<a href="https://kyzylorda-news.kz/">Kyzylorda-news.kz</a> ҚР Жоғары аудиторлық палатасының нұсқамасы бойынша оқулықтар мен оқу-әдістемелік кешенді (ОӘК) дайындауға, сараптауға және мониторингтеуге байланысты нормативтік базаны жаңарту және негізгі процестерді автоматтандыру бойынша жұмыс жүргізілді, – деп хабарлайды <a href="https://kaz.inform.kz/news/elmzde-okuliktardi-dayindau-zhane-bakilau-tartb-zhanartildi-31c600/">Қазақпарат.</a>Ведомство дерегіне сәйкес, өткен жылдың ақпан айында орта білім беруді дамытуға және сапасын арттыруға бөлінген қаражаттың пайдаланылу тиімділігіне мемлекеттік аудит жүргізілді. Тексеру қорытындысы бойынша ҚР Оқу-ағарту министрлігіне Оқулықтар мен оқу-әдістемелік кешендерді дайындау, сараптау, сынақтан өткізу, мониторингтеу және басып шығару қағидаларына өзгерістер енгізу тапсырылды.Өзгерістерде:<ul><li style="text-align:justify;">уәкілетті органның жекелеген баспаларға сұрау салмай тақырыптық жоспарды бекітуі;&nbsp;</li><li style="text-align:justify;">тақырыптық жоспарды міндетті түрде жариялау;</li><li style="text-align:justify;">авторлық ұжымға тиісті білімі мен жұмыс тәжірибесі бар кемінде үш білікті маман қосу туралы талапты енгізу;</li><li style="text-align:justify;">оқулықтарға сараптамалық бағалау жүргізудің нақты өлшемшарттарын белгілеу;</li><li style="text-align:justify;">оқулықтарды жаңартудың 5 жылдық мерзімін сақтау үшін оқулықтар мен ОӘК сапасын мониторингтеу тәсілдерін жаңарту көзделуге тиіс болды.</li></ul><blockquote>—&nbsp;Нәтижесінде аталған өзгерістер ҚР Оқу-ағарту министрінің 24 қарашадағы бұйрығымен бекітілді. Жаңартылған нормалар тақырыптық жоспарды қалыптастыру тәртібін, авторлық ұжым құрамына қойылатын талаптарды, сараптамалық бағалау өлшемшарттарын регламенттейді, сондай-ақ оқулықтар мен ОӘК сапасын мониторингтеу рәсімдерін нақтылайды. Тақырыптық жоспар енді автоматты түрде жасалады: баспалар мен әзірлеушілер Республикалық ғылыми-практикалық білім мазмұнын сараптау орталығының www.bmso.kz интернет-ресурсы арқылы өтінім береді. Оқулықтар мен электрондық оқулықтарды дайындауды құрамында тиісті оқыту курстарынан өткен ғалымдар, әдіскерлер және педагогтер бар авторлық ұжымнан тұратын әзірлеушілер немесе баспалар жүзеге асыратыны бекітілген,&nbsp;— делінген хабарламада.</blockquote>Бұған қоса министрлікке мектептердің кітапхана қорларын есепке алу және бақылау процестерін, сондай-ақ оқулықтар мен ОӘК-ні сараптамаға қабылдауды автоматтандыру тапсырылды. Негізгі процестерді автоматтандыруды және нормативтік базаны айтарлықтай пысықтауды қамтитын қабылданған шаралар оқулықтар мен ілеспе материалдардың сапасын арттыруға, субъективтілік пен қателікке жол беру тәуекелдерін азайтуға, сондай-ақ олардың уақытылы жаңартылуын қамтамасыз етуге мүмкіндік береді.Фото: Нұрболат Нұржаубай

Елімізде оқулықтарды дайындау және бақылау тәртібі жаңартылды

<a href="https://kyzylorda-news.kz/">Kyzylorda-news.kz</a> Қызылордада Ұлттық құрылтай секцияларының үшінші отырысы басталды.Аталған секция отырысында азаматтық қоғам және экономикалық даму жайы қамтылмақ.Құрылтайда ел дамуының бағыт-бағдарын айқындайтын өзекті мәселелер талқыға түседі.Фото: Нұрболат Нұржаубай

