<a href="https://kyzylorda-news.kz/">Kyzylorda-news.kz</a> Жалағаш ауданына жұмыс сапары барысында ҚР Парламенті Сенатының депутаттары, “AMANAT” партиясының мүшелері Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов ауданның ауыл шаруашылығы бағытындағы жұмысшыларымен Таң ауылында кездесу өткізді.Басқосу барысында ауыл еңбеккерлері тарапынан егінге жіберілетін судың жеткіліксіздігі және өсірілген өнімнің сатылмай қалуы секілді өзекті мәселелер көтерілді. Сенат депутаттары бұл жағдайларды назарға алып, тиісті министрліктер мен мекемелер деңгейінде қаралатынын жеткізді.<blockquote>«Ауыл шаруашылығы – ел экономикасының негізгі тірегі. Диқандардың мәселесі – мемлекеттің де мәселесі. Судың жетіспеушілігі мен өнімнің сатылмай қалуы – жүйелі шешімді қажет ететін түйткілдер. Бұл бағытта тиісті жұмыстар атқарылады», – деді Сенат депутаты Руслан Рүстемов.</blockquote>

Партия мүшелері еңбек адамдарымен кездесті

<a href="https://kyzylorda-news.kz/">Kyzylorda-news.kz</a> Мемлекет басшысы биыл Бурабайда өткен Ұлттық құрылтай отырысында халықтың спорттық инфрақұрылымдарға қолжетімділігін арттыру мақсатында облыс орталықтары мен аудандарда заманауи стадиондар мен спорт кешендерін салу мәселесіне ерекше тоқталған болатын.Бұл ретте Ел Президенті және Үкіметтің ерекше қолдауымен аймақ басшысы Нұрлыбек Машбекұлының бастамасымен былтыр Қызылорда қаласының сол жағалауында құны 20,9 млрд теңгені құрайтын 11 мың орындық жаңа стадионның құрылысы басталған болатын.Бұл стадион халықаралық стандарттарына сай салынып жатқандықтан әлемдік додаларды жоғары деңгейде өткізуге мол мүмкіндік береді.Бірегей нысанда жасыл алаңнан бөлек, олимпиадалық спорт түрлеріне арналған бокс залы, күрестің үш түріне арналған атап айтқанда дзюдо, грек-рим, еркін күрес залы, фитнес залы, спорттық гимнастика, таеквондо және ауыр атлетика залдары қамтылатын болады.Жаңа стадионның тағы бір ерекшелігі, халықаралық деңгейдегі «Фелипс» компаниясының өнімдері арқылы жарықтандырылатын болады. Бұл өз кезегінде, түрлі деңгейдегі мәдени-спорттық іс-шараларды жоғары деңгейде өткізуге септігін тигізбек. Бұдан бөлек, жанкүйерлерге арналған «Қайсар» футбол клубының жабдықтарын сататын арнайы дүкен және дәмхана қарастырылмақ.Осыған байланысты бүгін облыстық дене шынықтыру, спорт және туризм басқармасы басшысының орынбасары Жігер Оңдасынұлы 31 арнаға стадион құрылысы бойынша арнайы сұхбат берді.Аталған нысанды осы жылдың қыркүйек айында пайдалануға беру жоспарлануда.

