<a href="https://kyzylorda-news.kz/">Kyzylorda-news.kz</a>. Биыл жарияланған World Happiness Report есебінде Финляндия “Әлемдегі ең бақытты ел” рейтингінде төртінші рет көш бастады.
Дүниежүзілік бақыт туралы есепты жыл сайын Біріккен Ұлттар Ұйымының Тұрақты Даму Шешімдер Бөлімі жасайды. Ол әлемнің 149 елін бағалайды және өмір сүру ұзақтығы, әлеуметтік қолдау, сыбайлас жемқорлық және тағы басқа көрсеткіштерді ескереді. Бақытты ел есебі алғаш рет 2012 жылы жарияланды.
Массагет порталы әлемдегі ең бақытты елдерге шолу жасайды.
Бақытты елдер рейитнгі ТОП 10:
<ol>
<li>Финландия;</li>
<li>Дания;</li>
<li>Швейцария;</li>
<li>Исландия;</li>
<li>Нидерланды;</li>
<li>Норвегия;</li>
<li>Швеция;</li>
<li>Люксембург;</li>
<li>Новая Зеландия;</li>
<li>Австрия.</li>
</ol>
АҚШ – 14, Ұлыбритания – 18, Франция – 20-орынға жайғасты.
<img src="https://kyzylorda-news.kz/wp-content/uploads/2021/09/ad283533785d0ca2f0491a53f4f4e35b.jpg" alt="" />
Неге Финландия ең бақытты ел саналады?
Биыл пандемияның өршіп тұрғанына қарамастан фин елі тағы да көш бастады. Джонс Хопкинс университетінің мәліметінше, 5.5 миллион халқы бар ел Еуропаның көптеген мемлекетіне қарағанда пандемиямен жақсы күрескен. Коронавирус басталғалы финдерде 70 000-нан астам адам ковид жұқтырып, 805 адам қайтыс болған. Бұл елде қылмыс деңгейі де төмен. Финляндия полицейлерге сенімі бойынша әлемдегі рекордты көрсеткіште. &nbsp;Өткен 20 жыл ішінде олар баспанасыздар санын екі есеге қысқарта алған. Бүгінде баспанасыздар саны – 7000-нан аспайды. Алдын алудың арқасында бірнеше ондаған жылдар ішінде суицид саны да екі есеге қысқарды.
<img src="https://kyzylorda-news.kz/wp-content/uploads/2021/09/0b9ac47d9041756a8246e2f0a00d7a46.jpg" alt="" />
3 миллион сауна мен 4500 ағаш
Ғалымдар финдердің бақыты туралы зерттей отырып, бақыттың басты сыры өмір сүру салтында екенін баса айтады.
Финдер қоршаған ортаны қорғауға құмар. Жыл сайын үлкен қалаларда велосипедтер көбейіп, көліктер азайып келеді. Жазда Хельсинки мэрі тіпті екі дөңгелекті көліктерді ақысыз жалға береді. Финляндия сонымен қатар Еуропадағы қалдықтарды сұрыптау бойынша да көш басында. Бұл елде қалдықты қайта өңдеу 20 жылдан астам бұрын енгізілген. Қазіргі уақытта қалдықты қайта өңдеу 80%-ға &nbsp;жеткен.
Таза экологиядан басқа, финдер салауатты өмір салтын жақсы көреді. Финляндияны “сауналар елі” деп атайды. 5,5 миллион адамға 3 миллионға жуық сауна қызмет етеді. &nbsp;Қоғамдық сауналар ақысыз және әлеуметтік мәртебеге қарамастан маңызды кездесетін жер саналады.
<img src="https://kyzylorda-news.kz/wp-content/uploads/2021/09/0bdca5202e2b832d29d10c7d4769d9ec.jpg" alt="" />
