<a href="https://kyzylorda-news.kz/">Kyzylorda-news.kz</a> &nbsp;Қызылорда облысында өнеркәсіптік қауіпсіздік талаптарының орындалуын бақылау жұмыстары жүйелі түрде жүргізілуде. 2025 жылдың бірінші жартыжылдығында Төтенше жағдайлар департаменті Өнеркәсіптік қауіпсіздік басқармасының инспекторлары профилактикалық бақылау мен қадағалау шараларын күшейтіп, бірқатар бұзушылықтарды анықтады.&nbsp;Бұл туралы Өңірлік коммуникациялар қызметінің ақпарат алаңында ТЖД Өнеркәсіптік қауіпсіздік басқармасы бастығының міндетін атқарушы Еркебұлан Жарасов мәлімдеді.<blockquote>– Біздің алдымызға қойылған негізгі міндет - тексеру жүргізіп, айыппұл салумен ғана шектелу емес. Ең бастысы - өндіріс орындарында өнеркәсіптік қауіпсіздік талаптарының мүлтіксіз орындалуын қамтамасыз ету. Биылғы алты айда 12 профилактикалық бақылау жүргізіліп, 800-ден астам қауіпті өндірістік объект зерттелді. Нәтижесінде 500-ден астам заң бұзушылық анықталды. Бұл - қауіпсіздікке немқұрайлы қарауға болмайтынын көрсетеді. Әсіресе, кейбір өндіріс орындарында талап өрескел бұзылғандықтан, бірқатар ұңғымалардың жұмысын тоқтату туралы шешім қабылданды. Жоспардан тыс тексерулер барысында да заң бұзушылықтар кездесіп, кей кәсіпорындарға айыппұл салынды. Бірақ біздің мақсатымыз - жазалау емес, әр кәсіпорында қауіпсіздік деңгейін көтеру. Тексеру кезінде бірінші кезекте ескерту беріліп, кемшіліктерді түзетуге уақыт беріледі. Егер ол уақытында орындалмаса, заң аясында жауапкершілік қаралады. Өнеркәсіптік қауіпсіздік - бұл қағаз жүзіндегі талап емес, адамның өмірі мен денсаулығына деген жауапкершілік,-деді Еркебұлан Жұмағалиұлы.</blockquote><img src="https://knadmin.beoblood.kz/uploads/nerk_siptik_auipsizdik_ata_ba_ylauda_efef27f40e.jpg" alt="Өнеркәсіптік қауіпсіздік – қатаң бақылауда.jpg">Фото: Нұрболат Нұржаубай

Өнеркәсіптік қауіпсіздік – қатаң бақылауда

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желіде «Метродағы пранкерша» атымен танымал Аружан Айбекова Қытайда түсірілген видеосы үшін кешірім сұрады, деп хабарлады&nbsp;<a href="https://turkystan.kz/article/264431-qytaida-prank-zasagan-qazaq-qyzy-xalyqtan-kesirim-surady?fbclid=IwY2xjawLtSBJleHRuA2FlbQIxMQABHj6FJJEBI6X6_njfsJa8Ssnq3a6XCljugUbQC5aY9bzFEBlVVWbHQCGMAlfD_aem_v8RrfDdu_KzqceCOcpu05g">turkystan.kz.</a>Құқық қорғау органдары жақында шетелден келген азаматпен алдын алу сипатындағы түсіндіру жұмысын жүргізген.<blockquote>«Менің есімім Аружан Айбекова. Мен Қытайда түсірген видео жайлы жалпы барша қазақ елінен кешірім сұрағым келеді. Мен өз қатемді түсіндім. Ол жақтағы видео ешқандай да біздің елімізді жамандау мақсатында немесе айып тағу кінәлау мақсатында түсірілген жоқ. Барлығы әзіл ретінді түсірілді. Басқа менталитет болғандықтан басқаша қабылдады. Енді бұндай видеоларды түсіру кезінде ойланатын боламын. Бұндай видеолар енді алдағы уақытта түсірмеймін. Қазір Алматыдамын. Менде бәрі жақсы. Бұлай болғанына мен қатты өкінемін. Бұл видео млндаған қаралым жинаған болатын. Ешқашанда қазағымды жаман етті келгім келмеді», – деді Аружан Айбекова.</blockquote>Айта кетейік, желіде жарияланған жазбалардың бірінде әлгі азамат өзінің серігіне тиесілі ұялы телефонды алып, оны жолдан өтіп бара жатқан шетелдік азаматтарға беріп жатқан сәті көрініс тапқан. Кейін ол әлгі құрылғы жоғалып кеткенін айтып, сол азаматтарға күдік келтірген.Сонымен қатар, ол қоғамдық орындарда – көше мен метро бекеттерінде – бейтаныс адамдарға жақындап, олардың қолы немесе аяғынан ұстап, айналасындағылар арасында түсініспеушілік пен алаңдаушылық туғызған.Бейнеүндеуде ол өз іс-әрекетіне өкініш білдіріп, мұндай жағдайдың қайталанбайтынын жеткізді.коллаж: turkystan.kz

