<a href="https://kyzylorda-news.kz/">Kyzylorda-news.kz</a> Мемлекет басшысы жасанды интеллект жүйесін қарқынды дамыту жұмыстарын жүргізу керек екенін мәлімдеді.<blockquote>«Цифрлық технологиялар мен жасанды интеллект қарқынды дамыған сайын ұлттық бірегейлігімізді нығайту өзекті бола түседі. Төл тарихы мен мәдениетін электронды форматқа көшіріп, оны жаһандық цифрлық өркениетке қосқан елдер ғана ұлттық болмысын сақтап қалады. Мұны жаңа дәуірдің талабы деуге болады. Түптеп келгенде, бұл – жұртымыздың идеологиялық дербестігіне және болашағына тікелей қатысты мәселе. Мен халықтың жады мен ғылым-білімін жинақтайтын «Ұлттық цифрлық мұра» қорын құру идеясын қолдаймын. Цифрландыру және жасанды интеллект жылы аясындағы мұндай бастама тарихи мұрамызды сақтап, оны терең зерделеуге жол ашады. Мен былтырғы Құрылтайда ғылыми еңбектерді, мұрағат материалдарын, мұражай қорларын және өнер туындыларын жүйелеу қажеттігін ерекше атап өттім. «Ұлттық цифрлық мұра» бұл шаруаны заман талабына сай жүргізуге мүмкіндік береді».</blockquote>Фото: Ақорда

Цифрландыру және жасанды интеллектті дамыту жұмыстары жүргізіледі

<a href="https://kyzylorda-news.kz/">Kyzylorda-news.kz</a> Президент Ұлттық құрылтай отырысында Әл-Фараби, Ясауи және Абай ілімдерін жан-жақты дәріптейтін ғылыми жиындарды тұрақты өткізуді дәстүрге айналдыру керектігін айтты.<blockquote>«Сондай-ақ Абай ілімі біздің ұлттық бірегейлігіміздің, ұлттық болмысымыздың өзегі болуға тиіс. Оның ой-толғамдары қанша заман өтсе де өзекті болып қала береді. Қазіргі «Адал азамат» тұжырымдамасы ұлы ойшылдың «Толық адам» идеясымен тығыз астасып жатыр. Біз Абайдың «Қара сөздерін» ЮНЕСКО-ның «Әлем жады» деректі мұралар тізіміне енгізуіміз керек. Әл-Фараби, Ясауи ілімдері де ұлт руханиятының ұстыны саналады. Ашығын айтсақ, ұлы бабаларымыздың өсиеттерін олардың мерейтойы кезінде ғана еске аламыз. Бұл – дұрыс емес. Сондықтан Әл-Фараби, Ясауи және Абай ілімдерін жан-жақты дәріптейтін ғылыми жиындарды тұрақты өткізіп тұруымыз қажет. Бұл басқаға емес, ең алдымен өзіміз үшін керек. Олардың мұралары – біздің рухани-философиялық болмысымыздың тірегі. Еліміздің гуманитарлық институттары ұлы ойшылдарымыздың ілімін жүйелі түрде насихаттағаны жөн. &nbsp;Басты міндет – халқымыздың баға жетпес қазынасы – ұлттық мұрасын сақтап, ұрпаққа табыстау. Осы ретте кейбір құрылтай мүшелерінің философия, әлеуметтану, саясаттану сияқты ғылымдарды дамыту және қоғамдық-саяси ой-пікірлер көптомдығын әзірлеу туралы ұсынысын атап өтуге болады. Сондай-ақ олар ғылыми мекемелердің зерттеулері онлайн платформа арқылы бәріне бірдей қолжетімді болуы керек екенін айтты. Жуырда Астана мен Алматыда президенттік кітапханалардың құрылысы басталады. Меніңше, бұл нысандар тек кітаптар жиналған жер емес, қазақтың тарихын, мәдениеті мен өркениетін дәріптейтін орталықтар болуы керек».</blockquote>Фото: Ақорда

Тоқаев: "Ұлы ойшылдарымыздың ілімін жүйелі түрде насихаттау қажет"