Фин бақытының тағы бір көзі – табиғат. Финляндияда 37 ұлттық парк бар (салыстыру үшін айтатын болсақ, Қазақстанда тек 14 ұлттық парк бар. Финландия жер көлемі бойынша 66-орында, Қазақстан 9-орында), бұл елдің әр тұрғынына 4500 ағаштан келеді. Финляндия – Еуропадағы ең ауасы таза ел. Қатаң климатқа қарамастан, финдер ашық ауада көп уақыт өткізеді, саңырауқұлақтар мен жидектерді жинайды, 95% спортпен айналысады, ал жартысынан көбі қашықтан жұмыс істейді.
Басқа елдер ше?
Екінші орынға жайғасқан Дания да экономика және түрлі басқа сала жағынан өте дамыған мемлекет. Елде әдемі сәулет, заманауи нарықтық экономика, жоғары әлеуметтік стандарттар, сапалы денсаулық сақтау жүйесі және қылмыс деңгейі төмен. Данияда жалақы орташа есеппен айына 5 мың еуродан асады. Даниялық компаниялардың қызметкерлері, әдетте, еңбек жағдайына қанағаттанғанады.
Үшінші орындағы Швейцарияда өмір сүру қаржылық жағынан өте қымбат болса да, бұл ел Женевада, Цюрихте және басқа да көптеген қалаларда бизнес ашуға немесе жұмыс іздеуге ұмтылатын көптеген шетелдік кәсіпкерлер мен еңбек мигранттарын тартады. Ең әдемі таулар, таза көлдер, сапалы сағаттар мен керемет дәмді швейцариялық шоколад бүкіл әлемге белгілі. Мемлекеттің инфрақұрылымы идеал деңгейде&nbsp;және медицинасы өте жақсы дамыған.
Төртінші-бесінші орындағы Нидерланды мен Исландия туралы да осыны айтуға болады. Дәстүр бойынша, нидерландықтардың басты артықшылығы – басқаларға сенім, қайырымдылық. Бұл елде сыбайлас жемқорлық өте төмен деңгейде.
<img src="https://kyzylorda-news.kz/wp-content/uploads/2021/09/d4f727ab03c256798a2511aeeea2eb4d.jpg" alt="" />
Исландия – бар болғаны 360 мыңға жуық адам тұратын шағын мемлекет. Көптеген азаматтар бір-бірін жақсы біледі, сондықтан кетерде үйдің есігін құлыптамайды да, балаларын кафе немесе дүкен кіреберісінде қараусыз қалдыра береді. Бұл елде ұрлық деңгейі өте төмен. Орталық жылу жүйесі, білім беру тегін. Темекі шегетіндер мен алкоголь ішетіндер жоқтың қасы. Бұл елде адам құқығы бірінші орында. Жеке медициналық клиника жоқ, барлығы тегін. Исландияның орташа жылдық жалақысы&nbsp; – 40 000 доллар. Тұтастай алғанда мемлекет жынысына, жасына және біліміне қарамастан, тең мүмкіндіктер береді.
<img src="https://kyzylorda-news.kz/wp-content/uploads/2021/09/d54c2c730097cca4239deaafffb40b2e.jpg" alt="" />
Қазақстан нешінші орында?
149 ел кірген рейтингте Қазақстан 36-шы орында. Жалпы бұрынғы КСРО елдерінің ішінде Эстония мен Литваның нәтижелері жақсы. Бұл елдер – 28 және 29 орынды иеленген. Ал көршілерімізден – Қырғызстан – 33, Латвия – 34, Өзбекстан – 42, Молдова – 49, Ресей – 60, Тәжікстан – 62 , Украина – 69, Грузия – 73 орында.
Айта кету керек, Қазақстан кейінгі 3 жыл қатарынан (2017-219 жылдар) 60-орынды иеленген болатын. Тек, былтыр 50-орынға жоғарылады.
Біріккен Ұлттар Ұйымының мәліметі бойынша, биылғы “ең бақытсыз” елдер – Зимбабве (рейтингте соңғы) және Танзания.
<a href="https://massaget.kz/arnayyi_jobalar/lemtanu/66090/">massaget.kz</a>

