<a href="https://kyzylorda-news.kz/">Kyzylorda-news.kz</a> Бүгін облыс әкімі, облыстық Қазақстан халқы Ассамблеясының төрағасы Нұрлыбек Нәлібаевтың төрағалығымен Қазақстан халқы Ассамблеясының 30 жылдығына орай кеңейтілген кеңес өтті. Басқосуға жауапты сала басшылары, қала, аудан әкімдері мен зиялы қауым өкілдері, ҚХА мүшелері қатысты. &nbsp;Аймақ басшысы Ассамблея қызметінің маңыздылығын айтып, өңірдегі ауқымды іс-шараларға тоқталды.<blockquote>​«Баршаңызды береке-бірлігіміздің ұйытқысына айналып, еліміздегі этносаралық достық пен бірліктің үлгісін әлемге танытқан Қазақстан халқы Ассамблеясының 30 жылдық мерекесімен құттықтаймын. Осы жылдар ішінде Ассамблея халқымызды бірлікке, достыққа үндейтін жалпыұлттық келісімнің негізіне айналды.Өңірімізде соңғы жылдары маңызды жобалар жүзеге асырылуда. Құрылыс қарқын алып, ел игілігі үшін әлеуметтік нысандар бой көтеруде. Әлеуметтік-экономикалық көрсеткіштеріміз күн санап өсіп келеді.Бүгінде барлық аудандағы «Руханият орталықтарында» елдің ынтымағын нығайтуға бағытталған маңызды жобалар іске асырылуда. Орталықтардағы «Қоғамдық келісім» кабинеттері этнос өкілдерінің мәдени-рухани бірегейлігін дамытуға мүмкіндік береді.Ассамблеяның мерейлі жылында баршамыз үшін қуанышты жаңалық – Қызылорда қаласында жаңа «Достық үйі» салынады. Ғимарат жыл соңында ел игілігіне табысталады. Бұл аймақ жұртшылығының бірлігі мен ынтымағын нығайтуға атсалысқан этномәдени бірлестіктерге арналған, барлық қажеттіліктермен қамтамасыз етілген заманауи ғимарат болады», – деді Н. Нәлібаев.</blockquote>​Отырыста облыстық қоғамдық даму басқармасының басшысы Руслан Каюпов, облыстық Қазақстан халқы Ассамблеясы төрағасының қоғамдық негіздегі орынбасары Дильфура Байрақтарова, Ассамблея жанындағы ғылыми-сарапшылық топтың жетекшісі Айтжан Оразбақов, ардагер Асылбек Жұмабаев сөз сөйлеп, аймақтағы жетістіктерді атап өтті.​Басқосуда Мемлекет басшысының 2025 жылғы 8 сәуірдегі Жарлығына сәйкес Қазақстан халқы Ассамблеясының 30 жылдығына арналған мерекелік медаль табысталды. Өңірдің әлеуметтік-экономикалық дамуына үлес қосқан азаматтар марапат төрінен көрінді.Айта кетейік, бүгінде өңірімізде 30-дан астам этнос өкілдері тұрады. Жерлестеріміз Сыр өңірінің экономика, мәдениет, спорт, білім, ғылым салаларының дамуына атсалысып, еліміздің өркендеуіне үлес қосуда.Татулық пен келісімнің киелі шаңырағына айналған «Достық үйінде» 11 этномәдени бірлестікке арналған кабинеттер қарастырылған. Қазақстан халқы Ассамблеясының 30 жылдығына орай кешенді іс-шаралар жоспары бекітілген. Жоспарға сәйкес 100-ден астам іс-шара ұйымдастырылады. Әрбір этно-мәдени бірлестіктің онкүндігі өткізіліп, ұлттық-мәдени құндылықтар насихатталады.&nbsp;<figure class="image"><img src="https://knadmin.beoblood.kz/uploads/akimat_5_8eae3ec3fc.jpg" alt="акимат 5.jpg"></figure><figure class="image"><img src="https://knadmin.beoblood.kz/uploads/akimat_4_c4c865a449.jpg" alt="акимат 4.jpg"></figure><figure class="image"><img src="https://knadmin.beoblood.kz/uploads/akimat_6_b9a8864755.jpg" alt="акимат 6.jpg"></figure><figure class="image"><img src="https://knadmin.beoblood.kz/uploads/akimat_3_449359e4d6.jpg" alt="акимат 3.jpg"></figure><figure class="image"><img src="https://knadmin.beoblood.kz/uploads/akimat_377d3f857f.jpg" alt="акимат.jpg"></figure>Фото: Қызылорда облысы әкімінің баспасөз қызметі

