың жұмысымен көрді. Сонымен қатар бітіруші сынып оқушыларының үлгерімін жақсартуды тапсырды. Одан кейін Ә. Егізбаев атындағы №121 мектеп пен С. Есқараев атындағы №27 мектептердегі «Жасыл мектеп» жобасы аясында атқарылып жатқан жұмыстармен таныс­ты. Өткен жылы күрделі жөн­деуден өткен №121 мектептің білім алушы оқушыларының көрмесін тамашалады.Мұнан соң №250 мектеп-лицейінің базасында болып, мектептің жарқын жетістіктерін атап өтіп, оқушылардың бос уақытын тиімді пайдалану жұмыстарына оң бағасын берді.<blockquote>"Мемлекет басшысы Қасым-Жомарт Тоқаевтың Жолдауында «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс» -деп баса айтқан болатын. Ел болашағының жарқын болуы білімді, жан-жақты тәрбие алған ұрпақтың қолында. Келер келешегіміздің келісті келбетін қалыптастыру олардың сапалы білім алуларына байланысты. Бәсекеге қабілетті өскелең буынды тәрбиелеу жолында әрбір мұғалім жаңартылған мазмұндағы білім беру бағдарламасын сапалы іске асыруы тиіс. Себебі сапалы білім ұлт діңгегі болып саналады"-деді Жандос Еркінбекұлы білім беру саласы басшыларына.</blockquote><img src="https://knadmin.beoblood.kz/uploads/397612674_2467478990089659_8703298435472723312_n_kopiya_2_089db43f16.jpg" alt="397612674_2467478990089659_8703298435472723312_n - копия (2).jpg"><img src="https://knadmin.beoblood.kz/uploads/397541861_2467479280089630_8266492618574538464_n_kopiya_2_da0d73c5f0.jpg" alt="397541861_2467479280089630_8266492618574538464_n - копия (2).jpg"><img src="https://knadmin.beoblood.kz/uploads/397558302_2467479083422983_6367217689770642413_n_d5ab07d2ac.jpg" alt="397558302_2467479083422983_6367217689770642413_n.jpg"><img src="https://knadmin.beoblood.kz/uploads/397573749_2467479333422958_8393265747562269474_n_kopiya_2_d3f64eead0.jpg" alt="397573749_2467479333422958_8393265747562269474_n - копия (2).jpg">

Қармақшы ауданының әкімі мектептердің жағдайын аралап көрді 

<a href="https://www.lrt.lt/ru/novosti/17/1990068/russkii-iazyk-bol-she-ne-v-top-10-samykh-izuchaemykh-iazykov-na-platforme-duolingo">ФОТО</a><a href="https://kyzylorda-news.kz/ru">Kyzylorda-news.kz.</a>&nbsp; Қазақстан мен Ресей Қазақстанның оңтүстігінде орыс тілінде оқытатын бірнеше мектеп салу мәселесін талқылап жатыр. Бұл туралы Ресей Федерациясы премьер-министрінің орынбасары Алексей Оверчук екі ел арасындағы XIX өңіраралық ынтымақтастық форумы барысында мәлімдеді. Бұл жөнінде Stan.kz ақпарат агенттігі хабарлайды.<blockquote>“Біз қазір Қазақстанның оңтүстігінде орыс тілінде оқытатын үш мектептің құрылысын жан-жақты талқылауды бастадық”, – деді Оверчук кездесу барысында.</blockquote>Ол сондай-ақ Ресейде Қазақстан президентіне орыс тілі бойынша халықаралық ұйым құру бастамасы үшін алғыс білдіретінін жеткізді.Ресей президенті бұл идеяның іс жүзінде жүзеге асу кезеңіне өткенін айтып, Тоқаевқа рахметін айтты.<blockquote>“Құрметті Қасым-Жомарт Кемелұлы, біз сіздің бастамаңыздың маңыздылығын бағалай аламыз және ол үшін сізге алғыс айтамыз”, – деді Владимир Путин.</blockquote>Қазақстан президенті энергетика саласындағы ынтымақтастық деңгейінің артып келе жатқанын атап өтті. Мемлекет басшысының айтуынша, жақында Ресей газының Қазақстан аумағы арқылы Өзбекстанға транзитінің басталуы ел үшін маңызды оқиға болды.&nbsp;

