<a href="https://kyzylorda-news.kz/">Kyzylorda-news.kz</a> Бүгін&nbsp;"AMANAT" партиясының облыстық филиалының төрағасы Алмасбек Есмахановтың қатысуымен филиал жанындағы партиялық бақылау комиссиясының отырысы өтті.Жиынның күн тәртібінде көктемгі егіс науханына дайындық, ауыл шаруашылығы техникасын жаңарту және шаруаларды отандық тұқыммен қамтамасыз ету, жаңа өнімді сорттарды өсірудегі мәселелер талқыланды.Мұнан бөлек отырыста партияның Арал және Қазалы аудандарындағы партиялық бақылау бекеттерінің жұмысы, жалпы партиялық бақылауды ұйымдастыру және ішкі партиялық тәртіпті нығайту жұмыстары пысықталды.Жиында аталған мәселлер бойынша облыстық ауыл шаруашылығы және жер қатынастары басқармасы басшысының орынбасары Рысбек Шайхиев, «ҚАЗСУШАР» ШЖҚ-ғы РМК-ның Қызылорда филиалы директоры орынбасары Айдос Асанбаев және «ҚР Су ресурстары және ирригация министрлігі Су ресурстарын реттеу, қорғау және пайдалану комитетінің Су ресурстарын реттеу, қорғау және пайдалану жөніндегі Арал-Сырдария бассейндік инспекциясы» басшысы Зейнулла Қазтоғанов хабарлама жасап, атқарылып жатқан жұмыстарды баяндады.Ағымдағы жылы облыста барлығы 193,7 мың гектарға ауыл шаруашылығы дақылдарын орналастыру болжанып отыр. Оның ішінде дәндi дақылдар 97,1 мың гектар, майлы дақылдар 5,6 мың гектар, мал азықтық дақылдар 73,6 мың гектар, картоп, көкөнiс, бақша 17,4 мың гектарды құрайды.«Өткен жылмен салыстырғанда жалпы егіс көлемін 4300 гектарға, оның ішінде күріштің көлемі 350 гектарға және егісті әртараптандыру мақсатында мал азықтық дақылдарды 3400 гектарға, майлы дақылдар 710 гектарға ұлғайса, картоп көкөніс, бақша дақылдарын 118 гектарға азайту көзделіп отыр. Бүгінде 6029 гектар жоңышқа, 1216 гектар мақсары, 2939 гектар бидай, 40 гектар арпа, 25 гектар қант құмайы және 13 гектар судан шөбі егілген. Негізгі дақыл күрішті сәуір айының үшінші онкүндігінде себу жоспарлануда»,- деді облыстық ауыл шаруашылығы және жер қатынастары басқармасы басшысының орынбасары Рысбек Шайхиев.Өңірде сондай-ақ вегетациялық кезеңде егісті сумен қамтамасыз ету мақсатында биыл шаруашылық аралық каналдар 62%-ға, ішкі шаруашылық каналдар 96% тазаланған. Сонымен қатар, 178 дана насос қондырғыларының 97%-на, 182 дана гидробекеттердің 91%-на ағымдағы жөндеу жұмыстары жүргізілген.«ҚАЗСУШАР» ШЖҚ-ғы РМК-ның Қызылорда филиалы директорының орынбасары Айдос Асанбаев: Мемлекет басшысының тапсырмасына сәйкес, су үнемдеу технологияларын пайдалану көлемі 2024 жылы 4 мың 400 гектарға жеткізілсе, ағымдағы жылы оның көлемін 9 мың 200 гектарға және күріш атыздарында лазерлік тегістеу жүргізуді 60 мың гектарға жеткізу жоспарланғанын атап өтті.Жиында сөз алған партияның облыстық филиалының төрағасы Алмасбек Есмаханов егіс алқаптарындағы көктемгі егіс және күзгі егін жинау жұмыстары уақытылы және дұрыс ұйымдастырылуы қажет екенін атап айтты.«Алда егін науқаны басталады және елімізде ауыл шаруашылығы саласының әлеуетін арттыру күн тәртібінен еш түскен емес. Ел экономикасының дамуы көп жағдайда осы саламен тікелей байланысты. Мұнан бөлек, біздің облыс күрішті өлкенің бірі. Осыған орай тиісті органдардан биыл да аймақта бұрыннан осы саладағы жақсы қалыптасқан тәжірибе мен дәстүрлерді сақтап жұмыс жасау арқылы күзде қамба Сыр салысы мен басқа да егін өнімдеріне толық болады деп күтеміз»-деді Алмасбек Есмаханов.Сондай-ақ отырысқа ZOOM платформасы арқылы қосылған Арал, Қазалы аудандық филиалдары жанындағы партиялық бақылау комиссиясының төрағалары хабарлама жасап, атқарылған жұмыстарды баяндады.Партиялық бақылау комиссиясының төрағасы Нұркен Бақытбекұлы жиынды қорытындылап, күн тәртібінде қаралған мәселелердің бақылауда болатынын жеткізіп, аталған жұмыстарға жауапкершілікпен қарауды тапсырды.<img src="https://knadmin.beoblood.kz/uploads/487506684_1084202320412070_7954753026444707124_n_2d63cac4f0.jpg" alt="487506684_1084202320412070_7954753026444707124_n.jpg">