Қазақстан халқы Ассамблеясының 30 жылдығына орай кеңейтілген кеңес өтті

<a href="https://kyzylorda-news.kz/">Kyzylorda-news.kz</a> Елімізде теміржол көлігімен жолаушыларды, багажды, жүк-багажды және пошта жөнелтілімдерін тасымалдау ережелеріне өзгерістер енгізілді, деп хабарлайды <a href="https://baq.kz/poyyz-biletterin-satu-tartibine-ozgerister-engizildi-200011703/">BAQ.KZ</a> тілшісі.Бұл ережеге өзгеріс Көлік министрлігінің 2025 жылғы 11 сәуірдегі бұйрығымен енгізілді.Билеттерді сату мерзімі өзгерді:<ul><li style="text-align:justify;">Жолаушылар пойыздарына – ұйымдасқан жолаушылар топтарын қоспағанда, билет поезд жөнелтілгенге дейін 45 тәуліктен 10 минутқа дейін сатылады (бұрын 45 тәуліктен 1 тәулікке дейін болатын).</li><li style="text-align:justify;">Қала маңындағы пойыздарға – 10 тәуліктен 10 минутқа дейін (бұрын 10 күннен 1 тәулікке дейін).</li><li style="text-align:justify;">Жолаушылар пойыздарына билеттер Астана уақытымен таңғы 07:00-ден бастап сатылымға шығады.</li></ul>Мүгедектігі бар адамдарға арналған мамандандырылған купелерге билеттер:Сату ашылған сәттен бастап келесі санаттағы адамдарға қолжетімді:<ul><li style="text-align:justify;">1-топтағы жүріп-тұруы қиын мүгедектігі бар жолаушы мен оны ертіп жүретін адамға;</li><li style="text-align:justify;">18 жасқа дейінгі мүгедек бала мен еріп жүретін адамға;</li><li style="text-align:justify;">Медициналық ұйымға (немесе кері бағытта) шұғыл баруға қажеттілігі бар адам мен еріп жүретін адамға.</li><li style="text-align:justify;">Бұл билеттер тек билет кассалары арқылы рәсімделеді.</li><li style="text-align:justify;">Қалған мүгедектік топтарындағы жолаушылар билетті пойыз жөнелтілгенге дейін 7 тәуліктен бастап рәсімдей алады.</li></ul>Билеттер мына құжаттар негізінде беріледі:<ul><li style="text-align:justify;">мүгедектігі бар адамның мәртебесін растайтын құжат;</li><li style="text-align:justify;">медициналық ұйымнан шұғыл жол жүру қажеттілігін растайтын анықтама;</li><li style="text-align:justify;">еріп жүретін адамның құжаттары.</li><li style="text-align:justify;">Бір жолаушы бір купеден 4 орынға дейін билет сатып ала алады.</li></ul>Билеттерді рәсімдеу тәсілдері:<ul><li style="text-align:justify;">Автоматтандырылған басқару жүйесі (АБЖ),</li><li style="text-align:justify;">Компьютерлік кассалар,</li><li style="text-align:justify;">Диспетчерлік терминалдар (ДТМ),</li><li style="text-align:justify;">Өзіне-өзі қызмет көрсету терминалдары,</li><li style="text-align:justify;">Интернет-ресурстар арқылы, электрондық жол жүру құжатын бере отырып.</li></ul>Қала маңындағы пойыздарға билеттерді рәсімдеу кезінде жолаушының толық деректері талап етіледі: аты-жөні, ЖСН, жеке куәлік нөмірі.Билет сатып алу үшін қажетті құжаттар:<ul><li style="text-align:justify;">ҚР азаматының жеке куәлігі немесе паспорты;</li><li style="text-align:justify;">ҚР-да тұруға ықтиярхат;</li><li style="text-align:justify;">азаматтығы жоқ адамның немесе босқынның куәлігі;</li><li style="text-align:justify;">дипломатиялық/қызметтік паспорт;</li><li style="text-align:justify;">теңізші куәлігі;</li><li style="text-align:justify;">шетелдік төлқұжат;</li><li style="text-align:justify;">туу туралы куәлік (16 жасқа дейінгі балаларға);</li><li style="text-align:justify;">әскери билет (мерзімді қызметтегі әскери қызметшілер үшін);</li><li style="text-align:justify;">қайтару куәлігі (құжатын жоғалтқан шетел азаматтары үшін).</li></ul>Барлық құжат қағаз түрінде де, цифрлық құжаттар сервисі арқылы да ұсыныла алады.Бұрын уақытша жеке куәлікпен билет сатып алуға рұқсат берілсе, енді бұл мүмкіндік алынып тасталды.Жеңілдікті немесе тегін жол жүру үшін тиісті құқықты растайтын құжатты көрсету қажет.Фото: Нұрболат Нұржаубай

