Көрінбейтін қауіп: парниктік газдар Жер климатын қалай өзгертіп жатыр немесе Қазақстанның декарбонизация мәселесіне үлесі қандай?

<a href="https://kyzylorda-news.kz/">Kyzylorda-news.kz</a> Мамандар үзілген электр сымдарын қалпына келтіріп, құлаған бағаналарды қайта орнату жұмыстарын жүргізіп жатыр, деп хабарлайды <a href="https://baq.kz/qyzylordada-dauyldan-keyin-elektr-zhelileri-qalpyna-keltirilip-zhatyr-320032868/">BAQ.KZ.</a>Қызылорда қаласына қарасты Тасбөгет кентінде болған қатты дауыл бірнеше тұрғын үйге зиянын тигізді. Табиғат құбылысы салдарынан бірқатар үйлердің шатыры ұшып, электр желілері зақымданды.Қазіргі уақытта оқиға орнында «Қызылорда электр тарату тораптары компаниясы» АҚ-ның авариялық бригадалары күшейтілген режимде жұмыс істеуде. Мамандар үзілген электр сымдарын қалпына келтіріп, құлаған бағаналарды қайта орнату жұмыстарын жүргізіп жатыр.Дауыл кезінде мешіт мұнарасының электр желілеріне қауіп төндіруі жағдайды күрделендірген. Осыған байланысты барлық қалпына келтіру жұмыстары қауіпсіздік талаптарын қатаң сақтай отырып атқарылуда.<blockquote>«Қызылорда электр тарату тораптары компаниясы» АҚ Басқарма төрағасы Бауыржан Русланұлы оқиға орнына барып, жедел штабтың жұмысын жеке бақылауына алды. Электр энергиясы барлық қауіпсіздік талаптары толық орындалғаннан кейін кезең-кезеңімен қайта қосылады, — делінген жауапта.</blockquote>Сурет: Видеодан кадр

Қызылордада дауылдан кейін электр желілері қалпына келтіріліп жатыр

<a href="https://kyzylorda-news.kz/">Kyzylorda-news.kz</a> 10 мамырында басталған негізгі ҰБТ 340 мыңға жуық рет тапсырылды. Талапкерлердің 73%-ы тестілеуді қазақ тілінде, 27%-ы орыс тілінде және 522 рет ағылшын тілінде тапсырды, – деп хабарлайды <a href="https://kaz.inform.kz/news/erezhe-buzgan-300-ge-zhuik-talapkerdn-ubt-natizhes-zhoyildi-efc29b14">Қазақпарат.</a>Жетінші аптаның қорытындысы бойынша талапкерлердің 70%-ы шекті балл жинады. Бес пән бойынша орташа балл 66 балл болды. Ең жоғары нәтиже&nbsp;— 140 балл, оны Павлодар облысының түлегі Әсет Альтаир жинады.Ерекше білім беру қажеттіліктері (ЕБҚ) бар оқуға түсушілер үшін қолайлы жағдай жасауға ерекше көңіл бөлінеді. ҰБТ-ға ЕБҚ бар 765 талапкер қатысты.Талапкерлердің тест тапсырмаларының мазмұны бойынша тестілеу аяқталғаннан кейін 30 минут ішінде апелляцияға беру құқығы&nbsp;бар. Техникалық себептер бойынша апелляция тікелей тестілеу кезінде қабылданады. Нәтижелері бар сертификаттар апелляция қарастырылғаннан кейін жеке кабинеттерде қолжетімді болады.<blockquote>— ҰБТ-ны өткізудің жеті аптасында 715 ереже бұзу анықталды. 422 талапкер смартфондарды, смарт көзілдіріктерді, микро құлаққаптарды, шпаргалкаларды және басқа да тыйым салынған заттарды алып кірмек болғаны үшін тестілеуден шеттетілді. Тағы 286 адам тестілеу кезінде ережелерді бұзғаны үшін аудиториядан шығарылды, олардың нәтижелері жойылды. Бейнежазбаларды тексеруден соң ереже бұзған 7 адамның нәтижесі жойылды. Өзге адамдардың орнына кіру фактілері анықталған жоқ, — делінген хабарламада.</blockquote>2026 жылғы ҰБТ аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда ҰБТ нәтижелері жойылады.Естеріңізге сала кетсек, 240 мыңға жуық талапкер тестілеуге қатысуға екі мүмкіндікті есепке алғанда 446 мыңнан астам өтініш берген.Фото gov.kz

