Бүгін облыс әкімі Мұрат Ергешбаевтың төрағалығымен Жаңақорған ауданында әлеуметтік-экономикалық көрсеткіштерге, кадрлық өзгерістерге байланысты актив отырысы өтті.Аймақ басшысы Жаңақорған ауданының әкімі қызметін атқарған Самитов Мажит Самитұлына қажырлы еңбегі үшін облыстың ең жоғары марапаты – Қызылорда облысының Құрмет грамотасын және «Қызылорда облысының дамуына қосқан үлесі үшін» медалін табыстады.Ауданның жаңа әкімі Жарқынбек Ғалымжан Жарқынбекұлын таныстырды. Жаңадан тағайындалған аудан әкіміне инвестиция тарту, салық базасын кеңейту, жаңа жұмыс орындарын ашу, кәсіпкерлікті дамыту жобаларын іске асыру және қоғамдық-саяси тұрақтылықты қамтамасыз ету бойынша нақты әрі нәтижелі жұмыс жүргізуді тапсырды.Жаңақорған ауыл шаруашылығы өнімдерін өндіретін үздік аудандардың бірі саналады. Сондықтан аграрлық әлеуетті тиімді пайдалану, өндіріс көлемін ұлғайту және саланың бәсекеге қабілеттілігін арттыру басты міндеттердің бірі болуы тиіс. Кейінгі жылдардағы су тапшылығын ескере отырып, егіс алқаптарын әртараптандыру, суды аз қажет ететін дақылдар үлесін арттыру және шаруашылықтарға ылғал үнемдейтін озық технологияларды енгізуді жүйелі ұйымдастыру қажет.Экономиканың маңызды саласы – туризм. Жаңақорған жерінің табиғи ерекшеліктері, тарихи-мәдени мұралары туристік әлеуетті арттыруға мол мүмкіндік ұсынып отыр. Бұл жаңа жұмыс орындарының ашылуына, шағын және орта бизнестің өркендеуіне, аудан экономикасының дамуына оң ықпал етеді. Ауданның жаңадан тағайындалған басшысына барлық ресурсты пайдаланып, жаңа жобаларды сапалы жүзеге асыру тапсырылды.Ғалымжан Жарқынбекұлы 1978 жылы Жаңақорған ауданында дүниеге келген. Қазақ мемлекеттік аграрлық университетін «Агрономия» мамандығы бойынша тәмамдаған. Еңбек жолын «Казагрэкс» мемлекеттік кәсіпорнында бас маман ретінде бастап, ауыл шаруашылығы саласында түрлі жауапты қызметтер атқарған. 2009-2021 жылдары облыстық аумақтық инспекциясының бөлім басшысы, Қызылорда қалалық ауыл шаруашылығы және ветеринария бөлімінің басшысы, Жаңақорған ауданы әкімінің орынбасары болды. 2021 жылдың қаңтар айынан осы күнге дейін Жаңақорған аудандық мәслихатының төрағасы қызметін абыроймен атқарып келді.