Пойыз билеттерін сату тәртібіне өзгерістер енгізілді

<a href="https://kyzylorda-news.kz/">Kyzylorda-news.kz</a> Елімізде 13 наурыздан бастап жаңа ереже күшіне енді. Ережеге сәйкес енді әлеуметтік маңызы бар азық-түлік құнын көтергендер айыппұл арқалайды, деп хабарлайды<a href="https://baq.kz/azyq-tulik-bagasyn-kotergender-qansha-ayyppul-toleydi-200011699/"> BAQ.KZ</a> тілшісі.2024 жылы Сауда және интеграция министрлігінің бастамасымен Әкімшілік құқық бұзушылықтар туралы кодекске (ӘҚБтК) өзгерістер енгізу мақсатында ҚР Әділет министрлігі заң жобасын ұсынды. Бұл өзгерістер 2025 жылдың 13 наурызында күшіне енді.Негізгі жаңалық – бірінші рет заң бұзғаны үшін бұрын ескерту берілетін болса, енді бірден айыппұл салынады. Бұл өзгерістерге сәйкес, әлеуметтік маңызы бар азық-түлік тауарларының сауда үстемесін 15%-дан асырған жағдайда кәсіпкерлерге ескерту жасалмай, бірден айыппұл салынады. Бұрын, бірінші рет заң бұзушылық жасаған кәсіпкерге тек ескерту беріліп, айыппұл тек 1 жыл ішінде қайталанған жағдайда ғана қолданылатын. Енді бірінші рет заң бұзушылық үшін айыппұл мөлшері келесідей болады:• Жеке кәсіпкерлер мен шағын бизнес – 5 АЕК (19 660 теңге);• Орташа бизнес – 35 АЕК (137 620 теңге);• Ірі сауда желілері – 150 АЕК (589 800 теңге). Егер бір жыл ішінде заң бұзушылық қайталанса, айыппұл мөлшері екі есе артады.Бұл өзгерістердің мақсаты – әлеуметтік маңызы бар өнімдерге баға тұрақтылығын қамтамасыз ету және бағаның негізсіз өсу тәуекелдерін төмендету. Қазір сауда нүктелеріне бақылау күшейтілуде. Сонымен қатар, әр кәсіпкер ӘМАТ-қа белгіленген 15%-дық шекті сауда үстемесін сақтауы тиіс.2023 жылдың сәуір айынан бастап әлеуметтік маңызы бар азық-түлік тауарларына баға белгілеу бойынша мемлекеттік бақылау функциялары әкімдіктерден ҚР Сауда және интеграция министрлігіне берілді. Бұл қадамнан кейін, бақылау күшейтіліп, нарықта негізсіз алыпсатарлықты жою бойынша жүйелі жұмыстар басталды.• 2023 жылы, өтпелі кезеңге қарамастан, алғашқы нәтижелер байқала бастады: 848 әкімшілік қаулы, оның ішінде 51 айыппұл (7 млн. теңге) және 797 ескерту.• 2024 жылы, бақылау тетіктері белсенді іске қосылғанда көрсеткіштер бес есеге артты: 4384 қаулы, оның ішінде 284 айыппұл (16 млн. теңге) және 4100 ескерту.• 2025 жылдың 20 наурызына дейін тіркелген деректер: 1189 қаулы, оның ішінде 70 айыппұл (5 млн. теңге) және 1119 ескерту. Бұл мәліметтер берілген функциялардың тиімділігін және мемлекеттік бақылауды іске асырудағы жүйелі тәсілді көрсетеді.Фото: Нұрболат Нұржаубай

Азық-түлік бағасын көтергендер қанша айыппұл төлейді?

<a href="https://kyzylorda-news.kz/">Kyzylorda-news.kz</a> Мета мен «Қазақстанның авторлық қоғамы» РҚБ Instagram және Facebook платформаларында қазақстандық музыканы пайдалану мәселесін реттейтін шартқа қол қойды. Бұл туралы Әділет министрлігі Зияткерлік меншік комитетінің төрағасы Шолпан Әбдіреева айтты.<blockquote>- Өздеріңіз білетіндей, өткен қарашада көптеген әлеуметтік желі қолданушылары отандық авторлардың музыкасы осы платформалардан жоғалып кеткенін байқады. Шектеулер авторлық құқықты сақтау қажеттілігінен туындаған еді. Халықаралық және ұлттық заңнама авторлармен тікелей немесе олардың мүдделерін білдіретін ұйымдармен шарттардың болуын талап етеді. Мұндай келісімсіз музыканы цифрлық платформаларда пайдалану мүмкін емес және Қазақстан Республикасының заңнамасында көзделген жауапкершілікке әкеп соғады. Осылайша, лицензиялық келісімдердің қолданылу мерзімінің аяқталуы қазақстандық музыкалық шығармалардың қолжетімділігін уақытша шектеуге алып келді, - деді ол Орталық коммуникациялар қызметіндегі брифингте.</blockquote>Оның атап өтуінше, Мәдениет және ақпарат министрлігінің қатысуымен шетелдік серіктестермен және қазақстандық ұжымдық ұйымдармен музыканы қайтару бойынша келіссөздер жүргізілді. Әділет министрлігі Мета платформасы мен ұжымдық құқықтарды басқару ұйымы арасындағы байланыс қызметін атқарды.<blockquote>- Атап айтқанда, біз келіссөздер жүргіздік, заңнама нормаларын түсіндірдік, теңгерімді құқықтық шешімге қол жеткіздік. Метамен бірнеше онлайн кездесу өткіздік. Осы кездесулер барысында Мета диалогқа ашықтық танытып, біздің ұсыныстарымызға жедел ден қойды. Бүгін біз келісімге қол қойылғанын хабарлауға қуаныштымыз. Келісімнің қолданылу мерзімі 2 жылды құрайды. Instagram және Facebook-те қазақстандық музыканы пайдалануды реттейтін Мета және «Қазақстанның авторлық қоғамы» РҚБ уағдаластыққа қол жеткізді. Өткен аптадан бастап контент қайта орала бастады. Мета кәсібилік және сындарлы көзқарас танытты. Компания авторлық құқықты сақтауға және қазақстандық құқық иеленушілердің мүдделерін құрметтеуге дайын екендігін растады. Сонымен қатар, ол мемлекеттік және кәсіби институттармен серіктестік орнатуға деген ұмтылысын көрсетті, - деді Шолпан Әбдіреева.</blockquote>Фото: &nbsp;freepik