Ереже бұзған 300-ге жуық талапкердің ҰБТ нәтижесі жойылды

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы арзандады, – деп хабарлайды <a href="https://kaz.inform.kz/news/kor-nariginda-dollar-bagami-arzandadi-67bb21e4">Қазақпарат.</a>Күндізгі сауда-саттық қорытындысы бойынша доллардың орташа бағамы 0,29 теңгеге түсіп, 485,82 теңге болды. Ұлттық банктің ресми бағамы — 486,47 теңге.Kurs.kz мәліметіне сәйкес, елорданың ақша айырбастау орындарында:<ul><li style="text-align:justify;">доллар 483,00 теңгеден сатып алынады, 490,00 теңгеден сатылады;</li><li style="text-align:justify;">еуро: сатып алу&nbsp;— 550,00 теңге, сату&nbsp;— 560,00 теңге;</li><li style="text-align:justify;">рубль: сатып алу&nbsp;— 5,85 теңге, сату&nbsp;— 6,25 теңге.</li><li style="text-align:justify;">юань: сатып алу&nbsp;— 69,55 теңге, сату&nbsp;— 74,37 теңге.</li></ul>Алматының ақша айырбастау пункттерінде доллар орта есеппен 485,30 теңгеден сатып алынады, 487,50 теңгеден сатылады. Еуро 552,96&nbsp;— 557,94 теңге, ал&nbsp;рубль 5,96&nbsp;— 6,10 теңге аралығында саудаланады. Ал&nbsp;юань 71,76 теңгеден сатып алынады, 74,11 теңгеден сатылады.Сурет: freepik.com

Қор нарығында доллар бағамы арзандады

<a href="https://kyzylorda-news.kz/">Kyzylorda-news.kz</a> Қазақстан мұсылмандар діни басқармасы неке шарттарының талаптары мен шарттары туралы айтты. Бұл туралы <a href="https://stan.kz/kuieu-zigitti-qaryzga-batyrmau-kerek-qmdb-mahrdin-molserin-naqtylady-436417/">Stan.kz</a> ақпарат агенттігі хабарлайды.Басқарма мәліметінше, екі жақтың разылығы болмаса неке заңсыз әрі дұрыс болып есептелмейді. Сондай-ақ оның төрт негізгі шартын атап өтті. Біріншісі – қыз баланың ата-анасының келісімі мен ризашылығы, екіншісі – куәгерлердің қатысуы, үшіншісі – кедергілердің болмауы және төртіншісі – мәһр.<blockquote>“Мәһр – ер адамның неке қиылу барысында қалыңдыққа өз ризашылығымен беретін шариғи сыйы. Ханафи мәзһабында мәһрдің ең төменгі шегі 10 дирхам. Сахабалар өмір сүрген заманда 10 дирхам бір алтын динарға тең болған. Бұл қазіргі өлшеммен 4,25 грамм алтын немесе соған тең келетін ақшалай қаражатқа (нарықтағы құнына) сәйкес келеді. Мәһрдің мөлшерін ер азаматтың материалдық мүмкіндігіне қарап, отбасының әлеуметтік жағдайын ескере отырып айтқан жөн. Өйткені мәһр күйеу жігітті қарызға батыратындай көп немесе қыздың көңілін қалдыратындай аз болмауы керек”, – деп мәлімдеді ҚМДБ.</blockquote>Сондай-ақ басқарма күйеу жігіттің мәһрді бірден беруге шамасы жетпесе, оның бір бөлігін алдын ала беріп, қалғанын кейін бере алатынын атап өтті.Фото: pexels.com

