<a href="https://kyzylorda-news.kz/">Kyzylorda-news.kz</a> Қазақстан мен Еуропалық Одақ арасындағы әріптестік бүгінде бұрынғыдан да маңызды. Бұл туралы Қазақстан Республикасының Президенті Қасым-Жомарт Тоқаев Euronews басылымына арналған авторлық мақаласында жазып, стратегиялық әріптестіктің келесі кезеңін қалыптастыруға бағытталған үш негізгі мақсатты атап өтті.2015 жылы Кеңейтілген әріптестік және ынтымақтастық туралы келісімге (КӘЫК) қол қойылғанына он жыл толған уақытта Еуропалық Одақ Қазақстанның ең ірі сауда және инвестициялық серіктесіне айналды.Мыңдаған еуропалық компаниялар елімізде табысты жұмыс істеп, Еуропаға пайда әкелумен қатар, Қазақстан экономикасын жаңғырту мен әртараптандыруға да елеулі үлес қосып келеді.Бұл үлкен жетістік болды және солай болып қала береді. Алайда, қарқынды өзгеріп жатқан әлем жағдайында бұл жеткілікті ме? Менің ойымша, жоқ.Мен Брюссельге айқын мақсатпен және берік сеніммен оралып отырмын: Қазақстан мен Еуропалық Одақ арасындағы әріптестік бүгінде бұрынғыдан да маңызды мәнге ие. Сондықтан оны одан әрі нығайту қажет.Сурет: Ақорда

Қазақстан мен Еуропалық Одақ: стратегиялық әріптестіктің келесі кезеңін қалыптастыру

<a href="https://kyzylorda-news.kz/">Kyzylorda-news.kz</a> Медициналық оңалту – сауығу жолындағы маңызды кезеңдердің бірі. Жарақаттардан, оталардан және ауыр сырқаттардан кейін пациенттер денсаулығын қалпына келтіріп, ағзаның жоғалтқан қызметтерін қайта жандандырып, күнделікті өмір салтына бейімделуі қажет. Бүгінде МӘМС аясындағы оңалту қызметтері мемлекеттік ұйымдармен қатар жекеменшік медициналық мекемелерде де қолжетімді.«Дертке дауа» клиникасында ай сайын медициналық оңалтудың үшінші кезеңінен 10-15 пациент өтеді. Солардың бірі – Қызылорда қаласының тұрғыны Манат Асанқызы. Ол тізе буынын эндопротездеу отадан кейін қалпына келтіру еміне жолданған.<blockquote>- Менде үшінші дәрежелі артроз, диспансерлік есепте тұрамын. Ұзақ уақыт бойы аяқтарым қатты ауыратын. Отадан және оңалтудан кейін өзімді әлдеқайда жақсы сезінемін. МӘМС аясында мұндай көмекті толық көлемде және тегін алуға болатынына өте қуаныштымын, – дейді пациент.</blockquote>Клиникада физиотерапияның және емдік дене шынықтырудың әртүрлі бағыттары бар. Пациенттердің басым бөлігі оңалтуға емханалардың жолдамасы арқылы, «Емдеуге жатқызу бюросы» порталы негізінде жіберіледі. Мамандардың айтуынша, МӘМС жүйесінің арқасында қалпына келтіру емі халық үшін айтарлықтай қолжетімді болды.<blockquote>- Бұрын инсульт алған көптеген пациенттер қимыл-қозғалыссыз қалып немесе ағза қызметтерінің елеулі бұзылыстарына тап болатын. Қазір мұндай жағдайлар айтарлықтай азайды. МӘМС жүйесі медициналық оңалтудың барлық азаматтар үшін қолжетімді болуын қамтамасыз етеді. Соның арқасында пациенттер емді дер кезінде алып, сауығудың жақсы нәтижелеріне қол жеткізуде, – дейді дәрігер-реабилитолог Айгерім Ниязбаева.</blockquote>2026 жылы Қызылорда облысының тұрғындарына оңалту көмегін көрсету үшін Әлеуметтік медициналық сақтандыру қоры тарапынан 4,1 млрд теңге қарастырылған. Оның ішінде 3,5 млрд теңге тәулік бойы және күндізгі стационарлардағы медициналық оңалту қызметтерін қаржыландыруға бағытталған.