Әлемдегі ең бақытты елдер-2021: Қазақстан нешінші орында?

<a href="https://kyzylorda-news.kz/">Kyzylorda-news.kz</a>.&nbsp;Еліміз халықаралық әуе рейстерін жандандырып жатыр. Қазір қазақстандықтар 20 елге емін-еркін ұша алады, деп хабарлайды <a href="https://24.kz/kz/zha-aly-tar/o-am/item/497583-aza-stan-20-elmen-ue-rejsin-zhandandyrdy">«Хабар 24»</a>.
Азаматтық авиация комитетінің хабарлауынша, әсіресе, Түркияға рейс ең көп орындалады. Ұшақтар Стамбұлға Қазақстанның алты қаласынан қатынайды. Барып-келу құны елордадан есептегенде 330 мың&nbsp; теңге. Сондай-ақ ішкі рейс саны да ұлғайған. Сәйкесінше жолаушылар ағыны 30 процентке артты. Әуе тасымалы бойынша халықаралық шектеулердің жеңілдеуінен бөлек, бұған Түркістанда әуежайдың ашылуы мен бюджеттік әуе желісінің іске қосылуы ықпал еткен. Мұнда сатылған билет саны 5 млн-ға жуықтайды.

Қазақстан 20 елмен әуе рейсін жандандырды

Kyzylorda-news.kz. Индиялық ғалымдар ауа ластануының жоғары деңгейінің әсерінен балалардың семіздікке шалдығуын және демікпе қаупін арттыратынын анықтады, деп хабарлайды Stan.kz.
Өкпені күту қоры мен Pulmocare ғылыми-білім беру орталығы жүргізген зерттеуге Дели мен Үндістанның оңтүстігіндегі Коттаям мен Майсуру қалаларынан кездейсоқ таңдалған 12 мектепте оқитын 3 157 бала қатысқан. Бұл қалаларда ауа басқа жақтарға қарағанда салыстырмалы түрде таза.
Зерттеушілер Делидегі балалардың 39,8 пайызы ал Коттаям мен Майсуруда 16,4 пайызы артық салмақпен ауыратынын анықтады. Ғалымдардың айтуынша, бұл осы қалалардағы зиянды PM2.5 бөлшектерінің деңгейімен байланысты.&nbsp;
Сарапшылардың айтуынша, Делидегі мектеп оқушыларында астма мен аллергия белгілері, қышыма, көздің сулануы, жөтел мен бөртпе ауруларының Коттаям мен Майсуру қалаларына қарағанда “таралуы едәуір жоғары”.
<blockquote>
 “Зерттеу Дели балаларында респираторлық және аллергиялық симптомдардың, спирометриялық демікпе мен семіздіктің жоғары таралуын анықтады. Балаларымыздың болашағын сақтау үшін Дели мен басқа қалалардағы ауаның ластану мәселесін жүйелі түрде шешетін уақыт жетті”, – дейді өкпе күтімі қорының негізін қалаушы Арвинд Кумар.
</blockquote>
Зерттеу көрсеткендей, семіздікке шалдыққан балалардың демікпемен ауыруы 79 пайызға жоғары.
<blockquote>
 “Балалардағы семіздіктің көптеген себептері болуы мүмкін, бірақ қоршаған ортаның ластануы ең басты фактор”, – делінген зерттеуде.
</blockquote>
Дели – әлемдегі ең ластанған қалалардың бірі екенін айта кету қажет. Жыл сайын ондағы ауаның ластану деңгейі Дүниежүзілік денсаулық сақтау ұйымы (ДДҰ) қауіпсіз деп санайтын деңгейден шамамен 9 есеге асады.

