<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев ұлт руханиятында жасаған қызметімен қоғам құрметіне ие болған белгілі жазушылар Тынымбай Нұрмағамбетовті мерейлі 80 жасқа, Қуандық Түменбаевты 70 жасқа толуына орай құттықтады. Басқосуға қаламгерлердің замандастары, аймағымыздың зиялы қауым өкілдері қатысты.Облыс әкімі мерейтой иелерінің шығармашылығына тоқталып, құттықтау лебізін жеткізді.<blockquote>«Саналы ғұмырында еселі еңбегімен төрге озған, абырой биігінен көрінген ардақты аға буын қашанда құрметке лайық. Біз елдік іске адалдық танытқан, еліміз бен аймағымыздың әлеуметтік-экономикалық, мәдени-рухани дамуына үлес қосқан, халықтың қошеметіне бөленген азаматтарымызды ардақтап, лайықты құрмет көрсетіп келеміз.Қалам қуатымен еліне адал қызмет еткен салиқалы аға буынның қатарында Тынымбай Нұрмағамбетұлының тұлғалық келбеті, адами болмысы ерекше.Ағамыз 1945 жылы Жаңақорған ауданында дүниеге келген. Қызылордадағы Гоголь атындағы педагогикалық институттың қазақ тілі мен әдебиеті факультетінде, Мәскеудегі Горький атындағы Әдебиет институтында білім алған.Еңбек жолында «Су құрылысшысы» газетінде тілші, бөлім бастығы, Қызылорда облыстық радиокомитетінде аға редактор, Алматыдағы «Жазушы» баспасында редактор, «Қазақ елі» газетінде бас редактордың орынбасары, «Қазақфильм» киностудиясында жауапты қызметтер атқарды.Шығармашылық еңбек жолында 15 кітабы жарық көріп, пьесалары республика театрларында сахналанды. Туындылары орыс, украин, эстон, неміс тілдерінде аударылды.Қазақ әдебиеті – халқымыздың рухани қазығы, елдігіміздің айнасы. Шығармашылықтың төрінде Сіздей шыншыл, терең ойлы жазушылар тұрғанда, ұлтымыздың руханияты өркендей бермек.Халқымыз «Қос тойың қабат болсын» деген. Ұлттық рухты ұлықтап, елге адал еңбек етіп, саналы ғұмырын шығармашылыққа арнаған, журналистика, баспасөз саласында қызмет еткен Түменбаев Қуандық Ералыұлы ағамыз биыл мерейлі 70 жасқа толды.Қуандық Ералыұлы 1955 жылы Шиелі ауданында дүниеге келген. Қазақ Ұлттық университетінің журналистика факультетінде, Мәскеудегі Әдебиет институтында оқыған.Еңбек жолын 1977 жылы баспасөз саласынан бастап, «Лениншіл жас» газетінде тілші, «Жұлдыз» журналы, «Алматы ақшамы» газетінде бас редактордың орынбасары болды. Баспасөз және бұқаралық ақпарат министрлігінің, «Қазақстан» баспасының, «Үркер» роман-газетінің бас редакторы қызметтерін абыроймен атқарған, 30-дан астам кітаптың авторы. Шығармалары ағылшын, араб, орыс, түрік, неміс, кәріс, ұйғыр, қытай тілдеріне аударылған. Ағамыздың еңбектері терең мазмұнымен, көркемдігімен, шынайылығымен ерекше.Құрметті ел ағалары, мерейтойларыңыз құтты болсын! Сіздерге мықты денсаулық, ұзақ ғұмыр, отбасыларыңызға бақ-береке тілейміз!», – деді Н.Нәлібаев.</blockquote>Жиында қос қаламгерге Қызылорда облысының Құрмет грамотасы табысталып, дәстүрге сай шапан жабылды.Әдебиет зерттеушісі, филология ғылымдарының докторы, профессор Құлбек Ергөбек, әдебиет сыншысы, Қазақстан Жазушылар одағының мүшесі Амангелді Мырзабек жазушылардың өмір, шығармашылық жолы туралы айтып, құттықтауын жеткізді. Аймақ басшысы шараға арнайы келген Құлбек Ергөбек пен Амангелді Мырзабекке де сырбойылықтардың атынан сый-құрмет көрсетті.Қызылорда қаласы мен Қармақшы ауданының Құрметті азаматы Сәпен Аңсат, ақын, Қазақстан Жазушылар одағы Қызылорда облыстық филиалының төрайымы Қаршыға Есімсейітова жылы лебіздерін білдірді.Іс-шара соңында мерейтой иелері көрсетілген құрметке ризашылықтарын жеткізді.Фото: Қызылорда облысы әкімінің баспасөз қызметі

