<a href="https://kyzylorda-news.kz/">Kyzylorda-news.kz</a> Бүгін күллі мұсылман қауымының ұлық мерекесі – Айт мейрамы. Таңсәріден Қызылорда облыстық «Ақмешіт-Сырдария» орталық мешітіне жиылған халықты Сыр өңірінің бас имамы Дастан Жанасұлы құттықтап, «Ораза Айт – ұлық мереке» тақырыбында уағыз айтты. 19 000 қызылордалық қатысқан айт намазынан соң ел амандығы мен жұрт тыныштығы үшін дұға жасалды.Қызылордада айт намазына 19 000 адам қатысты Айта кетейік, аймақ мешіттерінде мереке құрметіне жамағатқа арналып дастархан жайылып, наурыз дәмі ұсынылды. Балаларға «айт тәттісі» таратылып, ұлттық ойындардан спорттық сайыстар өткізілді.Сондай-ақ, облыс көлемінде қайырымдылық шараларын өткізу де жоспарланған. Және «Айттау» дәстүрін жаңғырту мақсатында мешіт қызметкерлері қарттар мен науқас жаңдардың көңілін сұрап, мерекемен құттықтайтын болады.Фото: ҚМДБ-ның Қызылорда облысы бойынша өкілдігінің баспасөз қызметі

Қызылордада айт намазына 19 000 адам қатысты

<a href="https://kyzylorda-news.kz/">Kyzylorda-news.kz</a> Бүгін Наурызнама онкүндігі аясында 20 наурыз – Ұлттық спорт күніне орай Жаңақорған кентінің орталық стадионында кең ауқымды спорттық іс-шаралар ұйымдастырылды. Ұлттық құндылықтарды дәріптеуге бағытталған бұл шараға аудан тұрғындары, жастар мен спорт сүйер қауым қатысты.Іс-шара барысында аудан әкімінің орынбасары Бектас Нуридинов жиналған қауымды Наурыз мерекесімен құттықтады.Қазақтың төл спорт түрлері насихатталып, қатысушылар өзара бақ сынасты. Атап айтқанда, арқан тарту, қазақша күрес, асық ату, тоғызқұмалақ секілді ұлттық ойындардан жарыстар өткізіліп, көрермендерге ерекше әсер сыйлады. Бұл сайыстар жастардың ұлттық спортқа деген қызығушылығын арттырып, салауатты өмір салтын қалыптастыруға өз үлесін қосты.Жарыс қорытындысы бойынша үздік өнер көрсеткен қатысушылар мен жүлдегерлерге арнайы дипломдар мен бағалы сыйлықтар табысталды.