Ғалымдар: Ауаның ластануы балалардың семіздігін тудырады

<a href="https://kyzylorda-news.kz/">Kyzylorda-news.kz</a>. Қысқа қара көйлекты ойлап тапқан және зергерлік бұйымдарды танымал еткен әйел туралы білесіз бе? Иә, ол – Коко Шанель. Сондай-ақ ол туралы басқа да қызықты дерек жетерлік.
1. Сән әлеміне екі түсті аяқ киімді әкелген Шанель. Оның пікірінше, ақшыл сары түс аяқтың жалғасы ретінде ұзартса, қара түс аяқ киімнің бас жағын сүйкімдірек көрсетеді.
<img src="https://kyzylorda-news.kz/wp-content/uploads/2021/08/tufli-chanel-1.jpg" alt="" />
2.&nbsp;Шанельдің сән әлеміндегі мансабы еуропалық ақсүйектер үшін бас киімдер жасаудан басталды. Оған арзан трикотаждан әйелдер киімін тігу идеясы даңқ әкелді, оның алдында бұл матадан тек ерлердің іш киімдері жасалған.
3. Шанель бижутерия мен зергерлік бұйымдарды бірінші болып араластырды.
<img src="https://kyzylorda-news.kz/wp-content/uploads/2021/08/bijuteriya2.jpg" alt="" />
4. Коко Шанель тотығуды, яғни терінің қоңыр түсін танымал етті. Оның алдында бозарыңқылық сәнде болды.
5. Қара түс Кокоға дейін күнделікті киімдерде қолданылмады. Ол талғампаз емес, аза тұту түсі деп саналды. Бірақ Шанель мен оның қара көйлегі әйелдерге қара түстің әмбебап екенін дәлелдеді.
6. Коко Шанель ешқашан қайшысыз жүрмеген, қайшы әмиянында немесе мойнындағы жіпте болатын. Бірде ол басқа сәнгердің көйлегімен келген модельдің киімін қайшымен қиып жіберіп, көйлек әлдеқайда талғампаз болып көрінетінін айтқан.&nbsp;
7. Шанель ешқашан киімді алдын ала жобаламаған. Ол көйлек қозғалуы керек деп есептегендіктен, модельдердің үстіне бірден кигізіп, жұмыс жасаған. Яғни қарындаштың орнына қайшы мен түйреуіштерді ғана пайдаланды.
<img src="https://kyzylorda-news.kz/wp-content/uploads/2021/08/chanel-1936.jpeg" alt="" />
8. Габриэль Шанель сәнгер болмай тұрып, кабареде ән айтты. «Qui qu’a vu Coco» әні арқылы ол бүркеншік атқа ие болды.
9.&nbsp;Шанельдің басты қарсыласы Эльза Скьяпарелли болды, оны Габриэль «итальяндық әйел» деп қана атаған.
<img src="https://kyzylorda-news.kz/wp-content/uploads/2021/08/elsa-schiaparelli-3.jpg" alt="" />
10. Шанельге дейін әйелдердің әтірлерінде күрделі иістер болмады. «Chanel № 5»&nbsp;– бір гүлдің иісін қайталамайтын бірінші синтезделген хош иіс. Парфюмер Кокоға он хош иісті таңдауын ұсынғанда, Коко бесіншісін таңдайды. Сонымен қатар 5 – Шанельдің сүйікті нөмірі.
11.&nbsp;Шанельдің арқасында әйелдер шалбар киіп, иықтарына сөмке аса бастады.
<img src="https://kyzylorda-news.kz/wp-content/uploads/2021/08/5d5aae845980e.jpeg" alt="" />
12.&nbsp;Коко Шанель ешқашан тұрмысқа шықпаған және коллекциясын үйлену көйлегімен аяқтамаған.

