<a href="https://kyzylorda-news.kz/">Kyzylorda-news.kz</a> Жаңақорған ауданының әкімдігінің мәжіліс залында аудан әкімі аппаратының басшысы Рүстем Рәбілұлы Ибрагимнің төрағалығымен «Е-өтініш» &nbsp;платформасы бойынша семинар-кеңес өтті.&nbsp;Семинардың мақсаты мемлекеттік қызметшілердің «Е-өтініш» бірыңғай платформасы арқылы келіп түскен жолданымдарды қарау және өңдеу бойынша кәсіби құзреттерін дамыту.&nbsp;Семинар барысында &nbsp;арнайы Қызылорда облысы әкімі аппаратының &nbsp;өтініштерді қарауды бақылау бөлімінің жауапты мамандары &nbsp;Назира Ғабитқызы Ишанбек, Жұлдызай &nbsp;Орақбекқызы Махамбетқайыр және құқықтық статистика және арнайы есепке алу жөніндегі комитетінің Қызылорда облысы бойынша департаменті бөлімінің аға прокуроры Мақсат Ерболатұлы Асанов баяндама жасап, заң талаптарына түсініктеме берілді.&nbsp;Семинарда «Е-өтініш» АЖ арқылы мекемелерге келіп түсетін жолданымдарды қарау кезінде туындайтын мәселелер сонымен қатар, ҚР Әкімшілік рәсімдік - процестік кодексінің ережелерін сақтаудың өзектілігі талқыланды. Семинар қорытындысы бойынша &nbsp;қатысушылар пікір алмасып, жауапты қызметкерлерге «Е-өтініш» АЖ келіп түскен жолданымдарды қарау және қайта бағыттау мерзімдерін сақтау бойынша тұрақты түрде мониторинг жүргізу тапсырылды.

