<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің тұрғындармен кездесулері тұрақты түрде жалғасуда. Бүгінгі күнге дейін аудандағы 12 ауылдық округ пен 2 кенттің жетеуінде өткізілген кездесу Ақжар, Ақтөбе және ІІІ Интернационал ауылдық округтерінде жалғасты. Соңғы уақытта бұл елді мекендерде ауыл инфрақұрылымын жаңғырту және әлеуметтік нысандарды жақсарту бағытында бірқатар ауқымды жобалар жүзеге асырылды.Ақжар ауылында Абай, Ш.Уәлиханов, Р.Жиенбаев және С.Сейфуллин көшелеріне күрделі жөндеу жүргізіліп, жалпы құны 389 млн теңгені құрады. Сонымен қатар, Ораз ахун көшесінің жанындағы спорт алаңы ағымдағы жөндеуден өтіп, 10,3 млн теңге қаражатына ауыл тұрғындарының пайдалануына берілді. Ауылдың көркеюіне қосқан үлесі үшін Ақжар ауылдық округі облыс көлемінде өткізілген «Үлгілі елді мекен» конкурсында биыл III орын алып, арнайы техникамен марапатталды.&nbsp;Ақтөбе ауылында да әлеуметтік мүмкіндіктер кеңейіп, тұрмыс сапасын жақсартуға бағытталған жұмыстар жүргізілді. Атап айтқанда, Ы.Сейтенов, Т.Салқынбайұлы және Н.Сералиев көшелері толықтай жарықтандырылды. Ауыл ауыз сумен толық қамтамасыз етіліп, аяқ су мәселесі де оң шешімін тапты. А.Иманов және Кеңсе көшелеріне жарық бағаналарын орнату үшін 16 млн теңге бөлінген. Мәдениет саласын дамыту мақсатында ауылдық клуб үйіне 5 млн теңгеге LED экран және арнайы құрал-жабдықтар сатып алынды.Интернационал ауылдық округінде Цай Ден Хак, Наурыз және Сахи Жарылқасынов көшелеріне 11,4 млн теңгеге ағымдағы жөндеу жұмыстары жүргізілді. Ал Қорқыт ата, Бәйтерек, Тәуелсіздік, Пак Чен Ир, Амангелді, Қазақ және Цай Ден Хак көшелерін жарықтандыруға арналған жобалау-сметалық құжаттамалары әзірленуде. Сонымен қатар 7,8 млн теңгеге Урман каналына су айдайтын электронасостарын қосуға қажетті КТПН сатып алынып, электр желілері мен бағаналары орнатылды.Жиынды қорытындылай келе, Жандос Еркінбек ауылдардың әлеуеті жыл сайын артып келе жатқанын, биылғы көрсеткіштер де алдағы жұмыстарға зор серпін беретінін айтып, жаңа жобалардың іске асатынына сенім білдірді.<img src="https://knadmin.beoblood.kz/uploads/arma_shy_kimi_t_r_yndarmen_kezdesu_2_9a4ee7d511.jpg" alt="Қармақшы әкімі тұрғындармен кездесу 2.jpg">

Ауылдардың өркендеуі – жүйелі жұмыстың нәтижесі

<a href="https://kyzylorda-news.kz/">Kyzylorda-news.kz</a> Жұмысшы топ қала аумағында заңсыз құрылыс пен тазалық талаптарының орындалуын бақылау мақсатындағы рейдтік іс-шараларды жалғастыруда.&nbsp;Аралау барысында тазалық тәртібі мен белгіленбеген орындарда заңсыз құрылыс жасау және абаттандыру қағидаттарын бұзу фактілері анықталды. Аталған жағдай бойынша тұрғындарға және кәсіпкерлік нысан иелеріне талаптарды сақтау жөнінде ескерту жасалды. Қала әкімдігі тарапынан шаһар тазалығын сақтау мен экологиялық жағдайды жақсарту бағытында шаралар күнделікті жүргізілуде.

Түсіндірме жұмыстары жалғасуда

<a href="https://kyzylorda-news.kz/">Kyzylorda-news.kz</a> Қызылорда өңірінде Мемлекет басшысының "Таза Қазақстан" жалпыұлттық бастамасы аясында "Таза бейсенбі" акциясы жалғасуда.&nbsp;"AMANAT" партиясы Байқоңыр филиалының ұйымдастыруымен Байқоңыр қалалық көпбейінді аурухананың аумағы тазартылды.&nbsp;<blockquote>"Таза бейсенбі" акциясына қатысу – әрбір азаматтың табиғатты қорғауға қосқан үлесі. Партия мүшелері туған жерін таза әрі көрікті етуге атсалысып жатыр. Әрбір жиналған қоқыс, тазаланған аумақ – болашақ ұрпаққа қалдырар аманатымыз. Біз осындай іс-шаралар арқылы қоғамда экологиялық мәдениетті қалыптастырамыз деп сенемін", - деді партияның Байқоңыр филиалының Атқарушы хатшысы Мақсат Есбенбетов.&nbsp;</blockquote>Игі іске "Денсаулық" БПҰ мүшелері, қоғам белсенділері мен жастар, жалпы 40-ға жуық азамат үлес қосты. Экологиялық акция барысында 100 метр жер аумағы тазартылып, 11 қап қоқыс жиналды.