"Күйеу жігітті қарызға батырмау керек": ҚМДБ мәһрдің мөлшерін нақтылады

<a href="https://kyzylorda-news.kz/">Kyzylorda-news.kz</a> 29 маусым күні Қазақстан тарихындағы Сенаттың соңғы отырыс өтті. Ертең палаталардың бірлескен отырысында кезекті сессия ресми түрде жабылады. Ал 1 шілдеден бастап жаңа Конституция күшіне еніп, Парламенттің өкілеті тоқтатылады. Бұл туралы <a href="https://stan.kz/qazaqstan-tarixyndagy-senattyn-songy-otyrysy-otti-436420/">Stan.kz </a>ақпарат агенттігі хабарлайды.&nbsp;Осылайша, 1995 жылы енген Конституция негізінде құрылған қос палаталы Парламент өзінің 30 жылдық тарихи миссиясын абыроймен аяқтады.&nbsp;<blockquote>“Құрметті әріптестер, алда бізді дамудың жаңа кезеңі, ауқымды әрі жауапты міндеттер күтіп тұр. Сенаттың 30 жылдық мол тәжірибесін жалғастырып, жаңа форматта және жаңа мәртебеде жұмысын бастайтын Құрылтайға сәттілік тілейміз! Еліміз өркендеп, тәуелсіздігіміз тұғырлы болсын, халқымыз ел игілігі жолында әрдайым бірлікте еңбек ете берсін”, – деді Сенат төрағасы Мәулен Әшімбаев.</blockquote>Оның айтуынша, Сенат 30 жыл ішінде жалпы саны 890 пленарлық отырыс өткізіп, онда 3 500-ден астам заң қабылданған.Қазақстанның жаңа Конституциясы 2026 жылғы 1 шілдеден бастап күшіне енеді. Осы күннен бастап бұрынғы Конституцияның күші жойылады, ал оның қабылданған күні – 15 наурыз мемлекеттік мереке, яғни Конституция күні болып белгіленеді.Қазіргі Конституция негізінде жұмыс істеп отырған Парламент (Мәжіліс пен Сенат) та осы күні өз жұмысын тоқтатады. Президент бір айдың ішінде жаңа бір палаталы Парламент яғни Құрылтайға сайлау өткізетінін жариялайды, ал сайлау екі айдың ішінде өтуі керек.Еске салайық, Президент парламенттік реформаны 2025 жылғы қыркүйекте Қазақстан халқына Жолдауында жариялаған болатын. Сол кезде Парламенттің бір палаталы болатыны, ал Сенат пен Мәжілістің таратылатыны мәлімделді. Сондай-ақ Конституцияға енгізілетін қосымша түзетулерді әзірлеуі тиіс жұмыс тобы құрылды.Фото: Парламент тікелей эфирден скрин

Қазақстан тарихындағы Сенаттың соңғы отырысы өтті

<a href="https://kyzylorda-news.kz/">Kyzylorda-news.kz</a> Бүгін Қармақшы ауданының әкімі Жандос Еркінбек кезекті кездесуін Жаңажол және Иіркөл ауылдық округтерінде өткізіп, аудан және елді мекендерді дамыту бағытында атқарылған жұмыстар мен алдағы жоспарларды айтып өтті.Жаңажол ауылдық округінде биыл тұрғындардың қауіпсіздігі мен жайлы өмір сүруі мақсатында 2,5 млн теңгеге 4 бейнебақылау камерасы орнатылып, қоғамдық қауіпсіздік күшейтілді. Сонымен қатар ауылдағы 9 көшенің 90 пайызы түнгі жарықпен қамтамасыз етілді. Былтыр аймақ басшысының қолдауымен көгілдір отынмен қамтылған бұл аграрлы елді мекен бүгінде толықтай сапалы ауыз сумен қамтылып отыр.&nbsp;Иіркөл ауылдық округінде де бірқатар маңызды жұмыстар жүзеге асырылды. Қорқыт ата, Рақымжан Доспанов және Есенбек Құрманбаев көшелеріне жалпы құны 2,5 млн теңгеге 4 дана бейнебақылау камерасы орнатылды. Сондай-ақ ауылға аяқ су жеткізетін «Балажарма» каналы «Арна» КММ арқылы тазартылып, бұл жұмысқа 7 млн теңге бөлінді.&nbsp;Қос ауылда «Таза Қазақстан» бағдарламасы аясындағы көркейту, санитарлық тазалау және абаттандыру жұмыстары қарқынды жүргізілуде. Кәсіпкерлік бағыты бойынша да өсім байқалып, жаңа жобалар қолға алынуда.Кездесу барысында аудан әкімі тұрғындардың ұсыныс-пікірлерін тыңдап, көтерілген мәселелерге заң жүзінде жауап беріп, алдағы уақытта жүзеге асырылатын жұмыстар жөнінде пікір алмасты.<img src="https://knadmin.beoblood.kz/uploads/Auyldardy_damu_ar_yny_t_ra_ty_ba_ylauda_2_b411abbee9.jpg" alt="Ауылдардың даму қарқыны тұрақты бақылауда 2.jpg">