Қазақстанның оңтүстігінде орыс тілінде оқытатын үш мектеп салу жоспарлануда

<a href="https://kyzylorda-news.kz/ru">Kyzylorda-news.kz.</a>&nbsp; «QS Asia University Rankings – 2024» рейтингінің нәтижесі бойынша Қорқыт ата атындағы Қызылорда университеті ТОП-601-650 Азияның үздік жоғары оқу орындарының қатарына енді. Рейтингті Quacquarelli Symonds (QS) британдық компаниясы өткізді, деп хабарлайды университеттің баспасөз қызметі.&nbsp;2024 жылғы Asia Rankings осы кезге дейін өткен рейтнигтердің ішіндегі ең ауқымдысы болып саналады. Оған 25 елдің 857 университет енді. Атап айтсақ, Қытай, Жапония, Оңтүстік Корея, Тайвань, Гонконг АӘА, Сингапур, Пәкістан, Иран, Үндістан, Малайзия, Вьетнам, Қазақстан, Өзбекстан, Қырғызстан, Тәжікстан және Түрікменстан және т. б. елдердің ЖОО-лары бар.Рейтинг нәтижесі бойынша Азиядағы ең үздік 100 университет қатарына еліміздің екі университеті кіріп, Қазақстан Орталық Азиядағы жетекші жоғары білім беру жүйесіне айналды. Сонымен қатар, Қазақстан – Орталық Азияның басқа елдері арасында университеті ең көп ұсынылған ел. Рейтингке еліміз бойынша 34 ЖОО енді.Биыл рейтингте университеттердің академиялық беделі, жұмыс берушілер арасындағы беделі, ғылыми педагогикалық құрам мен студенттердің арақатынасы, бір қызметкерге шаққандағы жарияланымдар саны, халықаралық ғылыми байланыстар, университеттің интернеттегі әсері, PhD дәрежесі бар қызметкерлердің үлесі, бір мақаладағы дәйексөздер саны, шетелдік қызметкерлер және шетелдік студенттер үлесі негізгі көрсеткіш болып саналды.Қорқыт ата атындағы Қызылорда университетінің Asia Rankings әлемдік рейтингіне енуі қазақстандық жоғары оқу орындары арасында да, әлемдік білім беру кеңістігінде де университеттің бәсекеге қабілеттілігі мен имиджін нығайтады.

Қорқыт ата атындағы Қызылорда университеті Азияның үздік университеттері қатарында

<a href="https://kyzylorda-news.kz/">Kyzylorda-news.kz.</a> Аймақта IT жобаларға қолдау өте көп. Мәселен, жыл сайын «SMART CITY KYZYLORDA HACKATHON» облыстық IT жобалар хакатоны өткізіліп келеді. Биыл да бұл байқау 3 бағытта өткізіледі. Байқаудың жай-жапсарын Өңірлік коммуникациялар қызметінің баспасөз алаңында Қызылорда облысы әкімі аппаратының Цифрлық технологиялар бөлімінің басшысы Сабит Ибадулла айтты.<blockquote>Облыс көлемінде ұйымдастырылып жатқан аталмыш байқау 3 бағыт бойынша өтеді. Сайт, мобильді қосымша, бот және ойындар әзірлеу бойынша жобалар «Әзірлеу» бағытына қатысады. «Әзірлеу» бағытында «SMART CITY» концепциясы аясында тұрғындардың ақылды қалада тұруын оңтайландыратын жобалар бағаланады. Келесі бағыт – «Модельдеу» бағыты. Бұл бағытта 3D модельдеу, робототехника, жасанды интеллект, ақылды заттар және BIM технологиялар аясындағы жобалар қабылданады. Адамдардың өмір сүру дағдысын оңтайландыру мен жаңашыл заттар, қызметтерді қолданысқа енгізуді мақсат ететін «Модельдеу» бағытында жобалар өнімнің қолайлығы, прототипі, қаржылық тиімділігі мен өнімнің эргономикаға сай жасалуы бағаланады. Келесі бағыт шығармашылыққа бағытталған, қатысушыларға жаңа леп беретін «Медиа және Білім» бағыты. Мұнда LMS, онлайн оқыту, анимация тақырыбындағы жобалар қабылданады, - деді Сабит Ибадуллаұлы.</blockquote>Осы жылы хакатон байқауында жүлде қоры бірнеше есе өсті. Үздік атанған жобаларға қаржылай 900 мың теңге бөлінді. Сондай-ақ 3 білім гранты табысталады. Бұл жөнінде Қорқыт ата атындағы Қызылорда университеті кәсіпкерлік орталығының басшысы Жанарыс Түбекбаев.<blockquote>&nbsp;«SMART CITY KYZYLORDA HACKATHON 2023» байқауына қатысып, 1 орын алғандарға 150 000 теңге, 2 орынға 100 000 теңге және 3 орын иегерлеріне – 50 000 теңге табысталады. Ал, жас қатысушыларға, яғни мектеп оқушыларына Қорқыт ата атындағы Қызылорда университетінің атынан 3 білім гранты бөлінуде, - деді Жанарыс Алтынбекұлы.</blockquote>

