<a href="https://kyzylorda-news.kz/">Kyzylorda-news.kz</a> Шын мықтыларды шыңдауда спорт мектептерінің жүйеленген жұмысы мен жаттықтырушылардың кәсіби біліктілігі айрықша маңызға ие. Бұл ретте Қызылорда қаласындағы №6 облыстық олимпиадалық резервтің мамандандырылған балалар-жасөспірімдер мектебі талай талантты шыңдап, аймақ абыройын асқақтатқан спортшыларды тәрбиелеп келеді.Қазіргі таңда аталмыш мектеп спорттың 11 түрі бойынша 1 317 спортшыны кәсіби түрде бағыттауда. Атап айтқанда, ауыр атлетикада – 1 жаттықтырушы, &nbsp;49 спортшы, дзюдода – 5 жаттықтырушы, 133 спортшы, бокста – 5 жаттықтырушы, 138 спортшы, грек-рим күресінде – 2 жаттықтырушы, 74 спортшы, еркін күресте – 4 жаттықтырушы, 137 спортшы, футболда &nbsp;– 11 жаттықтырушы, 407 спортшы, каратэде – &nbsp;2 жаттықтырушы, 107 спортшы, унифайтта – 1 жаттықтырушы, 49 спортшы, муайтайда – 1 жаттықтырушы, 43 спортшы, қазақ күресінде &nbsp;– &nbsp;2 жаттықтырушы, 71 спортшы, самбода &nbsp;– 1 жаттықтырушы, 109 спортшы қамтылған.Спорт түрлері бойынша 35 жаттықтырушы-оқытушының 2-і &nbsp;жоғары санатты мамандар. Ал, қалған 6 жаттықтырушы І санатты болса, 20-сы ІІ санаттағы жаттықтырушылар. &nbsp;Спортшылар мен жаттықтырушылардың еселі еңбегінің нәтижесінде 2024 жылы Әлем чемпионатынан – 1 қола, Азия чемпионатынан – 3 алтын, 2 күміс жүлдені жеңіп алды. Ал ҚР чемпионаттарынан – 14 алтын, 9 күміс, 15 қола медаль еншіледі.№6 облыстық олимпиадалық резервтің мамандандырылған балалар-жасөспірімдер мектебі 6 мен 14 жас аралығындағы балаларды ақысыз түрде қабылдайды.<img src="https://knadmin.beoblood.kz/uploads/Sport_mektebi_8355c3d262.jpg" alt="Спорт мектебі.jpg">Фото: Қызылорда облысының дене шынықтыру, спорт және туризм басқармасы

Талай талантты шыңдаған орда

<a href="https://kyzylorda-news.kz/">Kyzylorda-news.kz</a> eGov порталындағы техникалық ақауларға қатысты еліміздің әуежайы ұшып шығатын жолаушылардың назарына &nbsp;үндеу жасады, деп хабарлайды <a href="https://baq.kz/qazaqstan-auezhaylary-zholaushylarga-undeu-zhasady-200006196/">BAQ.KZ.</a><blockquote>"Ұлттық ақпараттық технологиялар" АҚ мәліметінше, мемлекеттік органдардың серверлік орталығының инфрақұрылымындағы техникалық ақауларға байланысты eGov порталының бірқатар қызметтері мен eGov Mobile мобильді қосымшасы уақытша қолжетімсіз. Цифрлық құжаттардың уақытша жүктелмеуіне байланысты Қазақстан Республикасының әуежайларында жолаушыларға жеке басты куәландыратын құжаттың түпнұсқасын өздерімен бірге алып жүруді сұраймыз, - делінген ақпаратта.</blockquote>Фото: Нұрболат Нұржаубай

Қазақстан әуежайлары жолаушыларға үндеу жасады

<a href="https://kyzylorda-news.kz/">Kyzylorda-news.kz</a> Танымал блогер Айжұлдыз Адайбекова мобилограф Сәкен Қағаровпен некесін қидырды. Бұл туралы <a href="https://stan.kz/ayzhyldiz-adaybekova-men-saken-kagarov-meshitte-neke-ki-412833/">Stan.kz</a> ақпарат агенттігі хабарлайды.Желі жұлдызы жеке парақшасында жақсы жаңалықты сүйіншіледі.<blockquote>“Әрекет пен дұға түбі – береке. Ерлі-зайыптымыз. Қасымда болғандарыңа рақмет”, – деп жазды Айжұлдыз.</blockquote>Айта кетейік, блогерге жігіті Исландиядағы сарқырамада тұрмысқа шығуға ұсыныс жасаған еді.Желі қолданушылары түрлі пікір білдіріп, екі жасқа бақыт тілеп жатыр.<blockquote>“Некелерің мәңгілік болсын!” Екеуі бір-бірі үшін жаралғандай”, “Екі дүниенің бақытын бұйыртсын!”, “Құрған отауларың берік болсын!”, – деп жазды көпшілік.</blockquote>Еске салайық, блогер мобилограф Қыран Талапбекпен шаңырақ көтеріп, кейін ажырасып кеткен еді. Назар есімді ортақ ұлдары бар.Фото:&nbsp;https://www.instagram.com/aizhuldyz_adaibekova/