"Е-өтініш" платформасы бойынша семинар кеңес өтті

<a href="https://kyzylorda-news.kz/">Kyzylorda-news.kz</a> Астана қаласында«AMANAT» партиясы «Жастар Рухы» жастар қанатының Республикалық«Рухтастар» сыйлығы табысталды. Биыл бесінші рет ұйымдастырылған іргелі іс-шарада қоғамдық бастамаларға айрықша үлес қосқан еліміздің ең белсенді жас азаматтары марапатталды.Салтанатты рәсімге Мәжіліс депутаттары, қоғам қайраткерлері жәнебелсенді жас көшбасшылар қатысты.Айта кетейік, биыл байқауға 18 бен 35 жас аралығындағы жастардан 500-ден астам өтінім келіп түсті. Жалпы осы жылдар аралығында 100-ге жуық жасазамат «Рухтастар» сыйлығының иегері атанды. Әр марапат – еңбекпен келген жетістіктіңжәне тынымсыз ізденістің нағыз үлгісі.Өз кезегінде &nbsp;«AMANAT» партиясының Атқарушы хатшысы Дәулет Кәрібекжастардың ел дамуындағы рөліне тоқталып, бұл марапаттың қоғамдық маңызын атап өтті.<blockquote>«Мемлекет басшысы Қасым-Жомарт Тоқаев өз Жолдауында атап өткендей, өскелең ұрпақтың бойындағы патриотизм – болашаққа деген шынайы ұмтылыс және бұл – қоғам санасында болып жатқан өзгерістің айқын көрінісі. Білімді жастар – бұл елдің басты капиталы әрі оң өзгерістердің негізгі қозғаушы күші. Бүгінгі жас буынның қоғамға пайдалы болуға, жаңалық ашуға, өзін-өзі дамытуға деген ұмтылысы артып отырғаны байқалады. Біз осындай жігерлі, ынталы жастарды құрметтейміз. «Рухтастар» сыйлығы баршамызды ортақ мақсат жолында бірігіп, Әділетті Қазақстанды құруға қарай нық қадам басуға шабыттандырады», – деді ол.</blockquote>Ал «Жастар Рухы» жастар қанатының төрағасы Ақерке Искандеровабұл сыйлық – еліміздегі ең белсенді, табанды және рухты жастардың еңбегібағаланатын маңызды марапат екенін мәлімдеді.<blockquote>«Бүгін біз еліміздегі 17 өңір мен 3 қаладағы ең белсенді жастарды бір алаңға жинадық. Олар жыл бойы өңірлерде атқарылған көптеген әлеуметтік, мәдени, экологиялық және волонтерлік жобаларға жан-жақты үлес қосып, жастар саясатының дамуына елеулі еңбек сіңірді. Бұл марапат – олардың еңбегіне деген құрметіміздің белгісі ғана емес, алдағы жұмыстарына көрсетілген үлкен сенім», – деді ол.</blockquote>Оның айтуынша, үздіктерді іріктеу барысы бірнеше кезеңнен тұрды.25 қарашадан 3 желтоқсанға дейін өтінімдер «Жастар Рухының» ресми сайтында қабылданып, кейін республикалық конкурс комиссиясының қарауына жіберілген.«Қайсар» жыл батыры номинациясыменҚазақстан-Американдық еркін университетінің студенті Ерасыл Омарханов(Шығыс Қазақстан облысы)марапатталды. Ол Үлбі өзеніне батып бара жатқан жас баланы құтқарып, ерен ерлік танытты.<img src="https://knadmin.beoblood.kz/uploads/Whats_App_Image_2025_12_15_at_17_40_16_b9aa4310bc.jpeg" alt="Жастар рухы.jpeg">«Нұрлы ақыл»үздік жас ғалым номинациясына PhD доктор, Қазақ егіншілік және өсімдік шаруашылығы ғылыми-зерттеу институтыОрганикалық егіншілік зертханасының аға ғылыми қызметкеріАлтынай Жакатаева(Алматы облысы)лайық деп танылды. Ол 30-дан астам ғылыми еңбектің авторы. Агрошаруашылықтарға дақылдарды аурулардан және зиянкестерден қорғау, органикалық технологияларға көшу, тиімді агротехникалық әдістерді енгізу бойынша әдістемелік қолдау көрсетіп келеді.«Ыстық қайрат» еңбек адамыноминациясымен «Қазақстан алюминийі» АҚ филиалы электр стансасының капиталды жобалар бөлімінде құрылыс-монтаж және іске қосу-реттеу жұмыстары бойынша сарапшыЖангелді Жанат(Павлодар облысы)марапатталды. Ол электр стансасының инфрақұрылымын жаңғыртуға, жылу-энергетикалық тиімділікті арттыруға,сондай-ақ бірқатар күрделі құрылысбағытындағы инвестициялық жобаларды жүзеге асыруға белсене атсалысты.Сондай-ақ осы номинацияны Шығыс Жезқазған кенішіндегі №57 шахта жарушысы, өндіріс саласындағы жастардың белсенді өкілі, волонтер,спортшы Асылхан Тұрғамбеков (Ұлытау облысы) иеленді.«Жылы жүрек» жыл еріктісі номинациясынажүздеген әлеуметтік жобаларға қатысып, қоғамға нақты үлес қосқан Академик Е.А.Бөкетов атындағы Қарағанды Ұлттық Зерттеу университетінің студенті Зият Садвакасов(Қарағанды облысы)және әлеумет, білім беру, мәдениет, экология салаларындағы волонтер, С.Торайғыров атындағы университет студенті Разия Қалиасқар (Павлодар облысынан) лайық деп танылды.«Жылдың әлеуметтік жобасы» номинациясында «Altay-pro» туристік фирмасының негізін қалаушысы Екатерина Орлова(Шығыс Қазақстан облысынан) жеңімпаз атанды. Оның жобасы экотуризмді дамытуға және табиғатты қорғауға бағытталған басқа да шараларды қамтиды.Сонымен қатар «Белсенді рухтас»жыл белсендісі номинациясы бойынша еліміздің түкпір-түкпірінен келген 20 азамат марапатталды.Бұдан бөлек «Жастар Рухы» қолдаушысы номинациясын талантты жастардың бастамаларына қолдау көрсетіп жүрген спортшы, аралас жекпе-жек (ММА) шеберіАрман Оспанов, Алматы облыстық мәслихат депутаты, филиал жанындағы Жастарды қолдау кеңесінің төрағасы, «Чемпиондық Рух» жобасының амбасадоры Нұрсұлтан Орынбасаров, «Жайдарман» ойындарын ұйымдастырушысы Жанасыл Болатбек, Павлодар облыстық мәслихат &nbsp;депутаты, Жастарды қолдау кеңесінің төрағасыАйдар Курумбаев, &nbsp;Павлодар қалалық мәслихат депутаты, «Крендель» ЖШС директорыМадина Музапарова алды. «Жастар Рухы» жастар қанатының ең үздік бөлімшелері – Ақмола облысы Бурабай ауданы және Жамбыл облысы Тараз қаласы.<blockquote>«Біздің бөлімшенің ең үздік деп танылуы – әріптестеріміздің ортақ жеңісі. Бұл марапат бізді одан әрі жауапкершілікпен жұмыс істеуге ынталандырады. Биыл біз әлеуметтік, экологиялық және білім беру бағыттарында бірнеше жобаны жүзеге асырдық. Алдағы уақытта да өңіріміздегі жастар саясатын дамытуға үлес қоса береміз», – деді «Жастар Рухы» жастар қанатының Ақмола облысы Бурабай аудандық бөлімшесінің өкілі Әлішер Баймұқанов.</blockquote>Ал «Үздік филиал» номинациясын«Жастар Рухы» жастар қанатының Қызылорда облыстық және Шымкент қалалық филиалдары иеленді.