Көктемгі егіс науханына дайындық жұмыстары талқыланды

<a href="https://kyzylorda-news.kz/">Kyzylorda-news.kz</a> &nbsp;Қазір елімізде&nbsp;жатыр мойны обырының негізгі қоздырғышы болып саналатын&nbsp;адамның папиллома вирусына қарсы вакцинация&nbsp;қыздарға ғана салынып жүр. Енді бұл вакцинация ер балаларға салынуы мүмкін.&nbsp;Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлады.&nbsp;Денсаулық сақтау министрлігінің Ұлттық қоғамдық денсаулық сақтау орталығы басқарма төрағасының орынбасары Манар Смағұл адамның папиллома вирусына қарсы вакцинацияға арналған іс-шара барысында вирусқа қарсы екпенің басқа мемлекеттерде оң нәтиже көрсетіп жатқанын айтты.&nbsp;<blockquote>“Адамның папиллома вирусына қарсы вакцина клиникалық сынақтан өтіп, 2007–2008 жылдары АҚШ, Австралия және Канада мемлекеттерінде&nbsp;енгізілді. Бұл елдерде вакцинацияның оң әсері байқалып отыр. Өйткені ауру деңгейі мен вирус таралуы төмендеді. Қазір осы елдерді қосқанда 76 мемлекет ер балаларға&nbsp;да вакцинация жүргізіп жатыр. Себебі ерлер де&nbsp;вирусты&nbsp;тасымалдаушы&nbsp;болуы мүмкін”, –&nbsp;дейді&nbsp;Манар Смағұл.</blockquote>Оның айтуынша,&nbsp;Қазақстанда адамның папиллома вирусына қарсы төртвалентті вакцина қолданылады. Сондай-ақ ол Қазақстанда&nbsp;ер балаларға да вакцинация жүргізу жоспарда бар екенін айтып қалды.<blockquote>“Ер балаларға вакцина салу жоспарда бар. Себебі вакцинация онкологиялық аурулардың алдын алуда тиімділігі жоғары екенін көрсетті. Вакцинацияның қашан басталатынын айта алмаймыз”, –&nbsp;деді&nbsp;Манар Смағұл.</blockquote>Фото: pixabay

