<a href="https://kyzylorda-news.kz/">Kyzylorda-news.kz</a> Ақпараттық қолдау форумның сарапшылар шеңберінен шығып, қазақстандық қалалардың болашағы туралы қоғамдық диалогтың бір бөлігіне айналуына мүмкіндік береді.Біз медиасеріктестерімізге сенімі мен белсенді қатысқаны үшін алғыс айтамыз – сіздердің арқаларыңызда қала кеңістігінің сапасы, өңірлік даму және қалалық өмірдің жаңа тәсілдері туралы идеялар кең аудиторияға қолжетімді әрі маңызды бола түсуде.Бірге — шабыт пен өзгеріс үшін.2025 жылғы 8 шілдеҚызылорда, Өнер орталығы

Форум – БАҚ назарында

<a href="https://kyzylorda-news.kz/">Kyzylorda-news.kz</a> Жыл сайын шілденің алғашқы жексенбісіне дөп келетін, ұлттық аспабымызды ұлықтауға арналған бұл мереке 2018 жылдан бері елімізде кеңінен тойланып келеді. Айтулы датаны сырбойылықтар биыл да айрықша атап өтті. Жылдағы дәстүрмен қала тұрғындары мен қонақтары «Домбыра – дастан» думанында бас қосып, күй күмбірлеп, жыр төгілген саз кешінен естен кетпес рухани әсер алып қайтты.Концертке мәдениет және руханият жанашырлары, қоғам қайраткерлері мен зиялы қауым өкілдері және жастар қатысты. Шарада облыс әкімінің орынбасары Ш.Байманов сөз сөйлеп, бірқатар өнер өкілдерін облыс әкімінің Алғыс хатымен марапаттады.Рухани күш-қуат сыйлаған концертте «Мәдениет саласының үздігі» төсбелгісінің иегері Самат Аблаев жетекшілік ететін Тұрмағамбет атындағы халық аспаптар оркестрі өнер көрсетіп, халықтық музыка тыңдармандарына тамаша кеш сыйлады.Ұлттық саз кешіне «Құрмет» орденінің иегері, академик, күйші-композитор Т.Тоқжанов, «Ерен еңбегі үшін» медалінің иегері, күйші Ә.Әбсадықов, «Мәдениет қайраткері», «Құрмет» орденінің иегері Ү.Медеуова, «Мәдениет саласының үздігі» төсбелгісінің иегері А.Шағдатов, Халықаралық және республикалық конкурстардың лауреаты А.Әбді және “Сыр толқыны” II республикалық күшілер конкурсының конкурсанттары арнайы қатысып, көрерменнің ыстық ықыласы мен зор қошеметіне бөленді.Ұлттық Домбыра күні — алты Алаштың рухани мерекесі. Ол бірнеше күнге жалғасып, халық арасында насихатталып жатса, елдігіміздің айғағы. Ал бүгінгі домбыра думаны рухани тамырдан ажырамаған әр қазақ үшін халықтың мәдениеті мен өркениетіне, құндылықтарына, ұлттық байлығына зор құрметтің көрінісі.