Денсаулық сақтау саласының өкілдері тазалық акциясына атсалысты

<a href="https://kyzylorda-news.kz/">Kyzylorda-news.kz</a> Қазалы ауданындағы Шәкен ауылына ауыз су қосу рәсімі өтті. Оған облыстық мәслихат төрағасы Мұрат Тлеумбетов, облыс әкімінің орынбасары, ҚР Президентінің «Байқоңыр» кешеніндегі арнаулы өкілі Қайрат Нұртай, зиялы қауым өкілдері мен ауыл тұрғындары қатысты.Облыстық мәслихат төрағасы аймақта Мемлекет басшысының ауылдарды 100 пайыз ауыз сумен қамтамасыз ету тапсырмасының орындалу барысы туралы айтты.<img src="https://knadmin.beoblood.kz/uploads/Sh_ken_eldi_mekenine_su_berildi_2_457b8c1126.jpg" alt="Шәкен елді мекеніне су берілді 2.jpg"><blockquote>«Президентіміз халықты таза ауыз сумен қамтамасыз ету айрықша маңызды міндет деп белгілегені белгілі. Осы бағытта қабылданған нақты шаралардың арқасында бүгінде қала халқының және ауыл тұрғындарының көпшілігіне таза ауыз су жеткізілді. Сумен жабдықтау жүйесін салу және жаңғырту – Мемлекет басшысының тапсырмасы, Үкімет жұмысының басым бағытының бірі. Қалалар мен ауылдардың барлығына түгелдей ауыз су жеткізу жөніндегі тапсырма Сыр өңірінде сапалы орындалуда. Ауылымыздың дамуы мен келешегінің жарқын болуы тұрғындардың бірлігі мен татулығына тікелей байланысты. Ауыз судың тартылуы әрбір отбасының тұрмысына, өмір сапасына оң әсер ететіні сөзсіз. Өңіріміздің жарқын болашағы үшін еңбек етіп жүрген барлық жерлестерімізге шексіз алғысымды білдіріп, әр шаңыраққа амандық, молшылық пен береке тілеймін», – деді Мұрат Жолкелдіұлы.</blockquote>Рәсімде аға буын өкілдері, ауыз су жүргізген мердігер мекеме қызметкерлері облыс әкімінің Алғыс хатымен марапатталды. Шәкен ауылдық ардагерлер кеңесінің төрағасы Әзілхан Үмбетов сөз сөйлеп, игі тілегін жеткізді.Аймақта 2022 жылдан бері қолға алынған 14 млрд. теңгенің 60 жобасы тұрғындардың сапалы ауыз су пайдалануын қамтамасыз етіп, жаңа экономикалық мүмкіндіктерге жол ашты, тұрмыс сапасын едәуір жақсартты. Өткен жылдың қорытындысымен облыс халқын орталықтандырылған ауыз су жүйесімен қамту деңгейі 98,6 пайызға жеткен. Биыл бұл көрсеткіш 100 пайыз болмақ.<img src="https://knadmin.beoblood.kz/uploads/Sh_ken_eldi_mekenine_su_berildi_3_af76d8a82b.jpg" alt="Шәкен елді мекеніне су берілді 3.jpg">