Мета мен «Қазақстанның авторлық қоғамы» шартқа қол қойды

<a href="https://kyzylorda-news.kz/">Kyzylorda-news.kz</a> Биыл облыс аумағына 4 167 шетел азаматы уақытша тіркеуге алынған. Оның 4 093-і ТМД елдерінен, ал қалған 74-і алыс шет елдерден келген. Бұл туралы бүгін Өңірлік коммуникациялар қызметінің ақпарат алаңында облыстық ПД Көші-қон басқармасы бастығының орынбасары Сағындық Қамитбеков мәлімдеді.&nbsp;<blockquote>– Мемлекеттік маңызы зор, өзекті мәселелердің бірі – көші-қон саясаты. Жыл басынан көші-қон саласымен жалпы 25 516 мемлекеттік қызмет көрсетілді. Мемлекеттік қызметті көрсету стандартына сәйкес, көші-қон қызметтерінің 90 пайызы электронды түрде жүргізіледі. Көші-қон процесіне талдау жүргізу және бақылау орнату, ішкі істер органдарына жүктелгендігіне байланысты облыс көлемінде үнемі жедел-профилактикалық іс-шаралар өткізіледі. Іс-шара барысында жыл басынан бері 432 құқық бұзушылық анықталды. Айта кету керек, өңірде тұрақты тұрып жатқан 382 шетелдік бар. ҚР азаматтығын алуға өтініш білдірген 10 азаматтың іс-құжаттары қабылданып, ҚР азаматтығын алды. Облыс көлемінде барлығы 21 мың азаматтың жеке басын растайтын құжаттары рәсімделіп, табысталды,- деді Сағындық Убайдуллаұлы.</blockquote>Фото: freepik.comӨңірлік коммуникациялар қызметі

Көші-қон саласында 25 516 мемлекеттік қызмет көрсетілді

<a href="https://kyzylorda-news.kz/">Kyzylorda-news.kz</a> Жүргізуші куәлігі үш жағдайда өзгертіледі. Егер жарамдылық мерзімі аяқталғанға дейін немесе кейін және санат өзгерген кезде. Қалай әрекет ету керек және ол үшін қандай құжаттар қажет?Жүргізуші куәлігін мерзімінен бұрын ауыстыру үшін тұрғылықты жері бойынша мамандандырылған ХҚКО-ға бару қажет. Өзіңізбен бірге жеке куәлігіңіз және 1,25 АЕК мөлшерінде мемлекеттік БАЖ төленгенін растайтын құжатыңыз болуы қажет. Сондай-ақ, мерзім аяқталмаса екінші денгейлі банк қосымшасындағы "Мемлекеттік қызметтер" арқылы ауыстыруға болады. Егер сізде жүргізуші куәлігінің мерзімі өтіп кетсе, жеке басын куәландыратын құжат, 073/е нысаны бойынша медициналық анықтама және мемлекеттік бажды төлеу туралы құжат болуы қажет. Емтиханды қайта тапсыру қажет емес.Егер сіз қосымша санаттар алғыңыз келсе, сізде автомектепте оқу курстарын аяқтағаны туралы куәлік болуы керек. Сонымен қатар "C", "D1", "D", "Tm", "Tb" санаттарын алу үшін - жүргізуші ретінде жұмыс өтілін растайтын құжат қажет.Мамандандырылған ХҚКО Тасбөгет кенті, Жаңадария шатқалы, 91 мекенжайында орналасқан.

Жүргізуші куәлігін қалай ауыстыруға болады?