Он бір мың орындық жаңа стадион жақын арада пайдалануға беріледі

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек ауыр атлетикадан жастар арасындағы Азия чемпионатының жеңімпазы, жерлесіміз Ерасыл Сәулебековті арнайы қабылдады.<blockquote>– Ерасыл – Қармақшының мақтанышы. Бұл жеңіс – тек спорттық табыс емес, жастарымыздың биікке ұмтылуына үлгі болатын тарихи сәт. Аудан атынан сіздерге алғыс айтып, жаңа белестерді бағындыруларыңызға тілектеспін,” – деп аудан әкімі.</blockquote>Аудан әкімі халықаралық аренада ел абыройын асқақтатқан Ерасылға Алғыс хат пен қаржылай сертификат табыстады. Сондай-ақ, қажырлы еңбегі мен табандылығы үшін жеке бапкері Айдар Ералиевке де құрмет көрсетілді.Шара барысында Қармақшы ауданының мәслихат төрағасы Әділ Қошалақов пен аудандық ардагерлер кеңесінің төрағасы Асқар Мереков құттықтау сөз сөйлеп, Ерасылдың жеңісі – аудан ғана емес, күллі Сыр өңірінің мерейін үстем еткен үлкен жетістік екенін жеткізіп, жас спортшымызға баталарын берді.Айта кету керек, қазіргі таңда Қармақшы ауданында бұқаралық спортты дамыту мақсатында жүйелі жұмыстар атқарылуда. Оның ішінде ауыр атлетика бөлімі 2014 жылдан бастап құрылып, әлем және ел біріншіліктерінің жеңімпаздары тәрбиеленіп шығуда. Бүгінде онда 50-ге жуық жас спортшы кәсіби деңгейге жету жолында еңбек етіп келеді.

Спорт: Ерасыл Сәулебековке құрмет көрсетті

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен өткен мәжілісте ауданның 2025 жылдың алғашқы жартыжылдығындағы әлеуметтік-экономикалық даму көрсеткіштері, республикалық, облыстық және аудандық бюджеттен бөлінген қаржыларды мерзімінде әрі тиімді игеру, салық базасын ұлғайту шаралары және өзге де маңызды мәселелер қаралды.2025 жылдың алғашқы жартысында ауданның экономикалық дамуында оң тенденция қалыптасып, өнеркәсіп өнімінің көлемі – 139,3 пайызға, өңдеу өнеркәсібі – 222,3 пайызға, инвестициялар тарту – 102,1 пайызға, бөлшек сауда – 101,2 пайызға, ауыл шаруашылығының жалпы өнімі – 102,5 пайызға, тұрғын үй көлемі – 105,4 пайызға, құрылыс жұмыстары – 111,5 пайызға орындалды.«Экономикалық өсім – бұл тек көрсеткіш қана емес, ол ең алдымен халықтың әл-ауқатын жақсартуға бағытталған нақты нәтижелермен өлшенуі тиіс. Сондықтан ауданның дамуы жолындағы жұмысты одан әрі жандандыруды, берілген тапсырмалардың уақытылы орындалуын қамтамасыз етуді тапсырамын», – деді А.Ибраимов.Сонымен қатар, аудан әкімі қаржыны тиімді игеру мен салық базасын кеңейтуге қатысты сала жетекшілеріне және бөлім басшыларына нақты хаттамалық тапсырмалар жүктеді. Жоспарланған шаралардың уақтылы әрі сапалы орындалуы – аудан дамуының негізгі тетігі екені тағы да ескертілді.Жиын қорытындысы бойынша берілген тапсырмалардың орындалу барысы тұрақты бақылауда болатыны ескертілді.<img src="https://knadmin.beoblood.kz/uploads/Zhala_ash_ekonomikaly_damu_2_0c749fcabb.jpg" alt="Жалағаш экономикалық даму 2.jpg">