Аймақ басшысы жазушылар Тынымбай Нұрмағамбетов пен Қуандық Түменбаевты мерейтойымен құттықтады

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың Жарлығымен 2025 жыл – Жұмысшы мамандықтар жылы деп жарияланды. Бұл бастама – жастарды еңбекке баулуға, техникалық және жұмысшы мамандықтарының беделін арттыруға бағытталған.Аталған бастама аясында Қызылорда қаласының мектеп оқушылары өңірдегі жиһаз өндірісімен айналысатын «Панабек» серіктестігіне экскурсия жасап, кәсіпорынның жұмысымен танысты.Айта кетейік, облыс аумағында жиһаз өндірісімен 20-ға жуық шағын кәсіпорын айналысады. Олар негізінен тұрғын үйлер мен жатын бөлмелерге арналған жиһаз өнімдерін шығаруға маманданған.«Панабек» серіктестігі – осы салада 20 жылдан астам уақыт бойы табысты еңбек етіп келе жатқан кәсіпорын. Кәсіпорын өзінің сапалы өнімдері мен кәсіби шеберлігі арқылы өңір тұрғындарының сеніміне ие болып, облыс экономикасына елеулі үлес қосып келеді.<img src="https://knadmin.beoblood.kz/uploads/yzylordaly_o_ushylar_ndiris_ornymen_tanysty_bfd17e5836.jpg" alt="Қызылордалық оқушылар өндіріс орнымен танысты.jpg">Өндіріс қуатын арттыру мақсатында өңірлік инвестициялық орталығы арқылы 59 млн теңге көлемінде қаржы алынған. Нәтижесінде, қала аумағынан 1 гектар жер телімі сатып алынып, өндіріс толығымен автоматтандырылды. Қазіргі уақытта жылына 35 мың данаға дейін кеңсе, асхана, мектеп парталары мен басқа да жиһаз түрлері шығарылады.Өнімдер облыс тұрғындары арасында жоғары сұранысқа ие. Биыл кәсіпорын «Қазақстанның үздік тауары» өңірлік көрме-байқауында «Халыққа арналған үздік тауарлар» номинациясын жеңіп алды.Сонымен қатар, компания Мемлекет басшысының бастамасымен жүзеге асырылып жатқан «Келешек мектептері» ұлттық жобасы аясында 5 мектепті сапалы жиһазбен қамтамасыз етті.Мұндай іс-шаралар оқушылардың кәсіби бағдарын анықтап, жұмысшы мамандықтарына деген қызығушылығын арттыруға септігін тигізеді.<img src="https://knadmin.beoblood.kz/uploads/1_yzylordaly_o_ushylar_ndiris_ornymen_tanysty_1f05a35247.jpg" alt="1Қызылордалық оқушылар өндіріс орнымен танысты.jpg">

2025 – Жұмысшы мамандықтар жылы: Қызылордалық оқушылар өндіріс орнымен танысты

<a href="https://kyzylorda-news.kz/">Kyzylorda-news.kz</a> Жол-көлік апатынан соң жергілікті әкімдік осындай шешім қабылдады.Әкімдіктің хабарлауынша, «Қазақ халқына мың алғыс» алаңында өтеді деп жоспарланған гала-концерт пен отшашу болмайды.«25 қазан күні сағат 19:00-де «Қазақ халқына мың алғыс» алаңында жоспарланған гала-концерт пен отшашу өңірде қалыптасқан жағдайға байланысты өтпейді», – делінген облыс әкімдігінің мәлімдемесінде.Фото: .gov.kz

Архив

Аймақ басшысы жазушылар Тынымбай Нұрмағамбетов пен Қуандық Түменбаевты мерейтойымен құттықтады

2025 – Жұмысшы мамандықтар жылы: Қызылордалық оқушылар өндіріс орнымен танысты

Ақтөбеде мерекелік концерт пен отшашу болмайды

Қоңыр аюдан күш кеткен кез немесе егемендік декларациясы қабылданғанда