Қазалы: Шәкен елді мекеніне ауыз су берілді

<a href="https://kyzylorda-news.kz/">Kyzylorda-news.kz</a> Қазақстанда балаларға арналған ұйымдарды тексеру тәртібі өзгерді, деп хабарлайды Оқу-ағарту министрлігіне сілтеме жасаған <a href="https://kaz.nur.kz/society/2319287-endi-uakiletti-organ-balalarga-arnalgan-uiymdarga-zhospardan-tys-tekseru-zhurgize-alady/">KAZ.NUR.KZ.</a>Ведомствоның мәліметінше, елімізде 2026 жылғы 1 ақпаннан бастап мемлекеттік бақылаудың жаңа тәртібі күшіне енеді.Бұл тәртіп уәкілетті органға мемлекеттік бюджеттен қаржыландырылатын және балалардың тамақтануын, жатын орнын қамтамасыз ету, білім беру, тәрбиелеу және сауықтыру қызметтерін көрсететін ұйымдарды қызметі басталар алдында және оны көрсету барысында кенеттен тексеруге құқық береді. Бұл бақылау шараларын жедел жүргізуге және ықтимал бұзушылықтарды дер кезінде анықтауға жағдай жасайды.Мемлекеттік бақылау "Қазақстан Республикасындағы баланың құқықтары туралы" заңымен реттеледі. Ол бақылаудың арнайы тәртібін бекітіп, көрсетілетін қызметтердің сапасы мен қауіпсіздігіне қойылатын талаптарды күшейтеді.<blockquote>"Кенеттен тексерулерді енгізу балалардың қорғалуын, мемлекеттік бақылауды күшейтеді. Енді уәкілетті орган нақты бұзушылықтар туралы сигнал түскен жағдайда өз шешімімен тексеру тағайындап, нысанға дереу шыға алады. Сигнал түскен кезде нысанға жоспардан тыс тексеру жүргізіледі", - деп түсіндірді Оқу-ағарту министрлігі Балалардың құқықтарын қорғау комитетінің төрағасы Насымжан Оспанова.</blockquote>Фото: Нұрболат Нұржаубай

Қазақстанда балаларға арналған ұйымдарды тексеру тәртібі өзгерді

<a href="https://kyzylorda-news.kz/">Kyzylorda-news.kz</a> &nbsp;“AMANAT” партиясы Байқоңыр филиалының атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров Төретам кенті мен Ақай ауылдық округінде орналасқан азық-түлік дүкендеріне мониторинг жұмыстарын жүргізді.Зерделеу барысында азық-түлік дүкендерінде тауарлардың сатылымдағы бағаларына сәйкес айырмашылықтарына мән беріліп, жіті бақыланды.Кәсіпорын иелерімен де тілдесіп, олардың ой-пікірлері мен ұсыныстары тыңдалды.Сондай-ақ мониторингтік топ тарапынан тұрғындар көп тұтынатын азық-түлік өнімдері бағаларын шекті бағадан қымбаттатпау қажеттігі жөнінде түсіндірме жұмыстары жүргізілді.Бағаны тұрақты деңгейде ұстап тұру мақсатында мониторинг жұмыстары тұрақты түрде жүргізіледі.