Жалағаш: Экономикалық даму бағытында оң тенденция қалыптасты

<a href="https://kyzylorda-news.kz/">Kyzylorda-news.kz</a> Сыр бойындағы тіршілікке тірек болған Арал өңірі соңғы жылдары жаңа серпінмен дамып келеді. Мұнда әлеуметтік инфрақұрылымды жаңарту, денсаулық сақтау мен білім беру нысандарын жетілдіру, ауыл шаруашылығын ілгерілету бағытында ауқымды жобалар қолға алынған. Тұрғындардың өмір сапасын жақсартуға бағытталған жұмыстар өз нәтижесін беріп, ауданда жаңа нысандар бой көтеріп, халық игілігіне ұсынылуда. Осы және өзге де маңызды жобалардың жүзеге асу барысымен танысу мақсатында ауданға бұқаралық ақпарат құралдарының өкілдері үшін баспасөз туры ұйымдастырылды.Сексеуіл кентінде «Жайлы мектеп» ұлттық жобасы аясында 300 орындық жаңа мектептің құрылысы жүріп жатыр. Қазіргі таңда ішкі әрлеу және абаттандыру жұмыстары жалғасуда. Мердігер ұйым өкілдерінің айтуынша, нысан қыркүйек айында пайдалануға беріліп, оқушылар жаңа оқу жылын заманауи әрі жайлы ортада бастайды.<img src="https://knadmin.beoblood.kz/uploads/Aral_audany_zhoba_2_0054f1b176.jpg" alt="Арал ауданы жоба 2.jpg">Арал қаласындағы 1910 жылы салынған №14 мектеп-лицейде күрделі жөндеу жұмыстары жүргізілуде. Мектептің іргетасы берік сақталғанымен, инженерлік жүйелері толық жаңартылып, шатыр, терезе, еден ауыстырылып, сыртқы әрлеу және аула абаттандыру жұмыстары атқарылып жатыр. Бұл жұмыстар білім беру сапасына тікелей әсер ететіні сөзсіз.Денсаулық сақтау саласында да елеулі ілгерілеу байқалады. Арал аудандық көпбейінді орталық аурухана жанынан жапсаржай құрылысы жүріп жатыр. 40 төсектік нысанда кардиология мен инсульт бөлімшелері болады. Қажетті медициналық жабдықтармен қамтылған жапсаржай іске қосылған соң, аудан халқына кешенді әрі жоғары сапалы медициналық көмек көрсетілетін болады. Бұған қоса, 25 төсектік жұқпалы аурулар бөлімшесінің құрылысы да жүргізілуде.БАҚ өкілдері «Қамқорлық» оңалту орталығының құрылыс барысымен де танысты. Қазіргі уақытта ішкі жабдықтау жұмыстары жүргізіліп жатыр. Тұзды, сенсорлық, механотерапия және бальнеотерапия бөлмелерімен қамтылатын орталық заманауи оңалту қызметін көрсетуге мүмкіндік береді.<img src="https://knadmin.beoblood.kz/uploads/Aral_audany_zhoba_7f357a2155.jpg" alt="Арал ауданы жоба.jpg">Ауыл шаруашылығы бағытында Ақирек ауылдық округіне қарасты Ақбай елді мекеніндегі егін жинау науқаны қызу жүріп жатыр. Ауыл еңбеккерлері қарбыз, қауын, қызанақ және басқа да көкөніс-бақша өнімдерін жинауға кірісті. Биылғы жылы қолайлы ауа райының және дихандардың тынымсыз еңбегінің нәтижесінде мол өнім алынуда. Жиналған өнімдер облыс аумағына таратылып, жергілікті нарыққа жеткізілуде.Сондай-ақ, Аманөткел ауылдық округінде орналасқан «Арал Рыбторг» ЖШС-нің тоған шаруашылығы назарға ұсынылды. 15 гектар аумақты алып жатқан шаруашылықта тұқы, сазан, ақамур және дөңмаңдай сияқты балық түрлері өсірілуде. 2024 жылы 7,7 млн дана шабақ тоғандарға жіберілген. Жылдық қуаттылығы 300 тонна болатын өндіріс орны болашақта өңірдегі балық өнімінің көлемін еселемек.Арал ауданындағы бұл жобалар - өңірдің әлеуетін арттыруға, тұрғындардың тұрмыс сапасын жақсартуға бағытталған нақты істердің көрінісі. Білім мен денсаулық, кәсіп пен ауыл шаруашылығы қатар дамыған аймақта халықтың болашағына деген сенімі де артып келеді.