Оңалту қызметтері әр пациент үшін қолжетімді

<a href="https://kyzylorda-news.kz/">Kyzylorda-news.kz</a> Жазғы демалыс маусымының қызған шағында Қамбаш көлінің жағалауында тұрғындар мен қонақтардың қауіпсіздігін қамтамасыз ету бағытындағы жұмыстар күшейтілуде. Осыған орай аудан әкімдігінің ұйымдастыруымен жағажай аумағында кәсіпкерлер мен демалушыларға арналған ақпараттық-түсіндіру іс-шарасы өткізілді.Іс-шараға аудан әкімдігінің жауапты мамандары, аудандық төтенше жағдайлар бөлімінің қызметкерлері, аудандық санитариялық-эпидемиологиялық бақылау басқармасының өкілдері және аудандық полиция бөлімінің қызметкерлері қатысты. Мамандар демалыс орындарын аралап, қауіпсіздік талаптарын сақтау бойынша түсіндіру жұмыстарын жүргізіп, арнайы жадынамалар таратты.Кездесу барысында өрт қауіпсіздігі мәселелеріне ерекше назар аударылды. Кәсіпкерлерге сауда және қызмет көрсету нысандарында өрттің алдын алу шараларын сақтау, электр желілері мен құралдарын қауіпсіз пайдалану, алғашқы өрт сөндіру құралдарының жарамдылығын тұрақты бақылауда ұстау қажеттігі түсіндірілді.Сонымен қатар су айдындарындағы қауіпсіздік ережелерін сақтау жөнінде кеңінен ақпарат берілді. Мамандар азаматтарды тек арнайы белгіленген орындарда шомылуға, қауіпсіздік белгілерін ескеруге және суда абай болуға шақырды. Әсіресе ата-аналарға балаларды қараусыз қалдырмау, олардың су жағасында қауіпсіздігін үнемі бақылауда ұстау қажеттігі ескертілді.Санитариялық-эпидемиологиялық бақылау басқармасының өкілдері демалыс орындарында тазалықты сақтау, тұрмыстық қалдықтарды арнайы орындарға тастау, тамақ өнімдерін сақтау және сату кезінде санитариялық талаптарды қатаң орындау мәселелеріне тоқталды. Бұл талаптардың сақталуы демалушылардың денсаулығын қорғауда маңызды рөл атқаратыны айтылды.Арал аудандық полиция бөлімінің қызметкерлері қоғамдық тәртіпті сақтау, құқық бұзушылықтардың алдын алу және азаматтардың қауіпсіздігін қамтамасыз ету бағытында түсіндіру жұмыстарын жүргізді. Демалушыларға қоғамдық орындардағы тәртіп нормаларын сақтау, өзара сыйластық таныту және заң талаптарын орындау қажеттігі жеткізілді.Мұндай профилактикалық шаралардың негізгі мақсаты – Қамбаш көлінің жағалауында қауіпсіз әрі қолайлы демалыс ортасын қалыптастыру, төтенше жағдайлардың алдын алу және тұрғындардың қауіпсіздік мәдениетін арттыру. Аудан әкімдігі жазғы маусым бойы қауіпсіздік талаптарының сақталуын тұрақты бақылауда ұстап, тиісті мекемелермен бірлескен жұмыстарды жалғастырады.

Жағажайдағы қауіпсіздік қатаң бақылауда

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен Мемлекеттік қызметшілер және Қазақстан полициясы күні кәсіби мерекелеріне орай салтанатты іс-шара өтті.&nbsp;Сырдария ауданының әкімі халыққа қызмет етіп жүрген мемлекеттік қызметшілер мен ел тыныштығын сақтап жүрген тәртіп сақшыларының еңбектеріне тоқталды.<blockquote>– Мемлекет басшысы Қасым-Жомарт Кемелұлы Тоқаев «Мемлекеттік қызметшінің сапасы – бүкіл еліміздің сапасы» деп айтуға болады. Бүгінде мемлекеттік қызметшілерге заманауи, сапалы қызмет көрсету міндеті қойылып отыр. Өйткені, халықтың билікке деген сенімі қазіргі қоғамның талаптарына сай мемлекеттік қызметшіден басталады. Осыған байланысты Президент қазіргі заманға сай мемлекеттік басқарудың жаңа үлгісін қалыптастыру керектігін атап көрсетті. Ауданда мемлекеттік қызметтің сапасын арттыру, беделін көтеру бағытында көптеген жұмыстар жасап, халыққа қызмет көрсетуде. Соңғы төрт жылда аймағымыздың полиция органдарының материалдық-техникалық базасын заманға сай жақсартуға облыстық бюджеттен 17 млрд. 805 млн. теңге, оның ішінде арнайы автокөліктермен қамтуға 4 млрд. 282 млн. теңге қаралып, замануи құрылғылармен жабдықталған 128 жаңа автокөлік табысталды. Ағымдағы жылдың сәуір айында 100 дана жаңа автокөліктер берілді. &nbsp;Осындай қолдаудың нәтижесінде тәртіп сақшылары тұрғындардың тыныштығы мен қауіпсіздігіне қызмет жасап, аянбай еңбек етіп келеді. Сіздерді кәсіби мерекелеріңізбен құттықтай отырып, ел мүддесі жолындағы еңбектеріңізге толағай табыс, отбасыларыңызға амандық, бақ-береке тілеймін! – деді Берік Әбдіғаппарұлы.</blockquote>Кәсіби мерекеде ауданның дамуына үлес қосып жүрген мемлекеттік қызметшілер мен қоғамдық тыныштықты сақтап жүрген тәртіп сақшылары аудан әкімінің «Алғыс хатымен» марапатталды. Мерекелік шара концерттік бағдарламаға ұласып, көрермендерге көтеріңкі көңіл-күй сыйлады.