«AMANAT»-та «Жастар Рухының» үздік волонтерлері мен белсенділері марапатталды

<a href="https://kyzylorda-news.kz/">Kyzylorda-news.kz</a> Мереке күндері уәкілетті органдар күшейтілген режимді ұстанады. &nbsp;Облыстық төтенше жағдайлар департаменті 16 желтоқсан сағат 09.00-ден бастап 17 желтоқсан сағат 09.00 аралығында қала тыныштығын жіті бақылайды.Департаменттің басшы құрамынан жауаптылардың тәуліктік кезекшілігі мен қызметкерлерінің құрамынан жауаптылардың және аттестатталған жеке құрамнан құрылған жедел топтың тәуліктік кезекшілігі ұйымдастырылды. Бұл туралы облыстық төтенше жағдайлар департаменті бастығының орынбасары Бекболат Әбдіқадыров баяндады.<blockquote>- Қазіргі уақытта жағдай тұрақты, тіршілікті қамтамасыз ету объектілері штаттық режимде жұмыс істеуде. Барлық бағыттағы жолдар ашық. Жеке құрам бойынша төтенше оқиғаларға жол берілген жоқ. Департаменттің жеке құрамы ықтимал төтенше жағдайларға ден қоюға дайын екендігін баяндаймын. Жағдай тұрақты бақылауда, тәулік бойы кезекшілік ұйымдастырылған. Қажет болған жағдайда қосымша күштер мен құралдарды тарту мүмкіндігі қарастырылған,- деді Бекболат Қайырбекұлы.</blockquote>

Мереке күндері қауіпсіздік күшейтіледі

<a href="https://kyzylorda-news.kz/">Kyzylorda-news.kz</a> Қазақстан Ұлттық банкі «Қазақстанның әдет-ғұрыптары, ұлттық ойындары» монеталар сериясынан QAZAQ KÚRESI коллекциялық монеталарын айналысқа шығарады, деп хабарлайды <a href="https://baq.kz/ulttyq-bank-zhana-monetalardy-aynalysqa-shygarady-200027426/">BAQ.KZ</a> тілшісі.<blockquote>«Қазақ күресі» – қазақ халқының дәстүрлі ұлттық күресі. Қос қарсылас еп пен төзімділік танытып, өзара күш сынасады. Бұл жекпе-жектің сан ғасырлық тарихы бар. Ол қазақ мәдениетінің маңызды бөлігі әрі спорттық мұрасы саналады, - деп түсіндірді Ұлттық банк.</blockquote>Монеталар:алтын жалатылған, күміс сынамасы – 925, массасы 24 грамм, диаметрі 37 мм, дайындау сапасы – рrооf, номиналы – 1 000 теңгелік, дайындау таралымы – 2 000 (екі мың) дана;<img class="image_resized" style="width:100%;" src="https://knadmin.beoblood.kz/uploads/K_misten_dajyndal_an_moneta_8bbb4ee233.png" alt="Күмістен дайындалған монета.png">мельхиор (МН 25) қоспасынан дайындалған, массасы 15 грамм, диаметрі 33 мм, дайындау сапасы – brilliant uncirculated, номиналы – 200 теңгелік, таралымы – 5 000 (бес мың) дана;<img class="image_resized" style="width:100%;" src="https://knadmin.beoblood.kz/uploads/Melhiordan_dajyndal_an_moneta_207642ae5f.png" alt="Мельхиордан дайындалған монета.png">- нейзильбер (МНЦ 15-20) қоспасынан дайындалған, массасы 11,17 грамм, диаметрі 31 мм, дайындау сапасы – uncirculated, номиналы 200 – теңгелік, таралымы – 50 000 (елу мың) дана.<img class="image_resized" style="width:100%;" src="https://knadmin.beoblood.kz/uploads/Nejzilberden_dajyndal_an_moneta_4d5c46b6f4.png" alt="Нейзильберден дайындалған монета.png">Коллекциялық монеталар Қазақстан Республикасының бүкіл аумағында өзінің белгіленген құнына сай төлемнің барлық түрі бойынша қабылдануға, сондай-ақ елдің барлық банкінде банк шоттарына есепке алынуға, аударуға, ұсақталуға және айырбасталуға жатады.Коллекциялық монеталар Қазақстан теңге сарайында дайындалды.Фото: Артём Чурсинов