Жаңақорған ауданына жаңа әкім тағайындалды 

Бүгін «Әділет» партиясында Қазақстан Республикасы жаңа Конституциясының күшіне енуіне арналған партия активінің кездесуі өтті. Оған партияның Саяси бюросы мен Саяси кеңесінің мүшелері, сондай-ақ еліміздің барлық 20 өңірінің өкілдері бейнеконференция байланысы арқылы қатысты. Бұл формат партияның ұйымдастырушылық қызметіне цифрлық құралдарды енгізу бағытының бір бөлігі.Кездесуді ашқан Партия Төрағасы жаңа Конституцияның күшіне енуі мемлекет дамуының маңызды кезеңі екенін және елдің қоғамдық-саяси дамуының жаңа бағдарларын айқындайтынын атап өтті.«Бүгін – Қазақстан үшін сондай айтулы белес. Елімізде Жаңа Конституция күшіне енді. Бұл – жай ғана құқықтық оқиға емес, Қазақстанның тарихи дамуындағы жасампаздық пен жаңғыру жолының бастауы», - деді Айбек Дәдебай.Кездесуге қатысушылар мемлекеттік басқаруда конституциялық қағидаттарды іске асыру, заң үстемдігін нығайту, азаматтардың құқықтарын қорғау, адами капиталды дамыту, цифрландыру және қоғамның қатысуын кеңейту мәселелерін талқылады.Партияның Саяси кеңесі мен Конституциялық комиссиясының мүшелері Бөріхан Нұрмұхамедов пен Лаура Қарабасова да жаңа Конституция елдің одан әрі дамуы үшін маңызды екенін жеткізді.«Әділет» партиясы жаңа Конституцияның партиясы ретінде дүниеге келді. Оның конституциялық референдумнан кейін пайда болуының терең саяси мәні бар», - деді Бөріхан Нұрмұхамедов.Лаура Қарабасова Ата Заң білім, ғылым және адами капиталдың елдің ұзақ мерзімді дамуы үшін негізгі фактор ретіндегі маңызын арттыратынын айтты.«Бүгінде біз адами капитал мен ғылыми әлеует мемлекеттің ұзақ мерзімді дамуының негізгі факторына айналған тарихи кезеңде тұрмыз. Жаңа Конституция білім мен ғылымның рөлін жаңа деңгейге көтереді», – деді ол.Талқылаудың бір бөлігі конституциялық құндылықтарды іс жүзінде жүзеге асыру мәселесіне арналды. Әлеуметтік инноваторлар қауымдастығының президенті, Саяси кеңес мүшесі Эмин Әскеров әлеуметтік кәсіпкерліктің әділдік пен тең мүмкіндіктер қағидаттарын ілгерілетудегі маңызын атап өтті. Ал Саяси кеңес бюросының мүшесі Замира Кузиева жаңа Конституция азаматтардың құқықтары мен бостандықтарын қорғауды күшейтіп, заң үстемдігі қағидатын нығайтатынын айтты.«Жаңа Конституция – бұл әділетті, жауапты, заманауи мемлекет құру жолындағы маңызды қадам. Ол әрбір азаматтың құқығы мен еркіндігін қорғауды, заң үстемдігін күшейтуді және мемлекет жұмысының басты өлшемі адам мүддесі болуы тиіс екенін айқын көрсетеді», - деді Замира Кузиева.Цифрлық трансформация мәселесіне тоқталған Саяси кеңес мүшесі Нұрбек Матжани жаңа Конституцияның заманауи технологиялық сын-қатерлерді ескеретінін айтып, «Әділет» партиясы өз жұмысына цифрлық құралдарды жүйелі түрде енгізіп келе жатқанын жеткізді.«Әділет партиясы өз алдына цифрлық партия болу міндетін қойып отыр, алғашқы қадамдарымыз да жаман емес. Тәуелсіз Қазақстан тарихында бірінші болып партияны тіркеу сатысында цифрлық шешімдерді сәтті қолданды», -деді Нұрбек Матжани.Талқылауды Саяси кеңес бюросының мүшесі, журналист Ирина Тен қорытындылады. Оның пікірінше, жаңа Конституцияның күшіне енуі мемлекет пен қоғам дамуының жаңа кезеңінің басталғанын білдіреді«Жаңа Конституция – Жаңа дәуір деген атау жай ғана ұран емес. Бұл – Қазақстанның болашағына, мемлекет пен қоғамның жаңа сапасына, азамат құқығы мен адам қадір-қасиетіне деген жаңаша көзқарастың көрінісі», - деді Ирина Тен.Партия Төрағасы «Әділет» партиясының басты басымдығы жаңа Конституция қағидаттарын іс жүзінде жүзеге асыру екенін атап өтті.«Әділет» партиясы қоғаммен және азаматтарымызбен бірге осы жауапты миссияны орындауға толық дайын. Жаңа Конституцияның қағидаттары біздің қызметіміздің негізінде жатыр. Біз жинаған тәжірибе мен қолдағы барлық ресурстар осы қағидаттарды іс жүзінде жүзеге асыруға бағытталады», - деп түйіндеді Айбек Дәдебай.Кездесу қорытындысы бойынша партияның Саяси кеңесі Қазақстан Республикасы жаңа Конституциясының күшіне енуіне байланысты мәлімдеме қабылдап, әділдік, заң үстемдігі, адамның қадір-қасиетін құрметтеу, қоғамдық келісім және ел болашағы алдындағы жауапкершілік қағидаттарына адалдығын растады.Осы жұмыстың практикалық жалғасы ретінде «Жаңа Конституция – Жаңа дәуір» атты қоғамдық-саяси іс-шаралар циклі басталды. Алдағы уақытта партия өкілдері еліміздің барлық өңірінде азаматтармен және сарапшылар қауымдастығымен кездесу өткізіп, жаңа Конституцияның негізгі ережелері мен олардың практикалық маңызын түсіндіреді.Партияның қызметі туралы қосымша жаңалықтарды ресми Telegram-арнадан оқи аласыздар: https://t.me/adilet_partiyasy

«Әділет» партиясында Қазақстан Республикасы жаңа Конституциясының күшіне енуі талқыланды

<a href="https://kyzylorda-news.kz/">Kyzylorda-news.kz</a> Бүгін Қызылорда қаласында "Әділет" партиясы жастарының ұйымдастыруымен "Aray City Mall" сауда орталығында "Жаңа Конституция: Жаңа кезең – жаңа мүмкіндіктер" &nbsp;атты мерекелік акция өтті.Шараның мақсаты – қала тұрғындарына Жаңа халықтық Конституцияның қабылдануымен құттықтап, еліміздің тұрақты дамуы мен әділетті қоғам құрудағы маңызын кеңінен насихаттау.Акция барысында қала тұрғындары арнайы орнатылған тақтайшаға елімізге шынайы деген тілектерін жазып, фото аймағына естелік суретке түсті.<img src="https://knadmin.beoblood.kz/uploads/Whats_App_Image_2026_07_01_at_17_03_56_4fa04c8bea.jpeg" alt="Акция.jpeg">