Баға тұрақтылығына бақылау жалғасуда 

<a href="https://kyzylorda-news.kz/">Kyzylorda-news.kz</a> Қаржылық тепе-теңдікті сақтай білу – қазіргі уақытта әлемдегі ең маңызды дағдылардың бірі. Сондықтан бүгін Fingramоta.kz сізге кредиттер мен жинақтар болған кезде ақшаны басқарудың тұрақты жүйесін қалай құру керектігін айтып береді.Кредит — зиян, жалғыз дұрыс жол ақша жинақтау деген пікір кең таралған. Бірақ іс жүзінде екеуі де адамның қолындағы құрал ғана: сіз біреуінің пайдасын жоғары қойып, екіншісінен бас тартпауыңыз керек, бірақ оларды ақылмен қолдануды үйрену керек.Жинақ орнықтылық жастығын жасайды: күтпеген шығындардан, кірістің жоғалуынан, дағдарыстан аман қалуға мүмкіндік береді. Кредит, өз кезегінде, мақсатқа жылдам қол жеткізуге көмектеседі немесе қиын жағдайдан құтқарады (ипотека, білім алуға немесе бизнеске қарыз алу).Екеуінің арасындағы сауатты тепе-теңдік борыш құрсауынан қорғайды, &nbsp;сонымен бірге инфляцияға байланысты ақшаның құнсыздануына жол бермейді. Кредиттің барлық кірістерді «жеп қоюына» жол бермеу керек, ал жинақ нақты пайда әкелмей, тек «кейінгі» жоспарлар болып қала бермеуге тиіс.Бірінші қадам: қаржылық қолдау нүктесін есептеңізЕң алдымен қанша ақша табатыныңызды, жұмсайтыныңызды және үнемдей алатыныңызды түсіну маңызды. Есептеу үшін таза кірісті, міндетті шығыстарды (жалдау немесе ипотека, коммуналдық төлем, жол жүру), өзгермелі шығыстарды (тамақ, киім, медицина, ойын-сауық), мерзімді шығыстарды (демалыс, сыйлықтар, салықтар) ескеріңіз. Бұл уақытша бос ақша қалдығын немесе жинақтар мен кредиттер арасында бөлуге болатын соманы анықтау үшін қажет.Мынадай көрсеткіштерге сүйенуге болады: жинақтар — кірістің 10-20%-ынан, кредит бойынша төлем — 30-35%-дан аспайды. Отбасының кірісі 500 000 теңгені құрайды деп есептеп көрейік:міндетті, өзгермелі және мерзімді шығыстар – шамамен 275 000 теңге;жинақтар – 75 000 теңгеден кем емес;кредиттер — ең көбі 150 000-170 000 теңге.Екінші қадам: ешқандай жағдайда қауіпсіздік жастықшасын жасауды ұмытпаңыз – бұл сіздің негізгі қорғаныс құралыңызҚаржы жастықшасының басты пайдасы – ол емделуге, жөндеуге және болжаусыз шығыстарға «шарасыздықтан» кредит алуға тура келетін жағдайдан қорғайды. Оның ең төменгі көлемі үш айдағы, оңтайлысы – алты айдағы шығыстарды өтеуге тиіс. Қауіпсіздік үшін жинақтарды: ішінара алу мүмкіндігі бар депозиттер, қолма-қол ақша және инвестициялар сияқты әр түрлі нұсқаларда сақтаңыз.Жинақтарды бөлудің әр түрлі нұсқалары бар: консервативті жағдайда сіз 100 000 теңгенің 60 000 теңгесін теңгемен депозитке, 20 000 теңгені валюталық депозитке аударып, тағы 20 000 теңгені сейфте сақтай аласыз. Егер сіз инвестицияларды зерттеген болсаңыз, онда теңгерімді нұсқаны таңдай аласыз: депозиттерге 40 000 теңге, акцияларға және мемлекеттік бағалы қағаздарға 50 000 теңге, ал сейфке 10 000 қолма-қол ақша жинай аласыз.