«Өнер орталығында» облыс әкімі Нұрлыбек Нәлібаевтың төрағалығымен, ҚР Оқу-ағарту министрі Жұлдыз Сүлейменова, ҚР Парламенті Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, құқық қорғауоргандары, аумақтық департамент, басқармабасшыларының, зиялы қауым, ата-аналар комитетіөкілдерінің, мектеп директорлары, тәрбие ісі жөніндегі орынбасарлары, сала мамандарының қатысуымен «Ұрпақ тәрбиесі – ұлт болашағы» атты кеңейтілген мәжіліс өтті.&nbsp; Аймақ басшысы білім саласында атқарылған жұмыстарға, ұрпақ тәрбиесіндегі ауқымды міндеттерге тоқталды.«Президентіміз Қасым-Жомарт Кемелұлы: «Тәртіп жалпыға ортақ құндылыққа, ал заңға бағыну әркімнің өмір салтына айналуы тиіс. Ол үшін өскелең ұрпақтың бойына осы бастан жасампаздық қасиеттерді сіңіріп, оларды тәртіпке баулу қажет», – деп, балаларға терең әрі тағылымды тәрбие берудің маңыздылығын атап өтті.&nbsp; Бұл тұрғыда қоғамда «Заң мен тәртіп»қағидатын орнықтыру, балалардың мүддесін, құқығы мен бостандығын қорғау – баршамыздың міндетіміз. Сәт сайын өзгеріп, көз ілеспес жылдамдықпен дамуға бет алған бүгінгідей дәуірде рухани құндылықтар мен ұлттық тәрбиеөзегінен ажырап қалмау керек. Бұл – маңызды мәселе!Біздің ең бірінші міндетіміз – балаларымыздың жан-жақты, сапалы білім және саналы тәрбиеалуына қолайлы жағдай жасап, жайлы ортақалыптастыру. Аймағымыздың білім беру саласына 2022-2025 жылдары 1 трлн. 159 млрд. теңге бөлінді. 2022 жылдан бері 42 заманауи білім беру нысанысалынып, пайдалануға берілді. «Келешек мектептері» ұлттық жобасы жобасы аясында 10жаңа мектеп салынып, ел игілігіне табысталды.2023 жылдан бері 9 мектеп жанынан қосымша ғимарат бой көтеріп, үш ауысымдық мектептер мәселесі түбегейлі шешімін тапты», – деді Нұрлыбек Нәлібаев.Жиында Жұлдыз Досбергенқызы, Наурызбай Сейтқалиұлы, Мұрат Абдуламитұлы, облыс прокуроры Ризабек Кәрімұлы, облыс әкімінің орынбасары Мейрамбек Зинабдинұлы, облыс прокурорының орынбасары Нұрболат Серікұлы, ата-аналар комитетінің мүшесі, айтыскер ақын, облыстық мәслихат депутаты Мұхтар Мәуленұлы ой-пікірлерін бөлісті.Мәжілісте көтерілген мәселелер бойынша жауапты сала басшыларына бірқатар тапсырма жүктелді. Аймақ басшысы мектепішілік және полиция органдарының есебіндегі оқушыларды үйірмелерге тарту, олардың жазғы демалысынтиімді ұйымдастыруды тапсырды. Ерекше бақылауды қажет ететін, түрлі санаттағы отбасылардан шыққан балаларды шығармашылық және спорттық секцияларға қатыстыру жұмысын жалғастыру керек.Жасөспірімдер мен жастар арасындағы құқықбұзушылықтың, кибербуллингтің және заңсыз ойынның алдын алуды күшейту қажет. Учаскелік полиция инспекторларына есепте тұрған жасөспірімдерді қатаң бақылауда ұстау жүктелді.Вейп өнімдерін пайдалануға және сатуға толық тыйым салу өте маңызды. Заңға қайшы әрекеттердің алдын алу үшін мектептердегікелеңсіз жағдайларға дер кезінде назар аударып, тәртіп бұзушылықтың алдын алуға уақытылы мән беру қажеттігі атап өтілді.<img src="https://knadmin.beoblood.kz/uploads/IMG_20260109_WA_0017_cd313aa1b6.jpg" alt="IMG-20260109-WA0017.jpg">

"Ұрпақ тәрбиесі – ұлт болашағы" атты кеңейтілген мәжіліс өтті

ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов пен Мархабат Жайымбетов 1500 орындық жаңа «Келешек мектебіне» арнайы барып, оқу ордасының тыныс-тіршілігімен танысты.2025 жылдың қыркүйек айында пайдалануға берілген заманауи мектепке Мырзабек Дүйсенов атындағы №15 мектеп-лицейі толықтай көшірілді. Құрылысы толық аяқталған жаңа ғимарат барлық заманауи талаптарға сай жабдықталған.Мектепте физика, химия, биология, математика, қазақ тілі, география пәндерінің арнайы зертханалары, STEM-зертхана, кітапхана, спорт және акт залдары, асхана, қауіпсіз ойын алаңдары бар.Кездесу барысында халық қалаулылары мектеп оқушыларының тың жобаларымен танысып, &nbsp;ұжымымен пікір алмасып, жас ұрпақтың сапалы білім алуына жасалған жағдайларға оң бағасын берді.«Келешек мектебі» – оқушының тұлғалық дамуына бағытталған, жаңашыл білім мазмұнын іске асырып отырған заманауи білім ордасы.<img src="https://knadmin.beoblood.kz/uploads/FB_IMG_1767990175740_18116a7e1a.jpg" alt="FB_IMG_1767990175740.jpg">

Жаңа мектеп – жаңа мүмкіндік

Мемлекет басшысы Қасым-Жомарт Тоқаев 2026 жылды «Цифрлық даму және жасанды интеллект жылы» деп жариялады.Бұл бастама білім мен технологияны дамытудың стратегиялық бағытын айқындайды.Бүгін ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов Қорқыт Ата атындағы Қызылорда университетінің жанындағы Жасанды интеллект институтының жұмысымен танысты.Бұл институт Сеул ұлттық ғылым және технологиялар университетімен (SeoulTech) серіктестікте құрылған және аймақтың инновациялық дамуына серпін беріп отырған халықаралық деңгейдегі ғылыми-білім беру орталығы болып табылады.Институтта жүзеге асырылатын бағдарламалар ақпараттық жүйелер, киберқауіпсіздік, компьютерлік бағдарламалау және бағдарламалық қамтама, информатика сонымен қатар қос дипломды бағдарлама бағытында жұмыс жүргізілуде.«2023–2025 жылдары қос дипломды бағдарламалар іске қосылып, академиялық ұтқырлық пен ғылыми-зерттеу бағыттары кеңейіп, студенттер халықаралық жарыстарда табысты нәтижелер көрсетуде. Жасанды интеллект институты – еліміздің жоғары білім беру жүйесін интернационалдандыруға, студенттердің жаһандық еңбек нарығына бейімделуіне және цифрлық қоғам құруға нақты үлес қосып отыр.»-дейді институт директоры Нұрлан Құлмырзаев.<img src="https://knadmin.beoblood.kz/uploads/FB_IMG_1767989913287_7443de687d.jpg" alt="FB_IMG_1767989913287.jpg">

Архив

"Ұрпақ тәрбиесі – ұлт болашағы" атты кеңейтілген мәжіліс өтті

Жаңа мектеп – жаңа мүмкіндік

Жасанды интеллект институтының жұмысымен танысты