«Мемлекеттің беделі – мемлекеттік қызметшінің абыройы» атты мерекелік іс–шара өтті

<a href="https://kyzylorda-news.kz/">Kyzylorda-news.kz</a> «Әділет» партиясы өңірлік филиалдар желісін құрып, мемлекеттік тіркеуден толықтай өткізді. Аумақтық бөлімшелер еліміздің барлық облысы мен Астана, Алматы және Шымкент қалаларында құрылды.Келесі кезең – филиалдардың басқару органдарын жасақтау: төрағалар мен басшылық органдарды сайлау, сондай-ақ бастауыш партия ұйымдарын құру.Аумақтық желіні қалыптастыру – партияның ұйымдастырушылық құрылымын дамытудың маңызды кезеңі. Бұл қадам азаматтармен тікелей байланыс орнатуға және партия бастамаларын жергілікті деңгейде дамытуға мүмкіндік береді.Еске салсақ, өңірлік филиалдарды құру туралы шешім «Әділет» партиясының ІІ съезінде қабылданып, тиісті Ережемен бекітілген болатын. Құжатта партияның өңірлік құрылымдарының құқықтық мәртебесі, жұмыс тәртібі, басқару және ішкі бақылау жүйесі айқындалған.«Әділет» партиясы мемлекеттік тіркеуден 2026 жылғы 1 маусымда өтті. Партияның қызметі туралы қосымша жаңалықтарды ресми Telegram-арнадан оқи аласыздар: <a href="https://t.me/adilet_partiyasy">https://t.me/adilet_partiyasy</a>