Елімізде ер балаларға адам папиллома вирусына қарсы вакцина егілуі мүмкін 

<a href="https://kyzylorda-news.kz/">Kyzylorda-news.kz</a> &nbsp;Конго-Қырым қызбасы көктем мен жаз мезгілдерінде өршиді. Ауру белгілері кене шаққаннан кейін бір апта ішінде білінеді.Қазіргі таңда кеселдің алдын-алу жұмыстарының кестесі бекітілді. Кестеге сәйкес 9-10 сәуір аралығында бақылау жүргізу жоспарланған. Бұл туралы облыстық санитарлық-эпидемио малогиялық бақылау департаментінің басшысы Гүлмира Сыздықова, облыстық жұмылдыру дайындығы, аумақтық және азаматтық қорғаныс басқармасының басшысы Марат Құрманбаев, облыстық ветеринария басқармасы басшысының орынбасары Әнуарбек Дәрмағанбетов, облыстық жұқпалы аурулар ауруханасы бас дәрігерінің орынбасары Шарипа Әлиева хабарлады.<blockquote>– 2024 жылы Қызылорда облысында 115 елді мекен қолайсыз деп танылған болатын. Осыған орай бақылау жұмыстары 9 сәуірден бастап Шиелі, Жаңақорған аудандары және Қызылорда қаласынан бастап жүргізіледі. Айта кету керек, осы наурыз айынан бастап арнайы топ құрылған болатын. Сол топ кенелерді жинау жұмыстарымен айналысады. 92 елді-мекенде 6600 кене жиналды. Олар табиғаттан, қоралардан жиналған кенелер. Қазіргі таңда Жаңақорған ауданынан 1 кенеде оң нәтиже табылған. Жыл басынан бері 2 ай ішінде 23 адам кене шағу жағдайы бойынша медициналық көмекке жүгінген. Біздің тараптан зерделеу жұмыстары әлі де жалғаса береді,- деді Гүлмира Жамбылқызы.</blockquote>Брифинг барысында жауапты сала мамандары Конго-Қырым геморрагиялық қызбасының кең таралған елді мекендерін айтты. Оған қарсы жүргізіліп жатқан жұмыстар да жетерлік.<blockquote>– Аудандар бойынша айта кетсем. Аралда – 19, Қазалы - 17 Қармақшыда – 16, Жалағаш - 8, Сырдария – 12, Жаңақорғанда –13 , Шиеліде – 18, Қызылорда қаласында – 8 елдімекен есепке алынды. Сондықтан кенеден қауіп көп деген сөз. Яғни, біздің климаттық жағдайымыз осы кенелердің өмір сүруіне өте қолайлы болып есептеледі. Әсіресе, далалық аймақта жұмыс істейтін адамдар үшін ауру жұқтырып алу қаупі арта түседі. Бұл ретте сақтық шараларының қатаң орындалуы аса маңызды, - деді Марат Ердәулетұлы.</blockquote>&nbsp;2025 жылы облыс аумағындағы мал тоғыту ванналарының көктемгі эпидмаусымға дайындығы бойынша тиісті зерттеу-зерделеу жұмыстары жүргізілді.&nbsp;<blockquote>– Облыс бойынша барлығы 85 мал тоғыту ваннасы бар. Дәріленген суды ваннаға құйып уақ малдарды тоғытып болған соң насоспен тарттырып тастамаса өрістен қайтқан малдар улы суды ішіп уланып қалулары мүмкін. Ал, тарттырған су жерге сіңбесе мал ішеді. 2024 жылы барлығы 22540 бас уақ мал тоғытудан өткізілді. Кенеге қарсы ветпрепараттармен егу экто паразиттермен қоса эндо паразиттерді де жойып алдын алады. Малды тоғытқанға қарағанда,ветпрепараттармен егу әлдеқайда тиімді екенін айта кету қажет. 2024 жылы кенеге қарсы ветеринариялық препараттармен ивен, ивермек, ивермектин т.б. 159,2 мың бас ауыл шаруашылғы жануарлары алдын ала егілді. Биылғы жылдың 3-айында 44,0 мың бас егілді,- деді Әнуарбек Шәкіратұлы.</blockquote>Қырым-Конго геморрагиялық қызбасы – жедел трансмиссивті жұқпалы аурулар қатарына жатады.&nbsp;<blockquote>– Негізінен екі толқынды дене қызуының көтерілуімен, жалпы интоксикация және тромбогеморрагиялық синдром белгілерімен сипатталады.Аурудың өршуі мамырдан тамызға дейінгі кезеңде тіркеледі. Сондықтан көктем келсе де күтініп жүрейік,- деді Шарипа Жақсылыққызы.</blockquote><img src="https://knadmin.beoblood.kz/uploads/487457999_2250373692024797_5250645541036178698_n_4e941b2acf.jpg" alt="487457999_2250373692024797_5250645541036178698_n.jpg">Фото: freepik.com

Конго-қырым қызбасы: Сала мамандары сақ болуды ескертеді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Аэроғарыш комитеті төрағасының орынбасары Ерден Ибраев және «Инфракос» шаруашылық жүргізу құқығындағы республикалық мемлекеттік кәсіпорнының бас директоры Назар Көптілеуовпен кездесті.Онда «Бәйтерек» ғарыштық зымыран кешені құрылысының жай-күйі және туризмді дамыту мәселесі талқыланды.Үкімет басшысы Олжас Бектенов Қызылорда облысына өткен жылғы іссапарында «Бәйтерек» кешені құрылысын тексерген болатын. Аймақ басшысы жобаны уақытылы іске асырудың маңызын атап өтті.«Бәйтерек» ғарыштық зымыран кешені – Қазақстан мен Ресейдің бірлескен ең ірі жобасы. Құрылысты аяқтау мерзімі 2028 жылдың мамырына, ал алғашқы ұшу сынақтары 2025 жылдың аяғына жоспарланған. Кешеннің жылына 6-8 зымыран ұшыруға мүмкіндігі бар. Жоба «Байқоңырдың» белсенді жұмысын қамтамасыз ету, қала тұрғындарын жұмыспен қамту үшін аса қажет.Туризмді дамыту және «Байқоңыр» кешенінің мәдени әлеуетін пайдалану бағытында да жұмыс жүргізілуде. Қазақстандық тараптан туристік қызметті жүзеге асыратын ұйым ретінде «Бәйтерек» бірлескен кәсіпорны» акционерлік қоғамы және «Инфракос» республикалық мемлекеттік кәсіпорны анықталды.Қалаға және ғарыш айлағына электронды форматта рұқсаттама рәсімдеу, «Байқоңыр» кешенінің туристік нысындарына баруға өтінім ұсыну мерзімін қысқарту мәселелері пысықталуда.Фото: Қызылорда облысы әкімінің баспасөз қызметі