«Smart city Kyzylorda hackathon» байқауы басталды

<a href="https://kyzylorda-news.kz/ru">Kyzylorda-news.kz.</a> Байқоңырдың барлық мектебінде Қазақстан тарихы, қазақ тілі мен әдебиеті пәндері білім беру стандартына қарамастан оқытылатын болады. Бұл туралы екі елдің үкіметаралық комиссиясының отырысында айтылды, - деп хабарлайды "Хабар 24" телеарнасы.Байқоңырда 5 меткеп қазақстандық стандарты бойынша, 7 мектеп ресейлік стандарт бойынша жұмыс істейді. Ресейлік стандарт бойынша білім беретін мектептерде 2 мыңнан аса қазақ білім алып жатыр. Енді олар Қазақстан тарихын, ана тілі мен әдебиетін оқиды.<blockquote>"Қазір бұл пәндер Янгел атындағы №7 мектепте енгізіліп қойған. Оқыту 5, 6, 8, 9 сынып оқушылары арасында жүргізіледі. Алдағы уақытта бұл оқу пәндері Байқоңыр қаласындағы басқа да орыс мектептерінде оқытылатын болады", - деді Байқоңыр қаласы аудандық білім бөлімінің сектор меңгерушісі Жадыра Алданова.</blockquote>Қазақстан Республикасы Президентінің "Байқоңыр" кешеніндегі арнайы өкілі Қайрат Нұртай барлық мектептегі балалардан сауалнама жүргізілетінін айтты.<blockquote>"Тілек білдіргендер осы пәндер бойынша оқытылады. Ресей тарапы кітаптармен, мұғалімдермен толық қамтамасыз етеді. Бұл біздің балаларымызға, қала балаларына біздің қазақстандық жоғары оқу орындарында әрі қарай оқуға жақсы мүмкіндік береді. Өзгерістер тек білім беру саласына әсер еткен жоқ. Олар Байқоңырда да болды. Оның көшелерінде қазақ тіліндегі маңдайшалар, жарнамалық және ақпараттық тақталар пайда болды. Кейінгі 30 жылда алғаш рет қала көшелеріне қазақ ақындары мен соғыс батырларының есімдері берілді", - деді ол.&nbsp;</blockquote>Байқоңыр қаласының тұрғыны бұған қатысты пікір білдірді.&nbsp;<blockquote>"Мәншүк Мәметова, Әлия Молдағұлова, Бауыржан Момышұлы және Қорқыт ата атындағы көшелер пайда болды. Олар біздің жерлестеріміз бен ұлы тұлғаларымыздың ерліктерін еске салады. Жаңашылдыққа өте риза болдық. Бұл ретте Қазақстанның ұлттық және мемлекеттік мерекелері енді Байқоңырда тойланатын болады. Сондай-ақ қызылордалық мектеп оқушыларының ғарыш айлағына экскурсияға баруына мүмкіндік беретін екіжақты келісімге өзгерістер енгізілді", - деді Әйгерім Балтабай.</blockquote>&nbsp;

Байқоңырдың барлық мектебінде Қазақстан тарихы, қазақ тілі мен әдебиеті пәндері оқытылатын болады  

