Kyzylorda-news.kz. Бейжіңде өтетін XXIV қысқы Олимпиада ойындарында ел намысын қорғайтын қазақстандық спортшылардың жарыс кестесі белгілі болды, деп хабарлайды ҚазАқпарат.
Қазақстандық олимпиадашылар алғашқы жарысын 3 ақпан күні бастайтынын осыған дейін жазған болатынбыз.
3 ақпан
16:00. Могул. Әйелдер. 1-іріктеу
Юлия Галышева, Анастасия Городко, Аяулым Амренова, Олеся Граур
17:45. Могул. Ерлер. 1-іріктеу
Дмитрий Рейхерд, Павел Колмаков
4 ақпан
17:55. Олимпиада ойындарының салтанатты ашылу рәсімі
5 ақпан
12:20. Трамплиннен секіру. Ерлер. Іріктеу
Сергей Ткаченко, Данил Васильев
13:45. Шаңғы жарысы. Скиатлон. 15 км. Әйелдер. Финал
Надежда Степашкина, Ксения Шалыгина, Ангелина Шурыга, Валерия Тюленева
14:30. Конькимен жүгіру спорты. 3000 м. Әйелдер. Финал
Надежда Морозова
16:00. Могул. Ерлер. 2-іріктеу.
Дмитрий Рейхерд, Павел Колмаков
17:30. Финал
17:00. Шорт-трек. 1000 м. Ерлер. Іріктеу.
Әділ Ғалиахметов
18:00. Шорт-трек. Аралас эстафета. Іріктеу. Жартылай финал, финал.
Абзал Әжіғалиев, Денис Никиша, Ольга Тихонова, Яна Хан
6 ақпан
13:00. Шаңғы жарысы. Скиатлон. 30 км. Ерлер. Финал
Виталий Пухкало, Евгений Величко
16:00. Могул. Әйелдер. 2-іріктеу. Финал
Юлия Галышева, Анастасия Городко, Аяулым Әміренова, Олеся Граур
17:00. Трамплиннен секіру. HS-109 трамплин. Ерлер. Алғашқы кезең, финал
Сергей Ткаченко, Данил Васильев
7 ақпан
14:30. Конькимен жүгіру спорты. 1500 м. Әйелдер. Финал
Екатерина Айдова, Надежда Морозова
15:00. Биатлон. Жекелей жарыс. 15 км. Әйелдер. Финал
Галина Вишневская-Шепоренко
17:30. Шорт-трек. 1000 м. Ерлер. Ширек финал, жартылай финал, финал
Әділ Ғалиахметов
8 ақпан
14:00. Шаңғы жарысы. Спринт, еркін стиль. Әйелдер. Іріктеу, финал
Надежда Степашкина, Ксения Шалыгина, Ангелина Шурыга, Ирина Быкова
14:00. Шаңғы жарысы. Спринт, еркін стиль. Ерлер. Іріктеу, финал
Виталий Пухкало, Евгений Величко
14:30. Биатлон. Жекелей жарыс, 20 км. Ерлер. Финал
Александр Мухин, Владислав Киреев
14:30. Конькимен жүгіру спорты. 1500 м. Ерлер. Финал
Дмитрий Морозов
9 ақпан
08:15, 11:45. Тау шаңғысы. Слалом. Әйелдер. Бірінші, екінші мүмкіндік.
Александра Троицкая
Шаңғы қоссайысы. Ерлер
14:00 – HS-109 трамплин.
17:00 – гонка на 10 км.
Шыңғыс Ракпаров
17:00. Шорт-трек. 1500 м. Ерлер. Ширек финал, жартылай финал, финал
Әділ Ғалиахметов, Денис Никиша
17:00. Шорт-трек. 1000 м. Әйелдер. Іріктеу.
Ольга Тихонова
10 ақпан
13:00. Шаңғы жарысы. 10 км, классикалық стиль. Әйелдер. Финал
Надежда Степашкина, Ксения Шалыгина, Ангелина Шурыга, Валерия Тюленева
17:00. Фристайл-акробатика. Аралас команда. Финал Жанбота Алдабергенова, Ақмаржан Қалмырзаева, Шерзод Хаширбаев
11 ақпан
13:00. Шаңғы жарысы. 15 км, классикалық стиль. Ерлер. Финал
Виталий Пухкало, Евгений Величко
15:00. Биатлон. Спринт, 7,5 км. Әйелдер. Финал
Галина Вишневская-Шепоренко
17:00. Шорт-трек. 1000 м. Әйелдер. Ширек финал, жартылай финал, финал
Ольга Тихонова
17:00. Шорт-трек. 500 м. Ерлер. Іріктеу
Абзал Әжіғалиев, Денис Никиша, Әділ Ғалиахметов
17:00. Трамплиннен секіру. HS-140 трамплин. Ерлер. Іріктеу
Сергей Ткаченко, Данил Васильев
12 ақпан
13:30. Шаңғы жарысы. Эстафета 4х5 км. Әйелдер. Финал
Надежда Степашкина, Ксения Шалыгина, Ангелина Шурыга, Валерия Тюленева
14:00. Конькимен жүгіру спорты. 500 м. Ерлер. Финал
Иван Аржаников
15:00. Биатлон. Спринт, 10 км. Ерлер. Финал
Александр Мухин, Владислав Киреев
17:00. Трамплиннен секіру. HS-140 трамплин. Ерлер. Бірінші кезең, финал
Сергей Ткаченко, Данил Васильев
13 ақпан
08:15, 11:15. Тау шаңғысы. Слалом гигант. Ерлер. Бірінші және екінші мүмкіндік
Захар Кучин
15:00. Биатлон. Із кесу, 10 км. Әйелдер. Финал
Галина Вишневская-Шепоренко
16:45. Биатлон. Із кесу, 12,5 км. Ерлер. Финал
Александр Мухин, Владислав Киреев
17:00. Фристайл-акробатика. Акробатика. Әйелдер. Іріктеу
Жанбота Алдабергенова, Ақмаржан Қалмырзаева
19:00. Шорт-трек. 500 метр. Ерлер. Ширек финал, финал
Абзал Әжіғалиев, Денис Никиша, Әділ Ғалиахметов
19:00. Конькимен жүгіру спорты. 500 м. Әйелдер. Финал
Екатерина Айдова
14 ақпан
17:00. Фристайл-акробатика. Акробатика. Әйелдер. Финал
Жанбота Алдабергенова, Ақмаржан Қалмырзаева
15 ақпан
Шаңғы қоссайысы. Ерлер
14:00 – HS-140 трамплин.
17:00 – 10 км.
Шыңғыс Ракпаров
17:00. Фристайл-акробатика. Акробатика. Ерлер. Іріктеу
Шерзод Хаширбаев
16 ақпан
08:15, 11:45. Слалом. Ерлер. Бірінші және екінші мүмкіндік
Захар Кучин
15:00. Шаңғы жарысы. Командалық спринт. Әйелдер. Іріктеу, финал
Надежда Степашкина, Ксения Шалыгина, Ангелина Шурыга, Валерия Тюленева, Ирина Быкова
15:00. Шаңғы жарысы. Командалық спринт. Ерлер. Іріктеу, финал
Виталий Пухкало, Евгений Величко
17:00. Фристайл-акробатика. Акробатика. Ерлер. Финал
Шерзод Хаширбаев
17:30. Шорт-трек. 1500 м. Әйелдер. Ширек финал, жартылай финал, финал
Ольга Тихонова
17 ақпан
14:30. Конькимен жүгіру спорты. 1000 м. Әйелдер. Финал
Екатерина Айдова, Надежда Морозов
18 ақпан
14:30. Конькимен жүгіру спорты. 1000 м. Ерлер. Финал
Денис Кузин, Иван Аржаников
15:00. Биатлон. Масс-старт, 15 км. Ерлер. Финал
Александр Мухин, Владислав Киреев
19 ақпан
12:00. Шаңғы жарысы. Масс-старт, 50 км. Іріктеу.
Виталий Пухкало, Евгений Величко
13:00. Конькимен жүгіру спорты. Масс-старт. Әйелдер. Финал
Надежда Морозова
13:00. Конькимен жүгіру спорты. Масс-старт. Ерлер. Финал
Дмитрий Морозов
15:00. Биатлон. Масс-старт, 12,5 км. Әйелдер. Финал
Галина Вишневская-Шепоренко
20 ақпан
12:30. Шаңғы жарысы. Масс-старт, 30 км. Әйелдер. Іріктеу Надежда Степашкина, Ксения Шалыгина, Ангелина Шурыга, Валерия Тюленева, Ирина Быкова.
Ескерту: жарыстардың басталуы Нұр-Сұлтан уақытымен көрсетілген.