Жаңақорғанда Ұлттық спорт күніне орай спорттық іс-шаралар өтті

<a href="https://kyzylorda-news.kz/">Kyzylorda-news.kz</a> Жаңа деректі фильмде зорлық-зомбылық, ортаның қысымы және ересектердің бақылауының жоқтығы салдарынан өмірі күрт өзгерген жасөспірімдердің шынайы тағдыры көрсетіледі. "Хулиган-ка" атты туынды жасөспірімдер агрессиясы, буллинг және ойланбай жасалған әрекеттердің салдары сияқты өзекті мәселелерді көтереді, - деп хабарлайды<a href="https://polisia.kz/iim-zhasospirimder-arasyndaghy-qatygezdik-pen-bulling-taqyrybynda-derekti-drama-shyghardy/"> Polisia.kz.</a>&nbsp;Фильмнің басты кейіпкері - Қылмыстық кодекстің 106-бабы бойынша денсаулыққа қасақана ауыр зиян келтіргені үшін сотталған Дарина. Оның оқиғасы - қоршаған ортаның ықпалы мен өзін дәлелдеуге деген ұмтылыстың қандай қайғылы салдарға әкелуі мүмкін екенін көрсететін мысал. 14 жасында ол өзінен үлкен "құрбысының" ықпалына түсіп, сабақтан қалуды бастайды, алкоголь ішіп, төбелестерге қатысады. Уақыт өте келе агрессия оның күнделікті өмірінің бір бөлігіне айналады.Жағдай Дарина қысымға бой алдырып, бір қызды аяусыз соққыға жыққан кезде ушыға түседі. Жәбірленуші ауыр жарақат алып, ұзақ уақыт ем қабылдауға мәжбүр болады. Бұл оқиға Даринаның қылмыстық жауапкершілікке тартылуына әкелген шешуші кезең болды. Фильм жасөспірімдер арасындағы қатыгездік көбіне өзін-өзі дәлелдеуге тырысумен, өмірлік бағдардың жоқтығымен және қолдаушы ортаның болмауымен байланысты екенін көрсетеді. Жасөспірімдер өз әрекеттерінің салдарын әрдайым толық түсіне бермейді, ал қарапайым жанжалдың өзі ауыр жарақатқа немесе тіпті өлімге әкелуі мүмкін.&nbsp;Сонымен қатар туындыда бас бостандығынан айыру орындарына түскен өзге де жастардың оқиғалары баяндалады. Олар жастық шақтағы қателіктердің құны, орындалмаған армандар мен жоғалған мүмкіндіктер туралы ой толғайды. Жасөспірімдер қылмысы мәселесі әлі де өзекті болып отыр. Дегенмен, ІІМ деректеріне сәйкес, жағдай біртіндеп жақсарып келеді. 2026 жылдың ақпан айының қорытындысы бойынша кәмелетке толмағандар жасаған қылмыстар саны 24,3%-ға төмендеген.&nbsp;Соған қарамастан, ішкі істер органдарының есебінде 2,9 мыңнан астам жасөспірім және балаларын тәрбиелеу бойынша міндеттерін орындамайтын 6 мыңнан астам ата-ана тіркелген. Профилактикаға ерекше назар аударылуда. Әр мектепке учаскелік инспекторлар, ювеналды және криминалдық полиция қызметкерлері бекітілген - жалпы саны шамамен 8 мың қызметкер.&nbsp;Оқу орындарында құқықбұзушылықтың алдын алу және жасөспірімдердің жауапкершілігін қалыптастыру мақсатында тұрақты түрде құқықтық сабақтар өткізіледі. Ағымдағы жылдың екі айында 22 мыңнан астам заңды өкіл кәмелетке толмағандардың түнгі уақытта үйден тыс жерде жүргені үшін жауапкершілікке тартылған. Ал кәмелетке толмағандардың түнде ойын-сауық орындарында болуына жол бергені үшін 685 мекеме иесі жазаланған.&nbsp;ІІМ өкілдері "Заң мен Тәртіп" қағидаты аясында профилактикалық жұмыстар алдағы уақытта да белсенді түрде жалғасатынын атап өтті. "Хулиган-ка" деректі фильмі - қоғамға жасалған ескерту: жасөспірімдер агрессиясы өздігінен пайда болмайды. Ол орта, немқұрайлылық және бақылаудың жоқтығы әсерінен қалыптасады. Оны болдырмау үшін отбасы, мектеп және қоғам бірлесіп жұмыс істеуі керек.

ІІМ жасөспірімдер арасындағы қатыгездік пен буллинг тақырыбында деректі драма шығарды 

