Бүгін "Өнер орталығында" облыс әкімі Нұрлыбек Нәлібаевтың қатысуымен &nbsp;"Руханият жылын" қорытындылауға және Жаңа 2025 жылды қарсы алуға арналған салтанатты жиын өтті. Жиынға Парламент Сенатының депутаты Руслан Рүстемов, Қазақстанның Еңбек Ері, математик, Президент жанындағы Қазақстан Республикасы Ұлттық ғылым академиясының&nbsp; вице-президенті Асқар Жұмаділдаев, Қазақстанның Еңбек Ерлері Абзал Ералиев пен Имамзада Шағыртаев, зиялы қауым өкілдері, еңбек ардагерлері мен сала басшылары қатысты.Облыс әкімі жиналған қауымды Жаңа жылмен құттықтап, жыл бедеріндегі жетістіктерге тоқталды.«Баршаңызды енді аз уақытта төрімізге озатын Жаңа 2025 жылдарыңызбен шын жүректен құттықтаймын! Жаңа жыл – халықтың зор қуанышпен асыға күтетін мерекесі, үкілі үмітпен, игі тілекпен, толайым табыстармен қарсы алатын мерейлі сәті. Мемлекет басшымыз Қасым-Жомарт Кемелұлының Сыр өңірін айрықша қолдауының арқасында бүгінгі күні облысымыз қарқынды даму жолына түсті. &nbsp;Әлеуметтік-экономикалық дамуда оң тенденция қалыптасты. Барлық негізгі макроэкономикалық көрсеткіштер бойынша республикада алғашқы орындамыз. 2024 жылғы қаңтар-қараша айларында өңдеу өнеркәсібі 20,6 пайызға өсіп, 13 индустриялық жоба іске асты. Мұнай қорының сарқылуы салдарынан 10 жыл бойы төмендеу тенденциясын көрсетіп келген өнеркәсіп өндірісі көлемі соңғы жылдары оң динамикаға шықты. Өңдеу өнеркәсібінің өсу қарқыны бойынша 2022 жылы республикада 11-орында болсақ, өткен жылдан бері өңдеуші өнеркәсіпті дамыту қарқыны бойынша республика өңірлері арасында 1-орындамыз.&nbsp; Құрылыс жұмыстарының көлемі 62 пайызға, оның ішінде тұрғын үйді пайдалануға беру 15,3 пайызға ұлғайды. Көлік саласының көрсеткіштері 3,3 пайызға, сауда 6,5 пайызға өсті. Өңірге шетелдік инвесторларды, озық технологияларды тарту бойынша белсенді жұмыс жүргізілуде. Қытай, Италия, Испания, Голландия, Корея, Өзбекстан, Ресей өкілдерімен сауда-экономикалық, ғылыми-техникалық, мәдени-гуманитарлық және инвестициялық жобаларды іске асыру туралы &nbsp;келісімдерге келдік. Биыл облыс экономикасына 559 млрд теңге инвестиция тартылды, оның 72 пайызы жеке инвестиция, өсім 20,5 &nbsp;пайызды құрады. Қазірдің өзінде межені артығымен орындадық. Президентіміздің, Үкіметтің ерекше қолдауының арқасында &nbsp;облыс бюджеті 750 млрд теңгеден асты, осыдан екі жарым жыл бұрын 364 млрд теңге болатын. Өсім 206 пайызды құрады. 2024 жылы Сыр өңірі республикада алдыңғы қатардан нық орын алып, байыпты бастамалар мен жүйелі жобалардың ордасына айналды.&nbsp; Жаңа жылда игі істеріміз жалғасып, кең байтақ елімізге молшылығы мен тоқшылығын, қасиетті жерімізге бақ-берекесін алып келсін, баршамызға жайлы, жақсылық пен ізгілікке, қуаныш пен шаттыққа толы жыл болсын!», - деді Н.Нәлібаев.Айта кетейік, Сыр өңірінде ауқымды инвестициялық жобалар жүзеге асырылуда.&nbsp; Мемлекет басшысының бастамасымен түркиялық инвестор "Акса Энерджи" компаниясы қуаты 240 мегаваттық жаңа жылу-электр орталығын салуда. Бүгінде инвестор құрылысқа 127 млрд теңгеден астам инвестиция салды.Мемлекет басшысының Катарға іссапары кезіндегі үкіметаралық келісім шеңберінде қуаттылығы 1100 МВт, құны 800 млрд теңге болатын бу-газ қондырғысын салу мәселесі шешілді. Бүгінде «Самұрық Энерго» компаниясы инвесторлармен келіссөздер жүргізіп, техника- экономикалық негіздеме әзірлеуде. Жаңа бу- газ қондырғылары Сырдария ауданының аумағына салынатын болады. Бұл жұмыстарға әкімдік 280 гектар жер бөлді. Аталған мега жобаны 2028 жылы аяқтап, іске қосу жоспарлануда. Қызылорда қаласын &nbsp;ыстық сумен қамту жөніндегі жоба аясында бірқатар тұрғын үйлер ыстық суға қосылды.Мемлекет басшысының тапсырмасымен ҚР Премьер-министрі Олжас Бектенов "Қорқыт Ата әуежайының" халықаралық стандарттарға сай жаңа терминалын салтанатты түрде ашты. Жобаны іске асыруға "Болат Өтемұратов қоры" 16 млрд 600 млн теңге инвестиция салды. Жергілікті бюджеттен инженерлік-коммуникациялық инфрақұрылымға 4 млрд. 300 млн теңгеден астам қаржы бөлінді.Білім, денсаулық пен спорт салаларында да жетістіктер жетерлік. Осы жылы жаңадан 3 мектеп, 5 мектептің жанынан қосымша құрылыс салынып, пайдалануға берілді. &nbsp;«Жайлы мектеп» ұлттық жобасы аясындағы 900 оқушыға арналған алғашқы &nbsp;білім ордасы облыс орталығынан ашылды. Қазіргі таңда ұлттық жобамен 6 000 орындық 9 мектеп, дарынды балаларға арналған физика-математика мектеп-интернаты, «Саутс Ойл» компаниясының демеушілігімен музыкалық колледждің жаңа ғимараты салынуда.«ҚазГермұнай» компаниясының демеушілігімен Қызылорда қаласында заманауи үлгідегі 350 орындық "Оқушылар сарайы" пайдалануға берілді. Биыл облыстық бюджет есебінен 8 мектеп ғимараты күрделі жөндеуден өтті. «Ауылда денсаулық сақтауды жаңғырту» ұлттық жобасы аясында барлық ауданда 27 дәрігерлік амбулатория салынып, ел игілігіне пайдалануға берілді.Жаңадан облыстық "Қан орталығы" салынды, 13 денсаулық сақтау нысаны күрделі жөндеуден өтті. Облыс тұрғындарының сұранысына сәйкес аймақтың барлық елді мекеніндегі денсаулық сақтау ұйымдарына 245 санитарлық автокөлік алынып, халыққа қызмет етуде. Облыс орталығында бір ауысымда 100 келушіге арналған емханасы, онкологиялық бөлімшесі бар 300 орындық көпбейінді аурухананың құрылысы жүруде.«Руханият жылы» аясында түрлі әлеуметтік нысандар салынып, ауқымды шаралар атқарылды.«Анаға тағзым», «Отбасы орталығы», көпфункционалды 1000 орындық «Өнер орталығы" салынып, жаңадан симфониялық оркестр, инклюзивті театр, жастар театры, заманауи би, хор ұжымдары жасақталды. Сыр мәдениетінің негізгі бренді – жыраулық дәстүр өкілдерінің "Жыраулар үйі" ашылды. &nbsp;Барлық ауданда ішінде неке қию залы, кітапхана, музей, архив, жастар, ардагерлер мен аналар үйі бар, құны 11 млрд 500 млн теңгені құрайтын «Руханият орталықтары" салынды. Қармақшы ауданындағы осындай орталық &nbsp;іске қосылды. Сондай-ақ, облыстық тарихи-өлкетану музейі, «Шығармашылық академиясы» бой көтеруде.Фото: Қызылорда облысы әкімінің баспасөз қызметі