Қазақстанның барлық өңірінде «Әділет» партиясының филиалы құрылды

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінде аудан әкімі Айтбай Жандарбековтың төрағалығымен «Тәжірибе мен тағылым» тақырыбында мемлекеттік қызметшілермен кездесу өтті.Жиынға мемлекеттік қызмет саласының ардагерлері, кент және ауылдық округ әкімдері, мекеме басшылары, жас мемлекеттік қызметшілер мен сала мамандары қатысты.<blockquote>– “Мемлекеттік қызмет – халыққа адал қызмет етудің жарқын үлгісі. Бүгінгі жас буын аға буынның өнегелі жолынан тағылым алып, олардың кәсібилігі мен жауапкершілігін үлгі етуі қажет. Себебі мемлекетшілдік, адалдық пен елге деген сүйіспеншілік - нағыз мемлекеттік қызметшінің басты қасиеті. Мемлекет басшысы Қасым-Жомарт Кемелұлы Тоқаев: «Мемлекеттік қызмет дегеніміз – жеке бастың бақ-дәулетін арттыратын жер емес. Бұл – туған халқыңның алдында айрықша жауапкершілік арқалау деген сөз», – деп атап өткен болатын. Бұл қағида әрбір мемлекеттік қызметшінің қызмет жолындағы басты ұстанымы болуы тиіс. Біздің басты мақсатымыз – халықтың сенімін ақтап, ел игілігі жолында аянбай еңбек ету, ”– деді аудан әкімі.</blockquote>Сондай-ақ аудан басшысы мемлекеттік қызмет жүйесіндегі сабақтастықтың маңыздылығына тоқталып, тәжірибелі мамандардың ақыл-кеңесі мен өмірлік ұстанымдары жас кадрлардың кәсіби тұрғыдан қалыптасуына зор ықпал ететінін жеткізді.Кездесу барысында мемлекеттік қызмет ардагерлері Әшім Оразбекұлы, Тілеубек Бабасов, Нәйла Палымбет, Насырбек Мырзабеков, Нажемидин Қалыбаева және Дана Аман Смаханұлы сөз сөйлеп, мемлекеттік қызметтің жауапкершілігі, адалдық пен кәсібиліктің маңызы жөнінде ой бөлісіп, жас буынға ақыл-кеңестерін айтып, өмірлік және еңбек жолындағы мол тәжірибелерімен бөлісті.Шиелі ауданының әкімі жиын барысында Керделі ауылдық округі әкімі аппаратының қаржы саласы жөніндегі бас маманы қызметін абыроймен атқарып келген Жұмагүл Асанқызын құрметті зейнет демалысына шығарып салып, көп жылғы адал еңбегі үшін ауданның жоғары марапаты – Құрмет грамотасымен марапаттады.<img src="https://knadmin.beoblood.kz/uploads/Shieli_memlekettik_yzmetshilermen_kezdesu_2_6c0080de6e.jpg" alt="Шиелі мемлекеттік қызметшілермен кездесу 2.jpg">Ауданда мемлекеттік қызметшілердің тек кәсіби тұрғыдан ғана емес, рухани және шығармашылық жағынан дамуына ерекше көңіл бөлінуде. Осы мақсатта «Рухани өрлеу» шығармашылық орталығы құрылған.Аталған орталықтың негізгі мақсаты – мемлекеттік қызметшілердің рухани дүниесін байытып, шығармашылық қабілеттерін дамыту, кітап оқуға деген қызығушылығын арттыру және ұлттық құндылықтарды дәріптеу. Кездесу барысында «Рухани өрлеу» шығармашылық орталығының мүшелері ән мен жырдан шашу шашып, өз өнерлерін ортаға салды.Жиында мемлекеттік қызметке талантты әрі білікті жастарды тартуға бағытталған жаңа мүмкіндіктер де айтылды. Атап айтқанда, жоғары оқу орындарын мемлекеттік грант негізінде тәмамдап, оқу үлгерімі GPA 3,33-тен жоғары болған түлектерге мемлекеттік қызметке конкурссыз орналасу мүмкіндігі қарастырылған.Бұл бастама өңірлердегі кадрлық әлеуетті нығайтуға және жастарды мемлекеттік қызметке ынталандыруға бағытталған. Осы ретте ауданымызда да жас кадрлар мемлекеттік қызмет қатарына қосылып, бүгінгі таңда Гүлжазира Құлахмет пен Асқар Бойрабаев конкурссыз негізде қабылданып, өздеріне жүктелген міндеттерді абыроймен атқарып келеді.Кездесу соңында аудан әкімі мемлекеттік қызметшілерге адалдық, кәсібилік және халыққа қалтқысыз қызмет ету қағидаттарын берік ұстанудың маңыздылығын атап өтіп, аға буын мен жас мамандар арасындағы сабақтастықтың мемлекеттік қызмет сапасын арттырудағы рөлі ерекше екенін жеткізді.Жиын тәжірибе мен тағылымға толы мазмұнды пікір алмасуға ұласып, мемлекеттік қызметтің мерейін асыруға бағытталған игі бастамалардың маңызын айқындады.<img src="https://knadmin.beoblood.kz/uploads/Shieli_memlekettik_yzmetshilermen_kezdesu_3_e7e47b30d9.jpg" alt="Шиелі мемлекеттік қызметшілермен кездесу 3.jpg">