Ауылдардың даму қарқыны – тұрақты бақылауда

<a href="https://kyzylorda-news.kz/">Kyzylorda-news.kz</a> &nbsp;Түркістан қаласында халықтың цифрлық сауаттылығын арттыруға және мемлекеттік қызметтерді өздігінен алуға бағытталған жаңа форматтағы Smart Point цифрлық ХҚКО өз жұмысын бастады. Заманауи орталық азаматтардың мемлекеттік сервистермен өзара іс-қимылын барынша ыңғайлы, жылдам әрі қолжетімді етуге мүмкіндік береді.Салтанатты ашылу рәсіміне «Азаматтарға арналған үкімет» мемлекеттік корпорациясы» Басқарма төрағасы Арман Кенжеғалиев пен Түркістан облысы әкімінің орынбасары&nbsp;Нұрбол Тұрашбеков қатысты.Цифрлық ХҚКО мемлекеттік қызметтерді өздігінен алуға және цифрлық дағдыларды дамытуға арналған заманауи кеңістік. Smart Point концепциясы &nbsp;мемлекеттік қызметтерді алудың жаңа мәдениетін қалыптастыруға бағытталған, яғни азаматтар тек қызмет алып қана қоймай, мемлекеттік цифрлық сервистерді өз бетінше пайдаланып, қажеттілігіне қарай мамандардан кеңес ала алады.<blockquote>«Түркістандағы Smart Point орталығының ашылуы - жаңа форматтағы ХҚКО-ның іске қосылуы ғана емес, мемлекеттік қызметтерді өздігінен алу мәдениетін қалыптастыруға бағдарланған маңызды қадам. Бүгінде біздің мақсатымыз - азаматтарға сапалы қызмет көрсетумен қатар, мемлекеттік цифрлық мүмкіндіктерді сенімді пайдалануға көмектесу. Smart Point өңір тұрғындары үшін сұранысқа ие болатын алаңға айналады деп сенемін», - &nbsp;деді Мемлекеттік корпорацияның Басқарма төрағасы Арман Кенжеғалиев.</blockquote>«Мемлекет басшысы Қасым-Жомарт Тоқаев халыққа көрсетілетін қызметтерді барынша жеңілдетуді және цифрландыруды тапсырып, атқарылған жұмыстарды бақылауында ұстап келеді. Бұл бағытта облысымыз жемісті еңбек етуде. Бүгінгі ашылып отырған заманауи кеңсе — соның нақты дәлелі. Облыс әкімдігі мен Мемлекеттік корпорация арасындағы тиімді ынтымақтастықтың нәтижесінде халық сұранысына сай келетін заманауи сервистік хаб құрылған», -&nbsp;деп атап өтті&nbsp;Түркістан облысы әкімінің орынбасары Нұрбол Тұрашбеков.Smart Point цифрлық ХҚКО бірнеше функционалдық аймақтан тұрады. Экспресс-аймақта азаматтар құжаттандыру терминалы арқылы жеке куәлік немесе паспорт алуға өтінімді өздігінен рәсімдей алады, сондай-ақ арнайы ақпараттық экрандар арқылы AlemGPT сервисінің мүмкіндіктерімен танысады. Цифрлық аймақ мемлекеттік қызметтерді өздігінен алу және құжаттармен онлайн форматта жұмыс істеу үшін моноблоктармен және жоғары жылдамдықты сканерлермен жабдықталған. Сараптамалық аймақта келушілер күрделі мәселелер бойынша мамандардың кеңесін ала алады. Сонымен қатар цифрлық сауаттылықты арттыруға және жаңа электрондық сервистерді меңгеруге арналған оқыту және ақпараттандыру аймақтары қарастырылған. Ал жайлы демалыс аймағында келушілер үшін қолайлы жағдай жасалған.Жоба Түркістан облысы әкімдігінің қолдауымен жүзеге асырылып, өңір тұрғындары үшін заманауи сервистік инфрақұрылымды дамыту мен қолайлы цифрлық ортаны қалыптастыру жолындағы кезекті маңызды қадам болды.Айта кетейік, Smart Point цифрлық ХҚКО форматын алғаш болып енгізген өңір – Ұлытау облысы.&nbsp;Орталық 2026 жылғы 4 маусымда ашылды.