 "Руханият жылы" қорытындыланды

<h2>Қаржы министрлігінің мемлекеттік кірістер комитеті мобильді аударымдарға лимит бойынша енгізілетін жаңа талаптар туралы айтып берді. Бұл туралы <a href="https://stan.kz/stan.kz">Stan.kz</a> ақпарат агенттігі хабарлайды.&nbsp;</h2>Фото: pixabay.comҚазір банктер үш ай ішінде әртүрлі тұлғалардан 100-ден астам аударым алған қазақстандықтар туралы мәліметтерді салық органдарына беруге міндетті. Мұндай кәсіпкерлер тауар немесе қызмет үшін заңсыз төлем алған болып есептеледі.Мемлекеттік кірістер комитеті тексеру критерийлері енді өзгеруі мүмкін екенін атап өтеді. Түзетуді ұлттық банк бекітіп жатыр."Бір жеке тұлғаның банк шотына қатарынан 3 ай ішінде 100 және одан да көп түрлі тұлғалардан жалпы сомасы 3 айлық жалақы мөлшерінен, яғни 225 мың теңгеден,&nbsp;асатын аударым қабылдаған&nbsp;тұлғаны тексеруді енгізу қарастырылуда”, –&nbsp;делінген ақпаратта.Осылайша, жаңа түзетулер&nbsp;күшіне енгеннен кейін қазақстандықтардың үш айдағы мобильді аударымдарының саны 100-ден асқан жағдайда ғана жеке тұлғалардың мобильді аударымдары тексерілетін болады. Түскен ақшаның жалпы сомасы 255 мың теңгеден аспауы&nbsp;керек.Айта кету керек, екінші деңгейлі банктер кәсіпкерлік қызметтен кіріс алу критерийлеріне жататын жеке тұлғалар туралы ақпарат беруге міндетті.Банктер операцияларды есепке алуды және олар белгіленген өлшемдерге сәйкес келетін болса, мемлекеттік кірістер органдарына мәліметтерді ұсынуға міндетті.Заңға сәйкес, кәсіпкерлік қызметпен тіркеусіз айналысатын барлық жеке тұлғалар жазаланады. Айыппұл&nbsp;15 АЕК (2024 ж. 55 380 теңге), бір жыл ішінде қайталап бұзу 30 АЕК (110 760 теңге) мөлшерінде.Қазақстанда мобильді аударым арқылы қанша кәсіпкердің салықтан жалтарғаны әзірге белгісіз. Мемлекеттік кірістер комитеті бұл ақпаратты банктерден 2025 жылы алатынын атап өтті.Еске салсақ,&nbsp;БАҚ-та қазақстандықтардың картадан картаға жасалатын аударымдарға&nbsp;12% мөлшерінде&nbsp;қосымша&nbsp;құн салығы салынатыны туралы ақпарат тарады. Мұндай норма&nbsp;жаңа Салық кодексінің жобасында бар екені айтылған. Жағдайға қатысты <a href="https://stan.kz/kartadan-kartaga-zhasalatin-audarimdarga-salik-salinadi-410448/">Ұлттық экономика министрлігі </a>түсініктеме берген еді.