«Байқоңыр» кешеніндегі жұмыстар сараланды

<a href="https://kyzylorda-news.kz/">Kyzylorda-news.kz</a> &nbsp;Қызылжарма ауылдық округінің мәдениет үйінде тұрғындардың қаржылық сауаттылығын арттыруға арналған Қалалық Қоғамдық даму бөлімінің ұйымдастыруымен кездесу өтті, оның негізгі мақсаты – экстремизм мен терроризмнің алдын алу және «Қарызсыз қоғам» жобасы аясында халықтың қаржылық сауатын жетілдіру болды.Кездесуге Қызылжарма ауылдық округінің әкімі Әбдірахманов Шәріп, «Amanat» партиясы Қызылорда қалалық филиалының Атқарушы хатшысы, облыстық мәслихат депутаты Гүлшат Мусаева, Қоғамдық даму бөлімінің теолог маманы Ғалымжан Орманбай қатысты. Мамандар өз салалары бойынша түсіндірме жұмыстарын жүргізіп, тұрғындарға пайдалы кеңестер берді.Гүлшат Мусаева «Қарызсыз қоғам» жобасының маңыздылығына тоқталып, қаржылық сауаттылықты арттыру арқылы қарызға тәуелділікті төмендетудің қажеттігін ерекше атап өтті.<blockquote>«Қаржылық білім – әрбір азаматтың әл-ауқатын жақсартудың негізгі құралы. Дұрыс қаржылық жоспарлау мен қаражатты тиімді басқару – қарыздан құтылудың басты жолы,» – деді ол.</blockquote>Өз кезегінде Ғалымжан Орманбай діни экстремизмнің қауіптілігі туралы сөз қозғап, күмәнді діни материалдарды таратпауға және жалған ақпараттарға сенбеуге шақырды. Ол халықтың діни сауаттылығын арттырудың маңыздылығын атап өтіп, қандай да бір күмәнді ақпаратқа тап болған жағдайда мамандармен кеңесуге кеңес берді.Кездесу барысында тұрғындар қаржылық сауаттылық бойынша құнды мәліметтер ала отырып, өзекті мәселелер бойынша мамандардан жауап алды. Осындай түсіндіру жұмыстары алдағы уақытта да жалғасын табатын болады.Фото: Аманат партиясы

Қаржылық тұрақтылық – берекелі өмірдің кепілі

<a href="https://kyzylorda-news.kz/">Kyzylorda-news.kz</a>&nbsp; Қызылордада күнтізбелік бес күн ішінде гирдрометеорологиялық қызмет тіркеген сыртқы ауаның орташа тәуліктік температурасы +8⁰ С және одан жоғары болуына байланысты 7 сәуірде 2024-2025 жылдары жылу беру маусымы аяқталады.<img src="https://knadmin.beoblood.kz/uploads/yzylordada_zhylu_beru_mausymy_7_s_uir_k_ni_aya_talady_935fcda390.webp" alt="Қызылордада жылу беру маусымы 7 сәуір күні аяқталады.webp">Фото: Нұрболат Нұржаубай