Түркістанда Apple Store қағидаты бойынша жаңа форматтағы ХҚКО ашылды

<a href="https://kyzylorda-news.kz/">Kyzylorda-news.kz</a> &nbsp;Бүгін Сенаттың жалпы отырысында «Қазақстан Республикасының кейбір заңнамалық актілеріне нотариаттық қызмет және заң көмегі мәселелері бойынша өзгерістер мен толықтырулар енгізу туралы» Заңы екі оқылымда қаралып, <a href="https://kaz.inform.kz/news/senat-makuldagan-songi-zan-notariustardin-zhauapkershlg-kusheytled-a78e111f">мақұлданды.</a>&nbsp;<blockquote>– Заңның мақсаты – нотариат туралы заңнаманы жетілдіру, нотариаттық қызметі саласындағы мемлекеттік бақылаудың тиімділігін арттыру, нотариаттық іс-әрекеттерді жасау кезінде заңдылықтың сақталуын қамтамасыз ету және нотариаттық қызметтердің сапасын арттыруға жағдай жасау, – деді сенатор Советбек Медебаев.</blockquote>Заңда мынадай тұжырымдамалық ережелер көзделген:–&nbsp;нотариат қызметіне бақылауды Қазақстан Республикасының Кәсіпкерлік кодексінен алып тастап, оны «Нотариат туралы» салалық Заңда регламенттеу.<blockquote>–&nbsp;Азаматтық процестік кодекске мемлекеттік сатып алу және квазимемлекеттік сектордың сатып алуы туралы шарттар негізінде атқарушылық жазбаларды жасау тек бұйрықтық іс жүргізу тәртібімен соттар арқылы жүзеге асырылатынын көздейтін толықтыру енгізіледі. Қазіргі уақытта мұндай атқарушылық жазбаларды өндіріп алу сомасына қарамастан нотариустар жасайды.</blockquote>–&nbsp;Бірыңғай нотариаттық ақпараттық жүйеде атқарушылық жазбаны жасау туралы өтініштерді нотариустар арасында автоматты түрде бөлу тетігін енгізу көзделеді.<blockquote>–&nbsp;Атап айтқанда, заң қабылданғаннан кейін, атқарушылық жазбаны жасау туралы өтініш нотариустар арасында автоматты түрде бөлінетін болады. Бұл тәсіл атқарушылық жазбаны жасау процесінің ашықтығын қамтамасыз етуге, нотариустар арасындағы жүктемені тең бөлуге, сондай-ақ мүдделілік пен алдын ала уағдаластық (сөз байласу) фактілерін болдырмауға бағытталған. Атқарушылық жазбаны тек борышкердің (жеке немесе заңды тұлғаның) тіркелген жері бойынша жасау талабы бекітіледі. Мұнымен қоса, нотариустардың лицензиясының қолданылуын тоқтата тұру және лицензиядан айыру негіздерін кеңейту арқылы олардың жауапкершілігі күшейтіледі,&nbsp;— деді депутат.</blockquote>Оның айтуынша, нотариат институтын цифрландыру мақсатында электрондық нысандағы нотариаттық құжаттарды орталықтандырылған түрде жинауға, сақтауға және есепке алуға арналған бірыңғай нотариаттық цифрлық жүйенің құрамдас бөлігі ретінде нотариаттық цифрлық архив туралы норма енгізіледі. Сонымен қатар, нотариустың жақын туыстары басшы, құрылтайшы немесе акционер саналатын заңды тұлғаларға қатысты нотариаттық іс-әрекеттерді жасауға шектеулер белгіленеді.<blockquote>–&nbsp;Республикалық нотариаттық палатаның, аумақтық нотариаттық палаталардың төрағаларының, сондай-ақ тәртіптік комиссиялар төрағалары мен мүшелерінің өкілеттік мерзімі бір рет қайта сайлану құқығымен төрт жыл болып шектеледі. Мемлекет кепілдік берген заң көмегінің түрлері адвокаттар мен заң консультанттарының конституциялық іс жүргізуде азаматтардың заңды мүдделеріне өкілдік етуімен толықтырылады. Бұл шара конституциялық іс жүргізу аясында мемлекет кепілдік берген заң көмегін көрсетуге мүмкіндік береді,&nbsp;— деді сенатор.</blockquote>Бұған дейін Мәжіліс депутаты Нұрсұлтан Байтілесов нотариустарда дербес деректерді қорғау тетіктеріне қатысты түсінік берді.Бұған дейін хабарланғандай, биыл 1 қыркүйектен бастап жаңа Парламент - Құрылтай өз жұмысына кіріседі.Фото: Uztag.info