Қазақстанда 225 мың теңгеден асатын аударымдар тексеріледі

<h2>2025 жылы "Отбасы банкі" исламдық ипотеканы іске қосады. Бұл туралы <a href="https://stan.kz/">Stan.kz</a> ақпарат агенттігі хабарлайды.</h2>Фото:&nbsp;Shutterstock"Отбасы" банкі, Қазақстан құрылысшылар одағы және Исламдық қаржы және бизнес қауымдастығы (AIFB) исламдық қаржы индустриясын дамыту туралы меморандумға қол қойды", –&nbsp;деп хабарлады ұйымның баспасөз қызметі.Тараптар ең алдымен қазақстандық заңнамаға өзгерістер енгізу және исламдық қаржыландыру саласында бірлескен оқыту семинарлары мен вебинарлар өткізу мүмкіндіктерін зерттейді."Қазақстанда ислам ипотекасына сұраныс өте жоғары. Діни қағидаларды ұстанатын азаматтарымыз өсімге ақша алмайды. Бірақ оларға да&nbsp;жеке баспана қолжетімді болуы қажет. Біз бір қоғам, бір мемлекетпіз, бізде діни сенім бостандығы бар. Сондықтан біз діни сеніміне байланысты баспаналы бола алмай жүргендерге қолдау көрсетпекпіз. 2025 жылы алдымызға исламдық ипотеканы іске қосу бойынша жұмысты бастау міндетін қойдық.&nbsp;Бізде ислам ипотекасы қарастырылмаған тұрғын үй құрылыс жинақтары туралы заң бар. Ислам ипотекасы бойынша заңнамалық бастамалар заңда "исламдық терезе" деп аталатын жеке бөлімді құруға көмектеседі және ислам ипотекасын алу үдерісін сипаттайды", –&nbsp;деді банк басшысы Ләззат Ибрагимова.Исламдық ипотекада негізгі қарызға сыйақы төлеу мүмкін болмағандықтан, "Отбасы Банкі" тұрғын үй құрылыс жинақ жүйесі арқылы үйді қалай сатып алуға болатынын нақты қарастырады.Сондай-ақ "Отбасы Банкі" CSQlaw Kazakhstan Branch малайзиялық компаниясының филиалымен меморандумға қол қойды. Компания "Отбасы Банкі" қызметкерлері үшін исламдық қаржыландыру және шариғатқа сай қаржылық заңнама негіздері бойынша кешенді оқытуды ұйымдастырады.Еске салсақ, бұған дейін&nbsp;Қазақстанда&nbsp;<a href="https://stan.kz/kazakstanda-zhana-islamdik-ipoteka-bagdarlamasin-engizu-406925/">исламдық ипотека бағдарламасын енгізу</a>&nbsp;ұсынылған еді.&nbsp;