Қызылордада жылу беру маусымы 7 сәуір күні аяқталады

<a href="https://kyzylorda-news.kz/">Kyzylorda-news.kz</a> &nbsp;Қазіргі әлемде банк карталары төлем құралы ғана болудан қалды - енді оларда карта иесінің маңызды қаржылық ақпараты сақталады. Бұл ыңғайлы әрі уақытты үнемдейді, сонымен бірге карта деректерінің алаяқтардың қолына түсуін оңайлатады.Егер сіздің картаңыздың деректері ұрланса және алдағы уақытта бұған жол бермес үшін не істеу керек, Fingramota.kz-пен бірге қарастыралық.Егер банктік картаңыздың деректері алаяқтардың қолына түскеніне сенімді болсаңыз, тез арада әрекеттену керек. Кешеуілдеу өте қымбатқа түспек: карта арқылы алаяқтар сіздің жеке деректеріңізді ала алады, өйткені бүгінгі таңда көптеген банктер eGov mobile-мен интеграцияланған - жеке куәлікті, жылжымайтын мүлік және көлік туралы деректерді және т. б. сақтайды. Осыны ескерсек, деректерді жоғалту ақша жоғалтудан әлдеқайда қауіптірек.Банктік карта деректерін жоғалтқан кезде ұстанылуы тиіс қадамдық алгоритмБірінші қадам: мобильді қолданба арқылы картаны бұғаттаңыз.&nbsp;Осылайша сіз ақшаңыздың ұрлануына және алаяқтық операцияларға жол бермейтін боласыз.Екінші қадам: деректеріңіздің ұрланғаны туралы полицияға хабарлаңыз.&nbsp;Арыз жазыңыз: неғұрлым көп ақпарат берсеңіз (смс-хабарламалар, транзакциялардың скриншоттары), алаяқтарды ұстау ықтималдылығы соғұрлым жоғары болады.Үшінші қадам:&nbsp;санкцияланбаған есептен шығаруларды анықтау үшін, соңғы транзакцияларды қарап шығыңыз. Шағын тестілік есептен шығаруларға ерекше назар аударыңыз - алаяқтар картаның белсенді-белсенді еместігін осылай &nbsp;тексереді.Төртінші қадам: егер алаяқтар картадан ақша алып үлгерсе, онлайн немесе бөлімшеде ақшаны қайтару туралы банкке өтінім беріңіз.Бесінші қадам: банк қолданбасындағы құпиясөздерді жаңартыңыз - оңай комбинацияларды (туған күн, "123456" және т. б.) пайдаланбаңыз.Алтыншы қадам: қосымша қорғаныс шараларын қосыңыз –&nbsp;онлайн-төлемдерге лимиттер, операцияларды SMS немесе push-хабарламалар арқылы растау орнатып қойыңыз.Алаяқтар карта деректерін қалай ұрлайдыСізге алдағы уақытқа қауіпсіздік бойынша ұсыныстар бермес бұрын, қаскүнемдер карта деректерін қалай ұрлайтынын ұғынып алуды ұсынамыз.Фишингтік сайттар мен хаттарАлаяқтар банктердің, төлем жүйелерінің және дүкендердің жалған сайттарын жасайды. Сондай-ақ, олар ақпаратты жаңарту, бонустар алу немесе транзакцияны растау сылтауымен карта деректерін енгізу сұралған хат немесе хабарлама жібереді. Жалған сайтқа деректер енгізіле салысымен немесе хатқа жауап беріле салысымен, алаяқтар картаға қолжетімділік алады.Вишинг (телефон арқылы жасалатын алаяқтық)Алаяқтар қоңырау шалып, өздерін банк қызметкерлері ретінде таныстырады &nbsp;және әртүрлі сылтаулармен (күдікті операция, картаны бұғаттау) карта деректері мен CVV-код сұрайды. Кейде олар операциядан бас тарту үшін SMS-пен келген кодты айтып беруді ұсынады, бірақ іс жүзінде бұл ақша аударымын &nbsp;алаяқтарға растау болып табылады.