Сенат мақұлдаған соңғы заң: нотариустардың жауапкершілігі күшейтіледі  

<a href="https://kyzylorda-news.kz/">Kyzylorda-news.kz</a> &nbsp;Бүгін Қазақстан Республикасы Премьер-Министрінің орынбасары – Жасанды интеллект және цифрлық даму министрі Жаслан Мәдиевтің төрағалығымен жасанды интеллект мәселелері бойынша тренинг-семинар өтті. Оған облыс әкімі Мұрат Ергешбаев селекторлық режим арқылы қатысты.Жиында Мемлекет басшысының цифрландыру және жасанды интеллектті дамыту жөніндегі тапсырмаларының, өңірлердегі цифрлық жобалардың орындалуы, мемлекеттік басқару жүйесіне заманауи технологияларды енгізу барысы талқыланды.Бүгінде өңірде білім беру, денсаулық сақтау және қоғамдық қауіпсіздік салаларында бірқатар жоба іске асырылып жатыр. Қорқыт ата атындағы Қызылорда университеті базасында 2023 жылдан бері Сеул ұлттық ғылым және технология университетімен бірлескен жасанды интеллект институты жұмыс істейді. Онда 240 студент білім алуда, 200 студент бірлескен білім беру бағдарламалары бойынша, 40 студент қос диплом бағдарламасында оқиды.Облыстағы 21 медициналық ұйымда жасанды интеллект көмегімен онкологиялық ауруларды ерте анықтауға арналған радиологиялық зерттеулерді орталықтандыру технологиясы кезең-кезеңімен енгізілуде.Барлық жеті ауданда талшықты-оптикалық байланыс желісі арқылы 539 бейнебақылау камерасы мен 49 жылдамдық өлшеу құрылғысы орнатылып, жедел басқару орталықтары жаңғыртылды. Осындай жұмыстар Байқоңыр қаласы, Ақай және Төретам кенттерінде де жүзеге асырылды.Облыс орталығында 1400 бейнебақылау камерасы, 80 зияткерлік қиылыс және 96 стационарлық жылдамдық өлшегіш іске қосылды. Жедел басқару орталығына жасанды интеллект негізіндегі бейнеаналитикалық жүйе енгізіліп, оған Ішкі істер министрлігі, облыс әкімдігі, Ұлттық қауіпсіздік комитеті және полиция департаментінің ақпараттық жүйелері ықпалдастырылды.Биылғы сәуір айынан бастап республикада алғашқы болып Қызылорда облысында «Сұңқар» аппараттық-бағдарламалық кешендері арқылы жүргізушілердің қауіпсіздік белдігіне, көлік айдағандағы ұялы телефон пайдалануына қатысты заңбұзушылықтары жасанды интеллект көмегімен автоматты түрде анықталуда.ҚР Бас прокуратурасының бастамасымен жүзеге асырылып жатқан жасанды интеллект элементтері бар «Цифрлық қадағалау» пилоттық жобасы өңірлер арасында бірінші болып Қызылорда облысында іске қосылды.Мемлекет басшысының қатысуымен өткен Tomorrow School жасанды интеллект мектебінің ресми ашылуына Қызылорда облысы қатысып, «Құзыреттілік орталығында» заманауи техникамен жабдықталған оқу кеңістігі пайдалануға берілді.Фото: Қызылорда облысы әкімінің баспасөз қызметі