Өзіңізге қандай кредиттер қажет екенін анықтап алыңызӘрбір кредитті қарызға батыратын қадам деп санаудың қажеті жоқ, бірақ стратегияңыз болмаса, келтіретін зияны бар. Сондықтан кредит ресімдемес бұрын жоспарланған кредиттің қай топқа жататынын шешіп алыңыз. Әдеттегі себептер – үй сатып алу, білім алу, бизнес бастау немесе оны кеңейту, күрделі жөндеу шығыстары. Қауіпті себептер – «мәртебе үшін» бренд заттар мен қымбат техниканы сатып алу, сыйлықтар, демалыс турлары.Кредит алуға дайындалып жатқанда, өзіңізге үш сұрақ қойыңыз:- Осыны маған қазір сатып алу қажет пе?- Дұрысырақ баламасы бар ма — мысалы, дәл соны сатып алу үшін қаражат жинау- Кредит бойынша төлемдер менің қаржылық теңгерімімді бұза ма?Төртінші қадам: кірісіңізді нақты бөліп қойыңызКлассикалық және тиімді нұсқасы бар — «50/30/20 ережесі». Кірісіңіздің 50%-ы міндетті шығыстарға (ипотека немесе тұрғын үйді жалдау ақысы, тамақ және көлік төлемдері), 30%-ы ойын-сауыққа (кафеге, киноға, театрға бару) және 20%-ы жинақтауға жұмсалады. Сол 500 000 теңгені алсақ: 50 000-ды міндетті шығыстарға, 30 000-ды ойын-сауыққа, 20 000-ды жинақтауға жібереміз.Бесінші қадам: төлеп отырған кредиттеріңізді оңтайландырыңызЕгер кредиттеріңіз бұрыннан болса, оларды төлеу ғана емес, басқару да маңызды. Мысалы, сіз қайта қаржыландыра аласыз немесе «қарлы кесек» (кредиттерді ең азынан ең көбіне дейін кезекпен өтеу) және «қар көшкіні» (алдымен пайыздық мөлшерлемесі үлкен кредитті жабыңыз, содан кейін одан азын, одан әрі одан да азын және т.б.) стратегияларын қолдана аласыз.Алтыншы қадам: инфляцияны және теңге бағамының ауытқуын ескеріңізТеңгемен және валютадағы депозиттер арасындағы бос ақшаны сұрыптаңыз. Сіз депозит форматтарының ішінен де таңдай аласыз: мерзімді емес (ақшаны шектеусіз толтыруға және алуға болады), мерзімді (ішінара алсаңыз, сыйақыны жоғалтасыз) және жинақтау (жоғары пайызбен, бірақ мерзімінен бұрын ала алмайсыз). Мұның бәрі сіздің мақсаттарыңыз бен мүмкіндіктеріңізге байланысты: сізге қаражат шұғыл қажеттілік үшін қажет, үлкен соманы жинау немесе капиталды инвестициялау үшін қажет.Жетінші қадам: ірі мақсаттарды алдын ала жоспарлаңызБаспана, оқу, көлік, демалыс бір-үш жыл бұрын жоспарлағаны дұрыс. Осының арқасында сіз қаражатыңызды есептеп, ең қолайлы мерзімді анықтап аласыз, жинақтау құралын таңдап, кредиттің қажет не қажет еместігін, әлде мәселені онсыз да шеше алатыныңызды бағамдайсыз. Жоспарлауды неғұрлым ерте бастасаңыз, кредитке деген тәуелділік те соғұрлым аз болады.<img src="https://knadmin.beoblood.kz/uploads/2605_infografika_kaz_63_e49a6ddfb2.png" alt="2605-infografika-kaz-63.png">Өзіңізге, ақшаңызға сақ болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Жинақтар және кредиттер: кірістер мен шығыстарды қалай теңестіруге болады?