Шиелі ауданының әкімі мемлекеттік қызметшілермен кездесті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің оқушылары Назарбаев Зияткерлік мектептері ұйымдастырған World Robot Olympiad (WRO) 2026 дүниежүзілік робототехника олимпиадасының республикалық кезеңінде жеңіске жетті.Ернұр Сәду мен Аянұр Сәдудан құралған команда Future Engineers санатында бақ сынап, күрделі инженерлік міндеттерді шешуге арналған жобасын ұсынды. Байқау қорытындысы бойынша оқушылар І орын иеленіп, 2026 жылдың желтоқсан айында Пуэрто-Рикода өтетін WRO халықаралық кезеңінде Қазақстан намысын қорғау мүмкіндігіне ие болды.<img src="https://knadmin.beoblood.kz/uploads/N_Ish4_0a171f312d.jpeg" alt="НИШ">Команданың жетекшісі – информатика пәнінің мұғалімі Серік Ахметов. Сонымен қатар команда мүшесі Ернұр Сәду жоғары нәтижелері үшін ҚБТУ білім грантына ие болды.Биыл республикалық кезеңге еліміздің әр өңірінен келген 286 оқушы қатысты. WRO 2026 маусымының тақырыбы – «Robots Meet Culture». Қатысушылар робототехника мен мәдениетті ұштастыра отырып, мәдени мұраны сақтау, дәріптеу және дамытуға бағытталған инновациялық жобаларын таныстырды. Жарыстар RoboMission, Future Innovators, RoboSports және Future Engineers бағыттары бойынша өтті.<img src="https://knadmin.beoblood.kz/uploads/NI_Sh2_39c3d2de85.jpeg" alt="НИШ"><blockquote>«NIS үшін бұл олимпиада тек жарыс емес, еліміздегі білім беру робототехникасын жүйелі дамытудың бір бағыты. Биылғы республикалық кезеңде жалпы білім беретін мектептерден, ауылдық және аудандық мектептерден келген оқушылардың белсенділігі ерекше байқалды. Бұл робототехникаға қызығушылықтың Қазақстан өңірлерінде кеңейіп келе жатқанын көрсетеді», – деді «Назарбаев Зияткерлік мектептері» ДББҰ Басқарма Төрағасының орынбасары Сабыржан Садуакасов.</blockquote>Айта кету керек, республикалық кезеңде Бекжан Аманбек, Әділхан Торғай, Әмір Ақберген, Жарқынбек Ахметов, Ераслан Ерболұлы, Ерасыл Айдарбек, Асылхан Мейрамбек және Інкәр Нұрханқызы да мектеп намысын қорғады. Олар іріктеу кезеңінен сәтті өтіп, робототехника мен инженерлік жобалау саласындағы жоғары дайындық деңгейін көрсетті.<img src="https://knadmin.beoblood.kz/uploads/NI_Sh_e06a1bf6a3.jpeg" alt="НИШ.jpeg"><img src="https://knadmin.beoblood.kz/uploads/NI_Sh5_4e49b8f958.jpeg" alt="НИШ.jpeg">

Пуэрто-Рикоға жолдама: Қызылордадағы NIS оқушылары World Robot Olympiad 2026 жеңімпазы атанды

<a href="https://kyzylorda-news.kz/">Kyzylorda-news.kz</a> Қазалы ауданы әкімі Алмасбек Есмахановтың төрағалығымен Конго-Қырым геморрагиялық қызбасының алдын алу және кенеге қарсы залалсыздандыру жұмыстарын ұйымдастыру мәселелеріне арналған мәжіліс өтті.Қазіргі таңда Қазалы ауданы бойынша Мәдениет, Басықара, Жанқожа батыр, Байғожа стансасы, №99 бекет, Ойынды және Алтай бекеті сынды 7 елді мекен табиғи ошақ (тәуекел аймағы) ретінде белгіленген. Осыған байланысты бұған дейін кешенді іс-шаралар жоспары бекітіліп, залалсыздандыру жұмыстары кезең-кезеңімен жүргізілді. Атап айтқанда, бірінші кезең 27 сәуір мен 5 мамыр аралығында, ал екінші кезең 6–12 мамыр аралығында жүзеге асырылды.Сонымен қатар, осы жылдың 16 маусым күні Ү.Түктібаев ауылы мен Әйтеке би кентінде Конго-Қырым геморрагиялық қызбасының болжамды жағдайлары тіркелген болатын.Осыған байланысты маусым айында төтенше жағдайлардың алдын алу және оларды жою жөніндегі комиссияның екі отырысы өткізіліп, салалық мекемелерге хаттамалық тапсырмалар берілді. Соған сәйкес, 19 маусымнан бастап «Ala Komford» ЖШС тарапынан Ү.Түктібаев ауылында залалсыздандыру жұмыстары жүргізілуде.Сондай-ақ, хаттамалық тапсырмаға сәйкес Көларық, Майдакөл, Ақжона және Аранды ауылдық округтеріндегі мал қоралары, аула аумақтары, мал жиналатын шаңлақтар мен суаттарды залалсыздандыру жұмыстарына қаржы бөлінді.Қазіргі таңда Ақтан батыр, Бекарыстан би, Майдакөл, Аранды және Қожабақы ауылдарындағы мал қораларында механикалық тазалау жұмыстары жүргізілуде. Ағымдағы жылдың 21 маусымынан бастап Ақтан батыр ауылынан бастау алатын залалсыздандыру жұмыстары қолға алынбақ.Мәжіліс барысында аудан басшысы елді мекендердегі санитарлық тазалықты күшейту, қора-жайлар мен аулаларды механикалық тазалауды жүйелі жүргізу, сондай-ақ мал бастарын толық қамту арқылы кенеге қарсы өңдеу жұмыстарын сапалы ұйымдастыру мәселелеріне тоқталды. Тұрғындар арасында түсіндірме жұмыстарын жандандырып, ақпараттық материалдар тарату және бұқаралық ақпарат құралдары арқылы кең көлемде насихат жүргізудің маңыздылығын атап өтті.Жиын қорытындысында аудан әкімі аталған ауылдық округтердегі залалсыздандыру жұмыстарының барысын жеке бақылауына алатынын айтып, жауапты сала басшыларына дайындық деңгейін күшейту, қажетті дәрілік қорды толық қамтамасыз ету және бекітілген жоспардың уақытылы әрі сапалы орындалуын қатаң бақылауда ұстауды тапсырды.&nbsp;