Айжұлдыз Адайбекова мен Сәкен Қағаров мешітте неке қидырды

<a href="https://kyzylorda-news.kz/">Kyzylorda-news.kz</a> Қазақстандықтар коммуналдық қызмет тарифі көтерілген жағдайда тұрғын үй көмегіне жүгіне алады. Төлемнің кімдерге тиесілі екенін Премьер-министрдің орынбасары Қанат Бозымбаев айтып берді, – деп хабарлайды <a href="https://kaz.inform.kz/news/kazakstanda-turgin-uy-tolemakisi-kmderge-berled-b1fae9/">ҚазАқпарат.</a><blockquote>- Коммуналдық қызмет тарифі жиынтық отбасылық кірістер шығынынан 5 немесе 10%-дан асқан жағдайда тұрғын үй көмегі төлемі тағайындалуы мүмкін. Бірақ, барлық қазақстандыққа бірдей төленбейді, - деді Қанат Бозымбаев Үкімет үйінде өткен баспасөз мәслихатында.</blockquote>Сондай-ақ БАҚ өкілдері вице-премьерге бюджет қаражаты барлық төлем алушыға жеткілікті ме деген нақтылау сауалын қойылды.<blockquote>- Әрине, біз белгілі бір санаттағы азаматтарды, яғни отбасыны қарастырамыз, қолдан келеді деп ойлаймын, - деп толықтырды Үкімет басшысының орынбасары.</blockquote>Бұған дейін Қанат Бозымбаев елімізде қуаты 7 300 мегаватт электр желісі салынатыны туралы мәлімдеген еді.Фото: Нұрболат Нұржаубай

Қазақстанда тұрғын үй төлемақысы кімдерге беріледі

<h2>Ұлттық экономика вице-министрі Арман Қасенов Қазақстандағы коммуналдық қызмет тарифтеріне қатысты сұраққа жауап берді. Бұл туралы <a href="https://stan.kz/">Stan.kz </a>ақпарат агенттігі хабарлайды.</h2>Вице-министр алдағы уақытта&nbsp;коммуналдық қызмет тарифтерінің өсетінін атап өтті.&nbsp;"Тарифтер&nbsp;минималды деңгейде өседі және өсім ақылға қонымды шектерде болады. Бұл бірнеше механизмнің арқасында қамтамасыз етіледі, оның негізгісі – инвестициялық бағдарламаның жүзеге асырылуы. Бағдарламаны қаржыландыру 20 жылға бөлінеді, яғни тарифтерге түсетін қысым барынша аз болады. Біз қажетті&nbsp;зерттеулерді жүргіздік. Бұл тек болжам емес, нақты талдау негізінде жасалған қорытынды. Қазір біз тарифтердің қанша пайызға өсетінін нақты білеміз және бұл өсім барынша аз болатынын сеніммен айта аламыз", – деді Арман Қасенов.Вице-министрдің сөзін вице-премьер Қанат Бозымбаев та&nbsp;қолдады."2025 жылы энергетика және коммуналдық секторды жаңғырту жөніндегі Ұлттық жоба басталады. Жобаға байланысты тарифтердің өсуі мүлдем қарастырылмайды," – деді Бозымбаев.

Қазақстанда коммуналдық қызмет тарифтері өседі

<a href="https://kyzylorda-news.kz/">Kyzylorda-news.kz</a>&nbsp;Еңбек және әлеуметтік қорғау министрлігі Қазақстанда колониялар, колледждер мен теміржол салаларының қызметкерлері үшін жаңа кәсіби мерекелер бекітілгенін мәлімдеді. Бұл туралы <a href="https://stan.kz/kazakstanda-zhana-merekeler-payda-boldi-412826/">Stan.kz</a> ақпарат агенттігі хабарлайды.Жаңа мерекелік күндер тоғыз саланың қызметкерлері үшін енгізілді:<ul><li style="text-align:justify;">Қаржы&nbsp;мониторингі органдарының қызметкерлері күні – 28 қаңтар;</li><li style="text-align:justify;">Көлік және өзен көлігі қызметкерлерінің күні – шілде айының бірінші жексенбісі;</li><li style="text-align:justify;">Теміржол көлігі қызметкерлерінің күні – тамыз айының бірінші жексенбісі;</li><li style="text-align:justify;">Бақылау-өлшеу аспаптары мен автоматика саласының қызметкерлерінің күні – қыркүйектің екінші жексенбісі;</li><li style="text-align:justify;">Техникалық және кәсіби, орта оқу орнынан кейінгі білім беру қызметкерлерінің күні – 2 қазан;</li><li style="text-align:justify;">Автомобиль көлігі қызметкерлерінің күні – қазан айының соңғы жексенбісі;</li><li style="text-align:justify;">Автожол қызметі қызметкерлерінің күні – қазан айының соңғы жексенбісі;</li><li style="text-align:justify;">Бухгалтерлік есеп және аудит саласының қызметкерлерінің күні – 10 қараша;</li><li style="text-align:justify;">Құқықтық-атқару жүйесі қызметкерлерінің күні – 13 желтоқсан.</li></ul>Айта кетейік, 2024 жылдың маусымында Еңбек және әлеуметтік қорғау министрлігі ветеринарлар, жоғары оқу орындарының қызметкерлері, Антикор қызметкерлері сияқты салалар үшін тағы 8 жаңа кәсіби мереке енгізгені туралы хабарлаған еді.Еске салайық, бұған дейін Тоқаев 2025 жылды Жұмысшы мамандықтар жылы деп жариялап, білім беру саласында бірнеше өзгеріс енгізді. 9-сынып түлектері сұранысқа ие мамандықтар бойынша колледждерде тегін білім ала алады. Ал мақсатты тапсырыстар саны 10 000 орынға көбейіп, 40 000 студент практикамен қамтамасыз етіледі. Колледж студентінің жан басына шаққандағы қаржыландыру мөлшері 450 000 теңгеден 800 000 теңгеге дейін артады. Сонымен қатар, 80 колледждің материалдық-техникалық базасы жаңартылып, 10 оқу орнына шағын кәсіпорындар ашылады. Бұдан дейін оқу-ағарту министрлігі Ғани Бейсембаев Қазақстанда мыңдаған мектепте жұмысшы мамандықтарына дайындық бойынша бейіндік сыныптар пайда болатынын мәлімдеді. Ол үшін кәсіпорындар мен колледждермен ынтымақтастық жасалады.Фото: kyzylorda-news.kz