Аралда халық игілігіне бағытталған жобалар қарқынды жүзеге асуда

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Сенатының депутаттары Наурызбай Байқадамов пен Руслан Рүстемов жұмыс сапарымен Жалағаш ауданына барып, күн сәулесінен энергия өндіретін электр станциясының жұмысымен танысты.Жалағаш ауданының әкімі Ардақ Ибраимов аталған маңызды жобамен таныстырып, 28 МВт қуат өндіретін күн электр станциясының өңір үшін әлеуметтік-экономикалық маңызын атап өтті. Сондай-ақ, жобаны жүзеге асырып жатқан компаниямен әріптестікті одан әрі жандандыру бағытында бірқатар бастамалар қолға алынғанын жеткізді.Аталған жоба – Жалағаш кентінің шығыс бөлігінде энергия тапшылығын алдын алу мақсатында жүзеге асқан маңызды нысан. Станцияны «Nomad Solar» жауапкершілігі шектеулі серіктестігі салған.Жобаны жүзеге асыру үшін кент аумағынан жалпы көлемі 164 гектар жер учаскесі бөлінген, оның ішінде күн электр станциясының құрылысы 75 гектар аумақта орналасқан. Жалпы инвестиция көлемі – 19 миллиард теңгені құрайды.Бүгінгі күні бұл нысанда 19 адам тұрақты жұмыспен қамтылған. Жоба ауданның экономикасын дамытуға, жаңа жұмыс орындарын ашуға және экологиялық тұрақтылықты қамтамасыз етуге өз үлесін қосуда.Халық қалаулылары станцияның жұмысына оң баға беріп, ел игілігіне одан әрі қызмет ететініне сенім білдірді. Сондай-ақ, болашақта осындай жаңартылатын энергия көздері арқылы еліміздегі электр энергиясы тапшылығын азайтуға бағытталған жобалардың маңыздылығын ерекше атап өтті.<img src="https://knadmin.beoblood.kz/uploads/K_n_elektr_stancziyasy_Zhala_ash_2_cac5f5db56.jpg" alt="Күн электр станциясы Жалағаш 2.jpg">

Сенат депутаттары күн электр станциясының жұмысымен танысты

<a href="https://kyzylorda-news.kz/">Kyzylorda-news.kz</a>&nbsp; ҚАЖ департаментіне қарасты &nbsp;№68 мекемесіне Жол патрульдік полициясы тексеру жүргізу үшін келді. Негізгі мақсат &nbsp;– жол қозғалысы қауіпсіздігін қамтамасыз ету, автокөлікті заңды пайдалануын қадағалау.Осы ретте, мекеме қызметкерлерінің жеке автокөлігін құжаттық және техникалық тұрғыдан тексеріп, жол қозғалысы ережелерін ескеруін назарға алды. Көліктің тіркеу құжаттары, сақтандыру полисі, медициналық алғашқы көмек қобдишасының жарамдылық мерзімі және техникалық тексеру куәлігіне де мән берілді. Нәтижесінде, көлік құжатының толық, ал техникалық жағдайы талапқа сай екендігі анықталып, айтарлықтай кемшілік байқалмады.<blockquote>– Жол-көлік апаты сынды оқиғалар көңілді алаң ететіні рас. Сондықтан, жол қозғалысы ережелерін сақтау мен көліктердің техникалық жағдайын тексерудің маңызы зор. Осыған байланысты Жол патрульдік полициясының мұндай тексеруі &nbsp;– тәртіпсіздік пен заң бұзушылықтарға жол бермеуге бағытталған қажетті қадам. Бақылау жұмысы баяуламаса, қауіпсіздік күшейтіліп, түрлі апаттың алдын алуға негіз болмақ, - деді мекеменің жеке құраммен жұмыс жөніндегі аға инспекторы Динара Шахи.</blockquote>