Коко Шанель туралы қызықты 12 дерек

Kyzylorda-news.kz. “Роскосмос” мемлекеттік корпорациясы миллиардерлер Илон Маск, Ричард Брансон және Джефф Безосты “Байқоңыр” ғарыш айлағына шақырды. Себебі, жақында, ресейлік актриса Юлия Пересильд пен режиссер Клим Шипенко Союз MS-19 ғарыш кемесімен ғарышқа ұшады.
Зымыранның ұшуы 2021 жылдың 5 қазанына жоспарланған. “Союз МС -19” ғарыш кемесінде 66-шы экспедицияның мүшесі – ғарышкер Антон Шкаплеров, сонымен қатар актриса Юлия Пересильд пен режиссер Клим Шипенко ғарышта “Вызов” деп аталатын алғашқы көркем фильмді түсіру үшін ХҒС -қа аттанады.
17 қазанда Пересильд пен Шипенко ғарышкер Олег Новицкиймен бірге “Союз МС-18” ғарыш кемесімен Жерге оралуы жоспарланған.
Орбитада тұңғыш көркем фильм түсіретін экипаж енді жеке скафандрларда жаттығып жатыр. Костюмдер түсірілім тобы үшін арнайы жасалған.
<img src="https://kyzylorda-news.kz/wp-content/uploads/2021/08/db1938dc4b3aa11e27fce172428626a8.jpg" alt="" />
Актриса Юлия Пересильд пен режиссер Клим Шипенко
Бұған дейін ғарышта түсірілетін ресейлік “Вызов” фильмінде басты рөлді әйел ойнайтыны хабарланған болатын.
Бұл жоба аясында 2020 жылдың соңында ғарышта түсірілетін алғашқы көркем фильмнің басты рөліне ашық конкурс жарияланған болатын. Іріктеудің шығармашылық кезеңінде кәсіби актрисаларға басымдық берілді. 2021 жылы наурызда медициналық комиссиядан өту үшін байқаудың 20 финалисті таңдалды.
Фильмнің түсірілім тобы халықаралық ғарыш станциясына Том Круз және басқа америкалық актерлермен бір уақытта фильм түсіру үшін станцияға ұшады.
Айта кетейік, голливуд актері Том Круз өзінің кезекті фильмдегі рөлін сомдау үшін 2021 жылы ғарышқа ұшатынын хабарланған болатын.
Фильм негізінен Халықаралық ғарыш станциясында түсіріледі. Осыған байланысты актердің ұшуы ХҒС-ның рейстер тізіміне енгізілді.&nbsp;
Актермен бірге кинорежиссер Даг Лейман да ХҒС-ке барады. Олар ғарыш станциясына Snake Mask’s Crew Dragon кемесімен жетеді.
Мамыр айында АҚШ кәсіпкері Илон Маск ғарышта әлемдегі алғашқы фильмді түсіретіні белгілі болған еді. Бұл жобаға NASA да қатысады.
Жауынгерлік жанрда түсірілетін туындының әлі ресми атауы жоқ. Оның бюджеті 200 миллион долларға бағаланған.
<a href="https://massaget.kz/layfstayl/madeniet/kino/65994/">Massaget.kz</a>

Маск, Брансон мен Безос Байқоңырға шақырылды

<a href="https://kyzylorda-news.kz/">Kyzylorda-news.kz</a>. ХVI Жазғы Паралимпиада ойындарының алғашқы жүлдесі қоржынға түсті.
Пауэрлифтингтен сынға түскен қазақстандық Давид Дегтярев алтын медаль иеленді. Бұл туралы <a href="https://www.facebook.com/qazaqstantv?__cft__%5B0%5D=AZXVTJ0DuGWF868aQGNiZwQgfAkaFJlRnD9alW9r9QcGSSxxYdwbgtRrMtPGYTqmBBqoMQviEHT9x-iE_ct-qRfsPgG9uZTk5sApEZUTruODZdlP4rSsHlPhmAF1nszWPVKlymlssPjUjTSmBWnfDY-u&__tn__=%2Cd-UC%2CP-R">Qazaqstan Ұлттық Телеарнасы</a> хабарлады.
54 келіге дейінгі салмақта өнер көрсеткен Давид бірінші мүмкіндігінде-ақ 170 келіні бағындырып, жеңіс тұғырына көтерілді.
Құтты болсын, Қазақ елі!

Токио 2020: Қазақстандық спортшы алтын медаль иеленді

<a href="https://kyzylorda-news.kz/">Kyzylorda-news.kz</a>.&nbsp;Жапония астанасы Токио қаласында өтіп жатқан VI Паралимпиадада 26 тамызда екі қазақстандық спортшы сайысқа түседі, деп хабарлайды ҚазАқпарат.
Бүгін парапауэрлифтингтен жарыстар басталады. Онда екі қазақстандық ел намысын қорғайды.
Қазақстандық спортшылардың ойын көрсету кестесі (елорда уақытымен):
Парапауэрлифтинг. Әйелдер. 45 келі. 13.30 – Алина Солодухина
Парапауэрлифтинг. Ерлер. 54 келі. 15.30 – Давид Дегтярев
Дүбірлі дода 24 тамыз және 5 қыркүйек аралығында өткізіледі. Аталған жарыста еліміздің атынан барған 26 спортшы спорттың&nbsp;<a href="https://www.inform.kz/kz/tokio-paralimpiadasynyn-saltanatty-ashylu-rasimi-ayaktaldy_a3827858">7 түрінен</a>&nbsp;сынға түседі.
Қазақстандық спортшылар 1996 жылдан бері Жазғы Паралимпиада ойындарына қатысып келеді.
Бұған дейін Қазақстан құрамасы сапынан екі спортшы жүлдеге қол жеткізді. 2016 жылы Бразилияның Рио-де-Жанейро қаласында Зульфия Габидуллина еркін әдіспен 100 метрге суға жүзуден чемпион атанды.
Сол жолы тағы бір қазақстандық Раушан Қойшыбаева пауэрлифтингтен әйелдер арасында 67 келіде күміс жүлдегер атанды.