2025 жылы "Отбасы банкі" исламдық ипотеканы іске қосады

<h2>Отандық “Qazaq Air” компаниясының акцияларын&nbsp;вьетнамдық консорциум сатып алды.&nbsp;Бұл туралы<a href="https://stan.kz/">&nbsp;Stan.kz</a>&nbsp;ақпарат агенттігі хабарлайды.&nbsp;</h2>Фото:&nbsp;t.me/samrukkazynaofficial/6195?single"Самұрық-Қазына" компаниясы "QAZAQ AIR" АҚ акцияларын сатып алу-сату бойынша инвесторлар консорциумымен келісімшартқа қол қойылғанын мәлімдеді.&nbsp;“Qazaq Air“&nbsp;АҚ-ны бәсекелі ортаға беру аясында "Самұрық-Қазына" АҚ, "Central Asia Aviation Holdings Limited" консорциумы (вьетнамдық Sovico Group құрамына кіреді) және "Kazasia Holdings Limited" компаниясы арасында міндетті транзакциялық құжаттар пакетіне, соның ішінде сатып алу-сату келісімшартына қол қойылды”, –&nbsp;делінген хабарламада.Айта кетейік,&nbsp;Kazasia Holdings Limited – серіктестік орнату үшін және Qazaq Air-ды "Самұрық-Қазына" АҚ-мен бірлесіп басқару үшін Sovico Group ұсынған қазақстандық компания.&nbsp;<blockquote>“Келісімшарт талаптарына сәйкес, инвесторлар қызмет тиімділігін арттыру мен ұзақ мерзімді тұрақтылықты басты назарға ала отырып, Qazaq Air-дың стратегиялық трансформациясы мен дамуына ықпал етеді.&nbsp;Аталған шаралар аясында, алдағы бірнеше жылда Qazaq Air&nbsp;әуе паркін Boeing 737 Max 8 немесе Airbus A321 үлгісіндегі 20 ұшаққа дейін ұлғайту жоспарланды”,&nbsp;–&nbsp;деп мәлімдеді компания.</blockquote>Компания осылайша,&nbsp;Qazaq Air&nbsp;активтерінің құнын едәуір арттырып, Орталық Азияның жетекші әуе компаниясы ретіндегі рөлін нығайтпақ. Екі тарап жасаған мәміле жабық болып есептеледі. Компания&nbsp;акциялар барлық тараппен мақұлданған алдын ала шарттар орындалғаннан кейін ғана инвесторлардың меншігіне берілетінін ескертті.&nbsp;Өткен жылдың күзінде Қарабаев Qazaq Air мен Ақтөбе әуежайын<a href="https://stan.kz/qazaq-air-aue-kompaniyasin-vetnamdik-sovico-group-kompa-400680/">&nbsp;вьетнамдық SOVICO Group сатып алуы мүмкін екенін</a>&nbsp;айтқан. Министр әуетасымалдаушының сметалық құнын 10 миллиард теңге деп атады. 2024 жылдың көктемінде президент Қасым-Жомарт Тоқаев әуе компаниясының вьетнамдық инвесторларға сатылатынын растады.2 миллиард теңге болатын транзакция сомасына қосымша инвестор Qazaq Air әуе компаниясының&nbsp;миллиардтаған долларлық қарызын өтеуге (2033 жылға дейін) және 50 Boeing және Airbus ұшағын сатып алуға міндеттелді. Тікелей инвестицияның жалпы көлемі 1 миллиард доллардан асуы керек. Бұл Qazaq Air-дің бәсекеге қабілетті және тартымды компания болуына мүмкіндік береді.Qazaq Air әуе компаниясы 2015 жылы құрылған. 2022 жылы&nbsp;авиакомпания 6,6 миллиард теңге шығынға ұшыраған&nbsp;(өсім 2,1%). Qazaq Air табысы 2021 жылы 12,8 миллиард теңгемен салыстырғанда 20,4 миллиард&nbsp;теңге, EBITDA – 3,9 миллиард (0,5 млрд теңге) теңге болды.&nbsp;

Қазақстанның әуекомпаниясын вьетнамдық бірлестік сатып алды

Фото: Жалағаш ауданыАудан әкімі Ардақ Ибраимов Жалағаш ауданы жастарының қорытынды шарасына қатысты. Жастар саясатының жүзеге асуына сүбелі үлес қосып, қоғамның қозғаушы күшіне айналған бүгінгі бастамашыл буынды жаңа жыл мерекесімен құттықтап, белсенді жастарға құрмет көрсетті.Салтанатты шарада білім, денсаулық, мәдениет, спорт, ауыл шаруашылығы, кұқық қорғау, кәсіпкерлік салаларынан және ерікті жас, үздік оқушы мен өнертапқыш жастар дәстүрлі «ЖАЛЫН» жастар сыйлығының VII толқынына топтасты.«Ауданда мемлекеттік жастар саясатын жүзеге асыру мақсатында бірқатар жұмыстар жүзеге асырылып келеді. Қазіргі таңда аудандағы жалпы жастар саны 10 866 болса, бұл аудан халқының 30,1 пайызын құрайды.2024 жылы мемлекеттік жастар саясатын қаржыландыруға жергілікті бюджеттен 20 млн. 389 мың теңге қаржы бөлінді. Сонымен қатар, жастарды дамыту мен қолдауға мемлекеттік әлеуметтік тапсырыс шеңберінде 4 жобаны жүзеге асыруға жергілікті бюджеттен 10 млн. 692 мың теңге қаржы қаралды.Волонтерлік қызмет көрсету бойынша «Jalyndy jas» еріктілер мектебінің жұмысы жыл санап өз маңыздылығын көрсетуде.Бүгінгі күнге дейін еріктілер Азаматтық бастамаларды қолдау орталығының бастамашыл топтарды және еріктілерді қолдауға арналған шағын гранттарын жеңіп алу арқылы аудан жастары 3 Coworking орталығы 3 спорттық үйірме, ерекше балаларды қолдау бағытында 2 мекемеге материалдық демеушілік жасалды.Жалағаш аудандық жастар ресурстық орталығы алдағы уақытта ауданымызда жаңадан салынып жатқан «Руханият» орталығына орналасатын болады. Бұл өз кезегінде жастардың кең көлемде жұмыс жасауына өз септігін тигізеді», – деді аудан әкімі Ардан Ибраимов.