<a href="https://kyzylorda-news.kz/">Kyzylorda-news.kz</a> 10 желтоқсан күні Астанада Халықаралық «Қазақ тілі» қоғамының жылдық қорытынды құрылтайы өтті. Құрылтайға ҚР Президентінің көмекшісі – Баспасөз хатшысы Желдібай Руслан Сұлтанұлы, ҚР Парламент депутаттары, Халықаралық «Қазақ тілі» қоғамының құрылтайшылары және Орталық кеңес мүшелері, қор демеушілері, өңірлік филиал төрағалары мен делегаттар қатысты.Халықаралық «Қазақ тілі» қоғамының басшысы Рауан Кенжеханұлы 2025 жылға арналған іс-қимыл жоспары аясында атқарылған жұмыстарды таныстырды. Соңғы үш жылда 60-тан астам, ал биылдың өзінде аймақтық, республикалық және халықаралық деңгейдегі 25-ке жуық іс-шара өткізіліп, қазақ тілінің мәртебесін арттыру мен қолданыс аясын кеңейту бағытында маңызды жобалар жүзеге асырылды.Мазмұндық бағыттағы жұмыс Абай Құнанбайұлының 180 жылдығына орай оның академиялық жинағын қазақ, ағылшын, орыс және қытай тілдерінде жариялаумен жалғасты. Бұған қоса ана тіліміздің рухани мәртебесін көтеретін бірқатар кітап аударылып, басылып шықты.«Қазақ тілі» қоғамының бастамасымен Disney және Pixar студияларының танымал фильмдері қазақ тіліне дубляждалды. Биыл «Ақшақар», «Элио», «Лило мен Стич», «Аңдар шаһары 2» сияқты танымал туындылары кассалық табыс көрсеткіштері бойынша рекорд жаңартты. Мәселен, 27 қарашадан бастап кинопрокатқа шыққан «Аңдар шаһары 2» анимациялық фильмі алғашқы аптада-ақ Қазақстан мен Орталық Азия бойынша жалпы табыстың 15,5 пайызын қазақша нұсқа есебінен жинады.Білім беру саласындағы қазақ тілі мен әдебиеті пәнін оқытуға әдістемелік қолдау көрсету жұмысы жалғасуда. Алматы, Қарағанды және Абай облыстарында өткен форумға екі мыңға жуық қазақ тілі мен әдебиеті пәні мұғалімі қатысып, педагогтардың кәсіби қауымдастығы кеңейе түсті.Биыл алғаш рет «Білім-Инновация» халықаралық қоғамдық қорымен бірлесіп «Ана тілі» республикалық зияткерлік олимпиадасы ұйымдастырылды. Олимпиадаға еліміздің барлық өңірінен 5 000 оқушы қатысып, ақтық сынға 64 команда өтті. Жеңімпаз 8 оқушыға жетекші жоғары оқу орындарының гранттары табысталды. Сонымен қатар «Жарқын болашақ» шығармашылық олимпиадасы жалғасын тауып, үздік оқушыларға білім гранттары ұсынылды.Қазақ тілін жаңа технологияға бейімдеу мақсатында «Жаңа сөз» жобасы қолға алынды. Til.kz платформасында жүзеге асырылып жатқан бастама тың құбылыстар мен ұғымдарға ұлттық сипаттағы балама қалыптастыруды, қоғамды сөзжасам процесіне кеңінен тартуды көздейді.Сондай-ақ биыл «Жыл сөзі – 2025» жобасы басталды. Жоба аясында қоғамда, медиада және әлеуметтік желілерде кең қолданылатын сөздер анықталды. Сауалнама нәтижесінде биылғы ең жиі қолданылған сөз – «жасанды интеллект», ең танымал кірме сөз – «чатбот», жаңа сөз – «сұхбаткер», ал жиі айтылған цитата – «әр күн – жаңа мүмкіндік» екені анықталды.Шайсұлтан Шаяхметов атындағы «Тіл-Қазына» орталығымен бірге «Ұлттық диктант» жобасы ұйымдастырылды. Мәдени-ағартушылық бастамаға офлайн және онлайн форматта 300 мыңға жуық азамат қатысты. Бұл – жазу мәдениетін қалыптастыруға қоғамдық сұраныстың артқанын көрсететін маңызды көрсеткіш.Мемлекет басшысының АҚШ-қа ресми сапары кезінде Халықаралық «Қазақ тілі» қоғамы мен OpenAI компаниясының ChatGPT-дің қазақ тіліндегі мүмкіндіктерін дамыту туралы келісім жасады. Келіссөз аясында қазақ тіліндегі деректер көлемін ұлғайту, модельдер дәлдігін арттыру және сапалы оқу контентін интеграциялау мәселелері талқыланды.«Қазақ тілі» қоғамының мүшелері үшін ортақ цифрлық кеңістік қалыптастыру мақсатында Qazaq Tili Qogamy мобильді қосымшасы әзірленді. Қосымша арқылы кез келген азамат қоғамдастыққа қосылып, серіктес компаниялардың қызметіне жеңілдіктер мен KITAP платформасына тегін жазылым алады. Жазылымнан түскен қаражаттың бір бөлігі Qazaq Tili Endowment қорының бастамасымен іске асатын тіл дамыту жобаларына жұмсалады.2023 жылы құрылған Qazaq Tili Endowment қорына Мемлекет басшысының алғашқы қолдауынан кейін ірі кәсіпкерлер мен компаниялардың үлес қосуы арқылы 700 миллион теңгеден аса қаражат жиналды. Қор қаражаты жұмсалмайды. Биылғы үстеме табыс мөлшері 80 миллион теңгені құрады. Бұл Қоғамның қаржылық дербестігін нығайтуға мүмкіндік берді.Құрылтай барысында Qazaq Tili Endowment Foundation қорының қызметі, жарна туралы, Қоғам атынан берілетін марапаттар ережесі және аймақтық филиал төрағаларын сайлау ережелері таныстырылды. Алдағы кезеңде қазақ тілін оқыту сапасын арттыру, оқу сауаттылығын күшейту, бизнесте, IT саласында және қоғамдық өмірде қазақ тілін кеңінен қолдану, сондай-ақ қазақ тілді контентті цифрлау жұмыстарына ерекше басымдық беріледі. Осы мақсатта 2026 жылға арналған іс-қимыл жоспары бекітіліп, жаңа міндеттер белгіленді.