Токио Паралимпиадасы: Қазақстандық спортшылардың ойын көрсету кестесі жарияланды

<a href="https://kyzylorda-news.kz/">Kyzylorda-news.kz</a>. 24 тамыз бен 5 қыркүйек аралығында Токиода өтетін XVI Паралимпиада ойындарын «Qazsport» телеарнасы тікелей эфирде көрсетеді.
Паралимпиадаға Қазақстан атынан 7 спорт түрі бойынша 26 спортшы қатысады. Жолдамалардың жетеуі – суда жүзуден, жетеуі – дзюдодан, бесеуі – пауэрлифтингтен, үшеуі – таеквондодан, екеуі – жеңіл атлетикадан, екеуі – каноэде ескек есу мен оқ атудан.
Жапония ұлттық стадионында өтетін салтанатты ашылу рәсімінде еліміздің Туын таеквондодан екі дүркін Әлем чемпионы, үш дүркін Азия чемпионы, Еуропа чемпионатының үш дүркін жеңімпазы Нұрлан Домбаев пен пауэрлифтингтен Рио Паралимпиадасының күміс жүлдегері Раушан Қойшыбаева ұстайды. Ашылу салтанаты 24 тамыз 17:00-де тікелей эфирде көрсетіледі.
XVI Паралимпиада ойындарында жалпы саны 136 мемлекеттен 4400-ге жуық спортшы 22 спорт түрінен сынға түседі.
«Qazsport» телеарнасы қазақстандық паралимпиадашылар қатысатын жарыс түрлерін тікелей эфирде таратады. Жарыстар телеарнаның <a href="https://l.facebook.com/l.php?u=https%3A%2F%2Fqazsporttv.kz%2F%3Ffbclid%3DIwAR0DhCHC1AfHvjOlSeraRwLrI8wEIj7Xp3EVP8BzfLnxQgIva0hEfvzhHpM&h=AT3jcBwToTKyaeEE1zgrYp3O5PiDusPQ9T2StQ9E7EchN1AsuKX-HD9K_08SmoBOiA5TMGFkqzehnZa3FvBH4fAjW0byR7yZt9cK6JncXQFE1o2NoSQT4Wq_IslpG71DkaY&__tn__=-UK-R&c[0]=AT3OyMAOryYi2fPGxZoqn7Oit5tKFQtWrgeGbIi6PQKMedfUFV2_A3RyGjJkrwDf7aO_zeyHBe7DmU0h4Fz3Z8p6R_bJ5LxFqSssE_oNNay3SEMnHKqJKtqf820fQHqgsLHHu8Uc9aktHHb2VUQ8HTvfSsyRVvAkkeVDcQSVovcM9gOxCfdjLWGQM2SzuBPy05q9Z5BpEepUeE8">https://qazsporttv.kz/</a> ресми сайты арқылы да көрсетіледі.

