<a href="https://kyzylorda-news.kz/">Kyzylorda-news.kz</a> Жуырда Шри-Ланканың Коломбо қаласында бокстан жастар арасындағы Азия чемпионатында ел намысын қорғаған қызылордалық қос батыр қызымыз өңірімізге олжалы оралды. Шаршы алаңда табандылық пен шеберлікті ұштастырған жерлестеріміз бір алтын, бір күміс медаль жеңіп алып, аймақтың ғана емес, қазақ елінің мерейін үстем етті.Атап айтқанда, 75 келі салмақ дәрежесінде сынға түскен ержүрек спортшымыз Зарина Толыбай финалдық кездесуде қырғыздық боксшыны екінші раундта айқын басымдықпен жеңіп, алтыннан алқа тақты.Ал 48 келі салмақ дәрежесінде өнер көрсеткен Ақбота Болат намысты қолдан бермей, Азия чемпионатының күміс жүлдесіне ие болды. Осыған орай, бүгін Қызылорда қаласының темір жол вокзалында боксшы аруларымызды туған-туыстары, спорт жанкүйерлері мен қала тұрғындары зор қошеметпен қарсы алды. Жанкүйерлер Сырдың ерке қыздарына гүл шоқтары табыстап, ақ бата мен жүрекжарды лебіздерін айтты.Батыр қыздарымыздың бұл жеңісі жас буынға үлкен серпін беріп, олардың спортқа деген қызығушылығын оятып, жеңісті жолды жалғары анық. Еліміздің абыройын асқақтатқан қыздарымызға алдағы уақытта да толағай табыс тілейміз!Фото: Қызылорда облысының дене шынықтыру, спорт және туризм басқармасы

Жанкүйерлер қос батыр аруымызды құрметпен қарсы алды

<a href="https://kyzylorda-news.kz/">Kyzylorda-news.kz</a> Бүгін ҚР Президенті Әкімшілігінің басшысы Айбек Дәдебайдың төрағалығымен футбол клубтарын коммерцияландыру мәселелері талқыланған мәжіліс өтті.Мемлекет басшысы Бурабайда өткен Ұлттық құрылтай отырысында елімізде футболды дамытуға қатысты нақты тапсырма берді.Қазіргі таңда Сыр өңірінде тапсырмаға сәйкес тиісті жұмыс жүргізілуде. Атап айтқанда, биыл елімізде алғашқы болып «Қайсар» футбол клубы легионерсіз, жергілікті және отандық футболшылармен жаңа маусымды бастады. Клубта 600-ге жуық спортшы бар, жергілікті бюджеттен қаржыландырылуда.Бұдан бөлек, аймақта спорт саласында ауқымды жобалар жүзеге асуда. Халықаралық стандарттарға сәйкес келетін 11мың орындық «Орталық стадион» салынуда. Нысан жақында ел игілігіне табысталады.Өткен жылы қазан айында Қызылорда қаласында «Үстел теннисі» орталығы пайдалануға берілді. «Қызылорда Арена», дене шынықтыру-сауықтыру кешендерінің құрылыстары жүргізілуде. Соңғы үш жылда облыста 19 спорт кешені салынып, іске қосылған.Фото: Қызылорда облысы әкімінің баспасөз қызметі

Спорт саласын дамыту мәселелері талқыланды 

<a href="https://kyzylorda-news.kz/">Kyzylorda-news.kz</a> «Байқоңыр» әлеуметтік-кәсіпкерлік корпорациясы өңірлік тұрақтандыру қорына 50 тонна жаңа піскен картоп өнімін сатып алу үшін өтінімдерді қабылдайды.Қызығушылық танытқан кәсіпкерлік субъектілеріне коммерциялық ұсынысты Қызылорда қаласы Шүкіров көшесі, 62 мекенжайында орналасқан «Байқоңыр» ӘКК» АҚ ғимаратына және office_spk@list.ru электронды поштасына 01.06.2025 жылға дейін жолдауды сұрайды.Тауар сапасы стандартқа сәйкес (ГОСТ, ЕАС сертификаты, СТ-KZ, сынақ зертхана хаттамасы) өндірілген болуы қажет.Байланыс телефоны: 87242701099, 87016721971.Фото: «Байқоңыр» әлеуметтік-кәсіпкерлік корпорациясы