Бейжің-2022: Қазақстандық спортшылар қай күні сынға түседі

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді.
Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.
Жеңілдік бойынша сақтандыру кімге беріледі? 
МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. 
Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады. Айта кетейік, аймақта 32 мыңнан астам студент бар.
Қазақстанда оқитын студенттер үшін сақтандырылған мәртебесін алу алгоритмі: 
Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген. 
Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.
Егер отандық ЖОО студенті сақтандырылмаған болса не істеу керек? 
Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.
Оқу орындарына арналған жадынама: 
Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. 
Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет. 
Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды. 
Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар туралы мәліметтердің дұрыс және уақтылы толтырылуына байланысты болады.
Шетелде оқитын қазақстандықтар үшін сақтандырылған мәртебесін алу алгоритмі: 
Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.
Ол үшін электрондық үкімет порталындағы egov.kz сервисін пайдалану қажет:
<ol>
<li>Ізденіс жолына келесіні енгізу: «Шетелде оқитын студенттерді тіркеу».</li>
<li>Ашылған терезедегі өтінішті толтыру және оқуды растайтын құжаттарды қоса беру қажет.</li>
<li>Өтінішке ЭЦҚ көмегімен қол қою.</li>
<li>Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.</li>
<li>Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.</li>
</ol>
Кері байланыс
Өкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады. 
Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді. 
Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1406 байланыс орталығы, Qoldau 24/7 және Telegramдағы Saqtandyry-Bot мобильді қосымшасы.
<img src="https://kyzylorda-news.kz/wp-content/uploads/2022/02/stwdentter-3.jpg" alt="" />
<img src="https://kyzylorda-news.kz/wp-content/uploads/2022/02/stwdentter.jpg" alt="" />
<img src="https://kyzylorda-news.kz/wp-content/uploads/2022/02/stwdentter-1.jpg" alt="" />