«Qazsport» Паралимпиада ойындарын тікелей эфирде көрсетеді

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова Түркияда өткен халықаралық білім байқауының жүлдегері Ерасыл Сапарбековпен кездесті. Талантты жас география пәнінен онлайн форматтағы халықаралық олимпиаданың қола жүлдегері атанып, Сыр елінің абыройын асырды.
Кездесуде аймақ басшысы Сыр елі үшін тамыз айының жемісті болғанын тілге тиек етіп, Токио олимпиадасынан қола жүлде әкелген жерлесіміз Қамшыбек Қоңқабаевтан кейін Ерасылдың олжалы оралғанын атап өтті. Бұл Сыр елінің ғана емес, ел мерейін асырған ерекше сәт деп жас өренге ақжолтай тілегін арнады. &nbsp;
<blockquote>
 «Ең алдымен Өзіңді онлайн форматта өткен Түркия жеріндегі жарқын жеңісімен шын жүректен құттықтаймын. Әлем елдерінің 160-тан астам дарынды жастары қатысқан білім додасында жүзден жүйрік, мыңнан тұлпар шығып, қола медаль иелену, шын мәнінде, үлкен жетістік. Бұл сенің талай жылдардан бергі талмай ізденгеніңнің нәтижесі, ата-анаң мен ұстаздарыңның ортақ жемісі. Бұл жүлдең біз үшін алтынмен тең. Білім көгінде жұлдызың биіктен жарқырай берсін деген тілегімді білдіремін», – деді Гүлшара Әбдіқалықова.
</blockquote>
Жүздесуде аймақ басшысы Ерасыл Сапарбековке аймақ абыройын асырып, білім додасында алға шыққаны үшін арнайы естелік сыйлықты табыс етті. Өз кезегінде жас өрен сенім білдіріп, қолдау көрсеткен Сыр жұртшылығына алғысын айтып, білім сынында бұдан да жақсы жетістіктерге жетіп, биік шыңды бағындыратынына уәде етті.
Айта кетейік, Ерасыл Сапарбеков №9 Білім-инновация лицейінің 10-сынып оқушысы. Осы кезеңге дейін халықаралық Әл-Фараби атындағы география пәнін өткен онлайн олимпиаданың алтын медаль иегері. Облыстық, қалалық пәндік олимпиада жеңімпазы атанған.
<img src="https://kyzylorda-news.kz/wp-content/uploads/2021/08/bek_7676-scaled.jpg" alt="" />
<img src="https://kyzylorda-news.kz/wp-content/uploads/2021/08/bek_7740-scaled.jpg" alt="" />

Гүлшара Әбдіқалықова Түркияда өткен халықаралық білім байқауының жүлдегерімен кездесті

<a href="https://kyzylorda-news.kz/">Kyzylorda-news.kz</a>. Мексика шығанағындағы мұнай өндіретін платформада жойқын жарылыс болып артынша өрт шықты, деп хабарлайды&nbsp;«<a href="https://24.kz/kz/zha-aly-tar/lemde/item/494204-meksikada-y-m-naj-ken-ornynda-zharylys-boldy">Хабар 24</a>».
Кампече штатының жағалауынан 100 шақырым жерде орналасқан платформа Мексикадағы Pemex атты мұнай-газ компаниясына тиесілі. Ақпарат көздерінің хабарлауынша, оқиғадан 5 адамды күйік шалған. Зардап шеккендер ауруханада ем қабылдап жатыр. Абырой болғанда, адам шығыны жайлы ақпарат түскен жоқ. Жарылыстың нақты себебі анықталып жатыр. Айта кетейік, кен орынның қорында 4,9 млрд баррель мұнай бар. Қазір апаттан елген шығыны есептелуде.