Қазалы: Конго-қырым геморрагиялық қызбасының алдын алу мәселесі талқыланды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен өткен актив отырысында Қазақстан Республикасы Президенті Әкімшілігінің келісімі және облыс әкімінің өкімімен облыс әкімінің орынбасары лауазымына тағайындалған Нұриддин Аманқұл таныстырылды.<img src="https://knadmin.beoblood.kz/uploads/Aktiv_otyrysynda_oblys_kimini_orynbasary_tanystyryldy_37a9ec3eb5.jpg" alt="Актив отырысында облыс әкімінің орынбасары таныстырылды.jpg">Мұрат Нәлқожаұлы жаңа орынбасарына өңірдің кәсіпкерлік, туризм және аграрлық әлеуетін арттыруға бағытталған кешенді шараларды жүзеге асыруды тапсырды.Нұриддин Аманқұлұлы 1986 жылы Тараз қаласында дүниеге келген. К.Сағадиев атындағы Халықаралық бизнес университетін «Экономика» мамандығы бойынша тәмамдаған, экономика ғылымдарының магистрі.Еңбек жолын 2007 жылы Халықаралық саясат институтында сарапшы ретінде бастап, кейін мемлекеттік және халықаралық инвестициялық-қаржылық ұйымдарда жауапты қызметтер атқарған.2012-2018 жылдары «KAZNEX INVEST» экспорт және инвестициялар жөніндегі ұлттық агенттігінде департамент директоры, басқарушы директор және Ыстанбұл қаласындағы инвестициялық өкіл болған.2018-2023 жылдары Қазақстан Республикасы Сыртқы істер министрлігінің Инвестициялар комитетінде шетелдік инвестициялар тарту басқармасын басқарды, сондай-ақ Қазақстанның Түркия Республикасындағы елшілігінде бірінші хатшы және кеңесші лауазымдарында еңбек етті.2023 жылдың маусым айынан осы тағайындауға дейін Қазақстан Республикасының Ыстанбұл қаласындағы Бас консулы қызметін атқарды.Мәжілісте облыстық ардагерлер кеңесінің төрағасы Серік Дүйсенбаев, облыстық сот төрағасы Әділхади Шығамбаев, облыс прокуроры, өңірлік инвестициялық штабтың тең төрағасы Ризабек Ожаров сөз сөйлеп, облыс әкімі орынбасарының жауапты қызметіне сәттілік тіледі.Фото: Қызылорда облысы әкімінің баспасөз қызметі