Өңірлік тұрақтандыру қорына 50 тонна жаңа піскен картоп өнімін қабылдайды

<a href="https://kyzylorda-news.kz/">Kyzylorda-news.kz</a> Желіде Қызылорда облысы аумағын шегіртке басып жатқанын көрсететін видео тарады. Ауыл шаруашылығы министрлігі осы жайтқа байланысты түсініктеме берді. Бұл туралы <a href="https://stan.kz/kizilorda-oblisi-aumagin-shegirtke-basti-418378/">Stan.kz</a> ақпарат агенттігі министрліккесілтеме жасап хабарлайды. Ведомство таратқан ақпаратқа сүйенсек, өңірде жоспарланған 17,132 мың гектардың 10,524 мың гектары өңделген.<blockquote>“Шегірткеге қарсы күрес шаралары Арал ауданына қарасты Қарақұм, Сазды, Аққұм, Қосаман және Жіңішкеқұм ауылдық округтерінің аумағында жүргізілді. Жұмысқа 2 жеңіл авиация кемесі, 2 аса жеңіл ұшақ, 12 жерүсті техникасы, 5 дрон, 45 арқаға асылатын бүріккіш жұмылдырылды. Мониторинг жұмыстарына 48 маман тартылған”, – делінген хабарламада.</blockquote>Министрлік өкілдерінің мәлімдеуінше, облыс бойынша шегіртке зиянкестеріне қарсы күрес шараларын жүргізу үшін болжанған жалпы аумақ – 60,024 мың гектар. Жоспарланған аумақтың барлығы бойынша мердігерлермен келісімшарттар жасалған.Сондай-ақ өңірде облыс әкімінің орынбасары басқаратын жедел штаб құрылғаны, мұндай штабтар аудан деңгейінде де жұмыс істеп тұрғаны мәлім болды. Жергілікті жерлерде мониторинг жүргізу және іс-қимылды үйлестіру үшін 279 адам тартылған.<blockquote>“Жалпы үйірлі шегірткелердің дернәсілдерін анықтау мақсатында 445,8 мың гектар жерге зерттеу жүргізілді. Күрес шаралары АӨК-дегі мемлекеттік инспекция комитетінің бақылауымен өтуде. Егін алқаптарының зақымдану жағдайы тіркелген жоқ”, – делінген Ауыл шаруашылығы таратқан хабарламада.</blockquote>Өңдеу жұмыстары барысын Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті төрағасының орынбасары Саят Сақмолдин қадағалап отыр. Ал Қызылорда мен Ақтөбе облыстарының шекарасында бақылауға Ауыл шаруашылығы вице-министрі Ермек Кенжеханұлы жауапты.Ведомство өкілдері өңірлерде мониторинг және күрес жұмыстары жалғасып жатқанын жеткізді.Фото: Видеодан скриншот