Мұнай кен орнында жарылыс болды

Kyzylorda-news.kz. 14 тамызда Гренландия тауларында 1950 жылдан бері алғаш рет қардың орнына жаңбыр жауды.
CNN телеарнасының хабарлауынша, демалыс күндері аралдағы ауа температурасы кейінгі 10 жылда үшінші рет нөлден жоғары көтерілді. Жылы ауа райы қатты жауын жаууға себеп болды. Нәтижесінде таулардағы мұздықтарға 7 миллиард тонна жаңбыр жауып, олардың рекордтық деңгейде еруіне әкелді.
<img src="https://kyzylorda-news.kz/wp-content/uploads/2021/08/289595a67d427fccd7c37e091c5d66cb.jpg" alt="" />
АҚШ -тың қар мен ізгі ниет бойынша деректерді өңдеу жөніндегі ұлттық орталығының мәліметінше, бұл 1950 -ші жылдардан бері аралдағы ең көп жауын -шашын болған кез. Орталықтың бас зерттеушісі Тед Скамбостың айтуынша, бұл оқиға Гренландияның тез жылып бара жатқанының белгісі.
<blockquote>
 “Бұл бұрын-соңды болмаған жағдай. Соңғы онжылдықта Гренландияда болған ауа райы құбылыстарын қалыпты деп айтуға болмайды”, – деді Скамбос.
</blockquote>
Бұдан бұрын хабарланғандай, 1992-2018 жылдар аралығында Гренландия мұздықтарының еру жылдамдығы 7 есеге артқан. ХХІ ғасырдың соңына қарай аралдағы мұздықтардың еруі әлемдік мұхит деңгейін 7 сантиметрге көтеруі мүмкін.
2019 жылы шілде айында Гренландия мұз қалқанының 160 миллирад тонна мұзы еріп кетті. Салыстыру үшін айтатын болсақ – бұл көлемі “Астана арена” стадионындай 160 миллион бассейнге тең.
<img src="https://kyzylorda-news.kz/wp-content/uploads/2021/08/95ad75d2e2b8f4fd44b757abafb774c9.jpg" alt="" />
Айта кетейік, Гренландия мұздығының қалқаны құрлықтың 80 процентіне тең. Бірнеше мыңдаған жыл бойы қар қабаттарының мұзға айналуынан пайда болған. Ең негізгісі, аталмыш мұздық әлемдегі экожүйенің маңызды бір бөлігі саналады.
Мұздың биіктігі 3 мың метрге дейін жетеді. Барлық мұздың жиынтығы 2,9 миллион куб метр. Егер оның барлығы ерісе теңіз деңгейі 7 метрге дейін көтеріледі. Бұдан бөлек, Гренланлия мұздығы Күн сәулесін шағылыстырып, ғарышқа қайтарады. Осылай ғаламшарымызды ысып кетуден сақтайды.
Ғалымдардың пайымдауынша, жедел шара қолданбаса, 1,5 жылдан кейін бұл апаттың алдын алу мүмкін болмай қалады.
<a href="https://massaget.kz/layfstayl/alemtanu/65960/">Massaget.kz</a>

70 жылда алғаш рет Гренландия тауларына қардың орнына жаңбыр жауды

<a href="https://kyzylorda-news.kz/">Kyzylorda-news.kz</a>. Генерал Хон Бом Доның сүйегі отанында байыз тапты. Ұлттық қаһарманды жерлеу рәсімі Тэджон қаласында өтті, деп хабарлайды&nbsp;<a href="https://24.kz/kz/zha-aly-tar/lemde/item/493693-aza-stannan-zhetkizilgen-general-khon-bom-dony-s-jegi-otanynda-zherlendi">«Хабар 24»</a>.
Екі күн бойы елдің түкпір-түкпірінен келіп жатқан адамдар осында келіп, генералдың рухына тағзым етті. Хон Бом До тәуелсіздік үшін күрескен белсенділер арасында ең танымал қаһармандардың бірі саналады. Ол 1937 жылы Кеңес одағы тұсында жер аударылып, қазақ жеріне табан тіреген. Қолбасшы 1943 жылы Қызылорда қаласында дүниеден озған. Мұнда оның есімімен көше аталып, ескерткіш орнатылды.
Қазақстандық тарап корей халқы батырының сүйегін туған жеріне табыстады. Бұл туралы келісім осыдан екі жыл бұрын Корея президентінің біздің елге жасаған сапары барысында жасалған болатын.
<blockquote>
 «Қаһарманымыздың сүйегін Кореяға жеткізуге рұқсат бергені үшін Қазақстан үкіметі мен корей диаспорасына алғыс айтамын. Хон Бом До – Жапониямен күресте алғы қатарда тұрған ұлы басшымыз. Ол – ұлттық қарулы күштерді құруды бастаған тұлға. Сондықтан сүйегін отанына әкелгіміз келді. Бұл азаматтарымыздың арманы еді. Тұрғындарымыздың көбі мұны құптап, ерлігі үшін генералға алғысын білдірді. Хонның өсиетін орындап, оны азат етілген Отанына қайтарғанымызға өте қуаныштымыз», – дейді Корея Республикасы Парламентінің депутаты У Вон Сик.
</blockquote>

Қазақстан және Қызылорда облысының жаңалықтары: Әлем