<a href="https://kyzylorda-news.kz/">Kyzylorda-news.kz</a> &nbsp;Бүгін Наурызнама онкүндігі аясында «Ұлттық спорт күні» кең көлемде атап өтіліп, аталған іс-шараға аудан әкімі Берік Сәрменбаев, аудандық мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев, аудандық Қоғамдық кеңес төрағасы Марат Еспенбетов, аудандық мәслихат депутаты Алмас Есназар және ардагерлер мен спортшылар қатысты.<blockquote>– Мемлекет басшысы Қасым-Жомарт Кемелұлы Тоқаев «Спорт дегеніміз – денсаулық, рухтың күштілігі, отансүйгіштік. Қазақ ұлттық ойындары - қазақ мәдениетінің ажырамас бөлігі. Олар еңбек пен рухани қызметтің жаңғырығын біріктіреді» деп атап өтті. Бүгінгі «Ұлттық спорт күні» – бабадан қалған асыл мұраларымызды жаңғыртуға, бұқаралық спортты дамытуға, сонымен қатар жастарды салауатты өмір салтын ұстануға шақыратын ерекше күн. Біздің атақты спортшыларымыз, ұлттық ойындарда топ жарған жерлестеріміз – ел мерейін асырып, халқымыздың намысын қорғап жүр. Қазақ күресі, көкпар, бәйге, аударыспақ, тоғызқұмалақ, асық ату сынды ұлттық спорт түрлері біздің ұлттық болмысымыздың ажырамас бөлігі. Ел Президентінің тапсырмасымен, Үкіметтің және облыс әкімі Нұрлыбек Машбекұлы Нәлібаевтың қолдауымен аймағымызда спорттың бұқаралық сипатын дамытуға ерекше мән берілуде. Облыс орталығында "Тенниc орталығы" пайдалануға берілді. Заманауи талаптарға сай келетін 11 мың орындық жаңа стадион салтанатты түрде ашылды. Соңғы үш жылда өңірде 20 спорт кешені салынып, «Ауыл – ел бесігі» бағдарламасымен тағы 6 спорт кешені пайдалануға берілді. «Қазақстан халқына» қорының демеушілігімен мүмкіндігі шектеулі жандарға арналған дене шынықтыру-сауықтыру кешені бой көтерді. Ұлттық спортты дамыту, оны өскелең ұрпаққа кеңінен насихаттау – біздің басты міндетіміз. Себебі, ұлттық ойындар – тек спорт қана емес, ол – халқымыздың рухани құндылығы, жастарымызды тәрбие мен тәртіпке баулитын маңызды құрал. Бүгінгі жарыстарда сынға түсетін барлық спортшыларға сәттілік тілеймін! Ұлттық спортымыздың мәртебесі арта берсін! – деді Берік Әбдіғаппарұлы.</blockquote>Мерекелік шарада қазақша күрес, асық ату, тоғызқұмалақ, арқан тартыс, бес тас секілді ұлттық спорт түрлерінен жарыстар ұйымдастырылды. Шараға жасөспірімдерден бастап, кәсіби спортшылар мен ұлттық ойын жанашырлары да қатысып, өз өнерлерін көрсетті. Сондай-ақ, іс-шара барысында ұлттық дәстүр дәріптелді.Фото: Сырдария ауданы әкімінің баспасөз қызметі

Ұлттық спорт – ұлт рухының айнасы

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында мемлекеттік қызметшілердің штат саны - 3 332 бірлікті құраса, нақты жұмыс істейтіндер саны - 3 245. Оның 45,5 пайызы – әйелдер. Бұл туралы Өңірлік коммуникациялар қызметінің ақпарат алаңында өткен баспасөз конференциясында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев баяндады.<blockquote>«Мемлекеттік қызметшілердің 95 пайыздан астамы жоғары білімді. Бұл &nbsp;мемлекеттік аппараттың кәсіби деңгейінің жоғары екенін көрсетеді. Өңірде кадр тұрақтылығы сақталған. Қызметтен кету көрсеткіші 3,6 пайызды құрап, жоспарланған 6 пайыздан төмен деңгейде қалып отыр. Бұл жүйелі кадр саясатының нәтижесі. Осы көрсеткіш бойынша Қызылорда облысы өңірлер арасында бірінші орында. Бос жұмыс орындарының саны да айтарлықтай азайған. Қазіргі таңда жергілікті атқарушы органдардағы бос орындар үлесі 1,8 пайызды ғана құрайды. Кадрмен қамтамасыз ету мәселесі кезең-кезеңімен шешіліп келеді. Нәтижесінде мемлекеттік қызметтің тиімділігі артып отыр», – деді департамент басшысы Ерлеген Жәрдемұлы.</blockquote>Меритократия қағидаты аясында өткен конкурстар арқылы 423 үміткер мемлекеттік қызметке қабылданған. Ішкі конкурстар нәтижесінде жұмысқа тұрғандардың 68 пайызы жоғары лауазымдарға тағайындалған. Сонымен қатар, Президенттік жастар кадр резервіне өңірден 3 жас маман өтті.<blockquote>«Мемлекеттік қызмет сапасын арттыру бағытында бақылау жұмыстары да күшейтілді. Жүргізілген мониторинг нәтижесінде 365 қызметшінің құқығы қорғалып, 653 сағат демалыс берілді. Біздің басты мақсат мемлекеттік қызметшілердің құқықтарын қорғау және заң талаптарының сақталуын қамтамасыз ету. Былтыр облыс бойынша 6,2 миллионнан астам мемлекеттік қызмет көрсетілді. Оның 98 пайыздан астамы электронды форматта жүзеге асты. Электронды қызметтердің үлесінің артуы халыққа қолайлы әрі ашық жүйенің қалыптасқанын білдіреді», – деп атап өтті департамент басшысы.</blockquote>Спикер өңірде мемлекеттік қызметтің тиімділігі артып, ашықтық пен кәсібилік деңгейі нығайып келе жатқанын жеткізді.