<a href="https://kyzylorda-news.kz/">Kyzylorda-news.kz</a> Оқыс оқиғалар айтып келмейді. Жазатайым істер орын алған сәтте кез келген тұрғынның абдырап қалатыны анық. Мұндайда телефонға жүгіре кетіп, 112, 109 сынды жедел әрекет ететін топтарды шақыруға даяр тұрамыз. Себебі адам өмірі бәрінен қымбат.Демалыс күні орын алған оқиға да дәл солай. Астанада 2 қабаттан құлап кеткен баланың жағдайына қатысты тұрғындардың жанұшырып сall орталыққа қоңырау шалуы қоғамның назарын аудартты.Мұндайда әбжіл қимылдай кететін диспетчерлердің жұмысына қатысты пікірлер екіге жарылады. Бірі мақтайды, бір даттайды.Десе де, 109 бен 112-ге қоңырау шалатын қызылордалықтар да аз емес.Тұрғындарды қандай мәселе мазалайды? Қызылорда облысындағы 109 қызметіне күніне қанша қоңырау түседі? Осы және өзге де сауалдардың жауабын іздеу мақсатында Облыстық Жедел әрекет ету орталығының директоры Темірхан Мұқанғалиды сұқбат алаңына шақырдық.- Темірхан Талғатұлы, Сіз бен біз замандас екенбіз, сондықтан барынша еркін әрі шынайы сұқбат құрсақ?- Әлбетте, ашық пікірлесуге дайынмын.- Өзіңізжетекшілік ететін «Жедел әрекет ету орталығы»өзге мекемелер секілді жұмысын кешкі жетіде аяқтай салмайды.Қалада төтенше жағдай орын алып, су құбыры жарылып, жарық өше қалса, газ берілмей, жолдар жабылса тұрғындар тағат таппай сіздерге қоңырау шалады. Қазір мәселені әлеуметтік желіге жаза салу оңай уақытта Сall орталықтың қажеті бар ма?- Әрине, қажеті бар деп санаймын. Себебі біздің операторлар әрбір тұрғынмен тікелей байланысады. Яғни әлеуметтік желідегідей емес, бізге шынайы қоңыраулар түседі. Әрбір қоңыраудың артында халықтың мәселесі бар. Екі ауысыммен жұмыс істейтін диспетчерлер күн сайын тұрғындар өтінішіне сәйкес қала ішінде орын алатын тосын жағдайлармен бетпе-бет келеді.Біздің басты мақсатымыз – халыққа көмек көрсету. Төтенше және оқыс жағдайлар туындай қалғанда қоңырауларға жауап беру арқылы өзекті мәселелерді өз уақытында құзырлы органдардың назарына жеткіземіз.Шын мәнінде, 109 және 112 желісі қызылордалықтардың сенімді байланыс арнасына айналып келеді.5 жыл ішінде біз облыс әкімдігінің тұрақты қолдауын сезініп келеміз.Тоқтаусыз тіршілік арасында жарық өшеді, құбыр жарылады, су тоқтап, газ берілмей қалады. Ұсақ бұзушылықтар орын алып, қоғамдық тәртіптер де бұзылады. Кейде өрт оқиғасы да көрініс табады.Мұндай кезде халыққа бірінші кезекте дұрыс ақпарат жетуі керек. Сондықтан да 24/7 режимде жұмыс істейтін диспетчерлер қоңырауларды тіркеп, әрбір сауалды сала-сала бойынша жіктейді. Мұндай сәтте операторлардың жұмысы екі есе қызады.Мәселен, күніге орта есеппен бізге әртүрлі деңгейдегі 400-ге жуық қоңырау түседі.Әр жұмыстың қызығымен қатар қиындығы да бар. Кейде наразы көңілдегі азаматтар да хабарласады. Мұндайда диспетчерлер стресттік жағдайлардан шыға біліп, телефон тұтқасында тұрған тұрғындардың көңілін табуға тырысады.<img src="https://knadmin.beoblood.kz/uploads/Whats_App_Image_2025_04_14_at_11_38_44_116604fd63.jpeg" alt="WhatsApp Image 2025-04-14 at 11.38.44.jpeg">- Тәулігіне төрт жүз қоңырау түседідедіңіз. Қызылордалықтар 109 және 112-гекөбінесе қандай шағымдармен хабарласады?- Басым бөлігі – коммуналдық мәселелер. Ал, 112-ге оқыс оқиғалар орын алған кезде ғана хабарласады.Ауа-райының қолайсыздығынан мөлтек аудандарда жарық өшіп қалады. Жоспарлы су жөндеу шаралары кезінде де уақытша қиындықтар туындайтыны рас. Мұндай кезде біз коммуналдық мекемелердің мамандары ақауларды жөндегенше тұрғындарды сабырға шақырып, қажетті ақпаратпен хабардар етеміз.Әр апта сайын қоңырауларға талдау жүргіземіз. Ең көп шағымдарды бірнеше бағыттарға бөлдік.Мәселен, өткен жылы 112-ге 122 651 қоңырау, ал 109-ға 167 237 қоңырау түсті. Оның ішінде жарықтандыруға қатысты – 72 379, ауыз су бойынша – 31 196, жылу беру жүйесіне қатысты – 19 206, табиғи газ қызметіне қатысты – 12&nbsp;512 және тағыда басқа коммуналдық мәселелерге қатысты қоңырау шалынды.Бізге тұрақты түрде қоңырау шалатын азаматтар бар. Мысалы, Мерей мөлтек ауданында тұратын зейнеткер тұрғын 109-ға хабарласу арқылы өзінің ғана емес тұтас ықшам ауданға ортақ коммуналдық мәселелердің шешуіне ықпал етіп жүр. Мұндай мысалдар жеткілікті.Туған жерімізге жанашырлықпен қарайтын жерлестеріміз аз емес. Көше бойында үйілген қоқысты, құлаған ағашты, ашық жатқан құдықты көрсе бізге қоңырау шалып, ортақ іске үн қостын тұрғындарымыз да бар.Операторларымыз әрбір қоңырауды елеусіз қалдырмайды. Себебі бізге адамдар қолы бостықтан хабарласпайды. Мейлінше, көмек беруге, жылы сөйлеуге және нақты ақпарат беруге тырысамыз. Көптің алғысына да бөленіп жатқан сәттеріміз аз емес.- Жасыратыны жоқ, Қызылордада нөсерлі жаңбыр жауып, дауыл тұрса жарық өшетіні бар. Соңғы аптада өзіміз де көрдік, көз аштырмайтын құмды дауылдың әсерінен бірнеше мөлтек аудандардағы көпқабатты үйлер жарықсыз қалды. Бұл жағдай кезінде сіздің орталықты сынағандар да аз болмады. «109-ға хабарласу қиын, операторлар алмайды» деген пікірлерді естідік. Осы мәселенің түбін зерттеп көрдіңіздер ме?- Жұмыс бар жерде сын қатар жүреді. Біз үшін әрбір қоңырау бағалы, әрбір пікір қымбат.Біз үнемі екіжақты жұмыс жүргіземіз. Жауапты коммуналдық ұйым мамандары ақау орын алған аймаққа барып, мәселенің мән-жайын анықтап, бізге ақпарат ұсынады. Тұрғындарға ақаудың неліктен орын алғанын баяндасақ, халық өтініші арқылы жауапты мекемелерге қосымша тағы қай аумақта жарық өшкенін, су тоқтағанын жеткіземіз. Қарап тұрсаңыз, 109 халық пен коммуналдық мекеме арасын жалғайтын байланыс көпірі іспетті.Бұрынғыдай емес, аймақ басшысының қолдауымен қазір тозығы жеткен жылу және кәріз жүйелері толықтай жаңартылып жатыр. Көптеген жолдар жөңделіп, ескі құбырлар жаңаруда. Бұл өз кезегінде шағым айтып хабарласатын тұрғындардың қоңырауларын едәуір азайтты.Біз қазір коммуналдық проблемалар мен төтенше жағдайларды бөліп қарастыратын арнайы карта әзірледік. Мұнда қала ішіндегі ықшам аудан, көшелердің қайсысында жиі ақау барын түстермен белгілейміз және оны графикаға енгіземіз. Сәйкесінше, құзырлы мекемелер жоспарлы тексерістер жүргізеді. Мұндай қадам екі тарапқа да тиімді.Ал, қоңырауларға келер болсақ, операторлар 1 күнде шамамен 400-денаса жазба түсіреді.Қала аумағында үлкен ақау орын алған сәттерде 3000-ға дейін қоңыраулар келеді. Бір желіге бір уақытта бірнеше қоңырау қатар түскеннен кейін сигналдар бір-бірінің үстіне қабаттасады. Мұндай сәтте операторларымыз жауап беріп үлгермей қалады. Себебі біз жансыз автожауап қосып қоя салатын немесе робот қызметін пайдаланатын орталық емеспіз. Кезекшілікте тұратын диспетчерлер әрбір сауалды жазып, тіркеп алады.Әр қоңырауда айтылған мәселелердің өз мерзімдері бар. Операторлар бекітілген алгоритм аясында жұмыс істейді.<img src="https://knadmin.beoblood.kz/uploads/112_s_hbat_3jpeg_f5f0d537a6.jpeg" alt="112 сұхбат 3jpeg">- Адамдар шынайы алғысын білдіріп жататын кездер аз емес дедіңіз. Call орталық тек қоңырауларға жауап берумен шектеледі ме?- Орталық болғаннан кейін бір функциямен отыра беруге де болмайды.Бізде «AMANAT» партиясы жанындағы «Жастар рухы» қозғалысымен екіжақты келісім бар. Ерікті жастардың әлеуетін қоғамдық игілікке тарту бағытында бірлескен жобаны жүзеге асырамыз. Яғни бізге мүгедектігі бар немесе жүріп-тұруы қиын қариялар, азаматтар түрлі көмектер сұрап хабарласады. Жас волонтерлар қариялардың үйіндегі тал кесу, үй ауласын тазалау, қоқыстарды шығару сындыжұмыстарды атқаруға ниет танытады. Бұл жұмыс бірреттік науқандармен шектелмейді.2024 жылы біздің операторлар 100-ге жуық тұрғыннан қоңырау қабылдап, игі іске дәнекер болды.Тағы бір бағыт. Орталығымыз республикада алғашқы болып «QazaqGaz «Ұлттық компаниясы» акционерлік қоғамы меморандум жасады. Бұрын тұрғындар газға қатысты шағымдарды «104» желісіне бағыттап келсе, енді «109-ға» қоңырау шалу арқылы мәселесін айтуға мүмкіндігі бар.Өткен жылы бірқатар мекемелермен меморандумға қол қойдық. Сайлау процесі кезінде де 109 негізгі оператор ретінде жұмыс істейді.Алдағы уақытта біз қызмет аясын кеңейтуді және цифрлық мүмкіндіктер шеңберінде жаңа жобалар жасауға дайынбыз.Полиция департаментіменбірге ынтымақтастық орнату жоспарымызда бар.- Сұқбатыңызға рақмет!<img src="https://knadmin.beoblood.kz/uploads/Whats_App_Image_2025_04_14_at_11_39_20_6d74765ded.jpeg" alt="WhatsApp Image 2025-04-14 at 11.39.20.jpeg">СұқбаттасқанАйдос МЫРЗАЛЫФото: автордан