<a href="https://kyzylorda-news.kz/ru">Kyzylorda-news.kz.</a> &nbsp;ҚР Ғылым және жоғары білім министрі Саясат Нұрбек Қызылорда облысына жұмыс сапары барысында Қорқыт ата атындағы Қызылорда университетінің жатақханаларымен танысты.Министр алдымен «Өркениет» жатақханасымен танысып, студенттермен кездесті. Студенттер үйінде университет жастарына 274 орын бөлінген, қазіргі уақытта мұнда жалпы саны 255 білім алушы орналасқан. Саясат Нұрбек шәкірттердің жағдайымен жете танысып, университет жастарының ұсыныс-пікірлерін тыңдады. Кездесу барысында республика бойынша студенттердің жатақханамен қамтылуы басты назарда екенін, өңірлерде бұл мәселе шешімін тапқанын атап өтті.Мұнан кейін министр «ДилМаш» жатақханасындағы жастармен кездесті. Жатақхана 170 орынға лайықталған, бүгінде 162 білім алушы қоныстанған.Сондай-ақ, министр университет базасындағы «Сейхун» спорттық-сауықтыру кешенінің жұмысымен танысты. Мұнда білім алушылардың салауатты өмір салтын қалыптастыру мақсатында дене шынықтыру сабақтары, спорт кешенінде шағын футбол, волейбол, жүзу, үстел теннисінен спорт секциялары ұйымдастырылады. Сонымен қатар, жарыстар мен барлық деңгейдегі спартакиадалар өткізіліп тұрады.Министр №5 студенттік жатақхананы да аралап, студенттердің тұрмысымен танысты. Оқу орнының №5 жатақхана ғимараты 400 студентке арналған. Қазіргі уақытта 386 білім алушы орналасқан. ЖОО өкілдері жатақханадағы жастардың білім алуына, бос уақытын тиімді өткізуіне барынша жағдай жасалғандығына тоқталды. Жатақханадағы бөлмелер 2–4 адамға арналған, қажетті жиһаздармен қамтылған. Ғимаратта семинар-тренинг өткізуге арналған кабинеттер, кітапхана және компьютерлік сыныптар, асхана, кір жуатын бөлме, теннис залы бар. Ал, аулада спорттық жаттығулар жасауға арналған алаң бар, сонымен бірге биыл жаңа футбол алаңы пайдалануға берілген.Жоғары оқу орнының профессор-оқытушы құрамы және студенттермен кездесу барысында ҚР Ғылым және жоғары білім министрінің Алғыс хатымен дзюдодан халықаралық дәрежедегі спорт &nbsp;шебері, ҚР Ұлттық құрама командасының мүшесі, 2023 жылғы Азия ойындарының алтын жүлдегері Олжас Оразалыұлы, дзюдодан халықаралық дәрежедегі спорт &nbsp;шебері, ҚР Ұлттық құрама командасының мүшесі, 2023 жылғы Азия ойындарының қола жүлдегері Жұбаназар Абылайхан және бапкерлер марапатталды.Айта кету керек, университет балансында 1230 орындық бес студенттік жатақхана бар. Сондай-ақ, 350 орынға арналған жатақхана құрылысы басталды. &nbsp;<figure class="image"><img src="https://knadmin.beoblood.kz/uploads/IMGL_4215_a728a7d6ef.jpg" alt="IMGL4215.jpg"></figure>&nbsp;<figure class="image"><img src="https://knadmin.beoblood.kz/uploads/IMGL_3923_02794315b4.jpg" alt="IMGL3923.jpg"></figure>&nbsp;<figure class="image"><img src="https://knadmin.beoblood.kz/uploads/photo_5350335675565723863_y_1_d8174a50f9.jpg" alt="photo_5350335675565723863_y (1).jpg"></figure>