Студенттер МӘМС жүйесінде медициналық көмек ала алады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша жеке және заңды тұлғалар тарапынан карантин талаптарының сақталуы 167 мониторингтік топтардың тұрақты бақылауында.&nbsp;Бүгін Қызылорда облыстық санитарлық-эпидемиологиялық бақылау департаменті бастығының орынбасары Әлия Әбдіқайымованың қатысуымен өткен брифингте карантин талаптары жайында сөз қозғалды.
<blockquote>
 “Карантин талаптарын бұзушылықтардың басым көпшілігі – қоғамдық тамақтану орындары қызметкерлерінің келушілерге қорғаныш құралдарынсыз қызмет көрсетуі, шекті уақыттан асырып жұмыс жасау, үй жағдайында шектен тыс адам жинай отырып, мерекелік іс-шаралардың өткізілуі. Былтыр 805 карантин талаптарын бұзушылық анықталып, ҚР ӘҚБтК-нің 425-бабына сәйкес айыппұл салынды. Жыл басынан бері&nbsp; барлығы 48 рейд жүрізіліп, 196 нысан қамтылды. Бұл бағыттағы жұмыстар әлі де жалғасуда”,- дейді ол.
</blockquote>
Айта кетейік, бүгінгі күні облыс бойынша 3982 нысан «Ashyq» жүйесіне енгізілген.&nbsp;Жыл басынан бері 50 тұлға карантинде оқшаулану тәртібін бұзған. Оның ішінде «қызыл» статус – 48, «сары» статус – 2. «Қызыл» статустағы 1 жеке тұлғаға 45&nbsp;945 теңге көлемінде айыппұл салынса, «сары» статустағы 2 тұлғаға карантин талаптарын сақтау қажеттілігі туралы қаулы берілген.

Қызылордада оқшаулау тәртібін бұзған адамға 45 945 теңге айыппұл салынған

<a href="https://kyzylorda-news.kz/">Kyzylorda-news.kz.</a> Қазіргі кездегі ең маңызды мәселелердің бірі – нашақорлық. Яғни, есірткіні қолдану. Бүгінгі күні жастардың есірткіні қолданып, оны пайдалануы үлкен дерт болып отыр. «Бірінші байлық – денсаулық» деп бағалаған ата-бабамыздың мұраты – жаны мен тәні сау ұрпағының ынтымағына негізделген қоғамда өмір сүру болатын. Бірақ ата-бабамыздың осы мұратын аяқ асты етіп жүрген жастарымыз қазір көбейіп барады. Олар салауатты өмір салтын ұстанудың орнына есірткіні өмірлерінде кездескен қиыншылықтардан қашу үшін пайдаланады.
Ең алдымен олар есірткіні ішінара «компания үшін» немесе көпшілік ішінде «ақ қарға» болмау үшін татып көреді. Өкінішке орай, бірінші рет есірткіні қабылдай отырып, ешкім де көтерген жүгінің ауырлығын немесе қайғысының жеңілдігін сезіне алмайды. Нашақорлық – бұл есірткі заттарға еріксіз тартып тұратын, ағза қызметін қайтымсыз бұзылуларға алып келумен сипатталатын ауру түрі. Есірткі сана мен миға әсер ететін заттар болып табылады. Әдетте, есірткіні пайдалану қызығушылықтан басталады. Жастар өзіне беймәлім нәрсені татып көргенде ләззат алады да, сосын оған тәуелді болып, іздеумен болады. Сөйтіп, аз ғана уақыт ішінде нашақорға айналып шыға келеді. Осы жерде кемеңгер Ұлы Абай атамыздың «Атаның баласы болма, адамның баласы бол» деген пікірі еріксіз ойға оралады.
Еліміздің жарқын болашағы біздер, жастар.Сондықтан да өзіміздің келешегіміз бен өміріміз өзінің қолымызда. Есірткі адам өмірін жалмап, тағдырын күл талқан ететін қасірет. Есірткіге елігіп, өз балалық шағына, болашағына балта шабу біздің «адам» деген атымызға мүлде жат. Мен биыл мектепті бітіріп, үлкен өмірге қадам басқалы отырмын. Өмірде өз орныңды табу үшін білім қажет, сондықтан да мен білім жолы мен салауатты өмір салтын таңдадым. «Ауырып ем іздегенше, ауырмайтын жол ізде» дегендей, аурудың алдын алған ем іздегеннен жеңіл болатынын ұмытпайық! Жас өмірімізді керексіз дүниелермен уландырмауға тырысайық, достар! Еліміздің болашағы –дені сау жас ұрпақ екенін жадыңнан шығарма! Мен өз ойымды мына өлең жолдарымен аяқтағым келеді, өйткені есірткісіз өмір ғажайып!
Салауатты өмір салтын қолдайық! 
Әдеттен жаман әманда аулақ болайық! 
Өз өмірің өз қолыңда, ей, жастар, 
Су ішпеген гүлдей болып солмайық!
Өмірбек Бекарыс, 
Жалағаш ауданы 
Жаңадария ауылы 
№203 орта мектеп