Скимминг (деректерді терминалдар мен банкоматтар арқылы ұрлау)Бұндай тәсілді қолданған жағдайда алаяқтар банкоматтарға картаның магнит жолағынан деректерді оқитын арнайы жапсырмалар (скиммерлер) орнатады. Сондай-ақ, олар PIN-код ұрлау үшін жапсырма пернетақталарды қолдана алады. Осы операциялардың арқасында алаяқтар дубликат карта жасап, ақша шығарып алады. Өкінішке қарай, алаяқтардың банкомат құрылғысына мұндай араласуларын &nbsp;дайындығы жоқ адамдардың көруі іс жүзінде мүмкін емес, сондықтан ақшаны сенімді жерлерде – ірі сауда орталықтары мен дүкендерде алған жөн. Ол жерлерде өтімділік жоғары, сәйкесінше банкоматтар жақсы бақыланады.Фейктік мобильді қолданбаларАлаяқтар карта деректерін оларды теру кезінде ұрлау үшін банктік қолданбаларды қолдан &nbsp;жасайды. Кейде мұндай қолданбалар банктен растау кодтарын алу үшін SMS-ке кіруге &nbsp;қолжетімділік сұрайды.Зиянкес бағдарламаларКомпьютерлер мен смартфондардағы алаяқтар жасаған вирустар пернелердің басылуын бақылап, теру кезінде карта деректерінің көшірмелерін жасай алады.Көбінесе мұндай бағдарламалар күдікті сайттар мен бұзылған қолданбалар арқылы таратылады.Интернетте төлем жасау кезінде деректерді ұстауАлаяқтар карта деректемелері сақталатын интернет-дүкендердің дерекқорларын бұзулары мүмкін. Сондықтан сарапшылар төлем үшін жеке карта арнап, сатып алуға қажетті соманы сонда сақтауға кеңес береді. Сондай-ақ, алаяқтар сіздің деректеріңізді қоғамдық орындардағы ашық Wi-Fi желілері арқылы, арнайы бағдарламалар арқылы трафик ұстап ала алады.Әлеуметтік инженерияАлаяқтарды жете бағаламау қате, өйткені олар тамаша психологтар және адамдардың осал жерлеріне қалай қысым жасау керектігін жақсы біледі. Мессенджерлерде, хабарландыру сайттарында немесе көзбе-көз қарым-қатынаста олар адамның сеніміне кіріп, олардан маңызды деректерді суыртпақтайды. Көбінесе олар психологиялық қысымдарды пайдаланады: асығыстық, ақша жоғалту қорқынышы немесе "тегін бонустарды" уәде етеді.<img src="https://knadmin.beoblood.kz/uploads/fing_dee0ba7add.png" alt="финг.png">Карта деректерін ұрлатудан алдағы уақытта қалай қорғануға боладыБейтаныс сайттарға карта деректерін енгізбеңіз. CVV-кодты үшінші тұлғаларға бермеңіз. Төлем жасамас бұрын сайттардың мекенжайларын тексеріп алыңыз (жалған емес банк карта деректерін хаттарға немесе мессенджерлерге енгізуді сұрамайды). Барлық төлем операциялары туралы SMS-хабарламалар жіберілуін қосыңыз. Төлем лимиттерін орнатыңыз және виртуалды карталарды пайдаланыңыз. Хаттар мен хабарламалардағы күдікті сілтемелерге өтпеңіз. Антивирус қолданыңыз және бағдарламалық жасақтаманы үнемі жаңартып отырыңыз. Күдікті операциялар болған жағдайда картаны дереу бұғаттаңыз. Карта деректерін ұрлау - жағымсыз жағдай, бірақ лажсыз деуге болмайды. Неғұрлым тез әрекеттенсеңіз, ақшаңызды сақтап қалу және қайталама шабуылдардың алдын-алу мүмкіндігі соғұрлым жоғары болады.Сақ болыңыз, киберқауіпсіздікті сақтаңыз және Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Банктік деректеріңіз ұрланған жағдайда не істеу керек?  