Қызылордада Ұлттық құрылтай секцияларының үшінші отырысы басталды

<a href="https://kyzylorda-news.kz/">Kyzylorda-news.kz</a> &nbsp;Елімізде білім беру, зерттеу және қолданбалы тәсілдерді біріктіретін AI-Sana бағдарламасы биыл да жалғасады. Бұл туралы бүгін Ұлттық құрылтай аясында өткен Білім-ғылым секциясында Ғылым және жоғары білім министрі Саясат Нұрбек мәлімдеді, – деп хабарлайды <a href="https://kaz.inform.kz/news/ai-sana-bagdarlamasi-ayasinda-100-min-student-zhialgoritmdern-mengered-1364fc/">Қазақпарат.</a>Бұл жоғары оқу орындарына дәстүрлі білім беру форматынан ғылыми-зерттеу форматына көшуге мүмкіндік береді. Бағдарлама жасанды интеллект бойынша базалық білімнен бастап стартаптарды кәсіби дамытуға және оларды нарықта масштабтауға дейін дәйекті дамытуға бағытталған.<blockquote>— Ai-Sana бағдарламасын былтырдан бері жүзеге асырып келеміз. Осы күнге дейін 668 мың студент оқыды. Еліміздегі барлық студент бағдарлама аясында міндетті түрде жасанды интелект курстарынан өтеді. Бұл — ең мықты курстар. Coursera, HUAWEI, Microsoft, Google тәрізді компаниялармен бірігіп, олардың курстарын қазақ және орыс тілдеріне аударып, студенттерді оқытып жатырмыз. Биыл ақпан айында бағдарламаның екінші екінші кезеңі басталады. Соның аясында 100 мың студент жасанды интеллектінің тереңдетілген алгоритмдерін меңгереді, — деді министр.</blockquote>ЖОО-лар белгіленген үлгідегі электронды сертификат бере отырып, өздері әзірлеген курстар бойынша студенттерді оқыта алады.&nbsp;<blockquote>— Бағдарламаны одан әрі іске асыру үшін еліміздің әр өңірінен 27 «зәкірлі» ЖОО іріктеліп, бекітілді. Оқу орындары бағдарламаны іске асыру үшін қажетті инфрақұрылым, оның ішінде ЖИ саласындағы білім беру бағдарламаларының, шетелдік серіктестердің, есептеу қуаттарының болуы сияқты критерийлер бойынша іріктелді. Бұл ЖОО-лар AI-Sana бағдарламасы бойынша студенттер мен педагогикалық оқытушы құрамын оқытуды қамтамасыз ете отырып, өз өңіріндегі және көршілес облыстардағы жобаны іске асыруға жауапты болады, — деді Саясат Нұрбек.</blockquote>AI-Sana бағдарламасы елімізде жасанды интеллектті дамыту үшін қолайлы экожүйе қалыптастыруға бағытталған. ЖОО-лар қабылдау комиссиясынан бастап оқу процесін сүйемелдеу және бітірумен аяқтайтын ЖОО-ның ақпараттық экожүйесін құрайтын 9 ЖИ агентін әзірледі.Бұған дейін Ұлттық құрылтайдың Әлеуметтік-даму секциясында Премьер-министрдің орынбасары — Мәдениет және ақпарат министрі Аида Балаева Ұлттық балалар кітапханасы мәселесі туралы ойын білдірген еді.<img class="image_resized" style="width:100%;" src="https://knadmin.beoblood.kz/uploads/Sekcziyaly_otyrys_651b09b954.jpg" alt="Секциялық отырыс.jpg">Фото: Нұрболат Нұржаубай

AI-Sana бағдарламасы аясында 100 мың студент ЖИ алгоритмдерін меңгереді

<a href="https://kyzylorda-news.kz/">Kyzylorda-news.kz</a> Бұл мәселе Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен жаңа жылдағы инфляцияны тұрақтандыру мәселелері жөніндегі алғашқы кеңес барысында талқыланды, деп хабарлайды Үкіметтің баспасөз қызметі.Сауда және интеграция бірінші вице-министрі Айжан Бижанованың айтуынша, әлеуметтік маңызы бар азық-түлік тауарларының кеңейтілген тізбесі биылғы жылдың 4 қаңтарынан бастап күшіне еніп, алғашқы оң нәтижелерін көрсете бастады. Атап айтқанда, жыл басынан бері азық-түлік тауарлары бағаларының индексі +0,2%-ды құрады. Бұл өткен жылдың сәйкес кезеңіндегі көрсеткіштен (+0,7 %) үш есе төмен.Бұған дейін мемлекеттік баға реттеуі қолданылмаған бірқатар тауар позициялары бойынша да оң баға динамикасы тіркелді.Жыл басынан бері сүт өнімдерінің бағасы төмендеді: қаймақ 0,2 %-ға, сүт 0,3%-ға, ірімшік 0,6 %-ға арзандады. Жеміс-көкөніс тобы бойынша қызанақтың бағасы 1%-ға, қияр 3,7%-ға, алма 1,5%-ға төмендеді. Сонымен қатар кеңейтілген тізбеге енгізілген күріш, шай, ет және балық өнімдерінің жекелеген түрлері бойынша да бағаның төмендеуі байқалады.Отырыс барысында әлеуметтік маңызы бар азық-түлік тауарлары тізбесін кеңейту шарасы уақытша сипатқа ие екені және азық-түлік нарығындағы баға ауытқуларын жақсартуға бағытталғаны айтылды. Нарықтағы жағдай тұрақтанған сайын аталған тізбе кезең-кезеңімен негізгі 19 позицияға қайтарылады.Сонымен бірге жекелеген азық-түлік өнімдері бойынша бағаның өсуі сақталуда. Олардың ішінде күнбағыс майы, сары май және сүзбе қымбаттаған. Бұл, негізінен, импорттық өнімдердің үлесіне, сондай-ақ сыртқы нарықтағы баға конъюнктурасына байланысты. ФАО деректеріне сәйкес, 2025 жылдың қорытындысы бойынша өсімдік майларының әлемдік орташа баға индексі 161,6 пунктті құрап, алдыңғы жылмен салыстырғанда 17,1 %-ға өсті. Бұл көрсеткіш соңғы үш жылдағы ең жоғары деңгей болып отыр және әлемдік нарықтағы ұсыныстың шектеулі болуымен байланысты.Ішкі нарықтағы бағаны ұстап тұру мақсатында Сауда және интеграция министрлігі майлы дақылдарды қайта өңдеушілердің ұлттық қауымдастығымен биылғы жылға өнімнің сату бағасын тұрақтандыруды көздейтін меморандум әзірлеуде. Сондай-ақ жұмыртқа, тауық еті, тұз және картоп өндірушілерімен де осындай келісімдер жасалмақ.Түркістан облысындағы әлеуметтік нан бағасының өсу жағдайы да жеке қаралды. Өңірдегі үш наубайхананың бірінде өндірістік шығындардың артуы және арзандатылған ұн тапшылығына байланысты баға көтерілген. Қазіргі уақытта жағдай тұрақтандырылып, баға бұрынғы деңгейіне түсірілді. Осыған байланысты вице-премьер Азық-түлік корпорациясына «Қазақстан темір жолы» ұлттық компаниясымен бірлесіп өңірлердің жеңілдетілген ұнмен қамтамасыз етілуіне жедел талдау жүргізуді және қажет болған жағдайда арзандатылған астықтың үздіксіз жеткізілуін қамтамасыз етуді тапсырды.Көкөніс өнімдері мен алма бағасы жалпы алғанда тұрақты деңгейде сақталуда. Қаңтар айында картоптың сату бағасы бір килограмына 150–170 теңге аралығында болды. Бұл Сауда және интеграция министрлігі мен Картоп өсірушілер одағы арасындағы меморандумда белгіленген шекті деңгейлерге сәйкес келеді.Сонымен қатар картоп пен сәбіз экспортының артуы ішкі нарыққа қосымша қысым түсіруде. Осыған байланысты өңірлердегі бағаны тұрақтандыру мақсатында тұрақтандыру қорларынан көкөніс өнімдерін сату жұмыстары басталды.Ауыл шаруашылығы министрлігінің мәліметінше, жалпы көлемі 247 мың тоннаны құрайтын қалыптастырылған қордан 35,8 мың тонна өнім сатылған. Бірқатар өңірде өнімді қолжетімді бағамен өткізу қарқыны жеткіліксіз. Осыған байланысты Серік Жұманғарин өңір әкімдіктеріне ақпан айының соңына дейін өткен жылғы өнім қорының негізгі бөлігін сатуды тапсырды.Сондай-ақ Сауда және интеграция министрлігіне QazTrade компаниясымен бірлесіп наурыз айының басынан бастап көршілес елдерден ерте пісетін ауыл шаруашылығы өнімдерін жеткізуді ұйымдастыру тапсырылды. Жыл соңына дейін республика бойынша шамамен 6 мың ауыл шаруашылығы жәрмеңкесін өткізу жоспарланып отыр.Бұдан бөлек, вице-премьер жауапты мемлекеттік органдарға ағымдағы баға динамикасын ескере отырып, бағаны тұрақтандыру жөніндегі іс-шаралар жоспарын қайта қарап, өзектендіруді тапсырды.Фото: Үкімет