"Жаңа Конституция: Жаңа кезең – жаңа мүмкіндіктер" атты акция өтті

<a href="https://kyzylorda-news.kz/">Kyzylorda-news.kz</a> Жаңа Конституция әділетті қоғам құруға, жергілікті қоғамдастықтардың рөлін күшейтуге және азаматтардың мемлекеттік басқаруға қатысуына ерекше мән береді. Әділетті қоғамды қалыптастыру белсенді азаматтық қоғамсыз мүмкін емес.Осыған байланысты үкіметтік емес ұйымдар мен жергілікті қоғамдастықтардың қоғамдық мәселелерді шешуге қатысуына жаңа мүмкіндіктер ашылып отыр. Ендігі міндет – Конституцияда бекітілген қағидаттарды іске асыру үшін заңдар мен нормативтік құқықтық актілерді жетілдіру. Сонымен қатар, жергілікті өзін-өзі басқарудың маңызды тетігі саналатын төртінші деңгейлі бюджетті тиімді іске асыру тұрғындардың өз ауылын дамытуға тікелей қатысуына, қаражаттың ашық әрі жауапты жұмсалуына және жергілікті бастамалардың қолдау табуына мүмкіндік береді.Біздің өңірде жүзеге асырылып жатқан «Qyraq» бастамасы осы бағыттағы нақты тәжірибеге негізделген. Қоғамдық ұйымдар бастамасы аясында барлық ауылдық елді мекендерді аралап, тұрғындармен кездесулер өткіздік. Халықтың ұсыныстары мен көтерген мәселелері негізінде жергілікті өзін-өзі басқаруды дамытуға, қоғамдық ұйымдардың әлеуетін арттыруға, төртінші деңгейлі бюджеттің тиімділігін күшейтуге және азаматтардың шешім қабылдау үдерістеріне қатысуын кеңейтуге бағытталған заңнамалық өзгерістердің қажеттілігін көріп отырмыз.Жаңа Конституция осы өзгерістерді жүзеге асырудың берік құқықтық негізін қалайды. Ендігі міндет – оның қағидаттарын нақты істер арқылы жүзеге асыру. Ата Заңымыз әрбір азаматтың құқықтары мен бостандықтарының сенімді кепілі болып, еліміздің тұрақты дамуына қызмет ете берсін. Баршаңызға амандық, бірлік және бақ-береке тілеймін.Анар Изден,Қызылорда облысының&nbsp;Азаматтық Альянсы төрайымыСурет: Қорқыт ата атындағы Қызылорда университеті&nbsp;

Анар Ізден: «Жаңа Конституция әділетті қоғамның құқықтық негізін қалайды»

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;Қазалы&nbsp;ауданының әкімі Алмасбек Есмахановтың төрағалығымен өткен аппарат мәжілісінде ауданда орын алған кадрлық өзгерістер таныстырылды.Жиында аудан басшысы бұған дейін аудандық қоғамдық даму бөлімінің басшысы қызметін атқарып келген Алиев Жәнібек Алмасұлы бірыңғай конкурстық комиссияның қорытындысы негізінде, аудан әкімінің өкімімен Қазалы ауданы әкімінің орынбасары лауазымына тағайындалғанын хабарлады. Сондай-ақ мемлекеттік әкімшілік қызметке конкурс өткізілместен, ауысу тәртібі арқылы бұған дейін Қазалы ауданының тұрғын үй коммуналдық шаруашылығы, жолаушылар көлігі және автомобиль жолдары бөлімі басшысының орынбасары атқарып келген Сыдықов Жасұлан Жиентайұлы аудан әкімінің өкімімен аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының лауазымына тағайындалғанын жеткізді.Жәнібек Алмасұлы - 1981 жылы Қазалы ауданында дүниеге келген. Білімі жоғары, Алматы Тұран университетін «Қаржы және несие» және ҚР Президентінің жанындағы мемлекеттік басқару академиясын «Бизнес және басқару» мамандықтары бойынша бітірген. Еңбек жолын 2004 жылы «Салықшы» мемлекеттік мекемесінің маманы болып бастаған. 2009-2012 жылдар аралығында Майлыбас ауылдық округі әкімі аппаратының жетекші маманы, Қазалы аудандық жұмыспен қамту және әлеуметтік бағдарламалар бөлімінің жетекші маманы, Қазалы аудандық қаржы бөлімінің бас маманы, 2012-2024 жылдары Қазалы ауданы әкімі аппаратының ұйымдастыру және инспекторлық жұмысы бөлімінің бас маманы, бас инспекторы, бөлім басшысы қызметтерін абыроймен атқарған. 2024 жылдан бастап осы уақытқа дейін аудандық қоғамдық даму бөлімінің басшысы лауазымында қызмет атқарды.<img src="https://knadmin.beoblood.kz/uploads/Zh_nibek_Almas_ly_2303f38da6.jpg" alt="Жәнібек Алмасұлы.jpg">Жасұлан Жиентайұлы - 1987 жылы Қазалы ауданында дүниеге келген. Білімі жоғары, Қорқыт Ата атындағы Қызылорда мемлекеттік университетін «Мемлекеттік және жергілікті басқару» мамандығы бойынша бітірген. Еңбек жолын 2010 жылы «РЗА» акцонерлік қоғамының мал дәрігері болып бастаған.2010-2020 жылдары Сарбұлақ ауылдық округінің ветеринариялық-санитариялық инспекторы, Қазалы аудандық аумақтық инспекциясының жетекші маманы, Әйтеке би кентінің ветеринариялық-санитар инспекторы, Қазалы аудандық аумақтық инспекциясының жетекші маманы, бас маманы, бөлім басшысы, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің бас маманы, сектор меңгерушісі болып еңбек етті. 2020 жылдан бастап аудандық тұрғын үй коммуналдық шаруашылығы, жолаушылар көлігі және автомобиль жолдары бөлімі басшысының орынбасары қызметін атқарып келді.<img src="https://knadmin.beoblood.kz/uploads/Zhas_lan_Zhientaj_ly_b0099b4de2.jpg" alt="Жасұлан Жиентайұлы.jpg">Аудан басшысы жаңа қызметке тағайындалған аудан әкімінің орынбасары мен бөлім басшысының алдағы қызметтеріне сәттілік тілеп, қызметтік міндеттемелеріне сәйкес нақты тапсырмалар жүктеді.Мәжілісте аудан әкімі ауданымыздың әлеуметтік-экономикалық дамуына елеулі үлес қосып, мемлекеттік қызметтің жауапты саласында ұзақ жылдар бойы абыроймен еңбек етіп келе жатқан аудандық экономика және қаржы бөлімінің басшысы Жарылқап Бахытжан Дүзелбайұлын мерейлі 60 жасқа толуымен құттықтады.&nbsp;