Қызылорда облысы аумағын шегіртке басып жатыр

<a href="https://kyzylorda-news.kz/">Kyzylorda-news.kz</a> Денсаулық сақтау министрінің 2025 жылғы 19 мамырдағы бұйрығымен белгілі бір аурулары бар азаматтардың жекелеген санаттарына тегін және жеңілдікпен амбулаториялық қамтамасыз ету үшін дәрі-дәрмек пен медициналық бұйымдардың тізбесіне өзгерістер енгізілді. Бұл туралы <a href="https://kaz.inform.kz/news/kepldendrlgen-tegn-meditsinalik-komek-ayasinda-berletn-dar-darmek-tzm-zhanartildi-b02e19/">kaz.inform.kz</a> хабарлады.&nbsp;Динамикалық бақылауда тұрған барлық санаттағы пицентке:Ригексифенидил Хлорпромазин Левомепромазин Трифлуоперазин Галоперидол, майлы ерітінді (инъекцияға арналған) Клозапин Оланзапин Рисперидон, ұзақ әсер ететін бұлшықет ішіне енгізуге арналған суспензия дайындауға арналған ұнтақ, ішуге арналған ерітінді. Палиперидон, ұзақ әсер ететін бұлшықет ішіне енгізуге арналған суспензия. Диазепам Амитриптилин Венлафаксин, капсула Амисульприд, ішуге арналған ерітінді Опиоидты агонисттермен демеуші терапия алатын пациенттерге: Метадон, ішуге арналған ерітінді 2-4 деңгейлі қауіп дәрежесіндегі артериялық гипертензия (динамикалық бақылауда тұрған барлық санаттағы пациент үшін): Индапамид, капсула Метопролол Бисопролол Амлодипин Кандесартан Эналаприл Периндоприл Диуретиктермен біріктірілген периндоприл Фозиноприл Негізгі терапия тиімді болмаған жағдайда Моксонидин 2-4 деңгейлі қауіп дәрежесіндегі артериялық гипертензия (динамикалық бақылауда тұрған балалар үшін): Индапамид капсула Метопролол Бисопролол Амлодипин Кандесартан Эналаприл Периндоприл Диуретиктермен біріктірілген периндоприл Фозиноприл Негізгі терапия тиімді болмаған жағдайда Моксонидин.Аталған бұйрық 2025 жылғы 4 маусымнан бастап күшіне енеді.&nbsp; Еске салайық, кепілдендірілген тегін медициналық көмектің бірқатары енді сақтандыру есебінен көрсетілетіні туралы жазған едік.Фото: freepik.com

Кепілдендірілген тегін медициналық көмек аясында берілетін дәрі-дәрмек тізімі жаңартылды 

<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күнін» мерекелеуге орай айлық аясында, Қызылорда облысының Полиция департаменті Есірткі қылмысына қарсы іс-қимыл басқармасы спидкубингтен жарыс ұйымдастырды.Спидкубинг – бұл Рубик текшесін жылдамдықпен жинауды қамтитын жаңа хобби – бұл өзінің нақты ережелері қарастырылған интеллектуалды спорт.Жыл сайын спидкуберлер арасында Еуропа, Азия және әлем чемпионаттарын өткізетін және нәтижелердің ресми рейтингін жүргізетін Дүниежүзілік кубик қауымдастығы (WCA) бар. Азия чемпионатының бірі 2022 жылы Қазақстанда өтті. Ал Қызылорда облысында алғаш рет мектеп оқушылары арасында сынама жарысы өтіп, біздің балалар осы ғажайып спорт түрінде өздерін көрсетті.Үздік деп танылғандар: Қазалы ауданының №249, 100, 97 орта мектептерінің оқушылары – Бақытжан Ақниет, Мақсұт Нұрдәулет және Тайғараев Арман және Сырдария ауданы №137 орта мектеп оқушысы Мансұров Нұрахмет.<img src="https://knadmin.beoblood.kz/uploads/yzylordada_al_ash_ret_spidkubingten_zharys_tti_1_e278005312.webp" alt="Қызылордада алғаш рет спидкубингтен жарыс өтті 1.webp"><img src="https://knadmin.beoblood.kz/uploads/yzylordada_al_ash_ret_spidkubingten_zharys_tti_2_2526916b8a.webp" alt="Қызылордада алғаш рет спидкубингтен жарыс өтті 2.webp"><img src="https://knadmin.beoblood.kz/uploads/yzylordada_al_ash_ret_spidkubingten_zharys_tti_3_e0d23380ad.webp" alt="Қызылордада алғаш рет спидкубингтен жарыс өтті 3.webp">