Жалағаш ауданы әкімінің «ЖАЛЫН» жастар сыйлығы табысталды

Шиелі кентінде орналасқан №252 Г.Ковтунов атындағы мектеп-гимназия жанындағы қосымша оқу ғимараты ұстаздар мен шәкірттер игілігіне берілді. &nbsp; Салтанатты ашылу рәсіміне аймақ басшысы Нұрлыбек Нәлібаевтың тапсырмасы бойынша «Аманат» партиясы облыстық филиалының төрағасы Алмасбек Есмаханов қатысты.&nbsp; «Мемлекет басшысы Қасым-Жомарт Кемелұлы Тоқаев республикалық педагогтер съезіндегі баяндамасында &nbsp;«Мектептегі орын тапшылығын жою – өте маңызды міндет. Адам капиталы – ең басты байлық. Елімізде жыл сайын 400 мыңнан астам бала дүниеге келеді. Демек, мектепке баратын бүлдіршіндер саны артады. Оқушылардың да жалпы саны екі есе көбейеді деп жоспарланып отыр.&nbsp; Бұл – әрине, қуантарлық жайт. Алайда демографияның өсу қарқыны білім беру жүйесіне үлкен салмақ түсіреді. Қазірдің өзінде мектеп тапшылығы ең өзекті мәселенің бірі болып отыр. Оның бәрін жоспарлы түрде шешуіміз қажет» деген болатын.&nbsp; Осы талап үдесінен шығу үшін Президентіміздің, Үкіметтің ерекше қолдауының арқасында, облыс әкімінің бастамасымен Сыр өңірінде соңғы жылдары байыпты бастамалар қолға алынып, ауқымды жобалар жүзеге асты.&nbsp; Бүгін міне, облыстық бюджеттің 625,6 млн теңге қаржысына салынған №252 мектеп-гимназия жанындағы 375 орындық қосымша оқу ғимаратының ашылу салтанатына жиналдық.&nbsp; Аймақ басшысының бастамасымен оқушыларға жайлы жағдай жасау үшін үш ауысымдық оқытуға көшуі мүмкін мектептердің сыйымдылық қуаттылығын арттыру қолға алынды. Бұның барлығы жас ұрпақтың игілігі үшін жасалуда. Шәкірттерге сапалы білім мен саналы тәрбие беру басты мақсат болып қала бермек. Ғасырдан астам &nbsp;тарихы бар, іргелі оқу ордасы еліміздің, аймағымыздың өркендеуіне қызмет ететін азаматтарды тәрбиелеп, қанат қақтыратынына сенім мол, –деді филиал төрағасы.&nbsp; Еске салайық, өткен жылы облыс орталығындағы 4 мектептің орын тапшылығы мәселесін шешу үшін 1 850 орынға арналған қосымша ғимараттар салынды. Сондай-ақ, өңірде «Жайлы мектептердің» құрылысы қарқынды жүргізілуде.&nbsp; Салтанатты ашылу рәсімінде Шиелі ауданының әкімі Айтбай Жандарбеков білім сапасын арттыруға бағытталған бірқатар жобаларға тоқталып, оқушылардың қолайлы ортада білім алуы үшін аймақ басшысының көрсеткен қолдауын ерекше атап өтті.

Шиелі ауданында қосымша оқу ғимараты ел игілігіне табысталды

Ұлттық тасымалдаушының пойыздарында Жаңа жылды шамамен 60 мың жолаушы қарсы алады, деп хабарлайды&nbsp;<a href="https://egemen.kz/">Egemen.kz</a>.Фото: freepik.comОсы мерекелік күні жолаушылар арасында ең танымал бағыттар: Астана – Алматы, Астана – Шымкент, Алматы – Шымкент, Астана – Семей, Алматы – Семей.«Жолаушылар тасымалы» мәлім етуінше Жаңа жыл түні Қазақстан бойынша вокзалдарда 47 кассир кезекшілік етеді. Ал пойыздарда 73 пойыз бастығы мен 1774 жолаушылар вагонының жолсерігі, жалпы саны 115 пойыз бригадасы қызмет көрсетеді.2025 жылды шамамен 60 мың жолаушы пойызда қарсы алады.

60 мың жолаушы Жаңа жылды пойызда қарсы алады

Қармақшы ауданының әкімі Жандос Еркінбек Жаңа жыл мерекесі қарсаңында елді мекендердегі бірқатар ардагерлердің шаңырағында болып, мерейлі мерекемен құттықтады.Сондай-ақ, аймақ басшысы Нұрлыбек Машбекұлының мерекелік құттықтауын жеткізіп, Сыр өңірінің әлеуметтік-экономикалық дамуына қосқан сүбелі үлестері үшін Қызылорда облысының «Құрмет грамотасын» табыстап, сый-сияпат жасады.Ардагерлер өз кезегінде көрсетілген құрметке ризашылықтарын білдіріп, арнайы келген азаматтарға батасын беріп, ауданның одан әрі өркендеуі мен өңір тұрғындарының әл-ауқатының артуына шын жүректен тілектестігін білдірді.Фото: Қармақшы ауданы әкімдігі