Мен саған есірткі жайлы айтып беремін&#8230;

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 6610 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 2702, Алматы қаласы – 1750, Ақмола облысы – 27, Алматы облысы – 358, Атырау облысы – 99, Шығыс Қазақстан облысы – 172, Жамбыл облысы – 21, Батыс Қазақстан облысы – 133, Қарағанды облысы – 534, Қостанай облысы – 38, Қызылорда облысы – 391, Маңғыстау облысы – 36, Павлодар облысы – 151, Солтүстік Қазақстан облысы – 150, Түркістан облысы – 48.
Жалпы пандемия басталғалы елімізде коронавирус 1 166 697 адамнан анықталса, соның ішінде 1 000 550 науқас жазылып шықты.

Қызылордада 391 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 15872 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 5050,
Алматы қаласы – 2025,
Шымкент қаласы – 420,
Ақмола облысы – 750,
Ақтөбе облысы – 459,
Алматы облысы – 432,
Атырау облысы – 568,
Шығыс Қазақстан облысы – 542,
Жамбыл облысы – 257,
Батыс Қазақстан облысы – 376,
Қарағанды облысы – 2944,
Қостанай облысы – 402,
Қызылорда облысы – 399,
Маңғыстау облысы – 250,
Павлодар облысы – 710,
Солтүстік Қазақстан облысы – 155,
Түркістан облысы – 133.
Жалпы ел бойынша ауырғандар саны 1100876.

Қызылордада 399 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Қасым-Жомарт Тоқаев қазақстандықтарға маңызды үндеу жариялады.
Мемлекет басшысы үндеуде халықты алаңдатқан мәселелерді алға тартып, оларды шешудің нақты қадамдарын атап өтті. Мәселен, ұзақ уақыттан бері халықтың мұңына айналған утилизациялық алым мәселесін жуық арада шешу жоспарланды. Сонымен қатар ел экономикасының басым бөлігін құрайтын «Самұрық-Қазына» әл-ауқат қорының жұмысын қайта қарастыру да жоспарға енді.
Президент мұнан өзге елде жастар саясатына да ерекше назар аударылатынын айтты.
«Ел болашағы – жастардың қолында» десек, қазір олардың сапалы өмір сүріп, білім алуы мемлекеттің қолдауымен жүзеге асуы тиіс. Осы мәселеде Мемлекет басшысы елімізде белгілі шетелдік бес университеттің филиалын ашу, сонымен қатар жоғарғы оқу орындарының сапалық деңгейін көтеру туралы тапсырма берді. Оған қоса, жастардың бизнестегі бастамасына берілетін гранттар құнын 400 айлық есептік көрсеткішке дейін арттыруды тапсырды. &nbsp;
Президент қазақ елінің жаңа келбетін қалыптастыруға бағытталған үндеуінде тиісті сала жетекшілеріне біршама міндеттер мен тапсырмалар жүктеді. Осы орайда қызылордалықтар да бірлігімізді күшейтіп, ынтымағымызды аттырайық.
Аманжол ОҢҒАРБАЕВ,
Қызылорда облыстық мәслихат депутаты