Қызылордада алғаш рет спидкубингтен жарыс өтті

<a href="https://kyzylorda-news.kz/">Kyzylorda-news.kz</a> Сыр өңіріндегі жұмыс сапары барысында ҚР Парламенті Мәжілісіндегі «AMANAT» партиясы фракциясының мүшесі, «AMANAT» партиясы жанындағы азаматтық қоғам мен мәдениетті дамыту жөніндегі &nbsp;«Miras» республикалық кеңесінің төрағасы Аманжол Әлтай мен партияның саяси жұмыстар департаментінің директоры Еркебұлан Жауылбаев партияның облыстық филиалының төрағасы Алмасбек Есмаханов пен бірге өңірдегі жаңадан бой көтеріп жатқан мәдени нысандардың құрылысымен танысты.Меймандар алдымен жақында ғана пайдалануға берілген «Сыр жұлдыздары» балалар мен жасөспірімдерге арналған шығармашылық - инновациялық академиясында болып, балаларға жасалған мүмкіндіктерді көрді.<img src="https://knadmin.beoblood.kz/uploads/Whats_App_Image_2025_05_23_at_19_01_04_3b4caf382c.jpeg" alt="Мәдени нысандар.jpeg"> Шығармашылық - инновациялық академия бір мезетте 500 оқушы, тәулігіне 3 мың оқушыға дейін қабылдайды. Мұнда бассейн, топтық жаттығу бөлмесі, көркем гимнастика және фитнес залы орналасқан. Сондай-ақ үстел ойындарына арналған кабинет, жекпе-жек, үстел теннисі залдары бар. Барлық залда ұлдар мен қыздарға арналған жеке-жеке киім ауыстыру бөлмелері қарастырылған. Көркемдік-эстетикалық бағытта кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.Мұнан соң қаланың сол жағалауында салынып жатқан заманауи үлгідегі облыстық тарихи - өлкетану мұражайы мен музыкалық колледж құрылысымен танысты.Қасиетті Сыр өңірінің баға жетпес тарихи-мәдени мұрасын сақтау және кеңінен насихаттау мақсатындағы жаңа музей сандық және мультимедиялық технологиялармен жабдықталған. Музейдің 85 жылдық тарихында алғаш рет типтік ғимарат қор сақтау қоймаларымен жабдықталуда.<img src="https://knadmin.beoblood.kz/uploads/Whats_App_Image_2025_05_23_at_19_01_48_b6ab8a6bd4.jpeg" alt="Мәдени нысандар.jpeg">Қазіргі уақытта музей қорында 67 613 экспонат сақталған. Музейдің жаңа экспозицияларында аймақтың флорасы мен фаунасы, палеонтология, археология және этнография, Қызылорда облысының экономикалық және әлеуметтік-мәдени дамуы көрсетіледі. 11 залдан тұратын мұражайдың тақырыптық құрылымы, жабдықтары мен безендірілуі жасанды интеллект элементтерін қолдана отырып, 3D модельде жасалуда.Ал, үш қабаттан тұратын музыкалық колледж ғимараты 650 орынға арналған. Атап өту керек, қала орталығындағы колледждің қазіргі ғимараты тозығы жетіп, заман талаптарына сай келмейді. Ескірген ғимарат небәрі 350 орындық, ал онда оқитындар саны, жастардың музыкалық білім алуға сұранысы жыл сайын артуда. Осы жағдайды ескере келе өңірде өткен жылдың соңында «Саутс Ойл» компаниясының қолдауымен жаңа ғимарат іргетасы қаланған болатын. Жаңа колледж ғимараты тамыз айында пайдалануға беріледі деп жоспарланып отыр.Жаңа мәдени нысандардың құрылыс жұмыстарымен танысқан халық қалаулысы жаңа дәуірдің ұландарын тәрбиелеу мен ұлттық мұрамызды ұлықтау бағытында жасалып жатқан өрелі бастамаларға табыс тіледі.<img src="https://knadmin.beoblood.kz/uploads/Whats_App_Image_2025_05_23_at_19_01_46_b829c9e9e4.jpeg" alt="Мәдени нысандар.jpeg"><img src="https://knadmin.beoblood.kz/uploads/Whats_App_Image_2025_05_23_at_19_01_47_d5d81286db.jpeg" alt="Мәдени нысандарjpeg">