Үкімет азық-түлік бағасының өсуін қалай реттемек  

<a href="https://kyzylorda-news.kz/">Kyzylorda-news.kz</a> Қызылорда облысы – Қазақстан үшін су ресурстары, экология, ауыл шаруашылығы және өңдеу салалары тоғысқан, ғылымды нағыз практикада қолданатын өңір. Дәл осы жерде ғылыми зерттеулердің абстрактілі емес, қолданбалы сипатта дамуы ерекше мәнге ие.Қызылорда облысының әлеуметтік саласын дамыту мәселелері жөніндегі кеңесте өңірдің жоғары білім мен ғылымдағы әлеуетін жан-жақты талқыладық. Облыстағы үш жоғары оқу орнында 20 мыңға жуық студент білім алуда, соңғы үш жылда студенттер саны 21 пайыздан астамға өсті. Бұл – өңір жастарының білімге деген сұранысы тұрақты екенін көрсететін маңызды көрсеткіш.Қорқыт ата университеті базасында SeoulTech-пен бірлесіп іске асырылып жатқан IT және жасанды интеллект бағытындағы бағдарламалар – өңірлік жоғары білімнің жаңа сапалық деңгейге көтеріліп келе жатқанының нақты дәлелі. Мұнда білім беру кәсіпкерлікпен, стартап мәдениетімен және нақты технологиялық нәтижелермен тікелей байланыстырылған. Kyzylorda Hub пен ашық коворкинг кеңістіктері өңір жастарына облыстан шықпай-ақ халықаралық деңгейдегі цифрлық дағдыларды меңгеруге мүмкіндік беріп отыр.Сонымен қатар, еңбек нарығының нақты құрылымы айқын: жыл сайын өңір экономикасына шамамен 10 мың маман қажет, оның басым бөлігі техникалық және кәсіптік білім иелері. Осы деректерге сүйене отырып, өңірлік кәсіптер картасы әзірленіп, білім беру тапсырысын дәл жоспарлау тетіктері қалыптасуда. Бұл – кадр даярлауда формальдылықтан кетіп, нақты сұранысқа көшу деген сөз.Ғылым саласында да жүйелі өзгерістер бар. Өңірде ғылымды басқарудың бірыңғай моделі қалыптасты, ҒЗТКЖ-ға сұраныс экономикадан басталып, университеттер мен ғылыми ұйымдар арқылы нақты нәтижеге ұласатын тізбек құрылды. Қазатомөнеркәсіппен бірлескен ғылыми-технологиялық сессиялар, су ресурстары мен агроөнеркәсіпке бағытталған жобалар - өңірлік ғылымның қолданбалы бағытқа бет бұрғанын көрсетеді.Қызылорда үшін ғылым – су тапшылығын азайту, экологияны сақтау, аграрлық шикізатты жоғары қосылған құны бар өнімге айналдыру, өңір экономикасын әртараптандыру құралына айналуы тиіс. Бүгінгі талқылаулар дәл осы логиканың дұрыс бағытта қалыптасып келе жатқанын көрсетті.Саясат Нұрбек,Ғылым және жоғары білім министріФото: Министрдің жеке фейсбук парақшасы