Министр Саясат Нұрбек университет жатақханаларымен танысты

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Қорқыт ата атындағы Қызылорда университетінің базасында Жасанды интеллект және информатика жоғары мектебінің ресми ашылу салтанаты өтті. Іс-шараға ҚР Ғылым және жоғары білім министрі Саясат Нұрбек, Қызылорда облысының әкімі Нұрлыбек Нәлібаев, LUPIC халықаралық ынтымақтастық бойынша жетекші университет жобасының өкілдері, профессор-оқытушылар құрамы және IT саласы бойынша жұмыс берушілер қатысты.Бұл бастама Мемлекет басшысы Қасым-Жомарт Кемелұлы Тоқаевтың үш ЖОО базасында жасанды интеллект саласындағы кадрлар даярлау және осы салада зерттеу жүргізетін орталықтар ашу жөніндегі тапсырмасы шеңберінде іске асырылды.Жоғары мектеп жасанды интеллект, киберқауіпсіздік және информатика саласында кадрлар даярлайтын болады. Студенттер Сеултехпен бірлескен бағдарламалар бойынша білім алады, бұл әлемдік IT технологияларға қолжетімділікті қамтамасыз етеді. Жоба аясында оқу орны Кореяның заманауи зертханалық құрылғыларымен жабдықталады, ал студенттер бірнеше тілді меңгеріп, орыс және қазақ тілдерінен бөлек, ағылшын, корей тілдерінде білім алады.Жиында ҚР Ғылым және жоғары білім министрі Саясат Нұрбек жобаның маңыздылығына тоқталды.<blockquote>«Президент Қасым-Жомарт Тоқаев жасанды интеллект технологияларының дамуы ел болашағы үшін стратегиялық маңызды бағыт екенін атап өтті. Жасанды интеллект технологияларын қолданысқа енгізу ерекше назар аударуды қажет етеді. Сондықтан Ғылым және жоғары білім министрлігі осы бағыт бойынша білім беру бағдарламаларын іске асыруға жылдам кірісті. Қорқыт ата университетінде Сеултехтің жоғары жасанды интеллект мектебінің ашылуы IT технологиялар саласында адами капиталды қалыптастыруға, ғылыми зерттеу нәтижелері және өзара тәжірибе алмасуға, сондай-ақ Корея мен Қазақстан арасындағы жоғары білім беру саласындағы екіжақты ынтымақтастықты одан әрі ілгерілетуге серпін береді. Сондай - ақ, алдағы уақытта шетелдік университеттің филиалы мен қос дипломды бағдарлама ашу жоспарланып отырғанын хабарлағым келеді, соның нәтижесінде түлектер Сеултехтің және Қорқыт ата атындағы Қызылорда университетінің дипломын ала алады», - деді министр.</blockquote>Сондай-ақ, министр Мемлекет басшысы Қ.Тоқаевтың тапсырмасын орындау мақсатында Қазақстанда соңғы екі жылда М. Қозыбаев атындағы СҚУ базасында Аризона университеті, Қ. Жұбанов атындағы Ақтөбе өңірлік университеті базасында Хериот-Уотт университеті (Шотландия), Есенов университетінің базасында Неміс жоғары оқу орындарының консорциумы және басқа да жетекші шетелдік жоғары оқу орындарының 8 филиалы ашылғанын атап өтті. Министрдің айтуынша, шетелдік университеттердің филиалдарын ашу Қазақстанда білім беру саласын дамытуға және халықаралық аренада жоғары білім саласы бойынша көшбасшы атануға маңызды қадам болмақ.LUPIC жобасының Қазақстандағы орталығының директоры, Сеул Ұлттық Ғылым және технологиялар университетінің (СеулТех) кванттық жасанды интеллект қауіпсіздігі жаһандық орталығының директоры Джесу Кимжоба аясында Жоғары мектеп ашу ғана емес, Қорқыт ата университетінің базасында бизнес-инкубатор құру көзделіп отырғанын атап өтті.<blockquote>«Бизнес-инкубатор аясында қазақстандық студенттер өз таланттарын шыңдап, стартаптар әзірлеп, алған білімдерін бүкіл әлем бойынша жасанды интеллектті дамыту үшін пайдаланатынына сенімдімін», - деді Джесу Ким.</blockquote>Айта кету керек, 2023 жылдың қыркүйегінен бастап Қорқыт ата атындағы Қызылорда университетінде IT мамандыққа түскен және Сеултехтің бағдарламасы бойынша оқуға іріктелген 1-курс студенттері үшін тілдік даярлау жұмыстары басталды. Қазір олар жалпы білім беретін пәндерді оқып, жеделдетілген тілдік курстардан өтуде. Болашақта студенттер мен профессор-оқытушылар құрамы академиялық ұтқырлық және бірлескен білім беру бағдарламалары бойынша Сеулде оқуға және ғылыми тағылымдамадан өтуге бара алады, ал Сеулден келген оқытушылар өз тәжірибесімен бөлісу үшін Қызылордаға шақырылады.Сеул Ұлттық Ғылым және технологиялар университеті – Кореяда 1910 жылы негізі қаланған ұлттық университет. Оқу орнында 23 факультет, 15 мыңға жуық студент бар. СеулТех Жоғары мектебінің ашылуына Қызылордада өмір сүрген Кореяның ұлттық батыры, генерал Хон Бом До сүйегінің тарихи отанына қайтарылуы ықпал етті. Қайта жерлеу рәсіміне Хон Бом Доны еске алу қоғамы белсенді қатысты.<figure class="image"><img src="https://knadmin.beoblood.kz/uploads/399786323_321222180660147_8108716011400895503_n_37cdb41928.jpg" alt="399786323_321222180660147_8108716011400895503_n.jpg"></figure>&nbsp;<figure class="image"><img src="https://knadmin.beoblood.kz/uploads/399791996_321222067326825_114060045148840117_n_217e6e6dba.jpg" alt="399791996_321222067326825_114060045148840117_n.jpg"></figure>&nbsp;<figure class="image"><img src="https://knadmin.beoblood.kz/uploads/399825918_321222153993483_4879478691674134556_n_5038ff63ed.jpg" alt="399825918_321222153993483_4879478691674134556_n.jpg"></figure>