Темірхан Мұқанғали: "Біз үшін әр қоңырау бағалы, әрбір пікір қымбат"

<a href="https://kyzylorda-news.kz/">Kyzylorda-news.kz</a> 2025 жылдың сәуірінде WhatsApp мессенджері қолданушылар үшін бірқатар маңызды жаңартуларды енгізді, деп хабарлайды<a href="https://baq.kz/whatsapp-ta-endi-dauystyq-habarlamalardy-matinge-aynaldyruga-bolady-200011651/"> BAQ.KZ</a> gadgetpage.ru-ға сілтеме жасап.Жаңа мүмкіндіктер күнделікті қарым-қатынасты жеңілдетіп қана қоймай, әкімшілер мен арна модераторлары үшін де жаңа құралдар ұсынады. Барлығы 12 жаңа функция іске қосылды.Негізгі жаңалық — дауыстық хабарламаларды мәтінге айналдыру мүмкіндігі. Бұл жаңалық әсіресе есту қабілеті нашар қолданушылар мен мәтінді артық көретіндерге үлкен көмек болады. Функция Android жүйесінде орыс, ағылшын, испан, португал және хинди тілдерінде қолжетімді. Ал iOS-та қолдау көрсетілетін тілдердің тізімі кеңейтілген.Жаңартудағы басқа мүмкіндіктер:"Highlights" (Бөлектеу) режимі: тек маңызды хабарламалар жөнелтіледі — өзіңізді атап өткен немесе жауап жазған хабарламалар ғана. Онлайн күй индикаторы: топтық чаттарда кімнің желіде екенін көруге мүмкіндік береді. Оқиғалар функциясы: нақты уақытпен жоспарланған кездесулерге шақыру және дауыс беру мүмкіндігі бар. iOS үшін құжат сканері: WhatsApp арқылы тікелей құжатты сканерлеп жіберуге болады. Бейнеқоңырауға жаңа қатысушы қосу: енді қоңырауды үзбей қатысушы шақыруға мүмкіндік бар. HD бейне сапасы: интернет сапасы жақсы болса, бейне автоматты түрде HD форматқа ауысады. Арналарға арналған QR-кодтар: бөлісу және тарату мүмкіндігі кеңейтілді. Қысқа бейне жаңартулар: арнада 60 секундқа дейінгі видеолар жариялауға болады. Эмодзи реакциясын қайталау: бір рет түрту арқылы басқа қолданушының реакциясын қайталауға болады. Жаңартулар біртіндеп қолжетімді болады, ал дауыстық хабарламаларды транскрипциялау үшін: Параметрлер → Чаттар → Дауыстық хабарламаларды транскрипциялау жолын таңдаңыз.WhatsApp бұл жаңалықтар арқылы мессенджерді бұрынғыдан да қолжетімді әрі ыңғайлы етуге бағыт алып отыр.Фото: Нұрболат Нұржаубай