Қызылордада мемлекеттік қызметтің тиімділігі артып келеді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Kazakhmys Holding ЖШС директорлар кеңесінің төрағасы Эдуард Огаймен кездесті.Кездесуде тараптар «Қызылорда қаласында 600 мың сақтау бірлігіне арналған Президенттік кітапхана салу» жобасын іске асыру жөніндегі ынтымақтастық туралы меморандумға қол қойып, барлық негізгі мәселелерді келісіп, жобаны бірлесіп жүзеге асыруға уағдаласты.Мемлекет басшысының өңірге жұмыс сапары барысында білім беру және мәдени ортаны дамытуға бағытталған бастамалар көтерілген болатын. Осы бастамалар аясында Қызылорда қаласында Президенттік кітапхана салу туралы шешім қабылданды.<blockquote>«Бұл – өңірдің білім беру және ғылыми инфрақұрылымын дамытудағы маңызды қадам», – деп атап өтті Нұрлыбек Нәлібаев.</blockquote>Кездесуде жобаны іске асыру тетіктері, тараптардың қатысуы, инженерлік инфрақұрылымды дайындау және жер телімін рәсімдеу мәселелері талқыланды.Эдуард Огай компаниялар тобы атынан жобаны қолдауға және құрылыс жұмыстарын жеделдетілген кесте бойынша орындауға дайын екенін жеткізді.Қазіргі таңда Президент саябағы аумағынан кітапхана құрылысына арналған жер телімі анықталып, учаскені таңдау туралы алдын ала акт пен сызбалар дайындалды. Қалалық мәслихат пен жер комиссиясының хаттамалық шешімдері қабылданды. Облыстық құрылыс, сәулет және қала құрылысы басқармасы аталған аумақта орналастыру жобасын әзірлеуде.Тараптар жобаны барынша қысқа мерзімде жүзеге асыру туралы келісімге келді.Фото: Қызылорда облысы әкімінің баспасөз қызметі