Президенттің қазақ тілі эндаумент қорына салған үлесі 100 есе өсті

<a href="https://kyzylorda-news.kz/">Kyzylorda-news.kz</a> Жүктілік – денсаулыққа ерекше назарды қажет ететін кезең. Осы ретте, көптеген болашақ аналарды «МӘМС жүйесінде сақтандырылған мәртебесін алу, жарна төлеу қажет пе,қандай медициналық қызметтерді тегін алуға болады» &nbsp;деген сұрақтар мазалайды.Бұл мәселелер бойынша Әлеуметтік медициналық сақтандыру қорының ресми өкілі Забира Оразалиева түсіндіріп берді.Мен жүкті әйелмін және ресми түрде жұмыс істеймін. Маған жарна төлеу керек пе?Егер сіз ресми түрде жұмыс істесеңіз, МӘМС-ке жарналар мен аударымдарды жұмыс беруші төлейді. Ай сайын еңбекақыңыздан 2% мөлшерінде жарна ұсталады. Ал, жұмыс беруші өз қаражаты есебінен 3% аударым жасайды. Жүктілік бойынша демалысқа шыққанға дейін бұл міндеттемелер толықтай жұмыс беруші тарапынан сақталады.Мен жүкті әйелмін, еш жерде жұмыс істемеймін, жеке кәсіпкерлігім жоқ. Сақтандыруды қалай аламын?Жұмыс істемейтін жүкті әйелдер – мемлекет жарна төлейтін жеңілдік санатына жатады. Ол үшін өзіңіз тіркелген емханаға барып, жүктілік бойынша есепке тұру қажет. Деректер жүйеге енгізілгеннен кейін әйелге «сақтандырылған» мәртебесі беріледі. Яғни, жарнаны өзіңіз төлеудің қажеті жоқ.Мен жүкті әйелмін және жеке кәсіпкер ретінде тіркелгенмін. Табысым жоқ, «нөлдік» есеп тапсырамын. Жеңілдік санатына кіремін бе?Жеңілдік санатына жұмыс істемейтін жүкті әйел ғана кіреді. Яғни, жүктілік бойынша есепте тұрған, ресми жұмыс істемейтін әрі жеке кәсіпкер ретінде тіркелмеген әйел. Егер, сіз жеке кәсіпкер ретінде тіркелген болсаңыз және қызметіңіз ресми тоқтатылмаса, МӘМС-ке жеке кәсіпкер ретінде жарна төлеуіңіз қажет (2025 жылғы төлем мөлшері – 5 950 теңге).Жеке кәсіпкерліктің табысы болмауына байланысты «нөлдік» есепті тапсыра бересіз. Бірақ, төлем жүргізу тоқтамайды. Жеңілдік санатына ену үшін жеке кәсіпкерліктің қызметін ресми түрде тоқтату қажет.Мен ресми жұмыс істемеймін, бірақ жүкті бола тұра жеңілдік мәртебесінен шығып қалдым. Неліктен?Жүйеде міндетті зейнетақы жарналары немесе әлеуметтік аударымдар пайда болған жағдайда жеңілдік мәртебесі алынып тасталуы мүмкін. Бұл – әйелдің табыс алып, «жұмыс істемейтін» санатына сәйкес келмейтінін білдіреді. Мұндай жағдай көбіне жүкті әйелдердің жеке кәсіпкер ретінде тіркеліп, аударымдар жасауы салдарынан орын алады. Мәртебені қалпына келтіру үшін жеке кәсіпкерліктің &nbsp;қызметін ресми тоқтату қажет.Жүкті әйелге МӘМС бойынша сақтандыру қажет пе?Иә. Барлық жүкті әйелдер МӘМС жүйесінде сақтандырылған болуы тиіс Себебі, жүктілік пен босануға қатысты медициналық көмектің басым бөлігі МӘМС аясында көрсетіледі.Жұмыс істейтін әйелдер – жұмыс берушінің аударымдары есебінен, жеке кәсіпкерлер – өз жарналары есебінен, ал жұмыс істемейтіндер – мемлекет есебінен сақтандырылады.Жүкті әйел қашан және қай жерде есепке тұруы керек?Әйел тұрғылықты мекенжайы бойынша тіркелген емханада есепке алынады. Егер бұрын басқа емханада қызмет алған болса, қоныс аударуына байланысты жақын аймақтағы емханаға тіркелуі қажет. Жүктілік бойынша медициналық есепке 12 аптаға дейін тұрған жөн.Жүкті әйелді есепке кім қояды?Есепке алу үшін әйел тіркелген емхананың акушер-гинекологына жүгінеді. Қабылдау МӘМС аясында жүргізіледі және сақтандырылған мәртебесін талап етеді.Егер әйел сақтандырылмаған болса, дәрігер жалпы практика немесе акушер қабылдауына жүгінуіне болады. Өйткені, бұл қызметтер ТМККК шеңберінде көрсетіледі.Есепке тұрғаннан кейін және табыс болмаған жағдайда жүкті әйел жеңілдік санаты бойынша сақтандырылған мәртебесіне ие болады.Жүкті әйелге емханада қандай медициналық қызметтер қолжетімді?Есепке тұрғаннан кейін әйелдің жағдайы тұрақты бақылауға алынады. Жүктілік кезеңіне сәйкес зертханалық талдаулар, үш кезеңді перинаталдық скрининг аясында УДЗ зерттеулері, қажет болған жағдайда бейінді мамандардың кеңесі жүргізіледі.Сонымен қатар, &nbsp;әйел денсаулық жағдайына &nbsp;байланысты тәуліктік немесе күндізгі стационарға жолданады. Барлық қызметтер ТМККК және МӘМС аясында көрсетіледі.&nbsp;«Ана мен бала денсаулығы – денсаулық сақтау жүйесінің ерекше бақылауында. Сол себепті жүктілікті уақытылы есепке қойып, әр триместрде белгіленген тексерулерден өту маңызды. Бұл ана мен баланың денсаулығын қорғауға және асқынулардың алдын алуға көмектеседі», – деп қорытындылады ӘМСҚ өкілі Забира Оразалиева.Фото: freepik

Жүкті әйелдердің МӘМС бойынша жиі қоятын сұрақтары

<a href="https://kyzylorda-news.kz/">Kyzylorda-news.kz</a> &nbsp;“AMANAT” партиясының облыстық филиалының төрағасы Жандос Базартай азаматтарды жеке мәселелері бойынша қабылдау жүргізді.Онда мүмкіндігі шектеулі жандарға мемлекеттік қолдау шаралары, тұрғын үй-коммуналдық тақырыптар және кәсіпкерлікті қолдау бойынша өтініштер мен ұсыныстар айтылды.Мүмкіндігі шектеулі жанның мүгедектік тобын қайтадан анықтау бойынша кеңестер беріліп, қолданыстағы заң нормалары түсіндірілді.Қызылжарма ауылындағы жол мәселесіне тиісті сұратулар жүргізіліп, мәселе оңтайлы шешілгенше жеке бақылауында болатынын жеткізді.Кәсіпкерлік саласы бойынша ұсыныстарды жүзеге асыру мүмкіндіктері құзырлы мекемелермен бірлесіп қаралатыны және нәтижесі бойынша өтініш иесіне хабар берілетіні түсіндірілді.&nbsp;