Мекеме қызметкерлерінің жеке автокөлігіне тексеру жүргізілді

<a href="https://kyzylorda-news.kz/">Kyzylorda-news.kz</a> Ағымдағы жылдың алғашқы алты айында Қызылорда қаласының әлеуметтік-экономикалық даму бағытында&nbsp;атқарылған жұмыс барысында нақты нәтижелерге қол жетті. Қаланың бюджеті екі есеге жуық артып, кірістер жоспары артығымен орындалды. Инвестиция тарту, құрылыс және сауда салаларындағы өсім де ерекше байқалды. Бұл жетістіктер – жүйелі жоспарлау, тұрғындардың белсенділігі және мемлекеттік қолдаудың үйлесімді жемісі ретінде бағаланды. Бұл туралы бүгін&nbsp;өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов&nbsp;баяндады.<blockquote>– Ағымдағы жылдың алғашқы жартысында Қызылорда қаласында әлеуметтік-экономикалық даму бағытында бірқатар оң нәтижелерге қол жеткіздік. Мемлекет басшысының тапсырмаларын жүзеге асыру, Үкімет пен облыс әкімдігінің қолдауы, сондай-ақ, қала тұрғындарының белсенділігі мен еңбекқорлығы нәтижесінде қаламызда даму қарқыны сақталуда. Жартыжылдық қорытындысы бойынша Қызылорда қаласының бюджеті 73 миллиард теңгеден 144 миллиард теңгеге дейін өсіп, екі есеге жуық ұлғайды. Бұл&nbsp;– салық түсімдері мен өз кірістердің артуы, мүлік пен кәсіпкерлік нысандарға қайта бағалау жүргізу сияқты нақты жұмыстардың нәтижесі. Қайта бағаланған бірнеше нысан есебінен бюджетке қосымша кірістер тартылып, жыл соңына дейін қосымша түсім көлемі арта түседі деп күтілуде. Бөлінген қаржы негізінен құрылыс, коммуналдық шаруашылық, әлеуметтік қолдау, мәдениет пен спорт салаларын дамытуға бағытталуда. Соның нәтижесінде жаңа тұрғын үйлер мен әлеуметтік маңызы бар нысандардың құрылысы қарқын алып, қала инфрақұрылымы кезең-кезеңімен жаңартылуда. Сонымен қатар, қаланың инвестициялық тартымдылығы артты. Ірі жобалар мен кәсіпкерлік бастамалар қолдау тауып, жаңа жұмыс орындары ашылуда. Сауда, өңдеу өнеркәсібі мен ауыл шаруашылығы салаларында өсім сақталып отыр. Бұл Қызылорданың экономикалық әлеуеті нығайып келе жатқанының айқын көрінісі. Біз үшін сандардың өсуі - тек көрсеткіш қана емес. Бұл - тұрғындардың тұрмыс сапасына тікелей әсер ететін нақты нәтиже. Алдағы уақытта да осы оң қарқынды сақтап, халықтың сұранысына сай жобаларды жүзеге асыруды жалғастырамыз. Қаламыздың дамуы&nbsp;– баршамызға ортақ міндет, – деді қала әкімі Нұржан Сәбитұлы.