WhatsApp желісінде дауыстық хабарламаларды мәтінге айналдыруға болады

<a href="https://kyzylorda-news.kz/">Kyzylorda-news.kz</a> Сырдария ауданы көлемінде жасөспірімдер арасындағы құқықбұзушылықтардың алдын алу және олардың құқықтық сауаттылығын арттыру мақсатында жедел-профилактикалық іс-шара ұйымдастырылды.Рейд жұмыстарына аудан әкімінің орынбасары Димаш Байдушев, аудандық полиция бөлімінің қызметкерлерімен бірге білім беру ұйымдарының өкілдері атсалысты.Іс-шара барысында түнгі уақытта ойын-сауық орындары, саябақтар мен қоғамдық демалыс аймақтары тексерілді. Сонымен қатар, ата-аналар мен жасөспірімдерге құқықбұзушылықтың алдын алу шаралары бойынша түсіндірме жұмыстары жүргізілді.Айта кету керек, мұндай рейдтік жұмыстар тұрақты түрде жалғасын табуда. Барша ата-аналарды балаларының қауіпсіздігіне мұқият болуға шақырамыз.<img src="https://knadmin.beoblood.kz/uploads/Rejd_2_3334e0daf7.jpg" alt="Рейд 2.jpg">Фото: Сырдария ауданы әкімінің баспасөз қызметі

Рейд жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Қызылордада өнегесі мен тағылымы қатар өрілген ерекше тәрбиелік іс-шара өтті. Қазақстан халқы Ассамблеясы жанындағы Аналар кеңесінің «Айналайын» жобасы аясында №31 «Алтын кілт» балабақшасында ұйымдастырылған «Әжемнің сөзі – ақылдың көзі» атты кеш ұлттың ұлы құндылықтарын ұрпақ бойына сіңіруге бағытталған игі бастама болды.Тағылымы мол тәрбиелік іс-шараға балабақша тәрбиеленушілерінің әжелері, облыстық Аналар кеңесінің төрағасы Айгүл Мұсабаева, белсенді мүшелері Наталья Мишукова, Үйтолған Жареке, Жанна Мирамбекқызы және ардагер ұстаздар мен Әжелер ансамблінің мүшелері қатысты.Шараға қатысқан әжелер мен немерелер арасындағы рухани үндестік, ата-баба мұрасын дәріптеген ойындар, шеберлік сағаттары мен әсерлі ән-билер қатысушыларлың көңілінен шығып, ерекше ықыласқа бөленді.«Сәлем – сөздің анасы» атты таныстырудан бастау алған кеште ұлттық болмыстың алтын арқауы — әже тәрбиесі, халық даналығы мен салт-дәстүрдің сабақтастығы кеңінен көрініс тапты.Аналар кеңесінің төрағасы Айгүл Мұсабаева ұлттық рухты дәріптейтін жобалар — «Мәдениетті ана – мәдениетті ұлт», «Сарбаздар анасы», «Ақ орамал», «Айналайын» сынды бастамалар туралы баяндап, Қазақстан халқы Ассамблеясының 30 жылдығы аясында атқарылып жатқан игі істермен бөлісті.Кеш соңында әжелер мен бүлдіршіндер бірігіп жасаған «Шебердің қолы ортақ» қолөнер бұйымдары – халық мұрасының өміршеңдігін дәлелдегендей.<img src="https://knadmin.beoblood.kz/uploads/assambleya_f2988cb246.jpg" alt="ассамблея.jpg"><img src="https://knadmin.beoblood.kz/uploads/assambleya_0147331f2b.jpg" alt="ассамблея.jpg">Фото: Ассамблея Қызылорда