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласының №2 соты 2023 жылдың желтоқсанында күш қолдану арқылы өз көлігінде облыс орталығының тұрғынын қала сыртына алып шығып, оған өлтіру қатерін төндірумен 1 миллион теңге талап еткен қылмыстық топтың 4 мүшесіне қатысты Республикасының Қылмыстық кодексінің 194-бабының 2-бөлімінің 1) және 2) тармақтарымен айыптау үкімін шығарды.Облыс прокуратурасының үйлестіруімен қылмыстық топтың барлық мүшелері мен орналасқан жерлері анықталып, оларды ұстау шаралары қабылданды.Барлық ұсталған тұлғалар бұрын ауыр қылмыстар жасағаны үшін сотты болған. Ұстау кезінде қылмыстық топтың бір мүшесінен атыс қаруы мен оған оқ-дәрілер табылып, алынды.Сотпен 3 айыпталушыға 6 жылға бас бостандығынан айыру, ал қылмыстық топтың бір мүшесіне шынайы өкінуіне байланысты 3 жыл 6 айға бас бостандығынан айыру жазасы тағайындалды.Фото: Нұрболат Нұржаубай

Қызылордада қылмыстық топқа қатысты үкім шығарылды

<a href="https://kyzylorda-news.kz/">Kyzylorda-news.kz</a> "Аль-Наср" шабуылшысы Криштиану Роналду бұл жазда "Реалға" ауысуы мүмкін, деп хабарлайды <a href="https://baq.kz/ronaldu-real-madrid-sapyna-oraluy-mumkin-200010808/">BAQ.KZ </a>Sky Sports-қа сілтеме жасап.Ақпарат көзінің мәліметінше, 40 жастағы футболшы 2025 жылғы Клубтық әлем чемпионатына қатысуды қалайды, алайда саудиялық клуб бұл турнирге жолдама ала алмаған. Сол себепті Роналду “Реалмен” қысқа мерзімді келісімшартқа отыру нұсқасын қарастырып жатыр.ФИФА 2025 жылы 1–10 маусым аралығында арнайы трансферлік терезе ашады, осы аралықта португалиялық шабуылшы “корольдік клубпен” тек бір турнирге арналған келісімге қол қоя алады.Роналду "Аль-Наср" ойыншысы атанған сәт – 2022 жылдың соңы. Саудиялық клубпен жасалған келісімшарт 2025 жылдың маусым айына дейін күшінде.Ал "Реал" сапында Роналду 2009 жылдан 2018 жылға дейін ойнаған. Мадридтік командамен бірге екі рет Испания чемпионы, төрт мәрте Чемпиондар лигасы жеңімпазы, сондай-ақ үш рет клубтық әлем чемпионатын ұтқан.Фото: instagram.com/cristiano

Роналду Реал Мадрид сапына оралуы мүмкін

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінде мемлекеттік қызметтерді дамыту және цифрландыру мәселелері бойынша арнайы мәжіліс өтті. Жиынға Қармақшы ауданының әкімі Жандос Еркінбек төрағалық етіп, кент және ауылдық округ әкімдері, мекеме мен кәсіпорын басшылары қатысты.Күн тәртібінде цифрлық жүйелерді енгізу, мемлекеттік қызметтерді оңтайландыру және халыққа қызмет көрсету сапасын арттыру мәселелері қаралды. Аудан басшысы облыс әкімінің тапсырмаларын орындау мақсатында атқарылып жатқан жұмыстарға тоқталып, жауапты мекемелерге нақты міндеттер жүктеді.Сонымен қатар, мәжілісте өңірдің су қабылдау кезеңіне дайындығы талқыланды. Су шаруашылығы мекемелеріне су нысандарының техникалық жағдайын зерделеу, каналдарды тазарту жұмыстарын жүргізу және тиісті шаралар бойынша есеп беру тапсырылды. Су ресурстарын тиімді пайдалану, егістік пен экологиялық қажеттіліктерге жеткілікті көлемде су бөлу мәселесі қатаң бақылауға алынатыны атап өтілді.Жиында сондай-ақ, биылғы оқу жылының аяқталуына байланысты жазғы тынығу лагерьлерінің жұмысын ұйымдастыру мәселесі қаралды. Маусым айынан бастап оқушылардың демалысын тиімді өткізу мақсатында лагерьлердің қызметі басталатыны және балалардың өзге өңірлерде тынығуын қамтамасыз ету бағытында жұмыстарды ұйымдастыруды тапсырды.Мәжіліс қорытындысында аудан әкімі көтерілген мәселелер бойынша тиісті мекемелерге нақты тапсырмалар беріп, олардың орындалуын тұрақты бақылауда ұстау қажеттігін атап өтті.<img src="https://knadmin.beoblood.kz/uploads/arma_shy_kim_zhinalys_7dab9b485e.jpg" alt="Қармақшы әкім жиналыс.jpg">Фото: Қармақшы ауданының әкімдігі

Жауапты мекемелерге нақты міндеттер жүктеді

<a href="https://kyzylorda-news.kz/">Kyzylorda-news.kz</a>&nbsp;Арал ауданы әкімдігінің мәжіліс залында аудан әкімі аппаратының басшысы Серік Раимбетовтың төрағалығымен жеке және заңды тұлғалардың өтініштерімен жұмысты ұйымдастыруға қатысты семинар-кеңес өтті.Дербес бөлім басшылары, қала, кент ауылдық округ әкімдері және жауапты мамандар қатысқан семинарда жергілікті атқарушы органдарда өтініштермен жұмысты ұйымдастыру барысы талқыланып, ҚР Әкімшілік рәсімдік-процестік кодекс талаптарына сәйкес «Е-өтініш» ақпараттың жүйесі бойынша құқықтық түсіндіру жұмыстары жүргізілді.Аудан әкімдігінде өтініштермен жұмыс жасау мәселесі өткен жылы аудан әкімі аппаратының мәжілістерінде 2 мәрте қаралып талқыланған. Сонымен бірге, облыс, аудан әкімі аппаратының жауапты мамандарының қатысуымен құқықтық оқулар ұйымдастырылып, әдістемелік көмек көрсетілді. Дегенмен, Құқықтық статистика және арнайы есепке алу жөніндегі Комитетінің Қызылорда облысы бойынша департаментімен жүргізілген тексеру қорытындысымен аудан әкімдігіне қарасты дербес бөлімдер мен қала, кент, ауылдық округі әкімі аппараттарында біршама кемшіліктер анықталған.Жиында Е-өтініш ақпараттық жүйесі бойынша аудан әкімі аппаратының құжаттамалық қамтамасыз ету және бақылау бөлімінің басшысы Ж.Жолаева және осы бөлімнің бас маманы Г.Сейтжан хабарлама жасады.Семинар барысында аудан әкімі аппаратының басшысы С.Раимбетов «Е-өтініш» ақпараттық жүйесіндегі кемшіліктер бірқатар бөлімдер мен ауылдық округтерде жүйелі түрде қайталанып отырған, алдағы уақытта мұндай олқылықтарға жол бермеу керектігін атап өтті. Жиынды қорытындылай келе «Е-өтініш» ақпараттық жүйеге өтініштерді тіркеу және орындауға қатысты, «Е-архив» жүйесі және азаматтарды жеке қабылдау мәселелері төңірегінде жауаптыларға бірқатар тапсырма жүктеді.Фото: Арал ауданы әкімінің баспасөз қызметі