</blockquote>Қала ішіндегі жол-көлік инфрақұрылымын жаңарту&nbsp;– тек қозғалысты жеңілдету ғана емес, сонымен қатар өңірдің әлеуметтік-экономикалық келбетін жақсартудың маңызды бөлігі. Қызылордада бұл бағытта кешенді жобалар жүзеге асырылуда. Биыл бірқатар ірі көшелерде құрылыс пен күрделі жөндеу жұмыстары қолға алынып, шет аймақтарда жол сапасын жақсарту бойынша нақты шаралар атқарылуда.<blockquote>– Жол-көлік инфрақұрылымын дамыту – біздің басым бағыттарымыздың бірі. 2025 жылы осы мақсатқа 23,2 миллиард теңге бөлініп, ұзындығы 60 шақырымнан астам жолды қамтитын алпысқа жуық жоба іске асырылып жатыр. Оның ішінде облыс орталығының негізгі артерияларының бірі – «Тәуелсіздікке 25 жыл» даңғылының жаңғыртылуы ерекше атап өтуге тұрарлық.&nbsp;Жобаның бірінші кезеңі аяқталды, ал қазір екінші кезеңі Сырдария өзені бойындағы қорғаныш бөгетті бекіту жұмыстарымен қатар жүріп жатыр. Бұл бағытта жаңа жол учаскесі пайдалануға берілген соң, көлік ағыны едәуір жеңілдеп, қатынас сапасы артады. Сонымен қатар, шет аймақтарда орналасқан 17 көшеде күрделі жөндеу жұмыстары жүргізілуде. Жол сапасының жақсаруы – тек орталықпен шектелмей, барлық тұрғындарға қолайлы жағдай жасауға бағытталған нақты қадам,&nbsp;– деді қала әкімі.</blockquote>Биылғы көктемгі дала жұмыстары Қызылорда қаласында жоспарлы түрде әрі толық көлемде орындалды. Егіс алқаптары уақытылы игеріліп, шаруалар қажетті жанар-жағармай, тыңайтқыш және гербицидпен қамтылды. Мемлекеттік қолдау аясында ауыл шаруашылығы техникалары мен агрохимиялық құралдар жеткізіліп, ірі жобалар іске асырыла бастады. Қала төңірегіндегі агроөнеркәсіптік секторды жаңғырту&nbsp;– басым бағыттардың бірі ретінде айқындалуда.<blockquote>– Ауыл шаруашылығы – қаламыздың экономикалық құрылымындағы маңызды саланың бірі.&nbsp;Осы бағытта жүйелі жұмыс жүргізіліп келеді. Биыл 8 695 гектар жерге ауыл шаруашылығы дақылдары егілді. Оның ішінде негізгі дақыл&nbsp;– күріш 3 454 гектарға орналастырылды. Көктемгі дала жұмыстарына 154 дана ауыл шаруашылығы техникасы тартылып, науқан ойдағыдай өтті. Мемлекет тарапынан 269 тоннаға жуық арзандатылған дизель отыны бөлініп, шаруалар 100 пайыз тыңайтқыш және гербицидпен қамтамасыз етілді. Бұл&nbsp;– жергілікті егіншілердің уақытылы әрі сапалы жұмыс жүргізуіне зор мүмкіндік берді. Бүгінде бұл салада бірқатар ауқымды жобалар жүзеге асып жатыр. Агроөнеркәсіп саласының әлеуетін арттыру, өнім көлемін ұлғайту және заманауи тәсілдерді енгізу&nbsp;– біздің негізгі мақсатымыз. Бұл бағыттағы жұмыстар алдағы уақытта да жалғасын табады,&nbsp;– деді шаһар басшысы.</blockquote>