«Домбыра – дастан»: Қызылордалықтар ұлттық домбыра күнін ерекше атап өтті

<a href="https://kyzylorda-news.kz/">Kyzylorda-news.kz</a> Қазалы ауданына жұмыс сапарымен келген ҚР Парламент Мәжілісіндегі «AMANAT» партиясының депутаттық фракциясының мүшесі Мархабат Жайымбетов медицина саласының қызметкерлерімен кездесті. Кездесу барысында халық қалаулысы денсаулық сақтау саласында қабылданып жатқан заңнамалық өзгерістер туралы айтып, мамандардың ұсыныс-пікірлерін тыңдады.<blockquote>«Сегізінші сайланған Парламенттің үшінші сессиясы кезінде азаматтардың денсаулығына мүлде жаңа деңгейде көңіл бөлінді. Міндетті әлеуметтік медициналық сақтандыру жүйесіндегі бірнеше тәсіл қайта қаралып, медициналық көмектің бірыңғай топтамасы енгізілді. Енді сақтандыру мәртебесіне қарамастан, барлық азаматқа базалық медициналық қызмет көрсетіледі. Сонымен қатар, құлағы нашар еститін, бірақ мүгедектігі жоқ азаматтарды есту протездерімен жергілікті бюджет есебінен қамтамасыз ету мәселесі шешілді. Бұл көптеген адамның, әсіресе балалардың өмір сапасын жақсартып, олардың әлеуметтік ортаға оңай бейімделуіне мүмкіндік береді», – деді М.Жайымбетов.</blockquote>Сонымен қатар, ол басқа да салалар бойынша заңнамалық бағытта атқарылып жатқан жұмыстарға тоқталды.Өз кезегінде сала мамандары жалақыны көтеру туралы ұсыныстарын жеткізді.Кездесу соңында халық қалаулысы ұжым мүшелерінің жұмысына сәттілік тілеп, көтерілген мәселелердің назарға алынатынын айтты.<img src="https://knadmin.beoblood.kz/uploads/FB_IMG_1751787440331_5b7d6f4cd2.jpg" alt="FB_IMG_1751787440331.jpg">

Фракция мүшесі медицина қызметкерлерімен кездесті

<a href="https://kyzylorda-news.kz/">Kyzylorda-news.kz</a> Қазалы ауданына жұмыс сапарымен келген ҚР Парламенті Мәжілісінің депутаты, «AMANAT» партиясы депутаттық фракциясының мүшесі Мархабат Жайымбетов Қазалы аудандағы жұмыс сапарында аудандық көп бейінді орталық аурухана жанынан бой көтеріп жатқан 42 төсектік инсульт және кардиология орталығының құрылыс барысымен танысты.Медициналық нысан «Ауылдық денсаулық сақтауды жаңғырту» ұлттық жобасы аясында салынып жатыр. Жобаның жалпы құны 1,9 млрд теңге. Бас мердігер – «СМП Кызылорда» ЖШС-і. Құрылыстың аяқталуы 2025 жылдың соңына жоспарланған.Халық қалаулысы нысанды аралау барысында жауапты сала басшылары және мердігер мекеме өкілдеріне құрылыс барысына қатысты нақты міндеттер жүктеді.<blockquote>«Ауылдық жерлердегі медициналық инфрақұрылымды дамыту басым бағыттардың бірі. Бұл орталық тұрғындарға жоғары деңгейде қызмет көрсетуі керек. Сондықтан ең бастысы – құрылыс уақытында және сапалы аяқталып, халық игілігіне берілуі тиіс», – деді Мархабат Жайымбетұлы.</blockquote>Айта кетейік, жоба бойынша орталық пайдалануға берілгеннен кейін аудан тұрғындары үшін аса маңызды мәселе болған МРТ құрылғысы орнатылып, инсульт және жүрек-қан тамыр ауруларына қатысты диагностика мен емдеу қызметтері қолжетімді болмақ. Сонымен қатар, тиісті медициналық мамандардың біліктілігін арттыру жұмыстары қолға алынады.<img src="https://knadmin.beoblood.kz/uploads/FB_IMG_1751787014415_5996d90d58.jpg" alt="FB_IMG_1751787014415.jpg">