Саясат Нұрбек: Қызылорда облысы – даму сипаты бойынша ерекше мәнге ие

<a href="https://kyzylorda-news.kz/">Kyzylorda-news.kz</a> 2026 жылы өткізілетін елімізге белгілі тұлғалардың мерейтойлар күнтізбесі бар. Олардың өмір жолы мен шығармашылығын насихаттау өскелең ұрпақтың рухани кемелденуіне септігін тигізетіні анық.&nbsp;Бұл туралы бүгін Қызылорда қаласында Ұлттық құрылтай аясында өткен Әлеуметтік-даму секциясында Премьер-министрдің орынбасары&nbsp;— Мәдениет және ақпарат министрі Аида Балаева айтты.Сондай-ақ, министр Ұлттық балалар кітапханасы мәселесі туралы ойын білдірді.<blockquote>— Еліміздегі кітапханаларда оқитын кітап аз деуге болады. Өйткені осы отыз жылда бір автордың кітабы жүз, екі жүз, тіпті мың рет шыққан деректер бар. Атауын өзгертіп қайта-қайта шығара береді. Біз әр кітапхананың кітап қорын зерделеп шықтық. Шынымен, мұндай өкінішті жағдайлар көп кездесті. Балалар өзі оқығысы келіп, іздеген кітабын таба алмайды. Балалардың кітапқа қызығушылығын арттырғымыз келеді, бірақ олардың сұранысын қанағаттандыратын дүниелер жоқтың қасы. Ол үшін толық деңгейде жағдай жасай алмай келе жатқанымызды ашық айтуымыз керек, — деді Аида Балаева.</blockquote>Сондықтан министр Үкімет деңгейінде комиссия құрып, кітапханалар қорын толықтыру мүмкіндігін қарастыруды ұсынды. Сонымен қатар бұл жұмысты жеделдету қажеттігін айтты.&nbsp;Еске салсақ, бүгін Қызылорда қаласында V Ұлттық құрылтай <a href="https://kyzylorda-news.kz/kogam/khyzylordada-ulttykh-khuryltaj-bastaldy-19-01-2026">басталды</a>.Фото: Нұрболат Нұржаубай

Ұлттық құрылтайда кітапхана қорының өзекті мәселесі көтерілді

<a href="https://kyzylorda-news.kz/">Kyzylorda-news.kz</a> Ертең, 20 қаңтарда Сыр елінде Ұлттық құрылтайдың V отырысы өтеді. Ұлттық құрылтай қазіргі кезеңде қоғамдық пікірді жинақтайтын ғана алаң емес, мемлекеттік шешімдер қабылдауға ықпал ететін институционалдық тетік ретінде орнықты. Яғни, құрылым ел дамуының басым бағыттарын айқындауда маңызды рөл атқарып отыр.Ұлттық құрылтайдың Қызылорда қаласында өткізілуі де тарихи әрі саяси мағынасы терең шешім болып табылады. Бір ғасыр бұрын қазақ елінің астанасы болған бұл қала мемлекеттілік қалыптасуының жауапты кезеңдерімен тығыз байланысты. Осы тарихи сабақтастықты ескере отырып, ел тағдырына қатысты мәселелердің дәл осы өңірде талқылануы мемлекеттік саясаттың символдық мәнін арттырады.Ұлттық құрылтайда көтерілген мәселелер Мемлекет басшысы Қасым-Жомарт Кемелұлы Тоқаев жүзеге асырып отырған реформалармен тікелей сабақтас. Президент бастамашы болған саяси және әлеуметтік өзгерістер әділетті мемлекет қалыптастыруға, басқару жүйесін жаңғыртуға және қоғаммен ашық диалог орнатуға бағытталған. Құрылтай осы реформалардың қоғамдық қолдауын қамтамасыз ететін маңызды алаң қызметін атқарып келеді.Аталған бағыт қазақ халқының тарихи басқару тәжірибесімен үндес. Құрылтай дәстүрі ел бірлігі мен жауапкершілігін қамтамасыз еткен басқару институты ретінде ғасырлар бойы қалыптасты. Қазіргі Ұлттық құрылтай сол тарихи негізге сүйене отырып, заманауи мемлекеттік басқару талаптарына бейімделген жүйелі құрылымға айналды.Қызылорда өңірі ел тарихында стратегиялық маңызға ие аймақ саналады. Сыр бойындағы көне қалалар, Қорқыт ата мұрасы, Байқоңыр ғарыш кешені өңірдің рухани және геосаяси әлеуетін айқындайды. Осындай тарихи кеңістікте Ұлттық құрылтайдың өтуі елдік мәселелерге деген жауапкершілікті күшейтеді.Қазіргі кезеңде Қызылорда облысында әлеуметтік-экономикалық даму бағытында ауқымды жұмыстар жүргізілуде. Өңірде жаңа әлеуметтік, мәдени және инфрақұрылымдық нысандар пайдалануға беріліп, құрылыс қарқыны тұрақты сипат алды. Барлық атқарылып жатырған жұмыстар облыс әкімі Нұрлыбек Машбекұлы Нәлібаевтың басшылығымен Мемлекет басшысы айқындаған даму басымдықтарына сәйкес жүзеге асырылуда. Өңірдің жаңғыруы мемлекеттік саясаттың өңірлік деңгейде жүйелі іске асқанын көрсетеді.Экономикалық даму әлеуметтік және рухани салалармен қатар жүргізілуде. Облыста білім беру, мәдениет және спорт инфрақұрылымы жаңартылып, халыққа қолжетімді орта қалыптастырылуда.Мемлекеттік дамудың маңызды бағыты ретінде цифрлық трансформация айқындалды. Президенттің бастамасымен жүзеге асырылып жатқан цифрландыру және жасанды интеллект саласындағы реформалар басқару тиімділігін арттыруға және мемлекеттік қызметтердің сапасын жақсартуға бағытталған.Цифрлық шешімдерді енгізу экономикалық өсімді жеделдетіп, қоғам мен билік арасындағы ашықтықты күшейтеді. Сонымен қатар білім, мәдениет және тарихи мұраны сақтау салаларында жаңа мүмкіндіктер қалыптастырады. Аталған өзгерістер елдің ұзақ мерзімді стратегиялық дамуына қызмет етеді деп сенемін.Ұлттық құрылтайда көтерілген бастамалардың жүзеге асуы мемлекет пен қоғамның өзара жауапкершілігіне негізделеді. Мемлекет басшысының реформаларын қолдау - елдің тұрақты дамуын қамтамасыз ететін негізгі шарттардың бірі. Қоғамдық келісім мен институционалдық тұрақтылық осы бағытта шешуші мәнге ие.Осылайша Ұлттық құрылтай Қазақстанның жаңғыру жолындағы маңызды кезеңді айқындайтын мемлекеттік алаң ретінде өз рөлін нығайтып келеді.&nbsp; Оның Сыр елінде өтуі - ел тарихы мен бүгінгі саяси бағыттың өзара сабақтастығын көрсететін, болашаққа бағытталған салмақты шешім.&nbsp;Мархабат ЖАЙЫМБЕТОВ,&nbsp; Депутат Мажилиса Парламента Республики Казахстан