Қызылорда қаласының экономикалық дамуы тұрақты жүзеге асуда

<a href="https://kyzylorda-news.kz/">Kyzylorda-news.kz</a> &nbsp;«Азаматтарға арналған үкімет» Мемлекеттік корпорациясының «Таным» корпоративтік оқу орталығы 2025 жылдың бірінші жартыжылдығын қорытындылады. Қаңтар айынан маусымға дейін орталықта 30 мемлекеттік орган мен квазимемлекеттік сектор ұйымдарынаң 4000-нан астам қызметкер оқытылды. Сабақтар Qosyl meet платформасында онлайн форматта өтті.Оқыту бағдарламасы азаматтардың өтініштерімен жұмыс істеу барысындағы қызметкерлердің жауапкершілігі туралы нақты түсінік қалыптастыруға бағытталды. Қазақстандықтардың әрбір сұранысы жан-жақты қаралып, өтініш берушілер сапалы, толық жауап алуы үшін процестердің ашықтығы мен тиімділігін қамтамасыз етуге ерекше назар аударылды.Осы мақсатта «Таным» орталығы Бас прокуратураның, ЦДИАӨМ мемлекеттік қызметтер комитетінің, Әділет министрлігінің, Мәдениет және ақпарат министрлігінің, сондай-ақ Мемлекеттік корпорацияның сарапшыларын шақырды.Сабақ барысында спикерлер әкімшілік рәсімдердің қағидаттарын қоса алғанда, өтініштерді тіркеу және есепке алу жөніндегі заңнаманың талаптарын, сондай-ақ өтініштермен жұмыс істеудің құқықтық негіздерін түсіндірді. Бұл білім мамандарға азаматтармен қарым-қатынасты сауатты құруға және бюрократиялық кедергілерді азайтуға көмектеседі.Азаматтар мен бизнес өкілдерін жеке қабылдау бойынша арнайы оқу блогы да қарастырылды. Тыңдаушылар мұндай кездесулерді өткізудің үздік тәжірибелерімен, тиімді диалог құру және қиын жағдайларды реттеу тәсілдерімен танысты. Бұл өте маңызды тақырыптар, себебі қатысушылар үшін «e-Өтініш» жүйесінде жұмыс істеуден басқа, ерекше дағдыларды талап ететін халықпен тікелей қарым-қатынас форматы да сұранысқа ие болып қала береді.Сонымен қатар, қатысушылар жасырын Мемлекеттік қызметтерді анықтау әдістемелерін және олардың қолжетімділігін арттыру үшін цифрлық құралдарды пайдалануды зерттеді. Мемлекеттік корпорация арқылы әртүрлі мемлекеттік органдардың 50-ден астам ақпараттық жүйелердің қатысуымен мемлекеттік қызметтердің кең спектрі ұсынылатындықтан бұл тақырып та маңызды. Мемлекеттік қызметтер азаматтарға жылдам әрі сапалы көрсетілу үшін ведомстволар арасындағы үйлесімді өзара іс-қимылды талап етеді.Тәжірибелік сабақтар мен жасалатын қателіктерді талдау тыңдаушыларға бірлесіп жұмыс жасаудың, бюрократиялық кедергілерді азайтудың және барлық кезеңдерде жүйелі қызмет көрсету үшін жағдай жасаудың маңызын түсінуге көмектесті.«Таным» корпоративтік оқу орталығы кадрлық әлеуетті дамытуға және оқытуға, заманауи тәсілдерді енгізуге баса назар аудара отырып, осы бағыттағы жұмысты жалғастырады.

«Таным» корпоративтік оқу орталығы  бірінші жартыжылдықты қорытындылады

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Сенатының депутаттары, “AMANAT” партиясының мүшелері Наурызбай Байқадамов пен Руслан Рүстемов “Мансап” жеке меншік білім беру ұйымының өкілімен кездесу өткізді.Кездесу барысында жеке мектептердің дамуын оқушыларға көрсетілетін білім беру қызметінің сапасы және қаржыландырудың ашықтығы талқыланды.Сенаторлар жеке білім беру ұйымдарының қоғамдағы орны мен рөлін атап өтіп, бәсекеге қабілетті орта қалыптастыру үшін мемлекеттік және жекеменшік сектордың тең дамуы қажет екенін жеткізді.Кездесу қорытындысында сенаторлар айтылған ұсыныстарды зерделеп, бұл мәселені заңнамалық деңгейде қарастырылатынын айтты.