Қазақстанда жаңа мерекелер пайда болды

<a href="https://kyzylorda-news.kz/">Kyzylorda-news.kz</a> Таиланд үкіметі 1 мамырдан бастап барлық шетелдік&nbsp;үшін елге кірудің жаңа&nbsp;ережелерін қарастырып жатыр. Бұл туралы Stan.kz ақпарат агенттігі&nbsp;Bangkok Post басылымына сілтеме жасап&nbsp;хабарлайды.Үкімет иммиграциялық карталарды толтыруды онлайн форматқа көшіруді жоспарлап отыр. Егер бұрын карталар ұшақта немесе әуежайда толтырылған болса, мамыр айынан бастап туристер мұны сапарға дейін жасауы керек.Сондай-ақ визасыз елдерден келген туристерге электронды кіру рұқсаты&nbsp;(Электронды&nbsp;саяхатқа рұқсат беру) берілмек.Электронды&nbsp;саяхатқа рұқсат беру туралы өтініш берген кезде 300 бат (4 633 теңге) виза алымы қажет болады.Фото:&nbsp;

Таиланд туристердің елге кіру ережелерін өзгертті

<a href="https://kyzylorda-news.kz/">Kyzylorda-news.kz</a> 16 жастағы қазақстандық футболшы Дастан Сатпаев "Челси" клубына ауысады. Әлемдік футболдың басты инсайдерлерінің бірі Фабрицио Романо осы жаңалықты растады. Бұл туралы <a href="https://stan.kz/16-zhastagi-kazak-futbolshisi-angliyalik-chelsi-kyramas-412824/">Stan.kz</a> ақпарат агенттігі хабарлайды.Фабрицио Романоның сөзінше, алматылық "Қайраттан" ауысу құны 4 миллион еуро (2 миллиард теңгеден астам) болды."Дастан 18 жасқа толғанда келісімшартты тағы бір жылға ұзарту мүмкіндігімен "Челси" клубымен 5 жылдық келісімшартқа қол қояды", – деп жазды Романо.Қазақстандық талантқа "РБ Зальцбург", "Байер", "Бенфика" және "Реал Сосьедад" сияқты басқа клубтар да қызығушылық танытқан. Алайда "Челси" Дастанды өз қатарында көруге ерекше құлшыныс білдірді.Өткен жылдың мамыр айында Сатпаев "Қайраттың" негізгі құрамының тарихындағы ең жас футболшы атанды. QJ League U-18 жасөспірімдер лигасында ол 12 матчта 19 гол соғып, 7 нәтижелі пас беріп, маусымның ең пайдалы ойыншысы сыйлығын иеленді.Еске салайық,&nbsp;англиялық "Манчестер Сити" футбол клубы француздық "Ланс" клубының ойыншысы өзбек Абдукодир Хусановты өз қатарларына қоспайтынынын жаздық.&nbsp;20 жастағы өзбекстандық қорғаушыны ағылшын&nbsp;клубы 50 миллион еуроға жуық қаражатқа сатып алмақ болған еді. Дәл осы жаңалық соңғы бір аптада әлемдік БАҚ беттерінде желдей есті.&nbsp;Алайда инсайдер Фабрицио Романоның айтуынша, "Манчестер Сити" Хусановтың орнына Бразилия ойыншысы Витор Рейсті 40 миллион еуроға сатып алмақ. Қазір&nbsp;19 жастағы жас ойыншы өз отанында "Палмейрас" клубында өнер көрсетеді.Фото: t.me/sportilinet

Архив