Қытайда пранк жасаған қазақ қызы халықтан кешірім сұрады

<a href="https://kyzylorda-news.kz/">Kyzylorda-news.kz</a> Ұлттық статистика бюросы Қазақстан Республикасының 2025 жылғы қаңтар-маусым айларындағы индустриялық-инновациялық дамуы көрсеткіштері жинағын жариялады.Tengenomika жарияланған деректер негізінде Қазақстан өңірлерінің индустриялық-инновациялық даму индексінің алғашқы жиынтық нұсқасын дайындады.Индекс мынадай көрсеткіштерді ескереді:▫️Өңдеуші өнеркәсіптегі жалпы қосылған құнның нақты көлем индексі (ИФО);▫️Еңбек өнімділігінің өсуі;▫️Өңдеуші өнеркәсіп экспорты құрылымындағы орта және жоғары технологиялы тауарлардың үлесі;▫️Өңдеуші өнеркәсіпке негізгі капиталға салынған инвестициялардың нақты көлем индексі (ИФО).▪️Индекс көшбасшылары – өсім тек шикізат өндірісіне немесе көлемді ұлғайтуға емес, инвестиция, технологиялық экспорт пен өнімділікті арттыруға негізделген өңірлер.▪️Ал аутсайдерлер әлі де шикізаттық салаларға тәуелді болып, күрделі индустриялық модельге көшу белгілері аз байқалатын өңірлер (©️Tengenomika).Фото: https://t.me/prokadrykz/47728

Өңірлердің индустриялық-инновациялық даму индексі жарияланды: Қызылорда үздік үштікте

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Сенатының депутаттары, “AMANAT” партиясының мүшелері Наурызбай Байқадамов пен Руслан Рүстемов өңірге жұмыс сапары аясында Қоғамдық кеңес мүшелерімен кездесу өткізді.Басқосуда сенаторлар Парламенттің заң шығару қызметі, мемлекеттік бағдарламалардың іске асу барысы, сондай-ақ өңірлердің әлеуметтік-экономикалық дамуына қатысты негізгі бағыттар туралы баяндады.Қоғамдық кеңес өкілдері халық арасында жиі көтерілетін өзекті мәселелерді жеткізді. Атап айтқанда әлеуметтік қолдау шаралары, білім мен денсаулық сақтау салаларындағы түйткілдер, ерекше балаларға жағдай жасау, МӘМС мәселесіне қатысты жағдайлар қозғалды.Сенат депутаттары бұл ұсыныстарды мұқият тыңдап, Қоғамдық кеңестер — халық пен билік арасындағы маңызды көпір екенін атап өтті. Сонымен қатар, өңірлік проблемаларды заңнамалық деңгейде шешу үшін диалог пен бірлескен жұмыстың қажет екенін жеткізді.Кездесу ашық пікір алмасу форматында өтіп, қоғам мен мемлекеттік органдар арасындағы сындарлы байланысты нығайтуға бағытталды.

Архив

Өнеркәсіптік қауіпсіздік – қатаң бақылауда

Қытайда пранк жасаған қазақ қызы халықтан кешірім сұрады

Өңірлердің индустриялық-инновациялық даму индексі жарияланды: Қызылорда үздік үштікте

Сенат депутаттары облыстық қоғамдық кеңес мүшелерімен кездесті