Жеке және заңды тұлғалардың өтініші ескерусіз қалмайды

<a href="https://kyzylorda-news.kz/">Kyzylorda-news.kz</a>&nbsp;Сырдария ауданының әкімі Берік Сәрменбаевтың төрағалығымен әкімдік отырысы өтті.Бірінші мәселе – аудан бойынша құрылыс саласында атқарылған жұмыстар мен алдағы міндеттер туралы аудандық құрылыс, сәулет және қала құрылысы бөлімінің басшысы Нұржан Бисембаев хабарлама жасады. Ағымдағы жылы жүргізіліп жатқан жұмыста және ұсынылған жобалар бойынша елді мекендерді электрмен жабдықтау, инженерлік-коммуникациялық инфрақұрылымдар құрылысы және антенна-діңгектері құрылысы» жобаларына тоқталып, республикалық, облыстық және аудандық бюджеттен қаржыландыратын жобалардың жұмыс жоспарлары туралы ақпарат берді.Екінші мәселе – аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінде атқарылған жұмыстар мен алдағы міндеттер туралы бөлім басшысы Мейірхан Бақытжанұлы баяндады. 2024 жылы ауданның жол саласын дамытуға бюджеттен барлығы - 1,4 млрд. теңге бөлініп, 21,7 шақырымды құрайтын 26 көшенің автомобиль жолдары жөндеуден өткізілді. Сонымен қатар, жол белгілерін орнату және күтіп ұстау, елді мекендерді ауыз сумен қамтамасыз ету, газдандыру және көппәтерлі тұрғын үйлерді жөндеу жұмыстары жайында атап өтті.Үшінші мәселе – Айдарлы ауылдық округінде атқарылған жұмыстар және алдағы міндеттер туралы ауылдық округ әкімі Нұрбол Жұмабеков хабарлама жасады. Елді мекенде өткен жылыбірқатар жобалар іске асқан. Атап айтқанда, 2024 жылы мемлекеттік гранттар мен несиелендіру бағыттары бойынша 93,9 млн. теңгеге 10 жоба қаржыландырылды. Айдарлы ауылы «Үлгілі елді мекен» байқауының жеңімпазы атанды. Сонымен қатар, ауылдық спорт мектебі «Қазақстан халқына» қорының қаржыландыруымен «Батыр боламын» қоғамдық қорының қолдауымен 8,2 млн теңгеге жабдықталды.Аудан басшысы маңызды әлеуметтік және инфрақұрылымдық нысандар құрылысының басым бағыттарын айқындауды жеткізді. Ал тұрғын үй-коммуналдық шаруашылық, жолаушылар көлігі және автомобиль жолдары бөліміне биыл жөндеуден өтетін көшелердің сапасын қатаң бақылауда ұстап, мерзімінде жүргізілуін қамтамасыз етуді тапсырды. Сонымен қатар, Айдарлы ауылын дамыту бойынша жаңа жобаларды ұсынуды атап өтті.Әкімдік отырысында «Таза Қазақстан» республикалық акциясының жүзеге асырылуы, каникул кезеңінде балалардың сауықтыру демалысын, бос уақытын және қосымша біліммен қамтылуын ұйымдастыру мәселелері бойынша тапсырмалар берілді.Фото: Сырдария ауданы әкімінің баспасөз қызметі

Архив