Мархабат Жайымбетов: Сыр өңіріндегі құрылтай – сындарлы шешімдер алаңы

Қазақстанда жекеменшік мектептерге қойылатын талаптар қатаңдатылады.&nbsp;Бұл туралы&nbsp;<a href="http://stan.kz/">Stan.kz</a>&nbsp;ақпарат агенттігі хабарлайды.Оқу-ағарту министрлігі жекеменшік мектептерге қатысты талаптарды күшейтуді жоспарлап отыр. Бұл талаптар мектеп ашуға болатын орындардан бастап, құрылтайшылардың жауапкершілігіне дейін қамтиды.Ведомствоның мәліметінше, алдағы уақытта жаңа жекеменшік мектептер тек қажеттілік бар өңірлерде ашылады. Лицензиялар ең әуелі үш ауысымда оқытатын мектептердің жүктемесін азайту қажет аймақтарға, апатты жағдайдағы ғимараттарды алмастыруға немесе мемлекеттік мектептердегі орын тапшылығын жоюға беріледі.Сонымен қатар құрылтайшыларға қойылатын талаптар да күшейтілмек. Оларға білім беру сапасына, педагогтердің кәсіби даярлық деңгейіне және балалардың қауіпсіздігіне жауапкершілік жүктеу көзделіп отыр. Бұдан бөлек, мектеп директорларын тағайындау тәртібін өзгерту жоспарланған. Бұрын бұл шешімді негізінен құрылтайшы қабылдаса, енді директорларды тағайындау салалық министрлік пен жергілікті атқарушы органдардың келісімімен жүзеге асырылмақ.Фото: Нұрболат Нұржаубай&nbsp;

Қазақстанда жекеменшік мектептерге қойылатын талаптар қатаңдатылмақ

<a href="https://kyzylorda-news.kz/ru">Kyzylorda-news.kz</a> Екі күнге жалғасатын келелі жиынның алғашқы күнінде төрт панельдік секция бойынша отырыстар өтеді.Әлеуметтік-мәдени даму секциясын Премьер-министрдің орынбасары — Мәдениет және ақпарат министрі Аида Балаева, Білім-ғылым секциясын Ғылым және жоғары білім министрі Саясат Нұрбек тізгіндеді.Күннің екінші жартысында азаматтық қоғам және экономикалық даму жайы қамтылмақ.Құрылтайда ел дамуының бағыт-бағдарын айқындайтын өзекті мәселелер талқыға түседі.Сондай-ақ, Ұлттық құрылтай мүшелері осы күні облыс орталығындағы бірқатар нысанды аралайды.Айта кетейік, Ұлттық құрылтай қарсаңында қазақ мемлекеттігінің қалыптасу кезеңдерінде маңызды шешімдер қабылданған құрылтайлар тарихына тоқталған едік.Бұдан бөлек Президент Қызылордада өтетін Ұлттық құрылтай отырысында еліміздің келешек даму бағдары туралы ойларын ортаға салатынын жазғанбыз.Дереккөз: <a href="https://kaz.inform.kz/news/kizilordada-ulttik-kuriltay-bastaldi-15ebc3/">kaz.inform.kz</a> Фото: Н.Нуржаубай