<a href="https://kyzylorda-news.kz/">Kyzylorda-news.kz</a> ҚР Президенті Қасым-Жомарт Тоқаев ұлттық құрылтай отырысында әлеуметтік салада жақсы жаңалықтардың көп екенін мәлімдеді.<blockquote>«Қазір Қызылорда облысында, әсіресе, әлеуметтік салада жақсы жаңалық көп. Үш жылда осы аймақта 34 білім беру, 45 мәдениет және спорт нысаны салынды. Бұған қоса, 40 медицина нысаны ашылды. Менің тапсырмаммен Қызылордада 300 орынға арналған көп бейінді аурухананың құрылысы басталды. Көп ұзамай 500 орындық емхана және 200 орындық перзентхана салынады. Бір сөзбен айтқанда, Қызылорда облысы барлық салада қарқынды дамуда. Облыстың жағдайы жалпы жақсы деп күмәнсіз айтуға болады. Бұл – әкім Нұрлыбек Нәлібаевтың белсенді, табанды жұмысының нәтижесі».</blockquote>Фото: Ақорда

Президент әлеуметтік салада оң серпіліс барын алға тартты

<a href="https://kyzylorda-news.kz/">Kyzylorda-news.kz</a> Биыл көктемде Жошы хан туралы деректі фильмді түсіру жұмыстары аяқталады. Бұл туралы Ұлттық құрылтайдың V отырысында Мемлекет басшысы Қасым-Жомарт Тоқаев мәлім етті.<blockquote>- Біз соңғы жылдары сан ғасырлық тарихи мұрамызды ғылыми тұрғыдан зерделеу және дәріптеу жолында біраз жетістікке жеттік. Биыл көктемде Жошы хан туралы деректі фильмді түсіру жұмыстары аяқталады. Осы ауқымды жобаның басталғаны туралы Атырауда өткен құрылтай отырысында айттым. Көп сериялы фильнің тұсаукесері беделді халықаралық патформаларда өтеді, - Қасым-Жомарт Тоқаев.</blockquote><img src="https://knadmin.beoblood.kz/uploads/Zhoshy_han_filmi_t_sirilim_toby_9358d58dd3.jpg" alt="Жошы хан фильмі Фото Александр Павский.jpg">Дереккөз: <a href="https://kaz.inform.kz/news/biil-koktemde-zhoshi-han-turali-filmd-tusru-zhumistari-ayaktaladi-e7b83a/">Қазақпарат</a>Фото: Ақорда&nbsp;Александр Павский

Биыл көктемде Жошы хан туралы фильм көрерменге жол тартады

<a href="https://kyzylorda-news.kz/">Kyzylorda-news.kz</a> Қызылорда облысының әр ауылындағы тазалығы көз тартады. Бұл туралы Ұлттық құрылтайдың V отырысында Мемлекет басшысы Қасым-Жомарт Тоқаев мәлім етті.<blockquote>– Бүгінгі басқосуға Сыр елінің азаматтары қатысып отыр. Олардың ішінде ардагерлер, зиялы қауым өкілдері, қоғам белсенділері, кәсіпкерлер және жастар бар. Осы орайда жергілікті халықтың еңбекқорлығы мен ұйымшылдығын атап өткім келеді. Мен Сыр елі жұртшылығының бойынан туған жерге деген сүйіспеншілікті, қамқорлық пен жанашырлықты, нағыз отаншылдықты көремін. Облыс орталығымен қатар, әр ауылдың тазалығы көз тартады, - деді Қасым-Жомарт Тоқаев.</blockquote>Осы орайда Президент Нағи Ілиясов және Таң ауылдарын бүкіл елге үлгі ретінде үнемі айтып жүретінін атап өтті.<blockquote>- Сіздер осы аймақпен қатар күллі еліміздің дамуына үлес қосып келесіздер. Бір ел, бір халық болып жұмыла білгеннің арқасында өткен жылды мол табыспен аяқтадық, - деді Мемлекет басшысы.</blockquote>Дереккөз: <a href="https://kaz.inform.kz/news/sir-el-zhurtshiliginin-boyinan-tugan-zherge-degen-kamkorlikti-koremn-prezident-891578/">Қазақпарат</a>Фото: Ақорда