Қазалы: Инсульт және кардиология орталығының құрылысы қарқынды жүруде 

<a href="https://kyzylorda-news.kz/">Kyzylorda-news.kz</a> Бұдан әрі, ҚР Парламенті Мәжілісіндегі «AMANAT» фракциясының мүшесі Жайымбетов Мархабат &nbsp;Жайымбетұлы &nbsp;Шижаға ауылынан салынып жатқан спорт кешенімен танысты.Қызылорда облысы, Арал ауданы, Аққұм ауылдық округі, Шижаға ауылындағы спорт кешені құрылысы бойынша бас мердігері "ТОО Болашак".2024 жылы 42 500 000 теңге бөлініп, кешеннің іргетасы мен қаңқасы қаланған. Ағымдағы жылы қаржы толық бөлінбегендіктен қазіргі таңда жұмыс тоқтап тұр.Жалпы құрылыс сомасы 418 030 157 тг. Құрылыс ұзақтығы 6 ай.Фракция мүшесі мәселені өз бақылауына алып, &nbsp;қаржы мәселесін реттеуге ықпал ететінін жеткізді.&nbsp;<img src="https://knadmin.beoblood.kz/uploads/FB_IMG_1751787232534_7e518a5006.jpg" alt="FB_IMG_1751787232534.jpg">

Шижағадағы спорт кешенінің құрылыс жұмыстары жүйелі жүргізілуде 

<a href="https://kyzylorda-news.kz/">Kyzylorda-news.kz</a> Мәжілістегі «AMANAT» партиясы фракциясының мүшесі Мархабат Жайымбетов аудан орталығындағы Қазалы мәдени-демалыс кешенінде салынып жатқан жаңа спорт кешенінің құрылысымен танысты.Қазіргі таңда құрылыс жұмыстарын «Болашақ» ЖШС жүргізуде. Жобаның жалпы құны - 655,492 млн теңге. Құрылыс басталған кезеңнен осы уақытқа дейін нысанның іргетасы құйылып, колонна жұмыстары, 10 кВ электр желісін және ауыз су жүйесін тарту секілді жұмыстар атқарылған. Құрылысты толықтай аяқтау үшін қаржыландыру қажет. Қазіргі кезде 2025 жылға арналған қосымша келісімшарт жасалып, құрылыс жұмыстары жалғасуда.Өз сөзінде Мархабат Жайымбетұлы спорт нысаны жергілікті халықтың салауатты өмір салтын қалыптастыруына үлкен серпін беретінін атап өтіп, жобаны қаржыландыру бағытында жұмыс жасайтынын жеткізді.

Спорт кешенінің құрылысымен танысты

<a href="https://kyzylorda-news.kz/">Kyzylorda-news.kz</a> Сәуір айында аудан орталығында орналасқан Қазалы теміржол вокзалының күрделі жөндеу жұмыстары басталған болатын. Қазалы ауданына жұмыс сапарымен келген ҚР Парламенті Мәжілісінің депутаты, «AMANAT» партиясы депутаттық фракциясының мүшесі&nbsp; Мархабат Жайымбетов жұмыс сапары барысында 120 жылдық тарихы бар нысанда жүргізіліп жатқан жөндеу жұмыстарымен арнайы барып танысты.Құрылыс жұмыстарын «Қазақстан Темір Жолы» ұлттық компаниясы» акционерлік қоғамының қаржыландыруымен «Бақ Береке» ЖШС жүргізуде.Аталған вокзалға соңғы рет 2013 жылы жөндеу жүргізілген болатын. Ендігі кезекте эскиздік жобаға сәйкес, ғимараттың іргетасы мен қабырғаларын нығайту, шатырын ауыстыру, есік-терезелерді жаңарту, жолаушыларға арналған күту залдарын заманауи талаптарға сай жабдықтау, мүмкіндігі шектеулі азаматтарға қолайлы жағдай жасау, қауіпсіздік жүйелерін орнату, сондай-ақ вокзал аумағын көгалдандыру және брусчатка төсеу секілді ауқымды жұмыстар атқарылатын болады.Халық қалаулысы жауапты сала басшылары мен мердігер мекемеге құрылыс барысы бойынша өз ұсыныс-пікірлерін айтып, жұмыстарды мерзімінде әрі сапалы аяқтап, халық игілігіне табыстау қажеттігін атап өтті.<img src="https://knadmin.beoblood.kz/uploads/FB_IMG_1751787704562_028d42620c.jpg" alt="FB_IMG_1751787704562.jpg">