Қызылордада Ұлттық құрылтайдың секциялық отырысы басталды

<a href="https://kyzylorda-news.kz/ru">Kyzylorda-news.kz</a> Қазақстан Республикасы Премьер-министрінің орынбасары – мәдениет және ақпарат министрі Аида Балаеваның төрағалығымен Қызылорда қаласында өңірдің әлеуметтік саласын дамыту мәселелері қаралды. Кеңеске облыс әкімі Нұрлыбек Нәлібаев, сондай-ақ салалық министрліктердің өкілдері қатысты, деп хабарлайды Primeminister.kz.Жиын барысында алдымен жоғары білім мен ғылым мәселелері талқыланды. Қатысушылар өңірдегі жоғары білім мен ғылым саласының әлеуетін жан-жақты саралады. Қызылорда облысында үш жоғары оқу орны жұмыс істейді, онда 20 мыңға жуық студент білім алуда. Кейінгі үш жылда студенттер саны 21 %-дан астам артқан. Бұл – жастар арасында жоғары білімге деген тұрақты сұраныс бар екенін көрсететін маңызды көрсеткіш.Салаға жауапты министр еңбек нарығында сұранысқа ие мамандықтар бойынша басым бағыттарды атап өтті. Сонымен қатар, өңірге қажетті кадрларды даярлау жұмысын білім беру тапсырысымен нақты сәйкестендіру және оқытуды практикаға бағыттап күшейту қажет екенін айтты.<blockquote>«Мамандар даярлауда формалды тәсілден арылатын уақыт келді. Әкімдіктер кадр даярлау жұмысын алдын ала жоспарлап, білім беру тапсырысын нақты бағыттар бойынша жүргізуге тиіс. Өңірлік қолдау тетіктері, оның ішінде әкім гранттары мен өңірлік гранттар да болуы керек. Егер қандай да бір бағыттар нәтиже бермей, экономиканың сұранысына сәйкес келмесе, онда нақты шешімдер қабылдау қажет. Тіпті жекелеген факультеттерді оңтайландыруға дейін бару керек», — деді Аида Балаева.</blockquote>Кеңесте денсаулық сақтау саласына қатысты мәселелер де талқыланды. Ведомствоның мәліметінше, өңірде алғашқы медициналық-санитариялық көмектің инфрақұрылымын және аудандық ауруханаларды дамыту жұмыстары жалғасып жатыр. Бұл бағытта жаңа нысандар салу, сондай-ақ диагностикалық базаны жаңарту шаралары жүйелі түрде жүргізілуде.Сонымен бірге нақты шешімдерді қажет ететін бірқатар түйткілдер де көтерілді. Атап айтқанда, алғашқы медициналық-санитариялық көмектің тиімділігін арттыру, алдын алу жұмыстарының нәтижесін күшейту, балалы отбасыларға көрсетілетін патронаж қызметінің сапасын жақсарту, скринингтердің объективтілігін қамтамасыз ету және ауруларды ерте анықтау тетіктерін жетілдіру қажеттігі айтылды. Сондай-ақ кейбір аудандық ауруханаларда диагностикалық мүмкіндіктердің жеткіліксіздігі салдарынан инсульт қызметінің жұмысы шектеліп отырғаны секілді өзекті мәселелер де назарға алынды.Осы ретте Аида Балаева басты басымдық алдын алу жұмыстары болуы керектігін ерекше атап өтті.<blockquote>«Біз үшін басты міндет – ауруды емдеуден бұрын, оның алдын алу шараларын жүйелі түрде күшейту. Біріншіден, скрининг сапасын арттырып, дертті ерте анықтауды формализмсіз жүргізу қажет. Екіншіден, медициналық қызмет көрсету деңгейі жоғары болуға тиіс. Үшіншіден, халықпен тұрақты әрі тиімді ақпараттық-түсіндіру жұмыстарын ұйымдастыру маңызды. Сонымен қатар бақылау қатаң болуы керек. Бөлінген қаражаттың қалай жұмсалғанын және тұрғындардың нақты қандай нәтиже алғанын көріп отыруымыз қажет. Өйткені Үкіметтің қаржысы – халықтың ақшасы», — деді Премьер-министрдің орынбасары.</blockquote>Жиында ҚР Оқу-ағарту министрлігі басқару сапасы мен оқу нәтижелеріне қатысты жүргізілген талдаудың қорытындыларын таныстырды. Проблемалық мәселелердің қатарында білім сапасын ішкі және сыртқы бағалау нәтижелері арасындағы айырмашылық ерекше аталды.Сондай-ақ баяндамада кейбір білім беру ұйымдары біліктілік талаптарына сай келмегендіктен жабылғаны айтылды. Бұл жағдай білім сапасын бақылауды күшейтуді, мектептерге нысаналы әдістемелік қолдау көрсетуді, сонымен қатар саланың цифрлық трансформациясын жеделдетуді қажет ететіні атап өтілді.