Мемлекет басшысы: "Сыр жұртшылығынан туған жерге деген сүйіспеншілікті байқадым"

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев Ұлттық құрылтайда сөйлеген сөзінде жастардың мәдени салаға және креативті индустрияға белсенділік танытып жатқанын алға тартты.Мемлекет басшысы ұлттық бірегейлікті нығайту және әлемдік аренада ел мәдениетін ілгерілету үшін кино мен өнерді дамытудың маңыздылығына баса назар аударды.<blockquote>- Бүгінде жастар шығармашылық индустрияға алғашқы қадамдарын жасап, этика мен шығармашылықтың жаңа түрлерін игеруде. Кино мен өнер біздің мәдениетіміздің әлемдік аренада көрінуіне мүмкіндік беретін және ел үшін мақтаныш сезімін тудыратын құралға айналуда, — деді Президент.</blockquote>Мемлекет басшысы жас таланттарды қолдау және креативті секторды дамыту қазіргі заманғы мәдени ортаны қалыптастыру және ұлттық сананы нығайту жөніндегі мемлекеттің стратегиялық міндеттерінің маңызды бөлігі болып табылатынын атап өтті.Фото: Pexels

Тоқаев: "Жастар креативті индустрияға белсенділік танытып келеді"

<a href="https://kyzylorda-news.kz/">Kyzylorda-news.kz</a> Ұлттық құрылтайда сөз сөйлеген Мемлекет басшысы Қасым-Жомарт Тоқаев былтыр Қазақстан экономикасы Орталық Азия аймағында рекордтық нәтижелерге қол жеткізгенін атап өтті.<blockquote>– Былтыр экономикамыз 6,5%-ға өсті. Еліміздің ішкі жалпы өнімі 300 млрд доллардан асты. Ал жан басына шаққандағы үлесі тәуелсіздік тарихында тұңғыш рет 15 мың доллар болды. Бұл бүкіл Орталық Азия аймағы бойынша рекордтық көрсеткіш, – дейді Президент.</blockquote>Мемлекет басшысының айтуынша, Ұлттық қордың валюталық активтері 5 млрд долларға ұлғайып, алтын-валюта резервтері 65 млрд доллардан асты. Сондай-ақ шағын және орта бизнестің экономикадағы үлесі 40 пайызға жақындаған.Президент өз сөзінде әйелдердің құқығы мен балалардың қауіпсіздігін қамтамасыз ету бағытында нақты қадамдар жасалғанын атап өтті. Лудоманияға, яғни ойынқұмарлыққа және нашақорлыққа қарсы белсенді күрес басталған. Сонымен қатар аномастика саласындағы жұмыстар ретке келтіріліп, мемлекеттік наградалар жүйесіне жаңа құрметті атақтар енгізілген. Бұл еңбек адамдарының мәртебесін арттыруға мүмкіндік берді.<blockquote>– Бұдан бөлек, біз ұлттың жаңа сапасын қалыптастыратын басты құндылықтарымызды айқындап алдық. Ұрпақтың болашағына зиян келтіретін кеселдерге барынша тосқауыл қойдық, – деді Қасым-Жомарт Тоқаев.</blockquote>Дереккөз: baq.kzФото: Ақорда

Президент: "Қазақстан Орта Азияда рекордтық көрсеткішке қол жеткізді"

<a href="https://kyzylorda-news.kz/">Kyzylorda-news.kz</a> А.Жұбанов атындағы Ақтөбе өңірлік университетінің ректоры Лаура Қарабасова ұлттық құрылтайда жасанды интеллект саласындағы мамандарды даярлауды күшейту қажеттігі туралы мәлімдеме жасады.Оның айтуынша, Қазақстанға жасанды интеллект жүйесін дамытудың жаһандық процестерінен қалыс қалмау маңызды. Алайда бұл үшін білікті практикалық кадрлар қажет. Бұл ретте қолданыстағы шарттар бизнеспен тең дәрежеде бәсекелесуге мүмкіндік бермейді.– Мықты кадрларды даярлау үшін қаржыландыру тетіктерін қарастыру қажет, – деп атап өтті Лаура Қарабасова.Ол білім беруге бағытталған қолдау мен инвестициясыз жасанды интеллект саласын дамыту қиынға соғатынын атап өтті.