Жаңадан бой көтеріп жатқан мәдени нысандардың құрылысымен танысты

<a href="https://kyzylorda-news.kz/">Kyzylorda-news.kz</a> Талдықорған қаласындағы қонақүйлердің бірінен 12 жерден пышақ жарақаттары бар әйел-администратордың мәйіті табылды, - деп хабарлайды <a href="https://dauletten.kz/">Dauletten.kz.</a>Марқұмның денесі қонақүйде шыққан өртті сөндіру кезінде анықталған. Өрт бірінші қабатта тұтанған. Алдын ала болжам бойынша, қылмыс ізін жасыру мақсатында ғимарат қасақана өртелуі мүмкін.<blockquote>- 24 мамыр күні сағат 04:14-те Paradise Villa қонақүйінің тіркеу бөлімінде өрт шықты. Жалын 20 шаршы метр аумақты қамтыды. Өрт сағат 04:29-да толық сөндіріліп, 35 адам эвакуацияланды, – деп мәлімдеді Жетісу облысы Төтенше жағдайлар департаменті.</blockquote>Полиция өкілдері бұл оқиға бойынша кісі өлтіру бабымен қылмыстық іс қозғалғанын және күдіктінің ұсталғанын хабарлады.<blockquote>- Жедел-іздестіру шаралары барысында 23 жастағы күдікті ұсталып, қамауға алынды. Қазіргі уақытта тергеу жүріп жатыр. Тергеу мүддесіне байланысты өзге ақпарат әзірге жарияланбайды, – делінген Жетісу облысы Полиция департаментінің хабарламасында.</blockquote>Фото: Нұрболат Нұржаубай

Талдықорғанда қонақүйден 12 жерден пышақталған әйелдің денесі табылды

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖД өзіндік қауіпсіздік тобының жедел уәкілі әділет полполковнигі С.Жоламанов пен жол потрульдік полиция қызметкерлерімен бірлесіп Қызылорда облысы бойынша №60 мекемесі жеке құрам қызметкерлерінің автокөліктеріне тексеру жұмыстары жүргізілді.Тексеру барысында автокөліктердің техникалық жағдайы және де жарық көздерінің жұмыс істеуі аса назарға алынды.Сонымен қатар,медициналық дәрі қобдишаларының жарамдылығы, сақтандыру полюсінің мерзімдері мен көлік басқаруға арналған құжаттар толық тексеріліп, ескерту жұмыстары жүргізілді.

ҚАЖД: Жеке құрам қызметкерлерінің автокөлігіне тексеру жұмыстарын жүргізді

<a href="https://kyzylorda-news.kz/">Kyzylorda-news.kz</a> 2025 жылы Шиелі ауданында саяқ шегірткеге қарсы күрес шаралары қарқынды жүргізілуде. Аудан бойынша көктемгі-жазғы мониторинг жұмыстары аясында 22 600 гектар жер тексерілуде. Жоспарға сәйкес, химиялық өңдеу жұмыстары 11 648 гектар аумақты қамтиды, оның ішінде мемлекеттік жер қорынан – 5 880 гектар, ал шаруашылық құрылымдары жерлерінен – 5 768 гектар өңделеді.Зиянкестерге қарсы залалсыздандыру шаралары ауданның 14 ауылдық округінде жүзеге асырылуда. Атап айтқанда, Еңбекші, Керделі, Талаптан, Майлытоғай, Ақмая, Тұран, Бәйтерек, Жуантөбе, Бестам, Иіркөл, Тартоғай, Телікөл, Жаңатұрмыс және Қарғалы ауылдық округтерінде жұмыстар жүргізілуде.Аталған өңірлерде зиянкестердің таралуын болдырмау мақсатында арнайы техника мен құралдар жұмылдырылып, химиялық өңдеу шаралары қолға алынған. Бұл жұмыстардың нәтижесінде ауыл шаруашылығы дақылдарын зиянкестерден қорғау және өнімділікті арттыру көзделуде.Шиелі аудандық ауыл шаруашылығы бөлімі зиянкестерге қарсы күрес жұмыстарын жүйелі түрде жүргізіп, ауыл шаруашылығы саласының тұрақты дамуын қамтамасыз етуге бағытталған шараларды жалғастыруда.<img src="https://knadmin.beoblood.kz/uploads/Zalalsyzdandyru_f71d5ae658.jpg" alt="Залалсыздандыру.jpg">