Мәжілісте кадрлық өзгерістер таныстырылды

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен қабылданған рақымшылық туралы заң – елдің жаңа Конституциясының қабылдануына орай қылмыстық және әкімшілік құқық бұзушылықтар жасаған жекелеген адамдарға қатысты қабылданған ізгілік актісі, – деп хабарлайды Polisia.kz.&nbsp;Рақымшылық қоғамға қауіп төндірмейтін, адамдардың өмірі мен денсаулығына, қоғамдық қауіпсіздікке және заңмен қорғалатын қоғам мен мемлекеттің өзге де маңызды мүдделеріне зиян келтіретін қылмыстық және әкімшілік құқық бұзушылықтар жасаған адамдарға қолданылады. Қылмыстық жауаптылықтан және жазадан негізінен қылмыстық теріс қылықтар, онша ауыр емес қылмыс жасаған адамдар, сондай-ақ келтірілген залал болмаған немесе толық өтелген жағдайда орташа ауырлықтағы қылмыс жасаған жекелеген санаттағы адамдар босатылады.Заңға сәйкес, сотталғандардың белгілі бір санатына жасалған қылмыстың ауырлығы, келтірілген залалдың өтелуі және жазаны өтеу кезеңіндегі мінез-құлқы ескеріле отырып, жазаның өтелмеген бөлігінің мерзімі қысқартылады. Алдын ала есеп бойынша, 16,5 мыңнан астам адам жаңа өмір бастауға мүмкіндік алады. Олардың 2 900-ге жуығы әйел адамдар, оның ішінде жүкті әйелдер мен кәмелетке толмаған балаларды тәрбиелеп отырған аналар. Рақымшылық қоғамдық тәртіптің немесе азаматтардың қауіпсіздік деңгейінің төмендеуіне әкелмейді. Өйткені Заң сыбайлас жемқорлық, терроризм және экстремизм қылмыстарын, жыныстық еркіндік пен қол сұғылмаушылыққа қарсы, оның ішінде кәмелетке толмағандарға қатысты қылмыстарды, азаптауды, қылмыстық топ құрамында жасалған қылмыстарды, сондай-ақ қылмысты қайталап немесе аса қауіпті қайталап жасаған адамдарға ешқандай жеңілдік қарастырмайды.&nbsp;Сондай-ақ өмір бойына бас бостандығынан айырылғандар мен сырттай сотталғандар да рақымшылыққа ілінбейді. Тәуелсіз Қазақстан тарихында алғаш рет өткізілетін әкімшілік рақымшылық Әкімшілік құқық бұзушылық туралы кодекстің 260-тан астам бабында көзделген құқық бұзушылықтар үшін салынған айыппұлдарды төлеуден босатуды көздейді. Тек ішкі істер органдары қарайтын әкімшілік құқық бұзушылықтардың өзіне қатысты 17 млрд теңгеден астам сомаға салынған шамамен 1 миллион айыппұл рақымшылыққа ілігеді.&nbsp;Осылайша, әкімшілік рақымшылық азаматтардың қаржылық жүктемесін азайтуға мүмкіндік береді. Сонымен қатар әкімшілік рақымшылық ең өрескел құқық бұзушылықтарды жасаған адамдарға қолданылмайды. Олардың қатарында қару мен есірткінің заңсыз айналымына байланысты құқық бұзушылықтар, жол жүрісі қағидаларын өрескел бұзу (мас күйінде көлік жүргізу, қарсы қозғалыс жолағына шығу және жүргізуші куәлігінен айыруға әкеп соққан басқа да бұзушылықтар), сондай-ақ құқық бұзушылықты қайталап жасаған адамдар бар.&nbsp;Әкімшілік рақымшылық мемлекеттік ақпараттық жүйелер арқылы автоматты түрде жүзеге асырылады. Бұл үшін азаматтардың мемлекеттік органдарға жүгінуі талап етілмейді. Айта кету қажет, қылмыстық және әкімшілік рақымшылық бір реттік сипатқа ие. Егер рақымшылыққа ілінген адам кейін қайтадан құқық бұзушылық жасаса, ол жалпы негізде заң алдында жауап береді.

Рақымшылық жасау қоғамға қауіп төндірмейтін адамдарға ғана қолданылады – Президент