Аймақ басшысы «AAEngieering Group» ЖШС өкілдерімен кездесті

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Мемлекет басшысының «Таза Қазақстан» бастамасын жүзеге асыру барысына мониторинг жүргізу орталығының отырысын өткізді. Онда көгалдандыру, оның ішінде орман алқаптарын құру, өңірлерде экологиялық жобаларды жүзеге асыру мәселелері қаралды.<blockquote>«Президентіміздің “Таза Қазақстан” бастамасының негізгі қағидаттары, оның ішінде халықтың экологиялық мәдениетін қалыптастыру, қоршаған ортаны қорғау, табиғатқа ұқыпты қарау сияқты негізгі құндылықтар еліміздің жаңа Конституциясында нақты бекітілген. Табиғатты қорғау – құр сөз емес, ол баршамыздың ортақ конституциялық борышымыз. Еріктілер ұйымдары мен жастардың әлеуетін пайдалануымыз керек. Олардың белсенді қатысуы табиғатқа қамқорлықпен қараудағы сабақтастықты қамтамасыз етеді. Біз Конституцияда бекітілген жаңа экологиялық мәдениеттің негізін қалаймыз. Арал теңізі аймағында ағаш отырғызу және экологиялық ахуалды жақсарту бойынша жүргізіліп жатқан ауқымды жұмыстар Мемлекет басшысының экологияны қалпына келтіру және сақтау, қауіпсіз қоршаған ортаны дамыту қағидаттарына деген берік ұстанымын көрсетеді. Қазір онда сексеуіл алқаптары егілуде. Олар тұзды дауылдарға тосқауыл болып, өңірдің экожүйесін қалпына келтіруге ықпалын тигізеді», — деп атап өтті Олжас Бектенов.</blockquote>Экология және табиғи ресурстар министрі Ерлан Нысанбаев еліміздегі орман алқаптары және Арал теңізінің құрғаған түбіне ағаш отырғызу жұмыстарының барысы туралы баяндады. Жергілікті атқарушы органдарға ерекше жүктеліп, экологиялық іс-шаралар өткізу, аумақтарды абаттандыру, рұқсат етілмеген қоқыс орындарын жою және «Таза Қазақстан» бастамасын жүзеге асыруға халықты экологиялық акцияларға тарту жұмыстарын ұйымдастырып, үйлестіруі тиіс екені атап өтілді. Осы орайда Ақмола, Шығыс Қазақстан, Қызылорда, Маңғыстау, Ұлытау облыстарының және Шымкент қаласының әкімдері баяндама жасады.Экология және табиғи ресурстар министрлігінің деректері бойынша 2021-2025 жылдар аралығында республикада шамамен 1,6 млрд ағаш отырғызылды, ал биыл 210 млн-нан астам көшет егу жоспарлануда. Жалпы ауданы 2,7 мың гектар болатын 243 орман тәлімбағында шамамен 157 млн көшет өсірілуде. Осы жылы тағы 6 жобаны жүзеге асыру жоспарлануда, олардың әрқайсысының өндірістік қуаты жылына 6 млн көшетті құрайды.Арал өңірінің экожүйесін қалпына келтіру шеңберінде 2021-2025 жылдары мелиорациялық орман жұмыстары 1 млн гектардан астам алқапта жүргізілді, ал қазіргі уақытта 165 мың гектар алқапта жалғасуда. Ғылыми сүйемелдеуді қамтамасыз ету мақсатында өңірде Қазақ орман шаруашылығы және агроорман мелиорациясы ғылыми-зерттеу институтының филиалы құрылды. Арал теңізінің құрғаған түбінде тәлімбақ құрылысы жүргізілуде. Сонымен қатар «Арал Орманы» мемлекеттік табиғи резерватын құру аяқталуда.Премьер-министр мемлекеттік органдар мен әкімдіктердің назарын мәлімделген жоспарларды орындауға ғана емес, сондай-ақ егілген ағаштардың көп көлемде жерсініп кетуін қамтамасыз ету қажеттігіне де аударды. Осыған байланысты Экология және табиғи ресурстар министрлігі әкімдіктермен бірлесіп, көшеттердің жерсініп кетуін міндетті түрде қадағалай отырып, биылға жоспарланған отырғызу көлемін жүзеге асыруды қамтамасыз етуі тиіс. Сондай-ақ, Мемлекет басшысы жариялаған цифрландыру жылын ескере отырып, жерді қашықтықтан зондтау, дрондар мен ЖИ элементтері сынды цифрлық шешімдерді белсенді енгізу тапсырылды. Былғы сәуір айының соңына дейін Қызылорда және Түркістан облыстарындағы Арал теңізінің құрғатылған түбінің 165 мың алаңында мелиорациялық орман жұмыстарын аяқтау міндеті қойылды.Орман тәлімбақтары желісін дамытуға ерекше назар аударылуда. Премьер-министр Алматы, Қостанай, Павлодар, Шығыс Қазақстан және Абай облыстарында орман тәлімбақтары құрылысын жеделдетуді және алдағы уақытта өңірлерде сапалы көшет қорының болуы үшін жабық өсіру жүйесі бар көшеттерді өсірудің орнықты жүйесін құруды қамтамасыз етуді тапсырды.Одан басқа қалдықтарды кәдеге жарату мәселелері қаралды. Бүгінгі таңда 185 млрд теңгеге жеңілдетілген қаржыландыру қарастырылған болса, соның ішінде 90 млрд теңгеден астам сомаға 26 жоба жүзеге асырылуда. Әкімдіктерге жоспарланған іс-шаралардың уақтылы орындалуын қамтамасыз ету, сондай-ақ жер қойнауын пайдаланушылармен бірлесіп, карьерлер аумақтарының 40%-дан астамын, оның ішінде санитариялық қорғау аймақтарының шекараларында көгалдандыру жұмыстарын жүргізу тапсырылды.23 наурызда «Мөлдір бұлақ» республикалық акциясы басталады, оның шеңберінде бұлақтар мен жағалау аумақтарын тазарту, сондай-ақ 700-ден астам әлеуетті су нысандарын түгендеу жоспарлануда.«Таза Қазақстан» бастамасын одан әрі жүзеге асыру осы жылға арналған экологиялық акциялардың жаңа циклінің кестесіне сәйкес жүргізіледі.Жиында Өңірлік экологиялық саммитке дайындық барысы да қаралды. Іс-шара экология саласындағы халықаралық ынтымақтастықты дамыту үшін маңызды алаңға айналатыны атап өтілді.