Ұлттық банк жаңа монеталарды айналысқа шығарады

<a href="https://kyzylorda-news.kz/">Kyzylorda-news.kz</a>&nbsp; &nbsp;Денсаулық сақтау министрі Ақмарал Әлназарова биыл Қазақстанда эпидемиологиялық маусым әдеттегі күнтізбеден ерте басталғанын мәлімдеді. Айтуынша, қыркүйектің алғашқы күндерінен-ақ ауру қарқыны байқалған. Бұл туралы <a href="https://stan.kz/kazakstanda-epidemiologiyalik-mausim-adettegiden-erte-b-427679/">Stan.kz</a> ақпарат агенттігі хабарлайды.Министрдің айтуынша, елде жедел респираторлық вирустық инфекциялардың (ЖРВИ) шамамен 2,6 миллион&nbsp;жағдайы тіркелген. Бұл өткен жылмен салыстырғанда 3%-ға жоғары.Оның айтуынша, жағдай біртіндеп тұрақталып келеді. Соңғы аптада сырқаттанушылық 1,4 есеге төмендеген. Негізінен бұл дәрігерлерге жақсы таныс А (H3N2) вирусы &nbsp;– "гонконг тұмауы". Сонымен қатар басқа да маусымдық респираторлық вирустар айналымда жүр.Эпидемиологиялық ахуал оқу процесіне де әсер етті. Елдің 10 өңірінде 97 мектептегі 317 сынып уақытша қашықтан оқыту форматына көшірілді.<blockquote>“Сонымен қатар денсаулық сақтау жүйесі дайындықты күшейтті: алғашқы медициналық-санитарлық көмек деңгейінде 1143 мобильді бригада жұмыс істеп тұр, 1517 фильтр-кабинет ашылған, оның ішінде 638-і жүкті әйелдер мен балаларға арналған. Шұғыл жағдайлар үшін 684 жедел көмек кабинеті дайындалған, ал халыққа кеңес беру қызметін 1057 колл-орталық көрсетуде”, –&nbsp;деді ол.</blockquote>Денсаулық сақтау министрлігі эпидемиологиялық жағдайдың тұрақты бақылауда екенін және барлық қажетті шаралар қабылданғанын атап өтті.Ведомство маусымдық вирустық инфекциялар күшейген кезеңде қарапайым алдын алу ережелерін сақтау аса маңызды екенін еске салады: қол гигиенасын сақтау, бөлмелерді жиі желдету, адам көп жиналатын орындарға баруды шектеу және аурудың алғашқы белгілері байқалғанда дер кезінде медициналық көмекке жүгіну.Фото: freepik.com

Қазақстанда эпидемиологиялық маусым әдеттегіден ерте басталды – Денсаулық сақтау министрлігі