<a href="https://kyzylorda-news.kz/">Kyzylorda-news.kz</a> Қазақстан Республикасының жаңа Конституциясы азаматтардың жеке деректерін қорғауды мемлекеттің басты басымдықтарының бірі ретінде бекітті. Енді әр адамның жеке өмірінің қолсұғылмаушылығына және жеке ақпараттың заңсыз жиналуынан, өңделуінен, пайдаланылуынан немесе сақталуынан қауіпсіздігіне құқығы Конституцияның 21-бабымен кепілдендірілген. Бұл жаңашылдық Қазақстанның озық цифрлық мемлекет ретінде қауіпсіз дамуы үшін берік құқықтық негіз қалайды.Қабылданған өзгерістердің стратегиялық маңызын Премьер-Министрдің орынбасары - Жасанды интеллект және цифрлық даму министрі Жаслан Мәдиев атап өтіп: «Жасанды интеллект дәуірінде азаматтардың цифрлық құқықтарын қорғау - цифрлық мемлекетке деген сенімнің іргелі шарты. Бұл нормалардың конституциялық деңгейде бекітілуі қазақстандықтардың құқықтарын қорғауды сапалық жаңа деңгейге көтереді және жаңартылған Конституция технологиялардың тек адам игілігі үшін қызмет ететініне, ал заңның цифрлық әлемде әрбір азамат үшін сенімді қалқан болатынына кепілдік беретін қауіпсіз әрі әділ қоғам құруға жол ашады» - деді.Жаңа конституциялық қағидаттарды кешенді іске асыру Цифрлық кодекс, Дербес деректер туралы заң және Жасанды интеллект туралы заң нормаларында көрініс табады. Атап айтқанда, жеке деректердің өзіндік ұғымын оған идентификаторларды қосу арқылы заңнамалық тұрғыдан нақтылау қарастырылған. Сонымен қатар, ақпаратты автоматтандырылған өңдеуге қатаң талаптар енгізу, сондай-ақ азаматтарға eGov Mobile мобильді қосымшасы арқылы деректерді өңдеуге берген келісімін кез келген уақытта қайтарып алу мүмкіндігін беру көзделеді.Мемлекеттік және жеке платформалардың қауіпсіздігін түбегейлі арттыру үшін 100 мыңнан астам қолжетімділігі шектеулі дербес деректер жазбасын өңдейтін операторлар үшін міндетті биометриялық аутентификация енгізілді. Азаматтарға жеке ақпаратты жою, анонимдеу және өңдеуді шектеу құқықтары ресми түрде бекітілді, сондай-ақ өңдеу мақсаттарына қол жеткізілгеннен кейін оны сақтау мерзімдеріне қатаң талаптар қойылды.Заңнаманы одан әрі дамыту дербес деректерді қорғаудың ең заманауи технологиялық құралдарын, соның ішінде жасыру және хэштеу құралдарын енгізуді көздейді. Мемлекет ақпараттық жүйелер арасындағы қауіпсіз интеграцияға басымдық бере отырып, мемлекеттік дерекқорлардан ақпарат жиынтығын тікелей жүктеп алуды шектеуге ниетті.Бұдан бөлек, елімізде дербес деректердің ірі операторларына нақты жіктеу енгізіліп, олардың тізілімі жасақталуда. Операторлар енді деректерді өңдеу процестері басталғанға дейін мемлекетті алдын ала хабардар етуге, сондай-ақ қауіпсіздік инциденттері мен деректердің сыртқа кету фактілері туралы уәкілетті органды және азаматтарды дереу хабардар етуге міндетті.

Жасанды интеллект дәуіріндегі конституциялық кепілдіктер: Қазақстан азаматтарының деректерін қорғаудың жаңа кезеңі

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінде аудан әкімі Аманжол Оңғарбаевтың төрағалығымен әкімдік мәжілісі өтіп, бірақатар мәселелер пысықталды.Жиында алдымен Мемлекет басшысының бастамасымен қабылданған жаңа Конституцияның заңды күшіне енуіне байланысты атқарылатын жұмыстар кеңінен талқыланды.Аудан әкімі жаңа Конституцияның ел дамуының жаңа кезеңін айқындайтын стратегиялық құжат екенін атап өтіп, оның негізгі қағидаттары мен енгізілген өзгерістерді тұрғындарға жан-жақты түсіндіру жұмыстарын күшейтуді тапсырды.&nbsp;Сондай-ақ бұқаралық ақпарат құралдары мен әлеуметтік желілер арқылы жаңа Ата Заңның маңызы мен мазмұнын кеңінен насихаттаудың қажеттілігіне тоқталды.<blockquote>– Бүгіннен бастап ел өмірінде айтулы өзгерістер бастау алады. Конституциядағы түзетулер саяси жүйеге, мемлекеттік басқаруға, азаматтардың құқықтары мен бостандықтарына, экономикаға және мемлекеттік құрылымның негізгі қағидаттарына оң әсерін берері сөзсіз. Жаңа конституция Преамбуладан, 11 бөлім мен 95 баптан тұрады. Жалпы алғанда, Конституцияның 77 бабына түзетулер енгізіліп, негізгі мәтіннің 84 пайызы жаңартылған. Бұл – Ата Заңды түбегейлі жаңғыртуға бағытталған ауқымды реформа екенін көрсетеді, – аудан әкімі.&nbsp;</blockquote>Мәжілісте «Заң мен тәртіп» қағидатын іске асыру, құқықбұзушылықтың алдын алу шараларын күшейту, Мемлекет басшысының «Таза Қазақстан» экологиялық бағдарламасы аясында аудан көлемінде кең ауқымды жұмыстар ұйымдастыру мәселелері де қаралды. Жауапты сала басшыларына нақты тапсырмалар жүктелді.<blockquote>– «Заң мен тәртіп» қағидаты – жаңа Конституция мен саяси реформалардың басты іргетасы. Ол мемлекет пен қоғам дамуының қауіпсіздігін, әділеттілікті және адам құқықтары мен бостандықтарының мүлтіксіз қорғалуын қамтамасыз ететін негізгі құндылық ретінде бекітілді. Әрбір өркениетті мемлекеттің негізінде құқық үстемдігі жатыр. Бұл – мемлекеттің тұрақты дамуына, азаматтардың құқықтары мен бостандықтарының сақталуына, қоғамда әділдік пен тәртіптің орнауына кепіл болатын басты қағидат, – деді Аманжол Сақыпұлы.</blockquote>Сонымен қатар облыс әкімінің төрағалығымен өткен мәжілісте қаралған 2026–2027 жылғы жылу беру маусымына дайындық мәселесі де пысықталды.&nbsp;Аудан әкімі жауапты сала басшыларына келесі аптада осы бағыттағы жұмыстарды тағы бір мәрте пысықтап, барлық дайындық жұмыстарын жан-жақты саралап, тиісті ұсыныстар енгізуді тапсырды.Жиын соңында аудан әкімі Аманжол Сақыпұлы берілген тапсырмалардың сапалы әрі мерзімінде орындалуы тұрақты бақылауда болатынын айтып, қала, кент, ауылдық округ әкімдері мен бөлім басшыларына жұмысты жандандыруды тапсырды.