Аймақта жасанды интеллект негізіндегі жобалар кезең-кезеңімен іске асырылуда

<a href="https://kyzylorda-news.kz/">Kyzylorda-news.kz</a> &nbsp;Соттар жыл сайын әртүрлі даулар мен мәселелерге байланысты түрлі шешім қабылдайды. Олардың кейбіреулері біздің елден тыс, яғни шет жерлерде де талап етілуі мүмкін. Қандай да сот актісі ресми құжат мәртебесіне ие болу үшін, яғни ол шет мемлекеттерге жолданар алдында міндетті түрде заңдастырылады, апостиль қойылды.Ал, апостиль дегеніміз не?Апостиль – заңдастырудың осындай нысанын танитын елдер аумағында ұсынуға арналған құжаттың заңдылығы туралы ақпаратты толтырудың халықаралық стандартталған нысаны.«Апостиль» мөрі құжаттардың түпнұсқалары мен көшірмелеріне қойылады.Апостильденген құжат аттестациялауды немесе заңдастыруды талап етпейді және оны Конвенцияға қатысушы барлық мемлекеттің ресми органдары мойындайды.Сондай-ақ, сот шешімдерін орындау әрі сот тапсырмаларын басқа елге жолдау кезінде, сол елмен Қазақстан арасында ешқандай келісім болмаса, ол ел Гаага конвенциясының қатысушысы болмаған жағдайда соттың құжаттарына апостиль қойылуы қажет.Әлемнің көптеген елдері, соның ішінде Қазақстан 1961 жылғы 5 қазанда Гаага конвенциясына қосылып, құжаттарды апостиль қою арқылы жеңілдетілген түрде заңдастыру мүмкіндігіне ие болды.Айта кететіні, 2013 жылы 15 сәуірде мемлекеттік қызмет көрсету туралы заңы қабылданды. 2015 жылдың 30 сәуірінде «Сот органдарынан шығатын ресми құжаттарға апостиль қою» стандарты бекітілді.Яғни, еліміздің барлық өңірлерінде сот органдарынан шығатын ресми құжаттарға апостиль қою үшін сол өңірдің соттар әкімшісіне тікелей барып, немесе халыққа қызмет көрсету орталықтарының филиалдарына жүгінуге болады.А.Ысқақова,&nbsp;Қызылорда облысының&nbsp;мамандандарылған ауданаралық әкімшілік сотының бас маман-сот отырысының хатшысы,&nbsp;Фото: Нұрболат Нұржаубай

Сот органдарынан шығатын ресми құжаттарға апостиль қою

<a href="https://kyzylorda-news.kz/">Kyzylorda-news.kz</a> Қызылорда облысында Конго-Қырым геморрагиялық қызбасының табиғи ошақтарында кенеге қарсы залалсыздандыру жұмыстары кезең-кезеңімен жүргізілуде.Қазақстан Республикасы Денсаулық сақтау министрінің 2021 жылғы 12 қарашадағы №114 бұйрығына сәйкес аса қауіпті инфекциялық аурулардың алдын алу мақсатында мал басы, мал қоралары және буферлік аймақтарда (суаттар мен шаңлақтарда) кенеге қарсы залалсыздандыру жұмыстарын ұйымдастыру жергілікті атқарушы органдардың құзыретіне жатады.Осыған байланысты Қызылорда облысының жұмылдыру дайындығы, аумақтық және азаматтық қорғаныс басқармасына қарасты «Жұмылдыру дайындығы және шұғыл жұмыстар орталығы» коммуналдық мемлекеттік мекемесі өңірдегі Конго-Қырым геморрагиялық қызбасы бойынша қолайсыз деп танылған елді мекендерде кенеге қарсы залалсыздандыру жұмыстарын тұрақты түрде жүргізіп келеді.2026 жылы облыстық санитариялық-эпидемиологиялық бақылау департаментінің мәліметіне сәйкес, облыс бойынша 74 елді мекен қолайсыз аймақ ретінде анықталған. Көктемгі және күзгі залалсыздандыру жұмыстарын жүргізуге жергілікті бюджеттен 257 млн теңгеден астам қаржы бөлінді.Облыстық ветеринария басқармасының дерегіне сәйкес, жұмыстар барысында 431 мыңнан астам ауыл шаруашылығы малы, 21 мыңнан астам мал қорасы және 705 суат пен шаңлақ залалсыздандырылды. Бұл мақсатта кенелерге қарсы жоғары тиімділікке ие «Ципертрин» ерітіндісі қолданылды.Көктемгі кезеңдегі жұмыстарды мемлекеттік сатып алу конкурсының жеңімпазы атанған мердігер мекеме жүзеге асырды. Нәтижесінде залалсыздандыру шараларының орташа тиімділігі 97,8 пайызды құрады.Қазіргі таңда күзгі кезеңдегі кенеге қарсы залалсыздандыру жұмыстарына дайындық жүргізіліп, бұл бағытқа 106,9 млн теңге көлемінде қаржы қарастырылған. Мамандардың айтуынша, жоспарлы профилактикалық жұмыстар өңірдегі эпидемиологиялық ахуалды тұрақты ұстап, аса қауіпті жұқпалы аурулардың таралу қаупін төмендетуге мүмкіндік береді.

Архив