Сенаторлар жеке мектептердің қаржыландырылуы мәселесін тыңдады

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев медицина қызметкерлеріне шабуыл жасағандарға заңды қатаңдатуды тапсырды, деп хабарлайды<a href="https://baq.kz/prezident-meditsina-qyzmetkerlerine-shabuyl-zhasagandarga-zandy-qatandatudy-tapsyrdy-200017858/"> BAQ.KZ </a>Ақордаға сілтеме жасап.<blockquote>Мемлекет басшысы медицина қызметкерлеріне шабуыл жасап, күш қолданып және қатыгездік танытқан әрекеттерге қатысты жазаны қатаңдату мақсатында ұлттық заңнамаға өзгерістер енгізу туралы Парламент депутаттарының, денсаулық сақтау саласы өкілдерінің және белсенді азаматтардың ұсынысын қолдайды, – делінген Ақорда хабарламасында.&nbsp;</blockquote>Дәрігерлердің денсаулығына нұқсан келтіріп, өміріне қауіп төндіретін мұндай келеңсіздіктерге «Заң және тәртіп» қағидатына сәйкес құқықтық тұрғыда батыл түрде тосқауыл қойылуы керек.&nbsp;Президент Үкіметке тиісті заңнамалық түзетулер әзірлеуді тапсырды.&nbsp;Бұл бастама Парламентте азаматтық қоғам өкілдерімен бірге талқыланады.Фото: Ақорда

Президент медицина қызметкерлеріне шабуыл жасағандарға жазаны қатаңдатуды тапсырды

<a href="https://kyzylorda-news.kz/">Kyzylorda-news.kz</a> Қызылорда облысы бойынша ішкі мемлекеттік аудит департаменті 2025 жылдың бірінші жартыжылдығында мемлекеттік қаржының мақсатты жұмсалуына бақылау жүргізіп, бірқатар бұзушылықтарды анықтады. Мемлекеттік сатып алу, қаржы-шаруашылық қызмет барысында заң талаптарының сақталмауы жиі тіркелген. Құқық қорғау органдарына бірнеше материал жолданып, кейбір фактілер бойынша қылмыстық істер қозғалды. Бұл туралы Өңірлік коммуникациялар қызметінің ақпарат алаңында Қызылорда облысы бойынша ішкі мемлекеттік аудит департаментінің басшысы Ербол Күзембаев мәлімдеді.<blockquote>– Біздің ең басты мақсатымыз – мемлекеттік қаржының әрбір тиынының дұрыс, мақсатты әрі тиімді жұмсалуын қамтамасыз ету. Аудит барысында біз анықталған бұзушылықтар бойынша бірден айыппұл салып, жазалауға асықпаймыз. Алдымен жауапты тұлғаларға ескерту жасап, заң аясында кемшіліктерді түзетуге мүмкіндік береміз. Алайда ескертуге қарамастан бұзушылықтар жойылмаса немесе қайталанса, міндетті түрде заңға сәйкес қатаң шара қолданамыз. Қазіргі таңда бірқатар материалдар құқық қорғау органдарына жолданып, тиісті процессуалдық шешімдер қабылдануда. Бұл - біздің жұмысымыздың бір бөлігі ғана. Ең маңыздысы - алдын алу. Әрбір мекеме басшысы өзінің жауапкершілігін түсініп, қаржыны игеру барысында заң талаптарын қатаң сақтау керек. Бюджет қаржысы - халықтың аманаты. Сондықтан біз бақылау жұмыстарын жүйелі түрде жүргіземіз. Әсіресе, мемлекеттік сатып алу рәсімдері мен қаржы-шаруашылық қызметтердегі тәртіпке баса мән береміз. Сонымен қатар, Қаржы министрлігі енгізген онлайн бюджеттік мониторинг жүйесі арқылы да тәуекелі жоғары төлемдерді дер кезінде бақылауға алдық. Бұл да қаржының мақсатты жұмсалуына мүмкіндік береді. Бақылау мен алдын алу шаралары алдағы уақытта да күшейтіледі. Біз бюджет қаражатына қатысты әрбір деректі жіті назарда ұстаймыз. Бұл - біздің тікелей міндетіміз әрі қоғам алдындағы жауапкершілігіміз, – деді Ербол Қабаштайұлы.</blockquote><img src="https://knadmin.beoblood.kz/uploads/Memleket_arzhysyny_tiimdi_zh_msaluyna_ba_ylau_k_shejtildi_a0237550fd.jpg" alt="Мемлекет қаржысының тиімді жұмсалуына бақылау күшейтілді.jpg">Фото: Нұрболат Нұржаубай

Архив