Конституцияның заңды күшіне енуіне байланысты атқарылатын жұмыстар кеңінен талқыланды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде «Жаңа Конституция – халықтың таңдауы, мемлекеттің қуаты» тақырыбында дөңгелек үстел өтті. Тағылымды жиын университеттің №1 оқу ғимаратындағы М.Шоқай орталығында ұйымдастырылып, жиынға Басқарма төрағасы-Ректор Наурызбай Сейтқалиұлы бастаған профессор-оқытушылар құрамы, ғалымдар мен қызметкерлер, білім алушылар қатысты.Кездесу барысында Жаңа Конституцияның елдің қоғамдық-саяси дамуына, заң үстемдігін нығайтуға және азаматтардың құқықтары мен бостандықтарын қорғаудағы маңызы кеңінен талқыланды. Қатысушылар Ата заңның жаңартылған редакциясы мемлекет пен қоғамның жаңа даму кезеңіне негіз болатын маңызды құжат екенін атап өтті. Сондай-ақ, конституциялық өзгерістердің тарихи мәні мен оның болашақ ұрпақ үшін маңыздылығы жөнінде пікір алмасты.Дөңгелек үстелде сөз сөйлеген университет басшысы жаңа Конституция – елдің тұрақты дамуына бағыт беретін негізгі құндылық екенін атап өтті. Ректор тарихтың өткен сәттерін мысалға келтіре отырып, өз құқықтары мен міндеттерін білмей тұра, үйлесімді қоғам құру мүмкін еместігіне ерекше көңіл бөлді. Оның айтуынша, құқықтық мәдениетті қалыптастыру, заңға құрметті арттыру және азаматтық жауапкершілікті нығайту – білім беру ұйымдарының маңызды міндеттерінің бірі.Аталған жиында тәжірибелі ғалымдар мен бітіруші түлектерде сөз беріліп, спикерлер Жаңа Конституцияның рөлі, мақсаты мен міндетін, сонымен қатар енгізілген өзгерістерін талқылады. Жиналыстың қорытынды ойы: «Мемлекеттің ең жоғары құндылығы — адам, оның өмірі, құқықтары және бостандықтары» болып табылады.Айта кетейік, еліміздің жаңа Конституциясы 2026 жылғы 15 наурызда өткен республикалық референдумда халықтың қолдауына ие болды. Құжат 1 шілдеден бастап ресми түрде күшіне енді. Жаңа Конституцияға сәйкес, 15 наурыз - Қазақстан Республикасының Конституция күні болып бекітілді.&nbsp;

Қорқыт ата университетінде Жаңа Конституцияға арналған дөңгелек үстел өтті

<a href="https://kyzylorda-news.kz/">Kyzylorda-news.kz</a> Бүгін Сырдария ауданының әкімі Берік Сәрменбаевтың төрағалығымен мәжіліс өтті. Мәжіліске аудан әкімінің орынбасарлары, дербес бөлім басшылары, кент және ауылдық округ әкімдері қатысты.Мәжіліс барысында 1 шілдеден бастап күшіне енген Жаңа Конституция аясында Мемлекет басшысы жүктеген тапсырмалардың орындалу барысы қаралып, өңірдің әлеуметтік-экономикалық дамуына қатысты өзекті мәселелер талқыланды.<blockquote>– Жаңа Конституция мемлекеттік басқару жүйесіне жаңа талаптар мен тың міндеттер жүктейді. Бұл – әрбір мемлекеттік қызметші үшін жауапкершілікті арттыратын маңызды кезең. Мемлекет басшысы атап өткендей, барлық реформаның түпкі мақсаты – халықтың әл-ауқатын арттыру, әділетті әрі тиімді мемлекеттік басқаруды қалыптастыру. Сондықтан біз Президент жүктеген әрбір тапсырманы сапалы әрі мерзімінде орындап, тұрғындардың талап-тілегіне жедел үн қатып, нақты нәтижеге жұмыс істеуіміз қажет. Жаңа саяси кезең баршамызға үлкен жауапкершілік жүктейді, – деді Берік Әбдіғаппарұлы.</blockquote>Сонымен қатар мәжілісте аудан аумағындағы кәсіпкерлік нысандарының сыртқы келбетінің талапқа сай болуы, санитарлық тазалық пен абаттандыру жұмыстарын күшейту, &nbsp;«Ауыл аманаты» жобасының іске асырылу барысы қаралып, ауыл тұрғындарының кәсіпкерлік бастамаларын қолдау, жобалардың тиімділігін арттыру, жеңілдетілген несиелердің мақсатты игерілуін қамтамасыз ету және жаңа жұмыс орындарын құру бойынша жұмысты күшейту тапсырылды.Жиын қорытындысында аудан әкімі барлық жауапты басшыларға берілген тапсырмалардың орындалуын тұрақты бақылауда ұстап, әрбір мәселенің нәтижесіне баса мән беруді міндеттеді.<img src="https://knadmin.beoblood.kz/uploads/Syrdariya_audany_m_zhilis_otyrysy_2_e4da4d0a95.jpg" alt="Сырдария ауданы мәжіліс отырысы 2.jpg">