Шиеліде саяқ шегірткеге қарсы күрес жұмыстары жүргізілді

<a href="https://kyzylorda-news.kz/">Kyzylorda-news.kz</a> Қызылорда қаласында жол құрылыс жұмыстары қарқын алып келеді. Шаһар мен әуежай аралығындағы тас жол былтыр 4 жолаққа кеңейтілсе, биыл жол бойындағы көпірлер қайта жаңғыртудан өтіп жатыр.&nbsp;Көлік логистикасы үшін маңызды нысандарды жергілікті жол активтері сапасының ұлттық орталығы мамандары ұдайы бақылап, Шіркейлі және Сыздықов каналдарынан өтетін жаңа өткелдердің құрылыс жұмыстарына тексеру жүргізіп келеді.<img src="https://knadmin.beoblood.kz/uploads/Whats_App_Image_2025_05_26_at_11_23_46_b5504a7a3a.jpeg" alt="WhatsApp Image 2025-05-26 at 11.23.46.jpeg">Зертхана меңгерушісі Мағжан Қасымхан мен сапа бөлімінің басшысы Ержан Усманов мердігер компания өкілдеріне құрылыс барысында нормативтік талаптарды қатаң сақтап, кемшіліктеге жол бермеуді ескертті. Бұрын бұл көпірлерде екі автокөлік жүретін жол болса енді 4 жолаққа кеңейеді. Яғни, жүктеме арта түседі. Сондықтан, сапаға баса мән берілуі керек.Мердігерлер айтылған бірқатар сын-ескертпелерді назарға алатынын жеткізді. Жол бойындағы жаңа өткелдер биыл пайдалануға берілетін болады.<img src="https://knadmin.beoblood.kz/uploads/Whats_App_Image_2025_05_26_at_11_23_45_f05a64b812.jpeg" alt="WhatsApp Image 2025-05-26 at 11.23.45.jpeg">

Жаңа көпірдің құрылысы бақылауда

<a href="https://kyzylorda-news.kz/">Kyzylorda-news.kz</a> &nbsp;«26 маусым – Халықаралық нашақорлыққа қарсы күрес күні» мерекесіне орай өткізіліп жатқан айлық аясында, Қызылорда облысы Полиция департаментінің Есірткі қылмысына қарсы іс-қимыл басқармасы шеру-акциясын ұйымдастырды.Акцияға облыстың білім беру мекемелері қатысты. Шерулер Қазалы, Қармақшы, Жалағаш, Жаңақорған аудандары бойынша білім бөлімдерімен бірлескен түрде ұйымдастырылды.Бұл акция балалардың, жасөспірімдердің және жастардың психоактивті заттардың таралуы мен қолданылуына теріс көзқарасын дамыту, салауатты және қауіпсіз өмір салты дағдыларын қалыптастыру, олардың денсаулығына құндылық қатынасы және есірткіден бас тарту үшін ұйымдастырылған.Шеруге қатысушылар есірткіге қарсы мазмұндалған транспаранттарды алып, колонна болып өтті. Шеруден кейін митингілер өткізілді, одан кейін Есірткі қылмысына қарсы іс – қимыл басқармасы ұйымдастырған, есірткіге қарсы сайыстардың жүлдегерлері өз өнерлерін көрсетті: спорттық әрекеттер, билер, шешендік үндеу жасау, суреттер көрмесі, есірткіге қарсы рэп әндері мен қойылымдар және тағы басқалар.Бұл акция-шеру болашақта да осындай іс-шараларды өткізу үшін оң нәтиже көрсетті. Фото: Полиция департаменті

Архив