Өңір үшін басым бағыт ретінде Байқоңыр қаласындағы мектептерді дамыту жобалары, сондай-ақ Қызылорда қаласындағы №3 IT мектеп-лицейі базасында «Жасанды интеллект» бейінді мектебін құру бастамасы көрсетілді.Сонымен бірге, жұмыспен қамтуды әкімшілендіру және мемлекеттік қолдау шараларының тиімділігін арттыру мәселелері бойынша ҚР еңбек және халықты әлеуметтік қорғау бірінші вице-министрі Асқарбек Ертаев баяндама жасады. Ол субсидияланатын жұмыс орындарын ұйымдастыру қағидаларына енгізілген өзгерістерді қосымша пысықтау және өңірлермен келісу қажет екенін жеткізді. Бұл ретте жұмыс берушілерге қойылатын талаптарды нақтылау, сондай-ақ қолдау шараларын цифрлық құралдар арқылы сүйемелдеу тәжірибесін жетілдіру қажеттігі айтылды.Тарихи-мәдени мұра нысандарына бай Сыр өңірінде мәдени туризмді дамыту мәселесі де кеңестің күн тәртібінен тыс қалған жоқ. Сонымен қатар жиында Байқоңыр ғарыш айлағының туристік әлеуеті де талқыланды.Маңызды бағыттардың бірі ретінде тарихи-мәдени мұрамен жүйелі жұмыс жүргізу қажеттігі атап өтілді. ҚР Мәдениет және ақпарат министрлігінің мәліметінше, өңірде мәдениет және архив ісі саласында 413 ұйым қызмет етеді. Кейінгі жылдары бірқатар жаңа нысандар пайдалануға беріліп, бұл мәдени инфрақұрылымды кезең-кезеңімен жаңартуға және тұрғындардың жергілікті деңгейде көрсетілетін қызметтерге қолжетімділігін кеңейтуге мүмкіндік беріп отыр.Сонымен бірге, белгіленген нормативтерге сәйкес, тұрғындарды мәдениет мекемелерімен жеткілікті қамту үшін инфрақұрылымды әлі де кеңейту қажет екені айтылды.Қорытындылай келе, Аида Балаева өңірдің негізгі даму бағыттары бойынша жүйелі жұмысты күшейтуді тапсырды. Әсіресе кадр даярлау ісін экономиканың нақты сұранысымен үйлестіру, нәтиже бермейтін білім беру бағдарламаларын қайта қарау, сондай-ақ мектептер мен жоғары оқу орындарындағы идеологиялық және тәрбиелік жұмысты бастауыш сыныптан бастап үнемі бақылауда ұстау қажеттігіне ерекше назар аударылды.Сонымен қатар ғылым саласында ғылым мен өндіріс арасындағы байланысты күшейту міндеті қойылды. Бұл ғылыми әзірлемелердің нақты нәтижеге айналып, өнеркәсіптің тиімділігін арттыруға тікелей ықпал етуге тиіс екені атап өтілді.Сонымен қатар МӘМС жүйесінде сақтандырылмаған азаматтармен жұмысты күшейту, алдын алу шаралары мен скринингті жандандыру, вакциналауға қатысты жалған ақпараттың таралуына қарсы әрекет ету, емханалардағы қызмет көрсету сапасын арттыру бойынша нақты тапсырмалар берілді.Бұдан бөлек, орфандық аурулар мен паллиативтік көмек мәселелері, сондай-ақ бюджет қаражатының мақсатты жұмсалуы қатаң бақылауда болуы тиіс екені ерекше атап өтілді.Әлеуметтік салада жастар арасындағы жұмыссыздықты талдау, оларды қолдауға арналған нақты әрі жүйелі іс-шаралар жоспарын әзірлеу, сондай-ақ мүгедектігі бар адамдарды креативті индустрия және қолөнер бағыттары арқылы еңбекке тарту қажеттігі көрсетілді.Білім беру саласында бастауыш сыныптағы білім сапасын көтеру, мұғалімдердің кәсіби дайындығын күшейту, әрі педагогтердің жұмысын жеңілдету үшін жасанды интеллектіні көмекші құрал ретінде енгізу міндеті қойылды. Сонымен бірге балалардың сын тұрғысынан ойлауын және шығармашылық қабілетін қатар дамытуға басымдық берілуге тиіс.Туризм саласында өңірдің туристік әлеуетін күшейту үшін даму тұжырымдамасына нақты ұсыныстар енгізу, инфрақұрылымды жақсарту және ақпараттық қолдауды арттыру тапсырылды. Сонымен қатар мәдени туризмді дамыту, іс-шаралар күнтізбесін қалыптастыру, сондай-ақ бірегей фестивальдер ұйымдастыру арқылы өңірдің туристік брендтерін жүйелі түрде ілгерілету қажет екені айтылды.Кеңес қорытындысында өңірлік және республикалық деңгейде ақпараттық жұмысты күшейтудің маңызына ерекше назар аударылды. Нақты нәтижелерді ашық көрсетіп отыру қажеттігі айтылып, негізгі мақсат елдің дамуын қамтамасыз ету және халықтың әлеуметтік жағдайын жақсарту екені атап көрсетілді.Фото: рrimeminister.kz