<a href="https://kyzylorda-news.kz/">Kyzylorda-news.kz</a> Қазақстан Республикасында қоғамдық қауіпсіздікті қамтамасыз ету мақсатында бет-әлпетті толықтай жабатын киімдерге заңнамалық тұрғыда тыйым салынған. Осыған сәйкес қоғамдық орындарда никаб, паранжа, балаклава, маска және тұлғаны тануға кедергі келтіретін өзге де киім түрлерін киюге болмайды.Осы тақырып аясында «Дін мәселелерін зерттеу орталығының» теолог маманы Оспанов Бақтияр және Қоғамдық қауіпсіздік басқармасының ювеналды полиция тобының аға инспекторы, полиция майоры Абдразақова Раушан &nbsp; Смағұлқызы Іскаков атындағы Қызылорда құрылыс және бизнес колледжінің студенттерімен кездесу өткізді.Кездесу барысында соңғы 5 жыл ішінде елімізде бет-жүзді жабатын маска және өзге де құралдарды қолдану арқылы 105 қылмыс жасалғаны жөнінде мәлімет берілді.Теолог мамандардың айтуынша, ислам дінінде бетті толық жабу парыз немесе діни міндет болып саналмайды. Дәстүрлі исламда негізгі қағидаттар — әдептілік, ибалық және қоғаммен үйлесімді өмір сүру. Ал бетті тұмшалауды діни талап ретінде көрсету көбіне радикалды ағымдардың ықпалымен таралатыны атап өтілді.Өз кезегінде тәртіп сақшылары Қазақстан Республикасының заңнамасына сәйкес қоғамдық орындарда бет-әлпетті толық жабатын киімдерге шектеу қойылғанын түсіндірді. Аталған норма қоғамдық қауіпсіздікті қамтамасыз етуге, тұлғаны анықтауға және құқықтық тәртіпті сақтауға бағытталған.Сонымен қатар, полицейлер Қазақстанда діни сенім бостандығына толық жағдай жасалғанын, алайда кез келген діни рәсім мен киім үлгісі қолданыстағы заң талаптарына қайшы келмеуі тиіс екенін жеткізді. Дін мәселелері бойынша түсіндіру жұмыстары мәдениет пен конфессияаралық келісім қағидаттары аясында жүргізілетіні де атап өтілді.Іс-шара соңында студенттер зайырлылық қағидаттары төңірегінде өздерін толғандырған сұрақтарын қойып, мамандардан жан-жақты әрі нақты жауаптар алды.<img src="https://knadmin.beoblood.kz/uploads/Whats_App_Image_2025_12_15_at_15_07_38_fa674e307c.jpeg" alt="Жастармен кездесу.jpeg">

Жастармен кездесіп, түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> Іс-шара барысында өңірде қоғамдық тәртіпті сақтау және құқық бұзушылықтардың алдын алу бағытында кешенді жұмыстар атқарылып, барлығы 1258 әкімшілік құқық бұзушылық анықталды.<img src="https://knadmin.beoblood.kz/uploads/Whats_App_Image_2025_12_15_at_14_59_31_dcde8742ee.png" alt="WhatsApp Image 2025-12-15 at 14.59.31.png">Атап айтқанда:<ul><li style="text-align:justify;">Тегіс ұңғылы атыс қаруына қатысты 6 дерек тіркелді;</li><li style="text-align:justify;">Көлік құралын алкогольдік масаң күйінде басқарудың (ҚР ӘҚБтК-нің 608-бабы) 15 дерегі анықталды;</li><li style="text-align:justify;">Көлік құралын басқару құқығынан айырылған тұлғалардың көлік жүргізуінің (ҚР ӘҚБтК-нің 612-бабының 3-бөлігі) 7 дерегі тіркелді;</li><li style="text-align:justify;">Ұсақ бұзақылықтың (ҚР ӘҚБтК-нің 434-бабы) 9 дерегі анықталды;</li><li style="text-align:justify;">Алкогольдік ішімдіктерді ішу немесе қоғамдық орындарға масаң күйде келудің (ҚР ӘҚБтК-нің 440-бабы) 75 дерегі тіркелді;</li><li style="text-align:justify;">Қоғамдық тамақтану орындарында кальян (қорқор) бұйымын пайдаланудың (ҚР ӘҚБтК-нің 441-бабы) 6 дерегі қала аумағында анықталды;</li><li style="text-align:justify;">Кәмелетке толмағандардың түнгі уақытта заңды өкілдерінсіз жүруінің (ҚР ӘҚБтК-нің 442-бабы) 78 дерегі тіркелді.</li></ul>Жедел профилактикалық іс-шара құқық бұзушылықтардың алдын алуға, жол қауіпсіздігін қамтамасыз етуге және азаматтардың қауіпсіздігін арттыруға бағытталған. Іс-шара алдағы уақытта да жалғасатын болады.<img src="https://knadmin.beoblood.kz/uploads/Whats_App_Image_2025_12_15_at_14_59_32_b0a8cc08c3.png" alt="WhatsApp Image 2025-12-15 at 14.59.32.png">