Президент үндеуі елдің жаңа келбетін қалыптастыруға бағытталып отыр

<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдығы аясында бүгін Қызылорда қаласындағы жаңадан байдарка және каноэ есу базасы жұмысын бастады.
Қызылорда облысының әкімі Гүлшара Әбдіқалықова нысан жұмысын көрді.
Спорт нысанында бапкер, аға жаттықтырушы Мухитдин Мейірбеков байдарка және каноэ есу бағыты бойынша жастарды даярлау ісіне қатысты негізгі ерекшеліктерді тізбектеді. Аймақ басшысы жастармен тілдесіп, пікір алмасу барысында жаңадан бой көтерген байдарка және каноэ есу базасы Сыр спортының дамуына серпін беретінін атап өтті.
Базада спортшыларға арналған жаттығу залы, монша, медициналық көмек көрсету пункті және асхана бар. Ал, базаның жанында қайық сақтау қоймасы және жазғы оқу-жаттығу процесін жүргізетін су аумағы орналасқан. Мұнда 80 баланың спортпен шұғылдануға жағдай жасалған. Ал, жаңа нысан арқылы 15 маман жұмыс көзін тапты.
Атап өту керек, Қызылорда облысында байдарка және каноэде есу спорты 2012 жылдан бастап жұмыс жасап келеді. Қазіргі таңда аталған спорт түрімен өңірдің спорт мекемелерінде 4 жаттықтырушы 56 спортшымен тұрақты жұмыс жасайды. 9 жыл ішінде өңірде 4 – ҚР Халықаралық дәрежедегі спорт шебері, 8 – ҚР спорт шебері, 4 – ҚР спорт шеберіне кандидат спортшылар дайындалды. Олардың қатарында Мерей Медетов, Қожахмет Алтынбек, Гүлжайна Тыныбекова, Бахраддин Диас, Диана Удурбаева бар.
Ал, биылғы жылы облыс спортшылары ҚР чемпионаттары мен кубоктарынан 90 медальді облыс қоржынына салған.
Мемлекет басшысы Қасым-Жомарт Тоқаевтың тапсырмасына сәйкес өңірде 2156 баланы қамтитын мемлекеттік спорттық тапсырысты қаржыландыруды 2021 жылғы 212 млн. теңгеден келесі жылы 4312 балалар үшін 638 млн. теңгеге ұлғайту жоспарлануда.
Мұнан соң аймақ басшысы Баймұрат батыр ауылында орналасқан психикалық денсаулық орталығына қарасты «Наркологиялық стационардың» жұмысымен танысып, оңалту және серуендеу алаңын көрді.
Стационар ағымдағы жылы қайта жаңғыртудан өткен. Емдеу мекемесінде 170 төсек орын бар. Науқастарқа наркологиялық көмек, медициналық оңалту, жалпы терапиялық, зертханалық диагностика және т.б. медициналық көмек көрсетілуде. Мұнда 90-ға жуық маман азаматтарға емдеу процесін жүргізеді.
<img src="https://kyzylorda-news.kz/wp-content/uploads/2021/12/esw-baza.jpg" alt="" />
<img src="https://kyzylorda-news.kz/wp-content/uploads/2021/12/269751265_210158134638772_5947710976534050587_n.jpg" alt="" />
<img src="https://kyzylorda-news.kz/wp-content/uploads/2021/12/269748605_210158121305440_7430280708609520719_n.jpg" alt="" />
<img src="https://kyzylorda-news.kz/wp-content/uploads/2021/12/bajdarka.jpg" alt="" />
<img src="https://kyzylorda-news.kz/wp-content/uploads/2021/12/269783663_210158304638755_8675858289717445977_n.jpg" alt="" />
<img src="https://kyzylorda-news.kz/wp-content/uploads/2021/12/pazylov.jpg" alt="" />
<img src="https://kyzylorda-news.kz/wp-content/uploads/2021/12/sport-1.jpg" alt="" />
<img src="https://kyzylorda-news.kz/wp-content/uploads/2021/12/tis.jpg" alt="" />

Қызылордада байдарка және каноэ есу базасы жұмысын бастады

<a href="https://kyzylorda-news.kz/">Kyzylorda-news.kz.</a> 1 қаңтардан бастап Қазақстанда айлық есептік көрсеткіш (АЕК) мөлшері 3 063 теңгеге дейін өседі.&nbsp;
<img src="https://kyzylorda-news.kz/wp-content/uploads/2021/12/18852202.png" alt="" />
Қазақстан Республикасының заңнамасына сәйкес айлық есептiк көрсеткiш жәрдемақы және басқа да әлеуметтiк төлем, сондай-ақ айыппұл, салық және өзге де төлемдердi есептеу үшiн қолданылады.
<ul>
<li>Паспорт алу үшін төленетін мемлекеттік баж салығы – 8 АЕК немесе 24 504.</li>
<li>Жеке куәлік – 0,2 АЕК немесе 613 теңге.</li>
<li>Жүргізуші куәлігін алу үшін төленетін мемлекеттік баж салығы&nbsp;– 1,25 АЕК немесе 3 828 теңге.</li>
<li>Ттуу туралы куәлік алу ақша төлеудің қажеті жоқ. Себебі бұл куәлік тегін беріледі. Алайда акт жазбасына өзгерту, толықтыру, түзету енгізу немесе оны қалпына келтіру үшін 0,5 АЕК, яғни 1 532 теңге төлеу қажет.</li>
<li>Неке тіркеу үшін жас жұбайлар 1 АЕК немесе 3 063 теңге төлейді. Ал неке қию туралы куәлікті екінші рет алу үшін 0,5 АЕК, яғни 1 532 теңге қарастырылған.</li>
<li>Ажырасуға арыз беру кезінде төленетін мемлекеттік баж салығының мөлшері – 2 АЕК немесе 6 126 теңге.</li>
</ul>
Ең төменгі күнкөріс деңгейі қандай
<ul>
<li>Ең төменгі жалақы мөлшері – 60 000 теңге.</li>
<li>Ең төменгі мемлекеттік базалық зейнетақы мөлшері – 19 450 теңге.</li>
<li>Ең төменгі зейнетақы мөлшері – 46 302 теңге.</li>
</ul>
Базалық әлеуметтік төлемдерді есептеу үшін қажет ең төменгі күнкөріс деңгейі 2022 жылы 36 018 теңге мөлшерінде болады.
<a href="https://sputnik.kz/infographics/20211209/18853285/2022-zhyly-zhurgizushi-kualik.html">SputnikҚазақстан</a>