Қызылорда облысында өңірдің әлеуметтік саласын дамыту мәселелері бойынша кеңес өтті

Қазалы ауданының әкімі Алмасбек Есмаханов пен аудан прокуроры Мадияр Бекпанов аудан аумағында жүзеге асырылып жатқан ірі инвестициялық жобалардың орындалу барысымен танысып, нысандарға кешенді бақылау жүргізді.Алдымен аудан орталығы - Әйтеке би кентінде жеке кәсіпкер Үржамал Ешжанованың жүзеге асырып жатқан құны 650 млн. теңгені құрайтын сауда үйінің құрылысын көрді. Аталған жоба аудан тұрғындарын сапалы қызметпен қамтып, жаңа жұмыс орындарын ашуға мүмкіндік береді.Мұнан кейін Басықара ауылындағы «АралРыбторг» ЖШС-нің құны 650 млн теңге болатын тауарлы балық өсіру тоғаны жобасының іске асу барысы зерделенді. Бұл жоба өңірде балық шаруашылығын дамытуға, жергілікті өнім көлемін арттыруға және ауыл шаруашылығы саласының әлеуетін күшейтуге бағытталған. Жалпы тоғанда балық өсіру жобасының 308 млн. теңге қаржысы кәсіпкердің өз қаражаты есебінен, қалған 342 млн.теңгесі «Байқоңыр Әлеуметтік Кәсіпкерлік корпорациясы» АҚ арқылы несие алуға құжаттары ұсынылып отыр.Нысандарды аралау барысында инвестициялық жобалар бойынша құрылыс жұмыстарының барысы, жоспарланған мерзімдер, қаржыландыру мәселелері, инженерлік инфрақұрылыммен қамту, жер телімдерінің заңдылығы жан-жақты қаралып, талқыланды.Аудан әкімі Алмасбек Әбілқасымұлы инвестициялық жобалар аудан экономикасын дамытуға, жаңа жұмыс орындарын ашуға, тұрғындардың әл-ауқатын арттыруға бағытталған маңызды бастамалар екенін атап өтіп, олардың іске асу сапасы мен мерзіміне ерекше көңіл бөлу қажеттігін жеткізді.Ал, аудан прокуроры Мадияр Ертарғынұлы инвестициялық жобаларды іске асыру барысында заңдылықтың сақталуы, кәсіпкерлердің құқықтарының бұзылмауы және мемлекеттік органдар тарапынан негізсіз кедергілерге жол бермеу мәселелеріне тоқталып, прокуратура тарапынан бизнесті қорғау және жобаларды сүйемелдеу бағытында тұрақты бақылау жүргізілетінін жеткізді.Аудан аумағында жүзеге асып жатқан инвестициялық жобаларды аралау барысында жауапты мекемелерге жобалардың іске асуын тұрақты бақылауда ұстап, туындаған мәселелерді уақтылы шешу жөнінде тапсырмалар берілді.

Қазалы: Инвестициялық жобалардың іске асырылуы бақылауда

Бүгін Қызылордада Ұлттық құрылтайдың секцияларының отырысы басталады, – деп хабарлайды <a href="https://kaz.inform.kz/news/ulttik-kuriltay-bugn-zhumis-sektsiyalarinin-otirisi-bastaladi-39c65a/">Қазақпарат</a>.Атап айтқанда, 20 қаңтар күні Қызылорда қаласында Ұлттық құрылтайдың бесінші отырысы өтеді. Отырысқа Мемлекет басшысы, танымал мемлекет және қоғам қайраткерлері, саяси партиялардың, үкіметтік емес сектордың, бизнес-қауымдастықтардың, сараптамалық қауымдастықтың және облыстардың қоғамдық кеңестерінің өкілдері қатысады деп жоспарланған.Ал 19 қаңтар күні 4 жұмыс секциясының отырысы өтеді: – «Азаматтық қоғам»; – «Мәдениет. Өнер. Руханият»; – «Әлеуметтік-экономикалық даму»; – «Білім және ғылым».Ұлттық құрылтай мүшесі Серік Ақылбайдың айтуынша, Ұлттық құрылтайдың Қызылорда қаласында өтетін бесінші отырысына дайындық қарқыны өте жақсы.<blockquote>- Бұған дейін өткен төрт құрылтайда көтерілген тақырыптар бойынша бірқатар заң қабылданып, біраз мәселе шешілді. Ал 20 қаңтарда өтетін бесінші отырыста Парламентті реформалау тақырыбы қаралады деп ойлаймын. Құрылтай аясында құқықтық ағарту мәселесі туралы сөйлеуім мүмкін. Жалпы биылғы отырыс жылдағыдан ертерек өткелі жатыр және оған қызу дайындық жүріп жатыр, - деді С. Ақылбай.</blockquote>Ал Мәжіліс депутаты, Ұлттық құрылтай мүшесі Сергей Пономаревтің пайымынша, Ұлттық құрылтай қоғамдағы өзекті мәселелерді талқылаудың маңызды алаңына айналды. Оның аясында қала мен ауыл тұрғындарын нақты алаңдататын тақырыптар көтеріледі.<blockquote>- Ұлттық құрылтайда әркімнің ашық әрі нақты сөйлеуіне мүмкіндігі бар сенім кеңістігі қалыптасты. Онда түрлі тақырыптар көтеріледі, яғни сыртқы және ішкі саясат, мемлекеттілік, коммуналдық бағыт, сондай-ақ басқа да кез келген мәселе қаралады, - деді депутат.</blockquote>Осы орайда ол талқыланған мәселелерге қатысты маңызды шешімдер жасалып, заң жобалары әзірленіп жатқанын еске салды. Құрылтай мүшелері көтерген өзекті тақырыптардың барлығы назардан тыс қалмайды.<blockquote>- Бесінші отырыста жасанды интеллект және онымен байланысты мәселелер, цифрландыру туралы сөз қозғалады деп санаймын. Сонымен қатар, мемлекеттік тілді жаңа тәсілдермен, тіпті стандартты емес әдістермен үйрену туралы ұсыныстар болады деп ойлаймын. Әрине, қоршаған ортаны қорғау мәселесі де назардан тыс қалмайды... Атап айтқанда, жұмыс өте ауқымды. Парламенттік реформа тақырыбын талқылайтынымызға сенімдімін. Жалпы, Құрылтай мүшелелерінің көкейінде жүрген осы мәселелер жан-жақты қаралады деген ойдамын, - деді С. Пономарев.</blockquote>Коллаж: Kazinform / Freepik / Akorda

Архив