Облыс аумағында «Құқықтық тәртіп» жедел профилактикалық іс-шарасы өтуде

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебі аймақтағы медиақауымдастық өкілдері арасында үстел теннисінен турнир өткізді.Спорттық іс-шараға республикалық, облыстық және қалалық бұқаралық ақпарат құралдарының журналистері, баспасөз хатшылары, видеооператорлар мен дизайнерлерден құралған 6 команда қатысты. Турнир Қазақстан Республикасының Тәуелсіздік күніне орай ұйымдастырылып, салауатты өмір салтын насихаттауға бағытталды.<img src="https://knadmin.beoblood.kz/uploads/9664cb5b_ecfe_4342_be7e_ba287491befb_05b29a358b.jpg" alt="ниш">Жарыс қорытындысы бойынша ІІІ орынды «Qyzylorda» облыстық телеарнасының командасы, ІІ орынды NIS командасы иеленді. Ал «Сыр медиа» командасы турнирдің жеңімпазы атанды.Сонымен қатар «Үздік ракетка» номинациясы облыстық «Ақмешіт жастары» газетінің тілшісі Аружан Оралбайға және ұлдар арасында қалалық Qogam TV телеарнасының видеоинженері Дәулет Садықовқа бұйырды.<img src="https://knadmin.beoblood.kz/uploads/nish_tennis_69ea318795.jpg" alt="ниш теннис "><img src="https://knadmin.beoblood.kz/uploads/e49f3fc3_a95e_496f_8e7c_84fd1cd719a6_974b1bf936.jpg" alt="теннис ">

Медиа және теннис: Аймақ журналистері үстел тениисінен бақ сынады

<a href="https://kyzylorda-news.kz/">Kyzylorda-news.kz</a> &nbsp;Үкіметтің қорытынды баспасөз конференциялары аясында энергетика министрі Ерлан Ақкенженов Президенттің елді мекендерді газбен қамту жөніндегі тапсырмаларын орындау нәтижелері туралы баяндады.Ол Мемлекет басшысының инфрақұрылымды жаңғырту бойынша қойған міндеттерін жүзеге асыру тұтынушыларды газбен жабдықтау қызметтерімен қамтуды арттыруға мүмкіндік бергенін айтты.«Халықты газбен қамту бойынша Мемлекет басшысы тапсырған әлеуметтік міндеттер жүйелі түрде шешілуде. Табиғи газ шалғай өңірлердің тұрғындары үшін қолжетімді игілікке айналып, елдегі газбен қамту деңгейі 64,2%-ға жетті. 2025 жылы 95 елді мекенде 350 мың адам газбен қамтамасыз етілді. Бұл мақсаттарға 112 млрд теңгеден астам қаржы бөлінді», — деп атап өтті Ерлан Ақкенженов.Жұмыстар географиясы Қазақстанның барлық аймағын қамтыды. Ақмола облысында 100 мыңнан астам тұрғын тұратын Қосшы қаласы мен Талапкер ауылы газбен қамтылды. Астанада газбен қамту деңгейі шамамен 97%-ға жетіп, ірі тұрғын алаптары қосылды. Жыл соңына дейін Үркер шағын ауданында газ желілерін тарту жұмыстары толық аяқталады.Оңтүстік өңірлерді дамыту жөніндегі тапсырмаларды орындау бойынша Түркістан облысында 100 мың тұрғын газбен қамту аясында құны 10 млрд теңгеден астам жобалар жүзеге асырылды. Жетісу облысында ұзындығы 300 шақырым «Талдықорған – Үшарал» магистралды газ құбыры пайдалануға берілді. Жамбыл облысында да газ құбырларын жүргізу жұмыстары белсенді жүргізілуде.Батыс Қазақстан облысында «Ростоши – Тайпақ» жоғары қысымды газ құбырының құрылысы басталды, бұл Ақжайық және Теректі аудандарының жылдар бойғы газ тапшылығын шешуге мүмкіндік береді.