Ұлттық құндылықтарды насихаттады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен агроөнеркәсіп кешеніндегі инвестициялық жобалар талқыланған мәжіліс өтті. Оған жауапты сала басшылары, жоба бастамашылары қатысты.Мемлекет басшысының Жолдауында берілген тапсырмаларды орындау жөніндегі жалпыұлттық іс-шараларда ірі инвестициялық жобаларды Солтүстік Қазақстан облысы тәжірибесімен қаржыландыру көзделген.Бағдарламаның мақсаты – АӨК-де жаңа жобалар құру немесе қолданыстағыларды кеңейту. Негізгі бағыты – тауарлы сүт фермалары, ет бағытындағы құс фабрикалары, мал шаруашылығы кәсіпорындары, көкөніс, жеміс сақтау қоймалары, өнеркәсіптік жылыжай шаруашылығы. Жүн мен теріні терең өңдейтін, буып-түю материалдарын өндіретін кәсіпорындарды, тауарлы балық, басқа да су жануарларын өсіретін шаруашылықтарды, қой фермаларын өркендетуге басымдық берілген.Өткен жылы Солтүстік Қазақстан облысының тәжірибесі негізінде 5 жобаға, атап айтқанда, Қызылорда қаласында 2, Арал ауданында 3 жобаға республикалық бюджеттен қаражат бөлінді. Биыл тағы 6 жобаны жүзеге асыру жоспарлануда. Аудандардағы әлеуетті жобалардың, яғни 11 жобаның пулы қалыптастырылды.Аймақ басшысы биылға қарастырылған инвестициялық жобаларды 1 мамырға дейін ұсынуды тапсырды. Одан бөлек, 1 шілдеге дейін 2026, 2027, 2028 жылдарға ұсынылатын жобалар тізімін облыстық ауыл шаруашылығы және жер қатынастары басқармасына жолдау, республикадан бөлінген қаражатты мерзімінде әрі толық игерілу міндеттелді.<blockquote>«Инвестиция тарту Қызылорда қаласы, аудан әкімдерінің әрқайсының жеке жауапкершілігінде», – деді Н. Нәлібаев.</blockquote>Фото: Қызылорда облысы әкімінің баспасөз қызметі

Агроөнеркәсіп кешеніндегі инвестициялық жобалар сараланды

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың тапсырмасына сәйкес облыстық мәслихат төрағасы мен облыс әкімінің орынбасарлары, облыс әкімі аппаратының басшысы Қызылорда қаласындағы &nbsp;нысандарды аралап, құрылыс жұмыстарының барысын тексерді.Алдымен «Қорқыт Ата әуежайының» жаңа терминалы мен "Өнер орталығына" барды. Жаңа терминалға «Болат Өтемұратов қоры» 16,6 млрд теңге инвестиция салды, жергілікті бюджеттен инженерлік-коммуникациялық инфрақұрылымға 4,3 млрд теңгеден астам қаражат бөлінді. Ал, 1000 келушіге арналған "Өнер орталығы" былтыр пайдалануға берілді. Зәулім ғимаратта симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізілуде.«Жаңадария», «Сыздық», «Шіркейлі» каналдарындағы көпірлерді қайта жаңғырту қарқын алған. &nbsp; «BSJ инжиниринг» ЖШС «Жаңадария» каналындағы көпірді жаңғыртуда. Осы көпірмен тұрғындар «АвтоЦонға», «Қорқыт ата әуежайына» Амангелді, «Бесарық», «Иіркөл», «Қоғалыкөл», «Жетікөл», «Айдарлы» елді мекендеріне, қала маңындағы саяжайларға қатынайды. «Сыздық», «Шіркейлі» каналдарындағы жұмысты «Жылу 21» ЖШС қолға алған.Сонымен қатар, 13,5 шақырым автокөлік жолын төрт жолақты етіп қайта жаңғыртуға бюджеттен қаржы қаралған. Қазіргі таңда құрылыс аймағы қоршалып, каналдың арнасына су өткізу құбырлары салынды.&nbsp;Одан кейін жұмысшы топ нан, кондитерлік және макарон өндіру кешенінің, 11 мың орындық жаңа стадионның, физика-математика мектеп-интернатының, музыкалық колледждің құрылысына барды.Нан, кондитерлік және макарон өндіру кешенінің жоба бастамашысы «Қызылорда Нан» серіктестігі 3,8 млрд теңгеге аумағы 6166 шаршы метр нысан салуда. Кондитерлік цехта жылына 2520 тонна &nbsp;өнім дайындалады. Ал, макаронның 15-тен астам түрін шығару жоспарланған.Сол жағалаудағы жаңа стадионның шығыс және батыс трибуналарының металл конструкцияларын монтаждау аяқталып, қабырғасы мен ішкі бөлімдері, сыртқы витраждары қалануда. Сыртқы инженерлік желілер жеткізілген. Жылу, су құбырлары, электр, желдеткіштің ішкі желілері орнатылуда. Ғимараттың сыртқы қабырғасы, ішкі инженерлік желілерін жүргізу аяқталып, футбол алаңын монтаждау және абаттандыру басталады.&nbsp;Физика-математика мектеп-интернаты құрылысы өткен жылы басталған, биыл аяқталады деп жоспарлануда. Ал, музыкалық колледждің құрылысы былтыр басталды. «Саутс Ойл» компаниясының демеушілігімен қолға алынған оқу орнының жаңа ғимаратын бас мердігер «Алтын констркшн» ЖШС жуырда пайдалануға береді.<img src="https://knadmin.beoblood.kz/uploads/rylys_nysandaryn_aralady_13_04_2_04ab5daf58.jpg" alt="Құрылыс нысандарын аралады 13.04 2.jpg">Фото: Қызылорда облысы әкімінің баспасөз қызметі

Архив