2022 жылы жеке және жүргізуші куәлігін алу қанша тұрады

<a href="https://kyzylorda-news.kz/">Kyzylorda-news.kz.</a> Сыр елінің қос балуаны қазақ күресінен республикалық «Үздіктердің үздігі» додасында топ жарып, алтын медальға ие болды. Байрақты бәсекеде бағы жанған Мақсат Исағабылов пен Бекжан Төлепов Өңірлік коммуникациялар қызметінің ақпарат алаңында журналистерге жарыс туралы айтып, алдағы жоспарларымен бөлісті.
<blockquote>
 Ел Тәуелсіздігінің 30 жылдығына биыл тұңғыш рет қазақ күресінен үлкен дода ұйымдастырылды. Облыстың намысын 5 балуан қорғады. 100 келі салмақта Нұрым Сәлімгереев, 60 келіде Нұршат Әбілтаев және 55 келіде Серікболсын Шарипов пен Бекжан Төлепов, аса ауыр салмақта Мақсат Исағабылов бақ сынады. Спортшылардың барлығы жақсы өнер көрсетті. Екі балуанымыз бас бәйгені жеңіп, облыс обыройын асқақтатты. Жерлестеріміздің жеңісімен шын жүректен құттықтаймыз, – деді облыстық дене шынықтыру және спорт басқармасы басшысының міндетін атқарушы Жағыпар Тәжмаханов.
</blockquote>
Биыл Сыр спортшылары ел біріншілігінде барлығы – 1024 медаль жеңіп алса, Азия чемпионаттарында – 40, әлем чемпионаттарында – 64 медаль қанжығалады.
<blockquote>
 Айтулы додада Сыр өңірінің намысын қорғап, жүлдегер атандық. Бұл жарысқа ұзақ уақыт дайындалдық. Бастысы үмітті ақтадық. Алдағы уақытта да үлкен додаларда олжалы болуға жаттығуды күшейтеміз. Бізге қолдау білдірген жерлестерге ризамыз, – деді Мақсат Исағабылов.
 Кеше ғана өткен «Үздіктердің үздігі» республикалық бәсекеде еліміздің түкпір-түкпірінен кіл мықтылар жиналды. Әрине, жарыс оңай болған жоқ. Үлкен қолдау білдірген облыстық дене шынықтыру және спорт басқармасына және жерлестерге алғысымыз шексіз. Біз мұнымен тоқтап қалмаймыз. Жеңісті күндер әлі алда, – деді Бекжан Төлепов.
</blockquote>