Актив отырысында облыс әкімінің орынбасары таныстырылды

<a href="https://kyzylorda-news.kz/">Kyzylorda-news.kz</a> Қазақстан спортшылары демалыс күндерін 19 халықаралық медальмен қорытындылады.Өткен демалыс күндері отандық спортшылар олимпиадалық спорт түрлерінен ірі халықаралық жарыстарда табысты өнер көрсетіп, жалпы саны 19 медаль иеленді.Әлемдік және құрлықтық додаларда ел намысын қорғаған бірнеше ұлттық құрама жоғары нәтиже көрсетіп, ел спортының халықаралық аренадағы бәсекеге қабілеттілігін тағы бір мәрте дәлелдеді.Ең табысты нәтиже Қытайдың Гуйян қаласында өткен World Boxing Әлем кубогінің екінші кезеңінде тіркелді. Қазақстан боксшылары қоржынға 5 алтын және 3 қола медаль салып, жалпы сегіз жүлде жеңіп алды. Турнир чемпионы атанғандар: Санжар Тәшкенбай, Абылайхан Жүсіпов, Айбек Оралбай, Назым Қызайбай және Виктория Графеева.<img src="https://knadmin.beoblood.kz/uploads/sport_c3a41fd250.jpeg" alt="спорт .jpeg">Индонезияның Бали аралында өткен WKF каратэден Азия чемпионатында да Қазақстан құрамасы жоғары нәтиже көрсетті. Отандастарымыз 2 алтын, 2 күміс және 3 қола медаль жеңіп алып, құрлықтың үздік командаларының қатарынан көрінді. Азия чемпионы атанғандар - Жоламан Биғабыл мен Олжас Алтынбек.Жеңіл атлетикадан Қазақстан құрамасы да ел қоржынына алтын медаль салды. Қытайдың Шаосин қаласында өткен Азия эстафеталық чемпионатында ұлттық құрама аралас құрамдағы 4×400 метрлік эстафетада жеңімпаз атанды. Құрама сапынан Эльнор Мұхитдинов, Мария Шувалова, Андрей Соколов және Аделина Земс жүгірді.Нью-Делиде өткен Азия чемпионатында отандық семсерлесушілер тарихи жетістікке қол жеткізді. Ирина Бакалдина әйелдер арасындағы жеке шпага сайысында Азия чемпионатының алтын жүлдесін жеңіп алған алғашқы қазақстандық спортшы атанды. Ал Руслан Құрбанов ерлер арасындағы жеке шпага бәсекесінде қола медаль иеленді.Нысана көздеуден де ел қоржынына жүлде түсті. Германияда өтіп жатқан жасөспірімдер арасындағы әлем чемпионатында Ринат Казаченко 50 метр қашықтықта үш қалыптан кіші калибрлі винтовкамен ату сайысында күміс медаль жеңіп алды. Бұл - Қазақстан құрамасының аталған әлем біріншілігіндегі алғашқы жүлдесі.Өткен демалыстағы нәтижелер отандық спортшылардың жоғары дайындық деңгейін және елімізде олимпиадалық спорт түрлерін дамыту бағытындағы жүйелі жұмыстың жемісті екенін тағы бір мәрте көрсетті.Фото: Қазақстан Республикасы Ұлттық Олимпиадалық комитеті