Ардагерлерге облыс әкімінің құттықтауы табысталды

Қазақстанда&nbsp;заңнамалық&nbsp;жаңалықтар&nbsp;күшіне&nbsp;енді.&nbsp;Біріншіден,банк&nbsp;омбудсменінің&nbsp;өкілеттіктері&nbsp;едәуір&nbsp;кеңейтілді.&nbsp;Екіншіден,&nbsp;елімізде&nbsp;алғаш&nbsp;рет&nbsp;микроқаржы&nbsp;омбудсмені&nbsp;институты&nbsp;құрылды.Fingramota.kz&nbsp;бұл&nbsp;туралы&nbsp;толығырақ&nbsp;баяндайды.2024 жылдың маусым айында Мемлекет басшысы «Қазақстан Республикасының кейбір заңнамалық актілеріне несие беру кезіндегі тәуекелдерді азайту, қарыз алушылардың құқықтарын қорғау, қаржы нарығын реттеу және атқарушылық өндірісті жетілдіру мәселелері бойынша өзгерістер мен толықтырулар енгізу туралы» заңға қол қойды. Бұл құжат қазақстандық қарыз алушылардың құқықтарын қорғау мақсатында ҚР Қаржы нарығын реттеу және дамыту агенттігімен әзірленді.Заңды жүзеге асыру үшін тамыз айында реттеуші келесі шешімдерді дайындады:- Банк омбудсменін сайлау, өкілеттігін мерзімінен бұрын тоқтату және қызметін жүзеге асыру қағидалары;- Микроқаржы омбудсменін сайлау, өкілеттігін мерзімінен бұрын тоқтату және қызметін жүзеге асыру қағидалары.Бұл түзетулер 2024 жылдың 21 желтоқсанынан бастап күшіне енді.Осылайша, банктермен немесе микроқаржы ұйымдарымен даулар туындаған қарыз алушылар кредиттік ұйымдармен келісімге келе алмаған жағдайда, мәселелерін банк немесе микроқаржы омбудсмендерінің көмегімен шеше алады.Банк&nbsp;омбудсмені&nbsp;деген&nbsp;кім?Банк омбудсмені – бұл өз қызметінде тәуелсіз тұлға, және заң бойынша банктер оның шешімдерін орындауға міндетті. Қазіргі уақытта ол қарыз алушы жеке тұлғалар мен банктер арасындағы ипотекалық қарыз шарттары бойынша дауларды сотқа жеткізбей шешеді. Омбудсменнің өкілеттіктері «Қазақстан Республикасындағы банктер және банк қызметі туралы» заңда көрсетілген.Банк омбудсмені кеңсесінде азаматтар несие түрлері және банк өнімдері бойынша кеңес ала алады. Осылайша, банк омбудсмені қарыз алушылар мен банктер арасында ымыраласуға көмектесетін делдал ретінде қызмет етеді. Ол банктің ипотекалық қарыз шартының талаптарын немесе заңды бұзған жағдайда көмектеседі. Мысалы, егер банк ипотека бойынша пайыздық мөлшерлемені көтеріп, ай сайынғы төлеміңізді көбейтсе немесе қаржылық қиын жағдайда банк омбудсмені әрекет ету алгоритмін ұсына алады.Оның&nbsp;өкілеттіктері&nbsp;қалай&nbsp;кеңейтілді?Бұл туралы банктік омбудсмен Дархан Нұрпейісов айтып берді. Оның айтуынша, 2011 жылдың ақпанынан 2024 жылдың 21 желтоқсанына дейін банктік омбудсменнің өкілеттіктері тек қана ипотекалық несиелер бойынша, яғни кепілмен қамтамасыз етілген несиелер бойынша келіспеушіліктерді реттеумен шектелді. Бұл шешім сол жылдардағы мәселелермен байланысты болды: 2008 жылғы дағдарыстан кейін қарыз алушылар доллар бағамының өсуіне тап болып, несиелік міндеттемелерін орындау қиынға түсті. Сонымен қатар, жылжымайтын мүлік бағасының айтарлықтай төмендеуі байқалды, бұл қарыз алушылардың жылжымайтын мүлікті сату кезінде банктермен толық есеп айырыса алмауына әкелді.«Алайда соңғы жылдары, реттеу шараларын енгізу және ипотекалық тұрғын үй несиелерін қайта қаржыландыру мемлекеттік бағдарламасын іске асыру арқасында ипотекалық несиелермен байланысты мәселелер саны азайды. Бұл статистикада да көрініс тапты: ипотекалық несиелер бойынша өтініштердің үлесі жалпы сұраулардың 30%-нан аспады, ал шағымдардың негізгі бөлігі кепілсіз тұтынушылық несиелерге қатысты болды. Мұндай жағдайларда қарыз алушылар тек кеңес ала алатын, өйткені олардың істері біздің құзыретімізге кірмейтін», - деп түсіндірді Дархан Нұрпейісов.Осыны ескере отырып, Қаржы нарығын реттеу және дамыту агенттігі банктік омбудсменнің өкілеттіктерін банктік несие шарттары бойынша барлық келіспеушіліктерге кеңейтуді шешті. Бұл ипотекалық шарттарды, автонесиелеу шарттарын және азаматтардың тұтынушылық несиелерін қамтиды.Осылайша, 2024 жылдың 21 желтоқсанынан бастап банктік омбудсмен жеке тұлғалардың барлық банктік несие шарттары бойынша келіспеушіліктерді қарауға және қарыз шарты тапсырылған банктер мен коллекторлық агенттіктер үшін міндетті шешімдер қабылдауға өкілетті.Сонымен бірге, банктік омбудсмен тек сотқа дейінгі кезеңдегі өтініштерді қарастырады. Егер сот шешімі шығарылған болса, атқарушылық жазба бар немесе талап арыз берілген жағдайда, мұндай өтініштер қарауға қабылданбайды.«Банктік омбудсменнің өкілеттіктерін кеңейту банктік қызметтерді пайдаланушыларға өздерінің келіспеушіліктерін шешуде қолжетімділікті арттырады, бұл клиенттердің банк жүйесіне деген сенімін нығайтады. Банктер мен олардың клиенттері арасындағы келіспеушіліктердің сотқа дейінгі сатыда шешілген саны артады деп күтілуде, бұл қоғамдағы әлеуметтік шиеленісті төмендетеді. Сонымен қатар, қаржы реттеушісіне және сот органдарына түсетін жүктеме азаяды, өйткені оларға келіп түсетін шағымдар саны қысқарады», - деп атап өтті Дархан Нұрпейісов.