Өткен жылы 95 елді мекенде 350 мың адам газбен қамтамасыз етілді: Үкіметтің энергетика саласындағы жұмысының қорытындысы

<a href="https://kyzylorda-news.kz/">Kyzylorda-news.kz</a> &nbsp;Үкімет жұмысының 2025 жылғы қорытындысы бойынша баспасөз конференциясы барысында энергетика министрі Ерлан Ақкенженов Мемлекет басшысының елдің ресурстық базасын нығайту және газ инфрақұрылымын дамыту жөніндегі тапсырмаларының орындалу барысы туралы хабардар етті.Ведомство басшысы энергетикалық қауіпсіздікті қамтамасыз ету міндеті Президент белгілеп берген стратегиялық приоритет болып қала беретінін атап өтті. Есепті кезеңде Қайыргелді, Тұзкөл және Тасболат жаңа үш газ кен орыны пайдалануға берілген. Тасболат кен орнын іске қосу Маңғыстаудағы Қазақ газ өңдеу зауытының қуатын толықтыруға мүмкіндік берді.

Президент тапсырмаларын жүзеге асыру: Қазақстанда 2025 жылы үш жаңа газ кен орны пайдалануға берілді

<a href="https://kyzylorda-news.kz/">Kyzylorda-news.kz</a> Үкімет Мемлекет басшысының тапсырмаларын орындау аясында «жасыл технологиялар» жобаларын жүйелі түрде жүзеге асырып келеді. Жаңартылатын энергия көздері саласында Қазақстан әлемдік инвесторлар үшін тартымды алаңға айналып отыр.ІІІ тоқсанның қорытындысы бойынша таза энергия генерациясының үлесі жалпы өндіріс көлемінің 7%-нан асты, ал стансалар саны 159-ға жетті.<blockquote>«Биыл 266 МВт жиынтық қуатқа ие бірқатар маңызды жобаны жүзеге асырдық. Қарағанды және Ұлытау облыстарында жаңа жел электр стансалары, Қызылорда және Маңғыстау өңірлерінде күн парктері пайдалануға беріліп, еліміздің энергетикалық жүйесіне нақты үлес қосуда», – деді Ерлан Ақкенженов.</blockquote>Сала дамуының ең бір маңызды кезеңі бірінші рет гигаваттық класты жел электр стансасын және энергия жинау жүйелерін салу бойынша ірі аукционның өткізілгені болды. Бұл қадам елімізде икемді әрі тұрақты энергетикалық жүйе құруға жаңа мүмкіндіктер ашты. Аталмыш тәжірибе нарықтың ірі жобаларды қабылдауға және заманауи технологиялық шешімдерге дайын екенін көрсетті.

Үкімет энергетика саласын дамыту туралы: 160-қа жуық ЖЭК стансасы электр қуатын өндірудің 7%-дан астамын құрады

<a href="https://kyzylorda-news.kz/">Kyzylorda-news.kz</a> Қазақстан Республикасының энергетика министрі Ерлан Ақкенженовтің БАҚ өкілдерімен кездесуі аясында Үкіметтің 2025 жылғы терең өңдеу және мұнай-газ химиясы секторындағы жұмысының қорытындысы шығарылды.Мұнай-газ химиясы саласында экономиканың шикізатқа тәуелділігін әртараптандыруға және төмендетуге арналған дәйекті бағыт жүзеге асырылуда. Отандық мұнай-газ химиясы тұрақты екі таңбалы өсім қарқынын көрсетіп отыр және шикізат емес экспорттың негізгі драйверлерінің бірі ретінде қалыптасуда.<blockquote>«Мұнай-газ химиясындағы өнім өндірісінің көлемі 12%-ға өсті. Қазақстан терең өңделген полипропилен, бензол және параксилол сынды өнімдерді сыртқы нарықтарға жүйелі түрде жеткізуді бастады», – деп атап өтті Ерлан Ақкенженов.</blockquote>Саланың стратегиялық дамуы ауқымды құрылыс кезеңімен тығыз байланысты. Елімізде әлемдік деңгейдегі ерекше мұнай-химиялық кешендер салынып жатыр. Атырау облысында полиэтилен зауытының болашақ пиролиз қондырғысының құрылысы 30%-дан астамына орындалды. Павлодарда алкилат шығаратын кәсіпорынның құрылысы басталды.

Үкімет Мемлекет басшысының тапсырмаларын орындау бойынша жыл қорытындысын шығаруда: Қазақстанда мұнай-газ химиясы өнімдерін өндіру көлемі 12%-ға ұлғайды

Архив