Мәжіліс отырысында Сырдария ауданының әлеуметтік-экономикалық дамуына қатысты өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен өткен Үкімет отырысында Жаңа Конституцияның күшіне енуі аясында Мемлекет басшысы берген тапсырмалардың орындалу барысы қаралды. Оған облыс әкімі Мұрат Ергешбаев селекторлық режим арқылы қатысты.Мәжілістен кейін осы және өзге де мәселелерге орай бағыт-бағдар белгіленіп, жауапты сала басшыларының баяндамалары тыңдалды.<blockquote>​«Жаңа Конституцияда айқындалған қағидаттар мемлекеттік биліктің барлық тармағының қызметіне тың серпін береді. Мемлекеттік басқарудың басты өлшемі халыққа адал қызмет ету, заң талаптарын мүлтіксіз сақтау болуы тиіс.Жаңа саяси кезең бізге үлкен жауапкершілік жүктейді. Біздің міндетіміз – жаңа Конституцияның қағидаттарын халықтың күнделікті өмірінде нақты нәтиже беретін тиімді мемлекеттік саясатқа айналдыру. Сыр өңірінде де жаңа саяси реформалардың талаптарына сәйкес кешенді жұмыстар жүргізілуі қажет», – деді Мұрат Нәлқожаұлы.</blockquote>Күні кеше Мемлекет басшысы Парламент палаталарының бірлескен отырысында саяси-экономикалық реформалардың, ауқымды өзгерістердің жаңа кезеңіне арналған тапсырмалар жүктегені белгілі. Мәжілісте барлық сала басшылары осы міндеттерді орындауда атқарылатын істердің басты бағдары туралы баяндады.Облыстық құрылыс, сәулет және қала құрылысы басқармасының басшысы Ерлан Төрәлиев Мемлекет басшысының Қазақстанды үлкен құрылыс алаңына айналдыру тапсырмасы өңірдің құрылыс саласының одан әрі өркендеуіне оң әсерін тигізетінін атап өтті. Бұл халыққа қажетті жаңа нысандардың бой көтеруіне, өндірістер мен кәсіпорындар санының көбеюіне, экономиканың дамуына ықпалын тигізетіні сөзсіз.Еске салсақ, 2022 жылы құрылыс саласына мемлекеттік бюджет есебінен 24,3 млрд. теңге, 2025 жылы 138,3 млрд. теңге бөлініп, қаржы көлемі 6 есе өскен. Жалпы осы жылдар аралығында 272 әлеуметтік нысан және 1016 тұрғын үй пайдалануға берілді.Биыл жыл соңына дейін табысталатын 3 685 пәтер 15 мыңға жуық тұрғынның баспана мәселесін шешеді.Облыстық білім басқармасының басшысы Асқарбек Есжанов Мемлекет басшысы, Үкімет, облыс әкімдігі белгілеген бағыттарды іске асыруда мектепке дейінгі тәрбиеден бастап, жалпы орта, техникалық және кәсіптік білімге дейінгі барлық деңгейде сапаны арттыруға басымдық берілетінін атап өтті.<img src="https://knadmin.beoblood.kz/uploads/Zha_a_sayasi_keze_lken_zhauapkershilik_zh_ktejdi1_88e90df314.jpg" alt="Жаңа саяси кезең үлкен жауапкершілік жүктейді1.jpg">Негізгі міндет – оқу жетістіктерін халықаралық талаптарға сәйкестендіру, ауыл мен қала мектептері арасындағы білім сапасының алшақтығын азайту, пәндік біліммен қатар функционалдық сауаттылықты дамыту.Биылғы оқу жылында облыста 29 оқушы халықаралық олимпиаданың жүлдегері атанса, 143 шәкірт республикалық олимпиадалар мен ғылыми жобалар байқауында үздіктер қатарынан көрінді. Қоғамдық-гуманитарлық бағыттағы білім беретін пәндер бойынша республикалық олимпиада қорытындысымен облыс командасы «Ең үздік олимпиадалық команда» номинациясын иеленді. Ерекше атап өту қажет, Қызылорда облысы жыл сайын республикада алдыңғы үштіктен көрініп келеді.Басқарма басшысы цифрлық трансформацияны жеделдету, техникалық және кәсіптік білім беру жүйесін еңбек нарығының сұранысына бейімдеу, тәрбие жұмысын жаңа мазмұнда күшейту үшін атқарылатын жұмыс бағытына да тоқталды.Облыстық кәсіпкерлік және өнеркәсіп басқармасының басшысы Мөлдір Тәуіпбаева кейінгі төрт жылда өңір экономикасына 2,4 трлн теңгеге жуық инвестиция тартылғанын атап өтті. Жүзеге асқан 72 индустриялық жобаның құны 400 млрд теңгеден асады. Бұл өнеркәсіп құрылымындағы өңдеу өнеркәсібінің үлесін 38%-ға жеткізіп, 2022 жылмен салыстырғанда аймақтың шикізатқа тәуелділігін 12,4%-ға төмендетті.Алдағы үш жылда 1,9 трлн. теңгеге 48 инвестициялық жоба жүзеге асырылып, 10 мыңнан аса жаңа жұмыс орындары ашылады. Бүгінде 14 ірі жоба, оның ішінде 4 жобаның құрылысы жүргізілуде және 2-еуінің капсуласы салынды. Жыл соңына дейін тағы 8 жобаның құрылысы басталады, 100 млрд. теңгенің 21 жобасы жоспарланған.Мәжілісте баяндама жасаған барлық басқарма басшылары өздері жетекшілік ететін салалардағы негізгі көрсеткіштерді, алдағы жоспарларды жан-жақты талдады.Осы жиында алдағы жылу беру маусымына дайындық мәселесі қаралды. Облыс әкімі бұл жұмыстар Мемлекет басшысының, Үкіметтің тұрақты бақылауында екенін атап өтіп, жауапты мекемелерге нақты міндеттер жүктеді.«Қызылорда электр тарату тораптары» компаниясына электр желілерінің техникалық жай-күйін кешенді зерделеу, материалдық-техникалық дайындықты күшейту және төтенше жағдайлардың алдын алу шараларын жетілдіру тапсырылды. Барлық жылу көзіндегі резервтік электр станцияларының тұрақты әрі үздіксіз жұмысын қамтамасыз ету міндеті қойылды.Алдағы жылу беру маусымына қажетті көмір қорын алдын ала жасақтау керек. Осыған байланысты қала және аудан әкімдеріне операторлармен, «Қазақстан Темір Жолы» компаниясымен өзара үйлесімді жұмысты ұйымдастырып, тұрғындарды қатты отынмен қамтамасыз ету тапсырылды.Бұдан бөлек, қала және аудан әкімдері кейінгі жылдары пайдалануға берілген әлеуметтік нысандардың, тұрғын үйлердің, автомобиль жолдары мен жол белгілерінің жай-күйін, аудан орталықтарының санитарлық тазалығын тұрақты бақылауда ұстауы, жүйелі мониторинг жүргізуі тиіс.Алдағы жылу беру маусымына дайындыққа 5,5 млрд.теңге қаржы бөлу жоспарланған, оның 3,6 млрд. теңгесі республикалық бюджеттен, 1,5 млрд. теңгесі облыстық бюджеттен, 350 млн. теңгесі ҚЖЭО-ның өз қаржысы есебінен. Оған 8,7 шақырым жылу желісін жаңғырту жобасын аяқтау, №1 және 2 газтурбиналық қондырғыны күрделі жөндеу, 1,3 шақырым жылу желісін, 1 қазандықты, 1 турбина және 10 автономдық қазандықты, негізгі және қосалқы қондырғыларды жөндеу жоспарланған.Мемлекет басшысының тапсырмасына сәйкес «Акса Энерджи» түрік компаниясы жаңа жылу электр орталығын салды. Бүгінде орталық іске қосылып, жобада қаралған электр энергиясын өндіруде. Алдағы жылу беру маусымында толық іске қосылып, тұрғындарды үздіксіз, сапалы жылу және электр энергиясымен қамтамасыз етеді.Облысқа жылу беру маусымында 80 мың тонна көмір керек. Оның 68,3 мың тоннасы тұрғындар, 11,7 мың тоннасы әлеуметтік нысандар қажеттілігі. Кестеге сәйкес қор жасақталуда.Өңірдегі электр желілері мен қондырғыларының тозу деңгейі 60,8%, биыл қайта жаңғыртуға 10,5 млрд.теңге қаржы жоспарланған.Бұл жұмыстардан кейін тозған желілер 59 пайызға азаяды. Жалпы алдағы жылу беру маусымына дайындық тұрақты бақылауда.Фото: Қызылорда облысы әкімінің баспасөз қызметі