Сонымен қатар, көптеген банк клиенттері ұзақ және шығынды сот процесінен босатылады, өйткені банктік омбудсменнің қызметтері тегін болып табылады.Банктік&nbsp;омбудсмен&nbsp;қандай&nbsp;өтініштерді&nbsp;қарамайды?Егер қарыз алушының банкке жүгінгендігін растайтын жазбаша дәлелі болмаса, онда банктік омбудсменге жүгінудің қажеті жоқ. Омбудсмен сотпен қаралып жатқан немесе заңды күшіне енген сот шешімі бар өтініштерді, сондай-ақ жаңа мән-жайлар болмаған жағдайда қайта бағытталған өтініштерді қарамайды.<figure class="image"><img src="https://knadmin.beoblood.kz/uploads/fin1_0f392cf0d8.png" alt="фин1.png"></figure>Банктік омбудсменге қалай жазылуға болады?Банктік омбудсменнің кеңсесіне мына мекенжай бойынша жүгінуге болады: Алматы қ., Айманов көшесі, 124, 301-кеңсе. Алдын-ала қабылдауға мына телефондар арқылы жазылу қажет: +7 (727) 261-22-16, +7 (727) 983-30-16, +7 (708) 983-30-16 немесе электрондық пошта арқылы: office@bank-ombudsman.kz.Сондай-ақ банктік омбудсменнің ресми сайты арқылы қабылдауға жазылуға болады: https://www.bank-ombudsman.kz/ndoc. Бұл жерде басқы бетте үш опция бар: «Өтініш беру», «Қабылдауға жазылу», «Пікір қалдыру».Егер қажет болған жағдайда банктік омбудсмен өтініштерді оқиға орнына шығып немесе онлайн режимде кездесулер өткізе отырып қарастыра алады.Микроқаржылық омбудсмен деген кім?Микроқаржылық омбудсмен – бұл өзінің қызметінде тәуелсіз тұлға, қарыз алушылар мен микроқаржы ұйымдары (МҚҰ) арасында делдалдық жасайтын маман. Ол микрокредит беру шарттарына байланысты туындайтын барлық мәселелерді шешумен айналысады. Микроқаржылық омбудсменге тек МҚҰ клиенттері – жеке тұлғалар жүгінуге құқылы, және оның көмегі де тегін көрсетіледі. Қазақстанда микроқаржылық омбудсмен міндетін Назгүл Естеусізова атқарады.Микроқаржылық омбудсменнің алдында микроқаржы ұйымдарының клиенттерінің құқықтарын қорғауды қамтамасыз ету және қарыз алушылар мен микроқаржы ұйымдары, коллекторлық агенттіктер арасындағы дауларды шешуге жәрдемдесу міндеттері тұр. Микроқаржылық омбудсменнің шешімдері микроқаржы ұйымдары мен коллекторлық агенттіктер үшін міндетті болып табылады.Микроқаржылық омбудсмен қандай өтініштерді қарамайды?Микроқаржылық омбудсмен келесі жағдайларда өтініштерді қарамайды:- егер өтініш сотпен қаралып жатса немесе заңды күшіне енген сот шешімі болса;&nbsp;- егер қарыз алушы мәселені реттеу үшін МҚҰ немесе кредиттік шарт бойынша құқық (талап) берілген тұлғаға жүгінгендігін растайтын жазбаша дәлелдемелер ұсынбаса;- егер жаңа мән-жайлар болмаған жағдайда өтініш қайта бағытталса.<figure class="image"><img src="https://knadmin.beoblood.kz/uploads/fin2_007e79bd4d.png" alt="фин2.png"></figure>Микроқаржылық омбудсменге қалай жазылуға болады?Микроқаржылық омбудсменнің кеңсесіне келесі мекенжай бойынша жүгінуге болады: Алматы қ., Мыңбаев көшесі, 53, 320-кеңсе. Алдын-ала қабылдауға мына телефондар арқылы жазылуға болады: +7 (727) 338-22-44, +7 (727) 338-22-25 немесе электрондық пошта арқылы: info@mfombudsman.kz.Сонымен қатар, микроқаржылық омбудсменнің ресми сайты арқылы қабылдауға жазылуға болады: https://mfombudsman.kz/.Айта кетейік, микроқаржылық омбудсмен де банктік омбудсмен сияқты кездесулерді офлайн немесе онлайн форматта өткізе алады.&nbsp;Қарыз&nbsp;алушыларға&nbsp;тағы&nbsp;нені&nbsp;білу&nbsp;керек?Егер қарыз алушылар банктік омбудсменнің немесе микроқаржылық омбудсменнің шешімдерімен келіспесе, олар кредиттік ұйыммен дауды сот арқылы шеше алады. Сотқа жүгінген кезде омбудсменнің шешімін басқа құжаттармен бірге қосу қажет.Сондай-ақ, банк, МҚҰ немесе коллекторлық агенттік омбудсменнің шешімін елемеген немесе оны белгіленген мерзімде орындамаған жағдайда, қарыз алушы омбудсменге қайта жүгінуіне болады. Алайда, заңнамалық өзгерістер енгізілгеннен кейін, кредиттік ұйымдар мен коллекторлық агенттіктер клиенттермен дауларды омбудсменнің шешіміне дейін реттеуге мүдделі.Егер банктік немесе микроқаржылық омбудсмен қаржы қызметтері пайдаланушысының құқықтарын бұзса, мысалы, банктік құпияны ашса, сіз омбудсмендердің әрекеттеріне немесе әрекетсіздігіне шағымдана аласыз. Ол үшін Қаржы нарығын реттеу және дамыту агенттігіне жүгіну қажет:&nbsp;- жазбаша түрде мына мекенжай бойынша: А15С9Т5, Алматы қ., Көктем-3 ықшам ауданы, 21-үй;- E-Otinish жүйесі арқылы;- аумақтық тиесілігі бойынша аймақтық өкілдер басқармалары арқылы.Кеңестерді келесі байланыс арқылы алуға болады: Қаржы нарығын реттеу және дамыту агенттігінің call-орталығы: +7 (727) 237 1000 немесе «Fingramota Online» мобильдік қосымшасы арқылы.Қаржылық сауаттылығыңызды бізбен бірге арттырыңыз!