Филиал төрағасы азаматтардың өтініш-тілектерін тыңдады

<a href="https://kyzylorda-news.kz/">Kyzylorda-news.kz</a> Ағымдағы жылы Қазақстан жүкті әйелдерге мамандандырылған көмектің қолжетімділігін кеңейтті және туа біткен даму кемістіктерін ерте анықтау жүйесін күшейтті. 18 перинаталдық орталықтың базасында «Бір күндік клиникалар» жұмыс істейді, онда 100 мыңға жуық жүкті әйел бір реттік келу шеңберінде зерттеп-қарауларды қоса алғанда, 500 мыңнан астам қызмет алды.Бағдарламаны іске асыру ұрықтың туа біткен кемістіктерін анықтаудың 13%-ға өсуіне, пренаталдық скринингтермен қамтудың 8%-ға ұлғаюына, даму кемістіктерінен нәресте өлімінің 15%-ға және даму кемістіктерінен бастапқы мүгедектіктің 7,5%-ға төмендеуіне әкелді.Жоғары технологиялық көмек дамуда: феталдық хирургия енгізілді. 2025 жылы 92 жатырішілік операция жасалды, 105 болашақ нәрестенің өмірі сақталды. Көп ұрықты 79 жүкті әйел сәтті босанды.Уақтылы мамандандырылған көмекті қамтамасыз ету үшін 22 облыстық перинаталдық орталықта Ұрықты қорғау орталықтары құрылды.2025 жылдың 9 айының қорытындысы бойынша нәресте өлімі тарихи ең төменгі деңгейге жетті — 1000 тірі туған нәрестеге шаққанда 5,84, бұл 2024 жылдың сәйкес кезеңімен салыстырғанда 19,3%-ға төмен.10 айда жаңа туған нәрестелердің өлімі 1 мың тірі туған нәрестеге шаққанда 3,4-тен 3,1-ге дейін төмендеді.

2025 жылы дәрігерлер феталдық хирургияның арқасында 105 болашақ нәрестенің өмірін сақтап қалды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен аудандық прокуратурадағы кадрлық өзгерістердің орын алуына байланысты арнайы мәжіліс өтті. Жиында аудан басшысы ауданда прокуратура органдарымен бірлесе атқарылған оң нәтижелі жұмыстар жайында айтып өтті.Мұнан кейін, аудандық прокуратурадағы кадрлық өзгерістерді таныстыру үшін ауданға арнайы жұмыс сапарымен келген Қызылорда облысы прокурорының орынбасары Сарпеков Мәди Нәбиұлына берді.Облыс прокурорының орынбасары Мәди Сарпеков Қазалы ауданының прокуроры лауазымына жаңадан тағайындалған Бекпанов Мадияр Ертарғынұлын аудан активіне таныстырды.Жиында аудан әкімі Алмасбек Әбілқасымұлы бұған дейін Қазалы ауданының прокуроры қызметін 3 жылдан астам уақыт бойы атқарып келген Дарын Елтайұлының еңбегіне тоқталып, қызмет барысында көрсеткен жоғары кәсіби деңгейі, заңдылық пен әділдікті сақтауға қосқан зор үлесі үшін облыстың ең жоғары марапаты – «Қызылорда облысының Құрмет Грамотасы» мен облыс әкімі Нұрлыбек Машбекұлы Нәлібаевтың «Алғыс хатын» табыстады.Мәжілісте аудандық мәслихат төрағасы Ғазиз Әліш пен аудандық ардагерлер кеңесінің төрағасы Оразғали Бекпанов құттықтау сөз сөйлеп, жаңадан тағайындалған аудан прокуроры Мадияр Ертарғынұлының жұмысына сәттілік тіледі.Бекпанов Мадияр Ертарғынұлы - 1980 жылы Арал ауданында дүниеге келген. Еңбек жолын 2003 жылы Қазалы ауданы прокурорының көмекшісі болып бастаған. Мұнан соң Қазалы ауданы прокурорының аға көмекшісі, Қызылорда облыстық прокуратурасының анықтау және тергеу заңдылығын қадағалау бойынша Басқармасының прокуроры, Қазалы ауданы прокурорының орынбасары, Қармақшы ауданы прокурорының орынбасары, Жалағаш ауданының прокуроры болып қызмет етті. 2020 жылдан бастап бүгінгі күнге дейін Арал ауданының прокуроры қызметін атқарып келді.

Архив