Қызылордалық спортшылар «Бас балуан» атанды

<a href="https://kyzylorda-news.kz/">Kyzylorda-news.kz.</a>&nbsp; 2020 жылдың көктемі бұрынғыдан өзгерек басталды. Жер Ана көкке малынғанымен, адамзаттың басына қара бұлт үйірілді. Күн жадырап шыққанымен, көше тастанды қаланың күйін кешті. Қар еріп, жылғалап аққан су, көктемгі егінге дайындықты ойлауға емес, алдағы күннің не боларын болжай алмайтын халге жетті, Қызылорданың көңіл күйі қыстың ызғарынан да қатал күйге енді.
Әлемді коронавирус жайлап, пандемия жарияланды. Күн сайын өлім саны көбейіп, мыңдаған адам індеттің құрығына түсіп, төсекке таңылды. Жақынының қазасына жете алмаған жұрт, пәтерінен шыға алмай қалған тұрғын, дәрменсіз күй кешкен халық сансырап қалды. Балалар бақшаға, оқушылар мектепке бармады. Үйге қамалған баланың ермегі ұялы телефон болды, сабағы ватсаппен беріліп, қосымшасы Білім лендпен оқытылды. Баланың жаны жабырқамасын деп бабын табуды ойлана бастадық. Тығырықтан шығар жол іздедік. Оқушының онлайн білім алуына, ата-ананың қашықтықтан жұмыс істеуіне мүмкіндіктің қажеттігі туды. Жан-жақты саралай келе, мүмкіндіктерін зерделей отырып, байланыс желілерін жілікше шақтық. Тоқтам біреуіне тоқталды. Көпшіліктің сұранысына сай, «Қазақтелеком» таңдалынды. Менің отбасымның да таңдауы осы болды.&nbsp;&nbsp;
*** &nbsp;&nbsp;&nbsp;
– Қайырлы күн, «Қазақтелеком» тыңдап тұр. Қандай көмегіміз қажет?
– Сәлеметсіз бе, мен Сіздердің қызметтеріңізді пайдаланып, үйіме интернет желісін орнатсам деп едім.
– Әрине, қуаныштымыз. Елімізде жайлаған індетке байланысты «Қазақтелеком» АҚ қызметтерін қосуға ниеттенген жаңа тұтынушылардың рекордтық саны өтініш білдіріп жатыр. Сіздердің қауіпсіздіктеріңіз үшін қызмет көрсету желісінің нүктелерін уақытша жауып, онлайн қызмет көрсетудеміз. Ол үшін тапсырыс жасасаңыз болады.
–&nbsp; Тұтынушылар көп болса, менің өтінішімнің орындалмауы да мүмкін бе?
– Әрине, жоқ. Өтініштер көп түскенімен, ешқайсысы да жауапсыз қалмайды. Міндетті түрде, тексеріп, бар мүмкіндікті жасаймыз.
– Рақмет.
***
– Анашым, бұл нее? – деп тұтқасын тосырқай ұстап, телефонды төңкере қарап шыққан 7 жасар қызымның таңқалып қойған алғашқы сұрағы осы болды.
Баламның сұраулы жүзіне қарап, асықпай түсіндіруге тырыстым. Бір ойым болса, балалық пен жастық шақты шарлап кетті. &nbsp;Көз алдымнан ата-ана, бауырмен телефон арқылы жөн сұрасып, бір бөлмеден келесі бөлмеге шұбатылған сымын сүйретіп жүрген кездер, алыс-жақын елдермен байланысу үшін тұрған ұзын-сонар кезек еске түсті.
***
Иә, жылдармен бірге жаңашылдықта еніп келеді. Байланыс құралдары да өзгерді. Көш бастаған мемлекеттермен бірге цифрлық технологиялар дами түсті.
Індеттің ылаңы өткенді еске салды. Осындайда бүгінгіні пайымдау арқылы ертеңгіге сенімділік берді. Халық абдырамай, жұмыс істеудің жолын іздеді. Мен секілді «Қазақтелекомды» таңдағандар саны өткен жылдың наурызынан бастап жыл соңына дейін 4600 өтініш білдірген. Яғни……..
Расымен, жұмыс, оқу онлайн режимге көшіп, байланыс қызметтеріне сұраныс артты. “Карантиндік” айларда “Қазақтелеком” қызметтеріне қосылулардың негізгі көлемі кең жолақты қолжетімділік қызметтеріне қатысты болды, себебі бір пәтердің ішінде тіркелген бір модемге қанша гаджетті қосуға болады, және бұл ұялы құрылғыдан Интернетті таратуда сигнал сапасы тұрғысынан арзан әрі сенімді еді.
Жалпы, телекоммуникация қызметтерін қосуға ниет білдірген азаматтардың өтініштері өңірлік қызмет көрсету желілері мен белсенді сауда орталықтарында қаралды, содан кейін 24 сағат ішінде Телекоммуникация желілерін дамыту орталығының мамандары абоненттерге қосылған қызметтердің техникалық мүмкіндігін және қосылуын анықтады. Қызметкерлердің айтуынша, бұрын екі-үш айдың ішінде атқарылатын жұмыс көлемі жанкешті еңбектің арқасында бір айда тез бітіп жатты. Жоғары кәсібиліктің нәтижесінде «Қазақтелеком» еш тығырықсыз жұмысын реттеді, абоненттерінің де ақпараттық вакуумда қалып қоймауы үшін қолдан келгеннің бәрін жасады.
«Қазақтелекомдықтар» медицина саласына да қол ұшын созды. Вируспен бетпе-бет кездесіп, алғы шепте аурумен алысқан медицина саласы қызметкерлеріне жақсылығын аямады. Айлап үй бетін көрмей, бастарын қатерге тіккендерді ынталандыруға күш жұмсады. Пандемия кезінде Қазақтелеком бес мыңнан астам қазақстандық дәрігерді тегін ұялы байланыс және интернетпен қамтамасыз етті. Бұл бастама 90 күнге жалғасты.
Осы орайда, айта кету қажет, жақсылықтың жалғасы ретінде «Қазақтелеком» іске қосқан «Онлайн-медицина» қызметі де көп көмегін тигізуде.
Басқарма төрағасы Қуанышбек Есекеевтің «Фейсбук» әлеуметтік желісіндегі жеке парақшасында жазған мәліметіне сүйенсек, аталмыш қосымшаны тұрақты қолданушылар қатары бүгінде 50 000-нан асқан екен. Онда «осы статистиканың өзі қосымшаның халық арасында өзекті екендігін көрсетеді. Оны пайдалану өте қарапайым. Бар болғаны, тіркелуге сұранысты telecom.kz порталына қалдырып, қосымшаны телефонға жүктеп алу. Осыдан кейін бірден қажетті дәрігердің кеңесін ала беруге болады. Басқаша сөзбен айтқанда, қосымшаны жүктеу арқылы, дәрігерді қалтаңызға салып аласыз. Мұндай қызметтің қажеттілігі әсіресе былтырғы пандемия кезінде қатты білінгенін айтқым келеді. Коронавируспен күрес кезінде көптеген мемлекеттік және жеке ауруханалар да карантинге жабылып, «қатардағы» науқастар әп-сәтте кімге жүгінерін білмей, айдалада қалғандай күй кешті. Бұл қызмет түрі әсіресе ауыл халқы үшін пайдалы екені белгілі. Қазіргі кезде Қазақстандық мықты дәрігерлермен келіссөздер жүргізіліп жатыр», – делінген екен.
Жақында «Онлайн-Медицина» қазақ тілінде де қызмет көрсететіні қуантады.
Шалғай ауылдарда да «оптика» келгелі тірлігі жанданып жатыр. Қаншама ай күтіп, қанша уақытын босқа өткізетін күндер артта қалды. Интернет деген заманның сиқырлы желісі санаулы сәтте меселіңді қайтармай, мәселеңді шешіп беріп, жұмысты жеңілдетіп жіберді.
Өздеріңізге белгілі, «Қазақтелеком» ауылдарға талшықты-оптикалық байланыс желісін тарту жұмыстарын 2018 жылы бастап, екі жыл бойы тоқтаусыз жүргізді. Былтыр желтоқсанда жоба бойынша жоспарланған ең соңғы нүктені Түркістан облысында іске қосып, жобаны аяқтады.
Барлық өңірде бір мезетте басталып, бір кезеңде қатар жүргізілген құрылыс жұмыстарының арқасында 14 514 шақырымдық оптика желісі қысқа мерзім ішінде тартылды. Талшықты-оптикалық байланыс желісі 828 ауылдағы 2496 мемлекеттік мекеме мен бюджеттік ұйымға қосылған. Бүгінгі таңда тартылған оптиканың негізінде тұрғын үйлерге де интернет жүргізілуде. Ол үшін интернетті көп нүктелі сымсыз желі арқылы таратып, радио көпір ұйымдастыратын бірегей технологияны қолданады.
***
Жұмыста компьютерде мәтін жазып отырып, ұялы телефоныма қалалық нөмірден қоңырау түсті.
– Тыңдап тұрмын.
– Алло, анашым, біз мектептен келдік.
– Қазір барамын.
– Анашым, «Қазақтелекомнан» хабарласты. Ақша төлесін дейді. Ал мен ол ағаға, Сіздерге рахмет айтамын дедім.
– Не үшін қызым?
– Әкем мен анама хабарласуға мүмкіндік бергеніңіз үшін!
– Рақмет…
Гүлнұр Бейбітбекқызы