Проблемалы несиелер: банк және микроқаржы омбудсмендеріне жүгініңіз  

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде Әбдіжәміл Нұрпейісовтің 100 жылдық мерейтойы аясында өткізілген қазақ тілі мен әдебиеті пәні мұғалімдерінің аудандық олимпиада жеңімпаздарын марапаттау рәсімі өтті.Ізденімпаз, шығармашылық белсенділігі жоғары, жеңіс тұғырына шыққан жүлдегерлерді ұлықтау мақсатында өткен танымдық шараға аудан әкімі Аманжол Оңғарбаев арнайы қатысып, барша аралдықтарды мерекемен құттықтап, білім саласындағы нәтижелі жетістіктерге тоқталды. Пәндік олимпиадалардың маңыздылығын айшықтап, жетістікке жеткен ұстаздар қауымына ризашылығын білдірді.<blockquote>– Қадірлі ұстаздар, құрметті білім додасының майталмандары! Біз білім саласындағы маңызды шаралардың бірі – аудандық пәндік олимпиаданың қорытынды марапаттау кешіне жиналып отырмыз. Бұл кеш – білімнің, еңбекқорлықтың, табандылықтың және шығармашылықтың жеңісі болып табылады. Алдымен Өздеріңізді санаулы күндерден соң төрімізге енгелі тұрған 2025 жылмен құттықтаймын! Жаңа жыл әр шаңыраққа бақ-береке әкелсін! Жетістіктеріңіз көп болсын! Жыл соңындағы қорытынды кеш осы жыл бойы маңызды бастама ретінде қолға алынып, пәндік олимпиада бойынша өрбіген сайыстардың баршасы Әлемге әйгілі классик жазушы, жазу өнерінің өресі биік өр тұлғасы Әбдіжәміл Нұрпейісовтің 100 жылдық мерейтойымен ұштасты. Біз Әбенің 100 жылдық мерейтойын лайықты деңгейде өткердік. Түрлі танымдық шаралар ұйымдастырып, жас буынға рухани құндылық сыйлаған барлық шараның өз мәнінде өтуіне Сіздердің де қалдырған қолтаңбаларыңыз ерекше болды. Келер жылы қолға алған әрбір бастамаларыңыз сәтті жүзеге асып, зерделі де зерек, білімді де білікті маман болыңыздар! Марапаттарыңыз бен барша жетістіктеріңіз құтты болсын, - деді аудан әкімі Аманжол Сақыпұлы.</blockquote>Шара барысында қазақ тілі мен әдебиеті пәні мұғалімдерінің аудандық олимпиада жеңімпаздары марапат төрінен табылып, оларға арнайы дипломдар мен бағалы сыйлықтар табысталды. Салтанатты шарада «Аманат» партиясы Арал аудандық филиалының төрағасы Базарбай Шөменұлы өзінің ізгі лебізін білдіріп, білім додасында басқалардан бәсі биік өзге де қатысушыларды ынталандыру сыйлықтарымен марапаттап, үздіктерге ерекше құрмет көрсетті.Ұстаздар қауымының көңілін шаттандырған тағылымды шарада Қазақстан Журналистер одағының мүшесі, ақын Ж.Жақып, ардагер ұстаз, «Үміт Арал» газетінің редакторы Е.Абдулла және жас ақындардың бірі Д.Аманжолұлы Әбе болмысына арнаған арнау өлеңдерін жиналғандар назарына ұсынды.Тағылымды шара түрлі жанрдағы концерттік бағдарламамен түйінделді.

Архив