Ұлттық құрылтайда ЖИ саласындағы тәжірибелік кадрлардың тапшылығы туралы айтылды

<a href="https://kyzylorda-news.kz/">Kyzylorda-news.kz</a> &nbsp;Қызылорда шаһарының тарихи мән-маңызы айрықша. Бұл туралы Мемлекет басшысы Қасым-Жомарт Тоқаев Қызылорда қаласында өтіп жатқан Ұлттық құрылтайдың V отырысында айтты.<blockquote>- Жаңа ғана сөз сөйлеген Құрылтай мүшелері маңызды ой-пікірлер айтты. Құрылтайдың аясында пайдалы пікір алмасу өтті. Барлығы еліміздің дамуына қажетті боларына сенемін. Бүгін Ұлттық құрылтай жиыны осымен бесінші рет шақырылып отыр. Бұл форумның алғашқы отырысы ұлт ұясы Ұлытауда өтті. Екінші жиын түбі бір түркі жұртының қара шаңырағы Түркістанда болды. Үшінші отырыс бірегей Атырау аумағында ұйымдастырылды. Ал былтыр тарихи бай Көкшетау төрінде жиналдық. Енді міне қастерлі Қызылорда жерінде бас қосып отырмыз. Бұл халқымыз үшін орны ерекше аймақ. «Сыр алаштың анасы» деген аталы сөз бар, - деді Мемлекет басшысы.</blockquote>Президент осы атыраптағы Шірік-Рабат, Жанкент, Алтынасар, Баршынкент қалаларының орны көне заманның өзінде қазақ жерінде дамыған қала өркениеті болғанын аңғартатынын айтты.<blockquote>- Қызылорданы сол әйгілі қалалардың заңды жалғасы дей аламыз. Бұл шаһардың тарихи мән-маңызы айрықша. Оның осыдан 1 ғасыр бұрын Қазақстан астанасы болғаны баршаға мәлім. Бұл жерде еліміздің болашағына қатысты аса маңызды шешімдер қабылданды, - деді Қасым-Жомарт Тоқаев.</blockquote>Дереккөз: ҚазақпаратФото: Нұрболат Нұржаубай

Мемлекет басшысы: "Қызылорда – тарихи қалалардың заңды жалғасы" 