Жаңа технология мүмкіндіктерге жол ашады

Kyzylorda-news.kz. Қазақстанда өткен тәулікте 847 адамда коронавирус індеті ПТР арқылы расталып ауырғаны белгілі болды. Бұл туралы coronavirus2020.kz сайты хабарлайды.
Аймақтар бойынша: Нұр-Сұлтан қаласы – 117, Алматы қаласы – 85, Шымкент қаласы – 5, Ақмола облысы – 83, Ақтөбе облысы – 13, Алматы облысы – 37, Атырау облысы – 4, Шығыс Қазақстан облысы – 45, Жамбыл облысы – 9, Батыс Қазақстан облысы – 22, Қарағанды облысы – 97, Қостанай облысы – 102, Қызылорда облысы – 6, Маңғыстау облысы – 4, Павлодар облысы – 93, Солтүстік Қазақстан облысы – 121, Түркістан облысы – 4.
Жалпы ел бойынша ауырғандар саны 970092.

Қазақстан және Қызылорда облысының жаңалықтары: Рубрикасыз

Бейжің-2022: Қазақстандық спортшылар қай күні сынға түседі

Студенттер МӘМС жүйесінде медициналық көмек ала алады

Қызылордада оқшаулау тәртібін бұзған адамға 45 945 теңге айыппұл салынған

Мен саған есірткі жайлы айтып беремін…

Қызылордада 391 адам коронавирустан жазылды

Қызылордада 399 адамнан коронавирус анықталды

Президент үндеуі елдің жаңа келбетін қалыптастыруға бағытталып отыр

Қызылордада байдарка және каноэ есу базасы жұмысын бастады

2022 жылы жеке және жүргізуші куәлігін алу қанша тұрады

Қызылордалық спортшылар «Бас балуан» атанды

Жаңа технология мүмкіндіктерге жол ашады

Қызылордада 6 адам коронавирус жұқтырды

Қазақстан және Қызылорда облысының жаңалықтары: Рубрикасыз

Бейжің-2022: Қазақстандық спортшылар қай күні сынға түседі

Студенттер МӘМС жүйесінде медициналық көмек ала алады

Қызылордада оқшаулау тәртібін бұзған адамға 45 945 теңге айыппұл салынған

Мен саған есірткі жайлы айтып беремін&#8230;

Қызылордада 391 адам коронавирустан жазылды

Қызылордада 399 адамнан коронавирус анықталды

Президент үндеуі елдің жаңа келбетін қалыптастыруға бағытталып отыр

Қызылордада байдарка және каноэ есу базасы жұмысын бастады

2022 жылы жеке және жүргізуші куәлігін алу қанша тұрады

Қызылордалық спортшылар «Бас балуан» атанды

Жаңа технология мүмкіндіктерге жол ашады

Қызылордада 6 адам коронавирус жұқтырды

Мен саған есірткі жайлы айтып беремін…