Олжас Бектенов Арал маңы жағдайын жақсарту және көгалдандыру жұмыстарына бақылауды күшейтуді тапсырды

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті бастығының орынбасары полиция полковнигі Е.Абдрамановтың &nbsp;төрағалығымен құқық бұзушылық профилактикасы мәселелеріне арналған дөңгелек үстел өтті.Шара барысында Полиция департаментінің Профилактикалық жұмысты үйлестіру басқармасының бастығы полиция подполковнигі А.Құлмағанбетов баяндама жасап, «Құқық бұзушылық профилактикасы туралы» Заң аясында көзделген негізгі талаптар мен міндеттерді таныстырды.Жиын барысында мемлекеттік органдар мен басқа да субъектілер арасындағы өзара іс-қимылды күшейту, құқық бұзушылықтардың алдын алу тетіктерін жетілдіру, азаматтарды профилактикалық жұмыстарға кеңінен тарту мәселелері айтылды.Дөңгелек үстел қорытындысы бойынша құқық бұзушылықтардың алдын алу бағытындағы жұмыстарды күшейту қажеттігі атап өтіліп, заң талаптарын іске асыру мәселелері талқыланды.

Қызылордада құқық бұзушылық профилактикасын күшейту мәселелері қаралды

&nbsp;Мемлекет басшысы Қасым-Жомарт Тоқаев қазақстандықтарды Ораза айт мерекесімен құттықтады.Қадірлі отандастар! Ораза айт мерекесі құтты болсын!Бұл – бүкіл мұсылман қауымы үшін мән-маңызы ерекше, қасиетті мереке. Осы мейрамда рухани тазару мен парасаттылық, сабырлық пен қанағатшылдық, өзара сыйластық пен тілектестік, жанашырлық пен жақсылық құндылықтары дәріптеледі. Отыз күн ораза тұтқан жұрт иманын байытып, кемелдікке ұмтылады. Төзімін шыңдап, төңірегіне қамқорлық танытады. Игі істерге ұйытқы болып, мұқтаж жандарға қол ұшын созады. Ата дәстүріміз бен асыл дініміз елдің бірлігін нығайтып, қоғамның берекесін арттыратын игі амалдар жасауға үндейді. Биыл Ораза айт мейрамы Наурыз мерекесімен қатар келіп, ел дамуындағы жаңа тарихи кезеңнің жаршысына айналды. Мұның символдық мәні зор. Қазақстан халқы Жаңа Ата заңды қабылдап, жарқын болашаққа, Әділеттілік пен Өркендеуге бастайтын жолды таңдады. Конституциялық реформаны жаппай қолдау арқылы ұлт тарихының жаңа парағын ашты. Баршаңызға зор денсаулық, бақ-береке, толайым табыс тілеймін!Еліміз аман, жеріміз тыныш болсын! Ораза айт қабыл болсын!, – деді Президент.Фото: Ақорда