Жаңа саяси кезең үлкен жауапкершілік жүктейді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың тапсырмасына сәйкес, аудан әкімінің орынбасары Мұрат Әбсұлтанов елді мекендердегі әлеуметтік нысандардың 2026–2027 жылдардағы жылу беру маусымына дайындық барысымен танысты.Жұмыс сапары барысында білім беру, денсаулық сақтау, мәдениет және өзге де әлеуметтік нысандардағы қазандықтардың жай-күйі, жылу желілерінің дайындығы және инженерлік жүйелердің жұмыс қабілеті жан-жақты зерделенді.Мұрат Байғабылұлы тексеру барысында анықталған мәселелер бойынша жауапты мекеме басшыларына нақты тапсырмалар беріп, күзгі-қысқы маусымға сапалы әрі уақытылы дайындық жұмыстарын қамтамасыз етуді жүктеді.Қазалы ауданы бойынша 2026–2027 жылдардағы жылу беру маусымына қажетті қатты отын көлемі 11,0 мың тоннаны құрайды. Оның ішінде халық тұтынуына 8,6 мың тонна, әлеуметтік нысандарға 2,4 мың тонна жоспарланған. Сонымен қатар 1,9 мың тонна сұйық отын қажеттілігі белгіленген.Алдағы кезеңде барлық нысандардың қысқы маусымға толық дайын болуын қамтамасыз ету бағытындағы жұмыстар тұрақты бақылауда болады.

Архив