Саясат Нұрбек: Шетелдік университеттің филиалы мен қос дипломды бағдарлама ашу жоспарланып отыр

<a href="https://kyzylorda-news.kz/ru">Kyzylorda-news.kz.</a>&nbsp; ҚР Ғылым және жоғары білім министрі Саясат Нұрбек Қызылорда облысына жұмыс сапары барысында Қорқыт ата атындағы Қызылорда университетінің профессоры, экономика ғылымдарының кандидаты, осы ұжымдағы Ардагерлер кеңесінің төрағасы Қазыбай Құдайбергенұлына «Парасат» орденін табыстады.Министр бәсекеге қабілетті кадр даярлау мақсатында Қазыбай Құдайбергенұлының жарты ғасырдан астам елеулі еңбек еткен ұлағатты ұстаз екенін атап өтті. Ғылым саласында өзіндік қолтаңбасын қалдырып, жоғары оқу орнының өркендеуіне әлі күнге дейін үлес қосып келе жатқан ғалым екеніне тоқталды. &nbsp;Қазыбай Құдайбергенұлы – Мәскеудегі Педагогикалық білім беру халықаралық ғылым академиясының корреспондент-мүшесі. Ол 200-ден аса ғылыми-проблемалық мақаланың, бірнеше монография мен оқу құралдарының авторы. Сондай-ақ, көптеген халықаралық, республикалық, облыстық ғылыми практикалық конференцияларда баяндамалар жасады.&nbsp;Қазыбай Құдайбергенұлы ҚР Президентінің, ҚР кәсіподақтарының, облыстық және қалалық мәслихаттың, облыс әкімінің, университет ректорының алғыс хаттарымен, ҚР Конституциясының 10 жылдық мерекелік және «Ерен еңбегі үшін» медальдарымен марапатталған. ҚР Білім беру ісінің құрметті қызметкері.Ол Қорқыт ата атындағы Қызылорда университетінде кафедра меңгерушісі, факультет деканы, проректор, университет ректорының кеңесшісі қызметтерін атқарды. Он жылға жуық университет жанындағы Тарих, филология және өнер ғылыми-зерттеу институтын басқарды. Ғалым-ұстаздың ұзақ жылғы еңбегі бағаланып, 2022 жылы университет &nbsp;ғылыми Кеңесінің шешімімен Қазыбай Құдайбергенұлы атындағы дәрісхана ашылды.&nbsp;&nbsp;&nbsp;

Қазақстан және Қызылорда облысының жаңалықтары: Білім