Президент Ораза айт мерекесімен құттықтады

Қадірлі жерлестер!Баршаңызды қасиетті Ораза айт мейрамымен құттықтаймын!Татулық пен бауырмалдық, жақсылық пен игілік салтанат құратын осы қастерлі мерекенің барша мұсылман қауымы үшін орны бөлек. Биылғы Ораза айттың Наурызнама онкүндігімен сәйкес келіп, Ұлыстың ұлы күні қарсаңында тойлануы оның мән-маңызын арттыра түсті.Мемлекет басшымыз Қасым-Жомарт Кемелұлы «Рамазан айында имандылыққа, рухани тазаруға ұмтылған жұртымыз Айт күні ақ дастархан жайып, қонақжайлық көрсетеді. Бір-біріне ізгі тілегін арнайды. Мұқтаж жандарға көмек қолын созып, қамқорлық танытады. Сол арқылы адамгершілік құндылықтар қоғамымызда терең орныға түседі», – деп атап өтті.Ұлық мерекеде жасалатын игі амалдар жұртшылықты ізгілікке үндейді, жақсы істерге жұмылдырады. Бұл халқымыздың береке-бірлігін нығайтып, ырыс-ынтымағын арттырады. Ораза айты бүгінде діни ғұрыптармен ғана емес, ұлттық дәстүрлерімізбен де біте қайнасып кеткен.Қасиетті мерекедегі шынайы ниеттеріңіз, дұға-тілектеріңіз қабыл болсын! Әр отбасына амандық, мықты денсаулық пен бақ-береке тілеймін!

Облыс әкімі Н. Нәлібаевтың Ораза айт мейрамымен құттықтауы

Мемлекет Басшысының Жолдауында инвестициялық климатты жақсарту, инвестиция тарту және бизнес жүргізу үшін қолайлы жағдайлар жасау бойынша нақты міндеттер қойылған.Осы тапсырмалар аясында Қызылорда облысында экономиканы әртараптандыру бағытында жүйелі жұмыстар жүргізіліп, бірқатар ірі инвестициялық жобалар іске асырылуда.<img src="https://knadmin.beoblood.kz/uploads/FB_IMG_1773954662425_c51f32cdc8.jpg" alt="FB_IMG_1773954662425.jpg">2025 жылғы қазан айында Астана қаласында өткен «Kazakhstan Global Investment Round» (KGIR-2025) форумында ҚР Ауыл шаруашылығы министрлігі, Қызылорда облысы әкімдігі және Harvest Agro компаниясы арасында өңірде агроиндустриялық кластер құру жобасын жүзеге асыру үшін үшжақты негіздемелік келісімге қол қойылған болатын.Аталған жоба Мемлекет басшысының қазан айындағы Қызылорда облысына жұмыс сапары кезінде жаңа инвестициялық жобалар қатарында таныстырылды. Осыған орай, былтырғы жылдың қараша айында облыс әкімі бастаған делегация Швейцарияға арнайы іссапармен барып, швейцариялық «Harvest Group» компаниясының басшысы Алмаз Альсеновпен кездесіп, өңірде заманауи агроиндустриялық кластер құру жобасын жүзеге асыру мәселелерін талқылады.Нәтижесінде, жобаны іске асыру үшін Жалағаш және Сырдария аудандарынан 22,5 мың жер учаскесі беріліп, бүгінгі күні 7,5 мың га жер учаскесі тегістелді. Сондай-ақ, 35 жаңбырлатып суару жабдығы орнатылып, центрпивотты жаңбырлатқыш машиналар қолданылуда, бұл жұмыстарға 300 адам уақытша жұмыс орнымен қамтылған.Жобаға 68 млрд теңге шетелдік инвестиция тартылады, жүзеге асқанда 150-ден астам жаңа жұмыс орны ашылады. Жоба екі кезеңнен жүзеге асырылады: бірінші кезең 2026 жылға, ал екінші кезең 2027 жылға жоспарланған. Жоба толық қуатына шыққанда жыл сайын 70 мың тонна жүгері, 42 мың тоннаға дейін техникалық қарасора және 20 мың тонна соя өндіру жоспарланып отыр.Атап өту қажет, Мемлекет басшысының тапсырмасына сәйкес, өңірде күріш алқаптарын кезең-кезеңімен қысқартып, суармалы суды аз қажет ететін дақылдарға көшу және су үнемдеу технологияларын енгізу жұмыстары да қарқынды жүргізілуде. Осы бағытта жүгері егістігінің көлемін ұлғайтуға басымдық берілуде. Өткен жылы облыста 1 700 гектарға жүгері егілсе, биыл 10 мың гектарға жеткізілуі күтілуде. Оның ішінде «Харвест Агро» компаниясы жаңбырлатып суару технологиясын пайдалану арқылы 7 мың га жерге жүгері егеді.Бұл жоба өңірдің инвестициялық тартымдылығын арттырып, өңір экономикасын әртараптандыруға, агроөнеркәсіп кешенінің тұрақты дамуына және жаңа өндірістік мүмкіндіктердің қалыптасуына жол ашады.<hr><img src="https://knadmin.beoblood.kz/uploads/FB_IMG_1773954677940_05a30e15c9.jpg" alt="FB_IMG_1773954677940.jpg">