Осы демалыста отандық спортшылар халықаралық жарыстарда 19 медаль жеңіп алды

<a href="https://kyzylorda-news.kz/">Kyzylorda-news.kz</a> Арал ауданына жұмыс сапарымен келген Қызылорда облыстық ардагерлер кеңесінің мүшелері ауданның өндірістік және мәдени нысандарын аралап, өңірдің әлеуметтік-экономикалық дамуымен танысты.Қызылорда облыстық ардагерлер кеңесінің төрағасы Серік Дүйсенбаев бастаған делегация құрамында облысқа қарасты аудандық ардагерлер кеңестерінің төрағалары мен мүшелері, салалық ардагерлер ұйымдарының өкілдері және қоғам өміріне белсене араласып жүрген ардагерлер болды.Сапар аясында қонақтар алдымен Арал қаласындағы балық өңдеу саласының көшбасшы кәсіпорындарының бірі – «Арал сервистік дайындау орталығы» жауапкершілігі шектеулі серіктестігінің жұмысымен танысты. Кәсіпорынның өндірістік әлеуеті мен даму тарихы туралы аудандық ардагерлер кеңесінің төрағасы Ә.Айымбетов кеңінен баяндап, зауыттың аудан экономикасындағы маңызына тоқталды.<img src="https://knadmin.beoblood.kz/uploads/726145829_4514824268845924_141830938983936396_n_f2a8fae8ff.jpg" alt="726145829_4514824268845924_141830938983936396_n.jpg">Айта кету керек, аталған кәсіпорын 2008 жылы бұрынғы «Аралрыбпром» зауытының орнына салынған. Ал өндіріс орны 2010 жылдан бастап толық қуатында жұмыс істеп келеді. Бүгінде мұнда өндірілген өнімдер еліміздің ішкі нарығымен қатар Еуропа мемлекеттеріне, Қытайға, Ресейге және Орталық Азия елдеріне экспортталуда.Кәсіпорын балықтың филесі мен тұтас өнімдерін, ысталған және кептірілген балық түрлерін, балық фаршын, сондай-ақ мұздатылған өнімдерді шығарады. Өндірістік орталықтың жылдық қуаттылығы 5 мың тонна балық өнімін өңдеуге мүмкіндік береді.Сонымен қатар зауыт халықаралық экологиялық талаптарға сай жұмыс істеп, қоршаған ортаны қорғау бағытындағы ISO 14001 экологиялық менеджмент стандартына сәйкес қызмет атқарады.<img src="https://knadmin.beoblood.kz/uploads/Ardagerler_Araldy_baly_sharuashyly_ymen_zh_ne_tarihi_m_ralarymen_tanysty_cdea613b9d.jpg" alt="Ардагерлер Аралдың балық шаруашылығымен және тарихи мұраларымен танысты.jpg">Бүгінде Арал ауданында жалпы жылдық қуаттылығы 30 мың тоннаға жуық өнім өндіретін 10 балық өңдеу кәсіпорны жұмыс істейді. Соның ішінде Еуропа нарығына өнім экспорттауға мүмкіндік беретін арнайы «Еврокод» белгісіне ие екі кәсіпорынның бірі – осы «Арал сервистік дайындау орталығы» ЖШС болып табылады. Бұл кәсіпорынның халықаралық нарықтағы бәсекеге қабілеттілігін айқындайтын маңызды көрсеткіш.Өндіріс орнын аралағаннан кейін ардагерлер қаладағы Балықшылар алеясында болып, теңіз тағдырымен біте қайнасқан өңір тарихымен және балықшы қауымның бай мұрасын жинақтаған Балықшылар мұражайымен танысты.2012 жылдан бері келушілерге қызмет көрсетіп келе жатқан мәдени нысанда бүгінде 2500-ден астам құнды жәдігер сақталған. Мұражай экспозициялары Арал теңізінің ежелгі тарихынан бастап бүгінгі күнге дейінгі кезеңдерді қамтиды. Заманауи талаптарға сай жабдықталған ғимаратта мұражай залы, «Балықшылар» залы және «Кемелер» залы орналасқан.Мұнда балық өнеркәсібінің қалыптасу және даму кезеңдері, балықшылардың тұрмыстық құралдары, кеме жабдықтары, сондай-ақ балық шаруашылығын дамытуға зор үлес қосқан жергілікті азаматтар туралы тарихи деректер қойылған.Мұражай ауласында да келушілердің қызығушылығын арттыратын көптеген жәдігерлер бар. Олардың қатарында ат және түйе шаналары, көне қайықтар, жылым тартуға арналған шығырлар, тарихи станоктар мен атақты капитандардың есімдері берілген кемелер қойылған.<img src="https://knadmin.beoblood.kz/uploads/726689917_4514824595512558_260131227058363211_n_63fa7dc92a.jpg" alt="726689917_4514824595512558_260131227058363211_n.jpg">Қонақтар музей қорындағы құнды мұраларды тамашалап, теңіз жағасында тіршілік кешкен балықшы халықтың өткені мен бүгіні туралы мол мағлұмат алды. Олар Арал өңірінің бай тарихы мен балық шаруашылығы саласындағы жетістіктеріне жоғары бағаларын беріп, ауданның өндірістік әлеуеті мен мәдени мұрасының ерекшелігіне ерекше қызығушылық танытты.Арал ауданында ұйымдастырылған бұл тағылымды кездесу ардагерлердің тәжірибе алмасуына ғана емес, өңірдің өндірістік мүмкіндіктері мен тарихи-мәдени құндылықтарын кеңінен таныстыруға да мүмкіндік берді.Фото: Арал аудан әкімдігінің баспасөз қызметі&nbsp;

Ардагерлер Аралдың балық шаруашылығымен және тарихи мұраларымен танысты

<a href="https://kyzylorda-news.kz/">Kyzylorda-news.kz</a> «Қазгидромет» РМК еліміздегі ауа сапасына қатысты болжамын <a href="https://kaz.inform.kz/news/bugn-elmzdn-4-kalasinda-aua-sapasi-nasharlaydi-d0dfaaef">жариялады.</a>–&nbsp;22 маусымда қолайсыз метеорологиялық жағдайлар Алматы, Талдықорған, түнде Теміртау, Қарағанды ​​қалаларында күтіледі,&nbsp;— делінген хабарламада.Қолайсыз метеорологиялық жағдайлар&nbsp;— атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.Фото: Pixabay

Архив