<a href="https://kyzylorda-news.kz/">Kyzylorda-news.kz</a> Мемлкет басшысы Қасым-Жомарт Тоқаев Ұлттық құрылтайда сөйлеген сөзінде Арал теңізі тақырыбына тоқталып, оның жаһандық маңыздылығын атап өтті.Мемлекет басшысы Аралдың проблемасы әлі де өзекті болып қала беретінін және бір елдің шеңберінен шығатынын атап өтті.<blockquote>«Өткен ғасырдың ортасында адамзат баласы алғаш рет Байқоңырдан ғарышқа аттанғаны – бүкіл әлемге белгілі дерек. Ұлы Жібек жолының бойындағы тарихи өлке жаңа дәуірде де ойдағыдай дамуда. Қызылордаға келіп тұрып, Арал мәселесіне тоқталмай кету мүмкін емес. Аралды құтқару – барша адамзат үшін әлі де өте өзекті міндет. Мен бұл мәселе туралы халыққа Жолдауымда айттым. Жылдар бойы жүргізілген жұмыстың арқасында Солтүстік Аралды құтқарып қалдық. Қашқан теңіз қайтып, кіші Аралдың қалпына келе бастағанына біраз жыл болды. Қазір Көкарал бөгетін биіктету шаралары қолға алынып жатыр. Жоба осы жылдың соңында басталады. Кіші Аралдың суының көлемін айтарлықтай көбейтуге мүмкіндік болады. Бірақ бұл – тек біздің қолымызда тұрған мәселе емес. Қазақстандағы ірі өзендердің көбі бастауын көрші мемлекеттерден алады. Дарияның басында тұрған елдердің су саласындағы саясатына байланысты Сырдың суы теңізге әр кезде әртүрлі көлемде жетеді. Демек көп түйткілдің шешімі су саласындағы шебер дипломатияға байланысты. Қазір Орталық Азия елдерінің бәрімен су ресурстарын бірлесе пайдалану туралы келісімдер жасалды. &nbsp;Түптеп келгенде, Арал ғана емес, Каспийдің, Балқаштың, Ертістің тағдырын шешу үшін көршілермен мәмілеге келіп, келісімдерге қол қоюымыз қажет».</blockquote>Оның айтуынша, көп жылдық мақсатты жұмыстың арқасында Солтүстік Аралды сақтап қалуға мүмкіндік туды. Тоқаев теңізді қалпына келтіру жобасы басталғаннан бері бес жыл өткенін еске салды.Президент Арал өңірінің экожүйесін қалпына келтіру бойынша жүйелі жұмысты жалғастырудың және осы мәселені шешуге халықаралық қоғамдастықты тартудың маңыздылығын атап өтті.Өткен жылдың желтоқсан айында Мемлекет басшысы Аралдың су ресурстарын ұтымсыз пайдаланудың үлгісі болғанын айтты.Дереккөз: ҚазақпаратФото: Нұрболат Нұржаубай

Қасым-Жомарт Тоқаев: Арал теңізін құтқару бүкіл адамзат үшін өзекті болып қала бермек

<a href="https://kyzylorda-news.kz/">Kyzylorda-news.kz</a> &nbsp;ҚР Президенті Қасым-Жомарт Тоқаев Қызылорда қаласында Ұлттық құрылтайдың бесінші отырысы барысында өңірдің даму бағыты жайлы сөз қозғады.Мемлкет басшысы өз сөзінде Сыр өңірінде жаңадан бой көтерген нысандардың халық игілігіне сай жұмыс жасап жатқанын алға артып, облыс әкімі Нұрлыбек Машбекұлы Нәлібаевтың бұл бағытта жақсы жұмыс атқарып жатқанын айтты.Фото: Нұрболат Нұржаубай

Мемлекет басшысы Сыр өңірінің дамуына оң бағасын берді

<a href="https://kyzylorda-news.kz/">Kyzylorda-news.kz</a> Мемлекеттік кеңесші Ерлан Қарин Қызылордада өтіп жатқан V Ұлттық құрылтайдың алғашқы күнінде 200-ден астам ұсыныс айтылғанын мәлім етті.Ерлан Қарин кеше биылғы құрылтайдың 4 секциясы өз отырыстарын өткізгенін атап өтті. Соның аясында құрылтайдың 70-ке жуық мүшесі сөз сөйлеп, 200-ден астам ұсыныс айтылған.Оның сөзінше, былтырғы Бурабайдағы құрылтай өңірлерді дамытуға серпін берген.<blockquote>— Былтыр аймақтардың дамуы бойынша бірқатар бастама іске асты. Қазақстан Республикасының Өңірлік даму тұжырымдамасы қабылданды. Құжаттың басты міндеті – халықты негізгі инфрақұрылымдармен тең дәрежеде қамтамасыз ету. Өңірлердегі негізгі мәдени-туристік іс-шаралардың тізбесі жасалды. Мұның бәрі бір жылда атқарылған жұмыстардың бір бөлігі ғана. Жалпы Бурабайда айтылған бастамалар мен ұсыныстар негізінде жүйелі жұмыстар жүргізілді. Оларды тиімді іске асыру үшін құрылтай мүшелері секцияларда, жұмыс кездесулерінде түрлі талқылау өткізді, - деді Мемлекеттік кеңесші.</blockquote>Фото: Ақорда&nbsp;

Архив