Жаңа агроөнеркәсіптік кластер өңір экономикасына серпін береді 

«AMANAT» партиясы облыстық филиалының атқарушы хатшысы Ләйлә Төрешованың қатысуымен &nbsp;партияның облыстық филиалы жанындағы Жастарды қолдау жөніндегі аймақтық кеңестің кезекті отырысы өтті.Жиында жастар арасындағы есірткі қылмысының алдын алу және кәмелетке толмағандар арасындағы құқықбұзушылық деңгейін төмендету бағытындағы &nbsp;жұмыстар талқыланды.Алғашқы мәселе бойынша өңірде атқаралып жатқан жұмыстар бойынша Қызылорда облысы Полиция департаментінің Есірткі қылмысына қарсы іс-қимыл басқармасының бастығы, полиция полковнигі Біржан Бағысов баяндады. Оның айтуынша ағымдағы жылдың 2 ай 15 күнінде есірткімен байланысты 39 құқық бұзушылық анықталған. &nbsp;"Құқық бұзушылықтардың 12-сі осы есірткі өткізу фактісі. Сонымен қатар, есірткіні заңсыз жарнамалау деректеріне қатысты прокуратура органдарымен бірлесіп 60 есепшот бұғатталып, жалпы сомасы 5 миллион теңге шектелді. «Кибернадзор» жүйесі арқылы синтетикалық есірткіні жарнамалайтын 150 сайт анықталып, бұғатталды. Өткен жылы мемлекеттік органдар, «AMANAT» партиясы жанындағы «Жастар Рухы» Жастар қанаты, Жастар ресурстық орталығымен бірлесіп нашақорлық пен есірткі бизнесіне қарсы бағытталған түрлі іс-шаралар ұйымдастырылған болатын. Бұл жұмыстар алдағы уақытта да жалғасын табатын болады",-деді Біржан Бағысов.Күн тәртібіндегі екінші мәселе бойынша Полиция департаментінің Қоғамдық қауіпсіздік басқармасына қарасты ювеналды полиция бөлімінің аға инспекторы, &nbsp;полиция майоры Раушан Абдразақова хабарлама жасап, өңірдегі кәмелетке толмағандар арасындағы құқықбұзушылықтың алдын алу бағытындағы атқарылып жатқан жұмыстарды жеткізді.Жиын барысында кеңес мүшелері жастар арасындағы құқықбұзушылық пен есірткі қылмысының алдын алуға қатысты бірқатар ұсыныстарын білдіріп, өзекті мәселелерді ортаға салды. Отырыс қорытындысы бойынша тиісті ұсыныстар әзірленіп, жауапты органдарға жолданатын болды.Жиын барысында Жастарды қолдау жөніндегі аймақтық кеңестің төрағасы қызметіне партияның Саяси кеңесі бюросы шешімімен Дәулет Ізбасарұлы сайланғаны таныстырылып, &nbsp;Ләйлә Төрешова жаңа кеңес төрағасының партиядағы белсенді қызметіне тоқталып, алдағы жұмысына сәттілік тіледі.&nbsp;<img src="https://knadmin.beoblood.kz/uploads/FB_IMG_1773954504263_36023d4972.jpg" alt="FB_IMG_1773954504263.jpg">

Архив